الزنبقة الفضية

حصـــريا على SWI spicy 🌶

الـــزنبــقة الفــضية 🤍

SOUKAINA SLIMANI

في الثواني التي التقت فيها عيوننا . . في مدة ضحلة من عمر الوقت . حدث شيء ما . . انهمرت على إثره ذكرياتي . . وشعرت لوهلة . . أنني أريد إخبارك عن كل شيء حدث معي . . كل التفاصيل الصغيرة التي تنبض تحت جلدي . . كل الليالي التي أرقتني . . أردت إخبارك عن كوابيسي التي أعيد خوضها مرة بعد أخرى في منامي المضطرب . . شعرت بعطش للثرثرة عن أصدقائي الذين تغيروا على مدى السنين . عن أخطائي التي أعددها كل مساء حتى يسلبني النعاس القدرة على التفكير . عن قائمة أمنياتي الا الآخذة . في الازدياد

أردت أن أخبرك عن كل القرارات السخيفة التي اتخذتها في غمرة حماسي وكانت وبالاً علي .. أن أشتكي من حيرتي الدائمة . . وإحباطي من الطريق الذي يسير إليه العالم . . أردت أن أحكي لك الكثير عن الحياة و الشعر وكتبي المفضلة والأفلام التي تبكيني وتضحكني عن آرائي التي لا تهم أحداً .. وقصائدي التي لا زلت أكتبها بارتباك مراهق ليس متأكدا من أي شيء ” . . عن مزاجي الذي يشبه قطارا مجنونا في صعوده وهبوطه . وتوتري في التجمعات الكبرى . . أردت . . في ذلك الطريق الضحل من عمر الوقت . . أن نمشي قليلا ونتحدث كأعز الأصدقاء . . سأفعل كل هذا لكن ….ضعي أظافرك الحمراء .. في عنقي ولا تكوني معي شاة .. ولا حملا وقاوميني ، بما أوتيت من حيل إذا أتيتك كالبركان مشتعلا ….دعيني أقبل الشفاه التي تعصي .. وأسوأها تلك الشفاه التي دوماً تقول بلى….

كانت الشتاء خيط من السماء او لبرق كيضرب او عاطي نور فارجاء الحلبة د المصارعة لي كلشي مجمع عليها رجال او مراهقين او دراري صغار متشردين هاد الحلبة ماشي قانونية و انما لي بغا يربح لفلوس كيجيب اقوى المصارعين او يراهن عليه فاي لحظة اقدر اموت واحد فيهم بلا شفقة بلا رحمة او حتى واحد مايمكن ليه اهضر لان “الكاريان” مافيهش القانون او مافيهش الرحمة كان صوت المشجعيين او الهتاف د الرجال سكرانة او نظرات الخوف ديال الدراري كيشوفو ابشع المناظر ديال جوج كيضاربو ف قفص مسدود ماكايخرج منو غير لي قتل …

….وافييين العشييير واتا شوووف الوحش غادي يقتلووو

الشاگمة: (كان واقف كيشوف بنظرات استهزاء او الشتاء كطيح ليه على وجهو او جاوب بصوت يكاد يسمع) الوحش ايقتل او غادي يتقتل هاد الليلة

….نتخاطرووو ب 200 درهم

الشاگمة: (شاف فيه بقوة) خليها 400 درهم

…مشااات هههه ماتقوليش نتا لي اتقتلو بهاد الكسدة خخخخخ

الشاگمة:(تبسم ) ماشي انا ولكن (شاف فنقطة بعيدة او هضر مع راسو ) هي لي اتقتلو

اه هي لي اتقتلو او اتربح المباراة او تاخد الفلوس ..واقفة بكل ثقة لابسة قبية كحلة او دايرة شعر مستعار بحال ديال دراري عينيها الخوضر مافيهم حتى تعبير كتشوف فالحلبة كيفاش الوحش قدر اقتل الخصم ديالو او يلوحو بعيد ابتسمت بمكر او غمضات عينيها او نطقات ببعض الكلمات او هي متوجهة للحلبة

حنان: احيانا شهادة وفاة احدهم تكون شهادة ولادة اخر…

حلات الباب ديال القفص تحت أعين الحكم او الناس لي كيتفرجو او ايضا تحت انظار الوحش لي راه فعلا وحش غليض بنية ديالو قوية ماكايعرفش الرحمة بقات كتشوف فيه او كتحرك فالحلبة او حيدات القبية الكحلة بقات بالفاصمة لي ملفوفة على الجسم ديالها مغطية بيها المفاتن ديالها حتى واحد ماعارفها بنت منهار بدأت كتقاتل فالحلبة حتى واحد ماعارف بلي سميتها حنان من غير الشاگمة لي عارف الحقيقة ديالها اما الباقي كيعرفوها باسم الزوبير لي مكيخسر حتى مباراة او ديما رابح واخا البنية ديالها الرقيقة الى أن عضمها صحيح فورما دخلات مابقا حتى واحد كيهتف باسم الوحش كلشي تقلب كينطق بالزوبير الشيء لي عصب الوحش او نقض عليها باللكمات لوجهها كيضربها بكل وحشية او كيركل فيها او هي كتحاول تحمي راسها او كتحس بالم كبير فلحظة ضورات رجلها على عنقو او قلباتو لتحت او بقات كضرب فيه بكل هستيرية او كتغوت فجأة عوجلها يدها حتى طرطقات و لاحها بعيد او نقز عليها حتى غوتات بحر الالم او غيبات او ناض الوحش كيغوت فوجه كل واحد كيتفرج

الوحش: كاااااااين بطللل واااحد هووو الوووحش الوحش الوحششش هاهاهاها (طلع الوحش راسو للفوق او بقا كيضحك)

….واشتي العشيري ها زوبيير ماات او هاني غلبتك يالاه طلق 400 درهم

الشاگمة:(خنزر فيه او مشا كيهضر مع حنان تهت السياج لي كيفصل بيناتهم) الزوووبييير نوووض نوووض نتا مايمكنش لييك تغلب هاكااا نوووض قتلووووو نووض على قبل باك لي مات فهاد البلاصة على قبل ختك لي كتقراا نوووض

حنان:(كانت كتسمع كل كلمة كيقولها الشاگمة او عينيها فيهم الدموع حيت فهاد البلاصة مات باها فهاد البلاصة شافتو كيتقتل او ماقدرات دير حتى حاجا كانت طفلة من تماك قررات تقاتل او تعييش على قبل باها او تحقق الحلم ديالها بقات كتكح او كتلوى بلاصتها او ناضت بشكل متعب كتشوف فالارض او الدم دايز من نيفها او وجها كاملو كدمات شادة فيدها لي تضربات او كتشوف فالوحش بتعابير كره )

شاگمة: (بفرحة )هاادااا هو الزوووبييير لي كنعرف

كلشي وقف من الهتاف مصدومين كيشوفو فالزوبير او الوحش دار كيشوف فيها او هي كترجف

حنان:(كتهضر مع راسها) مايمكنش شيواحد اهزمني مايمكنش نموت هاكا انا حلفت بلي انرد حق بابا حتى واحد مايقدر اقتلني حيت انا ماشي بوحدي انا معايا بابا معايااااا باباا جوج قوى (ابتاسمات عكس الغليل لي فقلبها او طلعات راسها فالوحش او مشات كتجري عندو عطاتو برجلها لوجهوو هرساتلو نيفو او ضارت بحركة معاكسة عطاتلو الركلة لحجرو حتى تلوى او هزاتو بيد وحدة من عنقوو غارسة فيه ضفارها حتى مابقاوش رجليه كيقيسوو الارض او عينيه ايخرجو شداتو من راسو او زدحاتو ليه مع الارض حتى غيب او بقات كضرب فيه او كتنهج )

الشاگمة: الزوووبييير هاااك هاد الحديدة قتلووووو (لاح ليها الحديدة او شداتها طلعاتها حتى لفوق او هي كتشوف فالوحش حتى كانت اضربو او هبطات الحديدة شوية بشوية او لاحتها بعيد الشيء لي صدم كلشي او ضارت بغات تمشي او غوت الوحش و هو مازال مليوح فبلاصتو)

الوحش: قتلنييي قتلنييي انااا ماكايشفق عليا حتى واااحد كنفضل نموووت فهاد البلاصة او مانخرجش او انا مهزوووم قتلنييي

حنان:(ضارت عندو مشات فاتجاهو بخطوات بطيئة او تحنات عندو او نطقات ) انا عمرني قتلت شيواحد فهاد الحلبة حيت هدفي كان نوفر لعائلتي ماياكلوو ماشي التسلية او اللعب حتى نتا الوحش راه عندك عائلة او بنت كتسناك كل ليلة باش تلعب معاها ماتحرمهاش منك ماتحرمهاش (ناضت حنان خرجات من الحلبة كتمشا او رجليها ماهازينهاش )

الشاگمة:(ضار عند الولد او خدا من عندو 400 درهم او بقا كيضور على الناس كياخد الفلوووووس او كيضحك او مشا عندها كيجري ) شوووف شحاال د الفلوس خديينااا هادشي كاااملووو دياالك شد شد

حنان:( ابتاسمات ليه او تجنباتو بحال ماكانش او مشات كملات المسير ديالها او الشاگمة تابعها من اللور حتى بعدو على ديك البلاصة)

الشاگمة:(شد فيها حيت شافها اطيح ) واش نتي بيخير

حنان: (كتحرك راسها ب اه او كملات المشية ديالها حتى وصلو فين كاين الكاريان ديور ديال الصفيح وصلات لخربة ديالها او حطلها الشاگمة الفلوس فيدها او كتشوف فيه)

الشاگمة: هادو من حقك رتاحي او الى خصاتك شيحاجا عيطيلي (بغا يمشي)

حنان: (شدات فيه) محمد شكرا

محمد او كيما كيعيطو ليه شاگمة حتى هو يتيم الام و الاب هو صديق ديال حنان كبرو بجوج او ترباو بجوج تقاتلو على زمان بجوج دوزو كلشي او بقات صداقتهم حتى لهاد الوقت

الشاگمة : (ابتاسم ليها) انا لي خصني نشكرك حيت انا عايش بفضلك شكرا بزااف

حنان ضارت او دخلات لخربة كتسمع الموسيقى دالراب على الجهد جلسات فواحد السداري قديم او بالي او كتشوف الماء كيدخل لدارهم غمضات عينيها كتستشعر الالم ديالها او كتشوف فواحد الشقفة د المراية الكدمات لي على وجها حيدات حوايجها شوية الشعر المستعار او لحية لي دايرة او مازال مركزة فالمرايا حتى بدا كيبان ليها الخيال ديال باها

الزوبير: ياكما تقسحتي

حنان:(كتحرك راسها ب لا)

الزوبير: بعدي على داك الميدان ماغاديش انفعك

حنان: نهار كنت كنرغبك تبعد عليه ماكنتيش كتسمع ليا نسيتي بلي عندك جوج بنات خاصهم الرعاية نسيتي بلي ماعندنا حتى واحد من غيرك واخا هاكك ماسمعتيش ليا شفتك كتموت قدامي دابا عاد كتقولي ماغاديش انفعني هاد الميدان

الزوبير: انا ندمت بزاااف ولكن ماندمتش حيت كنت كنتقاتل ندمت حيت خليتك تعيشي هادشي سمحيلي ابنتي

حنان:(تعصبااات او ضربات المراية مع الحيط ) سكككتت او بععد منييي بعد مني اهئ اهئ

(طلعات حنان راسها لقات الخيال ديال باها مشا او مسحات دموعها هزات سطل ديال الماء بارد او خواتو عليها او هي كتنهج او ماحاملاش راسها

حفيظة: (نقصات الموسيقى او خرجات عند ختها حنان) حنان جيتي (كتقرب منها ببطئ ) وجهك احناان شوفييي كيرديتيه صافي بعدي من ديك الخدمة صافييي

حنان:(مسحات دموعها او شافت فختها ) الى مابقيتش فهاد الخدمة ماكاين لي يحن فينا هاد الخدمة هي لي معيشانا

حفيظة: انا غادي نخرج من القرايا او نخدم غير نتي خرجي من هاد الخدمة

حنان:(ضرباتها لراسها) مانعاودش نسمعك كتقولي هاكا انا راه ماكملتش قرايتي ولكن مبغيتكش ديري بحالي قراي على راسك او انا انوفر ليك كلشي نتي غير قراي او بعدي شوية على الموسيقى د الراب او ديها فدروسك

حفيظة:(بقات كتبكي بدوك العينين زورق ديالها او عنقات ختها ) انا غادي نقرا او غادي تشوفيني فمرتبة زوينة انشاء الله انا انرد ليك كاع هادشي لي كديري على قبلي اهئ اهئ

حنان: صافي سيري تنعسي راه غدا عندك اول يوم فالجامعة اولا

حفيظة: واخا (مشات تنعس)

حفيظة بنت فعمرها 18 عام نجحات فالباك بمعدل ممتاز هادشي لي خلاها دفع لارقى الجامعات ف كازا او دخل بمنحة دراسة او غدا اول يوم ليها عينيها زورق بحال لون سماء او شعرها كحل قاتم زوينة بزااف كتقرا مزياان او كتحماق على الراب عندها شخصية مرحة كضحك بزاف او كتهضر بزاف طاي ديالها رقيقة ولكن عندها كل حاجا او حقها اما حنان عندها طاي أنثوية ها صدر ها طرمة غير كتخبعهم مشاء الله علييهاا عينيها خوضر او شعرها بني او طويل فعمرها 25 عام جمالها فشكل ولكن بكثرة ماكاتقاتل مابقاش الجمال ديالها كيبان اضطرات تخرج من القراية او هي فعمرها 14 عام خرجات للزنقة كتقاتل باش توفر لختها اي حاجا بغاتها حيت هي مابغاتش تخليها كتعاني كيما عانات هي شخصيتها غامضة مكتهضرش بزاف كترد لقلبها او كتسكت مغوبشة ديما او حادة الطباع هي الراجل ديال الدار منبعد ماتوفى باها او شافتو قدامها كيموت قررات تكون بحالو او تختار سميتو باش تبقا تقاتل بيه ديما …مشات حفيظة تنعس او بقات حنان كتضمد الجروح ديالها او هزمات يدها لي تهرسات او مشات تنعس حتى هي…

اصبحنا واصبح الملك لله

بدأت أشعة الشمس كتغلغل لداخل الغرفة او كضرب فوجه فتاة جميلة بزاف شعرها البني القاتم مليوح على الوسادة او طايتها المنحوتة كتبان تحت شوميز دونوي بدأت كتحل عينيها العسليين او رموشها الكثاف لي ضاربة فيهم الشمس خصوصا بشرتها السمراء او النمش لي على وجها شوية بشوية او تگعدات كتشوف فالغرفة الكبيرة ديالها طاغي عليها لون الابيض مفرشة باغلى الاثاث او احدث ماكاين فالسوق.. هزات بينوار ديالها لبساتو او ضغطات على واحد الزر ماهي الى دقائق حلو الخدامات الباب او بقاو كيدخلو وحدة مور الاخرى كانو 10 د الخدامات كل وحدة اش هازة او كل وحدة شنو موجدة بقات كتشوف فيهم تمشات عند الاولى

الخدامة: وجدنا ليك الدوش ديالك الالة تقدري دخلي دوشي

دخلات البنت للدوش لي ماعندوش الباب متوسط الغرفة لقاتو عامر بالورد او دافي حيدات حوايجها حتى بقات زبطة او دخلات ليه

الخدامة2: هادو افضل لحوايج ليوم تختارو ليك من افضل المصممين

الخدامة3: انا مسؤولة على تصفيفة الشعر ديالك

الخدامة4: او انا على ماكياج ديالك

الخدامة5: او انا الالة وجدت ليك الصالة الرياضية كيما كتبغي

الخدامة6: او انا جبت ليك الجريدة د الصباح او المجلات

الخدامة7: او انا الالة وجدت ليك الفطور

الخدامة8: او انا حجزت ليك موعد فالمنتجع كيما حبيتي

الخدامة9: او انا الالة وجدت ليك الرانج روفر

الخدامة10: او انا الالة وجدت ليك اللوازم لي اتحتاجي للجامعة هاد النهار

…بقات كتشوف فيهم حتى نطقات

كوهينور: (خنزرات فيها) اشمن جامعة

الخدامة 10: (كتفتف ) لالة انا…غير تآمرت من سيدي باش نخبرك

كوهينور: اوووف (خرجات من دوش نشفات راسها او عيطات للخدامات لي مسؤولين على وجها او شعرها يتكلفو بيها او هي كتفطر او تقرا المجالات ديالها حتى سالات او ناضت لبسات حوايجها او هبطات للتحت شافت باها كيفطر او داير اجتماع او كيضحك

معتصم: هههه كنت ربحت اغلى الماسة فالعالم هي كوهينور و للصدفة تولدات بنتي فنفس النهار او قررت نسميها كوهينور او نهديها الالماسة ايييه كانت اجمل هدية ليا وحيدتي المدللة لي ما عنديش من غيرها (كان رجل شيخ بكامل اناقتو حاط السيغار ففمو او كيهضر بكل ثقة على بنتو كوهينور لي يقتل العالم على قبلها ماكايخسرش ليها خاطرها او اي حاجا طلباتها كينفدها ليها منبعد ما ماتت الام ديالها انغمس فبحر من الاحزان لدرجة عمرو فكر اتزوج غير على قبل بنتو بقا كيضحك حتى نطقات كوهينور)

كوهينور: بابا حبيبي صباح الخير(عنقاتو)

معتصم: فقتي الصغيرة ديالي (باسلها فوق راسها)

كوهينور:( شافت فصحاب باها او هضرات بنبرة قاسها ) خرجو منهنا دابااا

معتصم: (كيشوف فصحابو) امكن راكم سمعتوها يالاه خرجو

خرجو صحاب باها مكرهين من الغرور ديال كوهينور او البطش ديالها او الطامة الكبرى الاب ديالها مفششها او كيزيد فالهبال ديالها

كوهينور: بابا شنو القضية ديال الجامعة

معتصم: بنتي انا سجلتك فاكبر الجامعات فكازا باش تقراي

كوهينور: ولكن انا مابغيتش نقرا علاش انقرا او انا موفر ليا كلشي

معتصم: سمعيني ابنتي انا راه غدا ولا بعدو انموت بغيت غير نتهنا عليك او على هادشي لي انخلي ليك مابغيت حتى واحد اضحك عليك او ياخدلك هادشي

كوهينور:(تخشات فيه قالبة سيفتها) ماتقولش هاكا ابابا نتا ماغاديش تموت او تخليني الى وقعات ليك شيحاجا انموت من وراك

معتصم: ششش ابنتي صافي ماتوقع حتى حاجا غير ديريلي خاطري او قراي

كوهينور:(شافت فيه ) واخا لي بغيتي ولكن دوك الكلاب ديال لكاردكور مايمشيوش معايا

معتصم: كوهينور حنا عندنا أعداء بزااف فاي لحظة اقدر اوقع ليك هجوم صافي ولفيهم معاك

كوهينور: هادوك لي كتقولي نولفهم معايا عمرهم حضاوني مزيان ياك شحال من مرة كنتعرض لهجوم او كيهربو ولا كيتقتلو كون ماشي حتى كتعطي الفدية على قبلي عاد كنخرج هوما ماكايديرو واالووو او انا كنكرههم حتى واحد فيهم ماراجل

معتصم: راني قلبت ليك على افضل ليكارد فالعالم حتى واحد ماقنعك شنو بغيتيني ندير

كوهينور : (وقفات ) انا انوريك شنو ادير

خرجات كوهينور معصبة من القصر للجردة جمعات كاع ليكارد لي تماك او بدأت كتهضر معاهم) من ليوم نتوما كاملكم مطرودين

الكارد: ولكن الالة حنا شنو درنا ش

كوهينور:(قربات عندو. صرفقاتو ) حتى واااحد ماكايطلع فيا عينيه ولا كيناقشني فهمتييي كلكم مطرودين

الكارد2 : عفاك الالة ماتجريش علينا حنا عندنا عائلات كنخدمو على قبلهم عفاك الآلة ماتقطعيش رزقنا

كوهينور: او انااا مااالي مووتوو كاع ياك انا عايشة او مبرعة مكيهمنيش شيواحد اخر يالاه براااا

خرجو ليكارد محبطين من داك القصر حسو بالحگرة او بالبطش ديالها زادو قدامها حانيين الراس حتى داز كارد واحد من حداها او هضر معها

الكارد: عنداك كيصحابلك بلي المال و السلطة كيدومو نتي لي كظلمي ناس ايجي واحد نهار ايظلموك او عقلي على هضرتي حسبي الله و نعم الوكيل حسبي الله ونعم الوكيل فيك

مشا الكارد او هضرتو كتردد فمسامع كوهينور تفقسات مابغاتش علاش اهضر معاها شيواحد بهاد الأسلوب هزات الطوموبيييل ديالها او تاجهات للجامعة حسن ماترتاكب شي جريمة

….

موحى : سيدي معتصم الآنسة كوهينور جرات على ليكارد كاملين

معتصم: اوا اش بغيتي ندير انا نتا عارفني مكنقدرش نخسر ليها خاطرها ولا نحرمها من شيحاجا او خوفي عليها كيتزاد نهار على نهار خصوصا انها كتخرج بلا حماية او انا اعدائي كثار كنخاف على القطعة لي خلاتلي ياسمين الله ارحمها (ابتاسم او هو كيشوف فتصويرة د مراتو الله ارحمها او رجع هضر) سبحان الله كتشبه لماماها بزااف نفس العينين الرماديين او نفس الملامح او الابتسامة او حتى التصروفات او العناد لي فيها ورتاتو من ماماها ربي ماعطانيش لولاد اموحى ولكن عطاني بنية وحدة نقتل على قبلها (ضار كيشوف ف موحى) جيب لي كارد جداد للقصر و علمهم اش ايديو

موحى: مرحبا اسيدي

معتصم: او بغيتك تقلبلي على شي حارس شخصي مايكون كيخاف حتى من حاجا قلبو قاسح او قوي الى لقيتيه اموحى غادي نخلصك مزياان بغيتو يكون ثقة او يتفاهم مع كوهينور مابغيتوش ادوز نهار او تجري عليه كيما اللولين و هاد المرة الى جرات عليه غادي نقتلك نتا نيت

موحى:(كيبلع ريقو ) واخا اسيدي واخا

خرج موحى كيجري باش انفذ طلبات ديال معتصم او هو خايف مايلقاش شنو بغا ..

نرجعو للكاريان لي فيه حنان كانت كتوجد لفطور لختها او مشات كتفيق فيها

حنان: حفيظة فيقي راه اليوم اتمشي للجامعة

حفيظة:(سمعات الجامعة او ناضت قفزات) نااااري نااااري تعطلت (قضات حاجتها او غسلات وجها او خرجات تشري الخبز من الحانوت لي بعيدة شوية حتى كيتلاقاها شاگمة )

شاگمة : كاينة ختك

حفيظة:( خنزرات فيه ) قود من قدامي صباحاتو لله

شاگمة: على اساس انا باغي نشوف كمارتك راه غير حنان لي كتجمع بيناتنا اما نتي واخا يحطوك ليا فالعسل مادوزيلي

حفيظة: (ضرباتو لمعلم برجلها ) سكتنااا ضريتيني فراسي قلب الستة تسعود (مشات حفيظة كملات طريقها للحانوت )

شاگمة: ولله ابنيتي الى غير ختك حنان لي كتشفع ليك عارف بلي الى حطيت عليك يدي اتقتلني ولكن والله لابقات فييك ايي بغاات تخليني بلا ولاد

شرات حفيظة الخبز او تمات راجعة دخلات للخربة ديالهم او حطات الخبز او بقات كتشوف ف حنان لي ماقدراتش تهز البريق فيدها او مشات هزاتو

حفيظة: صافي انا نهزو غير طلقي (كتشوف فيها ) مالك فيدك واش تهرسات ليك

حنان: لا ماتهرساتش غير تفدعات شوية دابا ترجع كيف كانت

حفيظة: ماضحكيش عليا بدوك جوج هضرات بحال الى انا برهوووشة نتي تهرساتلك يدك بسباب البارح يااااك قلتلك خرجي من ديك الخدمة علاش عزيز عليك ديري هاكااا علااش

حنان: الى خرجت مناش اناكلووو مناش انوفرو عيشنا هاااا ؟

حفيظة: مابقيتش انا كاع نمشي لهاد الجامعة انا نخرج نخدم او نوفرو كلشي

حنان:(قلبات الطبلة) وااااش شكييييت عليييك ازمررر واااش اناااا مت ولا واقعة فيا شيحاجا باش نخليك تخدمي نتي غير قراااي واش انا عمرني نقصت عليك شيحاجا علاش كتقولي هاكا ياك لي بغيتيها كنجيبها ليك حتى من افضل الجامعات فكازا دخلتك ليها او الله اجعلني نتقاتل كل يوم غير با ش نشوفك خدامة خدمة شريفة (شداتها من يدها كتغوت عليها) هانتي كاع خرجتي من القراية اشنو اديييرييي اتبيعي لحمك تولي قحبة لي شافك اقول هاهي حفيظة لي خرجات من القراية او ولات قحبة سمعيني هاد البلاد ماعاطية لينا حتى حاجااااا ماشي اي حاجا حلمنا ليها كنوصلولها انا تحرمت من القراية او نتي لا ماغاديش تحرمي منها انا معاك ديما ديما معاك

حفيظة:(عنقاتها كتبكي) ولكن هادشي ماشي عدل علاش كلشي ساكن مزيان او كلشي موفر ليه كلشي او حنا لا اهئ اهئ مابغيتش هاد لعذاب مابغيتش نشوفك هاكا اهئ اهئ سمحيلي اختي انا سباب كون ماكنتش انا كنتي اتزوجي او ديري دارك سمحيلي

حنان:او شكون قالك انا باغيا نتزوج انا الالة بغيت غير نبقا حداك الله انعلبو شي زواج ولا راجل

حفيظة: ولكن انا بغيت نسمع كلمة خالتي

حنان: نوضي تلاحي عليا احفيظة سيري لقرايتك

حفيظة:(كتعنقها او كضحك) هههه حشمتي اشعيبية ولكن خسارة والله حيت ماتزوجيش واش كاين لي يشوف هاد الزين هادا او مايتزعطش فيه هههه

حنان: ههه استغفر الله سيري تقراي سيري ها او بعدي على شاگمة راه قالي اشدرتيلو

حفيظة: هو لي مابغاش ابعد من طريقي كنكرهوو حيت هو سبابك فهادشي

حنان: صافي صافي ششش سيري تمشي

حفيظة:(باستها ) يالاه باي باي

حنان: تهلاي فراسك

….مشات حفيظة للجامعة متحمسة بزاف لهاد النهار او كيفاش ايدوز عندها شدات طوبيس كانت طريق طويلة عليها خرجات ب ساعة قبل وصلات للجامعة كانت لابسة قبية خضرة او نضاضر او طالقة شعرها الاسود زوينة بزاف لي شافها مايقولش بنت الكاريان

عنقات كتوباتها او دخلات كتشوف بنات لابسين غير ليمارك او زوينات واقفين مع دراري او طوموبيلات اشكال او انواع بقات غير مبلقة عينيها حتى ضربات فشيواحد او طاحولها لكتوبة

حفيظة:(هبطات تجمع كتوباتها او كتشوف ف صباط هادا لي ضرب فيها عرفاتو ولد ) اووف سمحلي عافاك

اوسمان:(هبط كيجمع معاها لكتوبة) مكاين مشكل

حفيظة :(هزات كتوباتها او شافت فيه) انا ماقصدتش سمحلي

اوسمان: (كان شاب زوين قوي البنية شعرو او عينيه مارون عندو نظرة حادة أو هادشي دليل على انو طبعو بقا صعيب كيبتاسم معاها ) بلا ماتعتاذري صافي ماوقع والو

حفيظة: (هبطات راسها ) شكرا

اوسمان : نتي جديدة هنا واقلة

حفيظة : اه هادا اول يوم عندي هنا

اوسمان: شحال فعمرك

حفيظة: 18 عام

اوسمان: اوووه صغيرة ههه شنو سميتك

حفيظة: حفيظة

اوسمان:(ابتاسم ليها ) تشرفت بيك

حفيظة: او نتا

اوسمان: بوون انا اوسمان فعمري 35 عام

حفيظة: يااه كبير او مازال كتقرا هنا

اوسمان: هههه انا مكنقراش انا استاذ جامعي

حفيظة:استاذ سمحلي معرفتكش

اوسمان: ماتعتاذريش هادا اول نهار ليك عادي

حفيظة:(ابتسامة خافتة) اه بصح

اوسمان: شنو دايرة

حفيظة: انا دايرة فيزيك

اوسمان: الله اوفق

حفيظة: اشمن شعبة كتقري

اوسمان: الاقتصاد

حفيظة: مزيان (نطقات بعد تردد ) ممكن توريني فين كاينة القاعة حيت ماعرفتش الى بغيتي طبعا

اوسمان: مرحباا انا هنا فوقما بغيتي شيحاجا او شوفي نوصيك ماتيقيش بزاف فالناس هنا واخا كيبانو ليك هاكا ولكن راهم كيبغيو غير حاجتهم

حفيظة: اه كتقولهالي ختي او ديما كتوصيني

اوسمان:(خربقلها شعرها) مزيان منين كتسمعي لهضرة نتي بحال ختي صغيرة مانبغيش ليها الضرر

حفيظة:(حشمات و ابتاسمات ليه بفرح ) شكراا

…كانو غاديين كيهضرو حتى جرها عندو دغيا

اوسمان: عندااااك

دازت الرانج روفر بسرعة كبيرة من حداهم كانت اتقتل حفيظة وقفات الطوموبيل او هبطات منها كوهينور بكل غرور كتمشا بتبختر او الارض ماهازاهاش كلشي كيشوف لعندها صحيح انها بنت زوينة ولكن الظلم ديالها للناس كيخيبها ركنات السيارة بعيد او بقات غادية

اوسمان:(كيهضر مع حفيظة) نتي مزيان

حفيظة : اه اه مزيان

اوسمان: (كيخنزر ف كوهينور ) هييه نتي اش هاد السرعة غادا بيهااا كون قتلتي شيواحد واش مكتخافيش

كوهينور:(كانت غادية حتى سمعات الهضرة توجهات ليها او ضارت ببطئ ) معايا؟

اوسمان: اه معاك

كوهينور: واش عارف راسك معامن كدوي او نن (قربات ليه بتحدي ) فلحظة ندمرك او ندمر قبيلتك

اوسمان: وقحة سيري ربي راسك او تعلمي تحتارمي ناس عاد اجي عطي التهديدات

كلشي كيضحك

كوهينور:(طلعات ليها عوييشة او بقات كتغوت ) اناااا تهضر معااياااا هاااكااا حتى واااحد مكيزعم اهضر معايا هاكااا اناااا كووهيينوور موقاااديري حتى واااحد مكيتجرأ فهمتيييي

اوسمان: حمقة كتفتاخري بالنسب ديالك او نتي والووو

كوهينور:(قربات كتشوف فيه بغضب) هاد الاسم هادا غادي يضمرك غادي يقلب حياتك سفاها على علاها كنواعدك عمرك تشوف نهار زوين او دابا (حطات صبعها على راسها) حطيتك فراسي تشهد على روحك (ضارت كوهينور كتبومبا فالمشية ديالها متوجهة للشعبة لي دارت (الاقتصاد ) او هي كتحلف عليه )

حفيظة: كون غير ماشديتيش ليها فالهضرة عنداك ديرلك شيحاجا خايبة

اوسمان: ماعندها مادير (شاف ف حفيظة بحنية) يالاه نخليك دابا انمشي

حفيظة: باي ولكن فين هي القاعة ديالي

أوسمان: (نعت ليها ) … للقاعة ديالها (فيزيك ) او توجه هو لقاعة لي كيقري فيها او بالو ماهانيش من الهضرة لي قالتلو كوهينور

دخل لقا القاعة عامرة كانو الطلبة كيهضرو حتى دخل او هوما اسكتو

….ناري اختي شوفي شحال بوكوص

…سمعت بلي مامزوجش

…اليجمعنا فالحلال هههههه

كان اوسمان دخل او فتح البيسي ديالو او هو كيشوف فالطلبة باش اوجد المحاضرة حتى طاحت عينو على كوهينور أو بقا كيشوف فيها اما هي كانت كتكونيكطا او ما ان شافت كلشي سكت طلعات عينها تشوف الاستاذ حتى تلاقات العين مع العين بقاو شي 5 دقائق كيشوفو فبعضياتهم حتى هضر معاها

اوسمان:نتي خرجي منهنا

كوهينور: شنو؟

اوسمان: ماعندكش الوذنين خرجي منهنا

كوهينور:(شافت فيه باستهزاء او شعلات تيليفون كتكونيكطا او كتهضر ) ماعندكش الحق طردني مادرت والو

اوسمان:(غوت حتى تسمع الصدى ديال صوتو فالقاعة) قلتلك خرجييييييي من نهنا

كوهينور:(ناضت او راسها مازال فتيليفون او بقات غادية حتى وصلات عندو) اوك هاني انخرج ولكن بغيت نعرف السبب

اوسمان: مكنعطيش محاضرات لقلالين ترابي (ابتسامة)

كوهينور: اوك المربي عطي المحاضرات ليهم اصلا ماغاراضيش (غمزاتو او خرجات من القاعة او فقلبها نار شاعلة ما ان خرجات تبدلولها الملامح للغضب او عينيها نقطة ديال دم )

اوسمان: نبداو اذن ….

بدا اوسمان المحاضرة ديالو او كوهينور مشات لبلاصة مستورة شدات الكارو او بدات كتكمي غير باش تهدن

فمحلبة قريبة للكاريان كلشي مجموع فيها كياكلو البيصارة د موحماد لي مشهورة عندهم كيضحكووو رغم قساوة الأوضاع او كيتناقشو حتى دخل موحى (ديجا قلتلكم عليه هو لي كيخدم عند معتصم او كوهينور هو ايضا من الكاريان سهل عليه الله او خدم ولكن ديما كيجي يتفكر ناسو او حبابو ) واحد السلام عليكم

كلهم: وعليكم السلام

شاگمة: افيين اعميي موووحااا لباس عليك (جلس حداه)

موحى: لباس اولدي او نتا

شاگمة : سانك سانك

موحى: الحمد لله

شاگمة: شفتك ماشي هو هاداك اش تم ياكما جراو عليك من الخدمة

موحى: لهلا اوريك اولدي ماشي ايجريو عليا ايقتلووني

شاگمة : برا او لباس عليك اشوااقع

موحى:(كيشوف ف جنابو) قرب عندي نقولك

شاگمة: قرب عندو كيسمع

موحى: سي معتصم لي كنخدم عندو قالي نقلب على حارس شخصي لبنتو او يكون فحل او قوي او عندو هيبة مكيخاف منحد او انا اولدي كاع هادو لي كنجيب ليه كتجري عليهم بنتو او هاد المرة قالي الى جرات عليه انقتلك

شاگمة:(كان كيسمع او عينيه توسعو بالفرحة ) اوووكاان اعمي موحى وارااه مشكلتك تحلااات هههه

موحى: اش كتقصد

الشاگمة: عندي واحد الراجل فيه مئة راجل او قوي او فيه كاع هاد المواصفات او نبصم ليك بالعشرة ماغاديش تجري عليه هاد البنت

موحى: فكني اولدي الله افك وحايلك او قولي فين كاين هاد الراجل

الشاگمة: شوف اعمي اتمشي عند هاد الراجل لي صيفطك او اتقولو اجي للكاريان لحلبة المصارعة لي كتكون بليل او يتفرج فالزوبير كيتقاتل ماغاديش القا حسن منووو

موحى: هي اللولة اولدي ولكن عندااك تكون كتفلا راه انموت

شاگمة : ماتخافش اعمي كلمة د الرجال ولكن راك عارف البينكا ديالي نبغيها

موحى: الى كانت هضرتك صحيحة أو هاد الزوبير عجب سيدي ماتكون غير على خاطرك انغرقك بالفلوووس

شاگمة: مشااات يالاه نمشي نوجد الزوبير او نتا وجدلي سيدك المعتصم اجي يتفرج (خرج الشاگمة كيطير بالفرحة غادي كيجري لعند حنان وصل لدارها او بقا كيدق فالباب د القزدير )

حنان:(حلات الباب مقندشة ) اشوااقع

شاگمة: هههه دنيا بدأت كضحك لينا احنان

حنان: اش كتقول فهمني

شاگمة: ليلة غادي يتكتب ليك مصير جديد غادي تخرجي من هاد الخربة او تعيشي حياة زوينة او تهناي من تمارة

حنان:(غمضات عينيها بعصبية) الشااااگمة فهمنييي راه مافهمتش

شاگمة: (دخل عندها للداخل او جلس فالسداري ) كنت فالمحلبة او تلاقيت مع عمي موحى قالي السيد لي مخدمو كيقلب على شي راجل باش احرس بنتو او الى لقاه غادي يتهلا فيه او يغرقو فلوس او انا قلتلو كاين راجل لي هو الزوبير او هاد الليلة غادي يجي يشوف مباراة ديالك او بطبيعة الحال اتربحي او اياخدك حارس شخصي لبنتو او انتبرعو او نخرجو من الزلط او قلة الشيء

حنان:(جمعات يدها على شكل قبضة او وجها تزنك او ولا حمر هزات الشاگمة من القرفادة ديالو بيدها ليسرية او قابلاتو مع شقفة د المراية ) شنووو كيبااان لييك الشاگمة شنووو

الشاگمة:(كيتوجع) مالك احنان اش قلت علاش تعصبتيي

حنان: جاااوبني اش كيبااان لييك

الشاگمة:(شاف فالمراة) كتبانيلي نتي حنان

حنان: شتيي كنبااانلك حنااان ماشي الزوبير حيت حنان هي لي كاينة عنداك كيصحابلك منين ضحكنا على عباد الله هنا راه انضحكو على كلشي امكن حتى واحد ماعارفني بلي انا الزوبير او كنتقاتل فليل او فالصباح كنرجع حنان ولكن دغيا غادي نتكشف او حتى واحد مايرحمني ديك الساعة(لاحتو من يدها) كيندير نخدع دوك الناس او هوما صعاب علينااا هااا او الى عرفوني بنت مايرحمونيش

شاگمة: انا مافكرتش هاكا

حنان: اه مافگرتيش حيت انا لي خاص نفكر ديماا او انا لي خاص نحسبها ديمااا

شاگمة: ولكن نتي اتنكري مكاين لي يعرفك فاش كتخبعي شعرك الطويل ورا البيروك د الرجال او كديري الفاصمة على صحتك ماكاتبقايش بنت كترجعي ولد اذن علاش الخوف

حنان: شحال اطول هاد الكدبة نهار يوماين سيمانة شحاال ما طولات اتفضح

شاگمة : ماغاديش تفضح تيقي بيا عفااك

حنان:(جلسات فالسداري) انا مايمكنش ليا نقاتل هاد الليلة يدي مفدوعة

شاگمة: او علااااش ماقلتيهاااش لياااااا انا قلت لعمي موحى بلي الليلة ايقاتل الزوبير او مشا يعيط الراجل او الى لقا هادشي كاملو كدوب ايقتلو

حنان:(ضرباتو برجلها ) او علااااش لديينمك ماكتسولش ولا حادگ غير تعطي لكلمة اوا سير فكها دابااا سيييير

شاگمة: عفاك احنان ديري شي حل راه ايقتلوو

حنان: (كتمسح على وجها بعصبية ) خرج عليا الشاگمة خرج

خرج الشاگمة بلا مايهضر حيت عارفها تعصبااات او الهضرة معاها مكتنفعش خرج او هو كيلعن فراسو او المصيبة لي طاح فيها ندم گاع باش اعطي لكلمة ياريت لسانو تقطع او ماهضرش اما حنان بقات كدور بلاصتها مابغات حتى واحد يتأذى بسبابها او بغات تخرج من هاد الخربة ولكن ظروفها ماساعداتهاش يدها مفدوعة او الاهم من هادشي خايفة تكشف حقيقتها ولكن منين كتشوف من جهة أخرى هي محتاجة هاد الخدمة او محتاجة توفر لختها بزاف د الحاجات خصوصا ان المصاريف كيزيدو حيدات التيشورط لي كانت لابسة او الفصمة لي لوات على يدها او بدأت كتحرك فيها او هي دايرة تعابير الم كتحركها بسرعة حتى سمعاتها طرطقات

حنان: على سلامتك ا ايدي رجعتي لبلاصتك اوووف تابعانا ليلة طويلة

شاگمة بقا مدة برا كيفكر فحريرتو حتى تفكر حنان بلي ليوم اول نهار فالجامعة شد طوبيس او مشا عندها اشوفها كيفاش متصرف تماك واش فرحانة واش كاعية وصل لتماك

….في الجامعة سالات المحاضرة د حفيظة او خرجات لمحات اوسمان بعيد كيهضر مع صحابو مشات جلسات فواحد لبلاصة شافها او جا عندها

اوسمان: صافي سالات المحاضرة

حفيظة : اه

اوسمان: اتمشي لدارك دابا

حفيظة: اه انمشي

اوسمان: دابا يالاه 4 شنو بانلك نعرضك للغداء

حفيظة:(دارت تعابير حادة) علاش سير عرض شيوحدة اخرى

اوسمان: ماتفهميش غلاط ماقصدت فيها والو او كيما قلتلك نتي بحال ختي

حفيظة:(طمنات او بغات تنقد الموقف ) لا زعما اه زعما مابغيتش نعذبك ههه

اوسمان: عذابك راحة هه مشينا

حفيظة: اه مشينا

خرجات حفيظة و اوسمان من الجامعة او دازت من حداهم كوهينور ب رانج روفر ديالها كتخنزر فيه او كملات طريقها غادية للمنتجع تسترخى او تريح افكارها اما اوسمان او حفيظة ركبو فطوموبيل ديال اوسمان او فهاد الاثناء شافهم شاگمة تعصب ماعجبوش الحال بغا اتبعهم ولكن ماعندو كيف ادير رجع منين جا او هو عازم اقولها لحنان

ابطالنا وصلو للمطعم او جلسو كيهضرو

حفيظة: شنو كتعني اوسمان

اوسمان: كتعني البرق

حفيظة: عمرني سمعت بيها سمية جديدة

اوسمان: اه سمية امازيغية حيت انا امازيغي عايش فالاطلس المتوسط عائلتي كاملهم تماك

حفيظة: عرفني على راسك كثر

اوسمان: حنا كنعيشو بحال قبائل كل واحد كيحكم لقبيلة ديالو ولكن كاينة قبيلة كبيرة هي لي كتحكم فيهم كاملين هاد القبيلة هي لي فيها عائلتي او الواليد هو لكبير ديالهم

حفيظة: وااو هي نتا ولد عائلة عندها المكانة ديالها اوا علاش جاي كتخدم هنا علاش مابقيتيش تماك او كلشي موفر ليك

اوسمان: حيت مكتعجبنيش الحاجا ساهلة او حيت بغيت نفرض ذاتي انا سمحت ف عائلتي او قبيلتي او جيت لهنا بمنحة دراسية باش نقرا او قريت او خدمت او نوريهم بلي قادر ندير شيحاجا فحياتي

حفيظة: كنسمع بلي شلوح قاسحين

اوسمان: شلوح ماشي قاسحين شلوح كيبغيو المعقول او عندهم نيشاان ماعمرهم ايتعداو على شيواحد ولكن نفسهم حارة اقدرو اقتلو على قبل لي كيبغيو او سخيين كيتهلاو فعيالاتهم ماكايخليوهم محتاجين لحتى حاجا كلشي موفر ليهم

حفيظة: شوقتيني نعرف اهلك او نشوف قبيلتك

اوسمان : مرحبا بيك فاي وقت او نتي عاوديلي عليك

حفيظة: انا كنعيش فالكاريان واليديا ماتو عندي ختي كبيرة سميتها حنان كل ليلة كتقاتل باش توفر لينا ماناكلو او باش نعيشو عمرها خلاتني نحتاج لشيحاجا ولكن ضميري كيأنبني كنحس براسي انا سباب بسبابي تحرمات من قرايتها باش تربيني او دابا كتقاتل مع الرجال فحلبة المصارعة باش تقريني تخيل معايا حتى واحد ماعارفها بلي بنت حيت كدير شعر مستعار ديال دراري او ملامحها ضاعو بكثرة الضرب (طاحتلها دمعة حارة من عينيها) انا كنفتاخر بختي او عمرني نوفي حقها واخا نبقا عمري كاملو نخدم عليها

اوسمان:(كان كيسمع او مامصدقش وذنيه جاتو غريبة او فنفس الوقت فرح حيت باقيين بنات فعوض مايبيعو لحمهم كيتقاتلو على طرف د الخبز هادوك هوما البنات لحورات شد فيد حفيظة او ابتاسم ليها) نتي محظوظة بختك او خصك تخليها تفتاخر بيك قراي مزياان او حمري ليها وجها

حفيظة: اه ولكن كاينة مشكلة

اوسمان: شنو هي

حفيظة: انا عزيز عليا الراب كنحماق عليه او هو لي واخدلي بالي ماعرفت ماندير اوووف

اوسمان: هههه قراي هو اللول عاد رابي صافي

حفيظة: ههه صاف

بقاو كياكلو او يتعرفو على بعضياتهم فجو مرح

سالاو او خرجو او بقاو كيتمشاو على رجليهم مسافة طويلة عاد وصلو لطوموبيل اوسمان بغا اوصل حفيظة للدارها ماجاتش اخليها تمشي بوحدها كانت شمس كتغرب حتى وصلو للكاريان او شدو الجموع

اوسمان: هانتي وصلتي

حفيظة : شكرا بزاف بزاف

اوسمان: بلا ماتشكريني مرحبا

حنان كانت كتسنى حفيظة بفارغ الصبر منبعد ماعاود ليها شاگمة كلشي

حنان: اوووف فين تعطلات هادي

شاگمة: انا خايف عليها بزاف ياربي ماتوقع ليها شيحاجا

حنان: سكت اشاگمة (عينيها عمرو بدموع) الى وقعات ليها شيحاجا انمووت والله

بقات ماشيا جايا حتى خرجات من الخربة ديالها لابسة لباسها عادي او دايرة طربوش او كتشوف بلي الحال كيمشي او حفيظة مازال ماجات خافت عليها حتى شافتها واقفة مع اوسمان او قربات ليها

حنان: حفيظة (شدات فيديها بعنف) فين كنتي ؟؟؟؟!!!

حفيظة او اوسمان ضارو كيشوفو فيها

حفيظة: ختي (عنقاتها )

حنان: فين كنتي او اش هاد الوقت جايا فيها او شكون هادا

حفيظة: امم حنان هادا اوسمان (شافت ف اوسمان) او هادي ختي حنان لي عاودتلك عليها

اوسمان: (مد يديه يسلم عليها ) متشرفين

حنان: (خلاتو بلاكة و شافت عند حفيظة ) سيري لداخل

حفيظة: حنان ولكن راه…

حنان: (غوتات) سيري لداخل

حفيظة:(بقات كتشوف ف اوسمان او دارتلو باي بيدها او مشات كتسوط )

اما حنان ضارت عند اوسمان كتخنزر فيه

اوسمان: بلا ماتغوتي عليها راه انا لي عطلتها حيت عرضتها للغدا

حنان: شوف ختي عطيها بالتيقار حنا ناس بسطاء ماناقصناش مشاكل كنتمنى تتفهم

اوسمان: لا ماتفهميش غلط انا او حفيظة مابيناتنا حتى حاجا اصلا هي صغيرة عليا حسبتها بحال ختي مايمكنش نآذيها حيت حتى انا عندي خواتاتي مانبغيش لي يآذيهم انا وصلتها بخير او سلام او ماعندي حتى شي نية خايبة

حنان: شكرا ولكن نتا عارف انا ختها لكبيرة او من حقي نخاف عليها

اوسمان: عارف لي كاين او عاذرك او ايضا انا حذرتها من شحال من حاجا بحالك او راه مكاين حتى مشكل او الى بغيتي هاكي نمرتي فوقما تحتاجي شيحاجا انا هنا

حنان: لاداعي شكراا (ضارت بغات تمشي )

اوسمان: واش ليلة اتقاتلي (حط يديه على راسو)

حنان:(ضارت عندو مخنزرة او مشات عندو) شنو عاودات ليك حفيظة

اوسمان: احم هي عاوداتلي كلشي او انا مفتاخر حيت فبلادي كاينين بنات بحالك مايرضاوهاش بالساهلة شوفي ماتعصبيش على حفيظة حسبوني بحال خوكم لي بغيتوها مرحبا

حنان: انطلب منك حاجا وحدة الى مادرتيهاش انقتلك

اوسمان:(كيضور فعينيه) شنو هي

حنان: غادي تسد فمك والله او نسمع بلي هاد الهضرة خرجات انحيدلك القرجوطة ديالك

اوسمان: انا عارف الخطورة ديال هادشي مانقول والو كنقسم ليك

حنان: اممم دابا مزيان (ضارت بغات تمشي او رجعات ضارت عندو) انا هاد الليلة انتقاتل اجي تفرج فيا باش تعرف اش كيتسناك الى خرجات هاد الهضرة

اوسمان: اشمن بلاصة ؟

حنان: (شافت فجنبها او هي تشوف ولد صغير ) هييه اجي نتا

دري: نعام

حنان: طير عيط للشاگمة

حفيظة كانت قربات للخربة ديالها او شافت شاگمة خارج منها

شاگمة: فييين كنتييي

حفيظة: بعد من طريقي مامسالياش ليك

شاگمة:(شدها من يديها مزير عليها او مقرب ليها ) راني كنهضر معاااك فين كنتي مع. هاداك انا شفتكم بعيني ركبتي معاه فطوموبيل ولا ياكما مشيتو لشي دار دار فيك مابغا وسخك ؟؟

حفيظة:(نترات منو او صرفقاتو) اناااا اشرف منك او من لي بحالك او قبل ماتقول هادشي سير شوف راسك شماااتا معول على ختي فكلشي سير دير شيحاجا لراسك

شاگمة:(كيشوف فيها او كيضحك) نتي ختي او من حقي نحميك

حفيظة:(عينيها عامرين بدموع او مطرطقاهم فيه ) انا ماخت حد خويا هو لي تولد من طبونمي فهمتيها اوا دور تقود كنعرف غير حنان

شاگمة:مال دينمك دابا واش ماكاتفهميش ولا عميا انا …

الولد: شاگما شاگما

شاگمة:(قاطع هضرتو او حفيظة دخلات للخربة ) مالك نتا كتغوت

الولد: حنان كتعيط ليك

شاگمة:(مشا عندها ) شنو واقع احنان (شاف ف اوسمان ) نتا هادا لي كنتي مع حفيظة(شدو من الكول ) اتبعد منها ولا ميعجبك حااال

اوسمان:( نترو ) واش منيتك مالك داير بحال هاكا راه مابيني او بينها والو صغيرة عليا.ب 50 سنة ضوئية

حنان : شاگمة بعد منو راه ماشي كيما احساب لينا

شاگمة:(شاف فاوسمان ) ماطامعش فيها؟

اوسمان: اقسم بالله الى نيتي كانت زوينة شفتها لوحدها مامعاها حد او هضرت معها عادي

شاگمة: اوا سمحلي الخوادري فهمت غلاط

حنان: الليلة جيبو معاك اتفرج

شاگمة:( كتوسع ضحكة ديالو ) هي نتيييي …

حنان:(بابتسامة جانبية او ضارت مشات) انجي (مشات حنان او خلات من وراها شاگمة ايطير بالفرحة و اوسمان مافاهم والو حتى ضار عندو )

شاگمة: (عنقو ) اتفرج فحنان العود غادي تعجبك المباراة يالاه نعرضك للمحلبة د موحماد على ماضرب التسعوود

دخلات حنان للخربة لوات على صدرها الفاصمة او قادات الشعر المستعار او لبسات حوايج واسعين كالعادة او لبسات سبرديلة او دارت فوندوتان سمر باش اغطي ملامحها او دخلات عند حفيظة تشوفها

حنان: الى تعطلت غير تعشاي بلا ماتسنايني او قراي قرايتك او نعسي

حفيظة: او نتي غادي تعطلي

حنان: انحاول نسالي دغيا يالاه تهلاي

…..

معتصم: كتهضر بصح اموحى

موحى: والله اسيدي مكنكدب

معتصم : اوا اش كنتسناو راه تسعود هادي يالاه نمشيو

موحى: هي اللولة اسيدي

معتصم: عرفتي اموحى الى كانت هضرتك بصح غادي نعطيك لي بغيتي اما الى كنتي غير كتكدب راسك ايطير من بلاصتو

موحى: مايكون غير خاطرك انشاء. الله

كان معتصم خارج هو او عكازو او موحى قدامو كيطير اوجد الطوموبيييل حتى تلاقاو مع كوهينور داخلة للدار

معتصم: أميرة ديالي

كوهينور: بابي (عنقاتو ) فين ماشي

معتصم: عندي شي خدمة ضاروري

كوهينور: اوكي منين تجي بغيت نهضر معاك

معتصم: اوكي

كوهينور: يالاه باي

معتصم: باي

ركب معتصم فالطوموبيل ديالو متاجه الكاريان او هو متشوق اعرف الزوبير شكون هو اما شاگمة او اوسمان خرجو من المحلبة متاجهين لبلاصة د المصارعة كان جو جديد على اوسمان تبهر بداكشي لي كيشوف جلس فالكرسي هو او شاگمة او كيتسناو حنان دخل فجهة اخرى دخل معتصم او موحى كانو قراب من الحلبة او شافهم الشاگمة او قرب ليهم

الشاگمة : عمي موحى

موحى: فوقاش ايدخل هاد الزبير

الشاگمة : قرييب

كان كلشي كيهتف كالعادة كلشي كيتسنا الدخول المفاجئ لزوبير حتى دخل لفوسط الحلبة

شاگمة : هاهو دخل

اوسمان:(كيهضر ليه فوذنو) واش حنان هاديك

شاگمة: سكككت عنداك اسمعك شيواحد

معتصم: (كيشوف فالحلبة بنظرة غير مفهومة كيتسنا شكون ايبدا الهجوم )

حنان:(كانت داخلة للحلبة كتشوف فالخصم ديالها ولكن ماتوقعاتش ادخلو ربعة د الرجال فدقة او يبغيو اتحاماو عليها بقات كضور بلاصتها مترقبة اي هجوم قرب واحد منها كيجري شداتلو يدو گرضاتها ليه او عوجاتليه عنقو طاح فالارض كااو او مشات كتجري عند شخص اخر عطاتو بكروشية لوجو او هزاتو حتى لفوق نفضاتو جا وجهو مع الارض او ظهرو تقسمات اما الشخص الثالت شداتو بقجة لاحتو فالارض او بقات كتعطيه فالركل حتى بدا الدم كيخرجلو من فمو غفلها واحد او عطاها بحديدة لراسها هنا كلشي تهز خصوصا فاش طاحت فالارض او هزها هاداك باش يلوحها لكنها فاقت فالوقت المناسب او لوات رجلها على عنقو حتى خنقاتو او طاح للارض او ناضت كتشوف فيهم طايحين واحد واحد او هزات يدها الفوق بمعنى الانتصار او تعلن بلي هي لي غلبات )

موحى: سيدي

معتصم:(داير ابتسامة) تبارك الله عليك اموحى اول مرة دير شيحاجا تعجبني

موحى: مرحبا اسيدي

الشاگمة: شنو كاين اعمي

موحى: ههه دابا توصلك لخبار

معتصم:(ناض وقف او خرج من ديك البلاصة او لكارد تابعينو هو او موحى ركبو فالطوموبيل او كيتسناو تماك )

اوسمان: يالاه نشوفوها

شاگمة: لا خليها ماتبغيش تهضر معاك دابا

اوسمان: تبارك الله عليها (ابتاسم )

اما حنان خرجات من تماك عيانة او راسها كيضرها حتى وقفات قدامها الطوموبيييل او تحل الباب

معتصم: ركب

حنان:(ركبات بحذر او سدات الباب او غلضات صوتها او كتحاول مانشوفش فيه ) شكون نتوما

معتصم: انا لي غادي يخرجك من هاد القهرة بشرط تخدم معايا راجل نعول عليك

حنان:(كتغلض صوتها باش ابان رجولي) شنو المطلوب

معتصم: (وراه التصويرة د بنتو ) هادي بنتي كوهينور بغيتك تكون الحارس الشخصي ديالها او تحميها باش مايقيسها حتى اذى او كنواعدك الى عجباتني خدمتك انتهلا فيك او اول حاجا انخرجك من هاد الكاريان او نعطيك دار (شاف ف موحى لي عطاه سوارت ) هاك هادو سوارت ديال دارك الجديدة او هادا عنوان فين اتلقا دار (عطاه عنوان فورقة او عطاه رزمة د الفلوس معاها ) او هاك هاد لفلوس ديباني راسك بيهم حيت مازال انزيد نخلصك

حنان: احم موافق ولكن فوقاش انبدا الخدمة

معتصم: غدا او موحى غادي يوريك خدمتك او شنو ادير

حنان: مرحبا

حلات حنان الباب د طوموبيل او خرجات او مشا معتصم هو او موحى اما هي كمشات دوك لفلوس فجيبها او بقات كتشوف ف السماء غمضات عينيها او نطقات بكلمات

حنان: ياربي عاوني او عطيني لقوة نزيد لقدام (هبطات راسها او سمعات صوت الشاگمة)

الشاگمة: الزوووبييير هههه برافوو علييك

حنان: عرض عليا الخدمة او انا قبلت

الشاگمة: هادا خبر زوين شفتي ربي ماكيخيب حتى واحد تكتب ليك حياة جديدة

اوسمان: برافو عليك احنان

حنان:(تبسمات ل اوسمان او ضرباتو ضربة خفيفة لكتفو ) بحال هاكاك اندير ليك الى بأن فيك لغدر

اوسمان: انا انسحب ههه ماتخافيش انا معاكم فاي حاجا

حنان: انمشي انا دابا تهلاو

مشات حنان بوحدها فدوك الأزقة المظلمة كتفكر او تفكر ماعارفاش بلي حياتها قريب تبدل منبعد ما قبلات هاد الخدمة فوضات امرها لله او دخلات لدارها جمعات حوايجها او حوايج ختها لي كانت ناعسة او هزات تصويرة د باها او مها فقط او سمحات فالماعن او لفراش ماهزات والو او خرجات كتشوف فالسماء خدات قرار لا رجعة فيه او غدا اتسمح فهويتها كبنت ديما اتبقا زوبير او اتعطي راسها صفة راجل دخلت لداخل او تخشات حدا حفيظة فلفراش او نعسات حداها معنقاها

اصبحنا واصبح الملك لله

حفيظة : حنان فين هوما حوايجي مالقيتهمش

حنان: راه جمعتهم حيت انمشيو لدار جديدة

حفيظة :(بدهشة) شنااااهوو حلفييي

حنان: والله المهم انا جمعت لحوايج او اي حاجا نحتاجوها يالاه نمشيو دابا نيت

حفيظة:(باست ختها فحنكها) يااااي نتي افضل اخت فالعالم ولكن قوليلي منين جاتك ديك الدار

حنان: منبعد او نعاود ليك يالاه زيدي نمشيو

حفيظة: هي اللولة ههه

لبسات حنان حوايجها الرجولية او تنكرات كالعادة او هزات لحوايج ديالها او ديال ختها

حفيظة: اش هادشي علاش لابسة هاد لحوايج دابا

حنان: منبعد او نعاود ليك

خرجو من الكاريان او ضارو كيشوفو هاد الخربة لي جمعات الذكريات ديالهم ضارو كيشوفو فناس. د الكاريان واخا البؤس او الفقر ولكن كتبقا هاديك هي البلاصة لي تولدو فيها حنان تزير عليها قلبها او كتفكر باباها واخا كانت صغيرة عاقلة على ضحكتو عاقلة على كولشي حتى قاطع السهوة ديالها الشاكمة

شاگمة: (بهمس) حنان فين اتمشيو

حنان: (ضارت عندو) عطاوني دار جديدة باش نسكن فيها او قالولي نتاقل ليوم

شاگمة: صافي اتمشي او ماتعاوديش ترجعي صافي يعني مابقيتيش اتقاتلي فليل او اتنساي الكاريان

حنان:(كتشوف فيه بنظرات حزن ) لا انا غادي نجي والله مانساك هاك شد (عطاتو ديك الرزمة د الفلوس فيديه او كتبتاسم ليه ) هادو دياولك خليهم معاك او كنواعدك قريب انجي ناخدك منهنا او انضبر ليك فخدمة

شاگمة: (كيمسح دموعو) ختي حنان خيرك عمرني نساه عفاك ماتنساينيش

حنان: ماتخافش فين عمرني خالفت بالوعود ديالي هه

شاگمة: او تهلاي فديك الشنيولة او ردي ليها لبال

حفيظة:(عطاتو لسان ) انا والله مانتقلق منك هههه انا فرحانة دابا حيت مانعاودش نشوف وجهك

شاگمة: هههه او ماعرفتي ليام بيناتنا

حنان: تهلا ف راسك

شدات حنان فيد ختها او مشاو على رجليهم مخليين من وراهم ذكريات او احاسيس بزاف ماعارفينش واش ايرجعو للكاريان مرة أخرى ولا صافي هاديك هي النهاية ..حفيظة كانت طايرة بالفرحة كتحس بلي دنيا بدات كضحك ليهم اما حنان كتحس بالمسؤولية او بالخوف من هادشي لي كادير ركبو فالطوبيس او منبعد شدو طاكسي لحي راقي قرأت حنان العنوان او بقاو غاديين حتى وصلو قدام واحد الفيلا

حفيظة: واتا شووف ازووبيير من الكاريان لفيلات بشااااخ

حنان:(مبهوطة فالفيلا حلات الباب الحديدي د برا او دخلو كيشوفو فالجردة او لابيسين حتى مشات حنان جبدات سوارت او حلات باب الدار او دخلو كيشوفو الفيلا لي اقل مايقال عنها رائع واخا صغيرة ولكن مديكورية اثاث فخم او كيتوسطها سلم من الدرج فالوسط او بلازما كبيرة معلقة فالحيط مع الدورة كاينة كوزينة او الطابق العلوي كيحتوي على غرفتين كبيرتين

حفيظة: انا اناخد البيت الكبيرة

حنان: خودي لي عجبك يالاه سيري رتبي حوايجك فالغرفة او وجدي راسك باش تمشي للجامعة

حفيظة: ولكن نتي ماعاودتيلي والو

حنان: منبعد احفيظة ماعنديش الوقت (طلعات حنان لواحد البيت عجبها دخلات رتبات حوايجها الباليين او بقات كتدرب قدام المراية كيفاش اتهضر او تمشي خاصها تبان بحال الراجل منبعد ماسالات خرجات من الغرفة ديالها لقات حفيظة مشات للجامعة او هي شعلات التلفازة كتفرج )

اما عند كوهينور دارت الأنشطة ديالها كالعادة لبسات سروال كحل او بودي كحل طلقات شعرها مع ميكياج صارخ او هبطات للتحت دخلات للكوزينة او كاع الخدامات تسمرو منين شافوها كيخافو منها بزااف هزات تفاحة او خرجات عند باها لقاتو فالجردة كيقرا الجورنال

كوهينور: بابا انا انمشي لاصال

معتصم: او الجامعة

كوهينور: حتى العشية ماعنديش صباح

معتصم: واخا ابنتي لي بغيتي ولكن شنو بغيتيني قلتي عندك شي موضوع

كوهينور: اه بغيت نعرض أساتذة الجامعة عندنا للعشا شنو بانلك

معتصم: مرحبا فوقما بغيتي

كوهينور:(باستو فخدو) اخليك ليلي (كضحك ضحكة شر ) نخليك دابا باي (مشات ركبات فالسيارة ديالها او نطالقات للاصال كتريني )

معتصم: موحى

موحى: نعام اسيدي

معتصم: سير عند هاداك لي سميتو (كيحاول يتفكر)

موحى: الزوبير

معتصم: اه الزوبير او علمو شنو يدير او خليه اتبع كوهينور دابا

موحى : امرك اسيدي (مشا موحى كيطير ركب فالطوموبيل ديالو او مشا متوجه للفيلا لي فيها حنان دخل او صونا فالباب ماهي الى لحظات حلات ليه حنان ) احم سلام

حنان:(كتغلض صوتها) سلام تفضل

موحى:(دخل او جلس ) صافطني عندك سي معتصم قالك بلي الخدمة اتبدا اليوم انا جيت نوريك خدمتك لي هي حارس شخصي لانسة كوهينور ممنوع تعصي شي امر ليها او ممنوع تخسر ليها خاطرها باش ماتجريش عليك هي طبعها حاد ماعمر شيواحد طول عندها

حنان:(كتبلع ريقها) ولكن الى جرات عليا بلا ماندير حتى حاجا

موحى: حاول تخليها راضية عليك (وقف ) لالة كوهينور مشات لاصال كتريني سير عندها ها عنوان لاصال او هاك سوارت الطوموبيل

حنان: ماكانعرفش نصوگ

موحى: واااش كاااين شيوااحد فهاد الوقت مكيعرفش اصوگ مشكلة هادي زيد قدامي نوصلك (مشا كل من موحى او حنان متاجهين للاصال )

….في الجامعة

اوسمان: (كيعيط ليها) حفيظة

حفيظة: اوسمان لباس

اوسمان: لباس حمد لله او نتي

حفيظة: الحمد لله كيصحابني ماتعاودش تهضر معايا من التعامل لي دارت معاك حنان

اوسمان: لا بالعكس انا او حنان مزيان او عرضاتني نشوف المباراة ديالها او ايضا قالتلي هاكاك اديرلي الى بأن فيا الغدر ههه

حفيظة: هههه حنا تحولنا من الكاريان ماعرفتش كيفاش ولكن ولينا كنسكنو ففيلا

اوسمان: او حنان ماقالتش ليك علاش نتاقلتو

حفيظة: لا ولكن دابا تعاودلي

اوسمان: انشاء الله

حفيظة: مابانتش هاديك

اوسمان: شكون

حفيظة: هاديك لي تخاصمتي معاها البارح

اوسمان: اعوذ بالله مصاب تبقا غابرة ديما وجهها وجه النحس او باش تشوفي زهري وليت انا أستاذها

حفيظة: ههه يالاه نخليك دابا عندي حصة

اوسمان: اوكي ههه باي

مشات حفيظة للحصة ديالها و اوسمان خارج من الجامعة حتى كيتلاقا مع شي رجال لابسين لكحل

اوسمان: شي مشكل

الكارد:(حط عليه يدو) اجي معانا بلا مشاكل

اوسمان: (نترلو يديه) حيد عليا يديك شكون نتا

الكارد:(غفلو بضربة فوجهو او بداو لي كارد لوخرين كيعطيوه فالعصى هو كيحاول ادافع على راسو كيضرب حتى هو ولكن راه تحاماو عليه خلاوه مليوح فالارض كيكح. الدم ) الآنسة كوهينور كتبلغ ليك سلامها

مشاو الكارد او خلاو اوسمان تماك كيحاول انوض اوهو مكره او معصب

اوسمان: اذن سميتك كوهينور او باغا تلعبي مرحبااا

….

كانت كوهينور كتريني تمارين سكوات بكل لياقة او كتهضر فالتيليفون

الكارد: المهمة تمت بنجاح

كوهينور: (كتبتاسم بشر) مزيااان (قطعات المكالمة او هي مازال كتريني او كلشي حال فمو فيها او فطايتها المنحوتة حتى جلسات كتشرب الماء )

صلاح: حبيبة صافا (بغا يبوسها فحنكها)

كوهينور؛(دفعاتو) حيد عليا ياك قلتلك سالينا

صلاح: ماتعقديش الامور اكوهينور نتي عارفاني كنبغيك او ندير اي حاجا على قبلك

كوهينور: او انا مكنبغيكش او ماكانبغي حتى واحد او ماتنساش راسك شكون (دفعاتو او ناضت تمشي )

صلاح:(شدها من يدها بقوة) انا عااارف راسي شكون او راكي عارفاني حتى نتي درت معاك جميع الحلول او مابغيتيش ترطابي او دابا اتمشي معايا بزز عليك

كوهينور:(كتوجع) طللق مني مانمشي معاك لحتى بلاصة والله حتى ندمرك على هاد الفعلة

صلاح: او الى مابغيتش نطلقك شنو ديري تعيطي لكلاب ديالك لي ديما لكارد ديالي كيعطيوهم فالعصى ها

حنان:(جات من موراه ) طلق منها

صلاح:(شاف ف الزوبير او حنان او خنزر فيه) او الى مابغيتش نطلق شنو ادير

حنان: مكنعاودش هضرتي جوج مرات. طلق منها

صلاح: لا مانطلقش (كيشوف ف كوهينور او كيزيد ازير عليها حتى بغات تبكي )

حنان:(شدات فيديه بقوة حتى فشلاتها ليه او شاف فيها بصدمة تحت انظار كوهينور لي كتفحص يدها لي كضرها اما حنان عوجات لهاداك يديه او هرساتها ليه او هزاتو حتى لفوق او خبطاتو حتى بقا كيغوت بحر الالم ) قلتليك طلق منها (قادات حنان حوايجها او شافت ف كوهينور اما هاد الأخيرة بادلاتها نظرة شكر و هي كتشوف فيها )

حنان: (كتغلض صوتها ) نتي مزيان

كوهينور: اه

حنان: (مشات او خلاتها تماك او صافطات لكارد اجيو ياخدوها لدار او هي ركبات فالطوموبيل كتسناها لبسات كوهينور حوايجها او طلعات الطوموبيل و اذا بها كتصدم )

كوهينور: نتا ولكن اش كدير هنا

حنان:(هضرات بلا ماتشوف فيها) انا الحارس الشخصي ديالك

كوهينور: لا ميمكنش ههه

حنان: لاش الضحك

كوهينور: ماعمر كان عندي كارد قوي بحالك ميمكنش ليا نتيق

حنان: اوا تيقي

كوهينور: (جمعات الضحكة ) شنو سميتك

حنان: الزوبير

كوهينور: شوف انعلمك شنو دير من دابا ماتبقاش تبعني او ماتبقاش توصل اي حاجا توقع معايا لبابا او الاهم من هادشي لي غلطة ديرها انجري عليك

حنان:(شافت فيها بغباء) ساليتي

كوهينور: شنووو

حنان: ساليتي هضرتك

كوهينور: اش هاد الوقاحة

حنان: الى ساليتي هضرتك سكتينا حيت راسي كيضرني او الاهم من هادشي حتى واحد ماكايآمرني كندير لي فبالي

كوهينور: (نعصبات او كتهضر تحت سنانها ) تشهد على روووحك هادا اول نهار او اخر نهار تخدم عندي فيه داااكوووغ

حنان: دابا نشوفو (ضورات راسها للزاج كتشوف اما كوهينور بغات تفرگع من الطريقة باش هضرات معاها ماحسو حتى وصلو لقصر او خرجات كوهينور او من وراها حنان )

كوهينور:(كتغوت او هي كتعيط لباها) بابا باااااباااا

معتصم:(هابط من دروج بعكازو ) اشواقع اكوهينور ماالك

كوهينور: اش هاااد الزمر جااايب ليا (كتشير لزوبير) وقح او قليل الترابي مكيعرف حتى يهضر

حنان: كنعرف غير ندافع عليك شيحاجا اخرى بلا ماتحلمي بيها

كوهينور: هاااا شتيييي

معتصم: بنتي تهدني الزوبير كيدير غير خدمتوو

كوهينور: مااابغييتووش جرييي علييه دااباا

معتصم:(تنهد بقلة حيلة ماعارف مايدير)

حنان:(شافت القضية بدأت كتحماض او نطقات ) ميمكنش ليك تجري عليا

كوهينور: باااغدووون او علاش بسلامة كتخرا لينا اللويز

حنان: لا كنخرا الالماس (قلبات عينيها او رجعات شافت فيها ) مايمكنش ليك تجري عليا حيت كنقدم استقالتي

معتصم: ولكن مايمكنش

كوهينور: هااا دابااا كتقوول نتا ماراضيش تخدم عندنا

حنان: تماما او انا ماشي مضطر نخدم عندكم شحال من عائلة غنية كتطلبني نخدم عندها او نكون مرافق شخصي لبناتهم حيت كلهم عارفين المهارات ديالي او نتي راك شفتي هادشي فلاصال ليوم (غمزة)

كوهينور:(مطرطقة عينيها فيه ) لا لا (كتبلع ريقها او كتفكر الحدث لي وقع فلاصال لقات بلي عندو لحق او عتقها او هو انسب واحد احضيها باش تبقا تفيش على صحاباتها ) دابا نتا شنو باغي من هادشي كاملو

حنان: والو انا استقلت اصلا (ضارت او خرجات من القصر شدات طاكسي راجعة للفيلا ديالها )

كوهينور: بابا دير شيحاجا او ردو باش اخدم

معتصم:(تنهد ) ماعندي ماندير تحملي دابا المسؤولية

كوهينور: شنو ندير دابا هاااا

معتصم: سيري رغبيه باش ارجع

كوهينور:( مغمضة عينيها بالاعصاب ) مستحيييل اووووف سيبافري

(طلعات كوهينور لبيتها كتصوت او كضرب ففراشها ماما حنان وصلات لفيلا دخلات كتشوف فيها او كتقول مع راسها للاسف ماغاديش تفرح بيها مزال قريب اترجع للكاريان هي واخا محتاجة ديك الخدمة ولكن ماكاتخلي حتى واحد اقلل من قيمتها الحزقة و عزة النفس دازت من حدا البيت د حفيظة سمعات الموسيقى او دخلات عندها )

حفيظة: (علامة تعجب )

حنان: (هضرات ) انا وليت كنخدم فخدمة جديدة وليت حارس شخصي ديال بنت الموقاديري

حفيظة: الموقاديري ؟؟ (كتفكر فين سمعات هاد الكنية ) اها

حنان: ولكن ماشي بصيفتي حنان لكن بصيفتي الزوبير هادي افضل طريقة كان ممكن نديرها باش نخرجو من الكاريان ولكن خفت نتفضح او نتكشف

حفيظة: لا ماغاديش تفضحي حيت كاع ماباينة عليك بنت كلشي فيك داير بحال الراجل

حنان: اووف انمشي ندوش دابا منبعد او نكملك (مشات )

حفيظة:(كتبلق فيها او هي مازال مامستوعباش فقط كضور فراسها السمية ديال موقاديري ) فين سمعت هاد الكنية

….

خرجات كوهينور من القصر متوجهة للجامعة دخلات او بقات كتمشا بديك المشية الأنثوية دازت من حدا اوسمان لي كان حدا طوموبيل ديالو او رجعات جوج خطوات لور او تاجهات عندو

كوهينور:(بابتسامة) كنظن رجالي قادولك وجهك مزيان

اوسمان:(سمع صوتها او هو يطلع راسو فيها معصب ) راك كتجبدي على راسك النحل او انا راه مساااالي

كوهينور: هاداك غير انذار باش مرة أخرى تحتارم راسك

أوسمان:(غمزها ) كنبقا راجل حضي راسك نتي لي بنت او من اليوم انبقا نلعب معاك بزاف

كوهينور:(كتبلع ريقها او بغات تمشي او هو يهضر معاها )

اوسمان: بلا مادخلي عندي غير سيري لشي قنت اخر

كوهينور: تفو تفو (مشات او هي كضور هضرتو فدماغها خافت اديرلها شيحاجا او رجعات فكرات فالزوبير) انا غادي نرجع الزوبير اخدم عندي باش مايقربلي حد اووف

( ركبات فالطوموبيل ديالها او كتفكر بزاف حتى قررات او صونات على موحى)

كوهينور: موحى عطيني العنوان د الزوبير

موحى: واخا الآلة (عطاها العنوان او هي توجهات بسرعة للفيلا فين ساكن او هبطات دخلات او صونات )

حفيظة:(كتغني ) بيتش امبوم بيتش امصافج امنيتو يدوز ف الراديو كندوزو ترافك (حلات الباب او هي تصدم ) ااا

كوهينور: (دخلات كتشوف ف ارجاء الفيلا او كتبعد خصلات شعرها من وجها دخلات او صوت الكعب العالي كيتسمع فارجاء الصالة وصلات للوسط او ضارت عند حفيظة ) كاين الزوبير؟

حفيظة: الزوبير؟ (تفكرات ختها ) اه كاين

كوهينور:(كتفكر ) احم اوكي (كتقرب منها )

ماشي نتي لي كتكوني مع داك الجرثومة

حفيظة: اوسمان؟؟ (شافت فيها بحدة) سميتو أوسمان ماشي جرثومة

كوهينور: اوووف مامسالياش ليك فين هو الزوبير

حفيظة: نتي هي موقاديري ؟ ااااه فهمت دابا

كوهينور: (باستهزاء) اوووه نديرو حفلة كبيرة حيت عاد فهمتي (رجعات كتهضر مقاد) فين هو بغيت ندوي معاه او اصلا نتي اش كديري هنا ولا ياكما مشلضاها هههه نتي مع أوسمان او مع الزوبير اوووه هادشي زوين

حفيظة: احتارمي راسك الزوبير ختي (كتفتف) كنقصد خوياا انا ختووو

كوهينور: اييه باينة (تقابلات معاها ) كاين الشبه …سيري عيطيليه قوليلو لالاك كوهينور بقامتها او فخامتها كتسناك فالصالون

حفيظة: (كتعيبها ) نعاااام ياختشييي راه مامساليش كيدوش لفوق فبيتو

كوهينور: اوكي انا نمشي عندو (خلاتها او مشات طالعة فالدروج او حفيظة تابعاها حتى وصلو قدام الباب د حنان )

حفيظة: وقفي ميمكنش ليك دخلي حشومة راه كيدوش

كوهينور: كنظن ماغاديش نشوف شيحاجا جديدة بالاكي

حفيظة:(كتعلي صوتها باش تسمعها حنان ) ولكن راه حشوووومة ويلي بنت ادخل عند ولد

كوهينور:(دفعاتها او حلات الباب دخلات لقات حنان لابسة بينوار او دايرة داك شعر المستعار او لحية شاداها بيدها على وجها او كتقطر بالماء ) احم

حنان:(كانت سمعاتهم او تصرفات دغيا ) انسة كوهينور

حفيظة:(مبهوطة كتشوف فيهم ) خويا راه قلت ليها كدوش ماسمعاتنيش

كوهينور: احم (ضارت كتشوف ف حفيظة) ممكن تخرجي تخلينا نهضرو بوحدنا (دفعاتها او سدات الباب او دارت كتشوف ف حنان)

انا جيت باش نقولك ترجع الخدمة حيت مانلقاش حسن منك

حنان:(كتحاول تبان مرجلة تحطات فوقف لا يحسد عليه خايفة تحل البينوار ولا كوهينور تلاحظ المفاتن ديالها ) احم واخا لي بغيتي غير خرجي دابا نجي

كوهينور:(دايرة ابتسامة او كتقرب لحنان ) اول مرة نشوف راجل كيحشم رغم انه الى كان شيواحد اخر من غيرك كان ايطير عليا هههه دابا تصالحنا ياك

حنان:(كتشوف فيها من التحت ) استغفر الله حنا اصلا مصالحين ا أنسة

كوهينور:(قرباتلها او باستها ف حنكها ) هههه وليتي كتعجبني قاسح او محتارم او درويش كيعجبوني لي بحالك

حنان:(بلقات عينيها ) احم احم أنسة كوهينور انا مالابسش حوايجي ممكن تخرجي لبرا على مانلبس او نوصلك للدار هاهي ختي حفيظة توجد ليك قهوة ولا اتاي

كوهينور: مرحبااا نتا تآمر من اليوم انا نمشي على الأوامر ديالك هههه هاني كنتسناك (خرجات كوهينور من البيت عاد قدرات حنان تنفس )

حنان: اويلي مال هادي زملات اش وقع ليها عاد صباح ماكانتش كتحملني ييخ (كتمسح لعكر من حنكها )

هبطات كوهينور لتحت كتسنا الزوبير او هي كضحك اما حنان لبسات حوايجها او قادات راسها او هبطات

حنان: احم انا واجد

كوهينور: يالاه مشينا (خرجات كوهينور او حنان من فيلا او ركبو من الطوموبيل او حيت كوهينور كطير ف صوگان ديالها كان قلب حنان ايخرج من بلاصتو حتى وصلو او ضارت كتشوف فيه) مالك مدهشر

حنان: الحمد لله وصلنا بخير كنتي اتقتلينا

كوهينور : او علاش

حنان: السرعة كتقتل اول حاجا انديروها اندبرو ليك على شي شيفور

كوهينور: نوو كيعجبني نصوگ راسي

حنان: لا ماتعاوديش تصوگي راسك هادا أمر ماشي طلب انا من مسؤولية ديالي نحميك اذن بلا ماتناقشيني ولا…

كوهينور:(قاطعاتو) صافي صافي لي بغيتي غير كون على خاطرك

دخلو للقصر او طمنات حنان بلي وصلات على خير

كوهينور: عطيني نمرة ديالك

حنان: احم ماعنديش تيليفون

كوهينور: ااه تسنا هنا انا جاية (مشات لبيتها جابت تيليفون جديد او مداتو ليها ) هاك

حنان: اشنو هادا

كوهينور: تيليفون مابانش لك

حنان: لا قصدت شنو اندير بيه

كوهينور: شدو عندك فاش نحتاجك نعيط ليك

حنان: ولكن ..

كوهينور: ماكاين ما ولكن انا عارفة بلي الخير مكيجيش معايا ولكن اعتبرها اول مرة و اخر مرة (حطاتولها فيدها)

حنان: (ابتاسمات ليها ) شكرا أنسة

كوهينور: العفو

حنان: انا انمشي دابا او الى حتاجيتي شيحاجا تاصلي بيا

كوهينور : واخا تصبح على خير

خرجات حنان من الباب ديال الجردة حتى كتشوف معتصم جالس كيكمي او موحى واقف عليه حنات راسها باش تزيد او هو يعيط ليها موحى

موحى: الزوبير

حنان: (شافت لعندو او مشات لجيهتو ) سلام عليكم

معتصم:(بلا مايشوف فيه ) و عليكم السلام شفت بلي تصالحتي مع كوهينور

حنان: ماكناش مخاصمين فقط سوء تفاهم

معتصم:(وقف كيشوف فيه ) انا امنتك على بنتي مابين كاع ليكارد ختاريتك نتا حيت تقت فيك بزااف

حنان: او انا انكون فحسن الظن ديالك

معتصم: انا عارف بنتي كتعصب او انا زدت كملت عليها او ضيعتها بالفشوش ولكن راه كتبقا بنتي ورغم أنها دير لي دارت ميمكنش ليا نغوت عليها ولا نخسر لها خاطرها

حنان: نتا كتزيد ضيعها هاكا (شاف فيه بحزن ) كون تشوف شحال من بنت ماكرهاتش تكون فبلاصتها او يكون عندها غير اب بحالك يخاف عليها او يأمن ليها لي بغات من حب و حنان و رعاية كون تشوف شحال من بنت مابغات لا فلوس لا سلطة لا جاه بغات غير واليديها اكونو عايشين (هبطات راسها) انا عندي ختي صغيرة ماتو واليدينا او انا فعمري 14 عام تقاتلت باش نكبر ختي او مايكون خاصها والو كنت ليها الام و الاب باش ماتحسش بالنقص حنا اسيدي ماكان عندنا حتى فاش نعسو ولا فاش ناكلو و رغم هكاك حمدنا الله و شكرناه ماكنظلمو حد او مكناخدو حق حد حنا ناس بسطاء جينا غير من الكاريان او انبقاو ديما فصباغتنا و لكن واخا هاكك عندنا عزة النفس و الكرامة فوق كلشي نقدر نموت او مانطيحش بقيمتي او بنتك كانت ادير نفس الحاجا صباح ولكن ماستحملتش او خرجت باش مانغلطش فيها ولكن مزيان منين رجعات او عتاذرات او عرفات الخطأ ديالها او من اليوم اتكون مسؤوليتي نحميها او نخليها تفهم شحال من حاجا فهاد الدنيا

معتصم: (حط يدو على كتفها ) رااجل او كبرتي دابا فعيني انا محظوظ منين لقيت راجل بحالك او دابا انا ثقتي كلها فيك (شدد عليها) كلللها

حنان: (هبطات راسها بمعنى الرضا ) مشا لحال دابا نقدر نمشي خليت ختي بوحدها فدار

معتصم: وي تفضل

حنان:(كانت اتمشي او رجعات ضارت عندو ) سي معتصم ممكن طلب

معتصم: اه تفضل

حنان: بصراحة مكنعرفش نصوگ او طاكسيات ماكاينينش دابا واش ممكن اوصلني عمي موحى

معتصم:(ضار عند موحى) سير وصلو اموحى

موحى: هي اللولة اسيدي

خرجو كل من حنان او موحى ركبو فالطوموبيل او بقاو غاديين حتى وصلو للدار

حنان: عمي موحى واش عندك النمرة د الشاگمة

موحى: لا ماعنديش اولدي ولكن راه كنمشي ديما للمحلبة كنتلاقا بيه

حنان: ممكن تجيبو عندي غدا محتاجاه

موحى: واخا اولدي

حنان: شكرا

هبطات حنان من الطوموبيل او دخلات للفيلا او هي تنقز عليها حفيظة

حفيظة: نااااري ازغبية كنتي اتفضحي

حنان:(حيدات شعر ) اوووف على شوية كنت انمشي فيها

حفيظة: وااش عرفتي هاديك شكوون راه موووقاااديري شحال فيها ديال الاكبر او التعجرف

حنان: فين كتعرفيها نتي

حفيظة: كتقرا فالجامعة لي كنقرا فيها او عندها مشاكل مع أوسمان

حنان: ماشي شغلنا فهادشي المهم نتي بعدي على المشاكل اوكي

حفيظة: اوكي

حنان: يالاه تصبحي على خير

اصبحنا و اصبح الملك لله

دازت من حدا القاعة او لقاتو بوحدو او كيقرا كتاب حتى دخلات او وصلات لاتجاه ديالو

حفيظة: اوسماااااان هههه(بقات كتجري حتى وصلات عندو شافت فيه او شاف فيها او هي توسع فمها بصدمة) ماال وجهههك

أوسمان:(ابتاسم ليها) القطيطة بغات تلعب او خبشاتني

حفيظة:(جلسات حداه) مافهمتش قولي شنو واقع

أوسمان: ماشي مهم نتي بيخير

حفيظة: اه اه بيخير او جايبة ليك خباااااار واااعرة

أوسمان: الله اسمعنا خبار الخير

حفيظة: ههههه عرفتي ختي كتخدم حارسة شخصية عند كوهينور موقاديري ديك العايقة لي حاسة براسها ولكن متنكرة بحال الولد راك عارف لي كاين

أوسمان:(داير ملامح تساؤل) دابا حنان كتخدم عند موقاديري او بصفة ولد (تنهد) غادي تفضح قرييب حيت تعيا ماتخبع راه كتبان انثى

حفيظة: لا لا مكتبانش او هي ماغاديش تفضح حيت الاهم من هادشي لاحظت بلي كوهينور كيعجبها الزوبير هههه زعما حنان ناري باينة تزعطات فيه هههه

أوسمان: هههههه خايبة حتى للمعاودة ههههه ليزبيانة

كوهينور:(دخلات عندهم ) اوووه شكون هنا

حفيظة: (كتقاد راسها او ناضت خايفة لاتكون سمعات شيحاجا)

أوسمان: اوووف صبحنا عالله (علامات غضب)

كوهينور: (كتشوف ف حفيظة ) خوك عارف هادشي

حفيظة: (قلبات عينيها)

كوهينور:(كتشوف فاوسمان) كنت جايا نهضر معاك ولكن راك مشغول

اوسمان: اوا هي الى خرجتي

كوهينور: اوكي ههه اممم كيبقيتي مزيان بعدا

أوسمان:(خنزر فيها)

كوهينور : اوووه بلا ماتعصب حشومة سراح اتعصب

أوسمان:(ناض عندها او شداتو حفيظة)

كوهينور: ماصعيباش عليا عرفت شكون نتا او من اي طبقة جيتي او بلي راك غير سراح هههههه

أوسمان:(ابتسم واخا علامات الغضب باقيين فيه) سراح افضل بكثير نكون مثلي جنسي (غمزها)

كوهينور: ها اش كتقصد

أوسمان: هه(ضربها بكتفو او خرج من القاعة خلاهم تماك)

كوهينور:(كتشوف ف حفيظة) اش كيقصد هادا

حفيظة: ماااانعرف

كوهينور:(جلسات حداها) اممم مكيهمش قوليلي …

حفيظة: اش نقولك

كوهينور: نتي خت الزوبير صغيرة عاوديلي عليه شنو كيبغي شنو مكيبغيش شنو محتاج قوليلي

حفيظة: نعم ياختشييي انا مالي او مال الزوبير اصلا واخا خويا ولكن راه غامض فشخصيتو

كوهينور: احححح نموت فالراجل الغامض

حفيظة:(دلات قنوفتها او هي كتشوف فيها ) احم ماجاش معاك لهنا

كوهينور:(سارحة فتفكيرها او كتلعب فخصلة من شعرها او هي دايرة ابتسامة ) لا قلتلو جلس ترتاح او قالي موجد ليا مفاجأة

حفيظة: (كتساءل واش هادي هي كوهينور المتعجرفة او لي حاسة براسي او الاكفس من هادشي واش كتبغي ختهاااا اوييييليييييييي على الشوهة ضربات فالطبلة باش تفيق )

كوهينور:(قفزات او ناضت ) المهم نتي خت الحارس الشخصي ديالي و الى حتاجيتي شيحاجا اجي عندي (كطلعها او تهبطها ) شنو بانلك تمشي معايا لمنتجع ديال الصبا

حفيظة: انااا ؟؟ ولكن ماعنديش لفلوس

كوهينور: كولشي على حسابي او فالعشية اجيبنا زوزو

حفيظة: زوزو؟؟

كوهينور: اه زوبيير صافي (كتشوف ف ساعتها ) عندي محاضرة دابا نخرج لقاك هنا باش نمشيو يالاه باي

خلاتها كوهينور بلا حتى ماتكمل هضرتها او حفيظة متفاجأة من هادشي حسات بحال الى اتخون أوسمان ولكن رجعات فكرات

حفيظة:(كتهضر مع راسها) نتي ايضا كتستاحقي معاملة راقية او تحسي براسك من الطبقة البرجوازية هي كتعامل معاك مزيان على قبل الزوبير لي فالاصل كاع ماكاين او نتي استاغلي هاد المعاملة هههه

….عند حنان فالدار كانت جالسة مركزة فالحيط او جامعة يديها على شكل قبضة او كتهز فرجليها كتسنى على احر من الجمر حتى سمعات صونيط فالباب او مشات كتجري فتحات

موحى: ولدي الزوبير

حنان: (كتغلض صوتها او كتجنب تشوف فيه ) احم واش جبتيه

شاگمة:(بان قدامها على غفلة أو خلاعها ) ههه هااااني

حنان:(ابتاسمات ) مرحبا دخل

دخل كل من موحى او شاگمة او حنان خلات لباب محلول حيت قاليها موحى ايمشي دابا

حنان: شنو تشربو

موحى: ولدي هاني جبت ليك الشاگمة كيما قلتي او دابا خاصني نمشي

حنان: واخا اعمي

خرج موحى او ركب فطوموبيلتو متاجه لعند معتصم اما شاگمة طار عند حنان عنقها

شاگمة: توحشتك بزااف هههه قلت عمرني نعاود نشوفك

حنان: انا واعدتك انني انلقا ليك خدمة

شاگمة : بصصح او شنو هي لخدمة قوليلي قوليلي

حنان: ششش تهدن غا بشوية انصايب قهوة او نجي (حيدات الشعر المستعار او طلقات شعرها او حيدات الجاكيطة او مشات للكوزينة قادات قهوة او جات ) هاك

شاگمة:(كيشوف فالدار او خدا قهوة) عطاااتك ليام الالة حنان واااو دار واعرة

حنان: هادشي بفضلك او دابا جا الوقت باش نرد الدين

شاگمة : هه لا حنا مابيناتناش

حنان: شرب بعدا قهوتك

…..

كان موحى كيسوق فاتجاه القصر حتى جاتو مكالمة من عند معتصم

موحى: سيدي

معتصم: فينك

موحى: كنت عند الزوبير

معتصم: قولو ادوز عند كوهينور حيت مشات للمنتجع

موحى: واخا اسيدي

قلب موحى الوجهة ديالو او رجع عند الزوبير ماهي الى دقائق كان عندو بحكم مابعدش بزاف او دخل لقا الباب باقي مفتوح او دخل حتى سمع الهضرة او ياريتو ماسمع

شاگمة: هاني الآلة ساليت القهوة

حنان: بغيتك تخدم شيفور عند كوهينور حيت كتجري فاش كتسوق او خفت دير شي كسيدة الله احفظ او انا قلت ليها انجيبلها شيفور او نتا الأنسب

شاگمة:(وسع عينيه بالفرحة) هههه ماتوقعتش هادشي انا وياك بجوج انخدمو فبلاصة وحدة ههه قوليلي بعدا ياكما حصلك شيواحد

حنان: لا مستحيل انا كسبت الثقة ديالهم او زيد عليها التنكر ديالي حقيقي حتى واحد ماشك

موحى: برافو (كيصفق ) برافو

حنان:(ضارت بسرعة البرق حالة عينيها او مدهشرة ) عمي موحى

شاگمة: (ناض كيتفتف)

موحى: رديتونا كاملنا مكلخين او ضحكتو علينا

شاگمة:(مشا عندو) عمي موحى خليني نوضح ليك

موحى: (صرفقو ) اناااا.راه ثقت فيك او مشيت على هضرتك او هاكا كتجازيني

حنان: عفاك سمعني حنا راه ماقصدناش نضحكو عليك

موحى:(غوت عليها ) نتيييي سكتيييي او مزال عندك لوجه باش تهضري صدقتي بنت ماشي ولد فخبارك الى عرف معتصم او كوهينور هادشي شنو يقدرو اديرو فييييك نتي ماعارفاااش هاد الناس

حنان: انا كنت محتاجة للخدمة او محتاجة باش نعيش ختي انا مغلطتش

موحى: لا لا لا هادشي غلط كبير مايمكنش ليا نسكت عليه انا مايمكنش ليا نخون سيدي معتصم (كان بغا يخرج او هضرات حنان)

حنان: (بعيون اسى ) نتا اتقولهالو ؟؟ غادي تقطع الرزق ديالي هاكا عفاك ماتقولهالوش (وقفات قدامو) عفاك

موحى:(شاف فيها بغضب او خرج من الدار ركب فطوموبيلتو متاجه للقصر او هو معصب

شاگمة: دابا شنو غادي نديرو

حنان: كلشي سالا

شاگمة: لاا مايمكنش اسالي

حنان: صااااافي اللعبة تفضحات مكتشوووفش تفووو (تيليفونها كيصوني)

شاگمة: شوفي شكون كايصوني

حنان:(كتبلع ريقها ) هادي كوهينور (جاوباتها او كتغلض صوتها ) الو

كوهينور : زوبير انا انمشي للمنتجع منهنا الساعة دوز عندي صافي

حنان: واخا (قطعات او هي كضور فبلاصتها كتفكر شي حل لهاد الموصيبة )

…..

أوسمان كان جالس فدار لي كاينة فحي راقي او كيشوف الكتوبة ديالو حتى صونا ليه التيليفون او هزو لقا نمرة مامعروفاش او هو اجاوب

أوسمان: الو

ايطو: ولدي أوسمان اهئ اهئ

أوسمان:(تهز قلبو او كيبلع ريقو ) يما

ايطو : اممي اش خبارك توحشناك بزاف اهئ اهئ

أوسمان:( كيمسح دموعو ) انا بيخير ايما ماتبكيش ايما انا قريب نجي

ايطو: عفاك اولدي اجي ماعندك مادير بديك الخدمة راه هنا عندك كلشي راك نتا هو لمير عفاك اولدي اهئ اهئ خلي داكشي واجي

أوسمان: مانقدرش ايما سمحيلي انا خدام او عاجباني خدمتي انا راه مابغيت لا لحكام لا والو

ايطو: اممي راه باك ايسخط عليك راه مقلق منك اولدي اهئ اهئ او لقبايل راهم ايخرجو علينا حتى من ولاد عمامك ولاو بغاو احكمو رجع اولدي ها رضا رجع

أوسمان: خليت ليهم كلشي اديرو لي بغاو انا بغيت غير نقرا او نخدم مابغيتش لحكام فيه غير لقتيلة او لموت اما الوليد راه سخط عليا نهار مشيت او قالي عمرني نرجع

ايطو: هو غير كيهضر اممي راه حتى واحد ماكره كبدتو تكون معاه اجي اولدي راني توحشتك راه عيني نشفو من دموع راك 10 سنين غايب علينا

أوسمان: انشاء الله ايما انجي غير ماتبكيش صافي عفاك (كيمسح دموعو) فينهم ولاد عمامي او عيالات عمامي او بابا لباس عليهم

ايطو: كلشي بيخير اولدي

أوسمان: او فين ختي مايا لباس عليها كبرات شوي

ايطو : كبرات اولدي ولات عزبة ولاد لقبايل كيتهافتو عليها او بابنا مكيعياش من دقان

أوسمان: عنداك امي تزوجيها حتى نجي عفاك

ايطو: واخا اولدي حتى تجي تزوجها نتا اسيدي ، اوا لعقبة نزوجوك حتى نتا المخيرة فالدوار

أوسمان: ههه لا مازال عليا الحال

ايطو: ولدي ياكما كتعرف شيوحدة تماك من بنات لمدينة

أوسمان: لا ايما مكنعرف حتى وحدة اصلا كلهم خايبات او ماشي بنات الناس لباسهم او تفكيرهم بحال المومسات الله استر (تفكر كوهينور او تعصب )

ايطو: اه اولدي ماعندك مادير بشيوحدة تماك غير اجي او نزوجك لي تختارها هنا

أوسمان:(ابتاسم ) ههه واخا ايما

ايطو: يالاه اولدي نخليك دابا جا باك خصني نمشي نشوف اش بغا هاني نبقا نصوني ليك الله ارضي عليك او ينقي طريقك من شوك او يخليك فوق ريوسنا الله اجيبليك الساهلة اولدي

أوسمان: اميين ايما تهلاي فراسك او فختي الله اعاون (قطع أوسمان او بالو كيديه او يجيبو توحش عايلتو لي سمح فيهم على وديت قرايتو او جا لهاد المدينة غريب كيخدم فليل فواحد الريسطو او فنهار كيقرا او هاكا مشات حياتو حتى سالا قرايتو او بحكم التفوق ديالو او الاجتهاد ولا استاذ جامعي ولكن توحش يرجع لبلادو عند ميمتو او من جهة أخرى ماقادرش حيت عائلتو ناس صعاب )

عند كوهينور كانت هي او حفيظة ناعسين على كرشهم او خدامات كيديرو ليهم زيوت او مساج فجو رائع مع شموع معطرة

حفيظة: الله هادشي شحال زوين اول مرة نجرب هادشي والله الى نتوما لي عايشين

كوهينور:(ضحكات) ههه لفلوس هوما كلشي الصراحة كلشي كيحضر بين يديك كتشري لي بغيتي او كتمشي فين ما بغيتي

حفيظة: (حلات عينيها ) قوليلي لبلايص لي مشيتي فيهم كاع

كوهينور:(شافت فيها بعين او سادة عين) مشيت مالديف تركيا فرنسا روسيا اطاليا اليابان كوريا لامريكا ..

حفيظة:(توسعو عينيها) اوووه سعداااتك والله مشيتي لأمريكا كيقولو زوينة تماك كيتحققو الاحلام مكرهتش نمشي ليها

كوهينور: او علاش

حفيظة: حيت بغيت نولي رابورة عالمية او نتشهر بصراحة مكرهتش ولكن انا فقيرة او مانحلمش بزاف

كوهينور: اوا صاف حتى نتي الى غير امريكا نصيفطوك ليها

حفيظة: منيتك ماعندي لا باسبور لا فيزا

كوهينور: قلتلك بلفلوس كولشي كيحضر (غمزاتها)

حفيظة: حلفي بالله حتى تصيفطيني او زوبير اش ايقول

كوهينور : انصيفطك تماك ثلاث اشهر اما زوبير خليه عليا انقنعو

حفيظة: ناري فرحتيني ويييع (عنقااتها)

كوهينور: وااااصااافي بدون لمس بعدي مني . قوليلي شنو كيعجب الزوبير او شنو مكيعجبوش

حفيظة: حتى حاجا مكتعجبو طبعو صعيب

كوهينور: ماعمر كانت عندو شي علاقة ؟

حفيظة: لا داكشي تخربيق بالنسبة ليه

كوهينور: غووود. ههه

…

كانت حنان كتمشي او كتجي فالفيلا معاها شاگمة جالسين كيفكرو فشي حل حتى صونا تيليفون لحنان

حنان:(شافت فالشاگمة) هادا معتصم

شاگمة: جاوبيه

حنان: (كتغلض صوتها ) الو

معتصم:دابا تجي عندي (قطع)

حنان: قطع عليا قالي دابا نجي عندو اكون موحى قالو شيحاجا

شاگمة: سيري او شوفي

طلعات حنان للبيت لبسات حوايجها رجولية مع شعر مستعار او لحية او ليلونتي فالاسود او هبطات شدات طاكسي فاتجاه قصر المعتصم وصلات او هي كتقفقف خايفة بزاااف وصلات او قالتلها الخدامة بلي معتصم فالجردة دخلات او وقفات كان معتصم واقف مع موحى او كيلعب بالفردي شافتو حنان هبطات راسها او علامات الخوف فيها

معتصم: نهار سولت عليك موحى قالي ولد مكيخافش من موت كيتقاتل (مشا فاتجاهها هاز الفردي حتى تقابل معاها ) انا راه امنتك على بنتي او ختاريتك من بينهم كاملهم حيت شفت فيك الشجاعة او الجرأة او النخوة (هز يدها او حطلها الفردي ) حنا ناس حجرتنا ثقيلة او كنتعاملو بهادا

حنان: احم اش اش هادشي اش عندي ماندير بيه

معتصم: من بعد او نفهمك مزيان اش كيديرو بيه (حيدولها او حطو فوق الطبلة او رجع عندها ) قالي موحى واحد الهضرة بغيت نعرف واش بصح ولا لا

حنان: (كتبلع ريقها او مغمضة عينيها ) صحيحة ديك الهضرة

معتصم: علاش درتي هاكا

حنان:(كتفتف) كنت.. كنت

موحى:(تدخل ) حيت خايف على بنتك كوهينور داكشي علاش جاب سائق جديد ليها

حنان:(طلعات راسها فموحى بدهشة عاد فهمات لفيلم او بتاسمات شوي ) اه حيت هي كتسوق بطريقة جنونية

معتصم: شكون هادا لي جبتي واش ثقة

حنان: اه ثقة او بزاف على حسابي

معتصم : جيبو نتقابل معاه

حنان: واخا اسيدي

معتصم: يالاه سير جيب كوهينور راه وصلات الوقت (مشا معتصم لبيتو )

حنان: (دازت حنان من حدا موحى او شدها من يدها )

موحى: انا مقلتش لمعتصم الحقيقة ديالك او ماغاديش نقولو حتى تحكم الايام فهادشي ولكن نتي لي غادي تعرفي معامن كتلعبي او هادشي قريب تعرفيه احنان (مشا او خلاها او الهضرة كتردد فالاذن ديالها كتحول تربط الهضرة بالفردي نفضات الافكار من بالها او صونات على شاكمة لي دقائق جا عندها متاجهين للمنتجع اجيبو كوهينور ماهي الى ساعة وصلو عندهم او كيتسناوهم اخرجو. )

كوهينور: زوزو هاحنا جينا

حنان: زوزو ؟ (شوية لمحات ختها ) اش كديري نتي هنا

حفيظة:انا انا كنت مع كوهينور

حنان:(تعصبات) او علاش بسلامة او بلا خباري

كوهينور: ماتغوتش عليها انا لي جبتها معايا حيت ولينا انا وياها صحابات

حنان:(كتحنزر فحفيظة او الاخرى كترجاها بعينيها )

شاگمة: اوووه زوبير واش هادي هي لالة كوهينور (هو يهز يد كوهينور او باسها) انا متشرف بيك كنظن الزوبير ماوفاكش حقك منين بدا كيوصفك ليا طلعتي اجمل مما تصورت أنسة

كوهينور:(كضحك عجبها الحال ) ههه شكرا (كتشوف ف زوبير ) شكون هادا

حفيظة: واحد الجرثومة ايصدعك فحياتك

شاگمة: سكتي نتي مغيااارة (كيشوف فكوهينور ) جاتها الغيرة حيت الجمال ديالك طاغي عليها

حنان:(اللهم صبري ) احم احم أنسة كوهينور هادا السائق جديد ديالك كيما واعدتك هاني ضبرت عليه

كوهينور: ههه اوكي لي جات منك مرحبا يالاه نمشيو

ركبو ابطالنا فطوموبيل متاجهين للقصر كاملهم دخلو طلعات كوهينور لبيتها او حفيظة او حنان او شاگمة جالسين فالصالة كيتسناو معتصم ماهي الى دقائق بدا كيتقدم بخطوات بطيئة كيقرقب بالعكاز ديالو او وقف قدامهم

معتصم: زوبير جبتي السائق الجديد

حنان: هاهو اسي معتصم (دفعاتو لقدام )

معتصم: (شاف ف حفيظة ) احم شكون هادي

حنان: هادي ختي حفيظة لي كنت دويتلك عليها

معتصم:(مبتاسم ) قربي ابنتي

حفيظة:(كتمشا فاتجاهو ببطء )

معتصم: مشاء الله شنو بانلك ضوري شوية مع الخدامة

حفيظة: واخا

مشات حفيظة مع الخدامة كتساريها فالقصر او بقات حنان مع شاگمة

معتصم: (جلس فالكرسي الفخم ديالو او كيشوف فالشاگمة ) قالي الزوبير نتا ثقة او نعول عليك

شاگمة: سيدي انا تحت امرك ماتلقا حتى مشكل معايا

معتصم: الى لقيت مشكل معاك حسب ربي كاعما خلقك (ابتسامة)

شاگة: احم (بتوتر) انا انكون فحسن الظن ديالك

معتصم: سلامة بنتي هي لولا مانرضا اصيبها حتى خدش واااحد

كوهينور:(كانت هابطة بكسوة قصيرة أو جلسات باليد د الكرسي معنقة باها ) عجبني هاد السائق ابابا هههه كيضحكني

معتصم: (باس راس بنتو ) ماتكوني غير على خاطرك (شاف فالشاگمة) يالاه سير لشغلك اه او قبل ماتمشي سير عند احد ليكاردكور اعطيوك طقم ديالك عيب تكون خدام عند المعتصم بدوك لحوايج

شاگمة: واخا اسيدي شكرا بزاف (مشا شاگمة او هو كيشوف ف حنان )

معتصم : الزوبير

حنان:(ساهية فالارض )

معتصم:(كيتفحص دوك النظرات لي دايرة حنان ) الزوووبييير

حنان: (فاقت من سهوتها ) سمحلي اسيدي سهيت

معتصم: فاش كتفكر

حنان: ختي حفيظة فينها

معتصم: ماتخافش دابا تجي ولكن قبل ماتجي غادي تهضر معاك كوهينور فشيحاجا

كوهينور: فاش انهضر معاه

معتصم:(شاف ف كوهينور او دغيا فهماتو)

كوهينور : متأكد من هادشي ؟؟؟

معتصم: متأكد او بزاااف (ناض ) نخليكم دابا ها كوهينور اتكلف بكلشي (مشا)

حنان: شنو قصد باباك بهاد الهضرة او فاش اتهضري معايا ؟

كوهينور:(كتبتاسم ) دابا نتا وليتي واحد منا او خاصك تعرف شحال من حاجا اجي معايا

بقاو غاديين او حنان كتساءل الف مرة حتى وصلو قدام لوحة تشكيلية كبيييرة حطات كوهينور يدها فوسط اللوحة شوية او هي تحل بقات حنان مبهوطة

كوهينور: يالاه ندخلو

دخلو لداخل كان قبو كبييير بزاااف متشكل من 7 د البيبان كل باب كتحلو كوهينور كتلقا باب اخر حتى وصلو لغرفة عامرة بالمجوهرات الفاخرة و العتيقة

حنان: اش هادشي كاملو (كضور عينيها مسحورة بجمال الغرفة او المجوهرات لي مختالفة )

كوهينور: هادشي كلو الانجازات ديال بابا ولكن الانجاز الكبير كان هو هاديك (أشارت يدها لجوهرة كبيرة مشات بخطوات بطيئة فاتجاهها او حنان موراها )

حنان: شنو هادي

كوهينور: هادي جوهرة الكوهينور افخم جوهرة فالعالم او عليها تسميت انا ربحها بابا يوم تولدت ولكن ماتت ماما فنفس اليوم مابغاش اشوفها منين وصلت 6 سنين عطاهالي او حطيتها هنا

حنان: ولكن مازال مافهمت

كوهينور: ههه عارفة كتساءل دابا علاش كنعاود ليك هاد القصة (هبطات راسها ) حيت نتا راك كتحمي هاد الجوهرة بالمرتبة الاولى

حنان: لا كنحميك نتي

كوهينور: بزاف د ناس طامعين فهاد الجوهرة او حياتي مهددة بالخطر حيت فاي لحظة اقدر شيواحد اقتلني

حنان: كيفاش اقتلك ؟؟؟ واش نايضة سيبا

كوهينور : (شافت فيها مطولة ) مرحبتش بيك فالاول او دابا انرحب بيك الزوبير مرحبا بيك فعالم المافيوزيين

حنان:(تصمكات ) اش كتقولي كيفاش شكون نتوما

كوهينور: بابا مافيوزي او صحابو مافيوزيين هادي هي عائلتنا

حنان: (كتمسح وجها ) لا واش من نيتك اربي فاش دخلت

كوهينور: (خايفة او كتهضر بارتباك ) زوبير نتا ماغاديش تخلى عليا ياك عفااااك راه كنحس بالامان و انا معاك

حنان: (كتهضر مع راسها اش داني ندخل راسي فهادشي ياربي اش داني ) علاش انا علاش انا بضبط

كوهينور: حيت هادي اول مرة نثيق فشيواحد انا من ديما بوحدي او ماعمرني ثقت فشيواحد ولكن نتا كنتيق فيك او بزاااف او عارفة ماغاديش تخون الثقة ديالي

حنان: (هبطات راسها ) سمحيلي

كوهينور: حتى انا ماشي ذنب ديالي تولدت فهاد الوسط ولكن ماعندي ماندير (عطاتو يدها ) واش تقدر تكمل فهاد الخدمة

حنان: نتوما عطيتوني خدمة او انا كنشكركم حيت فضلكم نقدر نوفر لختي كولشي (حطات يدها على راس كوهينور) نتي بحال ختي صغيرة مانخليش شيحاجا تآذيك واخا نعرف نموت غادي نحميك كنواعدك

كوهينور:(طاحولها دموع ) ولكن ولكن اهئ اهئ

حنان: شنو ولكن ؟

كوهينور: انا ماختكش اهئ اهئ

حنان: هههههههه نمشيو منهنا ؟

كوهينور :(مسحات دموعها ) اه انمشيو حيت هاد نهار اتعلم كيفاش تخدم سلاح

حنان: دابا فهمت علاش حطلي سي معتصم السلاح فيدي

كوهينور: ماتخافش انا انعلمك

حنان: واااايلي على تعلميني

كوهينور: اجي ههههه

مشاو للجردة لقاو طبلة كبيييرة عامرة بانواع الأسلحة

كوهينور: دابا انعلمك انواع الاسلحة عاد انتدربو عليهم هادا اي ال اي سي من الاسلحة المضادة لدبابات , مصمم لتدمير أو تعطيل المركبات المدرعة, كيتستخدم طلقة واحدة او هادا بولت أكشن رايفل او هادا الريفولفر اما هادا هو البيستول او هو لي انستخدموه بزاف

حنان: او كيفاش كيتستخدم

كوهينور: كنحطو فيه 20 قرطاسة او كنقادوه هاك شدو

حنان:( شداتو ) صعيب هادشي

كوهينور: جيب نوريك شوف الهيه هاداك هو الهدف ديالنا خصك تعلم تطلق النار اجي معايا

بقات كوهينور كتصوب الهدف ديالها او كتطلق النار او عطات لحنان الفردي او كتعلمها كيفاش دير تصوب بقاو نهار كاملو هكا حتى تعلمات حنان شوية او بدات كتغرب الشمس

حنان: بارراكا علينا هاد نهار

كوهينور: اوكي

حنان: فين هي حفيظة خاصنا نمشيو

كوهينور : لا ماغاديش تمشيو غادي تباتو معانا

حنان: لا ميمكنش

كوهينور : انا كنآمرك اتباتو عندنا او بلا ماتناقشني

كانت جاية حفيظة هي او الخدامة عندهم

حفيظة: وااه اكوهينور داركم شحال كبيييرة او واااعرة

كوهينور: عجباتك ياك اوا داكشي علاش قلت لزوبير تباتو معانا ليوم

حفيظة: اه عفاك اخويا خلينا نباتو ههه

حنان: اووف

كوهينور:(كتشوف فالخدامة) خودي حفيظة لبيتها او انا اناخد زوبير لبيتو

الخدامة: واخا اانسة

كوهينور: يالاه نمشيو

بقاو كيتمشاو حتى وصلو لبيت كوهينور

كوهينور : احم دخل

حنان: ولكن هادي بيتك

كوهينور : (كتشوف بطريقة مزمولة) مكاين مشكل الى نعستي معايا هنا

حنان:(دايرة علامة تعجب ) لا واش منيتك ؟؟؟

كوهينور:(حيدات الكسوة بقات بدوبياس او كتقرب منها ) الزوبير اانا منكرش بلي معجبة بيك بزاف او مكرهتكش تكون معايا شوف راه بابا ماغاديش ارفض والله نتا راك كتعجبني او بزااف كتعجبني شهامتك او شجاعتك (كتقرب منها حتى بغات تبوسها.)

حنان: (دفعاتها ) كوهييينووور الله اهديك ستري راسك انا ميمكنش نكون معاك واش حماقيتي

كوهينور: (تعصبات كتغوت) او علاااش ميمكنش تكون معايا واش انا مازويناش ولا عندك شيوحدة فحياتك

حنان: (دفعات الطبلة برجلها ) الخراااااا فهمييييي انا وياااك مايمكنش ماااايمكنش شوفي نتي بنت أية فالجمال او انا ماعندي حتى شيوحدة فحياتي ولكن راه ميمكنش نكونو بجوج غلطت منين وافقت نبات هنا (كانت غادية تمشي )

كوهينور:(وقفات قدامها.) صافي صافي كيما بغيتي سمحلي مانعاودش غير متقلقش

حنان:(مكتشوفش فيها ) انحسب بحال الى ماشفت او ماسمعت حتى حاجا

كوهينور: صافي بقا على خاطرك اطط نلبس حوايجي باش نديك لبيتك

لبسات كوهينور كسوتها او خدات حنان لبيتها هاد الاخيرة لي طرقات الباب مزيان او دخلات دوشات او هي معصبة من هاد البلان عرفات بلي هاد الكدبة جابتلها غا المشاكييل

حنان: ايييه احنان فاخر يامك تزعط فيك بنت استغفر الله نعس حسن ليا نعسات حنان بالبينوار او هي مغطية راسها

اصبحنا واصبح الملك لله

فاقت كوهينور كتكسل بلاصتها و كما العادة الخدامات ضايرين بيها او هي كتحمم لبسات سروال حمر او ديباردور كحل فوق الصرة او خلات شعرها مطلوق كاع جسمها كيبان او تاجهات لبيت ديال حنان دقات او بغات تحل الباب لقاتو مسدود او حلات بسوارت لقات لبيت مازال مظلم او حنان ففراشها مغطية لتحت

كوهينور: الزوووبييير صباح الخير (كتحل الستائر او او باب الشرفة لي كيخرج لبالكون )

حنان: (حلات عينيها بقوة الصدمة او ماعرفات ماتقول فقط مخبعة فالفراش )

كوهينور: واش ماغاديش تنوض (كتجر لغطا)

حنان:(متشبثة فلغطا او كتهضر بصوت خشن ) خرجيي راني مالابسش حوايجي

كوهينور: صافي هاني انخرج ولكن هبط دغيا باش نفطرو اوكي ؟

حنان: واخا غير خرجيي

خرجات كوهينور عاد لاحت حنان عليها لغطا او كتنفس شعرها منكوش كتقادو مشات كطير سدات الباب او هي مازال بالبينوار كتشوف راسها فالمراية لاحظات باب البالكون محلول او مشات كطل مستمتعة بالريح لي كيضرب فوجهها او كيحرك شعرها مانتابهاتش لمعتصم او طيلة د لفطور كاينة فجردة

معتصم:(كيشوف ف حنان) موحى شكون هاديك

موحى:(طلع عينيه او كيتفتف ) مانعرف اسيدي

معتصم: تكون شي صاحبت كوهينور

موحى: اه اسيدي صاحبتها صاحبتها

دخلات حنان لبيت حيدات البينوار او لبسات حوايجها رجولية او مع لحية او شعر المستعار او ردات ليلونتي فالاسود او هبطات حتى تلاقات مع الخدامة

حنان: احم احم سمحيليا واش حفيظة فاقت

الخدامة: ميسيو زوبير أنسة حفيظة مازال مافاقت

حنان: قوليلي فين بيتها

الخدامة: اجي معايا اسيدي

الخدامة وصلات حنان لبيت حفيظة دخلات عندها او لقاتها خارجة من دوش كتغني

حنان: كيصحابني مازال مافقتي

حفيظة: اححح واش لي عايش فهاد الدار اسخا افيق اوووف والله حتى سعداتهم

حنان: لبسي حوايجك باش نمشيو

حفيظة: واخا

خرجات حنان من بيت واقفة حدا الباب حتى لبسات حفيظة او خرجات او هبطوو

الخدامة: ميسيو زوبير سي معتصم او أنسة كوهينور كيتسناوكم فالجردة

مشاو للجردة لقاو كلشي مجموع مع الطبلة د لفطور

حنان هي او حفيظة: صباح الخير

معتصم او كوهينور: صباح نور

كوهينور: جلسو تاكلو معانا

حنان: (بارتباك) احم بلاش حنا غا جينا نقولو ليكم انمشيو

معتصم: مايمكنش تمشيو بلا ماتفطرو

جلسو

حفيظة: اووه هادشي زوين بزااف

حنان:(شافت قدامها موس او فورشيط او بقات حايرة او كتشوف ف ختها لي كتاكل بيهم بحال الى مولفة اكيييد او هي مولوعة بثقافة الناس البورجوازيين )

كوهينور:(,لاحظات الارتباك ) زوبير الى مابغيتيش تاكل بالموس او الفورشيط هانيا اصلا كيعدبو (حطاتهم او هزات ليكريب كتاكل بيديها ) ههه ناكلو بيدينا

حنان:(ابتاسمات ليها ) شكرا

معتصم :(كيشوف فيهم ) كنلاحظ بلي الزوبير عندو تأثير عليك

حنان: (شافت فيه ) تأثير إيجابي

معتصم: كنتمنى

بقاو بضعة دقائق كياكلو فصمت كوهينور رجعات كتاكل بالموس او الفورشيط حيت مامولفاش يديها اما حنان كتاكل بيديها حتى نطق معتصم

معتصم: بنتي واش نعسات صاحبتك هنا فالليل

كوهينور: نووو ماجات عندي حتى صاحبتي

موحى:(كيحيد الكرافاطا باش اتنفس )

معتصم: انا شفت بنت كطل من البالكون من ديك الغرفة او كانت لابسة بينوار

حنان:(وحلات ليها كتكح ) كح كح

كوهينور: كييفاش ولكن ديك البيت كانت ديال الزوبير (كتشوف فيه ) ولا (هبطات راسها او رمات سربيتا فوق الطبلة او ناضت زعفانة ) والله مامتيقة

حنان:(تابعاها ) كوهيينوور سمعيني

معتصم:(كيشوف ف موحى ) واش شيوحدة لي تكون نعسات معاه البارح

موحى: لا اسيدي الزوبير ماشي دهادشي

معتصم: اوا وااش نكدب عينيا

حنان كانت تابعة كوهينور حتى لدروج

كوهينور: (ضارت عندها زعفانة) شكون هادي لي نعستي معها البارح كيفاااش قدرتي ديرها اوو فوسط داري او صباح كانت معااااك ياااك كنتو مخبعين فوسط لفراش داكشي علاش مابغيتينيش نحيد الغطا عليييك

حنان: اوووف (كضور وجها مرتابكة ) هاديك راه كانت حفيظة

كوهينور : ياااك باراكا من الكدوووب

حنان: يالاه معايا نسولوها

كوهينور: اه يالاه نفضحو كدوبك

رجعو للجردة او كوهينور زعفانة او هي توقف على حفيظة

حفيظة: (كتبقلل عينيها ) شنو ؟؟

كوهينور: فين كنتي هاد صباح

حفيظة: كنت فبيتي

كوهينور:(كتشوف ف زوبير او مخنزرة ) كداب

حنان: هي راه كانت فبيتها او جات عندي

حفيظة:(عاد سرات معاها ) اه اه انا جيت عندو انا لي كنت عندو فصباح (كتشوف ف معتصم ) سي معتصم راه انا لي كنت فالبيت د الزوبير جيت عندو حيت ماخلانيش نخرج مع صحاباتي او كنت كنرغبو

معتصم: ااه بصح ؟؟ مانتابهتش مزياان كان شعرك الكحل مغطي على الوجه

كوهينور: اه او شنو كنتي كديري عندو بالبينوار

حفيظة:(ناضت كتخنزر فكوهينور ) والله مامتيقة اش كنسمع كتشكي فيا مع خوووياااا راااه خوووياااا هاداك والله مامتيقة (خرجات من جردة او داخلة للدار )

كوهينور:(كتشوف ف الزوبير بعيون اسى ) sorry

حنان: كتشكي فيا زعما انا مانلقا فوقاش ندير شيحاجا حتى نعست فداركم

كوهينور: عارفة ازوبير ولكن راه تعصبت ماتحكمتش فراسي

حنان: هاد قلة الحياء مكتعجبنيش اكوهينور او من الافضل تخلي علاقتنا علاقة سيدة او الحارس الشخصي ديالها (مشات خرجات تبعات حفيظة لبيت ) ….

معتصم: كي..كيفاش تجرأ ادوي معاك هاكا اناااا غادي نقتلووو

كوهينور:(جلسات فالكرسي كتبكي ) ولكن هو راه قال الحق اهئ اهئ

معتصم:(عنقها ) ششش كوهينور رجوع الله ماتبكيييش

كوهينور: ياك غير كلب د زناقي حنا لي درنالو الشان

معتصم: غادي ندمووو

كوهينور: لا ابابا انا مرتاحة هاكا انا غير بقا فيا الحال حيت ظلمتو

معتصم: (ابتاسم ليها ) انا خارج ليوم عندي صفقة

كوهينور: وقفات واخا ابابا حتى انا انخرج

معتصم: تهلاي فراسك

كوهينور: (وقفات ) انمشي عند زوبير

….دخلات حنان عند حفيظة او سدات الباب

حفيظة: (ضرباتها بالمخدة) كنا انتفضحو القحبة

حنان:(جلسات فالنموسية ) تفو شاداني لخلعة من صبعي صغير

حفيظة: حنان واش كوهينور كتبغيك (طرطقات بالضحك ) ههههههههههه

حنان:(غوتات عليها ) سكتيييي تفووو كرهت هاد اللعبة

حفيظة: ليووم فكيتك خصك ترديهالي فساعة الخير

حنان:(كتشوف فيها ) اجي نتي ماعندكش الجامعة ليوم

حفيظة: لا مكنقراش ليوم مالك (كتشوف فيها ) حنان عمرني سولتك ههه كيفاش كتقدري تبدلي صوتك

حنان: منيتك احفيظة ياعلى سؤال حامض بحالك

كوهينور: (وصلات لبيت حفيظة منبعد مالقاتش الزوبير فبيتو او متردد دق حتى دقات ) طق طق طق

حفيظة: (حلات الباب ) شنو

كوهينور:(كتبتاسم بزز ) ممكن ندخل

حفيظة: دخلي دخلي

كوهينور:(دخلات كتشوف فيهم ) انا كنعتاذر على هادشي د ليوم

حنان:(كتهضر بخشونة ) ماكاين مشكل

حفيظة: لا كاااين مشكل راه ظلماتنا

حنان: حفيظة سكتي

كوهينور:(شدات حفيظة من شعرها او كتهضر ليها فالوذن مع ابتسامة )

حفيظة: (مندهشة او كضحك ) هههههه لا لا مامتيقاااااش وااااع (كتنقز فوق النموسية ) ويب ويو

حنان:(كتهبط فيها ) هبطي واش هبلتييي

كوهينور: هههه خليها راه الفرحة او مادير

حنان: شنو قلتي ليها

كوهينور: حجزت ليها على طيارة غدا ل امريكا اتجلس شهر ههه ماتخافش وجدت ليها كولشي ماتلقا حتى مشكل حجزت ليها على الدرجة الأولى في الطائرة او فالفندق تماك او طاكسي اوصلها او يجيبها فين مابغات

حنان: لاااا لاااا ماميمكنش ماقابلش بهادشي

حفيظة:(وقفات كتشوف فيهها) كيفاش ماقابلش واش عارف اش كتقول هادشي مايمكنش راه فرصة مكتعوضش

حنان:(زيرات على يديها او غوتات ) حفيييظة قلتلك ماغاااااديييش تمشي

كوهينور: (قفزات ) زوبير سمعني

حنان:(وقفها بيديه ) ماتدخليييش بيني او بين ختي

حفيظة:(عمرو عينيها بدمووع ) انا بغيت نمشي

حنان:(شدات كوهينور خرجاتها من بيت او سدات الباب فوجها او رجعات عند ختها ) وااااش هبلتييي فين باغااا تمشي واش باغا تولي بحالهم واش لهاد الدرجة الفلوس كيعميو بنادم

حفييظة: شنووو فييها الى كنت بغيت نعيش هاد الحياة شنو فيها إلى بغيت نعيش حتى انا واش مانستاهلش اهئ اهئ

حنان: نتي كتشوفي بعيييد او غادي طيحي على راسك لبسي قدك اواتيك

حفيظة: مابغييتوووش اواتيييني مابغيتش هاد الفقر اواتيني اهئ اهئ حتى انا من حقي ندير مستقبالي من حقي نشوف شحال من حاجا

حنان: انا كنحاول نوفر ليك هادشي

حفيظة: اهئ اهئ نتي مكتوفريلي حتى حاجا نتي كتحطميني او كتجريني لتحت مابغيتش نعيش الحياة لي كتفرضيها نتي اهئ اهئ كون كانت ماما عايشة ماكانتش اتعاملني هاكا (نعسات فوق ناموسيتها او كتبكي ) عفااااك خرجييي

حنان:(سمعات بما فيه الكفاية او خرجات من البيت هبطات لتحت أو جلسات فوق لفوتوي حطات راسها على ركابيها او يديها فوق راسها )

كوهينور:(كتجي عندو بخطوات بطيئة ) انا مقصدتش ندير هاد المشاكيل كلها

حنان: عادي

كوهينور: انا بغيت نخرج نسهر هاد نهار فالبار انمشيو

حنان: (تنهدات ) واخا ولكن حفيظة

كوهينور: ماتخافش هي اتبقا هنا كلشي ايحضيها

حنان: واخا

كوهينور: (حطات يديها على يديه ) علاش ماتخليهاش تمشي

حنان: راه ماعندها عقل كنخاف عليها

كوهينور: راه كاينين ليكارد غادي يحضيوها خليها تحقق جزء من احلامها هي بنت يالاه ف 18 عام خليها

حنان: او انا ف 25 من عمري او عارفة كثر منها

كوهينور: انا عارفة بلي نتا كبير علينا او انا كبيرة على حفيظة او كنأكد ليك ماغادي تلقا حتى مشكل

حنان: اكون خير

كوهينور : فخبارك عمرتو عليا القصر نتا او حفيظة كنحس بكم عائلتي ههه

حنان: شكرا بزاف

كوهينور: شكرا ليكم نتوما

حنان:(ابتسامة )

كوهينور: انا انمشي نوجد راسي من دابا

حنان:(لاحظات الوشم ) كوهينور فوقاش وشمتي

كوهينور: ههه فاش كانت فعمري 16 عام كنت مهووسة بالوشم

حنان: مكتفكريش تحيديه

كوهينور: لاء ههه حاليا لا

حنان: ههه اوك

كوهينور: باي دابا

حنان: باي

ناضت حنان كتمشا فالجردة او كتفكر او بالها مامطمنش صعيب الواحد اعيش فكدبة صعيب اعيش فالتفكير او الهم قاتلو ديما حنان عاشت حياتها كاملها او هي كتكافح ديما كتحاول توفر لختها افضل سبل الراحة ولكن ميمكنش تبقا واقفة ليها فطريق سعادتها امكن القدر بغا هادشي اوقع كاينة حياة اخرى كتسنى حفيظة وصل الليل كانت كوهينور فبيتها لابسة غوب سواري فالكحل مزيرة او مكياج ترابي او طالقة شعرها لبسات طالون او جات خارجة تعرضات ليها حنان

كوهينور: الزوبير كيف جيت (كضور بلاستها )

حنان: زوينة

كوهينور: ميغسي بب

حنان: تفضلي تمشي

خرجو من القصر فاتجاه طوموبيل كان الشاگمة كيمسحها او فجأة لمحهم

الشاگمة: (كيصفر) اش هاد الجمال اانسة كوهينور : هههه شكراا

شاگمة : (حل ليها الباب طوموبيل) تفضلي الآلة (ركبات كوهينور فالطوموبيل )

حنان:(كتبتاسم للشاگمة او كتهمس ليه ) تبارك الله على العنيبة

شاگمة: خاص نحافظ على خدمتي اولا لا هه

حنان: ركب سربي وصلنا دغيا

ركبات حنان القدام او كوهينور لور او شاگمة كيصوق في حالة هدوء حتى وصلو للبار هبطات كوهينور تلاقات مع صحاباتها او بقات كتسلم عليهم او فاش هبطات حنان بقات منباهرة بالشكل الخارجي لبار سرعان مادخلو للداخل او زاد تعجب حنان من المنظر او الموسيقى الصاخبة او لبنات لابسين شبر او نص او دراري اشكال و انواع جلسات كوهينور مع صحاباتها كيضحكو او حنان واقفة حداها الى حتاجات شيحاجا

كوهينور: زوبير جلس معانا

حنان:(ماسمعاتهاش)

كوهينور:(كتجرو من يدو )

حنان:(تحنات عندها تسمعها )

كوهينور:(كتغوت ليها فوذنها ) جلس معانا

حنان: انا مرتاح هاكا

كوهينور: راه ماعندها حتى معنى تبقا واقف جلس

حنان: اوكي (جلسات حنان حداهم او مدات ليها وحدة من صحابات كوهينور الشراب )

البنت :(غمزاتها) هاك شرب معانا

حنان: مكنشربش

البنت: احححح انا ذهبت فيك

كوهينور:(خنزرات فالبنت ) هادا (شدات فالزوبير) كيخصني انا ديالي وا جمعي راسك

البنت: اوك اوك ماقلت والو

حنان:(حيدات يديها من حدا يد كوهينور)

كوهينور : (ناضت جرات حنان من يديها حتى وصلو للوسط ) انشطحو

حنان: مكنعرفش نشطح اكوهينور

كوهينور: انا نعلمك هههه

حنان :(كتهضر مع راسها ) ياربي رزقني صبر بديت كنتعصب(بقات كوهينور كتلوى عليها او حنان كتحاول تبعدها حتى لمحات كوهينور واحد الشخص كتكرهو او كدير ابتسامة شر )

كوهينور: زوبير هاني راجعة

حنان: فين بغيتي تمشي

كوهينور : انجيب شيحاجا نشربها او صاف

حنان خلاتها تمشي او كوهينور كتشوف فداك الشخص نظرات خطيرة و ماكرة مع ابتسامة شريرة او جلسات فالكرسي ديال بارمان اما هو كان جالس فجنبها او عاطيها بظهر

كوهينور: السراااح ههه

اوسمان : (كان مكونسونطري كيكمي حتى سمع هاد الكلمة او عارف شكون كيقولهالو فتت داك الكارو من يدو او ضار عندها بعلامات غضب ) شنو بغيتي

كوهينور: اوووه سراح تقلق هههه ماكانش كيصحابني القاك هنا لعجب كيفاش قبلو بواحد بحالك ادخل لهنا اوووف كنظن مانعاودش انجي

اوسمان: اوا هي الى مشيتي نيت دابا حيت انا ماباغيش نتخاصم معاك ماعنديش الگانة

كوهينور: (حسات بالاهانة ) شكون نتا باش ماتعطينيش وقت راك غير فقيير او ماتسوا والو حمار من الحمير لي كنتلاقا بيهم ديما

اوسمان :(كارز على سنانو او جامع القبضة ديال يدو او كيشوف فيها معصب )

كوهينور:(ابتاسمات حيت عصباتو ) بون عطيني ويسكي بغيت نشرب (كتشوف فيه قاسح )

اوسمان : (تمالك نفسو او مابغاش اجبد معاها صداع كبلها كاس د ويسكي او عطاه ليها اما هاد الاخيرة هزاتو او لاحتو على وجهو خواتو كاملو صافي هنا ماقدرش اوسمان اصبر تعصب لاقصى حد هز يدو حتى هزها او نزل عليها بسقلة حتى ضار وجها تخلطات عليها الضربة مع الصدمة مع الدموع او الاهانة ماتوقعاتهاش عمر شيواحد هز يدو عليها وقفات الموسيقى او رجعات من موسيقى صاخبة لموسيقى هادئة او ضارت عندو كوهينور كتغوت )

كوهينور: كيفاش تجرأتي كييييييفاااااش ضربتيني مامتيقاش نتا يا سراح يا الكلب تهز يديك على لالاك كوهينور تنحيك نتا او تريكتك يا الحمااار

اوسمان: (كولشي دار كيتفرج فيهم مصدومين نقز عندها او شدها من شعر او هو معصبب ) واش عارفة راسك معامن كتلعبي رانيييي نقتلللك او نشرب من دمك او نحسب ربي ماخلقك من ديما او نتي طالعة ليا فكري مابغياااش تحشمي علاه شكون نتي بسلامة غير قحبة من لقحاب

حنان:(شافت اوسمان شاد كوهينور من شعرها مشات كتجري فكاتها منو او شادة كوهينور ) كوهينور اش واقع (كتشوف ف اوسمان )

كوهينور: اهئ اهئ ضربني هاد المتوحش الزامل

اوسمان: (شد واحد الكرسي او رماه فاتجاه قراعي شراب لي مستفين فالفيترينا كلشي تشخشخ ) غاااادي نقتلك يا الموووسخة نوريك زامل اش كيدير

جا المسؤول على البار كيجري عند كوهينور

المسؤول : أنسة كوهينور واش كاينة شي مشكلة

كوهينور:(بعينين محجرين فيهم دموع او نبرة غاضبة) هاد الحثالة لي دخلتي عندك فالبار غادي دفع الثمن ديالو غالي

المسؤول:(كيرجف ) مادام كوهينور عافاك عذريني عافاك سمحيلي

كوهينور: جري عليه دابا من قدامي دااااااابا

المسؤول :(كيشوف ف اوسمان ) خرج عليا يالاه

اوسمان: ولكن راه هي لي بدات فصداع هي لي غالطة

المسؤول :خرج منهنا

اوسمان حس بالحگرة او الظلم احساس خايب الاهانة و اعين كل من كاين فالبار ايختارقوه

كوهينور: (تقابلات معاه او عينيها عامرين بدموع او بالغضب ) انا كوهينور موقاديري عمر شيواحد هز عليا يدو او ليد لي تهزات عليا ليوم غادي نهرسها غادي دفع الثمن غاااالي عمرني نساها لييك (شافت فليكاردكور لي كانو جاو من موراها هي او حنان او عطاتهم إشارة فجأة تجمعو كاملهم على اوسمان او بقاو كيضربو فيه او هو كيضرب فيهم تحول لوحش كلشي لي فالبار هرب او كوهينور كتشوف فيه اما حنان شدات كوهينور كتهضر معاها )

حنان: كوهييينووور قولي لرجالك اوقفو دابا

كوهينور: لا لااا خليييه اتربا

حنان: (شافت ثاني مرة جبروت و كبرياء كوهينور ولكن مكتصبرش على الظلم ابدااا دخلات فوسط المدابزة كتفك اوسمان او كضارب من ليكارد حتى بعدووو ) صااااااافي باراااكا بعدووو منووو

كوهينور: زوبير اش كدييير خليه اتربا

حنان: نتيييي سكتي سيري لطوموبيل دابا

اوسمان : (شاف فكرهينور او وجه ليها كلمات امكن اتعرف قيمتهم واحد النهار او اتندم من بعد ) نهار طيحي فيدي والله مانرحمك

كوهينور:(كتفتف ) زوبير شفتي راه مكيحشمش راه …

حنان: (شافت فيها نظرة حادة ) هضرت معاااك

(مشات كوهينور خرجات ركبات فالطوموبيل اما ليكارد تبعوها خوا البار كاملو بقات غير حنان و اوسمان ضارت عندو )

حنان: كنعتاذر

اوسمان:(حط يدو على كتفها او هو كيلهث ) مكاين مشكل

حنان: خليتك دابا انمشي

اوسمان: تصبحي على خير

خرجات حنان او هي كتنفس الصعداء لقات شاگمة واقف حدا طوموبيل ماشافتش جيهتو او ركبات حدا كوهينور هاد الاخيرة كانت على اعصابها كتعض فضفارها حتى جلسات حداها حنان

كوهينور: الزوبير

حنان: (طلعات يدها بمعنى سكتي )

انطالق الشاگمة بسرعة متوقف حتى للفيلا حس بلي شيحاجا ماشي حتى لتماك مابغاش اهضر وقف طوموبيل او هبط خلا حنان او كوهينور بوحدهم فالطوموبيل حلات حنان لباب بغات تخرج او شداتها كوهينور

كوهينور: علاش معصب مني

حنان: مافيا لي يهضر

كوهينور: راه ضربني شنو كان خاصني ندير

حنان:(طرطقات عليها ) نتي راك كل مرة كتجبديه او كتحاولي تقللي من قيمتو واش لهاد الدرجة نتوما الاغنياء فيكم الظلم او البخ هااا

كوهينور: هو راه ديما كيغوت عليا او كيعصبني مكيهبطش راسو فاش كندوز من حداه فقيير او حاس براسو

حنان :علااااش خاصو يحني راسو باش نتوما الاغنياء تزيدو تحسو براسكم او تكبرو سمعي الفقر عمرو كان عيييب ربي هو الغني

حنان: لا حنا مقسمين طبقات عمرنا نتجمعو كل واحد خاصو اعرف مقامو

حنان: حمد لله حنا الفقراء عايشين بضمير او بشرف (شافت فيها بأسى) حتى انا فقير ماشي من مقامك سمحي ليا الآلة من ليوم كل واحد اعرف حدو

كوهينور:(عرفات بلي زبلاتها) الزوبير سمحلي والله ماقصدت انا…

حنان: تسالات الهضرة هبطي دخلي لداركم تصبحي على خير

خرجات حنان او كوهينور من موراها دخلو للفيلا طلعات كوهينور لبيتها او هي مقلقة اول مرة تحس بلي دارت شيحاجا خايبة اما حنان دخلات عند ختها لقاتها كتفرج ففيلم او كتبكي شافتها او هي تقلب وجهها

حنان: مازال مانعستي

حفيظة : ماشي شغلك

حنان: راك ماغاديش تقدري تفيقي غدا اتفوتك طيارة

حفيظة:(طلعات راسها فيها بالزربة او كتشوف فيها او ضحكة على وجهها او مشات تلاحت عليها ) واش انمشي هههه اتخليني نمشي

حنان: اه انخليك

حفيظة: (عنقاتها ) شكرااا شكرا بزاااف

حنان: واش جمعتي حوايجك

حفيظة : لا مزال انمشي دابا نجمع

جبدات حفيظة لا فاليز او صاك صغير جمعات حوايجها صبابطها او ماكياجها او هي اطير بالفرحة او حنان كتجمع معاها

حنان: واش خديتي بوديات ديال صوف راه جو بارد تماك او سراول خودي كولونات حتى هوما او ديباردور

حفيظة: (لاحظات ثوثر حنان او خوفها او هي تشد ليها فيديها ) كولشي ديتو ماتخمميش اجي جلسي

حنان:(كتشوف فيها بحزن) تهلاي فراسك عنداكي تمشي مع شيواحد بعدي على دراري او ردي بالك

حفيظة: عارفة اش اندير ماتخافيييش

حنان: انا مامطمناش لهاد المشية خايفة عليك عمرك بعدتي عليا

حفيظة: انرجع دغيا ماتخافيش عليا

حنان: الله يرضي عليك (عنقاتها او هبطولها دموع حتى دق شيواحد فالباب)

حفيظة: دخل

كوهينور: سمحو ليا (دخلات او هي متوترة عطات لحفيظة باسبور ديالها او شي وراق ) هاكي هادو الى كنتي اتمشي

حفيظة:(مشات خداتهم او عنقاتها ) اه خلاني خويا نمشي

كوهينور: (ابتاسمات ) مزيان هه

حنان:(مابغاتش تشوف فكوهينور) معاياش اتمشي غدا

كوهينور: مع 7

حنان: اوكي تصبحو على خير دابا (خرجات حنان تبعاتها كوهينور دغيا )

كوهينور: زوبير ممكن نهضرو

حنان:(ضارت عندها ) انا عيان

كوهينور:(قربات منها ) سمحلي عفاك انا مقصدتش نقول ديك الهضرة

حنان: الهضرة لي خرجات عمرها كترجع

كوهينور: زوبير انا راه عشت حياتي كاملها بلا مايقولي شيواحد شنو ندير شنو لمزيان او شنو لخايب عشت كيما بغيت اهئ اهئ كنحس بحياتي خايبة بغيت شيحاجا تبدلني ولكن مكنقدرش او ماغاديش نقدر

حنان:(قربات منها عنقاتها ) صافي ششش ماوقع والو نساي

كوهينور:(استاحلات التعنيقة ) شكرا

معتصم:(كان دايز من الكولوار حتى شافهم. ) احم احم

حنان:(شافت فيه هي او كوهينور ) احم ميسيو معتصم

كوهينور: بابا هه (مشات عندو ) اش فيقك من نعاس

معتصم:(كيشوف ف حنان ) مابغاش اجيني

كوهينور:(كتجرو ) يالاه معايا خاص تنعس راك عاد شربتي دوا

معتصم:(شد فبنتو او مشاو حتى وصلو للبيت معتصم او دخلو جلس فالنموسية او هي حداه كان كيفكر ) توحشت ياسمين

كوهينور:(تبدلو ليها الملامح ) بابا نتا كاع ماكنتي كتعاودلي عليها والو

معتصم: حيت مازال مقسح من موتها ماقادرش نتقبل انها مشات او خلاتني بغيتها بزاف

كوهينور: عاودلي عليها

معتصم: كانت بحالك فكلشي الشبه الشخصية الأفكار كلشي ههه فاش كنشوفك كنتفكرها

كوهينور: كنتمنى نكون بحالها حتى فالاختيار او نختار راجل ابغيني او نبغيه

معتصم: (شاف فيها ) الى خويتي عليا دار انموت حيت ولفتك معايا

كوهينور: ماتقولش هاكا ابابا راه مانقدرش نخليك او حتى الى تزوجت انجيبو اعيش معانا ههه

معتصم: ايبغي زوبير اسكن معانا ؟

كوهينور: اش جاب زوبير للهضرة

معتصم: مكيعجبكش مابيناتكم حتى حاجا

كوهينور:(ناضت ) لا ابابا مابيناتنا والو فهمتي غلاط

معتصم: شفتكم قبيلة معانقين

كوهينور: لا راه غير طلبت منو سماحة حيت درت حاجا خايبة او صاف اصلا وليت كنحس بيه بحال خويا مابقاتش عندي ديك الفكرة

معتصم: الى بغيتي راه ممكن نهضر معاه

كوهينور: لا ابابا حتى حاجا مكتجي بزز صافي نسا عليا هادشي او اجي تنعس يالاه

معتصم: اوك

كوهينور: خليت ليك الراحة انمشي نعس

معتصم: بونوي

مشات كوهينور لبيتها نعسات او هي كتفكر الطرشة لي خدات من عند اوسمان اما حنان حيدات حوايجها دوشات او لبسات بينوار حلات لبالكون من بعد ماطفات ضو او بقات كتشوف فالسماء اما حفيظة مامتيقاش راسها اتمشي لأمريكا خرجات من بيتها او هبطات فاتجاه الجردة خرجات او هي مبتاسمة حتى سمعات سميتها من موراها

شاگمة: حفيظة

حفيظة:(ضارت عندو او هي مبتاسمة ) اش كدير هنا

شاگمة: وليت ساكن فبيت الخدم

حفيظة: ههه داكشي لي تستاهل نيت

شاگمة : كتشوفي بعيد او غادي تندمي

حفيظة: كنت باغيا نشوف بعيد معاك ولكن نتا ماتستاهلش بغيتي تبقا ديما كتشوف لتحت

شاگمة: انا ماخليتكش نتي لي سمحتي فيا

حفيظة: واش انا انبقا نتسنا فيك حياتي كاملها انا راه بغيتك منين كنت صغيرة نتا او حنان لي ربيتوني نتا اول واحد فحياتي واخا هكك مابغيتيش دير شيحاجا على قبلي

شاگمة: نتي عارفة وضعيتي كيف دايرة منقدرش نوفر ليك حتى حاجا انا راه كنبغيك ولكن نتي لفلوس كيعميوك

حفيظة: واخا كنبغيك ولكن مانقدرش نربط حياتي بيك

شاگمة: لفلوس ماشي هوما كلشي غادي تعرفي هادشي واحد نهار

حفيظة: (شافت فيه او عينيها عامرين بدموع ) اوا تستاهل شيوحدة ماعاميينهاش لفلوس (بغات تمشي)

شاگمة:(شد ليها فيدها او مقرب ليها ) مانقدرش نعيش بلا بيك احفيظة شوفي انا وياك انديرو كولشي منبعد غير تزوجي بيا انبنيو حياتنا درجة درجة

حفيظة:(حيدات يديها منو ) بغيت نضمن حياتي مابغيتش نتعذب

شاگمة:(غمض عينيه بحسرة ) الله اسهل عليك

حفيظة: المهم تهلا انا غدا انسافر لامريكا

شاگمة: اش اديري تماك او بوحدك حنان ماغاديش تمشي

حفيظة: حنان ماغاديش تمشي غير انا

شاگمة: (بقا ساكت ماعندو مايقول ليها مشات حفيظة او خلتو من موراها امكن كانت أنانية او عندها صواب لقات راجل ابغيها ولكن ماعندوش فلوس او احلامها متناقضة معاه اما هو واخا باغيها ماعندو جهد لاحلامها شحال من بنت او ولد عاشو نفس اللحظة او عرفو بلي الفراق هو مصيرهم بدات قصة حبهم منين كانت فعمرها 16 او محمد 23 بغاها او بغاتو ولكن لفلوس دايرين ليهم عائق ديما او تسالات قصة حبهم او كيحاولو مايبينو حتى حاجا )

صبح صباح جديد فاقت حفيظة مع 6 او حنان جات لعندها منبعد ما تنكرات هبطو ليفاليز لتحت او لقاو كوهينور كتفطر او جلسو افطرو معاها حتى سالاو او دخلو لطوموبيل بثلاثة او شاگمة كيسوق او كيشوف فحفيظة من المراية هاد الاخيرة لي حتى هي كتستارق النظر عينيهم هوما لي كيهضرو اما كوهينور او حنان بقاو كيهضرو او كيتناقشو حتى وصلو للمطار او دخلو ليه وصلات لحظة الوداع

حنان: الله يعاونك

حفيظة:(,عنقاتها ) بسلامة

كوهينور: تهلاي فراسك

حفيظة: واخا هه (عنقاتها )

كوهينور: زدت ليك واحد لافاليز فيها حوايج(غمزاتها )

حفيظة: (كضحك) وليتي كتعجبيني هههه شكرا سالاه نخليكم دابا (بغات تمشي او ضارت كتشوف ف شاگمة دارت ليه باي باي بيدها او ردها ليها او دخلات للداخل باش دير اجراءات ) ….

اما لبنات رجعو بحالهم

كوهينور: نتا مستاعد نرجعو للخدمة

حنان: اوووف هادشي صعيب

كوهينور: دغيا اتعلم هاد شهرين غير ديال الخدمة او منبعد اتولي محترف اصلا فيك كاع المقومات ماكاتخافش قوي شجاع هه

حنان: اوك اوك (بقات حنان كتفكر غير فختها واش طلعات للطيارة ولا مازال او هازة لهم ليها او من جهة أخرى خايفة من هاد الناس لي دخلات بيناتهم خايفة بزاف ولكن كتصبر حيت ماتلقاش خدمة مزيانة بحال هادي خصها دير اي حاجا باش تحافظ عليها و الاهم من هادشي ماخصش السر ديالها اتفضح …)

عند حفيظة بقات فالمطار كدير الإجراءات ساعتاين او عاد طلعات للطيارة كان المقعد ديالها فالدرجة الاولى فرحات بزاف حسات براسها أميرة خداتها المضيفة لبلاصتها كانت حدا سرجم او جالس حداها راجل داير كاسكيط كانت الدرجة الأولى شبه خاوية قلال الأشخاص لي فيها بقات كطل من سرجم حتى سمعات بلي خاصها تربط الأحزمة قادات الحزام ديالها او ماهي الى دقائق بدات كتقلع الطيارة او هي تغوت او شدات فالراجل لي حداها حطات راسها على كتفو او غرسات ضفارها فيدو او هي مغمضة عينيها او مازالة كتزير عليه حتى استاقرات الطائرة فالسماء او بدات كتحل عينيها بالشوية حتى حلاتهم او رجعات لبلاصتها عاد شافت فالولد او الجرح لي دارتلو فيديه ماعرفات ماتقول

حفيظة :عفاك سمحلي سمحلي

الراجل :(طلع عينيه فيها حيد الكاسكيط او ليكيت او شاف فيه بملامح غير مفهومة ) واش هادوك ضفار ولا زيزوار

حفيظة: (بقات مبهوطة هاححح اش هاد زين لي كيهضر معاها سمر او عويناتو رماديين او لحية مزيناه تلفاتلها الهضرة بقات غير حالة فمها كتشوف فيه )

الراجل :(قرب منها حتى هو كيشوف فيها ) عينيك

حفيظة: شنوو ؟

الراجل : عينيك زوينين حيت كيشوفو الزين

حفيظة: مافهمتش

الراجل : عارف راسي زوين بزاف ماتحتاجيش تقوليها هاني جاوبتك ههه عويناتك زوينين او كيشوفو الزين

حفيظة: شوفلك حاس براسك ييخ

الراجل : لي ضربنا قاعو مايهمنا صداعو

حفيظة: تقود لا ؟

الراجل : هاي هاي على لبرهوشة حتى نتي كتخسري الهضرة

حفيظة: (شافت فيه بنظرة لامبالاة ) نسمعك ماكثر؟

الراجل : تلاحي (رد ليزيات لودنو او كيسمع الموسيقى )

حفيظة: (ماتسرطاتش ليها اعايرها واخا هاكك سكتات او جمعات يديها عندها كتسوط حتى رجعات شافت يدو لي جرحاتها ليه فتحات صاكها او جبدات سبارادرا او شدات يدو قاداتها ليه اما هو ضار عندها كيشوف فيديه سبارادرا او كيشوف فيها مضورة وجها لسرجم او رجع كيتموسق او حفيظة جبدات رواية كتقراها داز وقت طويل حتى وصلات لوقت ديال العشاء او خدات العشاء ديالها او ايضا الراجل خدا لعشاء ديالو او بقاو كياكلو فهدوء حتى سالاو ماكلتهم او جات المضيفة خدات بلاطو او عطاتهم لمانطات خفاف الى بغاو انعسو هزات حفيظة مانطا ديالها او تكمشات او حتى هو هز مانطا ديالو او حط ليزيات فوذنو او مجهد الموسيقى حفيظة صبرات حتى صبرات …

حفيظة: (بدأت كتزعزع فيه ) ممكن تنقص صوت شوية

الراجل : (حل عينيه او حيد ليزيات او ضار عندها بغضب ) شنووو شنوو بغيتي طلعتيلي فكري

حفيظة: شوف بلا ماتبقا تغوت نقص الخرا راه صدعتيني تفووووو

الراجل: ماناقصش سيري تقودي عليا

حفيظة : كيفااااش ماناقصش واش نتا مريض واها الزملة كيف دايرة

الراجل : اووووف اووووف (ناض من حداها من بعد ماجات مضيفة كطلب منهم اسكتو او قالها بغا ابدل المقعد او خداتو لمقعد اخر بعيد على حفيظة )

حفيظة: مشية بلا رجعة (ضارت كتشوف فيه بغضب اما هو كان مغمض عينيه او دار ليها فاك او ضارت لقدامها بنترة سادة عينيها كتحاول تنعس )

صبح صباح جديد

فاقت حنان كترمش عويناتها ناضت دغيا دوشات كانت رجعات لبارح لدارها هبطات دارت فطورها حتى صونا لباب جات كتسلت حتى وصلات او شافت من الكاميرا شكون جا لقاتو اوسمان او حلات لباب بشوية او همسات ليه …دخل او سدات لباب

اوسمان : سلام

حنان: وعليكم السلام اش جيتي دير

اوسمان: جيت نسول على حفيظة مابانتش ليا

حنان: حفيظة مسافرة ولكن منين جبتي العنوان ديال دار

اوسمان : صافطاتو ليا حفيظة

حنان:اممم (بقات ساكتا شوية ) اجي جلس شنو تشرب قهوة ولا اتاي

اوسمان: لا انا انمشي دابا غير شكرا مرة أخرى على داك نهار

حنان: راك خسرتي خدمتك علاش كتشكرني

اوسمان : لقيت خدمة اخرى ماديريش فبالك ولكن واش بصح وليتي كتخدمي عند هاديك واش ماخايفاش

حنان: خايفة نتفضح ماشي حيت ايوقع ليا شي مشكل انا مابغيتش نتفضح انحس بلي غدرتهم ايفقدو الثقة فيا

اوسمان:(ضحك باستهزاء ) حتى ديك سلعة تهزي ليها لحم

حنان: ديك سلعة من الافضل تبعد من طريقها حيت صعااب

اوسمان: بدات الحرب دابا ماغاديش تسالا

حنان: انا غير علمتك (شافت فيه ) بغيت نسولك

اوسمان : سولي

حنان: كيفاش كتصوني للخارج (عطاتو تيليفون ) ماعرفتش كاع هادشي كيفاش كيستعملوه

اوسمان: خصك تعبئي او ايعطيوك تهضري شي ساعة نحو جميع الشبكات لي فالخارج

حنان: اااه او كيفاش نعبئ او نطلب نمرة

اوسمان : اوا هادشي خصو جليسة ههه

حنان:(ابتاسمات شوي ) قهوة ولا اتاي

اوسمان: قهوة

جلس معاها اوسمان كيوريها كيفاش تخدم تيليفون او شحال من حاجا جديدة عليها حتى سالا او خرج مشا بحالو او بقات حنان بوحدها فدار عندها ليوم عطلة

اما عند حفيظة يالاه فاقت من نعاس او كانت وصلات لنيويورك بعد مسافة طويلة امتدات من المغرب فرنسا والان امريكا استاعدات الهبوط كانت غادية او كتقلب بعينيها على داك الراجل مالقاتوش قالت امكن هبط قبل منها تحركات دارت الاجرائات ديالها مرة أخرى أو مشات كتسنا ليفاليز ديالها مع ناس شوية او هي تقيس شيواحد بكتفها ضارت لقاتو هو نيت نفسو خنز فيها او بادلاتو نفس النظرة او ضارت قدامنا هزات لافاليز لولة كانت فالاسود او هو هز لافاليز ديالو كانت فالبيج او بقات كتسنا لافاليز ثانية كانت نفس الشكل او لون ديال داك الراجل حطاتها على جنب او هزات صاكها صغير فاش جات غادية شدات لافاليز الكحلة فيديها ليمنية جراتها او بغات تشد الاخرى صدقات واخدة ديال راجل او خلاتلو ديالها بكثرة الشبه تخالفو ليهم خرجات من المطار بقات واقفة برا حتى وقفات قدامها ليموزين

السائق: (حل ليها الباب كيهضر بالانجليزية) مدام تفضلي

حفيظة:(بقات كضحك او هضرات بالانجليزية ) شكرا (ركبات او ركب السائق واخدها لفندق راقي بقات حالة فمها اولا فليموزين او ثانية فالبنايات ديال نيويورك كان حلمها الوحيد تشوف هاد العالم شوية بانت التصويرة ديال carde b رابورة مشهورة بقات كتحلم تكون

بحالها شي نهار …وصلات للفندق ديالها كان عندها حجز مسبق خداها لي خدام تماك للغرفة ديالها علاما يوصلو ليها حوايجها يالاه تفتح لباب تفتح معاه فمها كانت غاية فالروعة كيطغى عليها لون مارون و الاثاث فاخر و بلازما قبالت الناموسية لي كانت ديال الماء و حوض سمك كبير فيه اسماك مختلفة و ايضا الماريو لي لداخل كاين بيت اخر وبلا مانساو دوش لي داير بحال صالون تجميل بيت رائع بكل معنى الكلمة دخلو ليها حوايجها او شكراتهم بقات بوحدها او الفرحة ماقاداها اول حاجا دارتها هي دوشات دخلات لداك الحوض عمراتو بليبرودوي او بقات كتغني او دوش او تقاد راسها حيدات عليها لعياا او خرجات قادات شعرها او طلبات الغدا دخلوه ليه كلات مزيااان عمرات كرشها او بقات كتصبغ ضفارها حتى بردو ليها عاد ناضت كتقلب على شنو تلبس شدات لافاليز ديالها لكحلة حلاتها مابانتليهاش فشيحاجا او هي تبان ليها لافاليز لي عطاتها كوهينور حاولات تحلها مابغاتش لقات قفل او سوارت ماشي هوما تعصبات معاها حتى قلباتها عاد لقات سمية طوني محفوظ مع نمرة ديال تيليفون

حفيظة: اويلي نتاعمن هادي اويلي فين لافاليز ديالي (بقات كضور تما بوحدها عاد تفكرات كان حداها داك الولد ) شيييت كنتمنى ماتكونش ديالو (مشات هزات دوبياس فالغوز او بودي او سروال كحل ديال توب او عاد صونات عليه )

حفيظة: الو

الراجل: جيبيلي لافاليز ديالي ابنت القحبة

حفيظة: القحبة هي لي ولداتك او مارباتك اش فين نلقاك نعطيك لخرا ديالك

الراجل؛ منهار شفتك او انا تابعني نحس ييخ

حفيظة: اتبقا تعايرني بحال ديك القحبة لي ماعندها شغل

الراجل: تفو فينك نتي

حفيظة: انا فأوطيل ****

الراجل:(اشمن شومبر )

حفيظة:7

الراجل: حلي الباب الحمارة لي غير كتهز ماكاتشوفش فجنابها

حفيظة:علاه فينك نتا حتى نحل

الراجل : حلي لقلاوي ولا نجي نحلك لغيران

حفيظة: موسخ لاخر تفو (حلات لباب فإذا بها كتشوفو فالشومبر لي قبالتها حال بابو دارلها باي باي رجعات سدات الباب بالخلعة)

الراجل: خرجي ليا لافاليز

حفيظة: فين لافاليز ديالي

الراجل : هاهي عندي غير جيبيلي ديالي بعدا او خودي ديالك

حفيظة:(هزات لافاليز ديالو حلات لباب او دخلات لعندو حطاتها ليه او دخلات لبيت نعاس ) هاهي لافاليز ديالك فينها ديالي

الراجل: لحتها من سرجم

حفيظة: شنااااااااهواااااا

الراجل: ماعندي ماندير بيها

حفيظة: اللينعلطبنمك ياك قلتيلي راها عندك

الراجل: اه باش تجيبيلي ديالي

حفيظة: هاني نوري لقحبتيماك ترميها (شدات لافاليز او خرجات للبالكون بغات ترميها او هو كيشدها ) طلق مني طلق الكلب هادي هي الأمانة اولد القحبة ترمي ليا لافاليز ديالي ولكن ماشي نتا الغلطان زهري المكوز هو لي كيلاقيني بيك بقيتي كتعااااااير فيااااا قلنا ماكاين موشكيييل حتى انا عنديييي فمي نعاير بيه ولكن ترمي لافاليز ولاه لابقات فزاملبوك

راجل: وامارميتهااااش ابنت القحبة واااا العيييشوووورية غير قشبت معاااك

حفيظة: سكت اولد القحبة الكداب

راجل: واااا والله مارميتها غير حطي زمر هاني نجيبها ليك (مشا دخل جبدها من تحت ناموسية او عطاها ليها ) هاهي

حفيظة:(حطات لافاليز ديالو ) احم اوا دابا مزيااان

راجل: عيشووورية مع راسك ههههههه طيرتيني

حفيظة:(بقات كتنفخ فشنايفها او شدات لافاليز ديالها بغات تخرج )

راجل: (مد ليها يديه ) انا فهد او نتي

حفيظة: نتا كداب قريت فلافاليز طوني محفوظ

فهد: هاداك اسم الشهرة

حفيظة: علاه شكون تكون بالسلامة

فهد: انا عارض ازياء مابانش ليك هاد زين كولو لي فيا

حفيظة: هههه شحال حاس بكرك

فهد: هههه شنو بغيتيني نحس بكرك نتي

حفيظة: انا سميتي حفيظة

فهد: (طرطق بالضحك ) هههههههههههه واااااع على حفيييظة ناري توقعت تكون سميتك ريحانة يارا سوزي ههههه حفيظة ههههه بصراحة سميتك ظلمات زينك

حفيظة: ماتزيدش على مابيا راه سميتي معقداني

فهد: خصنا نلقاو ليك شي سمية اخرى

حفيظة: هههه باغي ديرلي حالة مدنية

فهد: كلشي ممكن لي كيدخل لاميريكا ماكايمشيش منها خاوي ليدين خصك غير تعرفي اش كيميزك

حفيظة: اوكي هه دوينا بزاف انمشي دابا بحالي

فهد: باي هه

حفيظة: (تمات غادية او ضارت عندو ) اه او انا ماشي عيشورية غير لي جبدني لي كيلقاني هه

فهد: اصلا كيعجبوني العيشوريات كيفكروني بالمغرب الحبيب هههه

حفيظة:(غمزاتو ) باي هه (خرجات حفيظة من عند فهد كضحك او دخلات لبيتها او سدات او حلات ديك لافاليز عجبها داكشي واااعر ها ليغوب سواري ها حوايج لخروووج طوووب حمقوها حطاتهم على الجنب كتقادهم علقاتهم او خرجات كطل من لبالكون عجبها داكشي بزاف )

ترن ترن

حفيظة : الو

حنان: ختي لباس عليك

حفيظة : حناااان توحشتك بزااف

حنان: حتى انا توحشتك نتي مزيان وصلتي بيخير او على خير

حفيظة: اه احوبي انا بيخير كلشي مزيان او نتي

حنان: حتى انا حمد لله اش كديري دابا

حفيظة: قاديت حوايجي او بغيت نعس نرتاح

حنان: علاه شحال ساعة عندكم

حفيظة: راه عندنا ليل

حنان: اه حنا عندنا صباح

حفيظة: كيتختالف الوقت

حنان: اوا تهلاي فراسك او تساراي ليا مع راسك

حفيظة: وي ضروري ههه

حنان: يالاه نخليك دابا تهلاي

حفيظة: الليعاون تهلاي فراسك …(قطعات حفيظة او مشات تخشات فبلاصتها جاها نعاس او نعسات اما عند حنان بقات بوحدها فدار حتى جاها اتصال )

حنان:(شافت تيليفونها او جاوبات بلا ماتهضر)

كوهينور: الو زوبير

حنان:(غلضات صوتها ) احم أنسة كوهينور

كوهينور: اوووف جاني الملل هاد النهار اجي عندي

حنان: راه ليوم عندي عطلة

كوهينور: عندك مايدار

حنان: بصراحة لا حتى انا مليت

كوهينور: اوا اجي نخرجو نفوجو

حنان: واخا هاني جاي دابا…

مشات حنان على سعدها او وعدها لبسات ملابسها الرجولية او دارت اللحية او ليلونتي او شعر المستعار او خرجات من دار شدات طاكسي فاتجاه القصر حتى وصلات او لقات كوهينور لابسة حوايجها او جالسة فالجردة مع معتصم او موحى

حنان:السلام عليكم

معتصم: و عليكم السلام الزوبيير؟ ماشي عندك عطلة ليوم

كوهينور: انا لي عيطت ليه ابابا بغيتو اخرج معايا مليت

حنان: الى سمحتي نقدرو نمشيو

معتصم: اه سيرو سيرو ولكن خودو موحى معاكم

موحى: انا اسيدي ؟

معتصم: اه نتا سير معاهم

موحى: واخا

كوهينور:(باست باباها فالحنك ) يالاه غود باي بابيتو

معتصم: الليعاونك ابنتي

انطالقو كلهم من القصر او شاگمة هو سائق بقاو غاديين ..

حنان: فين بغيتي نمشيو

كوهينور: بغيت نمشي لشئ بلاصة عمرني مشيت ليها

موحى: أنسة كوهينور بعدي غير من لبلايص لي فيهم الخطار

كوهينور: سكت نتا ماتبداش تحكم فيا

موحى: سمحي ليا الآلة

حنان: اوووف فين انمشيو دابا

كوهينور: (بقات كتبتاسم ) كاينة واحد البلاصة زوينة ديال ليبورجوا

حنان: كيدايرة

كوهينور: اممم حلبة مصارعة غير هي قانونية ماشي بحال الكاريان

حنان:(شاف فيها شاگمة من المراية او شافت فيه ) او علاش انمشيو تماك

كوهينور: ماعرفتي ابانلي شيواحد قوي عليك ناخدو هههه

حنان: حتى هادي فكرة زوينة

كوهينور: هههه غير كنضحك معاك كيعجبني نشوف هاد الاكشن او المصارعة

حنان: اه (ضورات حنان وجها كتشوف فالسرجم )

كوهينور:(عطات العنوان للشاگمة ) خودنا لهاد لبلاصة

شاگمة: واخا الآلة

…نطالقو ابطالنا لحلبة المصارعة لي كانت فحي راقي او مكيدخلو ليها غير شكون او شكون او كيحطو زبابل ديال لفلوس دخلو او كوهينور جلسات مع شي ناس كتعرفهم اما شاگمة او حنان بقاو بعاد حدا الحشود كيتفرجو فالمصارعة

شاگمة: وا شوفي شوفي هادشي وااااعر فين ابان الكاريان

حنان: مكاين حتى فرق غير هنا قانوني أو تماك لا

شاگمة: قاسحين هادو لي كيدخلو اتقاتلو واو

…. شوفي ايدخل دابا حبيبي اتقاتل

كوهينور: شكون هاد حبيبك

….سراج

كوهينور: عمرني سمعت بيه

.. نوو مايمكنش مكتعرفيش سراج افضل مقاتل هنا او نتخاطر معاك مكاين لي يربحو

كوهينور: منيتك ههه بحال داك النوع دغيا ايتغلب

… منيتك نتي شكون ايغلبو

كوهينور: عندي لي يغلبو

…او الى ماغلبوش

كوهينور: طلبي اي حاجا بغيتيها

….مشات ههه

فهاد الاثناء دخل سراج او الهتاف كثرو تحمسو بزاف كان رجل قوي البنية عينيه كوحل مكيبشروش بالخير قلبو حجر او شعرو اسود او داير لحية خفيفة واشم بزاف دخل لداخل الحلبة او كيتسنا شكون اصارعو

شاگمة : ياح شوفي كيداير

حنان: باين ليا مشهور هنا

شاگمة: كيما نتي مشهورة فالكاريان هههه

ناضت كوهينور من حدا صحابها او وقفات كتقلب على الزوبير بعينيها حتى شافتو أو مشات كتجري عندو

كوهينور: الزوبير

حنان: (شافت فيها )

كوهينور: كيجاك هادشي

حنان: زوين

كوهينور: بغيت نقولك بلي…

قاطع هضرتهم الحكم لي كان كيهضر فالميكرو

الحكم: شكون اتقدم او يقاتل سراج شكون اقدر اغلب هاد المقاتل شكووون حتى واحد ؟ راه لي دخل تقاتل معاه او ربحو غادي ياخد 80 مليون. يالاه شكون ازعم

حتى واحد ماقدر ازعم الخوف تملكهم خصوصا الاخبار لي كيسمعو على سراج ساد الصمت فلحظة حتى هضرات كوهينور

كوهينور: كاين لي ايتبارز معاه

كولشي ضار عندها من غير سراج لي بقا فنفس الوضعية

الحكم: شكون هادا لي ايبارزو

كوهينور:(هزات يد حنان لفوق ) هادا لي ايبارزو

حنان:(طرطقات عينيها فكوهينور خصوصا ماتوقعاتهاش ) كي كيفااااش

كوهينور:(كتهضر معاها بالحس ) شوف سير تقاتل معاه او ربحو او خود 80 مليون حلال عليك

حنان: راه مانقدرش كيفاش بغيتيني نتقاتل معاه

كوهينور: زوووبييير ماتحشمنيش راه كولشي كيشوف فينا ولا ياكما ماتقدرش

حنان: (كتهضر تحت سنانها ) ماشي منقدرش ولكن راه ماتوقعتهاااش

كوهينور: سير دابا سير او تقاتل كنتيق فيك

موحى: آنسة نساي هادشي الزوبير مايقدرش اتقاتل

كوهينور: موووووحىىىى دخل سوق راااسك (شدات حنان من يديها او زادت بيها ) هاهو المقاتل معايا

الحكم:(تحنا عندها كيهضر معاها. ) شوف راه هاد الحلبة فيها الموت هاني كنعلمك وا هرب قبل ماطلع هنا

كوهينور: لا ماكنهربوش او هو ايتقاتل

حنان تحطات فموقف لا يحسد عليه بقات كضور فعينيها او سلمات امرها لله الى رفضات كأنها كتخلى على خدمتها او الى وافقات اتمشي برجليها للموت طلعات للحلبة تحت اعين الكل او قلب موحى او شاگمة كيضرب فالتسعييييين اما كوهينور متحمسة

الحكم: واش تبدل حوايجك

حنان: لا مرتاح هاكا

الحكم: على راحتك (شد الميكروفون او رجع كيهضر مع الجمهور ) او دابا غادي نبداو المباراة من بعد ما تطوع شجاع من الشجعان انه يتبارز من سراج

سراج :(كان مهبط عينيه ماشافش الخصم ديالو حتى بدا كيطلعهم شوية بشوية او شاف حنان قدامو كتشوف فيه بنظرات مبهمة ابتاسم باستهزاء او تقدم عندها ) شوف نقولك من عادتي كنعطي فرصة للخصم ديالي باش اتراجع

حنان:كون كنت كنتراجع كاع مانوصل لهاد الماصل

الحكم:(,عطا الانطلاقة)

سراج :(عطاها كروشية لوجها حتى ضارت او طاحت للارض او دم نازل من نيفها ) اذن نبداو

حنان كتبان ليها ضبابة جراء الدقة لي عطاها اما هو كان جاي فالاتجاه ديالها بغا انزل عليها بكروشية اخرى او طلعات رجلها عطاتو لكرشو حتى رجع لور او ناضت تقابلات معاه موجدة راسها بقاو كيتمشاو فالحلبة جا سراج كيجري عندها هبطات هي لتحت او تفادات الركلة ديالو و لكن كان ذكي شدها من لور لاوي يدو على عنقها او كتقج رجعات زرقاء

سراج : دابا واش نقتلك بهاد السهولة

حنان كتحاول ضربو ماقدراتش حتى ضرباتو بالقبضة ديالها لحجرو او لاحها كتنهج او عينيها كيدمعو

شاگمة: الزووووبييير عنداك تستسلم

موحى: (كيرجف ) اياربي غادي يقتلها

كانت حنان كترد النفس ديالها مشات كتجري عند سراج لوات رجلها على الخصر ديالو او طيحاتو للارض بدأت كتعطيه فالبونيات ولكن سرعان مالاحها او تقلب عليها بدا كيضربها هو سخفها او ناض كيركلها صافي عمرات دمايات او بدات كتفقد الوعي حتى هزها او رجع يديها مور ظهرها بغا اهرسهوم ليها او هي غوتات بحر الالم بقا على نفس الوضعية حتى دخل يدو تحت حوايجها باش اوصل للمنطقة لي وسط الظهر او يطرطق ليها العمود الفقري بدا كيساري يديه او هي فشلانة حتى شك او زاد بيديه لصدرها او تصدم مزياااان لاحها فالارض او هو مدهشر عرفها بنت ماعرف اش ايقدم ولا يأخر فقط بقا كيشوف فيها مليوحة فالارض او كيضور عليها اما حنان بدأت كتنفس بصعوبة هزات راسها فيه او هي كتحاول تنوض او القوة ديالها مابقاتش صافي كتسنا المصير ديالها لي هو بالتأكيد هو الموت اما سراج مازال مامتيق اش قدامو فقط كيشوف ليها فعينيها او منداهش من القوة لي فيها بقا هكك حتى خرج من الحلبة

سراج:(كيهضر مع الحكم) انا منساحب

الحكم: شنووو

حنان:(كتشوف فيه او كتهضر مع راسها كيفاش منساااحب )

سراج : كيما سمعتي انا خسرت (كيشوف ف حنان) هو ربح

خرج سراج من الحلبة او طلع الحكم كيعلن بلي الزوبير هو لي ربح بقاو كيصفقو او كوهينور هي او موحى او شاگمة فرحووو حيت خرجات القضية بيخير او على خير اما حنان راه مامتيقاش راسها بقات كتفكر او تحلل بوحدها

الكارد: سيدي

سراج : بغيتك تبع هادوك ناس خصوصا هاداك لي تباريت معاه او عرف ليا فين كيسكن

الكارد : امرك اسيدي

….طلعات كوهينور عند حنان او هي فرحانة

كوهينور: كنت عارفة اتربح يااااي

شاگمة: زوبير نتا بيخير

فقدات حنان الوعي او طاحت على طولتها سخفانة هزها شاگمة او موحى او خرجو بيها ركبو فالطوموبيل او تاجهو لدارها دخلوها لبيتها ..

موحى: مدام كوهينور يالاه نوصلك لدار

كوهينور: لا انبقا مع زوبير راه مريض

موحى: ماتخافيش انا انرجع عندو او هاهو شاكمة معاه

كوهينور: اوكي عفاك تهلا فيه

وصل موحى كوهينور للقصر او مشا بطيران جاب طبيبة او رجع للدار عندهم دخلات طبيبة عند حنان دوشات ليها او عاد بدأت كداويها او عطاتها حقنة او وصفاتلها دوايات او خلاتها ترتاح

موحى: سمعي نقولك هادشي لي شفتي هنا نسايه(عطاها رزمة ديال لفلوس )

طبيبة: ماتخافش سرك فبير او ايضا خصها راحة او ماتجهدش راسها

موحى: واخا

…خرجات طبيبة اما موحى او شاگمة جالسين كيشوفو فبعضياتهم

شاگمة: واش كوهينور عندها لعقل ولا ماتكسابوش اش هاد التصرف لي دارت

موحى: انا بغيت غير نعرف كيفاش سراج نساحب شنو السبب

شاگمة: شوف انا علاش كندوي ليك او نتا علاش كتدوي راه بسبابها كانت اتقتلها

موحى: ماترفعش صوتك عليا من فوق ماساتر عليكم مازال فيك الهضرة اش بغيتيني ندير راها بنت مول الشي

شاگمة: انا مقصدتش نغوت عليك اعمي موحى ولكن هانتا كتشوف كون ماتت

موحى: ربي حفظها

شاگمة: واش سي معتصم فخبارو

موحى: اه فخبارو

شاگمة: شنو المعمول دابا

موحى: خاصها الراحة منين تفيق علمني انا دابا انمشي للقصر

شاگمة : واخا

….مشا موحى القصر او بقا شاگمة مع حنان او هو ماعارفش شنو واقع فحياتهم خدا مانطة او نعس لتحت فالكنبة …وصل موحى للقصر? او زايد خطوات او كيسمع صداع

معتصم: واش نتيييي حمقة واش انا جايب ليك راجل باش احرسك او نتي مدخلاه فالمصارعة

كوهينور: (بأسف) ولكن انا بغيت غير نوريهم بلي زوبير كيعرف اصارع

معتصم: طايشة او اتبقاي طول عمرك هاكا

كوهينور: بابا عفاك انا راه ماكانش كيصحابني انوصلو لهادشي

معتصم:(مشا او خلاها كتهضر تماك بوحدها )

كوهينور:(حسات باحساس خايب بزاف خصوصا ان باباها عمرو غوت عليها طاحوليها دموع او بقات كتمسحهم شوية لمحات موحى) موحى كيف بقا زوبير

موحى: هو بيخير عليه خصو غير راحة

كوهينور: غدا انمشي نشوفو

موحى: ان شاء الله

طلعات كوهينور لبيتها تنعس … اما عند حفيظة كان صباح عندها كانت كتفطر فالبالكون لبسات قميجة فالزرق او سروال بيض او خلات شعرها مطلوق اكتافات غير بغلوز قهوي او ماسكارا او خرجات من الاوطيل كدور بوحدها حتى وصلات لواحد الشارع او هي تلمح فهد مجمعين عليه لبنات كياخدو التوقيع ديالو او مضغوط او كيقلب كيفاش اهرب حتى لمح حفيظة هاد الاخيرة لي شافتو كيشوف فيها او هي تخبع وجهها بصاكها

فهد:(مشا كيجري عندها ) روبي (عنقها )

حفيظة: اش كدير طلق مني

فهد: (كيبتاسم او كيهضر معاها ) عتقيني منهم راني خرجت بلا كارد

حفيظة: شكون هاد روبي

فهد: نتي (لمح لبنات جايين ) صافي سكتي

بقاو لبنات كيتعلقو فيه او باغيين اتصورو

فهد: (كيهضر بالانجليزية) سمحولي البنات حبيبتي ماكتبغيش هادشي كتغير عليا

…no way it’s impossible

…you don’t have girl friend

فهد: لا نتي غالطة هادي حبيبتي (شاف ف حفيظة او شدلها فيديها ) هربيييي

بداو كيجريو كل من حفيظة او فهد او لبنات تابعينهم حتى تخبعو فواحد الزنقة او تلفوهم

حفيظة: نتا حمار

فهد: اشبغيتيني ندير بغيت نتفك

حفيظة: او مابنتلك غير انا إستغلالي مع راسك

فهد : روبي ماتبقايش ضخمي الامور

حفيظة:(كتبتاسم) زوينة سمية د روبي ههه

فهد: (غمزها ) من ليوم سميتك روبي

حفيظة:ولكن راه منساش هادشي لي درتي فيا

فهد:(قرب منها ) اذن كنتحداك ترديها ليا

حفيظة: ماتحدانيش اتخسر

فهد: ايه بغيت نخسر (دار اتصال باش توصلو طوموبيل ديالو ) نوصلك ولا تبقاي هنا

حفيظة: انبقا هنا بغيت نضور شوية

فهد: يالاه تهلاي باي (مشا فهد او خلا حفيظة تماك بقات كضور او تشوف ناس او المحلات حتى عيات او جات طاكسي توصلها للفندق ديالها وصلات او طلعات لبيتها ترتاح من ضوران او هي كتفكر البلان ديال ليوم او كضحك و تنهدات او نطقات بصوت حنين ) ههه روبي

اما فالمغرب و بالضبط عند حنان كانت ساعة 4 د صباح او هي مازال ناعسة او كلها فاصمات او شاگمة ناعس لتحت حتى كيصوني عليهم شيواحد ناض هو بكل ثقالة كيتساءل شكون ايجي عندهم فهاد الوقت او صونيت مازال فالباب

شاگمة: وا صبر هاني جاي (حل شاگمة لباب او هو كيتصدم بشنو قدامو)

سراج: سلام

شاگمة: اش كدير هنا نتا

سراج: جيت نشوف شيواحد

شاگمة:(بغا يسد الباب) ماعندك ماتشوف

سراج:(دفع الباب او دخل او شاگمة موراه) جيت نشوفها

شاگمة:(طاحلو الماء فالركابي ) شكووون

سراج:البنت لي درت انا وياها كومبا

شاگمة: ماكاينا حتى بنت هنا

سراج: انا راني عرفتها بنت ماشي ولد فينها؟

شاگمة: الى ماخرجتيش انعيط للبوليس

سراج:(ماهتمش لهضرتو او طلع فالدرووج كيقلب فالبيوت او شاگمة موراه كيغوت حتى وصل سراج للبيت ديالها حل الباب او شافها ناعسة على ظهرها عليها لحاف خفيف او شعرها مليوه على المخدة …كاملها فاصمات او كتنفس بألم اما هو بدا كيدخل عندها بخطوات بطيئة او نظراتو مامفهومينش جلس فالجنب ديالها او كيحيد خصلة من شعرها من على وجها زوينة واخا مضروبة و كيتساءل كيفاش قدرات تخبع زينها بلا مايعيق بيها )

شاگمة: عفاك خرج منهنا

سراج: ماتخافش مانقول لحتى شيواحد على هادشي منين تفيق قولها تاصل بيا بغيت ندوي معاها

شاگمة: اوكي غير خرج

سراج:(عطاه نمرة ) انمشي دابا (كان غادي و تلفت موراه كيشوف فيها او عينيه كيبريو مع ابتسامة خافتة او كمل طريقو خارج اما شاگمة سد الباب او هو خايف صايب قهوة أو بقا كيشربها ماقدرش نعاس اجيه )

شاگمة: علاش غير حنا لي كيوقع لينا هاكا اسيدي ربي

وصل ليل عند حفيظة لبسات غوب فالبرتقالي او فوقها كاب او قادات ماكياج صارخ ركزات على عينيها الزورق او لبسات طالون عالي هزات صاكها او خدات طاكسي فاتجاه بواط دونوي تسهر شوية يالاه دخلات او هو ابان ليها فهد جالس مع شيوحدة كيفلورطيو

حفيظة: واش فينما دزت نتلاقا بيه ياسيدي ربي (مشات جلسات بعيد او شدات عصير او كتصنت للموسيقى هادئة حتى طاحت عليها فكرة جهنمية او دارت ضحكة ديال نصر ناضت مشات لطواليط او حيدات الكاب ديالها خشاتو تحت لاغوب كأنها حاملة او قادات الكرش مزيان او خرجات مشات لعندو ديريكت كتهضر بالانجليزية) طوني هادا هو الحب لي كنتي كتقولو ليا اهئ اهئ عيشتيني فأوهام حرام عليك تقت بيك او درتي ولدك فكرشي اهئ اهئ

فهد:(كيشوف فيها بصدمة او كيقولها لا براسو (

البنت لي معاه:اش كتقول هادي اطوني

فهد:(داير ضحكة صفرة) غير كتكدب انا مادرت والو

حفيظة:(غوتات تماك حتى كولشي كيشوف فيها ) الى انا كداااابة هاد الولد ماشي كدااب هادا راه ولدك اهئ اهئ (كتشوف فالبنت) نتي تبغي لي يضحك عليك او يخلي طرف منو فيك هااا

البنت:(هزات كأس عصير او خواتو على فهد او هزات اغراضها أو مشات)

فهد:(كيمسح وجهو او كيشوف ف حفيظة) مشيييتييي فيها انقتلللك

حفيظة:(شداتها بجرية او كضحك ) ههههه الى شديتيني بعدا

خرجات حفيظة من لبواط كتجري فالشارع او هو تابعها كيجري او صوت ضحكاتها كتعالى حتى وصلات الوسط او تبلوكات منين شافت طوموبيل قريب ضربها غطات وجها و غوتااااات ….

خرجات حفيظة من لبواط كتجري فالشارع او هو تابعها كيجري او صوت ضحكاتها كتعالى حتى وصلات الوسط او تبلوكات منين شافت طوموبيل قريب ضربها غطات وجها او هي تجبدها اليد ديال فهد حاوط الخصر ديالها او هو خاشيها فيه اما هي بقات كترجف بالخوف

فهد: واااش حمقة ماكاتشوفيش

حفيظة:(شداتها البكية )

فهد:(كيجرها ) اجي اجي (دخلو لواحد الجردة جلسها فوق الكرسي ) واش نجيب ليك تشربي

حفيظة: لا لا

فهد: وا هانتي بين يدي دابا ههه اش ندير فيك

حفيظة:(جبدات الكاب من تحتها ) هههه فكرتيني

فهد: رديتيها ليا مكاين مشكل وايالاه نمشيو نقصرو ياكما تفوتك الخلعة هههه

مشاو ابطالنا رجعو للبواط جلسات حفيظة هي او فهد كيضحكو او يقشبو او ناضو كيشطحو او فرحاااانين شوية وقف فهد كيشوف ف حفيظة او كيبتاسم

حفيظة،:(كتغوت ) علاش كتشوف فيا

فهد:(كيهضر ليها فوذنها باش تسمع) باراكا علينا يالاه نمشييو

حفيظة:اوكي

خرجو ابطالنا غاديين كيتمشاو فداك الليل

فهد: منين نتي

حفيظة: انا من كازا

فهد: حتى انا

حفيظة: واش كتعيش هنا

فهد: اه ولكن مرة مرة كنمشي للمغرب او نتي جيتي هنا سياحة

حفيظة: اه

فهد: مزياان

…وقف فهد كيشوف فواحد القنطرة ديال الماء أو هوما غاديين كيعبرو الجسر

فهد: حفيظة اجي نتلاحو فالماء

حفيظة: منيتك تحرك تقود ليل هادا او زملة مكتشاورش

فهد: وا خوافا مع كرك وايالاه نديروها يالاه نغامرو تيقي فيا

حفيظة: عزيز عليك اللعب الباسل

فهد: عزيز عليا التحدي هههه

حفيظة: إذن من ليوم ماكاين غير اللعب او ماكايناش كلمة لا

فهد: (كيبتاسم ) هادشي لي بغيت نسمع اي تحدي طلبتيه مني اندير. و اي تحدي انطلبو منك اديريه

حفيظة: (حيدات طالون ديالها او طلعات فوق السور ديال الجسر ) يالاه طلع

فهد: ههه (حيد سباطو او طلع حتى هو ) انحسب حد ثلاثة أو نتلاحو

حفيظة: اوكي

فهد: 1 2 3 (جرها فهد او تلاحو هو وياها فالماء تخشاو لداخل او غرقو كان ماء بارد بزاف فهد ترخا و حل عينيه فوسط الماء كيشوف ف حفيظة لي كتشوف فيه حتى هي بغات طلع لكن هو كان باقي كيشوف فيها توقف كولشي بيناتهم شداتو من يدو او كتجرو باش طلعو لفوق او هو ماداير حتى حركة بقاو كيطلعو شوية بشوية او كيعومو حتى وصلو لجنب القنطرة بقات كترجف او تلاحت تكات كتنهج او قلبها كيضرب او كتشوف ف فهد كيفاش مهبط راسو او كينهج حتى هو

حفيظة:(حطات يديها على كتفو ) مالك

فهد: (بقا ساهي كيفكر او كيحس بلي قلبو كيضرو تخربق ماعرفتش مالو او علاش وقعلو هاكا فلحظة عاق براسو مابغاش إبان قدامها بداك المنظر او ضحك) ههههه واو صدقات لينا وااااعرة

حفيظة :(ضرباتو لكتفو ) حمق بغيت نمشي للاوطيل راني جمدت

فهد:(وقف ) تحركي نمشيو الطوموبيل كتسنانا

فهد سبق حفيظة او هي تابعاه من لور او مازال بجوج كيفكرو فهادشي لي وقع حفيظة مابغاتش تحكر عليه فالأسئلة و هو ماكانش أيجاوبها حيت ماعندوش الجواب … وصلو لطوموبيل ركبو او نطالق بيهم السائق حتى وصلو للاوطيل او تمو داخلين او كيضحكو حتى كل واحد وصل للغرفة ديالو

فهد: شنو عندك غدا

حفيظة: حتى حاجا

فهد: انديك معايا للخدمة

حفيظة: علاش

فهد: بغيت باش تشوفني صاحبتي او تفقس

حفيظة: صريييح بزااف

فهد: الليخلينا فصباغتنا شنو قلتي تمشي او نن

حفيظة: شنو انربح من هادشي كاملو

فهد: اوووف اناخدك معايا لحفلة كبيرة كاينة فشهر جاي ايحضرو ليها ممثلين او مغنيين

حفيظة: اممم عرض مغري صافي متافقين

فهد: يالاه تلاحي تصبحي على خير

حفيظة: باي هههه

…. صبح صباح او فاتت العشية او حنان بدأت كتفيق او كتحل عينيها تشوف راسها فين حتى توضحات ليها صورة او تفكرات شنو وقع لبارح ناضت بثقالة او هي كدير تنهيدات الم دخلات لطواليط قضات حاجتها او غسلات وجها او خرجات لبسات كسوة فضفاضة او راسها كيضرها نزلات لتحت بشوية عليها حتى وصلات او شافها شاگمة

شاگمة: حناااان فقتي (شاد فيها كيعاونها تهبط)

حنان: انا مزيان

شاگمة: باينة عليك عيانة بزاف

حنان: اول مرة نتسخسخ بحال هاكا

شاگمة: سراج راجل قوي

حنان: اه

شاگمة: راه وجدت الفطور اجي تفطري (خداها لطبلة او عطاها كاس قهوة )

حنان: حمد لله عندي كونجي مافيا لي يخدم

شاگمة: (متردد) حنان واقعة مشكلة

حنان: عفاك الشاگمة راني عيانة ماقادرة نسمع والو

شاگمة: راه هادشي مهم

حنان: اوووف دوي

شاگمة : سراج عرفك بنت

حنان:(طاح ليها الكاس ديال القهوة من يدها ) كيييفاااش

شاگمة: شش ماتخافيش خلا ليا نمرتو بغاك تهضري معاه او يكون خير

حنان: تفووووو هادشي لي بقا ليا

شاگمة:(عطاها تيليفون) هضري معاه

حنان:(شدات تيليفون او هو كيصوني او هي كترجف حتى سمعات صوتو )

سراج:(كان جالس فدارو شاد سيجار او قهوة كحلة حتى جاوب على تيليفونو) آلو

حنان:(بصوت باح يكاد يسمع) الو

سراج:كنت عارفك اتصوني

حنان: شنو بغيتيني

سراج : بغيت نهضر معاك خرجي عندي

حنان: مايصلاحليش نخرج

سراج: انا نجي عندك اذن (قطع الخط )

شاگمة: اش قالك

حنان:(مندهشة) ايجي عندي

دازت ساعة وصل سراج للفيلا او حل ليه شاگمة الباب

سراج: فينها؟

شاگمة:(سد الباب او ضار عندو ) هاهي اتهبط

سراج: بغيت نهضر معاها بشكل فردي الى كان ممكن تقدر تخرج

شاگمة:لا ميمكنش

سراج:(بغا اهضر او قاطعو صوت حنان لي امتاجز فيه الخوف و القلق و الشك )

حنان: شنو بغيتيني

سراج:(ضار عندها كيشوفها هابطة من دروج او قلبو كيهبط معاها مابقا كيسمع والو او مكيشوف حتى حاجا من غيرها بلا هواه كيقرب منها شوية بشوية حتى تلاقاو فالوسط او مازال كيشوف فدوك لعينين لخوضر لي مغوبشين كيحاول احلل شخصيتها ) بغيت نهضر معاك

حنان: قول شنو بغيتي

سراج: بغيتك تخدمي معايا

حنان: انا خدامة

سراج : خدامة بصفة راجل اما انا بغيتك تخدمي او نتي على طبيعتك

حنان: ميمكنش ليا

سراج: انا محتاجك

حنان: خرج منهنا نسى شنو شفتي

سراج : شنو قصتك علاش كديري هادشي كاملو

حنان: ماشي شغلك

سراج:(قرب منها حتى تلاسقات مع الحيط) على هاد سلاطة اللسان لي فيك مايبقاش فيا لحال على قتلة دالعصا لي خديتي

حنان:(دارت ابتسامة او هي كتشوف فمو لي مجروح او عينيه لي مزرقة) خديتي حقك

سراج: بكل سرور هه

حنان : الى سالات هضرتك تقدر تمشي

فجأة صونا شيواحد او تهز قلب حنان بلا شعور شدات فيد سراج او كتشوف فالشاگمة

شاگمة: ششش انا نشوف (بقا كيمشي بخطوات بطيئة شاف من الكاميرة شكون لقاها كوهينور او هضر بصوت خافت ) هادي كوهينور

حنان: صافي مشيت فيها (شافت ف سراج ) ماخاصهاش تشوفك هنا او ماخصهاش تشوفني بهاد الحالة

سراج:يالاه نطلعو لفوق او خليه هو يحل ليها او يقولها بلي ماكايناش

حنان: اه (طلعات حنان او سراج لبيت لفوق حتى شافهم شاگمة تخبعو عاد حل لكوهينور لباب )

كوهينور: اوووف من صباح او انا كنصوني فين كنتو

شاگمة:(داير راسو كيتفوه) احم آنسة انا كنت مازال ناعس او زوبير خرج

كوهينور: اويلي فين خرج

شاگمة: هو عندو شي خدمة فالكاريان مشا عندها

كوهينور: منين اجي تاصل بيا باش نشوفو

شاگمة: واخا الالة

خرجات كوهينور اما حنان او سراج مخبعين فالبيت

سراج: اذن حتى هادوك لي مخبعينك ماعارفينكش بنت

حنان:(شافت فيه ) نتا ماتقول لحتى شيواحد على هادشي

سراج: ممكن نقول او ممكن مانقولش

حنان: انا راه ميمكنش ليا نخدم معاك

سراج: او انا انحاول نقنعك

حنان: كيفاش اتقنعني؟

سراج: حتى نتلاقاو مرة أخرى

حنان: ماغاديش نتلاقاو مرة أخرى

سراج:(قرب منها او عينيه فعينيها ) انا بحال الظل اتلقايني حداك

حنان:(بغات تهضر او حط يدو ففمها )

سراج:ششش تسالات الهضرة عويناتك قالو كولشي (ضحكة جانبية او خرج من بعدها من البيت او تم هابط )

شاگمة: صافي ساليتو لهضرة

سراج:وي (خرج سراج ركب فرانج ديالو او هو كيضحك او كيخربق شعرو بيديه متاجه لخدمتو )

اما حنان بقات كتفكر فهضرتو حياتها غادا او كتخربق خايفة بزاف افضحها شوية تفكرات نظرات ديالو او هضرتو او ابتسامتو او زادت تنهدات خايفة من لي جاي بزاف كتحس بإحساس غريب عليها متملكو الخوف كأن نهايتها قربات و حياتها أتزيد تخربق ناضت لبسات حوايجها التنكرية او هبطات لتحت او جرات معاها شاكمة اوصلها لعند الموقاديري او هي طول طريق كتفكر …وصلات او هبطات من طوموبيل اتاجهات داخل المنزل للصالة لقات المعتصم كيقرا فالجورنال طلعو راسو فيها او ناض عندها

معتصم: ولدي زوبير لباس عليك كيف بقيتي (عنقها )

حنان:(كتغلض صوتها) كيما كتشوف

معتصم: انا انعوضك على كولشي او كنتمنى تسمح لكوهينور

حنان: مادرتش فبالي

معتصم: أجي تجلس نتا راك مازال مريض

حنان: انا مرتاح هاكا

كوهينور:(جات كتجري فالدرووج منبعد ماقالت ليها الخدامة ان زوبير وصل ) الزووووبييير (تلاحت عليها عنقاتها حتى توعتات او دارت أنين) سمحلي سمحلي بزاااف عفاك والله مانعاود (كتبكي ) كون وقعات ليك شيحاجا منسمحش لراسي و الله مافكرت تسرعت سمحلي

حنان:(كتمسح على راس كوهينور) مكاين مشكل مامقلقش منك صافي ماتبكيش

كوهينور: (شافت فيها) خصك ترتاح

حنان: جيت حيت قالي شاكمة سولتي فيا

كوهينور: اه بغيت نشوف كيف بقيتي المهم نتا رجع للدار او رتاح الى كنت باغا شيحاجا نقولهالك

حنان: واخا (ابتاسمات ) الليعاونكم

خرجات بخطوات تقيلة متبعة معاها نظرات كوهينور و معتصم

كوهينور: (ضارت عند باباها ) بابا..

معتصم:(ماجاوبهاش او هادشي كيدل على أنه مازال مقلق منها )

كوهينور: (تحنات عندو شادة فيديه) نتا عمرك غوتي عليا ولا تعصبتي عليا او انا حاسة بغلاطي والله سمح ليا مانعاودش(باست يديه او كدمع)

معتصم:(حط يدو على راسها ) شي مرات كنحس بلي تربيتي هي لي كانت ناقصة او بلي انا سباب هادشي

كوهينور: مكيهمني حتى واحد من غيرك نتا لي مابغيتش تقلق مني حيت الى مشيتي نتا بحال كيما مشات ماما انموت اهئ اهئ

معتصم:(عنقها) ماعندي فين نمشي ماحدي معاك عمرني نفرط فيييك

كوهينور: سمحتيلي

معتصم: (ابتاسم ) علاه شحال عندي من بنت ياك غير وحيدة ههه ميمكنش نبقا مقلق منك

كوهينور: (باست يديه ) الليخلينا ديما مجموعين

معتصم: اميين

كوهينور: احم بابا تعقل داك نهار فاش قلتلك بغيت نعرض أساتذة ديال الجامعة

معتصم: اه او منها نيت نعيط لشي ناس

كوهينور: شنو بانلك منهنا ليوماين

معتصم: لي بغيتي

كوهينور: شكرا

ناضت كتنقز بالفرحة و نيابها الشريرة بانت مع الضحكة فأكيد راها كتوجد مكييدة لأوسمان كما العادة اما حنان وصلات لدارها هي و شاكمة طلعات لبيتها و حيدات حوايجها او هبطات تاكل طيب شاكمة طاجين او بداو كياكلو حتى هزات تيليفونها كتصوني على حفيظة هاد الاخيرة لي كانت مازال ناعسة و تيليفونها كيصوني بقات كتخنشش ففراشها او كتقلب على تيليفونها بيدها حتى وصلاتلو او جاوبات

حفيظة :(بصوت ناعس) آلو

حنان: الو حفيظة لباس عليك

حفيظة: اه حنان بيخير حمد لله

حنان: ياكما فيقتك من نعاس

حفيظة: اه كنت ناعسة

شاكمة:(كيهضر مع حنان بشوية ) قوليلها فوقاش اترجع

حنان:(كتقولو لا بعينيها )

شاكمة: وا قوليلها

حفيظة: حنان مالك

حنان: احم غير شاكمة لي كيسولك فوقاش اترجعي

حفيظة: اووووف راه عاد جيت لهنا لاش كتبغيو تحرموها عليا

حنان: لا لا ماقلنا والو غير جلسي تماك او تلفي الوقت صافي نساي

حفيظة: انقطع بغيت نكمل نعاسي (قطعات)

حنان: حفيظة..

كتشوف ف تيليفون او ف شاكمة

حنان: هاهي قطعات

شاكمة: او مالك كتشوفي فيا هاكا

حنان: كنقولك ماتبقاش تقلقها

شاكمة: ماقلت حتى حاجا دالعيب واش نتي فرحانة حيت راها بوحدها تماك كدير لي بغات

حنان: لا مافرحاناش حيت راني هازة لهم ليها ولكن ماعندي ماندير مانقدرش نوقف ليها فطريقها

شاكمة: صافي نساي هادشي شنو اديري مع سراج

حنان: ماعندي ماندير انتسنى نشوف شنو واقع

شاكمة: (عطاها دوا ) هاكي شربي راك مازال عيانة

حنان: اه (شرباتو ) انمشي نعس باش نرتاح كنحس بعضامي مدگدگيييين

شاگمة: سيري ترتاحي

حنان: شوف الى جا شيواحد علمني

شاگمة: صافي غير سيري

طلعات حنان لبيتها او دخلات لفراشها ترتاح ولكن افكارها مخربقيين حطات وسادة على راسها او كتمنع راسها انها تفكر فشيحاجا اما كوهينور فكانت غادة لجاميعتها كتسوق طوموبيلتها او طالقة الموسيقى على حر جهدها نزلات منها و كالعادة كل الانظار متاجهة ليها كانت ادخل للقاعة ديالها ولكن لاحظات ان أوسمان مع شي بنت كتهضر معاه

نهيلة: احم أستاذ بالنسبة للامتحان فوقاش

أوسمان: 15 فهاد شهر

نهيلة: (كترمقو بنظرات شهوانية او حطات يديها على يدو ) بغيت نهضر معاك فشيحاجا

كوهينور : الله اربي هادشي زاهي (جبدات تيليفونها كتصور فيديو ) ايييه اسي أوسمان داير فيها شريف عفيف او نتا كتستاغل فلبنات و لكن انا انوريك

أوسمان:(خطف يدو من يد البنت او كيشوف فيها شوفات قاسحين ) أش هاد ضسارة و قلة لحيا

نهيلة: ماشي لخاطري والله ولكن حاولت بزاف او مقدرتش (كتمشي جيهتوو بخطوات بطيئة حتى قربات ليه ) انا كنبغيك او مستاعدة ندير معاك اي حاجا غير طلب

أوسمان:(حط يدو على حنكها كيدوز عليها بحنان) بصح تقدري ديري اي حاجا

نهيلة: اه جرب او شوف

أوسمان:(حيد يدو ) حتى انا نقدر ندير اي حاجا باش مادوزيش هاد الامتحان

نهيلة: شنووو

أوسمان :(دفعها حتى طاحت) خرجي تقودي عليا قبل مانقتلك قلة الترابي عمرني شفت بنت كتلاح على راجل رخصتو راسكم بزاااف قودي عليا

نهيلة: أنا …اهئ سمعني

أوسمان: الامتحان ماغاديش دوزيه خرجي عليا مانعاودش نشوف كمارتك

كوهينور:(كتصور او هي مدلية شنافتها ) أتباركلاه على الشريف العفيف صدمني فيه (قطعات الفيديو دغيا و حطات تيليفون ف صاكها او تخبعات علاما خرجات نهيلة كتجري و كتبكي اما كوهينور دخلات )

أوسمان:(تنهد ) صااااف هادشي لي بقا

كوهينور: شنووو عاوتاني مالك معايا راه مادرت والو

اوسمان: (حط يدو على راسو او شاف فيها ) خرجي منهنا

كوهينور: لا جيت نهضر معاك

أوسمان: خلاوها ناس زمان لي حشمو ماتو

كوهينور: دابا مالنا على هاد ضريب المعاني نتا اصلا كاع ماعارفني اش بغيت نقولك

اوسمان : مكيهمش اي حاجا كتقوليها كتكون بحال السم

كوهينور: (تقابلات معاه ) جيت غير نعرضك

أوسمان:(وسع فيها عينيه ) شنووو

كوهينور:(ضارت بغات تمشي ) صافي نسا ماقلت والو

أوسمان: هههه بغيتي تعرضيني نسيتي بلي انا ماشي من مستواك او انا غير فقير او مانسواش

كوهينور:(كتشوف فيه بنظرات الغباء) لاءح مانسيتش او كاع داكشي صحيح ولكن كتبقا أستاذ جامعي او حتى هاد الصفة ماغاديش تبقا عندك هههه المهم حتى توصلك الانفيطاسيون

أوسمان: (مزير على يديه ) اشمن انفيطاسيون

كوهينور: درت عراضة على أساتذة الجامعة فالقصر ديالي و نتا منهم

أوسمان: ماغاديش نجي

كوهينور: عارفاك خواف

أوسمان : مناش انخاااف مثلا؟

كوهينور: من بابا خايف دخل لقصري و تموت ههههه

أوسمان : كنخاف غا من لي خلقني غير هي مابغيتش نشوفك لا نتي لا باك لا داركم

كوهينور: واراني قلتلك خواف على العموم باي انمشي وقتك سالا ههه

خرجات كتبومبا منبعد مازرعات السم فعقلو و آذاتو بكلامها اما هو كيحس بلي كولشي مقلوب عليه ايامو كحلة بقا كيفكر فهضرتها او كيكرهها نهار على نهار او ماحاملهاش ولكن خاص اوقفها على حدها …

في أميريكا بلد الاحلام كانت يالاه خارجة من دوش لابسة غوب زرقة او طالقة شعرها او ماكياج خفيف مع طالون و صاك اما هو لابس كوستيم فالزرق و سروال زرق او مقلد شعرو او لابس صباط كحل او خرج كيدق عليها فبيتها اما هي حلات ليه

فهد:(كيطلعها و يهبطها او كيصفر) أش هاد الجمال أسيدي ربي

حفيظة: إنه جمال حفيظة

فهد: لا ماشي حفيظة نتي روبي

حفيظة:(كتبتاسم) اه روبي

فهد: يالاه شدي فيا آنسة روبي

شدات فيه حفيظة او هبطو ركبو فليموزين ديالو او مشاو لجلسة التصوير لي عندو هبطو من تماك و الصحافة كتصور فيهم و ليكارد كيحاولو اخليوهم بعاد دخلو لمقر التصوير او مشا فهد إقاد راسو اما حفيظة جلسات كتسناه حتى جات عندها واحد الصفريطة طويلة و زعرة

مونيكا: اش كنتي كديري مع طوني (الهضرة بالانجليزية)

حفيظة: سمحيلي شكون نتي

مونيكا: انا حبيبتو

حفيظة:(عاد عاقت بلي كتهضر على فهد) كتقصدي كنتي حبيبتو حيت انا لي كاينة دابا هههه (بغات تلعبلها على الاعصاب )

مونيكا: كييييفااااش نتي كداااابة طوني كيبغيني ماغاديش ابدلني

حفيظة: اوا بدلك او تسالا الموضوع

مونيكا: منين جابك نتي من الكباري ياك ههههه كنعرف الماركا ديالكم ايدوز بيك الوقت و يخليك

حفيظة: شوفي ابب الى كان هو دوز بيك الوقت او سالا منك انا ماشي بحالك

بقات مونيكا كتغدد تماك او بغات تمشي او جا عندهم فهد

مونيكا: فوقاش تفارقنا ؟

فهد: مونيكا بب شنو كتقولي

مونيكا:(كتشير لفهد) قالتلي هادي بلي نتا حبيبها

فهد:(كيشوف ف حفيظة لي كتغمزو او مشا عندها حاوط الخصر ديالها او هي كتشوف فيه ) نتي لي قلتي انتفارقو او مشيتي عند مارتن

مونيكا: كانت غلطة

فهد: لي كيغلط معايا مكنسمحش ليه هههه

مونيكا: اوكي اصلا ماكان فيك مايعجب مازال برهوش او مارتن حسن منك بزاف او كيعرف احوي حسن منك

حفيظة: اوووه فضحاتك هههه

فهد:(كيشوف فحفيظة ) كنتحداك تنتفيها

حفيظة: شنووو واش حماقيتي لا

فهد: نتفيها هي نتفيها (شاف فيها ) هادا راه تحدي

حفيظة:(كتشوف فيه او ف مونيكا لي كاع مامسوقة حتى تلاحت عليها حفيظة بنتفا كتريش فيها بحال شي دجاجة )

مونيكا: طلقييييي منيييي عاونووووني

حفيظة:(كضرب او تقول شي ماضرباتو ) سكتي الحمارة سكتيييي

اما فهد جالس كيتفرج حتى شاف بلي ناس بداو كيجيو عاد دار راسو كيفك او جبد حفيظة عندو

فهد: سمحو لينا هاد الأمور كتوقع خصوصا ان حبيبتي كتغير كنعتاذر (كيهمس لحفيظة ) تبارك الله عليك عجبتيني فيها يالاه زيدي قدامي ماتوقفي حتى لطوموبيل

المخرج: طوني اش هادشيييي ياك قلنا غادي تصور

فهد: سمحلي ماغاديش نصور أجل هادشي غدا او انا انعوضك

خرج فهد قبل ميكمل المخرج هضرتو حاط يديه على خصر حفيظة و مخليين مونيكا طايحا تماك مريشة كولشي كيصور فيهم حتى وصلو ليموزين ركبو او نطالقو

حفيظة: ههههههههههههه اناري على نهار ويييييع مكتحويش مزياااان

فهد:(شاف فيها ) او منيتك تيقتيها راه نشدك نوصلولك للمعدة

حفيظة: بقات فالتدخال ديالو راه لحمار او كيدخلو راه بقات فلاتيكنيك هههههههههه

فهد: هي راك مجربة

حفيظة: لا لا مامجرباش هههه

فهد: اوا تجربي دابا (كيقرب منها ) نوريك واش كنعرف نحوي ولالا

حفيظة:(كتكحز لور) لا لا مابغيييييتش بعد مني

فهد: (رجع بلاصتو ) اصلا نتي ماشي من نوع ديالي

حفيظة: معذرك مكتعرفش للزين كتصاحب غا مع صفريطات ههههه

فهد: صافي سكتينا

حفيظة: وينو زين لي تقلق واصافي ماتقلقكش هادييك هههه صافي نسا

فهد: فين انمشيو

حفيظة: انمشيو للاوطيل نبدلو حوايجنا او نخرجو نقصرو بغيت ندير شحال من حاجا

فهد: انمشيو لأكبر بار فنيويورك

حفيظة: هاحححح ولكن قبل مانمشيو للأوطيل انا كنتحداك تديني تشريلي لحوايج

فهد: على قلة لحوايج لي عندك

حفيظة: ماشي هادا هو المقصود انا بغيت دير راسك خدامي او تهز المشتريات ديالي

فهد: لا نسيتي بلي انا مشهور او كولشي كيعرفني

حفيظة:(شداتو من لكرافاطا او جبداتو عندها ) منين قلتي ليا نتفها ماتفكرتيش بلي راك مشهور اوا زيد تقود قدامي ولا نقود معاك سوايع (هضرات مع شيفور ) وقف نتا هنا (شافت فيه) زييييد

هبط فهد هو و حفيظة دخلو لمحل سيفورة محل مشهور جات عندهم وحدة بغات تعاونهم ولكن رفضو اوا بقات كتشري حفيظة او كتعطي لفهد اهز ليها علاما تمشي تقيس

فهد: (داز من حدا ليشوميز دونوي ) هاكي حتى هادو

حفيظة: تفو ماسخ لاخر هههه

فهد: انفعوك انفعوك شديهم

حفيظة: ضدهم عندك نتا

فهد:(حط سوتيانات فصدرو ) احححح جاوني زوينين

حفيظة: هههههه زيد نقيس هاد لحوايج قبل مايقيسك لهبال

فهد : هههه زيدي

دخلات حفيظة كتلبس او كتلوح لحوايج عليه او كتخرج كيقولها واش جات زوينة ولا لا حتى شرات لي بغات او مشاو لجيهت الماكياج او بدات كتشوف ليمارك حتى سالات او رجعات لجيهت صبابط او ليطالون خدات لي بغات و خرجو من المحل و هو هاز كولشي حطو كولشي فطوموبيل او تاجهو للاوطيل طلعو سخفانين او كيضحكو و هي دخلات لبيتها او دخل معاها ياكلو او كيهضرو او ناشطين كيتفكرو نتفا لي كلات مونيكا و كيموتو بضحك حتى وصل ليل او مشا هو لبيتو لبس سروال جينز و تيشرت اما هي لبسات كسوة قصيرة فالموڤ او خلات شعرها مطلوق او ماهي الى دقائق حتى وجدو رأسهم او خرجو من الاوطيل …

حفيظة: فين هي الطوموبيل

فهد: (أشار ليها بيديه) مفاااااجأة

حفيظة:(قلبات عينيها) راني لابسا كسوة القلاوي

فهد: فرقي رجليك أش انديرلك (ركب فالسكوتر او لبس الكاسك او عطاها الكاسك ديالها ) هاكي

حفيظة: (لبسات الكاسك او طلعات من موراه مزيرة عليه ) يالاه زيد

فهد:(ابتسامة ماكرة ) شدي مزيااان (انطالق بسرعة فائقة كيتخطى طوموبيلات او كيضحك اما حفيظة قلبها ايسكت )

حفيظة:(حاطة راسها على ضهرو و مغمضة عينيها ) حبس القلاوي بشوية وااااااع

انطالق فهد او خلا دخان من موراه حتى وصلو لأكبر ديسكوتيك فنيويورك هبطو او دخلو للداخل كان كولشي مضوي او ناس كنشرب او كتمارس الجنس فالعلن و كاين لي كيبيع المخدرات و كاين أيضا لي كيشطح مامسوقش جلسو أبطالنا حدا البارمان او حفيظة غا كتبقلل او كتشوف

فهد: شنو تشربي

حفيظة: بغيت نشرب شراب ههههه

فهد: عمرك شربتي ؟

حفيظة: لا بغيت نجرب

فهد: اوكي هاكي (عطاها ويسكي ) هادا انشربوه فدقة

حفيظة: واخا (هبطات عليه فدقة و هي دايرة تعابير قاسحين بحال كتشرب الحامض )

فهد: هههه نزيدك

حفيظة: اه هههه

بقا فهد كيعطيها شراب وصلات للكاس العاشر و تبوقات بالمزيااان ولات غا كطيح و تنوض

فهد: اهياتا شدي فراسك مافيا لي يوحل فيك

حفيظة: هههههههههههه لي سمعك اقول كتحوي فيا

فهد: صاف وصلتي للسطاج للخر

حفيظة:(هزات القرعة بغات تشرب)

فهد:(حيدهالها) لا لا باراكا عليك

حفيظة:(بغنج و كتمشي و تجي و صوت سكران) واش جبتيني باش ندوز وقت زوين ولا تنكدها عليا

فهد: باراكا من شراب ازمر ههه

حفيظة: اممممم يالاه نشطحوو (شداتو من تيشرت او زيداتو للوسط الناس و كتشطح معاه و هو مسيسها بقاو كيشطحو و مرة مرة كيشدها باش ماطيحش او هي كتقرب ليه و كتلمس فيه حتى ضارت عندو و حاوطات يديها على عنقو اما هو تلف فعينيها زورق كيشوف فيهم هايمين او ناعسين يديه كيرجفو او كيطلعو شوية بشوية حتى حاوط الخصر ديالها او هي ميلة راسها شوية و هضرات بصوت خفيف كيسمعو غير هو

حفيظة : فهد بوسني

فهد:(ضربو الضو او كيبلع ريقو ) نتي سكرانة أحفيظة ماعارفاش اش كتقولي

حفيظة: (حيدات واحد اليد من مور عنقو او حدات صبعها او حطاتو على فمو) شششش فقانون الصداقة جميع التحديات مقبولة

فهد: فالاصدقاء مكيتباوسوش

حفيظة: فيك الهضرة بزاف فمك خصو يسكت (اندافعات جيهتو لاسقات شنايفها مع شنايفو و بقات مجمدة معرفات مدير اما هو غمض عينيه كيحاول اتحسس بالبوسة ولكن ماحسش بيها ابتاسم فوسط الثغر ديالها او بعد شوية راسو او كيشوف فيها مغمضة عينيها او كتعض شنايفها )

فهد: هاكا كيبوسو الناس (رجع لاسق شنايفو مع شنايفها او كيبوس فيها بحنان او هي كتحاول دير بحالو بقا كيساري يديه فطرمتها و كيبعز و هي كتصدر اصوات النشوة كل ما كيطلع يديه لظهرها و يميل براسو مرة اليمين مرة لليسار و كيحاول اعطيها حقها و ميحرمهاش من هاد اللحظة وصلو يديه لشعرها او كيطلع فيه و يهبط حتى وصل لعنقها و بالضبط للخدود ديالها و بعدها عليه كيشوف فيها و تشوف فيه و هي جامعة رجليها مزيرة عليهم و كتبلع ريقها و لونها رجع حمر بقا كيشوف فيها و يبتاسم او همس فالأذن ديالها

فهد:حتى انا قيمت ماشي غير نتي (غمزها او جرها من يديها جلسها فالكرسي او عطاها كاس دالماء) شربي

حفيظة:(طاحت عليه دقة وحدة ) اووووف صهد

فهد: (شعل كارو كيكمي) جاك صهد هههه صبري هانا جاي

حفيظة:(بقات كتفكر و صورة ماواضحاش ليها امكن كاع ماحاسا بشنو وقع فقط كتمايل فبلاصتها مع الموسيقى حتى تكب عليها سطل دالماء و ناضت غوتات ) وااااع اش هاددشييييي

فهد:(كيضحك) قلتي فيك صهد ههههههه

حفيظة: اهئ اهئ حرام علييك (بقات كتبكي )

فهد:(جمع الضحكة او كيهدنها) صاف ششش مانعاودش ماتبكيش

حفيظة: ضيعتي ليا شعري و ماكياجي اهئ اهئ

فهد:(ضمها ليه) صافي صافي منعاودش ششش

حفيظة:(عنقاتو) يالاه نمشيو منهنا عفاك

فهد: يالاه نديك لواحد لبلاصة تاخدي ذكريات من نيويورك

حفيظة:(كتبتاسم و هي كتشوف فيه ) اه يالاه ولكن صبر(هزات قرعة دشراب ) يالاه دابا

فهد: (مشا خلص كولشي و تبعها ) باراكا عليييك

حفيظة:(كتحرك راسها ب لا ) هادشي بنيين (كتشرب من القرعة و هي كتمايل ) فين هاد لبلاصة

فهد: (وقف قدام واحد المحل ) هاهي

حفيظة:(تبعات طريقها كاع ماسمعاتو حتى كتحس بشعرها تجر) ااااي ازمر

فهد: (شادها من شعرها ) هاهي لبلاصة القردة و نتي غا ماشيا

حفيظة: (كضحك ) اش انديرو هنا

فهد: كنتحداك توشمي

حفيظة:(ماواعياش ) شنووو شنو هوا توشمي

فهد:(جرها) مكيهمش اجي معايا (حل الباب و دخل ) نيكولا

نيكولا : hello brother

فهد: how are you

نيكولا: بيخير (كيشوف ف حفيظة) شكون هادي

فهد:بغيتك توشم ليها

نيكولا: هههه مرحبا جلسها فالكرسي هانا جاي

فهد:(جلس حفيظة فاكرسي و ماهي الى دقائق جا نيكولا هاز كاطالوگ )

نيكولا: ختار اشمن شكل بغيتي

فهد:(بقا كيشوف حتى عجبو واحد الشكل و قالو ) بغيت هاد الشكل إبدأ منهنا(كيقيس كتف حفيظة و هو هاابط كيتلمس فيدها على وصل لصبعانها ) حتى لهنا

نيكولا: اوكاي (جلس نيكولا او بدا كيجرح فحفيظة باش ابدا ليها الوشم و هي كتوجع او كتغوت ولكن دايخة )

حفيظة: اهئ اهئ فهد اش هادشي

فهد:(شاد فيدها و كيدوز على وجهها بحنية ) شششش صبري قريب اسالي

حفيظة:(كتبغي تنوض و كيجلسها ) هادشي كيضر اهئ اهئ

فهد: انا معاك (كيشوف فيها ) بغيتك فينما تشوفي الوشم تفكريني

حفيظة:(هبطات راسها او كتبكي ) بغيت نشرب

فهد:(عطاها القرعة ) هاك

حفيظة:(بقات كتشرب او كتخربق فالهضرة و فهد كيتبع حركاتها و كيضحك عليها او على عفويتها او حتى فاش كتبكي او كتقولو كيضرني هادشي بقا كيسايسها حتى سالا الوشم من يدها )

نيكولا: سالييت

فهد: رسملها واحد الوشم هنا (أشار لفخدها) او زيد سميتي معاه

نيكولا : واخا

فهد:(كيشوف ف حفيظة) صبري شوية مازال

حفيظة: (حطات راسها على راسو ) اممممم انا ديما صابرة

فهد: بنت زوينة هههه

بدا نيكولا مرة أخرى كينحت على فخد حفيظة و هي كتهز بالالم و فهد كيطمنها بقاو مدة طويلة حتى سالا نيكولا و عطاه فهد لفلوس و هز حفيظة بين يديه و خرج بيها

حفيظة: (الدموع فطرف عينيها ) نسيتي القرعة دشراب

فهد: هههه خليها لنيكولا راه دار خدمة نقية

حفيظة: اوووف

فهد :(حطها ) فين بغيتي نمشيو

حفيظة:(كتشوف واحد الخصة او مشات كتجري تحتها او كتلعب فيها او الماء كيفزكا ) فهد اجي تلعب هههه

فهد:(مشا فاتجاهها او كيشوف فيها او مبتاسم حتى جراتو يدها او دخلاتو العب معاها )

حفيظة: ههههه الماء زوييين

فهد:(سهى ) وشي مرات خايب

حفيظة:(عنقاتو ) كولشي معاك زوين

فهد:(حل عينيه على جهدهم او كيسمع اش كتقول ) شنو

حفيظة: علاش كتخاف من الماء داك نهار تلاحينا فالماء و كنتي اتغرق شفت الخوف فعينيك

فهد:(بعدها عليه شوية و هو كيبتاسم ) كل واحد عندو اسرارو القطة وايالاه نخرجو منهنا راه فزكنا و هاد البلاصة راه محظورة ايجيو البوليس اشدونا (خرجها فهد من تماك محاوط خصرها او غادي بيها جيهت لموطور و هي كتمايل حتى وصلو او ركب او ركبات موراه او شدات فيه او نطالق او هي كتنوض مرة مرة أو طلق يديها منو و كتغوت و هو ولا خايفها طيح ماوصلو للأوطيل غير بستا و ستين كشيفا هبط و هبطها مدخلها معاه او هي كضحك )

حفيظة: حتى انا عندي سر

فهد: شنو

حفيظة: قلتي كل واحد عندو اسرارو ولكن انا عندي سر واحد

فهد: شنوهوا

حفيظة : انا ماشي غنية ولا حتى عندي عائلة

فهد:(كيشوف فيها ) شنو نتي اذن

حفيظة: انا بنت الكاريان (كتشوف فيه بعينيه مدمعين) اه انا هي ديك البنت لي ماتو واليديها منين كانت فعمرها عاماين او عندها ختها خرجات منلقراية على قبلها باش توفر ليها شنو كتحتاج رباتها و قراتها و خافت عليها و كانت كتخرج كل ليلة بصفة ولد باش تقاتل مع رجال فالمصارعة و تربح اه انا هي ديك البنت لي سلبات من ختها حقوقها او ماخلاتهاش تعيش بحال لبنات ختي على قبلي ردات راسها ولد سمات راسها الزوبير اهئ اهئ على قبلي ولات حارسة شخصية لناس لباس عليهم و خبات حقيقتها انها بنت سجلاتني فافضل جامعة او بنت مول شي هي لي صافطاتني لهنا باش نفوج و نعيش حياة الرفاهية ولكن بلا منغطيو الشمس بالغربال انا كنبقا فقيرة او بنت الكاريان اهئ اهئ انا سباب مشاكيل ختي اهئ اهئ انا سباب

فهد:(كان كيسمع ليها او عينيه فيهم الأسى ) صافي ششش كولشي ايتقاد يالاه تنعسي دابا غدا يصبح و يفتح (هزها او تم غادي بيها فلكولوار حتى وصل لبيتها و جبد من صاكها لاكاط او دوزها على لباب او دخل حطها فوق النموسية و هي كتشوف فيه ) تصبحي على خير

حفيظة:(شداتو من يديه ) ماغاديش تخليني

فهد:(ابتاسم و باس يدها ) مابقيتش قادر نخليك (باس راسها ) نعسي ابب

غمضات حفيظة عينيها و هي تمشي فعالم الاحلام اما فهد خرج سد الباب و حط راسو عليه و عينيه فيهم دموووع

فهد: بحالي بحالك احفيظة غير نتي ماعقلتيش على وليديك ولكن انا عاقل عليهم (مسح فهد عينيه و دخل لبيتو حيد حوايجوو دخل للدوش كيتفكر هاد ليلة لي عاش مع حفيظة و كيقيس شنايفو كيفاش باسها و عنقها والهضرة لي دارت بيناتهم تنهد او سد الرشاشة لبس بينوار او خرج من الدوش واقف قبالت الباب الزجاجي لي فالبالكون او كيشوف اضواء نيويورك حتى عيا و طاح طيحا وحدة نعس او حاط وسادة على راسو باش ميفكرش )

في المغرب كانت العشية و الحركة خدامة فقصر المعتصم لخدامات و تريتور كيديرو خدمتهم. و كيزوقو الاماكن و الماكلة على الجهد او كوهينور كتشوف فين وصلو هادشي كاملو على حساب لعراضة لي راها دايرة لذلك لازم كولشي اكون هو هادااااك اوا تزوقات دار بالورد الجوري و الأطعمة أشكال و أنواع و كولشي هو هاداك وصات احد ليكارد ابعث ليزانفيطاسيون للمدعويين و أكدات انهم اجيو او طلعات هي لبيتها دوشات و وجدات غوب تلبسها و الكوافور كيتسناها تسالي اتصالها باش إقاد ليها

كوهينور: الو زوبير ..

حنان:(كتغلض الصوت) الو

كوهينور: احم الليلة كاينا عراضة كبيرة انا عارضا على أساتذة ديال الجامعة و بابا عارض على صحابو لذلك ضروري خصك تحضر ماقادرا نتيق فحتى شيواحد من غيرك

حنان: واخا ولكن العطلة الجايا خاصك ضوبليهالي

كوهينور: هههه هي لي ماتعاود

حنان: انا جاي هه

قطعات حنان غاديا فاتجاه قصر موقاديري وصلات او كتشوف لقصر ولا جنة واااعر دخلات او بقات كتحضي لي غادي و لي جاي حتى صونالها تيليفون او جاوبات

حنان: الو

سراج: ليلة انشوفك

حنان: ماعندك فين تشوفني عطيني تيساع

سراج : هههه اوكي بب

حنان: بب ؟ شوف راه…(قطع ) حمار قطع عليا تفو بقات كتخاصم مع راسها حتى تهدنات او رجعات كتبركك و كتحضي لي داخل و لي خارج …

اوا صبح صباح جديد ومعاه احداث جديدة فاقت كترمش بعينيها او شادة راسها كيضرها و كتحاول تشوف فين هي )

حفيظة:اش وقع اسيدي ياربي (ناضت بتقالة عينيها مسدودين دخلات نيشان فالبانيو كدوش على امل انها تفيق حتى بدأت كتحل عينيها و كتشوف فالمرايا الكبيرة لي قبالتها و كتزيد توسع عينيها و الهضرة مشاتلها حتى طلقاتها بواحد الغوتا ) واااااااع اش هادشي اش هادشي (كتشوف يديها و ناضت كتنقز و بانلها الوشم حتى فرجلها ) اهئ اهئ شكوون دار هاااادشي اتقتلني حنان اتقتلني اهئ اهئ (بقات كضور تماك بحال لمسطية عاد تفكرات بلي اخر واحد كانت معاه هو طوني ناضت لبسات حوايجها او خرجات من بيتها كدق عليييه

حفيظة: فاااااهد حل هاد الباب الزامل الله ياخد فيك الحق اش هاد الشوها درتي ليا انقتلك انقتللللك وا حل القلاوي

خرجات فام ميناج …

…سمحيلي مول الغرفة ماكاينش

رجعات حفيظة لبيتها و هي اتموووت بالفقصة كيبان ليها قدام عينيها غير حنان كتقتل فيها جلسات فالنموسية حتى طرق شيواحد بابها مشات كتجري حلات كيصحابلها فهد حتى كتشوف الشيفور قدامها

الشيفور: ميسيو فهد صافطلك هاد ساشي و قالك لبسيه ايهضر معاك دابا

حفيظة: فينووو داك القواااد ليوووم نقتلو (سدت فوجهو لباب او جبدات من داك ساشي لبسة بيضة معرية او بقات كتشوف فيها حتى صونا ليها فهد او جاوبات )

حفيظة: بغيييتلك لقطع لقلاويك الحماااار اللينعلزاملبوووك

فهد:(بعد تيليفون من وذنيه حيت كانت كتغوت خلاها حتى سالات ) شوفي لبسي داكشي لي صيفطتلك او اجي عندي الشيفور ايوصلك و ديك ساعة قتليني (قطع عليها )

حفيظة: شووووووفييييلك الكلب مبرد مع راسووو تفووو (شدات الكسوة دخلات لبساتها و خرجات كتجري ركبات فالطوموبيل و شيفور غادي بيها فين قاليه فهد حتى وقف او خرجات كتشوف بلي هادي هي لبلاصة لي جات ليها لبارح و نتفات مونيكا دخلات بالزربة و كتسول على فهد قالولها فبيتو كيبدل حوايجوو مشات كطير دفعات لباب و دخلات ) اش كيحساب ليك راسك شكون قالك وشم ليااااا (كضربو فصدرو ) دوي الحمار دوي واش كيصحابلك انا بحال القحبات لي كتعرف انا بزااااف علييييك اهئ اهئ اتقتلني حناااان

فهد:(شدلها يدها كيشوف فيها ) شنو كتفكري اخر من غير الوشم

حفيظة:(كتشوف فيه بعينين دامعين ) اهئ اهئ حتى حاجا انا تفكرت غير فاش خرجنا من الاوطيل

فهد:(تنهد ) راه نتي لي بغيتي توشمي

حفيظة:(طلعات راسها فيه حبسات من لبكى) شنووو

فهد: تحديتيني بلي بغيتي توشمي و خليتك

حفيظة: (كتمسح الدموع ) او علاش ماعاقلاش على هادشي

فهد: حيت كنتي شاربا (كيمشي و يجي ) عرفتي شحال من مشكل درتي لبارح

حفيظة: اهئ اهئ كتكدب نتا كداب

فهد: مكنكدبش عليك

حفيظة: اشمن مشكلة درت كاع

فهد:(بقا كيشوف فيها ) بزااف …

حفيظة: دابا شنو ندير باش نحيد هادشي

فهد: روبي جاك الوشم وااااعر وليتي دابا امريكية (جرها ) شوفي راسك فالمرايا مع هاد الللبسة جيتي خطيرة نهارتبغي تحيديه انا نحيدولك دابا تبتي

حفيظة:(كتشوف راسها فالمراية ) بصح جيت زوينة ؟

فهد: من ديما زوينة ههه

حفيظة:(ضارت عندو) علاش عيطتيلي

فهد: بغيتك تصوري معايا على قبل واحد المجلة

حفيظة: علاه فين لي اتصور معاك

فهد: نتفتيها لبارح و خصرتي ليها وجهها اوا او نساحبات

حفيظة: اه هي مونيكا كانت اتصور معاك

فهد: (شدلها فيدها) زيدي راه مشا لحال

خرج فهد جار حفيظة و دخلو لمكان تصوير و المخرج كيقولهم كيفاش ايتصورو و كيفاش ايديرو حفيظة جاوها دوك الحركات فشكل اما فهد راه مولف عليهم قاليها المخرج حطي يدك على صدرو حيت كان لابس قميجة بيضة محلولة اوا حطات يدها و هوما كيشوفو فبعضهم حتى سالات جلسة التصوير و خرجات هي وياه

فهد: تباركلاه عليك لي شافك اقول كتصوري من شحال هادا

حفيظة: ماتحكرنيش هههه

فهد: اوا يا لالة انا عارضك للغداء

حفيظة: هاححح فيا جووع هههه

مشاو ابطالنا كيتغداو و كل ما حفيظة كتاكل و تهضر و فهد كيشوف فيها او يضحك معاها اما فالمغرب و بالضبط فقصر الموقاديري بداو الحضور كيدخلو بأنقين بالكوستيمات و دخل سي السيد أوسمان لابس طقم اسود او داير ضحكة صفراء مشات عندو حنان و جراتو بعيد على ناس او كتهضر هي وياه

حنان:(كتشوف فجنابها وكتهضر) كيبان ليا كوهينور دايرة هاد لعراضة على قبلك

أوسمان: اودي ماكنتش باغي نجي ولكن جيت باش نوريها راني ماخايفش

حنان:(شافت فيه ) رد بالك

أوسمان:(ابتاسم ليها ) انا رادو فين حفيظة مازال ماجات

حنان:(بغات تهضر شوية و هي تلمح سراج داخل مع لباب لابس لباس رسمي هو أيضا و هاز راسو لفوق كيتمنظر ) مازال ماجات نخليك دابا ها لخدامة توصلك للصالة (مشات بخطوات مسرعة عند سراج لي ماتعرفش عليها فالاول ولكن مع حقق فيها دار ابتسامة ) مرحبا بيك ميسيو سراج (مدات يدها )

سراج:(سلم عليها و حس بيديه كيتعصرو فوسط يدها و هي دايرة ملامح غضب ) شكرا

حنان: اش كدير هنا

سراج: قلتلك انا ظلك فينما كنتي انلقاك

حنان: خرج تقود منهنا قبل مانفلعصك

سراج:(دار علامات غضب ) قادي فمك ولا نهرسك من ظهرك انا راني معروض او سي معتصم عرضني (قرب منها ) بيناتنا المشاريع و شي هضرة مايمكنش ليا نأجلها

حنان:(بغات تهضر و قاطعها معتصم )

معتصم: ههه ولدي سراج (عنقو ) لباس عليك يحساب ليا ماغاديش تجي

سراج: انا عاد كيف جيت من المكسيك

معتصم: (كيشوف ف حنان) كنظن تعرفتي على الزوبير

سراج: ههه من شحال هادا تعرفت عليه فحلبة المصارعة

معتصم:(منداهش ) الزوبير ماقلتيش ليا بلي سراج هو لي بارزتي

حنان: (حاطا عينيها فالارض) سيدي انا مكنتش عارفاه حتى دخل او شفتو او جيت عندو

معتصم: مكاين مشكل ههههه زيد اولدي مرحبا (داه معتصم لبلاصة لي فيها الحضور او هو عينيه كيتبعو عينيها حتى مشا )

حنان: يا سيدي ياربي اش هاد زهر لمگوز (شعل معاها ضو ) اصبر منين معتصم كيعرف سراج إذن سراج كيخدم نفس خدمتووو ياربي لاش كنطيح غير فهاد سلعة لاش اوووف

بقاو الحضور كيهضرو تخلطات الدعوة بين أساتذة و مافيوزيين كل واحد كيهضر على شغلو و الميدان ديالو او كيشكرو كرم الضيافة ديال آل موقاديري حتى هبطات من دروج طالون ديالها كيتسمع لابسا فستان اسود بارد طويل و مزير من الخصر او صدر بارز و سيقان كيلمعو و طالقة شعرها القهوي لفوق دايرالو مشيطة زوينة مع ماكياج صارخ كولشي انتابه ليها او حتى واحد مينكر انها بنت زويينة حتى من أوسمان لي مكيحملهاش فتناتو فديك اللحظة و بقا مركز معاها او كيشوف فيها اول مرة إشوف إبتسامتها الجميلة لي من وراها كاين قلب كبير ولكن سرعان ما نعل الشيطان و رجع لنفس الفكرة ديالو بلي هي غير قحبة و حاسة بكرها و شريرة هبطات توجهات عند الاب ديالها لي كان مع سراج او باستو فالخد ديالو

معتصم:(كيضحك) الأميرة ديالي جيتي كتحمقي

سراج:(هز يد كوهينور و باسها ) هادي راها بنتك نتا من ديما كتشوف هاد الجمال ولكن انا جديد عليا هادشي اول مرة نشوفو

كوهينور:(دارت ابتسامة و هبطات عينيها بخجل) او انا اول مرة نشوف راجل مصواب بحالك هه

أوسمان: (بقا كيشوفهم هوما بجوج او كيشرب العصير ) مافهمتش اش كندير هنا بان ليا هادشي بحال ميتينغ ديال التعارف الفرحة كتخرج ليها من عينيها كأنها ماشي هي ديك البنت المسمومة

حنان:(نطقات من موراه او عينيها على سراج) زيدني عليك مافهمتش اش كيدير هنا

أوسمان: شكون هاداك

حنان: (مابغاتش تهضر عليه ) معرفتش

أوسمان: باينة شيحاجا بيناتهم

حنان: اوا راك معروض الشهر جاي للعرس

….

سراج: كتشبهي لماماك

كوهينور: منين كتعرف ماما

سراج: كانت فعمري 5 سنين او كنت كنشوفها هههه برازيلية خديتي الجمال البرازيلي ديالها

معتصم: لا انا كنعتاض ياسمين مابحالها حد و بنتي جمالها خاص

كوهينور: هههه حشمتوني

معتصم: نخليكم بجوج كملو الهضرة (مشا)

كوهينور: بغيت نسولك و حشمت

سراج : سولي

كوهينور: واش نتا لي درتي كومبا مع الحارس الشخصي ديالي

سراج : تماما

كوهينور: هههه خصك مازال تدرب حيت تغلبتي بسهولة

سراج:(كيضحك) مرحبا

كوهينور:(ضارت او لمحات أوسمان و الزوبير واقفين ) هاهواك يالاه نمشيو عندو

سراج:(أشار ليها. بيديه ) تفضلي

أوسمان : هادو باينين ليا جايين عندنا

حنان: داكشي لي بانلي حتى انا

كوهينور: زوزو (كضور ) قولي كيف جيت

حنان: زوينة زوينة

أوسمان : (كيبركم ) مانعرف منين جا لمها الزين

كوهينور: (كضور فجنابها ) احم واش سمعتو بحال شي ذبانة كتزنزن

سراج:(حابس الضحكة) لا غير هو لي هضر

أوسمان : او نتا لاش كضحك (معصب )

حنان:(شدات أوسمان ) كيقولو القافلة تسير و الكلاب تنبح

سراج:او كيقولو سطاسيوني القافلة و هبط عليهم بالحجر

كوهينور: ااااه أوسمان استاذي العزيز نتا لي كنتي هنا سمحلي مانتابهتش ليك كيصحابني ماتجيش حيت راك خايف

أوسمان:(تنهد) اللهم الصبر ياربي

بقاو هاد الرابعة كيتبادلو نظرات حقد بيناتهم من غير سراج لي ماحاقدش على حنان واخا تقول لي قالت

كوهينور: سمحولي انمشي نجيب كاس ليا (مشات كوهينور للطبلة لي فيها النبيذ و خوات النبيذ الاحمر فكاسها او جات ضور او هي تساطح معاه ) مالنا

أوسمان : باراكا من تبرهيش

كوهينور: (كتقلب عينيها ) سراج كيتسناني (بغات تمشي و شدها من يدها )

أوسمان : فخبارك كنكرهك و ماحامل فيك حتى شعرة لذلك باراكا ماتبقاي ديري دوك الحركات قدامي و تسمعيني لهضرة

كوهينور: (شافت فيه ) أوسمان ، سراج كيتسناني بالاك من قدامي

أوسمان : (حس بيها كتهضر معاه فشكل او عينيها على سراج حتى زير على يدها ) او منبعد شنو انا مالي فيك

كوهينور: والو كنت ناوية نجيبك لهنا باش نهيينك ولكن ماتستاهلش هههه جابلي الله فاش نتلهى المهم كول و ستمتع بوقتك او الليعاونك او حتى الجامعة خليتها ليك كيما كتشوف راني لباس عليا مامحتاجاش للقراية هههه

أوسمان: مناش مصنوعة نتي كولشي عندك باللعب مكتحسييش واش مارباتكش مك مزيان كولشي عندك باللعب

كوهينور:(شافت فيه بحسرة ) كون كانت عندي مي كون بزاف ماكان ولكن ماما ماتت و عطاتك عمرها

أوسمان:(بقا كيشوف ف عينيها بنت زوينة اه فقدات مها امكن هادا سبب اول باش تقسح قلبها او تعاني لقات لفلوس غا مشتتا او حلات عينيها عليهم بقا فيه لحال واخا لي دارت فيه ماشي قليل ) واخا هكك (بقا ساكت شوي) ردي بالك منو مارتاحيتش ليه

كوهينور: او رتاحيتي ليا انا ؟

أوسمان : للأسف طنجرة و لقات غطاها

كوهينور: زعما نيت والله حتى كنحاول منتخاصموش انا وياك و ماندابزوش وليني تستاهل كل مادرت فيك

أوسمان: مادرتلك والو غا نتي رشقاتلك عليا

كوهينور: اه رشقاتلي عليك و كنكرهك

أوسمان:(قرب منها ) علاش انا

كوهينور: حيت (تالفا ف عينيه او شهقات او هي كتحاول دفعو من صدرو ) ايشوفنا شيواحد

أوسمان: هضري

كوهينور: (دفعاتو ) سراج كيتسناني (هربات)

أوسمان: (زفر بغضب حيت عهربات)مازال ماخديت جوابي

مشات كوهينور كتجري لقات سراج مع باباها مرة أخرى او وقفات حداهم

سراج: جيتي

كوهينور: اه جيت مشيت نجيب كاسي و نجي (كتشوف ف أوسمان من بعيد و هو كيشوف فيها )

معتصم:(كيشوف ف كوهينور و سراج ) بانلي عجبتو بعضياتكم

سراج: هههه مازال ماتعرفت على الآنسة مزيان

كوهينور: انا مستاعدة فوقما بغيتي هههه

سراج:(كيشوف حنان لي قريبة ليهم شوية و لكن كتسمع ) عجباتني بزاف كانت بحال حلم صعيب اتحقق ووصلتلو هي جوهرة مدفونة خاص لي يتهلا فيها او أتزيد تشعل و ضوي

حنان:(قربات حداهم ) كدوي على الكوهينور

سراج:(ابتاسم ) شكون فيهم

معتصم:(تبدلو ملاميحو للجدية )

حنان:(كتخنزر فيه او رجعات كضحك ) بطبيعة الحال كندوي على الآنسة كوهينور فعلا هي جوهرة ماتلقاش بحالها علاه نتا كنتي كدوي على شي كوهينور وحدة اخرى

سراج:(معجب بالذكاء ديال حنان ) عليها كنت كنهضر

…جات الخدامة وشوشات لكوهينور فالأذن ديالها و مشات

كوهينور: بابا العشاء واجد

معتصم:(ضرب فالكاس ديالو بشوية بالمعلقة و دعى الناس للمائدة باش اتعشاو او تحركو و كل واحد شد بلاصتو كانت طبلة كبيييرة و طوييييلة بزاف كوهينور فراسها و معتصم مترأسها من الجهة لوخرى او سراج حدا معتصم و بيناتهم ناس اما أوسمان ف جا حدا كوهينور اما حنان كانت واقفة على كوهينور حاضياها بدأت الماكلة و هوما كياكلو و يهضرو )

أوسمان: مجاوبتينيش على سؤالي

كوهينور:(ابتاسمات بزز ) ضروري خاصك تخليني ندير لفضيحة

أوسمان : جاوبي بلا متهربي

كوهينور:هانا نجاوبك (ناضت وقفات ) سمحوليا كنتمنى كولشي انتابه ليا احم هاد الوليمة درتها على قبل الناس لي كيقريوني أساتذة ديالي لي كنحتارمهم بزاف من بينهم أستاذ أوسمان لي ليه الفضل و الشكر انني مكندخلش للحصة ديالو هههه حيت نهار لول جرى عليا و من تماك كل مرة انا وياه مخاصمن ماعمرني قريت عندو او مكنتمناش نقرا عندو او (كتشوف فيه ) ثاني حاجا درت هاد لعراضة باش نوريك انني مامحتاجاش لديك الجامعة انا راني حاكماها او مول لفلوس كيحكمها (ضارت عندهم ) و ايضا كنشكر صحاب بابا لي جاو منهم سراج لي دار بلاصتو دغيا ههه كنتمنى ليك أمسية سعيدة يالاه صفقو (بدا كولشي كيصفق من غير أوسمان لي مزير على القبضة ديالو )

أوسمان: كنشكرك على حسن استقبالك

كوهينور: العفو (هزات بالفرشيط كتاكل )

سراج:كنعتاذر اسي معتصم انمشي للحمام

معتصم: سير

ناض سراج للطواليط منبعد مامشات معاه الخدامة توريه فين جات طواليط و حنان لمحاتو اينوض او بدات كتشوف حتى واحد ماشافها و تبعاتو حتى دخل لطواليط و دخلات عندو لسقاتو مع الحيط

حنان:اش كتعرف على الكوهينور

سراج:(دفعها ) كنعرف بزاف

حنان:نتا ناوي عليها

سراج : ماتخافيش مني انا فصف المعتصم

حنان: اذن حتى نتا بحالهم خسارة (بغات تخرج و شدها )

سراج: اناااا مابحال حد بغيتك ليا فطبيعتك او ماغادي يوصلك حتى واحد

حنان: بعد مني انا هاد العائلة انخدم عندها و انبقا ديما خداما عندهم

سراج: اوا خليني نخرج نقولهم شكون هو الزوبير

حنان:(شداتو ) اجي فين ماشي الى عرفو شيحاجا ايقتلوني

سراج: عارف

حنان: داباااا شنو بغيتي شنو

سراج : اممم غدا اتخرجي تعشاي معايا

حنان: ميمكنش

سراج: مازال ماكملت اتخرجي و نتي بنت

حنان: راه ميمكنش ليا ابنااادم

سراج: ختاري يا تخرجي معايا يا نخرج نفضحك

حنان: صافي صافي انخرج الله يخرج ليك لعمر

فهاد الاثناء لي حنان و سراج كيتناقشو تم شن هجوم على القصر بالقرطاس نوافذ الزجاجية تشتتو او كوهينور هبطات للأرض مهبطة معاها أوسمان او كتغوت و كولشي هبط للتحت او قلبو ديك الطبلة كيحماو فيها سمعات حنان و سراج داكشي او خرجات حنان كتجري شافت داك المنظر او بغات تمشي عند كوهينور ولكن سراج ماخلاهاش

سراج: فين باغا تمشي راه لقرطاس مازال كيضرب

حنان: طلق مني راه ايموتووووو

سراج:( خبعها ) راهم مخبعين فالطبلة

بقا لقرطاس كيضرب تقتلوا لليكاردكور او الخدم و كاع صحاب معتصم تقتلوا واحد بواحد من غير أساتذة الجامعة كأن الخطة كانت مدروسة معتصم كان مخبع و جابد الفردي ديالو كيتسنا يوقف هاد الهجوم او يخرج اما كوهينور كتشوف بنادم كيموت او دم كيسيل او خايفة يكون وقع لباها شيحاجا

كوهينور: اهئ اهئ (حاطا يديها على وذنيها ) اهئ اهئ باباااااااا (شافت فجنابها او ناضت بغات تجري عند باها او لقرطاس كيضرب غامرات بحياتها باش تشوف باها واش بيخير اما أوسمان منين شافها ناضت تبعها او كيجر فيها بحال الى مجبور اما هي كتنتر منو حتى دفع واحد لفوتوي برجلو حتى تقلب او جبدها عندو ولكن مابغاتش تهدن حتى قلبها تحتو او جا فوقها كيحاول يحميها فلحظة نساو بلي كيكرهو بعضياتهم نساو كولشي ..فجأة رجع صمت رهيييب عم المكان خرجات حنان كتجري لعند كوهينور و سراج عند معتصم

حنان: كوهيينوور

كوهينور:( دفعات أوسمان ) فييين بابا

حنان: ششش راه بيخير

كوهينور: بابا بابا فييينووو (ناضت طلعات راسها بانلها مع سراج أو مشات كتجري عندو )

معتصم: كوهينور

كوهينور: نتا بييخيير اهئ اهئ خفت بزاااف (عنقاتو )

معتصم: (بقا ساكت و معصب و عينيه مكيبشروش بالخيير) شكوووون تجرأ على هادشي

حنان: أوسمان نتا بيخير

أوسمان:( كيشوف بنادم طايح مايت او حياتو كانت فخطر) شكون هاد ناس احنان

حنان:(قلبها كيضرب و خايفة حتى هي ولكن كتحاول تقوي راسها) حمد لله ماتعرضتيش لأذى نتا و الأساتذة

معتصم: كاع ليكارد ماتو و الخدم بقينا غير حنا (مغمض عينيه بالاعصاب )

سراج 🙁 بقا كيتحرك فالارجاء شوية و هو يلقا وردة مصنوعة من الفضة او كبيرة او هزها او ضار عند المعتصم ) سي معتصم

معتصم: (شاف الوردة او كيبلع ريقو ) هادشي مايمكنش

سراج: الزنبقة الفضية رجع…..

حنان: (كتهضر مع راسها ) شكون هو الزنبقة و علاش دار هاد الهجوم (صونا تيليفون ) الو

الشاكمة: واش نجي نجيبك

حنان: بلاتي و اجي ماشي دابا

كوهينور: بابا شكون هاد الزنبقة دوي

معتصم:(شد فقلبو كيتعصر او ولا حمرر )

كوهينور: (كتغوت ) بااااباااا بابااااا سرااج عيط للطبيب اهئ اهئ

سراج عيط للطبيب و طلعوه هو و كوهينور لبيتو ارتاح علاما يوصل طبيب ماهي الى لحظات دخل طبيب و هو كيتخطى الجثث و كيرجف داتو حنان لبيت معتصم فحصو و عطاه حقنة نعس على إثرها او خرجو خلاوه ارتاح هبطات كوهينور و الخلعة مازالة فقلبها شافت فالاساتذة لي ايموتووووو حتى هوما الخوف و أوسمان لي كيشوف فيها

كوهينور: (تحجرو دموع فعينيها او كتهضر بطريقة قاسحة) سمحو لينا على هادشي لي وقع كانت بصحة فاجعة و صدمة كنا كاملين انموتو ولكن نجينا بأعجوبة غادي ضطرو تباتو معانا هاد ليلة حيت انخافو توقع ليكم شيحاجا تفضلو معايا الليخليكم (مشات كوهينور قدامهم و هوما تابعينها كل واحد وراتو بيتو و اعتاذرات مرة أخرى ولاحظات ان أوسمان ماشي معاهم او هبطات لقاتو باقي مصدوم )

كوهينور: يالاه نوريك بيتك

أوسمان: شنو هادشي لي واقع

كوهينور: بحالي بحالك ماعرفتش

أوسمان: سكتي و نتي كتهضري على هاد ناس بحال الى حيوانات لي ماتو ماشي بشر

كوهينور:(ضارت عند سراج) عفاك خرج هاد الجثث منهنا الخدم و ليكارد بلغ عائلاتهم بلي وقعات ليهم كسيدة و دفنهم قبل مايوصلو عائلاتهم اما صحاب بابا حط كل واحد فصندوق و صيفطهم لعائلاتهم

سراج: واخا

كوهينور: زوبير عاونو (شافت ف أوسمان او عينيها كيدمعو) تبعني و أتلقى اجوبة على الاسئلة ديالك

أوسمان :(تبعها حتى وصلو لواحد الغرفة او دخلات و تبعها او سد الباب ) اش واقع هنااااا هضريييي

كوهينور:(جلسات ) كانو كيحاولو اقتلونا

أوسمان : علااااش شكوووون نتوووما (جلس مقابل معاها ) شكووون نتي

كوهينور: ماعرفتش انا براسي ماعارفاش شكون انا مليييت و عيييت من هاد الخوف و ديما حاضيا جنابي حتى مابقيتش عارفا لعدو من صديق

أوسمان:(جلس جنبها ) هادشي راه خطير خصكم تعلمو لبوليس

كوهينور: اش عند البوليس مايدير هادشي كيحلو السلاح و بابا مريض بزاااف او انا منقدرش ندير شيحاجا بلا بيه

أوسمان: (شدها من شعرها ) لبلاصة لي كتكوني فيها ديما فيها المشاكيل واش مكتحسيش

كوهينور: (شافت فيه ) كانو كلهم مليوحيين فالارض ميتييين غادي توصل نوبتي انا عاااارفاااا

أوسمان:(ناض كيتمشا ) خرجي منهنا قبل مانقتلللك

كوهينور:(ناضت بغات تمشي او حلات الباب و قبل ماتخرج شافت فيه ) ماتشربش العصير لي غادي يجيك دابا و بلا متسولني علاش

خرجات كوهينور ومشات لبيتها دوشات حالتها و خرجات مشات عند باها بقات واقفا على راسو منعساتش فالحقيقة حتى واحد مانعس غير سقرو فأماكنهم بقات كتشوف فيه كيفاش كيتنفس بصعوبة و كتساءل شكون هاد الزنبقة لي هجم عليهم بقات كضور فالبيت حتى بدا معتصم كيحل عينيه

معتصم:(,بصوت متقطع) كو..كوهينو..ر

كوهينور:(ضارت عندو بسرعة) باباا (مشات جلسات حداه او باست يديه ) نتا بيخير

معتصم:(غمض عينيه ) سمحي ليا

كوهينور:ششش بابا رتاح دابا حتى لمنبعد او ندويو

معتصم ماقدرش اهضر فقط خلا نعاس ياخدو او كوهينور خرجات من بيتو لقات بلي وصلو فرقة من الخدم جداد دايرين صف و كيتسناو الاوامر ديالها مشات عند واحد لخدامة او همسات ليها فالأذن ديالها

كوهينور:بغيتك تاخدي عصير للأساتذة (شافت فيها ) عنداك تنساي السم

لخدامة: أو لي مابغاش اشرب العصير

كوهينور: غادي ضربي ضورة و ترجعي عندو الى مالقيتيهش شرب العصير (عطاتها مسدس ) قتليه

لخدامة: أمرك الآلة

كوهينور:سيري لشغلك (ضارت عندهم) كل واحد ارجع لخدمتو بغيت الدنيا تتنقى او سراجم ارجعوا كيما كانو بغيت منين نفيق غدا صباح لقا كولشي مقاد

الخدم: نعام الآلة

حنان:(كتشوف فليكارد جداد لي جاو او كيهزو الجثث او سراج كيقولهم شنو يديرو شداتها تقية من داك المنظر و الخوف ماقدراتش تبقا و دخلات للقصر لمحات كوهينور أو مشات عندها ) كوهينور

كوهينور:الزوبير (مكتشوفش فيه ) عيط للشاگمة اجي دابا

حنان:واخا (حطات يديها على كتفها) نتي بيخير

كوهينور: (شافت فيها ) الكوهينور فخطر خاص نشددو لحراسة عليها

حنان: (بعد صمت ) واخا

مشات كوهينور لبيتها دوش و تبدل حوايجها اما حنان عيطات لشاكمة اجي فلمح البصر كانت ليلة كحلة على أبطالنا من جهة معتصم مرييض او ناعس ففراشو و من جهة سراج و حنان و كوهينور كيحاولو اغطيو الجرائم لي وقعو اما أوسمان فكان جالس ماقادر ادير والو حتى دخلات عندو لخدامة

لخدامة:(مبتسمة) سمحلي اسيدي مادام كوهينور وصاتني نعطيك هاد العصير

أوسمان:(شاف فيها شوفة حقد او تفكر كلام كوهينور لي قالتلو ماتشربش العصير ) اوك حطيه تماك انا غادي نشربو

لخدامة: ليلة سعيدة اسيدي

أوسمان: شكرا

خرجات لخدامة و ناض أوسمان هز العصير او شمو و ابتاسم بقا غادي بخطوات بطيئة او خواه فواحد الفاز د الورد او كيشوف لورد كيفاش رجع كحل حل عينيه او رجع لور او مشا جلس فوق النموسية كيحك راسو بيديه

….

الشاگمة: الزوبيير (غادي فاتجاهها ) اش واقع

حنان: منبعد او نعاودلك كوهينور بغاتك دابا

الشاگمة:(كيشوف ف حنان) كنحس بشيحاجا ماشي لحتى لتما

حنان: اووووف

الشاگمة: (تنهد )

لبسات كوهينور حوايجها او اتاجهات بسرعة لبيت أوسمان حلات الباب او دخلات عندو شافت الكاس د العصير خاوي

كوهينور: (حلات عينيها ) ياكماااا شربتيييه

أوسمان:(ناض عندها جمعها بواحد التصرفيقة حتى طاحت) نتي قتااااالة مافقلبك لا رحمة و لا شفقة

كوهينور: (شادة بلاصت ضربة او ناضت عندو كضربو لصدرو ) اش بغيييتينييي ندير الخراااا واش كيحساب ليك عاجبني لحاااال زيد تقود قدامي تمشي بحالك

أوسمان: وااااش العصييير شربوووه الأساتذة حتى هووومااا دويييي

كوهينور: مكيهمش المهم نتا راك عايش و كتابلك عمر جديييد او منهنا للقدام ماتعاودش توريني كماااارتك (شداتو من يديه خارجين كيجريو فالدرووج حتى وصلات للتحت شافت الشاگمة) تبعني

الشاگمة: (تبعها خرجو من لقصر من الباب لوراني حتى وصلو للطوموبيل )

كوهينور:(حلات باب ديال طوموبيل ) ركب (كتشوف ف أوسمان )

أوسمان: (كيشوف فيها حتى هو او نطق بكلمات سمعاتهم غير هي ) شكرا ليك حيت رجعتي هاد ليلة عمرها تنسى او أندمك علييهااا (زير على لكلمة)أندمك على رواااح لي مشاااو

كوهينور:(ابتاسمات عكس الغل و الحزن لي فيها او دوات مع الشاگمة و هي كتشوف ف أوسمان و قريييبة لييه كيتسمعو انفاسهم ) خودو لدارو

ركب أوسمان او انطالقات السيارة مخليا لعجاج موراها او هي دخلات للداخل تلاقات بالخدامة لي كلفاتها بالمهمة

لخدامة:(عطاتها المسدس) مادموازيل درت داكشي لي قلتيلي كاين لي ماشربوش او قتلتو

كوهينور:(شدات المسدس ) مزيان (حطاتو على رأس الخدامة و بوووووم تطلقات القرطاسة و جات الخدامة طايحة مايتا او ضارت هي عيطات أربعة د ليكاردكور) غادي طلعو للبيوت او تهزو الجثث لي فيها او هزو حتى هادي (كتقصد الخدامة )

ليكاردكور: واخا الآلة

سالات كوهينور من خدمتها و طلعات لبيتها تنعس اما حنان بقات فالصالة خانوها دموعها او بقات كتبكي خافت بزااف عمرها شافت بنادم كيموت قدامها حتى تحطات يد على كتفها

سراج: متبكيش كولشي ايتصلح

حنان:(نترات يدو مسحات دموعها ) مافقلبكم لا شفقة والا رحمة

سراج: نتي لي دخلتي راسك فهادشي

حنان:(ناضت مقابلة معاه ) عطيييني التيييساااع ابنادم بعد مني

سراج:(شدها من يدها ) الغزالة طريقنا وحدة انا وياك او من ليوم وليتي ديال سراج

حنان:(حيدات يديها و عطاتو بكروشية لوجهو ) سير تقود

خرجات حنان من لقصر بقات كتسنى برا حتى جا الشاگمة و خداها لدارها اما سراج ركب فطوموبيلتو و مشا لدارو . دازت ليلة كحلة على أبطالنا كتخلع و كولشي من عمل الزنبقة لي حتى لدابا ماعرفش راسو فقد لعب ليهم بأعصابهم و خلا علاقاتهم إزيدو إتباعدو زرع السم ديالو و الحقد و كيتوعد ليهم بما كثر …

في أمريكا

حفيظة: فهد يالاه نمشيو لمدينة الملاهي

فهد:(كيلعب فالتيليفون) داكشي لي بقا لينا سيري تكمشي يالبرهوشة

حفيظة:(كتعلق فيه ) واعفاااك عااافاااك

فهد:(مازال ماشي وجهو فالتيليفون) رصااااي راحنا فالشاريع ايضحكو علينا عباد الله

حفيظة: (كطل على تيليفونو) معااامن كتهضر

فهد: باراكا أحشووورة التجسس خايب

حفيظة:(بقات كتعلق فيه و كتلعب او مرة مرة كدير شي حركات باش تعصبو ) وا بغيت نمشي لمديييينة الملاهي

فهد: راكي كبيرا

حفيظة: لاءح بغيت نمشي

فهد:(عصباتو و هو يهزها فوق كتفو راسها فالارض و رجليها فصدرو ) زيدي نديوك للملاهي

حفيظة: ويييع الناس كيشوفو فينا

فهد: منين كنتي كديري داك لهبال ماشاف فينا حد ياك (خشاها فالطوموبيل و ركب )

حفيظة: نتا لي كنتي ماشي وجهك فالتيليفون

فهد:(ضار عندها بجهد حتى ولا وجهو حدا وجهها ) شغلك

ارتابكات حفيظة من هاد القرب و عينيها كيمشيو للفمو نيشان و هو لايقل عنها بقاو كيشوفو فبعضياتهم

حفيظة:(بعدات ) لا ماشغليش

فهد:(جبدها عندو حاط يديه على عنقها ) ههههه كنت كنقاد لينا واحد لبلاصة فالبحر اتعجبك

حفيظة: واااايلي انمشييو للبحر فوقاش

فهد: اه خاصنا نمشيو راني واعدتك اتحضري لحفل عشاء كبيير فيه النجوم

حفيظة: يااااي (عنقاتو ) احلى فهد

فهد:(بعدها عليه ) بعدي مني اهاد المنحرفة

حفيظة: تفو عليك ههه واصاف دابا ديني لمدينة الملاهي

كسيرا فهد واخدها لمدينة الملاهي غير وصلو خرجات من طوموبيل كتجري او هو تابعها كيجري حتى وقفات حدا واحد نونوسات

فهد: اوقفي القحبة عييتيني

حفيظة: (عينيها كيبريو ) فااااهد (كتشيرلو بيديها ) بغييت نونووووس

فهد:(معوج سيفتو ) سيري شريه

حفيظة:(مشات كتجري عند مول نونوسات ) بغيت نشري نونوس شحال كيدير

….هادو مكيتباعوش هادو كيتربحو

حفيظة:(دلات شنايفها راجعة عند فهد) قالك هادو كيتربحو (كتشوف فيه بعويناتها ) بغيت نونوس

فهد: (ابتاسم ) وييينو ههه اجي معايا اجي (كيهضر مع مول نونوسات ) عطيني داك الفردي انا انربح نونوس

عطاه الفردي و بدا كيضرب فالهدف باش اربح نونوس … ماجابهاش المرة اللولة

حفيظة: وااالاااا حرام علييك

فهد: سكتينا (كيبلع ريقو و كيعاودها المرة الثانية او ماجابهاش) تفو

حفيظة: يا على انسان النفخة على الخوة

فهد:(عطاها الفردي ) هانتي ضربي راسك

حفيظة:(شدات الفردي و بقات كتركز كتركز او كديق فعينيها او هي طلق او هي تجيبها ) جبتهااااااا ههههههه لعززززز

فهد:(حال فمو مبهوط )

حفيظة:(ضرباتو لصدرو ) ههههه شتي علاش قادة

فهد:(كيضور وجهو مارضاش او كيهضر مع مول نونوسات ) عطيها نونوس ديالها

خدات حفيظة نونوس او غادية و كضحك على فهد و هو كيشوف ف داك نونوس

فهد: بغيت غير نفهم اش عجبك فيه

حفيظة: ناخدو ذكرى معايا هههه

فهد: الليبقستر

حفيظة:(شافت غزل البنات ) شوف سير شريلي غزل البنات منين ماربحتيش هاد نونوس ماتبقاش بلا فايدة

فهد:(جرها من يديها شرالها غزل البنات او كتاكل فيه و كتعطيه ياكل حتى ولفو ولا كيهزو راسو ) شنو ناوية ديري اخر

حفيظة: نركبو فالقطار السريييع

فهد: لاواه ال*ب لعبي فشيوحدة ساهلة نتاع دراري صغار هههه

حفيظة: لقلاوي نعاماسي كطنز عليا

فهد:(بغا يجاوبها و جاتو مكالمة هاتفية ) صبري هنا هاني جاي (بعد عليها شوية عاد جاوب ) الو

…. شفتك نسيتي راسك راني مكلفك بمهمة زعما

فهد:(كيمسح وجهو ) انا ماغاديش ندير شيحاجا فهمتيييي انا عارض ازياء ماشي مافيوزي

….الدم كيجبد اولدي داكشي لي كانو فيه واليديك ايتبعك حتى نتا و راك وافقتي من الاول على هادشي إذن بلا هاد لفهامات

فهد: انا ماشي شغلي شنو كانو وليديا فهمتييي او من الاحسن تبعد مني و راكا من هاد تهديدات الخاوية

….ماتنساش بلي الراجل لي مربيك فأي لحظة أيمشي فيها

فهد: قود عليا (قطع او هو كينهج او ضار كيشوف ف حفيظة لي واقفة كتاكل غزل البنات و قلبو كيضرو او مشا عندها ) هانا جيت

حفيظة:(شداتلو فيديه ) يالاه نلعبو

مداتو حفيظة للقطار السريييع و بداو كيلعبووو او كيغوتو حيت كان مجهد بزاف ماهبطو منو غير بستا و ستين كشيفا او هوما دايخين واخا هكك حفيظة لا استسلام معها شداتو عاوتاني مشاو لبزاف د الالعاب بقاو كيلعبو مشالهم الوقت غير فمدينة الملاهي حتى لعبو فأخر لعبة لي هي الناااعووورة ههههه كيما كتعجبني نقولها بقات كطلع و تهبط بيهم و هوما كيشوفو غروب الشمس اما فهد كان كيشوف غير حفيظة

حفيظة: مالك كتشوف فيا

فهد: كنشوف هاد الصبيانية لي مازالة فيك

حفيظة: واش خاص نكبر؟

فهد:(حط يدو على راسها ) بقاي هاكا

حفيظة: ههه واخا

وقفات اللعبة

فهد: صافي باراكا علينا يالاه نمشيو راكي سيزيتيني ههه

حفيظة: اصلا راك لباس عليك معندكش مشكل فالفلوس

فهد: هههه غير معاك

خرجو ابطالنا من مدينة الملاهي راكبين فالسيارة و متاجهين لواحد لبلاصة خاوية

حفيظة: فهد حنا فين غاديين

فهد:(مكيجاوبهاش )

حفيظة: فاااهد راني كندوي معاااك

فهد:(شاف فيها بنظرات شهوانية) انمشيو لواحد لبلاصة

حفيظة:(بارتباك ) مابغيت نمشي حتى لبلاصة رجعني للاوطيل

فهد:(كيسوق كاع ممسوق ليها ) لا

حفيظة: وقف الطوموبيييل قلتلك وقف (بغات تحل الباب )

فهد:(نترها و جلسها بزز منها ) ماتخلينيش ندير شي تصرف ماشي هو هاداك

حفيظة: طلق مني الفهد اهئ اهئ بغيييت نمشي

فهد:(وقف الطوموبيل بغا يهضر معاها حتى لقاها خرجات ) حفييييظة

حفيظة: فيين بغيتي تاخدني

فهد: بكل بساطة اناخدك لواحد لبلاصة باش نغتاصبك شحال غبية نتي كيصحابلك كاع الناس مزيانين ؟؟؟ دغيا كتيقي

حفيظة: كيييفاااش اهئ اهئ حرام عليك اش درتليك بعد منيييي

فهد:(تفرشخ بالضحك ) وااااا ههههههههههههه اميمتي كرشي لا صافي مابقييتش قادر اووووف

حفيظة:(كتشوف فيه بعينيها مدمعين )

فهد: منيتك نغتاصبك ههههههههه غا قوليلي منين كتفكري ههههههه واش اعيباد الله لبنات كاملهم كيحماقو عليا او نغتاصبك نتي

حفيظة:(طرطقات بالبكا و جلسات فالارض ) نتا حمااار اهئ اهئ اهئ والله مانسمح لييك اهئ اهئ

فهد:(كينوض فيها ) واصافي مانعاودش ههههه

حفيظة: الضحك الباسل معندي مندير بيه اهئ اهئ

فهد: واصاف الليسامح هههه غا ضحكت معاك نوضي نمشيو راه عندي مفاجأة ليك

حفيظة: مابغيت حتى مفاجأة عطيني بالتيساع

فهد: تفو على بنت ضحكنا معاك متهجريهش لينا نوضي تحركي راه اتفوتنا المفاجأة

حفيظة:(ناضت كتخبط و ركبات فالطوموبيل و ركب حتى هو كيشد فيها و يقضي معاها و هي عاقداهم و نافخة شنايفها حتى وصلو لساحة كبيييرة وقفو او خرجو ) اش هادشي (حالة فمها )

فهد: انسافرو

كانت طائرة كتسناهم مع ليكارد

حفيظة: كيييفاااش انسافرووو ماقلتي ليا والو

فهد: راني قلتلك راني وصيت اوجدو لينا بلاصة فلبحر

حفيظة: ولكن ماقلتيش ليا انمشيو اليوم و حنا ماجمعناش حوايجنا

فهد: كووولشي كاين تماك و اصلا انبقاو غير يوماين و نرجعو

حفيظة: هاححح هادشي زويين

فهد: زيدي زيدي ماعندناش الوقت

طلعو للطائرة شادين الاماكن ديالهم او ماهي الى دقائق انطالقات الطائرة متجهة لجزر المالدييف فين أيتبدل قدر حفيظة 180 درجة بقاو ابطالنا كيهضرو و مابغاش فهد اقول ليها فين غاديين حتى تشوف هي ولكن سرعان ماتملكها نعاس و قادليها بلاصتها و بقا كيشوف فيها حتى تحركات و نعسات ليه على يدو و زاد قرب منها طبع قبلة فالجبين ديالها و حيد يدو بشوية اخليها ترتاح و جلس مقابل معاها كيشرب ويسكي ديالو او خدام فالبيسي ….اما صباح فالمغرب و بالتحديد فدار الموقاديري فاقت كوهينور أو مشات بسرعة لعند باباها حلات لباب لقاتو لابس حوايجوو و واقف قدام لمراية مشات بسرعة عنقاتو

كوهينور:خفت علييييك بزااااف

معتصم: ماتخافيش ابنتي أنا ديما معاك

كوهينور: كيف بقيتي

معتصم: بيخير و نتي

كوهينور: حتى انا بيخير او قاديت شحال من حاجا من وراك

معتصم: كنتيق فبنتي

كوهينور: يالاه نهبطو نفطرو

هبطات كوهينور شادة فباباها حتى وصلو للصالة و جلسو فالمائدة افطرو و لحظة دخلات حنان

معتصم: الزوبيير

حنان: الحمد لله على سلامتك

معتصم: الله يسلمك اولدي

كوهينور:(كتشوف قدامها) بابا شكون هو الزنبقة الفضية

معتصم:(تنهد) خصنا ناخذو الحذر ديالنا (شاف فالزوبير) التداريب ديالك ايبداو من غدا

حنان:اشمن تداريب

معتصم: منبعد و تعرف

كوهينور: خصنا نلفقو شي قصة للأساتذة الجامعة

معتصم:(فهمها ) نشري الخبر انهم كانو سهرانين فواحد الدار و نساو البوطة مشعولة و نفاجرات

كوهينور: داكشي لي ندير (خدات تيليفونها و دارت مكالمة و قادات كولشي )

حنان: سي معتصم انا مارتاحيتش لسراج

معتصم: (كيشرب قهوتو بهدوء ) و علاش

حنان: باين فيه لغدر

كوهينور: شنو بانلك نراقبوه

معتصم:(كيشوف ف كوهينور) ماشي عجبك ؟؟

كوهينور: كنتيق فالزوبير كثر من اي واحد

معتصم: ديرو لي يناسبكم

كوهينور:(ناضت بغات تمشي ) انا انمشي لاصال ندير سبور و اندوز للصالون

معتصم:واخا ابنتي ولكن الجامعة

كوهينور:(تنهدات ) ماغاديش نعاود نمشي ليها

معتصم: كيما بغيتي

كوهينور:(حطات يديها على كتفو ) منين نرجع اندويو على الزنبقة

معتصم:(حط يدو فوق يد بنتو ) سيري دابا او نساي هادشي

كوهينور :(بقات غادية او ضارت شافت فالحنان) هيهو فين ساهي

حنان:(قفزات ) واش نقدر نخرج هاد نهار بكري عندي شي شغل هاد ليل

كوهينور : اصلا ماغاديش تمشي معايا اتبقا مع بابا انا انمشي مع شاكمة اوصلني او يتبعوني لي كارد انخلي بابا أمانة عندك حيت موحى ماكاينش

حنان: نسييت ماولتش فين موحى

معتصم: مشا يشوف عائلتو لي فالبادية دابا نقولو يرجع كيمشي ليا كنتلف

كوهينور: يالاه تهلاو باي

خرجات كوهينور مسرعة ركبات و ساق الشاگمة بيها حتى لصالون دخلات كتريني او بالها كيفكر شكون هو الزنبقة ولكن مابغاتش تعصب راسها حيت اصلا جات غير باش تنسا منبعد ما سالات دازت لصالون التجميل لي بقات فيه بسوايع اما حنان بقا مع المعتصم كدير لي قاليها او كتسمع لخرايفو او المغامرات ديالو حتى نطق

معتصم: شعل التيليفزيون

حنان: واخا (شعلات التيليفزيون و رجعات حدا معتصم )

…ورد ان هناك سارقا اقتحم البنك السويسري و أخد كل النقود فيه إضافة إلى المجوهرات و الالماسات الباهضة الثمن و يذكر أيضا أن هذا الفعل من شيم الزنبقة الفضية فقد عاد من جديد و ترك علامته في مسرح الجريمة هل حقا الزنبقة الفضية عاد ام هنالك من يختلق الاكاديب

معتصم:(بقا مبهوط او كيتنفس بسرعة ) الله اربي هادا أيقتلنا كاملين و ياخد فلوسنا

حنان:(ماكانتش فاهمة اش كتقول المذيعة غير شافت المعتصم شداتو) سي معتصم مااالك

معتصم: الزنبقة الفضية مايتهنى حتى ياخد الكوهينور او معاها روحي

حنان: ماحدي انا معاكم حتى واحد مايقدر يوصل ليكم

معتصم: بنتي أمانة فرقبتك فقط بنتي

حنان: ماتخافش انا معاها ديما تهدن عفاك

معتصم رجع تهدن و شرب الدواء ديالو او طلع لبيتو يرتاح اما حنان مشات خدات طاكسي فاتجاه كوهينور غير وصلات للصالون دخلات بسرعة او بداو لعيالات كيغوتو كيحساب ليهم راجل بقات كتقلب على كوهينور و لكن عرفاتها راها فالبلاصة. د صبا دخلات تماك شافت كولشي عريان او هربو لبنات مشات كتزرب شدات كوهينور من يدها او لاحت عليها بينوار

حنان: تحركي تمشي للدار

كوهينور: اوووف عاد 4 هادي

حنان: باباك سمع شيحاجا على الزنبقة و رجع تعصب

كوهينور: اوييييلي باباا واش بييخيير

حنان: بييخيير غير خصك تبقاي معاه انا خاص نرجع للدار عندي شي غرض

كوهينور: اوك انلبس حوايجي و نلحقك درتي لينا الشوهة كولشي لعيالات هربو

حنان مشات خلاتها كتهضر كتسناها تجي حتى جات او ركبو فطوموبيل د الشاگمة و مشاو للقصر دخلو أو مشات كوهينور نيشان عند باها اما حنان رجعات عند شاگمة

شاگمة: ماعاودتي ليا والو

حنان:(عاودات ليه كولشي )

شاگمة: هاااادشي كاملو وقع ياربي السلامة

حنان: انا خايفة بزااف ياريت مدخلتش فهادشي

شاگمة: سمحيلي انا لي دخلتك

حنان: مكتابة ماعندنا مانديرو

شاگمة: فين باغا تمشي

حنان: سراج عارضني للعشا و خاص نمشي للدار نوجد راسي

شاگمة: هاي هااااي وليتي حتى نتي كديري المواعيد الغرامية اساطة هههه

حنان: سكت ماشي موعد غرامي راه حددني الى ماجيتش ايفضحني (صونالها تيليفون ) هاد لي قلت جبد الكلب و هز الزرواطة…احم الو

سراج: ياكما نسيتي الموعد ديالنا

حنان: مانسيتش انمشي للدار نلبس او نجي

سراج : انا انصيفطلك طوموبيل تجيبك بلا ماتجيبي معاك الشاكمة

حنان: واخا باي (قطعات ) اوووف ياربي تلطف

وصلات حنان لدارها دخلات دوشات و حيدات عليها ستريس و العيا خرجات لبسات قميجة بيضة و سروال بيض و خلات شعرها ينشف او طلقاتو حيت اصلا عندها رطب او هزات فقط تيليفونها و بعض القطع النقدية و لبسات سبادري بقات كتسنى حتى وصلات 8 او سمعات لكلاكسون برا بقات غادة جيهت الباب و مترددة حلاتو غير بشوية ضربات واحد طليلة على الجو واش اسمحلها تخرج او نن شافت الوضع هو هاداك او هي تخرج كتهرب حلات لباب و جلسات فالطوموبيل كتشوف ف جنابها كتلقا راسها بوحدها

حنان:(كتهضر مع السائق) سمحلي نسولك فينو سراج

السائق: صافطني نجيبك للمطعم هو راه تماك

حنان: اوكي…

انطالق السائق او بقات حنان فكرة تجيبها على شنو بغاها سراج بقات كتفكر حتى قاطع تفكيرها السائق لي علمها بلي وصلات خرجات من طوموبيل كتشوف المطعم شحال كبيير و راقي بزاف بقات كتمشى بخطوات تقيلة داخلة ليه و ضواو سلبوها وراها السرباي فين تمشي و بقات متبعة طريقها و مازالة كضور وجهها حتى وصلات للصالة لكبيييرة او الخاوية لي كتوسطها طبلة مزينة بالورد و الشمع او سراج كيفتح الشمبانيا لابس سروال و كوستيم فالازرق مفتوح و قميجة بيضة ضار عندها مبتسم و عطاها إشارة تجي عندو و هي بدورها وصلات عندو كتشوف فيه و يشوف فيها

سراج:(كيبتاسم) كنظن عرضتك للعشا ماشي لمصارعة

حنان: علاش كتقول هاكا

سراج: (كيطلعها و يهبطها ) لباسك غير مناسب

حنان: هاكا كنلبس و ماعنديش مع داك زواق ويلا ماعجبكش الحال هاني مشيت

سراج:(شدها من يدها) حنان غير كنضحك معاك ههه نتي زوينة كيما لبستي

حنان:(توردو خدودها و هبطات راسها كتشوف فيديه لي شادينها بكل حنية او هي كتستارق النظر فعينيه بين الفينة و الأخرى ) مكاين مشكل

سراج:(طلع يدها باسها) اجي معايا (جر الكرسي و جلسات هي )

حنان:(بقات كتحك الجبين ديالها هاد الاهتمام بزاف عليها وهي مامولفاش ) شنو بغيتيني

سراج: تهدني مازال الحال شنو بانلك ناكلو هو اللول

حنان: لي بغيتي

طلب سراج الاكل و هو كيشوف ف حنان و مبتاسم و شايف الحيرة لي فعينيها و الارتباك عارفها مامولفاش بهاد المعاملة و جديد عليها هادشي و يمكن هادشي علاش معجب بيها بقا حاط يدو تحت الذقن ديالو و مازال كيشوف فيها و سرباي كيحط الماكلة او مشا و نطق سراج بهمس

سراج: كيفاش قدرتي ديري هادشي

حنان:(طلعات راسها فيه و هضرات ببراءة ) شنو درت

سراج: خربقتيني تلفتيني من نهار شفتك و انا ماشي على طبيعتي

حنان: راه غير قتلة دالعصا لي خديتي من عندي داك نهار

سراج:(رجع ظهرو لور متكي على الكرسي و كيخربق شعرو ) هههه بغيت نفهم كيفاش كديري هادشي سبحان الله شحال زوينة واخا هكك قوية و قاسحة و شرسة

حنان: (كتشوف فالماكلة) الوقت كتعلمنا هادشي

سراج: ماقادرش نتيق ان حتى واحد مانتابه ليك ياكما متافقين كلكم عليا

حنان:(شافت فيه ) كون كانو عارفيني كون قتلوني

سراج:ماغاديش يقتلوك (شرب رشفة من النبيذ ديالو ) غادي يستاغلوك

حنان:نقدرو نهضرو فاش بغيتيني

سراج: كولي بعدا (هز فورشيط و موس كياكل )

حنان:(حاطة يدها فوق فخادها و مازالة كتشوف فديك الماكلة )

سراج: شنووو ماعجباتكش الماكلة ولا ياكما خفتي نكون داير فيه السم

حنان: لا ماشي هكك انا..(بارتباك) مافياش جوع

سراج:(حط الفورشيط و الموس ) حنان مالك

حنان:(ناضت ) مامرتاحاش مكنحملش لبلاصة لي فيها هاد الضغط و هاد كثرة لعياقة

سراج: (ناض حتى هو) انا ماشي فيا لعياقة

حنان: كنت انرتاح كثر كون ديتيني ناكل البيصارة و طايب و هاري

سراج: هههههه والله الآلة حتى نديك غير ختاري فوقاش

حنان:(شافت فيه ) مكنعرفش ناكل بالفورشيط و الموس

سراج: اااه اوكي جلسي اناكلو بالخبز ماناكلوش بالفرشيط (شاف فيها كيأكد عليها ) بلييز جلسي

حنان:(رجعات جلسات كتاكل بالخبز او مرتاحة دابا ) اوا اسي سراج نبداو شنو علاقتك بالموقاديري ولا الكوهينور ولا الزنبقة

سراج:(مبتاسم) الموقاديري عندو الكوهينور لي فالاصل ديال الزنبقة لي فالاصل غادي يموت على يدي

حنان: شكون هو الزنبقة

سراج: سراق ليوم سرق البنك ديال سويسرا و مانعرف شنو الخطوة ديالو القادمة

حنان: هو بغا الكوهينور ؟

سراج: اه و مايتهنا حتى ياخدها

حنان: و نتا شنو علاقتك بيه

سراج:(بقا ساكت او نطق ) من بعد و تعرفي

حنان: علاش انا بالضبط

سراج:(طلع راسو فيها )

حنان: علاش انا بالضبط لي بغيتيها تخدم معاك

سراج: حيت فيك كاع داكشي لي بغيت و زيد. عليها بغيت نهنييك من هاد العيشة د الخوف لي عايشة

حنان: شنو الخدمة لي بغيتيني فيها

سراج: بغيتك نتي لي تلقاي الزنبقة و تجيبيه ليا

حنان: مستحييل فهاد المدة لقصيرة لي كنتو كتهضرو فيها عليه راه باااين ذكي ماغاديش نجي انا و نلعب عليه و انا ماغاديش ندخل فهاد اللعبة

سراج: انا محتاجك(حط يدو على يدها ) عاونيني

حنان:(ارتابكات ) احم بغيت نمشي لطواليط

سراج:(دار إشارة لسرباي ) ديها لطواليط

السرباي : امرك

مشات حنان مع سرباي وصلها لطواليط دخلات و بقات كتشوف فالمراية لي قبالتها و طلقات الروبيني كتغسل وجها فهاد اللحظات كان شخص دخل للمطعم من الشرجم بلا مايشوفو حتى واحد كان شخص غامض الملابس ديالو وحدهم قادرين ابينو هادشي لابس ملابس سوداء و قناع اسود و قفازات سوداء غير عينيه لي كيبانو فقط دخل او كيطقطق بصباطو او تقابل مع سراج هاد الاخير لي لمحو و مادار حتى ردة فعل

سراج: ماشي حشوما دخل للمطعم بهاد الطريقة و لكن هادشي من عوايدك ولفتي

الزنبقة:(ابتاسم تحت القناع ديالو و قرب ليه بزاف ) منين عرفت راك هنا تشوقت نجي نشوفك

سراج: مدة طويلة بيناتنا 5 سنين ياك

الزنبقة:(دار إشارة لا بصبعو) 5 سنين و 3 شهور و 15 يوم و 24 ساعة و 30 دقيقة و 1 جزء من الثانية

سراج: مازال دقيق فكولشي

الزنبقة: و شنو كيحساب ليك دوك السرقات لي كنت كندير كاملهم كانو من التخطيط و الدقة ديالي

سراج: (بدل ملاميحو ) علاش رجعتي

الزنبقة:(حط يديه فعنق سراج كيخنقو) غادي تمشي و توصل لمعتصم بلي حاجتي ماكانساهاش و الكوهينور اترجع فيدي و كنقسم بالسنين لي عشتهم فالعذاب أندمكم واحد بواااحد

سراج:(كيتخنق و كيحاول اتنفس و لكن قوة الزنبقة كانت اكبر هو راه ماشي القوة ديالو لي كانت كبيرة فقط و انما الحقد و الكره لي فقلبو ) طلل..لق

الزنبقة:(رماه على الطبلة دالماكلة حتى فرشخها ) هاني طلقتك

سراج:(كيكح ) غادي تندم

الزنبقة: ماشي انا لي كندم انا ماعندي منخسر كولشي خسرتو بسبابك اعشيري

سراج: (كيضحك بدرع) عشييرك نسيتي بلي مابقيناش صحاب

الزنبقة: و ياخسارة وليتي عدوي و الزنبقة فاش كيرد شيواحد من الأعداء ديالو كيصفيه ليه (تحنا عندو او كيهضر بشوية) الكوهينور غادي ترجع عندي و موتكم قريب تفكر هادشي

خرج الزنبقة من المطعم منقز من الشرجم او بحركات خفيفة تسل بحال الشعرة من لعجينة اما سراج بقا كينوض و تعصب بزاف بقا غير كيضرب فديك الطبلة خرجات حنان من الطواليط اتاجهات لعند سراج و هي تصدم بداك المنظر بقات غير كتشوف عاد نطقات

حنان: اش واقع هنا

سراج: (ضار عندها كيتمشا لجيهتها بخطوات ثقال ) شنو ايوقع زعما

حنان:(كترجع لور ) شكون دار هاد الحالة و علاش معصب

سراج:(حاصرها مع الحيط لي كان زجاجي و كيشوف ف عينيها ) و الى عرفتي اشنو اديري

حنان:(بغات طلع رجلها ضربو و حكمها ) طلللق منيييي

سراج:(مدخل راسو فشعرها كيشم ريحتها و مغمض عينيه ) حنان خفت نزرب و نندم ولكن حاس بلي وليت كنبغيك

حنان:(مطرطقة عينيها كتسمع فيه او تالفالها الهضرة ) عفاك خليني نمشي

سراج: (مازال على نفس الوضعية ) نساي كاع هادشي لي قلتلك خلي كولشي و يالاه معايا بغيتك ليا بوحدي

حنان: (كتحاول دفعو ) نتا ماعارفش اش كتقول

سراج:ششش (بقا سراج كيشم فشعر حنان و اللحية ديالو كتهرها فعنقها اما يديه كانو فالخصر ديالها كيقيسها بكل حنية حتى ماقدرش اتمالك راسو و طبع قبل قوية فعنقها شهقات على الأثر ديالها و دفعاتو بكل الجهد لي فييهااا او هربات من بين يديه ) حنااااااان

خرجات من المطعم كتزرب او مرة مرة كتجري خايفة الحقها …كان قلبها كيضرب جراء القبلة لي خدات فالعنق ديالها تخلطات عليها الحشمة و الخوف من أن شيواحد إشوفها فالهيئة الحقيقية ديالها او تواجه عواقب وخيمة بقات كتجري و كضور موراها باش تشوف واش لاحقها ولا لا و فجأة و دون سابق انظار تساطحات مع شخص لي قدر اشدها قبل ماطيح …اه كنتي نتا ..كنتي بمثابة مطلع الفجر الاول لتائه قد خاف العتمة .بقيت كنشوف فيك كنحاول نعرفك ولكن بدون جدوى الرداء الاسود و الماسك لي داير غطاك كاملك او مع الظلام كان صعيب نتعرف عليك تخاطتي ليا مع سواد الليل …. بقيت كنشوف غير عينيك لي سلبوني و ماقدرتش نهضر قلبي كيضرب كثر و نتا شادني و كنبلع ريقي ….شكون نتا و علاش لابس هاكا و علاش هنا بالضبط او علاش انا لي تلاقيت بيك …كل هاد الأسئلة ضارو ليا فدماغي واخا هكك حتى واحد فينا ماقدر ينطق….. فجأة قاطعات الحديث ديالها مع راسها و دفعاتو فورما تفكرات ان سراج أيتبعها خلات الراجل لغريب واقف كيستنشق الريحة لي كانت دايرة و مغمض عينو مزير على القبضة ديالو لي قاستها اما هي اتاجهات لسيارة سوداء كتهضر مع شيفور

حنان: عفاك الليخليك تقدر توصلني

شيفور: سمحي ليا منقدرش راه كنتسنى سيدي باش نوصلو

حنان: عفاك راه ليل هادا وماكاينة حتى طاكسي عفاك

بخطوات تقيلة جا من موراها و حرك راسو للشيفور بالموافقة و ركب لور اما شيفور رجع هضر معاها

شيفور: واخا انوصلك ركبي لقدام

حنان: شكرا بزاااف

ركبات حنان و هي خايفة و لكن ماكانتش عارفة بلي القدر ديالها كان وراها فالطوموبيل كيشوف فيها من مور القناع لي داير مازال كيستنشق ريحتها و كيشوفها من لمراية لي كتعكس وجهها الملائكي دايرة ملاميح قلق و خوف والقدر تماك كتب و قرر بلي هو الزنبقة و هي القطعة الفضية ديالو بقات كطرطق فصباعها او كتشوف من السرجم فوقاش توصل

السائق : سمحي ليا ابنتي فين بغيتي تمشي

حنان: بغيت نمشي ل****

السائق : اوكي

بقا الزنبقة كيشوف ف حنان و هي كاع ماحاسة بيه والا حاسة بلي راكب معاها شيواحد اخر لأنه كان كيفصل بيناتهم حاجز زجاجي مكتشوفش هي شكون لور ولكن هو كيشوف كولشي …وصلها الشيفور لفين بغات و شكراتو بغات تهبط و هي تلقا نفس الرمز لي كيحطو الزنبقة الفضية فمسرح الجريمة ديالو طايح فالطوموبيل هزاتو بيديها و الزنبقة مازال كيشوف فيها او كيشوف كيفاش اتكون ردة الفعل ديالها

السائق: (بارتباك)هادي ديالي ارايها

حنان:(بعدات يدها مابغاتش تعطيهالو و مازالة كتشوف فيها ) فايت شفت هادا فشي بلاصة (عطاتولو ) حافظ عليه

خرجات حنان من الطوموبيل او سدات الباب و بغات تمشي و لكن الزنبقة حل سرجم د الطوموبيل شوية و عيط ليها

الزنبقة: الى عجبك تقدري تاخديه

حنان:(بقات مسمرة بلاصتها ماقدراتش ضور ) بلاش

الزنبقة: (خرج من الطوموبيل متاجه عندها ) قلتي شفتيه فشي بلاصة

حنان:(قلبها ايوصل للسليب عارفة بلي داك الرمز هو نفسو. ديال الزنبقة الفضية و خايفة يكون هو لي كيهضر معاها هبطات راسها او كتشوف فجنابها ) نقدر نكون شفتو فشي مجلة

الزنبقة: عارفة هاد الرمز ديالاش

حنان:(بغات تمشي بحالها و شدها مضورها عندو و زادت تصعقات كان هو الشخص لي تزادحات معاه ولكن بالخلعة مانتابهاتش و ماحققاتش فيه بقات كتمتم) عارفة

الزنبقة:(كيشوف فيها بعينيه بلا مايرمشهوم او حط ليها الرمز فيدها )

حنان:(شداتو او قبل ماتمشي و تكمل طريقها ضارت عندو شافتو ركب فالطوموبيل و مازال كيشوف فيها من السرجم و كيسمعها اش غادي تقول اما هي نطقات بنبرة حادة) الزنبقة الفضية

الزنبقةدارلها التحية بيديه و نطالقات الطوموبيل ديالو مكسيييرياااا مخليا لعجاج موراها اما هي شداتها بجرية ماوقفات حتى دخلات لدارها و طلعات بسرعة لبيتها سدات لباب او تكات على الباب شادة الرمز فصدرها و مغمضة عينيها بقوة او كتنفس بالجهد تخلط عليها كولشي جوج صدمات فنفس النهار و فنفس اللحظة الأولى ديال سراج لي باسها و الثانية ديال الزنبقة لي وصلها لدارها بقات كتفتف و جلسات فالنموسية ديالها شادة راسها …اما سراج

فبعد ما خرجات حنان من المطعم هاربة خرج باش اتبعها ولكن اختفت ركب فطوموبيل ديالو اتاجه لدارو غير دخل لقاها جالسة فالصالة دايرة رجل على رجل و كتفرج فالتيليفزيون

سراج: فوقاش جيتي

فيروز :(شافت فيه بعينيها الزرقين و ناضت عندو بقامتها الرشيقة و هي كتحيد شعرها الاشقر راداه لور مبتاسمة و مشات عنقاتو ) جيت هادي ساعة

سراج:(مبادلها العناق ) توحشتك و ماتوقعتش اتجي

فيروز: (همسات فالأذن ديالو ) انا اكثر وحدة حافظاك و عارفاك واش توحشتيني ولا لا و الدليل على هادشي انني نقدر نقولك دابا بلي راك معصب

سراج:(بعدها عليه شوية مخربقلها شعرها بيديه) اكبرتي هههه

فيروز: راه فعمري 26 الليهديك

سراج: انا راه 35 ازين او كيقولو لي فاتك بليلة فاتك بحيلة و عارفاك جيتي حيت تقاضاولك لفلوس

فيروز: ههههه او جيت عند خويا حبيبي اعطيني لفلوس

سراج:(جلس فالكنبة شاد راسو بيديه ) الزنبقة الفضية رجع

فيروز:(تسمرات بلاصتها ) كيفااش رجع علاه ماشي اعتازل

سراج: نتي اكثر وحدة عارفاه افيروز حتى حاجا ماكضمرو

فيروز:(جلسات حداه ) مشينا فيها اذن

سراج: (شاف فيها بغباء ) منيتك

فيروز:(طلقات واحد الضحكة زلزلات بيها اركان البيت ) ههههههههههه نتا عارفني مكنخافش منووو و ماعندو مايدير ليا حيت لي دوزنا انا وياه ماشي قليل

سراج: كيصحابلك واش هاداك يوسف لي كنتي كتعرفي ههه راه تبدل بزاف و نصيحة ماضوريش بساحتو

فيروز: معمر شيواحد تحداني و ماعمر شيواحد ايتحداني حيت كولشي عارفني اش كنسوا

سراج: (ضربها بوسادة او ناض ) سيري تنعسي مشا الحال

فيروز: فين كنتي بعدا

سراج: فاش مشيتي لباريس كضوري و ماقلتيهاش خليتيني مهول عليك ماكانش هامك حتى واحد اوا بلا ماتسوليني و ديري فيها الاخت الحنونة

فيروز: اممم (ناضت عندو او شماتو ) هادا بارفان د لبنات وليني شحاااال زلايلي مع راسك

سراج: ههههه وليني شحال مكتحشميش سيري تنعسي و هاد الايام بلا متخرجي من الدار

فيروز: سراج الزنبقة ماعندو مايديرلي

سراج: عارف ولكن نتي درتيلو بزااف و آذيتيه بزاف عمرو يسمحلك

فيروز : I don’t care about this

سراج: (مشا خلاها ) تصبحي على خير …

في جزر المالديف و بالتحديد فكوخ صغير ولكن راقي كانت ناعسة كتجبد او كتخشا فالوسادة بحال شي قطيطة حتى عماتها أشعة الشمس فعينيها تگعدات لقات راسها فكوخ خشبي الاثاث رائع و بالكون كيخرج للبحر نييشااان بدأت كترد الاحداث حتى تفكرات بلي هي و فهد بجوجهم سافرو ناضت بثقالة لقات باب اخر دخلات فيه لقات طواليط قضات حاجتها و مساءلها و خرجات لبسات كسيوة ساتان فالاحمر و هزات صاكها غوشي و بروطكان فالبيج و خرجات كتمشا و كتصوني على فهد

فهد: لغزالة فقتي

حفيظة: فقت و مالقيتكش

فهد: انا كنتبحر ههه

حفيظة: واهادا هو لغدر بعينيه

فهد: بقاي بلاصتك انا نجي عندك

حفيظة : اوكاي(بقات كتسنى و ماهي الى دقائق و صل عندها لابس غير شورط و الفوق عريان )

فهد: شفتك هاد الايام غير كتعراي علينا

حفيظة: هههه ماشفتيش راسك ولا جاتك الغيرة

فهد: ايييه انا ولد جات معايا اما نتي عيباد الله ابداو اشوفو فيك و يسرقوك ليا

حفيظة: هههه زيد نتبحرو

فهد: جبتي المايو

حفيظة: نسييتووو اطط نمشي بالزربة نقلب فداك الماريو نشوف اش فيه مانتعطلش عنداك تمشي

فهد: وا سربي

مشات حفيظة كتزرب دخلات للدار حلات الماريو جبدات مايو فالكحل منقط بالبيض حطاتو فصاكها و رجعات عند فهد

فهد: على سلامة

حفيظة: راني ماتعطلتش

فهد: هههه اجي معايا بعدا نفطرو عاد نمشيو نتبحرو

حفيظة: واخا

مشاو دخلو لواحد المطعم كيفطرو

فهد: حفيظة عمرني سولتك

حفيظة: شنو

فهد: عمرك بغيتي شيواحد

حفيظة: (كانت كتشرب العصير و هو يوحل ليها ) كح كح

فهد:(كيضربلها فظهرها ) بشوية علييك مالك

حفيظة: اش هاد السؤال

فهد: بغيت غير نعرف

حفيظة:(بقات ساكتا تفكرات الشاگمة و رجعات هضرات) لا عمرني بغيت

فهد:(بانت الفرحة فعينيه) هههه اوا بغيني انا

حفيظة: لا نتا تابعينك لبنات بزاف و انا الحاجا المتبوعا مكنبغيهاش

فهد: واخا يتبعوني كنواعدك انتبعك غير نتي ههههه

حفيظة: ههههه ساليتي فطورك زيد نمشيو نتبحرو

فهد:(حط لفلوس فوق الطابلة و شدها من يدها هابطين للبحر ) سيري لطواليط لهيه بدلي (نعت ليها)

حفيظة:(مشات حفيظة كتبدل حوايجها لبسات مايو و كلاكيطا و خرجات متاجها لفهد) كيجيييت

فهد: ويييليييك لمك (كيغطي فيها ) وااااش شفتييي راسك كيييف دايرة

حفيظة: رجووووع الله مالك

فهد: معرية ابنت القحبة

حفيظة: وا بعد مني واكيفاش بغيتي هاد المايو يكوون

فهد:(شدها ) لسقي فيا ابنت الهم تزعزعي مانتفاهمش معاك

بقا غادي بيها فهد للبحر ركبو فالجيسكي و بقاو غاديين كيتساراو فداك لبحر… حفيظة عجبها لحال بزاف خاصة أن الماء كيرشها شوية و هو يوقف فهد

حفيظة: يالاه نهبطو نعومو

فهد: سيري غير نتي

حفيظة: دابا بصح نيت كتخاف من الماء ؟

فهد: سيري تعومي احفيظة انا نبقا مقابلك

حفيظة:(حطات يديها على يدو) تيق فيا

فهد:(بقا ساكت كيشوف فيها ) منقدرش والله

حفيظة: غيير زييد (شداتو حفيظة هابطين للبحر بقاو غاديين حتى اختفااو فمرة تخشاو لتحت كيعومو بقاو مشادين ليدين و وصلو لقاع لبحر كيشوفو الحياة كيدايرة تماك و هي كتشوف ف فهد لي باينة عليه الخوف طلق منها دغيا و طلع بسرعة اما هي لحقاتوو طلعات خدات النفس ) فاااهد

فهد: (كيغوت)طلقييييي خصني نخرررج منهناااااا

حفيظة:(شاداه فراسو بجوج يدين) فهد تهدننن

فهد: (كيرجف و يغوت ) لاااا لااا البحر خاااايب

حفيظة:(حطات راسها على راسو ) عفاك تهدن ماتخافش انا معاااك شششش

فهد:(غمض عينيه كيحاول اتهدن ) منقدرش كنخااف بزااف

حفيظة: علاش

فهد: كنت صغير او راكب مع الوليدة و الوليد فالطوموبيل كنا قاطعين واحد الجسر شوية ماعرفتش اش وقع حتى طاحت الطوموبيل فالماء او كنا كنغرقو فقط شخص واحد شافنا او نقز فالبحر فاتجاهنا كيحاول إنقذنا ولكن الاب ديالي قالو بالاشارة يعتقني انا لول و داكشي لي كان داك الشخص عتقني وخرجني من لبحر فاش بغا يعتق واليديا لقا الاوان فات و هاكا ماتو واليديا قدامي داك الشخص منبعد هو لي رباني و كبرني و كنعيطلو بابا و صنع مني نجم خيرو عمرني نساه ولكن الحرقة ديال واليديا مازالة فقلبي او كنكره نعوم ولا ندخل للبحر

حفيظة:(شافت فيه ) صافي نسا و تهدن

فهد:(حل عينيه شاف فيها ) مكنقدرش ننسا واخا نحاول

حفيظة: (عنقاتو) انا معاك

فهد:(عنقها و زير عليها ) عااارف

خرجو بجوجهم من البحر راجعين للشاطئ جلسو بعاد كيشربو عصير حتى نطق فهد

فهد: ليوم كاينة ديك الحفلة لي قلتلك

حفيظة: اواااا (كتلبس كسوة بيضة مشبكة فوق المايو)

فهد: اوا وجدي راسك باش تمشي ههه

حفيظة: شنو انلبس ماجبتش لحوايج

فهد: ماتخافيش انصيفطلك شنو تلبسي

حفيظة: واخا

فهد: هادشي لي عاودتلك دابا بغيتك تنسايه

حفيظة: علاه شنو عاودتيلي

فهد: فتاة رائعة ههه (كيشوف فالبنات ) هاححح شوفي الزين شوفي

حفيظة:(كتشوف فدراري ) وايييه مانعرف علاش المغرب مكيولدش هاد الزين

فهد:(باقي حال فمو) هانتي كتشوفي

حفيظة:(ضرباتو لفخدو) اوا ياسيدي اجي نديرو انا وياك واحد التحدي

فهد: هاححح (كيحك الضربة) شنو هو

حفيظة: نشوفو شكون فينا اياخد رقم ديال شي واحد بالزربة

فهد: كتقصدي نتي تاخدي رقم تيليفون ديال ولد و انا ديال بنت و لي سبق وخداها هو الرابح

حفيظة: تماااامااا

فهد: اوا نوضي اش مازالة كديري هنا حدايا التحدي راه بدا هههه(ناض فهد كيجري دخل للمطعم و بدا كيشوف الهدف ديالو لقا بنت زعرة جالسة بوحدها و جلس حداها ) السلام

البنت: هاي

فهد: جالسة بوحدك

البنت: وي

فهد: بصراحة حتى انا جلست بوحدي داكشي علاش شفتك و جيت نجلس حداك عجبتيني

البنت: اوووه شكرا

فهد: اتجلسي بزاف هنا؟ …

نخليو هادا كيقاد لبريكولات ديالو او نمشيو عند حبيبتنا حفيظة لي بقات كضور راسها تماك ماعرفات مادير حتى كتشوف واحد كيقاط الباطو ديالو و مشات عندو

حفيظة: هاي

الولد : (شاف فيها طلعها و هبطها و عجباااتووو او جا هبط عندها ) هاي الغزالة

حفيظة: بقيت بوحدي مالقيت لي يونسني

الولد:(شدها من الخصر ديالها ) اناااا كاااين

حفيظة:(حيداتلو يدو ) احم شنو بانلك نشربو عصير

الولد: مرحبا ههه

بقاو غاديين كيهضرو او شراو عصير الكوك فالقوقعة ديالو نيت و كيهضرو ولكن الولد ناوي على لغدر و هي حاسة بيه

الولد:(حط يدو على فخادها ) الشمش بدأت كتغرب شنو بانلك نمشيو لداري(غمزها)

حفيظة: لا مانمشيش

الولد: علاش

حفيظة: عطيني النمرة ديالك و نمشي معاك

الولد: نووو يالاه معايا خوديها

حفيظة: (ناضت) سمحلي انا غادي نمشي

الولد:(شدها من دراعها موعتها ) انا ماخسرتش وقتي معاك باش تقوليلي انمشي

حفيظة: (ضرباتو بركلة ل المنطقة الحساسة ) طلق مني

الولد:(طاح كيتوجع شوي غير شافها بغات تهرب شدها من شعرها ) انددمممك

اما عند فهد كان كيهضر مع البنت و كيتغزل بيها حتى تحطات يد على كتفو غير ضار كيشوف شاف واحد الراجل مگلضم و طويييل و كحل

فهد: نعام كاين شي مشكل

الراجل: نتا لي واش كاين شي مشكل اش بغيتي

فهد: انا كنهضر مع صاحبتي نتا مالك

البنت: انا ماشي صاااحبتك

الراجل: هادي راهاااا مراااتي

فهد:(ناض ) احم سمحو ليا ماكيسحابنيش مزوجة

الراجل:(شدو من عنقو ) انوريك باش مرة اخرى تعاود تهضر مع مرا مزوجة

فهد:(نسل راسو دغيا و دفع الراجل ) اوا لحقني الى قدرتي هاهاهاها (هرب فهد و الراجل كيجري عليه باغي يضربو بقاو كيجريو فوق ديك الرملة و هو يلمح فهد حفيظة كضارب مع داك الولد و هاد الاخير شادها من عنقها مشا كيجري فهد لعندها و هو يعطي كروشية للولد طيحو )

حفيظة:(كتبكي ) فهد اهئ اهئ

فهد:(كيشوف فالراجل مازال كيجري من وراه و شد يد حفيظة) هربيييي داااااباااا

بقاو كيهربووو فداك الليل و الدنيا خوات و البحر دار لون رائع متلألئ وصلو لجيسكي و ركبو دغيا و نطالق فهد مخلي من موراه المشاكيل حتى وصلو للكوخ ديالهم و دخلو

فهد:(كيشوف ف حفيظة ) ياكما آذاك

حفيظة: كان غادي يآذيني كون ماوصلتيش دغيا

فهد:(ضمها ليه ) اندمو غير مايبقاش فيك الحال

حفيظة: و مالك نتا مع هاداك لي كان كيجري علينا

فهد: ههههه جلست مع بنت كيحسابني بوحدها حتى خرج داك الغول كيقولي هو راجلها

حفيظة: ههههه ضحكتيني واخا مافيا لي يضحك مانعاودوش نديرو بحال هاد التحديات الليرضي عليك

فهد: صااافي غيير كوني على خاطرك هههه او ضحكي ليا

حفيظة: ويلي ويلي مشا الحال خاص نلبسو حوايجنا الحفلة اتفوتنا

فهد: بشوية عليك عزيز عليا ندخل انا آخر واحد باش كاع الأنظار اكونو عليا ههه

حفيظة: حاس بكرك هههه

فهد: هههه سيري دخلي اتلقاي لاغوب ديالك فوق النموسية انا اندخل للبيت لاخر و نخرج

دخلات حفيظة لبيتها دوشات حالتها و صايبات شعرها و ماكياجها لي كان صارخ و دهنات لحمها بكريمات و خرجات لقات كسوة حمرة زوييينة لبساتها جاتها وااااعرة مفتوحة من الصدر و الظهر و لبسات معاها صندالتها لقاتها حتى هي

فهد:(كيعيط) واااخرجييي خلاص راك تعطلتيييي

حفيظة: هاني خااارجة

خرجات كتعوج بالفورمة ديالها و فهد كيطلعها مشاتلو الهضرة مسكييين جاتو كتحمق وااااعرة هو ايضا كان لابس لباس رسمي اسود كاملو و مطلع شعرو لفوق و لابس صباط اسود

فهد: وااااا القحبة جيتي كتحمقي صافي بلا مانمشيو والله حتى يخطفووك

حفيظة: زيد تقود راه بغيت نشوووف المشاهير لي جاو

فهد: احم سمحيلي انسة روبي (عطاها يدو ) شدي فيا

حفيظة: واخا هههه (شدات فيه )

خرجو من الكوخ لقاو باطو كيتسناهم ركبو فيه حتى وصلو لواحد الباخرة كبييييرة و رائعة مضوية و الالعاب النارية كيخرجو منها اسمها “سفينة بيرمودا ” و من لا يعرفها أشهر سفينة فالعالم طلعو فيها كانت رائعة بكل المقاييس كاع المشاهير و المغنيين و الممثلين فيها و السرباية كيقدمو الاكل و المشروبات و الفرقة الموسيقية كتعزف أفضل الاغاني دخلو كل من فهد و حفيظة بيناتهم هاد الاخيرة لي كانت

مبهوطة كاع هادوك لي كانت كتمنى تشوفهم هاهي واقفة بيناتهم و كتاكل معاهم و كتهضر معاهم كان عندها حلم و تحقق بفضل فهد لي واخا دير لي دارت ماتنساش خيرو شاف فيها فهد و كيبتاسم حيت قدر افرحها و كيشوف فيدها لي شادا فيه مزياان و مابغاتش طلقو

فهد: حفيظة سمحيلي انمشي عند شي ناس نسلم عليهم

حفيظة : اويلي لا ماتخلينيش بوحدي

فهد:(خداها لواحد الطبلة صغيرة ) وقفي هنا ماتحركيش و هاني جاي

حفيظة: ماتعطلش

فهد: (قاسها فنيفها بصبعو ) منتعطلش القطة هه

مشا فهد كيهضر مع المخرجين و المصورين و صحابو لي فنفس الدومين و مرة مرة كيضور اشوف حفيظة واش فبلاصتها ولا لا لي كانت غير كتشوف بعويناتها حتى تحركات مشات خدات مشروب ليها و رجعات بلاصتها حتى كتسمع صوت ماخافيش عليها

فهد: (كيهضر بالانجليزية او شاد كأس نبيذ فيدو و اليد الاخرى حاطها فالحيب ) سيداتي سادتي انا فرحان بالتواجد ديالي معاكم و كنتمنى تكون أمسية رائعة عندنا أنا ليوم جيت مع صديقة عزيزة عليا لي هي روبي

حفيظة:(كتهضر مع نفسها) الله أربي الله اش ناوي هادا يدير

فهد: روبي كتمتاز بصوت رائع لي اتحقق بيه نجاحات رائعة و اليوم انسمعكم صوتها

حفيظة: اش كيخرا هادا اوييييليييييييي

فهد:(جاي فاتجاهها ) سيري تغني

حفيظة: اش كتخرا اشمن نغني ولا نبوكر ادير فينا الضحك

فهد: لي شافك كتشوفي فتصاور كارديبي و نيكي ميناج اقول هادي هي صاحبة الصوت الاعظم

حفيظة: راني قلتلك كيعجبوني ماشي كنعرف نغني بحالهم

فهد: (كيشوف ف جنابو) راه كولشي كيشوف فينا دابا احفيظة سيري ديري شي لعبة تماك

حفيظة:(كتغدد عليه) وا قولها لراسك لااااش كتزرب

فهد:(كيطرطق فيها عينيه) انا كنتحداك

حفيظة: اللياخد فيك الحق

….

صبح صباح جديد عند حنان لي كانت يالاه داخلة لقصر الموقاديري لابسة لباسها التنكري كعادتها و كتشوف المعتصم و كوهينور جالسين مع سراج و من ملامحهم باين ماعاجبهومش الحال

معتصم: اذن الزنبقة هادي هي رسالتو لينا

كوهينور: واخا نعرف نمووت هاديك الجوهرة ديالي اناااا

سراج: ديك الجوهرة ديالو هو (كيشوف فالمعتصم) اولا اسي المعتصم

كوهينور:(جلسات حدا باباها) بابا قولي شكون هاد الزنبقة لي دخل لحياتنا و بغا يخربقها

معتصم: منبعد ابنتي و تعرفي دابا خاص نوجدو راسنا نخويو لبلاد هاد الفترة

كوهينور: انا ماغادي نمشي حتى لشي بلاصة (وقفات حدا حنان) و الزوبيير معايا و غادي يصفيها ليه

سراج:(كيشوف ف حنان) داكشي لي قلت حتى انا غير الليهديك اكون كيسمع للهضرة

حنان: احم آنسة كوهينور السلامة ديالك افضل من اي حاجا سمعي الهضرة د باباك

كوهينور: انا فين ما مشيت اتمشي معايا نتا

حنان: او حفيظة اش نديرليها ؟؟

كوهينور:(كضور عينيها ) نسييت حفييظة قوليها ترجع بأسرع وقت

حنان: واخا

معتصم: (حط يدو على الركبة د سراج) حتى نتا لازم تمشي معانا

سراج: لا ماغاديش نمشي حيت فيروز جات لبارح و انبقا معاها

معتصم: اذن فيروز جات و الزنبقة ماغاديش اقربليك فهاد الحالة

سراج: هههه راك عارف لي كاين

…

عند حفيظة بقات كتخاصم هي و فهد حتى ضورها و بدا كيهضر ليها فالأذن ديالها

فهد: الكرة فالملعب ديالك دابا ركزي على الموسيقى غني شطحي ديري لي بغيتي المهم خرجي من الجسم ديالك خلي الروح تلعب دابا

حفيظة: انا خايفة

فهد: كلمة الخوف ماكايناش فقاموسك من نهار تلاقيتي بيا يالاه وريني

حفيظة:(بقات غادية بخطوات ثقيلة جيهت الفرقة الموسيقية جلسات على واحد الكرسي و رجليها ماقادينش اهزوها و كتشوف فالمشاهير لي كاين لي كيضحك و كاين لي كيتسناها غمضات عينيها و رجعات حلاتهم كتشوف ف فهد لي كيديرلها بيديه بالتوفييييق او هي ترجع شدات الميكروفون او غمضات عينيها و بدأت )

I just want a Rollie, Rollie, Rollie with a dab of ranch

I already got some designer to hold up my pants

I just want some ice on my wrist so I look better when I dance

Got you lookin’ at it, put you in a trance

I just want a Rollie, Rollie, Rollie with a dab of ranch

I already got some designer to hold up my pants

I just want some ice on my wrist so I look better when I dance

Got you lookin’ at it, put you in a trance, aye

All I ever wanted was a Rollie, Rollie

Cooler than a snowman with the ice all on me

Now your chick all on me, now your chick all on me

Aye, I’m dropping licks like Mariah

My verses are icy

Somehow they on fire

I’m not good at science

I’m like Eminem but I got a vagina, aye

I cannot fake it

It’s not…

غنات حفيظة و سالات و فتحات عينيها كتسمع التصفيقات و طلعات راسها ناضت او فهد جا عندها كيزرب شادها من الخصر ديالها

فهد: ههههه كنت تايق فيييك ماخيبتينييش هههه

حفيظة: هههههه واش بصح انا رابيت دابا فرحااانة فرحانة ناري (كتنقز)

فهد: ههههه والله حتى رابورة حسن من نيكي ميناج و كارديبي

فهاد الاثناء بداو المشاهير كيجيو عندها كيسلمو عليها و هي كضحك معاهم و كتسلم عليهم و فهد انساحب بكل هدوء كيشوف الابتسامة ديالها من بعيد …حفيظة قدرات تكون صداقات و خدات بزاف د المجاملات و التهاني حتى مشات مرة أخرى حدا فهد و بدأت موسيقى صاخبة

حفيظة: فهدوووش (كتشوف فيه بعينيها )

فهد: اش تما

حفيظة: كنتحداك طلع فوق الطبلة ديال الماكلة و تبدا تحيد فحوايجك تبقا غير بالكالصو ههههه

فهد: نحيد حتى الكالصو الى بغيتي هههه ولكن غادي يسخفو لبنات الى شافو الجمال ديالي ههههه

حفيظة: مكيهمنيش سير

فهد: واخا الالة هههه

طلع فهد فوق الطبلة و كولشي كيشوف فيه و بدا كيحيد الكوستيم و يرميه و هو كيشطح و حيد صباطو او تبعلو القميجة بقا عريان من لفوق كولشي كيشوف فيه و كيتعجبو و كيضحكو و الصحافة كتصور شوية حيد سروالو هاحححح بقا غير بالكالصو و البنات كيغوتو او كيرمقوه بنظرات شهوانية شوية طلعات معاه حفيظة بداو كيديرو شي شطيح ديال لهبال ردو ديك الحفلة هبيلة كولشي ناض كيشطح و كيشرب و كيغني حتى رن الهاتف ديال حفيظة و كانت شاداه فيديها حسات غير بالهزة ديالو و هبطات من الطبلة خرجات لبرا كطل على لبحر و بعدات على الصخب عاد جاوبات لقات المتصلة هي حنان

حفيظة: الو حنان ختي

حنان:(احم كتهضر معاها بخشونة حيت حدا عائلة الموقاديري ) حفيظة خصك ترجعي

حفيظة: اشواقع اشنو كاااين ؟؟؟

حنان: واقعة شيحاجا خطيرة و خصك ترجعي ضروري ماعندناش الوقت

حفيظة: حنان ماتخلعينيش واش نتي بيخير ؟

حنان: انا بيخير المهم رجعي و تعرفي كولشي

حفيظة: واخا انا انرجع فأقرب وقت ممكن

حنان: تهلاي فراسك ….(قطعات)

بقات حفيظة كتشوف ف تيليفونها و كتشوف ف البحر و الريح كيدي شعرها و يجيبو غمضات عينيها و دخلات للداخل عند فهد جمعاتلو حوايجوو لي كانو مليوحين فالارض و كتحاول توصل ليه حتى شداتو من يدو خارجة بيه

فهد: فين داياني

حفيظة: خصنا نمشيو منهنا

فهد: فيين

حفيظة: نرجعو لأمريكا (حطاتلو حوايجوو ) لبس دغيا

فهد: واراه غدا صباح نمشيو ولكن علاش بغيتي نمشيو دابا

حفيظة: انمشيو دابا هي دابا مامسالياش

فهد: صافي واخا (كيلبس حوايجوو ) يالاه تحركي قدامي

ركبو ابطالنا فالباطو متاجهين للكوخ ديالهم يالاه وصلو هبطات حفيظة دغيا دخلات بدلات حوايجها لبسات قبية كحلة و سروال كحل و سبادري و تيليفونها و خرجات عند فهد لقاتو بنفس لحوايج

فهد: طيارة كتسنانا

حفيظة: اوا يالاه

فهد: (شدها من يدها ) حفيظة شنو واقع

حفيظة: خاص نرجع للمغرب

فهد: كيفاش اترجعي للمغرب فوقاش اتمشي ؟؟؟ علاش ماقلتيلي والو

حفيظة: ماكنتش دايرة بحسابها ختي عيطاتلي وقالتلي ضروري نجي

فهد:(طلق منها او مشا قدامها داير علامات غضب او هي تابعاه ) نتي ماغاديش تمشي غدا

حفيظة: راه خصني نمشي ضروري افهد

فهد: (ضار عندها زعفان )شكون ايبقا اتبعني فهبالي الى مشيتي وشكون انبقاو نديرو التحديات انا وياه شكووون

حفيظة:(بيأس) راه مكرهتش نبقا معاك ولكن خاصني نمشي

فهد: ماغاديش تمشي غدا انوصلو لأمريكا مع 10 د صباح و ماعندك فين تمشي اتبقاي معايا على الاقل نهار

حفيظة: واخا كيما بغيتي غير متقلقش

فهد: طلعي للطيارة

طلعات حفيظة للطيارة و طلع حتى هو عطا الموافقة و نطالقات الطيارة في اتجاه امريكا …حفيظة لاحظات بلي مقلق و ماعاجبو حال بقات كتحاول ضحكو او والو دار ليزيات او كيتصنط للموسيقة و هو ساد عينيه و هي عيات و حطات يديها على حنكها كتشوف فالسماء حتى داها نعاس و كالعادة فهد ناض كيقادها فبلاصتها ولكن هاد المرة بقا حداها كيشوف فيها هز ليها يديها و باسها

فهد: مابغيتكش تمشي منبعد ما نورتي ليا حياتي (باسلها يدها) اندير اي حاجا باش ماتمشيش و تبقاي معايا….

فالمغرب

معتصم: شنو بانلك تجي تعشا معانا نتا و فيروز

كوهينور: بابا شكون فيروز

حنان:(كتشوف ف سراج )

معتصم: الاخت ديال سراج

كوهينور:(كتهضر مع سراج ) اوووه شحال فعمرها واش قدي

سراج: فعمرها 26 كبيرة عليك

كوهينور: اه انا يالاه 23 ههه

سراج: (كيشوف ف حنان) و الزوبيير 25

كوهينور: وي ههه صافي اجيو عندنا مرحبا بيكم

سراج: اوكي شكرا

خرج سراج من قصر الموقاديري متاجه لدارو باش اعلم ختو بالعراضة اما حنان و كوهينور بقاو فالجردة كيتناقشو على الأسلحة و كيتدربو

كوهينور: برافو عليك راك كتعلم دغيا

حنان: جاني ساهل هادشي

كوهينور: ههه مازال خاصك تتعلم لشحال من حاجا

حنان: كوهينور بغيت نسولك

كوهينور: شنو

حنان: نتي قتلتي الأساتذة ولكن علاش ماقتلتيش أوسمان

كوهينور : حيت فاش كان داك الهجوم و كنت انا انمشي لعند بابا ماخلانيش و حماني انا كنت انموت و انا ماشي نكارة الخير باش نقتلو

حنان: و شنو وقع منبعد كيفاش طمستو القضية

كوهينور: الجامعة دايرة حداد على الأساتذة ديالها و أوسمان منهار الحادث مارجعش للجامعة قالولي رجالي بلي بقا فدارو و صاف

حنان: كيفاش قدرتي ديريها و تقتلي ناس أبرياء ماقادرش نتيق

كوهينور: الظروف كتخليك دير اي حاجا

حنان: منقدرش نقتل شيواحد فحياتي

كوهينور: مادام دخلتي لهاد الدومين كون أكيد ماشي جريمة وحدة لي أدير ولكن بزاف المهم باراكا علينا من هاد الهضرة و تدرب

…

سراج: مالك شتك ماعاجبك حال

فيروز: نتا عطيتي الكلمة بلا متسولني انا ماعندي ماندير بديك العائلة ساليت علاقتي معاهم هادي 5 سنين

سراج: حشوما المعتصم عرضنا خصنا نديرو الصواب

فيروز: اوووف واخا هاني نوض نلبس حوايجي

سراج: اوكي

فيروز: (شافت فيه) ياكما حاط عينك على بنتو ؟

سراج: لا حاط عيني على لي صعيبة

فيروز: fantastic

سراج: تلاحي سيري بدلي حوايجك

مشات فيروز كتلبس حوايجها لي عبارة عن كسوة كحلة قصيرة و دارت لشعرها ضفيرة لجنب و طالون اسود و كتافات بماكياج خفيف اما سراج ك العادة ديالو لبس ملابس رسمية …

عند قصر الموقاديري بقاو كيتدربو كل من حنان و كوهينور حتى عياات و وقفات هادشي

كوهينور : الزوبيير سير لبيتك دوش و رتاح و لبس حوايجك راه مابقا والو او يجيو عندنا سراج و ختو

حنان: واخا

كوهينور: انمشي حتى انا نرتاح او نقاد راسي راني عييت

حنان: اوكي

طلعات حنان لبيتها لي فالقصر دخلات و طرقات على راسها الباب مزياااان و دخلات للدوش حيدات حوايجها و الشعر المستعار و اللحية و دخلات تحت الرشاشة كتحمم فهاد الاثناء لي حنان فدوش كان الزنبقة الفضية كعادته كيتسلت فنواحي القصر نقز الصور و بقا غادي حتى واحد مانتابه ليه او تعلق فواحد الشجرة لقا الضو ديال بيت حنان مشعول و بقا مخبع فوق الشجرة كيشوف …خدات حنان فوطة لواتها عليها و خرجات من الدوش جلسات فالنموسية كتنشف حالتها و الزنبقة بقا كيشوف فيها و كيتساءل أش كدير هنا و منين كتعرف هاد العائلة عيا مايفكر و مالقاش أجوبة للأسئلة ديالو و نقز عندها للبالكون و حل باب للبالكون ودخل هي فاش شافتو بقات مسمرة فيه تجمع عليها الخوف و الصدمة و الحشمة و كولشي بقات غير كتشوف فيه و كترمش بعويناتها ناضت كتحاول تغطي صحتها و ماقدراتش حتى تغوت اما هو بقا كيقرب ليها

الزنبقة: نتي لبنت لي تلاقيتها لبارح أش كديري هنا

حنان: اش كدير نتا هنا الى شافك شيواحد ايقتلك خرج قبل مانغوت

الزنبقة:(دفعها و لسقها مع الحيط ) نتي ماشي كوهينور حيت مازال عاقل عليها ولكن شكون نتي ؟

حنان:(كتبعد وجهها) راني مالابساش حوايجي عفاك خرج منهنا راه اتوقع شي مشكلة

الزنبقة: (بعد منها و جلس على النموسية) علاش متغوتيش و تجمعي عباد الله عليا

حنان:(مالقات ماتقولو حيت الى غوتات ايعرفوها بلي بنت وهي مخبعة الحقيقة ديالها انطالقات بالزربة للدوش سدات على راسها و كضور فالدوش) الله اربي اشندير كيفاش دخل هادا لهنا اش هاد الحصلة تفووو

الزنبقة:(كيدق عليها) خرجي من داك الدوش و لا نهرس هاد الباب

حنان:واش ماخايفش اشوفوك والله حتى اتمشي فيها سييير خرج منهنا

الزنبقة: لا ولا عاجبني نبقا هنا علاما يوصل ليل و نخرج راسي عندهم

حنان: اوا خرج ليا من بيتي و سير لشي بيت اخر

الزنبقة: وريني البيت ديال كوهينور

حنان: مانوريك والو

الزنبقة: اوا هاني جالس هنا حتى ترشقلك و خرجي

حنان:تفو على بشاار تفوووو

الزنبقة: راني كنسمعك

حنان:(لبسات بينوار بلاصت ديك الفوطة و حلات الباب بشوية كتشوف فيه بعين وحدة لقاتو جالس كيلعب بالفردي ) ييخ

الزنبقة: شنو علاقتك بالموقاديري

حنان:(خرجات جلسات فوق الكرسي) انا صاحبت كوهينور

الزنبقة: ديك المتكبرة ولات كدير صحابات

حنان: دابا بغيت غير نعرف اش كدير هنا

الزنبقة: جيت نقتلهم و نمشي

حنان: كي..كيفاش

الزنبقة: كيما سمعتي

حنان:(كتحاول تشوف شي حاجا منو ولكن واااالووو مغلف كولو بلكحل ) شكون نتا

الزنبقة: انا صاحب دعوتكم

حنان: علاش كولشي كيقول عليك خايب

الزنبقة: هوما ملائكة زعما؟

حنان: مازال مافهمت حتى حاجا فيكم كل واحد اش كيقول

الزنبقة: فين الرمز لي عطيتك

حنان: علاش

الزنبقة: نتي محظوظة

حنان: علاش

الزنبقة: نتي الوحيدة لي عطيتها الرمز بلا ماتوقع شي جريمة

حنان: علاش

الزنبقة: قريب اتعرفي أجوبة على أسئلتك (ناض مشا جيهت البالكون ) شنو سميتك

حنان: حنان او نتا

الزنبقة:(ضحك باستهزاء) راكي عارفاها

حنان: بطبيعة الحال ماسميتكش الزنبقة

الزنبقة: سميتي يوسف

حنان : ماغادي نقول لحتى واحد بلي جيتي عندي

الزنبقة:(تواجه معاها بالزربة عينيه فعينيها و هي مادايرة حتى ردة فعل ) أش هاد الجرأة كاملها فييك

حنان: كتقصد القوة

الزنبقة: مكنشوفش الخوف فهاد العينين

حنان: و عمرك ماغادي تشوفو

الزنبقة: (همس )ماشاء الله (مشا رجع جيهت البالكون ) الى كنتي باغا تحافظي على حياتك بلاش ماتحضري للعراضة لي داير معتصم لداك الزامل

حنان: شكون قالك المعتصم عارض شيواحد

الزنبقة: باي

نقز الزنبقة مرة أخرى برا بيت حنان و خلاها كتساءل منين كيعرف هاد لخبارات كلهم بقات كضور بلاصتها و باقا مصدومة مامتيقاش بلي الزنبقة الفضية كان حداها و كيهضر معاها بقات تالفة حتى ناضت لبسات حوايجها و تنكرات مرة أخرى و خرجات بسرعة عطات أوامر ليكارد باش اشددو الحراسة و تابعة كوهينور فينما مشات

كوهينور: دابا 7 دلعشية و هوما مازال ماجاو

حنان: دابا يجيو

كوهينور اوووف الملل فاش كنت كنمشي للجامعة كان بعدا الحال زوين خاصة فاش كنتخاصم مع أوسمان هههه صافي قررت نرجع للجامعة غير باش نبقا نتخاصم معاه

حنان: الليرد بيك انا قلت لحفيظة غدا ترجع

كوهينور: اوكي باش منها نيت نشوفو فين نمشيو شنو بانلك نتا روسيا ولا المانيا

حنان: اي بلاصة غير تكوني فيها بأمان

كوهينور: اخليلي الامان هههه كون غير قبلتي بيا كون راحنا كنعيشو قصة حب رائعة

حنان: رجعتي لهبالك عاوتاني

كوهينور: أتبقى ديما كتعجبني احوبي (غمزاتو)

حنان: اوا الليستر

الخدامة : آنسة كوهينور سي سراج و اانسة فيروز وصلو

كوهينور: على سلامتهم الزوبيير تبعني

مشات كوهينور كترحب بيهم لقات الاب ديالها سبقها اما حنان بقات كتشوف غير ففيروز لي مارتاحتش ليها من اول لقاء و لي زاد كمل عليها هو الزنبقة لي ماعارفاهش شنو يمكن ادير عاوتاني فقط بقات مراقبة الوضع و ماشافتش عينين سراج لي اياكلوها

كوهينور: تفضلو عفاكم (ابتسامة )

جلسو فالمائدة

فيروز: سراج ماقاليش بلي كبرتي لهاد الدرجة

كوهينور : فايت تلاقينا؟

فيروز: ههه كنت كنعرفك منين كنتي صغيرة معرفة قديمة

الزنبقة: وعلاش ماتقوليش ليها بلي هي بنت عمي

كولشي ضار عندو كيشوف فيه و مصدومين و حنان غمضات عينيها بالأعصاب أو مشات حدا كوهينور

الزنبقة: ناقصكم شيواحد فالطبلة ياك انا يمكن؟؟ (جلس حداهم ) وأخيرا تجمعنا مرة أخرى من بعد خمس سنين

معتصم: (كيتفتف ) خرج من داري

الزنبقة: عمي !! حشووما تجري عليا انا ولد خوك نسيتي

كوهينور: (كضور راسها ) شكون نتا و كيفاش ولد خووه جاوبني

الزنبقة:(كان جالس حدا سراج و ضربلو فكتفو ) دوك ليكارد لي دايرين فالقصر ماصالحين لوالو قوليهم اجيبو شيوحدين جداد حيت هادوك ماتو

سراج:(كيحك الجبين ديالو بعصبية) يوووووووسف نوض خرج منهنا

الزنبقة: خو مراتي ماشي حشوما تجري عليا

فيروز: كنت (كتشدد عليها ) كنت مراتك انا مابقيتش

الزنبقة:(ضار عندها ) نتي سكتي ماكاين لي دوا معاك هضرتنا سالات شحال هادي

فيروز: بانلي شيحاجا اخرى مازال ماسالات حتى لدابا مكتقدرش تشوف ليا فعينيا هههه يا مسكين بقيتي فيا

الزنبقة: واش كاين شيواحد كيشوف ف قحبة حالا رجليها و لي جا كتقوليه مرحبا

فيروز:(تعصبااات ) حشم على عراضك أش هاد قلة الترابي

الزنبقة: اه نحشم انا حيت نتي ماحشمتيش (ضار عند كوهينور) اوا ابنت عمي اش كتعاودي تبارك الله كبرتي

كوهينور: بابا شكون هادا

معتصم: (غمض عينيه بحقد و جاوب بمشقة الانفس) ولد عمك

كوهينور:(ضارت كتشوف فالزنبقة ) ولد عمي؟؟ ولكن علااااش مااااقلتييييش ليا عندي ولد عمي

الزنبقة:(ناض كيضور على الطبلة ) شنو بغيتي يقولك بلي قتل خوه و خلاني يتيم و انا ولد فعمري 4 سنين و رباني و كبرني و منين وليت حاكم السوق السوداء و كاع الخيوط ديال العالم تحت يدي غدر بيا و حاول يقتلني

كوهينور: لا نتاااا كدااااب بابا مايديييرش هاكا

الزنبقة : كنت فرحان بحياتي فرحان حيت مزوج بيها (كيشير لفيروز ) و مابين يوم و ليلة كولشي ضاع و صاحبي (كيربت على كتاف سراج) عشيري و خويا لي غدرني على قبل لفلوس و باعني (بقا كيتمشا حتى وصل لحدا كوهينور لي كانت كتبكي و هبط حدا وذنيها كيهضر) شتي دنيا شحال صعيبة و الناس لي ضايرين بيك قداش خايبين (شدها من شعرها )

معتصم: طلللق من بنتي (شاد فقلبو )

الزنبقة: (كيهضر مع معتصم و الغل فقلبو ) بنتك غدا غادي تموووت كنواااعدك غادي تموت

كوهينور: اهئ اهئ طلق منييي

الزنبقة: سمحيلي حيت ماعشناش انا وياك بحال ولاد العم و كووولشي بسباب باباك او لي زاد عصبني كثر الكوووهينووور دياااالتي انااااا و خداهااا ليا و غادي نرجعها بغيتو ولا كرهتو

حنان:(جات من موراه شدات الزنبقة من يدو و ضرباتو بكروشية دفعاتو ) طلق منها

الزنبقة:(طلع راسو الفوق و عاود شاف فيها ) ماتعرفناش انا وياك من قبل واش كنعرفك ؟

حنان: خرج منهنا قبل مانقتلك

سراج:(جا قدام حنان و مقابل مع يوسف) شنو مازال باغي شنووو

الزنبقة: (تعصب و بقا كيغوت) بغييييييت حقييييي منكم اولاااااد لقحااااااب قتلتوووو عاااائلتي خديتوووووو أي حاجا كتخصني و داااااباااا جا دوركم كنقسم ليكم كنقسسسسم اندمكم واحد واااااااحد او دابا هاني نمشي العد التنازلي بدا من دابا (كيشوف فالمعتصم) بنتك اتموت و الكوهينور اناخدها طال زمان ولا قصار

خرج الزنبقة من لقصر منبعد ماقال كلمتو و كولشي بقا ساكت و معتصم كيحاول اتهدن

معتصم: جمعو حوايجكم غدا صباح انسافرو ميمكنش نبقاو هنا

كوهينور: (كتشوف فنقطة وحدة و دموعها شلال ) فوقاش كنتي اتقولي بلي الزنبقة هو ولد عمي وبلي الكوهينور ديالو و بلي نتا السبب فكاع هادشي لي واقعلو

معتصم:(شدها فيدها ) كووهينوور انا راه ..

كوهينور:(نترات يديييه) بعددد منيييي اهئ اهئ كنتي معيشني فكذبة كل هاد الوقت متيقاااك

سراج: كوهينور ماتحكميش على باباك راه عندو اسبابو

كوهينور: نتااااا سد فمك الغداااار صااااحبك و عشيييرك و غدرتيه على قبل لفلوووس ؟؟ و هاد القحبة د ختك كانت مراتووو و سمحات فييه حتى هي (كتصفق ) برااافووو كلكم بحال بحال ماخليتو للشيطان مايفسد فهاد الدنيا اللياخد فيكم الحق (مشات طلعات لبيتها كتجري و كتبكي )

معتصم:(كيشرب الدوا ديالو ) جا زرع سمو و مشا

حنان: انمشي نشوف كوهينور سمحولي (مشات تبعاتها)

فيروز:(كتهضر مع سراج) هادشي علاش جايبني باش نسمع الهضرة و نسكت ياااك

سراج: داكشي لي تقالك كلو صحيح فين الغلط

فيروز: ياااك و كتقولها بوجهك حمر بااااز (خرجات من لقصر فاتجاه طوموبيلة )

سراج: سي معتصم انا غدا نجي عندك و بلا مادير فبالك كوهينور راه غير معصبة ماعارفاش اش كتقول

معتصم:(عينيه عامرين بدموع) داكشي لي زرعتو حصدتو و ماقادرش نصلح شيحاجا

سراج: خليتلك الراحة …(تبع ختو ركب فطوموبيل و مشاو )

حنان:(كدق على كوهينور) كوهينووور حلي

كوهينور:(حلات ) انا قريبة نمووت

حنان: ماغادي توقعلك حتى شيحاجا ماحدي انا معاك

كوهينور: اهئ اهئ نتا الوحيد لي عمرك كدبتي عليا و نتا الوحيد لي كنتيق فيك اهئ اهئ

حنان: (كتبلع ريقها ) ماتخافيش كولشي ايكون مزيان

كوهينور:(ناضت كتجمع حوايجها ) انا خاص نخرج من لبلاد الى بقيت هنا ايقتلني ولد عمي اهئ اهئ

حنان: هو راه مجروح

كوهينور: بالسيييييف مايكووون مجروووح اهئ اهئ واش اعيباد الله كولشي غدرو كولشي ضار عليه كيف الزمان معلوووم مايتجرح و يموت قلبو اهئ اهئ

حنان: كتهضري عليه بحال الى ماشي هو لي كان كيهدد انه يقتلك

كوهينور: عندو الحق بابا قتل باباه لي هو عمي و خلاه يتيم و سرق منو الكوهينور و انا كان كيحسابلي بابا ربحها و عطاهالي كادو اهئ اهئ و زيد عليها مراتو و صاحبو غدروه و ماشي بعيد اكون بسباب بابا أهئ اهئ

حنان: واصافي اكوهينور سكتي

كوهينور: كرهت سميتي و مايجي منها كرهت هاد العيشة د زبل اهئ اهئ بغيت نرتاااااح

حنان: صافي ششش (كتحيدلها لحوايج من يديها) خلي هادشي غدا جمعيه نعسي ترتاحي دابا

كوهينور:(مسحات دموعها ) واخا

حنان: (بغات تخرج )

كوهينور: الزوبير عفاك شووف بابا واش بيخير حيت قبيلة كان كيشد فقلبو

حنان: (ابتاسمات ليها ) واخا (خرجات و سدات الباب )

معتصم كان كيتمشى حتى وصل لبيتو و جلس كيتنفس بصعوبة و كيفكر حتى دخل عندو موحى لي عاد كيف وصل

موحى : سيدي معتصم

معتصم:(شاف فيه ) كولشي ضاع اموحى

موحى:(جلس على ركابيه حدا معتصم) شنوو واقع اسيدي و مالك هاكا

معتصم: يوسف رجع و بغا ينتاقم غادي يقتلي بنتي اموحى غااادي يعاقبني فبنتي

موحى: (بيأس ) سي معتصم ماديرش هاد الحالة فراسك عفاك انا معاك لي طلبتيها هي لي اتكون

معتصم: بغيت غير نرتاح ولكن عمرني ماغادي نرتاح و انا تأنيب الضمير أيقتلني

موحى : من الافضل ترتاح دابا و غدا يكون خير

معتصم: ان شاء الله

موحى : تصبح على خير اسيدي

خرج موحى تلاقا بحنان لي غير شافتو رتاحت نسبيا و حتى هو غير شافها رتاح هبطو لتحت للكوزينة و دخل الشاگمة عندهم

موحى : قولولي شنو واااقع بالتفصيل

حنان:(عاوداتلو كولشي)

موحى: غدا خاص امشيو منهنا قبل مايطيح عليهم غضب الزنبقة

حنان: من فوقاش و نتا كتعرف الزنبقة

موحى: منين يالاه تزاد و عارفة قصتو كاملها

شاگمة: و شنو قصتو

موحى : شي حوايج ماخاصش اتعاودو ابدا

حنان: ياربي اكون خير حيت هادشي مكيطمنش او غدا اترجع حفيظة

شاگمة: بصصحح اترجع ؟؟

حنان: اه قلتلها رجعي حيت ممكن نسافرو مع أنسة كوهينور و سي المعتصم (كتهضر مع موحى) تهلا فيهم انا انمشي للدار (شافت ف شاگمة) يالاه

شاگمة: الليعاون اعمي موحى

موحى: تصبحو على خير

في أمريكا كانت فاقت فالطوموبيل لقاتو كيسوق متاجهين للاوطيل

فهد: صباح الخير

حفيظة: (كتفوه ) صباح النور شحال ساعة

فهد: 12 هادي

حفيظة: اووه مشا لحال

فهد: فين بغيتي نمشيو

حفيظة: انمشيو للاوطيل باش نجمع حوايجي

فهد: قلتلك ماغاديش تمشي ليوم

حفيظة: انا خاصني نمشي ليوم بليل

فهد : (ضرب الفولون بيديه) قلللت لطااااسيييييلتك ماعندك فيييين تمشي

حفيظة: وااااش حمااااقيتي أفهد راه ختي عيطاتلي و خاصني نمشي

فهد: كنعرفك نتي مكنعرفش ختك و نتي اتبقاي معاااياااا

حفيظة:(مابغاتش تجاوبو ) عفاك ديني للاوطيل

فهد:(كسيييراااا طوموبيل ماوقف حتى وصل للاوطيل ) نزلي و منهنا لشوي انجي عندك ناخدك وايااااك تمشي لشي بلاصة (حط يدو على يدها) عفاك بغيت نبقا معاك هاد نهار و انا انوصلك للمطار

حفيظة:(ابتاسمات ليه) واخا ولكن نتا فين اتمشي

فهد : انقاد شيحاجا دغيا و نجي

حفيظة: اوكي …

هبطات حفيظة من طوموبيل و دخلات للاوطيل. و نيشاان للغرفة ديالها حلاتها و دخلات كتجمع حوايجها فليفاليز قادات كولشي و لبسات قميجة بيضة و سروال كحل و دارت لشعرها كوتشوفال و ماكياج خفيف و تاصلات بالمطار قالولها الطيارة عندها مع 10 د ليل قادات امورها و بقات كتسنى بزاااف حتى بدأت كتغرب الشمس و عاد تاصل بيها فهد

فهد: هبطي نتي و ليفاليز ديالك و كولشي

حفيظة: اوكي (عيطات لخدمة الغرف جاو هبطو ليها داكشي كاملو الطوموبيييل د فهد و حطوه فالكوفر و هي ركبات مع فهد و انطالق ) فين بغيتي تديني

فهد: دابا تعرفي (بقا فهد غادي كيسوق حتى وصلو لبلاصة المعلومة و هبط و فتح ليها الباب مغمض ليها عينيها )

حفيظة: فهد اش كدير

فهد : غير زيدي معايا

بقا غادي بيها حتى وصل و حل ليها عينيها كتشوف بيهم و مامتيقاش

حفيظة: واااو

فهد : كنت بغيتك تشوفيها عن قرب كيف جاتك

حفيظة: ديما كنت كنشوفها فالافلام و عمرني تخيلت انشوفها دابا

فهد خداها للجبل لي مكتوبة فيه هوليوود و حداها داير خيمة صغيرة و عافية

فهد:(جرها من يديها ) اجي نكلسو

جلسو و حفيظة مازالة كتشوف فداكشي عجبها

فهد: شفتي هنا عالم اخر حسن من المغرب بقاي اتحققي كاع لي كتحلمي بيه

حفيظة:(كتشوف فيه) يكفي انني حققت جزء من داكشي لي كنحلم بيه بالفضل ديالك شكراا

فهد:(ناض كينقز) شكرااا زيدييها فكرك ماتقوووليليش شكرا و المغرب ماغاااديييش ترجعيلو

حفيظة: فهد انا توحشت ختي بغيت نمشي عندها

فهد:(مضمر) و انا انتوحشك

حفيظة : كيفاش ؟

فهد: عييت نبين ليك والله مكتشوفي حتى قلوة

حفيظة: فهد اش كتقول(ناضت وقفات)

فهد: نتي ماعارفة والو على ديك ليلة لي خرجنا نقصرو فيها ماعارفاش شنو درتي فيا

حفيظة: (مربعة يديها ) عاودلي

فهد: خرجنا كنضحكو و كنشطو و كثرتي فالشراب و تبدلتي 180 درجة عرفتي حتى الوشم انا لي وشمتو ليك نتي ماكنتيش باغا توشمي ولكن بغيت نخلي علامة ديالي فيك بغيتك فوقما تشوفي الوشم تفكريني عرفتي احفيظة شنو درنا اخر بقينا كنشطحو و تقربنا من بعضياتنا بزاااف كثر من لقياس و بستك (كيقيس شنايفو) اه بستك و كنت نادم حيت بستك و نتي ماشي فالوعي ديالك ولكن دابا انا مانادمش على هادشي لي اندير (مشا عندها بسرعة شدها من كتافها و طبع قبلة قوية فالثغر ديالها خلاها مغمضة عينيها كتحسس بيها ) ماتمشيش احفيظة

حفيظة: (كتشوفلو فعينيه) اش درتي افهد (عينيها عمرو بدموع ) عفاك وصلني للمطار (مشات كتجري كتمسح دموعها و ركبات فطوموبيل او هو تبعها )

فهد: حفيظة سمعيني

حفيظة: مابغيت نسمع حتى حاجا ديني للمطار

فهد: على خاطرك

…بقا فهد كيسوق و قلبو كيضرو و حفيظة ليست اقل منه حتى هي قلبها ايخرج من بلاصتو بقاو غاديين مسافة نيت و كل هاد الوقت و هوما ساكتين بحال الى ماكيعرفوش بعضياتهم فين التقشاب و الضحك ديالهم صحيح من قال ان الحب كيضمر الصداقة و لكن هوما لقاو الحب فالصداقة ديالهم …وصلو للمطار و نزلات حفيظة خدات اغراضها من الكوفر و متوجها لداخل المطار حتى رجعات عند فهد كتجري عنقاتو من لور و كتبكي و هو ضورها عندو كيبادلها العنااق و قلبو كيضررب

كان كيضمها لييه بقوة و غير كتبغي تبعد كيزيد اخشيها فييه كأنه كيقولها ماتمشييش بقاي معايا …كيستنشق ريحتها فاللحظات الاخيرة و لكن بعداتو و عينيها فيهم دموع الحسرة و الاشتياق و الوجع

حفيظة: (كتمسح دموعها) تهلا فراسك

فهد:(شادلها فيديها ) عفاك احفيظة ماتمشييش

حفيظة:(حطات يديها وراء الرقبة ديالو و جبداتو عندها حطات راسها على راسو) هادي ماشي آخر لحظة انتشاوفو فيهااا كنواعدك فين ما كنتي انجي عندك

فهد: منقدرش نبعد علييييك

حفيظة: الى كان مكتاب لينا نتلاقاو غادي نتلاقاو(بعد ات عليه) تهلا فراسك

فهد:(شادلها فيديها) ماديريهااش

حفيظة:(فلتات يديها من يدو و خلات دموعها اهبطو هزات أغراضها و دخلات للمطار مخلية فهد مسمر بلاصتو مامتيقش عاد البارح كانت معاه و دابا تلاشات بحال شي حلمة زوييينة ماكملاتش اما هي ليست اقل منه كدير الإجراءات ديالها و كتبكي حاسة بلي روحها اتخرج و قلبها كيضرها ركبات فالطائرة و هي باقا كتبكي تفكرات اول لقاء بينها و بينو كان فالطيارة نييت)

في المغرب

فاقت كوهينور و عينيها منفوخييين جراء البكاء دخلات دوشات و دارت الأشياء الروتينية ديالها و جمعات ليفاليز ديالها حيت كيما قال باها خاص اسافرو و نزلات لتحت لقات حنان واقفة كتسناها

كوهينور: صباح الخير زوزو

حنان؛ احم صباح النور آنسة

كوهينور:(توجهات للجردة و جالسة كتفطر) فين بابا

حنان: مع عمي موحى فبيتو

كوهينور: ماغاديش اجي افطر ؟

حنان: أمكن كيجمع حوايجو

كوهينور : اه ليوم انسافرو جمعتي حوايجك نتا ؟

حنان: مايمكنش ليا نمشي معاكم

كوهينور: و علاااااش

حنان: مايمكنش ليا نخلي حفيظة بوحدها

كوهينور: او مايمكنش ليا نفرط فيييك

حنان: غير عذريني

كوهينور: اووووف انمشي نشوف بابا راه تعطل

الخدامة: آنسة هادا دوا ديال سي معتصم

كوهينور: انا انديه ليه باش اشربو ( شات الصينية لي فيها كأس الماء و دوا و ناضت مشات عندو و حنان من وراها )

….معتصم:(جالس فبيتو داير رجل على رجل و كيهضر مع موحى ) كنحس بلي الزنبقة داير شي خطة خطيييرة ولكن انا ماغاديش نعطيه فرصة

موحى: سيدي انا من الرأي ديالي تهضرو بجوج و تحلو مشاكلكم بلا صداع

معتصم: ماغاديش يهدالو بال حتى يصفيهالي انا و كل واحد غدرو

موحى : و شنو المعمول اسيدي

معتصم: انا لي كتهمني هي كوهينور مانبغيش تصاب حتى بشي أذى

موحى: انزيدو نشددو عليها الحراسة و ما تنساش بلي الزوبير معاها

معتصم: لبلاصة لي كنكون فيها هي خطر عليها انا قررت نصيفطها لروسيا اما انا انمشي المكسيك نقاد شي أمور

فهاد اللحظات كانت كوهينور سمعات كولشي و طيحات الصينية ديال الدوا و عينيها عمرو بدموع

معتصم: كوهيينوور

كوهينور:(كتغوت) اهئ اهئ اهئ بغيتي تفرط فياااا

معتصم:(ناض عندها بعكازو ) لا ماشي هكك انا كنحاول نحمييك بغيت نخليك بعيدة عليا باش مايوقعش ليك شي أذى

كوهينور: كدااااب اهئ اهئ كيهمك غير رااسك (دفعات حنان و مشات كتجري برا لقصر و كتبكي )

معتصم: الزوووبيير لحقهاااااا

مشات حنان كتجري لاحقاها ولكن كانت كوهينور بعدات

الشاكمة: (كان كيمسح الطوموبيل حتى وقفات عليه كوهينور) لالة كوهينور نوصلك لشي بلاصة

كوهينور: عطييني سوااارت طوموبيل

شاكمة:(بقلق) مايمكنش الآلة راه وصاني زوبيير مانخليكش تسوقي مرة أخرى

كوهينور: قلتلللللك عطييييني سوارت

شاكمة؛ (عطاها سوارت )

كوهينور:(ركبات فالطوموبيل و كسيرات)

كانت طوموبيل كحلة كتراقب لقصر غير خرجات كوهينور من لقصر اتاصل احد الراكبين بالزنبقة

…سيدي كوهينور خرجات بوحدها

الزنبقة: رااائع مانحتاجش نقولكم خدمتكم قتلوووها

…امرك اسيدي (قطع)

تحركات السيارة السوداء وراء كوهينور كتلاحقها بسرعة و حنان كانت يالاه وصلات عند شاكمة

حنان:(دفعاتو) وااااش نتا حماااقيتي علاش خليتيها تمشي

شاكمة: راااه امراتني اش بغيتيني ندير

حنان:(شافت طوموبيل أخرى) ركب زيييد نلحقوووها

ركبات كل من حنان و شاكمة فطوموبيل و مشاو بسرعة لاحقينها….

ركبات كل من حنان و شاكمة فطوموبيل و مشاو بسرعة لاحقينها و هوما ماعارفينش بلي الخطر لاحقهم ايضا… كانت كوهينور كتسوق بسرعة وكأنها فمضمار السباق و هي كتبكي بهستيرية و كتغوت شوية جات لحداها طوموبيل لي فيها رجال الزنبقة و كيحاولو ادفعوها و هي مافاهمة والو كيحساب ليها رجالها كلما كتحاول تجاوزهم كيزيدو ادفعوها جيهت الحاجز الحديدي لي كيفصل بين الجسر و الماء حتى تعصبات و هي تشد لفران بسرعة رجعات لور و قلبات الدورة باغا ترجع للقصر حيت شافت هادشي مامسلكهاش و فطنات بلي رجال ديالها مايمكنش احاولو ارميوها من الجسر يالاه كانت اتسوق ولكن وقع مالم يكن في الحسبان كان أحد رجال الزنبقة ثقب الإطار دسيارة كوهينور بالمسدس و على إثره وقفات الطوموبيل او وقف معاها قلب كوهينور بقات كترجف جبدات من مجر الطوموبيل واحد المسدس و كتستاعد للهجوم ….ديك الطوموبيل الكحلة خرجو منها 4 ديال رجال ملثمين ولابسين الاسود و هازين أسلحة فيديهم و متاجهين لطوموبيلتها يالاه قربو يوصلو عندها و هي توصل حنان و شاكمة

شاكمة؛ الله اربي الله اش هادشي

حنان:(كتبلع ريقها) اوقع لي بغا يوقع ماتخرجش من طوموبيل انا انجيب كوهينور و نجي

شاكمة:(شدها) لااااا احناااان ماعندك فييين تمشي

حنان: حياتها فخطر متخافش انا انجيبها و نجي تيق فيا (خرجات متوجهة لعند رجال لي كانو واقفين كيتسناو اشوفو شكوون هابط من طوموبيل او موجهة هضرتها لواحد فيهم) لعشيير كاين شي مانقضيو

….سير تقود من هنا حسن ليك

حنان: اوووه خصني دابا نهرس ليك فمك على هاد الهضرة حيت ماكاين حتى شي واحد كيقلل عليا الاحترام

…(موجه عندها سلاح) اتمشي تقود او نن

حنان:(خنزرات فييه بدوك لعينين الخضرين لي رجعو حومر بالاعصاب و نطقات بصوت كأنها كتزأر) لاااااا (تشقلبات على يديها عاطياه لوجهو بركلة مخلياه افلت سلاح و يرميه و يطيح و تماك بدا اطلاق النار في الناحية ديالها و هي هزات هاداك لي ضرباتو دايراه حاجز بينها و بينهم و طلقات النار كيجيو فيه شوية مشات كتجري بسرعة عند واحد آخر بسرعة قصوى طرطقاتلو عنقو و هزات سلاح موجهاه في اتجاههم بجوج ) دابا شكوون ايتبع هادو نتا(كتشوف فالشخص الأول) و لا نتا(كتشوف فالشخص الثاني)

….معادلة صعيييبة باينة ماكنتيش كتقرا الماط راه جوج كبر من واحد

حنان:(ابتسامات) او ثلاثة كبر من جوج

كوهينور:(طلقات النار على أحدهم و خلاتو طايح غارق فدمو) go to hell

بقا شخص واحد كيرجف و كيتفتف مرة أوجه سلاح لكوهينور و مرة لحنان اما شاكمة منين شاف دنيا تقادات خرج وقف حدا حنان

حنان:(مشات فاتجاه الشخص ) جيب سلاح و كنواعدك انخليك تمشي (كتقرب ليه حتى خداتو)

…ماتقتلووونييش انا غير مأمور

حنان:(شداتو من لكول كتدي فيه و تجيب) شكوون آمرك

….(الصمت)

كوهينور: هضضضضر شكوووون تجرأ و بغا يقتلني

شاكمة: آنسة كوهينور تهدني بحال هاد نوع خاصهم شي طرحة دالعصا باش اعترافو(غمز حنان)

حنان:(بقات كتحك راسها و هي ضور جمعاتو بكروشية للوجه) اتهضررر ولالااا

….انهضر انهضر

حنان: دوي

….الزنبقة

حنان:(غمضات عينيها كتنطق اسمو بعصبية) الزززنبقة (شدات هاداك من العنكرة ديالو ) اتمشي و اتقول للزنبقة ديالك قالك الزوبير بلي كوهينور و معتصم عمرك ماغادي تقيسهم ماحدو عايش فهمتي ..

….فهمت فهمت (كيتوجع)

كوهينور: زوزو صافي يالاه نمشيو (لاصقة فيديها ) انت بطليييي هههه

حنان: يالاه نمشيو

شاكمة؛(مشا كيجري ديمارا طوموبيل )

….(كان كيتوجع او شاد فعنقو حتى كيشوف مسدس طايح و كيشوف فكوهينور غادا فاتجاه الطوموبيل هز داك المسدس مصوب فاتجاهها )

شاكمة:(لمحو و هو يغوت) الزووووووبييييير عنداااااااااك

حنان:(قبل ماضور مافكراتش فراسها ابدا جبدات كوهينور قدامها و حامياها بالظهر و طلعات راسها للفوووق مع صوت اطلاق الرصاصة لي اختارقات الظهر ديالها )

كوهينور:(كتبكي و هي شاداه ) زوووبييييييير

حنان:(طاحت على كوهينور و مغيبة )

شاكمة: (مشا كيجري عندهم و قلبو ايخرج من بلاصتووو ) الزوووبيير نووووض

كوهينور: اهئ اهئ هزو معايا راه ايمووووت

شاكمة؛ ماغااااديييش يمووووت سكتيييي(كيحاول اهزها و يديها الطوموبيل و هي فاشلة و عينيها كيتسدو)

كوهينور: (هزات المسدس و ضربات هاداك فصدرو ) انقتلللللك (بغات تزيد الضربة الثانية و هو يعيط ليها الشاكمة)

الشاكمة: كوهيييينووور زيدييي راه كيموووت

كوهينور:(ناضت من الأرض كتفتف مشات كتجري ركبات لور مع حنان او حاطا راسها على فخادها و كتبكي ) سربييييي اهئ اهئ

شاكمة:(كيسوق بسرعة) قررربناااااا نوصلووووو

كوهينور: عافاك متغمضش عينييك اهئ اهئ عفاااااك ازوبيير ……

كانت حنان كتحس بالم كبييير و ماقادراش تتنفس و ماقادراش تحل عينيها فقط كتنفس بصعووووبة وصلو للقصر خرج الشاكمة بسرعة خرج حنان من طوموبيل و هزها داخل بيها بسرعة و كوهيينوور من وراه كتبكي

معتصم: كوهيينوور اش واااقع

كوهينوور: كيموووت اهئ اهئ كيموووت ابابا كولشي بسبااابي

معتصم:(كيشوف ف حنان مصابة و دمها عمر الأرض ) مووووحى عيط للفريق الطبي اجي داااابااااا

موحى:(ضور التيليفون بسرعة للأطباء باش اجيو)

شاكمة:(وصل لبيت حنان حطها فوق النمووسية والساعة كتحسب دقائق عمرها الاخيرة) حنااان ماتموووتيييش مازال خاصك ديرييي شحال من حاجا اش انقووول لحفيييظة لمن اتخليييها عفااااك ماتمشييش

كوهينور:(دخلات) الزوووبيير اهئ اهئ حل عينييك ماتخلعنييش عليك الطبيب ايجي دابااا عفاااك نوووض اهئ اهئ

شاكمة: فييين هاد طبييييب راهااااا كتموووت

كوهينور:(مانتابهاتش) دابااا يوصلووو اهئ اهئ

دخل فريق الأطباء للبيت و بسرعة بداو كيديرو خدمتهم

الممرضة: عفاااكم خرجو باش نديرو خدمتنا

خرج شاكمة و كوهينور و هوما مضمرين هبطو للتحت عند معتصم و موحى جلسات كوهينور حدا باها كتبكي

كوهينور: كوولشييي بسبابي اهئ اهئ

معتصم:(حاط راسها على صدرو) صافي ابنتي راه زوبير قوي غادي يبرااا

كوهينور: كان الزنبقة غادي يقتلني اهئ اهئ كولشي بسبابو انتقلوو

معتصم: هادشي علاش قلتلك خاص نبعدووو منهنا و خاص نتفارقو انا وياك حيت راه الخطر ديما معاناااا

موحى:(كيهمس الشاكمة فوذنو) الكدبة غادي تفضح و سي معتصم و لالة كوهينور ايكتاشفو الحقيقة

شاكمة:مكيهمنيييي حتى وااااحد لي كيهمني هووووااااا حنااان تنوض بيخير و على خييير فهمتيييي

موحى: ياربي تلطف

بقا كل واحد فيهم كيفكر و مقهورين و عايشين ساعاات تحسبو عليهم بالاعوام داز وقت طوييل حتى بدأت كتغرب الشمس و الأطباء مازال فالبيت مع حنان كيعالجوها …شاكمة كان كيفكر غير ف حنان و خايف عليها و على الكدبة لي غادي تفضح ليهم اما معتصم فكان كيفكر فالخطوة القادمة ديال الزنبقة و كيتوعد ليه بالانتقام على هاد المحاولة لي دار باش اقتل ليه بنتو اما كوهينور همها الوحيد هو الزوبير كتحس بالذنب ماكانش عليها تخرج كون ماخرجاتش ماكانش ايوقع داكشي ولكن شنو ايوقع فاش تعرف ان الزوبير طول الوقت كان فتاة سميتها حنان ؟ غادي تقبلها يا ترى؟

…هبط الطبيب و هو كيمسح على الجبين ديالو و مشات كوهينور و الشاكمة كيجريو

كوهينور: شنووو واقع علاش تعطلتو واش هو بيخير قولي عفاك قولي بلي بيخير

الطبيب: كانت عملية صعبة شوية ولكن قدرنا نخرجو القرطاسة بفضل الجسم القوي لي كتمتالكو بصراحة إرادة الحياة عندها قوية و تقدر دوز غير سيمانة و تنوض

كوهينور: علاااامن كدوي نتااا ؟؟؟ انا كنهضر على الزوبير

شاكمة: عفاك قولينا ياكما كاين شي خطر عليها

طبيب: لا تجاوزات مرحلة الخطر و كولشي مزيان

كوهينور: و علاااااامن كدوييييو

معتصم: دكتور هنا راه كنهضرو على المريض لي كاين الفوق

طبيب: المريض؟ هاديك راه المريضة لي كاينة

كوهينور: كيييفااش مافهمتش

طبيب: انا عالجت بنت ماشي راجل و الى ماتيقتونيش سيرو اشوفو

معتصم: الشااااكمة (كيغوت) فهمناااا اش واااقع

شاكمة : الزوبير ماشي راجل (بعد قليل من الصمت) هو بنت سميتها حنان

كوهينور:(حلات عينيها و فمها الشاكمة و هي مامتيقاش ) طول هاد الوقت زوبير كان بنت و انا كان احسابني ولد ؟؟؟ (عمرولها عينيها بدموووع) كدبتووو عليييناا اهئ اهئ رديتووونا مكلخييين

معتصم: ولكن كيييفااااش ماقدرناااش نعييقووو اش هادشي واااقع (صرفق شاكمة) جماااعة الكداااابة تقناااا فييكم و هاكا كتجازيونا

شاكمة:(هبط راسو) سمح لينا اسيدي

معتصم: خررررج علياااااا من دااااااري مابقيتش بغييت نشوووف كمارتك

خرج الشاكمة و كوهينور طلعات فالدروج كتجري فاتجاه بيت حنان حلات لباب بشوية و دخلات او زادت تصدمات منين تأكدات لقات حنان ناعسة و ضايرين بيها سلوكا و الأكسجين محطوط على نيفها و شعرها البني الفاتح مليوح على الوسادة…بقات كوهينور كتبكي و جلسات حداهااا بشوية

كوهينور: اهئ اهئ علاش كدبتي عليا اهئ اهئ علاش شنو الذنب لي درت معاك وهاكا كتجازيني (كتقطعلها لهضرة) اول واحد نتيق فيييه و غدرتيني اهئ اهئ كلكم بحال بحااال اهئ اهئ (خرجات من الغرفة فاتجاه بيتها يالاه سدات الباب و طاحت كتبكي على النمووسية ) ….

عند الشاكمة خرج من لقصر و جاتو لبكية ماطاوعوش خاطرو اخلي حنان بوحدها لداخل اعلم الله اش ايديرو فيها بقا قدام لقصر كيمشي و يجي حتى طاحلو فبالو سراج او تاصل بيه دغيا

الشاكمة : الوووو سرااااج

سراج: الو

شاكمة: سراج عتقنا عفاك حنان تضربات بالقرطاس و الموقاديري عرفو حقيقتها

سراج:(قطع عليه ماخلاهش أكمل او خرج بسرعة من دارو ركب فطوموبيلتو و قلبووو غادي يخرج من بلاصتووو …وصل بسرعة و وقف قدام لقصر لقا شاكمة جالس او شاد راسو فيديه) فييينهااااا

شاكمة: كاينة لداااخل حالتها مزيانة ولكن راه عرفو حقيقتها شنووو ايوقع دابا شنووو

سراج: صاااافي تهدن انا انلقا شي طرييقة (دخل للقصر بسرعة و لقا معتصم جالس فالكرسي ديالو)

معتصم: سراج اش كدير هنا

سراج: حيت على قبل حنان

معتصم: حنان؟ كنتي عارف حتى نتا

سراج: سي معتصم ديك البنت راه مادارت وااالوو فقط بغات تعيش بيخير و زيد عليها ماضراتكم فحتى حاجا بالعكس هي كانت معاكم دييمااا

معتصم: اعدى حاجا عندي هي لكدوووب و لكن واخا هكك انا ماغادي ندير معاها حتى حاجا المصير ديالها بين يدين كوهينور

سراج: كيفاش تصابت

معتصم: الزنبقة كان ايقتل كوهينور و لكن خداتها هي بلاصتها

سراج : (ضرب الحيط بيدو ) هاداااا راه تماااداااا

…

كان ظلام الليل و فالليل كيخرجو الخفافيش و قطاع الطرق و الزنبقة ايضا كان نقز صور دلقصر مرة أخرى بالملابس و الماسك كما العادة و كيتسلت بكل خفة حتى وصل الشجرة لي قبالت البالكون دحنان و طلع فيها و نقز لعندها لقا ضواو مطفيين كيسمع صوت الآلات و كيتساءل ديالاش حل باب البالكون مخلي ضوء القمر اسطع فانحاء الغرفة و تحديدا فوجه حنان دخل لعندها بكل بطء كيشوف الالات ضايرين بيها و تصدم من حالتها ماعرفش اش ادير بقا غير كيشوف فيها و كيتساءل مالها و ياكما هي لي خدات القرطاسة بلاصة كوهينور حط يديه ورا راسووو و زاد تعصب و كيحاول ابرررد ..

….

سراج: الى سمحتي انا بغيت نشوفها

معتصم: طلع (عطا إشارة للخدامة توصلو)

سراج:(بقا غادي حتى وصل لبيت حنان و حلها و شعل الضو و هو يتصدم بوجود الزنبقة) نتاااااا اش كدييييرهناااا

الزنبقة:(بقا ساكت كيشوف فحنان)

سراج:(تقدم عندو و دفعو) بععععد منهاااااا

الزنبقة:(كيشوف فيها ) كيفاااش حتى وقع ليها هادشي

سراج: كيفاش هههههه كضحك ياك(شدو من عنقو) بسبااااابك نتاااا كنتي اتقتل كوهينور و خدات هي لقرطاسة بلاصتهاااا

الزنبقة:(دفعو) انااا غااادي ناخدها معايا

سراج:(ضربو بكرووشية) واااايااااك تفكر فيهااااا حنااااان ديااالي انا

الزنبقة:(ابتاسم بمكر تحت القناع) ديالك مكتوبة ليك فسميك

سراج: (دفعووو لبرا لبيت ) دخول الحمام دابا ماشي بحال خرووجووو (بقا سراج كيضرب فالزنبقة و هاد الأخير كيضرب فيه حتى هو حتى طلعو الخدم و ليكارد و هوما يشدو الزنبقة) هبطووووه لتحت

هبطو الزنبقة للتحت ليكارد كاملهم محاميين علييه حتى وصلوه عند المعتصم

معتصم: (كيقرا فالجورنال) الله الله الارنب طاح فيد الثعلب

الزنبقة: ههههه شنو معتصم تقاداولك

معتصم:(شاف فيه ) عااد بداو (تقابل مع الزنبقة) حاولتي تقتل بنتيييي بكل دم بااارد و لكن تقلب السحر على الساحر و طحتي فيدي دابا و غااااااديييي ندمك ولكن قبل غادي نشدوك ضيف عندنا و ماشي انا لي انقرر مصيرك بل بنت عمك

الزنبقة: لي عجبك ديرو هههه أمكن نسيتي شكون انا

معتصم:(كيهضر مع ليكارد) هبطووووه لتحت

الكارد: امرك

هبطو ليكاردكور الزنبقة لقبو فالجردة داير بحال الحبس و ريحة الجيفة كتعطي منو و جثث الناس المنظر كان خايب بزاااف دخلوه لواحد الزنزانة و تسدات عليه و مشا جلس دمو بارد ماهاماه حتى حاجا بقات فيه غير حنان لي كان وصاها مادخلش راسها فهاد المشاكيل واخا هكك ماسمعاتلوش و تصابت بقا كيشوف فالسرجم و فالقمر و كيتنهد ..

خرجات كوهينور من بيتها من بعد ما شبعات بكا و مشات للبيت ديال حنان لقات سراج عندها

كوهينور: اش كدير نتا هنا

سراج: حيت غير نشوفها

كوهينور : حتى نتاااا كنتي عااارف بغيت غير نعرف شكون ماكااانش عارف

سراج: اوووف شوفي البنت ماذنبها حتى حاجا بغات غير تخدم على راسها

كوهينور: عرفتي شناهي ماتكونش كتيق بشيواحد و فالتالي منين دير الثقة ديالك و تأمن على شي واحد او فالتالي يغدرك راه احسااااس خايب بزاااف

سراج: ولكن راه كون مادارتش هاكا ماكنتوش اتيقو فيهااا حيت كلنا كنعرفو بلي البنت واخا تعيا تقساح كتبقى بنت

كوهينور: (بغات تخرج) عمرني نسمح لييييهااااا كنكرههاااا

سراج: نقدات حياتك

كوهينور: لااا ربحات حياتهاااا (خرجات)

جلس سراج كيفكر فهاد الحريرة ولكن من جهة أخرى فرحان حيت تكتاشفات الحقيقة واخيرا غادي ياخدها معاه و يمشي منهنا بقا جالس حداها كيدوز على خدها بصباعو بكل حنية حتى فكر فالزنبقة عاوتاني و هو بتعصب نفض هاد الأفكار من راسو و خاص خرج مخليها ترتااح و خرج كيشوف المعتصم و كوهينور بغا يهضر معاهم و تراجع و خرج من تماك لقا شاكمة باقي برا طمنو على حالة حنان و ركب فطوموبيلتو رجع لدارو …

في القبو كان الزنبقة باقي على نفس الحالة حتى جا أحد ليكارد عندو

الكارد:(فتحلو الباب) سيدي انا انخرجك منهنا و نهربك

الزنبقة : بلاش غير سير لخدمتك

الكارد: كيييفااش ؟؟؟ لا خاااصك تخرج

الزنبقة: ماشي نتا لي اتخرجني انا انبقا هنا حتى تجي حنان تخرجني

الكارد: حنان ؟

الزنبقة: البنت لي تصابت بسبااابي منين تفيق قوليها الزنبقة كيتسناك فالقبو تخرجيه

الكارد: امرك اسيدي

الزنبقة: يالاه سير

….الزنبقة كأنه كيعاقب راسو حيت بسبابو تصابت حنان و قرر ما يخرج من داك الحبس حتى يطمن عليها و تخرجو هي ..مادام هي كتعذب و كتكافح الموت حتى هو ايجلس تماك يجرب الألم..هادا هو الزنبقة مكيخليش الدين عليه ابدا ..

عند الشاكمة كان باقي جالس حتى صونالو التيليفون

حفيظة: واش حتى لي وصل ماتعرضولوووش

شاكمة: حفيييظة؟؟ جييتييي

حفيظة: اه جييت اجي خودني من المطار

شاكمة: الحمد لله على سلامتك انا انجي دااابااا (شد شاكمة طاكسي و مشا عندها لقاها برا كتسنا مع ليفاليز خرج عندها ) عاش من شافك

حفيظة: ماتوحشتينيش ههه

شاكمة: انا كنت كتحسب الايام غير فوقاش تجي

حفيظة: دخل ليفاليز فالكووفر باش نمشيو دغيا راني توحشت ختي بزاااف

شاكمة:(تنهد) يالاه (حط ليفاليز ديالها فالكوفر و ركبو ما وقفو حتى لدار حنان و دخلو)

حفيظة: حنااااان

شاكمة؛ ماكايناش هنا هي كاينة عند كوهينور حتى لغدا و نديك عندها

حفيظة: انصوني عليها تجي دابا

شاكمة: لااا زعما بغيت نقول راه عندها شي خدمة مهمة داكشي باش

حفيظة: اوكي

شاكمة: طلعي رتاحي حتى لغدا

حفيظة: تصبح على خير

شاكمة: تصبحي على خير

أصبحنا وأصبح الملك لله

فاقت حفيظة ناشطة و فرحانة حيت اتلاقا مع ختها دخلات دوشات و لبسات حوايجها لي عبارة عن قبية و سروال باش مايبانش الوشم و خرجات لقات شاكمة موجد لفطور

حفيظة: صباح الخير

شاكمة: صباح نور جلسي تفطري

حفيظة: مافياااا لي يفطر غير يالاه نمشيو عند حنان

شاكمة: جلسي بعدا بغيت نهضر معاك

حفيظة:(جلسات ) مالك

شاكمة:(كيتنفس الصعداء باش اهضر) فاش كنتي فأمريكا وقعو بزاف د لحاجات منهم بأن واحد الشخص سميتو الزنبقة الفضية هو سارق كبير و عينو على واحد الجوهرة لي سميتها كوهينور لي كاينة عند عائلة الموقاديري و اتضح أن الزنبقة سميتو يوسف و هو ولد عم كوهينور يعني عمو المعتصم واخا هكك حاقد عليهم و بغا يقتلهم هاد الزنبقة ماعمر شي واحد شاف وجهو حيت ديما لابس ملابس سوداء و ملثم و فكل جريمة كيديرها كيخلي الرمز ديالو لي عبارة عن وردة من الفضة او هاد الايام كان كيوجد باش اقتل كوهينور

حفيظة: و قتلهااا ؟

شاكمة: لا البارح وقع نقاش بينها و بين الأب ديالها و خرجات كتبكي من لقصر خدات سيارة و مشات كتجري بسرعة كبيرة قدرنا انا و حنان نلحقوها ولكن ماشي بوحدنا لحقناها بل رجال الزنبقة ايضا لحقوها و حاولو يقتلوها كون ما حنان لي تصدات ليهم و ضاربات معاهم

حفيظة: ايييه ختي و عارفاها ماكاينش شي واحد اقدر عليها (كتقرب رشفة من القهوة )

شاكمة:(كيضور راسو ) حنان ضربووها بالقرطاس البارح

حفيظة:(طيحات كأس القهوة ) كي..كيفاش

شاكمة:(ناض عندها شدها من كتافها) ما تخافيش طبيب قال بلي هي مزيان و غادي تشاافااا ان شاء الله اكون خير

حفيظة:(دفعاتو) اش كتقوووول حنااان تضربات بالقرطاس و نتااااا جااااالس سااااكت ماقلتييييي لياااااا حتى حاجااااا (طرطقات بالبكا) فيييينهااااا اهئ اهئ بغييت نشوف ختي

شاكمة: ماقلتش ليك حيت كنتي عيانة من السفر و زايدون راهم عرفو الحقيقة ديالها

حفيظة: اهئ اهئ مكيهمني حتىىى شيييواااحد انا بغييت ختي (ناضت خرجات مستقلة طاكسي و شاكمة تابعها و لكن انطالقات في اتجاه لقصر دخلات و وقفووها ليكارد قدام لباب) بااااااالاااااكووو من قدااااميييي انااااا بغييت نشوووف حنااااان اهئ اهئ

كوهينور:(عطات إشارة ليكارد اطلقوها و دخلات عندها) حفيظة فوقاش جييتي كيدازت الرحلة

حفيظة: اهئ اهئ بغييت نشوووف حنااااان

كوهينور: طلعتو كلكم غدارين و ماتسواوش دابا عاد عرفت علاش ديما الفقراء لي بحالكم ماخاصش نحنو فيهم

حفيظة: فقرااااء فقراء يااااك اهئ اهئ هاديييك لي كتهضري عليها راه نقذات حيااااتك و صبرات ليك شحال من مرة شدات علييك الدقة و لا نتوما لي لاباس عليكم ماكتحسوش بهادشي

كوهينور:(خنزرات فيها) دابا عاد فاق الضمير ديالك فين كان نهار صيفطتك لامريكا باش تمتعي و تشوفي حياة الأغنياء كيف دايرة

حفيظة: شفتها ولكن مليتها فاش عرفت راسي كنعيش داكشي بوحدي ماشي مع لي عزاز عليا و نتيييي ديما اتبقاي بوحدك باش اينفعووك لفلووس

كوهينور؛ هاداك هو العذر ديالكم

حفيظة: عمرك اهئ اهئ عمرك جربتي تعيشي فالفقر و كل مرة كتقاتلي باش تقادي حياتك عمرك جربتي تعيشي بطرف دالخبز غير طرف و ختك كتعطيه ليك باش ماتموتيش اهئ اهئ مني ماجربتي حتى حاجا انااا و حنان عشنا أسوء حاجا لي يقدر أعيشها شي واحد و هانتي كتعايرينا بيها حنان هزات المسؤولية وهي بنت 12 عام نورمالمون البنت فهاد السن خاصها تقرا و تلعب و لكن هي ما قرأت مالعبات ماتو واليدينا و خرجات كتخدم و دمر و تقاتل باش تجييييبهاااا بالحلال او عمرها فكرات تبييع لحمها و عرفتي شنووو كنفتاخر بييهاا حيت ختي و كنفتاخر حيت عشنا فالفقر(كتهضر بنبرة حادة) و بالنسبة ليا انا غادي نوصل لاي حاجا بغيتها حيت الى حطيت شيحاجا فراسي كيديرها او دابا يا آنسة موقاديري بغيت ختي نشوفها

كوهينور:(ضارت عاطياها بضهر ) كاينة فبيتها

طلعات حفيظة عند ختها و حلات لباب لقات ممرضة عندها كتفحصها و جلسات حدا ختها كتبكي و شادالها فيديها

حفيظة:(حاطة راسها على يد حنان و كتبكي ) كوووولشي بسبااابي اهئ اهئ يا ريتني مت منين كانت كتولدني ماما احسن من أنني نعيييش و نعذبك سمحييييلي احنان سمحيلي يا احن انسانة عليا اهئ اهئ

….

فالقبو كان الزنبقة جالس كيتسنا و ماعلابالوش كأنه ماشي محبوس حتى هبط عندو معتصم و دخل عندو

معتصم: كيجاتك ضيافتنا

الزنبقة: مملة

معتصم: خاص شوي د النشاط ياك

الزنبقة: تمااامااا

معتصم: قادولو عظامو و منين تساليو غليو الماء مزيان و حطو فيه الملحة

ليكارد: امرك اسيدي

الزنبقة: ياكما نحيد حوايجي

معتصم:(بغا يمشي و ضار عندو) بلاش غير خليهم دابا يتقطعو(مشا)

الزنبقة: (معصب او كيهضر مع ليكارد) مالكم اش كتسناو

ليكارد:(مشاو عندو بداو كيضربو فيه و هو كيضرب فيهم ناضت القيامة فداك القبو ولكن 7 د الأشخاص على ١ اكيييد غادي يحكموه بقاو كيضربوه و يجرحوه بل وصل بيهم الأمر جبدو سكاكين كيشرطوه و هو ماطلعات منو حتى ردة فعل او صوت رغم الألم لكبيير لي كيحس بيه فجأة حس بلي تكب عليه ماء سخوووووون لي زاد حل الجروح ديالو و مع الملحة الألم تضاعف طاح للأرض كينهج و كيضرب بيديه الأرض اما ليكارد خرجو من القبو و سدو عليه مخليينو كيستشعر الآلام ديالو و كيزيد احقد علييهم و مازال كيتوعد ليهم بكل شر )

عند حفيظة خرجات من عند ختها و هبطات خارجة من لقصر وصلات لبرا و هي نصوني على اوسمان لي كان جالس فدارو من ديك الحادثة لي وقعات و داير حداد على صحابو و الأساتذة لي ماتو بسباب كوهينور بقا كيشرب القهوة ديالو حتى صونات ليه حفيظة

اوسمان: الو حفيظة؟؟

حفيظة: اهئ اهئ اوسمان

اوسمان: حفيظة ماالك

حفيظة: عفاك بغيت نتلاقى معاك

اوسمان: واخا انتلاقاو فالقهوة لي مشينا ليها آخر مرة

حفيظة: واخا (شدات طاكسي متاجهة المقهى اما اوسمان ركب فطوموبيل ديالو او مشا عندها )

اوسمان:(كان جالس كيتسناها حتى دخلات ) حفيظة

حفيظة:(كتبكي و سلمات علييه ) مشينا فيها صافي

اوسمان :شنووو واقع عاوديلي

حفيظة:(عاوداتلو كولشي و قلبها ايخرج من بلاصتو و هضرتها كتقطع كلشي لي فالقهوة كيشوف فيها ) انااا خايفة على حنان بزاااف اهئ اهئ

اوسمان: صاافي تهدني اكوون خييير

حفيظة: اشمن خييير اهئ اهئ راه كتاشفات الحقيقة اعلم الله اشنو ادير لحنان

اوسمان: كون بغات دير شيحاجا كون دارتها شحال هادي ماغاديش تعالجها

حفيظة: اهئ اهئ خايفة بزاااف

اوسمان: صافي يكون خير

حفيظة: (كتمسح دموعها ) سمحلي صدعتك بالمشاكل ديالي و نسيت ما نسولك كيف داير مع الخدمة

اوسمان: اشمن خدمة انا غدا عاد انبدا

حفيظة: شديتي عطلة؟

اوسمان:(مابغاش إعاود ليها يكفي المشاكل لي عندها ) بحال داكشي عاوديلي نتي كيف دوزتي العطلة ديالك

حفيظة: (سهات فالارض كتعاود ليه)كااانت زوييينة بزااااااف افضل حاجا وقعاتلي فحياتي

اوسمان: هه لهاد الدرجة

حفيظة: تعرفت على شخص لي دار شي حوايج على قبلي زوينين و توحشتو بزاااف و ماعرفاش واش انعاود نتلاقى بيه او نن

اوسمان: هاي هاااي على حفيظة عاشت الحب ف أمريكا

حفيظة: روبي (شافت فيه ) حفيظة رجعات سميتها روبي بسبابو (تنهدات )

اوسمان: (خربقلها شعرها ) فييقي ارووبي هههه

حفيظة: انا خاص نمشي دابا منقدرش نخلي حنان بوحدها يالاه باي

اوسمان : باي و متقلقيش كلشي ايكون مزيان

حفيظة: واخا (ناضت مشات رجعات عند ختها)

اوسمان: اذن اكوهينور مازال مابغيتي تحشمي و الفرصة جات حتى لعندي ولا بد نستاغلها (ضور تيليفون لواحد النمرة ) بغيتك غدا تنشر فالجامعة بلي كوهينور الموقاديري ليزبيانة (ابتسامة) و شوهها مزياااان غدا نسمع خبارها (قطع ) اوا دابا نردو الصرف و حلفت اندمك

….

وصلات مرة أخرى حفيظة لعند ختها و هاد المرة تلاقات سراج فالبيت دختها و كتساءل شكون هو

حفيظة: سمحلي شكون نتا

سراج: انا سراج و نتي

حفيظة: انا حفيظة خت حنان

سراج: ماكانتش فخباري بلي عندها ختها

حفيظة: هاهي فخبارك

سراج: طبيب قال بلي حنان قريب تفيق و حالتها تحسنات

حفيظة: بصح؟؟

سراج: اه حنان بنت قوية و غادي تتجاوز هادشي

حفيظة: إن شاء الله تنوض بيخير و على خير

سراج : اميين

حفيظة: شفتك مهتم بزاف بختي

سراج: حيت حتى انا كنت عارف الحقيقة ديالها و بقيت ساكت

حفيظة: علاش

سراج: كنت كنتأمل واحد نهار تخدم معايا

حفيظة: فاش بغيتيها تخدم

سراج: ماشي مهم دابا لي مهم هي تفيق و صاف

حفيظة : اه بغيتها غير تفيق مابغيت حتى حاجا أخرى

سراج: يالاه نخرجو نخليوها ترتاح

حفيظة: اوك

خرجو من عندها و كيهضرو حتى عرض سراج عليها اوصلها لدارها خصوصا ان الحال بدا كيظلام او وافقات ركبو فطوموبيل او وصلات لدارها شكراتو و مشات دخلات لدارها لقات شاكمة كيتسناها

شاكمة: كيبقات حنان

حفيظة: (غوبشات)متهضرش معااايااا

شاكمة: كيفاش منهضرش معاك اشدرتليك

حفيظة: من الاول قووولي شنووو كاااين

شاكمة: مابفيتش نخلع و زيد عليها حتى كون قلتهالك اش غادي يتبدل

حفيظة: كنت انمشي حدا ختي او نجلس حداها

شاكمة: شوفي بلا ماتبقاي تهضري بحال الى هاديك ختك بوحدك ماتنسايش حتى انا ختي

حفيظة: اه بصح او نتا شبابنا فهادشي

شاكمة : غير قولي ليا شنو ندير معااااك درت كلشي كنحاول نراضيك و نتي مكتبغي حتى حاجا علاش مكتحسيش بيا

حفيظة: ماتبقاش دخل الأمور فبعضها

شاكمة: لا انا بغيت نهضر فهادشي انا كنبغيك احفيظة و عارفك بلي كتبغيني

حفيظة: انا مكنبغيكش

شاكمة: ويلا؟؟ المهم انا كنبغيك الحب ديالي كافينا بجوج عفاك عطييني فرصة نكونو بجوج مرة آخرى و انحاول نوفر ليك داكشي لي بغيتيه

حفيظة: مابغيت حتى حاجا منك و مابغيتكش و خصك تفهم بلي سالينا شحال هادي و ماتعاودش تعرض ليا فطريقي (مشات لبيتها سدات على رأسها و جلسات فالنموسية كتبكي اولا على حياتها لي مخربقة و ماعارفاش قلبها لمن مايل و الثاني على ختها لي شبه ميتا و كطلب من الله اشافيها من جهة أخرى كاينة كوهينور لي كدخل عند حنان مرة مرة تشوفها و كيغلبوها دموعها حيت كتفكر بلي تغدرات و كتحاول تشوف شي حل ماظلم حتى شيواحد و كينتابها الخوف كلما كتفكر الزنبقة لي فالقبو كيتحسس الجروح ديالو واخا هكك صابر صدقو لي قالو بلي منين كطيح البقرة كيكترو جناوة و ها هو طاح فيديهم و لكن واخا هكك كيشوف بلي العقاب ديالهم ماشي بحال العقاب ديالو حيت كيبقى ذكي كان بامكانو اخرج ولكن فضل ابقا باش حنان تخرجو و باش ازيد أكبر الحقد ديالو و مصيرهم ايكون بين يديه غير يخرج خاصة سراج لي غادي يضربو فقلبو نيشان و يحرق قلبو كيما تحرق قلبو غير كيفكر شنو وقعلو قبل 5سنين كيزيد احقد عاد كيف كان عايش السعادة ولكن حتى حاجا مكدوم …الناس لي قراب ليك هوما لي كتجيك منهم الدقة خاف من لقريب و ماتخافش من الغريب و هادا هو درس لي تعلمو اما سراج كان كل ليلة كيفكر ف حنان خاصة نهار المطعم و كيفاش كانت و كيفاش تقرب منها مابغاش ازرب ولكن كيحس بإحساس زوين منين كيكون معاها و لكن ديما كيتساءل منين كيعرفها الزنبقة ؟ و شنو القصة ورا هادشي و لكن من بعد كينفض افكارو و كيتمنى غير تبرا و يبعدها على حقد الزنبقة و لكن كنرجع افكر و كيلقى بلي حقدو فالمحل ديالو حيت ماكاينش فهاد الدنيا شي عشير كيخون عشيرو و صاحبو و لكن هو دارها. و بعدو على فيروز لي كانت مرات الزنبقة واحد النهار و مذنبة حتى هي من نهار تلاقات مع الزنبقة فاص افاص و هي كتفكر يامهم لي دوزو و لكن ماصدقاتش و تخلات عليه كأنها عمرها بغاتو ولكن الحاجا لي بغات فيه بصح هي فلوسو و السلطة ديالو …هاكا بقاو ابطالنا كيفكرو فكل حاجا كضرهم فخاطرهم و كتبقى حنان فسبات عمييق ماعارفاش اش كيضور من حولها و شنو. وقع فهاد اليومين لي نعسات فيها فديك الغرفة الكئيبة ديالها العامرة بالآلات حركات صبعانها شوية و بدأت كتحل عينيها رويدا رويدا و كتحاول تكتشف فين هي لكن تملكها نعاس مرة أخرى و غمضات عينيها مستسلمة ليه

أصبحنا و أصبح الملك لله

فاقت كوهينور مع 2 مصباح و كالعادة ضايرين بيها لخدامات كيلبيو الرغبات ديالها و هي منساجمة فحمامها الفخم العامر بالورد و العطور حتى كيجيها اتصال من أحد صحاباتها

…كوهيينوور بصح داكشي لي كيتقال

كوهينور: اوووف شنو عاوتاني

…ناري واش مافخباركش

كوهينور: وا دوي الخرا عصبتيني

…كلشي فالجامعة كيقول بلي نتي …

كوهينور: انا شنو ؟؟

…نتي ليزبيانة

كوهينور: شنووو شكون كيقووول هادشي هضري

…كولشي كيقولها

كوهينور: اللينعلطبنمكم اولاد لقحاب بقيتلكم غير انا تفوووو(قطعات الاتصال و ناضت نشفات راسها و لبسات حوايجها هبطات بسرعة متاجهة للجامعة و فالطريق تلاقات مع حفيظة و لكن ماعطاتهاش اهتمام دغيا طلعات فطوموبيلتها و انطالقات )

حفيظة: مال هادي تف ماشي شغلي فيها (دخلات للقصر نيشان لبيت ختها حلات لباب و لقات حنان فاقت و حداها الممرضة ) حنااااان (تلاحت عندها عنقاتها)

حنان: أي أي (كتوجع)

حفيظة: سمحييلييي سمحيلي نتي بيخير اهئ اهئ خفت علييك بزاف

حنان: انا بيخير

حفيظة: الحمد لله على سلامتك

الممرضة: المريضة حالتها مزيانة دابا نخليكم تهضرو (مشات )

حفيظة: (شدات فيد ختها ) كولشي ايكون مزيان

حنان: اكتاشفو الحقيقة ياك

حفيظة: اه ولكن مايهموكش

حنان: كوهينور تكون تقلقات بزاف

حفيظة: تعاود لكرها راكي نقذتي حياتها

حنان: واخا هكك انا كدبت عليها (ناضت تكعدات و قاداتلها حفيظة وسادة من وراها ) ظهري كضرني بزاف

حفيظة: عاد كيف نعستي عليها اما طول الوقت كنتي ناعسة غير على كرشك ولا جنبك

حنان: فين شاكمة

حفيظة: انصفيط ليه ميساج باش يجي (صافطاتو)

حنان: شكون جا عندي منين كنت مغيبة

حفيظة: انا و شاكمة و واحد سميتو سراج

حنان: صافي ؟؟

حفيظة: ايه شكون بغيتي يجي اخر

حنان: لا غير سولت كوهينور ماكايناش هنا

حفيظة: تلاقيت بيها خارجة و باااينة معصبة

حنان: خرجات بوووحدهاااا ماخداتش معاهااا ليكارد

حفيظة: او مالك خااايفة عليها كون تشوفي كيفاش كانت كتهضر علينا بحال الى حنا عديانها

حنان: واخا هكك ماتنسايش الغلط منا

حفيظة: صافي نسايها عليا

حنان: بغيت نرتاح عييت

حفيظة: اه نخليك ترتاحي (باستها فحنكها )

حنان: (ابتسامات )

خرجات حفيظة من بيت حنان هاد الاخيرة لي كانت كتساءل علاش ماجاش عندها الزنبقة او بقات كتفكر فحريرتها و الكدبة لي تكشفات و كيفاش اتواجه معتصم و بنتو اما حفيظة غير هبطات تلاقات مع شاكمة داخل فرحات و مشات عندو او كتقولو بلي حنان فاقت و رآها بيخير و فهاد الاثناء سمعها الكارد لي كان وصاه الزنبقة أنه غير تفيق حنان اوصل ليها لخبار بقا كيتسلت حتى وصل الغرفة ديالها وطرق بابها و دخل

الكارد: آنسة

حنان: شكون نتا

الكارد: انا مرسول من عند الزنبقة

حنان: الزنبقة؟؟؟ مالو

الكارد: معتصم حبسو عندو فالقبو و كيعذبو انا كنت انخرجو ولكن هو رفض و بغات نتي لي تخرجيه

حنان: انا كيما كتشوف يالاه فقت و مازالة عيانة و بدرع باش كنهضر منقدرش نخرجو

الكارد: غادي يقتلو المعتصم

حنان: خليه هو لي جيد الصداع على راسو

الكارد: ولكن ..

حنان: خرج منهنا بغيت نرتاح

الكارد: اوكي سمحيلي

خرج الكارد و رجع كيتسلت حتى وصل للتحت للجردة …

شاكمة: علاااش مابغيتيش تخليني نمشي عندها

حفيظة: حيت قالت. بغات ترتاح رآها عيانة

شاكمة: اووووكي انتسنى

حفيظة:(لمحات سراج داخل مع الباب ) ماشي سراج هاداك

شاكمة: وي هو

حفيظة:(ناضت اتمشي عندو) ايفرح منين اعرف حنان فاقت (مشات عندو تعرضاتلو بابتسامة) اهلا

سراج: اهلا لباس عليك

حفيظة: بيخييير بزاااااف هههه

سراج: فرحانة مع راسك

حفيظة: وي حيت حنان فاقت

سراج: فاااقت حلفي؟؟ انا انمشي عندها

حفيظة:(شداتو من يدو) لا راه نعسات حيت عيانة بلاتي شوية و سير عندها

سراج: داكوغ

…

وصلات كوهينور بسرعة كبيرة للجامعة و غير هبطات كل الأعين عليها و كاين لي كيضحك و كاين لي كيستهزأ بيها و داكشي لي زاد عصبها بقات كضور تماك حتى سمعات تصفار

اوسمان: (كيصفر) كوهينور ليزبيانة هههههه

كوهينور:(ضارت عندو بحقد) اش كتقووول واش خرج ليك لعقل

اوسمان: هادشي لي كيقولو كولشي او بالأصح انا لي خليتهم اقولو داكشي

كوهينور: نتاااا السبب اذن ههه كان عليا نعرف لاصقني فطرمتي ماباغيييش تتفاك معايااا كان عليا نقتلك داك نهار

اوسمان: او علاش مادرتيهاش ؟

كوهينور: حيت نقذتيني كان ممكن تجي فيا أحد الرصاصات ولكن ماخليتينيش نمشي و حيت انا كنرد المعروف عطيتك حياتك كادو م عندي ولكن ماتستاااهل حتى حاااجااا هانتا رجعتي لفعايل لكلاب

اوسمان: امممم كيعجبني نلعب بزاااف و انا حلفت ندمك على ارواح الأساتذة لي ماتو

كوهينور: (كتحددو) جنيتي على راسك دابا هانتا غادي تشوف شنو ندير (رافعة صبعها فاتجاهو ) تسناني (مشات كوهينور خارجة من الجامعة ركبات فطوموبيلتها و بقات كضرب تماك و كتبكي حسات بالإهانة و عرفات راسها بلي تفضح سر الزوبير حيت كانت معجبة بيه و طلع بنت فأكيد حسات راسها بحال ليزبيانة حركات الطوموبيل و ما توقف غير حدا البنت لي كانت مع اوسمان و اعتارفات بحبها ليه و صوراتهم كوهينور ..عطاتها إشارة و طلعات )

البنت: وي شنو بغيتي

كوهينور: (فتحات الفيديو قدامها ) شنو بانلك

البنت:(بارتباك ) شنووو بغييتييي

كوهينور: بغيتك معايا فواحد لبلان انا غادي نزور هاد الفيديو و انحذف منو اللقطة لي صدك فيها اوسمان و غادي يبان الفيديو بحال الى هو لي تحرش بيك و نتي اتمشي تشكي بيه

البنت: و علاش اندير هادشي

كوهينور: حيت ماخلاكش دوزي الامتحان و زيد عليها الى مادرتيش هادشي لي قلتلك غادي نشر هاد الفيديو و غادي تشوهي و تطردي من لفوق

البنت: موافقة فوقاش نبدأ

كوهينور: غدااا و تسنانيني انعطيك الفيديو

البنت: واخا (هبطات البنت)

انطالقات كوهينور لجهة البحر و خرجات كتشم الهواء و قلبها كيغلي كتحس بلي كاع هادشي لي كيوقع ليها غير بسباب الثقة ديالها ف حنان …شعلات كارو و بدأت كتكمي و كتبرد فيه جنونها لعل و عسى تنطافئ هاد العافية لي فقلبها …

لعل و عسى تنطافئ هاد العافية لي فقلبها …

في أمريكا و بضبط عند فهد لي انتاقل من اوطيل لدار صغيرة و لكن مجهزة و زوينة عايش الكآبة ديالو من نهار مشات حفيظة كأنها خدات ديك الشمس لي كتنور ليه حياتو فقط كيحاول انسى فالنعاس و لا الشراب و لكن شوقو مكيخليهش ديما فاتح تيليفونو كيشوف تصاورهم و كيتفكر كل حاجا دوزوها كان ناعس حتى كيصونيلو تيليفون

فهد:(كيهضر بثقالة) الوو

المنتج: طوني ديك البنت لي كانت معاك فالمالديف بغيت نمرتها ضروووري

فهد: بنت ؟(حال عين و ساد عين و ناض كيقاد فالجلسة) اشمن بنت

المنتج: هاديييك لي غناات اصاحبي فالباخرة

فهد: ااااه مالها

المنتج: صوووتهااا دار بووووم و بغيت ندير ليها فيديو كليب

فهد: واش كتهضر بصح ولا كتقشب

المنتج: واش هادشي فيه الضحك عطيني نمرتها

فهد: (حل عينيه مزيااان او بدا كيبتاسم ) هي ماكايناش فامريكا راه رجعات للمغرب و انا انمشي عندها نجيبها

المنتج: اذن انحجز ليك على اول طيارة

فهد:(ناض كينقز) انااا انمشي دغيا نجيبها هههه شووف قول للصحافة انمشي للمغرب اوكي يالاه باي

ناض فهد كينقز و الفرحة رجعات ليه لقلبو كيجمع حوايجي و كيضحك و اخيرا اشوفها و بغا الصحافة تعرف بالذهاب ديالو للمغرب باش تسمع حفيظة الخبر و تلاقا بيه ….

في المغرب من بعد مارتاحت حنان و تحسنات حالتها شوية دخل عندها سراج و شاكمة و حفيظة و جلسو عندها

سراج:(باس يديها ) الحمد لله على سلامتك

حنان: الليسلمك

شاكمة: عرفتي شحال خلعتينا علييك وا بزاااف

حنان: هه دازت بيخير

حفيظة: واش مكتقدريش تنوضي

حنان: كنقدر شوي غير ماشي بزاف

سراج: شووفي رتاحي ليا مع راسك باش تشافاي دغيا

حفيظة:(غمزات شاكمة باش اخرجو ) اوا حنا انمشيو دابا

حنان: فيين اتمشيو

حفيظة: انمشي للجامعة و بغيت شاكمة اوصلني

شاكمة: اه داكشي

حنان: اوكي تهلاي فراسك

خرجات حفيظة و شاكمة و بقات حنان مع سراج لي كيحاول اهضر معاها

سراج: (شد ليها يديها) خفت عليك بزاف

حنان:(حيدات يديها من يدو) ماشي شيحاجا كبيرة

سراج: منين اتخرجي منهنا شنو ناوية ديري

حنان: انرجع للكاريان

سراج: لا نتي ماغاديش ترجعي لحتى بلاصة نتي اتمشي معايا

حنان: فين انمشي معاك بالسلامة

سراج: حنان راني اعتارفت ليك بشنو كنحس و مابغيتش نخسرك

حنان: مابغيتش نهضر فداكشي و خاطيني داك تخربيق

سراج: فين العيب ؟

حنان: العيب فيا انا ماشي ديال الحب ولا زواج ولا اي حاجا باغيها نتا انا كنعرف حاجا وحدة هي نتقاتل انا ماشي بنت انا راجل

سراج: ههه هانيا الآلة انا نرضك بنت

حنان: انا عندي مسؤوليات ماعنديش وقت لبحال هاد التفاهات

سراج: تفاهات؟ دابا الحب كيجيك تفاهة ولا قلبي كيجيك تفاهة

حنان: ماقصدتش داكشي ولكن ماغاديش ندير شيحاجا ماباغياهاش

سراج: اوك عطيني فرصة و انا مازربانش فكري على خاطر خاطرك

حنان: واخا حتى نفكر

سراج: نخليك ترتاحي دابا

حنان: ممكن تخرجني للجردة شوية

سراج: ولكن نتي مازالة مريضة

حنان: عفاك راني مليت

سراج: اوك (عيط للممرضة) عاونيني نخرجوها

الممرضة: حاضر

بداو كيعاونو حنان حتى ناضت و كتمشي خطوة خطوة حتى هبطات من الدروج و سراج شادها و الممرضة شادة السيروم حتى وصلو للجردة و جلسوها فكرسي

حنان: كوهينور ماكايناش

سراج: ماتلاقيتش بيها هاد نهار

حنان: خصني نهضر معاها

سراج: بلاتي على هادشي

حنان: و المعتصم؟

سراج؛ (بقا ساكت عاد هضر) عندو الخدمة مكيجيش لهنا بزاف

حنان:(لمحات داك الكارد لي كان دخل عندها ) سراج ممكن تجيبلي شيحاجا لبسها بردت

سراج: على رأس و العين (مشا )

حنان:(حيدات سيروم من يدها و ناضت بدرع و هي كتوجع لعند الكارد) بغيتك تديني عند الزنبقة

الكارد؛ مايمكنش ليا (كيشوف فجنابو ) كيما كتشوفي الحراسة مشددة

حنان: اوووف و فوقاش انخرجوه

الكارد : الليل نخرجوه

حنان: واخا (رجعات حنان لبلاصتها حتى جا سراج)

سراج: (كيغطيها) شكرا

حنان:(كتقاد فالسيروم )

سراج: علاااش حيدتيه

حنان: قنطني

سراج: ولكن راه خاصك ديريه ماتحيديهش

حنان: انا بيخير و كنقدر ندير كولشي بوحدي

سراج: نتي راك مامصنوعاش من الحديد خلي ناس اعاونوك

حنان: عمر عاوني شيواحد داكشي باش ولفت

سراج: اوكي على خاطرك

فهاد الاثناء وصلات كوهينور للقصر و دخلات لمحات سراج و حنان و مابغاتش دوي معاهم توجهات نيشان لبيتها

حنان: انا خاصني ندوي معاها

سراج: قلتلك ماشي دابا

حنان: لا دابا (ناضت بشوية عليها كتمشا و سراج شادها حتى طلعو لفوق و دقات فبيت كوهينور و دخلات كتشوف فيها و كتحاول تقوي راسها باش نهضر ) ممكن نهضرو

كوهينور:(كانت عاطياها بالظهر او ضارت عندها ) الزوبير ؟؟ امتى تشافيتي دغيا هادشي عندك

حنان: كوهينور انا ماقصدتش…

كوهينور:(علات النبرة ديالها ) لالاااااك كوهينووور

حنان:(هبطات راسها ) لالة كوهينور انا ماقصدتش نكذب عليك انا ..

كوهينور: و كذبتي عليا خليتيني حتى درت الثقة فيك و طلعتي بحالهم(تغرغرو عينيها بدموع) شنو درتلك باش تجازيني هاكا

حنان: كنحلف ليك كاع داكشي لي قلتلك كان بصح كنقسم ليك بالله بلي كذبت غير فأنني بنت ماشي ولد اما كاع داكشي لي قلتلك كان بصح سمعيني عفاااك (طاحولها دموع)

كوهينور: وشكون شاف تقدري تكوني مخبية حوايج أخرى او اتصدميني عاوتاني

حنان: انا راه ماعنديش واليدين لي يحنو فيا من نهار عقلت على راسي و انا كنتقاتل فالكاريان باش نعييش و نعيش ختي ماقصدتش نكذب عليك و لكن راني كنت محتاااجة لهادشي

كوهينور: علاااش ماصارحتينيش فالأول علاااش اذن كان فيك الدغل

حنان: خفت تقتليني و تقتلي ختي خفت بزااااف

كوهينور: لهاد الدرجة انا مانسواش فنظرك؟

حنان: ماشي هكك قصدت

كوهينور:(حبساتها) بااراااكا سمعت بما فيه الكفاية مابقيتش بغيت نعاود نشوفك

حنان: كوهينور

كوهينور: رااااني هضرت معااااك منهنا الليل مانشوفكش فداري مابغيتش نعاود نشوف وجهك

حنان: على خاطرك و سمحيلي (خرجات حنان مكسورة من بيت كوهينور مابغاتش تبكي و كتحبس دموعها شافت فسراج لي علامات وجهو باين سمع كولشي عاونها ترجع لغرفتها باش ترتاح و خرج بحالو اما هي اتاصلات ب حفيظة)

حنان: حفيظة سمعيني بغيتك تجمعي حوايجي و حوايج او بقاي فدار حتى نجي

حفيظة: اويلي علاش

حنان: حتى ليل و تعرفي ولكن صيفطي شاكمة عندي فليل باش ياخدني منهنا

حفيظة: واخا كيما بغيتي ..

قطعات حنان الخط و غطات راسها بليزار طالقة العنان لدموعها بكااات بحرقة بدون صوت فقط كتبكي و كتلوم راسها مسحات دموعها و كتفكر كيفاش اتخرج الزنبقة من هنا خصوصا و أن الحال بدا كيظلام و انها غيرات رأيها فالأول ماكانتش اتساعدو ولكن شيحاجا كتقولها عاونيه لذلك ادير اي حاجا باش تعاونو …

وصل الليل و حنان ناضت جمعات الوقفة كتستاعد تمشي عند يوسف تعاونو حتى كيطلع عندها الشاكمة ..

حنان: جيتي

شاكمة: وي حيت و خاص نخرجو دغيا

حنان: علاش اش واقع

شاكمة:….

كان فالصالة لتحت معتصم هو و بنتو و سراج جالسين كيهضرو شوية ليكارد دخلو الزنبقة للقصر و هوما شادينو و خلاوه يركع

معتصم: أجلك وصل

الزنبقة: هههه ماكانش مقنعك داك الحبس لي حطيتيني فيه

معتصم: الحبس غادي ترجعلو ولكن اتكون جثة تتعفن تماك

سراج: حطيتي راسك فشيحاجا كبيرة عليك

الزنبقة: ماشي الزنبقة لي كيخسر

سراج: خسرتي و سالات القصة

معتصم:(عطا المسدس لكوهينور) نتي لي غادي تقتليه

كوهينور: لا مابغيتش

معتصم: انا كنآمرك ماشي كنتشاور معاك نسيتي بلي كان ايقتلك

كوهينور:(شدات المسدس و كتشوف فالزنبقة )

الزنبقة: بنت عمي الزوينة انموت ليوم على يدها هههه

كوهينور: (مصوبة فاتجاهو المسدس ) كون تلاقينا فظروف افضل من هادي كان يكون افضل

الزنبقة: كووولشي بسباب باك و مازال كيكدب عليك فشحال من حاجا

معتصم: كووهينوور قتليييه و هنيينا

…..

حنان: وااااش دابااااا عاد كتقولي هادشي تفوووووو تعطلتي

شاكمة: شنووو واقع فهميني

حنان: الزنبقة ماغاديش يموت فهمتيها

شاكمة: علاش

حنان: انا انعتقو شوف الشاكمة نتا قلب على منين تقطع الضو فالقصر بسرعةةةة

شاكمة: وا ولالااا منقدرش

حنان: تييق بيا عفاااك منين تقطع الضو خرج من لقصر و سير نيشان لعند حفيظة بقا معاها

شاكمة: و نتي

حنان: ماتخافش علياااا

خرجات حنان ببطئ لتحت و شافت نفس الكارد ووصاتو يوجد طوموبيل حيت اتخرج يوسف من القصر من خلال الباب لوراني و مشات هي للصالة غير بشوية و شافت فالزنبقة لي ايضا شافها حتى هو و بقاو كيتفاهمو غير بالعينين شوية قالتلو الضو غادي يتطفا بلغة الشفاه و هو فهمها و بقا كيضحك

معتصم: وا قتليييه

كوهينور:(يديها كيرجفو)

معتصم:(حيدلها المسدس ) انااااا غادي نقتلو

فجأة تقطع الضوء من لقصر و الزنبقة جبد موس من صباطو و ضار كيضرب ليكاردكور

كوهينور : اش واااااقع هنااااااا شكوون طفا الضو

حنان كانت تابتا بلاصتها حتى كتحس بشي يد جراتها و غادية بيها

الزنبقة: تسنيتك بزاااف باش تفيقي

حنان: فييين غادي خاص ندوزو من باب لوراني راه طوموبيل كتسنى

الزنبقة: غير تحركي

خرج الزنبقة من الباب لوراني و كيجر حنان لي خطواتها تقال شوية هزها و كيجري حتى وصل لطوموبيل

حنان: (هبطات) صافي سييير

الزنبقة: فيين انمشي بلا بيك ؟؟؟

حنان: خاصني نمشي لبلاصة أخرى سييير نتا قبل مايجيييو

الزنبقة: مااااغاااديييش نخليييك هناااا تحركي

حنان:(كتوجع فظهرها ) واخا

طلعات حنان لطوموبيل هي و الزنبقة و كسيرا الكارد نحو دار الزنبقة ..

الزنبقة: (لاحظها كتوجع) مالك

حنان: كنتي كتجر بحال الى كتجر فعدووك اخووياااا ها جرحة تحلات و عاااطياااني لحرييق

الزنبقة: قربنا نوصلو للدار و انداويك

حنان: خاصني نمشي لداري

الزنبقة: من بعد

حنان: قلتلك بغييت نمشي بحالي

الزنبقة: هضرتي ماكنعاودهاش جوج مرات كتسمعي

حنان: ولكن…

الزنبقة:(غوت عليها) راااااني هضرت سكتييييي

حنان:(تنفخات و قلبات وجهها لجيهت السرجم و هي كتوجع ماحاملاش هاد لبلان)

في القصر عند الموقاديري رجع الضوء و سراج طلع ديريكت لبيت حنان حلها و مالقاهاش

سراج: حنااان فييينك (هبط من بيتها ) مالقيتش حنان و الزامل هرب عنداك يكون خطفها

كوهينور: لا راه انا لي طردتها مابقيتش حاملة نشوف وجها

معتصم: ولد الكلبة لعبها صح و لكن دابا تجييبوو ليااام فيدي

سراج:(كيصوني لشاكمة) الووو معاك حنااان

شاكمة:(كيبلع ريقو) اه راه قبيلة قالتلي نجيبها من لقصر

سراج: عطيني نهضر معاها

شاكمة: رآها ناعسة حيت عيانة نفيقها؟

سراج:(ارتاح نسبيا) لا بلاش خليها ترتاح انا غدا نجي عندها يالاه باي

….

شاكمة:(قطع و هو كيمسح لعرق من الجبين ديالو ) موووشكيييلة هادي

حفيظة: شنو واقع و فين حنان

شاكمة:(مابغاش إعاود ليها) احم دابا يجيبها سراج

حفيظة: اه اوك

….

وصلات الطوموبيل د الزنبقة لدارو لي كانت عبارة عن فيلا سوداء كولها

الزنبقة: هبطي

حنان: (عرقات و سخفانة) ماقادراش

الزنبقة: (هزها عندو و داخل بيها ) سمحيلي حيت هادي اقرب دار لقيتها مرة أخرى انديك لدار الرسمية

حنان: كنتوجع ظهرييي

الزنبقة : صبري شوية (دخلها لبيتو نعسها على النمووسية و مشا بسرعة جاب علبة الإسعافات الأولية ) خاص نحيد ليك حوايجك

حنان: لا امممم عفاااك ديني لداري (كتغيب )

الزنبقة: (كيحاول معاها خصوصا انه عمرات النمووسية باالدم ) سمحيلي (ناض جاب مخدر و دارولها على نيفها غيبات على الاثر ديالو و هو عاد صلاحلو اداويها اول حاجا دار جردها من الملابس ديالها خلاها زبطة و وقف كيشوف فيها ) هازة ماهاز قلبي (نعل الشيطان واخا وصلات بيه للعظم) اوووف شحال صعيب هاد الاختبار واهاني قيمت دابا ناري و كون جيتيني فشي لحظة أخرى مانفلتكش (مشا سخن موس و حطو ليها على الجرحة حس بيها كتوجع و كتعرق ولكن كان خاص باش احيد ليها السم و قطع الخيط دخلو فالابرة و بدا كيخيط الجرح حتى داواها و دارلها فاصمة و ناض غطاها بليزار على المفاتن ديالها و هو كينهج ) اوووف ياربي اش هاد العقوبة كنت نصبر على العذاب لي كان داير ليا معتصم و مانصبرش على هادا … طايتها منحوتة صدر واقف و ليهونش و الطرمة و زيد عليها زوينة كتفتن بالزين اوووف (خرج من ديك البيت قبل مايدير شي موصيبة اندم عليها مشا للدوش جرد حوايجو من الملابس و بدا كيدوش. و خرج كيداوي الجروح ديالو هو ايضا و لبس حوايجو و مشا لعندها جلس فكرسي و شاد كأس نبيذ فيديه كيشرب و كيشوف فيها حتى داه نعاس على الكرسي ولكن هو ماناعسش راه حاضي جنابو خايف اوقع شي هجوم و لا هي تحتاج شيحاجا حتى صبح صباح جديد فاقت حنان بشوية عليها كترمش عينيها و مازالة كتألم حتى وعات على رأسها و ناضت كتشوف فين هي لقات راسها زبطة لوات عليها ليزار و هي كتشوف فالزنبقة بنوع من الصدمة و الخوف.)

حنان:(وقفات بشوية عليها كتمشى)

الزنبقة:(كان ناعس حتى هضر و هو مغمض عينيه) رجعي بلاصتك

حنان:(تسمرات بلاصتها ) خرج منهناااااا

الزنبقة:(وقف و مشا قبالتها) علاش

حنان: (خنزرات فيه) حيدتيلي حوااايجي كااااملهم شكوون عطااك الحق و زايد كتقابح

الزنبقة: (ضور عينيه) راني داويتك مايمشيش عقلك بعيد

حنان: واخااا هكك (خفضات صوتها حتى لا يكاد يسمع) شفتي شيحاجا؟

الزنبقة:(ابتاسم تحت القناع ديالو) راه كنشوف شحال من بنت عريانة راه ماعندكش شيحاجا جديدة على لبنات

حنان: هاااادا رآه الجسم ديالي مكنهضرش على وحدة اخرى

الزنبقة: صافي سكتينا راه كنسى دغيا (مشا خارج من الغرفة) انمشي نوجد لفطور سيري لبسي دوك لحوايج لي لبست ليك راهم فالدوش

حنان: (كتعصب راسهااا ) تفوووو على موقف تفو

مشات حنان دخلات للدوش لبسات حوايجها عبارة عن دوبياس كحل و قبية كحلة و سروال كحل و هبطات بشوية عليها حتى وصلات لتحت لقات لفطور واجد فوق الطبلة و جلسات كتاكل حتى جلس قبالتها الزنبقة

الزنبقة: (كيشوف فيها ) ياك قلتلك بعدي من المشاكيل لاش كنتي مع كوهينور حتى جات فيك الدقة؟

حنان: كتابت ماعندي ماندير

الزنبقة: مرة أخرى غادي نقتلك و مايجيب حد خبارك

حنان: ياك نسيتي بلي عتقتك

الزنبقة: تعطلتي بزاف و كون زدتي تعطلتي غير شوية كنت انموت

حنان: شوف اعشيري عتقتك و انا ماشي مجبرة على داكشي

الزنبقة: سولي راسك هاد السؤال علاش عتقتيني

حنان: انا صاحبت كوهينور و مابغيتش المشاكل لهاد العائلة مرة أخرى إلى طحتي فيديهم ماغاديش نعتقك

الزنبقة: انا لي بغيتك تعتقيني

حنان: مادام فيك ديك الخفة كاملها و يالاه طفيت الضو هجمتي على ليكارد قتلتيهم و شفتيني فديك الظلمة و جريتيني علاش كنتي كتسنى مني نعتقك ؟

الزنبقة: انا واخا قتال و مجرم و اي صفة تقدري تعطيهالي ولكن فيا الضمير و مكنآذيش الأبرياء

حنان: الإجرام و الانسانية مكيتلاقاوش

الزنبقة: معاك الزنبقة الفضية شخصيا

حنان: شكون نتا ؟

الزنبقة: شكون نتي لي فوقما كنبغي ندير شيحاجا كتخرجيلي فعودي

حنان: حنا اعداء ههههه

الزنبقة: خصك تختاري يا اما تكوني من الأعداء ديالي او الأصدقاء

حنان: الزنبقة ماعندوش أصدقاء

الزنبقة: تقدري تكوني حاجا أخرى

حنان: ختاريت شحال هادي

الزنبقة: اوك

حنان:(ناضت ) و مرة أخرى مابغيتكش تقرب لكوهينور

الزنبقة:(وقف و قرب منها ) انا و الظلمة مصاحبين (حط مسدس فالخصر ديالها) قولي لصاحبتك تحضي راسها

حنان:(ابتاسمات) غادي تواجهني انا

الزنبقة: علاش ديما كنشوف فعينيك و مكنلقاش الخوف

حنان: و عمرك ماغادي تلقاهم و فايت ليا قلتهالك (بغات تمشي و شدها من يدها)

الزنبقة:انا اكثر واحد عارف العدو من الصديق ولكن نتي ماعرفتش واش عدوتي ولا صديقتي

حنان: انقولهالك من دابا انا فصفهم و هاني حذرتك الى درتي شيحاجا

الزنبقة: كنفضل التهديدات لي كيجيو من التيتيز ههه

حنان:(توردو حناكها) خاص نمشي بحالي الى عرفو هادشي ايقتلوني

الزنبقة: مايمكنش اقتلوك ماعندهومش الحق نتي تحت حمايتي دابا

حنان: اوووف خصني نمشي

الزنبقة: اوكي تبعيني

خرجو ابطالنا من دار الزنبقة و فتح ليها باب طوموبيل ركبات

الزنبقة: شيفور ايوصلك فين ما بغيتي

حنان: شكرا

الزنبقة:(دارلها التحية و انطالقات السيارة و هو متبع ليها العين و نطق بصوت متقطع ) حنان هه

فاقت حفيظة على صوت المنبه باش تمشي للجامعة ديالها دخلات دوشات و لبسات قميجة فالاخضر و سروال اسود و دارت شعرها كعكة و هزات تيليفونها شوية هو اوصلها اشعار دخلات كتقرا لقات بلي واحد المجلة أمريكية كاتبة على فهد انه فالمغرب و جلسات كتقرا عليه

حفيظة: جيتي للمغرب ؟ علاش زعما ؟؟ اوووف (بقات كضور فجنابها و كملات لقراية لقات بلي ناشرين فين كاينة دارو فكازا اصلا فهد عطا هاد المعلومات غير باش هي اقراهم حيت عارفها متبعة أخبار المشاهير …و شافت الساعة لقات بلي تعطلات ناضت بالزربة جمعات الوقفة حلات الباب تخرج لقات حنان قدامها) فييين كنتي

حنان: انا ؟؟ (بارتباك) كنت هنا فين اتكون

حفيظة: كيفاش هنا راك مانعستيش فالدار البارح

الشاكمة:(هضر من موراها ) عاد جابها سراج

حفيظة: سراااااج(كتنغز ختها ) هههههه

حنان: هههه سيري تمشي باسلة

حفيظة: (باستها فحنكها) باااي سيستا

حنان: باي

مشات حفيظة و ضارت حنان عند شاكمة

حنان: عتقتيينييي شكرا

شاكمة:(كيعاونها دخل و جلسها فوق الكنبة ) عاوديلي فين كنتي ياهاد البنت خليتيني مخلوع و سراج لبارح صونا عليا

حنان: شنووو قلتيلو؟

شاكمة: قلتلو ناعسة

حنان: هكك انا كنت عند الزنبقة

شاكمة: الزنبقة؟؟ وااااش هبلتي واش نسيتي بلي هو عدونا

حنان: شششش ايسمعك شيوااحد مابقيتش كنتيق غير بشوية

شاكمة: اش كنتي كديري عندو من امتى كتعرفييه؟؟؟

حنان: ماعرفتش والله ما عرفت دخل لحياتي صدفة وليت كنحس بلي هو مظلوم و خاص نعاونو و لكن من جهة أخرى ماغاديش تخليه اقرب لكوهينور

شاكمة: خصك تعرفي اش كديري الى عرف المعتصم بلي كتعاوني الزنبقة غادي يقتلك

حنان: انا صاف خرجت من هادشي كاملو و خاص نرجعو للكاريان مابقيتش بغيت نعيش فهاد الدار

الشاكمة: صافي؟؟ كولشي سالا

حنان: اه كولشي سالا و انرجعو لحياتنا القديمة …

فالجامعة وصلات حفيظة بالطاكسي يالاه دخلات كتشوف ليطوموبيل د البوليس مجمعين تماك و هي كتسأءل اشنو واقع حتى كتشوف اوسمان غاديين بيه لبوليس ركبوه فالصطافيط و غاديين بيه لمركز الشرطة و هو معصب و كاره راسو دخلوه و جلسوه

البوليسي: نتا متهم بالتحرش الجنسي و التهديد

اوسمان: هادشي كاملو كدوب

البوليسي : البنت لي رفعات عليك دعوة فالمحكمة مكتكدبش و وراتنا الفيديو (شعل الفيديو قدامو كيوريه ) هادا نتا ياك و هاديك البنت هي لي رفعات دعوة

اوسمان: هاد الفيديو ماكاملش انا راه صديتها هي لي كااانت كتحرش بيا

البوليسي : هادشي اتقولو فالجلسة د المحكمة غدا و لكن دابا اتجلس عندنا فالبنيقة

خداو البوليس اوسمان و داوه للسجن و هو معصب و كيضرب فالحيط اما البنت لي رفعات عليه دعوة خرجات من الكوميسارية و هزات تيليفونها متاصلة ب كوهينور هاد الاخيرة لي كانت كتفطر و جاوباتها

كوهينور: شنو كاين

البنت: بقاي على خاطرك كولشي تقاد هه و اوسمان فالحبس و غدا الدعوة القضائية

كوهينور: مزيان بزاف (كضحك و قطعات الاتصال)

معتصم: شفتك فرحانة

كوهينور: فرحااااانة بزاااااف ابابا ههههه (عنقاتو) سمعت اجمل خبر فحياتي

معتصم: الليخليك ديما فرحانة

كوهينور: امييين يالاه نخليك دابا انخرج عندي شي غرض …

معتصم: خودي معاك ليكارد

كوهينور: بلاااش ابابا انا ماغاديش نتعطل دغيا راجعا

توجهات كوهينور بسرعة لطوموبيلتها و انطالقات لمركز الشرطة داخلة كتبومبا و الأرض مش شيلاها ههه مشات عند الكوميسير و دخلات

الكوميسير: آنسة كوهينور مرحبا

كوهينور: شكرا (جلسات)

الكوميسير : شنو حب الخاطر

كوهينور:(كتبتاسم) بغيت نتلاقا مع واحد السيد اوسمان اشهبون

الكوميسير: هاد سيد عاد دخل ليوم شنو السبب حتى بغيتي تلاقايه

كوهينور:(ردات شعرها لور او هي مبتاسمة) حساب قديم صفيناه

الكوميسير: ممكن تعرفو

كوهينور: ههه ماكاين لاش انا انشوفو غير 5 دقايق

الكوميسير: مرحبا

عيطت الكوميسير للشرطي لي كان واقف فالباب و آمرو باش ياخد كوهينور لعند اوسمان و هاد الأخير مكان عليه غير اينفذ توجهات لعندو بكل خطوات واثقة و قلبها كينقز بالفرحة و الغرور و الابتسامة مافارقاتهاش دخلات لعندو و كيفصل بيناتهم قطبان السجن و كتشوفو جالس و حاط يديه مور راسو

كوهينور: تء تء تء تء مسيكيين أستاذي ماقادراش نشوفك فهاد الحالة قلبي الصغير لا يتحمل (كدير بحال الى طاحتلها شي دمعة و غادي تمسحها)

اوسمان: (ناض كيجري لولا القطبان الحديدية لي منعاتو مكرهش اخنقها بيديه) قودييييييي منهااااااااا ماااانشووووفش طاسيلتك بنت القحبة

كوهينور: ههههههههههههههههه قلت ليك ماتلعبش معايا و انا مكنتش كنضحك

اوسمان: نتيييي مووورااا هاااادشي

كوهينور: غادي ندمك على كل حاجا درتيها فيااا و كوهينور الى حطات شيواحد فراسها الليرحمووو ولكن نتا اسي اوسمان غادي نقتلك بشوية بشوية ههههههه

اوسمان: الحق آيبان و غادي نخرج منهنا و انددددمكككك

كوهينور: كنواااعدك بلي ماغاديش نخليهم ادخلوك الحبس و لكن اتخسر خدمتك و كل درهم عندك فالكونط باش تحس بطعم الخسارة و الإهانة كيف دايرة

اوسمان: اندددمكككك اكوووووهينوووور انقتلللللك

كوهينور: تشاو احوبيييي ههههههه (خرجات كضحك من عندو من بعد ما طفات الغليل ديالها و خلاتو كيغلي بالاعصاب و شكرات الكوميسير و خرجات من مركز الشرطة باغا تتوجه لطوموبيلة ديالها فإذا ب سيارة سوداء ضخمة كتفتح بابها و كيخرجو رجال مختاطفينها و كسيرات السياااارة بسرعة و هي كتغوت) طلقووووو منيييييي شكووووون نتووووما بعدوووو منيييييي

….عطيها حقنة مخدر باش تنعس

….واخا (عطاها أحد الرجال حقنة و هي كتغوت و تنتر حتى شوية بشوية كترخا و الصورة كتضبب فعينيها حتى غيبات )

فمكان آخر فبرا لمدينة و بالضبط فمستودع مهجور كان جالس حاط رجل على رجل من بعد ماوصلو نجاح المهمة و قام باتصال المعتصم…

المعتصم:(كان جالس فالبيرو ديالو حداه موحى كيعطيه أوامر ادير شيحاجا حتى كيجيه اتصال من مجهول) الو

الزنبقة: شنو تختار كوهينور ولا الكوهينور

معتصم:(ناض من بلاصتو) الزنبببققققة شنووو باااغي

الزنبقة: بغيت الكوهينور

معتصم: هي لي عمرك تحلم بيها

الزنبقة: اوكي اذن نحلم ببنتك ياك ؟

معتصم: اش كتقصد مااالها بنتي

الزنبقة: تارارارا خطفتها هههههههههه

معتصم: (ضارت بيه الدنيا بغا يموووت ) بعددد على بنتيييي بعد علىىىىى كووووهييينوووور (شتت داكشي لي كان فوق البيرو و موحى شادو) اقسم بالله و توقع ليها شيحااااجاااا اندمك

الزنبقة: عمي واش لهاد الدرجة كظن بلي انقدر نآذي بنت عمي نوووو هادشي ماشي فعايلي انا فقط غادي ندير معاها حسن الضيافة غادي نغتاصبها و تقطعها طراف طراف و نلوحها للكلاب صاافي

معتصم: يوووووسف ماااااادييير وااالووو انقتلللك

الزنبقة : ماتهددنييييش اولد القحبة حيت عااااارفني ندير اي حاجا

معتصم: شنووو بغييتييي

الزنبقة: كان ممكن ندخل لقلب دارك و نسرق الكوهينور بكل سهولة ولكن بغيييتك نتا لي تعطيهالي ههههههه انخليك تحس بالذل فكل دقيييقة (قطع)

معتصم: الووو الووو (ضار عند مووحى) ايقتليييي كوهينور ايقتلي بنتي خااااص نعتقهااااا

موحى: عفاااااك تهدن اسيدي اكووون خبير

معتصم: (كيرجف) حنااان هي هي اتعتقني (مشا كيزرب )

اتاجه معتصم بسرعة لدار حنان هاد الاخيرة لي كانت كتهبط ليفاليز باش ارجعو للكاريان

حنان: جمعتي حوايجك

شاكمة: واه جمعت كولشي

حنان: مزيان انرجعو للكاريان و نصوني على حفيظة نقولها تبعنا لتماك

شاكمة: يالاه زيدي

خرجو ابطالنا مع لباب شوية و هي توقف طوموبيل ديال المعتصم هبط منها بسرعة كيزرب نحو حنان

معتصم:(كتقطعلو الهضرة و صوتو باح كأنه ايبكي ) بنتي بنتي غااادي تموووت

حنان:(شاداه و مخلوعة) سي معتصم ماالك اش واااقع

معتصم : كوووهينوور خطفهاااا الزنبقة و غادي يقتلهااااا

حنان: شنووو امتى وقع هادشي

معتصم: عتقيلي بنتي احنان عفاااك (بغا يركع) عفاااك راه ايقتلي بنتي

حنان: سي معتصم نووض عفاااك ماتخااافش انلقاو كوهينوور

معتصم: غااادي يقتلهاااا

حنان: تهدن يالاه ندخلو لداخل (كتجرو حتى دخلو للدار و جلساتو فوق كرسي) هادشي مامزيانش لصحتك

معتصم: انا بغيت غير بنتي

حنان: علاااش خطفها

معتصم: بغا الجوهرة

حنان: عطيهااالووو

معتصم: نعطييلووو كولشي غيير يردلي بنتي

حنان: ماتخافش اسي معتصم انا غادي نعتقها

معتصم: يالاه معايا لقصر بقاي تماك بلاش ماتبقاي هنا هناااا كاين خطر نخاف اوصل ليكم الزنبقة عفاااك قبلي تمشي للقصر

حنان: واخا صافي انجي للقصر غير تهدن

معتصم: (كيبكي) كيفاش انتهدن عندي بنت وحدة بغا يحرمني منهااا

حنان: تيق فيا ماغادي يدير ليها حتى حاجا مادام الجوهرة عندنا غادي نعطيوهالو و يعطينا كوهينور صافي

معتصم: ان شاء الله

موحى: يالاه نمشيو اسيدي للقصر ماجبناش معانا الحماية

معتصم: واخا (ناض و هو يتلفت شاف ليفاليز) شنو هادو

حنان: كنا راجعين للكاريان

معتصم: لا نتوما ماغاديش نرجعو لتماك موووحى هز ليفاليز ايمشيو معانا

موحى: واخا اسيدي

معتصم: يالاه

حنان:(كتشوف فالشاكمة) نمشيو؟

شاكمة: اه

ركبو فالطوموبيل فاتجاه لقصر دخلو و كل واحد اتاجه للغرفة ديالو و ايضا الخدامة ورات الشاكمة بيتو لي كان جنب حنان هاد الاخيرة لي كانت جالسة فالنموسية ديالها و معصبة كرهات الزنبقة فهاد الخصلة لي دار و كتحس براسها هي السبب كون ماعتقاتوش ماكانش ايوقع هاكا

…فالمستودع كانو رجال الزنبقة مدخلين كوهينور لي سخفانة جراء الحقنة لي عطاوها جلسوها فالكرسي ربطو ليها رجليها و يديها و الزنبقة جالس فكرسي قبالتها عطا إشارة لرجالو و خواو عليها سطل ماء بااارد فاقت على الاثر ديالو كتحل عينيها بشوية كتشوف فجنابها حتى توضحات ليها صورة و كتشوف فالزنبقة قدامها

كوهينور:(كترجف) فيين انااا اهئ اهئ علاش جبتيني لهنا اش بغيتي عندي

الزنبقة: صباح الخير كتكوتا نعستي بزاااف

كوهينور: طلقني خليني نمشي بحااالي اهئ اهئ الى عرف بابا بهادشي غادي يقتلك

الزنبقة:(ناض بزعاف ضرب الكرسي لي كان جالس عليه برجليه و شد الفك ديالها فصبعانو) اقتلنييي هههههه باك غير زامل كيعرف للغدر و كيتقنو فعايل رجال مكيعرفش ليهم و حيت مكيعرفش ليهم قررت نخدم معاه بنفس طريقتووو

كوهينور:(كتوجع) علاااش اهئ اهئ انا اش درتلك علاااش كتعاقبني انا مكنتش اصلا عارفة بلي عندي ولد عمي و مكنتش عارفة بداكشي لي وقعلك اهئ اهئ حتى فاش آمرني بابا نقتلك ماقتلتكش

الزنبقة:(جابولو رجالو الكرسي و رجع جلس مقابلها و عطا إشارة لرجالو اخرجو ) بغيت الكوهينور

كوهينور: لااا اهئ اهئ ماتاخدهاش مني عفاااك هاداك تذكار من ماماااا

الزنبقة: هاد باك شحال عزيز عليه لكدوب الكوهينور هي ملك أكبر تاجر مجوهرات و مافيوزي فالعالم و هي كانت فيدي باش كنقدر نتحكم فيه و نخليه تحت أمري ولكن بسبب الخيانة ديال سراج و باباك قدرو اطيحوني فمكيدة كبيييرة و سرقو الكوهينور و باك خلاهو عندو و ختالق ديك القصة

كوهينور: اهئ اهئ ولكن راه عندي معاها ذكريات

الزنبقة: الكوهينووور بمثابة قنبلة فأي لحظة اطرطق على مولاها و ديك الجوهرة كتشكل خطر على باك لأن داك التاجر ديال المجوهرات كيسعى ليها بأي الطرق و فأي لحظة اقدر اوصل ليها و يقتلك لا نتي لا باك

كوهينور: مادام هي بهاد الخطورة علاش بغيتيها

الزنبقة: حيت انا الوحيد لي مايقدرش يآذيني ههههه الزنبقة ماشي ساهل و الى رجعاتلي الكوهينور انا لي غادي نتحكم فيه

كوهينور: شكون هادا

الزنبقة: مكنعرفوش و معمر شيواحد شافو و هنا كتكمن الخطورة ديالو

كوهينور: بابا ماغاديش يعطيهالك

الزنبقة: اذن خصو افرط فيك

كوهينور: بااااباااااا مكيفرطش فيااا و هو ايلقااااني و ايقتلك

الزنبقة: اوكي حلمي (ناض بغا يمشي )

كوهينور:(وقفاتو كتغوت) فييين ماااشي ماتخليينيييش هناااا

الزنبقة: (ضار عندها) انمشي بحالي

كوهينور: و انا؟

الزنبقة: اتجلسي هنا حتى نشووف واش نقتلك ولا نخليك تمشي بحالك (مشا خرج )

كوهينور: رجاااااااااع ماتخلييينييييش هناااااا اهئ اهئ حراااام عليييك بغييت نخرج منهنااااا

بقات كتغوت و صدى صوتها كيتردد فأركان المستودع و الظلام يسود المكان و أصوات الفئران خافت بزاااف و كتبكي و كتمنى شيواحد اعتقهااا لأنها بصح فحالة يرثى لها …

فقصر الموقاديري كانت حنان على نفس الوضعية حتى هزات تيليفونها صونات على ختها باش تقوله تجي

حنان: حفيظة اجي راه الحال بدا كيمشي

حفيظة: ختييي اوسمان جاو لبوليس خداوه

حنان: كيفاش خدااوه؟؟ فين خداوه

حفيظة: مااانعرف اش واقع ولكن لي سمعت بلي تنشر خبر ديال كوهينور بلي ليزبيانة و اوسمان هو لي نشرو و باينة هي سباب

حنان: كوهينور تخطفات

حفيظة: اويلي على تخطفات شكون خطفها

حنان: الزنبقة

حفيظة: خليييهااا عبر علييها برد فيااا خاااطري

حنان: سكتي ماتقوليش هاكا

حفيظة: واش ماشفتيش شنو دارت فاوسمان مسكين

حنان: حنا ماعارفينش واش هي لي دارت هاكا ولا نن المهم اجي دابا لقصر الموقاديري

حفيظة: اش انجي نديير تماك

حنان: قلتلك اجي بلا هاد لفهامات دياولك راه انبقاو هنا حتى ترجع كوهينور

حفيظة: اوكي هاني جاااية

…قطعات حنان الخط و هي جالسة قبالت الشرفة ديالها كتشوف بالي كيظلام الحال حتى رجعات الدنيا مظلمة و السكون فكل الأرجاء و هي تلمح الزنبقة قدامها كيشوف فيها تخطف لونها رجعات معصبة حلات البالكون و بدأت كضرب فصدرو

حنان: كنكرهههكك نتاااااا كدااااااب اش جااااااي ديييير هناااااا خرججججج خرااااااج

الزنبقة:(كيهضر تحت سنانو) حنااان (كيشدلها يديها ) شششش سمعينيييي

حنان:(دفعاتو و شعرها غطا وجهها و هي كتنهج و معصبة) واش هادشي علاش نقذتك؟؟؟ على هادشي خاطرت بحياتي و كولشي ؟؟ هاكا كتجازيني

الزنبقة: كنت مضطر

حنان: طحتي من عيني كاااان كوووولشي فهاد الدنيا كيقول عليك خايب و ماتسواااش و انا بوووحدي لي كدبتهم و قلت بلي عندك ظروف حتى درتي داكشي (كتهضر بشوية) كنت كنشوفك واحد آخر ماشي كيما كيشوفوك

الزنبقة: نتي غالطة (كيقرب منها) انا كيما كيشوفوني هوووماااا قتااال سراااق تاجر مخدرات مافيوزي و كل صفة قبيحة فيا (قرب حداها حتى تقابل معاها عطاها فرصة تشوف عينيه لكوحل عن كثب )

حنان:(هزات يدها حطاتها على قلبو ) هادا كينبض و أنا كنآمن بلي منين كينبض القلب الانسانية كتكون (كتوسلو بعينيها ) علاااش درتي هاكا

الزنبقة: خاصني الكوهينور و كنقسم برب الكعبة الى ماخديتهاش انحرق كل واحد قدامي

حنان: (دفعاتو ) نتااااا مريييض على ود جوهرة تااافهة قتلتي شحااال من روووح و كوهينور اتقتلها حتى هي ؟؟ شنو ذنبها رآها بنت عمك

الزنبقة: مكيهمني حتى واحد من غير الجوهرة

حنان: اقسم بالله و توقع لكوهينووور شيحاااجاااا انقتلك حيت بصح مكتستاهل حتى حاجا مني انا لي مانسواش تقت فيك و درت حاجة عمر شيواحد كان كيفكر اديرها

الزنبقة:(شدها من كتافها و زدحها مع الحيط حتى شهقات و حلات عينيها و هو قريب ليها ) انا مكنسى حتى واحد دار معايا زوين و نهار قلتلك نتي فحمايتي مكنتش كنكدب راني بصح هضرت

حنان: واحد نهار اتقتلني حتى انا

الزنبقة:(طلع يدو جيهت الماسك لي داير و حيدو شوية من ناحية شنايفو و تبسم ليها خلاها كتشوف ابتسامتو اول مرة و ماحسات براسها حتى جمع ليها شنايفها بقبلة فرنسية كيتبننهم و هي تصدمات بقات مبلوكية مادارت والو و هو كيزيد اقبل فيها و مستمتع حتى بعد منها مخلي خيط ديال اللعاب بيناتهم قطعو بصبعو و رد الماسك قادو و هو كيشوف فيها كيفاش مصدومة ) اول مرة؟

حنان:(مازالة كتشوف فيه بصدمة ماقدراتش تهضر)

الزنبقة: (تبسم عارف بلي اول مرة اما ماكانتش اتكون ردة فعلها هاكا ) مازالة كظني بلي انقتلك ؟

حنان:(عمرو عينيها بدموع حتى بانو جوهرة متلئلئة و هضرات بصوت مبورش) درتيها دابا ايوسف

الزنبقة:(كانت اول مرة تنطق سميتو ماحس براسو حتى عنقها ) تيقي فيا كولشي ايكون مزيان

حنان: (ماخرجات من الصدمة د البوسة حتى زادها تعنيقة صافي ترفعات )

الزنبقة:(رجع لور مبعد عليها و بغا يمشي )

حنان:(شداتو فيدو) عفاك رجع كوهينور

الزنبقة:(كيشوف فيديها لي شاداه ) حتى تسالي شغلي

حنان: المعتصم غادي يعطيك الجوهرة غير قول لينا فين بغيتي نجيبوهالك عفاك غير متآذيهاش

الزنبقة: اوك

حنان: صافي تواعدني

الزنبقة: كنواعدك يالاه تصبحي على خير

خرج الزنبقة من بيت حنان لي قلبها كيضرب و ايخرج من بلاصتو مامتوقعاش اش وقع صافي لبنت ذااابت و كتفتف بوحدها سخانة طلعات ليها و كترجف باسها و عنقها على شوية يكويها وهي ماجايبة لدنيا خبار

اما هو فكان خارج من بيتها تالف نقز السور و ركب طوموبيلتو سايقها بسرعة حتى بعد و هو يوقف كيتفكر اش دار و كيندم فراسو

الزنبقة: علاااش قريتي ليها علااااش وااياااك تعاود تفكر فشي وحدة ايوووسف كلهم غدارات كلهم صحاب حاجتهم كيبينو ليك وجه و فالتالي كيعطيوك وجه (سكت شوية و هو ينطق اسم المرأة لي دايرالو حرقة فقلبو و عمرو انسى الفعلة لي دارت) فيرووز كنكررهههك كنكرهك (نفض الزنبقة دوك الأفكار من راسو منبعد مابقا شوية فحالة صمت و تاجه لدارو باش ارتاح )

..دخلات حفيظة للقصر لقات الدعوة ساكتا اتاجهات نيشان لبيت ختها و فتحات لباب بلا مدق لقات حنان فنفس الوضعية منين مشا الزنبقة

حنان:(خنزرات فيها) فيين تعطلتي

حفيظة: بسملاه عليك عاد جيت

حنان: اوووف سيري لبيتك تنعسي دابا

حفيظة: وااالااا(جلسات حداها) عاوديلي كيفاش تخطفات و علاش جينا لهنا ؟؟؟

حنان: حنا انجلسو هنا سي معتصم رغبني نعتقلو بنتو و انا مقدرتش نردهاليه فوجهو

حفيظة: ايييه هي تعيرنا و تسبنا و باها اجي يبكي و يشكي

حنان: بقا فيا نتي ماشفتيش الحالة لي كان واصل ليها

حفيظة: ماعندي مانشوف

حنان: و الليرضي عليك سيري دابا لبيتك

حفيظة: واخا

خرجات حفيظة متاجهة لبيتها دخلات لقات ليفاليز ديالها بدلات حوايجها و فتحات بي سي ديالها كتبقشش على فهد فديك الباج والمشاهير عرفات دارو و كولشي المعلومات و ماكرهاتش تمشي عندو و لكن الأوضاع متوترة هاد الفترة و قالت بلاش بقات كتفكر اللحظات لي جمعاتهم بجوج و فالوشم و القبلة لي خدات من عندو قلبها بقا كيضرب بزاااف و ايضا هو لا يقل عنها كان جالس فدارو هادا نهار باش جا وسرب كاع المعلومات عليه باش هي تشوفهم و لكن الخبر ديالها مقطوع و هو تعصب ..اصلا جا على قبلها ماطاوعوش خاطرو اخليها بقا كيشرب القهوة ديالو و كيكمي حتى برد غدايدو عاد ناض انعس …فالبيرو كان جالس معتصم هو و موحى كيهضرو و يخططو

موحى: و دابا اسيدي بصح اتعطي الجوهرة للزنبقة

معتصم: بنتي كاينة فالوسط يا اما نعطيهالو يا اما لا

موحى: عندي ليك حل اسيدي شنو بانلك تعطيه جوهرة مزيفة و فنفس الوقت حنان اتنقذ كوهينور و اتجيبها و تخويو لبلاد لبلاصة بعيدة على الزنبقة

معتصم:(كيبتاسم) ماعندي مانتسالك اموحى هادي خطة واعرة و غدا غادي نوصي على جوهرة مزيفة كتشبه للكوهينور و انخدع الزنبقة

موحى: و سراج واش ادخلو فهادشي

معتصم: بلاش نخليوه بعيد حسن

موحى: كنظن الزنبقة مازال متأثر بفيروز

معتصم: مكيهمناش داكشي لي كيهمنا هو نضربو عصفورين بحجر واحد بنتي و الكوهينور

هاد المحادثة ضارت على مسامع شخص كان غير دايز حتى لتاقطات الاذن ديالو الخطة لي راسمينها معتصم و موحى و رجع بسرعة كيجري لبيتو خايف اكشفوه يا ترى شكون سمع المحادثة ديالهم ؟؟ و شنو غادي يدير ؟

صبح صباح جديد و شرقات شمس كتجيب أخبار سارة و اخبار حزينة كان اوسمان فالحبس ديالو ماداهش نعاس ليل كاملو كيدعي و يطلب الحق يبان حيت بصح مظلوم و لكن دائما الشخص الدرويش هو لي كتجي فيه الدقة خرجوه لبوليس واخدينو للمحكمة وصلو ليها و هو كيشوف غير فالأرض كأنه مذنب و فيديه لي فيهم المينوط بحال شي مجرم دخلو للمحكمة لقا المحامي ديالو جلس حداه و البنت لي رفعات الدعوة جلسات حدا المحامي ديالها غير دخل القاضي كولشي وقف حتى اذن ليهم اجلسو و جلسو و بدأت المحاكمة فهاد القضية حيث أن اوسمان متهم بقضية تحرش جنسي و استغلال المهنة ديالو للوصول لمجموعة من المطالب

المحامي: سيدي القاضي ان موكلي متهم بقضية لا صحة لها حيث أنها مجرد إشاعة و افتراءات

المحامي: اعترض سيدي القاضي أنه يحاول اختلاق قضية و اتهام موكلتي بالكدب

القاضي: هدووء لنستمع للمتهم

اوسمان:(ناض وقف قبالت القاضي ) سي القاضي انا مظلوم و متهم هاد البنت هي لي كانت كتحرش بيا و انا صديتها وعلى داكشي بغات تلفق ليا هاد التهمة سولها شكون مصيفطها

القاضي: لنستمع للمدعية

البنت:(وقفات قبالت القاضي) سيدي القاضي هاد الأستاذ كان كتحرش بيا ماشي مرة ماشي جوج و حيت رفضت حرمني من الامتحان و يمكن ليك تسول ولكن الحمد لله الحق كيبان مع الوقت و عندي فيديو كيبين كولشي

المحامي ديال البنت:(عطا الفيديو القاضي لي القى عليه نظرة ) سيدي القاضي و هذا هو الدليل القاطع لبراءة موكلتي من جميع التهم

القاضي: (كان اصلا معطيا ليه رشوة من عند كوهينور حيث أنها تافقات على كولشي و بسبب النفوذ ديالها تحكمات فالأمر و ضبرات كولشي ) الحكم بعد ساعة(ضرب بالمطرقة)

خرجو كلهم من المحكمة حتى لساعة عاد اتبدا المحاكمة و هاد المرة اتكون حاسمة الخوف و الظلم كيقطع فاوسمان احساس خايب ماتبغيه لحتى واحد كاع داكشي لي وصلو بالمجهود ديالو و تخلى على عائلتو على قبل قرايتو و خدمتو ها هو كيخسر كولشي بصح الحاجا لي مكيرضاوهاش لواليدين عمر كتكون فيها البركة سالات ديك الساعة و دخلو مرة أخرى و دخل القاضي ووقفو قدامو

القاضي: استنادا على ما سبق من أدلة و كلام المتهم و المدعية حكمت المحكمة بفصل اوسمان اشهبون من عمله كمدرس بالجامعة و تأدية غرامة مالية قدرها 50 مليون سنتيم و الحجز على جميع الممتلكات الخاصة به رفعت الجلسة (ضرب بالمطرقة)

حكم القاضي بحكامو و خلا اوسمان تماك تايه مامصدقش هادشي لي واقعلووو كيفاش هادشي بقا تماك مهبط راسو مافاهم حتى حاجا عاد بدأت كتسرا معاه هادي ايضا من خطط كوهينور حيت مايمكنش المحاكمة دوز بهاد السرعة و مايمكنش القاضي يحكم بهاد الحكام بقا مصدوم براءتو تباعت قدام عينيه و هو ما قادر ادير حتى حاجا خرج من تماك و خطاويه وحدة سابقة وحدة ولا زيرو درهم و كاع الممتلكات دارو طوموبيلتو فلوسو لي فالبنك كولشي اختفى خرج من المحكمة فاتجاه مركز الشرطة خدا تيليفونو و مشا بسرعة خدا طاكسي وصلاتو لدارو قبل مايوصلو ليها البوليس خدا شي فلوس و خرج رجع ركب فالطاكسي و هو مامتأكدش من هاد القرار لي اياخد فبعد سنين طويلة بغا يرجع لبلادو و عند عائلتو لي شحااال هادي ماشافهم مينكرش خايف من ردة فعلهم خاصة باه لي سخط عليه فاش بغا يمشي و دارت ليام و اتردو حتى لعند باه كان قلبو مهرس حيت ضاع كولشي بالنسبة ليه و كوهينور هي سبابو و مازال حالف ايندمها ..وصلاتو الطاكسي للمحطة د لكيران و ركب فكار اياخدو لبلادو جلس. و هو مضمر خلص و صونى على حفيظة…

اوسمان: الو

حفيظة: اوووسمااان لباااس علييك ؟؟ خرجتي شنو وقع عاودلي

اوسمان: مالقيت لمن نصوني و تفكرتك نتي

حفيظة: ماتقولش هاكا انا معاك شنو نفع لخوت الى ماوقفوش مع بعضياتهم

اوسمان: خسرت كولشي خدمتي و فلوسي و داري و كولشي داكشي كاع لي كنت كنبنيه من شحال هادا و تخليت على بلادي و عائلتي عليه جات كوهينور دمراتو ليا فرمشة عيين

حفيظة: اللياخد فيها لحق ولكن راه واخدو فيهااا راه تخطفات و تقدر تموت ولا توقع ليها اي حاجا

اوسمان: لي كيظلم عمرو اطفرو و افعالها كتجازا عليهم

حفيظة: شنو ادير دابا

اوسمان: قررت نرجع منين جيت كنتمنى يسمحو ليا

حفيظة: صافي ماغاديش نعاود نشوفك فينك نتااا نتلاقا بيك

اوسمان: انا فالكار و راه قلع دابا هاني شاد طريق تهلاي فراسك وان شاء الله الى كتاب انتلاقاو مرة أخرى

حفيظة: ان شاء الله

قطع اوسمان و مسح دمعة كانت على طرف عينو دوز فكازا اوقات عمرو ينساها و دابا غادي يتاجه للبلاد الامازيغية كيكو لي كتجمع عدة قبائل و كيسود الثأر و كل شيء فيها فيا ترى واش ايشد لحكام ديال باه و ايكون هو لمير ولا ايتراجع و يخلي كولشي لولاد عمو ؟واش هاد الرجوع ديالو غادي يتقبلوه عائلتو او لا ؟؟ و شنو مصير حياتو دابا هاد الاسئلة كاملها كانت كضور فبالو و خايف من الإجابة حيت ماشي هي هادي الحياة لي بغا ولكن الغالب الله….

قطعات حفيظة الخط و دموعها سالو على خدها بقا فيها اوسمان بزاف خصوصا انه مظلوم و تمنات في قرارة نفسها ان كوهينور تعاني اشد العذاب و ذوق لمرار و هي مخطوفة حيت زادت فيه و شرها ماعندوش حدود ناضت خرجات من بيتها تلاقات مع شاكمة هبطو بجوج لتحت لقاو حنان و معتصم بجوج فالطبلة كياكلو

حفيظة و شاكمة:(جلسو ) صباح الخير

معتصم و حنان :(صباح الخير)

معتصم: (كيهضر مع حنان ) خصنا شي طريقة نقولو للزنبقة بلي انعطيوه الجوهرة

حنان: انتسناوه حتى يصوني

معتصم:(ضاغط على قبضة يدو ) ميمكنش نخلي بنتي تماك ولو دقيقة انا خااايف عليها ماعرفتش اش اكون كيدير فيها

حنان: اكون خير

معتصم: ليوم بنتي خاص تخرج

حنان: و انا لي انخرجها ماتخافش

معتصم:(كيشوف فموحى) وجدتو الجوهرة

موحى:(مبتسم) اه اسيدي كولشي واجد

فهاد اللحظات دخل سراج للقصر و تفاجأ منين شاف حنان و حفيظة و شاكمة جالسين مع معتصم فالقصر و كياكلو مافهم حتى حاجا

سراج: سلام

معتصم: ولدي سراج اجي جلس

سراج:(جلس مقابل معتصم و كيشوف ف حنان ) شنو واقع ماشي جراو عليك

حنان: (كتشوف فيه بنظرة اللامبالاة) كوهينور تخطفات

سراج: تخطفاااات ؟؟؟؟ شكووون خطفها و كيفاش وقع هادشي علاش ماقلتوهاليش

معتصم: خطفها الزنبقة و كيهددني الى ماعطيتوش الجوهرة ماغاديش اطلق سراحها

سراج: ماتخافش اسي معتصم انا معاك و غادي نعتق كوهينور

حنان:(ناضت ) مامحتاجينش ليك انا انعتقها

سراج:(ناض وقف قبالتها) ماعندك ماتعتقني ماتدخليش فهادشي

حنان: نعاام؟؟ ماسمعتش مزيان اش قلتي ؟ و لا يمكن نتا لي مازال مابغيتي تفهم بلي انا لي كنحمي كوهينور

سراج:(رفع صوتو ) قلتلك بعدي من هااادشي و خوي الساحة ديال الزنبقة ماااتقربيييش منوووو و بلااااا ماتعصبيني احناااان

حنان: (رفعات صوتها اكثر منو) مااااغااااديييش نبعد من الزنبقة و انبقا من وراه حتى نعتق كوهينور و انا قااااادرة على هادشي و الدليل على هاد لكلام هو أن سي معتصم جا عندي انا طلب المساعدة ديالي اما نتا فآخر من يعلم

سراج:(ولا حمر و عروقو بانو و كيهضر تحت سنانو و شد يد حنان زير عليها) كييييفاااااش اتعتقيها و نتي يالاه رجعتييييي من المووووت و جرحك باقي مابرا ياكما يحساااابليك الكاااارياااان هاااداااا

حنان:(نترات يدها) الكاااارياااان هو لي رباااني حتى خرجت قاااسحة و تجي دابا نتا طيح مني ؟؟؟ هاء جرحة صغيرة ماغاديش تمنعني من حتى حاجا

تعصب سراج من عناد حنان و كلامها لي بحال السم و راسها القاسح لي مكيبغيش اسمع الهضرة حيت ماعارفاش بلي هاد الدومين فيه المشاكيل و بلي خايف عليها من الزنبقة لاياخدها لييه في أثناء هاد النقاش كان معتصم و حفيظة و شاكمة كيحاولو يهدنوهم و لكن لا جدوى

سراج: سمعييييي نقووووولك هاد المعمعة ماااغاااديييش دخلي لييهاااا و الليجعلني نحبسك

حنان: اااااعلى مافخيلك ركبوووو و انااااا كنديير غير داكشي لي قالي راسي

صونا الفيكس فجأة و سكتو كلهم كيشوفو فيه مشا معتصم جاوب …

معتصم: الوو

الزنبقة: اووو مفاااااجأة ماتوحشتينيش

معتصم: بنتي فينها بنتي

الزنبقة:(كان جالس قبالت كوهينور ساد ليها فمها و كيشوف فيها كتبكي كرفصها مزيااان فيقها بسطل د الماء و كيصعقها بالكهرباء حتى كتغوت ) بغيتي تسمع صوتها ؟؟ اوكي (شد سلوكا ديال الضوء و حيدلها شرويط من فمها و كيصعقها و هي كتغوت لربي لي خلقها و كتبكي)

كوهينور: باااااراااااكاااااا اهئ اهئ وااااااااع عتقووووووني عفااااااكم اهئ اهئ بابااااااا

معتصم:(بقا كيرجف ) كوووهينوووور كوهينووور يوووسف بعد على بنتي ماااتقيييسهاااش اندمك انقتلك

الزنبقة:(كلما كيسمع التهديدااات ديال معتصم كيزيد احط سلوكا على كوهينووور و فعينيه الغضب )

كوهينور: (كتألم بزاااف و صوتها بح بكثرة لبكا) بااااراااااكا اهئ اهئ (اغمية عليها بكثرة الالم)

معتصم: بعدليييي على بنتي عفاااااك نديير لي بغييتييي يوسف بعد منها

الزنبقة:(شد التيليفون و طلق من كوهينور) وا بنتك دغيا سخفات زعما تكون ماتت؟؟ مسكينة ان لله وان اليه راجعون هههههه

معتصم: لا لاااا (طاح فالأرض بالصدمة) بنتيييييي

حنان:(مشات كتجري هي و سراج عند معتصم شدوه و حيداتلو التيليفون) الزنبقة ماديير وااالووو لكوهينور غادي نجيبولك الجوهرة

الزنبقة:(بقا ساكت كيسمع صوتها و كيتفكر ليلة لبارح) جيبي الجوهرة

حنان: ماتآذيهاااش

الزنبقة: اوكي انتلاقاو فالخرجة د لمدينة (قطع)

سراج: سي معتصم عفاك تهدن الاعصاب مامزيونينش لصحتك

معتصم:(كيرجف) اقسم بالله انقتلو و اندمو على كل حاجا دارها فبنتي

حنان: خاص نتلاقاوه دابا فالخرجة دلمدينة نعطيوه الجوهرة و ناخدو كوهينور

معتصم:(ناض و شاف ف موحى) طلع الجوهرة للطوموبيل و قولهم اوجدو طائرة متاجهة لروسيا اناخد بنتي و نخويو لبلاد

موحى: امرك اسيدي

حنان: يالاه نمشيو

سراج:(شدها من يدها) ماتمشييش احنان

حنان:(طرطقات فيه عينيها) سراااج حاجا وحدة اديرها على قبلي هي تاخد حفيظة و شاكمة لداري

سراج: و نتي ؟

حنان:(ابتاسمات ليه) غادي نجيب كوهينور و نجي

سراج:(استسلم للامر الواقع) واخا تهلاي فراسك و انا انبقا فلقصر حتى تجيو

اتاجهات كل من حنان و موحى و معتصم لطوموبيل ركبو و ساق موحى فاتجاه الخرجة د لمدينة و تبعوهم فرقة من ليكارد و كلهم متوترين و خايفين من المجهول الزنبقة نشر فيهم الرعب غير بشوية بشوية و خلاهم اضربولو الف حساب لكن بالرغم من هادشي كانت مؤامرة كتحاك و الطرفين بجوج ماصافياش النية ديالهم وصلو للمكان المعلوم و خرجو من طوموبيل مقابلين مع طوموبيل ديال الزنبقة جالس فوقها و ليكارد ضايرين بيه و عاد خرجو ليكاردكور ديال معتصم كيترقبو اي هجوم نقز الزنبقة من فوق الطوموبيل ديالو و بقا كيتكسل

الزنبقة: بكثرة ماتعطلتو جاني الملل (غادي فاتجاه معتصم) ولكن غير كنتفكر بلي هبطت ليك راسك كنحس بالفرحة

معتصم:(كيخنزر) فييين هي بنتيييي ؟

الزنبقة: فين هي الجوهرة؟

معتصم:(عطا اشارة لموحى لي خرج واحد الصندوق صغير من لكوفر و عطاه لمعتصم) الجوهرة كاينة هنا

الزنبقة:(كيشوف فالصندوق و شوية شاف ف حنان ) حلي الصندوق

حنان: (كتشوف فالصندوق و شداتو من عند معتصم حطاتو فالارض و بدات كتحلو بشوية حتى حلاتو و ضغطات على واحد الزر و خرجات الجوهرة كتبري حيت ضاربة فيها اشعة الشمس) هاهي الجوهرة

الزنبقة:(خداها بلمح البصر و زير عليها بالقبضة ديدو و هو كيشوف فمعتصم) الكوهينور رجعات للمكان الاصلي ديالها

حنان: فين هي كوهينور

الزنبقة:(شاف فيها ) سيري مع رجالي غادي يوصلوك لبلاصة لي كاينة فيها حيت مكنتيقش فهادو(كيشوف فمعتصم و موحى)

معتصم:(حط يدو على كتف حنان ) سيري ابنتي عنقي كوهينور و جيبيها للقصر

حنان:(كتشوف ف معتصم و فالزنبقة) واخا (مشات حنان كتجري ركبات فالطوموبيل و انطالق بيها أحد رجال الزنبقة للمستودع المهجور )

اما الزنبقة من بعد ما خدا الجوهرة اتاجه لطوموبيل ديالو و مشا بحالو و ايضا معتصم انطالق فاتجاه قصرو انتسنا تماك كوهينور باش استاقلو الطائرة ديالهم و يخويو لبلاد …كان الزنبقة فرحان حيت و اخيرا وصلات الجوهرة فيديه بقا شادها كيشوف فيها حتى لاحظ بلي كاين ثقب فيها و تبدلو ملامح ديالو للتساؤل

الزنبقة: وقف الطوموبيييل

السائق وقف الطوموبيل و خرج الزنبقة من الطوموبيل حط الجوهرة فوق واحد الحجرة و كيضور عليها

الزنبقة: عطيني مطرقة (وجه كلامو للسائق لي عطاه المطرقة شدها الزنبقة و هو يطلعها حتى لفوق و هو يضرب الجوهرة حتى تشتتات و طلع راسو الفوق زأر بغضب) بغييتييي تلعب امعتصم عاطينييييي جوهرة مزيفة كتشبه للكوهينور ولكن مااااشي عليااااا قسماااا برب الكعبة حتى نصفيهالك هاد نهار (ركب فطوموبيل ) سير للقصر ديال المعتصم و علم ليكارد اتبعوني

السائق : حاضر (هاد الخطة لي دار معتصم اترجع عليه بالندامة خاصة ان الزنبقة الى تعصب مكيبقاش هامو حتى واحد ايحرق المدينة بلي فيها و هو دابا متاجه لعند معتصم و ايخلي دار بوه فهاد الاثناء لي كان الزنبقة متاجه للقصر عند معتصم كانت حنان وصلات للمستودع و دخلات كتجري شافت غير ظلام قبالتها عاد شافت كوهينور سخفانة و هي جالسة فالكرسي مشات كتجري عندها كتفيقها )

حنان: كوهيينوور (كطبطب على حناكها )

كوهينور:(بدأت كتحل عينيها شوية بشوية عاد توضحات ليها الصورة ديال حنان) حناان

حنان: جيت نعتقك ما تخافيش انا معاك

كوهينور: اهئ اهئ حناااان خرجيني من نهنا غادي يقتلني

حنان: ششش ماكاين لي يقيسك (فكاتها من القيود لي كانو مكبلينها و كتحاول تنوضها )

كوهينور: فيين هوو بابا علاش ماجاش

حنان:(تنهدات ) بلاتي نخرجو من هنا و انعاودلك كولشي

كوهينور:(عنقاتها) سمحيييلي على كوولشي اهئ اهئ

حنان:(بادلاتها العناق) صافي مكاين مشكل غير يالاه نخرجو منهنا (خرجو بطلاتنا من المستودع و حنان لمحات الراجل لي كان وصلهاا للمستودع عطات إشارة لكوهينور بيدها باش تلتازم الصمت و هي تهز واحد العصا حديدية و جات بشوية من مورا الراجل و ضرباتو للراس حتى طاح) دابا تهنينا (شافت فكوهينور) تقدري تسوقي

كوهينور: اه

حنان: طلعي للطوموبيل خاص نمشيو لداري

كوهينور: كييفااش راه خاص نمشيو للقصر

حنان: (ركبات فطوموبيل و ركبات كوهينور حداها كتسوق) الزنبقة كان حاط شرط باش اطلق سراحك هو ياخد الجوهرة و لكن باباك خرق هاد الاتفاق و عطاه جوهرة مزيفة و قبل مايكتاشف الزنبقة هادشي خاص نحميك و نخليك عندي فالدار

كوهينور: الزنبقة ماغادي يتهنا حتى ياخد الجوهرة و هادشي كيعني بلي حياتي مازال فخطر اهئ اهئ غادي يقتلني احنان

حنان: كان على باباك اعطيه الجوهرة

كوهينور: بابا كيفكر غير فراسو مافكر فيا حتى شوي اهئ اهئ

حنان: دابا خلينا من هاد الهضرة خاص تبقاي عندي حتى يجي باباك ياخدك مابغيتش نديك للقصر خفت عليك

كوهينور: وااخااا (ساقت كوهينور فاتجاه دار حنان وصلو و هبطو دخلو لقاو شاكمة و حفيظة )

حفيظة: على سلامتك

شاكمة: آنسة كوهينور الحمد لله على سلامتك

كوهينور:(ابتاسمات ليهم ابتسامة خافتة) شكرااا

حنان: جلسي ترتاحي انا انوجد ليك الماكلة باينة فيك جوع

كوهينور: بزاااف و خاص ندوش

حنان: طلعي لبيتي دوشي

كوهينور: اوكي (طلعات كوهينور للبيت كدوش)

حفيظة: كون غير ماتت

حنان:(خنزرات فختها ) سكتيييي دابا تسمعك

حفيظة: خليها تسمع اصلا موتها حسن من حياتها

شاكمة:(شد حفيظة من يدها ) زيدي نخرجو للجردة قبل ماتجيك شي تصرفيقة

حنان: اللهم صبري (مشات للكوزينة كتقاد الماكلة لكوهينور )

اما فالقصر ديال معتصم كان واقف حدا الطائرة كيتسنى بنتو و سراج حداه حتى كيسمعو اطلاق النار. و كيشوف معتصم ليكارد ديالو كيموتو واحد بواحد

معتصم: ااااشهاااادشييييي وااااقع

الكارد: سيدي الزنبقة وصل للقصر و راه كيتقاتل مع ليكارد حتى لدابا بزاف لي ماتو منا و قليل لي مات فليكارد ديالو

موحى: أمكن اكتاشف الخطة

معتصم: تفوووو على زهر

سراج: خصك تمشي داااباااا قبل مايوصلو الزنبقة لعندك

معتصم: مايمكنش ليا نمشي بلا كوووهينوور

سراج: اذن انا انحاول نعطلووو (مشا سراج كيجري و هو شاد المسدس فيدو و كيتخبع من الرصاص شوية جبد تيليفونو و عيط لحنان)

حنان: الو

سراج: حنااان فييينك نتي و كوهينوور

حنان: (كتسمع اطلاق النار ) حنا فدار شنووو وااقع

سراج: الزنبقة هجم على لقصر و هاد المرة غادي يقتل كوولشي

حنان: تفووو اذن اكتاشف الخطة فيين معتصم ياكما تآذى

سراج: راه كيتسنى بنتو باش يمشيو جيبيهالو

حنان: لااا غادي يقتلها الزنبقة

سراج: مانخافش عليك احنان عارفك بلي قادرة تحميها و توصليها ليه ..(قطع)

الزنبقة بقا كيشوف ليكارد ديال معتصم كيموتو واحد بواحد و هو كيقلب على معتصم و معصب نييت اما حنان فطلعات لبيتها و بدلات حوايجها لبسات اللباس القديم ديالها و رجعات لهيئة راجل ماكانش كيحساب ليها اترجع فشكل ديال الزوبير ولكن شاءت الأقدار باش تردها للماضي تفكرات حنان و دارت الشعر المستعار و اللحية و ليلونتي و ملابس سوداء و خرجات كوهينور لابسة فبينوار

كوهينور:(كتشوف فيها ) حنان؟؟ علاش رجعتي لبستي هاكا

حنان: الزنبقة عرف الحقيقة و راه فقصركم كيقتل فعباد الله و ناوي يقتل باباك

كوهينور: لاااااا اهئ اهئ باااابااا

حنان: لبسي حوايجك انمشيو للقصر خاص نوصلك باش تمشي مع باباك لروسيا

كوهينور:(مسحات دموعها ) واخااا (خدات بعض الملابس من خزانة حنان لبساتهم و هبطو بسرعة خداو طوموبيل و تاجهو للقصر لقاو الدنيا مرونة خرجات حنان و شدات كوهينور مخبعاها من موراها حتى وصلو للباب الخلفي ديال لقصر)

حنان: كوهينور دخلي و سيري من طريق ديال الكوزينة حتى توصلي لباب الجردة اتلقاي باباك كيتسناك مع الطائرة و ردي بالك من راسك

كوهينور: و نتي ؟؟

حنان: انا غادي نمنع الزنبقة من أنه يوصل ليكم

كوهينور: (عنقاتها ) شكرا بزااف عمرني نسا خيرك باااي (مشات كوهينور كتسلت )

اما الزنبقة فكان خرج للجردة و تلقالو سراج

سراج: فين باغي تمشي

الزنبقة: تجمعتو الكلاب

سراج:(ابتاسم) ماشي ذنبنا الى كنتي نتا ضبع

الزنبقة: وصل الأجل ديالك و غادي تمووت

سراج: ماتبقاش فيك فيروز مسكينة اتبقا تبكي على الموت دخوها و نتا مكتبغيش تشوف دموعها

الزنبقة: ماتجبدهاااليييش حيت كلكم ماتسواوش و كلكم كتستاهلو الموت

سراج: ماتنكرش بلي راك كتبغيها هههه

الزنبقة: كيما كتبغي نتا حنان ؟؟ ههه

سراج: (خنزر فيه) حنااان خط أحمر تقرب ليها نحيك

الزنبقة: يا سلام شحال حلوة و طايتها كتحمق و شنايفها روطب و جمالها أخاذ هاححح تيقني الى قلتلك بلي قربت ليها ؟ ههههههه

سراج:(انقض عليه بالبونية ) بعد منهاااااا

الزنبقة ردلو الكروشية حتى هو و بداو كيضاربو بطريقة شرسة و كل واحد فيهم كيبغي ابين راسو بلي قوي و مكيتهزمش كانت حنان ايضا خرجات للصالة شافت ليكارد ديال الزنبقة و مشات فاتجاههم بدات كتقاتل معاهم و كضربهم بقوة حتى كيسخفو كانت حاسة بلي الجرح ديالها كينزف و لكن ماداتهاش فيه الاهم عندها هو توصل كوهينور عند باها هاد الاخيرة لي كانت كتسلت باش توصل للجردة ولكن قبل ماتوصل للجردة رجعات جوج خطوات لور و شافت جيهت الباب السري و قررات دخل تاخد الجوهرة دارت البصمة ديالها و دخلات بسرعة خدات الكوهينور و حطاتها فجيب دسروالها و خرجات رجعات كتسلت باش توصل للجردة …كان الزنبقة مازال كيدابز مع سراج حتى جبد المسدس ووجهو ليه

الزنبقة: طلعتيليا فكري و اللهم تموت

سراج: (وجهو عامر بالدم و سنانو حتى هوما و كيضحك) صافي عييتي بغيتي تقتلني

الزنبقة: بدلت الرأي ديالي (ضربو بالقرطاسة جيهت رجلو حتى طاح )

سراج:(غوت و طاح شاد فرجلو لي مصابة )

الزنبقة: و دابا غادي تموت فوسط هاد لقصر د زب (جبد الزنبقة قنبلة و حطها بعيد شوية على سراج ) بقاتلها ساعة عاد اتنفاجر (دارليه التحية ) سلم ليا على ابليس

سراج: يووووسااااف غاااادي تندم (بقا سراج كيغوت تماك بوحدو و هو عاجز عن الحركة و كيتألم اما الزنبقة كان غادي فاتجاه الصالة حتى كيشوف رجالو طايحين قدامو و كيشوف فحنان لي كتنهج و ضربات كاع هادوك لي طايحين)

الزنبقة: شكون نتا ؟

حنان:(ضارت عندو و بدلات صوتها ) لي غادي يقتلك

الزنبقة: انا عاقل عليك شفتك داك نهار فلقصر

حنان: (ابتاسمات) انا الزوبير الحارس الشخصي ديال كوهينور

الزنبقة: قوي مع راساتك راه صعييب شيواحد اهزم رجالي (كيصفق) تستاهل نصفق عليك ولكن الى كنتي نتا هنا هادشي كيعني بلي كوهينور هنا

حنان: ماغاديش نخليك توصل ليها هي غادي تمشي مع باها

الزنبقة: اوا حاول تمنعني الى سميتك راجل (مشا من حداها بكل هدوء و واثق من راسو)

حنان:(تنهدات و شداتو من يدو لواتها ليه ) ماغادي تمشي حتى لبلاصة

الزنبقة:(دفعها و عطاها بكروشية لوجها) قود عليا حسن ليك

حنان: واخا (هزات رجليها لفوق و عطاتهالو لكمارتو حتى طاح )

الزنبقة: اوا صااااف ولينا حتى لبراهش ندابزو معاهم (هز الكرسي و فرشخو عليها) و ضربها بركلة لحجرها حتى تحنات و زاد عطاها ركلة لوجهها طاحت كتبزق الدم ) دابا ماعرفتش واش نقتلك ولا نخليك حي

حنان: هههه (كضحك بألم) داكشي لي كنت كنفكر فيه واش نخليك حي ولا نقتلك

الزنبقة:(شدها من يدها لواها ليها ) فين هو معتصم

حنان:(كتوجع) فكرك ها واحد لزيرو

الزنبقة:(كيزيد ازير عليها) توادع مع يدك (كيزيد ازير عليها)

حنان:(كتوجع بزااف حتى ضرباتو برجلها لركبو و طلقها و تلوات عليه و طيحاتو فالارض رجع هو لتحت و هي فوقو و كتعطيه بالبونيات بطريقة وحشية و هو رجع رماها و رجع هو لفوق و هي لتحت و كيضربها كذلك حتى جاو ليكارد ديال الزنبقة و شدو حنان و بداو كيضربوها)

الزنبقة: غادي نخليك دابا مع رجالي انا مامساليش ليك (كيهضر مع رجالو) منين تربيوه مزيان قتلوه

رجالو: امرك اسيدي

حنان: (بقات كتشوف راسها فوسطهم و أكيد غادي يديرو فيها مابغاو بقات كتشوف الزنبقة غادي مرة اخرى جيهت الجردة و هي تستسلم و عيطاتلو بصوتها ) يوسف

الزنبقة:(وقف منين سمع صوتها و ضار كيشوف فيها )

حنان: (حيدات اللحية خلات خدودها يبانو و حيدات شعر المستعار و تطلق شعرها البني الطويل على ثنايا جسمها و حيدات ليلونتي وحدة بوحدة ليكارد تصدمو و أكيد الزنبقة ماشي اقل منهم البنت لي كان معجب بيها شوية ولا معجب بيها كثر دخلات لحياتو بلا الاذن ديالو و خربقاتها ليه و خلات فيه الرغبة باش ازيد اعرف عليها كثر و كثر )

الزنبقة: هههههههههه و هادشي بزااف (كيمشي فاتجاهها حتى تقابل معاها) كنت عارف بلي من موراك شي حاجا ولكن باش تكوني كتنكري بصفة ولد و كتقاتلي مع رجال عمرني ظنيتها

حنان: (ابتسامة جانبية) خصك تقتلني دابا حيت ماغاديش نخليك توصل للجردة

الزنبقة:(هز يدو و دوز الابهام ديالو جنب الفم ديال حنان و مسح الدم ) اي حاجا كتكون غامضة هي ديال الزنبقة(غمزها ) خرجو نتوما (موجه الهضرة لليكارد و خرجو و هو شد حنان من شعرها جرها و رماها قدامو حتى طاحت ) شكون نتي

حنان: (كتشوف فيه و الشعر مخربق ليها و مليوح على عينيها) الحارسة الشخصية ديال كوهينور

الزنبقة: فخبارك بلي ليكارد كيموتو باش احميو سيادهم؟

…. كانت كوهينور مازال كتسلت وصلات للجردة و فرحات حيت مابقالها و تمشي عند باها حتى لمحات سراج مصاب و كيتوجع مشات كتجري عندو

كوهينور: سراااج ماالك شنو وقع ليك

سراج:(كيتوجع) كوهينوور سيري باباك كيتسناك مورا دار هربي قبل مايوصلو الزنبقة

كوهينور: لا راه حنان اتوقفو خاصني تعاونك

سراج: الزنبقة دار قنبلة فأي لحظة اتنفاجر

كوهينور: قنبلة ؟؟؟ فيينهاااا (كتقلب بعينيها حتى لقاتها و مشات عندها) بقاتلها 30 دقيقة و اتنفاجر (رجعات عند سراج كتحاول تهزو حتى تكعد ) غادي نوصلك مع أحد ليكارد ديالي (بقات غادية معاه حتى لمحات أحد رجالها و عيطاتلو و جا دغيا عندها )

الكارد: آنسة كوهينور هنااا خطر علييك و حنا راه كنحاولو نخليو الزنبقة و رجالو بعاد

كوهينور: شووف خود سراج للطوموبيل أو وصلو لدارو انا انرجع بحالي

الكارد : امرك

سراج: حنااان باااقااا لداخل هي ماعارفاش بلي كاينة قنبلة

كوهينور: سييير نتا ماتخااافش على حنان

ركب سراج فطوموبيل و مشات كوهينور كتجري على جهدها حتى شافت حنان بالهيئة الحقيقية ديالها و الزنبقة قدامها و من جهة كتشوف الطائرة ديال باها واقفة و لكن هوما ماشافوهاش و خصها تختار معامن اتمشي واش باها و لا حنان لي خاص تقوليها على القنبلة و تعتقها فجيهة أخرى وصلو رجال الزنبقة حدا الطائرة و بداو اطلاق النار

موحى: سيدي (كيحميه ) ركب فالطااائرة خاصك تمشي

معتصم: و كوهينووور

موحى: حنان ماغاديش تسمح فيها اتبقا معاااهاااا

معتصم سلم آمرو لله و ركب الطائرة مع موحى و نطالقو بدأ اقلاع الطائرة حتى علات فسماء و قدرات كوهينور تشوفها و عنيها كيسيلو بدموع و كتبكي بحرقة حسات بحال الى باها تخلى عليها و ماقدرش اتسناها حتى شوي مسحات دموعها و دخلات للقصر بشوية حتى وصلات للصالة كتسمع الهضرة د الزنبقة و حنان

حنان: عارفة بلي كيموتو

الزنبقة: انا معجب بالشجاعة لي فيك و القوة و الجمال و كولشي فيك ولكن كنت وصيتك من قبل يا اما تعطي تيساع لهاد المشاكل و اما تموتي (حط المسدس على راسها )

حنان:(غمضات عينيها ) المووت حسن ليا

كوهينور:(شهقات و حطات يدها على فمها و دموعها كيطيحو مرة أخرى و بلا ماتحس غوتات و خرجات عندو) ماااتقتلهااااش عفاااك اهئ اهئ اقتلني انا ياك انا لي بغيتيني اذن قتلني

الزنبقة كيشوف فيها و حنان حلات عينيها بصدمة و ضارت عندها و ناضت كتجري وقفات قدامها كتحاول تحميها من الزنبقة

حنان: علاااش رجعتيييي علاااش مامشيتيش مع باباك وااااش حماااقيتي

كوهينور: اهئ اهئ بابا مشا بحالو

حنان:(كتهضر مع الزنبقة ) الى بغيتيها خصك تقتلني انا اللولة

الزنبقة:(كيشوف فالساعة ديالو) للأسف لي بغيتو هرب من لبلاد

كوهينور:(كتهضر مع حنان بشوية ) راه داير قنبلة فلقصر فأي لحظة اطرطق

حنان:(كتشوف فالزنبقة بصدمة) شنو دابا

الزنبقة: انجلسو هنا حتى تنفاجر القنبلة و الليرحمكم بقات 5 دقايق (ضار بغا يخرج )

كوهينور: صبر الكوهينور انا عارفة بلاصتها و بابا ماعندو باش يفيدك

الزنبقة : (ضار عندها) الدليل؟

كوهينور: خرجنا منهنا و نقولك فين كاينة

حنان: كووهينوور اش كتقولي

كوهينور: شنو قلتي ؟

الزنبقة:(تنهد ) تحركو قدامي ولكن (رافع السبابة ديدو فاتجاهها) الى كنتي كتكدبي غادي نقتلك

كوهينور:( كتبلع ريقها) اوكي

خرجو ابطالنا بسرعة من لقصر و آمر الزنبقة رجالو يخويو من لقصر ركب كوهينور لقدام مع شيفور و شد حنان زدحها لور و ركب حداها و نطالقات طوموبيل …

حنان: فين انمشيو

الزنبقة:(ضار عندها) ماشي شغلك

حنان:(ضورات وجهها جيهت السرجم و معصبة حتى تحط ثلج على ركبتها)

الزنبقة: حطيه على وجهك باش مايزراقلكش

حنان: (رماتو ) ماشي شغلك

الزنبقة:(جبدها عندو حتى حكمها ) هضرتي مكنعاودهاش جوج دلمرات و مكاينش لي كيرد عليا لهضرة

حنان:(كانت قريبة ليه و كتشوف عينيه و قلبها كيضرب بزااف ) بعد مني

الزنبقة:(زاد قرب منها و كيهضر بشوية ) ماعرفتش علاش باغي نمص شنايفك و نشبع منهم

حنان: (حمارت) واش حماقيتي بعد منيي

الزنبقة:(بعد منها و كيشوف فيها كيفاش تزنكات بقا كيضحك بوحدو شوية سمعو الانفجار لي فالقصر

كوهينور: (بقاو كيطيحو ليها دموع و مغمضة عينيها لقصر لي تربات فيه و كبرات فيه و عاشت فيه طفولتها هاهو كيتضمر و ايرجع مجرد حطام ) …

وصلو ابطالنا لدار الزنبقة الفضية لي كانت كلها سوداء و فيها واحد الغموض عجيب هبطو ليكارد و الزنبقة شاد حنان من يدها خرجها بنثرة اما كوهينور خرجات بوحدها رجليها ماهازينهاش أثر الصدمة مازال مأثر عليها و عينيها مابغاوش انشوفو من دموع عطا الزنبقة إشارة لأحد ليكارد و مشا عند كوهينور شدها من يديها مدخلها للداخل للدار و دخلو كاملهم الزنبقة كان كيجر فحنان و هي ماقاوماتوش عرفها بلي عيات و عرقات و من ملامحها باينة عيانة دخلو لوسط الدار شوية شافو امرأة فالاربعينات تحلفو عليها باقا بنت العشرين عندها قوام رائع و شعر بني طويل و عينان سوداء و باينة من الملامح ديالها حنينة و عاقلة و رزينة …

الزنبقة:(طلق من حنان و مشا عندها عنقها ) توحشتك بزااف

حورية: خمس سنين ماشي ساهلة

الزنبقة: نتي اول وحدة عيطت ليها فاش رجعت

حورية: و انا فرحانة لهادشي واخا حسيت بالذنب حيت ماقدرتش نكون معاك فداك المشكل

الزنبقة: ماتقوليش هاكا خيرك مانساهش و نتي لي صدقتي فيهم كاملهم

حورية:(لاحظات كوهينور و حنان ) جبتي بنت عمك لهنا ؟ و هاديك شكون ؟

الزنبقة:هههه (مشا وقف حدا حنان) بنت غامضة

حورية: (ابتاسمات) و كل شيء غامض هو ديال الزنبقة

حنان:(بدأت كتحس بالدوخة و شدات فدراع الزنبقة)

الزنبقة:(بقا كيشوف فيدها لي شاداه و بغا ينزها و هي دفعو)

حنان: بعددد منييييي ماتقيسنيييش

الزنبقة:(كيزير على يديه و يرجع اطلقهم و هاد الحركة كيديرها غير الى تعصب ) حورية خودي كوهينور للفوق و تهلاي فيها مسكينة ليوم خسرات باها و خسرات حتى قصرها

كوهينور:(مازال كتشوف فالارض حتى جراتها حورية للفوق )

الزنبقة: اما نتي احنان خاصنا نهضرو ولكن قبل مانهضرو خاص تداواي

حنان: تقود لا؟

الزنبقة:(جمعها معاها بتصرفيقة) تصلحي فمك لا ؟؟؟ مكنصحكش تعاندي معايا رااااني نقتلك

حنان:(رداتلو تصرفيقة و هي مخنزرة فيه و كتنهج) ياكما كيحسابليك انا من داك نوع دلبنات لي اتحكر عليهم راك غالط ايوسف انااا طووول عمري كنتقاتل مع رجال فالكاريان انا ماشي بنت لفشوش

الزنبقة: (شدها من شعرها مقربها ليه) معمر بنت لمرا هزاااات عليا يدها نتي اول وحدة واخا هاكا ماقادرش نعاقبك حيت نتي من داك نوع لي مكيخاف اخسر حتى حاجا نتي بحالي

حنان: (ابتاسمات) لقيتيني مهلوكة اما نفرشخك هنا

الزنبقة: تداواي بعدا عاد نشوفو شكون افرشخ لاخر يالاه تحركي قدامي

حنان: ماغادي نمشي معاك لحتى بلاصة

الزنبقة:(غوت حتى زلزل الارض) وااااااش ضاااااروووووري خاااااصني نهددكم عااااد تبداو تسمعو لهضرة تفووو (كيهضر مع الكارد) دخل نتا هادوك

دخل الكارد الشاكمة و حفيظة و هوما كيتنترو و مشات حفيظة كتجري عند ختها عنقاتها

حنان:(مصدومة حيت طاحلها على نقطة الضعف ديالها) اااش كدييرووو هنااا

حفيظة: اهئ اهئ جاو هاد رجال خداونا خفت بزاااف احنااان

حنان: (ضارت كتشوف ف الزنبقة) ختي و محمد ما عندهم حتى علاقة بهادشي طلقهم

الزنبقة: ماغاديش نآذيهم ايجلسو هنا حتى هوما ولكن الى ماسمعتيش هضرتي غادي نآذيهم

حنان: مناش مصنوع نتا؟ كنت غالطة فيك

الزنبقة:(جرها عندو) ماااااادويييييش ماتسمعييينييييش هضرتك حيت نتي اكثر وحدة صدماتني يالاه تحركي قدامي

جرها الزنبقة و هي كضور كتشوف فختها لي شادينها ليكارد هي و شاكمة مطلعينهم للبيوت …ماقدراتش تنتر من يوسف حيت خافت على ختها و شاكمة …طلع بيها لبيتو دخلها و سد الباب و مشا للدوش جاب علبة الإسعافات الأولية و جبد حنان جلسها على النموسية قبالتو

الزنبقة:(هز قطن و بدا كيديرو على الجروح لي على وجهها) ياكما قسحتك

حنان: انداوي راسي غير خرج بحالك

الزنبقة: انا ضربتك و انا لي خاص نداويك

حنان: كدير هادشي مع كولشي ولا غير أنا

الزنبقة: غير نتي حيت نتي لي كنآذيها بلا منقصد

حنان:(طلعات يدها لجيهت القناع لي داير بغات تحيدو) خاصني نشوف حتى انا الكدمات لي فوجهك

الزنبقة:(بعد وجهو من حدا يدها و رجع كيشوف فيها ) وجهي ماكايشوفو حتى واحد احنان بلا ماتحاولي

حنان: لهاد الدرجة بوكوص بزاف و خفتي نسخف بكثرة الجمال ديالك

الزنبقة: هي نتي من النوع لي غير كيشوف زين كيسخف

حنان: انا من نوع لي مكيحملش رجال اصلا

الزنبقة: اش هاد التناقض مكتبغيهمش و كتشبهي بيهم

حنان: دنيا مكترحمش و الى بغيتي تعيش خاص تكون ذيب

الزنبقة: مقسحة و قبيحة مع راسك

حنان: و ماعنديش لقلب

الزنبقة: علاش كنحس بيك نتي الدوا

حنان: (سكتات و بقات كتشوف فالارض ) ممكن تخرج بغيت نحيد حوايجي

الزنبقة: (ناض حتى شداتو حنان من يدو) شنو

حنان: ختي و محمد فينهم؟

الزنبقة: قلتلك ماغاديش نآذيهم

حنان: مكنتيقش فيك شحال من مرة واعدتيني و ماوفيتيش بوعدك

الزنبقة: أمكن نسيتي بلي قلتلك مكنآذيش ناس الأبرياء اوا هنينا (خرج الزنبقة من الغرفة و سد عليها بالساروت اما هي ناضت حيدات حوايجها و بقات كداوي الجروح لي فصحتها و كتفكر فالزنبقة )

فايت يوسي كيكو وصل اوسمان بالكار و قبل مايهبط فالمحطة خدا نفس عميق و رجليه بداو كيرجفو فأكيد راه سنوات ماتلاقا مع عائلتو و زيد عليها مدابز معاهم و هو مامتأكدش من ردة الفعل ديالهم و خايف ولكن وكل آمرو لله و هبط من الكار كيشوف فجنابو كولشي مبدل و هو غادي فطريق لي كتدي لدارهم الناس كيشوفو فيه و معجبين من الرجوع ديالو كان غادي حاني راسو و قلبو كيضرب حتى كيسم لكلاكسون ديال تراكتور و ضار كيشوف و هو يتصدم منين شاف ولد عمو صغير و لكن فرح بزاف حيت تلاقا بيه وولد عمو ماشي اقل منو هبط عندو و عنقو

لْحْسَنْ: اوسمااااان(عنقو و هو فرحان) اد لباس غورش مايدا تعاواد كولشي بيخير

اوسمان: كولشي بيخير لحمد لله ماني مالين الدار اد لباس

لحسن : كولشي بيخير اوما(اوما هي خويا) شحال هادي ماتشاوفنا

اوسمان: قالولي تزوجتي مبرووك بعدا

لحسن: الليبارك فيييك تزواجت ب رابحة وولدات ليا بنت دابا عندها ربع سنين سميتها زهرة

اوسمان : مبروك اخويانو

لحسن:(كيجرو) يالاه نركبو نمشيو لتادارت (الدار)

اوسمان: واخا (ركبو فتراكتور و نطالقو ) كيداير ابا لباس عليه

لحسن:(تنهد) عمي مبارك من نهار مشيتي و هو ماعاجبو حال و مكيبغي يهضر مع حد

اوسمان: مازال مقلق عليا

لحسن: ماتخافش اخويانو ايشوفك و ايصفاو لخواطر و ترجع الفرحة لي مشات حتى خالتي ايطو(الوليدة د اوسمان) مانشفوش عينيها من دموع

اوسمان: موحال اسمحولي

لحسن: راه اخويا تقليقة كااينة ولكن المسامحة حتى هي كاينة و يكون خير

اوسمان: فين سعيد و مراتو فاطنة لباس عليهم و بنتو هنية بيخير عليهم

لحسن: اودي اخويا سعيد ولد عمنا تعماولو عينيه باغي يحكم باش ما كان و مراتو فاطنة كتزيد تحرشو و تسمملو راسو و هي دابا حاملة و كتبقا تقول فدار راها اتولد الولد و نتا عارف اخويا فعائلتنا حتى واحد فينا مازال ماولد الولد لي يهز سميتنا كولنا ولدنا غير لبنات ولكن واخا هكك بناتنا فيهم الخلوق و ترابي و بنتهم هنية تبارك الله عليها ماخرجاتش ليهم كاع ظرافات و قلبها ماعامرش بالحسد

اوسمان: شحال فعمرها

لحسن: فعمرها 16 عام

اوسمان: كبرات

لحسن: اوا اخويا راك غبرتي بزااف

اوسمان : و ختي مايا و ماماك و جداتي لباس عليهم

لحسن : ختك مايا كبرات حتى هي و لخطاب كيجيو واحد صباح واحد عشية و هي ماعجبها حد اما ماما رآه كيما خليتيها منين مات الواليد الليرحمو مسلمة امرها لله اما جداتنا باقا صغيرة و ديما ضحك و النشاط هههه الحمد لله منين باقي عمي مبارك حي هو لي هاز اومورنا الليطول لينا فعمرو

اوسمان: امييين

لحسن:(وقف التراكتور) اوا هاحنا وصلنا لدار الكبيرة

اوسمان:(بقا كيشوف فدار لي تربا و كبر فيها و عينيه كيبريو و عاطيين بريق ديال الحزن و قلبو كيضرب حيت من مور داك الباب كاينة عائلتو و مازال خايف من ردة الفعل ديالهم )

لحسن: اوسمان يالاه ندخلو و مولاها ربي

اوسمان هبط من تراكتور و رجليه كيرجفو حل بيديه الباب لي كان حلو نهار خرج فمرة و هو مكسور و خايف بزاف احساس صعيب دفع الباب على جهدو حتى تحل و دخل هو و لحسن و كانت رابحة هي و فاطنة كيطرزو و يقادو لمنسج حتى طلعات فاطنة راسها و هي كرشها واصلة لفمها غير شافت اوسمان و هي تشهق

فاطنة:(عيطات ) خالتييييي ايطوووو اوووسمااان رجع

رابحة:(هي ماكتعرفش اوسمان حيت فاش تزوجات بلحسن كان اوسمان خارج من الدار غير كيعاودولها عليه بقات كتشوف فيه و ناضت عند راجلها ) سلام

لحسن: هادي رابحة اخويا

اوسمان:(ابتاسم ليها ) سلام

فاطنة:(ناضت بكرشها و جات لعندو) اهلا خويا اوسمان (سلمات عليه)

اوسمان: فاطنة لباس عليك الليفك وحايلك بيخير و على خير

فاطنة:(بينها و بين راسها ماحاملاهش و كارهاه و كطلع فيه و تهبط) امييين

مايا:(خرجات من الكوزينة كتجري منين سمعات لغوات د فاطنة و منين شافت خوها بقات كتبكي و مشات كتجري عندو ) اوسمااااان اهئ اهئ (عنقاتو) خووويااااا اهئ اهئ خوووويااااا

اوسمان: (معنقهاااا و مزير عليها مابغاش أطلقها ) مايا لباااس عليييك.

مايا: لااا اهئ اهئ مشيتي كيفاش انكون بيخير

اوسمان:(مسحلها دموعها ) صافي ماتبكيش هاني جييت

مايا: إماااااا اوسماااان جااااا

ايطو خرجات هي و لكبيرة جدات اوسمان

ايطو:(بقات كتبكي) ممي اهئ اهئ ولدي

اوسمان:(مشا كيجري عندها هبط عند رجليها كيبوسهم و هي تحنات عندو كتبوس راسو) سمحيلي ا يما سمحيلي (خانوه دموعو و بقا كيبكي و هو كيبوسلها راسها و يديها و رجليها)

ايطو: شويتيني اولدي اهئ اهئ حرمتيني منك اهئ اهئ

اوسمان:هاني رجعت ايما و هاد المرة ماعندي فين نمشي انبقا معاك ديمااااا

لكبيرة: ولدي اوسمان اجي عند ناناك اولدي حتى انا توحشتك

اوسمان:(مشا عندها باسلها راسها و يديها ) لباس عليك انانا كيبقاولك ركابيك مازال كيضروك

لكبيرة: لا اولدي منين شفتك برييت و انا مازال نجري و ندردك

اوسمان: الليطولنا فعمرك

لحسن: اوا باراكا من لبكا دابا وقت لفرح (ضار كيهضر مع مرتو) راااابحة حطي لغدا

فاطنة: لغدا مايتحط حتى يجي عمي مبارك و سعيد

لحسن: واخا انجلسو حتى يجيو

جلس اوسمان مع عائلتو و هو فرحان حيت وأخيرا رجع عندهم و كيهضر معاهم و يشبع منهم حتى خرجو جوج ببنيتات كانو زهرة و هنية بقاو كيشوفو من بعيد

مايا : هنية زهرة اجيو

جاو لبنات و هوما حشمانين زهرة و هنية بجوجهم بنات زوينات بزاف عندهم شعر زعر و عوينات زورق و كيشبهو لمايا غير مايا عندها شعر قهوي

اوسمان: هنية كبرتي ههه

هنية: (باستلو يدو ) عمي اوسمان الحمد لله على سلامتك

زهرة:(بغات تقلد هنية) عمي سوسمان حمد الله على سلامتك (كتعكلها الهضرة )

اوسمان: هههه قطيطة لباس عليك

زهرة: حمد لله

ايطو: ولدي نوجدلك لحمام و بيتك ترتاح فيه

اوسمان: لا ايما انتسنا الوليد اجي حتى نهضر معاه

بقا اوسمان كيهضر مع عائلتو و كيعاود ليهم و هوما كيسولوه و كيحاولو يعرفو اخبارو و مامتيقينش بلي راه حداهم و كيشوفو فيه ماهي الا دقائق دخل مبارك هو و سعيد و كولشي وقف كيشوف فيه

مبارك: (كيهضر مع سعيد) لهضرة كانت بصح ماكانوش كيكدبو

سعيد: (كيشوف فاوسمان و مشا عندو سلم عليه سلام ناقص) على سلامتك

اوسمان:( حس بداك السلام الناقص واخا هكك مابغاش يبين راه تقلق ) الليسلمك

مبارك: ايطو قولي لولدك اخرج منهنا

اوسمان: إبا بغيت نهضر معاك

مبارك: انا ماعندي ولد و ماشي باك

إيطو: مبارك هضر معاه عفاك راه عندو مايقولك

مبارك: فاش كيهضرو الرجال لعيالات كيسكتو

اوسمان: اوا خلينا نهضرو راجل مع راجل

فاطنة:(كتهضر مع راجلها بشوية) هادا لاش رجع

سعيد: ماااعرفتش ولكن موحال عمي يسمحلو راه ماشي ساهلة راه سخط عليه

فاطنة: الى سمحليه هزنا الما

سعيد:(خنزر فيها) سكتينا

مبارك: ماعندي فاش نهضر معاك

لكبيرة: مبارك هضر مع ولدك

مبارك: يما ماتدخليش

لكبيرة:(وقفات) مايدا تيني (اش قلتي ) منتدخلش احتارمني و سمع هضرتي

مبارك:(تنهد) تبعني نتااا

طلع مبارك للفوق و اوسمان تابعو حتى دخلو لواحد لبيت فيه البيرو ديال مبارك

مبارك: (عاطيه بظهر) علاش رجعتي

اوسمان: منكدبش عليك كون ماحتاجيتكش ماكنتش انرجع انا خسرت خدمتي و كاع داكشي لي عندي و جيت

مبارك: كون ماخسرتيش هادشي ماكنتيش اتجي ؟

اوسمان: نتا لي جريتي عليا و سخطتي عليا و انا كنت باغي غير نقرا و نخدم ماغلطتش نتا لي كنتي كتشوف لقرايا حرام

مبارك: (ضار عندو) كنتي عكازي لي كنتكا عليه و كنرفع راسي حيت نتا ولدي ولكن طيحتي بيا قدام لقبايل لوخرا كولشي كيقول ايت اشهبون هرب عليهم ولدهم

اوسمان: ماكنتش باغي لحكام و ماكنتش باغي نولي لمير ديال هاد المنطقة كان الحلم ديالي نخدم و نخرج من هاد المشاكيل

مبارك: اوا سير خرج عليا من نهنا مكنعرفكش

اوسمان: رجعت حيت باغيك تسمحلي على كولشي و تخليني نعيش معاكم و فوسطكم و اي حاجا طلبتيها مني انديرها

مبارك: و ماغاديش تفكر مرة اخرى تخرج من كيكو ؟

اوسمان: الى سمحتيلي عمرني نخرج و انبقا هنا

مبارك:(عنقو و هو مبتاسم ) مرحبا بيك اولدي فدارك

اوسمان:(حتى هو فرحان و بادلو العناق ) شكرااا

خرجو هو وياه من لبيت كيضحكو و كولشي وقف كيشوف فيهم

مبارك: ايطو وجدي لزردة ولدي اوسمان رجع و ايبقا معانا بغيت كولشي يعرف بلي ولدي رجع و غدا انديرو زردة كبيييرة و نعرضو على كووولشي

ايطو: يويويويويويووووووي (زغرتات يدو و الفرحة كبرات لحسن و رابحة فرحو بزاف و حتى لبنات فرحو اما فاطنة و سعيد كانو ايقتلو راسهم بالفقصة ولكن ما عندهم مايقولو ماكايناش كلمة كتعلى على مبارك فايت يوسي كولها مشاو لبيتهم نفقوصين)

لحسن: شفتي كيفاش تفقسو

رابحة: الليهديهم و صاف

ايطو: مايا عيطي لعيالات الجيران اجيو اعاونونا

مايا: هههه واخا ايما

كملات الفرحة برجوع اوسمان لدارو و كيوجدو لزردة كبيييرة ماكاينش بحالها و هو واخا كيضحك ولكن قلبو مافرحانش بزاف خصوصا فاش كيتفكر انه مظلوم و كيتفكر كوهينور كيحس بالخنقة ولكن حالف بحلوفو حتى يرد دقتو حيت الراجل عمرو كينسا دقتو و عمرو كينسى المرأة لي كواتو فقلبو …

كان سعيد هو و فاطنة فبيتهم كيتناقشو و ماعاجبهم حال

سعيد: علاااش رجع ضربلي كولشي فالخوا

فاطنة:(جالسة و شادة فكرشها ) و عمي سمحلو دغيا

سعيد : بطبيعة الحال ايسمحلو راه ولدو هاداك

فاطنة: واماخصوش انسا كيفاش وقفتي معاه و نتا لي كنتي دراعو نهار ماكانش اوسمان

سعيد: فوقاش اتجي مرت عمي (ام لحسن) هي لي غادي تخرجو منهنا

فاطنة: مكنظنش راه منين مات راجلها الليرحمو و هي دايرة بحال شي هبيلة

سعيد: مازال ماجات من ايت حمزة

فاطنة: باقا عند حبابها دابا تجي غدا (شداتلو فيدو و جلساتو حداها) شوف نقولك واخا جا اوسمان و لكن ماغادي يدي منا حتى حاجا انا راني حاملة بولد و غير غادي يتزاد حنا لي انحكمو

سعيد: من فمك لربي عرفتي افاطنة و تولدي ليا ولد انعمرك باللويز

فاطنة: ههه الليخليك ليا

مبارك: (كيعيط لسعيد من لتحت) سعييييد سعييييد

فاطنة: نووض عمي كيعيطلك

سعيد:(ناض كيجري و هبط عندو) نعام اعمي

مبارك: عيط لقبايل ايت حمزة و ايت حسان و ايت بويلول و ايت لميس و عبد المولى

سعيد: واخا اعمي و ايت عمر و عبيد؟

مبارك: (خنزر فيه) هادوك أعداءنا و ماغااااديييش يحضرو معانا فهاد الفرحة

اوسمان:(سمع هضرت باه و جا عندو) و انا بغيتهم احضرو ايبا حيت بغيتهم اشوفو بلي رجعت و يضربو لحساب لراسهم

مبارك: واخا اولدي كيما بغيتي (ضار عند سعيد) اوا سير اش باقي كتسنى

سعيد: واخا (مشا)

كانت مايا كتسنط على لهضرة د باها و اوسمان و هي تهز شالها و بدأت كتسلت حتى خرجات من دار و مشات كتجري ماوقفاتش حتى وصلات للواد و جلسات تماك كتنهج و كتنفس ماحساتش حتى تكا على فخادها

عمر: مال الحوبينو مقلق

مايا:(دفعاتو) نووض دابا يشوفنا شيواحد

عمر: ماكاين لي يشوفنا اصلا الواد مامنحق حتى واحد ادخلو من غير ايت عمر و عبيد و (غمزها) نتي

مايا: وليت خايفة بزاف اعمر الى عرفو عائلتي بلي كنبغيو بعضياتنا راه مشينا فيها

عمر:(شدلها فيديها) مايا انا وياك عاماين و حنا بجوج و كنقولك نجي نخطبك مكاتبغيش

مايا: واش منيتك ولا كضحك عليا نسيتي بلي قبيلتنا و قبيلتكم معاديين و خوك لكبير قتل عمي (اب لحسن)

عمر: و شنووو ذنبي انااا علاش كنتعاقب على شيحاجا مادرتهاش

مايا: خويا اوسمان رجع

عمر: اذن كاين حل نقولوهالو و هو ايتوسط لينا حيت هو جا من لمدينة و عارف هادشي

مايا: غير كيبانلك خويا واخا مشا للمدينة عقليتو باقا مرتابطة بأصلو و غدا دايرين ليه الزردة و سمعت بلي ايعرضوكم

عمر: هي انشوف حبيبتي فدارهم ههه

مايا: (حطات يديها على حنكو) عمر لكمتريخ بزاف (كنبغيك بزاف) و عطيتك شرافي و اغلى ماعندي و مابغيتش يفرقونا

عمر: يالاه نهربو نخليو من مورانا كاع هاد المشاكيل

مايا: منقدرش غادي يقتلونا

عمر:(رجع تكا على فخدها) اوا يحلها ربي (تنهد) الله معانا و عارفنا كنبغيو بعضياتنا و هو ايسهل لينا طريق

مايا : امييين اوا خصني نمشي قبل مايحسو بلي ماكايناش انا فدار و فاطنة كتشوف غير منين تشدني و ديرلي المشاكيل

عمر: سيري نيشان لدار عنداك نشوفك واقفة

مايا : واخا

ناضت مايا دايرة سبنية و مشات كتجري حتى وصلات لدارها و حلات لباب و بدأت كتسلت

فاطنة: فيين كنتي

مايا: كنت مسخرة للحانوت

فاطنة: لحانوت مع لمغرب نسيتي راسك شكون و بنتمن و لا يمكن سبتي بزاااف

رابحة: فاطنة خلي عليك البنت راه قالتلك تسخرات

فاطنة: ماشي شغلك نتي هادي راه سابت دابا تجيب لينا شي فضيحة لدار

مايا: (خلاتها كتغوت تماك و مشات دخلات للكوزينة لقات مها و جداتها كيقادو لكاطو و عيالات جيران كيقادو معاهم و جلسات كتعاونهم)

فكازا و بضبط فالدار ديال الزنبقة كان متوجه لعند كوهينور دفع الباب و دخل لبيت لي كانت فيها مع حورية هاد الاخيرة بقات جالسة معاها كتواسيها حتى لمحات الزنبقة

الزنبقة: حورية ممكن تخرجي بغيت نهضر مع كوهينور

حورية: واخا (خرجات)

الزنبقة:(كيشوف ف كوهينور) هاد لوجه مايستاهلش اكون مقلق

كوهينور: كولشي بالفضل ديالك شكرا

الزنبقة: ههههه هادا غير شوية من بزاف

كوهينور: شنو باقي مازال مادرتيش حرمتيني من بابا و لقصر لي تربيت فيه شنو مازال باغي دير

الزنبقة: والو صافي العذاب سالا عطيني الكوهينور و سيري بحالك

كوهينور: (ضحكات باحر من الجمر ) هههههه الكوهينور تضمرات مع لقصر

الزنبقة: كيفاش ؟؟

كوهينور: الكوهينور كانت فالقصر و لكن نتا فجرتيه و فجرتي معاه الجوهرة

الزنبقة:(شدها من شعرها و زدحها مع الارض) نتييييي قلتييييلي عاااارفة فييين كااااينة الكوووهينووور كنتي كتكدبي

كوهينور:(ناضت كترجف) اه كدبت باش تخرجنا من تماك و الكوهينور تضمرات

الزنبقة:(جمعها معاها بتصرفيقة) علااااااش كتبغيو ضمرو ليااااا حياااتي فالاول باباك و دابا نتي

كوهينور: (شادة حنكها) باباااا مادارلك وااالووو نتااا كداااب نتا كطيح عليه الباطل

الزنبقة: (جعر و بدا كيضمر كولشي لي فلبيت و معصب) هاداك لي كنطييييح عليييه البااااااطل كنت كنحسبو باااا حيت هو لي حليت عليييه عيني ولكن طلععع شمااااتاااا قتل عائلتي و ضمر ليا حيااااتي و قلب عليا عشيري و طلقني من مرتي

كوهينور: باااباااا مكيديرش شيحاجا بحال هاااكاااا نتا كتكدب اهئ اهئ

الزنبقة:(جمعها معاها بتصرفيقة مرة أخرى و بدا كيعطيها فركل و كيضربها ضرب خااايب حتى سال ليها دم من نيفها ) كنكدددب يااااااك (زدحها مع الحيط حتى تقابلات معاه كتشوف فيه و دموعها تخلطو مع الدم و حيد الماسك لي كان داااير حتى بأن وجهوووو اما هي غوتات من قبح المنظر لي شافت كان وجه يوسف مشوه كولو و منظرو خايب مايقدرش الواحد ابقا اشوف فيه و مشا عندها شدها من شعرها و كيطلع ليها وجهها باش تشووف فيه) شفتييييي باااااك اش داااار كان مخطط بااااش اقتلني و قطع لفران ديال طوموبيلتي كنت رااااااكبهاااا انااااا و فيرووووز و درنا كسيييدة كلفااااتني حيااااتي تشوهت فوجهي و مراااتي منين فاقت مابقاتش باغااا تكمل معايا حيت تشوهت عرفتي شناهي اخونك صاحبك حيت لقا همزة عند واحد آخر لي هو باك و سراج هو لي عطا الكوهينور لباك عرفتي شناهي تعيشي مع تشوه و حتى واحد مايقدر اشوووف فييك عشت خمس سنييين و انا غااابر و ماقاااادرش نخرج عند ناس خمس سنييين و انا غابر فهاد الماسك و قلبي كيبكي دم حيت مابين ليلة و نهار خسرت كولشي

كوهينور: عفاااااااك صااااااافي اهئ اهئ بااااراااااكا

الزنبقة: لاااااا شوووووفيييي (غارس صبعانو فالفك ديالها باش تشوف فيه ) شووووفي شنووو دااااار الوحش ديال البااااك و عذريني على الكره دياااااالي (رماها فالارض)

كوهينور: (طاحت فالارض كتبكي ) و شنووو ذنبي انااا اهئ اهئ ماكنت عارفة واالو علاااااش كتعاااقبني

الزنبقة: نتييييي بنتوووو و مازاااال اتعاقبي كثر و عرفتي شنو حيت ماخديتش الكوهينور و مادام تضمرات فالقصر انا ماغاديش نقتلك لا (لبس القناع ديالو )

كوهينور: شنووو بغييتييي دييير اهئ اهئ

الزنبقة: غادي نعيشك فلمرااااار غااااادي نردك لعبة فيدي و عبدة عندي و غادي نوري لداك زاااامل دباااك كيييفاااش كيكوووون اللعب (خنزر فيها و عينيه نقطة ددم) غادي نتزوج بيك اكوهينوور و اتعيشي بحال المدلوولة ابنت القحبة

كوهينور:(طلعات راسها فيه بصدمة و هي مهلوكةبلعصاا) لااااالاااا ميمكنش ماااااغاااادييييش نتزووووج بييييك اهئ اهئ لاااااا عفاااااك ماديرش فيا هااااادشي مابغييييتش

الزنبقة: ههههههههههه و نزيدك عرسنا غدا فصباح امراتي زوييينة (مشا خرج و سد الباب)

كوهينور:(تبعاتو و لكن سد عليها لباب و بقات كتزدح فيه ) خرجنيييييي من نهناااااا اهئ اهئ مابغييتكش بعد منيييي مانتزوجش بيييك اهئ اهئ عتقوووووني حنااااااااان اهئ اهئ باااااباااااا فييييينكم (طاحت للأرض) عفاااااكم عتقووووني منوووو

كانت حنااان فبيتها سمعات لغوات ديال كوهينور و جمعات الوقفة بغات تحل الباب ولكن مسدووود و بقات كدفع فييه

حنان: يووووووسف حل الباااااب (كدفعو برجلييها)

حورية:(كانت دايزة من حدا الباب ديال حنان و هي تحل ليها )

حنان: (دفعاتها و بقات كضور راسها فدار بحال الحمقة كتحاول تسمع الصوت ديال كوهينور لي تقطع)

حورية: فييين بااااغاااا تمشي

حنان؛ فييين هي كوووهييينووور سمعتهااااا كتغوت ياااااكماااا درتووو ليها شيحاجا اللياخد فيييكم الحق

حورية: اجي معايا هي كاينة فداك البيت(نعتات ليها)

حنان: (مشات كتجري حتى وصلات عندها و كدفع الباب و كدق ) كوهينووور

كوهينور: (سمعاتها و زادت فالوتيرة دلبكا) حناااان اهئ اهئ عتقييني

حورية: اطط نحل ليك لباب (جبدات سوارت و حلات ليها )

حنان:(دخلات عند كوهينور لقاتها فالارض و دم فوجهها) كوهينووور

كوهينور:(عنقاتها) عتقيني عفاااااك اهئ اهئ مابغيييتش نتزوج بيييه غاااادي نقتل راسي

حنان:(كتحاول تنوضها ) نوضي اجي معايا(وصلاتها لنموسية و نعساتها و تكات حداها ) ماااالك

كوهينور:(كتشهق و كتبكي) غاااادي يتزوج بياااا بغااا يعذبني اهئ اهئ غدا كاين كاين العرس فصباح اهئ اهئ مابغيييتش نتزوجووو احنان اهئ اهئ كون تشوفي وجهو مشوه كاااملووو غادي نموووت الى قربلي انتاحر

حنان:(حنان مصدومة مامتيقاش بلي الزنبقة غادي يتزوج كوهينور بقات كدوز يدها على شعر كوهينور و كتواسيها) كنواعدك ماغاديش تزوجي بيه تيقي بيا اندير اي حاجا و ماغاديش نخليك ليه ماتخافييش

كوهينور: اهئ اهئ غادي نموووت

حنان: صااافي شش غير تيقي بيا صااافي (بقات حنان كدوز يدها على رأس كوهينور حتى حسات بيها نعسات و تسلتات من حداها خارجة مع لباب و حورية كانت حدا لباب )

حورية: فين اتمشي

حنان: بغيت يوسف

حورية: غادي تلقايه فجردة

حنان:(هبطات مع دروج حتى كتشوف باب ديال جردة خرجات و لقات يوسف جالس فكرسي ديالو و كيشوف فشيوراق) نتا ماغاديش تزوج بيها

الزنبقة:(ناض عندها و قف قدامها) قودي لبيتك حيت راااااني معصب بزااااف و ماتخلينيش نغلط فيييك

حنان:(حمرات فيه و علات صوووتها) وااااش فجهدك دييير كااااع ضربني كيما ضربتيها انا غادي نضرب على راسي اماهي مسكينة لقيتيها ضعيفة و حاط يدك عليييهااااا

الزنبقة: مازاااال مااااشاااافت وااااالو

حنان: واش بصح اتزوج بيييهاااا؟؟؟

الزنبقة: اه و منبعد

حنان: (بقات كتشوف فيه بحزن) لهاد الدرجة الحقد عماك

الزنبقة:(شدها من كتافها كيحرك فيها) نتي ماشااايفاااااش النااار لي شااااعلة فقلبي

حنان:(نترات يدها منو ) ماغاااااديييش نخليييك تزوج بييهاااا

الزنبقة: اوا منعيني الى قدرتي

حنان: واخا هاحنا انشوفو

الزنبقة: العرس كاين غدا صباح وقتك بدا دابا

حنان:(مشات نص طريق خلاتو ماجاوباتوش و هي ضور عندو ) بغيت نشوف ختي

الزنبقة: سيري عند حووورية توريك فين كاااينة

مشات حنان ساخطة على الوضع اتاجهات عند حورية وراتها فين كاينة ختها و شاكمة و مشات حلات عليهم الباب

حفيظة:(عنقات ختها ) ختي

حنان: نتي بيخييير

حفيظة: اه بيخير

شاكمة: (عنق حنان) ياكما تآذيتي

حنان: لا انا بيخير ماتخافوش

حفيظة: شنو واقع هنا احنان

حنان: (كتحك راسها ) الزنبقة منين مالقاش الجوهرة قرر اتزوج كوهينور باش اعذبها

حفيظة: شنااااهو ااااا

حنان: بطبيييعة الحال انا ماغاديش نخلي هاد زواج يكمل

حفيظة: و شنو فجهدك ديري و حنا بحال بوبيات وسط دارو

حنان: خاص نهربوها احفيظة

حفيظة: نهربوها ؟

حنان: اه خاص نصيفطوها لشي بلاصة مايلقاوهاش

حفيظة: امممم خاصني نهضر فتيليفون نشوف واش انجح هاد لبلان ولالا

شاكمة: اشمن بلان

حفيظة: انصيفطو كوهينور لبلاصة بعيدة و انا عارفة شخص لي كاين فبلاصة بعيدة (ابتسامة ماكرة)

حنان: متأكدة بلي بلاصة آمنة

حفيظة: وي على حسااااابي

حنان: اوك انا انقلب على شي تيليفون

حورية:(مبتاسمة) مامحتاجينش تقلبو هاكي تيليفوني (مبتاسمة)

حنان: وعلاش انتيق فيك

حورية: هواتف الأرضية مراقبين و الى عرف الزنبقة بلي باغيين تهربو كوهينور غادي يصفيها ليكم اذن هاكي تيليفوني مامراقبش

حنان: علاش كتعاونينا و نتا فصف الزنبقة

حورية: حيت نهار كنشوفو غادي فالغلط انحاول نعاونو ولكن نتي عارفة بلي تهريب كوهينور ايكلفك حياتك

حنان: مستاعدة ندير اي حاجا باش نعتقها انا واااعدتها

حورية:(رماتلها تيليفون ) اذن هاك

حنان:(شداتو عطاتو لحفيظة) هاكي

حفيظة:(خرجات البالكون باش تلقا راحتها فالهضرة) …

حفيظة:(خرجات البالكون باش تلقا راحتها فالهضرة) الو

اوسمان:(كان جالس حدا باه و مو كيهضر معاهم حتى جاه اتصال من عند رقم ماعرفوش و جمع الوقفة مشا بعيد باش اهضر ) الو

حفيظة: اوسمان لباس عليك

اوسمان: حفيظة؟ اهلا كولشي بيخير

حفيظة: الحمد لله شوف عندي ليك واحد الخبر

اوسمان: شنو كاين

حفيظة: غادي نصيفط عندك كوهينور

اوسمان:(سمع سميتها و زير على القبضة د يدو) كيفاش

حفيظة: انعاودلك كولشي (عاوداتلو حفيظة كولشي من الاول حتى لتالي و ماخبات عليه حتى حاجا )

اوسمان: الى جات عندي غادي نقتلها

حفيظة: الدنيا كتقتل بالضحك ا اوسمان حيت كوهينور خسرات كولشي و ليام كتاخد الحق للمظلوم و هاهي اتجي حتى لبين يدك

اوسمان: (ابتاسم) صيفطيها غدا فالكار قوليلو كيكو و ايجيبها حتى لهنا

حفيظة: واخا

اوسمان؛ شكرا بزاف

حفيظة؛ العفو هادا واجب و حنا أصدقاء (قطعات و خرجات عندهم ) صافي ريكلت الأمور (عطات تيليفون لحورية )

حنان: ولكن شنو انديرو دابا كيفاش انخرجوها من دار قدام ليكارد و مايحصلناش يوسف

حورية: خلي هادشي عليا انا انوصي واحد من رجال اخرج حفيظة و كوهينور من دار بلا مايعيق حد

حنان: شكرا بزاف

حورية: كندير هادشي كاملو على قبل يوسف حيت استاهل جزء من السعادة لي محروم منها و مانبغيش اغرق راسو

حنان: (ابتاسمات ليها و ضارت عند حفيظة و شاكمة ) يالاه. تصبحو على خير غدا انبداو الخطة (خرجات حنان هي و حورية رجعات كل وحدة فيهم لبيتها و بقات حفيظة و شاكمة فنفس البيت)

حفيظة: انا انعس فالنموسية و نتا نعس فالارض

شاكمة: و الله لا كانت ليك انعس انا فالنموسية و نتي من شي فالارض

حفيظة: واش نتا حمق انا بنت و نتا ولد

شاكمة: كتجيو حتى لحاجا لمعقولة عاد كتحيدو المساواة

حفيظة: والاااا المساواة فيها و فيها

شاكمة: (تكا فالنموسية ) حتى انا مامحركش من نهنا اوا موتي

حفيظة:(تكات حتى هي ) حتى انا ماغاديش نوض يالاه

شاكمة: على خاطرك عنداك غير تشخري

حفيظة: بزاف عليك نتا لي كتشخر (عطاتو بالظهر و هاهي الى لحظات امتالكها النعاس و مشات فسبات عميق ضارت و حطات يديها على صدر الشاكمة اما هو حل عينيه بشوية كيشوف فيدها و ضور راسو عندها و مبتاسم و قلبو كيضرب)

شاكمة: كنبغيك بزاف احفيظة و نقدر ندير اي حاجا على قبلك حيت قلبتي ملكتيه نتي و سلبتي عقلي انا انحاول ندير اي حاجا و انتزوجو انا وياك و نعيشو فدار وحدة انبقا نحيد من راسي و نعطيك حيت انكونو واحد و لموس لي ايدوز ايذبحنا بجوج عمرني نخليك كنواعدك(شبك الشاكمة يدو مع يدها و باسها ليها و هو فرحان حيت ناعسة جنبو و قلبو ايقفز بالحب ولكن القدر ديما كتكون عندو هضرة أخرى و ديما كيفاجأنا بأحداث أخرى عكس داكشي لي خططنا كان ايضا فهد متكي فوق النموسية ديالو و كيتفرج فتصاور حفيظة و علامات الحزن متملكينو عيا مايتسنا فيها و عيا مايحاول اوصل ليها ولكن والو مابغاتش تجي عندو و هو بدأ كيأس شوية صونا على المنتج ديالو) الو

المنتج: الو واش لقيتي روبي

فهد: مالقيتهاش و موحال واش انلقاها

المنتج: ماتقووولش هاكا زيد قلب

فهد: ماعندي مانقلب عيي بتقلاب و هي مابغاتش تبان

المنتج: اوووف شنو ادير دابا

فهد: غدا انرجع لأمريكا راه قطعت تيكي مع 7

المنتج: ولكن..

فهد: مكاين ما والكن تصبح على خير (قطع فهد و رما تيليفونو و هو ساخط على الوضعية بغا يلقاااها و بغا ياخدها معاه حتى قال بلي تحل الباب لي ايوصل ليها من خلالو و رجع فقد الامل و لكن هو ماعارفش بلي حفيظة عارفة كاع المعلومات عليه و عارفة دارو و فين كاين ولكن ماقدراتش تمشي عندو حيت الوقت مكتسمحش ليها )…

أصبحنا و أصبح الملك لله

كانت الحركة فدار ديال الزنبقة كولشي خدام كيقادو الزينة ديال العرس و المأكولات و التجهيزات كاملها حاضرة و كل واحد داير خدمتو …كان الزنبقة كيعطي الأوامر باش ماتنقص حتى شيحاجا حتى جات عندو حورية

حورية: اش كدير ايوسف باش منيتك باغي تتزوج

الزنبقة: علاه مامنحقيش نتزوج

حورية: من حقك ولكن ماشي بهاد الطريقة

الزنبقة: (كيهضر باستهزاء) بغيت ندير ولادي و نعيش مع مراتي

حورية: باراكا من هاد الضحك نتا اصلا باغي تزوج بيها على قبل ترد الصرف لمعتصم ماديرش هاكا اتندم

الزنبقة: ماغاديش ندم

حورية: (كتشوف ف الدار و التجهيزات) ولاش هاد التجهيزات كاملها ؟؟ و حتى واحد ما يكون حاضر

الزنبقة: شكون قالك حتى واحد ماحاضر انا عرضت على كاع المافيوزيين و الناس لي كنعرف فالاخير هادا عرسي خص كولشي يحضر

حورية: لا زدتي فيه

الزنبقة: (كيشوف ف ساعتو) منهنا ل ثلاثة د سوايع كولشي ايكون حاضر سيري وجدي راسك و وجدي معاك حنان و ختها باش احضرو حتى هوما و هاكي (عطاها فستان زفاف فالاسود ) عطي هادا لكوهينور

حورية: واش كاينة شي عروسة كتلبس لكحل راحنا فاهمين بلي حياتك كاملها رديتيها بالاسود دارك ، طوموبيلتك، الاثاث و كل حاجا كحلة حاطها فدارك و لكن العروس تلبس فستان اسود هادي ميمكنش

الزنبقة: راني ماغاديش نحطها فالمزاد العلني رآه غادي تزوج بالزنبقة و هادشي كيعني بلي حياتها اتكون كولها كحلة و اتعيش فالجحيم

حورية:(خدات الفستان و توجهات لبيت ديال كوهينور حلات الباب لقات معاها حنان كتواسي فيها ) صباح الخير

كوهينور:(كتبكي ) منين بغا يجي لخير اهئ اهئ

حورية:(علقات الفستان)

حنان: شنو هادا

حورية: فستان العرس

حنان: انا لي كنعرف الكسوة كوكون بيضا

حورية: ماعندنا مانديرو هادشي لي بغا الزنبقة

كوهينور: انا مابغيت لبس لا كسوة بيضا لا كسوة كحلة اهئ اهئ مابغييييتش نتزوج

حنان: نتي ماغااااديش تزوجي اكوهينور حنا غادي نهربوك

حورية: ماشي دابا خلي حتى يبداو ادخلو الناس و عاد نبداو الخطة

كوهينور:(مسحات دموعها ) فيين بغيتو تهربوني

حنان: انا واعدتك بلي انحميك و مانخلي حتى شيحاجا تقرب ليك لذلك غادي نخرجك منهنا و نصيفطك لبلاصة بعيدة

كوهينور: فين كاينة هاد البلاصة واش عند بابا ؟؟

حنان: لا ماشي باباك منقدروش نصيفطوك لتماك حيت كيما عارفة لقصر تضمر و كاع وراقك تحرقو

كوهينور: اذن فين؟

حفيظة: (واقفة فلباب بدرع باش لقات البيت) اوووف شحااال فيك ديال سوالات ماشي شغلك المهم انهربوك

كوهينور: (عنقات حنان ) شكرااا بزاااف عمرني نسا خيرك

حنان: ماتقوليش هاكا خيرك سابق

كوهينور: ولكن راه الى عرف الزنبقة بهادشي غادي يقتلكم

حنان: ماتخافيش علينا اندير اي حاجا باش مايوصلش ليك

حفيظة: نتي متأكدة بلي باغا تهربي؟

كوهينور: اه علاه

حفيظة: غير سولت نخاف متعجبكش لبلاصة لي انصيفطوك ليها

كوهينور: مكيهمش المهم عندي هو منتزوجش بالزنبقة و اي بلاصة معنديش مشكل

حفيظة: اوك

حورية: انمشي نخرج نشوف التجهيزات باش مايحسش يوسف بلي كنخططو بشيحاجا

حفيظة: و انا انمشي نفيق شاكمة راه شخيرو وصل للموزنبيق

خرجات حورية و حفيظة و ناضت كوهينور سدات الباب و رجعات تقابلات مع حنان

كوهينور: ديك الحاجا لي كنت مفتاخرة بيها و كنحس بلي بوحدي لي مالكاها جاني من موراها غير المشاكيل و دابا مابقيتش بغيتها كاع

حنان: شنو كتقصدي

كوهينور: (جبدات من جيبها الجوهرة) ماقدرتش نفرط فيها و خرجتها من المخبأ ديالها

حنان: (مصدومة) اذن علاش ماعطيتيهاش ليوسف ماكانش ايوقع كاع هادشي

كوهينور: نتي غالطة احنان واخا كنت انعطيهالو ماكانش ايخلينا فالتيقار حيت حالف حتى يضمرني و يضمر بابا و كل واحد آذاه كان ايستخدم الكوهينور كسلاح باش اخلينا عبيد عندو

حنان: و دابا شنو غادي ديري بيها

كوهينور:(هزات يد حنان و حطاتلها الجوهرة فيدها) هادي من حقك نتي ولات ديالك ديري فيها لي بغيتي مابقيتش باغاها

حنان: لا منقدرش

كوهينور: كنتيق فيك غير شديها عندك

حنان: نخاف نضيعها

كوهينور: مكيهمش الاهم هو تحمي راسك بيها

حنان: (عنقاتها) ماتخافيش عليا ماغادي يوقعلي والو

كوهينور: مانخافش على الزوبير ههه اما حنان الغزالة نخاف عليها

حنان: هه الزوبير ديما مع حنان ماتخافيش

كوهينور: اكون خير قوليلي كيفاش اتهربوني

حنان: غادي تاخدك حفيظة لشي بلاصة و اتهربك

كوهينور: نتي ماعارفاش فين

حنان: لا ماعارفاش هي بوحدها ليعارفة و دابا انتسناو الإشارة ديال حورية باش تخرجو بجوج

كوهينور: اوك

…كانت حفيظة كتسركل فالدار و كتشوف التجهيزات و داكشي زوين و مضخم حتى دخلات للكوزينة لقات طباخين كيوجدو الماكلة و الحلويات اشكال و أنواع هزات الحلوة و بقات كتاكل شوية و هي تشوف الزنبقة قدامها و هي تخبع الحلوة موراها

الزنبقة: عجباتك الحلوة

حفيظة:(فمها عامر) زوينة زوينة

الزنبقة: غير كولي ماتخافيش مني

حفيظة:انا اصلا جيت ناخد كأس دلماء باش نفيق الشاكمة

الزنبقة: علاش؟

حفيظة: كتسولني علاش بغيت كأس دالماء ولا علاش بغيت نفيق الشاكمة

الزنبقة: بجوج

حفيظة: حيت نعاسو ثقيل و هاكا باش افيق و زيد عليها تعطل فنعاس

الزنبقة: اااه او وجدو راسكم راه ناس بداو كيجيو

حفيظة: ممكن نسولك

الزنبقة: وي

حفيظة: منين اتزوج اتخلينا نمشيو بحالنا

الزنبقة: فين باغيين تمشيو

حفيظة: ماعرفتش ولكن غالبا عند سراج

الزنبقة: سراج ؟

حفيظة: ااه ههه كيبغي ختي بزااف و يمكن بغا يتزوج بيها و انا كنتمنى ليهم كل خير

الزنبقة: (مشا عمر كأس دالماء و حطولها بالزعاف فوق البوطاجي حتى قفزات) هاهو الكأس سيري فيقي شاكمة (خرج)

حفيظة: مال هادا تعصب اش قلت كاع اوووف (هزات الكاس و مشات للبيت كتسلت حتى وقفات قبالت الشاكمة و خوات عليه الكأس ناض مفزوع)

شاكمة: اش وااااقع اش كااااين فييين انا اش هادشي

حفيظة: ههههههههههههههههه طرت والله حتى طرت (تمرغات كضحك و دموعها نازلين بالضحك)

شاكمة: تفووو بسااااالة هادي (كيمسح وجهو)

حفيظة: شفتي كيدرتي ههههههههههههه واااااااالعااادااااو ههههههههههههه

شاكمة:(ناض مشا لطواليط و هو معصب ) تبرهيش دوالو

حفيظة: (كدق عليه فالباب د طواليط) خرج راه بغيت نقولك شيحاجااا

شاكمة: (خرج عندها ) شنو

حفيظة:(كتهضر بصوت منخافض) ليوم غادي نهرب كوهينور

شاكمة: انمشي معاكم ماغاديش نخليك بوحدك

حفيظة: ششش ماعندك فين تمشي بقا مع حنان هنا نخاف توقع ليها شيحاجا و انا انرجع دغيا اوك

شاكمة: ردي لبال لراسك (حط يدو على يدها ) و منين ترجعي عندي ليك مفاجأة

حفيظة:( مبتاسمة )شنو هي

شاكمة:(مبتاسم ) الى قلتها ليك ماغاديش تبقا مفاجأة

حفيظة؛ اوك ههه انمشي عند لبنات

شاكمة: اوكي…

….كان سراج كيتمشى على عكاز منبعد ماحيد الرصاصة لي تصاب بيها فرجلو و مشا جلس فالطبلة باش اتغدا و فيروز حداه

فيروز: مالك مقلق

سراج: و باش عرفتيني مقلق

فيروز: قلتلك انا اكثر وحدة كتعرفك

سراج: عقلي مشوش حنان و كوهينور بقاو فالقصر والقصر تضمر دابا وماعرفتهمش واش باقيين حيين او نن

فيروز: و نتا مالك فيهم ديها فراسك و فرجلك راه كان ايقتلك

سراج: مكيهمنيش كون غير قتلني حسن من هاد الشكل لي عيشني فيه من هادشي كاملو كتهمني غير حنان

فيروز: حنان حنان حنان طيبتيني بيها اسراج تقول غير هي لي بنت

سراج: كنبغيها بزااف وليت مرييض بيييها و ماقادرشش نعس و لا نفكر بشيوحدة اخرى من غيرها

فيروز: (قلبات عينيها ) اوووف

الخدامة:(جات و هي هازة بطاقة فيدها ) مدام فيروز سيدي سراج هاد البطاقة وصلات و هي ليكم

فيروز: (شداتها) شكرا أمكن ليك تمشي (حلاتها كتقرا و هي مصدومة) الزنبقة عارضنا لعرسو مع كوهينور

سراج: كييفاااش؟ (طيرلها الدعوة من يدها) علاش بغا يتزوج بيهااا؟

فيروز:(كتاكل) الجانب الايجابي فهاد الشي هو ماماتش و حتى حنان اتكون معاها اذن رتاح

سراج: خاص نمشيو العرس منهنا ساعة

فيروز: منيتك انا ماغادي نمشي لحتى بلاصة ماعرفتي فخ و بغا يقتلنا

سراج؛ لا الزنبقة مكيديرش بحال هاكا بانليا الأمر جدي بزاف و حنا خاص نحضرو

فيروز: علاش بغيتي تحضر

سراج: باش الى كانت حنان بصح تماك غادي نخرجها

فيروز: سير بوحدك

سراج: تحركي قدامي اصلا الزنبقة عرضنا غير حيت بغا يوريك بلي نساك و يقدر اتزوج من موراك

فيروز: اوووف(ناضت ) هاني انمشي نوجد راسي منهنا ربع ساعة نكونو واجدين (طلعات فيروز لبيتها لبسات لبيسة برتقالية و خلات شعرها مطلوق اما سراج فلبس طقم بني و معصبو داك العكاز و لكن ماعندو مايدير هبطو بجوج بيهم ركبو فالطوموبيل و تاجهو للعنوان) …

وصل سراج و ختو لدار ديال الزنبقة و هو ما متاجهين للجردة كيشوفو الناس حاضرين كاملهم و الدار مزينة بطريقة رائعة و تريتور كيعطيو المشروبات و خدات فيروز كأس و سراج حتى هو

فيروز: إذن بصح يوسف كيتزوج

سراج:( كيقلب بعينيه على حنان) مكيهمنيش

الزنبقة: (كان موراه كيشوف فيه) كتقلب على حنان

سراج: (دار عندو مبتاسم) ماتفاجأتيش حيت انا باقي حي

الزنبقة: اصلا القط عندو سبعة درواح مكيموتش دغيا

سراج: فين هي حنان

الزنبقة: رولاكس هاهي غادي تهبط مع عروستي(كيشوف ف فيروز)

فيروز: (كترمقو بنظرات وابتسامات ) اممم جيتي زوين ولكن ماشي بحال نهار تزوجنا

الزنبقة: راكي عارفة علاش كنت زوين كثر ديك ساعة

فيروز : يوسف انا ..

الزنبقة:(قاطعها) العدول وصل انا انمشي نجلس حتى تجي كوهينور

مشا يوسف و هو كاره راسو و مكيحملش اشوف فعينين فيروز حيت كاع المشاعر كيرجعو ليه مينكرش بلي كان كيبغيها و كيحماق عليها خداها و هي بنت 18 و شافها و هي كتكبر قدامو و كتفتح بحال الوردة ولكن للأسف مادارتش بحق العشرة و تربيتو ماشداتش فيها و غدراتو و بقات الكية ديالها فقلبو بحال الندبة لي مكتبراش ..مشا جلس فالكرسي و قدامو طبلة و فجنبو لعدول اما شهود فكانت حورية

العدول : خاصنا شاهد آخر

الزنبقة:(تنهد) هادا نهار زوين عندي و مبغيتش اشهدلي اي واحد

حورية:(لابسة فستان احمر مزير و طالقة شعرها) ولكن انا بوحدي ماكافياش

الزنبقة:(كيشوف فالحضور حتى شاف الشاكمة) هييه شاكمة

شاكمة:(كان لابس قميجة بيضة و سروال كحل عطاتهم ليه حورية) انا ؟

الزنبقة: كاين شي واحد آخر سميتو الشاكمة من غيرك

شاكمة: لا

الزنبقة: اوا تجي

شاكمة:(مشا عندو وقف) شنو

الزنبقة: جلس حدا حورية غادي تشهدلي

شاكمة: ماهازش لاكارط ناسيونال

الزنبقة: اووووف (مزير على القبضة ديدو)

سراج:(جا عندو بعكازو) انا عندي لاكارط و راك عارف كنهزها ديما معايا

الزنبقة: بغيتي تشهدلي

سراج:(جلس حدا حورية) بطبيعة الحال انشهد لأعز صديق عندي و فرحان

الزنبقة: اوكي (شاف عند لعدول) الشهود كاينين بقات العروسة (كيشوف فحورية) حورية سيري جيبيها

حورية: واخا (ناضت حورية بسرعة كدوز من حدا الحضور و كتبتاسم ليهم حتى وصلات للداخل و مشات لبيتها بسرعة هزات جوج لبسات ديال النقاب و توجهات لعند كوهينور حلات لباب و لقات حفيظة و حنان و كوهينور جالسين ) نوضو ماعندناش الوقت (رماتلهم النقاب ) لبسو هادا

حفيظة: اوكي (لبسات حفيظة النقاب و لبسات أيضا كوهينور كيبانو غير عينيهم ) شنو دابا

حورية: زيدو طوموبيل كتسناكم

كوهينور: خفت احصلونا

حورية: إلى سرعنا ماكاين لي يحصلنا سربيييو راه لعدول وصل و الزنبقة كيتسنااااا

كوهينور: واخا واخا (ضارت عند حنان عنقاتها ) بااااي تهلاي فراسك

حفيظة:(عنقات حتى هي ختها ) انرجع عندك دغيا أختي

حنان:(باست كوهينور فراسها) الليسهل عليك (باست حفيظة حتى هي) سيري و ما تخافيش انا انتسناك (طاحتلها دمعة) و إلى جيتي و مالقيتينيش سيري مع شاكمة

حفيظة: (طاحولها دموع ) شنو كتقولي احنان ماااانقدرش نبعد منك

حنان: انا معاك ديما وصلي كوهينور و رجعي دغيا

حفيظة: واخا أختي

حورية : (شافت ف حنان ) شنو اديري نتي

حنان: انشوف منين نخرج انا و شاكمة و انبقا قريبة من دار باش الى رجعات حفيظة اتلقاني

حورية: اوكي وا يالاااااه تابعوني (خرجات حورية ببطء كتشوف واش الأوضاع مزيانة باش اخرجو من البيت ضربات طليلة و عاد عطاتهم إشارة باش اتبعوها بقاو كيتسلتو حتى وصلو لتحت و خرجات معاهم حتى لبرا ولكن وقفهم الكارد)

الكارد: سمحيلي ميمكنش نخليك تخرجي (كيشوف ف حفيظة و كوهينور بالنقاب ) شكون هادو

حورية: هادو لبنات لي كانو مكلفين بالحلوة سالاو المهمة ديالهم و خصهم امشيو

الكارد: الزنبقة قالينا حتى واحد ما يخرج من نهنا حتى يتسالا العرس

حورية: الى شافك الزنبقة كتهضر معايا بهاد الطريقة و مامخلينيش ندير خدمتي غادي يعاقبك

الكارد:(كيتفتف) ولكن

حورية: مكاين ما والكن بالاك من قدامي (دفعاتو حورية و خرجو لبنات من موراها حتى وصلو لطوموبيل عند الراجل لي تافقات معاه حورية) خودهم للمحطة

الراجل: واخا الآلة

كوهينور:(شدات فيد حورية و هضرات بشوية) شكرا بزاف

حورية: في امان الله (ابتاسمات و ركبو لبنات فطوموبيل متاجهين للمحطة اما هي رجعات للجردة جلسات فبلاصتها )

….

الزنبقة: فينها؟

حورية: خليتها كتلبس

الزنبقة: واااش هااادااا كاااملو تعطال فاللباس

حورية: نتا عااارفها اصلا ماباغاش تتزوج بيك اذن هنينا بدرع باش قنعتها

الزنبقة: اوكي نتسناو ماعليناش

سراج: هههههههههه

الزنبقة:(تعصب ) لاااااش كضحك نتا لاش

سراج: ههههههه كنضحك حيت مابغاتش تتزوج بيك و اصلا حتى وحدة ماغادي تبغي تتزوج بيك

الزنبقة:(ناض وقف جبد سلاح عندو و شداتو حورية)

حورية: يوسف صافي بلا ماشاكيل (كتخنزر فسراج) لي برهوش ايبقا ديما برهوش

سراج: صافي ايوسف ماتقلقش دابا الى قتلتيني ماتلقاش لي يشهدلك فالتالي راه مكاين حتى شيواحد هاز معاه كارط ناسيونال بحالي ههههههه

الزنبقة:(رجع جلس و مخنزر و كاره الوضعية و هو يغوت ) هااااااادي لاااااش تعطلااااااش سييييري شوووووفييييها احوووورية

كولشي سكت و سقل و بداو كيشوفو فالزنبقة صوتو الخشن لي فاش كيغوت كيولي بحال زئير الأسد خلاهم يسكتو و ينتابهو ليه و كيتساءلو علاش تعطلات العروسة

حورية: ششش صافي هاهي اتجي

عند حفيظة و كوهينور وصلو للمحطة بسرعة و خرجو من الطوموبيل حتى كيعيط ليهم الراجل

الراجل : صبرو ماتنساوش لافاليز

حفيظة: اشمن فاليز

الراجل: عطاتها ليكم مدام حورية (خرجها من الكوفر و عطاها ليهم ) هاني انتسناك هنا ابنتي باش نردك

حفيظة:(هزاتها ) شكرا (كتهضر مع كوهينور) حورية جمعاتلك لافاليز

كوهينور: الليكثر خيرها (كتشوف ف جنابها و فالناس و وفالكيران جاها هاد الجو غريب عمرها جرباتو حيت ديما كان عندها سائق خاص و سيارة خاصة بالطبع بنت عاشت حياتها كاملها و هي مفششة و الخدم كيديرولها لي بغاو اكيد غادي تعجب من هاد المنظر )

حفيظة: اطط نمشي نقطعلك الورقة ديال الكار (عطاتها لافاليز ) شدي هادي (مشات حفيظة و قطعات الورقة من لفلوس لي عطاتها حورية و رجعات عند كوهينور ) الكار ديالك غادي يقلع دابا زيدي نمشيو دغيا (مشاو للكار و عطاو لافاليز تحط فالكوفر و طلعات كوهينور و رجعات دغيا عند حفيظة عنقاتها ) سمحيلي على كولشي و شكرا

حفيظة: ماعرفتش واش اتعجبك لبلاصة لي اتمشي ليها ولكن تأكدي بلي اتعلمي بزاف د لحاجات تهلاي فرااااسك

كوهينور : شكرا بززااااف

طلعات كوهينور للكار و شدات بلاصتها حدا السرجم و شوية قلع الكار و انطالق اتجاه ايت يوسي اما حفيظة فرجعات لطوموبيل و ركبات باش يردها الراجل لعند دار د الزنبقة لي تقلب رأسا على عقب بداو الناس كيهضرو و كيعلقو على تعطال ديال العروسة و يوسف متحكم فراسو ولكن على شوية غادي ينفاجر و كااااره راسو لأقصى درجة و من هاد الموقف لي تحط فيه شوية ناض وقف

حورية: فين باغي تمشي

الزنبقة:انمشي نجيبها (تحرك الزنبقة بضع خطوات حتى كيوقف فالمنتصف مصدوم من داكشي لي كيشوف قدامو و فالحقيقة كولشي مصدوم و كيشوفو فيها لابسة فستان اسود كيبين صدرها و مزير على الخصر ديالها و طالقة شعرها البني الطويل الطايح على كتافها و كتشوف فيه بملامح مكسورة و ايضا قوية و هو كيحاول اشوف فعينيها الخضرين من مورا الفوال الاسود الشفاف و كيراقب حركاتها لي كان باين عليهم الخوف و يديها لي شابكاهم بجوج و كتفركهم )

حنان:(هضرات بصوت مرتافع حتى سمعها كولشي ) كوهينور هربات مابغاتش تتزوج بيك

الزنبقة : كيفاااااش هربااااات (مشا من حداها باغي يلحقها و هي تشدو من دراعو)

حنان: انا لي هربتها قلتلك ماغاديش تتزوج بيها و انا وفيت بوعدي

الزنبقة:(شدها من عنقها مزير عليها و مقرب ليها حتى فمها قريب من فمو تحت الماسك و هو معصب و ايطرطق ) علاااااش كنحاول كل مرة مانآذيييكش و كتخرجي قدااامي و كضيعي كاع داكشي لي كندييير

حنان:(تخنقات ) هاني قدامك قتل قتلني

الزنبقة: كون بغيت نقتلك كون قتلتك النهاااار فااااااش حطيت على راسك الفردي و لكن لااااا مادرتهاش حيت فايت ليا واعدتك بلي نتي تحت حمايتي (طلق منها)

حنان: (كترد النفس) حتى انا آذيتك كيما داااارو هوووما و خصك تعاقبني (كتشوف فيه) تزوج بيا انا

الزنبقة:(مطرطق فيها عينيه ) اش كتقوولي

حنان: كنتي قلتي ليا ختاري يا اما تكوني عدوتي ولا صديقتي و انا ختاريت نكون مراتك دابا

الزنبقة:(شدها من دراعها و مزير عليها و كيهضر معاها غير بشوية ) ديك ليلة نسايها احنان كانت لحظة بستك فيها و تسالات

حنان: و علاش ماقدرتيييش تنساها نتا فين الفرق دابا الى تزوجتي كوهينور و لا تزوجتي بيا

الزنبقة: انااااا كنت انتزوج بيها غييير بااااش نتاااقم و ضيعتي لياااا كووولشييييي (نترها)

حنان: هادا كان واجبي انني نحميها

الزنبقة:(تنهد و رجع شاف فيها ) بصح باغا تزوجي بيا ؟

حنان: ندير اي حاجا باش ماتقربش لكوهينور و معتصم

الزنبقة: الى كان كيحساب ليك اتنقديها مني هاكا انتي غالطة

حنان:(جبدات من واحد صاك صغيور فالاسود ملفوف على الخصر ديالها الجوهرة و مداتها ليه ) هادي لي كنتي بغيتي

الزنبقة:(كيشوف فيها و فالجوهرة ) الكوهينور

حنان: عطاتهالي كوهينور قبل ماتمشي و قالتلي ندير بيها لي بغيت

الزنبقة: و علاش كتعطيهالي

حنان: معرفتش ولكن كنظن بلي الى بقات عندك راه مزيان (حطاتهالو فيدو و هي ماقادراش تشوف فعينيه ) و نسا هادشي لي قلت نسا بلي جيت بهاد الكسوة و قلت هاد الهضرة ولكن عفاك بعد على كوهينور

سراج: (كل كلمة كانت كتقولها حنان كانت لاصقة فالمسامع ديالو و مصدوم و قلبو مجروح كيفاش قدرات دير فيه هاكا و هو عتارف ليها بالحب ديالو لدرجة ان عينيه ولاو حومر و عمرو بدموع كانت كتشوف فيه ختو فيروز و هي حزينة من حالة خوها فجأة هز عكازو و اتاجه لعند حنان وقف بينها و بين يوسف ) حنان ماديريييش هاكا واش نتي حمقة باغا تزوجي بيه هو مايستاهلكش احنااان ماتقدريش تشوفي فوجهو ماتقدريش تجلسي معاه حتى ختي خلاتو حيت راه ماتقدرش تعيش مع واحد مشوه كاااملووو

حنان: شنو كتقول اسراج الى كنتي نتا و ختك ماتسواوش و كولشي عندكم بالمظاهر انا ماشي بحالكم انا كنعرف يوسف مزيان قلبو كبير واخا كيتعصب

سراج:(غوت عليها ) نتيييييي مكتعرفييييهش مزييااااان هاداااا احقر واااحد ممكن تشوووفيييه فحياااااتك (رجع تهدن) حنان عفااااك سمعيني انا كنبغيك والله حتى كنحماق عليك ندير اي حاجا على قبلك الى بغيتي نتزوجو دابا ماعنديش مشكل

حنان:(عينيها عمرو بدموع) مكنبغييييكش اسرااااج و عمرني فكرت فيك اصلا

الزنبقة:(كان كيسمع الهضرة ديال سراج و قلبو كيضرو حيت كيقول فيه هضرة خايفة ولكن غير كيسمع كيفاش حنان كدافع عليه بحال الى كتعرفو سنين طويلة كيتهدن )

سراج: انااااا انصبر معااااك كووولشي بالخااااطر انبقا صااابر حتى يحن قلبك و تبغيني

الزنبقة:(دفع سراج و شد حنان من يديها جبدها عندو محاوط الخصر ديالها ) الى تزوجتي بيا نساي الفكرة ديال الطلاق نهائيا

حنان:(طاحولها دموع مع ابتسامة خفيفة) قابلة

الزنبقة: سميتك الى لسقات مع سميتي اتجيبليك غير المشاكيل

حنان: قابلة

الزنبقة: انا مشوه احنان و مازوينش اضيعي حياتك معايا

حنان: قابلة

الزنبقة:(عنقها ) حتى انا قابل بيك مراتي على سنة الله و رسوله (شدها من يدها و زاد بيها عند لعدول و جلسها ) تقدر تعدل دابا

العدول: قلتيلي العروسة ماعندهاش كارط ناسيونال

الزنبقة: انا انصيفطهاليك من بعد خلي بلاصتها خاوية

العدول: حاضر وقعو هنا

الزنبقة:(وقع و هو كيشوف فحنان و اول مرة يحس براسو مرغوب منبعد الحادثة لي وقعات ليه )

حنان:(وقعات حتى هي و قلبها ايخرج من بلاصتو ولات مزوجة من راجل عمرها حلمات بيه و لا توقعات اتزوج بيه )

العدول: فين شهود

حورية: انا (وقعات و هي فرحانة ) مبرووووك عليييكم

الزنبقة: سراااااج اجي وقع بقيتي غير نتا و كيما عارف نتا الوحيد لي هاز كارط ناسيونال و مانلقاش بحالك (كيستفز فيه)

سراج:(كان واقف بلاصتو مصدوم و مجروح و ضرب الدورة لعندهم بلا ما يشوف فحتى واحد فيهم ووقع و نفسو اتخرج )

الزنبقة:(لبس الخاتم لحنان و حتى هي لبساتو الخاتم) مبروك عليك مدام موقاديري و دابا خاص نمشيو من نهنا

حنان: فين انمشيو

الزنبقة: انا مكنسكنش هنا كنجي غير مرة مرة فاش كنكون مقلق

حنان: اه

الزنبقة: حورية سيرو لطوموبيل دااابااا

حنان: لااا مايمكنش نمشي حفيظة اتجي دابا و ماتلقانيش

الزنبقة: حناااان نتي وليتي ديالي بووووحدي

حنان: يوووسف ختي ماعندها حتى بلاصة تمشي ليها

الزنبقة: حووورية ديها لطوموبيل

حورية:(كتجر حنان ) زيدي احنان قبل مايتعصب

حنان: حووورية رااااه ختي هاديييك

حورية: ماااتخااافيش الزنبقة مكيديرش شيحاجا بلا ميخطط ليها (خداتها حورية لطوموبيل و حنان كتبكي خافت على ختها بزاف اما الزنبقة بقا مع الحضور )

الزنبقة: الحفلة سالات شكرا على حضوركم (كيشوف ف سراج) شفتي شحال خايبة تشهد على زواج البنت لي كتبغي هههههه

سراج:(شدو من الكول معصب ) بلا متحلم بيها لياااام جايين و انجيبها عندي

الزنبقة: (دفعو) هادشي الى قدرتي تشوفها ههههه (ضار و هو يشوف ف شاكمة مسمر كيشوف فيهم و مشا عندو ) تمشي معانا

شاكمة: مايمكنش ليا نمشي انتسنا حفيظة

الزنبقة: حنان كتيق فيك و غادي نتعدب باش نتعامل معاها و خاصني نتا

شاكمة: و حفيظة؟

الزنبقة:(غوت عليه ) تحرك ولا اتخرج منهنا و نتا ميت

كان غادي الزنبقة من موراه الشاكمة و رجالو حتى كيسمع صوت حنين كيعيطلو و هو يوقف و ضار عندها

فيروز:(جات قبالتو) يوسف

الزنبقة: شنو بغيتي

فيروز: تزوجتي بهاد البساطة بلا متفكر فيا

الزنبقة: اش كتقولي افيروز

فيروز: كيما سمعتي (كدير دموع التماسيح) ماسولتيش راسك علاش حتى لدابا انا باقي متزوجتش

الزنبقة:(ضار بغا يمشي ) مابغيتش نعرف

فيروز:(شداتو) حيت كنبغييك اه كنبغيك بزاف و نتا دابا ضمرتي كولشي

الزنبقة: واش نتي واعية بشنو كتقولي اه ولا هادي خطة جديدة

فيروز: ماكاينة حتى خطة اهئ اهئ سراج جبرني نخليك و نسمح فيك وجبرني نقولك ديك الهضرة اهئ اهئ انا مكنتش باغا نتفارق معاك انا كنت كنبغيك ايوسف لي دوزنا ماشي قليل

الزنبقة: عفاك افيروز باراكا

فيروز:(عنقاتو و كتهضرلو فوذنو بشوية) فكر فهضرتي مزيان و اتعرف بلي بصح كنبغيك و كاع هادشي درتو على قبلك

الزنبقة:(بعدها عليه ببطء و هو كيشوف فيها ضعيف قدامها و ما قادر حتى يكدبها نعل الشيطان و توجه لعند الشاكمة هاد الأخير لي كان كيخنزر فيه ) مالنا

الشاكمة : راك مزوج دابا بحنان ماتنساش راسك انا مانبغيش لي يتفلا عليها

الزنبقة: راه هي لي وقفاتني

الشاكمة: و نتا عاجبك الحال

الزنبقة:(تنهد ) زييد تحرك

الشاكمة: انا خااايف على حفيظة

الزنبقة: اوووف طلعتولي فكري بهاد حفيظة حفيظة

الشاكمة: و شنووو نخليوها هنا

الزنبقة: صافي رجالي ايجيبوها منين تجي لهنا يالاه تقود قدامي

مشا الزنبقة و شاكمة من موراه ركبو فطوموبيل لاحقين حنان و حورية و هو كيفكر فالهضرة لي قالت ليه فيروز و شيحاجا تحركات فيه مشاعر حيات مرة أخرى ولكن كينفض هاد الأفكار غير كيتفكر بلي ولا مزوج بحنان لي اصلا ماعارفش كيفاش اتعامل معاها …و كيفاش ايتعايش معاها و فقلبو وحدة أخرى لي هي فيروز هاد الاخيرة لي كانت دايرة ابتسامة شريرة و كتمسح دموعها و ضارت بغات تمشي

سراج:(كان سامع حديثها هي و الزنبقة و ملاميحو مزال فيهم الحزن ) منيتك

فيروز: الحرب بدأت اسراج

سراج: اش كتقصدي

فيروز : خاص نرجعو الكوهينور لعندنا حيت ديك الجوهرة خطر علينا و هي عند الزنبقة

سراج: شنو بغيتي ديري

فيروز: ههه غادي نخربق حياة حنان و يوسف و غادي ندخل بيناتهم و هادشي ساهل عليا مدام يوسف باقي كيبغيني (حطات يديها على كتف سراج) حنان غادي ترجع ليك تيق بيا

سراج: لفعة مع راسك

فيروز: اللفعة مازال مابينات انيابها (كتشوف فيه مطلعة حاجب و مهبطة لاخر مع ابتسامة ) اللعبة بدات و اراك للفراجة

سراج: يالاه نمشيو الدار خوات و كولشي مشا بحالو

فيروز: اوكي

خرج كل من سراج و فيروز من دار الزنبقة متوجهين لطوموبيل حتى كيلمح سراج من بعيد حفيظة هبطات من طوموبيل محيدة نقاب من على وجهها و لابسة غير جلابة و قبل ماتقرب للدار ديال الزنبقة و يشوفوها رجالو مشا فاتجاهها

فيروز: سراج فين غادي

سراج: (دارلها إشارة بيدو تتسناه و مشا تاجه عند حفيظة كيعرج و هو كيشوف ف جنابو حتى وصل عندها ) حفيظة فين كنتي؟

حفيظة: انا ؟ انا اه كنت غير هنا سخراتني حنان و رجعت

سراج: حنان سخراتك هههه لعجب

حفيظة: علاش كضحك و شنو كدير نتا هنا

سراج: جيت معروض للعرس ديال الزنبقة

حفيظة: كنظن العرس تلغا

سراج: لا العرس داز بيخير و على خير

حفيظة: اش كتقول كوهينور هربات (سدات فمها بيديها)

سراج: اه كوهينور هربات و هو تزوج بحنان

حفيظة:(تصدمات) شنو كتقول ؟؟ نتا كضحك عليا ياك

سراج: مكنضحكش عليك يوسف و حنان تزوجو و مشاو خلاوك حتى من شاكمة مشا معاهم

حفيظة: لا لا ميمكنش حنان متسمحش فيااااا

سراج: سمحااات فييك فالاخير شحال قدها ماتصبر عليك حياتها كاملها و هي هازالك الهم من حقها تعيش حياتها

حفيظة: (مصدومة كيطيحولها دموع) هي واعداتني عمرها تخليني

سراج: حنان خلاتنا بجوج و سمحات فينا بجوج

حفيظة:(بقات كترجع بالخطوات اللور و هي مصدومة و شادة فقلبها كيضرها كيفاش ختها لكبيرة خلاتها و سمحات فيها و هوما لي عمرهم سمحو فبعضياتهم هضرة سراج طاحت عليها بحال الصاعقة …قلبات الدورة و مشات كتجري و هي ماعارفاش فين فقط كتجري للمجهول …طاحت الشتا و الرعد و البرق زينو السماء و صوتهم كيهز الأرض التفت سراج لعند طوموبيلتو و هو مخنزر ركب فطوموبيلتو حدا فيروز و كينشف راسو من شتا )

فيروز: شنو قلتي ليها

سراج: قلت ليها الصراحة و دابا خليهم كولهم اذوقو العذاب

فيروز:(ابتاسمات و كسيرات بالطوموبيل اتجاه دارها )

كانت حنان باقا فطوموبيل حداها حورية كتواسي فيها و هي كتبكي و السماء ايضا كتبكي …بقات كتشوف قطرات المطر كيهبطو على الزاج و قلبها كيضرها و بالها ماهانيش

حنان:(كتهضر بنبرة الم) الشتا كطيييح اعلم الله حفيظة فينها

حورية: حنان ماتخافيش الزنبقة غادي اجيبها حتى لعندك

حنان:(كتمسح دموعها) و الى ماجابهاش و الى وقعات ليها شيحاجا

حورية: تيقي فيه

حنان: مكنتيييقش فيييه و ماباغاش نتيق فيه

حورية: و لاش عرضتي عليه الزواج من الأساس ؟

حنان:(بقات ساكتا هي براسها ماعارفاش الجواب و هي تبدل الموضوع) فين انمشيو دابا

حورية: لدار الزنبقة

حنان: واش بعيدة؟

حورية: (ابتاسمات ) وصلنا ليها

حنان:( لاحظات بلي الشتا تقطعات فاش دخلو لواحد النفق مظلم حلات حنان السرجم كتشوف و معجبة من ليكارد شادين بلايصهم مكيتحركوش …بقات مركزة حتى كيبان ليها باب حديدي تحل و دخلو فيه عاد بدا كيظهر نور الشمس كأنه مكانتش كطيح الشتا ابدا ..أشعة الشمس مزينة الحديقة المملوءة بورود سوداااء ناذرة و ايضا عباد الشمس بقات مبهوطة حتى من الثماثيل لي كانت على شكل انسان و كيخويو من فمهم الماء باش اسقيو الجردة و زيد عليها كتوسطهم نافورة ماء كبيييييرة مزينينها لآلئ المحار و كتبري و ايضا أشجار فواكه متعددة و اشجار للزينة حسات براسها فجنة هاد الجمال عمرها شافتو و لا سمعات بيه …وقفات الطوموبيل و نزلات حورية منها اما حنان جا عندها شيفور حل ليها الباب بكل جنتلمانية و حاني راسو كيتسناها تهبط …بقات كتشوف فيه و هي تنزل فرمشة عين سلباتها جمالية الفيلا لي كتشوف فيها بالرغم من انها كانت كلها مطلية بطلاء اسود الا انها زوييينة بزاااف حتى انها حسن من قصر معتصم …) يا سبحان الله هادشي وااااعر

حورية: مرحبا بيك فدارك

حنان: فين حنا عاد من قبيلا شوية كانت كطيح الشتا

حورية: (ابتاسمات) حنا فمنطقة الزنبقة الفضية الشتا و الريح و الشمش كولشي كيكون على حساب شنو بغا الزنبقة

حنان: و فين هو

حورية: راه جاي فطريق هو و شاكمة

حنان: كييييفاااااش هو و شااااكمة؟ اش كيدير الشاكمة معاه انا وصيتو ابقا تماك حتى تجي عندو حفييظة

حورية: انا ماعارفة والو احنان

حنان: اهئ اهئ (حطات يديها على وجهها كتبكي ) الى وقعاتلها شيحاجا انقتل راسي

حورية:(حطات يدها على كتافها) عفاك احنان ماديريش فراسك هاد الحالة كولشي ايكون مزيان

حنان:(دفعاتها) حتىىىىى حاااااجااااا مامزياااااان اهئ اهئ هااادشي كولو لي وقع كااان غلطة اهئ اهئ انا غلطت ماكانش عليااااا نتزوج بيه انااااا سباب انا سمحت فالامانة لي خلاو ليا ماما و بابا (كتقطع فلاغوب ) بغيييت نرجع منييين جيييت اهئ اهئ (طاحت فالارض)

حورية:(كتشد ليها يديها) حنااااان خلي بعدا غير حتى يوصل يوووسف و نعرفو فين كاينة ختك

حنان: اهئ اهئ غااااادي يعااااقبني حيت ماخليتوش اتزوج بكوهينور اهئ اهئ

حورية: ماغاديش اعاقبك هو راه خدا جوهرة عمرو يحلم بيها لي هي نتي (ضماتها عندها ) صافي يالاه ندخلو (كتنوضها)

ناضت حنان و حورية شادة فيها حتى دخلو للدار كانو الخدم كولهم من الصين واقفين قدام الباب و حناو راسهم دارو التحية كما العادات الصينية و دازت حورية من حداهم و كتجر حنان لي كتبكي و مهلوكة حتى وصلاتها للبيت ديال الزنبقة غير فتحات الباب خرجات الريحة ديال المسك هاد الريحة كيحماق عليها يوسف و كيحطها فالدار كاملها …دخلاتها للداخل و نعساتها فوق النموسية و مشات جابت ليها كينا د رأس و ماء و عطاتها شرباتهم و هي شادالها يدها

حورية: وااصااافي باراكا من لبكا

حنان: اهئ اهئ ياك ختي غادي ترجع عندي

حورية: اه غادي ترجع كنأكد ليك هادشي (كدوز يدها على رأس حنان حتى غمضات عينيها و نعسات) رتاحي

ناضت حورية و خرجات من البيت مخلية حنان ترتاح حتى كتلمح الزنبقة و الشاكمة داخلين مع الباب و مشات عندو بسرعة

حورية: فييين كنتي ايوووسف

الزنبقة:(عطا إشارة للخدامة جات عندو و هو يهضر ليها بالصينية) خودي الضيف لبيتو وجديلو الحمام و حوايجو

الخدامة: حاضر

الزنبقة: سير لبيتك الخدامة اتمشي معاك (كيهضر مع شاكمة )

شاكمة: واخا …(مشا)

الزنبقة: شنو مالك فين هي حنان

حورية: حنان راه فبيتك من قبيلة و هي كتبكي بغات ختها راه اتسطا

الزنبقة:(تنهد) انا وصيت رجال اجيبوها لهنا منين تجي لدار

حورية: صوني ليهم راه من قبيييلة خرجات من دار باش توصل كوهينور للمحطة

الزنبقة:(خنزر فيها) فيروز ماتقوليش ليا نتي لي عاونتيهم (تنهد) بطبيعة الحال نتي و شكون من غيرك لي ايستر عليهم و يعاونهم

حورية: اه اه انا لي عاونتهم مايمكنش ليا نشوفك كدير خطأ بحال هادا و نجلس مربعة يدي و كنتفرج

الزنبقة: اذن نتي لي قلتي لحنان تلبس الكسوة و تجي تزوج بيا؟

حورية: لا انا كنت ناوية نهربهم كلهم و لكن حنان منها لراسها دارت هادشي

الزنبقة: واش نتي معايا ولا ضدي

حورية: بطبيعة الحال انا معاك ايوسف ولكن راه كنتي كتغرق راسك براسك كون تزوجتي بكوهينور كنتي غير اتعذبها و تعذب راسك

الزنبقة: و شكون قالك ماغاديش ندير نفس الحاجا لحنان

حورية: ابدا مايمكنش حيت البنت مادارتلك والو بالعكس جات عطاتك الجوهرة و تزوجات بيك

الزنبقة: انااااا مااازااال اصلا مافهمتش علاش دارت هاكا

حورية: تقدر تكون كتبغيك

الزنبقة: هههههههههههههه كضحكي عليا احورية واش منيتك اتبغي واحد عمرها شافتو

حورية: شي مرات مكنحتاجوش نشوفو شيواحد باش نبغيوه راه نقدرو نبغيوه غير من الافعال ديالو

الزنبقة: شنو اندير معاها دابا ماعارفش كيفاش نتصرف معاها

حورية: عاملها مزيان هي ماعندها علاقة بهادشي

الزنبقة: (جبد تيليفون ديالو صونا على رجالو لي خلاهم فديك دار باش اجيبو حفيظة) لقيتوها

…سيدي راه ماجات حتى بنت لهنا منين مشيتو

الزنبقة: وااااش كضحك عليااااا خليييتكم تماااك بااااش تجيييبووهاا كيفاااش ماجاااتش

…من صباح و حنا هنا ماجاتش

الزنبقة: اللينعل طواااسلمكم اولااااد القحااااب معول على شماااايت و زواااامل بلااااا ماترجعو عندي الى كنتو باغيين تعيشو (قطع)

حورية: شنو وااااقع؟

الزنبقة: ماجاتش كاع عندهم

حورية: اوييلي شنوووو انقووولوو لحنان دابا

الزنبقة: وا تمشي تشوووف فين صافطات ختهااا

حورية: يوووسف ماتعاقبهااش على شيحاجا انا سبابها خصك تلقا ختها راها اتحماق

الزنبقة: اوووف(خلاها تماك و مشا للجردة بغا يبرد راسو حيت معصب بزاااف و الى بقا فدار ايزيد اتعصب مشا للاسطبل خدا الخيل ديالو لي رباه و هو باقي صغير غير شافو و بدا كيجري فالاسطبل بالفرحة حيت شحال هادي ماجا عندو ركبلو السرج و شدو كيمسح على شعرو) حتى انا توحشتك بزااف شنو بانلك نمشيو نضربو شي ضورة شمش بدات كتغرب و هادا هو الجو لي كيعجبني (ركب يوسف على الخيل ديالو و نطالق بيه كيجري حتى بعد على الدار عاد بدا كيمشيو بشوية و هو كيفكر فحياتو لي مخربقة و فحنان مامتيقش بلي تزوج صافي ولا مسؤول عليها و خصو يحميها من اي حاجا و لكن كيبتاسم غير كيتفكر كيفاش كانت متنكرة بصيفة راجل و كضارب معاه…جمالها الاخاذ و قوة شخصيتها عجبوووه بزاااف و هو كيحماق على المرأة القوية …ولكن سرعان ماتلاشات ابتسامتو غير تفكر كلام فيروز و قلبو ضرب ماعارفش شنو يدير تخربق و كيتمنى يلقا لحل لراسو حيت بزااف هادشي لي راه فيه …طاح الظلام و رجع الزنبقة للاسطبل حط الفرس ديالو و عطاه ياكل و خرج مشا للفيلا دخل لبيتو لقا حنان ناعسة و فطرف عينيها دموع مشا للدوش حيد حوايجو و تخشى تحت الرشاشة دوش و خرج لابس بينوار و كينشف شعرو حتى وقف قدام المراية كيشوف فوجهو لي مشوه و عينيه فيهم الحزن و حرك النظر ديالو فاتجاه حنان كيشوف فيها و يعاود اشوف فوجهو ) شكون انا حتى نستاهل وحدة آية في الجمال بحالك كيفاش انقدر نعيش معاك و نبغيك و انا ما قادر نبغي حتى راسي غادي نظلمك معايا غادي غير تعذبي و نتي تستاهلي ماحسن(نطق يوسف بهاد الكلام جراء قلبو المجروح مشا لدريسينغ جبد بودي فالابيض عندو القب و سروال كيطما فالاسود و جبد قناع دارو على وجهو و مشا جلس جنب حنان كيشوف فيها طلع يدو و بدا كيدوز صباعو على حنكها و كيشوف وجهها لي بلا نقطة ماكياج بالعكس طبيعي و فيه نذوب من الضرب لي كانت كتاكل ابتاسم و هو مازال كيحرك يدو على حنكها حتى شبع الشوفة فيها و ناض بغا يمشي و هي تشدو من يدو و بقات كتحل عينيها شوية بشوية )

حنان: ختي فينها

الزنبقة: (ماعرفش باش اجاوبها و هو يكدب عليها) دابا يجيبوها ماتخافيش

حنان:(تكعدات و شادة فراسها كيضرها و كتشوف فيه بعيون حزن) انا خايفة عليها

الزنبقة: هاد لعينين من ديما كنشوف فيهم القوة مانبغيش نشوف فيهم الضعف

حنان:(هبطات راسها) ولكن…

الزنبقة:(طلعلها راسها بصباعو و كيشوف فيها ) مراتي كنعرفها ديما قوية و ماعاشش لي يكسرها صافي ؟

حنان: (حركات راسها بالموافقة)

الزنبقة:(كيشوف فثوب الزفاف و كيهزو فيديه) علاش قطعتيه

حنان: (ارتابكات) كنت معصبة و قطعتو

الزنبقة: مكانش خاصك تقطعيه راه نتي اول عروسة كتلبس فستان كحل ههه

حنان:(ابتاسمات) اه

الزنبقة: نوضي دوشي انا انعطيك شيحاجا من حوايجي حتى لغدا و نوصيهم اجيبولك لحوايج

حنان: واخا (ناضت كتعكل فالفستان حتى وصلات للدوش و دخلات سدات الباب و حيداتو بانو المفاتن ديالها و دخلات تحت الرشاشة رادة عليها الخامية و جلسات كتغسل شعرها بالشامبوان اما الزنبقة مشا جاب ليها قميجة ديالو فالاسود و دخل عندها للدوش علقها ليها فالعلاقة و هو كيشوف الظل ديالها مور الخامية و كولشي باين صدرها واقف و كبير و ليهونش و خصر نحيييف هبط راسو بسرعة و خرج من الدوش زادح الباب و هي قفزات فبلاصتها شللات صحتها و لوات عليها فوطة و نشفات راسها بسرعة شافت القميجة معلقة و بدات كتشوف كيفاش اتلبسها بلا دوبياس حشمات ولكن ماعندها مادير لبسات القميجة و خرجات كتنشف شعرها و لقاتو واقف قدامها كيشوف فيها و كيطلع فيها و يهبط)

الزنبقة: حنان خصك تعرفي شيحاجا

حنان: شنو

الزنبقة:(جلس فالناموسية) اجي جلسي حدايا

حنان:(مشات جلسات حداه و هي كتسمع ليه) كنسمع

الزنبقة: انا…انا (تنهد) منقدرش نقيسك ولا نقرب ليك

حنان: مفهمتش

الزنبقة: صحيح حنا مزوجيش ولكن انا منقدرش نكون راجلك بصح

حنان: ااااه هههههه

الزنبقة: علاش كضحكي قلت شيحاجا كضحك

حنان: لا ههه غير راه انا مامستاعداش اصلا و ماعارفاش شنو هو زواج كاع

الزنبقة: شوفي كاع الحقوق ديالك غادي نديرهم ليك من غير نعاس منقدرش

حنان: علاش

الزنبقة:(خنزر فيها)

حنان: لا زعما قصدت واش كاين شي سبب (كتعض لسانها)

الزنبقة:(هبط راسو) غادي تكرهي راسك الى نعست معاك

حنان: (فهمات ولكن بغات طول معاه فالهضرة) واش لهاد الدرجة كنبان ليك زوينة

الزنبقة: بطبيعة الحال نتي زوينة بزاااف و ماشي بحالي

حنان:(ابتاسمات و حطات يديها على يديه) سمعني ايوسف انا حسبني غير عشيرك ههه حيت بيني و بين الانوثة غير الخير و الإحسان انا راه مرجلة على شيوحدين و ماغاديش تلقا معايا المشكل ماغادي نطلب منك حتى حاجا و مابغيت حتى حاجا حيت راه حياتي كاملها و انا عايشة بحال الولد تصروفاتي و هضرتي و طريقة لباسي و تفكيري بحال دراري داكشي علاش عذرني

الزنبقة: ريحتيني دابا هههه اعشيري

حنان: و حاجا اخرى انا مكنهتمش بالمظاهر انا بسيطة بزاف ماغاديش تلقا معايا المشكل

الزنبقة: انا تايق بلي انرتاح معاك

حنان: (ابتاسمات) شكرا

الزنبقة: علاش

حنان: حيت قبلتي تزوج بيا كون ماقبلتيش ماكنتش عارفة شنو اندير

الزنبقة: حتى كون ماتزوجتش بيك ماكنتش انخليك حيت فيك شيحاجا مختالفة بزاف نتي حسن حتى من الكوهينور براسها و كنت قلتهالك شحال هادي اي حاجا غامضة هي من نصيب ديال الزنبقة

حنان: (توردو حناكها و هبطات عينيها فالارض)

الزنبقة: (بغا زييد ازنكها ) و حاجتي خصني نخبعها دابا

حنان:علاش

الزنبقة: باش ماياخدكش ليا سراج ههه السيد كيحماق عليك

حنان: بقا فيا واخا هكك

الزنبقة: ابقا فيك راسك ابب هاداك انا لي عارفو عندو لبنات بحال اللعب

حنان: ماشي شغلي فيه

الزنبقة: و كنشكرك حتى انا حيت كنتي كدافعي عليا قدامو هه حسيت براسي

حنان: قلت غير لي كاين

الزنبقة: (وقف ) انمشي نعس انا عييت ليوم بزاف

حنان:(وقفات) فين اتمشي هادي راه بيتك انا لي خاص نمشي

الزنبقة: لا غير رتاحي انا غدا نقل حوايجي لبيت لوخرا كاينة غير حداك نيت

حنان: واخا

الزنبقة: تصبحي على خير

حنان: و نتا بالف خير

مشا يوسف لبيت لي حدا حنان و نعس منبعد ما حيد الماسك و حس براسو مرتاح حيت حنان تفهماتو و حتى هي كانت مرتاحة حيت ماكانتش قادرة على هاد الخطوة و نعسات و هي كتفكر ف حفيظة و كتمنى غير فوقاش تجي عندها ..

كانت حفيظة كتمشى بحال الميتا فالشانطي الطوموبيلات كيدوزو عليها و كيتلوطو عليها و شي مرات كيوقفو اما هي كانت قطيطة فازكة بالماء و كترجف و دموعها مابغاوش احبسو مضمرة لاقصى درجة ماعارفاش فين تمشي و فين تجي و الظلام طاح و غير لقطاطعية لي كيضورو خافت على روحها بزاف خاصة أنها كتسمع كلام خاسر و مضايقات حتى صافي طفح الكيل و رجعات كتجري مرة أخرى…كتجري بالجهد ناوية تمشي عند فهد لدارو بقات كتجري كتجري و الجلابة معكلاها واخا هكك ماوقفاتش بالرغم من أن الطريق طويييلة ماوقفاتش ابدا و رجعااات الشتا كطيح مرة أخرى و البرد كيصوط فيها …اما فهد فكان جمع حوايجو و جار لافاليز ديالو وصل لباب الفيلا و حل المظل باش اتدرق من شتا و متوجه لسيارتو ركب فيها و عطا أمر للسائق انه يتحرك قبل مايفوت موعد الطيارة ديالو حيت فايت ليه بدل الموعد و ردو مع العشرة و هو معصب حيت ماقدرش اوصل لحفيظة و الأمل الوحيد لي كان عندو تبخر و مشا ….بقا كيشوف فالبرق و الرعد و قلبو كيخفق بحال البرق و الرعد حتى وقفات سيارتو و شدات لفران بسرعة

فهد: اشوااااقع

السائق: سيدي شي بنت خرجات فطريق

فهد:(كيحاول اشوف من السرجم شكون حتى كيقلع بعض الملامح ديالها و هي مهبطة راسها كتنهج و اتسخف هبط بسرعة عندها ) حفيييظة

حفيظة:(عيانة و مهلوكة) فهد

فهد:(عنقها بقوة و هو مامصدقش فرح بزااااف و فرحتو ماليها حدود ) توحشتك بزاااااف كنت فااااقد الأمل من انني نشوفك ولكن ربي كبييير لاقاااني بيييك (بعد منها اشوف فيها و لقاها ترخات و سخفانة ) حفيييييظة (كيضرب على حناكها غير بشوية و فالاخير هزها و حطها فطوموبيل متاجه بيها لدارو هبط و هزها مرة أخرى و دخلها لدار و هوما كيقطرو بجووج حتى حطها فوق النموسية دبيتو و قاس حرارتها لقاها كتشوط خاف عليها بزاااف بزاااف ماعرف باش تبلى ناض عيط للطبيب فتيليفون و رجع جلس حداها شادلها فيديها) صبري احبيييبتي طبييب قريييب اوصل

حفيظة: (كتخربق فالهضرة ) فهد ختي …تزوجها..مشات

فهد:(كيبوس ليها يديها) كولشي ايكون مزيان احفيظة

كتخربق فالهضرة و هو مافاهم والو الاهم عندو هو تبرا و تهبط حرارتها …وصل طبيب و مشا فهد عندو فتحلو و طلعو عندها دخل و عطاها حقنة و بعض دوايات و طمن فهد على حالتها و بلي راه غير البرد لي قاسها و منهنا لغدا اتكون بيخير ….شكرو فهد و وصلو للباب و رجع عند حفيظة جلس حدا راسها كيعتاني بيها حتى داه نعاس و هو حاط راسو على راسها ….اما فايت يوسي كيكو و بضبط فقصر اوسمان كانت الحفلة بااااديااا و لقبايل كولهم وصلو و دخلو و كيتعشاو و ناشطين و فرحانين برجوع اوسمان حتى من قبيلة ايت عمر و عبيد كانت حاضرة بالرغم من عدم الاستقرار لي كاين بيناتهم ولكن صااابرييين…كان عمر كيقلب بعينيه على مايا و غير كدوز من حداه كتسخر كيعجبو لحال و يفرح و هي مرة مرة كتستارق النظر و تبتاسم ليه حتى عيط ليها اوسمان

مايا: شنو اخويا

اوسمان: بغيتك تمشي للمحطة

مايا: اويلي المحطة فهاد الوقت

اوسمان: ضروووري خاصك تمشي غادي تجي واحد البنت من لمدينة جيبيها لهنا

مايا: بنت ؟ هاحي شكون هادي؟؟؟

اوسمان: سميتها كوهينور ماتكثريش الهضرة راني وصيت واحد من رجال امشي معاك و سيرو قبل مايعيق بيكم شيواحد

مايا: (كتهرنن) حتى بغا يبدا احيدوس عاد عرفتي تسخرني

اوسمان: ماااياااا

مايا: واصافي هاني مشيييت

خرجات مايا من دار مع الراجل لي وصا خوها و هو رجع لعند الناس و جالس حدا باه بالدراعية و كيبان مهيب و عليه النور حتى بدأ باه كيهضر

مبارك: من ليوم ولدي اوسمان هو المير ديال ايت يوسي

كولشي صفق و فرح بهادشي من غير الحساد لي هوما سعيد و قبيلة ايت عمر و عبيد لي كيتقرصو بوووحدهم وواصلة فيهم للعظم..و فجأة بدأت فرقة احيدوس كتغني و خرجو لعيالات تخالطو مع رجال كيتفرجو فاحيدوس و كولهم فرحانين بهاد الليلة …اما مايا فكانت وصلات للمحطة و وصل الكار ايضا و كوهينور هبطات منو من بعد ماقاليها الشيفور بلي وصلات و بقات مسمرة قدام الكار حتى جات عندها مايا

مايا:(مترددة تسول خاصة أن كوهينور كانت مازال بالنقاب) احم واش نتي كوهينور

كوهينور:(حيدات النقاب من على وجهها ) اه انا هي

مايا: ماشاء الله زوييينة خويا وصاني نجيبك يالاه نمشيو

كوهينور: صبري (حيدات جلابة كانت لابسة سروال كحل مزير و قميجة بيضة طالعة فوق السرة و طلقات شعرها الطويل لي واصل لطرمتها و هي ضور عندها) دابا يالاه نمشيو

مايا: (كطلع فيها و تهبط مصدومة) نمشيو نمشيو …

كوهينور: (هزات لافاليز و غادية جنب مايت) شنو سميتك

مايا: سميتي مايا

كوهينور: متشرفين (كتشوف فالاحياء) انا اول مرة نجي لهنا

مايا: ايييه قليل لي كيعرف هاد لبلاصة

كوهينور: اه

بقاو كيمشيو و مايا غادي تاكل كوهينور بالشوفات ديالها اما كوهينور كاع مامسوقاش رآها كتشوف فجنابها و تتمنظر حتى وصلو لدارهم شافت كوهينور ضواو و سمعات الشطيح و الرديح و هي ضور عند مايا

كوهينور: واش عندكم شي عرس

مايا: ويييلي بداو احيدوس (مشا تدخلات للدار كتجري و خلات كوهينور برا)

كوهينور: احيدوس؟؟؟ اويلي فين اتمشي و تخليني

دخلات كوهينور للدار حطات لافاليز ديالها فالارض و كتشوف الناس مجموعين كيشطحو و فرحانين و هي ماعارفاش حتى عندمن اتمشي و شكون تسول بقات مبلوكيا بلاصتها و داك الجو مختاااااالف عليييهاااا خاصة أنها كتشوف كاع لعيالات و لبنات لابسين جلالب و رجال بالدراعيات و كتسمع اغاني بلغة مختااالفة عمرها سمعاتها و شطيح فشكل و الات موسيقية مختلفة ايضا …شوية و هي تلمح مايا بعيدة كتفرج و هزات لافاليز ديالها و بغات تمشي عندها و هي دوز من حدا رابحة و فاطنة لي كانو كيصفقو و كيضحكو حتى نغزات فاطنة رابحة

فاطنة:(كطلع و تهبط فكوهينور) رابحة شكون هادي

رابحة: بحالي بحالك شوفي لباسها كيف داير

فاطنة: (سدات على فمها) اويييلي بااااينة جاية من لمدييينة تكون جات تابعة اوسمان

رابحة: هااحي والله حتى تموت خالتي يطو بالفقصة

فاطنة: ههه هي لي من صباح و تحلم تزوجلو بنت من نهنا

رابحة: باراكا ماتبقاي تشفاي حتى لدابا مازال مازال ماعارفين والو

فاطنة: شوفي شوفي هاهياك مشات جيهت احيدوس

كوهينور كانت مبتاسمة بهاد الجو الجديد و هي غادة فاتجاه مايا و كدافع مع الناس باش توصل ليها ماكانتش عارفة صدمتها اتكون كبيييرة فاش اتوصل و اتعرف بلي اوسمان لي جابها لهنا ..اوسمان لي كان كيضحك و فرحان حيت ولا لمير و ايفرح واليديه وكيصفق و كيشوف فاحيدوس حتى لمح مايا واقفة مع زهرة و هنية واستنتج ان كوهينور كاينة هنا

لحسن: اوسمان خووويااا اش بااانلك فشي قصارة فزنقة لعيوون(غمزو)

اوسمان: هههه راك مزوج اصاحبي

لحسن: ومكنهضرش على راسي كنهضر عليك نتا راه نورة كتسناك سنوات من نهار مشيتي

اوسمان: اواشمن الموسخة كتبقا مسخة

لحسن: و الله اخويا مانعسات مع شيواحد من غيرك من نهار مشيتي وا حن عليها

مبارك:(حط يدو على كتف اوسمان و حسن) علاش كتهضرو اولادي

لحسن: واالو اعمي غير كنقشب مع اوسمان دابا ولا هو لمير وخصو يتزوج

اوسمان:(خنزر فلحسن) الليعطينا وجهك

مبارك: لحسن مك راه وصلات و ماعاجبها حال رآه خليتها مع ايطو

لحسن: اودي كون غير خليتيها فايت حمزة

مبارك: ياك المرضي و شكون اشاركنا فالفرحة ديالنا

لحسن: راه ماغاديش اعجبها الحال حيت عرضنا ايت عمر و عبيد

مبارك: (تنهد ) الساعة الله اولدي

….عند ايطو فبيتها كانت واقفة كتناقش هي و يامنة(ام لحسن) و لكبيرة جالسة كتسمع ليهم

يامنة: صافي كلمتي مابقاتش خدامة فهاد الدار كولشي درتوه و عرضتوني بحال الضيفة

ايطو: ماشي هكك ايامنة نتي كنتي فايت حمزة و اوسمان لبارح لي جا و مبارك قالك والو نديرو زردة و نتي عارفة ماكايناش هضرة فوق هضرتو

يامنة: اه و دابا ماكايناش هضرة فوق هضرت ولدك اوسمان

ايطو:(بنبرة حادة) اش كاتقصدي ايامنة

يامنة: ولدك رجع من لمدينة ماعارفش عاداتنا و التقاليد ديالنا و بغيتيه هو لي يحكم

ايطو : ماتنسايش بلي ولدي تولد هنا على هاد الأرض و كبر هنا و تربا افضل تربية

يامنة: افضل تربية؟ هاء عليها مشا و خلاكم كون ماشي سعيد و لحسن ماكانش مبارك ايدير ككاع هاد الخير

لكبيرة: مبارك عندو لخير بلا لحسن و سعيد و لكن معاهم زاد الخير تبارك الله و حنا مكنفرقوش بين ولادنا ايامنة

يامنة: انا اوسمان عزيز عليا و الله شاهد ولكن كية راجلي باااقااا فقلبي كيفاش قدرتو تعرضو ايت عمر و عبيد

لكبيرة: خصهم احضرو باش اشوفو بلي شمل تلم و مايضحكوش فينا

ايطو: الليهديك ايامنة تعلي شيطان و خلي لفرحة تكمل

يامنة: اعوذ بالله من الشيطان الرجيم

لكبيرة: يالاه نخرجو من نهنا راه لعيالات ايبداو اهضرو فينا..

خرجو من البيت مخالطين مع الرجال حتى هوما و كيشوفو فاحيدوس حتى دخلات كوهينور وسط منهم كتبقلل فعينيها و كتشوف فيهم و حتى هوما كيشوفو فيها …وقفات الفرقة الغنا و شطيح وتصدمو من لباس كوهينور و كيتساءلو شكون هادي

مبارك: شكون هادي

اوسمان: (مشا وقف قبالت كوهينور و على محياه ابتسامة شر ) مرحبا بيك

كوهينور:(مصدومة من هادشي لي كتشوف قدامها و كترجف على شوية طيح و تهد) اش اش كدير نتا هنا

يامنة: يطو شكون هاد لبنت لي جاب ولدك

ايطو: ولدي مكيجيييبش هاد نوع لدار لكبيرة

لكبيرة: اللينجينا من شوهة دابا لعيالات ايبقاو اهضرو علينا

اوسمان: نتي فداري دابا

فاطنة: شتي هاشنو قلتلك والله حتى حبيبتو هادي

رابحة: سكتي افاطنة ايسمعوك لعيالات و يديرو لينا لفضيحة

مبارك:(مشا عند ولدو) اووسماااان شكوون هادي

سعيد:(مبتاسم ) دابا غادي تحلى لفراجة

لحسن: حشومة اسعيد حشومة

اوسمان: ابا هادي ضيفة جات عندي

مبارك: (كيهضر بشوية) واااش بغيتي تشوهنا اولدي كيفاااش ضيييفة حنا ماعندناش هاد لبنات بحال هاكا

اوسمان: غادي تبقا هنا و ماعندها فين تمشي

مبارك: وااااش مشيييتي لمدينة و جبتي هاد لخطية لهنا غير باش تشوه بالشرف ديااالنا

كوهينور: لا لا اسيدي ماتفهمش غلاط سمحووولي ههه (ضارت عند الناس ) سمحو لينا الاخوااان انا غلطت فالعنوان كنت انمشي عند واحد الناس اخرين و تخالطتو ليا (كدير ضحكة صفرة و هزات باليزتها و قلبات الضورة بغات تسلت) كملو النشاط الليعاونكم

اوسمان:(جبد الفردي و هو يطلق الرصاصة لفوق فالسما حتى كولشي سقل و هي يبسات بلاصتها بلا مادور) غادي تزيدي تحركي خطوة انقتلك (ضار عند مايا) ديها لبيتك و ماتخرجوش

مايا:(كتشوف ف عمر و مشات هزات لافاليز دكوهينور و كتجرها) زييدي قبل مايقتلنا

كوهينور: فييين باااغيين تدييوني وابغييت نخرج (كتنتر )

زهرة و هنية كيجرو فكوهينور حتى خداوها للبيت

مبارك:(كيهضر مع سعيد و لحسن) خرجو عباد الله من هنا دااابااا

لحسن: واااخا اعمي

خرجو عباد الله من دار مبارك و داو مايعاودو لعيباد الله و بقات القضية مرونة فدار و باغيين تفسير

ايطو: شكووون هاااديييك ااوسمان هضر اولدي

لكبيرة: واااش تزوجتي بييهااا

يامنة: علاه لي مشا لمدينة باقي ايتفكر الأصل ديالو

اوسمان: انا ماتزوجتش بييهااا هااااديك بنت كنت كنعرفها كنت كنقريها ووقع ليها مشكل و جبتها عندي

مبارك: واااااش نتا حماااار غا قوووليااااا واااش كيحسابلك حنا فالمدينة باش تجيبها عندك

اوسمان: انا قاد بشغااالي

مبارك: سمحتلييك ا اوسمان على كووولشي و نتا عاد مازايد فالمشاكيل

ايطو: شنوو بييينك و بيينهاااا

اوسمان: ايما مااابيينييي و بيينها وااالو

ايطو: مااايمكنش كون ماكانتش بينك و بينها شيحاجا ماغاديش تجيبها لهنا

اوسمان: الليهديكم اقسم بالله مابيني و بينها شيحاجااا

مبارك: غدا كووولشي ايبدا اهضر فينا و يقولو ولد الحاج مبارك مزوج نصرانية بلا خبار واليديه و جايبها لهنا

اوسمان: واراااه مغربية ماااشي نصرااانية و انااا مامزوجش بيها

يامنة: سكت قالاك ماشي نصرانية و داك لباس باش جاية

اوسمان: هاداك هو لباسها

ايطو:(جلسات فالارض كتبكي) كنت بااغااا نزوجك على يدي و نختارلك زينت لبنات و فالتالي مشيتي تزوجتي بلا خباري

اوسمان:(تحنا عندها) الوليدة انا انتزوج على ذووقك و لي بغيتيها هي لي تكوون

ايطو: بصح اولدي اتزوج على ذوقي

اوسمان: انا انتزوج على ذوقك و هاديك راه غير ضيفة دابا تمشي

مبارك: غدا انمشيو نخطبو بنت زعير

اوسمان: (تنهد) واخا واخا غير بقاو على خاطركم

ايطو : لعل و عسى نسكتو عباد الله بهاد لفضيحة

يامنة: دابا واش هاد لبنت اتبقا معانا

اوسمان:(وقف على رجليه ) اعتابروها خدامة و جابها ليكم الله

مبارك: اش كتقول اولدي هاديك ضيفة

اوسمان: ضيافة النبي ثلاث ايام من بعد ديرو معاها لي عجبكم

ايطو:(ابتاسمات) الليرضي عليك اولدي

اوسمان: (مشا لبيت مايا و بقا واقف قدام لباب كيسمع هضرة ديال كوهينور)

كوهينور: ويييلي ويييلي غااادي يقتلني اهئ اهئ

مايا: شنووو كاااين عاوديلي

كوهينور: ماخصنييش نبقا هنا غادي يقتلني

هنية: علاش ايقتلك شنو درتيلو

كوهينور: عفاااكم خرجوني من هنا (هزات لافاليز ديالها ) انا انمشي بحالي

مايا: الى خرجتي غادي يغوت عليا يقولي علاش خليتيها تخرج

اوسمان:(دفع لباب و دخل مقابلهم) خرجو منهنا بغيت نهضر معاها

مايا: واخا اخويا (كتقول لبنات بعينيها اخرجو و سدو الباب )

اوسمان:(قرب عند كوهينور و هي كتشوف فيه و كترجف و هز يدو حتى هزها و نزل عليها بتصرفيقة لوجهها) طيحتي فيدي دابا

كوهينور:(طاحت للأرض و نيفها ترش بالدم ) اهئ اهئ خليني نمشي بحااالي

اوسمان:(هزها من شعرها ) واش انا جبتك لهنا باش نخليك تمشي بحالك؟؟ كتحلمي

كوهينور: اهئ اهئ داكشي كاملو لي درت معاك انا ندمت عليه اهئ اهئ من غدا نمشي نردك لخدمتك

اوسمان: كنسعاااالك انا ابنت القحبة ؟؟؟ (صرفقها) كااااع داك التكبر و البخ لي كان فييك غاااادي نحيدووو منك و كنقسم ليك برب العالمين غادي ندمك و نخليك شرويييطة فهاد لبلاد و انعااااود لدينمك ترااابي

كوهينور: اهئ اهئ انا تعاااقبت بما فيه الكفاااية عفااااك خليني نمشي بحالي اهئ اهئ اهئ

اوسمان: اتبقااااي هناااا (كيوعتها فشعرها) غااااادي تعييشي اكفس ايام حياااتك بااااش نعلمك طيحي الباطل و ظلمي الناس

كوهينور: اهئ اهئ عفااااك طلق مني اهئ اهئ

اوسمان:(رماها فوق النموسية و طلع فوقها غارس صباعو فالفك ديالها) غااااادي تعرفي اوسماااان شكووون هو واااش كيسواااا

كوهينور:(خنزرات فيه) مااابغيييت نعرف حتى حاجا و لا كيهمني نعرف قود عليا عطيني التيساع

اوسمان:(بقا كيصرفق فيها بكل قوتو و هي كتغوت ) ومااااازاااااالة كتهضري القحبة القوااااااادة اللينعلزااااااملبووووك

كوهينور: بعد منيييييي اهئ اهئ (كطاكي الضربات ديالو ولكن شحال قدها فالاخير ناض عليها و خلاها سخفانة كتبكي و الدم كيسيل من وجهها)

اوسمان: (كيمسح وجهو بعصبية) ماااازاااال مااااشفتي وااالو هادا غير شوية من بزاااف (خرج اوسمان من لبيت لقا رابحة و فاطنة و مايا فالباب كانو كيتصنطو غير شافوه خرج و هوما يجمعو راسهم اما لوخرين فكان كل واحد مشا لبيتو ينعس) فين هو الواليد

رابحة: كولشي مشا ينعس اخويا

فاطنة: أه باش غدا يوجدو للخطوبة ديالك

اوسمان: (تنهد ) استغفر الله (كيهضر مع مايا) شوفي خليها من ليوم تنعس معاك فالبيت مابغيتش عينك تمشي من حداها

مايا: واخا اخويا

اوسمان: تصبحو على خير (مشا لبيتو انعس و مايا و لوايسات دخلو لعند كوهينور لقاوها كتبكي و الدم فوجهها و سخفانة على النموسية)

فاطنة: الله الله ياربي كلات قتلة دلعصى

مايا:(كتنوض فيها) كوهينور نتي بيخير

رابحة: كنوور؟

فاطنة:(شادة فكرشها) شنو سميتها

رابحة: انا سمعت كنور

مايا: واش البنت مهلوكة و نتوما كتقشبو

فاطنة: ههههههه والله حتى سميتها كنور واش ضامة السمن و لا ضامة الحريرة

كوهينور:(كتبكي و كتنخسس على زهرها لعوج و فين طيحها و تكعدات و جلسات)

مايا:(عطاتها لما و ميشوار تمسح بيه) هاكي

كوهينور: اهئ اهئ بغيت نرجع لكازا اهئ اهئ مابغيتش نبقا هنا

رابحة: وعلاش جيتي لهنا

فاطنة: البنت عنداك تكوني حاملة من اوسمان و الله حتى يقتلوك و يغبروك

كوهينور: نموت و مانخليش داك الوحش اقربلي اهئ اهئ

رابحة: اوا لاواه كون تشوفي شحال من بنت كتحلم غير فوقاش اطلع فيها شوفة

فاطنة:(جلسات حدا كوهينور) شوفي اختي حنا مكنعرفوكش و نتي مكتعرفيناش ولكن راه فاش اتسالي ضيافة ادير فيك يطو و يامنة لي بغاو

كوهينور: شكون هادو

رابحة: ايطو الوليدة د اوسمان و يامنة عكوزتي

مايا: ماتديش عليهم غير بغاو اخلعوك

فاطنة: اوا الحقيقة تقال حتى انا انتعامل معاك خايب

رابحة: نتي اصلا ديما خايبة

فاطنة: اوا بقاي نتي زوينة

رابحة:(جلسات حتى هي ) انا بعدا انتعامل معاك مزيان و الى خصاتك شيحاجا قوليهالي انا و مايا

كوهينور: شنو سمياتكم

رابحة: انا رابحة و هادي فاطنة حنا عيالات ولاد عم اوسمان

مايا: واصااافي كثرتو عليها الهضرة خليوها ترتاح

فاطنة:(وقفات) زيدي ارابحة زيدي راه مايا كتجري علينا من بيتها صافي لقات صاحبة جديدة

رابحة: ماقالت عيب البنت خصها ترتاح (ابتاسمات ) تصبحي على خير

كوهينور: تصبحو على خير

خرجو لوايسات و مايا ناضت كتوجد لكوهينور فين تنعس حتى عيطات ليها

مايا: هاني درت ليك سداري ديالك باش تنعسي مرتاحة

كوهينور: شكرا بزاف

مايا: هانيا مع شي رتاحي تصبحي على خير

كوهينور: (تنهدات ) و نتي من اهلو

صبح صباح جديد فاقت حنان كتكسل و لأول مرة تحس براسها فرحانة بزاف و مرتاحة بقات كترمش فعويناتها حتى دخلو عندها الخدامات و هي تقفز كتشوف فيهم و هوما داخلين كيوجدو ليها لحوايج لي وصلوها فدريسينغ و كيوجدولها الحمام و حطو ليها لفطور فوق ركابيها و هي غير كتبقلل فعينيها مافاهمة حتى لعبة …بغات تنوض و هوما يتعرضو ليها حانيين راسهم و كيهضرو معاها بلغة كاع مكتفهمها غير مسايراهم و هوما منين عرفوها مفهماتش عليهم بداو كيعطيوها الاشارات جيهت الحمام دخلات و لقات البانيو عامر و حيدات حوايجها و دخلات فيه جاها فاللول سخون و منبعد عاد ترخات فيه و جلسو حداها خدامات كيديرولها مساج ليديها و راسها و هي سادة عينيها حتى ناضت شللات صحتها و عرضولها البينوار و خرجات فطرات و كتشوف فيهم واقفين عليها و شيوحدات كيوجدولها حوايجها جبدو ليها سروال كحل و قميجة بيضة و سبادري بيضة و دوبياس فالبيض و ناضت لبساتهم و هوما خرجو و ماهي الى دقائق خرجات حتى هي باغا تشوف الدار عجباتها بزاااف واسعة و مضوية و الخدم فكل بلاصة كيعناو فيها حتى ضارت بغات تمشي و هي تلمح الشاكمة و توترات مامتيقاش عينيها مشات عندو كتجري

حنان: محمد (ضورااتو عندها) اش اش كديير هنا انا وصيتك تبقا حتى تجي عندك حفيظة

الشاكمة: (تنهد ) ماخلانيش يوسف جابني بزز عليا

حنان: كييييفاااااش جابك بزز عليييك و حفيييظة فييين هي

الشاكمة: مااااعرفتش من البااااارح مابانت

حنان:(ضارت بيها الدنيا منين سمعات بلي مالقاوهاش و شداتها اللقوة رجعات جوج خطوات لور و مشات كتهبط بزربة فدروج كدور موراها حتى تصاطحات مع حورية) فييين فييينو

حورية: حنااان مااالك كترجفي

حنان: يوووسف فييينو بغييتو

حورية:(اشارتلها للمكتب ديالو ) كاين فالمكتب

حنان: (خلاتها و مشات كتجري فتحات الباب عليه و دخلات اما هو كان خدام مركز على شغلو حتى سمع باب تحل) فيييينهاااا ختي

الزنبقة:(ناض عندها شد فيييها) تهدني

حنان: كيييييييفاااااااش بغييييتيني نتهدن نتاااااا كدبتي عليااااااا (كدفع فيه) نتااااا كدااااب و مااااتسوااااش باااغي تنتاقم مني

الزنبقة: (شدلها يديها) وزني هضرتك احنااااان صبري كيتقاضا

حنان: قلتييييلي بلي رجالك لقااااوها و ايجيييبوووها عندي

الزنبقة: كنتي عيااانة شنووو بغيتيني نقووولك

حنان: شنووو وااااش كضحك عليا (ضربات واحد الفاز بيديها شخشخاتو حتى ترش دم من يدها)

الزنبقة:(شدلها يدها) جرحتييييي يدددك واااااش نتي حمقة

حناااان: اناااااا نقتل رااااسي على قبلها و نتااات كدبتي عليااااا

الزنبقة: رجااالي كيقلبو عليييها ماتخااافيش كنواااعدك انلقاااها

حنان:(انفاجرات بالبكا) اهئ اهئ و الى مالقيتيهاش اهئ اهئ اعلم الله فيين هي واش مغطية ولالا و شكون معاها ياكما تكرفصو عليها اهئ اهئ ختي انا لي ربيتها بهاد ليدين(هازة يديها قدامو) انا مهاااا و انا باااهاااا كيفااااش مابغيتينيش نخاف عليييها و انا تقاتلت و درت هادشي كاملو على قبلها اهئ اهئ

الزنبقة: كنوااااعدك غاااادي نجييبها حتى لعندك سمحيلي حيت كدبت عليك

حنان: عمرني نسمح ليك اهئ اهئ (ناضت خرجات كتبكي مشات نيشان لبيتها و سدات على راسها و الزنبقة كره راسو حيت كدب عليها ولكن مابغاش اخلعها و كيدير لي فجهدو باش القا حفيظة )

اما حفيظة فكانت يالاه كتفيق من نعاس ماعاقلاش على راسها فين و معامن يالاه تكعدات شوي لقات راسها فحضن فهد و الخرقة فازكة على راسها ابتاسمات شوية و حطات يديها على وجهو

حفيظة:(كتحرك فيه) فهد …فهد

فهد:(ناض قافز كيشوف فيها و كيفحصها بعينيه) حفييظة كيبقيتي مزيااان خفت عليك كثر من لقياااس

حفيظة:(بقات كتشوف فنقطة وحدة و دموعها شلال) اهئ اهئ

فهد: عفاااك ماتبكييش قوليلي مالك

حفيظة: منيين انعاااودلك و كيفااش انعاودلك شنو طرالي قبل مانجي لميريكان و نتلاقا و منبعد و شنو وقع

فهد: عاوديلي كووولشي ماتخبي عليا والو

حفيظة: اهئ اهئ ختي تزوجات و سمحات فيا اهئ اهئ

فهد: كيفاش مسحات فييك انا مفهمتش

حفيظة: تزوجات بواحد كيقولولو الزنبقة الفضية اهئ اهئ

فهد:(منين سمع سميتو تشوووكا و لونو تخطف و ماعرف اش اقووول ) منييييين كتعرفي الزنبقة دوي

حفيظة: (عاوداتلو حفيظة كولشي من الالف للياء و مانسات حتى حاجا و هو كيتصنط ليها و مصدوم و كيمسحلها دموعها و يواسيها حتى كملاتلو) اهئ اهئ و هي خلاتني

فهد: وشكووون قالك هي لي خلاتك راه تقدر يكون هو لي جبرها تتزوج بيه

حفيظة: اهئ اهئ مانسمحش ليها اهئ اهئ (شداتلو فيدو) نتا اول واحد فكرت فيه فاش وقعلي هادشي و كنت باغا نجي عندك شحال هادا ولكن جاو هاد المشاكيل واحد مور واحد وماقدرتش نجي عندك

فهد: مكيهمش داكشي دابا نتي معايا و ماتخافي من والو صافي نوضي دوشي و ترتاحي انا انوجد لفطور

حفيظة: واخا صافي

فهد:(باسها فحنكها و ناض هبط للكوزينة و هو كيضور تماك ما عارف مايدير متوتر و شاد تيليفونو فيدو حتى استسلم و صونا على الزنبقة) الو

الزنبقة:(كان جالس فالبيرو ديالو حاط يديه على راسو و مقلق حتى جاه اتصال) الو فهد

فهد: حفيظة كاينة عندي

الزنبقة: حفيظة؟؟ منييين كتعرفها نتاااا

فهد: ماشي مهم منين كنعرفها المهم هي معايا و غادي تبقا معايا مايمكنش ليا نسمح فيها راه نفسيتها مضمرة و كتقول بلي ختها سمحات فيها

الزنبقة: ولكن راه ضروري خاصها تشوفها حنان راه تسطات بالبكا

فهد؛ شوف مكيهمني حتى واحد فيكم لي كيهمني هو حفيظة انا راه كنبغيها ايوسف و ماغادي نخلي حتى شعرة تقاس منها

الزنبقة: اوك خليها عندك

فهد: و كنتمنى انها ماتعرف بحتى طريقة من الطرق بلي عائلتي كانو مافيووزيين انا دابا وليت موودل و حياتي هي الشهرة و داكشي ماعندي ماندير بيه

الزنبقة: عارف هادشي و ماغاديش تعرف حتى هي ولكن من الأحسن تصارحها

فهد: خيرك عليا سابق حيت عتقتيني ماشي مرة ماشي جوج من ناس كانو بغاو اقتلوني

الزنبقة: واليديك كنت كنعرفهم مزيااان و عزاز عليا و هاداك كان واجب

فهد: شكراا

الزنبقة: مازالة ديك النمرة كتعيط ليك

فهد: اه باقي عيطاتلي و هضر معايا داك الزامل و مازال كيهدد فيا

الزنبقة: واش حفيظة كانت جزء من الخطة ؟

فهد:(بقا ساكت شوية عاض على شنايفو) كان امرني باش نتقرب منها و نآذيها و مقدرتش صدقت كنبغيها و مابغيتش نضيعها

الزنبقة: و شنو درتي معاه

فهد: قطعت عليه مابقيتش كنجاوبو كنحاول نبعد ما امكن على هاد العالم د الاجرام

الزنبقة: و حتى انا راه كنحاول نخليك بعييد المهم تهلا ليا فحفيظة و شكرا حيت علمتيني فين هي

فهد: العفو هادا واجب ولكن ماغاديش نجيبها ليكم الى هي مابغاتش

الزنبقة: لا من الاحسن بلا ماتجيبها من الافضل ابقا الماضي ديالك مخبي عليها

فهد: (تنهد) اه يالاه باي

الزنبقة: باي ….

قطع الزنبقة الخط و هو كيفكر كيفاش ايصالح حنان و يطمن قلبها على ختها …نفض افكارو و مشا ناض قدام لوحة فنية حيدها من الحيط و بانت لوحة الكترونية ..دخل الرمز السري لي كان بدلو هادي يوماين و تحلات خزانة الكتب باش تعطي طريق آخر و غرفة اخرى …مشا دخل ليها و كل مرة كيوصل حدا شي باب كيدير رمز سري عاد وصل لصندوق الكتروني و زجاجي كانت فيه الكوهينور كيشوف فيها و كيرسم خطة جديدة فعقلو…ماهي الى دقائق جبد تيليفونو و هو يصوني لتاجر المجوهرات و لي على قبلو بغا يرد الكوهينور ليه …

الزنبقة:(مبتاسم و هو يهضر بثقة) شحال من مليار اتعطي على قبل الكوهينور

….(كيهضر بصوت غليض ماشي ديالو غير مسجل) نعطيك لي بغيتي

الزنبقة: و الى مابغيتش نعطيهالك

….انضمرك

الزنبقة: ماتقدر دير والو بلا الكوهينور و داكشي علاش انا سابقك بخطوة

….ماشي من الصالح ديالك هادشي راه درنا اتفاق

الزنبقة: الاتفاق تلغا و الكوهينور اتبقا عندي

….(ضحك بصوت عالي) مكنصحكش تغلط معايا انا عاااارف كل حاجا عليكم

الزنبقة: شنو قصدتي بكلمة “عليكم”

….عارف بلي تزوجتي ببنت سميتها حنان لي كانت متنكرة بصفة ولد و كانت كتقاتل فالكاريان قبل مايشوفها معتصم و يخدمها عندو حارسة شخصية لبنتو كوهينور و عارف ايضا ان ختها حفيظة مشات لأمريكا و تلاقات مع فهد

الزنبقة:(مبتاسم) نتا لي صونيتي على فهد و كتهددو

….اه انا بالاضافة انني عارف بلي حفيظة مخاصمة مع ختها بسبب سراج لي لعب على دماغها و عارف ان كوهينور كاينة فمنطقة سميتها ايت يوسي كيكو عند عائلة اوسمان

الزنبقة: شنو اتستافد من هادشي كاملو

….الكوهينور ماشي مجرد جوهرة بل هي مفتاح لمنظمة لوسيفر و بيها نقدر نسيطر على العالم و نضمرو

الزنبقة: ماكفاكمش بلي ضمرتو فلسطين، سوريا ، العراق اليمن مازال باغيين ضمرو العالم

….هادي سنة الحياة القوي كياكل الضعيف

الزنبقة: طول عمري و انا كنسرق و لكن عمرني آذيت شيواحد بريء

….انا عارف بلي نتا شفار و عندك ضمير و داكشي كاع لي كتسرقو كيمشي لملجأ الأيتام و مناطق الحروب

الزنبقة: (كيهددو بصوتو) الكوهينور ماغاديش توصل ليدك طول ما انا عااايش

….نتا ، حنان ، حفيظة، فهد ، اوسمان و كوهينور مرحبا بيكم فاللعبة ديالي (قطع)

الزنبقة زير التيليفون فالقبضة ديالو و هو كيستشعر خطر التهديد لي واقع عليهم و خصو باي طريق احمي الناس لي ضايرين بيه …خرج من تماك و البيبان كيتسدو حتى خرج فخطرة دار الرمز السري و رد اللوحة بلاصتها و خرج من البيرو مشا لبيت حنان كيدق حتى ماجاوباتوش و هو يدخل مالقاهاش و رجع خرج مشا لعند أحد الخادمات سولها عليها قالتلو كاينة فغرفة الالات الرياضية مشا هبط عندها لقاها عرقانة كدير فالطراكسيون و عينيها فيهم الغضب شافت فيه و هي تنوض كتريني فالحديد و هو مازال متبع ليها العينين كيشوف حركاتها الرشيقة و قوامها الممشوق و شرارة الغضب لي فعينيها …خلاها حتى سالات و مشات كدير كومبا مع دمية من مطاط و مشا وقف من موراها

الزنبقة: حنان بغيت نهضر معاك

حنان:(كضرب فديك الدمية بكل قوة و سرعة و ماداتهاش فيه )

الزنبقة: حناااان باراكا علييك اتسخفي

حنان:(ضارت عندو بحركة سريعة موجهة ليه كروشية لوجهو جاب الله تفاداها و بقات كتهاجمو)

الزنبقة:(كيتفادا الدقات ديالها و كيرجع لور) وا هداااي

حنان:(طلعات رجلها كتبغي ضربو ) قود عليا

الزنبقة:(شعل و هو يشدلها رجلها و جمعها بنص حتى طاحت متكية على ظهرها بغات تنوض و هو يجي فوقها حابسها) ماااالك على هاد لقبااااحة كاملها

حنان:(كتنهج) قلتلك قود عليا و بعد مني ماتهضرش معااايا

الزنبقة:(شد الفك ديالها مزير عليك و جامعلها فمها على شكل بوسة) داك نهار صرفقتك على قبل هاد الكلمة و هاد المرة غادي نبوسك

حنان:(كتقولو لا بعينيها )

الزنبقة:(رخا من الفك ديالها مبتاسم ) مالك مابغيتيش تبوسيني

حنان:(تزنكات كتشوف تحت منها) بعددد مني ماتبوسني مانبوسك

الزنبقة: كتجي زويينة فاش كتحشمي هههه

حنان: انا مخاصمة معاك مابغييييتش نهضرك صافي (دفعاتو و ناضت)

الزنبقة:(ناض حتى هو) راه لقيت حفيظة

حنان:(ضارت عندو بسرعة ) بصصح؟؟ فييين لقييتيييها فين هي

الزنبقة: ياك قلتي مابغيتيش دوي معايا اوا بعدي مني

حنان: والا(شادة فدراعو) قولي فيينها عفاااك

الزنبقة: لا منقولكش

حنان: واصافي انبقا نهضر معاك القلاوي دوي (سدات فمها كتشوف فيه و كترجع لور ) والله ماقصدت خرجات بوحدها

الزنبقة: لا باغاني ندير فيك شي فضيحة (كيمشي فاتجاهها ) اجي لهنا

حنان: لا لا (مشات كتهرب فديك الصالة و هو تابعها كيجري ) واعفاااك و الله مانعاود هههههه

الزنبقة: اجي عنديييي (شدها من خصرها مقربها ليه)

حنان: والله مانعاود غير طلق مني

الزنبقة: انا قلاوي ياك

حنان: لا لا نتا شيء أعمق بكثير ههه

الزنبقة:(كيشدد على اسمها) حناااااان

حنان: و سمحلي اش نديرلك هاكا كنهضر ولفت

الزنبقة: من غدا غادي نجيبلك شي ناس اعلموك تهضري

حنان: ماااالني مكنعرفش نهضر

الزنبقة: انا راه مامزوجش بعبيقة راني مزوج ببنت

حنان: قلتلك حسبني عشيرك

الزنبقة: مابغيتش عشيري ازمر بغييت مرا فهمتيها

حنان: والله مافيا دوك الصفات

الزنبقة:(نترها) واش شفتي راسك كيف دايرة كتهضري بحال دراري كتمشاي بحالهم و كتلبسي بحالهم راك بنت بنتتت

حنان: واصافي دابا خلي علينا هاد الهضرة قولي فينها حفيظة

الزنبقة:اييه كتجاهلي هضرتي دابا

حنان: لا مكنتجاهلكش بغييت نعرف فيين ختي

الزنبقة: ( جاه اتصال من رقم ماتوقعش اصوني عليه ضارمشا و خلاها ) ليل و نقولك

حنان: اوييلي على لييل يوسف

الزنبقة: راني هضرت بغيتك فلييل باش نهضرو (خرج من الصالة ديال الرياضة و مشا بسرعة حتى بعد شوية و عاد جاوب) منين جبتي نمرتي

فيروز: (جالسة فوق الطبلة و قدامها سراج و كتحلون فالهضرة ) ماشي صعيب عليا نلقاه ايوسف حيت الحاجة لي كنبغيوها دغيا كنلقاوها

الزنبقة:(تنهد) شنو بغيتي

فيروز: بغيتك نتا

الزنبقة: فيروووز انا مزوج صافي نسايني

فيروز: نتا ديالي و عمرني نساك حيت نتا اصلا مانسيتينيش

الزنبقة: دابا عاد فقتي و عرفتي هادشي

فيروز:(كتبكي بلعاني) اهئ اهئ راه ماشي ذنبي الى بعدوني عليك و تعذبت بزاااف ماقادراااش على فراقك

الزنبقة: ششش صافي ماتبكيش

فيروز: بغيت نشوفك

الزنبقة: مايمكنش

فيروز: انا انشوفك هاد ليلة فاوطيل مارينا الغرفة 210

الزنبقة: و الى ماجيتش

فيروز: عمرك تعاود تشوفني انقتل راسي الى مابغيتينيش اهئ اهئ

الزنبقة: (صمت)

فيروز: فكر مزيان انا انتسناك باي (قطعات و هي كتشوف ف سراج و كضحك)

سراج: هههه ماعندي مايتسالك تستاهلي الأوسكار

فيروز: ههههه هادشي ساااهل

سراج: انا خاص نمشي عند حنان

فيروز: مايمكنش ليك تمشي نسيتي بلي ادخل للمنطقة ديالو

سراج: ماعندي حتى مشكل غادي ندخل

فيروز: ايقتلوك ليكارد

سراج: غادي نطلب من حورية نشوفها

فيروز: نتا عارف بلي حورية ماغاديش تخليك تقرب من حنان حيت اي حاجا ديال الزنبقة كتبقا تحت حمايتها

سراج: ماشي شغلك فهادشي نتي منين اوصل عندك الزنبقة صوني عليا باش نمشي لعند حنان

فيروز : اوك

كان ناعس حداها عريانين منبعد ما دوزو ليلة حمراء بكل المقاييس و عبرو حدود الشهوة لي طلعات بيهم لسابع سماوات …خلا شوقها ليه و اشتياقها بالرجوع ديالو اعبر على كل كلمة و نظرة و لمسة فتلك الليلة اما هو فكان كيمارس معاها كأنه كيشكرها على الصبر ديالها معاه و الحب ديالها لي كيتزاد فقلبها نهار على نهار فما بالكم بسنوات فاش كان غابر من بلادو و بقات وفية ليه و كتحتارمو و اي حاجا خصاتو كيجي عندها كان سميتها نور اه النور لي كينور حياة اي واحد دخلات لحياتو و كتخلي لياليه معاها عمرهوم اتنساهم …خدمتها عاهرة فزنقة العيون المعروف بالمومسات اشكال و أنواع فيهم الصغيرة و الكبيرة ، بنت دارهم ضحكو عليها و السلكوطة كل وحدة و ظروفها و لكن اسم واحد كيجمعهم عاهرات ايت يوسي لي كيجيو عندهم رجال من كل جهة و كيعيش اللحظة غير ب عشرين درهم مكمشة و هاد العاهرات عزلوهم على البنات الحورات غير بالسبنية بحيث ان العاهرات مكيديروش السبنية اما الحورات و بنات العائلة لكبيرة كيخرجو و على رأسهم الفولار …كان اوسمان يالاه كيفيق و شعر نور مغطي على وجهو و كيحيدو و ناض بشوية كيلبس حوايجو حتى فاقت كتشوف فيه و مبتاسمة

اوسمان:(كيلبس حوايجو و شاف فيها ) مالك هه

نورة: مامتيقاش بلي نتا قدامي دابا (ناضت عندو باستو فعنقو)

اوسمان: و مامتيقش حتى انا بلي ماخليتي حتى راجل اقرب ليك من غيري

نورة: نتا اول شخص من بين دوك الناس لي نعطيه راسي و انا راضية حيت كنبغيك

اوسمان: و منين كنتي كتعيشي هاد الوقت كاملو

نورة: نسيتي بلي انا شيخة ههه

اوسمان: مزيان

نورة: غادي تعاود تجي عندي ياك

اوسمان: مانعرف انكون مخربق هاد الايام

نورة: اااه مع لبياسة جديدة لي جبتي

اوسمان: شكون قالها ليك

نورة:(غمزاتو) الاخبار فكيكو دغيا كينتاشرو

اوسمان: (ابتاسم) هاديك قحبة بحالك بحالها كاين فرق بسيط

نورة:(ضحكات ضحكة ديال العاهرات ) ههههه شنو هو

اوسمان: نتي كتهزيه عاين باين اما هي كتهزو تحت الدف

نورة: هاااا و انا لي كان كيحسابلي بلي كتبغيها و جبتيها معاك

اوسمان: الزب لاواه اصلا ليوم انمشيو نخطبو شي بنت

نورة: شكون هادي

اوسمان: قالك بنت زعير

نورة: اااه ميرا اوا منين اكون لعرس عيطلي نغني مايمكنش نفلت هاد الفرصة ههههه

اوسمان: مرحباااا

نورة: و منها نيت نفتح كري و طبوني للرجال لي بغا يجي يحوي

اوسمان: اتاخدي فلوس كثييرة غير تاجري فصحتك هههه

نورة: هههه اتخرج دابا عنداك اشوفك شيواحد

اوسمان: و منبعد اعاودو لراسهم

نورة: اه نسيت بلي المير مكيهضر معاه حتى واحد هههه

اوسمان: داكشي لي كاين (غمزها) تهلاي فراسك

خرج متاجه لدارو اما كوهينور كانت يالاه فاقت كتفوه تكعدات لقات مايا كتجمع البيت

كوهينور: صباح الخير

مايا:(مبتاسمة) صباح النور

كوهينور:(هزات مرايا من صاكها كتشوف فوجهها) اللياخد فيه الحق خربقلي كمارتي

مايا: نوضي سيري للكابينة بولي الى كتبولي و غسلي وجهك راه انتجمعو دابا فالطبلة دلفطور

كوهينور: شناهي الكابينة

مايا: بيت الما

كوهينور: اه كتقصدي طواليط

مايا : هاديك نوضي

كوهينور: (ناضت ) فين هي( خرجات معاها مايا نعتات ليها و مشات دخلات لداك طواليط البلدي ماعرفاتلوش كاع ولفات العصري و هي تسلم امرها لله قضات حاجتها و ناضت غسلات و جهها و رجعات للبيت مالقاتش مايا و هي تستنتج بلي مشات تفطر المهم لبسات شورط تجين و ديباردور اسود و طلقات شعرها و لبسات سبادري فالابيض و دارت ماكياج باش مايبانش أثر ضرابي لي عطاها اوسمان و هي تخرج لقات دار خاوية ماكاين حتى حس و هي طل من البالكون لقات بلي دايرين طبلة لتحت طويييلة و حادرة و هوما دايرين لوسايد باش اجلسو و هي تهبط عندهم لقاتهم مجموعين من غير اوسمان لي ماكاينش)

كوهينور: صباح الخير

طلعو فيها راسهم مصدومين كيشوفو فيها و فلبسها دراري سعيد و لحسن حشمو و هبطو راسهم

مبارك: اش هاااااد قلة لحيااااا

كوهينور:(جلسات حداهم) شنو

يامنة: كوووولشي هادشي من اوسمان هادي تربية يدك

ايطو: (كتخنزر فكوهينور) ولدي مربي حسن منك و ماعندو علاقة بهاد الاشكال

فاطنة:(كتهضر مع رابحة) غدا و لا بعدو تصدق مطيرة لينا رجالنا

رابحة: حضي غير راجلها هاهواك كيشوف فيها من تحت الدف اما راجلي ماطلعش فيها العين

لكبيرة:(ضربات فالطبلة) الضيف منين كيجي عندنا كنكبرو بيه و كنحتارموه كولو دابا

مايا: ختي كوهينور نطيب ليك البيض

كوهينور:(بغات تهضر و هي تنقز ايطو)

ايطو : ختي ؟؟ اخوييلك الجناب فوقاش تخاويتو

يامنة: شنو قلتي سميتها

فاطنة: هههه سميتها كنوور

كوهينور: لا سميتي كوهينور

لكبيرة: كو كو كنور ؟؟

كوهينور:(كتهجاها) ك و ه ي ن و ر

لكبيرة: لا لا ابنتي خصنا لقاولك شي سمية أخرى

رابحة: نسميوها اغودان

كوهينور: شنوووو هيا؟؟؟

لكبيرة: اوا إلى قلتي اغودان ماكدبتيش

ايطو: منين جاها زين غير قوليلي

لكبيرة: ولدك كيختار بنات زوينين حسن من دوك لبنات لي كتخطبيلو

مبارك: يما اوسماان قالك مابينو و بين هادي والو

ايطو: ولدي ماكياخدش هاد الاشكال انا كاع مانرضاهالو

لكبيرة: حتى انا ماكنتش بغيتك لولدي و لسقتي عليه بحال اللفعة الليستر

فاطنة و رابحة كيضحكو بالحس

ايطو: قطعووو حسكم نتوووما (كتشوف ف لكبيرة) هاد ضريب لمعاني ماخاصش اكون قدام لبراني

كوهينور: احم ممكن نهضر (ضارو كيشوفو فيها) أولا انا سميتي كوهينور ماشي كنور و مابغيتش شي سمية أخرى و ثانيا انا وولدكم اوسمان مابيناتنا حتى حاجا اصلا مكيحملني مكنحملو و انرجع منين جيت دااابا

ايطو: اوا لااااش جيتي

كوهينور: زهري لي جابني لهنا اما مانجييش

يامنة: فوقاش اتمشي

كوهينور: من دابا غير عاونوني نخرج بحالي

لكبيرة: هي بصح اوسمان ماكانش كيكدب و ماجابكش باش اتزوجك

لحسن كيهضر مع سعيد : زعما شنو فيها إلى تزوجها

سعيد: هانتا كتشوف إلى مشا حتى تزوجها اجريو عليه لا هو لا هي

لحسن: واش ضروري نبقاو نتزوجو هاديك لي كيختارولنا ديما

سعيد: هادشي لي عطا الله و حتى اوسمان راه ليوم نمشيو نخطبولو بنت زعير

اوسمان:(داخل مع لباب لابس دراعية ) السلام عليكم

كولهم: و عليكم السلام

اوسمان:(بغا يجلس و هو يشوف ف كوهينور اش لابسة خنزر فيها و هو يمشي هزها من يديها) واش مني حمقااااا اش هاد لباس تحركي (كيجرها من يديها و كولشي ناض كيشوف)

مبارك: اوسمااان بعد من لبنت

اوسمان: هاااادي خصها تربا

ايطو: راااه اتمشي بحالها

اوسمان: ماعندها فييين تمشي اتبقا هنااا

كوهينور : وا طلق منيييي

اوسمان:(دخلها للبيت) وااااش القحبتيمااااك مااالقيتي ماتلبسي غير هااادشي (صرفقها)

كوهينور: اهئ اهئ بعد مني اش درت ليك

اوسمان: الى كنتي مولفة تقحبين فداركوم انا عندي هنا اتجمعي كرك

كوهينور: هادااا لباسي اهئ اهئ

اوسمان: لا خرجي زمليييهم بهاد لباس اقليلة الشرف من ليووووم اتحتارمي عائلتي و مكااااين غير طوييل

كوهينور: شوف خليني نمشي بحالي فخطرة

اوسماان: كتحلمي (خرج خلاها تماك و هبط كيفطر)

لكبيرة: مامنحقكش ضربها

اوسمان:(كيهضر مع لبنات) عطيوها شي حاجا محتارمة تلبسها

لكبيرة: راه كنهضر معاك

اوسمان: انا لي جبتها و انا لي انتكلف بيها

لكبيرة: مرة اخرى نشوفك كتهز عليها يديك انسخط عليك

اوسمان: لالة راه هاديك لفعة انااا لي عااارفها

لكبيرة: لي كيدخل لهاد الدار مكنعاملوهش خايب سمعتيني

اوسمان: واخا واخا

ايطو: نوضو قادو راسكم و داكشي لي انديو باش نمشيو نخطبو الناس كيتسناونا

فاطنة و رابحة:واخا اخالتي

يامنة:الى مشينا كاملنا شكون ايبقا مع كنور

اوسمان:(شداتو ضحكة من ديك كنور و شد راسو بزز) انا انسد عليها فالبيت ماتخافوش

مبارك: يالاه نوضو مامساليينش…

ناضو عائلة اوسمان كيلبسو حوايجهم و كيوجدو الكادويات و الكارطونات ديال السكار و الحنة باش يديوهم معاهم اما اوسمان مشا الحمام ديال دارهم لي كان كاملو بالرخام و مكيبانش بكثرة البخار لي فيه بقا كيدوش باش يتقاد لأنه عريس و خاص اكون فأبهى حلة بالرغم من أنه ماحاملش هاد زواج ولكن ايبغي يدير الخاطر لواليديه و خصوصا أنه كان بعيد عليهم و خلاهم غضبانين عليه اما كوهينور فكانت فالبيت كتبكي حتى دخلات عندها مايا

مايا: واصافي باراكا من لبكا نتي من لبارح و نتي كتبكي

كوهينور: اهئ اهئ و ماشفتيهش هو فين ما ترشقلو اجمع معايا بتصرفيقة

مايا: اربي شنو درتيلو حتى كيديرلك هاكا راه ماعمرو ضرب شي بنت ياك انا ختو و ماعمرو ضربني

كوهينور:(مابغاتش تهضر فداك الموضوع) خليه دابا يعرف الغلط ديالو

مايا: اوا الليهديكم حنا انمشيو نخطبو ليه

كوهينور: (كتمسح دموعها ) اها و شكون ايبقا هنا

مايا: غير نتي

كوهينور: اويلي على غير انا اشنو نبقا ندير بوحدي

مايا: هادشي لي قال خويا بغا يسد عليك فدار

كوهينور: هادشي مايمكنش فين كاين هاد خوك نمشي ندوي معاه

مايا: جلسي ترصاي و نتي كتقلبي على شي قتلة دلعصا

كوهينور: واقوليلي فينو

مايا: سيري قلبي عليه

كوهينور: واهاد دار عندكم كبيرة فين انلقاه انا

مايا: واراه مشا للحمام و الحمام كاين فالقنت ديال الدار

كوهينور: واخا صافي (خرجات من البيت بدوك لحوايج نيت كاع ماحشمات و مشات كتقلب على لحمام كاع مابان ليها و شوية و هي تلاقا مع زهرة ) كتكوتا اجي عندي

زهرة: نعام

كوهينور: فين كاين الحمام ديالكم

زهرة:(شداتلها فيدها و كتجرها باش توريها) اجي معايا

مشات كوهينور مع زهرة حتى وراتها الحمام فين جا و هي تمشي بحالها و بقات كوهينور مسمرة قدام داك لباب ديال لخشب طويل. و مضيق و كتساءل كيفاش كاين لحمام هنا قربات للباب و دفعاتو شوية بيديها حتى تحل و هو يضربلها البخار فوجهها بقات دقائق عاد توضحات ليها الرؤية و شافت حمام بحال ديال الملوك كولو رخام و سقايات فكل بلاصة و سخووون بزاف …سدات الباب و دخلات و هي تهبط وجهها شافت فسبرديلتها اتفزك هبطات حيداتها و دخلات بالحفا كتمشى غير بشوية و كتسمع الماء كيتكب عرفات بلي اوسمان كيغسل و قريب منها بقات كتبع الصوت حتى وقفات بعيد عليه كتشوف فيه و حالة فمها هااحححح على العضلات و ليزابدو و ملوي على الخصر ديالو فوطة و فزكات و هو كيلوح الماء على ذاتو و كوهينور مازال كتشوف فيه و كتشوف فالماء كيعبر على الجسم ديالو اما هو كان حاس بلي شيواحد واقف موراه بقا جامد شوية و عاد ضار كيشوف فيها بتساؤل

اوسمان: اش كديري هنا

كوهينور:(جمعات فمها) بغيت نهضر معاك

اوسمان: مابانت ليك غير هاد لبلاصة تدوي معايا فيها ايشوفنا شيواحد ايفهمنا غلاط

كوهينور: جيت غير نقولك بلي ميمكنش ليك تخليني فدار بوحدي و تحبسني

اوسمان: ماعندي مانديرلك نتي كطيري من المقلة و خفيفة شوفي غير باش خارجة عندهم

كوهينور: و باش بغيتيني نخرج راه هاكا كنلبس

اوسمان: ف كازا اه ولكن هنا لا راه عيب

كوهينور: اوا راه مكانتش فخباري

اوسمان: هاهي فخبارك

كوهينور: ديني معاكم

اوسمان: فين

كوهينور: ياك غادي يخطبو ليك اوا ديوني معاكم

اوسمان: لا

كوهينور: علاش والله ماندير شيحاجا انلبس طويل و نبقا غير حدا مايا

اوسمان: بأي صفة باغا تمشي

كوهينور: ضيفة و بغيت نشوف العادات و التقاليد ديالكم شنو فيها

اوسمان: أممم كنحس بلي فيك لغدر

كوهينور: انااا بالعمى

اوسمان: اوك انخليك تمشي بشرط

كوهينور: شنو هو

اوسمان: اجي دوزيلي الصابون على ظهري

كوهينور: واخا (مشات عندو مادة ليه يدها باش اعطيها الكيس دوز ليه و هو بقا كيشوف فديك اليد و هو يلاحظ لوشام و جبدها عندو حتى طاحت فحجرو و قريبة ليه ) اش كديير

اوسمان: هاد لوشام غطيه مابغيت حتى واحد اشوفو

كوهينور: واراه يكونو شافوه داركم صباح

اوسمان: راك غير كتزيدي تكرهيهم فيك

كوهينور: و انا مالي اصلا دابا نرجع منين جيت

اوسمان: غير حلمي عمرك ترجعي منين جيتي

كوهينور: عارفاك مكتحملنيش و باغي تفدي فيا لقديم و جديد و دابا طلقني خليني ندوزليك على ظهرك باش نمشي

اوسمان:(هز الطاس عمرو بالماء و كيخوي عليها غير بشوية فوق راسها حتى فزكات ) و الى مابغيتش

كوهينور: انا راه مكنحشمش راه انصدق مغتاصباك هنا

اوسمان: نوضي نوضي الماسخة سرك نيت غير لقحوب

كوهينور:(شدات لكيس دخلاتو فيدها و كتحك ليه و ضحك ) ههههه لا زعما نتا مافيكش الزملة

اوسمان: باراكا خرجي من نهنا قبل مانبدل الرأي ديالي

كوهينور: و عاين غير نكمل ليك (كدوز يديها عليه غير بشوية و كتشلل ليه) ساليت يالاه تشاو

خرجات من الحمام كدير الضحكة الشريرة ديالها و هي ناوية على خزيت بقات كتقطر بالماء فطريق حتى وصلات للبيت عند مايا

مايا: اش هاد الحالة

كوهينور:(كترجف) كنت عندو فالحمام

مايا:(كضرب ففخادها ) اويييلي اويييلي اش درتي نتي وياه

كوهينور: اويلي مالك سكتي دابا تلسقي فينا مونتيف مادرناهش

مايا: و اش ماشيا كديري عندو فالحمام واش هبلتي

كوهينور: قلتلو غير اخليني نمشي معاكم و حكيتلو ظهرو و جيت

مايا: (كتندب حناكها) والله و تسمعك ايطو والله حتى تقتلك

كوهينور: واصافي هنينا عطيني شيحاجا نلبسها باش نمشي معاكم

مايا: خلاك تمشي

كوهينور : اه اوا طلقينا

عطاتها مايا فراشة فالازرق الملكي مرصعة بالجواهر و مغطية ولكن جاتها مزيرة على المفاتن ديالها جات كتهبل و طلقات شعرها و دارت ماكياج خفيف و لبسات صباط بلا فالاسود

مايا؛ هاي هاي جيتي كتحمقي ولكن احنينتي خاصك ديري سبنية بلا ماتقولي اتخرجي بداك شعر هكك

كوهينور: انحطها غير على راسي ماغاديش نديرها و نشنق راسي فيها

مايا:(كانت لابسة حتى هي قميص فالكرونة و دايرة سبنية ف الصم ذهبي ) و كيجيت انا

كوهينور: جيتي كتحمقي من مور مانخطبو لأوسمان و نزوجوك من موراه هههه

مايا:(تبدلو ملامحها للحزن) انا ماغاديش نتزوج

كوهينور: علاش

مايا؛ حيت الدري لي كنبغيه ماغاديش ابغيوه عائلتي

كوهينور: هانا عاوتاني على الحب كاع مافخباري بلي كتبغي شيواحد

مايا: شش عنداك اسمعوك و الله حتى يقتلوني حنا عندنا الحب محرم كنتزوجو غير هادوك لي بغاو عائلتنا واصاف

كوهينور: ماتخافيش مني غادي تزوجي بهاداك لي كتبغي انا معاك و كنواعدك انعاونك (عنقاتها)

مايا: يالاه نهبطو دابا راه يما كتعيط كلهم وجدو

هبطات كل من مايا و كوهينور لقاو كولشي واجد و كولشي لابس حوايجو غير شافو كوهينور و هوما يكحلو بالعما

ايطو: فيين غادا نتي بسلامتك

كوهينور: انمشي معاكم

لكبيرة: (مبتاسمة) جييتي زوينة ابنتي الليحجبك

كوهينور: شكرا اخالتي

لكبيرة: عيطيلي لالة جدا كيما كيعيطولي

ايطو: اوسمان قالك اتبقاي فدار ماعندك فيين تمشي

كوهينور: انا بغيت نشوف العادات ديالكم حيت حنا ماعندناش مع هادشي

فاطنة: بغيتي تشوفي عاداتنا مكيعنيش انك وحدة منا

يامنة: الليبعد علينا لبلا

اوسمان:(هابط من دروج لابس دراعية فالصفر و بلغة بيضة و جاي كيحمق اللحية مرتبة و شعر مطلعو لفوق هااح عليه و صاف ) مالك اش واقع (كيشوف ف كوهينور كيفاش طلعات زوينة بلا قياس و جا معاها طويل بقا غير كيشوف فيها )

ايطو: اولدي هاد لبنت قالت بغات تمشي معانا

اوسمان: انا لي قلتلها تمشي ماغاديش تبقا بوحدها هنا

مبارك: و شنو ايقولو الناس علينا

اوسمان: هي ضيفة و خص نيت نحيدو ليهم داك شك يالاه زيدو قدامي

مبارك: على بركة الله …

خرجو ابطالنا سدو الباب ديال الدار و ركبو فطوموبيلات كاملهم و مشاو قاصدين الدار ديال زعير …

اما عند فهد فكان مع حفيظة كيغسلو لماعن ديال لفطور حتى وقف كيشوف فيها بنظرات حب و مبتاسم و هي ضور عندو مبتاسمة

حفيظة: مالك

فهد: ماتوقعتش انشوفك مرة أخرى

حفيظة: انا قلتلك بلي فين ما كنتي غادي نجي عندك

فهد: توحشتك بزاف (شدها من يدها جرها عندو محاوط الخصر ديالها ) واعديني عمرك ماغادي تخليني

حفيظة: (كتشوف فعينيه ) كنواعدك

فهد: (حط راسو على راسها ) فاش قلتلك كنبغيك مكنتش كنتفلا

حفيظة: عارفة

فهد: بغيتك غير نتي و ماشي شغلي فشيحاجا أخرى (باس راسها) شنو بغيتي نديرو هاد نهار

حفيظة: خلي نبقاو غير فدار

فهد: موجد ليك واحد المفاجأة

حفيظة: شنو هي ههه

فهد: الى بغيتي تعرفيها خاص نخرجو نتعشاو برا

حفيظة:(كتشوف فحالتها ) ماعندي مانلبس

فهد:(حط يديه على حناكها ) على قبل هاد لعوينات اعمري غادي نخرجو نشريو لحوايج ههه

حفيظة: ههه شكرا

فهد: شكرا خشيها فطرمتك

حفيظة: وا هاحنا على تزوميل عاوتاني

فهد:(هزها و هز سوارت ديال طوموبيل ) هاني انوريك تزوميل كيف داير

حفيظة: هبطني فين غادي بيا هههه

فهد: انمشيو نشريو لحوايج لي بغيتي

حفيظة: اوا هبطني

فهد: لاءح عاجبني نهزك نتي سوقك

خشاها فطوموبيل و ركب و مشا فاتجاه محلات لحوايج و طالق الموسيقى على جهدها و هوما كيغنيو معاها حتى وصلو لأول محل و دخلو بجوج مشات حفيظة كتعزل لحوايج لي كيعجبوها و فهد كيعاونها و كيختار ليها لحوايج لي كيعجبوه و دخلات كتقيس و كتخرج عندو و هو كيقولها شكون جاتها زوينة و شكون لا حتى سالاو و مشاو خلصو و خداو لحوايج فساشيات و خرجو مشاو شراو من البرغر من ماكدونالز و رجعو للدار دخلو و مشات حفيظة دوشات و لبسات سروال قندريسي فالاسود و تيشورط فالابيض و جمعات شعرها على شكل كعكة و هبطات عند فهد كياكلو و يضحكو

فهد: مابغيتيش تلاقاي مع ختك

حفيظة:(حبسات من الماكلة ) لا

فهد: ماظلميهاش ماعرفتي ظروفها

حفيظة: اكونو دوك الظروف كيما بغاو اكونو ماتخلينيش

فهد: هي راه عمرها خلاتك و نتي صغيرة ماتنسايش هي لي رباتك و دارت شحال من حاجا على قبلك

حفيظة: معرفتش انا مقلقة منها

فهد: الى بغيتي راه انلقاها غير بتيليفون واحد

حفيظة: لا خليها هي تقلب عليا و من الأحسن بلا منهضر معاها دابا حتى نتهدن

فهد: واخا كيما بغيتي راحتك هي لولة

حفيظة:(ابتاسمات ليه ) واخا مكتبغينيش نقولك شكرا ولكن بصح تستاهل الشكر

فهد: نتي غير آمري و انا معاك (رن التيليفون ديالو و جاوب و حطو ف هوط باغلوغ) افييين العشير

عزيز: نهار دفنوه مازاروه مكتفكرش تجي للمكسيك راه توحشتك

فهد: والله الوليد غير راني مشغول

عزيز: راه فخباري بلي راك فالمغرب اش كدير تماك اداك ضاسر هههه

فهد: كنصيد لحوت هههه

عزيز: اهي طحتي على حوتا ناااضية

فهد: منك كنتعلم و نستافد ههههه

عزيز: شكون هادي ولا كالعادة غادي تبقا معاها شوية و تمشي للجديد

فهد: لا هادي للدوام ان شاء الله و هاهي حدايا كتسلم عليك

عزيز: ولدي فهد كيحب هههه جديدة عليا هادي

فهد: طيحاتني الوليد راه سحراتلي سحراتلي ههههه

حفيظة:(كضربو و هي كضحك ) حشووومة عليك ههه

عزيز: اوا عيشو الحياة نتوما لمن عطات ههه

فهد : الليحفظاااك اوا و نتا كاين شي حوتات تماك

عزيز: سير الليمسخك

فهد: (كيهضر مع حفيظة) راه غير حشم قدامك هههه

عزيز: زعما انا ماعلياش الله هههه

فهد: واااا عقنااااا بيييك ههه صافي سير تلاح

عزيز: الليعاونك و تهلى فالحوتا

فهد: ضروري راه هي لي نكساب هه (قطع)

حفيظة: ههههه باك مفروح بحالك

فهد: حنا عائلة مفروحة عليها جيتيني على الكانة ههه

حفيظة: هههه اييه

بقا فهد كيضحك مع حفيظة و كيقشب غير باش اشوف ضحكتها لي كتسحرو و كتخليه هايم فيها و كتسطيييه و فجهة أخرى كان شخص آخر جالس فالجردة و حاط رجليه فلابيسين كيفكر فحفيظة و بالو ماهانيش و كيحس بتأنيب الضمير حيت خلاها تماك و كيتمنى يلقاها و هاد المرة عمرو اخليها حتى جلسات حداه حنان و خشات رجليها فالماء و ضرباتو بكتفها

حنان: شاكمة فاش كتفكر

شاكمة: فحفيظة

حنان:(تنهدات) قالي يوسف لقاها

شاكمة: (ضار عندها بسرعة) فييين هي كيدايرة بيخير عليها

حنان: ماعرفتش قالي حتى ليل و يقولي

شاكمة: علاه بسلامة اش كيدير صباح

حنان: قالي عندو خدمة و مابغيتش نصدعو

شاكمة: كيتعامل معاك مزيان بعدا؟

حنان: اه مزيان

شاكمة: الى ماكانش كيتعامل معاك مزيان نمشيو منهنا ماعندنا مانديرو بصداع نتي عارفة بلي مادوزناش قليل انا وياك

حنان: اييه اعشيري انا وياك راه منين كان فعمرنا 5 سنين و دابا راه 25 عام

شاكمة: عشرة عمر و على هادشي بغيت ندوي معاك فواحد الموضوع

حنان: شنو هو

شاكمة: فاش نلقاو حفيظة بغيت نتزوج بيها

حنان: كدوي منيتك

شاكمة: اه حيت كنبغيها بزاف

حنان: من فوقاش

شاكمة: منين كنا كنربيوها بجوج و الحب كيكبر فقلبي من جيهتها و كنتسنى نهار لي نتجمعو انا وياها فلحلال

حنان: وهي ؟؟

شاكمة: حتى هي كتبغيني انا وياها كنا مرتبطين

حنان: فوووقاش هادشي وبلا خباري

شاكمة: الحب مكيشاورش و بغيت نتزوج بيها

حنان:(ابتاسمات ) ماغاديش نلقا شيواحد حسن منك ليها و الى بغيتو بعضياتكم الليكمل بالخير

شاكمة: شكرا انسيبتي لعزيزة هه

حنان: هههه العفو العفو

جلسو كيقشبو تماك و كيضحكو و ينساو الهم و كل واحد فيهم ماعارفش بلي سيدي ربي مكتب قدر آخر لكل شخص هوما كيخططو و ربي كيدير غير لي مكتاب و صاف و فايت يوسي كيكو كتاب لكوهينور تحضر للخطبة ديال اوسمان دخلو لدار زعير بالزغاريت و الصلاة على النبي و كلهم فرحانين من غير كوهينور لي كتفكر كيفاش دير تخرج من تماك و تهرب هي مابيها لا خطبة لا تفواج هي بيها تهرب من داك الحبس واخا ماعارفاش راسها فين اتمشي ولكن أي بلاصة اتمشي ليها اتكون حسن من اوسمان و عائلتو ماعليناش دخلو و جلسو و هوما كيهضرو و عائلة العروسة ماخلاوش من جهدهم باش اكونو فالمستوى ولكن واخا هكك شبعو تبركيك فكوهينور من بعد ما سمعو بلي اوسمان لي جابها واخا هكك معندهم مايديرو مادام جاو طالبين راغبين يد بنتهم ميرا لي غير وصلو عيط ليها باها باش دخل كانت آية فالجمال عوينات خوضر و شعر زعر و حروفها امازيغية دخلات حانية راسها و كلشي فرحان بيها خصوصا ايطو لي جلساتها حداها كدعي معاها بالخير و كتشكر فيها اما اوسمان ماطلعش فيها شوفة بقا حاضي غير كوهينور خايفها دير شي زبلة و الناس لاحظو دوك شوفات و فهموه غلط كالعادة اما كوهينور بقات مبتاسمة كتشوف فالعروسة و الحنة لي كيديرولها و كتبقا تسول مايا لاش كيصلاح هادشي و لاش كتصلاح هادي و هي كتجاوبها حتى جابو لخواتم ووقف اوسمان حدا ميرا باش اركبو لخواتم فتح لبواط باش اجبد لخاتم و شوية طاحلو لخاتم من يدو بقا كيتدحرج حتى وصل لحدا رجل ديال كوهينور و هي تحنى هزاتو و مشات عندو عطاتولو

كوهينور: هاك

اوسمان : (كيشوف فيها و كيشوف فالخاتم ) ميمكنش نركبو ليها

كوهينور: علاش

لكبيرة: عندنا عادة الى طاح خاتم لعروسة كيعني بلي فال خايب و ماخصهاش تلبسو

كوهينور: هادشي غير خرافات

ايطو: هادو عاااداتنا ماشي خرافات احتارمي راسك

كوهينور:(كتشوف فالخاتم ) خسارة زوين بزاف (لبساتو فيدها و ضارت عند مايا كضحك ) شوفي جاني هو هاداك

كولشي بقا كيشوف فيها مصدوم حيت لبساتو و كضحك و مشات وقفات حدا مايا لي كتنغز فيها باش تصقر

ايطو:(كدوز يدها على شعر ميرا) والله ابنتي حتى نجيبلك خاتم حسن من هادا و غالي عليه. راك مارخيصاش عندنا

زعير: راحنا عارفين لي كاين اختي لهلا اخطيكم

اوسمان: اوا حتى لشي نهار أخر و نلبسو لخواتم (كيخنزر فكوهينور الزبلة لي كان متوقعها منها هاهي دارتها )

زعير: جلسو عفاكم ها لغدا واجد مرحبا بيكم

مبارك : ارحب بيك الخير

فاطنة:(كتوشوش لرابحة فلوذن) ليوم خدات الخاتم و غدا اتاخد الولد

رابحة: علامن كتهضري

فاطنة: على كنور

رابحة: سعداتو الى داها راه زوينة مالها

فاطنة: باين عربونها غير من لباس لي خرجات بيه لبارح كون غير داها نيشان لزنقة لعيون

رابحة: سكتي و حشمي من هاد الهضرة عرفي بلي راه عندنا لبنات حتى حنا و الدنيا كدور

فاطنة: لهلا يحيي لي يقلل من قيمة بنتي و الله حتى ناكلو بسناني

رابحة: حمدي الله و شكريه بنتك ماخرجاتش بحالك و داخلة سوق راسها

فاطنة: اه كون خرجات بحالي كون بزاف ماكان

رابحة: سكتينا صافي …

مايا:(كتوشوش هي و كوهينور) اش قالك راسك منين درتي هاد لخاتم

كوهينور: راه غير جربتو و صاف دابا نردو ليهم

مايا: مابقاتش فترديه ليهم المشكلة فاش لبستيه بحال الى كتقوليلهم بلي اتاخدي اوسمان

كوهينور: اللينجيني الله ابعد بلايا على بلاه ويلي ميمكنش (بغات تحيدو مابغاش ) مابغاش اتحيد هاد زمر

مايا: دابا غير رصاي حتى لدار و اتسمعي لمنقي خيارو

كوهينور:(كتهضر مع راسها) اودي الى بقيت ليكم هنا مايقولها حد لحد

حطو لعيالات للناس ياكلو و كلشي تجمع فالطبالي دايرين عشرة عشرة لعيالات بوحدهم و رجال بوحدهم حتى ناضت كوهينور عند وحدة تماك طلبات منها تديها لطواليط تحت انظار كولشي خاصة اوسمان لي بغا اتبعها ولكن جايا معيقة …وصلات كوهينور للطواليط و خلات حتى مشات هاديك لي وصلاتها و هي تسلت مع لباب لبسات صباطها و بقات غادة خطوة خطوة حتى خرجات و هي طلق رجليها للريح بقات كتجري كتجري حتى عرفات راسها بعدات عاد وقفات كتلهث تقطعات فيها نفس و بقات كترتاح و كتمشى بشوية عليها و كتسول الناس على المحطة حتى وصلات ليها ودخلات كتسول على الكار ديال كازا قالولها غادي يوصل مع 10 دليل و كانت يالاه 3 جلسات كتسنى و هي خايفة الى عرفوها غابرة اول حاجا ايديروها غادي يمشيو للمحطة و هي مابغاتش هادشي ولكن ماعندها مادير بقات كتسنى تماك حتى جاو شي دراري جلسو حداها كيتغامزو عليها و بقاو كيضسرو عليها و هي كتجنبهم حتى بداو كيقيسو فيها و هي تخنزر فيهم …و منبعيد كانت نورة مع الفرقة ديال شيخات ديالها راكبين فالناقل حتى لمحات دراري كيضسرو على كوهينور و مابغاتش هاكا و هبطات مشات عندهم وقفات عليهم بحال البوليس

نورة: مالنا اش واقع

دراري شافوها كحلو بالعمى عارفينها قاسحة و مكتحشمش و كتعطيهم علاش كيقلبو

….خارجا لينا فعودنا تفو

نورة: سير شوف ختك راه هازة رجليها فالزنقة و مرة أخرى منين تعطيك لفلوس سولها منين كتجيبهم

ضربو طم و ناضو من تماك مشاو بحالهم

كوهينور: شكرا

نورة: نتي غريبة على هنا منين جيتي

كوهينور: من كازا

نورة: و عندمن كنتي

كوهينور: عند اوسمان

نورة: اوسمان؟ ااااه نتي هي لبنت لي جاب ههه شنو سميتك

كوهينور: كوهينور و نتي

نورة: (كطرطق المسكة) سميتي نورة و شنو كديري هنا

كوهينور:(بقات ساكتا)

نورة: ماشي ليوم ايخطبو بنت زعير و من لباسك باينة كنتي معاهم

كوهينور : هربت

نورة: ويلت مك ليوم يذبحك الى لقاك

كوهينور: بغيت نمشي بحالي لكازا مابغيتش نبقا هنا

نورة: فوقاش ايجي الكار

كوهينور: قالي مع 10

نورة: اوا منهنا ساعة ايكون اوسمان لقاك و قتلك زيدي معايا زيدي حتى توصل العشرة و نجيبك هنا

كوهينور: حلفي بالله شكرااا بزاف عمرني نسا خيرك

نورة: اودي مكاين مشكل كون غير لقيت لي يعاوني منين حتاجيت

مشات كوهينور مع نورة ركبات فالنقل حدا شيخات و هوما كيهبطو فيها و يطلعو و عاطيينها للتقشاب

شيخة: الله اودي انورة شي بياسة جديدة هادي

نورة: هادشي ضيييفة عندي اختشي

شيخة: مرحبا بيها و الف مرحبا غير نوصلو للدار و نغنيو ليها

نورة: اراي عليها شي ميزان (ضربات فالباب) تحرك امول النقل دينا لزنقة لعيووون

مول النقل: هي لولة

…بقا النقل غادي و كوهينور كتشوف داك الجو جديد عليها عمرها شافت الشيخات غير فالتلفازة و حياها الله حتى شافتهم و ركبات معاهم حتى وصلو للزنقة لعيون غير هبطو و هي تشوف داك المنظر لي عمرها تنساه عيالات اشكال و أنواع معريات فالباب و رجال كيدخلو عندهم و اصوات الضحكات كتعالى فالزناقي و هي لاسقة فنورة و غادية معاها حتى وصلو لدارها و دخلو هي و شيخات و جلسو

كوهينور: ختي نورة قوليلي علاش لعيالات عريانين

نورة: حيت كيخدمو كيما كنخدمو حتى حنا

كوهينور: علاه شنو هي خدمتكم

نورة:(ضحكات ضحكة ديال لقحاب) هههههه حنا قحاب ياختي متشرفين

كوهينور: كيحسابني شيخة

نورة: نص نص اوا يالشيخات جيبو عليها شي ميزان (هزات البندير كطبل و تغني) و العاليااااا كييييدايرااا لميييمة

شيخات: الله الله

نورة: وا العالياااا كيدايرة لحبيبة

شيخات : الله الله

نورة: وا مريييضة بزاااف و شااادة لفرااش و باغا نشوووفها الله يا الله وا العالي ياه كي دايرة الميمة وا الله يا الله

وا العلي ياه كي دايرة الحنينة وا الله يا الله

وا مريضة بزاف و شادة الفراش و باغا نشوفها

وا الله يا الله !

وا لا مشات ليا مي و شكون بقا عندي وا حن يا العالي

وا الله يا الله ! (ضربات الضربة لخرة ديال النهاية و حبسو الشيخات و ضارت مسحات واحد الدمعة)

كوهينور: علاش كتبكي

نورة: تفكرت مي لي مريضة بفقستي

كوهينور: انا راه ماعنديش مي تمنيت نشوفها و نهضر معاها و نشبع منها

نورة: متوووشيين وكيلنا ربي

….عند زعير تغداو عائلة اوسمان و تافقو على ضريب صداق و العرس الشهر الجاي و تمو خارجين حتى شد اوسمان مايا

اوسمان: فينها كوهينور

مايا: ماعرفتش مارجعاتش حدايا

اوسمان: كيفاش مارجعاتش حداك

يامنة: منين بغات تمشي لبيت الما مارجعاتش

اوسمان:(سد عينيه بغضب و عرفها دارت لي فراسها و هربات و ضار عند سعيد) خودهم للدار و نتا الحسن زيد معايا

مبارك: فين باغي تمشي

اوسمان: غادي نقلب عليها اتكون مشات للمحطة

ايطو: خليها تمشي الما و شطابة حتى لقاع لبحر

اوسمان: هادي تالية ليها

ايطو:(شداتو من دراعو) اوسمان الى سمعو عائلة لعروسة بهادشي ماغاديش اعجبهم الحال واش بغيتي سيرتنا تبقا على كل لسان

اوسمان:(تحداها بعينيه) كوهينور غادي ترجع لدار و ماعندها فين تمشي (نتر يدو منها و خرج مع لحسن ركب فطوموبيل و مشاو للمحطة ديريكت اما عائلتو رجعو لدارهم و هوما مفقوسين و كيخممو و منين اوسمان مالقاهاش فالمحطة رجع للدار كيصوط بغا يقتل راسو بالفقصة كيفاش غبرات على عينيه كرههاااا باغي يفدي فيها لقديم و جديد غير صبار تجي لبين يديه )

اوسمان :كييييفااااااش حتى مارديتووولهاااش لبال

ايطو: قلناااا ليك خليها فالدار و سد عليها

اوسمان: لعباتها عليا الحمااارة ولكن اقسم بالله و توصل ليدي مانرحمها

لكبيرة: اوسمان راه دويينا و قلتلك ماتحطش عليها يدك

اوسمان: اجدا داك نوع مكيعرفش الرحمة هاديك غير ديال لعصا حتى تقاد

لكبيرة: لبنت باقي صغيرة و طايشة

اوسمان: و فييينها دابا فينها اكون غير شيواحد داها لشي قرينة كيدييير فيها شرع يديه لكلبة لوخرا سري انا لي تايق فيها

مبارك: بشوية عليك اوسمان دابا نلقاوها

سعيد: اصلا طاحت علينا بحال المنتف

اوسمان: دخل نتا سوق راسك ماشي شغلك ديها فمرتك لي حاملة

سعيد: وصلنا لهاد لهضرة

اوسمان: راني عارفكم ماحاملين فيا حتى شعرة و صابر معااااكم اوا خليييوني مزيااان

فاطنة: حتى انا مانبقاش فالدار لي مابغاوناش ماليها زيد نمشيو اسعيد

مبارك: الليهديكم ماشي وقت هاد لهضرة راه غير معصب ماعارف اش كيقول

سعيد : و يطرطق علينا حنا على ود بنت ماعندها لا اصل لا مفصل جايا من زناقي

اوسمان: (مشا عندو معصب حتى شدو لحسن) هاديك لي كتقول عليها ماعندها لا اصل ولا مفصل و جايا من زناقي راه عندها لفلوس لي عمرك تحلم بيييهم نتا و عاااايشة عيشة لقصور لي عمرك شفتيهم و لا سمعتي بيهم و تقدر تشريك نتا و تريكتك

يامنة: اش وصلنا لهاد الهضرة اوسمااان سد فمك

اوسمان مشا خرج من دار و لحسن تابعو مشا معاه و بقات القضية مرونة فدار و حتى واحد مافاهم اش واقع

ايطو: من اللول مارتاحيتش ليها و كنت عارفاها ادير غير المشاكيل حنا لي معمرنا تخاصمنا جات هي بنت لبارح خاصماتنا

لكبيرة: هاد لخصام كان لابد يكون و هي مادارت والو غير جات فطريق و لصقتيلها كولشي

مبارك: بااااراااااكا هضرتوووو بزاااف كل واااااحد امشي لشغلو

ناض كولشي مشا لبيتو و هوما كيفكرو لكوهينور لي غابرة و ماعارفينش فينها غير كيتمناو ماتوقعلها حتى حاجا و يحصلو فيها ماناقصهم صداع و لا شوها مع الناس اما فكازا بقات كتسنى حنان الليل اوصل بفارغ الصبر و هي قدام سرجم ديال بيتها كتشوف الغروب و عاجبها المنظر بزاف و مستأنسة بيه غير غربات شمس فخطرة غمضات عينيها مبتاسمة كتصنط للموسيقى ديال ذكرى الاسامي هي هي و بقات معاها حتى تسالات و حلات عينيها و ناضت خرجات من لبيت ديالها و مشات وقفات قدام لبيت ديال يوسف كتستاعد باش دق الباب و تشجعات دقات جوج دقات

الزنبقة:(كيلبس سبرديلتو) دخل

حنان:( دخلات عندو ) ياكما صدعتك

الزنبقة: لا دخلي

حنان: فين بغيتي تمشي

الزنبقة: انا خارج

حنان: كيفاش خارج نتا قلتيلي اتقولي فين هي ختي

الزنبقة: حتى نرجع و نقولك (هز تيليفونو و خرج من البيت و حنان تابعاه بحال لحمقة )

حنان: كيفاش حتى ترجع راه انا من صباح كنتسنى ليل يوصل باش نعرف

الزنبقة:(ضار عندها بسرعة عينيه فعينيها ) حنان عندي واحد الخدمة مهمة غير انرجع و انقولك كولشي صافي

مشا الزنبقة خرج و خلاها تماك مكسورة بقا فيها الحال حيت جرجرها هاد المدة كاملها و ماقاليها والو و لكن عذراتو حيت خدمتو هي لولة …مشا ركب فطوموبيلتو و انطالق لفندق مارينا باش اتلاقا مع فيروز و قلبو كيضرب فالتسعين اما حنان بقات تماك واقفة بغات ترجع لبيتها و هي تلاقا مع حورية )

حورية: لغزالة لباس عليك

حنان: اهلا فين غبرتي

حورية: كنت فالخدمة عاد جيت (شداتها من يدها جلسو فالفوتوي)

حنان: عمرني سولتك فاش كتخدمي

حورية: انا كنصمم الملابس و كندير بروفا ففن الاتيكيت

حنان: لولة فهمتها و الثانية لا ههه

حورية: زعما كنعلم طريقة ديال الهضرة و التعامل و الماكلة فهمتي

حنان: حتى هادشي كيتعلمولو عباد الله ههه

حورية: بطبيعة الحال بنادم خصو يكون انيق فحياتو

حنان: مزيان هههه

حورية: عاوديلي كيتعامل معاك يوسف لبارح

حنان: مزيان تافقنا انا وياه على شحال من حاجا

حورية: لي هوما؟

حنان: اننا نبقاو أصدقاء

حورية: منيتك احنااان نتوما راكم مزوجين واش عارفة شناهي مزوجين

حنان: ولكن انا مكنبغيهش و حتى هو

حورية: ولكن كاااين اعجاااب و هو المرحلة الاولى دالحب

حنان: راه ماخلاني نشوف حتى وجهو

حورية: راه صعيب عليه هادشي غير صبري و تقربيلو شوية بشوية

حنان: انا مرتاحة هاكا بلا متشطني بالك

حورية : راه ماعمرني شفتو منجذب لشي بنت اخرى حتى ليك داكشي علاش كنشجعك

حنان: حتى انا كتعجبني الشهامة لي فيه و الرجولة

حورية: و عليها كنشوفك مناسبة ليه حيت مكتشوفيش المظاهر

حنان: اوا يكون غير خير

حورية: امييين

…وصل الزنبقة للاوطيل و جلس شوية فطوموبيلتو كيفكر و يفكر و فالاخير تشجع و دخل نيشان متاجه للغرفة لي كانت فيها فيروز لابسة كسوة لاسقة فالموبرا غرونة معرية من صدر و مزيرة على الخصر و واصلة للفخاد و شعرها دايرالو بوكلي و متقلة لماكياج و كدير فريحتها حتى تدق بابها و دارت ابتسامة خبيثة و مشات و حلات لباب و هي كتشوف فيه و حتى هو ضربات فيه ريحتها و بقا مبلوكي فيها كيشوف بلي جات زوينة بلا قياس و دارتلو اشارة براسها باش ادخل و سدات لباب من وراها

فيروز: كان كيحسابلي ماغاديش تجي

الزنبقة: حاولت مانجيش ولكن رجليا جاو كيجريو عندك

فيروز:(شبكات يدها مع يدو و هي كتبتاسم ليه) كنواعدك ماغاديش تندم

الزنبقة: شنو كديري افيروز لاش باغا توصلي

فيروز : بغيتك نتا و صافي واخا تزوجتي وولات عندك حياة أخرى

الزنبقة: ماتفهميش غلاط انا و حنان مابيناتنا والو و عمر اتكون بيناتنا شيحاجا

فيروز: طلقها اذن و خلينا نرجعو انا وياك

الزنبقة: لا منقدرش

فيروز: علاش و انا ؟؟

الزنبقة: معرفتش

فيروز: نتا ماتايقش فيا ولكن أي حاجا اطلبها مني انديرها غير باش نرجعو انا وياك

الزنبقة: اي حاجا ؟

فيروز: اه اي حاجا

الزنبقة: نتي عارفة بلي كنبغيك و مقدرتش ننساك هاد المدة كاملها افيروز

فيروز:(عنقاتو و دايرة ابتسامة ديال الشر) حتى انا كنبغيك احبيبي و انبقا ديما ليك

الزنبقة: بغيت علاقتنا تبقا مخبعة هاد لفترة

فيروز: حتى لاش؟

الزنبقة: حتى نلقا الوقت المناسب و نعلن بلي انتزوجو

فيروز:(كتصطانع الفرحة) كتهضر بصح و اخيييرا غادي نرجعو

الزنبقة: اه غادي نرجعو

فيروز:(عنقاتو) كنبغييييك بزاااف

الزنبقة:(مبادلها العناق) حتى انا كنبغيك

بقاو هاد الجوج كيتبادلو العناق غير الفرق ان فيروز كتعنقو عناق الغدر اما هو فمعنقها منيتو و قلبو فرحان ماعارفش الغدر لي كيتعرضلو و مادارش بحساب حنان لي يالاه نهار باش تزوجها و هاهوا كيخون فيها بلا كيفكر…كانت جالسة مع حورية كيهضرو و جا شاكمة حداهم و كيقشبو و ينساو الهم حتى صونا تيليفون لحورية

حورية: الو

سراج: سلام حورية انا سراج

حورية: سراج ؟ اش بغيتي

سراج: بغيت نجي لدار الزنبقة عندي شي هضرة نقولها لحنان

حورية: ماعندك ما تقول ليها البنت راه تزوجات نساها عليك

سراج: الهضرة مكتأجلش قولي للكارد اخليوني ندخل

حورية: الى جا الزنبقة و لقاك فدارو ايقتلك

سراج: هو اصلا مامساليش باش اجي

حورية: شنو كتقصد

حنان: عطيه ليا نهضر معاه (حيداتلها تيليفون) الو

سراج:(عض على شنايفو منين سمع صوتها ) خاصك تعرفي راجلك فين كاين فهاد ليل

حنان: اش بغيتي تقول وضحلي

سراج: انا بغيت نبهك و نفيقك على شحال من حاجا خليني نجي و نقولك كولشي …

حنان:(ضارت عند حورية ) بعدي ليكارد

حورية: واش منيتك احنان تيقتيه هاداك راه واحد المخلوض غادي يجبد غير صداع

حنان: خليه اجي نسمعوه اش بغا يقوول و منها نيت نعرف فين كاين يوسف

حورية: آمري لله (ناضت كتخفف الحراسة و كتآمر ليكارد ابعدو)

حنان:(رجعات كتهضر مع سراج) تقدر تجي (قطعات الخط و هي كتشوف فتيليفون و كتحاول تمالك راسها و كتسناه بأحر من الجمر )

شاكمة: الى عرف الزنبقة بلي سراج ايجي لهنا غادي يتعصب بزاف

حنان: غادي يمشي قبل مايجي هو

شاكمة: حنان نتي دابا راك مزوجة ماخاصكش تلاقاي معاه و تهضري معاه بلا العلم ديال راجلك

حورية: هاداك بغا يضمر علاقتك مع الزنبقة و صاف

حنان: صااااافي سكتوووو مااااااتهضرووووش انا بغيييت نسمع اش بغا يقولي و الى كانت هضرتو ماشي منطقية غادي نجري عليه

سراج:(كان داخل مع لباب و سمع الكلمة لي قالتها فتالي) ماتحتاجيش تجري عليا حيت هادشي لي انقولك مليون فالمية صحيح

حورية: دغيا وصلتي

سراج:(مبتاسم) كنت قريب منهنا

حنان: شنو بغيتي تقولي

سراج: يوسف كيخونك

حنان: كيخونني؟؟؟

سراج: هو كيعرف امرأة وحدة آخرى لي هي ختي فيروز و كيبغيها بزاااف و قادر ابيع الدنيا بلي فيها على قبلها

حورية: اووووه زدتي فيييه خرج منهنا

سراج: منااااش خايفة احورية خايفة تعرف حنان الحقيقة و بلي يوسف كاين عندها دابا فالاوطيل

حنان: باراكا من هاد تخربيق يوسف ماغاديش يديرها

سراج: علاش ميديرهاش هاديك راه كانت مراتو و حبيبتو مادوزوش قليل عشرة عمر بيناتهم

حنان: هااانتا قلتيها كااااانت مرااااتو و مابقاااتش و انا لي كاااينة

سراج: ماتنسايش بلي تزوجتي زواج ديال الدل حيت نتي لي عرضتي راسك عليه و هو غير باش انتاقم مني قبل اتزوج بيك اما كاع مكيعبرك و لا كيضرب ليك لحساب شوفي غير لبارح تزوجتو و ناض هو مشا عندها للأوطيل

حنان: (مشات عندو كتبتاسم و عينيها حمارو و تجمعو فيهم دموع حتى تقابلات معاه) يكفي انني ماقبلتش نتزوج بيك نتا و فضلتو هو عليك و هادشي علاش قلبك عامر بالحقد و كطيح عليه الباطل يوسف كون كان بغا ختك كان ايرجع معاها قبل مانبان فحياتو و لكن هو مابغاهاش

سراج: (مبتاسم و هو معصب) صححي المعلومات ديالك ختي هي لي مابغاتوش و هو تابعها بحال الكلب و إشارة وحدة منها رداتو ليها و نتي هزك لما و الى ماتيقتينيش فاش اجي يوسف و صارحيه و شوفي شنو يقولك

حنان: (غمضات عينيه هبطولها دموع و رجعات حلاتهم) خرج عليااااا منهناااااا قبل مانحفر ليك قبر فالجردة خرررررج

سراج:(تنهد و هو كيحس بالنصر بداكشي لي دار ) تصبحو على خير و أحلام سعيدة ههه

خرج سراج راكب فطوموبيلتو و متاجه لدارو و هو كيحس بلي قريب اوصل لحنان هاد الاخيرة لي بقا فيها لحال حسات براسها مدلولة و سمعات خل وذنيها هي تايقة فيوسف بزاااف و متقدرش تيق ديك الهضرة لي قال سراج مشات جلسات و هي قلبها مقبوط عليها و لي زاد دخلها شك هو سكوت حورية و شاكمة و ضارت عندهم

حنان: علاش سكتو ماتقولوليش بلي تيقتو الهضرة ديالو

حورية: بطبيعة الحال متيقناش هو راه عينو فيك داكشي علاش كيدير الفتنة بيناتكم بصح يوسف كان مزوج بفيروز و كان كيحماااق عليها و لي شافهم كيقول عمرهم اتفارقو ولكن طلع الحب ديالها ليه مغشوش و بانت على حقيقتها نهار دار الزنبقة كسيدة و تخلات عليه (شداتلها فيديها) هو ماغاديش ارجع ليها ماغاديش انسى كيفاش غدراتو

شاكمة: كنتمنى كون قلت نفس الهضرة عليه

حنان: شنو كتقصد

شاكمة: نهار فاش تزوجتو و سبقتونا للدار عيطاتلو فيروز و قالتلو بلي كتبغيه و بغات تلاقا معاه و عنقاتو بلا حشمة و بلا حية

حنان: هادشي كاملو وااقع و ماقلتيلي والو

شاكمة: شنو بغيتيني نقولك كنتي مشغولة مع حفيظة و كتفكري فيها

حنان: الراجل لي من مورا ساعة من زواجنا هضر معاها و عنقها يكون دابا راه ناعس معاها

حورية: مادخليييش لراااسك هاد الأفكار اليهديك

حنان: و لنفترض انه بصح تلاقا بيها كيفاش انواجهو غير قوليلي

حورية: صافي دابا يجي و سوليه و كولشي ايكون مزيان

حنان:(حاطة يديها على راسها ) ماقادراش نفكر و لا نتخيل شيحاجا صافي انتسناه حتى يقولي كولشي (كتشوف فالساعة) 12 هادي و هو باقي ماجا

حورية: طولي بالك هو غادي يجي

شاكمة: حنان خصك تصبري و ماتعصبيش ماعرفتي اقدر اكون مظلوم

حنان: تعطل بزاااف امحمد لأمتى هادشي اوووف …

فجيهة أخرى كانت فبيتها كترسم الايلاينر على عينها من بعد مالبسات غوب سواري فالاخضر الملكي طويلة و مفتوحة جيهت صدر حتى كتبان شقة ديال صدرها و لفخاد و معرية من ظهر جات رائعة و منحوتا على طايتها المتناسقة و لي كتبري و لي زايدها جمال هو شعرها الاسود المتموج لي واصل لحد مؤخرتها عاطيها رونق فائق و أنوثة آسرة هزات ريحتها و دارتها و هي كتستنشق عبيرها و كطلع و تهبط فراسها و كتشوف من خلال لمراية واش ناقصاها شيحاجا ولا صافي وجدات و توجهات ناحية الطالون الاسود ديالها و لبساتو و كتشوف باب البيت كيتحل و هو داخل متوجه عندها لمحات سباطو السود و سروال اسود و هي غادة كطلع عينيها كتزيد كتشوف اناقتو حيث انه لابس قميجة فالابيض و كوستيم فالاسود و مطلع شعرو لفوق و داير ابتسامة على وجهو اعتادلات فالوقفة و هي كتنفس بسرعة و قلبها كيضرب اما هو توجه عندها هز يدها و باسها ليها و قرب لوذنها و همس

فهد: جيتي كتحمقي بزاف

حفيظة:(حشمات و توردو خدودها و كتشوف فيه بحنية) حتى نتا جيتي زوين

فهد:(ابتاسم حتى بانو الانياب ديالو و خرج شال من جيبو كان والذهبي و دارو عليها) غادي نغمض ليك عينيك و اتمشي معايا

حفيظة: فين

فهد: تيقي بيا (غمضلها عينيها بالشال و تأكد انها مكتشوف حتى حاجا و بقا شاد فيدها دايها معاه هبطها فالدروج و بقا غادي بيها و هي شادة فيه مزيان خايفة طيح حتى حيدلها الشال من على عينيها وشافت منظر جد جميل فالجردة كانو قناديل مضويين و عاطيين منظر رائع و طبلة فالوسط مزينة برداء أحمر و شموع معطرة و أكل محطوط فالطباسل زاد بيها للطبلة و جر الكرسي حتى جلسات و عاد جلس هو قدامها كيشوف فيها ) كيجاك هادشي

حفيظة: واعر بزاااف فوقاش وجدتي هادشي بلا مانتابه

فهد: ههه فاش كنتي كتلبسي حوايجك كولشي وجدتو

حفيظة: (تنهدات) زوين بزاف

فهد: فيك جوع نبداو الماكلة ؟

حفيظة: وي ههه

بداو كياكلو و هوما فرحانين و كيهضرو و يجبدو مواضيع اغلبها كتسالي بالضحك فالتالي حتى قاطعاتو حفيظة

حفيظة: شنو هي المفاجأة لي قلتيلي

فهد: (حطلها قدامها بواط طويل نتاع سنسلة) فتحيه

حفيظة:(فتحاتو و زادت تبهرات منين شافت سنسلة مكتوب عليها روبي و ديال الدياموند) واااو (هزاتها فيديها كتشوف فيها ) زوينة بزاااف

فهد: هادا كادو بسيط و بداية جديدة لداكشي لي غادي يجي

حفيظة: شنو ايجي من بعد

فهد:(حيدلها سنسلة من يديها و توجه موراها حيد شعر على عنقها و كيركبها ليها ) مرحبا بيك لعالم الفن روبي

حفيظة:(ضارت عندو ) شنو كتقصد

فهد:(جلس على رجليه راكع و كيشوف ليها فعينيها ) داك نهار فاش غنيتي فالسفينة شافك أكبر منتج فامريكا و بدا كيقلب عليك ووصاني باش نلقاك و ديري البوم من انتاجو

حفيظة:(فرحانة ) هههه كتهضر بصح ويلي واش كنحلم

فهد: لا نتي مكتحلميييش و نتي قدرتي تحققي الحلم ديالك و اتولي من بين أكبر المشاهير

حفيظة:(عنقاتو) ماااامتيقاااااش وااااو ههههه شكرااا بزاااف افهد شكرا

فهد: ههههه مادرت والو كولشي هادشي بفضل الارادة ديالك احبيبتي (ناض و جلس قبالتها و كيكب ليها النبيذ فكاسها) خاص نحتافلو طول ليل

حفيظة:(ماقاداها فرحة) ربي كيبغيني بزاف حيت لاقاني بيك

فهد: ربي كيبغينا بجوج حيت لاقانا بجوج و عمرنا نتفارقو

حفيظة: فوقاش انمشيو لأمريكا

فهد: فوقما بغيتي احياتي نتي غير آمري (ضرب كاسو مع كاسها بالشوية و شرب رشفة من النبيذ و شربات هي ايضا و رجعو كيهضرو و يخططو لحياتهم و كيتمناو هاد الفرحة دوم عليهم )

اما فأيت يوسي كيكو كانت كوهينور مزال جماعة مع نورة و رباعة شيخات ديالها حتى شافت فالساعة

كوهينور: اوييييلي الوحدة هادي يكووون مشاااا عليا الكار

نورة: اودي تلهييينا مع شطيح و النشاط حتى نسينا راسنا

كوهينور: شنو غادي ندير دابا

نورة: ماعليك غير تصبري حتى لغدا

كوهينور: و الى لقاني اوسمان

نورة : ماعندو كيفاش القاك غير تهناي

كوهينور: و الى جا لهنا

نورة: كيجي لهنا غير الى بغا يحوي

كوهينور: تف قليل العفة

نورة: هههههه مالك ياكما جاتك الغيرة عليه

كوهينور: الليستر كاع مكنحملو

نورة: واغير شوفي و فكري مزيااان راه راجل بحال اوسمان مكيفلتو حد

كوهينور: اعطيه غبييينة ماعندي ماندير بيه

نورة: اوا بااااز ليك كون كنت بلاصتك كون ضرت بيه و خليتو يبغيني

كوهينور: و شنو كيمنعك من هادشي ياك كيجي لعندك

نورة: واهي فصراحة كنبغيه ولكن منقدرش نتمنى انه يكون ديالي حيت فالتالي انا غير قحبة

كوهينور: ولكن واخا هكك نتي قلبك بيض و تستاهلي كل خير

نورة: شفتي القحبة كتحلم غير دخل لفلوس عمرها تحلم بشيواحد ابغيها و نتي ضربي لحديد ماحدو سخون و ضوري بيه

كوهينور: واراه مكيحملني مكنحملو

نورة: نتي رطابي شوية و تشوفي الى ماطاحش فيك

كوهينور: دابا راه معندي ماندير بهاد الهضرة بغيت غير نرجع لدارنا بحالي

نورة: عندك عائلتك فكازا

كوهينور:(عضات على شنايفها) عندي غير بابا

نورة: و كيفاش قدر اصيفطك لهنا

كوهينور: ماصافطنيش هو مشا لروسيا و انا كنت مخطوفة و انتزوج و هربت نهار العرس و وصلت لهنا

نورة: هادشي فشكل عندك (كتهضر مع الشيخات ) صافي كل وحدة تمشي لدارها تصبحو على خير

خرجو شيخات و بقات نورة مع كوهينور

نورة: قوليلي علاش هربتي واش مالقاكش بنت

كوهينور: اويلي راه ماتزوجناش راه هربت

نورة: و علاش

كوهينور: حيت مكنبغيهش و زيد عليها بغا يتزوجني غير باش اعذبني

نورة: اييه حتى نتي زهرك عاطي زكو لجيهت سوق ماعليناش ماعليناش

كوهينور: فيا نعاااس

نورة: تلاحي نعسو مشا لحال

طق طق طق

كوهينور: شكون كيدق

نورة:ششش سيري تخبعي فالبلاكار انا انحل نشوف

مشات كوهينور نخبعها و كطل من شقة الباب تشوف شكون حتى حلات نورة لباب و هو يدخل اوسمان

نورة:(كترجف) اوسمان اش جابك لهنا

اوسمان: كيفاش اش جابني لهنا ماموالفش ليك تلاقايني هاكا

نورة: لا غير قصدت جيتي عندي معطل

اوسمان: ديما كنجي عندك معطل (كيحيد حوايجو)

نورة: مايصلاحليش نعس معاك

اوسمان: كيفاش اش كتخربقي

نورة: حيت حيت فيا الدم

اوسمان: لبارح فاش جيت عندك قلتيلي عاد دوشتي منها

نورة:(عرقات و بدأت كدخل فالهضرة و تخرج) عاودات جاتني

اوسمان: مكتعرفيش تكدبي اش واقع

نورة: لا حتى حاجا اش بغا يوقع

اوسمان:(شدها من يدها مزير عليها ) هضريييي شنوووو وااقع

نورة: قلتلك حتى حاجا طلق مني وعتيني

اوسمان: (كيضغط على الحروف و كيغوت) ماااااتعصبييينيييش حسن ليك و هضري قبل مانسلخك هنايا

كوهينور:(خافت بزاف خصوصا منين شافتو تعصب و شاد نورة بديك طريقة و كتوجع و بلا شعور خرجات من لبلاكار و غوتات ) طللااااااق منهااااا

اوسمان:(ضار عند كوهينور كيشوف فيها بصدمة شنو كدير هنا و نورة كتشوف فيها بعتاب علاش خرجات …طلق من نورة و مشا عند كوهينور جمعها معاها بتصرفيقة و شدها من شعرها) لديييينمك لاااااعبااااها علياااااا و تقت فيييك و دييتك تشوفي كيكدوز الخطبة ديالنا و نتي بلا حشمة بلا حيا هربتييييي و خليتييييني بحال لحمق كنقلب عليييك

كوهينور: اهئ اهئ بغيييت نرجع منين جيت مابغيتش نبقا هنا

اوسمان: غادي ترجعي لقبرك و اندفنك بيدي نوريييييك ضساااارة كيف داااايرة (كيجرها من شعرها)

نورة: اوووسمان طلق من لبنت اتقتلها

اوسمان صرفق نورة بظهر يدو حتى طاحت للأرض و دفع الباب برجلو كيجر كوهينور فالزنقة من شعرها و هي كتغوت كاع عباد الله خرجات كتفرج اش واقع وهو غير كيضرب فيها و يسب و يلعن فيها حتى وصلها للكوري لي كيحطو فيه لغنم و لكسيبة و دخلها و سد لباب و ضار عندها بكل حقد و غل و هو ماناويش على خير اما هي بقات كتقفقف بلاصتها عارفة بلي هادي تالية ديالها و ماغاديش تنجا منها …

اوسمان:(كيترعد و ولا حمر حتى عروقو كيبانو) من الاول كااان علياااا نعرف بلي هاديك هي بلاصتك وكااااان عليا نجيييبك لتماااك و نحطك القحبة و لكن عطفت علييييك و حطييييتك فووووسط داااار لكبييييرة تحديييتهم كلهم و جبتك لعندي واااااخا عيييب باش فالتالي تهربي و تمشي لتماااك

كوهينور: اهئ اهئ كا ..كا كانو وا واحد دراري كيتبسلو علياااا اهئ اهئ و شافتني نورة و داتني معاها اهئ اهئ

اوسمان:(صرفقها ) بسييييييف ماااااايضسرووووو بسييييف مايتبسلو عليك و هاد شعر معرياااااه (شادها من شعرهاااا ) قلت لوالديييك هاد شعر اتستر هضرت ولا مهضرتش

كوهينور: اهئ اهئ اهئ عفااااك طلق مني اهئ اهئ وعتيني

اوسمان: هاد شعر لزاملبوك خاصو يتقطع من جدر و لا عاااااجبك حيت طويييل و كتشنعي بييييه القحبة

كوهينور: اهئ اهئ والله حتى ندير لي بغيتي عفاك ماتقطعليش شعري اهئ اهئ

اوسمان: انربييي عدوووووك بااااش نورييييك هضرتي لي متسمعش (جرها من شعرها و مشا هز منجل كان معلق فالحيط و بدا كيضربلها شعرها) باااااش تعلمي تخرجي بلا سبنيييية

كوهينور:(كتنتر منو و كتبكي) شعرييييي اهئ اهئ حرااااام علييييك اهئ اهئ

اوسمان:(قطعلها شعرها و دفعها بركلة فالارض طاحت كتبكي فالارض و كتشهق) هاااااد شعر غااااادي نعلقو فالدخلة ددار و لي داز اشوووفوو و يبقااااا فعينيك ديماااااا

كوهينور: اهئ اهئ شنو شنو درتلك باش ديرلي هادشي كاملو

اوسمان:(غوت واحد الغوتا طالعة من القلب و تحنا عندها شاد فكها فيديه) علااااااه قلييييل لي درتيليييي دوي دويييييي و انااااا شنووو درتلك كااااع باااااش تعاقبيني و تخرجيني من خدمتي

كوهينور: اهئ اهئ طلبت منك سماااااحة ندمت والله حتى ندمت و تبدلت بزاااف

اوسمان: (صرفقها مرة و جوج و ثلاثة حتى ضورات وجهها ) حتى حااااجاااا مااااغادي تشفع ليك على دااااكشي لي درتي فياااااا و قلتلك نهار طيحي بين يدي مااااانرحمكش و انعاااااودلك تراااابي

كوهينور:(سكتات من لبكا و ضارت عندو و الدم دايز ليها من نيفها و كتشوف فيه بحقد و الم ووجها مقابل مع وجهو) حتى انا ماغادي نمشي منهنا حتى نخلص الديين لي علياااا و الى ماخليتكش تبقا تعاود فسميتي بحال الهبيل مكنتسماش كوهينووور

اوسمان:(ابتاسم بحقد) كتحلميييي

كوهينور:(اكدات على هضرتها) ماااااغاديش نمشي منهنا حتى ندير داكشي لي فراسي و من هاااد لحظة غير اعتابرني وحدة منكم حيت عمرني انمشي و انبقا بحال ظلك

اوسمان:(بقا كيشوف فالجدية لي كتهضر بيها و هو كيتهدن شوية بشوية و كيبلع ريقو ) و الى ماقدرتيش تكوني وحدة منا و ماصبرتيييش على شنو ايجيك من مورايا؟

كوهينور:(طاحولها دموعها ) كيما قطعتيلي شعري قطعلي الشرايين ديالي و قتلني ديك ساعة

اوسمان: بنت لفشوش عمرها اتصبر على شيحاجا و مااااااتقصحييييش رااااااسك معاااااايا حيت انقدر ندير فيك لي بغيت

كوهينور:(مسحات نيفها من الدم لي كان كيجري على شفايفها و ابتاسمات ابتسامة ماكرة و شداتو من ورا عنقو قرباتو ليها و هي تبوسو و غمضات عينيها كتلذذ بطعم الدم مع البوسة اما هو بقا حال عينيه مطرطقهم كيشوف فيها حتى بعداتو و رجعات كتشوف فيه بتحدي) انا دابا درت فيك لي بغيت و منبعد نشوفو شنو ادير فيا

اوسمان:(ناض من حداها مندهش عاطيها بظهرو و كيمسح وجهو كيشوف واش بصح هادشي لي دارت ولا غير كيحلم شوية تمتم ببعض كلمات و هو خارج من الكوري) اتجلسي هنا حتى لصباح واياااااك نجي عندك مانلقاكش لي نديرولك مانعاودولك

كوهينور:(بقات كتشوف فيه خارج و سد لباب دلكوري لي كان مظلم غير ضوء القمر لي داخل من واحد سرجم صغير هو لي مضويلها القنت شوية …جلسات على تبن و هي ضامة رجليها عندها كتبكي و خايفة بزاااف و كتفكر فاش كانت عايشة و الكلمة اللولة و التالية ديالها توحشات باباها و حنانو عليها توحشات حنان و حفيظة و كيفاش كانو بالنسبة ليها بحال خواتاتها لي ماعندهاش توحشات داكشي كاملو و لكن تفكرات البطش ديالها و التكبر لي كتعاقب عليهم دابا و كتمنى غير شي حل لهاد المصيبة ديالها…اما اوسمان فكان مشا لدارو نيشان لبيتو سد لباب بزعاف و هو جالس على نموسية ديالو و مزال مصدوم من لبوسة و نسا بيها كان داكشي لي دارتلو كوهينور و بقا كيفكر غير فيها …بوسة وحدة قدرات تراضيه و لكن مازال حالف اوريها حلاوة يديه و عذابو لي ايعيشها فيه نهار على نهار باش تحشم و تربى …

اما حنان مسكينة كانت ماشيا جايا فقلب الدار كتشوف فالساعة و هي كتفرك يديها بتوتر حتى دخل يوسف مع الباب و كولشي ضار كيشوف فيه و هو وقف كيشوف فيهم

الزنبقة: مالكم كتشوفو فيا

حنان:(مشات فاتجاهو ببطء و عينيها حومر و كتشوف فيه مطولا)

الزنبقة:(شدها من يديها) حنان مالك اش كاين

حنان:(شهقات عاد هضرات ) فين كنتي ايوسف

حورية:(غمزات الشاكمة باش امشيو اخليوهم اهضرو براحتهم)

الزنبقة: اش هاد سؤال شنو جاك فهاد ليل و علاش عينيك حومر

حنان:(نترات يديها منو بتقالة ) كنتي مع فيروز فالاوطيل

الزنبقة:(تصمك من هضرتها و هبط راسو) شكون قالك هادشي

حنان: اذن بصح هاد الهضرة و سراج ماكانش كيكدب

الزنبقة:(طلع راسو فيها بالزربة) سراااج؟؟ هضرتييييي معاااااااه و بلا خبااااااري؟؟؟؟

حنان:(غوتات) سكااااااات مامنحقكش تعاتبني و لااااااا تغوت علياااااا حيت جااااا و قاااالي كوووولشي فووووسط هاد دار و قدااام حورية و محمد مااااشي بحاااالك منعازل نتا وياااااها فالاوطيل و يعلم الله اش كنتو كديييرو

الزنبقة:(شدها من يدها مزير عليها و معصب) واااايااااااك وايااااك تغلطي فيااااا و الا …

حنان:(نترات راسها و دفعاتو) و الااااا شنوووو اضربني و لا اطلقني

الزنبقة: طلااااق هو لي عمرك تحلمي بيييه و قلتهاااالك من نهااااار لول

حنان: اناااااا راااااني مرااااتك و ماااانحقكش ديييرلي هااااكاا واخا ماتكون بيناتنا حتى علاقة منسمحش ليك طيح من قيمتي و ذلني

الزنبقة: هااااااادي حيااااااتي اناااااا و حر فييييهاااا ماشي شغلك و حناااا مزوجييين غير على لوراق

حنان:(بقات كضحك بهستيرية) ههههههههههههه ياكما كيحسابليك كنموت عليييك و كنحماق على التراااب لي كتمشي عليييه (رجعات شافت فيه و هي موجهالو صبع فوجهو) انا مكنحس بحتى حاجا من جيهتك لي بقا فيا هو من صباح و انا كنتسناك تعاودلي فين هي ختي و بلاصت ماتعاودلي ماااشي عايشلي وقتك مع قحبة خلاتك و سمحات فيك و جاي خوها كيذل فيا و كيطيح من قيمتي

الزنبقة: اااااخر مرة تعااااااودي دوي على فيروز بحال هاكا سمعتي حيت مرة أخرى نقتلللك و نشرب من دمك اما على سراج را نتيييييي لييييي تلاقيتيه و سمعتييي لي ماااايعجبك

حنان: و مزاااال زاااايد فالهضرة و كتحس براسك مادرتي والو و بلي عندك الحق ..كنت غالطة و بزااااف منين تزوجت بيك كان كيحسابلي راجل و كتحس بالمسؤولية ولكن صدقتي غير شمااااتاااا و مكتسواش

الزنبقة:(هز يدو و جمعها معاها بتصرفيقة حتى تلاح شعر على وجهها و كيهضر و هو معصب ) اناااااا راااااجل بسيييف عليك و على لي بحااااالك كتفهميييي

حنان:(بقات تابتة على نفس الوضعية و هي كتهضر) عرفتي شنو بقا فيا كثر (شافت فيه و ليطراس دصبعانو فحنكها) بقيتي فيا نتا حيت كون كنت عارفة بلي مازال كتبغيها مكنتش انزعم و نبغي نتزوج بيك

الزنبقة:(غمض عينيه بنوع من الذنب و حلهم كيشوف فيها بشوفة ديال الندم ) حنان …(بغا يشدها)

حنان: لا لا ماتقيسنيش كنحس بلي انا هي لي مامخلياكش تجمع مع لي كتبغيها مكانش علينا نتزوجو امكن كان عليا نمشي نتزوج فسراج

الزنبقة: علاش (كيهضر بصوت مكسور) علاش مادرتيهاش و ختاريتيني انا

حنان: (كتبتاسم وهي كتبكي) حيت شفت فيك أشياء عمر شيواحد ايشوفهم و كنتي اول واحد كيبوسني و اول واحد كيعنقني و اول واحد كيخليني نفكر فيه

الزنبقة: (كيعاتبها) ماديريهاش احنان عنداك تبغيني مانستاهلش

حنان: (ضارت كتمشا و خلاتو تماك كيهضر بوحدو ..طلعات لبيتها و خطاويها كيتزاكلو مع بعضياتهم دخلات لبيتها و سدات عليها لباب و بقات كتبكي بحرقة و هي حاطة يديها على فمها كتمنع الصوت من انه يخرج …حسات باحساس عمرها حساتو فحياتها و هي كتألم و كضرب ففخادها حتى طاحت على النموسية متكية كتبكي و كتلوي ليزار على يديها…اما هو حس بالذنب بهادشي لي دار عرف بلي ماخاصش اكون هادشي على هاد النحو مشا كيجري لبيت حورية و دخل بلا مايدق

الزنبقة: قووووليلي من امتى سراااااج كيدخل لهناااا بلا خباااري و نتي كتخليييه

حورية: من نهار لي رجعتي فيه لفيروز و رديتي حنان بحال جفاف لي جا يمسح فيه رجليه

الزنبقة: هااااادااااااك راه عييينو فحنااااان بااااغي غير امتى اضمر علاقتنا

حورية: هو و فيروووز بجووووج متافقين على هادشي اما منين كان ايعرف بلي ختو معااااك فيييق ايوووسف هادييك كتلعب بيك

الزنبقة: مانبغيييييش مرة أخرى يدخل سرااااج لهناااا كتفهمي

حورية: فهمت و كنتمنى تفهم بلي واخا ضور دنيا كاملها عمرك تلقا وحدة بحال حنان …

خرج من عند حورية و هو معصب مشا لبيتو كيضرب فأي حاجا لقاها و جبد تيليفونو صونا لفيروز

فيروز: (كانت رجعات لدار و هي جالسة مع سراج كتعاودلو حتى كيصوني عليها الزنبقة ) الوووو شيغي

الزنبقة: من الاااااول هااااادي هي الللعبة ديااااالك نتي و داااااك زاااامل دخووووك باغيين تجبدووو غير صداااع و المشااااكيل باش حنان ترجع لييه

فيروز: شنو كتقول ايوسف انا مدرت واااالو

الزنبقة : ساااااليييناااا افيرووووز مااااتعاااوديش ضوري بيا ولا تحاولو تقربو لحنان حيييت اقسم بالله انديير شي تصرف مايعجبكمش

فيروز: يوووسف انا مدرت وااالو كنحلفلييك الو الووو (رمات تيليفون ) تفووو قطع عليا

سراج: حتى كنقووولووو قربناااا بجوووج خطوات كلقاو راسنا مازال بعاد

فيروز: ضاع كووولشي دابا اووووف خاصني نفكر فشيحاجا أخرى شيييت ….

قطع يوسف عليها و هو كاره راسو حس براسو كامبو و طاح فشباكها و بان ولد صغير قدام حنان حس بالذنب حيت ظلمها معاه و كيفكر كيفاش حالتها دابا بغا يمشي يهضر معاها ولكن من الأحسن اخليها تهدن حيت الى مشا حتى هضر معاها غير ايزيدو يعمقو المشكل تكا على ظهرو فوق النموسية و هو كيشوف فسقف و كيفكر لشي حل لهادشي لي كيوقع ليه اما فجهة اخرى كان فهد و حفيظة مازالين كيهضرو و الواضح انهم تقلو فالشرب بزاف بقا هو متكي على يدو كيشوف فيها كتهضر و كضحك و هو غير مستمتع بكل حاجا كتقولها او كديرها حتى ناض عندها و هزها بين يديه بحال ريشة

حفيظة: هههههههههه فهد فين واخدني

فهد: تمشي تنعسي ترتاحي بانلي شراب تقل عليك

حفيظة:(تدخشات فيه و بقا غادي بيها حتى طلعها للبيت و حطها فوق النموسية و هو كيشوف فتقاسيم وجهها و الإغراء لي كديرلو بعينيها ) فهد بصح كتبغيني؟

فهد: كثر مكتصوري كنبغيك بزاف و منقدرش نتخيل شيوحدة أخرى تاخد بلاصتك فقلبي (قرب منها و هو كينهج و كيشوف فعينيها ) كنبغيييك..(قبلها قبلة غمضو عينيهم على الأثر ديالها و كيتبننو شفايف بعضياتهم و يذوقو حلاوة الريق ديالهم حتى نزل فهد لعنق حفيظة كيقبل فيها بقبلات متقطعة و حنينة و سخوووونة بقات هي غير كتقلب فعينيها و كتأوه …طلع فوقها و هو مزال كيقبل فيها و عاجبو لحال حيت مامنعاتوش و زادت تحكمات فيه الشهوة و غلبات عليه غير حيدليها الكسوة و تدفق صدرها لعندو حيت ماكانتش دايرة سوتيانات و بقا كيشوف فصدرها و قيم عليها اما هي غير حيدلها الكسوة و تعرات قدامو غطات صدرها بيديها و بتاسم ليها و رجع كيقبل فعنقها حتى ترخات مرة أخرى و حيدلها يديها من صدرها بلا هواها و هبط كيلحس الحلمات ديالها و كيرضع و كيحيد فقميجتو حتى رماها و بقا عريان من لفوق ووصلات هي لسابع سماوات بحر النشوة و هادشي جديد عليها عمرها جرباتو كلما كتأوه كتزيد تشعل فيه رغبة باش أمارس معاها و يديه كيتساراو ففخادها و توتو ديالها حتى كنتزير رجليها و يرجع افتحهم ليها …نصل سروالو و بقا بالبوكسر و هبط كيلحس الصرة ديالها و كيهبط ليها سترينغ حتى حيدولها و خشا راسو بين رجليها حاط لسانو على البظر ديالها كيدوز غير بشوية حتى شعلها مابقاتش قادرة تستحمل)

حفيظة: ااااااه اممممم اااااه عفااااك افهد صاااافي ااااااه

فهد:(مرفوع ماكيسمعش ليها كيذوق العسل ديالها و باغي يتبنن و ينسى العالم كولو بين رجليها …حتى حس بيها جابتو و طلع عندها كيبوسها ففمها و يدو كتمسد على توتو ديالها و كيشوف الحركات لي كدير بوجهها و كيفاش مستمتعة معاه لأقصى درجة حتى حيد البوكسر و حطلها لمعلم فوق توتو كيدوز عليه غير بشوية حتى ترفعات تاني و بدون سابق إنذار دخلو فيها حتى تهزات و قبل ماتغوت بااااسها و سكتهااا و شابك يديه مع يديها و طلعهوم ليها لفوق حتى حس بيها ترخات عاد حطلها يديها مور عنقو كأنها معنقاه و بعد شنايفو من على شنايفها كيشوف دموع فعينيها و هو مبتاسم ليها) وليتي ديالي دابا و عمر شيواحد اياخدك ليا

حفيظة: كنتوجع …

فهد: (خرجو منها و مسح الدم فليزار و تكا حداها و جبدها عندو حتى تخشات فصدرها) سمحيلي وجعتك (باس راسها)

حفيظة:(غمضات عينيها و نعسات فالحضن ديالو و هي مستسلمة لداكشي لي دارت و مابقاش هاممها واش صح او غلط فقط مخليا كل لحظة تجي فالوقت المناسب ديالها اما فهد كان فرحان بزاف حيت هي بين يديه و بقا كيلعب ليها فشعرها و عاجبو هادشي لي دار و عمرو يندم ) ….

سكتات حنان من لبكا و كيتسمع غير الأنين ديالها ناضت غسلات وجهها و خرجات من بيتها متوجهة للجردة خرجات بخطوات بطيئة و جلسات فالكنبة و هي كتشوف فالنجوم و نسيم الهواء كيحرك خصلات شعرها كأنه كيطبطب عليها و كيواسيها …غمضات عينيها و تنهدات تنهيدة طالعة من القلب كتشكي لله شنو جاري فيها ماحلات عينيها حتى كتحس بلي تحط رداء دافئ على كتفها …ضارت كتشوف شكون حطو عليها و هي تشوف يوسف بغات تنوض و هو يحط يدو على كتفها كيمنعها من المغادرة

الزنبقة: عفاك احنان بقاي بغيت نهضر معاك

حنان:(ماجاوباتوش رجعات جلسات و هي كتشوف فالارض )

الزنبقة:(جلس حداها و كيشوف فيها) سمحيلي على هادشي كاملو عارف بلي انا مزوج بيك وواخا مابيناتنا حتى حاجا ولكن مكانش عليا ندير هاد التصرف معاك

حنان: كون انا لي درت هاد التصرف كنتي ادير كثر من هادشي لي درت

الزنبقة:كنحلف ليك والله ماقستها ماوقع بيناتنا حتى حاجا

حنان:(هزات كتافها) مكيهمنيش واخا متقيسهاش ولكن نتا كتبغيها

الزنبقة: (ابتاسم و مشا عقلو للماضي) اه كنبغيها و ماغاديش ننكر حيت انا لي كنت كنشوفها كتكبر قدامي (بسط يديه قدامها) انا لي ربيتها حتى كبرات و نهار على نهار الحب تملكني ماقدرتش نساها و لا نحيد حبها من قلبي واخا طلعات ماتسواش و غدراتني ولكن هي كتقول بلي كانت مجبورة و ماشي لخاطرها

حنان: و نتا تيقتيها ؟ انا لي كنعرف لي كيبغي عمرو كيخون ولا كيغدر

الزنبقة: عارف ولكن اشندير كنبغيها و لي عشتو معاها كانت شيحاجا فوق الخيال

حنان: نتا محظوظ حيت درتي كسيدة أمكن نتا كتشوفها لعنة ولكن هي نعمة من عند الله حيت الله كيبغيك و بغاك تشوف عدوك من صديقك

الزنبقة: كنت كنقول منين تشوهت عمر شيوحدة تقبل بيا خاصة أن كولشي تقلب عليا و خلاني حتى خرجتي نتي قدامي

حنان: فكل مرة ربي كيعطينا فرصة أخرى منين كنت صغيرة فعمري 7 سنين كانت يالاه تولدات ختي حفيظة و ماما ماتت فاش كانت كتولدها بكييت بزااف تحرمت من حنان الام و ختي تحرمات منها كنت يالاه دخلت للابتدائي و فرحتي ماقادانيش حتى انا ولات عندي محفظة و كندخل نقرا كنت طايرة بالفرحة ولكن فرحتي ماكملاتش غير ماتت ماما و خلات ختي و اضطريت نخرج من المدرسة ة نقابلها اه بنت 7 سنين لي خاص لي يقابلها ولات ام و كتقابل ختها و الاب ديالها فكل مرة كيهبط لبلاصة دالمصارعة فالكاريان و كيتقاتل باش اجيب لقمة عيشو كنا عايشين غير فخربة من القزدير غير كطيح شتا كتريب علينا و صبرنا الحمد لله كانت ختي كتمرض و انا لي كنبقا معاها و كنقابلها حتى تبرا و فاش كنمرض انا كنقابل راسي براسي حتى نهار لي تعرفت فيه على الشاكمة كان ولد الكاريان ولد مربي و ظريف و كيحكرو عليه و ديما كندافع عليه عاوني باش نقابلو حفيظة و عشنا بربعة بينا مرتاحين واخا مقسحين من الوقت كبرت ووصلت ل 14 عام و ختي 7 سنين و الدخول المدرسي وصل و دخلتها بيدي كانت فرحتي كبيرة فاش كنشوفها كتمشي تقرا و كدير داكشي لي عمرني درتو و لا غادي نديرو حتى ليك ليلة لي كان بابا داخل للخربة ديالنا و شاارب كنت كنشوفو كيشرب ولكن كنحاول مانديهاش فيه و كنصبر ليه و ناض بغا يمشي يتقاتل كالعادة ديالو و انا ماخليتوش بقيت كنرغبو ارجع للدار و مابغاش وصيت الشاكمة يبقا مع ختي و انا لاحقة بابا لفين كيتصارعو و لكن تعطلت بزاف لقيتو دخل لداخل و كيتقاتل و هو ماشي فالوعي ديالو كيميل و رجليه ماهازينوش و هاداك معامن كان كيتقاتل كيضربو بكل وحشية و همجية و محنش فيه بقيييت كنبكي و نغوت (طرطقات بالبكا كأنها كتشوف داك المنظر قدامها ) بقيييت كنرغبهم اخليوني نمشي عندو و نفكو و حتى واحد ماسمعني حتى وااااحد كلهم كيشعلوووو ديك العافية لي تحرقنا فيها كااااملييين اهئ اهئ و طاااح و هو كيشوف فيا مات موتا خايبة و دماياتو عمرو الأرض اهئ اهئ

الزنبقة:(شد وجهها عندو كيهدنها) حنااان صافي شششش

حنان: مات مااات و تماك قساح قلبي ووليت انا هي الزوبير منبعد مادفنت الوليد بيديا رجعت انا بلاصتو كنتقاتل فالاول جربت ندير شحال من حاجا نخدم فالديور و فسناك و قهاوي ولكن فالاخر المطاف كيخرجوني للدعارة كان ممكن نختارها ساهلة و نبيع لحمي ولكن عمرني درتها و حافظت على راسي و على ختي و تقاتلت فنفس لبلاصة لي مات فيها الزوبير و تولد فيها زوبير آخر و حقدت على رجال و حقدت على هاد لعيشة و على كولشي (تنهدات و دموع دايزين على عنقها ) حتى نهار لي كان فيه معتصم فالكاريان و شافني كيفاش كنتقاتل و وظفني عندو كحارس شخصي لبنتو شفتي ديما كاينة فرصة أخرى و كون ماقبلتش الخدمة عندو ماكنتش انتلاقا بيك و لا نخرج قدامك

الزنبقة:(مسحلها دموعها ) كتعجبيني بزاف و دابا زدتي كبرتي فعينيا

حنان:(ابتاسمات) و كيما قلتي مرت الزنبقة خاص ديما تكون قوية

الزنبقة: اه اه خص ديما تكوني قوية و حتى حاجا متهرسك نتي هرسيييهم كلهم

حنان: بغيت نعرف فين هي حفيظة راه مكنقدرش نعس و انا ماعارفاش فين وصلات

الزنبقة: حفيظة بخير عليها هي كاينة مع فهد

حنان: شكون فهد؟؟

الزنبقة: فاش مشات ختك لامريكا تعرفات على واحد الراجل سميتو فهد و بغاو بعضياتهم

حنان: اش كتقول ايوسف و هادشي بلا خباري و علاش هي عندو؟؟

الزنبقة: ماتخافيش هي فأمان عندو

حنان: واش صاحبك ؟

الزنبقة: هو ماعندو علاقة بهاد الضومين

حنان: و فاش كيخدم

الزنبقة: عارض ازياء

حنان:(حطات يديها على فمها) ويلك احفيظة فآخر يامك كتبغي مخنث

الزنبقة: هههههههه كيفاش مخنث واش غير لي عارض ازياء مخنث ماتخافيش راجل و نص

حنان: خصني نشوفها

الزنبقة: هي معصبة منك كيحساب ليها خليتيها و سمحتي فيها

حنان: و شنو انبقا هنا بلا مانشوفها راه ماغاديش اهدالي بال

الزنبقة: صافي فاش تبغي هي تشوفك غادي تشوفك خليها على راحتها

حنان: منقدرش خاص ضروري نشوفها

الزنبقة: كنواعدك انديك عندها غير خليها تهدن شوية

حنان: واخا

الزنبقة:(ضمها عندو و هي حطات راسها على صدرو) سمحتيلي؟

حنان: اه بشرط ماتعاودهاش

الزنبقة: (ابتاسم) و الى جا نهار و بغيتي فيه شيواحد آخر

حنان:(طلعات راسها فيه) و الى بغيتك نتا

الزنبقة: اتعذبي بزاف

حنان: (رجعات هبطات راسها) صاف ماغاديش نبغيك ولكن ماغاديش نبغي شيواحد آخر و كيفاش اصلا انبغي شيواحد آخر و نتا حابسني هنا

الزنبقة: انا ماحابسكش غير خفت توقعليك شيحاجا حيت الأعداء ديالي فاش عرفوني تزوجت كيحاولو بكل الطرق اوصلو ليك

حنان: اوا صاف انا نبقا غير حداك

الزنبقة: شنو بانلك نرجعوك تقراي ؟

حنان: ماحشمتيش من هاد الهضرة بنت 25 اتبدا تعلم الحروف من الاول

الزنبقة: هههه و شنو فيها انا من غدا انجيبلك افضل الاساتذة يعلموك و يقريوك اش بانلك

حنان: واخا

الزنبقة:(هزها ) اوا مشا لحال و خاص نديوك تنعسي غدا كاينة لقراية

خداها الزنبقة لبيتها و حطها فوق النموسية و غطاها

الزنبقة: تصبحي على خير

حنان: و نتا بخير (اما هي سدات عينيها و نعسات و مشا هو لبيتو نعس ايضا و هو مرتاح حيت تصالح معاها اما حفيظة ففاقت فنص الليل كتشوف فارجاء الغرفة و جسمها العاري لي ملتاحم مع جسم فهد ناضت كتسلت من حداه و مشات دخلات للدوش و هي كأنها مصدومة من هادشي لي دارت حلات الرشاشة و بقات مدة تحتها كتحاول تجمع افكارها و اول حاجا تفكراتها هي حنان قفز قلبها و ماعارفاش شنو ممكن اوقعلها الى عرفات بهادشي لي دارت صافي خسرات شرفها نهائيا فحب ماعارفاهش واش ايطول ولالا و شنو المصير ديالو جلسات فالارض و الماء مازال كيتكب عليها و ضمات ركابيها عندها و هي كتفكر فهاد الموصيبة لي دارت و شنو العواقب ديالها….)

فهد:(بدا كيتحرك فبلاصتو و غير لاح يديه باش اضم حفيظة مالقاهاش و ضور وجهو باش اشوفها ماقاهاش حداه سمع صوت الرشاشة فالحمام و ناض لبس البوكسر و دخل عندها لقاها على نفس الوضعية…دخل عندها و جلس حداها و هو كيدوز يدو على راسها) مالك

حفيظة: هادشي لي درناه غلط

فهد: شنو كتقصدي

حفيظة: الى عرفات حنان بهادشي لي درت عمرها تسمح ليا

فهد: واش كظني بلي انا انسمح فيك احفيظة (ناض خرج ) مامتيقش هادشي لي كتقولي

حفيظة:(تبعاتو لوات الفوطة عليها ) فهد سمعني

فهد: اش غاااادي نسمع احفيظة واااش منيتك كتقوليلي هاد الهضرة كان كيحسابلي بلي فاش انفيق القاك كضحكي ليا و ماندماناش و شوف دابا اش كتقولي

حفيظة: انا تايقة بلي كتبغيني و كون مكنتيش كتبغيني ماغاديش توصلني للفوق و ديرلي بلاصة فالضومين ديالك

فهد: (شدها من يدها مزير عليها) عطيتيني راسك مقابل هادشي لي درت؟؟؟؟

حفيظة:(طاحولها دموع) نتا عمرك سولتيني واش كنبغيك

فهد:(طلق منها مصدوم) مكتبغينيش؟

حفيظة: خيرك عمرني نساه فحياتي

فهد: (دارلها اشارة باش تسكت) سكتي سكتي بلا ماتهضري

حفيظة: (مشات عندو حطات يديها على وجهو) لا خصك تسمعني افهد انا عمرني فحياتي تلاقيت مع شيواحد و تعامل معايا كيما تعاملتي نتا

فهد: ولكن مكتبغينيش

حفيظة: كنبغييك بزااف و منقدرش نبعد منك

فهد: الى بصح كنتي كتبغيني تزوجي بيا

حفيظة: زواج؟

فهد: اه (شدلها فيديها) ماغاديش نتخلى عليك و بغييتك من قلبي و باش نتأكد بلي بصح كتبغيني خصك تزوجي بيا

حفيظة: و ختي شنو انقولها و كيفاش انتزوج ماعندي حتى حاجا

فهد: كوولشي غادي يحضر لعندك نتي غير وافقي

حفيظة:(ابتاسمات ليه ) موافقة

فهد:(عنقها ) عمرنا ماغادي نتفارقو

حفيظة: اه

فهد:يالاه نعسو غدا تابعانا شحال من حاجا (باسها فراسها و داها حطها فالنموسية و نعس حداها معنقها)

أصبحنا و أصبح الملك لله

كانت ناعسة فوق تبن و اصوات الغنم و البقر كيتسمع فالكوري كاملو و مافاقت الا و سطل د الماء تكب عليها و فاقت مفزوعة كتشهق و قلبها كيضرب و هي كتشوف عزرائيل قدامها

اوسمان: شفت الاميرة النائمة طولات فالنعاس راه 6 دصباح هادي و لالياتك فاقو فالفجر

كوهينور:(ناضت كتقاد راسها و كتشوف فشعرها لي مقطع و هي تكتم الغضب لي فقلبها و ابتاسمات ليه ) صباح الخير اوسمان

اوسمان:(رفع حاجب و نزل لاخر) شنو كتحاولي ديري (تواجه معاها) انا ماشي دري صغير اضحكي عليا و لا اتخليني خاتم فيديك كتفهمي

كوهينور: حاشا واش نويت داكشي (ابتاسمات ليه) غير (كتقيس شنايفها) البوسة د البارح خلاتني طايرة فالسما و منعستش

اوسمان:(حيد عينيه من عينيها دغيا و هو كيستغفر) استغفر الله سكتي و الله و تخرج الهضرة حتى نقتلك

كوهينور: و شنو فيها ياك انا لي بستك ماشي نتا

اوسمان: عيب ياهاد لبنت عيييب و حشوومة

كوهينور: صافي مانقولها لحد

اوسمان:(ضور وجهو و هو كيبتاسم ضحكاتو دايرة بحال شي بنت صغيرة و رجع شاف فيها) شدي (عطاها سطل ) سيري حلبي لبقر و خودي البيض من الخم ديال دجاج

كوهينور: انا نحلب لبقر؟؟؟ كضحك عليا فييين عمري شفت لبقر انا كاع باش نحلبو

اوسمان: و على هاد الهضرة ديالك ماغادي تخرجي منهنا حتى تنقي الكوري من الغبار صافي

كوهينور: ولكن ولكن راه هادشي بزااف حرام عليك

اوسمان: و اتمشي للكوزينة تعاوني يما و لبنات و لي قالوهالك اتقولي اه و ماتعارضيهمش

كوهينور: (كتذمر) غاااادي نمووت بالعيا

اوسمان: و منين تسالي تقريبا ايكون طاح الظلام و غادي تجي تغسليلي رجلي

كوهينور:(بغات تهضر و هي تحط يديها على فمها ).

اوسمان: لا غير زيدي شي هضرة أخرى باش نعطيك شغل آخر

كوهينور:(كتحرك راسها بلا )

اوسمان:(كيحس بالنصر) مزيااان يالاه سيري لشغلك (بغا يمشي و رجع ضار عندها) واياك ديري شي مشكل هاني انبقا هنا برا حت ناخد لحليب و البيض صافي اكنور

كوهينور: سميييتي كوهينور ماشي كنوور

اوسمان: والله حتى كنور جاي معاك كثر ههههه (مشا و خلاها تماك كتغلي و ماحاملاش راسها هزات سطل و دخلات للبلاصة لي فيها لبقر و هي كتقلب بعينيها و خايفة منهم بزاف و زيد عليها بلاصت ماتمشي للبقر مشات لعند الثور و حطات الكرسي جلسات و هي كتشوف فين كاين الدرع ديالو ) …

كوهينور: دابا هادي كيفااااش كيحلبوها و منين كيحلبوها تفووو مالي انا و مال لبقر اصلا مكنشربش لحليب تفو (كتشوف فالثور لي كيحساب ليها بقرة) انا واحد المرة شفت فيديو كيفاش كيحلبو انطبقو عليها (هزات ادها للعضو الذكري ديال الثور و هي تجبدو بقوة لدرجة طلع الثور بجهد لفوق و رجع تحط و ضربها برجلو حتى طيحها فالارض و ناضت هي كتغوت و هو كيجري عليها بغا يضربها) وااااااااااااااع عتقووووووني انمووووت اهئ اهئ هادي و توبة مانعااااود (بقات كتجري و كاع الثيران لي تماك بغاو اضربوها و هي كتشوف غير فداك لباب تخرج منو ودموعها على خدها صافي لخرا ديالها هادي حتى جبدها اوسمان لعندو من بعد ما سمع غواتها و هو كيدفع الثيران بالعصا حتى حيدهم من الباب و خرجها و هي دفعو كتبكي) اهئ اهئ كنت انموت بسبااابك اهئ اهئ قلتلك مكنعرفش نحلب لبقر و نتا مصيفطني عندهم بغيتيهم اقتلوني باش تهنا مني اهئ اهئ

اوسمان: (ضربها ضربة خفيفة لراسها) صيفطتك عند البقر البقرة ماشي عند الثيران اش داااااك عندهم كون ماجبدتكش كانو ايقتلوك و شوفي شكون افكك ديك ساعة

كوهينور:(كتمسح دموعها) و علاه انا عرفت البقرة من الثور (كتشوف فيه ببراءة) واش كنت كنحلب ثور؟

اوسمان:(معجب فيها) اشنو درتي ؟

كوهينور: احم والو غير دابا انا درت كرسي ياك و جلست ياك و كان كيحسابلي بلي الثور. هو البقرة حيت كنت فايتلي شفت واحد الفيديو كيفاش كيحلبو لبقر و شديتو و حلبتو

اوسمان:(سد عينيه و كيمسح على وجهو و هو يغوت عليها ) وااااش مكتعرفيييش الدرع من …(سكت )

كوهينور: و باش انعرف انا كيحسابني بحال بحال

اوسمان: صيفطناها تحلب البقرة مشات كتحلب ثور مكلخة

كوهينور: (كتهضر بينها و بين حوايجها) نتا هو لمكلخ

اوسمان: شنووو قلتي

كوهينور: والو مقلتش

اوسمان: تحركي نوريك فين لبقر تحركي (دخلها اوسمان للزريبة لي فيها لبقر ) يالاه سيري حلبي

كوهينور: (كتوسلو بعينيها) مكنعرفش

اوسمان: صبر اربي صبر اوووف (شدها من يدها و جلسها حدا البقرة ) يالاه حلبي

كوهينور؛ و الى ضرباتني

اوسمان: اوا الى ماشديتيش فشي بلاصة اخرى ماغاديش ضربك

كوهينور: (كتشوف فالبزولة د البقرة) ياك هنا نحلب

اوسمان:(حطلها سطل لتحت ) اه حلبي و منين تسالي سيري جيبي البيض و عنداك يحسابلك الدجاج هوما النعاج و دخلي عندهم تقلبي على البيض

كوهينور: (قلبات عينيها) زدتي فيه

اوسمان: اوا هاني مشيت (خرج اوسمان و بقات كوهينور تماك بوحدها مزالة مترددة تحلب البقرة خصوصا الخلعة لي دارليها الثور و الطيحة لي طاحتها حتى تقطعاتلها الفراشة لي كانت لابسة ..وقفات و كملاتلها تقطاع من ليدين و ظهر و رجلين و جلسات فالكرسي حطات يديها على الدرع و بدأت كتورك بشوية حتى خرج لحليب و عاد زعمات حطات يديها بجوج و بدأت كتحلب و تحلب و توقف ترتاح شوية و تزيد تحلب و تحلب و هي مامنتابهاش للعيون لي كانو كيشوفوها من اللور و لي بغاو ياكلوها و ياكلو فصالتها و زينها حتى عمرات السطل و و ضارت و هي تشوفو

كوهينور: انا ساليت

اوسمان: مزيان (كيطلعها و يهبطها ) و شنو هاد الحالة

كوهينور: الفراشة كانت مقطعاليا و معذباني و زدت قطعتها

اوسمان: و بسلامة ناوية تخرجي هاكا

كوهينور: فاش انسالي جميع الكوري انتسناك تجيبلي شيحاجا لبسها

اوسمان: سيري جيبي البيض تحركي

كوهينور: واخا (مشات للخم و دخلات كتشوف فالدجاج ناعس على البيض ديالو و ماتمشي غير عند واحد دجاجة ناعسة على لفلالس و قربات منها و هي تنقبها) اي عضاتني (دفعاتها و هي طيح و هوما يخرجو لفلالس من تحتها و بقات كوهينور كتشوف فيهم و عجبوها ) ويييينوووو شحال زوينين (هزات واحد كتمسح ليه على ظهرو و هي طير عليها دجاجة كتنقبها و تجري عليها و خرجات كوهينور كتجري عند اوسمان) وييييلي بغاااات تاكلني (تخبعات موراه)

اوسمان:(كيبعد دجاجة بحركات يديه) هش هش (ضار عند كوهينور) نتي كولشي خاص دابزي معاه ماخليتي ثور ماخليتي دجاجة (دجاجة نفخات ريشها و بغات تنقب كوهينور) اش درتيلها حتى هي ياكما خشيتيلها صبعك فشي بلاصة

كوهينور: لهلا يحييك تف راه غير(فتحات يديها لعندو) هزيت هادا

اوسمان:(حيدلها الفلوس من يدها و حطو فالارض و مشا عند دجاجة ) مال والديك واخدالها الفلوس

كوهينور: عجبني و كنت انخليه معايا علاش رديتيه ليها

اوسمان: ايه كون مارديتوش اتلحقك حتى للدار

كوهينور: وانا عجبني

اوسمان: سيري جيبي البيض

كوهينور: ماجايباهش اتعضني ديك دجاجة

اوسمان: بعدي ليها على ولادها و ماغاديش تعضك

كوهينور:(ربعات يديها و نفخات شنايفها و عقدات حجبانها زعما تقلقات)

اوسمان: انمشي انا نجيب البيض اهاد البرهوشة (مشا للخم عمر سلة ديال البيض و خرج ) هاني اناخد البيض و الحليب للدار سيري نتي نقي الكوري

كوهينور: باش انقيه

اوسمان: البالة و شطابة ديال الدوم و البرويطة

كوهينور: اش هادو؟؟؟

اوسمان:(حط السلة و سطل د لحليب و مشا جابهم و رماهم ليها) هاهوما ( هز الشطابة) هادي اتشطبي بيها (هز البالة ) هادي اتجمعي فيها داكشي لي شطبتيه (اشار ليها للبرويطة) و هادي اتحطي فيها داكشي لي جمعتيه بالبالة و عنداك دخلي لعند لكسيبة نقي غير من برا و فاش تسالي حطي تبن و الذرة و عمري الطونات بالماء باش اجي سراح افتحلهم ياكلو صافي؟

كوهينور: واخا

اوسمان:(حيد الفوقية ديال جابادور و غطاها ) لبسي هادي ماعرفتي اقدر ادخل شيواحد للكوري ماخاصش اشوفك هاكا

كوهينور: و منين نسالي

اوسمان: سيري للدار و عاونيهم فالكوزينة و بلا ما تفكري تهربي راه نجيبك نجيبك

كوهينور: راه قلتلك ماغاديش نهرب

اوسمان: هاني علمتك(هز سطل و سلة و خرج من الكوري )

علقات كوهينور جابادور فواحد البلاصة فالحيط و ضارت كتشوف كمية القذارة و لوسخ لي تماك عاافت و كرهات المنظر ولكن ماعندها مادير امرها لله و بدات كتنقي و تشطب و الريحة اتخنقها …

و عند حنان كانت فايقة و يالاه خارجة من الدوش لبسات سروال دجين واسع و تيشورط فالاسود و دارت شعرها كعكة و خرجات من بيتها باش تفطر لتحت حتى لاحظات بلي بيت الزنبقة محلول و طلات منو مالقات حتى واحد فالبيت و دخلات كتشوف بعينيها حتى شافتو عاطيها بالظهر و الماء كيقطر من شعرو و غادي مع ظهرو و لابس سروال كيطمة فالاسود و كان حاس بيها دخلات و ماقدرش اضور اما هي كانت اول مرة كتشوفو عريان كتافو عراض و مفتول العضلات و كتشوف شعرو الاسود و ايضا لأول مرة ميكونش لابس القناع و الملابس السوداء ديالو

الزنبقة: شنو بغيتي احنان

حنان: باش عرفتيني انا

الزنبقة : الصوت الخطوات ديالك ماخافيينش عليا

حنان: كنت غير دايزة من حدا بيتك و شفت لباب محلول و دخلت

الزنبقة:(غوت) اوا خرجي بغيت لبس حوايجي

حنان: واخا سمحلي

الزنبقة: (تنهد) صبري سمحيلي غوت عليك ولكن مكنبغيش شيواحد ادخل عندي بلا ميطلب الاذن

حنان: عادي داكشي لي كتخبيه راه انشوفو واحد النهار

الزنبقة:(هز ماسك دارو على وجهو و ضار عندها كيتمشى بخطوات بطيئة ) شنو كنخبي؟

حنان :(كتشوف فعينيه ) وجهك

الزنبقة:(شدها من يدها و زدحها مع الحيط و هو مقرب ليها ) ماعندك ماتشووووفي كتفهمييييي

حنان: (تحل ليها شعرها و طاح ليها على وجهها) مناش خايف

الزنبقة: الزنبقة مكيخافش

حنان: و حتى حنان الى دارت شيحاجا فراسها كتوصل ليها

الزنبقة: واش باغا تلعبي معايا (حط يديه على الخصر ديالها)

حنان:(طلعات معاها تبوريشة) اه انلعب

الزنبقة: ماغاديش تقدري على اللعب ديالي و الى صبرتي انوريك وجهي

حنان: شنو بغيتينا نلعبو

الزنبقة: كل نهار فاش اتعلمي شيحاجا جديدة اتجي تعاوديهالي

حنان: كيفاش

الزنبقة: جبت اساتذة يعلموك تقراي و تكتبي و اي حاجا تعلمتيه انشوف واش كتعرفي تقنيها ولالا

حنان: صااااافي غير هادشي ؟؟ ساهلة

الزنبقة:(ابتاسم ابتسامة ماكرة تحت القناع) ماشي بهاد السهولة كنأكد ليك (كيساري يدو تحت التيشورت و كيطلع معاها و يهبط ) ماغادي تخرجي من عندي حتى اتكوني كتنهجي و كترجفي و عينيك كيتقلبو بوحدهم

حنان:(كتسرط ريقها) شنو شنو ادير

الزنبقة:(قرب لوذنيها كيهمس ) غادي نسيك فراسك احبيبة

حنان:(حيداتلو يديه ) انااا انمشي بحالي (دفعاتو و مشات كتهرب و الزنبقة شداتو الضحكة بقا كيضحك و سد الباب من موراها و مشا كيلبس حوايجو )

حنان:(هبطات لصالة لقات حورية و شاكمة فاقو و كيتسناوهم) صباح الخير

حورية و شاكمة : صباح النور

حنان:(جلسات ) مزال مافطرتو

حورية: كنتسناو يوسف حيت هادي عادة فيه كيبغي كولشي افطرو مع بعضياتهم

حنان: ااه مزيان

الزنبقة: (هبط و جلست ) صباحكم مبروك

حورية:(ابتسامة) صباح الورد و الياسمين

الزنبقة: (مبتاسم ليها) يالاه بداو

باشرو ابطالنا في الفطور و هوما فحالة صمت من غير حنان لي كتفكر شحال من ماسك عند الزنبقة كل نهار بماسك مختالف و حلة جديدة مختالفة على سابقتها …انشردت فالتفكير حتى كتحس بشي رجل كتقيسها من لتحت و كطلع معاها حتى لفوق و هي كتحاول تبعد رجليها ولكن مازال كيتبعها برجلو شافت فيه و لقاتو كيشوف فيها و كياكل شوية غمزها و هي حنات راسها دغيا و توردو حناكها و كتفادا رجلو

الزنبقة: حنان مالك ماعجبكش لفطور

حنان: (كتعض فشنايفها بتوتر) لا زوين هاني كناكل

الزنبقة: اوا بصحتك

حورية: (كتشوف ف حنان و يوسف) كنشوفك فرحان هاد صباح ايوسف

الزنبقة: و علاش لي مانفرحش و كاع المشاكيل تحلو و حنا عايشين مزيان

حورية: الله اخليك ديما فرحان و يخليك لحنان و ان شاء الله نفرحو بولادكم

حنان:(كانت كتشرب العصير و هي تخنق ) كح كح كح

الزنبقة:(كيطبطب على ظهرها ) بشوية عليك احنان

حنان: اشمن ولاد الله اهديك (كتخنزر فيها)

حورية: هههه اوا راه خاصنا شي بيبي ابدا اغوت فالدار و يخلي حياتنا كلها فرحة (كتشوف فيوسف) اولا ايوسف

الزنبقة: اه ان شاء الله نسمع كلمة بابا فالقريب العاجل

حنان:(كتبتاسم بزز منها و كتهضر بشوية بينها و بين راسها) منين بغيت نحمل انا من الريح و هو قال بلي خاص نكونو أصدقاء يخ

الزنبقة: قلتي شيحاجا

حنان: لا ابدا

فهاد اللحظات لي كانو كيفطرو فيها وصلات فيروز للدار ديال الزنبقة و شدوها ليكارد و بقات كتغوت بأقصى صوتها ليوسف

حورية: اش هاد صداع

حنان: (شافت فيوسف هاد الأخير لي ناض هو و شاكمة و مشاو بسرعة لبرا تبعاتهم حنان و حورية)

الزنبقة:(كيشوف ففيروز لي شادينها ليكارد و كتغوت) اش واقع هنا

ليكارد: سيدي هاد البنت جات لهنا بغات تشوفك و ماسمحناش ليها

فيروز: يوسف خاصني نهضر معاك سمعني

الزنبقة: سيري منهنا قبل ماندير شي تصرف ماغاديش اعجبك

فيروز: كنبغييك ايوسف و عارفاك حتى نتا كتبغيني و انا خرجت من دار و سمحت فسراج و لي عجبك ديرو فيا ولكن عفاك ماتحرمنيش منك

حورية: واش نتي حمقة اش هاد الجرأة

حنان :(شداتها فيديها ) خلي يوسف اتصرف

الزنبقة: (تنهد) تبعيني لبيرو

فيروز: (ابتسامة شر ) كيما بغيتي (نترات فيروز يديها من ليكارد و دازت من حدا حنان و هي دايرة نفس الابتسامة و كطقطق فطالون كأنها هي صاحبة البيت مشات هي و الزنبقة للبيرو و سدو عليهم )

الزنبقة:(ضار عندها) واش كيحساب ليك منين جيتي لهنا اتبدل شيحاجا

فيروز: جيت باش نقولك هادشي

الزنبقة: خطة جديدة هادي؟

فيروز:(حطات يديها على كتافو) ماكاينة حتى خطة ايوسف واش حتى لهاد الدرجة ماقادرش تشوف قداش كنبغيك

الزنبقة: ميمكنش ندير هادشي فحنان

فيروز: علاه شكون هي حنان ياك مابيناتكم حتى حاجا و حتى الى بغيتي تبقا مزوج بيها ماعنديش مشكل بغيت غير نبقا معاك و حداك

الزنبقة: لبارح تسرعت و اليوم ماغاديش ندير نفس الغلط سيري افيروزة عيشي حياتك و نسايني

فيروز: (هبطات يديها و ضارت بغات تمشي و رجعات شافت فيه) حياتي انعيشها معاك و اليام اتوريك قداش كنبغيك كيما نتا كتبغيني و كثر (خرجات فيروز من عند يوسف و هي تعيط ليها حنان)

حنان: مكتحشميش على غراضك قوليلي شنو كتحاولي ديري

فيروز:(مشات عندها وقفات قبالتها) كنحاول نرد حب قلبي

حنان: هاد حب قلبك مابان ليك حتى تزوجت بيه انا

فيروز: اه حتى تزوجتي بيه هههه

حنان: من الأحسن تبعدي علينا نتي و خوك و لا انقتلكم و منرحمكمش

فيروز:(خنزرات فيها و قربات ليها كتهضر ليها فالوذن) حلفت نهار فاش تزوجتي بيه بلي غادي نضمر حياتكم و نخليكم تعيشو فالجحيم و انا الى حطيت شيحاجا فراسي كنديرها

حنان: (تملكها الخوف لأول مرة واخا هاكا حاولات ماتبينش) ماغاديش نخليك ديري هادشي

فيروز: شنو اديري باش تمنعيني؟ شنو فجهدك كاع؟ حتى حاجا فالاخير يوسف كيبغيني اما نتي غير كيشفق عليك يالاه باي قريب انتلاقاو (ابتاسمات و خرجات من دار الزنبقة و ركبات طوموبيلتها و خرجات اما حنان بقات مسمرة فبلاصتها بضع دقائق و عاد ضربات الدورة و دخلات عند يوسف للبيرو)

حنان: شنو بغات منك

الزنبقة:(كيشوف فشي وراق) مكيهمش

حنان: كيفاش مكيهمش

الزنبقة:(حط لوراق و مشا فاتجاهها حتى وقف قبالتها) قالت هضرة ماعندها معنى

حنان: قالتلك بلي كتبغيك و بغات ترجع معاك و كتقولي بلا معنى

الزنبقة: و انا صديتها و مشات بحالها

حنان: و علاش دخلتيها من الاساااس؟ و قدااامي ؟

الزنبقة: مالك ياكما غرتي

حنان: (طلعاتو و هبطاتو ) نغير عليك نتا ؟ كتحلم

الزنبقة:(شدها من يديها مزير عليها ) علاه مالي انا مانستاهلش

حنان: تستاهل كون كنتي كتعرف بقيمة الحاجا لي بين يديك ولكن خسارة (نترات يديها و خرجات من عندو كتغلي و كتبخ الدم مشات نيشان عند حورية دخلات بلا مادق و شافت فيها )

حورية: مالك ياك لاباس

حنان: عاونيني احورية هاديك لقحبة غادي ضمرلي زواجي و انا مابغيتوش اتضمر عاونيني راه وصلات فيا للعضم و انا كنشوف هادشي قدامي ….

حورية: على سلامتنا خاص نزغرتو ليك منين قررتي ديري هاد الانجاز

حنان: مابغيتوش امشي عندها و مابغيتوش اشوف فيها و تلعبلو بعقلو راه انا مراتو خاصو يفهم هادشي

حورية: احبيبتي كيفاش بغيتيه افهم هادشي و نتي مافاهماهش اصلا

حنان: ماشي لخاطري منهار عقلت على راسي و انا دايرة بحال الولد ولكن بغيت نتبدل

حورية: اه راك دايرة بحال الولد اسلوبك هضرتك حتى الطريقة ديال لباسك خايبة بزاف و اي راجل ماغاديش ابغي اشوف فيك

حنان: داكشي علاش جيت عندك عفاك عاونيني

حورية: كاين مثل شعبي عندنا كيقول بلي المرا كتقتل المرا و داكشي لي انديرو و فيروز انضربوها بسلاحها و كيما هي زوينة و كتعرف تهضر حتى نتي انردك زوينة و كتعرفي تهضري

حنان: و يوسف؟

حورية: يوسف بحالو بحال اي راجل ايشوف الزين غادي يدوخ و على حسابي الى عاود شاف شيوحدة أخرى من غيرك

حنان: باش انبداو دابا

حورية: احم انخرجو نتعشاو برا

حنان: واش وقت نخرجو هادا

حورية: اه وقتها سيري قوليلو اتخرجي و ماتقوليلوش فين اتمشي و رجعي عندي

حنان: و منبعد

حورية: سيري قوليلو هادشي و ماشي شغلك فالباقي

حنان: واخا

(ناضت كتمشا بخطوات بطيئة و مترددة حتى عيطاتلها حورية)

حورية: نفخي صدرك و ثيقي فراسك و باني قوية

حنان:(دارت شهيق و زفير و مشات كتمختر حلات الباب و خرجات متاجهة لعند الزنبقة حتى لمحاتو لتحت كيقرا كتاب و هبطات عندو وقفات عليه كتبتاسم )

الزنبقة: (طلع عينيه فيها) شنو

حنان: غادي نخرج نتعشا برا

الزنبقة: معامن تشاورتي

حنان: مع راسي

الزنبقة: اوك انخرجو نتعشاو

حنان: لا ماغاديش تمشي معانا

الزنبقة: كيفاش؟ نتي و من؟

حنان : انا و حورية

الزنبقة: و انا؟

حنان: بقا مع الشاكمة

الزنبقة: فينو؟ راه منين جات فيروز و هو غابر

حنان: مكيهمنيش انا انخرج مع حورية نتعشاو

الزنبقة: و علاش بضبط بغيتو تخرجو

حنان: حيت انا قنطت و كيما قلتي خاص نقلب على شي راجل نبغيه

الزنبقة:(وقف بسرعة قبالتها وكيشوفلها فعينيها) دابا واش كتحاولي ديريلي نفس داكشي لي درتلك ولا شنو؟

حنان: كون بغيت ندير نفس داكشي كون درتو شحال هادي هاهواك سراج كيتسنى غير اشارة مني

الزنبقة: حتى هاداك راجل اضربو بيه الناس المثل

حنان: اوا غير وضحت الغموض لي كاين و اصلا راني تخنقت واش اتبقا حابسني هنا

الزنبقة: اوك خرجي انا نصيفط معاكم ليكارد و شيفور

حنان: شكرا (مشات و خلاتو تماك مسمر غير مابقاش كيشوفها و هي ضربها بحرية لعند حورية دخلات عندها كتنهج) صافي قاديت لبلان و انخرجو

حورية: برافو عليك يالاه تسناي واحد الساعة

حنان: علاش انتسنى و شنو انتسنى

حورية: (ابتاسمات) الجنيات لي ايديروليك السحر و اتبدلي

حنان: مافهمتش

حورية: كوني شوية كتفهمي ماشي بالضرورة نوضح كلامي المهم تسناي

حنان: واخا هاني كنتسنى

بقات حنان و حورية كيتسناو و لتحت كانت وصلات طوموبيل كحلة معروفة ديما كتجي لعند حورية خرجو منها بنات لابسين الاسود و جامعين شعرهم لفوق و هزو معاهم الماطريال لي وصات عليه حورية و دخلو مع الباب دايرين واحد مورا واحد اتاجهو نيشان لبيت حورية و دخلو عندها فدقة و دارو الصف و كيتسناو الاوامر ديالها

حورية: وصلتو دغيا برافو عليكم

حنان: شكون هادو

حورية: ههه الجنيات ديالي (نوضاتها ) بنات ديوها للحمام و تهلاولي فيها (غمزة)

شدو لبنات حنان و هي غير كتشوف فيهم و فحورية دخلوها للحمام و جردوها من الملابس ديالها حتى بقات عريانة و حشمات و قادو الواكس و بداو كيحيدو ليها

حنان: ااااي اش هاااادشي كيقسح

البنت: صبري باش نسربيو دغيا

حنان: هاني صابرة

بداو البنات كيحيدولها الشعر من صحتها و المناطق الحساسة و هي كتوجع فصمت و كتصبر حتى سالاو ليها و خشاوها فالبانبو فيه ليبرودوي سترخات و هوما بداو كيصايبو ليها يديها و رجليها و كيطلسو ليها كريمات على وجهها و كيغسلو ليها شعرها المهم كل وحدة و باش تكلفات و حنان غير مغمضة عينيها و عاجبها السخونية دالحمام حتى سالاولها و ناضت شللات و شافت راسها فالمراية لقات لحمها بيض كيبري ووجها منور و رطب عجبها راسها لبسو ليها بينوار و فوطة لراسها و خرجوها جلسوها قدام لمراية و رجعو كيقادو ليها صباغة فيديها و رجليها و بنت مكلفة كتصايب ليها شعرها و بنت أخرى كدير ليها ميكاب اما حورية فكانت كتختار اللبسة لي اتلبسها حنان و تخرج بيها فالليل…

فنفس الوقيتا فاقت حفيظة كتكسل و كترمش فعويناتها ناضت كتشوف فجنابها مالقاتش فهد و هي تنوض تلبس دوبياس و قميجة ديالو و مشطات شعرها غير حلات باب بيتها بانليها الخدامة فالدار و كولشي كيقاد و كيزوق و هي غير كتشوف بعينيها …هبطات مع الدروج و لمحات فهد كيهضر فالتيليفون غير شافها و قطع و عنقها

حفيظة: فهد شنو هادشي

فهد: كنوجد الدار راه جايين ضياف غدا

حفيظة: علاه شنو كاين غدا

فهد: زواجنا احبيبتي

حفيظة:(لمعو عينيها بالفرحة و بدأت كتوساع الابتسامة ديالها ) حلف واش انتزوجو؟

فهد:(باسها فراسها) اه احبيبتي انتزوجو و انمشيو لأمريكا و انعيشو ديما بجوج

حفيظة:(عنقاتو) كنبغييك بزاف

فهد: و انا كنحماق عليك

حفيظة: واش قلتيها للواليد ديالك

فهد: اه راه جاي فالطريق شد اول طيارة اتجي للمغرب

حفيظة: و شنو رد الفعل ديالو

فهد: هههه كان ايطير بالفرحة و اخيرا ولدو دار عقلو و ايتزوج

حفيظة: ههه ولكن..(بأن الحزن فعينيها) ختي ؟

فهد: كنواعدك غادي تحضر حتى هي

حفيظة:(هبطات راسها) ماعرفتش كيفاش انتلاقا بيها و كيفاش انسى داكشي لي دارت

فهد: غادي تلاقاي بيها و غادي تهضرو و ايتصلح سوء الفهم

حفيظة: ان شاء الله

فهد: يالاه وريني الضحكة ديالك ههه

حفيظة: هههه

فهد: اخليك ليلي

حفيظة: ولكن كيفاش انتزوجو و انا ماعنديش لاكارط

فهد: كولشي كيتقاد وراقك وجدو (غمزها)

حفيظة: خلاص كولشي كيتقاد بالفلوس هه

فهد: سيري دابا وجديلي راسك و رتاااااحي انا انوقف على الخدامة باش اقادو كولشي

حفيظة:(خطفات بوسة ففمو) واخا احبيبي (هربات )

فهد: اجي اجي نعاودوها مامحسوباش ههههه

هربات حفيظة لبيتها كضحك و فهد كيضحك على الافعال الطفولية ديالها و هو فرحان حيت ايتزوج منها و لكن ماعارفش بلي بهاد الزواج و بهاد الحب ايضمرو قلب شخص آخر لي هو الشاكمة لي كان كيضور فالحديقة ديال الدار و كيتأمل الورود لي كانو كاملهم فالاسود و كيفكر فحفيظة و بالو مشغول عليها و زيد عليها كان مامرتاح فدار الزنبقة كيحس براسو عالة على غيرو و خاص ادير شيحاجا فحياتو كأنه يرجع سائق سيارة كيما كان عند كوهينور هاد الاخيرة لي كانت سالات تشطاب الكوري و دارت التبن و الذرة و الما للكسيبة باش يخرجهم السراح ياكلو و لبسات الفوقية دجابادور لي عطاها اوسمان و اتاجهات للدار دخلات و مشات نيشان للكوزينة يالاه دخلات عليهم و هي تجلس

كوهينور: عيييت

ايطو:(قفزاتها) بسم الله الرحمن الرحيم منين خرجتي نتي

مايا:(عنقات كوهينور) فين كنتي تخلعنا عليك و مال شعرك مقطع

فاطنة:(كتشمشم فيها) و فيها ريحة د الغبار د النعاج اوووف

رابحة: قولي اكنور فين كنتي

كوهينور: اوك منين هربت باش نرجع لكازة تلاقيت مع واحد البنت و خداتني لواحد لبلاصة سميتها زنقة لعيون

يامنة:(كتنقي الجلبانة و ضرباتها بالقشرة) سكتي واااش مكتحشميش

كوهينور: اش قلت

ايطو: مشيتي لتماك و جايا عندي لهنا خرجييييي ليااااا من دااااري ماعندناش شيواحد كيمشي لتماك

مايا: ديك لبلاصة خايبة علاش مشيتي

كوهينور: بشوية عليكم راه كان حتى اوسمان تماك

يامنة:(شهقات) وييييلي ها لي قلنا هاد جوج بيناتهم شيحاجا

ايطو:(طارت على كوهينور لدوك جوج زغيبات لي عندها) علااااش كطيحي لباطل على ولدي ابنت الحراااام واش ماحشمتيش

ليووووم نشطب بيك الأرض

كوهينور: اي اخالتي اي خليني غير نفهملك

يامنة: و شوفي هاهياك لابسة الفوقية د جابادور ديال اوسمان

ايطو:(طاحلها الما فركابي و هي طلق من كوهينور و جلسات فالارض ) اش درتي معاه الكلبة هضري اشياطة هضري

كوهينور:(شادة فشعرها) مادرت والو

ايطو: (كتحرك السبابة ديالها بلا ) لا لا لا ولدي ماغاديش اتزوج بيك راه خاطب بنت الناس و بنت العائلة لكبيرة و كيبغيييها

كوهينور: و مالي انااا قلتلو تزوج بياااا راه مكنحملوش

ايطو: شفتيييه هو كيبغيك الحمارة (بغات تنوض ليها و هي تخبع كوهينور مور مايا)

كوهينور: راه كان فزنقة لعيون عند هاديك لي جابتني لتماك و لقاني و ضربني بزااااف و قطعلي شعري و الله اخالتي مادرنا شيحاجا و زيد عليها نعست فالكوري و صباح فيقني مع 6 بواحد السطل ديال الماء باااارد و نضت حلبت البقرة و جبت البيض و صيفطتهم معاه و شطبت لكوري و عطيت للكسيبة ياكلو و هاد الفوقانية ديال جابادور لي عطاني غير حيت تقطعولي حوايجي

يامنة: و بغيتينا نتيقو هادشي

كوهينور: سيري سوليه (كتمسكن على ايطو) ولدك اخالتي مربي مكيديرش هادشي و مكيقربش للبنات تبارك الله عليه (كتهضر مع راسها) الليمسخني

ايطو:(كتنفخ ) بطبيعة الحال ولدي اوسمان مربي و ماشي بحالك

كوهينور: و قالي نجي نعاونكم فالكوزينة

فاطنة: خرجي منهنا و نتي ريحتك كتقلب و انا حاملة راه خنقتيني

ايطو: سيري للحمام نووووضي غسلي وسخك

مايا : و انا نجيبلك الحوايج غير سيري

كوهينور: واخا ماقلتي عيب (تسلتات كوهينور من الكوزينة و هي ضربها بجرية للحمام بغات دخل و هي تشوف واحد الجفنة ديال القزدير كبيرة وواسعة كيغسلو فيها لفراش و هي طيح عليها فكرة ناضت هزاتها و بدأت كتجر فيها واخا تقيلة حتى دخلاتها للحمام و حطاتها و عمراتها بالماء و هي تحيد حوايجها و هي دخل فيها كتسترخى مع راسها ز مغمضة عينيها و مرتااااحة …اما اوسمان دخل للكوزينة من بعد ما مشا للكوري و لقا كولشي هو هاداك )

اوسمان: فين هي كوهينور

ايطو: جابك الله اولدي تقولي فين لقيتي ديك الموصيبة ياك حتى قلنا تهنينا منها

اوسمان: ماكاين مشكل ايما خليها تتعلم الشغل راه ولفات لخنات

ايطو: هي نعلمها؟

اوسمان: ديري فيها لي عجبك

ايطو: سير اولدي الله ارضي عليك و نشوفوك عريس ان شاء الله

اوسمان: امين فينها بعدا

ايطو: مشات للحمام

اوسمان: راني قلتلها تمشي تعاونكم

ايطو: اوا كيما قلتي ولفات لخنات قالتلنا ماقداتش و عيات و مشات للحمام

اوسمان:(كيزير على القبضة ديدو ) مزيان اوا نخليكم دابا (خرج اوسمان من الكوزينة و هو شاعل و مشا ديريكت للحمام حل الباب و دخل و هو كيقلب بعينيه حتى توضحات ليه الصورة ديال كوهينور فالجفنة و مرخية و صدرها و فخادها عريانين بقا كيشوف فيها و نسا كاع علاش جا سحراتو بجمالها و مشاتلو الهضرة …حتى حلات كوهينور شوية عينيها و شافتو قبالتها و هي تغطي صدرها بيديها و تخشات فالماء و اوسمان عاد عاق براسو و ضار )

كوهينور: واااش حماااقيتي باش داخل عندي حتى لهنا

اوسمان: فاش كدخلي نتي لعندي عادي و فاش كندخل انا كنكون حمق

كوهينور: ماشي بحال بحال انا راه بنت و حشوووومة كاع

اوسمان: ماتفرعيليش راسي نوضي تهزي من تماك و سيري عاونيهم ياك قلتهالك

كوهينور: خالتي ايطو قالتلي نغسل حالتي حيت كانت فيا ريحة خايبة

اوسمان:(ضار عندها كيخنزر فيها) و كتكدبي ؟ قالتلي يما بلي مابغيتيش تعاونيهم و مشيتي للحمام

كوهينور: هادشي كدوب

اوسمان؛ دابا انا مي كدابة؟؟؟؟

كوهينور: لا ماشي هكك غير غلطات و صاف

اوسمان: نوضي خرجي دابا

كوهينور: واخا واخا غير خرج عليا منهنا باش ندوش دغيا و نخرج

اوسمان: و الله و تعطلي حتى نجبدك من تماك

كوهينور: نتا اصلا داكشي لي بغيتي

اوسمان: على زينك

كوهينور: و مالك كرهتيها و غير قرب و شوف اشندير فيك لبارح بستك و اليوم ن…

اوسمان:(قاطعها) سكتي باراكا من هاد ضسارة و لا راه انطلعو معاك حتى تشوفي نجوم

كوهينور: (كتشوف فظفارها ) علاه انا كرهت راه تقبتي بغات لونيس ههههه

اوسمان: وليني مكتحشميش سربي هاني انتسناك برا غادي تعطلي انتفاهم معاك

كوهينور: الحوايج راه عند مايا قوليها تجيبهم ليا

خرج اوسمان من تماك قبل مايرتاكب فيها شي جريمة راه كتقلب عليها نيت …بقا واقف فباب الحمام حتى جات مايا

مايا: خويا اش كدير هنا

اوسمان: دخليلها حوايجها تلبسهم دغيا راه ضسرات

مايا: واخا اخويا (دخلات مايا عند كوهينور لقاتها كتغسل شعرها و دغيا سالات ) غرج ليك داك شعر نيت

كوهينور: شفتي كيدارلي اختي شفتي

مايا: نتي لي كتعصبيه لاش هربتي كاع

كوهينور: غير تهناي مابقيتش انهرب انبقا هنا حتى نتزوج خوك

مايا: ويلي سكتي دابا يسمعك

كوهينور: و يسمع هو بغاني نجلس وهاني جالسة نيت

مايا: هههه حمقة و ديريها

كوهينور: (كدير الصابون باش تشلل) ايه والله حتى نديرها

مايا: (كتشوف فالجفنة) اش درتي بهاد الجفنة

كوهينور: رخيت عضامي و صاف

مايا: تشوفك خالتك ايطو توريك

كوهينور: راه قالت لاوسمان بلي انا لي بغيت ندوش ماشي هي لي صافطاتني

مايا: ماعليك غير بالصبر

كوهينور: مك مكتحملنيش

مايا: اوا حاولي تكسبيها لصفك

كوهينور: كيندير؟

مايا: حتى نمشيو للبيت و نقولك وا سربي

كوهينور: هاني شللت صافي

مايا: طايتك زوينة و مافيهاش شعر

كوهينور: كنتهلى فيها بالبروتينات ولاصال

مايا: شنو هوما هادو

كوهينور:(لبسات لبينوار كتنشف) زعما دوا

مايا: و فين اتلقاي هادشي هنا ؟

كوهينور: الفيتامينات نلقاهم عند خوك هههههه

مايا: ههه لبسي هاكي (عطاتها دوبياس و ديباردور و سروالو و قميص فالشيبي و درة ديال حياتي)

كوهينور:(كتلبس ) غادي نبقا نتعتر فهادشي طويل

مايا: ماعندك ماديري الى بغيتي تكوني بحالنا لبسي

كوهينور: آمري لله …

لبسات كوهينور حوايجها و لوات شعرها فالدرة ديال حياتي و خرجات مع مايا و هي ضرب فاوسمان حدا الباب

كوهينور: هاني ساليت

اوسمان: على سلامتنا سيري للكوزينة يالاه

كوهينور: و مالك حاضيني ماعندك شغل

اوسمان: مسااااالي و شغلي معاك نتي

كوهينور: سير ديرلك شي خدمة راه سعيد و لحسن كاع مكيعمرو الدار

اوسمان: (جبد فيها حجبانو و كيقلي لها السم) كنعمر الدار حيت انا هو المير و انجلس نحكم كيما بغيت و فأي واحد بغيت

كوهينور: (تنهدات) صافي راحنا عارفينك نتا هو الكل فالكل هنا بلاش من التكبر

اوسمان: شوف شكووون كيهضر على التكبر مانعرف شكون كان كيجي للجامعة و هو نافخ ريشو و الأرض ماهازاهش

كوهينور: من حقي نتكبر نسيتي شكون انا

اوسمان: (وقف قبالتها و مرة أخرى شرارة التحدي فعينيه) مكيهمش شكون نتي راه كنا و كنتو و صرنا و صرتو و دابا اتكوني لي بغيت انااااا

كوهينور: الذهب عمرو كيرجع نحاس واخا تعيا تصبغ فيه كتفهم

مايا: الليهديكم ماشي وقت هاد الهضرة (كتجر كوهينور) زيدي

اوسمان: نتي لي غادي توجدي لينا لغدا ليوم

كوهينور: مكنعرفش نطيب

اوسمان: كتعرفي غير تهضري اوا سيري عومي بحرك باش تعلمي تجاوبي معايا مرة أخرى

مايا: (نغزات كوهينور) انا غادي نكولك اشنو ديري غير زيدي

اوسمان: لا ماغادي يدخل معاها حتى واحد للكوزينة ادخل بوحدها

كوهينور: واش حماقيتي واش من الكوري للكوزينة و انا ماعارفة نقلي حتى بيضة

اوسمان: ماشي مشكلتي هاديك المشكلة ديال مك لي ماعرفاتش تربيك و تعلمك شغل

كوهينور:(تزعزعات فبلاصتها و تحجرو الدموع فعينيها ) ماما ماتت فاش كانت كتولدني و مارضعت حتى حليبها و لا شميت ريحتها (ابتاسمات بقهر) و لكن نتا ماغاديش تعرف هادشي حيت نتا عندك ماماك ماشي بحالي (ضارت مشات بحالها و تبعاتها مايا و خلات اوسمان تماك مصدوم بحال الى ضرباتو بتصرفيقة حس باحساس خايب ماكانش عليه اقولها هكك و يجرحها …مشا رجع لبيتو و هو مقلق من داكشي لي قال …اما كوهينور دخلات للكوزينة عندهم و هي ساخطة على الوضعية )

رابحة: بصحتك اختي

كوهينور:(ابتاسمات ليها واخا مقلقة) اعطيك صحة

ايطو:(كطلع فيها و تنزل منبعد ماكانت كتعجن ) نتي لي اطيبي لخبز

مايا: يما راه خويا بغاها هي لي تصايب لغدا و مايعاونها حتى واحد

فاطنة:(فرحانة) ربي ربي يا فرحي يا سعدي نمشي نعس شوية راني عييت (حطات البصلة لي كانت كتنقي)

يامنة: (ناضت ) اوا تهلاي فالكوزينة و راه كنتغداو مع 2 و دابا رآها 12

ايطو: حتى هاد العجين كمليه نتي يدي ضروني

بداو كيخرجو وحدة مور وحدة و بقات غير كوهينور و مايا و عاد دخلات عندهم هنية و زهرة

كوهينور: عتقيني امايا راني ماعارفة مندير

مايا: الى شافني خويا كنعاونك ايقتلني

هنية : ماتخافيش غادي نعاونوها و زهرة تحضي الباب

كوهينور: شكرا بزاف

هنية: مرحبا فوقما احتاجيتي شيحاجا طلبيها مني

كوهينور: ماكنتيش كتهضري معايا فالاول كيحسابلي مكتحملينيش بحال ماماك

هنية: لا انا كنقرا داكشي علاش مكتشوفنيش صباح و فاش كنرجع كنعس

كوهينور: و زهرة لغزالة ديالنا كتقرا ؟ (كتبتاسم مع زهرة)

هنية: هه العام الجاي ادخل للمدرسة

كوهينور: و علاش نتي مكتقرايش (كتشوف فمايا)

مايا: و شكون قالك ماقريتش انا خديت الباك و خرجت جلست

هنية: و حتى انا منين اناخد الباك انجلس(علامات الحزن) حيت هادي العادات

كوهينور: العادات ديالكم قاسحين

مايا: ماعندنا مانديرو البنت ديما كتعاني خاصة إلى كانت البيئة فاش عايشة متشددة بحالنا اما راه كاينين شي بنات من عندنا خداو الباك و كملو قرايتهم

كوهينور: هكاك

مايا: اوا باراكا من الهضرة نوضي نقادو الغدا دغيا قبل مايدخل شي حد و يحصلنا

هنية : شنو انديرو بعدا

مايا: قالت يما انديرو رفيسة

كوهينور: شنو هي هادي

مايا: ماشي مهم دابا خاص نصايبوها دغيا انا انقلي دجاج و هنية اتعجن الملوي

كوهينور: و انا ؟

مايا: اتنقي الحلبة و العدس (كباتلها الحلبة و العدس فواحد الطبسيل)

كوهينور: كيفاش انقيه

مايا: الى لقيتي فيه الخش ولا الحجر حيديهم صافي

كوهينور: يالاه سربييو دغيا

زهرة: و انا؟

مايا: اتاسانو نتي حضي لينا لباب واش جاي شيواحد صافي

زهرة : واخا …

بقاو لبنات كيطيبو و كل وحدة و المهمة ديالها هنية بدأت كطيب الخبز و كتوري لكوهينور كيفاش كتعجن و كتورق و ككطيب الملوي و هي عين فيها و عين فداكشي لي كتنقي حتى سالات هنية الملوي و مشات كتقاد الكاشير لي كيكون فوق الدجاج و مايا كتقلي 4 دجاجات فالطنجرة فيها زيت و كتسد عليهم و ترجع تحل تشوفهم واش تحمرو حتى جات زهرة كتجري

زهرة: عمي اوسمان عمي اوسمان

مايا: ويلي خويا جاي (مشات كتجري )

كوهينور: اويلي اشندير انا

هنية: جلسي حدا الطنجرة (مشات كتجري تبعات مايا و تبعاتهم زهرة و تخبعو مور لخناشي ديال طحين و كيطلو بشوية حتى دخل اوسمان للكوزينة عند كوهينور و لقاها جالسة حدا الطنجرة و كتحرك دجاج )

اوسمان:(ابتاسم) شنو ناوية طيبي لينا

كوهينور:(ضارت عندو) الرفيسة

اوسمان: (بقا كيشوف فالبوطاجي) و هاد الملوي شكون طيبو

كوهينور: انا

اوسمان: (شاف فيها بشك ) اجي غطيه

كوهينور:(غطات الطنجرة و ناضت جابت منديلة و غطات الملوي و فاش بغات ترجع فين كانت و هي تحس بيدين اوسمان محاوطين الخصر ديالها و ملسقها مع البوطاجي) اش اش كدير

اوسمان: (عض على شنايفو و شاف فيها ) قبيلة مكانش خاصني نقول ديك الهضرة على ماماك

كوهينور: (حيداتلو يديه ) هانيا ماوقع والو

اوسمان:(شدها من يديها) سمحيلي

كوهنور: شنو شنو قلتي؟؟؟

اوسمان:(تنهد) مكنحملش نطلب سماحة ولكن حسيت براسي غلطت و طلبتها

كوهينور:(ابتاسمات)

اوسمان: كملي الطياب انا انمشي

كوهينور: واخا

اوسمان: اه و بغيت نقولك حسبي ماما بحال ماماك

كوهينور: واخا

اوسمان: (ابتاسملها) الليعاون

خرج اوسمان و الفرحة باينة على وجه كوهينور خاص أنه طلب السماحة بقات متبعالو العين حتى غير و خرجو لبنات من مورا الخناشي مشاو كيجريو لعندها

مايا: ويلي ويلي اش درتو ههههه

هنية: مابقاتش الحشمة واش عمي اوسمان هادا لي خاطب و صدق كيبغي كوهينور

كوهينور: مامتيقااااش طلب مني السماحة واااو

مايا: فيقي من الصدمة دابا و شوفي دجاج ياكما تحرق والله حتى تحرقنا يما كاملين

كوهينور: سربيييو سربييو راه قوادت الى رجع اوسمان و شافكم

زهرة: (كتشوف فهنية و كتجبدها من البيجامة) شناهي قوادت اهنية

هنية: احم هي ضاعت صافي سيري تلعبي سيري

زهرة: واخا

مايا: سربيو نساليو راه قربات جوج

هنية : راه تحمر الدجاج و طابت المرقة

مايا: جيبي دوك جوج كصعات نقادو فيهم رفيسة

كوهينور: واخا (مشات جابت الكصعات و حطاتهم فوق البوطاجي) هاهوما

مايا: صاف سيري وجدي لفراشط نتي

كوهينور:(مشات جبدات من لمجر لفراشط و ستفاتهم و فاش رجعات لقات مايا و هنية قادو كصاعي ديال رفيسة ) أممم هادشي بنين

مايا: صافي حنا انمشيو بقا خاصك ديري حاجا وحدة

كوهينور: شنو هي

هنية:(عطاتها لوز ) هادا حطيه فوق الرفيسة و سلقي البيض و قشريه و قسميه على النص و حطيه فوق دجاج

مايا: باش ابان بلي نتي لي درتي هادشي

كوهينور: صافي واخا

هنية: يالاه تهلاي

كوهينور: شكرا بزاااف

مايا: هانيا اتاسانو

خرجات كل من مايا و هنية و زهرة و دارت كوهينور نفس داكشي لي قالوه ليها بالحرف الواحد و زينات داكشي و قاداتو و بقات كتسنى حتى جات عندها مايا

مايا: راه تجمعو على الطبلة (هزات الكصعة) هزي الكصعة الأخرى و تبعيني

كوهينور: اووف واخا (هزات الكصعة و مشات من مور مايا حتى وصلو و حطات الكصعة و كاع العيون عليها و على دوك الكصاعي لي كيشهيو و مبهوطين حيت حكرو كوهينور و كيقولو ميمكنش اكون هادشي بصح ) بالصحة و الراحة

الكبيرة: بنتي اجي حدايا كاع ماشفتكش بلي رجعتي

كوهينور:(مشات سلمات عليها و جلسات حداها) اه رجعت

الكبيرة: ماتعاوديش تهربي راه تشوشنا عليك

كوهينور: لهلا اخطيك عليا

مبارك: تبارك الله الغدا باين غير من شكلو كيشهي

مايا: راه كوهينور هي لي طيبات لغدا

مبارك: بصح؟ تبارك الله عليك واخا فالاول ماكانش كيحسابني حادكة

كوهينور: بالصحة و الراحة اعمي

ايطو:(ماعجبهاش الحال) اوا هاكي شدي منين درتي هاد لغدا(جبدات 20 درهم مكمشة و مداتها ليها ) هادشي لي كتستاهلي

كوهينور:(شدات ديك 20 درهم و هي فرحانة ولكن كولشي سكت و بقا كيشوف بعينيه فهاد المنكر حيت ايطو منين عطات 20 درهم قصدات بيها بلي كوهينور بحالها بحال القحبات لي فزنقة لعيون )

اوسمان:(زير على القبضة ديالو و شاف الفرحة كيفاش ترسمات على عينين كوهينور و كون عرفات هاد الجيست لي دارت معاها ايطو ايبقا فيها الحال ) هاد 20 درهم قليلة فحق كوهينور حيت راه دارت غدا زوين بزاف و اول مرة (كيبتاسم و جبد رزمة ديال لفلوس و عطاها لكوهينور ) تستاهلي كثر

كوهينور:(بقات كتشوف فدوك لفلوس مبهوطة) هادشي بزاف

اوسمان: بصحتك نبداو الماكلة

الكبيرة: (كتبتاسم و هي كتشوف ف ايطو لي كرهات راسها بهاد التصرف لي دار اوسمان ) نبداو اولدي

بداو كياكلو و عيون اوسمان كتاكل كوهينور هاد الاخيرة لي اول مرة دوق الرفيسة و عجباتها و اول مرة مابغاتش تاكل بالفورشيط و بدات كتاكل بيديها بحالهم و هي مبتاسمة و فرحانة حتى سالاو الماكلة و ناضت جمعات الطبلة مع مايا و هنية و دخلو للكوزينة

مايا: مامتيقاش هادشي لي دار خويا عرفتي شناهي اعطيك رزمة ديال لفلوس ههه راه راضي عليك

كوهينور: ولكن امايا راه ماشي انا لي درت لغدا خاص نعتارفلو

هنية: ويلي سكتي واش هبلتي غادي نمشيو فيها

كوهينور: واخا هاكا خاص نقولهالو و نردلو فلوسو

مايا: على خاطرك اختي

هنية: كوهينور خودي شلال و عطيهم اغسلو (وراتها كيفاش) صافي

كوهينور: (هزات الشلال و المقراش ديالو و خرجات عندهم عطاتهم اغسلو واحد بواحد غير وصلات لعند اوسمان و هو يتسالا لما فلمقراش) تسالا لما انمشي نعمرو

اوسمان: بلاش غير خليك انا انمشي نغسل يدي

ايطو:(كتخنزر فكوهينور) منين تغسل يديك اولدي اجي نهضرو على الدهاز لي اناخدو لبنتي ميرا

اوسمان: هاداك سوق لعيالات ماشي سوقي ايما

ايطو: ضروري خاص الراجل اشوف دهاز لي تقضاو حبابو لمرتو

اوسمان: صافي صافي (مشا يغسل يديه)

كوهينور:(رجعات للكوزينة و حطات الشلال و جلسات تماك و هي شادة ديك الرزمة ديال لفلوس كتشوف فيها ) دابا كيفاش اندير نقولو ماشي انا لي طيبت لغدا اووف

مايا: (دخلات للكوزينة) نتي باقا هنا يالاه تشوفي لحوايج لي جبنا لميرا

كوهينور: علاش انشوف لحوايج شنو علاقتي انا

مايا:(جلسات حداها) اوا ماعرفتي نتي لي تاخدي دوك لحوايج نوضي نوضي

كوهينور:(ناضت كوهينور و مشات مع ميرا و دخلو للبيت لقاو كولشي مجموع من غير رجال حتى دخل اوسمان حتى هو و جلسو كيشوفو ) هادشي زوين بزاف ميرا غادي يعجبها هادشي

يامنة: معلوووم اعجبها راه خارج من الدار لكبيرة

كوهينور: فوقاش العرس

الكبيرة: الشهر الجاي ابنتي

كوهينور:(شافت ف اوسمان لي كان حتى هو كيشوف فيها ) الله اكمل كولشي مبارك و مسعود

اوسمان: امين

مايا: شوفي اكوهينور هادي السبنية ديال الامازيغ كيكون فيها الصفر و الأخضر و الحمر (دارتها فوق شعر كوهينور) جات عليك كتحمق

فاطنة:(حيداتها ليها) واش هبلتي السبنية كديرها غير لعروسة

مايا: انا غير وريتها سبنية

فاطنة: باراكا عليها سرقات الخاتم اوا توقر عليها سبنية

كوهينور: انا ماسرقتوش نتوما لي قلتو بلي الى طاح الخاتم مكتلبسوش لعروسة و فاش جربتو واتاني

ايطو: غير بخري بيه راحنا صيفطنا خاتم كبير و غالي لميرا فين ابان هاداك

كوهينور: مزيان (ناضت ) اوا خليتلكم الراحة شوفو لحوايج براحتكم (خرجات كوهينور و توجهات للبيت ديال مايا و جلسات كتشوف فالسقف و كتفكر شحال من حاجا دازت فحياتها )

اوسمان:(بقات الهضرة عالقة ففمو و فالاخير هضر) تبقاو تعاملو معاها شوية مزيان راه بدات كتولي ظريفة

ايطو: شوف ا اوسمان مابغيتش نهضر قدام باك وولاد عمامك ولكن راه زدتي فيه نتا راه قريب تتزوج الليرضي عليك بعد من ديك البنت و ماتقربش ليها ماقادين على صداع

اوسمان: علاه اش قلتلكم دابا راه طلبت منكم تعاملو معاها مزيان حيت انا جبتها و انا لي من حقي بوحدي نتعامل معاها خايب

ايطو: لا جري علينا من دار حسن و جلس فيها نتا و ياها

اوسمان: حاشا ايما

لكبيرة: فست فست و نوضو جمعو لحوايج حطوهم فالباليزات

اوسمان:(ناض خرج حتى هو بحالو و مشا لبرا لفدادن اشوف شغل كيف غادي )

اوا وصل الليل و سكاتو و نجومو لي كضوي السما الكحلة و كتعطي بريق زوين …و كانت لالة حنان يالاه سالاو ليها الميكاب و شعر و شافت راسها فالمراية ماتيقاتش بلي هي هاديك جات كتهبل و ضارت عند حورية

حنان: واش هادي انا ؟ وااو

حورية: ههه نتي هادي احبيبتي جيتي كتحمقي الليحفظك

حنان: شكرا ليك

حورية: ماشي دابا لي تشكريني نوضي لبسي الغوب لي وجدتلك انا راه لبست حوايجي و ساليت (كانت لابسة غوب فالازرق الملكي و طالقة شعرها )

حنان: شنو انلبس

حورية: (جبدات ليها الغوب فالغوز قصيرة و مزيرة من الصدر و كتبين المفاتن) هادي

حنان: ويلي لا منقدرش حشووومة

حورية: اويلي على حشومة واش حماقيتي درنا هادشي كاملو و كتقوليلي حشومة…

حنان: و الى ماعجبوش يوسف الحال

حورية: شوفي احنان حنا تافقنا نخليوه اشوفك كأنثى و تبيني حتى نتي راسك و تكوني حسن من فيروز

حنان: اه داكشي لي بغيت نكون

حورية: اوا صاف غير زعمي و اهم حاجا الثقة بالنفس

حنان: كيما بغيتي هاني انلبس

حورية: (عطاتها الغوب و الطالون ديالها) يالاه لبسي انا غادي نخرج مع الفرقة ديالي لبرا نشوفهم ركبو و انتسناك لتحت صافي

حنان: واخا

خرجات حورية مع الفرقة ديالها هبطات معاهم للتحت شافتهم ركبو و رجعات دخلات للدار حتى تكلم معاها الزنبقة

الزنبقة: فين غبرتو هاد نهار

حورية: والو بقينا انا و حنان كنهضرو على أمور ديال العيالات و صاف

الزنبقة: اتخرجو دابا ؟

حورية: اه كنتسناها تلبس حوايجها

حنان:(قاطعاتهم ) صافي يالاه نمشيو

ضار لعندها الزنبقة و هو مامتيقش شنو كيشوف قدامو تبلوكا فيها و كاع الحواس ديالو مركزين عليها شاف و لأول مرة الجمال لي كانت كتخبيه و بينات المفاتن ديالها و ملامحها الشرقية الجذابة بماكياج ترابي ركزات فيه على عينيها الخضراوتين لي كيحسرو كل من شاف فيهم لان فالداخل ديالهم قوة و براءة و ايضا أحمر شفاه قاتم للشفتين ديالها لي غير كتوتر كتعضهم كيما كدير فهاد الاثناء و شعرها الحريري لي هابط على ثنايا جسمها و لمعانه ابتداءا من صدرها الواقف و العامر لي كتبان الشقة ديالو بسبب الفستان القصير وصولا إلى الساقين الطويلتين و الامعتين لي كيرجفو و هي واقفة قدامو و ريحتها كضرب فيه على بعد كيلوميتر …تزنك و قلبو بقا كيضرب حيت شافها هكك و هي كتمشى ليهونش كيتمشاو معاها حتى وصلات عندهم و دايرة ابتسامة

حنان: (كتهضر مع حورية) نمشيو؟

الزنبقة: حنان..

حنان:(شافت فيه) نعام

الزنبقة: سيري بدلي هاد لحوايج راه ماتماش

حنان: علاش؟

الزنبقة: جسمك كيبان

حنان: ماشي شغلك انا حرة ندير لي بغيت

الزنبقة: ياك المرضية

حنان: يالاه احورية (سبقاتها لطوموبيل و ركبات عاد ركبات حورية حداها)

حورية: نااااري حسيت بيه طاح على راسو

حنان: هههه خليه هو لي بغا يدخل للحرب

حورية: ههه زيدي نمشيو قبل ماينكدها علينا

اتاجهو بطلاتنا لطريقهم قاصدين مطعم متواجد وسط البحر شدلهم الطريق طوييل بقاو كيمشييو و يمشييو حتى و اخيرا وصلو ليه و دخلو و غير حطو رجليهم كاع الأنظار اتاجهات ليهم خاصة حنان لي كانت آية فالجمال و كاع رجال كياكلوها بعينيهم و ماكرهوش اهضرو معاها و يتوددو ليها …رشدهم الناذل للمقعد ديالهم و مشاو جلسو و حنان قاطعة فيها النفس مامرتاحاش

حورية: مالك مزيرة

حنان: مارتاحيتش فهاد لباس حسيت كولشي كيشوف فيا و حشمت

حورية: راه طلعتي كتحمقي بالزين بطبيعة الحال ايشوفو فيك

حنان: كون غير درنا بناقص باش جايباتي لهنا كاع منعرف ناكل بحالهم

حورية: ترخاي و تيقي فراسك انطلبو نبيذ هو لول و نختارو من بعد شنو اناكلو

حنان: واخا

طلبات حورية النبيذ و هزو الكيسان كيشربو بكل ثقالة و كيهضرو فالخطط القادمة ليهم حتى تجر الكرسي لي حداهم و جلس شخص غير مرغوب فيه …

حورية: اش باغي

سراج:(اياكل حنان بعينيه) مامتيقش بلي نتي هادي لي قدامي اش هاد الجمال كاملو

حنان: حورية يالاه نوضو منهنا

سراج: لا احنان جلسي عفاك خلينا نهضرو كنواعدك ماغاديش نصدعك

حنان: التواجد ديالك بوحدو كيصدعني

سراج: كنت وصيت رجالي غير تخرجي من دار الزنبقة اعلموني و شاءت الأقدار و قدرت نتلاقا بيك مرة أخرى

حورية: عليها عرفتي فين حنا

حنان: سراج سير منهنا الا عرف الزنبقة بلي راك هنا ماغاديش اعجبو الحال

سراج: الزنبقة الزنبقة الزنبقة صدعتيني بيييه شنو ايكوون فملك الله حتى هو راه كان كيخونك مع فيروز (طلع يدو بغا يحيد خصلة من شعرها من على عينيها و لكن شداتو يد من المعصم ديالو و زيرات عليه )

الزنبقة:(كيهضر تحت سنانو) الزنبقة هو لي غادي يقبض روحك دابا

حنان: يوسف …

الزنبقة: سكتي نتي

حورية: بلا هاد شوهة زيدو نمشيو

سراج: علاااش اتمشيو و السهرة عاد بدات (كيستفز الزنبقة) جلس خلينا نهضرو

الزنبقة:(عطا إشارة بيديه و فجأة تخوا المطعم و جر الزنبقة الكرسي مقابل مع سراج) نتا عارف بلي هادشي لي درتيه نقدر نقتلك عليه

سراج: و نتا عارف بلي مكنخافش منك و بصراحة نهايتك قربات

الزنبقة: هههههههههه قتلتيني بالضحك واش عارف شكون انا

سراج: المالك الحالي لجوهرة الكوهينور و لي كاع رجال العصابة باغيين اصفيوهاليه و لكن قبل بغاو اتجمعو فدارك و يهضرو معاك باش تعطيهم الكوهينور

الزنبقة: مكنخاف من حد و الكوهينور بلاصتها عندي و ماغاديش نعطيهالكم كأداة للتدمير

سراج: انا علمتك غير وجد شي عشا زوين حيت انجيب معايا فيروز (غمزو)

الزنبقة: شنو بغيتي من هادشي كاملو

سراج: (بنظرة تحدي ) حنان

الزنبقة: غير حلم رآها ديالي

سراج: انتقاتل باش نديها

حنان:(ضربات فالطبلة و ناضت غوتات عليهم) بااااراااكا من هادشي انا ماشي عبدة و لا غرض كتلعبو بيه و كل مرة عند واحد انا راه انسانة عندي رأي واش عمر شيواحد فيكم سولني شنو باغا؟ حتى واحد بجوجكم باغيين غير تمتالكوني و هادي عمرها تكون ليكم (خرجات حنان من المطعم متاجهة لجهة الطوموبيل حتى كتجبدها يد)

الزنبقة: نتي شنو باغا؟ هاني سولتك قوليلي واش عينك فيه باغاه هو ؟

حنان: (هبطات راسها) شوف حالتي كيفاش وليت و كيفاش تبدلت كظن على قبلو؟

الزنبقة: خرجيه من حيااااتك

حنان: هو لي تاااابعني

الزنبقة:(ضرب فالسرجم د طوموبيل) اوااا قوليلو اتقود منهااااا كتفهمي

حنان: قلتهالو ماشي مرة ماشي جوج و باقي كيتبعني

الزنبقة: اقسم بالله احنان و نعاود نشوفو كيضور بساحتك غادي نقتلو و نعاودلك ترابي

حنان: واااش نتا حمق مابيني و بينو والو

الزنبقة: و علاااااش بالضبط خرجتي هاد نهار و علاش بضبط فهاد الليلة

حنان: كنت…. كنت

الزنبقة: كنتي شنووووو؟؟؟؟

حنان: ماتستاهلش تعرف

حورية:(خرجات من المطعم لعندهم) مالكم صوتكم واصل للداخل

الزنبقة: حورية سيري لدار مع شيفور

حورية: و نتوما

الزنبقة: اناخد مرتي لواحد لبلاصة

حنان: ماعندك فين تاخدني

الزنبقة:(شدها من يديها دخلها لطوموبيل بزعاف ) راني كنآمرك مكنتشاورش معاك …

ركب الزنبقة فطوموبيلتو و مشا مكسيري فطريق و هو معصب

حنان: خفف السرعة واش باغي تقتلنا

الزنبقة: من فوقاش و نتي دايرة معاه باش تتلاقاو دوي

حنان: يووووسف واش كدوي منيتك

الزنبقة: تقاديتيلو و خرجتي تعشاي معاه و نسيتي بلي راك مرتي

حنان: واش كيحساب لك انا بحاااااالك

الزنبقة:(وقف الطوموبيل حتى تهزو فبلاصتهم و شدها من شعرها) عااااااودي اش قلتي و مااازااال فيك الهضرة كنتي غير باغا ترديلي البلان ديال فيروز واخا قلتلك بلي انبعد عليها. درتي لي فراسك

حنان:(كتألم و كتحاول تحيدلو يدو) بعد مني طلااااق

الزنبقة: شوفي صحتك كيف كتبان كااااملها رجعتي قحبة و مافخباريييش صدرك نصو عريان و فخاااادك خليتيييي زواااامل اتشهااااوك لحتي ليهم راسك باش اتمتعو فيك و اول واحد فيهم هو سراج

حنان:(غوتات فوجهو) حتى وااااحد فيييهم ماكان كيهمني لا سراج لا غيييرو انا لبست هاكا و تقاديت هاااكااااا على قبلك نتااا بغيتك تشوفني زوينة بغيت نتبدل على قبلك و تشوفني كبغيتي نتا

الزنبقة: (كيشوف فعينيها و طلق من شعرها ) علاش على قبلي ؟

حنان: ماعرفتش غير قلت الى شفتيتي زوينة انعجبك

الزنبقة:(حيد الماسك شوية من على فمو و ابتاسم ليها و فجأة و بدون سابق انذار انقض على فمها باسها بحنان و حس بلي مامنعاتوش بالعكس تفاعلات معاه عجبو الحال معاها و حس بلي ديك البوسة فيها شحال من ميساج بغاو اوصلوه لبعضياتهم او بالاحرى شحال من احساس توقف شوية بعد منها و كيشوف ليها فعينيها و هضر بصوت خافت و كيبورش) نتي راك ماشي غير عجبتيني نتي راه سطيتيني بهاد الزين لي عطاك الله

حنان:(توردو حنيكاتها و ابتاسمات) ماتبقاش تشك فيا حيت انا اخر وحدة تفكر تخونك ولا تسمح فيك

الزنبقة:(رجع كيبوس فيها و هاد المرة حاط يدو فوق صدرها حتى شهقات و حلات الثغر ديالها و دخل لسانو باش يلعب بلسانها و حاط اليد الآخرى مر الرقبة ديالها كيزيد اجبدها عندو…عجبوه بوساتها و الملمس الناعم لي فشنايفها …رجع للمقعد ديالو و هو كيشوف فيها و شادلها فيديها) اجي لعندي

حنان: فين؟

الزنبقة: طلعي فوقي (نوضها و جبدها عندو جلسات على حجرو و هي مفرقة رجليها و رجع كيبوسها و يديه فالطرمة ديالها فارقها و هي كتحاول تحيدلو يديه من تماك ولكن ماقدراتش غير حط يديه على التوتو تقلبو عينيها و بعدات فمها من. فمو باغا ترجع لبلاصتها )

حنان:(كتنهج) يوسف اش اش كدير خليني نرجع لبلاصتي؟

الزنبقة:(حاط راسو على راسها و هو مازال كيحرك صبعانو فالبظر ديالها ) ششش ماعندك فين ترجعي غير بقاي

حنان:(عاضة على شنايفها و كترجف و كدير انين خفيف و حشمانة تخرج الصوت) امممم باراكا عفاك اوووه

الزنبقة:(بدا كيحرك صبعانو بسرعة و كيشوف عينيها كيفاش مقلوبين و عاضة على شنايفها و هو عاد مازايد فالسرعة حتى. طلعات معاها تبوريشة و ماقدراتش تبقا ساكتة و غوتات)

حنان: اااااه امممم

الزنبقة:(ابتاسم و حيد يديه و حط راسها على كتفو ) باش كتحسي

حنان:(كتنهج) حسيت باحساس فشكل رجليا بقاو كيرجفو و ذاتي كاملها

الزنبقة:(باسها فراسها) و عرفتي هادا اش كيقولولو

حنان:(شافت فيه ) لا

الزنبقة: عجبك الحال ؟

حنان:(حشمات و هبطات راسها )

الزنبقة: واجاوبيني

حنان: (الصمت )

الزنبقة: كل مرة انبقا نديرلك هاكا

حنان: علاش؟

الزنبقة: حيت عجبك الحال هههه

حنان: انا ماقلتلكش عجبني

الزنبقة: هي ماعجبكش

حنان: ماقلتلكش معجبنيش

الزنبقة: هههه اوا شنو ؟

حنان: والو

الزنبقة: هاد الحشمة ديالك هي لي كتخليني ندير فيك هاكا ازمر هه

حنان: خودني للدار

الزنبقة: رتاحيلك شوية مازربانينش

حنان: علاش كدير ليا هاكا و نتا مكتبغينيش ؟

الزنبقة: شيحاجا فيك كتجبدني و قليل لبنات لي بحالك المشكلة فيا كنحس بلي منستاهلش نبغيك و لكن ماغادي نحرمك من حتى حاجا كتبقاي مراتي

حنان: لإمتى انبقا مراتك؟

الزنبقة: ديما هه باش نوريك مرة اخرى تجي لابسة كسوة العرس و كطلبي مني زواج

حنان: ههه تقزدرت داك نهار ولكن ماكنتش باغاك تحشم قدام ناس

الزنبقة: كتعجبني الجرأة ديالك

حنان:(زعمات و طلعات يديها جهة الماسك و حيداتوليه من فمو و باستو بوووسة طويلة و رجعات راسها لور كتشوف فيه)

الزنبقة:(كيشوف فيها) هادي اول مرة تبوسيني

حنان:(غمزة ) و ماشي آخر مرة هه (ناضت من حجرو و جلسات فبلاصتها و هي كتحس بحال الى بالت على الكيلوط ديالها هه)

الزنبقة:(كسيرا و ضرب الضورة للدار ديالو) ماقلتيليش شنو كان باغي منك سراج

حنان: ماعرفتش ولكن مكيهمنيش

الزنبقة: (بقا ساكت بحال الى ماعجبوش لحال)

حنان: مالك

الزنبقة: رجال العصابة ايجيو لداري و خاص نوجد شي عشا زوين اليق بيهم

حنان: علاش بغاو الكوهينور

الزنبقة: الكوهينور عندها علاقة بمنظمة الماسونية و الى مشات حتى طاحت فيديه غادي مضمرو دنيا

حنان: و نتا ماشي معاهم؟

الزنبقة: انا شفار و كاع داكشي لي سرقت كان كيمشي للخيريات اما الكوهينور سرقتها باش نعطيها لزعيم العصابات و تراجعت فاش عرفت الخطط ديالو

حنان: شكون هو

الزنبقة: حتى واحد مكيعرفو ولكن هو كيعرف كولشي

حنان: شنو ادير دابا

الزنبقة: حتى حاجا انوجد راسي ليهم و صاف ..بغاو الزنبقة غادي يلقاوه

حنان: كولشي ايكون مزيان ماديرش فبالك

الزنبقة: اوك …(رن هاتف الزنبقة و جاوب عليه) الو وي …مزيان فوقاش هادشي …اوك واخا شكرا …ان شاء الله …(قطع ووصلو ابطالنا للدار نزلة من طوموبيل و دخلو لدارهم و عيط الزنبقة لحنان)

الزنبقة: حنان

حنان: (ضارت عندو ) نعام

الزنبقة: ختك حفيظة عندها العرس غدا

حنان: شنووو اش كتقول كيفاش و امتى و شكون قالك هادشي

الزنبقة: تهدني بشوية عليك

حنان: كيفاش بشوية عليا راها كتزوج

الزنبقة: هي اتزوج بفهد و اتعيش معاه مزيان و غدا عرسهم و انديك تشوفيها و تفرحي معاها

حنان:(طاحتلها دمعة من عينيها) انا فرحانة ليها بزاف

الزنبقة:(مسح ليها. الدمعة ) صاف ماتبقايش مشوشة عليها حيت اتكون مع راجلها

حنان: الله اكمل عليهم بالخير

الزنبقة: امين

الشاكمة:(كان قريب ليهم و سمع كولشي و قلبو بدا كيضرب حس بالالم و الحزن و كيف لا و حب حياتو و البنت لي كان كيبلاني معاها غادي تتزوج غدا من شخص آخر نطق بصوت فيه بحة الم ) فوقاش بضبط العرس

حنان: (ضارت هي و يوسف لعندو بقات كتشوف فيه و شداتها البكية حيت عارفاه كيبغي ختها ) محمد انا كنت انقولك بلي حفيظة عند. واحد الولد كيبغيها و كتبغيه

الشاكمة: (وقفها بيديه) فوقاش العرس

الزنبقة: فصباح

الشاكمة: اوا خاص نمشيو نعسو حيت غدا انفيقو بكري باش نمشيو لعرس حفيظة

حنان: محمد ..(نظرات ترجي)

الشاكمة: تصبحو على خير

خرج الشاكمة من قدامهم متاجه لبيتو و الخطوات كيتزاكلولو النفس تقطعات فيه اشد الم حس بيه هو الم فراق الحبيب اما حنان بقا فيها بزاف حتى تحطو يدين يوسف على كتافها

الزنبقة: مالك

حنان: محمد كيبغي حفيظة و كان قالي غير انلقاوها ايخطبها من عندي

الزنبقة: الزواج ارزاق و قليل فاش تلقاي ليكوبل كيتزوجو بعضياتهم

حنان: ايكون مضمر

الزنبقة: غادي نتكلف بيه ماتخافيش

حنان: غلطت فاش خبيت عليه و ماقلتلوش راها كتبغي واحد آخر

الزنبقة: ماترديش اللومة على راسك هادشي لي كتاب

حنان هبطات راسها و توجهات لبيتها طالعة فالدروج و قلبها كيبكي قبل عينيها وصلات لبيتها و دخلات حيدات حوايجها و دخلات للدوش كتغسل ديك الحالة د الماكياج و هي كتفكر غير فحفيظة و محمد و هاد البلان كاااملو لي وقعلهم ..سالات الدوش و لوات عليها فوطة و خرجات لبسات بيجامة و دخلات ففراشها و كتحاول تنعس و توقف عقلها من التفكير …و فجهة أخرى عند كوهينور كانت هازة الطاس باش تغسل لأوسمان رجليه دخلات عندو لبيتو لقاتو عريان من لفوق و جالس

كوهينور: سمحلي مادقيتش لباب

اوسمان: دخلي (وقف قدامها) تعطلتي و انا فيا نعاس

كوهينور: (حطات الطاس فالارض ووقفات قبالتو جبداتلو الرزمة د لفلوس لي عطاها) خصني نردلك هاد لفلوس

اوسمان: هادو عطيتهوملك شديهم عندك

كوهينور: مانستاهلهمش حيت ماشي انا لي طيبت الغدا

اوسمان: كيفاش ؟

كوهينور: مايا و هنية عاونوني

اوسمان: أممم مزيان

كوهينور: كيفاش مزيان ماغاديش تغوت عليا

اوسمان: كنت عارف ماشي نتي لي طيبتيه حيت شفت لبنات مخبعين مور خناشي ديال طحين ولكن سكت باش نشوف واش تقوليهالي او نن

كوهينور: هاني قلتهالك اوا هاك شد فلوسك

اوسمان: خليهم ليك و لكن حيت ماشي نتي لي طيبتي لغدا غادي نعاقبك

كوهينور: بشنو ؟

اوسمان: منين تغسليلي رجلي اديريلي مساج لظهري باش نرتاح

كوهينور: (تنهدات) صاف واخا

اوسمان:(مشا جلس و تحنات كوهينور على ركابيها و بدأت كتسلت رجليه ) ولكن معاك بصح خاص تعلمي الطياب

كوهينور: اتعلمني مايا راه صافي تعلمت كيفاش نقاد رفيسة

اوسمان: مزيان

كوهينور: و منين اتزوج غادي تبقا مراتك طيبهالك و تغسلك رجليك

اوسمان: أممم

كوهينور:(كتنشفلو رجليه ) ساليت

اوسمان:(نعس على كرشو فوق النموسية ) يالاه ديري المساج

كوهينور:(حيدات القميص لي لابسة و بقات بشورط و ديباردور و طلعات فوقو فرقات رجليها و جلسات فظهرو و حطات يديها على كتافو كديرلو المساج ) شنو بانلك نديرلك الزيت و نكمل المساج

اوسمان: بلاش غير بقاي هاكا

كوهينور: على خاطرك (بقات كديرلو المساج مدة طويلة حتى بدأ النعاس كيطيحها و بلا ما تشعر نعسات فوق ظهرو اما هو حس بيها نعسات و بقا دقائق تابت عاد هبطها من فوقو بشوية و نعسها حداه كيشوف فيها و كيلعبلها فشعرها و ماهي الى دقائق نعس حتى هو فجنبها …)

أصبحنا و أصبح الملك لله

صبح نهار جديد فيه بزاف ديال الأحداث اتغير مصير كل شخص فهاد القصة …كانت حنان فايقة و مشات عند حورية

حنان: صباح النور

حورية: صباح الورد الوردة (جلساتها ) عاوديلي شنو وقع البارح بينك و بينو

حنان: هههه (حطات يديها على وجهها) لبسالة

حورية: احياني عليك الخطة ديالنا نجحااااات

حنان: و بزااف هه و زيدي عليها حفيظة اتزوج بفهد ليوم

حورية: شكون فهد و امتى ايتزوجو و فوقاش لقيتيها

حنان: كان قالي الزنبقة بلي رآها عند شيواحد كتبغيه و كيبغيها تلاقاتو فميريكان اوا و صاف بغاو اتزوجو

حورية: و نتي اتمشي

حنان: ضروري نمشي علاه عندي من غيرها ولكن بقا فيا الشاكمة حيت كيبغي حفيظة و بغا يحضر ليها

حورية: مسكين محمد مايستاهلش هادشي

حنان: (تنهدات) من جهة ختي و من جهة هو ماعرفت ماندير

حورية: صافي نساي عليك خاص توجدي راسك

حنان: و هادشي علاش جيت عندك قاديلي الماكياج و عطني شيحاجا نلبسها

حورية: ضروووري ابب علاه انا نساك

ناضت حورية كتقاد الماكياج لحنان دارتلها ميكاب تقيل و لبساتها غوب فالشيبي معرية من صدر و الكتاف و طويييلة و قاداتلها مشيطة جمعاتلها شعر و عطاتها طالون ماعاليش فالابيض

حورية: هاني ساليتلك جيتي كتحمقي

حنان: شكرا بزاف بلا بيك مكنتش انعرف شنو ندير

حورية: مابيناتناش الاهم. عندي هو تعجبيه ليوسف و تسرقيلو قلبو

حنان: يالاه انا انمشي دابا

حورية: سلميلي على حفيظة و قوليلها مبروك

حنان: واخا (خرجات حنان من عند حورية و اتاجهات للغرفة ديال الزنبقة و دقات )

الزنبقة:(كان لابس طقم اسود كعادته و الماسك ديالو ) دخل

حنان: (دخلات عندو ) صافي راه وجدت

الزنبقة:(ضار كيشوف فيها و كيطلع فيها و ينزل و مشا فاتجاهها) جيتي زوينة

حنان: (ابتاسمات) شكرا

الزنبقة: (شدلها يديها و بدا كيضورها ) غادي يحسدوك ليا بلا مانمشيو

حنان: اويلي لا خاص نحضرو هههه زيد نمشيو

الزنبقة: ههه واخا صافي (عطاها يديه باش تحط يديها )

حنان:(حطات يديها و تمو نازلين فالدروج حتى لمحات الشاكمة لابس لباس رسمي انيق لأول مرة اتشوفو بيه ) محمد اتمشي ؟

الشاكمة: (ابتاسم و من وراء تلك الابتسامة وجع كبير ) ضروري خاص نديرو صواب

حنان:(طلقات من يوسف و مشات عندو ) انا عارفة بلي هادشي صعيب عليك واخا تخبي

الشاكمة: (ضحك بحرقة) ههه عادي كتوقع يالاه نمشيو قبل مانتعطلو

الزنبقة: يالاه نمشيو انتعطلو …

ركبو ابطالنا فالسيارة و هوما متاجهين لحفل زفاف حزين كثر من انه مفرح بالنسبة لمحمد و بالرغم من هادشي كانت حفيظة فرحانة و اطير من فرحتها و هوما كيصايو ليها شعرها و الميكاب و سالاوه ليها بقات كتشوف فراسها مدة طويلة و فرحانة حتى دخل عندها رجل فالخمسينات من عمرو بكل أناقة و جنتلمانية و رقي لابس حتى هو لباس رسمي فالباج و الشيب مزين ليه شعرو و عاطيه وقار و الابتسامة مكتفارقوش اما هي غير شافتو وقفات قدامو كتساءل شكون هو

عزيز:(حط يديه على خدودها و باسها فراسها ) مرات ولدي طلعات اجمل بنت فهاد دنيا الليحفظك

حفيظة:(مبتاسمة) نتا هو الاب ديال فهد سمحلي معرفتكش

عزيز: هه جابتها اجمل فرصة باش نتعارفو انا فرحان حيت و اخيرا ولدي لقا البنت لي تعجبو و يدير معاها حياتو كنشكرك حيت خليتيني نحضر لهاد نهار

حفيظة: الوجود ديالك غادي يزيد ازين هاد المناسبة و شكرا على هضرتك الزوينة

عزيز: من اليوم اعتابريني انا الاب ديالك و انا لي انقدمك لعريسك

حفيظة: هادا شرف ليا

عزيز: يالاه نخليك توجدي راسك دغيا انمشي نشوف فهد راه متوتر ههه

حفيظة: هههه ياكما ندمان حيت ايتزوج

عزيز: ابدا غير الفرحة لي دارتهالو هه يالاه باي …

وصلات طوموبيل ديال الزنبقة لدار ديال فهد و هبطو كيشوفو الزينة لي زينو بيها دار طلعات واااعرة دخلو لداخل و هوما كيشوفو الحضور قلال ماشي كثار حتى تكلم فهد

فهد: مرحبا بالزنبقة (لابس لباس رسمي كذلك )

الزنبقة:(ضار عندو و عنقو) مبروك عليك

فهد: الليبارك فيك (كيشوف فحنان) كنظن نتي هي حنان

حنان: اه

فهد: مشاء الله زوينة بحال حفيظة

حنان: (ابتاسمات ليه ) شكرا

فهد:(مدلها يديه) انا فهد

حنان: متشرفين

فهد: كنعتاذر حيت جا هادشي دغيا خصوصا انه شحال هادا ماشفتي ختك

حنان: بالعكس كنشكرك حيت تهليتي فيها و ماسمحتيش فيها فاش مكنتش انا فجنبها

فهد: كنواعدك وعد رجال بلي عمرني نفرط فيها و لا نقص عليها حتى حاجا و كنواعدك بلي انبغيها ديما و مانخطاهاش

الشاكمة:(مزير على القبضة ديدو و من الغيظ ديالو تكلم ) لأمتى اتبقا تبغيها

فهد:(شاف فيه ) العفو

الشاكمة: شحال قدك تبغيها و تحميها و عمرك تسمح فيها واش اتكون معاها فالحلوة و المرة واش اتكون ليها اب و أخ و صديق قبل من حبيبها و راجلها واش تقدر تعرف طفولتها و شنو دوزات بلا ماتعاودليك

فهد: انا انكون ليها كولشي حيت كنبغيها

الشاكمة:(بغا يهضر و هي حنان تشدلو فيدو )

حنان: (كضحك ضحكة مزيفة ) هادا محمد هو بحال خوها و كيهضر هاكا حيت خايف عليها

فهد: عادي انا متفهمو بزاف

حنان: ممكن توصلني عند حفيظة نشوفها

فهد: اكيد تفضلي

حنان:(غمزات الزنبقة باش ابقا مع الشاكمة و مايخليش و مشات مع فهد) شكرا

الزنبقة: مالك اصاحبي اش ديك الهضرة قلتي

الشاكمة: عمركم ماغادي تحسو بيا (كيضرب على قلبو ) هادا كيتوجع و كيموت

الزنبقة: كاملنا دزنا من هاد طريق و لكن خصك تصبر راه مامكتاباش ليك ماعندك مادير

الشاكمة هبط راسو بأسى و هو كيتفكر الايام لي دوزو و فاش كانت كتقولو كنبغيك و تواعدو عمرهم اتفارقو ابتاسم مرة أخرى بحرقة و عينيه حمارو و وقفات ليه الشهقة فحلقو و كيصبر راسو اما حنان وصلات قدام البيت ديال ختها من بعد ما وصلها فهد و رجع بحالو …بقات مترددة و كاع الأحاسيس تجمعو فيها حلات الباب و دخلات لقات ختها لابسة فستان عرس رائع و دايرة تاج و طلعات واعرة طاحولها دموعها بلا ما تحس و نطقات بصعوبة

حنان: حفيظة

حفيظة:(ضارت بسرعة و مامتيقاش بلي ختها لي عيطاتلها مشات عنقاتها بجهد و كتبكي) حناااان اهئ اهئ فيين كنتي علاش خليتيني اهئ اهئ

حنان: ماخليتكش احفيظة بالي ديما معاك و كنت ديما كنفكر فيك و كندعي معاك تكوني بخير

حفيظة: اهئ اهئ كيحسابني عمرني نشوفك و عمرني نسمع صوتك و كنت مقلقة عليك اهئ اهئ

حنان:ششش صافي اضيعي الماكياج ديالك صافي سكتي ليوم خصك تفرحي ماشي تبكي (مسحات دموعها و مسحاتلها دموع)

حفيظة: قالولي تزوجتي بالزنبقة بلاصت كوهينور

حنان:(ابتاسمات ليها) اه

حفيظة: هادشي بسبابي تزوجتي واحد مكتبغيهش

حنان: انا مرتاحة معاه و كنتمنى تكوني مرتاحة مع فهد

حفيظة: انا كنبغيه لفهد بزاف تلاقيتو فامريكا و دوزنا ايام زوييينة بزاف لدرجة انه دخلني لعالم الفن و انولي مشهورة و نحقق احلامي معاه

حنان: و الشاكمة؟

حفيظة:(بقات ساكتا عاد دوات) قالهالك؟

حنان: كان ناوي غير نلقاوك اخطبك من عندي

حفيظة: واش كاين هنا ؟

حنان: اه كاين و حالتو مكتبشرش بالخير قلبو مضمر

حفيظة: دابا يلقا بنت الناس لي تبغيه و يبغيها

حنان:(ابتاسمات ليها) اميين و قوليلي كيفاش حتى بغيتو تزوجو بزربة

حفيظة: حيت انمشيو لميريكان هاد ليلة داكشي علاش اقتارح فهد عليا نتزوجو قبل مانمشيو

حنان: الله اكمل عليكم بالخير يا رب

عزيز:(دق الباب ) بنات ممكن ندخل هه

حفيظة: دخل اعمي كنعرفك هادي ختي حنان

عزيز: متشرفين اوا خاص نديك دابا عريسك كيتسنا على احر من الجمر

حفيظة:اه انمشي

حنان: صبري احفيظة ماتنسايش الفوال (قاداتو ليها )

حفيظة:(شدات فيد عزيز و هبطو كاملين من دروج غير وصلو كولشي بدا كيصفق و منباهر من جمال حفيظة اما فهد قلبو ايسكت من الفرحة و فجهة أخرى قلب محمد ايسكت من الغمة و القهرة ما علينا وصلات حفيظة لعند فهد حيدلها الفوال و باسلها راسها)

فهد: مامتيقش بلي نتي قدامي و اتولي حلالي كنبغييك بزاف

حفيظة: حتى انا كنبغيك

جلسو ابطالنا فالمقاعد ديالهم و العدول سولهم واش قابلين يتزوجو ووافقو بجوج ووقعو على العقد و تعلنو زوج و زوجة اما فجهة اخرى عند محمد مشا لعند حنان و همسلها فوذنها

الشاكمة: قولي لحفيظة تبعني حدا لبحر بغيت ندوي معاها

حنان: اويلي واش نتا حمق لاااا

الشاكمة: والله و ما تبغي تهضر معايا حتى نغوت باعلى صوتي و نقولهم كنبغيها

حنان: عفاك امحمد سكت ماضيعلهاش حياتها

الشاكمة: انا بغيت غير نهضر معاها احنان و ربي يسهل عليها (مشا الشاكمة خرج جيهت لبحر لي كان قريب من الدار و بقات حنان كتشوف فحفيظة و الضحكة ديالها هي و فهد و كيفاش اتقولها ليها …مشات لعندهم كتبارك ليهم زواج و همسات لحفيظة الاذن ديالها)

حنان: الشاكمة بغا يهضر معاك و قالي نقولك تمشي عندو لبحر

حفيظة: واش هبل كيييفاااش اندير نتلاقا بيه

حنان: انا غادي نلهي فهد غير سيري عندو قبل مايدير شيحاجا متهورة

حفيظة:(ضارت عند فهد) حبيبي انا انمشي للبيت دغيا و نرجع

فهد: اوك بب ماتعطليش

تسلتات حفيظة من حداهم و خرجات برا مشات فاتجاه لبحر و هي كتزرب باش تفري هاد الموضوع بقات غادة بانليها بعيد عاطيها بظهرو و كيشوف فالبحر و مشات كتجري عندو وقفات قدامو و هو غير شافها طاح على ركابيه مضمر و جلس كيشوف فيها

حفيظة:(طاحولها دموع) انا صافي تزوجت امحمد

الشاكمة: علاش ؟ شنو درتلك باش نستااااهل هادشي

حفيظة: و شنو بغيتيني ندير اهئ اهئ رجعت لعندكم مالقيت حتى واحد فيكم كلكم مشيتو و خليتوني بوحدي اهئ اهئ كنتي قلتيلي اتسناني و مالقيتكش

الشاكمة: كنت مجبوووور الزنبقة خداني كن تماك بزز عليا و انا قلبي ماطاوعنيييش نمشي بلا بيك

حفيظة: اهئ اهئ صافي دابا راك مشيتي فين هو داك الحب لي كنتي كتعاودلي عليه فينو؟؟؟

الشاكمة: (كيضرب على صدرو) ماااازاااال هنا حفيييظة و ايبقا هنااا و عمروووو يتحيد كنت كنحلم غير امتى نلقاك و نتزوجو و نسيت بلي نتي كتشوفي لفوق و كتقلبي على الفلوس (كيصفق) هانتي تزوجتي براجل لباس عليه و ايحقق ليك بغيتي

حفيظة: اهئ اهئ انا ماتزوجتش فهد على لفلوس انا تلاقيتو منين مشيت لميريكان و تقربنا من بعضياتنا و هو كيبغيني و دخلني لميدان الفن و شحال من حاجا جمعاتني بيه

الشاكمة: و انا ؟ اش اندير انا قوليلي غير كيفاش نحيدك من قلبي و سيري الله اسهل عليك معاه

حفيظة: اهئ اهئ دابا تنساني و اتبغي وحدة أخرى

الشاكمة: كضحكي عليا دابا

حفيظة: تهلا فراسك (كتمسح دموعها و مشات خلاتو تماك مضمر شحال خايبة يتزوج الإنسان لي كتبغيه و كنتي باني معاه حياتك و مستقبلك و كتشوف فيه هو شريك حياتك و بلا بيه متقدرش تعيش و شحال خايبة تجي لابس افضل حاجا عندك باش تحضر بيها لعرسو و نتا داير ابتسامة مزيفة كتغطي بيها العافية لي شاعلة فقلبك و النزيف ديالو …غوت غوتة خارجة من الأعماق كأنه كيبكي و كيتألم و كيعلن على الموت ديالو …)

صبح صباح جديد ايضا عند كوهينور لي كانت كتحل عينيها بتقالة و كتحس بالثقل نازل عليها و شي يدين محاوطينها ضارت كتشوف و هي تقابل مع وجه اوسمان فاص افاص و ناضت كتغوت

كوهينور:(كتنقز فالبيت) اويييلي اش وقع كيفاش نعست هنا

اوسمان:(خلاتو و ناض كيشوف فيها) مالك الموصيبة

كوهينور: هاويلي كيفاش وصلت حداك شنووو درتي فياااا

اوسمان: (كيمسح وجهو و صوتو فيه بحة ديال نعاس ) لبارح كنتي كديريلي المساج و داك نعاس فوق ظهري و قلت بلا منفيقك

كوهينور: شحال الساعة

اوسمان: (كيقلب على ساعتو و شاف فيها) 11

كوهينور: (كتلبس القميص ديالها) والله او تشوفني مك هنا اتقطعني طراف طراف

اوسمان: هههه لهاد الدرجة كتخافي منها

كوهينور: راه من نهار جيت لهاد الدار و هي ماحاملانيش

اوسمان: اييه جمعي فمك راه الواليدة هاديك

كوهينور: ماقلت والو غير خليني نمشي راه الى شافتنا اتقتلني مافيهاش و انا ماباغياش المشاكيل معاها

اوسمان: علاش ؟

كوهينور:(شافت فيه بكل دلع و غنج و هضرات بصوت مقحبن تبعاتهالو بديك الضحكة د العاهرات ) حيت هي ماماك و خاصها ترضى عليا هههههههههه

اوسمان: تاقواديت على صباح

كوهينور: (حطات ركابيها على النموسية و بدأت كتمشا لجيهتو كتحبو) ياكما نوريك شيحاجا أخرى

اوسمان: كتشوفيني كنتجنبك و كنبعد عليك عنداك احسابليك راني بارد

كوهينور: و شنو نتا ؟

اوسمان: (وراها الخاتم فيديه ) انا خاطب

كوهينور: واش درتو العقد؟

اوسمان: لا

كوهينور: اذن هادا ماشي عذر و نتا بارد

اوسمان: (شدها من الخصر ديالها و قلبها تحتو و طلعلها يديها الفوق ) عاودي شكون بارد ؟

كوهينور: راه غير ضحكنا معاك خليني نمشي اخويا بحالي اش بيني و بينك

اوسمان: عرفتي حتى انا فايق مقيم على صباح (كيبوسلها فعنقها)

كوهينور: طلق مني طلق راه ايدخل عندنا شيواحد ايفهمنا غلط

اوسمان: و مالنا كنحررو الصحراء راه كنديرو الفاحشة خليه افهم غلط

كوهينور: (صقرات شوية و بدأت كتحلون عليه فالهضرة و الشوفات ) لي بغيتيها هي لي تكون و مادام بغيتيني ماغاديش نمنعك (قربات لشنايفو و بدات كتبوس فيه طلعات محترفة و غير حسات بيه انساجم. و طلقلها من يديها لي كان شادهوملها الفوق حطاتهم على صدرو و كدوزهم غير بشوية حلات عينيها شوية لقاتو مركز و واصلة فيه للعضم و هي تهز ركبتها و عطاتهالو للمعلم ..حل عينيه بحر الضربة و شد فيه و بقا كيتلوى) قلتي مقيم اوا هاهو بردناه هههه

اوسمان:(كيتعصر) غااااادي نقتلك اكوووهينوور والله و طيحي فيدي منرحمك

كوهينور: هههه وادابا غير عالج ز*بك و نتفاهمو على داكشي لاخر (شداتها كوهينور بجرية خرجات من بيتو و ضربات طليلة على برا حتى مالقات حد و كملات جرا لبيت مايا دخلات و هي كتنهج مالقاتهاش عرفات بلي رآها كاينة فلكوزينة و مشات بدلات حوايجها لبسات سروال كحل لاصق و الفوقاني ديالها فصفر و طلقات شعرها و لبسات كونفيرس و خرجات مشات عندهم للكوزينة ) صباح الخير عليكم

كلهم: صباح النور

ايطو: اوا نزغرتو ليك حيت عاد فقتي

كوهينور: غير سمحيلي اخالتي مانعاودهاش

لكبيرة: بنتي كنور

كوهينور: سميتي كوهينور الالة جدا

لكبيرة: سميتك مابغات تحفظلي جاتني صعيبة غير خليني نقولها كيما جاتني على لساني

كوهينور: ههه صافي واخا

لكبيرة: عاونيهم ابنتي ليوم شغل متكابط حيت ليوم حاكوزة

كوهينور: شناهي حاكوزة

رابحة: ليوم هو رأس السنة ديال الامازيغ

فاطنة: و ميرا غادي تجي تبات ليووم فهاد الدار بوحدها و هادي هي العادات ديالنا

كوهينور: اتبات بوحدها و عائلتها ايخليوها تجي ؟

يامنة: شوووف شكوون كتهضر وا بعدا هي خطيبة اوسمان و قريب تولي مراتو و حنا حبابها اما نتي اش دخل حمارتك لأسبوع الفرس

كوهينور: اوا حتى انا اوسمان لي جابني لهنا و شحال من مرة بغيت نمشي و ماخلانيش

يامنة: سمعتي ايطو شنو قالت تحل ليها الفم

لكبيرة: شفتكم كتناكرو و انا كاينة هنا

كوهينور: شنو الشغل لي ندير الآلة لكبيرة

لكبيرة: خرجي نتي و مايا جيبو السخرة لي كتبت ليها فالورقة

مايا: واخا اجدا

لكبيرة: يالاه سيرو ماتعطلوش راه قريب البنت تجي عندنا

كوهينور: هي اللولة …

خرجات كوهينور مع مايا و هوما كيضحكو فالطريق و يقشبو دازو على الحانوت و خداو منو السخرة و دازو على الخضارا و بداو كيعزلو الفواكه حتى جا عمر وقف بلعاني حدا مايا باش اشوفها و ابتاسمات ليه

مايا: ممكن اخويا تشوف لي هاد الدلاحة واش طايبة

عمر: مرحبا اختي نشوفهالك (بدا كيقلبها ) بانتلي ماطايباش انشوفلك شيوحدة أخرى

مايا: شكرا اخويا

عمر: ماكاين مشكل اختي

كوهينور: (بقات كتشوف فيهم و هي كتموت بالضحك) وا الباشار هاد التقوليب هادا راه دزنا منو اشمن ختي و لا خويا الليهديكم راني عقت عقت

مايا: سكتي الله اسكت حسك

كوهينور: هادا هو حبيب القلب هاي هاي هاي راك كتعرفي تختاري

عمر: و نتي هي لي جابها اوسمان طلعتي ماساهلاش لا نتي لا هو هههه

كوهينور: اييه انا فك حريرتك نهار نقولو راك كضور ليه على ختو

عمر: عنداااك تخرج من فمك فيها لقتيييلا مافيهاش

مايا: واش باغا تخرجي علينا راه وكاان اسيقو عائلتنا هادشي يذبحونا و يرميونا للكلاب

كوهينور: و منين نتوما فيكم هاد الخوف كاملو لاش باغيين بعضياتكم

عمر: الحب مايشاور

كوهينور: اوا سير اعنترة تمشي بحالك و خلينا نمشيو

مايا: الله اعاونك

كوهينور: زيدي زيدي (جراتها و هوما واخدين التقضية فيديهم)

مايا: حرام عليك هضرتي معاه خايب

كوهينور: غير باش اجمع راسو شوية و يعرفك بنت الناس و ماشي ديال التفلية

مايا: واراه عارف هادشي

كوهينور: انا يجي يخطب

مايا: اودي راه قبيلتنا و قبيلتهم مكيتحاملوش و صعيب حالنا

كوهينور: صافي باراكا من الدراما و قوليلي هاد حاكوزة كيف دايرة

مايا: حتى ليل و نفهملك داكشي

كوهينور: دابا قوليلي واش كايكون النشاط

مايا: اه

كوهينور: ههه شدي هاد السخرة هاني جايا

مايا: افين باغا تمشي

كوهينور: تسناي ماتحركيش

مشات مشا كوهينور كتزرب فالخطى ديالها و هي كدوز من الزناقي المضيقين و. اياكلوها بعينيهم و هي كاع مامسوقة ليهم بقات غادية حتى وصلات لزنقة لعيون. و بضبط فالدار ديال نورة و بقات كدق حتى خرجات عندها نورة

نورة: (عنقاتها) عااااش من شافك اصحيبتي

كوهينور: لباس عليك

نورة: بيخير الحمد لله كيدرتي حتى جيتي لهنا

كوهينور: سلت و جيت باش نقولك الليلة اتجي خطيبة اوسمان لعندنا حيت كاينة حاكوزة اوا و بغيتك تجي نتي و شيخات تنشطو القضية

نورة: مرحبااا هههه راكي عوالة عليها العفريتا

كوهينور: ايييه اوا هاني نتسناك عنداك ماتجيش يالاه الليعاونك

نورة: الليعاونك اخيتي

فنفس البلاصة لي كانت واقفة فيها مايا داز اوسمان بطوموبيل و لمحها و هبط مشا عندها

اوسمان: اش كديري نتي هنا

مايا: خويا كنت كنتسنى كوهينور

اوسمان: علاه فين مشات

مايا: منعرف قالتلي نتسناها دابا تجي

اوسمان: عنداااك تكون هربات

مايا:(طاحلها الما فركابي ) اويلي

كوهينور:(جايا كتبومبا فطريق و كتعوج حتى شافت اوسمان و هي تقاد مشيتها) هاني جيت

اوسمان:(طلعها و هبطها) فين مشيتي و اش هاد لباس واش باغا تسطيييني وا باش خارجة هاكا

كوهينور: راه كنت لابسة هاكا فدار و سخراتنا لالة لكبيرة و كنا مزروبين مابقاليش الوقت نبدل

اوسمان: تحركو نوصلكم (هزلهم السخرة حطها فطوموبيل و ركبو و انطالقو اتجاه الدار و هي مازال محلف على الضربة لي عطاتو صباح و مصمم اردهالها …وصلو لدار و هبطات مايا هازة معاها النص فالسخرة و بغات تهبط كوهينور و هو يشدها اوسمان ) حصلتي دابا

كوهينور: ماباقيش نعاود طلقني هادي و التوبة …

اوسمان: لا غير عاودي باش نربي طاسيلتك

كوهينور: خليني نمشي

اوسمان:(حط يدو ما بين فخادها و عاش شنايفو ) فين بغيتي تمشي

كوهينور:(شهقات) هاححح بشوية

اوسمان: (كيهرها) شفتي انا شحال ظريف نتي ضربتيني و انا كنهرك

كوهينور: على ربي طلقني راه شحال هادي ماكفتنا ماتخليناش نديرو شي فضيحة هاد نهار

اوسمان: الكفايتية نوضي تقودي من حدايا ههههه

كوهينور: نتا كتجبدني

اوسمان: سيري لبسي شيحاجا طويلة راه ايدخلو ولاد عمامي الوليد دابا

كوهينور: واخا و نمشي ناكل راه فرعني الجوع

اوسمان: و سيري عاونيهم راه خطيبتي اتجي منهنا شوية (كيقليليها السم )

كوهينور: بزعطا اوا حتى انا راني وجدت ليها واحد المفاجأة واعرة

اوسمان: (نتفها من شعرها ) كنعرف المفاجئات ديالك اش ناوية ديري

كوهينور: طلق الزمر اح اح

اوسمان: (طلقها) اوا ها وذني منك

كوهينور: (خرجات من طوموبيل هازة النص دالسخرة و داخلة للكوزينة حطات داكشي و بدأت كتنقب من الحلوة لي كيقادو حتى شبعان و خرجات مشات لبيت مايا لقاتها مغبونة) امالك

مايا: توحشت عمر بغيت نتلاقاه

كوهينور: عاد شفتيه فالسوق

مايا: ولكن راه شحال هادي ماجلسنا انا وياه ماشبعتش منو

كوهينور: واش بغيتيني نديرلك

مايا:(عينيها كيلمعو) انخرج هاد ليلة نتلاقاه و مني لهيهم عليا

كوهينور: واش حماقيتي والله و يسيقو لخبار حتى يقتلوني انا وياك

مايا: ماغاديش نتعطل كنواعدك عفاك عفاك

كوهينور: (الصمت)

مايا: وا عفاك

كوهينور: واخا ولكن ماتعطليش و ماتخرجي حتى نقولهالك

مايا:(عنقاتها) شكرااا بزاااف

كوهينور: نوضي عطيني شيحاجا طويلة نلبسها راه خوك محلف عليا

مايا:هي لولة (ناضت جابتلها قفطان جوهرة بالراندة فالغوز زوين ) هاكي هادا

كوهينور: اخليك ليلي زوييين (كتحيد حوايجها و لبسات لقفطان) كيف جاني

مايا: كتحمقي غادي تفقصي ميرا

كوهينور: خليها تجي بعدا و نشوفو بلانها

مايا: زيدي نخرجو نعاونوهم قبل مايغوتو علينا ..

خرجات كل من كوهينور و مايا مشاو للكوزينة كيعاونوهم و ضروووري ايطو و يامنة و فاطنة اعايرو كوهينور و يبداو انقصو منها و يخليوها تقلق و هي غير صابرة عليهم و ساكتا مرة تجاوب مرة لا حتى سالاو داك شغل ووصلات ميرا لدار اوسمان ..وصلها باها و خوها و خرجات العائلة كتستقبل فيها و فرحانين بيها خاصة ايطو

ايطو: امرحبا بمرات ولدي نورتي دااارك

ميرا: لهلا اخطيك اخالتي الدار منورة بيك

ايطو: دخلو مرحبا بيكم

دخلو رجال من بعد ما استقبلهم اوسمان و باه وولاد عمامو و دخلو لبلاصة رجال اما ميرا دخلات مع عائلة اوسمان لبيت آخر و هوما فرحانين بيها تقولو جات عندهم الاميرة لالة سلمى اوا شدولك الجموع و مشات كوهينور و مايا و هنية احطو لغدا قادو كولشي و عطات مايا لكوهينور طبسيل مقاد

مايا: هادا سيري عطيه للرجال

كوهينور: واخا (خرجات من الكوزينة متاجهة بداك الطبسيل لعند الرجال حتى تعرضلها اوسمان ) هاك هاد طبسيل تاكلو فيه جغديد

اوسمان: امالنا على هاد لمعيور اش واقع

كوهينور: هي تجي دير رجل على رجل و انا نضرب الكرفي على قلبي

اوسمان: اواهي عروسة

كوهينور: ايييه اوا حتى انا ضيفة

اوسمان: ضيافت النبي ثلت يام

كوهينور: ماقلتي عيب غير فاش تزوج بيها الواليدين ردني منين جيت

اوسمان: هي لولة

كوهينور:(خنزرات فيه ) اوا قود

اوسمان: (كيهضر تحت سنانو) دابا نوري لدينمك قود كيف دايرة لا صبري اخرجو الرجال

مشات و خلاتو ماداتهاش فيه و مشات عند لعيالات جلسات معاهم لقاتهم كيتسناو الغدا حتى حيداتها ميرا

ميرا: نتي هي لبنت لي جات ضيفة

كوهينور: اه ولكن ضيافة النبي ثلت يام كيما قال اوسمان و مابقيتش ضيفة رجعت وحدة من مالين الدار

ميرا: الدم هو لي كيخليك تولي وحدة من مالين الدار اما الباقي كولشي ايمشي

كوهينور: داكشي لي كاين

ميرا: فوقاش اتمشي بحالك

كوهينور: نهار دخلي نمشي

ميرا: اوا ماشي بزاف

كوهينور: اواعلى حساب

مايا:(جابت طبسيل فيديها و حطاتو) اجي تغداي اكوهينور

كوهينور: مافياش تسداتلي الشهية

ايطو: مزيان نيت راه البلاصة مابقاتش

لكبيرة: لاواه ابنتي اجي تاكلي ماتبقايش بجوع

كوهينور: مافياش الجوع

لكبيرة: انا انديرلك لحم فالخبز حتى تبغي تاكلي

كوهينور:(ابتاسمات ) الله اخليك ليا (ناضت كوهينور خرجات و هي كتفكر كيفاش ادير تصبر على ميرا حيت باين وحدة ماحاملة لوخرا ولكن خاص تسلك معاها مابغاتش مشاكل مع اوسمان …سالاو الناس الماكلة و جمعات مايا و هنية الطبلة اما كوهينور بقات كتسارا فالدار حتى حيداتها شي يد لسقاتها مع الحيط ) واش نتا حمق ايشوفنا شيواحد

اوسمان: (سدلها فمها) كيفاش قود عليا ديال قبيل (حيد يدو من فمها)

كوهينور: غير تعصبت و قلتها

اوسمان: و مالك كتعصبي عليا ياكما غرتي حيت جات ميرا

كوهينور: (قلبات عينيها) اوا اش هاد العادة عندكم مالقاتش فوقاش تجي

اوسمان: هههه والله حتى غرتي

كوهينور:(خنزرات فيه)

اوسمان: هه سمعيني نقولك عنداك اقولك راسك تبغيني ولا شيحاجا انا فالتالي راه انتزوج غير هاديك لي ختارولي واليديا باش نعوضهم و نخليهم اسامحولي اما نتي مكنحس بحتى حاجا من جيهتك تقدري تحسبيني مخور فتفكيري و اناني ولكن عمرني نفكر فشيوحدة بحالك متحررة بزاف و دوزات شحال من واحد فحياتها وواشمة يديها و لباسها مفضوح و زيد عليها من العصابة و قتالة ههه كضحكي على راسك الى كنتي كتفكري انني انتزوج بيك

كوهينور:(طاحت عليها هضرتو بحال الصاعقة حيت بصح بدأت كتحس بشيحاجا من جيهتو و نسات بلي هي و ياه من ثقافة مختالفة و عمرهم اتفاهمو …جمعات ما تبقى من كرامتها و هضرات بثقة) كيما قلتي دوزت شحال من واحد فحياتي و نتا بحالك بحال اي واحد. دوزنا وقت و السلام و دابا خليني نمشي اسي اوسمان (دفعاتو و مشات من تماك راجعة لعند لعيالات و خلاتو ماعاجبوش لحال حيت جوابها كان على طرف لسانها و فالاثناء لي كان اوسمان ملسقها مع الحيط دازت ميرا و شافت كولشي على عينيها و نار الحقد تغلغلات فقلبها و شعلات الغيرة و مشات كتبخ العافية حتى وصلات للبيت لقات ايطو بوحدها اما لباقي كولشي خرج اشوف شي شغل الى كاين)

ايطو: مالك ابنتي

ميرا:(حابسة دموع ) شفت اوسمان مع كوهينور

ايطو: هاديك اللفعة كضور بيه راني عااارفة ولكن غادي نحدهم ليها

ميرا: علاش ماجريتوش عليها

ايطو: واش كرهت نرميلها حوايجها من غدا ولكن اوسمان مابغاش

ميرا: هي بيناتهم شيحاجا

ايطو: لااا ابنتي مابيناتهمش

ميرا: ولكن راه شفتهم فواحد الحالة خايبة

ايطو: اويلي

ميرا: الى وصلات لهاكا نوقفو هنا ماحد مادرنا فالطاجين مايتحرق

ايطو: ماتقوليش هاكا صافي الحل راه عندي

ميرا: اشمن حل

ايطو: غدا نمشيو عند واحد لفقيه و نشوفو شنو نديرو

ميرا: اويلي بغيتي تسحري ليها

ايطو: ششت بشوية ماشي ليها و إنما لولدي اوسمان باش مايبقاش اشوف فيها و يشوف فيك غير نتي

ميرا:(ابتاسمات) لهلا اخطيك عليا

ايطو: يالاه نساي هادشي و رتاحيلي مع راسك

كوهينور:(كانت مورا لباب بغات دخل للبيت و هي تسمع الحديث ديال ايطو و ميرا و رجعات بحالها للبيت ديال مايا و دخلات و سدات عليها و هي معصبة و كتهضر مع راسها) قااالك منتزوجش بوحدة دوزات شحال من واحد و لباسها مفضوح و واشمة و من عصابة و لكن خليك سر ديلمك غير سحور نيت باش منها نيت تتوكض و تجمع راسك و شوف شكون افكك (كتمشي و تجي فالبيت ) والله ا اوسمان و مانخليك تبغيني و نسمح فيك من موراها راه ماولد فيا الموقاديري غير لي نسا باش نوريك تشرشملي انا المشاعر

بقات كوهينور كتعصب و دخل و تخرج فالهضرة و ماتسرطاتلهاااش اما حنان و يوسف كانو مازالين فالعرس ديال. حفيظة و كتشوفها فرحانة و حتى هي فرحات معاها و لكن غير كتفكر الشاكمة كيتبدل ليها المورال و بقات مخربقة مع راسها حتى وصل موعد الرحيل و مشاو ضياف و بغاو امشيو حتى فهد و حفيظة و عزيز لأمريكا فالطائرة الخاصة ديالهم

حفيظة:(كتبكي و معانقة حنان) غادي نتوحشك اهئ اهئ

حنان:(طاحولها دموع) حتى انا و بزاف ولكن فرحانة حيت نتي فرحانة

فهد: ماتخافيش عليها انحطها فعينيا

حنان: تهلا ليا فيها هادا هو الطلب ديالي

فهد: حفيظة راه قلبي ماتهزيش الهم

حنان: الله اكمل عليكم بالخير

حفيظة: اميين و تهلاي حتى نتي فراسك و فيوسف

الزنبقة:(حط يدو على رأس حفيظة) غادي نتهلاو فبعضياتنا (عنق فهد) طريق السلامة

فهد: الله اسلمك

وصل وقت الوداع مع الدموع و الذكريات لي مكتفارقش الذاكرة هاهي حنان كتشوف ختها الصغيرة لي ربات على يديها كتزوج و سعيدة من أجلها…ركبو فالطائرة و قلعات متوجهة لأمريكا و رجعات كل من حنان و يوسف لدارهم

حنان: مانعرف فين محمد

الزنبقة: راه رجع لدار قبيلة ماتخافيش وصيت ليكارد عليه

حنان: اعلم الله حالتو كيف دايرة

الزنبقة: حالة كل واحد مجروح اكون الله فعوانو

حنان:(تنهدات) اميين

وصلو ابطالنا لدار و هبطو داخلين ليها حتى كيلمحو صندوق كبير و مغلف كأنه هدية و حداه حورية واقفة

حورية: و اخيييرا جيتو

الزنبقة: اش واقع و شنو هادا

حورية: ماعرفتش لقاوه ليكارد فالجردة و جابوه انا لقيت غير هاد لاكارط مكتوبة عليها dear zinpaque (يعني الى الزنبقة)

حنان:(شدات يوسف فيديه) عنداك يكون شي فخ

الزنبقة:(كيشوف فالكادو و كيضور عليه مد يدو و حيدلو لغلاف و بقا مدة كيشوف فيه عاد حلو و هو يتصدم و تصعق منين شاف الصور ديال حنان و حفيظة و اوسمان و كوهينور و فهد و ايضا الصورة ديالو ملطخين بالدم و حداهم ساعة رملية كأن العد التنازلي بدا ليهم ) ماغااااديييش نرحمهم

حنان: يوووسف اش هادشي شنو واااقع و علاش التصاور ديالنا فيهم الدم

الزنبقة 🙁 شاف مزيان فالصندوق و لقا رسالة معاها فتحها و بدا كيقراها بصوت عالي ) كنتمنى الكادو ديالي اعجبك و يكون افتتاحية زوينة للمجيء ديالنا انا و رجال العصابة لعندك و كنتمنى ايضا الاستقبال ديالنا يكون فالمستوى ..(كمش الرسالة فيدو و رماها و ناض صاعر ضرب داك الصندوق برجلو رماه ) افيييييينكم اولاااااد لقحاااااب وااااش نخدم معااااايا رجاااال ولا شمااااايت (جاو ليكارد دارو الصف قدام الزنبقة و هوما حانيين راسهم و كيرجفو) كييييفااااش وصل هاد صندووووق للجردة فييين كنتو نتوما نااااعسييين ولا سكرانييين اللينعل القحاب لي حطوكم يا زواااامل بقالهم غير اجيو اتهجموعليا و نتوما كاعما علابالكم بهادشي تقودووو علياااااا قبل ماندير فيكم شرع يدي تحركوووو (مشا ليكارد كيهربو خرجو من دار و بقا الزنبقة معصب و كيضور فبلاصتو و كان الشاكمة هابط من دروج منين سمع لغوات)

الشاكمة: اش واقع

الزنبقة:(كيشوف ف حنان ) خصكم تخويو الدار دابا انا انصيفطكم لشي بلاصة اخرى

حنان: انا ماغااادي نمشي لحتى بلاصة

الزنبقة:(غوتلها فوجهها) ماااااتنااااااقشيييينيش احنااااان غادي تمشي من هااااد الدار ماغاديش تبقاي هنا

حنان:(غوتات هي أيضا) مااااغادي نمشي لحتى شي بلاصة بلا بيك كتسمع

الزنبقة: واش مكتفهميش راه غادي يقتلوكم

حنان: يا نعيشو كولنا يا نموتو كولنا و انا ماغاديش نتحرك من حداك

حورية: حنان عندها الحق ماغادي نمشيو من هاد دار

الزنبقة: ماتقسحوووش راسكم راه غدا غادي يجيو رجال العصابة و مالغيت نعرض حياة حتى واحد للخطر

الشاكمة: (شدو من دراعو مزير) الى كنتي اتصيفط حنان و حورية لشي بلاصة انا ماغاديش نمشي معاهم و غادي نبقا معاك حتى نفريو هاد لبلان

حنان: لا الشاكمة حتى واحد ماغادي امشي منهنا (ابتاسمات للزنبقة) غدا رجال العصابة غادي يجيو و خاص نوجدو ليهم استقبال فالمستوى يليق بيهم

الزنبقة: ضايرين بيا غير لي راسهم قاااااسح (طلع فالدروج معصب كيغوت و حنان تابعاه من لور كتعيطلو حتى دخل لبيتو ووقفات قدامها مترددة دخل و لا لا حتى زعمات و لقاتو حاط يديه على راسو و متكي على ركابيه …دخلات بشوية و جلسات حداه حاطة يديها على كتفو )

حنان: يوسف تهدن

الزنبقة:(حيد يديه من راسو و شاف فيها ) كيفاش بغيتيني نتهدن و انا كنشوف بلي الخطر قريب ليكم

حنان: انا ماغاديش نمشي من حداك انا انبقا ديما فجنبك

الزنبقة: علاااش؟ علاش كديري هاكا

حنان:(شداتلو يدو) حيت انا مراتك و انكون معاك فالقرح قبل الفرح

الزنبقة:(حطلها راسها على صدرو و ضمها ليه ) الا وقعات ليكم شيحاجا ماغاديش نسمح لراسي

حنان: و الا وقعات ليك شيحاجا ماغاديش نسمح لراسي حتى انا عفاك ماتبعدنيش عليك

الزنبقة: واخا ولكن بشرط غادي تجلسي فبيتك و ماتحركيييش ماغاديش تباني ليهم

حنان: ولكن …

الزنبقة: مكاين ما ولكن راني هضرت الحماية ديالك مسؤوليتي

حنان: واخا على خاطرك (ناضت ) نخليك ترتاح دابا

الزنبقة: واخا تصبحي على خير

حنان: و نتا بخير

خرجات حنان من بيتو متاجها لبيتها دخلات حيدات حوايجها و حلات الماريوت باش تلبس بيجامة و هي تلقا حوايجها تبدلو رجعو غير ليموديل و ليغوب و داكشي هاي كلاص و اول وحدة طاحت فبالها هي حورية حيت هي لي كتهتم بالمظهر الخارجي د حنان …ابتاسمات و قالت حتى لغدا و تمشي تشكرها حيت دابا عيات و بغات ترتاح و لكن بالها كيفكر فغدا و شنو ممكن اوقع …

اما عند كوهينور من بعد ما تهدنات شوية عيطاتلها مايا باش اتعشاو و هبطات جلسات حدا العائلة و هاد المرة الرجال و. العيالات مخلطين غير هو مشا الوليد ديال ميرا و. خوها و بقات فوسطهم فرحانين بيها و ماقاداهم فرحة و هي كتصيفط شي شوفات لكوهينور ديال السم و لوخرا ماعطلاتهاش نفس الشعور …

ايطو: رابحة جيبي العصيدة

رابحة : واخا اخالتي

مشات رابحة جايبة لعصيدة و. حطاتها حدا ايطو باش تكبها فالزلايف

لكبيرة: قربو البنات باش تاخدو العصيدة ديالكم

قربات مايا و هنية و كوهينور و ميرا حدا ايطو

كوهينور: (كتهضر مع رابحة و فاطنة ) نتوما ماتاكلوش؟

رابحة: اوا حنا راجل واحد خديناه هه

كوهينور: كيفاش

لكبيرة: هادي العادة ديالنا فحاكوزة كنصايبو العصيدة و كنحطو فيها حبة ديال لعدس و العضم ديال الثمر و فولة و غير لبنات لي كيشربو هاد العصيدة ماشي لعيالات ولا رجال

كوهينور: ااه و شنو معنيتها العدس و العضم ديال الثمر و فولة ؟

لكبيرة: لي لقات عظم الثمر قريب تتزوج و لي لقات لفولة مازال سعدها ماغادي يجي اما لي لقات العدسة سعدها مكفس ههه

كوهينور: ولي مالقات والو

لكبيرة: مازال ماكتابلها هههه

مايا: انا باراكا من الهضرة عطيونا العصيدة

اوسمان: اوا عنداك تجي فيك العدسة و تنوضي تبكي ههه

مايا: ماحنا على فالك اخويانو

ايطو:(كتعطيهم الزلايف ) يالاه شربو بالصحة

بقاو لبنات كيشربو و بشوفو فبعضياتهم كان جو زوين كولشي كيضحك و يقشب و يخلق الجو حتى تسمرات كوهينور بلاصتها كتقلب فلسانها بغات تجبد شيحاجا من فمها و هي تلقا العضم ديال الثمر

كوهينور: لقيت العضم ههه

لكبيرة: اوا مبروووك هي قريب نفرحو بيك ههه

اوسمان:(كيشوف ف كوهينور و هو ينطق ) هي شيواحد كاين فبالك

كوهينور: اه خطيبي فكازا كيتسناني

اوسمان:(تفكر سراج و مشا بالو بعيد ) الله اكمل بالخير

مايا:(هزات فالمعيلقة العدسة و مبدلة سيفتها ماعجبهاش لحال ) لقيت العدسة

اوسمان: ههههه قلتهالك

ايطو : اوسمان حشومة ماضحكش على ختك

مايا:(حطات ديك زلافة مابغاتش تكملها ) اوا صاف هادشي غير خرافات

لكبيرة: اه غير حيت جات فيك العدسة اما كون جات فيك العضم اتفرحي ههههه

فاطنة: ماتخافيش لعام الجاي نعاودوهالك على ربي يجيك العضم هههه

مايا: على بالي بلي حتى نتي جاتك العدسة و نيت سعدك ماهواش

مبارك: (غوت) ماااياااا احتارمي راسك

مايا: سمحلي

ميرا: و انا لقيت لفولة

ايطو: هادشي معضر مايا غير خرافات حيت نتي قريبة تتزوجي بولدي اوسمان

كوهينور:(تنهدات ) اه داكشي لي كاين

هنية: انا صاف منين كولشي لقا انا ماغادي نلقا حتى حاجا بلا منكمل هاد زلافة

لحسن: نتي مازالة صغيرة اصلا

سعيد: فين صغيرة راه قدها مزوجين دابا راه غير كنتسناو مايا تتزوج

مايا: اييه اوا غير تسنى نيت

مبارك: اوا تصبحو على خير انا عييت

ناضو الرجال بغاو امشيو انعسو من غير اوسمان لي طلع فوق سطح و بقا كيطل على لعيالات و كيشوفهم اش كيديرو و هو فالصراحة كيشوف غير فكوهينور و كيفاش كتصرف …حتى شاف بلي بداو كينقشو لميرا و كحلو ليها عينيها و لبسو ليها السبنية د لعرايسات … و فجأة دق شيواحد فالباب و ناضت كوهينور حلات

كوهينور: علاااش من شافكم

نورة:(كتسلم عليها ) ويلي اختي نتي عيطتيلي و مانجيش ميمكنش (كتهضر مع شيخات ) يالاه اللعابات دخلو سخنو الطرح

دخلات نورة و شيخاتها كانو لابسين عابايات طيروهم بقاو لا لحوايج الشطيح و موزون كيسرسر و نورة كتمضغ لمسكة ففمها شافها اوسمان و هو يطرطق عينيه كيسول راسو اش كدير هادي هنا

ايطو: اش هااادشي شكون هادو

كوهينور: سمعت بلي فحاكوزة كديرو شطيح و مشيت جبت الشيخات على قبل ميرا حشومة مانفرحوش بيها

ايطو: خرجيييهم عليا و الله و يشوفهم مبارك حتى يلوحنا كاملنا

كوهينور: و شنو فيها انقصرو غير شوي ياك اجدا

لكبيرة: اوا مافيها عيب ايطو نشطو شوي

نورة:(تبندات حداهم ) احم يالاه نبداو

هااا عندو الزين عندو لحمام دايرو في دارو