قلب يخشى الحب

بقات مريم كاتبكي و كاتشهق شوية شدات فقلبها ملي حسات بيه كي ضرها، كاتحس بحال الى الماس كي تغرسو فيها بسبب هادشي لي وقع،و أكثر حاجة جرحاتها الآمال لي كانت بانية على أنه حتى هو كي بغيها و إلا ما كانش يغير عليها و يتصرف معاها بديك الطريقة لي اي وحدة غادي تفهم غلط لو كانت فبلاصتها. 

دورات عينيها على المكان لي هي فيه لقات غير الطوموبيلات قلال لي كي دوزو و الخلا داير على تما كامل، مسحات دموعها و مشات كاتعرج لجيهت واحد الحجرة كبيرة و جلسات فوقها، هزات الكسوة باش تشوف الجرحة، لقات الد..م خارج منها و باينة بلي تحلات، تنهدات بحزن و بقات جالسة تما كاتسنا شي تاكسي يدوز باش تشدو و تمشي فحالها. 

أما انور لي كان وصل للأوطيل و دخل كي قلب عليها لداخل ساعة ما لقاهاش، وقف و حط يديه على خصرو و اليد الثانية كي دوزها على وجهو بعصبية، تفكر التيلي ديالو و هو يهزو دغيا و صونا ليها، ماجاوباتش فالمرة الاولى و عاود عيط ليها للمرة الثانية و هاد المرة جاوبات. 

ميساء(بصوت باكي): أنور 

أنور(زير على يديه): فينك 

ميساء: فالاوطيل 

أنور: أنا فالاوطيل فينك نتي 

ميساء(مسحات دموعها): فالجردة 

قطع معاها و خرج ديك الساعة للجردة كي قلب عليها،شوية و هي تبان ليه جالسة و كاتمسح فدموعها،تنهد بضيق و مشا لعندها. 

ميساء(كانت جالسة و غير شافتو وقفات): أنور 

انور: لاش البكا؟

ميساء (تلاحت عليه عنقاتو): علاش مشيتي و خليتيني 

أنور(كي طبطب على ظهرها): ما خليتكش هاني رجعت 

ميساء بعدات عليه و شافت فيه بعينين حمرين و مدمعين، أنور تنهد و مد يديه كي مسح ليها فالدموع. 

أنور: باراكا من البكا و قولي ليا فاش بغيتي تدوي معايا 

ميساء بقات ساكتة كاتبلع ريقها، مترددة تقول داكشي فاش كاتفكر و مترددة تطبق ديك الخطة لي رسمات فبالها، حيت خطة أنانية و إستغلالية و غادي تجرحو بزاف نهار يعرف، لكن كاتبغي يانيس بزاف و ما تقدرش تخلى عليه و مستعدة تدير اي حاجة باش تبقى معاه واخا على حساب تعاسة الآخرين، تنهدات بحزن كارهة نفسها فهاد اللحظة و خاصة ان انور عزيز عليها بزاف،كاتحتارمو و كاتعتابرو خوها لي ما ولداتش ليها مها. 

أنور(كان مراقب سكوتها و ملامحها لي كانو فكل ثانية كي تبدلو): ميساء دوي خلاص 

ميساء(بتردد): أنور أنا… 

أنور: نتي شنو هدري 

ميساء(حدرات عينيها): أنا كنبغيك 

أنور سكت و بقا غير كي شوفيها، ما فهم والو و عقلو تبلوكا حيت باقي اصلا ما ستوعبش الاعتراف ديال مريم و دابا زادتو هادي. 

أنور: أش كاتقولي نتي 

ميساء(شافت فيه): أه كانبغيك و هادشي كتاشفتو من ورا ما عتارفتي ليا 

أنور(عقد حواجبو): كي درتي ليها 

ميساء: ما عرفتش المهم لقيت راسي كانبغيك 

أنور: واخا و يانيس؟ ياك من الصغر و نتي كاتبغيه 

ميساء: لا كتاشفت بلي كان غير إعجاب و نتا أ انور لي كانبغي ماشي هو 

انور بقا كي شوفيها شحال و هي حاضياه كيفاش مكشر ملامحو و كاتبلع ريقها بخوف حيت حسات بيه عاق بيها، و ما رتاحت حتى شافت ديك الابتسامة الخفيفة لي ترسمات على شفايفو. 

أنور(تنهد براحة و عنقها): أخيرا 

ميساء(حطات راسها على صدرو و غمضات عينيها بحسرة): نتا باقي كاتبغيني ياك؟ 

أنور: امم 

ميساء(بعدات و شافت فيه): نتا عمرك تكرهني؟ 

أنور(بإبتسامة): ما نقدرش 

ميساء(بتاسمات): يالاه نمشيو 

أنور حرك ليها راسو بأه و شبك يديه مع يديها، خرجو من الاوطيل و ركبو فالطوموبيل ديالها و انور لي غادي يسوگ 

مريم باقا مسكينة جالسة فوق الحجرة و مخبية وجهها من الشمس لي كانت حارة،حبسات من البكا و لكن باقا كاتنخسس، ما حيلتها للآلام لي فرجلها و لا لي فقلبها،عاد الشمس لي كاتحرق فيها المهم كلشي تجمع عليها فهاد اللحظة. 

هزات التيلي ديالها كاتصوني لفراس ثاني حيت من قبيلة و هي كاتعيط ليه و لكن والو ما كي جاوبش، تعصبات و بقات كاتزفر و تسوط بعصبية،و ما لقات غير شعرها تبرد فيه غدايدها، مدات يديها ليه و بقات كاتنتف فيه بغضب، شوية كاتدوز واحد الطوموبيل بسرعة و كاترش عليها الغيس لي كان تما. 

مريم شهقات و بقات حالة فمها بصدمة، ما قدراتش تصدق بلي هادشي كامل تجمع عليها فنهار واحد،مسحات وجهها بيديها و شافت فيها لقاتها كلها غيس، ضحكات بالفقصة و بقات كاتمسح وجهها. 

مريم:يا ربي صبرني 

ميساء كانت كاتطل من الزاجة ديال الطوموبيل شوية لمحاتها من بعيد جالسة و كاتزف بالحجر مع الأرض غير بوحدها. 

ميساء(ضارت لعند انور): ماشي هاديك لي تما نفس البنت لي جات معاك 

أنور شاف فين كاتشير ليه و هو يوسع عينيه و فرانا بالجهد حتى مشات ميساء و جات، اما هو هبط ديك الساعة و مشا لعندها، و ما حسات بيه حتى لقاتو واقف و مخبي عليها الشمس بطولتو، مريم هزات راسها فيه و غير بان ليها كشرات ملامحها. 

أنور(مغوبش): أش كاتديري نتي هنا 

مريم حدرات عينيه و بقات ساكتة ما جاوباتوش 

أنور: واقيلا كاندوي معاك 

مريم(رجعات شافت فيه): أش بغيتي ثاني؟

أنور: علاش ما مشيتيش؟ شنو باقا كاتديري هنا؟ 

مريم(تنهدات): ماشي سوقك 

أنور يالاه بغا يجاوبها و هو يسكت ملي بان ليه الد…م فكسوتها، زير على يديه و تحنى لعندها، هز ليها الكسوة حتة بانت الجرحة لي كانت كلها دمايات و هو يتنهد بضيق. 

أنور: تهنيتي دابا؟ ها هي الجرحة تحلات 

مريم: دابا شنو بغيتي؟ ياك مشيتي و خليتيني لاش راجع 

أنور: خليتك فالتاكسي راجعة فحالك نتي لي هبطتي منو 

مريم سكتات حيت اصلا ما عندها ما تقوليه،أنور تنهد و قطع قطعة من كسوتها من لتحت و لواها عليها على فخدها حابس الد…م،وقف و شافيها 

أنور: تحركي يالاه 

مريم بقات جالسة ما داتهاش فيه، أنور تعصب و شدها من دراعها وقفها حتى تقصحات. 

مريم: امم حيد رجلي 

أنور حط يديه على خصرها و عاونها تمشى حتى وصلو للطوموبيل،مريم شافت فميساء و ميساء كذلك و بقاو كي خنزرو فبعضياتهم،أنور حل باب اللوراني و دار ليها حركة براسو بمعنى طلعي. 

مريم: بغيت نركب القدام اللور كي دير ليا الشقيقة 

أنور(غمض عينيه و عاد حلهم): مريم 

مريم: ما نقدرش نجلس اللور 

أنور ما جاوبهاش شدها من دراعها و ركبها بزز منها، سد عليها الباب و مشا لبلاصتو، ديمارا و زاد معصب. 

أما هي ربعات يديها و بقات كاتشوف فالزاجة و كاتفكر فهاد النهار التاريخي لي عمرها تنساه، في حين أنور كان مرة مرة كي شوفيها من الزاجة و ميساء غير حاضياه بنص عين. 

بقاو هاكداك حتى وصلو للكلينيك،هبط أنور لعندها حل ليها الباب و هبطات بشوية عليها. 

مريم(شافت فيه):صافي شكرا غير سير نتا 

أنور:تحركي قدامي 

مريم:راه قلت ليك غير سير (شافت جيهت ميساء)ما جاتش تخليها أَوْ لا؟ 

أنور(بقا شحال كي شوفيها فالتالي قال بعصبية): ديري لي عجبك 

تخطاها و مشا ركب، ديمارا بالجهد مخلي غير العجاج وراه و مخلي معاه حتى مريم واقفة مربعة يديها و كاتشوفيهم حتى غبرو، عاد دخلات للكلينيك و مشات عند الطبيب عاود خيط ليها الجرح، سالا و خرجات من تما، شدات تاكسي و رجعات للدار. 

في حين أنور و وصل ميساء للدار و قبل ما تهبط قال:غدا بغيت ندوي معاك فشي حاجة 

ميساء حركات ليه راسها بأه و غير شافتو باغي يخرج و هي تحبسو: دي معاك الطوموبيل حتى لمن بعد و رجعها ليا 

أنور: واخا يالاه سيري 

خرجات ميساء و دخلات للدار و هو بقا حاضيها حتى تأكد بلي دخلات عاد مشا فحالو 

جا نهار جديد و شمس باقا محبوسة فبيتها و الماكلة يا إما الخدامة لي كاتجيبها ليها يا إما يازيد، و اليوم فاقت و مشات دوشات عاد رجعات جلسات، شدات راسها بين يديها و بقات كاتنفس بصعوبة حيت كاتحس بالسخفة،شوية كاتسمع الباب كي تحل بالساروت هزات راسها بشوية تشوف شكون، لقات يازيد و حداه الطبيبة لي جابها على قبل شمس.

يازيد(قرب لعندها): مزيان ملي فقتي ها الطبيبة جات تشوف مال حالتك هاد الايام ولات هاكدا 

شمس(ضحكات بإستهزاء): ما عرفتيش علاش؟ 

يازيد(ماجاوبهاش و شاف فالطبيبة): بداي 

الطبيبة حركات ليه راسها بواخا و مشات كاتكشف عليها، في حين هو جلس فوق الفوتوي و هز التيلي ديالو كي خربق فيه. 

داز شوية الوقت و الطبيبة سالات الكشف، و دارت لعند يازيد لي كان كي فرنس مع التيلي. 

الطبيبة: موسيو يازيد 

يازيد(شافيها و جمع الضحكة): وي؟ ساليتي؟ 

الطبيبة: المادام ديالك عندها نقص فالتغدية و عندها حتى فقر الد…م و هي دابا ففترة حساسة خاصها عناية خاصة. 

يازيد(شاف فشمس و رجع شاف فالطبيبة): امم و شنو الحل 

الطبيبة(جبدات ورقة فيها الوصفة و عطاتها ليه):جيب ليها هاد الدوا لي هنا ديال فقر الد…م و شي ڤيتامينات غادي يساعدوها 

يازيد(خدا من عندها الوصفة): امم واخا 

الطبيبة: نخليكم دابا 

يازيد: تفضلي 

خرج هو وياها من بعد ما سد على شمس، و مشا مع الطبيبة حتى الباب ودعاتو و مشات في حين هو مشا للفارماسي خدا الدوا عاد رجع لعندها لقاها متكية و مغمضة عينيها، تنهد و مشا جلس حداها. 

يازيد: نوضي شربي الدوا 

شمس حلات عينيها و شافت فيه، تقادات فالجلسة و خدات من عندو الدوايات كاتقرا فيهم. 

يازيد(نتر ليها واحد من يديها): هادا ديال فقر الد…م و الباقي ڤيتامينات 

شمس خنزرات فيه و خداتو من عندو 

يازيد: شربي دابا الڤيتامينات و باراكا من التخنزير 

شمس(تنهدات): ما نقدرش حيت وجهك كي ستفزني 

يازيد(قرب ليها): امم دابا ولا وجهي كي ستفزك و قبل كنتي كاتحماقي عليه 

شمس(بعدات): قبل كنت هبيلة و دابا عاد درت عقلي 

يازيد(بقا كي شوفيها شحال): علاش أنا بالظبط 

شمس(شافت فيه بإستفهام): مالك نتا؟ 

يازيد: علاش بغيتيني انا بالظبط كان بإمكانك تبغي شي حد حسن مني 

شمس: راه جاوبتك 

يازيد(حرك راسو بواخا): امم واخا الالة 

وقف و عطاها بالظهر يالاه بغا يمشي و هي تحبسو بصوتها 

شمس: غادي تبقا حابسني هنا؟ 

يازيد(شافيها): أه حيت بنتي ليا باقا حاقدة ملي ترجعي شمس القديمة ديك الساعة هدرة أخرى. 

خنزرات فيه و بتاسم ليها عاد مشا. 

عند أنور لي كان جالس فالطوموبيل حدا دار ميساء و كي تسنا فيها، شوية كاتبان ليه خارجة من الدار و جاية لعندو، حلات باب الطوموبيل و ركبات، شافت فيه و بتاسمات. 

ميساء: صباح الخير 

أنور: صباح الخير 

ديمارا و زاد، ما وقف حتى لقدام واحد الكافي، حل الباب و هبط، مشا لعندها و حل ليها الباب باش تخرج،هبطات و دخلو بجوج للكافي، جلسو فالطبلة و بقات ميساء كاتفرك فصباعها و كاتشوف فأنور لي كان مربع يديه و كي شوفيها. 

ميساء: مالك؟ 

أنور: والو علاش؟ 

ميساء: دوك الشوفات لي كاتدير فيا فشكل 

أنور(بتاسم): شنو لي فشكل فيهم 

ميساء: ما عرفتش المهم قوليا فاش بغيتي تدوي معايا 

أنور(تقاد فالجلسة و شافيها): غادي نجي أنا و الدار نخطبوك علمي واليديك  

ميساء(بلعات ريقها و بقات كاتشوفيه بصدمة): شنو؟ 

أنور: كيف ما سمعتي هاد الأيام غادي نجيو لعندكم 

ميساء: و لكن… 

أنور: و لكن أش؟ ياك كاتبغيني و كانبغيك؟ ما كاين لاش نعطلو الأمور 

ميساء(توترات): و لكن الزربة خايبة و باقي الوقت قدامنا 

أنور: لا أنا ما عنديش مع التبرهيش شنو بغيتينا نتصاحبو بحال الدراري الصغار؟

ميساء سكتات و هربات عينيها من عليه بقات كاتفرك فأصابع يديها بتوتر و هو حاضيها و لاحظ التوتر ديالها لي ما قدراتش تخبيه، و من بعد مدة من الصمت نطق أنور. 

أنور:واش كان بان ليك الدري الصغير أ ميساء؟ 

ميساء(شافت فيه): كيفاش؟ 

أنور:عند بالك ثيقت داك التخربيق ديال البارح 

ميساء(حسات بقلبها طاح): أنور… 

أنور(قاطعها): لاش درتي هاد الدراما كاملها شنو واقع؟(شافيها بحدة) و لا شنو وقع بيناتكم 

ميساء(بدات كاترعد): أنور سمح ليا و لكن كنت مجبورة 

أنور: شنو لي جبرك تكذبي عليا؟ 

ميساء: يانيس ما بقاش باغيني 

أنور(بتاسم بإستهزاء): على سلامتك ياك شحال من مرة حذرتك منو؟ 

ميساء(حركات راسها بلا): لا أنا حاسة بيه كي بغيني أ أنور 

أنور: كي بغيك و ما بقاش باغيك؟ 

ميساء: بسبابك 

أنور(عقد حواجبو): أش دخلني أنا؟ 

ميساء:حيت نتا صاحبو و حيت عارفك كاتبغيني داكشي علاش تخلى عليا 

أنور بقا ساكت و كي شوفيها ما مثيقش كلامها 

ميساء(شدات ليه فيديه):أنور عافاك هدر معاه أكيد الى دويتي معاه غادي يرجع ليا (بدات كاتبكي) أنا ما نقدرش نعيش بلا بيه 

أنور(نتر يديها): هاد التبرهيش لي بيناتكم ما دخلونيش فيه 

ميساء(بحدة): كيفاش ما ندخلوكش و نتا السباب(كاتمسح دموعها) كون ما كنتيش كاتبغيتي ما كانش غادي يوقع هادشي كامل 

أنور(بقا كي شوفيها شحال فالتالي حرك راسو بواخا):واخا مزيان عتابري بلي عمرني عتارفت ليك و عمرني بغيتك و سيري لعندو طلبيه يرجع معاك 

ميساء(بترجي): أنور 

أنور: كلامي ساليتو هنا و آخر مرة دخليني فشي حاجة بحال هادي و إلا هاد المرة ماغاديش نعقل عليك 

وقف و مشا مخليها كاتشوفيه و غير خرج و ما بقاش كي بان ليها و هي تهبط راسها و بقات كاتكبي بحرقة حيت هو الحل الوحيد لي كان عندها باش ترجع يانيس ليها،كانت بغاتو يشوفها مع أنور باش تشوف ردة الفعل ديالو و تأكد بعدا من أنه كي بغيها حيت الى بصح كي بغيها ما غاديش يصبر يشوفها مع واحد آخر من غيرو واخا يكون صاحبو. 

خرج أنور من تما و مشا ركب فالطوموبيل، رجع راسو للور و غمض عينيه كي فكر فهادشي لي وقع، عرف راسو قصح معاها الهدرة و لكن حتى هي هاد المرة تجاوزات الحدود، فكرات غير فراسها و حاولات تستغل حبو ليها على قبل مصلاحتها هي، بقا هاكداك كي فكر شحال شوية جات فبالو مريم و إعترافها ليه البارح،تنهد بضيق و هز التيلي ديالو باش يعيط ليها حيت خاصو يدوي معاها، صونا للمرة الاولى و الثانية و الثالثة لكن ما كاتجاوبش، زفر بعصبية و جبد التيلي ديالو لاخر ما كي ستعملوش بزاف و عيط ليها من نمرة أخرى ما عندهاش، و المفاجأة أنها جاوبات فالبلاصة. 

مريم: ألو؟ 

أنور: مريم 

مريم(بقات ساكت مدة): وي أنور بغيتي شي حاجة؟ 

أنور: بغيت ندوي معاك 

مريم: فاش؟ 

أنور: حتى نتلاقاو و تعرفي 

مريم: نو ما مسالياش دابا مرة أخرى 

أنور: واخا شنو عندك 

مريم بقات ساكتة ما عرفاتش باش تجاوبو 

أنور: شوية و نكون عندك 

قطع عليها قبل ما تجاوب و ديك الساعة ديمارا لعندها،أما هي بقات كاتشوف فالتيلي و كاتفكر فالهدرة لي بغا يقوليها، گاع الاحتمالات طاحو ليها فبالها و أهم واحد فيهم هو واش يقدر يكون بغا يدوي معاها على داكشي لي وقع البارح و يعتارف ليها بحبو ليها و يعطيها شي عذر مقنع على السبب لي خلاه يخليها و يمشي لعند ميساء، بقات كاتعوج ففمها و كاتفكر فالتالي قررات تمشي تبدل حوايجها. 

و ما هي إلا دقائق حتى كان وصل انور و هبط مشا لدارها كي دق فالباب، مريم طلات عليه من الشرجم ديال بيتها. 

مريم: صبر بلاتي 

أنور هز راسو فيها و يالاه بغا يهدر و هي تدخل خلاتو بلاكة،هزات العكاز ديالها و هبطات لتحت بشوية عليها حتى وصلات، و لكن ما مشاتش حلات ليه الباب لا مشات جلسات هو الاول كاترتاح زعما و خلاتو هو حدا باب الدار كي تشمس،هزات التيلي ديالها و بقات كاتلعب فيه،داز شوية الوقت و السيدة نساتو كاع واش كي تسنا فيها حتى قفزات من صوت الدقان ديال الباب لي قرب يفرعو انور من الأعصاب. 

مريم (هزات العكاز ديالها و مشات كاتعرج حلات ليه الباب،يالاه شافتو حل فمو و هي تزرب عليه): اوبس سوري كنت كانلعب و نسيتك 

سدات الباب و تخطاتو غادة للطوموبيل أما هو بقا واقف كي تنهد و كي صبر فراسو عاد مشا لحق عليها،ركب و ديمارا و بقا كي سوگ في صمت و هي كذلك ما دواتش معاه، حتى وصلو لواحد الكافي آخر مغاير على هاداك لي مشا ليه مع ميساء و خرجو من الطوموبيل دخلو ليه. 

مريم(جالسة كاتشرب فعصير و قدامها أنور كي شوفيها): يالاه دوي شنو الموضوع لي خلى الضابط انور يجي عندي حتى للدار؟ 

انور: بغيت ندوي معاك على داكشي لي وقع البارح 

مريم(توترات): احم وي كمل 

أنور(سكت مدة قبل ما يهدر): داكشي لي قلتيه البارح غادي ندير راسي ما سمعتوش 

مريم(صدمها لكن ما بيناتش): لي بان ليك 

أنور(تنهد): نتي عارفاني كانبغي ميساء و انا حاليا كانحاول نساها و نحيدها من بالي و لكن رغم ذلك مابغيتش نبغي شي وحدة أخرى و ما عنديش الجهد لهادشي اصلا،ميساء كانت أول و حدة و بغيتها تكون الأخيرة 

مريم: و علاش هادشي كامل؟ 

أنور: هاد التجربة كانت فاشلة و خايف نعاودها مع شي وحدة أخرى و ترجع تفشل 

مريم(تنهدات): دابا نتا على قبل تجربة فاشلة مع ميساء خفتي تبغي شي وحدة و يتعاود نفس السيناريو؟ 

أنور: تماما 

مريم: رغم أنني قلت ليك بلي كانبغيك؟ 

أنور: المشكل ماشي فيك المشكل فيا أنا لي ما بقيتش قادر نبغي و غادي غير نظلمك معايا 

مريم(بقات ساكتة شحال كاتشوفيه فالتالي حركات ليه راسها بواخا): فهمتك،انا عتارفت ليك بلي كنبغيك و نتا رفضتي هاد الحب، من حقك ما يمكنش تبزز على راسك تبغيني لكن أ أنور نتا لي خليتيني نفهم غلط من ديك المعاملة ديالك، ماتهدريش مع الدراري و ماتشوفيش فشي دري من غيري، شنو بغيتيني نفهم من هادشي؟ و أنا متأكدة بلي أي وحدة كانت فبلاصتي غادي تفهم نفس داكشي لي فهمتو و كون ما مشاش بالي بعيد و حسابلي بلي حتى نتا كاتبغيني ما كنتش عتارفت ليك أصلا 

أنور(حرك ليها راسو بأه): أنا غالط عرفت 

مريم: مزيان و باش ما يتعاودش هادشي من الأحسن نخليو حدود بيناتنا 

أنور(بإستفهام): كيفاش غادي نخليو حدود؟ 

مريم(سكتات شوية و رجعات كملات): ديك الصداقة لي كانت جامعانا من الاحسن نساليوها 

أنور(بقا شحال كي شوفيها): متأكدة؟ 

مريم: كل التأكيد، حيت حتى أنا غادي نساك و نحيدك من بالي و باش نقدر ندير هادشي كامل خاصنا نساليو صداقتنا 

أنور(تنهد): واخا لي بان ليك 

مريم(هزات العكاز و وقفات): نخليك دابا 

أنور: صبري نوصلك 

مريم(برفض قاطع): لا..تهلا فراسك 

مريم خرجات من تما و مشات ديريكت شدات تاكسي و رجعات للدار، طلعات لبيتها و مشات النيشان تلاحت فالناموسية غاطسة وجهها تحت المخدة و كاتبكي،عمرها توقعات بلي هادشي كامل غادي يوقع، يالاه البارح كانو ضاحكين ناشطين و دابا كلشي سالا، علاقتهم و صداقتهم سالات و رجعو غرباء على بعضياتهم، بقا فيها الحال بزاف و قلبها كي ضرها حيت ما كانتش بغات تخسرو كصديق و لكن حتى هي خاصها تفكر فراسها و تكون شوية أنانية و باش تنساه خاصها تبعدو عليها و تبقى علاقتهم رسمية تشوفو غير فالخدمة و خارجها لا. 

و حتى رفضو ليها متفهماه و عارفة قلبو دابا خايف يرجع يبغي شي وحدة و يرجع يتجرح من جديد و ما غاديش تلومو نهائيا حيت من حقو و الحاجة الوحيدة لي كاتلومو عليها هي ديك الغيرة لي كان كي بين ليها حتى خلاها تفهم غلط. 

أنور حتى هو ما كانش أقل منها، حتى هو ما باغيش صداقتهم تسالي و بهاد الطريقة بالضبط، حيت كي عتابرها واحد الشخص مهم فحياتو و ولفها بزاف رغم ذلك خاصو يتفهمها،حيت كيف ما هو باغي ينسا ميساء فهي كذلك باغا تنساه. 

عند غزلان لي من البارح و توفيق كي عيط ليها من نماري مختلفة حتى خلعها گاع و ما بقات عارفة ما تدير باش تخليه يفهم راسو و يعطيها التيساع، و خايفة تقوليه الحقيقة و يدير شي حاجة لي تخليها تخسر زواجها. 

كانت جالسة فالصالون و ساهية كاتخمم حتى كي قفزها صوت الدقان، وقفات و مشات حدا الباب و خايفة تحل لا يكون هو واخا ما عارفش دارها لكن كلشي جا فبالها فهاد اللحظة خصوصا ملي شافتو كل مرة كي عيط ليها بنمرة فشكل، بلعات ريقها بخوف و حلات الباب، لكن غير شافتها تنهدات براحة. 

غزلان: نتي 

نورة: على شكون حساب ليك 

غزلان: حتى حد دخلي دخلي 

دخلات نورة و سلمات عليها عاد مشاو جلسو 

نورة: خويا عيط ليا قالي سيري طلي عليها لا تكوني محتاجة لشي حاجة 

غزلان(تنهدات): لا ما محتاجة لوالو 

نورة(بتاسمات): شفتك گاعما مسوقة 

غزلان: كيفاش؟ 

نورة: عرفتي شناهيا خويا يصيفطني لعندك باش نشوف واش محتاجة لشي حاجة 

غزلان: و من بعد 

نورة: هادشي كي عني حاجة وحدة(غمزاتها) 

غزلان: اش كاتخربقي عليا 

نورة: هادشي كي عني بلي كيبغيك 

غزلان(ضحكات بسخرية): خوك كي بغيني؟ كاتحلمي 

نورة(تنهدات): عرفت بلي خويا بارد و ما كي بينش لكن خاصكي تعذريه كلشي بسبابها 

غزلان(عقدات حواجبها بإستفهام): شكون؟ 

نورة: ما فراسكش؟ 

غزلان: لا شنو كاين؟ 

نورة: اصلا مستحيل يعاود ليك(تقادات فالجلسة) المهم ما علينا خويا ما كانش بحال هاكدا و لكن قبل 5 سنين كان كي بغي و كي مو…ت على وحدة، و فاش بغاو يتزوجو ما خلاتهمش ماما حيت ما حملاتش البنت، ما علينا خويا دار المستحيل باش يخليها توافق و فاش كانقوليك المستحيل راه المستحيل نيت، تعذب بالمزيان و حتى شافتو مرض و خافت تخسر ولدها عاد وافقات أخيرا، صافي مشينا خطبناها و كلشي هو هاداك مزيان، بدينا كانوجدو فالعرس و ما خلا واليديها يحطو حتى درهم كلشي تكلف بيه هو إوا يا ختي 3 قبل العرس حصلها مع واحد كانت مصاحبة معاه و السيدة كانت كاتفتخ فخويا و كاتمشي تصرف على صاحبها الحازق و المشكلة شمكار، إوا صافي فسخ هو وياها كلشي و من تما و هو هاكدا، ولى بارد و ما بقاش كيف كان، حتى معانا حنا ما بقاش كي بين لينا داك الحب و الحنان كيف قبل بحال الى ولا خايف فهمتي؟#تتمة

غزلان غير ساكتة و كاتسمع لكلام نورة لي نزل عليها كي الصاعقة، حيت عمرها فكرات بلي هاد البرود ديالو ناتج عن خيانة تعرض ليها من طرف خطيبتو، و غير تفكرات شنو وقع مع توفيق و هما يتغرغرو عينيها و قلبها ضرها، بقا فيها الحال بزاف و بقا فيها حتى يعقوب. 

نورة: أويلي الهبيلة واش كاتبكي ههه 

غزلان(مسحات دموعها): لا 

نورة: ههه هانية هانية انا عاودت ليك هادشي غير باش تعذريه على البرود ديالو و راه لاحظت بلي مزير عليك و خانـ..قك بزاف، تفهميه حيت داكشي لي داز منو ماشي ساهل، فقد الثقة فكلشي و واخا كي بغيك لكن خايف لا تغدريه حتى نتي بحالها 

غزلان(كاتبكي): أنا ماشي بحالها 

نورة: عرفت عرفت غير المهم نتي عرفي كيفاش تكسبي الثقة ديالو 

غزلان حركات ليها راسها بواخا و هي كاتمسح دموعها،داز الوقت و مشات نورة في حين غزلان طلعات لبيتها،و تكات فوق الناموسية كاتفكر فداكشي لي قالت ليها نورة، شوية هزات التيلي ديالها باش تعيط ليه حيت محتاجة تسمع صوتو دابا، صونات ليه لكن ما جاوبهاش، بتاسمات بإستهزاء حيت كانت متوقعة ما يجاوبش، لاحت التيلي فوق الناموسية و رجعات كاتخمم و ما الا ثواني حتى رجع عيط ليها، هزات تشوف شكون و غير قرات إسمو بتاسمات و تقادات فالجلسة. 

غزلان: يعقوب 

يعقوب: نعام ا غزلان علاش عيطي؟ 

غزلان: والو غير بغيت نسول فيك من نهار سافرتي ما عيطي ليا 

يعقوب: جات عندك نورة؟ 

غزلان: اه جات يالاه شوية باش مشات 

يعقوب: محتاجة شي حاجة؟ 

غزلان: ما محتاجة لوالو 

يعقوب بقا ساكت حيت ما لقا ما يقول بقا غير كي حنحن و حتى هي فهات السكوت ديالو 

غزلان: يالاه نخليك 

يعقوب: بالسلامة 

غزلان: تهلا فراسك 

يعقوب: حتى نتي 

قطعات معاه و رجعات تكات فبلاصتها، شوية جات فبالها اللقطة لي حط فيها توفيق شفايفو على ديالها،حسات بنغزة فقلبها ملي تخيلات يعقوب عرف بداكشي لي وقع و تخيلات حتى ردة الفعل ديالو كي غادي تكون، نفضات أفكارها دغيا باش ما تحماقش من التفكير و هزات التيليكوموند شعلات بيه التلفازة كاتحاول تشغل بالها و تلاهي راسها.  

فاليوم الموالي كان أنور جالس فالمكتب ديالو حتى كي سمع الدقان، عطا الاذن بالدخول و تحل الباب، هز راسو يشوف شكون هو يوسع عينيه بدهشة ملي شافها داخلة كاتعرج و لابسة اللبسة ديال الضباط، كانت مريم لي وصلات حتى لعندو و وقفات. 

مريم(دارت ليه التحية): الشاف أنا رجعت 

أنور(وقف و مشا تقابل معاها): كيفاش رجعتي؟ راك باقا مريضة؟ 

مريم: لا انا بخير 

أنور(بحدة): رجعي فحالك حتى تبراي 

مريم: لا ما يمكنش نبقا 3 شهور ديال الستاج كاملها فالدار كانتسنا إمتى نبرا 

أنور: مريم ما يكونش راسك قاصح 

مريم: هادا قراري و انا غادي نتحمل المسؤولية 

أنور(بقا شحال كي شوفيها فالتالي تنهد بقلة حيلة): لي عجبك ديريه 

مريم: واخا شاف 

تخطاتو و مشات للبيرو ديالها لي كان فالمكتب ديال أنور نيت بحكم هو لي مكلف بيها، رجع جلس فبلاصتو و كمل خدمتو لكن عينيه كانو مرة مرة كي مشيو لجيهتها هي لي كانت كاتقرا فدوك الملفات لي تما و واخا مافهمات والو و لكن مركزة فيهم و كاتحاول تدخل شوية ديال المعلومات لراسها. 

داز شوية ديال الوقت و جا الضابط فؤاد لعند أنور للمكتب ديالو، دخل لقا عليهم السلام عاد مشا لعندو. 

أنور: اش كاين 

فؤاد: جيت على حساب داك الحدث لي منضمينو العشية و خاص الحراسة تكون مشددة مع نتا عارف العميد لي جا داك النهار كي خاف على حياتو 

انور: أه و شكون غادي يتكلف بالحراسة 

فؤاد: المتدربين ديالك و ديالي 

انور(شاف فمريم و رجع شاف فيه): عندي متدربة ما تقدرش… 

ما كملش كلامو حيت كانت مريم نقزات و قاطعاتو 

مريم: الشاف فؤاد أنا مستعدة 

فؤاد: متأكدة

مريم: أه 

فؤاد(شاف فانور لي كان كي دير فمريم شي شوفات):اش بان ليك 

انور(حيد عينيه من عليها و شاف فيه):ضبر راسها 

فؤاد: إذا شوية و نمشيو 

أنور حرك ليه راسو و مشا فؤاد في حين هو رجع كمل خدمتو عادي، و من بعد ساعة و نص وقف انور و هز السلاح ديالو دارو ورا ظهرو، هز واحد آخر و مشا لعند مريم. 

أنور: يالاه 

مريم وقفات عاضة على شفايفها كاتخبي الالم لي كاتحس بيه فرجليها حيت ما بغاتش تبين ضعفها قدامو 

مريم: واخا الشاف 

أنور(عطاها السلاح): خلي عندك هذا 

مريم خداتو من عندو و دارتو ورا ظهرها، شافتو مشا و تبعاتو، خرجو من تما و ركبو فالطوموبيل لي خاصة بالخدمة و مشاو لمكان الحدث لي غادي يكون فيه إجتماع كبير كي جمع كبار الضباط و العمداء منهم حتى سيف اب انور و يونس اب مصعب و سراج. 

وصلو و دخلو للأوطيل لي فيه الاجتماع، و كل واحد شد بلاصتو على حساب الحراسة اما انور مشا يحضر للإجتماع. 

داز الوقت و مريم واقفة فالجردة و مكشرة ملامحها بألم حيت فورصات على رجليها، ندمات گاع علاش شدات الضد و جات، شوية كي وقف عليها واحد الشاب باينة فيه من النوع لي عاجبو راسو، كان هاز كاس فيه الشراب و كي طلع و يهبط فيها. 

مريم: خاصاك شي حاجة 

الشاب: جاتني عجب نشوف ضابطة هنا 

مريم: من فمك للسما أنا باقي متدربة حاليا 

الشاب: امم حبيتك اش بان ليك ندوي ليك مع الواليد يتوسط ليك باش تولي ضابطة النيشان بلا تدريب 

مريم: على بابا شنو يكون؟ ملك؟ 

الشاب: الواليد من اكبر العمداء ديال المغرب 

مريم: امم محگلك 

الشاب: شنو سميتك بعدا 

مريم(شادة فيه): أنا بميمي 

الشاب: الضابطة ميمي ههه كيوت 

مريم: و ولد اكبر العمداء فالمغرب شنو إسمو 

الشاب: يحيى 

مريم: امم يحيى ولد العميد كيوت 

يحيى: علاش كاتعاودي ديك ولد العميد 

مريم: حيت كي بان ليا هاداك هو الانجاز الوحيد لي درتي فحياتك هو انك ولد العميد 

يحيى(بتاسم): قبيحة مع راسك زدتي عجبتيني(قرب ليها) كي عجبوني البنات بحالك 

مريم(رجعات للور): للأسف ما نقدرش نقول نفس الشي عليك 

يحيى: ما عليش المهم انا حبيتك 

مريم: يحبك الخير 

عند انور لي كان يالاه خارج من قاعة الاجتماع من بعد ما سالاو، و هبطو لتحت على حساب الاحتفال لي غادي يكون، لكن قبل ما يدخل انور للقاعة لي فيها الاحتفال مشا يطل بعدا على مريم و يشوفها شنو كاتدير. 

و هو كي قرب حواجبو تعقدو ملي حقق مزيان فيها و شاف داك لي معاها، قرب لعندهم و غير وصل وقف عليهم مربع يديه. 

أنور: مريم السالمي 

مريم(دارت ليه التحية): وي شاف 

أنور: لاش جيتي لهنا؟ 

مريم: على قبل الحراسة 

أنور(شاف فيحيى و رجع شافيها): و أش كاتديري نتي؟ 

مريم: كاندير خدمتي 

انور يالاه بغا يدوي و هو ينقز يحيى 

يحيى: الشريف ماشي حيت نتا الشاف ديالها تبدا تدخل ليها فحياتها 

انور(ماداهاش فيه و وجه كلامو لمريم): هادشي لاش باغا تجي؟ 

مريم(عقدات حواجبها و دوات بإنفعال): الشاف راه قلت ليك كاندير خدمتي من الصباح و انا مراقبة المكان و ماكاينة حتى حاجة كاثير الشكوك 

انور: و هذا لي حداك ما كي ثيرش الشكوك؟

يحيى(ضحك بسخرية و قرب لعندو): الشريف راه واقيلا ما عارفش راسك علامن كاتدوي 

أنور(عاوتاني ماداهاش فيه و كي شوف غير فمريم):دخلي بدلي بلاصتك مع فراس و قابلي خدمتك 

شافيها بحدة و حول عينيه جيهت يحيى خنزر فيه و عطاهم بالظهر غادي، لكن سرعان ما وقف ملي سمع ديك الهدرة لي قال يحيى 

يحيى(كي دوي مع مريم): مال هاد الز**ل كي خنزر 

مريم وسعات فيه عينيها بصدمة من داكشي لي قال و لكن غير شافت أنور ضار لعندهم و كي شوف فيحيى بشي شوفات بحال الى مصدوم و ما مثيقش بلي عايرو و قدامها مازال و هي تشدها الضحكة من الشكل ديالو. 

دارت يديها على فمها كاتحبس الضحكة لكن ما قدرتنش و هي تطلقها و دغيا ثاني جمعاتها، انور حول عينيه لجيهتها و بقا كي شوفيها، ما حملش راسو و ما حملش هاد البلان حيت حس بيها بحال الى جات مع يحيى ضدو هو. 

زير على يديه و قرب ليحيى لي عجبو الحال ملي شاف مريم كاتضحك و بدا كي ضحك حتى هو. 

أنور(وصل لعندهم و شاف فمريم): كاتضحكي؟ 

مريم( كاتكحب باش تحبس الضحكة): كح كح 

يحيى: حيت عرفاتك ز**ل داكشي علاش ضحكات هههه 

مريم هنا جمعات الضحكة و شافت فأنور لي كان كي تهز و كي تحط و عروق يديه گاع خرجو، و بلا تردد جمع قبضة يديه و نزل على يحيى بلكمة حتى طيحو للأرض دايخ. 

مريم شهقات و غير شافتو مد يديه لجيهتها و هي تخبي وجهها بيديها خايفة لا يعطيها بونية تسخفها فالبلاصة شوية حسات براسها مهزوزة فالسما، حلات عينيها لقات انور هازها فوق كتفو و غادي بيها. 

مريم(ضرباتو لظهرو): هبطنييي 

أنور (عطاها شحطة لطرمتها): سكتي 

مريم(تصدمات): أويلي… 

باقي ما كملاتش كلامها كان أنور لاحها فداك البيسين لي كان فوسط الجردة. 

مريم طلعات لسطح الما و بقات كاتكحب حيت شربات الما، شافت فيه بعينين حمرين بان ليها واقف مربع يديه كي شوفيها. 

مريم: علاش هادشي؟ 

أنور(ما جاوبهاش على سؤالها حدو مد ليها يديه): طلعي 

مريم(ضحكات بإستهزاء): لايحني و دابا عاطيني يديك باش نطلع 

أنور: باش تعلمي ديري عقلك 

مريم: هادشي كامل حيت ضحكت؟ 

أنور: أري يديك خلاص 

مريم حركات ليه راسها بواخا، عطاتو يديها و غير شد فيها و هي تجرو باش يطيح فالما، لكن كان عايق بها و ماترخاش ليها،مريم ملي شافتو ما طاحش تعصبات و زيرات ليه على يديه، حتى هو رجعها ليها فالبلاصة، زير ليها على يديها حتى تقصحات. 

مريم: آااح صافي صافي طلق 

أنور (بقا رخى يديه لكن باقي شادها): شنو دابا غادي تبقاي هنا؟ 

مريم: أه غير سير انا غادي نطلع بوحدي 

أنور ماداهاش فيها جرها لعندو و هزها بخفة حتى طلعها من البيسين، شافيها لقاها كلها كاترعد من البرد و شعرها لاصق ليها فوجهها، شاف فشفايفها لي كي ترعدو و هو يبلع ريقو، هبط عينيه لصدرها لي كان باين الحجم ديالهم بحكم حوايجها لي لصقو عليها هو يغمض عينيه و تنهد من الأعماق، حلهم و حيد الڤيست ديالو حطها ليها فوق كتافها. 

شافيها شوفة أخيرة قبل ما يعطيها بالظهر و يمشي،لكن كانت مريم حبساتو ملي شداتو من يديه و دوراتو لعندها. 

مريم(حيدات الڤيست و لاحتها عليه): آخر مرة تصرف معايا بهاد الطريقة حيت كانظن كلامي كان واضح البارح 

أنور: أش من تصرف 

مريم: هاد التبرهيش لي درتي،ما عندكش الحق تهزني و تحط يديك على شي منطقة فالجسم ديالي بلا إذن و ما عندكش الحق تلوحني فالپيسين. 

أنور(حرك ليها راسو بواخا و مد ليها الڤيست): واخا شدي لبسي هادي و خبي صدرك كولو باين 

مريم شافت فصدرها ولقات داكشي لي لابسة كاملو لاصق عليها حتى بين الحجم ديالهم و أكثر من ذلك الريوس ديالهم بارزين، تحرجات لكن ما بيناتش مدات يديها لجيهت يديه بحال الى غادي تشد من عندو الڤيست و هي تضربها ليه، شافت فيه و قالت بحدة. 

مريم: حتى هاد الحق ما عندكش(أنور هز فيها حاجبو)ما عندكش الحق تخبي ليا الجسم ديالي، ما نتا بابا ما نتا خويا، ما راجلي ما خطيبي، ما كاتجمعني بيك حتى حاجة سوى أنك الشاف ديالي فالخدمة.

أنور بقا غير كي شوفيها حتى الهدرة باش يجاوبها تسرطات ليه و ما عرف ما يقول، شافها تخطاتو و مشات كاتعرج، دار لجيهتها و بقا كي شوفيها فالتالي تنهد و تبعها، بانت ليه مشات للطواليط ديال البنات و وقف كي تسنا فيها تخرج باش يديها معاه تبدل حوايجها، شوية كي جي عندو فؤاد لي كان كي قلب عليه.#تتمة

فؤاد: فين مشيتي أ صاحبي من قبيلة و حنا نقلبو 

أنور: أش واقع 

فؤاد: ولد العميد لي ضربتي مشا كي تشكا و دابا باك كي سول عليك و بغاك تمشي لعندو 

أنور(تنهد): واخا أنا غادي نمشي لعندو 

قبل ما يمشي شاف جيهت الطواليط ياك ما مريم تكون خارجة، لكن ما بانتش ليه،زفر بغضب و مشا لعند باه،دخل للقاعة لي فيها الإحتفال و هو يبان ليه باه واقف كي دوي مع اب يحيى هاد الأخير لي كان جالس فالكرسي و هاز الثلج حاطو على حنكو لي زراگ،قرب أنور لعندهم خنزر فيحيى عاد شاف فباه. 

انور:نعام الواليد 

سيف(شافيها و دوا بحدة):أش هادشي درتي؟ 

أنور: تجاوز الحدود و أنا عاقبتو 

العميد(بإنفعال):بأشمن حق تمد يديك على ولدي 

انور(جبد الشارة ديالو و وراها ليه): ها الحق لي عندي و ولدك رتاكب جريمة إهانة موضف أثناء مزاولة عمله و نتا عارف العقاب المناسب ديال هاد الجريمة(هز فيه حاجبو) شنو بان ليك؟ 

العميد بقا غير كي حنحن و كي شوف فولدو و كي خنزر فيه، سيف بان ليه السيد كي حمار و كي خضار و هو يتدخل. 

سيف:ولدك دار علاش و خدا الجزاء ديالو و بلا ما نوصلو للمحاكم و صداع الراس من الاحسن المشكل يتحل هنا 

العميد حرك ليه راسو بأه و مشا عند ولدو شدو من الكول ديال حوايجو و جرو وراه. 

سيف(شاف فولدو و ضربو لكتفو بشوية): تعلم تحكم حتى نتا فراسك شوية أولدي 

أنور: واخا 

سيف(دور عينيه على القاعة لي بدات كاتخوى و رجع شاف فأنور): يالاه نمشيو 

انور(تفكر مريم): غير سبقني الواليد غادي نلحق عليك 

سيف حرك ليه راسو بواخا و مشا مع يونس في حين هو رجع لعند مريم. 

هاد الأخيرة لي كانت خرجات قبيلة من الطواليط و غير بانو ليها الناس كي خرجو من الاوطيل و هي تخرج حتى هي شدات تاكسي و مشات فحالها. 

أنور بقا واقف تما شحال كي تسنا فيها، بانت ليه عيقات بزاف و هو يمشي لعند واحد المرا كاتدير الميناج تما،طلب منها تدخل تشوف واش كاينة و من بعد دقائق خرجات المرا. 

المرا: لا أ سيدي ما كاينة حتى وحدة لداخل 

أنور(عقد حواجبو): متأكدة؟ 

المرا: أه 

أنور: واخا شكرا 

تخطاها و مشا كي قلب عليها فالاوطيل كامل لكن والو ما لقاهاش، خرج و مشا ركب فطوموبيلتو، هز التيلي ديالو و عيط ليها، شوية و هي تجاوبو. 

مريم: وي شكون معايا؟ 

أنور(صدماتو): كيفاش شكون معاك؟ 

مريم: أه نتا هذا 

أنور: ما مقيداش نمرتي عندك زعما؟ 

مريم: لا كنت مقيداها و البارح مسحتها 

أنور ماجاوبهاش قطع عليها ديك الساعة و لاح التيلي فوق الكوسان بعصبية، زفر بغضب و ديمارا مكسيري غادي فحالو.  

فاليوم الموالي و على طاولة الفطور، كانو جالسين كي فطرو و قمر كل ثانية كاتنهد بحزن، حتى رد ليها سيف البال و سولها. 

سيف: مالك؟ 

قمر: بنتي أ سيف؟ 

سيف(عقد حواجبو): مالها بنتك؟ 

قمر: توحشتها 

سيف: بنتك تزوجات غادي تبقاي تابعاها؟ 

قمر(كشرات ملامحها بغضب): و الى تزوجات من بعد؟ نساها و ما نبقاش نسول عليها؟ 

سيف: هي لي دارتها لراسها خليها تحمل المسؤولية 

قمر(تنهدات بحرقة): 3 أيام و أنا كانصوني ليها والو ما كاتجاوبش و التيلي ديالها طافي حتى من يازيد ما كي جاوبش(شافت فأنور لي كان كي فطر بهدوء) ما عندك حتى خبار عليها؟ 

أنور حرك راسو بلا و بدون إهتمام، قمر هنا تعصبات و وقفات. 

قمر: الله يعيطيني برودة دمكم(شافت فسيف) كانقوليك بنتك ما عندنا عليها خبار و ما مسوقش(شافت فأنور) و نتا راه واقيلا ختك هاديك(شافتهم ماجاوبوهاش و غير كي شوفو فيها زادو عصبوها) عرفتو شنو بعدو مني گاع. 

ضربات فيهم و مشات خلاتهم غير كي شوفو 

سيف(تنهد و شاف فأنور): أش واقع؟ 

أنور: حتى أنا ما عرفتش 

سيف(بلع ريقو): ياك ما شي حاجة واقعة ليها؟ 

أنور: ما عرفتش يقدر غير التيلي ديالها خاسر و لا شي حاجة 

سيف: قمر غادي تبقى مشطونة عليها 

أنور(وقف): خاصني نمشي 

سيف: واخا أولدي 

عند يازيد لي كان هاز بلاطو فيه الفطور و طالع لعندها،وصل لبيتها و حل الباب، بانت ليه جالسة فالبالكون و كاتقرا فشي كتاب، تنهد و مشا لعندها، حط البلاطو فوق الطبلة و جلس. 

يازيد: فطري باش تشربي دواك 

شمس(كاتقرا فكتابها و ما كاتشوفش فيه): مازال ما هداك الله ياك؟ 

يازيد: حتى يهديك نتي بعدا 

شمس حركات راسها بواخا، سدات الكتاب حطاتو و بدات كاتفطر بهدوء و هو مقابلها و حاضي كل حركة كاتديرها. 

ما ينكرش انه لاحظ التغيير فشخصيتها،عجباتو هاد شمس العنيدة و فنفس الوقت باغي شمس القديمة ترجع، شمس لي كانت إبتسامتها ما كاتفارقش وجهها،حركاتها و تصرفاتها الطفولية و أهم حاجة حبها ليه لي كان غير مشروط. 

ما بقاش فاهم راسو و ما عارفش علاش تخلى على الانتـ…قام لي كان معول عليه، كان معول يخليها تعيش معاه العذاب و يندمها على النهار لي فكرات فيه تبغيه،لكن لقا راسو ما قادرش ينفذ هاد الانتـ…قام، حتى انه ولى كي هتم بيها مؤخرا و ماعارفش كيفاش يترجم هاد المعاملة ديالو ليها، واش يترجمها على انها شفقة منو و لا غير معزة حيت كاتبقى شمس واحد البنت لي تربات و كبرات معاه، و لا شي حاجة أكبر بكثير من هادشي. 

شمس(هزات فيه عينيها لقاتو حاضيها): غادي تبقى حاضيني؟

يازيد(وعى على راسو و وقف): أش فيك ما يتحضى 

مشا و خلاها كاتشوفيه ببرودة و غير غبر رجعات كاتفطر عادي. 

أما هو هبط لتحت معول يمشي لخدمتو حتى كي سمع الدقان، عقد حواجبو بإستغراب و مشا حل الباب، و غير حلو و بان ليه واقف و هو يتصدم. 

يازيد: أنور؟ 

أنور: هو هادا 

يازيد سكت و بقا غير كي شوفيه 

أنور: غادي تخليني واقف هنا؟

يازيد: احم لا دخل 

خلى ليه الطريق فين يدخل و دخل انور كي دور عينيه على الدار، تبعو يازيد لي كان متوتر و وقف حداه. 

يازيد: تشرب شي حاجة؟ 

انور(شافيه): لا فين هي شمس؟ 

يازيد(بلع ريقو): فبيتها 

انور: مالها ما كاتجاوبش على تيليفونها 

يازيد(سكت شوية كي فكر عاد جاوبو): خسر ليها و اليوم كنت معول نجيب ليها واحد جديد 

أنور (حرك ليه راسو بواخا و مشا جلس فوق الفوتوي):واخا عيط ليا عليها 

يازيد: واخا 

طلع لعندها و حل عليها الباب، لقاها باقا فبلاصتها مشا لعندها النيشان وشدها من دراعها وقفها. 

شمس: اش كاتدير؟ 

يازيد: خوك كاين لتحت بغا يشوفك 

شمس(وسعات عينيها بفرح): بصح؟(بعدات عليه) غادي نهبط لعندو 

يازيد(رجع جرها لعندو): كانقسم ليك بالله أ شمس و تخرجي من لسانك شي حاجة على هادشي لي واقع بيناتنا حتى نقـ   تلك و ما نعقلش عليك 

شمس(بتاسمات بسخرية): شفتك كاتقفقف؟ خويا خالعك لهاد الدرجة؟ 

يازيد(من تحت سنانو): ما خالعنيش ما بغيتش الصداع ينوض بين العائلة 

شمس(دفعاتو و خنزرات فيه): كون كنتي كاتدير بوجه العائلة كاعما نطيحو فهادشي 

يازيد: دابا باراكا من الهدرة و ديري داكشي لي قلت ليك 

شمس: كون هاني حيت من المصلحة ديالي ما نقوليه والو 

ضربات فيه و مشات فرحانة هابطة لعندو، وصلات لتحت و غير بان ليها جالس و كي لعب بالسوارت بصباعو و هي ترسم على شفايفها إبتسامة واسعة، ديك الساعة مشات لعندو. 

شمس: خويا 

أنور هز فيها راسو و غير شافها وقف تقابل معاها، بقا ساكت و كي حقق فوجهها لي كان صفر و باين عليها التعب،أما هي ما حسات براسها حتى تلاحت عليه معنقاه. 

شمس: خويا توحشتك بزاف 

انور(بقا ساكت شحال فالتالي مد يديه و حطهم على ظهرها): لاباس عليك؟#تتمة

شمس(بعدات و شافت فيه بعينيها مدمعين): لاباس و نتا 

أنور: بخير 

شمس: ماما و بابا؟ لاباس عليهم؟ توحشتهم بزاف 

أنور: الواليدة مشطونة عليك هاد الأيام 

شمس يالاه حلات فمها باغا تدوي و هو يقاطعها يازيد فاش حط يدي على كتفها معنقها. 

يازيد: أه راه داك النهار طاح ليها التيلي و خسر(شاف فشمس و بتاسم) اليوم إن شاء الله نجيب ليك واحد حسن منو واخا؟ 

شمس بتاسمات ليه إبتسامة صفراء و حركات راسها بأه 

أنور(بقا كي شوفيهم فالتالي قال): واخا نخليكم دابا و نتي سولي فالواليدة باش مايبقاش بالها مشطون 

شمس:بقا معايا شوية عافاك 

أنور:خدام جيت غير نطل عليك 

شمس(بحزن): واخا أ خويا 

أنور: تهلاو 

شاف فشمس شوفة أخيرة و مشا، أما يازيد كان باقي معنق شمس و غير شاف أنور خرج من الدار و سد الباب هو يشوف فيها. 

يازيد: امم ممثلة خطيرة ما عندي مانتسالك 

شمس(دفعاتو و بعدات عليه): قريبا غادي نولي مجرمة خطيرة 

يازيد(بتاسم و جرها لعندو): شنو زعما كاتهدديني 

شمس: لا غير كانعلمك 

يازيد(كي رجع ليها شعرها ورا وذنيها): امم مزيان كانتسنا بفارغ الصبر(جمع إبتسامتو) و دابا طلعي لبيتك 

شمس خنزرات فيه و ضرباتو ليديه لي كان حاط على شعرها،عطاتو بالظهر و مشات راجعة لبيتها في حين هو بتاسم و تبعها، سد عليها الباب و مشا فحالو للخدمة 

أنور وصل للخدمة و بلا ما يدوي و لا يسلم على شي حد مشا النيشان للمكتب ديالو باغي غير يشوفها قدامو، و مع وصل حل الباب و هي تبان ليه جالسة فالبيرو ديالها و كاتفوه و كاتكسل، مريم  شافتو و هي تقاد فالجلسة. 

مريم(هزات ملف دايرا راسها خدامة): احم 

أنور(قرب لعندها و وقف عليها): أش داكشي درتي نتي البارح؟ 

مريم(ماكاتشوفش فيه): أش درت؟ 

أنور: علاش مشيتي بلا ما نقولها ليك؟ 

مريم: و علاش غادي نتسنا حتى تقولها ليا 

أتور (تعصب و ضرب البيرو بقضبة يديه حتى قفزات):شوفي فيا ملي ندوي معاك 

مريم(شافت فيه): وي شاف 

أنور: آخر مرة ديري شي حاجة من دماغك راك متدربة عندي و غادي تولي ضابطة،راك مجبورة تطيعي الاوامر ديال الشاف ديالك وداكشي لي درتي البارح بإمكاني نطردك عليه 

مريم(ببرودة): واخا طردني 

أنور بقا غير كي شوفيها، ناري شحال عصباتو فهاد اللحظة، حط يديه على خصرو و بقا كي حرك فلسانو داخل فمو، كي شوفيها و كي تهز و كي تحط و السيدة گاعما مسوقة ليه خدامة فالبيسي كاتخربق فيه دايرة راسها مشغولة و مخلية داك البركان واقف عليها وشوية غادي يتفرگع. 

أنور دوز بيديه على وجهو كي حاول يتهدن، رجع شافيها ثاني لقاها ماكاتشوفش فيه، بانو ليه غير شي وراق تما محطوطين فوق المكتب ديالو هما لي ضربهم بيديه حتى تشتتو و خرج معصب من تما، رضخ الباب و مشا، أما هي غير سمعات الباب ترضخ و هي تنهد،وقفات و مشات كاتجمع دوك الوراق لي شتت. 

داز الوقت و حتى تهدن و حس براسو مزيان عاد رجع للبيرو، حل الباب و دخل بلا ما يشوفيها، مشا جلس فالبيرو ديالو،شعل البيسي و بدا كي خدم. 

مريم حتى هي ماشافتش فيه، كانت هازة التيلي ديالها و كاتلعب فيه حيت ما عندها حتى خدمة تديرها و فالاصل انور لي خاصو يقوليها شنو تدير، و بما انه ما قال والو حتى هي سكتات و ماسولاتوش. 

شوية تحل الباب و دخل منو مصعب، شاف فمريم و لقى عليها السلام. 

مصعب: السلام 

مريم: و عليكم السلام 

مصعب: عقلتي عليا؟ 

مريم: اه نتا هو صديق نسيمة ياك؟ 

مصعب: ايه هو هادا 

أنور(قاطعهم): مصعب؟ 

مصعب(شافيه و مشا لعندو): يالاه وقت الغدا 

أنور: غير سير خدام 

مصعب: الخدمة ما غاديش تهرب 

أنور: عندي خدمة كثيرة 

مصعب: همم واخا(شاف فمريم و مشا لعندها) يالاه معانا انا و فراس 

مريم: فين؟ 

مصعب: للريسطو لي حدا الكوميسارية 

مريم: حتى فراس غادي 

مصعب: أه 

مريم: اوكي 

وقفات و هزات العكاز ديالها، مصعب مشا حل الباب و تسناها حتى خرجات عاد خرج و سدو، خلى أنور كي شوفيهم و مزير على يديه. 

مشاو للريسطو و معاهم حتى فراس، جلسو فالطبلة و هزو ل Menu كي ختارو أش بغاو شوية كي وقف عليهم. 

فؤاد: السلام عليكم 

الكل: و عليكم السلام 

فؤاد جلس حدا مصعب و مقابل مع مريم،بقا كي شوفيها شوية سولها. 

فؤاد: مريم كي بقات رجليك 

مريم: بخير ماشي بحال اللول 

فؤاد: مم مزيان ماتفورصيش عليها 

مريم: واخا الشاف 

مريم(شافت ففراس): هاني غادة للطواليط فاش يجي السرباي خود ليا هاد الپلا و قوليه بلا حار 

فراس: واخا غير سيري 

وقفات مريم و مشات كاتعرج بعكازها للطواليط، فنفس الوقت دخل أنور و وقف كي قلب عليهم بعينيه، غير شافهم و هو يمشي لعندهم.

أنور: السلام عليكم 

مصعب: جيتي ياك قلتي عندك الخدمة 

أنور(جلس حدا فراس): الخدمة ما بقاتش عندك شي مشكل؟ 

مصعب: ههه لا لا 

أنور (شاف ففراس): فين هي؟ 

فراس: شكون؟ 

أنور(من تحت سنانو): مريم شكون مثلا؟ 

فراس: أه هه مشات للطواليط 

أنور حرك ليه راسو و جا السرباي خدا الطلبات ديالهم و مشا، داز الوقت،الماكلة جات و مريم باقي، أنور عيا يتسنا فيها و والو مابغاتش تبان. 

أنور: واش هادشي كامل طواليط 

فراس(بقا ساكت شوية و هو يوسع عينيه): آااه عرفت علاش تعطلات 

انور(عقد حواجبو بإستغراب): علاش 

فراس: هاد الوقيتة فالشهر كاتجيها لي غيگل و ديما كاتسنا كون راه مشات تشري اولويز من… 

أنور مع الصدمة ما عرف ما يدير سوى يحط يديه على فمو باش يسكتو، شاف فمصعب لقاه حابس الضحكة و فؤاد كي حنحن بإحراج، رجع شاف ففراس و هو يصرفقو بديك اليد نيت لفمو. 

أنور:واش لحسك ماكاتحشمش؟ 

فراس(شاد فمو بيديه):نتا لي بغيتي تعرف… 

أنور(من تحت سنانو): صافي سكت 

سكت فراس و بدا كي ياكل، شوية بانت ليهم الدرية عاد جاية كاتعرج، شافت فأنور جالس فبلاصتها و هي تنهد، انور دار ليها بلاصة باش تجلس حداه ساعة خلاتو بلاكة و جلسات حدا فؤاد لي بتاسم ليها و جر ليها الپلا ديالها حداها. 

مريم(بإبتسامة): شكرا 

شافت بعفوية فأنور لقاتو كي خنزر فيها، ماهتاماتش هزات الفورشيط و بدات كاتاكل، شوية و هي تبدا كاتكحب و عينيها حمارو و ولاو مدمعين،تجيفات بمعنى الكلمة، أنور تخلع عليها و هز كاس ديال الما بالخف و مدو ليها، فنفس الوقت كان فؤاد حتى هو هاز كاس ديال الما باغي يعطيه ليها. 

مريم هزات عينيها فيهم و هي تشد من عند فؤاد الكاس و شرباتو، انور زير على الكاس لي كان هاز و حطو بالنترة فوق الطبلة 

فؤاد: مالك أ مريم؟ 

مريم (خرجات لسانها و كاتنش عليه بيديها): سسس حار 

شافت ففراس لقاتو كي خشي فوجو و بلا ما تدوي نزلات عليه بيديها لراسو حتى هبط لتحت. 

فراس(شاد راسو): و علاش؟

مريم(كاتدوي بصعوبة): ياك قلت ليك الحار لا 

فراس: اه ههه نسيت 

مريم هزات ثاني الما و بدات كاتشرب و كاكرطا من بلاصتها، ما عندهاش مع الحار و كي حر..قها بزاف. 

أنور بقا كي شوفيها كاتعاني قدامو و هو يوقف مشا غبر شي دقائق و رجع هاز كاس ديال الحليب، حطو حداها و مشا جلس. 

مريم(ما فهمات والو): لاش هادا 

أنور: شربيه 

مريم(هزاتو و حطاتو حداه): ما بغيتوش 

أنور خنزر فيها و يالاه بغا يدوي و قاطعو مصعب 

مصعب: شربيه باش يخفف عليك الحر..يق 

مريم حنحنات و هزاتو بقات كاتشرب فيه حتى سالاتو،شوية بدات كاتحس بالراحة ملي خفاف الحر..يق،شافت فيه لقاتو كي شرب فالما و كي شوفيها،دغيا حيدات عينيها من عليه و شافت ففؤاد لي كان كي هدر معاها. 

داز الوقت و مريم هي و فؤاد مجمعين و السيدة دغيا تطلقات معاه فالهدرة، مخليين أنور قرب يتفرگع. 

انور(وقف و شاف فمريم): تحركي يالاه 

مريم: غير سير بغيت نبقا 

أنور(خنزر فيها و دوا بالغوات حتى ضارو كي شوفو فيهم الناس لي تما): تهزي لخدمتك 

مريم شافت فيهم و رجعات شافت فيه، خنزرات فيه حيت ما عجبهاش الحال كيفاش دوا معاها، هزات العكاز ديالها و وقفات، تخطاتو و مشات معصبة،تنهد أنور و تبعها. 

وصلو للكوميسارية و مريم مشات النيشان للمكتب دخلات و مشات للبيرو ديالها، في حين هو كان وراها دخل سد الباب و مشا حتى هو للبيرو ديالو، بقا خدام و مرة مرة مراقبها كاتعلب بالستيلو و كاتأفأف بملل، طالع ليها الدم حيت بغات تخدم و دير شي حاجة ماشي تبقا غير جالسة ما كي عطيها حتى حاجة تديرها، كي بقا غير مجلسها حداه و حاضيها. 

شوية كي عقد حواجبو ملي كاتبان ليه وقفات و خرجات من المكتب، مشات لعند فؤاد و قبل ما تدخل دقات، ماجاوبها حد و عاودات دقات، يالاه بغات تزيد الثالثة و هي تسمع صوتو من وراها. 

فؤاد: مريم؟ 

مريم(ضارت لعندو): أه الشاف نتا هنا حساب لي كاين فالمكتب ديالك 

فؤاد: محتاجة لشي حاجة؟ 

مريم: فالحقيقة بغيت نطلب منك واحد الحاجة 

فؤاد: وي طلبي 

مريم: ما بقيتش بغيت نتدرب مع الشاف أنور 

فؤاد: كيفاش؟ 

مريم: بغيتك تبدلني مع شي متدرب عندك 

فؤاد: علاش؟ 

مريم: هاكداك ما مرتاحاش معاه 

فؤاد(حرك راسو بتفهم): واخا دابا ندوي مع شي متدرب عندي باش نبدلك معاه 

مريم: واخا شكرا بزاف 

فؤاد: العفو نخليك 

بعد من قدامها و حل الباب دخل للمكتب ديالو، في حين مريم بقات واققة مصدومة ملي شافت أنور لي كان واقف ورا فؤاد و سمع كلشي. 

أنور: ما مرتاحاش معايا؟ 

مريم(سكتات شوية قبل ما تجاوب): أه 

أنور(بقا شحال كي شوفيها بنظرات حزينة): واخا راحتك نهار الاثنين غادي تبداي مع فؤاد 

مريم: واخا 

شافيها شوفة أخيرة و مشا، في حين هي بقات كاتشوفيه حتى دخل للمكتب ديالو و هي تنهد تنهيدة طويلة ومشات حتى هي تبعاتو. 

جلسات فالبيرو ديالها و بقات كاتلف فالوقت في حين هو ما بقاش شافيها نهائيا، حتى وصل الوقت و خرجو مشاو فحالهم بلا ما يدوي حد مع حد بحال الى غرباء كليا على بعضياتهم، بحال الى عمرهم كانو أصدقاء و تشاركو الاسرار بيناتهم و شحال من حاجة.#تتمة 

عند يازيد لي جا من الخدمة و أول حاجة دار و لي ماموالفش يديرها هي مشا لعند شمس باش يطل عليها،حل الباب و هي تبان ليه جالسة كاتدهن فرجليها بالكريم و لابسة شوميز دو نوي فالغوز، بلع ريقو و قرب ليها، هي شافت فيه و هي تسوط، سدات ديك القرعة ديال الكريم و مشات حطاتها فوق الكوافوز، عاد قربات لعندو. 

شمس: بغيت نهبط لتحت محتاجة الكوزينة 

يازيد: لا 

شمس: تشهيت كيكة و بغيتها ضروري 

يازيد: واخا غادي نقولها للخدامة تصايبها ليك 

شمس: لا تشهيت ديك لي كانقاد بالضبط 

يازيد(هز فيها حاجبو): شمس باراكا… 

شمس(حطات يديها على كرشها): كانتوحم أ يازيد 

يازيد سكت و بقا كي شوفيها و كي فكر فالتالي ستسلم لدوك الشوفات البريئة لي كاتدير فيه. 

يازيد: واخا يالاه 

شمس بتاسمات و تخطاتو، خرجات من البيت و هبطات لتحت مشات النيشان للكوزينة، بدات كاتجبد داكشي لي غادي تحتاج و يازيد واقف بعيد شوية و كي تفرج فيها، بقا مراقبها و هي كاتطيب، مامسوقش گاع لداكشي لي كاتدير عينيه غير عليها هي صافي. 

شمس(شافت فيه): غير سير تجلس راه قريب توجد الكيكة 

يازيد: لا غير خليني نبقا حاضيك 

شمس تعصبات و عطاتو بالظهر كاتكمل شغلها، حتى كي غفلها ملي كي عنقها من اللور و كي حط وجهو على عنقها. 

يازيد: امم ما فخباريش كاتعرفي طيبي 

شمس(حسات بالتبوريشة ماشي حيت عجبها الحال و إنما حيت عايفاه): احم بعد عافاك 

يازيد(زاد قرب و خشا وجهو فعنقها): لا 

شمس: الكيكة غادي تحر..ق 

يازيد: أنا لي كانتحر..ق 

شمس(تنهدات): يازيد 

يازيد(بتاسم و باسها فعنقها حتى قفزات): واخا واخا 

خرج من الكوزينة و خلاها كاتكمل داكشي لي بداتو، داز شوية الوقت و خرجات شمس من الكوزينة هازة الكيكة و طباسل صغار، بان ليها يازيد جالس كي تفرج و مشات جلسات حداه، شافت فيه لقاتو مركز مع التلفازة،قطعات ليه طرف حطاتو فالطبسيل و عطاتو ليه.

شمس: هاك 

يازيد شافيها، بتاسم و خداه من عندها، أما هي قطعات طرف آخر و مشات عطاتو للخدامة لي كانت كاتغسل فالماعن، شوية بتاسمات بشر ملي سمعاتو كي كحب بهستيرية، مشات لعندو لقاتو تجيف و وجهو حمر، شاد فحلقو و كي حاول يتنفس. 

بقات واقفة كاتشوفيه ببرودة و على وجهها إبتسامة شيطانية، فهاد اللحظة كاتبان شيطانة ماكرة بملامح بريئة. 

الخدامة خرجات كاتجري بان ليها السيد قرب يموت، ما فهمات والو مشات لعندو و كاتضرب ليه فظهرو حساب ليها واش وحلات ليه الكيكة  

يازيد(كي دوي بصعوبة): ال.. دوا فال.. بيت 

الخدامة فهماتو و مشات ديك الساعة لبيتو باش تجيب ليه الدوا ديال الحساسية بحكم يازيد عندو حساسية من البندق لي ستعملاتو شمس عمدا فالكيكة. 

يازيد بقا هاكداك كي تجيف و هي واقفة عليه، بان ليها باغي يهز كاس ديال الما و هي تنترو ليه من يديه،شافيها و هي تهزو حتى للفوق و خواتو عليه. 

الخدامة جات و مشات النيشان لعند يازيد عطاتو الدوا،و غير شربو و هو يرتاح. 

رجع راسو للور و غمض عينيه كي سترجع أنفاسو في حين شمس مراقباه ببرود قا*تل. 

شمس(شافت فالخدامة): سيري 

شافت فيازيد لي دار ليها حركة بمعنى سيري و هي تنوض و مشات، يازيد شد راسو بين يديه و بقا شحال هاكداك حتى حس بصحتو ولات بخير هو يوقف و مشا تقابل معاها. 

يازيد: لاش هادشي كامل؟ 

شمس: للأسف الخدامة خسرات ليا الخطة 

يازيد: كنتي ناوية تقت*ليني؟ 

شمس: تماما 

يازيد تعصب بزاف و لكن ما باغيش يبرد فيها أعصابو حدو شدها من يديها و جرها وراه، داها لبيتها دفعها بشوية حتى دخلات و سد عليها الباب. 

بقا حاط جبينو على الباب شحال كي حاول يضبط أعصابو و ما يديرش شي حاجة لي يندم عليها و ما لقا غير الشراب هو المهرب ديالو  فهاد اللحظة. 

مشا لبيتو جبد الشراب و جلس كاس تابع كاس حتى سكر بالمزيان و ما بقاش عاقل على راسو. 

أنور دخل للدار بانت ليه مو جالسة فالصالون و كاتهدر فالتليفون، قرب لعندها باسها فراسها و جلس حداها هي شافت فيه و بتاسمات ليه. 

قمر: حتى أنا بحالك و الله شمس هاد الايام كانعيط ليها ماكاتجاوبش 

فايزة: هازة ليها الهم ما كاتاكل ما كاتشرب و غير سادة عليها فبيتها ما عرفنا ما نديرو معاها 

قمر: ياك ما مريضة؟ 

فايزة: على هي خلاتنا ندويها للطبيب كانقوليك بيتها ما بقاتش كاتخرج منو حتى من لافاك ما مشاتش ليها 

قمر(تنهدات بضيق): إوا راقبوها و ردو ليها البال هاد الفترة ما تعرفي فاش تكون كاتفكر 

فايزة: داكشي لي كاندير 

قمر: يالاه نخليك حتى ندوز لعندك 

فايزة: إن شاء الله و الى وصلاتك شي خبار على شمس طمنيني عليها 

قمر: إن شاء الله 

قطعات معاها و شافت فأنور لقاتو كي شوفيها 

أنور: شكون الواليدة لي خاصهم يراقبوها؟ 

قمر(تنهدات): ميساء ا ولدي ما عرفوش مالها هاد الايام مها قالت ليا غير حابسة راسها فالبيت ما كاتكول ما كاتشرب 

أنور سكت و بقا غير شوفيها، تصدم حيت ما كانش متوقع بلي حتى لهاد الدرجة كاتبغي يانيس، تنهد و قال. 

أنور: شمس طليت عليها الصباح و راه لاباس عليها 

قمر(فرحات): بصح أ ولدي؟ 

أنور: أه غير التيلي ديالها خسر ليها و راه غادي تهدر معاك فاش تاخد واحد جديد 

قمر: و يازيد علاش ما تهدرش معايا من التيلي ديالو 

أنور: يازيد كي ضل فالخدمة الواليدة 

قمر: واخا هاكداك 

أنور: المهم راه بنتك بخير 

قمر(تنهدات براحة): الحمدلله 

أنور وقف و مشا طلع لبيتو، بدل حوايجو و تلاح فوق الناموسية كي فكر فميساء و داكشي لي سمع عليها،بقات فكرة تديه و فكرة تجيبو فالتالي خرج بقرار و ناوي ينفذو و غادي يكون آخر حاجة غادي يدير على قبلها.  

يازيد سكر حتى سكر و ما طاحت ليه فبالو غير هي،لاح قرعة الشراب و وقف، خرج من البيت و مشا لبيتها كي تمايل، جبد الساروت و بقا كي حاول يحل فيه و مع سكران و دايخ بقا معاه شحال عاد تحل ليه، دخل لقاها ناعسة و الشوميز طالعة مبينة مؤخرتها، بلع ريقو بشهوة و قرب لعندها. 

جلس حداها و حط يديه على مؤخرتها و بقا كي تلمس فيها، هي حسات بيه و ناضت ديك الساعة قافزة،شافت فيه لقاتو كي شوفيها و عينيه ناعسين بالسكرة. 

يازيد(كي هدر بثقالة): علاش أ شمس؟ ياك كانحاول نعطيك التيساع 

شمس(بلعات ريقها عرفاتو سكران): خرج خليني نعس 

يازيد(حرك راسو بلا): بغيت نعس حداك 

قرب وجهو لوجها و هي تصرفقو عايفة منو، يازيد بقا مدور وجهو جنب شحال قبل ما يشوفيها معصب، حرك راسو بواخا و شدها من شعرها، جرها حتى تهزات من بلاصتها و طاحت للأرض، يازيد بقا واقف عليها و مهبط عينيه لجيهتها كي شوفيها. 

شوية بتاسم ،حيد السمطة و لاحها، حل السنسلة ديال السروال و بلا ما حيدو جبد رجولتو و شدها من شعرها طلع ليها وجهها حتى شافت فيه و فداكشي لي قدامها،خرجات عينيها بصدمة و بدات كاترعد بخوف. 

يازيد: حلي فمك 

شمس قلبها قرب يوقف من الخلعة سدات عينيها و بقات كاتحرك ليه راسها بلا 

يازيد(من تحت سنانو): حلي فمك 

شمس بدات كاتبكي مترجية من الله انها تخلي قلبو يحن فيها و تبقى فيه و يطلقها، لكن والو يازيد حاليا ماشي فالوعي ديالو و غايب عن الوجود، شافها ما بغاتش تحل فمها و هو يهز يديه حتى للسما و نزل عليها بصفعة حتى حلات فمها ملي شهقات، و ديك الساعة خشاه ليها ففمها حتى خرجو عينيها. 

بدا كي دخلو حتى كي وصلو لحلقها و كاتبغي ترد و كي عاود يخرجو و هي سادة عينيها و الدموع هابطين منهم، كاتضرب فيه بقبضة يديها و كاتحاول تبعدو من عليها لكن كان متحكم فيها مزيان بديك الشدة لي شادها من شعرها. 

بقا السيد خدام مدة حتى قضى غرضو داخل فمها عاد خرجو و طلع السنسلة، هي مع طلقها مع هبطات راسها للأرض كاتحاول ترد داكشي لي ففمها. 

بقات كتكحب و تبكي شوية تحول بكائها لبكاء بطريقة هستيرية، كاتبكي و جسمها كلو كي ترعد و كي رجف،طاحت للأرض و الدموع هابطين من عينيها بغزراة. 

في حين هو تخطاها و مشا للناموسية تلاح فوقها غايب و گاعما عارف راسو أش دار أصلا. 

صبح الحال و فاق يازيد كي تكسل، حل عينيه و تقاد فالجلسة و هو يشد راسو ملي حس بيه ضرو، دور عينيه جيهت الغرفة و هو يعقد حواجبو بإستغراب ملي لقا راسو فبيتها، شاف فالناموسية ما لقاهاش، ديك الساعة وقف باغي يخرج يقلب عليها، حتى كي وقف مصدوم ملي بانت ليه ناعسة فالارض و كاتشهق و تنخسس، شعرها گاع مخربق و حالتها حالة. 

يازيد ما فهم والو بقا غير كي شوفيها، حتى بدات كاتوضح الصورة فعينيه و عقلو بدا كي سترجع أحداث الأمس عاد غمض عينيه و شد راسو. 

يازيد: لا لا ما يمكنش 

تحنى لمستواها و بقا كي ضرب ليها فوجهها بشوية،حلات عينيها بثقالة و شافت فيه، مع شافتو مع ناضت قافزة،تقادات فالجلسة و بدات كاترجع باللور و كاتحرك راسها بلا و هو غير كي شوفيها بندم. 

يازيد(جالس على ركابيه): شمس… 

شمس: لا لا بعد مني 

يازيد مد يديه لجيهتها و هي تضربها ليه، شدات راسها و بقات كاتحركو بهستيرية و حالتها ولات كاتخلع، يازيد ما عرف ما يدير شدها من دراعها و غوت عليها باش توعى على راسها. 

يازيد: شمس 

شمس قفزات و شافت فيه لكن سرعان ما تحولو شوفاتو لشوفات عامرين كره و حقد 

شمس(من تحت سنانها): شماتة 

يازيد بقا غير ساكت و مهبط راسو لتحت 

شمس مدات يديها لجيهتو و بقات كاتصرفق فيه تصرفيقة من ورا الثانية و كاتبكي و تغوت بشماتة شماتة، و هو مخليها كاتصرفق فيه و عينيه دمعو من كثرة الندم لي كي حس بيه فهاد اللحظة 

يازيد(حادر راسو و دوا بصوت باكي): سمحي ليا 

شمس غير سمعاتو أش قال بدات كاتصرفق فيه بصفعات أقوى من الأول، و هو ما كي دير حتى شي ردة فعل بالعكس كي ستقبل الغضب ديالها. 

شمس(كاتبكي):شماتة و غادي تبقا طول عمرك شماتة 

يازيد (بدا كي بكي و كي حرك ليها راسو بأه): سمحي ليا بزاف 

شمس ماجاوباتوش بقات غير كاتبكي في حين هو حط راسو على كتفها و بقا كي بكي بصوت مرتفع بحال شي دري صغير.

حيت ما قادرش يثيق هادشي لي دار ليها،هو واخا زهواني و ضاسر لكن عمرو فكر يقرب من شي وحدة بزز منها،هما لي كي جيو لعندو و حتى من شمس راه هي لي سلماتو راسها و رفضها فالاول و بقات لاصقة فيه ستسلم ليها فالتالي. 

أما دابا كاره راسو و تمنى الموت فهاد اللحظة و ما لقاهاش،داكشي علاش كتفى بالبكاء كي عبر بيه على الندم لي كي حس بيه خاصة و أن هادي لي قدامو ماشي اي بنت عادية واخا هادشي لي دار ماخصوش يدار مع أي بنت كيفما كانت واخا تكون عاهرة لكن شمس كاتبقى البنت لي كبرات قدامو و معاه و أكثر من ذلك راها مرتو. 

شمس(دفعاتو و غوتات): خرج بعد منييي 

شافيها بعينيه لي عامرين دموع و وقف ديك الساعة خرج من تما، مشا لبيتو و اي حاجة بانت ليه كي زف بيها بعصبية و كي غوت على الله يطفي ديك النار لي شاعلة ليه فقلبو، بقا هاكداك كي برد أعصابو فالاثاث ديال بيتو حتى عيا و سخف. 

خرج من البيت و من الدار كاملة و مشا ركب فطوموبيلتو، ديمارا مكسيري و بقا غادي نحو وجهة غير معروفة، بحال الى باغي غير يهرب و صافي، باغي يهرب من راسو. 

داز الوقت و يازيد فسيارتو حاط راسو على الفولون كي فكر و كي تنهد بحرقة، هز راسو و هو يبان ليه محل ديال المجوهرات، بقا شحال كي شوفيه، فالتالي جات فبالو فكرة باش يقدر يصلح هادشي لي دار، هبط ديك الساعة و مشا دخل ليه. 

بانو ليه المجوهرات على الاشكال و الانواع، بقا كي حقق فيهم بتركيز تام، حتى لمح واحد العقد من الذهب و فيه ديكور فالوسط على شكل شمس، بتاسم حيت ديك الشمس كاتشبه بيها نيت، حتى هي مشرقة بحال إبتسامتها لي فارقات شفايفها مؤخرا،و بدون تردد طلب من البنت لي تما تجمعها ليه، خلصها و خرج. 

رجع للدار، و كان هاز بين يديه بوكي ديال الورد و اليد الثانية البواطة لي فيها العقد، بدا كي قلب بعينيه على الخدامة لكن ما لقاهاش شوية عاد تفكر بلي اليوم الاحد و كاتمشي فيه الخدامة عند عائلتها. 

وصل للدروج و طلع فيهم،متأمل يشوفها و يطلب منها السماحة،عند بالو يقدر يصلح الغلط ديالو بكادو و شي وريدات،بقا طالع درجة بدرجة حتى وصل للفوق و يالاه بغا يدور لجيهة لكولوار و هو يدخل فيها. 

يازيد: شمس 

شمس شافت فداكشي لي هاز و رجعات شافت فيه،بتاسمات بسخرية و بلا تردد و بلا ما تهدر معاه،جبدات الموس من وراها و غرساتو ليه فكرشو حتى شهق و شافيها بصدمة. 

باقي حتى ما ستوعب شنو وقع رجعات خشات فيه الموس و خرجاتو ثاني حتى لاح داكشي لي كان هاز و شد فكرشو مخرج عينيه بألم. 

شمس لاحت الموس و بقات كاتمشى باللور غادة جيهة الدروج و فنفس الوقت كاتشوفيه ببرود و عاجبها الحال، يازيد كان شاد كرشو كي توجع و كي نين بألم و غير شافها قربات للدروج و على شوية تطيح، مشا بالزربة شدها من يديها و رجعها لعندو حتى لصقات فيه، مستخدم ديك الشوية ديال القوة و الجهد لي بقاو عندو. 

طلق منها و بعد عليها و غير تأكد بلي راها بخير و هو يطيح للأرض غارق فد*ماياتو. 

شمس بقات واقفة و كاتشوفيه شاد فكرشو و كي نين بألم، الد*مايات كي خرجو من المكان فين طعناتو بغزارة،بلعات ريقها و رجعات خطوات للوراء، عقلها فهاد اللحظة وقف و ما عرفات ما تدير واش تهرب و لا تعيط للبوليس و تسلم راسها، و لا تعيط للإسعاف يجيو يعتقوه، صرفقات راسها باش تفيق من الشرود ديالها و تعرف شنو تدير، شوية كي جي فبالها غير هو، حيت هو الوحيد لي غادي يعاونها و يجي فصفها خاصة الى عرف شنو وقع.

مازادتش فكرات كثر، مشات ديك الساعة لبيت يازيد كاتقلب على سوارت الطوموبيل، ملي لقاتهم خرجات من البيت ودازت من حداه شافت فيه لقاتو قرب يغيب عن الوعي. 

بقات واقفة كاتشوف فيه لعدة ثواني قبل ما تهبط من الدروج كاتجري، خرجات من الدار و ركبات فالطوموبيل غادة لعندو، و بسبب السرعة لي كانت غادة فيها وصلات في دقائق. 

هبطات من الطوموبيل و مشات النيشان تلاحت على الباب كاتدق فيه بالجهد، حتى حلات ليها الخدامة لي كانت مخلوعة من داك الدقان، شافت فيها وهي توسع عينيها من حالتها. 

شمس ما دواتش معاها دفعاتها من حدا الباب و دخلات كاتقلب عليه، بان ليها جالس فالجردة و حداه قمر،بحكم اليوم الأحد ما خدامش. 

غير شافتهم عينيها تغرغرو و مشات لعندهم كاتجري 

شمس: بابا 

سيف و قمر هزو فيها عينيهم و هما يتصدمو من حالتها، كانت كلها عامرة د*مايات من يديها لحوايجها،قمر شداتها السخفة في حين سيف بلع ريقو و وقف. 

سيف: شمس؟ 

شمس(كاتدخل و تخرج فالهدرة): أنا قت*لتو أنا قتا*لة 

سيف(عقد حواجبو): أش كاتقولي 

شمس(بدات كاترعد بهستيرية): قت*لتو يازيد ما*ت 

سيف حس بالدنيا ضارت بيه، بقا غير كي شوفيها ما مصدقش بنتو تق*تل إنسان و هي لي من ديما حساسة و عمرها آذات شي حد.

أما قمر غير سمعاتها أش قالت شهقات و شدات راسها كاتبكي. 

قمر: أش درتي أ بنتي أش درتي 

شمس(كاتبكي): بابا أنا غادي ندخل للحبس 

سيف بقا واقف مغمض عينيه، ما دوا ما تكلم 

شمس(شدات ليه يديه): بابا عافاك ما تخلاش عليا 

سيف(أخيرا نطق): قت*لتيه؟ 

شمس (كاتحرك راسها بأه و كاتبكي): عتقني أ بابا 

سيف(غمض عينيه و رجع حلهم): واش متأكدة بلي ما*ت؟

شمس: ما عرفتش أنا خشيت فيه الموس جوج مرات و ما عرفتش شنو وقع ليه 

مع كملات كلامها مع جمعات ليها قمر وجهها بتصرفيقة حتى دار للجهة الثانية 

قمر: غارسة فيه موس و جاية كاتقولي فيها فرحانة؟بلاصة ما تعيطي للأومبيلوص جاية بوجهك حمر؟ 

شمس(كاتشهق و كاتهدر): ماما 

قمر (بالغوات): سكتي يا المجرمة سكتي، حتى لهاد الدرجة وصلات بيك تقت*لي بنادم؟ 

بغات تلاح عليها و هو يحبسها سيف 

سيف: هداي نتي خلينا بعدا نعتقو الدري عاد نشوفو شنو نديرو معاها(شاف فشمس و دوا بحدة) غادي تبقاي هنا و ماتحاوليش تخرجي 

شمس حركات ليه راسها بأه في حين هو مشا طاير،خرج من الدار و ركب فطوموبيلتو غادي لعندو. 

قمر(شافت فيها بحدة): غبري من قدامي 

شمس(كاتبكي): ماما 

قمر: سيري لبيتك 

شمس بقات كاتشوفيها فالتالي مشات طلعات لبيتها،دخلات و تلاحت فالناموسية كاتبكي و كاتفكر فهاد النهار لي عمرها تنساه، كاتقارن حياتها قبل و حياتها دابا، واحد الاختلاف كبير، يالاه قبل شي أيام كانت فرحانة و عايشة أحسن ايامها، و دابا بين ليلة و ضحاها ولات قات*لة، و الضحية ديالها هو لي كان ليه الفضل نيت فالفرحة ديالها قبل. 

قمر حتى هي طلعات لبيتها و مشات لبسات عباية بالخف مع شالها و خرجات تبعات سيف بطوموبيلتها. 

سيف وصل لدار يازيد لقا الباب محلول، دخل كي جري وكي قلب عليه بعينيه، ما لقاهش لتحت و طلع للفوق و مع وصل مع بان ليه مجبد تما و ضاية ديال الد*م دايرة عليه، بلع ريقو بخوف و مشا تحنى لمستاواه. 

سيف(كي ضرب وجهو بشوية):يازيييد حل عينيك 

يازيد حل عينيه بثقالة شاف فيه شوفة وحدة و رجع سدهم، سيف حط يديه على عنقو كي قيس النبض ديالو لقاه ضعيف، وقف و هز التيلي ديالو عيط للإسعاف، حيت ما يمكنش يديه هو، اي حركة واخا تكون بسيطة تقدر تخليه يزيد يفقد الد*م و يمو*ت. 

ما هي إلا دقائق حتى جات قمر و مع دخلات للدار مع بان ليها سيف واقف لفوق، طلعات دغيا كاتجري و غير سمع حسها، و هو يدور لعندها، وقف مقابل معاها و مانعها تشوف داكشي لي وراه. 

سيف(شدها من دراعها): لاش جيتي؟ 

قمر(كاتحاول تشوف وراه و كاتبكي): أش وقع؟ قولي بلي باقي حي عافاك 

سيف: شوو صافي سكتي باقي حي 

قمر(حطات راسها على صدرو): شنو هاد المشكل تسلط علينا يا ربي بنتي مشات فيها 

سيف(كي هدن فيها): صافي أ قمر كلشي غادي يكون مزيان 

سمع صوت سيارة الاسعاف و هو يجر قمر معاه و هبطو لتحت، دخلو المسعفين و وراهم سيف فين كاين يازيد مشاو بالجرى لعندو هزوه و داوه. 

في حين سيف عيط لواليديه علمهم بلي وقع و مشا تبع يازيد هو قمر. 

فالسبيطار كانت منى و ثائر يالاه وصلو، منى وجهها صفر بالخلعة و ثائر كاملو عرقان، بانو ليهم سيف و قمر واقفين قدام غرفة العمليات و مشاو لعندهم. 

منى(كاترعد): ولدي اش وقع ليه 

سيف(بأسف): باقي ما عرفنا 

منى جلسات كاتبكي حيت رجليها فشلو عليها في حين ثائر شاف فسيف و قال 

ثائر: كيفاش حتى وقع هادشي 

سيف: ما عرفت شنو وقع بيناتهم 

شوية بداو كي جيو واحد بواحد و كاملهم من غير يعقوب لي مسافر و ميساء لي ما فخبارها والو بحكم داك السجن لي حابسة راسها فيه. 

أنور عيطو ليه باش يجي للسبيطار و ما فاهم والو،بانو ليه كلهم واقفين تما كي تسناو عقد حواجبو و قرب ليهم. 

أنور: أش كاين 

مصعب(تنهد): يازيد تضرب بموس لكرشو 

أنور(وسع عينيه بدهشة): تضرب بموس؟ شكون ضربو؟ 

كلهم شافو وراه ملي سمعو صوت شمس لي كانت يالاه وصلات 

شمس: أنا لي ضربتو 

أنور (ضار شافيها كانت دوشات و بدلات حالتها عاد جات): علاش؟ 

منى (غير شافتها وقفات غادة لعندها): كاتقولي فيها القتا*لة 

قبل ما توصل ليها و دير فيها شرع يديها كان سيف وقف قدام بنتو حاميها من منى. 

سيف: أش كاتديري؟ 

منى(حمرات فيه عينيها): أش كاندير؟ كاتسولني؟ 

سيف: قبل ما نلوموها خاصنا نسمعو اش وقع 

منى(كاتغوت): شنو غادي يكون وقع گاع؟ شنو غادي يخليها تبغي تقت*ل ليا ولدي 

سيف: بنتي مستحيل تفكر تآديه الى ما دارش ليها شي حاجة 

منى خنزرات فيه و شافت فشمس لي كانت واقفة ببرودة، عصباتها فهاد اللحظة و ما حسات براسها حتى مدات يديها لجيهتها ناوية تضربها ليها بنتفها و تشتف عليها تفرغ فيها أعصابها، لكن كان واحد الدرع حامي لبنتو واقف تما و طبعا ما خلاها حتى تمسها. 

سيف(شاد ليها يديها): كانقسم ليك ا منى و قربتي ليها حتى نسا العشرة لي بيناتنا 

منى(بدات كاتبكي): ولدي أ سيف راه ولدي هاداك لي لداخل 

سيف(عنقها بيد وحدة): عرفت و كلنا خايفين عليه لكن ما نخليكش تقربي لبنتي بلا ما نعرفو اش كاين 

قمر جالسة على أعصابها ما عرفاتش فصف من تجي واش فصف بنتها لي مرتاكبة جريمة و لا فصف يازيد لي فغرفة العمليات و حتى حد ما عارف حالتو، لكن لي عارفة دابا هو إحساسها بالراحة ملي كاتشوف سيف كي حبس منى قبل ما توصل لبنتها و تبرد فيها جنونها و ختى الى برداتهم فيها ما غاديش تلومها لكن كاتبقا بنتها و ما تبغيش تشوفها كاتضرب قدامها. 

واحد أنور راه كي شوف كلشي و كي سمع كلشي لكن عقلو باقي ما قادر يستوعب هادشي لي واقع، بقا غير واقف و كي شوف فيهم، فنفس الوقت كي تسنا على أحر من الجمر الطبيب يخرج و يطمأنو على يازيد عاد يعرف شنو هو مصير ختو حيت الحالة ديال يازيد هي لي غادي تحدد مصيرها.

ثائر مشا لعند منى جرها لعندو و بقا معنقها و مخليها تبكي فحضنو، كي حاول يصبر فيها و هو براسو محتاج لي يصبرو. 

سيف(ضار لعند شمس): شنو دار ليك؟

شمس شابكة يديها و حادرة راسها 

سيف: دوي خلاص شنو دار ليك 

شمس ما قدراتش تجاوب بقات غير ساكتة، سيف تعصب و شدها من دراعها 

سيف: شمس هدري قولي أش دار ليك ما تخافيش ا بنتي انا معاك غير هدري 

شمس(بقات ساكتة مدة قبل ما تنطق بصوت منخفض بحال الى حشمانة تقول اش وقع): تعدا عليا 

سيف(عقد حواحبو): كيفاش تعدا عليك؟ 

شمس(شافت فيه بعينيه مدمعين): تعدا عليا جنسيا و من نهار تزوجنا و هو حابس عليا فالبيت(بدات كاتبكي) كون ما تعداش عليا ما كنتش درت هادشي لي درت، هو لي جبدني و انا شحال من مرة حذرتو مني. 

سيف تبدلو ملامحو لملامح غاضبة، شاف فمنى و ثائر و خنزر فيهم، جر شمس لعندو و عنقها بحسرة، بقا فيه الحال و كره راسو حيت ما سول عليها ما طل عليها هاد المدة كاملة، كي لوم نفسو بشدة حيت حس بلي حتى هو عندو ذنب فهادشي. 

شمس(مزيرة على باها): بابا نتا معايا ياك 

سيف(عينيه لمعو بسبات دمعة حابسها تهبط): معاك أ بنتي معاك 

شمس غمضات عينيها و بقات مخشية فباها، حسات براحة رهيبة ملي عرفاتو معاها و واقف فصفها.#تتمة

أما أنور بقا واقف مربع يديه و كي شوف فالأرض،لي شافو يقول گاعما مسوق لداكشي لي سمع، لكن فالداخل ديالو راه ربي لي عالم بيه، خاصة و انه كان عندها البارح و لاحظ حالتها لي كانت مبدلة بزاف رغم ذلك ما هتامش ليها. 

واحد النار شاعلة فقلبو حاليا تخليه يدير المستحيل باش يطفيها،و من بعد مدة من الصمت و التفكير هدر بصوت مسموع قاصد يسمعو ليهم. 

أنور: دعيو ولدكم يكون ما*ت حيت أنا بيدي غادي نقت*لو الى بقا عايش 

منى اصلا مصدومة من داكشي لي قالت شمس و مصدومة من ولدها، و غير سمعات أش قال انور ما لقات ما تدير سوى تزيد فوثيرة البكاء و تجلس فالكرسي حدا إكرام، حطات راسها على كتفها و بقات كاتبكي في حين إكرام كاطبطب عليها. 

قمر وقفات و مشات لعند بنتها جراتها من حضن سيف و عنقاتها كاتبكي معاها، كانت حاسة بلي بنتها واقعة ليها شي حاجة. 

داز الوقت و هما هاكداك، شي كي بكي شي جالس كي تسنا خبار على يازيد، شي كي واسي شي،المهم كل واحد وبالو فين غارق. 

شوية كي خرج الطبيب و غير شافو ثائر مشا لعندو هو و منى. 

ثائر: ولدي؟ 

الطبيب(بلل حلقو قبل ما يقول): المريض لحسن الحظ الضربة ما قاستش الاعضاء الداخلية ديالو و إلا كنا غادي نفقدوه 

منى(بلهفة باغا تعرف حالة ولدها): و دابا كي بقى 

الطبيب: الحمدالله قدرنا نوقفو النزيف و نخيطو الجرح،رغم انه فقد الد*م بزاف لكن كانت الزمرة ديالو موجودة عندنا و مع الدوا و العناية غادي يقدر يرجع صحتو. 

ثائر: إمتى غادي يفيق؟ 

الطبيب: غالبا غدا إن شاء الله 

ثائر: شكرا بزاف 

الطبيب: العفو هذا واجب 

مشا الطبيب في حين ثائر عنق منى فرحانين بهاد الخبر لي سمعو و ماشي غير بوحدهم، حتى دوك لي معاهم،تنهدو براحة حيت ما وقع ليازيد والو. 

من غير أنور لي معصب منو و ماكرهش يدخل دابا يكمل عليه داكشي لي بداتو ختو و شمس لي مشاعرها حاليا جامدين و ما حسات بحتى شي حاجة، لا فرح لا حزن. 

منى، ثائر و سيف هما لي بقاو فالسبيطار ديك الليلة في حين كلشي مشا حتى لغدا و يرجعو يطلو عليه ملي يفيق. 

و فالصباح أول حاجة دار انور هي توجه للكلينيك من بعد ما علموه بلي يازيد فاق. 

وقف حدا المصعد كي تسنا فيه يتحل و غير تحل و هو يتصدم ملي بانت ليه واقفة كي شي جثة هامدة،إنسانة بلا روح، عينيها داخلين و ذابلين، تحتهم كحل و وجهها صفر، هزات فيه عينيها و شافت فيه شوفة وحدة، قبل ما تخرج من المصعد و تمشي راجعة للحبس ديالها من بعد ما جات فقط تطمأن على يازيد. 

أما هو ضار لجيهتها و بقا كي شوفيها، تنهد بحرقة و طلع، ضرو خاطرو ملي شاف حالتها، حيت واخا ما يبقاش يبغيها و ينساها گاع، كاتبقى معزتها فقلبو كبيرة بزاف و ما يقدرش يشوفها كاتعاني 

وصل للطابق لي فيه يازيد و مشا لعند باه لي كان جالس تما حاط راسو على الحيط و مغمض عينيه و باينة فيه عيان. 

أنور: الواليد 

سيف(حل عينيه و شاف فيه): جيتي؟ 

أنور: شي خبار جديدة؟ 

سيف(تنهد): فاق الصباح و مو و باه كاينين معاه لداخل 

أنور(حرك ليه راسو): خاصني نمشي عندي الخدمة 

سيف: ما غاديش تشوفو؟ 

أنور: لا 

سيف:شمس فين خليتيها؟ 

أنور: فالدار ماتخافش عليها وصيتها ماتخرجش 

سيف:واخا 

أنور: الواليد بنتي ليا عيان سير للدار رتاح 

سيف: لا حتى نشوف يازيد 

أنور(كشر ملاميحو): هاداك حسابي معاه مازال ما بدا 

سيف: خليك بعيد أنا غادي نتكلف 

أنور(تنهد):نخليك دابا 

سيف حرك ليه راسو بواخا و مشا وهو غادي فالكولوار صغر عينيه ملي بان ليه جاي و حداه ضحى، وصل لعندهم و وقف. 

أنور: خالتي لاباس 

ضحى: الحمدلله أ ولدي أمضرا 

أنور: فاق 

ضحى: الحمدلله على سلامتو نمشي نطل عليه 

أنور: واخا 

مشات في حين هو حول عينيه ليانيس لي كان واقف و كي دور فعينيه 

أنور: تبعني بغيت ندوي معاك 

تخطاه و مشا مخليه كي شوفيه فالتالي تنهد و تبعو هبطو للكافيتيريا لي فالكلينيك و جلسو فطبلة. 

يانيس: شنو الموضوع؟ 

أنور(مريع يديه و كي شوفيه): ميساء 

يانيس(عقد حواجبو): مالها؟ 

أنور: حالتها ما بقاتش عاجباني 

يانيس (حيد عينيه من عليه و هز كاس ديال الما كي شرب فيه كي حاول يخبي خوفو عليها): من بعد؟ 

أنور(بقا شحال كي شوفيه قبل ما يقول): بسبابك 

يانيس(بإستفهام): علاش بسبابي؟

أنور: ما عرفتش شنو وقع بيناتكم بالضبط لكن فهمت منها بلي خليتيها(سكت شوية عاد كمل)على قبلي

يانيس(تنهد): بقا بعيد 

أنور: ما غاديش نبقا بعيد بما انكم دخلتوني فهاد التخربيق ديالكم فخاصني نتدخل 

يانيس:غير فترة و تفوت و ترجع ميساء كيف كانت، من اللول ما كانتش ليا 

أنور: هاد الهدرة انا لي خاصني نقولها 

يانيس(بإستغراب): كيفاش؟

أنور: يانيس غادي نسولك سؤال واحد 

يانيس: سول 

أنور: واش كاتبغيها؟ 

يانيس بقا ساكت و كي شوفيه، ما قدرش يجاوبو، ما قدر لا يقول أه لا يقول لا و كتفى بالصمت هو لي غادي يعتقو من هاد السؤال.

أتور(كان مراقبو.. حرك راسو بواخا و قال): فهمت…المهم سمعني ميساء عمرها بغاتني و عمرها تبغيني(من تحت سنانو) حيت كاتبغيك نتا، هادشي عرفتو غير مؤخرا و قالتو ليا بلسانها لكن فالصراحة انا لي كنت عمى حيت كان كلشي باين و لكن كنت كانقنع راسي بالعكس(تنهد) أنا غادي نساها و محتاج نساها،و إلى بصح كنتي كاتبغيها و ماناويش تفلا فأنا غادي نساحب و مانحاول نتدخل، و إلى كانت شي حاجة مانعاك و كنت انا هاد الحاجة، فبغيت نقوليك بلي ميساء تخليت عليها نهار عتارفات ليا بلي كاتبغيك 

يانيس بقا غير ساكت و كي سمع ليه 

أنور(تنهد من الاعماق): ميساء بنت ضريفة بزاف و نتا عارف هادشي، الى كنتي كاتبغيها ما تخليهاش تضيع بين يديك و إلا… 

يانيس: و إلا شنو 

أنور(بإبتسامة): و إلا غادي نتستغل الفرصة و نرجعها ليا و ديك الساعة ما تحلمش بيها 

يانيس(خنزر فيه): نتا لي ما تحلمش 

أنور(وقف و ضربو لكتفو بشوية): نخليك و فكر فكلامي قبل ما يفوت الحال 

يانيس حرك ليه راسو بإبتسامة، أنور بادلو الابتسامة و مشا في حين هو بقا جالس تما كي فكر. 

سيف كان جالس حتى بان ليه ثائر خارج من عند يازيد،مشا حتى لعندو و وقف. 

ثائر: دخل لعندو 

سيف(وقف): منى باقا لداخل 

ثائر: ما بغاتش تفارق عليه 

سيف: فاش تخرج لعندك ما تخليهاش ترجع 

ثائر: أش ناوي دير 

سيف بتاسم ليه،و بلا ما يجاوبو تخطاه و مشا دخل،بان ليه يازيد متكي على الكادر ديال الناموسية و مو جالسة حداه، تنهد و قرب ليهم،يازيد غير شافو هبط عينيه ما قادرش يشوفيه من بعد داكشي لي دار. 

سيف(شافيه و رجع شاف فمنى):خرجي خليني ندوي معاه 

منى: لا غادي نبقا حدا ولدي 

سيف: راجلك راه واقف ليك مع واحد الفرملية كي ضحك معاها 

منى(وقفات ديك الساعة):شناهو؟؟حيد حيد نمشي نوريه يضحك ليا مع الفرمليات 

سيف: سيري دغيا سيري 

منى ضربات فيه و مشات كاتجري في حين هو شاف فيازيد لي ماكانش كي شوفيه، جر كرسي و جلس مقابل معاه. 

سيف: ما عندكش شي حاجة تقولها؟

يازيد حرك ليه راسو بلا و هو كي شوف لتحت 

سيف: و شنو ناوي تدير دابا؟ ناوي تدعيها؟ 

يازيد(بقا ساكت شحال قبل ما يجاوب ب): لا 

سيف: و علاش؟ ياك هي لي ضرباتك بالموس 

يازيد: نستاهل 

سيف(بقا كي شوفيه): و لكن أنا ناوي ندعيك على داكشي لي درتي فبنتي 

يازيد حرك ليه راسو بواخا 

سيف(تنهد): داكشي لي درتو بجوج ما كي تغفرش و لكن كاتبقا مرتك و نتا راجلها داكشي علاش غادي نخلي ليكم نتوما الاختيار، الى بغيتي تدعيها دعيها و هي الى بغات تدعيك راه ماغاديش نحبسها و غادي نوقف معاها. 

يازيد: أنا ماغاديش ندعيها 

سيف(صغر فيه عينيه): و الى هي بغات تدعيك؟ 

يازيد: خليها تدعيني 

سيف(حرك راسو بواخا): ما علينا شمس غادي تبقى عندي حتى نشوفو حل لهاد التبرهيش ديالكم، و الى ما بغاتش ترجع ليك و كانتمنى ديرها فنبغيك طلقها و بلا مشاكل 

يازيد(بقا شحال ساكت عاد قال): و الى بغات ترجع 

سيف: ملي تدير عقلك و تحيد منك ديك الضسارة لي خارجة عليك ديك الساعة أجي لعندي للدار و ديها 

يازيد(تنهد): واخا 

سيف(وقف): نخليك دابا

مشا سيف و خلى يازيد كي فكر و كي خمم، من قبيلة و هو كي تسنا فيها لكن من الواضح أنها ما جاتش و فنفس الوقت ماقادرش يسول شي حد عليها. 

سيف خرج بانت ليه منى جالسة و حاطة راسها على كتف ثائر غير شافتو تقادات فالجلسة. 

منى: سفسوف ولى كذاب ها؟ 

سيف(بتاسم): حيت ماكاتفاهميش بالخاطر 

منى: شنو قلتي ليه 

سيف: غير تهناي 

منى( بتاسمات ليه): سير ترتاح بنتي ليا عيان 

سيف(تنهد): غادي نمشي دابا حتى نتوما عطيو الراحة لراسكم 

ثائر: شوية و نمشيو حتى حنا 

حرك ليها راسو، ودعهم و مشا راجع فحالو للدار. 

عند أنور لي حاط راسو على الفولون و كي تنهد بضيق،واخا حاول ما يبينش و لكن صعيب عليه و بزاف يسلم لبنت لي بغا من الصغر لواحد آخر من غيرو،كي حس بالماس كي تغرسو ليه فقلبو حيت واخا يبغي ينساها راه ماشي بهاد السهولة، حيت مابغاهاش غير شي سيمانة هادي، لا أنور بغى ميساء من الطفولة، و من الصغر دايرها فبالو و معششة ليه فعقلو و قلبو،عمرو تخيل انها تكون لواحد من غيرو، كانت هي الوحيدة لي كي تخايل حياتو معاها. 

هز راسو من الفولون و بقا مزير على قبضة يديه، غمض عينيه كي حاول يطفي ديك العافية لي شاعلة فيه و لكن والو ما قدرش، شوية جات فبالو هي، و بحال ديما هي لي كي فكر فيها فاش كي كون مقلق، و هي الوحيدة لي كاتخليه ينسا الهم و تخليه يضحك، هز التيلي ديالو ديك الساعة ناوي يعيط ليها حيت محتاج ليها بزاف و يقدر هادي أكثر مرة حتاج ليها من نهار عرفها. 

مريم: وي شاف 

أنور(تنهد): مريم 

مريم: نعام 

أنور(بقا ساكت مدة قبل ما يقول): محتاجك 

مريم: كيفاش؟واش على حساب الخدمة 

أنور: لا…محتاج نشوفك قدامي 

مريم(زفرات): مامسالياش 

أنور: ياك كنتي كاتقولي ليا فين ما نحتاجك غادي نلقاك 

مريم: تماما كنت فاش كنا صحاب دابا ما بيناتنا والو 

أنور: واخا محتاج ليك بزاف؟ 

مريم(من بعد مدة من الصمت جاوبات بنبرة صوت حادة):الشاف انا ماشي مصلحة إجتماعية باش نقابلك نتا و مشاكلك كلنا عندنا مشاكل و ساكتين 

أنور: مريم… 

مريم(قاطعاتو):الى كنتي غادي تعيط على قبل شي حاجة متعلقة بالخدمة مرحبا شي حاجة أخرى من غيرها من الاحسن بلاش و إلا غادي نضطر نبلوكي نمرتك 

أنور يالاه بغا يهدر حتى كاتقطع عليه، شاف فالتيلي ديالو و هو يزير عليه بعصبية، لاحو فوق الكوسان و رجع راسو للور كي زفر. 

ما حاملش هاد البرود باش ولات كاتعاملو، و ما باغيش يخسرها و يخسر صداقتها، حيت يقدر يبعد على ميساء و يصبر لداك العذاب و لكن مريم لقا راسو بلي ما قادرش على فراقها، صداقتها كانت ثمينة بزاف و عمرو يلقا بحالها. 

بقا هاكداك كي سوط و يتنهد مامرتاحش مع نفسو،تفكر الخدمة لي خاصو يمشي ليها لقا راسو ما عندو خاطر ليها، عيط لمصعب و علمو بلي ما غاديش يجي اليوم و ديمارا مشا للدار باش يرتاح، واخا راحتو ما لقاها فحتى شي بلاصة…

يتبع… 
عند غزلان لي كانت فالكوزينة كاتوجد ليها الغدا، شوية صونا ليها التيلي، هزاتو تشوف شكون و غير قرات إسمو فرحات و جاوبات فالبلاصة. 

غزلان: ألو يعقوب 

يعقوب: السلام عليكم 

غزلان: و عليكم السلام 

يعقوب: لاباس عليك 

غزلان: الحمدلله و نتا 

يعقوب: بخير كي بقا يازيد 

غزلان: الحمدلله فاق يالاه كنت عندو الصباح 

يعقوب: الحمدلله على سلامتو 

غزلان: الله يسلمك 

يعقوب: و فين مشيتي من بعد؟ 

غزلان: جيت ديريكت للدار و الله 

يعقوب:امم واخا نخليك 

غزلان: بلاتي 

يعقوب: نعام 

غزلان( بقات ساكتة شحال مترددة تقولها): احم 

يعقوب: اش كاين؟ محتاجة شي حاجة؟ 

غزلان: لا توحشتك 

يعقوب بقا ساكت ما عرف باش يجاوبها من غير ديك امم لي قال 

غزلان(شداتها الضحكة):امم؟المهم إمتى غادي تجي 

يعقوب:شي 4 يام و نجي إن شاءالله 

غزلان(كشرات ملامحها):بزاف 

يعقوب:الخدمة أ غزلان 

غزلان(تنهدات):واخا واخا نخليك دابا 

يعقوب:بسلامة 

غزلان:باي 

قطعات معاه و بقات كاتشوف فالتيلي و كتنهد براحة،حيت توفيق هاد اليومين ما عيطش ليها،دخلات لبلاصة التصاور و مشات للتصويرة ديال يعقوب،و لي كانت صوراتو على غفلة منو،بقات كاتشوفيه و على شفايفها إبتسامة واسعة. 

توحشاتو بزاف فهاد المدة لي سافر، واخا بارد معاها و لكن خلا بلاصتو و حسات بالغياب ديالو، فرحات فاللول فاش مشا لكن فالتالي بدات كاتحس بالإشتياق ليه، و خاصة فاش عرفات سبب البرود ديالو حيت بحال الى عذراتو و فنفس الوقت كرهات راسها حيت خلات توفيق يقيسها، و مقررة تخلي داك الثلج لي فقلبو يذوب فاش يجي و تنسيه فالماضي و فأي حاجة خايبة عاشها قبل و منها تصلح غلطها.#تتمة

فالليل كانت شمس فبيتها متكية و قربات تحماق بالتفكير، حيت حتى حد ما قاليها أش وقع لليازيد،واش فاق واش ما*ت واش فغيبوبة، و فنفس الوقت ماراضياش تسولهم عليه،بغات تعرف شنو وقع ليه و تعرف حتى شنو مصيرها، حيت الى ما*ت راه أكيد غادي تدخل للحبس بتهمة القت*ل العمد و حتى الى فاق راه ما غاديش يعقل عليها و خاصة انها عارفاه كي داير و عارفة شخصيتو، بقات فكرة تديها و فكرة تجيبها. 

شحال و هي مدابزة مع عقلها باش تعرف شنو تدير فالتالي خرجات بقرار انها تمشي لعندو و تطل عليه غير من بعيد حيت اصلا غادي يكون ناعس دابا، باش يهنا بالها بعدا شوية، واخا قلبها قصاح من جيهتو كي بقا أب ولدها و لا بنتها و أكثر من ذلك ما بغاتش تكون،إبنة،أخت و ام قات*لة. 

مشات لبسات حوايجها، هزات السوارت ديالها و خرجات كاتسلت من البيت، هبطات فالدروج  كاتدور فعينيها لا يكون شي حد تما، تنهدات براحة ملي ما لقات حد. 

خرجات من الدار ومشات للطوموبيلتها ركبات و مشات للكلينيك فين كاين يازيد 

كان هو فالغرفة ديالو شاعل التلفازة و متكي ظهرو على الكادر ديال الناموسية و كي تفرج، حيت ما بغاش يجيه النعاس، جنبو و كرشو عاطيينو الحريق، و الطبيب رفض يعيطه مهدن الالام حيت كثر منو. 

شمس وصلات و مشات سولات عليه قالو ليها بلي راه فاق و بخير، تنهدات براحة و تمات راجعة باش تمشي فحالها، شوية وقفات فنص الطريق، زفرات و رجعات ثاني طلعات للطابق فين كاين. 

بقات كاتقرب شوية بشوية حتى وصلات لفين كاين و وقفات، بان ليها الباب محلول لكن مردود، مدات يديها و بقات كاتحل فيه بشوية باش ما يسمعش الحس. 

شافت فيه لقاتو متكي كي تفرج، ما لابس الفوق والو و مدورين على كرشو بفاصمة، كشرات ملامحها و بقات كاتشوفيه. 

يازيد شاف الباب كي تحل بنص عينيه، دور وجهو دغيا لعندها و هي تهرب وجهها و تخبات. 

يازيد رجع شاف قدامو و تنهد، شمس بقات مدة واقفة عاد رجعات كاتطل عليه مسبقة غير راسها. 

يازيد(كي شوف فالتلفزة): شمس 

شمس غير سمعات سميتها و هي ترجع تخبا و عينيها خارجين من الصدمة، في حين هو شاف جيهت الباب بانت ليه غبرات و هو يبتاسم. 

يازيد: شمس 

شمس واقفة مترددة تدخل لعندو و خايفة لا يدير ليها شي حاجة 

يازيد(تنهد): شمس أجي بغيت ندوي معاك 

شمس بلعات ريقها و تقدمات خطوة للأمام، وقفات ورا الباب و حبسات ثاني، خدات نفس طويل كاتشجع بيه راسها عاد دخلات. 

شمس(لقاتو كي شوفيها، حنحنات و قربات لعندو): شنو بغيتي 

يازيد: جلسي 

شمس: لا غير دوي خلاص خاصني نمشي 

يازيد:جلسي بعدا 

شمس ساطت بعصبية و جرات الكرسي بالنترة و جلسات فوقو، ربعات يديها و شافت فيه. 

شمس: دوي أش كاين 

يازيد: شنو جابك لهنا؟ 

شمس(سكتات شوية كاتفكر فشي كذبة): كان عندي رونديڤو مع الطبيبة على حساب البيبي 

يازيد: أه بالليل؟ 

شمس: احم و نتا مالك؟ لاش اصلا كاتسول 

يازيد(كي دوي بهدوء): غير بغيت نعرف 

شمس: شوف الى كنتي غادي دير ليا التحقيق نوض فحالي حسن 

يازيد: صافي ما بقيتش نسولك 

شمس: يالاه هدر 

يازيد: باقا حاقدة عليا؟ 

شمس: وي حيت للأسف عندك سبعة الرواح ماكاتمو*تش 

يازيد: دابا راه بجوجنا درنا جريمة شنو الحل؟ 

شمس(بغات تشوف ردة الفعل ديالو): دعيني و ندعيك 

يازيد: دعيني نتي الى بغيتي و لكن أنا لا 

شمس(عقدات حواجبها): و علاش 

يازيد: ما نقدرش نخلي ولدي يتولد فالحبس(سكت شوية عاد كمل) و ما نقدرش ندخلك للحبس 

شمس(بقات غير كاتدور عينيها ما عرفات باش تجاوبو): امم 

يازيد: شنو نديرو دابا همم؟ 

شمس:ما عرفتش 

يازيد(تنهد): انا عندي حل

شمس: شنو هو 

يازيد: نعطيو فرصة لزواجنا 

شمس بقات ساكتة كاتشوفيه بصدمة، ماكانتش متوقعة تسمع هاد الهدرة منو، مدة و هي ساكتة كاترتب أفكارها عاد نطقات. 

شمس: نعطي فرصة لزهواني سكايري بحالك؟ 

يازيد(تنهد و حرك راسو بأه): عندك الصح، حياتك معايا عادي تكون عذاب لا نتي لا ولدي 

شمس: مزيان ملي عرفتي 

يازيد: داكشي علاش غادي تبقاي فدار باك حتى نتبدل و نحيد من داك الوسخ ديك الساعة غادي نرجعك ليا 

شمس(سكتات مدة قبل ما تقول): علاش هادشي كامل 

يازيد: ما عرفتش علاش المهم مابغيتش نخسرك و حياتي بغيت نكملها معاك 

شمس(تزنكات): احم أنا باقي ما نسيتش داكشي لي درتي و لي دوزتي عليا 

يازيد(شد يديها و بقا كي لعب بصباعها): عرفت سمحي ليا بزاف و إن شاء الله نعوضك على كلشي 

شمس: و البيبي ياك كنتي ماباغيهش 

يازيد(تنهد): بغيتو و بغيتك 

شمس(حيدات يديها من يديه و وقفات حيت كاتحس براسها قربات تفرگع من التزنيگة): أنا خاصني نمشي 

يازيد(مد ليها يديه): أجي نقوليك قبل ما تمشي 

شمس(من نيتها حتى هي مدات ليه يديها): شنو 

يازيد جرها لعندو حتى جلسات حداه تقاد فالجلسة و قرب لوذنيها، حتى هي وسعات عينيها بفضول كاتسناه اش غادي يقول فالتالي غفلها ملي باسها بوسة خفيفة فشفايفها حتى شهقات بصدمة 

يازيد(بهمس): غادي نتوحشك 

شمس حاطة يديها على فمها و كاتشوفيه مكشرة ملامحها، شوية مدات يديها لجيهت كرشو و بالضبط جيهت الجرحة و هي تقيسو فيها متعمدة تقصحو. 

يازيد( غمض عينيه و تأوه بألم، حل عينيه شافيها و بتاسم): امم واخا 

شمس(وقفات): نخليك 

يازيد: تهلاي فراسك 

شمس( بقات كاتشوفيه شحال قبل ما تقول): احم أنا غادي نتسناك 

عطاتو بالظهر و مشات قبل ما يجاوبها، خلاتو كي تنهد براحة و على شفايفو إبتسامة دليل على فرحتو. 

جا نهار جديد و كان فيه أنور يالاه وصل للكوميسارية،خرج من الطوموبيل بكامل شهامته سد باب السيارة و توجه للكوميسارية. 

دخل و بقا غادي و لي شافو كي دير لي التحية و كي بادلهم بها كيف ديما، شوية و هو يوقف ملي شافها جاية كاتعرج و هازة ملف فيديها، حتى هي غير شافتو وقفات لكن لمدة ثانية فقط و رجعات تمشات. 

دازت مع حداه و تخطاتو حتى كي شدها من دراعها و كي رجعها لعندو،هزات فيه عينيها لقاتو كي شوفيها بهدوء، كشرات ملامحها و حيدات اليد باش شادها عاد رجعات خطوة للوراء. 

مريم(دارت ليه التحية):الشاف 

أنور: بديتي الخدمة مع فؤاد؟ 

مريم: أه 

انور: كيف جاتك؟ 

مريم: مزيان حسن من قبل 

أنور(سكت شوية قبل ما يقول): مرتاحة معاه؟ 

مريم: بزاف الحمدلله 

أنور (بقا كي شوفيها فالتالي حرك ليها راسو بواخا): الى لقيتي معاه مشكل و لا مابقاش عاجبك الحال يمكن ليك ترجعي لعندي 

مريم(ببرودة): لا ماكانظنش غادي نلقا معاه مشكل 

أنور(تنهد بضيق): واخا رجعي لخدمتك 

مريم: وي شاف 

تخطاتو و مشات في حين هو بقا مراقبها حتى دخلات للبيرو ديال فؤاد، زير على فكر و يديه بعصبية ملي تفكر بلي راها هي وياه بوحدهم فديك الغرفة، سادين عليهم الباب حتى حد ما عارفهم اش كي ديرو، گاع السيناريوات المحتملة و حتى الغير محتملة طاحو ليه فبالو. 

كشر ملاميحو و تقدم خطوة للامام باغي يمشي لعندهم لكن صوت مصعب كان حبسو. 

مصعب: انور 

أنور(ضار لعندو): نعام 

مصعب: تكلم لخالي سيف بغاك 

أنور: واخا 

رجع شاف فالباب ديال مكتب فؤاد، زفر معصب ما عاجبو حال و مشا لعند باه. 

سراج دخل لبيت ديالهم و مشا النيشان للمجر لي كاتخبي فيه سحر الكينات ديال منع الحمل، حلو و غير بانو ليه هزهم و بقا كي شوفيهم. 

سراج: اممم حالفة ما تحملي ياك إوا حتى أنا حالف حتى نعمر ليك كرشك بشي بنت و لا ولد 

بتاسم بشر و جبد من الجيب ديالو فيتامينات كي شبهو للكينات لي عندها، حط لفيتامينات فالمجر و الكينات خباهم فجيبو. 

رجع خارج من البيت و مع الخرجة دخل فيها حتى لصقات فيه، بعدات شادة فجبهتها و مكشرة ملامحها،شوية فكات غوباشتها و صغرات عينيها فسراج لي كان باين عليه التوتر.

سحر: أش تما 

سراج(بلع ريقو): شكاين؟ 

سحر: مالك وليتي صفر 

سراج: حيت ماكتهلايش فيا ديما مخلياني بالجوع 

سحر(تيقاتو مسكينة): بصح؟ ديك الساعة قولها ليا 

سراج: هاني قلتها 

سحر: واخا هاني غادي نمشي نوجد ليك شي حاجة تاكاها 

سراج(بتاسم و شد يديها باسها): امم اندوق ماكلتك 

سحر: بحال الى أول مرة 

سراج:قليل غالبا كاناكلو برا 

سحر: إوا صبر بلاتي بين ما طييت 

سراج حرك ليها راسو بواخا، عطاتو بالظهر و مشات في حين هو عاد تنفس براحة،شاف فالمجر و خرج من البيت تبعها للكوزينة. 

سحر(شافت فيه): شنو؟

سراج: جيت نعاونك 

سحر: علاش

سراج(قرب لعندها و عنقها من اللور): عارفك كاتعياي فالتدريب مع البنات داكشي علاش ما نخليكش طيبي بوحدك 

سحر(ضارت لعندو، تعلات على اصابع رجليها و باستو ففمو): فين نلقا راجل بحالك 

سراج: ما عندك ما ديري بيه انا كافي 

سحر: ههه بصح، يالاه اجي نطيبو دغيا باش نمشيو لخدامينا. 

🕊بعد مرور أسبوع 🕊 

غزلان فالغرفة ديالها جالسة قدام المراية و كاتدير آخر اللمسات من الميكاب، لابسة كسوة توبها حريري حد الفخاد فالبلو سيال، طالقة شعرها لي صبغاتو مؤخرا لقهوي مفتوح باش تبدل شوية اللوك، هزات عطرها المفضل و رشات منو جوج رشات، حطاتو و وقفات. 

هزات التيلي ديالها بانت ليها الجوج ديال النهار و هي تسوط بملل، تعطل و كان خصو يوصل مع ل1،جلسات فالناموسية و بقات كاتحرك فرجليها بالزربة. 

توحشاتو بزاف و بغات غير إمتى تشوفو، هاد المدة دازت عليها خايبة و مملة بلا بيه، ولات طالبة غير تشوفو واخا يكون بارد معاها المهم حداها. 

ما هي إلا دقائق حتى توسعو عينيها ملي سمعات الباب لي فلتحت تحل، وقفات ديك الساعة و تنهدات بتوتر،كاتحس بالفراشات كي لعبو فكرشها و شي أحاسيس فشكل اول مرة تحس بيهم. 

ما عرفاتش شنو لي خلا قلبها يتبدل فهاد المدة القصيرة، واش حيت تعاطفات معاه ملي عرفات قصتو،و لا حيت كاتحس بتأنيب الضمير من داكشي لي دارت و لا حيت المشاعر ديالها لي دفناتهم فقلبها من بعد ما تقهرات من البرود ديالو رجعو حياو دابا. 

حيت غزلان و يعقوب واخا كان زواجهم تقليدي، لكن هي فاللول كانت كاتحس من جيهتو بشحال من حاجة لكن من بعد ما عاشراتو و كتاشفات الجانب القاسي منو و الغيرة ديالو الزايدة عن اللزوم، بعدات و خلات مسافة بيناتهم و مع الوقت ديك المسافة زادت وساعت حتى ولات علاقتهم روتينية كي تخللها البرود و الملل. 

خرجات من البيت و هبطات كاتجري فالدروج و غير وصلات بان ليها جار باليزتو و داير اليد الثانية فالجيب ديال سروالو. 

وقفات و بقات كاتشوفيه في حين هو هز عينيه فيها و هو يتبلوكا من شكلها،كاتبان زوينة مثيرة جدابة و كيوت فنفس الوقت، بقا مسكين شحال كي شوفيها فالتالي تنهد و قال.

يعقوب: احم السلام عليكم 

غزلان بتاسمات و مشات كاتجري لعندو تلاحت عليه معنقاه،تعلات على اصابع رجليها و حاوطات عنقو بيديها، مخشية وجهها فعنقو. 

أما هو مع عنقاتو و طلعات معاه ريحتها لي ما شمهاش هاد المدة كاملة، غمض عينيه و زير على يديه، باغي يعنقها و يخشيها فيه و فنفس الوقت ماقادرش. 

ماقادرش يعبر على الاشتياق ديالو ليها أو بالاحرى ما عارفش كيفاش داكشي علاش كتفى فقط فأنه يمد يديه جيهت ظهرها و يطبطب عليه. 

غزلان: توحشتك بزاف(بعدات و شافت فيه) ياك قلتي غادي ترجع من بعد 4 يام 

يعقوب(تنهد): حتى كانساليو و كاتخرج لينا خدمة من الجنب 

غزلان(حركات ليه راسها بواخا): واخا سير دوش راه وجدتو ليك بين ما سخنت الغدا و حطيتو 

يعقوب حرك ليها راسو بواخا و جر باليزتو طلع للفوق،في حين هي تنهدات براحة و مشات للكوزينة فرحانة،كاتحس بلي كلشي هو هاداك و كلشي غادي مزيان خاصة ان توفيق ما بقاش عيط ليها و عطاها بالتيقار. 

سخنات الغدا و ستفات داكشي فوق الطبلة بطريقة مرتبة و زوينة، في حين هو دوش و سالا، و هبط لتحت، سمعات حسو و هي تدور لقاتو هابط مع الدروج شعرو فازك شوية و لابس سروال ديال السبور فالاسود و تيشيرت فالابيض لاصق عليه و مبين قوامو الرجولي. 

غزلان( تنهدات بحب و بقات حاضياه حتى وصل لعندها): غادي يكون فيك الجوع جلس 

يعقوب جلس و هي مشات جلسات مقابلة معاه، بداو كي ياكلو في صمت و هو كي تلذذ طعم الأكل لي وجدات بلذة حيت من ديما طيابها زوين و دابا گاع تفننات فيه اكثر. 

شوية هز عينيه فيها لقاها هازة معلقة و كاتسوط عليها و فنفس الوقت كاتشوفيه، تنهد كي حاول يصبر فراسو حيت على شوفات كاتدير فيه دابا راه ما يمكنش. 

غزلان(مدات ليه المعلقة): هاك(يعقوب بقا ساكت كي شوفيها حتى كشرات ملامحها و قالت) حل 

يعقوب بقلة حيلة حل فمو و هي تدخل ليه ديك المعلقة باش ياكل،كملو غداهم حتى سالاو، وقف يعقوب و شاف فغزلان 

يعقوب: غادي نخرج عندي شي خدمة نقضيها 

غزلان(عقدات حواجبها): يالاه جيتي 

يعقوب: ما غاديش نتعطل 

غزلان(وقفات و قربات ليه تعلات لعندو و باستو فحنكو بعدات وشافت فيه مبتسمة): واخا 

بقا كي شوفيها فالتالي ضار، عطاها بالظهر و مشا 

عند أنور لي كان فالبيرو ديالو جالس و بالو سارح بعيد،سيمانة دازت و ربما جوج لمرات أَوْ ثلاثة لي شافها فيهم، حيت كاتغرق راسها فالخدمة متعمدة باش ماتشوفوش، و حتى فدوك المرات القليلة فاش كي تلاقاو كاتدوز من حداه ببرودة متجاهلاه بحال الى ماكاينش، ماكاتعطيه حتى الفرصة فين يهدر معاها. 

و لي كي زيد يمرضو علاقتها مع فؤاد لي تطورات و كاع لي خدامين معاه كي شكو فأنهم على علاقة غرامية، كي خليو أنور كي قرب يحماق من فرط التفكير. 

و المشكل لي واقع فيه أنور دابا هما المشاعر ديالو لي ماقادرش يفهمهم، حيت فعقلو مقتانع بفكرة أنه باقي كي بغي ميساء و لكن راه بلا ما يحس شوية بشوية ولات كاتغيب عن بالو و مابقاش كي فكر فيها كيف الاول و لي شاغلة بالو حاليا هي مريم صديقتو لي توحش بزاف و هاد المدة بلا بيها ما بقاش كي حس بطعم الحياة و ديما كي حس بلي شي حاجة ناقصاه. 

و فاش كي تفكر بلي راه كاتبغيه كي فرح تلقائيا، لكن فاش كي شوف كيفاش ولات كاتعامل معاه كي شك فإعترافها ليه واش نيت صادق و لا لا و هادي أكثر حاجة و لا أنور كي خشاها، أنه يدير إحتمال أنها كاتبغيه فالتالي يصدق إحتمالو غلط و يعيش نفس السيناريو لي عاش مع ميساء. 

بقا فكرة تديه و فكرة تجيبو حتى وقف معول يخرج باش يشم الهوا حيت كي حس براسو مخنوق و ما مرتاحش. 

و هو غادي فالكولوار بدا كي سمع صوت الضحك ديالها،قرب للمكتب ديال فؤاد بفضول لقاه محلول شوية. 

وقف و طل بعينيه، بانت ليه مريم جالسة فوق البيرو ديال فؤاد هاد الاخير لي كان جالس فوق الكرسي. 

فؤاد: دابا واش والو حالفة تعرفيها شكون 

مريم: مي با وي فوفو واقعٌ في الحبِّ ضروري نعرف ههه 

أنور غير سمع داك إسم الدلع لي خرجات من فمها و هو يزير يديه بعصبية، ناري شحال تعصب فهاد اللحظة و ما كرهش يدخل يهرس ليها فمها باش عمرها تفكر تدلع شخص آخر من غيرو…حيت هو الوحيد لي عندها لحق تدلعو بإسمو…هادشي فاش كان كي فكر أنور. 

جمع قبضة يديه و ضرب الباب حتى ترضخ مع الحيط،دخل عليهم و عينيه مشاو النيشان لعندها، هي مع كانت مجمعة مع فؤاد غير سمعات داك الباب تضرب وقفات قافزة، شافت فيه لقاتو عاقد غوباشتو و هي تنهد.

أنور: أش واقع هنا؟ 

فؤاد: مالك فارع الباب 

أنور: حنا فكوميسارية لا؟ 

فؤاد: أه علاش 

أنور: و شنو هاد السيبة لي دايرين هنا؟ 

فؤاد(وقف و مشا تقابل معاه): ياك هذا المكتب ديالي و هاديك متدرية ديالي إوا شنو مشكلتك نتا؟ 

أنور(زاد قرب ليه و وقف مقابل معاه كي خنزر فيه و دوا بحدة):قبل ما تكون متدربة ديالك كانت ديالي 

فؤاد(بنفس الحدة): كانت دابا ولات ديالي (هز فيه حاحبو) فهمتي؟ 

أنور زير على فكو و بقا كي شوفيه بشي شوفات كي خلعو، كون ما كانش الزميل ديالو فالخدمة كون هز سلاحو و تيرا فيه النيشان فالراس،حيت ستفزو بزاف بديك ديالي لي قال و فؤاد حتى هو كان متعمد يقولها.#تتمة

واحد مريم مربعة يديها و كاتشوفيهم ببرودة حيت اصلا ما فاهمة والو، هزات كتفها بعدم إهتمام و مشات جلسات فبلاصتها و مع حطات طرمتها فوق الكرسي مع كاتحس براسها تهزات من دراعها،علات عينيها فيه لقاتو انور لي وقفها و هبط يديه للمعصم ديالها و شدها. 

أتور: ما بقا عندك ما ديري هنا 

جرها وراه و يالاه وصل للباب باش يخرج و هو يحس بيها وقفات، دور وجهو لعندها و هو يخسر سيفتو ملي بان ليه فؤاد شادها من اليد الثانية و هي وسطهم كاتشوفيهم بإستغراب مافاهمة والو. 

أنور: طلق منها 

فؤاد(بحدة): نتا لي طلق منها 

أنور(بحدة أكبر): حيد يديك من عليها 

فؤاد:مريم متدربة ديالي و من الواجب ديالها تطيع كلامي طلق منها و نتي أ مريم رجعي بلاصتك 

أنور(جر مريم لعندو و فؤاد باقي شاد فيها): واخا من عاد اللحظة ما بقاش عندك هاد الحق حيت من اليوم غادي ترجع لعندي 

فؤاد يالاه بغا يهدر و هي تنتر مريم يديهم بالجهد حتى طلقو منها، عصبوها كل مرة واحد فيهم جارها لعندو. 

مريم(بإنفعال): حتى حد فيكم ما عندو الحق يالاه(خنزرات فيهم) صافي مزيان دابا؟ 

ساطت بعصبية، ضربات فيهم و خرجات من تما مخلية وراها جوج أجسام قوية مقابلين مع بعضياتهم و كي شوفو فبعضهم بحدة…أنور ربع يديه و قرب لعندو.

أنور: مريم 

فؤاد(مخنزر): مالها؟ 

أنور:بعد منها 

فؤاد: نفس الهدرة ناوي نقولها ليك 

أنور: مانصحكش تحداني 

فؤاد: ما كانتحداكش كانحامي على واحد الحاجة لي ديالي فين هو المشكل 

أنور(سد عينيه بعصبية تنهد و رجع حلهم): جمع راسك أ فؤاد و آخر مرة تنطق ديك ديالي على لسانك 

فؤاد(صغر فيه عينيه): شنو مشكلتك بالضبط؟ 

أنور: دابا تعرف فاش نشوفك مازال كاتدور عليها 

فؤاد بتاسم ليه بإستهزاء في حين أنور بعد عليه و هو كي خنزر فيه، عطاه بالظهر و خرج من تما و من الكوميسارية كاملها من بعد ما قلب عليها ومالقاهاش، و مع خرج مع لقاها جالسة فشي دريجات تما، هازة عود صغير و كاترسم فالتراب لي فالارض. 

بقا شحال مراقبها في صمت و كي حقق فملامحها لي توحش مؤخرا، تنهد من الاعماق و قرب لعندها. 

أنور: مريم 

مريم هزات فيه عينيها و غير شافتو تنهدات و رجعات هبطاتهم 

أنور: كاندوي معاك لا؟ 

مريم زفرات و لاحت العود ساست يديها من التراب عاد وقفات تقابلات معاه. 

مريم: وي شاف 

أنور: غادي ترجعي تدربي معايا و انا لي غادي نتكلف بيك 

مريم: لا 

أنور(بقا شحال ساكت و كي شوفيها مزير على فكو،شحال عصباتو فهاد اللحظة):ناري أ مريم 

مريم: أنا مرتاحة مع فؤاد و بغيت نبقا معاه 

أنور(هز فيها حاجبو): عاجبك الحال معاه؟ عاجبك تجلسي ليه فوق البيرو و تبقاي ضحكي معاه 

مريم: وقت الخدمة كانخدمو وقت الضحك كانضحكو 

أنور(يالاه بغا يبدا يفوت و هو يحبس. دوا من تحت سنانو): ماضحكيش معاه أ مريم 

مريم(بقات شحال ساكتة كاتفكر واش تقولها ولا لا،واش تقصح معاه الهدرة باش يعطيها بالتيساع و لا لا فالتالي تشجعات و قالت): الشاف هاد السيمانة لي ماشفتكش فيها كانت أحسن سيمانة دوزتها فالخدمة (أنور بدا كي زير على فكو ماعاجبوش الحال من كلامها) داكشي علاش بغيتك ماتبقاش تبان قدامي و ما تدويش معايا. 

أنور(بقا ساكت مدة قبل ما يحط يديه ورا ظهرها و يجرا لعندو حتى لصق صدرها مع صدرو): هاد السيمانة لي ماشفتكش فيها كانت اخيب سيمانة دوزتها فالخدمة(قرب وجهو لديالها) داكشي علاش بغيتك تبقاي تباني قدامي و تدوي معايا 

مريم حنحنات بتوتر و بعدات منو،شافت فيه لقاتو كي شوفيها،حدرات عينيها، تخطاتو و مشات دخلات للكوميسارية في حين هو بقا كي شوفيها حتى غبرات و بتاسم. 

أنور يالاه بغا يتبعها و هو يجيه إتصال من شي عميد،زفر معصب و هز التيلي جاوب. 

أما مريم رجعات لعند فؤاد للبيرو، شافت فيه لقاتو جالس فبلاصتو و كي شوفيها، تنهدات و مشات لبلاصتها. 

أما هو بقا حاضيها و كي تسآل مع نفسو واش يدير الخطوة الاولى و لا يبقى متردد حتى تضيع ما بين يديه و خاصة  أنه شاف ردة الفعل ديال أنور و باينة للعمى بلي باغيها ليه، كان عند بالو الساحة خاوية ليه و خدا راحتو كي تسناها حتى تولي تحس بشي حاجة من جيهتو حتى هي، لكن دابا لا مابقاش قادر يصبر و خاصو يزرب قبل ما يزرب عليه أنور. 

فؤاد: مريم 

مريم(بلا ما تشوفيه): امم 

فؤاد: بغيتي تعرفي البنت لي كاتعجبني 

مريم(شافت فيه بفضول): أه أه 

فؤاد: واخا من ورا الخدمة نقوليك 

مريم: واش كانعرفها؟ 

فؤاد: أه و مزيان 

مريم(عوجات فمها كاتفكر): امم شكون هادي لي كانعرف(صغرات فبه عينيها) ياك ما نسيمة 

فؤاد(بتاسم): قريب تعرفي 

مريم: واخا واخا 

داز الوقت و سالاو الخدمة، و مريم كاطرطا من بلاصتها باغا غير إمتى يخرجو و يقوليها شنو كاين. 

خرجات هي وياه من الكوميسارية كي ضحكو و مشات معاه للطوموبيل ركبو و ديمارا للكافي، في حين أنور كان يالاه وصل بطوموبيلتو من بعد ما مشا لعند العميد على قبل الخدمة، شافهم ملي ركبو بجوج و هو يزير على الفولون، و بدون تردد رجع ديمارا و تبعهم. 

وصل فؤاد و مريم للكافي و دخلو مشاو جلسو فالطبلة،أنور حتى هو كان وصل لكن قبل ما يدخل سمع شي صداع، مشا لمصدر الصوت و بالضبط فواحد الدريبة خاوية و هو يبان ليه واحد كي جر لواحد البنت صاكها و هي حالفة ماطلقو ليه وكاتغوت باش يجي شي حد يعتقها. 

أنور ديك الساعة مشا بالجرى لعندو و ركلو برجليه حتى طاح للأرض،هبط لعندو و دورو حتى عطاه بالظهر، جبد الميونوط و ربط ليه يديه و فنفس الوقت كي عاير فيه. 

أنور(شاف فالبنت): بخير؟ ياكما دار ليك شي حاجة

البنت(كاترعد بالخلعة): لا بغا يشفر ليا صاكي 

أنور نزل عليه بدقة لگرفادتو حتى تهز من بلاصتو، جبد التيلي ديالها و عيط للبوليس باش يجيو يديوه، و بقا شاد فالشفار و فين ما كي تحرك كي نزل عليه. 

مريم(جالسة و جالس مقابل معاها): دابا جبتيني حتى لهنا باش تقوليا شكون هادي لي كاتبغي 

فؤاد(بتاسم): أه بغيت الأجواء تكون مناسبة 

مريم: ههه الاجواء المناسية راه خاصك تديرهم ليها ماشي ليا 

فؤاد: تماما 

مريم(ما دات ما جابت): يالاه قوليا شكون 

فؤاد(بقا كي شوفيها جابت ليه الضحكة ملي ما فهماتش): شحال مكلخة 

مريم(كشرات ملامحها): و علاش؟ 

فؤاد(تنهد و تقاد فالجلسة): ما عرفتش علاش من أول مرة شفتك رتاحيت ليك و بزاف 

مريم: بصح؟ كلشي كي قولها ليا 

فؤاد(كشر ملامحو): شكون هاد كلشي؟ 

مريم: الناس لي كانعرف 

انور كانو البوليس يالاه وصلو لعندو، هزو الشفار داوه و مشات معاهم حتى البنت باش تقدم الإفادات ديالها في حين هو تفكر مريم لي فالداخل و مشا دخل، بقا كي قلب عليها بعينيه حتى لقاها، خسر سيفتو و توجه لعندهم بخطوات بطيئة 

فؤاد: مريم بغيت گاع دوك الناس لي كاتعرفي تخرجيهم من حياتك و تخليني غير أنا 

مريم(بإستفهام): علاش؟

فؤاد(بتاسم): حيت نتي هي لبنت لي كانبغي أ مريم 

و على هاد الجملة وقف عليهم أنور 

انور لي كان كي حس بالجناوة كي تغرسو ليه فقلبو ملي سمع ديك الهدرة، ماشافش ففؤاد نهائيا عينيه غير على مريم هاد الأخيرة لي كانت كاتشوف غير ففؤاد و هو كذلك كي تبادلو بيناتهم النظرات، مخليين واحد البركان واقف عليهم و على وشك الإنفجار. 

أنور صافي الدخاخن كي خرجو منو و خاصة ملي كي شوف الشوفات لي كاتدير مريم فيه و هو حتى الشوفة ما شافتها فيه رغم أنها عارفاه واقف عليها. 

أنور جمع قبضة يديه هزها حتى للسما و ضرب بيها الطبلة حتى تهز داكشي لي كان فوقها و دوك الجوج قفزو من السهوة لي كانو فيها، هزو فيه عينيهم لقاوه كي تهز و كي تحط و عينيه حمرين، و كي شوف غير فمريم مسكينة. 

فؤاد (تعصب و وقف): اش كاين؟ 

أنور أخيرا حيد عينيه من على مريم و شاف فؤاد كي صيفط ليه القرطاس بعينيه 

أنور: شنو قلت ليك قبيلة؟ ياك حذرتك تقرب ليها؟

فؤاد(بعصبية و إنفعال قال): و نتا مالك أز*ي؟ شنو دخلك بيني و بينها 

أنور( مع كمل كلامو مع نزل عليه بلكمة حتى رجع باللور و شد نيفو لي رعف): ها مالي 

مريم جالسة و حاطة يديها على راسها حيت كاتشوف فالناس كي شوفو فيهم ما كرهاتش الارض تنشق و تبلعها، أنور شدها من يديها و وقفها جارها وراه، فؤاد بغا يتبعهم و هما يحبسوه الناس لي تما عند بالهم باغي يمشي يضارب معاه،هو كي تنتر منهم باش يمشي لعند مريم و هما باركين عليه الله يهديك لعن الشيطان كي زيدو يعصبوه. 

ما طلقوه حتى كان أنور ركب مريم بزز منها فطوموبيلتو و ديمارا، فؤاد خرج بان ليه ديمارا مكسيري و هو يضرب برجليه لأرض بعصبية. 

مريم(جالسة و مربعة يديها بهدوء): وقف 

أنور(شافيها و رجع شاف قدامو): عجباتك هدرتو ياك؟بنتي ليا تحليتي ليه

مريم(تنهدات كاتحاول تحافظ على هدوئها): أنور وقف 

انور(ضرب بيديه على الفولون): هادشي علاش بغيتي تبقاي معاه؟ كي ضحك عليك و نتي عاجبك الحال شنو عند بالك بصح كي بغيك؟ 

مريم(شافت فيه): علاش؟ شنو لي يمنعو يبغيني؟ علاش حتى ما يبغينيش؟ 

أنور يالاه بغا يهدر و هي تقاطعو بعصبية 

مريم: غير حيت نتا مابغيتينيش و رفضتيني حساب ليك كلشي عمى و مكلخ بحالك؟

أنور(وقف الطوموبيل و شافيها): مريم غادي نقوليك جوج كلمات ماغاديش نرجع نعاودهم 

مريم: ما بغيتش نسمعهم 

يالاه بغات تحل الباب باش تخرج و هو يجرها لعندو 

أنور: مريم ماتحقدينيش و سمعي شنو بغيت نقول..أنا… 

قبل ما يكمل كلامو مريم دارت يديها فوذنيها باش ما تسمعش شي حاجة لي تخليها تضعف، غمضات عينيها و بقات سادة وذنيها بصباعها و هو غير كي شوفيها عاقد حواجبو، حتى مد يديه و حيد ليها يديها من وذنيها بالجهد، قربها لعندو حتى قرب وجهها من ديالو. 

أنور(شاد يديها): حتى لهاد الدرجة ماباغاش تسمعي هدرتي 

مريم(تنترات منو): أه و كثر من هاد الدرجة 

أنور(بقا كي شوف فيها): واخا أنا دابا ماغادي نقول والو و نهار نرجع نشوفك معاه غادي نتفاهمو 

مريم (ضحكات بسخرية): واخا دابا نشوفو 

أنور حرك ليها راسو بواخا و ديمارا مكسيري و مريم يالاه بغات تبدا عليه بوقف خليني نهبط و هي تسكت ملي بان ليها صدرو كي تهز و كي تحط و مزير على الفولون بيديه،خدمات عقلها و ماخلاتش العاطفة تحكم فيها فهاد اللحظة، داكشي علاش فضلات تسكت حتى يوصلها بعدا على خير و بخير لا يصدق قالبها فشي قنت هي و الطوموبيل. 

الطريق كاملة و هما ساكتين و غير صوت أنور و هو كي سوط لي كي تسمع حتى وصلو لدارها، فرانا بالجهد و بقا ساكت كي تسنا فيها تهبط بلا ما يشوف فيها، حتى هي داكشي لي بغات، حلات الباب بهدوء و هبطات،سداتو و شافت فيه لقاتو باقي واقف، تنهدات و مشات للدار،حلات الباب بسوارتها و دخلات، أنور غير تأكد بلي دخلات ديمارا راجع فحالو. 

يعقوب دخل للدار و دور عينيه على تما مابانتش ليه،طلع لفوق و حل باب بيتو، دخل و هي تبان ليه متكية فوق النانوسية بافة بنفس الكسوة و كاتفرج، سد الباب و قرب ليها، هي غير شافتو ناضت وقفات و تقابلات معاه. 

غزلان: هادي هي ما غاديش نتعطل؟ 

يعقوب: يالاه ساليت 

غزلان: امم واخا 

يعقوب يالاه بغا يتخطاها و يمشي يبدل حوايجو و هي تشدو من يدو، ضار لعندها و شافيها. 

يعقوب: مالك 

غزلان: أجي 

جراتو لعندها و جلساتو فوق الناموسية، هز فيها عينيه كي شوفيها بإستفهام و هي تبتاسم و جلسات فوقو مفرقة رجليها، حتى طلعات الكسوة لي كانت اصلا قصيرة مبينة فخادها. 

أما هو بقا حاط يديه بجوج فوق الناموسية و كي شوفيها. 

غزلان: أنا حالفة حتى نذوب داك الثلج لي فقلبك 

يعقوب(عقد حواجبو): شنو؟ 

غزلان(تنهدات): فالأصل نتا لي خاصك تدير الخطوة الاولى و لكن فالحالة ديالنا ماشي مشكل 

يعقوب مسكين بقا ساكت غير كي شوفيها حيت اصلا هادي لي جالسة فوقو مختالفة على ديك غزلان لي كي قمع كلامها بكلمة فقط كي قولها، اما هادي دغيا كاتزرب عليه و كاتخليه يسكت. 

غزلان(كاتشوف فشفايفو و كاترجع تشوف فيه): من نهار تزوجنا عمرنا درناها(عضات على شفايفها بإثارة)بغيت نجربها معاك 

يعقوب(هز فيها حاجبو): شنو هي؟ 

غزلان(شافت فشفايفو): هادي 

قربات لعندو حتى وصلات لفمو و حطات عليه شفايفها،غمضات عينيها و بقات كاتحرك فيهم و هو جامد فبلاصتو مبلوكي و مدعوق، زربة زوينة دارت ليه. 

غزلان بقات كاتبوس فيه و واخا ماشي بإحترافية و لكن دايرا كل ما فجهدها باش تخليه يعيش معاها اللحظة، لكن من بعد مدة من التقبيل من طرفها فقط،كشرات ملامحها و بعدات عليه حيت ما بغاش يتجاوب معاها، شافت فيه لقاتو كي شوفيها و فمو حمر، حيت حمراتو ليه بالبوسان. 

غزلان بقا فيها الحال و يالاه بغات تنوض من عليه و هو يشدها من يديها و رجعها لعندو، حط يديه على ظهرها و اليد الثانية حاوطها على خصرها و جرها حتى لصقات معاه، شافت فيه كاترمش بسرعة لقاتو كي شوف فشفايفها و كي بلع ريقو. 

و بلا كلام تلاح عليهم النيشان كي بوس و يجر و يعض،و هي مغمضة عينيها و كاتآوه وسط فمو، حاطة بديها على صدرو و مخلياه يبوس فيها كيف ما بغا، و المفاجأة انه كان كي بوس فيها بإحترافية عالية بحال الى ديجا مجرب و هو عمرو حط فمو على فم شي وحدة،المهم وراها التقبيل على أصولو. 

حتى شبع مزيان منها عاد بعد من عليها و شافيها، أما غزلان حطات صباعها على فمها لي كان كي وزوز و بقات كاتشوفيه. 

و يالاه بغات تهدر و هو يشدها و قلبها فوق الناموسية حتى ولات هي لتحت و هو فوقها، غطس وجهو فعنقها و بقا كي بوس فيه و يعضها عضات خفاف كي خلي فيه الآثار ديالو، و هي مغمضة عينيها و عاضة على شفايفها حيت طاح ليها على نقطة الضعف ديالها، بقا هاكداك و ما بعد حتى خلاها قربات تحماق. 

شافيها و حلات حتى هي عينيها، بقت كاتشوفيه شوية و هو يتنهد و ناض من عليها، حيت ببساطة ما قادرش يمارس معاها بهاد الطريقة، مولف ديما كي مارس معاها ببرود، أما دابا فاش بغا يبين شوية ديال المشاعر ما قدرش و جاتو صعيبة بزاف.

لكن كيف ما قالت غزلان حالفة حتى تذوب داك الثلج لي فقلبو، و قبل ما ينوض شداتو من يديه و جراتو حتى طاح حداها، وقفات على ركابيها و جلسات فوقو. 

غزلان: عرفت بلي صعيب عليك و لكن غادي نحاولو 

يعقوب عقد حواجبو باغي يهدر حتى كاتهبط لعندو و النيشان خشات وجهها فعنقو كاتمارس عليه التقبيل و العضان كيف ما دار ليها هو بالضبط. 

حتى سالات و تقادات فالجلسة بقات كاتشوفيه و فنفس الوقت كاتحيد الكسوة حتى حيداتها كاملها و لاحتها، هو كان غير كي شوفيها بان ليه صدرها لي كان واقف بحكم السوتيامات لي ما كانتش لابسة و هو يبلع ريقو. 

بقات كاتحاك معاه متعمدة تجهلو لكن بان ليها ما دار حتى شي ردة فعل و باقي جامد، هنا عرفات بلي باقي ما طاحت على الكود ديالو. 

حركات ليه راسها بواخا و خدات نفس طويل كاتشجع بيه نفسها عاد،كحزات شوية و جلسات على رجليه،حطات يديها على رجولتو من فوق السروال و هو يكشر ملامحو، بتاسمات بشر و هبطات السروال شوية، جبدات رجولتو و هي باقة كاتشوفيه و كاتبتاسم بإثارة.  

🔞تحذير سفالة🔞 

بقات كاتحرك يديها عليه بحال الى كاتدير ليه الماساج و هو مد يديه بغا يشدها و هي تضربها ليه حتى صدماتو، هبطات وجهها لجيهت رجولتو و بلا كثرة الكلام حطاتو ففمها، هو هنا صافي مشا ، غمض عينه و رجع راسو للور حيت طاحت ليه على الكود ديالو ديالو و عرفات كيفاش تسخنو غير بالفن. 

بقات شحال كاتديه و تجيبو ففمها و هو كي صدر تآوهات خفاف دليل على النشوة ديالو، شوية ملي ما بقاش قادر حل عينيه و ناض بالزربة شدها من دراعها و لاحها فوق الناموسية حتى نعسات على كرشها و عطاتو بالظهر، بغات تنوض و هو يرجعها ملي حط يديه على ظهرها و نعسها. 

هزها من كرشها و وقفها على ركابيها، حط يديه على السليب و قبل ما يحيدو ليها بقا كي قيس ليها فأنوثتها و هي حادرة راسها لتحت و مغمضة عينيها، شوية حيدو ليها و بقا ثاني كي لعب بصباعو تما حتى خلاها تغيب عن العالم و تطير مع الطيور، و مع كاتصدر دوك الاصوات كيخليوه يزيد يكمل عليها.

غزلان: امم يعقوب 

يعقوب حيد شعرها من عنقها و رجعو جنب، هبط لعندها حتى لصق صدرو مع ظهرها، قرب لوذنيها و قال بنبرة صوت حنينة مختالفة على قبل. 

يعقوب: كون حساب ليا البوسان معاك زوين بحال هاكدا كون بستك من اول مرة شفتك 

غزلان حلات عينيها بصدمة و يالاه بغات تدور لعندو و تشوف فيه حتى كي غفلها ملي شدها من شعرها، هز ليها راسها للقدام و شد رجولتو باليد الثانية طلعو معاها دقة وحدة حتى غوتات. 

بقا كي ديه و يجيبو و فنفس الوقت شادها من شعرها و متحكم فيها مزيان و هي غير كاتغوت و توحوح من حر النشوة و حتى الطريقة باش كي مارس معاها خلاتها فسابع السموات. 

كان محتارف معاها و فين كان مخبي هادشي؟ حتى حد ما عارف، بقا هاكداك خدام كي خبط فيها و مرة مرة يهبط لعنقها يبوس فيه و هي مسكينة بقاو ليها غير الدموع تهبطهم من عينيها، حتى قضى غرضو و تأكد من أنها قضات غرضها حتى هي عاد طلقها. 

غزلان(مع طلقها مع طاحت كاتنهج): امم 

يعقوب (بتاسم بشر): باقي ما سالينا 

غزلان(حلات عينيها بثقالة): شنو؟ 

يعقوب(قرب لعندها هبط لشفايفها و باسها بوسة طويلة): باقي ما بدينا باش نساليو 

غزلان واخا سخفانة بتاسمات ليه دليل على موافقتها و هزها ثاني باش يكملو داكشي لي بداو. 

دوزو ديك الليلة كاملها كي تحاربو فوق ديك الناموسية لي گاع ترونات، نساو كاع لي فات و خلاو قلوبهم و الشهوة ديالهم هي لي تحكم فيهم، بجوجهم كانو مستمتعين، واصلين لقمة السعادة. 

و كون يعقوب كان فخبارو بلي الممارسة معاها بهاد المتعة و بلي ساهل عليه يتطلق معاها و يتصرف على طبيعتو كان دارها من الاول، و غزلان كون عرفات بلي غير خطوة من عندها هي كافية تخليه يطيح كواريه للأرض و تحدهم ليه كانت جرباتها من اللول. 

المهم هاد الليلة كانت كافية باش تخليهم يفهمو بلي بجوجهم كانو مقصرين من حق بعضياتهم. 

🕊أصبحنا وأصبح الملك لله 🕊 

فاقت غزلان كاتحل عينيها بشوية، كانت حاطة راسها على صدرو العاري و هو محاوط يديه على خصرها و مخشيها فيه، بقات كاتشوفيه و على وجهها إبتاسمة،مدات يديها و بقات كاتدوز بصباعها على وجهو بحنان حتى وصلات لشفايفو و هو يغفلها ملي عضها عضة خفيفة. 

غزلان:فايق 

يعقوب(حل عينيه و شافيها): فيقتيني 

غزلان(بتاسمات و باستو فحنكو): صباح الخير 

يعقوب: صباح الخير يالاه ندوشو 

غزلان: واخا بلاتي نوجد الدوش 

يعقوب(يالاه بغات تنوض و هو يحبسها): خليك أنا غادي نوجدو 

غزلان شافت فيه بدهشة في حين هو مشا للدوش يوجدو، بتاسمات و تنهدات براحة، رجعات تلاحت فوق الناموسية شوية سمعات ميساج وصلها. 

هزات التيلي حلاتو تشوف و هي تصدم من داكشي لي شافت،بقات كاتمسح عينيها و ترجع تشوف باش تأكد لكن للاسف داكشي بصح، كانت صورتها هي و توفيق نهار حط فمو على فمها. 

بقات هاكداك مبلوكية و قلبها كي ضرب على الجهد،العرق خرج ليها من جبينها و عينيها متركزين على التيلي لدرجة ما حساتش بيعقوب لي كان واقف كي شوفيها كيفاش مصدومة، شدو الفضول و هو يقرب ليها نتر ليها التيلي من يديها و شاف فشنو كانت ساهية.  

يعقوب بقا كي شوف فالتيلي ديالها و عاقد حواجبو بإستفهام و هي قربات تموت بالخلعة، بقات غير كاتشوفيه و كاتحقق فملامحو و كاتسنا فردة فعلو. 

يعقوب(وراها التيلي و شافيها): شنو لي خلاك تصدمي؟ 

غزلان شافت فالتيلي بانو ليها غير التطبيقات لي فيه يعني ما شافش التصويرة حيت فاش خطف ليها التيلي خرج من الواتساب بلا ما يعرف. 

غزلان مسكينة مع قلبها كان شوية و يسكت، غير شافت فالتيلي و هي تغمض عينيها كاتنهد براحة.

يعقوب: دوي شنو كاين 

غزلان حلات عينيها، وقفات و مشات لعندو، خدات بعدا من عندو التيلي لا يصدق مقلبو عاد شافت فيه. 

غزلان: ما كاين والو علاش؟ 

يعقوب: و مالك قبيلة كنتي ساهية فيه و مصدومة 

غزلان:كنت ساهية(غمزاتو) كانفكر فاليلة ديال البارح 

يعقوب بقا كي شوفيها شوية ترسمات على شفايفو إبتسامة خفيفة و دغيا جمعها. 

يعقوب: واخا و لاش كاتغمزي 

غزلان(بإبتسامة): باش تفهم مزيان 

يعقوب(حرك ليها راسو بواخا): يالاه ندوشو 

شد فيها و جرها معاه للدوش، دوشو بجوج و هي مرة مرة كي مشي بالها مع ديك الحريرة لي طايحة فيها و اكيد توفيق ما غاديش يخليها هانية و التصاور عندو. 

عند يانيس لي هاد المدة كاملة ما قربش لميساء و ماعمرو شافها و لا هدر معاها، كان محتاج يبعد عليها باش يفهم راسو و المشاعر ديالو و واش فعلا كي حس بشي حاجة من جيهتها و لا لا. 

لكن لقا راسو طايح فيها و بزاف و طوال هاد الاسبوع ما غابتش عن بالو، و دابا فاش تأكد من مشاعرو عاد بإمكانو يشوفها و يدوي معاها. 

خرج من الدار، ركب فطوموبيلتو و مشا لافاك فين كاتقرا، بلاصة و بقا كي تسنا فيها تخرج و كل مرة كي شوف فمگانتو بملل، داز الوقت و السيدة باقي ما خرجات، و 12 هادي كي بان ليه اغلب الطلبة خارجين. 

تعصب و هو يخرج مشا دخل و بقا كي قلب عليها لكن والو ما لقاهاش، ماستسلمش كمل التقلاب و مشا لواحد الجريدة كي قلب ثاني. 

شوية و هو يوقف ملي بانت ليه جالسة بوحدها فكرسي، جامعة شعرها بإهمال، و لابسة دجين اسود و تيشيرت فنفس اللون، و ساهية كاتشوف فالارض. 

تنهد بحرقة و مشا لعندها، وقف مخبي عليها الشمس و هي غير حسات بيه، هزات فيه راسها بشوية حتى شافتو و هي ترجع تحدر عينيها. 

يانيس: ميساء 

ميساء تنهدات، هزات كتابها وصاكها، وقفات و تخطاتو خلاتو واقف و كي شوف فيها، عرفها مقلقة منو و لكن ملي شاف حالتها قلبو ضرو عليها، خاصة و انه هو سبابها.

مشا تبعها بالجرى حتى وصل لعندها و جرها لعندو حتى طاح الكتاب لي كانت هازة. 

ميساء بكل هدوء تحدرات حتى للارض هزاتو و وقفات،و مع شافت فيه مع هزات يديها حتى للسما و جمعات ليه وجهو بتصرفيقة حتى دارو گاع لي تما بسبب داك الصوت لي تسمع.

أما هو كون قت*لاتو فهاد اللحظة و ماتحطوش فهاد الموقف، بقا غير ساد عينيه و كي سمع فدوك لي تما كي وشوشو عليه، زير على يديه بعصبية، حل عينيه و هو يلقاها مشات،شاف فدوك لي تما بشي شوفات هخلاوهم ديك الساعة يفرقو الجقلة. 

اما هو بانت ليه ميساء غادة بشوية عليها بحال الى ما صرفقاتش واحد غير دابا و قدام الطلبة،بقا تابعها حتى هو بخطوات بطيئة حتى خرجو من لافاك و غير بانت ليه غادة لطوموبيلتها و هو يسرع فخطواتو حتى قرب ليها و شدها من دراعها. 

يانيس(عاقد حواجبو): لاش هادشي كامل 

ميساء(بقات كاتشوفيه شحال شوية بتاسمات بسخرية): حيد من قدامي 

يانيس: يالاه معايا بغيت ندوي معاك 

ميساء(شافت فحنكو لي حمر): حيد قبل ما نحمر ليك داك الحنك لاخر 

يانيس (خنزر فيها): باقي مع تفاهنا على ديك التصرفيقة 

ميساء: الى ما مشيتيش فحالك ايولي خصنا نتفاهمو على جوج تصرفيقات

يانيس(جاتو الضحكة لكن تحكم فيها): احم واخا زيدي قدامي دابا 

ميساء: لا 

يانيس(من تحت سنانو): ميساء 

ميساء(بحدة): يانيس 

يانيس سكت و بقا حاضي ملامحها لي تبدلو بزاف،ولات بحال شي وردة ذابلة، ماحملش يشوفها هاكدا و هو عارف راسو سبابها، لكن كان خاصو ضروري يبعد. 

يانيس(تنهد و قرب لعندها حط يديه على حناكها بجوج حتى جمعهم ليها): علاش دايرا فراسك هاد الحالة 

ميساء غير ساكتة و كاتشوفيه 

يانيس: هادشي كامل بسبابي؟ ما نستاهلش ديري فراسك هاد الحالة أ ميساء 

ميساء: امم 

يانيس(عقد حواجبو): كيفاش امم 

ميساء مدات يديها ليديه لي محطوطين على حناكها و حيداتهم ليه 

ميساء: واش من نيتك مزير ليا على وجههي حتى مابقيتش قادرة ندوي 

يانيس: أه نسيت 

ميساء: ماعلينا قلتي ماتستاهلش ندير هاد الحالة فراسي 

يانيس حرك ليها راسو بأه 

ميساء: إوا راك غالط حيت الحالة لي فيها أنا سبابها أنا نيت، كانعاقب راسي حيت خليت قلبي يبغي واحد بحالك، فهمتي دابا؟ 

يانيس(شدها من يديها و قربها لعندو): كنت محتاج نخليك 

ميساء(ضحكات بإستهزاء): مزيان و دابا لاش جاي لعندي 

يانيس: هاد الوقت لي خليتك فيك كنت محتاجو باش نفهم فيه راسي و كنت بغيت نتأكد بلي كانبغيك و لا لا 

ميساء(بلعات ريقها بخوف مترددة تسولو لا تسمع شي جواب ما يعجبهاش):و تأكدتي؟ 

يانيس: أه 

ميساء(بتوتر): يييه و لقيتي راسك كاتبغيني و لا لا 

يانيس حرك ليها راسو بلا 

ميساء كشرات ملامحها بحزن و بانت لمعة فعينيها،دفعاتو من قدامها باغا تركب فسيارتها باش تغبر من حداه و ديك الساعة تبكي كيف ما بغات لكن كان واقف و ما تزعزعش 

ميساء(بصوت باكي): حيد 

يانيس: صبري خليني نكمل كلامي 

ميساء(خنزرات فيه): شنو غادي تكمل؟ صافي غير حبس هنا عرفتك ماكاتبغينيش ماكاين لاش تكمل 

يانيس(بتاسم،جرها لعندو و هي كاتنتر ليه): كانموت عليك 

ميساء غير سمعات اش قال و هي توسع عينيها بدهشة،كاتقول مع راسها يمكن ما سمعاتش مزيان شنو قال. 

ميساء: شنو؟ 

يانيس(تنهد و عنقها): كنبغيك أ ميساء فهمتيها دابا#تتمة

ميساء فهاد اللحظة حسات بقلها ذاب من الفرحة و من ديك كلمة كانبغيك لي خارجة من القلب، غمضات عينيها و بقات معنقاه، فرحانة بزاف و فرحانة لدرجة بغات تعبر على فرحتها بالدموع. 

يانيس( بعد و شافيها لقا عينيها مغرغرين بالدموع):مالك كاتبكي 

ميساء:فرحانة بزاف 

يانيس(تنهد و مد يديه كي مسح دموعها): غادي نخليك ديما فرحانة كانواعدك 

ميساء:عمرنا غادي نتفارقو ياك 

يانيس: عمرنا 

ميساء بتاسمات، حركات ليه راسها بأه و رجعات تلاحت عليه عنقاتو، حيت واخا بينات ليه العكس و لكن راه توحشاتو و هاد المدة كانت اكفس فترة تعيشها فحياتها و دابا ملي تأكدات من يانيس بلي كي بغيها رتاحت بزاف و فرحتها ما تعطيها لحد.

ميساء( بعدات و شافت فيه): يالاه نمشيو 

يانيس: يالاه نوصلك 

ميساء: و طوموبيلتي 

يانيس: حتى نرجع ليها 

ميساء: نديرو واحد الحاجة نتا سير و انا نتبعك من اللور 

يانيس: امم واخا لي بغيتي 

حل ليها الباب حتى ركبات و سدو، عاد مشا لطوموبيلتو و ركب، ديمارا، مشا و تبعاتو هي. 

بقا هو سابقها و هي وراه حتى وصلو لواحد لفوروج و وقفو بجنب بعض، يانيس حل الزاجة و دار ليها بيديه باي باي، حتى هي حلاتها و بادلاتو نفس الحركة. 

شوية حرك ليها راسو للقدام متعمد يدير ليها إشارة غادي تفهمها غير هي و فعلا ميساء فهماتو و حركات راسها بواخا.

و غير الضو الاخضر تشعل و هما يطيرو كي تسابقو مع بعضياتهم، مرة هي تسبق مرة هو و مع كانت الطريق خاوية لقاو راحتهم، بقاو كي تسابقو حتى وصلو للدار ديال أمين و فايزة. 

يانيس هبط و مشا لعندها، كانت كاتقاد فشعرها و على وجهها إبتسامة نصر، حل ليها الباب وهبطها. 

يانيس:وليتي تربحيني 

ميساء: إوا شنو حساب ليك غادي نبقا نخليك ديما تسبقني 

يانيس( بتاسم و جرها لعندو، قرب لجبينها و قبلها قبلة طويلة، بعد و بقا كي شوف فملامحها): بغيت ميساء ديالي ترجع 

ميساء بتاسمات و حركات راسها بواخا 

يانيس: يالاه سيري 

ميساء: لا بغيت نعاود نسمعها قبل ما نمشي 

يانيس(بتاسم): كنبغيك 

ميساء (توسعات إبتسامتها): حتى أنا 

يانيس: دخلي 

مشات ميساء و بقا مقابلها حتى دخلات، عاد مشا ركب فطوموبيلتو غادي لخدمتو و هو مرتاح حيت أخيرا حل المشكل لي كان هاز ليه الهم. 

مريم يالاه وصلات للكوميسارية كاتجري و سخفانة حيت مشا عليها الحال و صبحات ناعسة الصباح كامل،بقات كاتقلب عليه بعينيها باش الى بان ليها تخبى و ما يشوفهاش،حيت أكيد غادي يسمعهم ليها بقات هاكداك كاتسلت حتى وصلات للمكتب ديال فؤاد،دخلات دغيا و سدات الباب. 

مريم شافت فؤاد كاتنهج لقاتو كي شوفيها، تفكرات البارح و هما يتزنگو حنيكاتها بالحشمة. 

مريم: احم 

مشات جلسات فالبيرو ديالها و هو مازال كي شوفيها 

فؤاد: أش هاد الوقت 

مريم: ها؟ احم مشا عليا الحال 

فؤاد(وقف و مشا لعندها): و مالك كاتنهجي؟ 

مريم:كنت كانجري 

فؤاد: و مالك على حالتك؟ 

مريم: خفت من الشاف أنور الى عرفني تعطلت ماغاديش يدوزها ليا بالساهل 

فؤاد(عقد غوباشتو): ماشي سوقو انا لي مكلف بيك و انا لي عندي الحق ندوي و اصلا شنو فيها الى تعطلتي؟كلنا كاتوقع لينا عادي 

مريم بقات كاتشوفيه شحال، عجباتها الهدرة لي قال و عجبها الحال حيت تفهمها و ما غوتش عليها و لا خاصم عليها عكس أنور لي كون شافها كان غادي يدير معاها إجراء قاسي، و هو غير نهار دافعات على الشفار ما عقلش عليها و تيرا فيها. 

مريم: بغيت نسولك 

فؤاد: وي سولي 

مريم: كون كنتي نتا فبلاصة الشاف انور داك النهار كنتي غادي تيري فيا؟ 

فؤاد(بتاسم ليها): مستحيل مانقدرش 

مريم بلا ما تحس بتاسمات ليه 

فؤاد(حنحن كي ستاعد باش يهدر): احم البارح… 

مريم(قاطعاتو): سمح ليا ما كنتش عارفة بلي تابعنا 

فؤاد: نساي انا بغيت نعرف غير جوابك على داكشي لي قلت ليك البارح واخا ماكملتش داكشي لي كنت باغي نقول، داكشي علاش فكرت نعرض عليك غدا، غير أنا وياك باش نقول گاع لي فقلبي 

مريم توترات و ما عرفات باش تجاوبو بقات غير كاتشوفيه و هو خايف من السكوت ديالها. 

فؤاد(بلع ريقو): شنو بان ليك قابلة تخرجي معايا فموعد 

مريم: احم الصراحة ما عرفتش 

فؤاد(بتاسم): واخا ماشي مشكل هاد الليلة فكري و غدا جاوبيني 

مريم(بادلاتو الابتسامة): واخا#تتمة

عند غزلان لي كانت كاتاكل ضفارها و هي كاتفكر فداكشي لي وقع الصباح، مابغاوش دوك التصاور يمشيو من بالها، هزات التيلي ديالها و دخلات الواتساب كاتأكد واش مسحات المحادثة، حيت واخا مسحاتها و لكن الخلعة خلاتها تبقا توسوس غير بوحدها. 

المشكل انه صيفط دوك التصاور بلا ما يقول ليها والو يعني ما عرفاتش الهدف ديالو اصلا. 

فيقها من سهوتها صوت يعقوب لي كان هابط من الدروج، شافها جالسة قدام التلفازة مشا لعندها و وقف عليها. 

يعقوب: وقفي 

غزلان(بلعات ريقها بخوف و وقفات تقابلات معاه):نعام؟

يعقوب(جبد واحد البواطة صغيرة من ورا ظهرو): هادي كنت خديتها ليك فاش سافرت و نسيت ما عطيتها ليك 

غزلان(بصدمة وسعات عينيها): جبتي ليا كادو؟ نتا نتا؟ 

يعقوب حرك ليها راسو بأه و حلها، كان وسطها خاتم ديال الزواج الماسي شكلو بسيط، أنيق و زوين. 

غزلان تزعطات فداك الخاتم و بقات كاتشوفيه حالة فمها، مدات يديها بغات تقيسو و هو يغفلها ملي سد عليها البواطة حتى رجعات يديها لعندها دغيا. 

غزلان(شافت فيه و ضحكات): ههه آح علاش؟ 

يعقوب(بتاسم): خليني بعدا نهدر 

غزلان: أه واخا راه الخاتم تلفني 

يعقوب حنحن و جبد الخاتم من البواطة، سدها و حطها فوق الطبلة عاد شد يديها. 

يعقوب: نهار تزوجنا ما شريتش ليك خاتم ديال الزواج ياك 

غزلان: أه 

يعقوب: عتابري بلي زواجنا يالاه بدا اليوم 

شد الخاتم و ركبو ليها فصبعها، هز يديها حتى الفوق و باسها ليها و هي غير كاتشوفيه و عينيها مدمعين. 

غزلان(بتأثر): يعقوب 

يعقوب(بتاسم و جرها لعندو عنقها): ماتبكيش 

غزلان: كانواعدك غادي نسيك فلي فات 

يعقوب(تنهد و باس راسها): كانواعدك نعوضك على لي فات، سمحي ليا 

غزلان(زادت تخشات فيه و مخشية وجهها فصدرو كاتخبي دموعها): نتا لي سمح ليا 

بعد عليها و مد يديه مسح ليها الدموع، غزلان حطات يديها على يديه و قالت. 

غزلان: بما انك ما خدامش اليوم أجي نتفرجو مجموعين 

يعقوب بتاسم و حرك ليها راسو بواخا، جراتو من يديه و مشاو جلسو كي تفرجو فجو رومانسي زوين. 

واحد أنور مسكين كان برا المدينة خدام، و باغي غير إمتى يسالي باش يمشي لعندها، باغي يدوي معاها و يقوليها شحال من حاجة ما كانش فاهمها فاللول و دابا ملي شافها قربات تضيع ما بين يديه عاد فهم بلي راه ما يقدرش يشوفها مع واحد آخر و بلي كي شوفها كإمرأة و ماشي كأخت أَوْ صديقة، فهم بلي فعلا كي حس ببزاف ديال الحاجات من جيهتها، و بلي باغيها تكون معاه و تكون ليه و لي فكر يدخل بيناتهم ماغاديش يرحمو. 

داز الوقت و أخيرا سالا خدمتو، ركب فطوموبيلتو و مشا طاير للكوميسارية، نوض العجاج فالطريق بسباب السرعة و ما وقف حتى وصل قدام الكوميسارية، شاف فمگانتو لقاها 6،بلع ريقو خايف لا تكون مشات،حل الباب و هبط ديك الساعة و مشا كي جري دخل للكوميسارية. 

و غير دخل و هو يوقف ملي بانت ليه كاتمشى و حداها فراس، تنهد براحة و قرب لعندهم، حتى هما شافوه و وقفو. 

أنور(كي شوف فمريم و كي دوي مع فراس): فراس سير 

فراس: واخا الشاف 

يالاه بغا يمشي و هي تشدو مريم من يديه حابساه و فنفس الوقت كاتشوف فأنور 

مريم: ما عندو فين يمشي 

أنور(باقي كي شوفيها): سير 

مريم: ماغاديش يمشي 

أنور حيد عينيه من عليه و شاف ففراس شي شوفات خلاوه ديك الساعة ينتر يد مريم 

فراس: غادي نتسناك برا 

مشا و هما بقاو كي تبادلو النظرات بيناتهم حتى هدرات مريم 

مريم: علاش؟ 

أنور: بغيت ندوي معاك 

مريم: واخا دوي 

أنور: ماشي هنا 

مريم: و فين 

أنور: يالاه معايا 

مريم: لا ما عندي فين نمشي معاك 

أنور(عقد حواجبو): ما عندك فين تمشي معايا و هو تمشي معاه للقهاوي عادي؟ 

مريم: ما تبقاش تقارن راسك بيه 

أنور( بقا ساكت غير شوفيها فالتالي تنهد و قال):كاتخرجي هدرة كيف السم من فمك بلا ما تعرفي اش كاتقولي 

مريم: خلينى نصحح ليك، كانخرج هدرة كيف السم من فمي و انا عارفة مزيان أش كانقول 

أنور(حرك راسو بواخا): واخا صافي لي فجهدك ديريه و الى عند بالك بحال هاد الهدرة غادي تخليني نبعد عليك غير تهناي راك غالطة و بزاف 

مريم: ها حنا غادي نشوفو 

أنور: واخا سيري دابا 

مريم بقات كاتشوفيه و حتى هو كذلك، هي كاتشوفيه و ماكرهاتش تسولو علاش كي دير هادشي كامل و علاش ولى كي تصرف معاها هاكدا؟ علاش ماباغيش يشوفها مع فؤاد؟ واش حيت كي حس بشي حاجة من جيهتها؟ لا ما يمكنش حيت حتى قبل كان كي بين ليها من خلال الغيرة ديالو عليها بلي كي بغيها لكن طلع العكس و دابا مستحيل تخلي مخيلتها تسرح بعيد و طيح فنفس الغلط. 

اما هو كي شوفيها و باغي بشدة يسولها واش مازال كاتبغيه؟ واش داكشي لي قالت داك النهار اصلا بصح؟ و لكن علاش كاتعامل معاه هاكدا؟ الى كانت بصح كاتبغيه مستحيل تنساه فهاد الفترة القصيرة و مستحيل تخيل حياتها مع شي حد آخر من غيرو. 

مريم حيدات عينيها من عليه، تخطاتو و مشات في حين هو بقا واقف تما و كي فكر فيها هي نيت،مستحيل يخليها لشي حد آخر و غادي يدير المستحيل باش تولي ليه. 



فالليل كانت مريم، كاتقلب فبلاصتها و كاتفكر فيه،واش تعطيه فرصة حيت باين بلي مهتم بيها واخا حتى هي راه ولات خايفة ترجع تخلي قلبها يبغي، و لكن هادا مختالف على أنور حيت المبادرة كانت منو إذا راه بصح كاتعجبو، بقات كاتفكر و تفكر فالتالي هزات التيلي ديالها و عيطات ليها. 

نسيمة: مريومة 

مريم(تنهدات): نسيمة 

نسيمة: أ مالك 

مريم: دابا عقلي مشوش و بغيت ناخد رأيك فواحد الحاجة 

نسيمة: ييه قولي قولي 

مريم: الشاف فؤاد عتارف ليا بلي كانعجبو 

نسيمة(وسعات عينيها بصدمة): حلفي؟ هه اصلا كانت باينة 

مريم: و اليوم طلب مني نخرج انا وياه غدا فموعد اش بان ليك 

نسيمة: امم الصراحة نتي تعرفي و لكن النصيحة لي نقوليك هي عطي لراسك و ليه فرصة 

مريم(تنهدات): خايفة 

نسيمة: شوفي ماشي حيت واحد التجربة كانت فاشلة إذا راه كلشي بحالها، أنور عتارفتي ليه رفضك إوا صافي كملي حياتك عادي 

مريم(بقات ساكتة مدة قبل ما تقول): و لكن أنا باقي كانبغيه، واخا مقصحة قلبي و لكن ما قادراش نحيدو من قلبي 

نسيمة: عادي راه مستحيل تنسايه دغيا و لكن واش نتي فعلا باغا تنسايه؟

مريم: أنا فاش كاندير واحد الحاجة فراسي ما كانمشي حتى كانطبقها و ما قلت بلي بغيت نساه إلا و فعلا باغا و غادي نساه 

نسيمة: فؤاد يقدر ينسيك فيه و تقدري تولي تبغيه و معاه تحسي بالحب الحقيقي كيف داير 

مريم: زعما؟ 

نسمية: ما تعرفي كلشي ممكن و اصلا فؤاد ضريف زوين و ضابط من الفوق اش بغيتي مازال 

مريم(بتاسمات): بصح 

نسمية: يالاه نخليك و فكري مزيان 

مريم: واخا شكرا احبيبتي 

نسيمة: هانية احبي 

قطعات معاها و حطات راسها على المخدة كاتفكر، بقات فكرة تديها و فكرة تجيبها فالتالي خرجات بقرار و معولة تنفذو. 

و فالصباح أول حاجة دارت فاش وصلات للكوميسارية هي مشات لعندو للمكتب، لقاتو حتى هو كي تسناها غير إمتى تجي و تعطيه شي جواب لي يريح بالو و يفرحو. 

فؤاد(شافها دخلات و مشات حتى لحداه و وقفات، بلع ريقو و قال): مريم 

مريم: الشاف أنا فكرت 

فؤاد(بقا ساكت مدة): إذا؟ 

مريم(بتاسمات): أنا موافقة 

فؤاد(بتاسم و تنهد براحة): الله على راحة و أخيراً،كنت مشطون 

مريم: أنا اليوم غادي نخرج بكري 

فؤاد: واخا و مع 7 غادي ندوز لعندك 

مريم(بإبتسامة): إن شاء الله 

داز الوقت و فعلا مريم مشات بكري، وصلات 6 و نص و أنور يالاه داخل للكوميسارية بحكم هاد الايام كاتكون عندو خدمة خارج المدينة و كي ضل النهار كامل تما، مشا كي قلب عليها لقاها ما كايناش، ثال مع راسو راه مشات للدار، شوية بان ليه فراس جاي، عقد حواحبو و مشا لعندو.

انور: شنو باقي كاتدير هنا 

فراس: عندي دورية بالليل اليوم 

أنور: و مريم؟ 

فراس(كشر كلامحو): مريم مشات بكري حيت عندها موعد 

أنور(عقد حواجبو): معامن؟ 

فراس: الشاف فؤاد 

أنور(زير على يديه و خنزر فيه): و نتا خليتيها؟ 

فراس: قلت ليها ما تمشيش (حك راسو ببرائة) ضرباتني فراسي باش نسكت و دارت لي قاليها راسها 

أنور(سد عينيه و حلهم بعصبية): ناري اليوم نقت*لها هي وياه 

ضرب فيه و مشا معصب و خلى فراس غير كي شوف ما فاهم والو. 

خرج من تما بالجرى و مشا ركب فطوموبيلتو و ديمارا مكسيري. 

أنور وصل عندها هو اللول قبل ما يوصل هو، هبط من الطوموبيل و مشا كي دق فالباب بالجهد، مريم كانت يالاه لبسات و سالات كاتسنى فيه باش يجي يديها، و غير سمعات الدقان مشات تحل الباب عند بالها هو، مع حلاتو مع كي بان ليها انور واقف عينيه حمرين و صدرو كي تهز و كي تحط بالأعصاب. 

مريم(زفرات بغضب): شنو بغيتي ثاني؟ 

أنور(طلعها و هبطها كانت كاتبان زوينة بزاف): هادشي كامل على قبلو؟ 

مريم(تنهدات): سير فحالك أ أنور 

يالاه بغات تسد عليه الباب و هو يدفعو حتى رجعات باللور،دخل سد الباب و شافيها لقاها كاتخنزر فيه. 

مريم: نتا صافي حماقيتي(دفعاتو) سير قبل ما يجي و يشوفك 

أنور شافيها بنظرات حادة زير على فكو و شدها من دراعها قربها ليه 

أنور: ما تمشيش لعندو 

مريم(كاتحاول تنتر منو): علاش حتى لدابا؟ فين كنتي فاش كنت باغاك؟ ياك كاتبغيها إوا سير لعندها 

أنور: مابغيتهاش بغيتك نتي 

مريم: إوا انا ما بقيتش بغيتك 

أنور(دورها و لصقها مع الحيط،حط يديه على الحيط و اليد الثانية على خدها، حط جبينو على جبينها،غمض عينيه و قال بصوت خافت): مريم سمعي ليا واخا غير هاد المرة ديري هادشي لي كانقوليك و ما تخرجيش معاه

مريم(بعداتو عليها و دوات بحدة): غادي نخرج معاه و ماشي من حقك تدخل فيا 

أنور (تعصب و شدها من الفك ديالها زير عليها):يا أنا يا نتي أ مريم 

مريم تعصبات ملي زير على فكها، نترات يديه و هزات يديها حتى للسما و نزلات عليه بتصرفيقة حتى دار وجهو لجنب،انور بقا فنفس الوضعية مغمض عينيه و كي زير على سنانو باش يحبس الغيض ديالو،حل عينيه و شافيها بانت ليه هزات كسوتها باغا تمشي و هو يشدها ورجعها حتى لصق ظهرها مع الحيط. 

ما دواش معاها نزل ديريكت على شفايفها كي بوس فيهم و هي مخرجة عينيها بصدمة و كاتدفع فيه،أنور زاد لصق فيها و مازال خدام كي بوس و كي جر فشفايفها بع..نف حتى كي قصحها. 

بقات كاتنتر منو حتى قدرات تدفعو من عليها و يالاه هزات يديها بغات تزيدو الثانية و هو يشدها ليها و رجع ثاني تلاح على فمها،داخل معاها فقبلة طويلة و هاد المرة كانت حنينة على الاولى. 

أنور(فصل القبلة و بعد شوية): واخا نعرف نقت*لك و نقت*ل راسي من وراك و ما نخليكش ليه 

مريم بقات كاتشوفيه و قلبها كي ضرب على الجهد،صدرها و صدرو ملاصقين و بجوج كي تهزو و كي تحطو،أنور حط يديه بحنان على حنكها و حتى هي سدات عينيها و لكن غير سمعات الدقان و هي تحلهم دغيا، دفعاتو من عليها و بلعات ريقها بخوف. 

مريم: تخبى قبل ما يشوفك 

أنور خنزر فيها و مشا بغا يحل الباب و هي تشدو مخرجة عينيها 

مريم(كاتحرك راسها بلا): لا لا عافاك 

أنور نتر يديها بالجهد و مشا حل الباب، لقاه فؤاد لي كان لابس و مقاد و كي تسنى فيها و غير شافو و هو يعقدهم. 

فؤاد: اش كاتدير نتا هنا 

انور: رجع فحالك ما عندها فين تمشي 

فؤاد شاف فمريم لي كانت ورا انور و وجهها صفر بالخلعة، رجع شاف فأنور و هو يضحك بالفقصة، جمع قبضة يديه و نزل عليه بلكمة حتى خرج ليه الد*م من فمو. 

أنور تقاد فالوقفة و مسح جنب فمو شاف الد*م و رجع شافيه، بلا كلمة بلا جوج نزل عليه بكروشية حتى رجع للور و رجعو للزنقة منين جا. 

مريم كانت واقفة مصدومة و حاطة يديها على فمها و غير بان ليها انور خرج من الدار و غادي لعند فؤاد و هي تبعو و شداتو. 

مريم: أنور لا

انور(شافيها و عينيه حمرين): طلقي 

مريم لا 

أنور حط يديه على يد مريم بغا يحيدها ليها لكن كان فؤاد زرب عليه و رجع ليه البونية، حتى طاح انور للأرض حيت غفلو، مريم شهقات و شافت ففؤاد. 

مريم: واش حماقيتو؟ 

فؤاد(شد فيد مريم): سير تقود من هنا 

جرها معاه و مريم كاتشوف وراها و بالضبط فأنور لي ولى بركان على وشك الانفجار، ناض من الارض و مشا لعندهم جر مريم دفعها حتى رجعات باللور و شد فؤاد من راسو ضربو ليه مع الطوموبيل حتى شداتو الدوخة باقي حتى ماستوعب أش كاين رجع شدو من شعرو و رجع ثاني ضربو مع الطوموبيل. 

هنا مريم ما بقاتش قادرة تصبر على هاد العنف كامل، و اضطرت تدخل، مشات النيشان لعندو دوراتو لعندو و هزات يديها حتى لفوق و هبطات عليه بتصرفيقة باش يوعى على راسو، أنور شافيها و صدرو كي طلع و يهبط. 

مريم: نتا راه حماقيتي 

أنور يالاه حل فمو باغي يدوي و هو يدفعو فؤاد حتى كان غادي يطيح. 

أنور غمض عينيه و عض فمو بعصبية، تقاد فالوقفة و دار شافيهم، تعصب بزاف و ماعمرو وصل لهاد الدرجة من العصبية، و بلا تردد جيد السلاح من ورا ظهرو و وجهو على فؤاد حتى شهقات مريم. 

أنور: اليوم نقت*لك أ فؤاد الى ما مشيتيش فحالك من هنا 

مريم (وقفات قدام فؤاد و سرحات يديها محاولة منها لحمايته): أنور حط داك السلاح 

أنور ناري قلبو دابا شحال كي ضرو و هو كي شوفيها كاتحامي عليه، زاد تعصب و زاد زير على سلاحو. 

انور: مريم حيدي 

مريم: لا 

فؤاد(شدها من يديها و جرها وراه): حيدي نشوفوه شنو غادي يدير(شاف فأنور) يالاه تيري نشوف 

مريم كاتشوف فانور شحال معصب و قرب يتفرگع و ماكرهاتش تعطي لفؤاد بونية حيت كي ستفز فيه بهدرتو، شافت فالسلاح لي ورا ظهر فؤاد و هي تبلع ريقها، رجعات شافت فأنور لقاتو باقي موجه سلاحو على فؤاد و يديه كي ترعدو من الأعصاب، خافت على فؤاد لا يصدق انور قات*لو و خافت على انور لا يقت*لو و يخرج على حياتو، و ما لقات ما تدير سوى تهز داك السلاح بخفة و ترجع قدام فؤاد موجهاه على انور. 

مريم: سير من هنا أ أنور 

أنور كون قت*لاتو و ما يشوفش هاد المنظر، كي حس بقلبو كي تقطع طراف طراف و هو كي شوفيها كاتدافع ليه لدرجة خلاتها تهز عليه السلاح، ما لقا ما يقول و ما عرف ما يدير، عينيه ولاو حمرين و مدمعين من الاعصاب و من ديك الحر.قة لي فقلبو، كلشي تجمع عليه فهاد اللحظة.

مريم(حتى هي كثر منو عينيها تغرغرو بالدموع و بصوت باكي قالت): أنور عافاك نزل داك السلاح و سير من هنا. 

أنور بقا كي شوفيها شحال و فعينيها لي دمعو، حتى لهاد الدرجة خايفة على فؤاد؟ لدرجة خلاتها تبكي؟ تنهد بحرقة و فالتالي ستسلم ليها و لدموعها و هبط يديه مهبط معاها السلاح.

مريم تنفسات أخيرا براحة و نزلات حتى هي سلاحها،فؤاد حيدو ليها و رجعو ورا ظهرو، شد يديها و حل الباب ركبها عاد مشا لبلاصتو، ديمارا و مشا. 

مريم جالسة و كاتشوف فأنور من المراية، كان مهبط راسو و شوية حط يديه على قلبو، حيدات دغيا عينيها من على المراية و غمضاتهم مرجعة راسها للور.

في حين أنور بقا على ديك الوضعية شوية بدا كي حس بيدو كاتضرو، شافيها لقاها كلها كاترعد، شد فيها و بقا كي تنهد و كي حاول يهدن راسو لا يصدق طايح تما بالاعصاب. 

مدة و هو هاكداك حتى بدا كي حس براسو شوية تكالما و هو يهز راسو و شاف فالطريق، بقا كي فكر فواش يخليها و يتراجع و لا ما يقدرش يخليها و مستحيل يشوفها مع شي حد من غيرو. 

بسرعة لقا الجواب و ديك الساعة رجع السلاح لبلاصتو و مشا ركب فطوموبيلتو ناوي يقلب عليها فين ما كانت،معول يقلب گاع الاوطيلات و گاع لي ريسطو ديال المدينة حتى يلقاها و بزز منها يديها معاه و يقوليها بلي كي بغيها و بلي كان حمار نهار رفض حبها. 

بقا سايگ و فنفس الوقت راد البال مع السيارات لا يكونو باقي فالطريق. 

شوية حس ثاني بيديه كاترعد، حيد ديك اليد من الفولون و بقا سايگ غير بيد وحدة، و كي حاول يبعد من الطوموبيلات ما أمكن. 

لكن اليوم تعصب بزاف و ماشي غير اليوم هاد المدة كاملة كان كي تعصب و كي رد لقلبو حتى الجسم ديالو ما بقاش قر يصبر و كرد فعل لدوك الاعصاب كاملة بدا الجسم ديالو كولو كي ترعد و هو سايگ. 

أنور ما بقاش قادر يتحكم فالسوگان ديالو بغا غير يفراني لكن رجليه فشلو عليه و كي ترعدو أصلا،  شاف قدامو بانو ليه الطوموبيلات كثار شاف فالمراية لقا وراه ثاني وراه طومبيلات كثار. 

رجع شاف قدامو و هو يخرج عينيه من الصدمة ملي بان ليه كلب فوسط الشانطي، ما عرف ما يدير كولو كي ترعد و الكلب قرب يجمعو بسيارتو و الطوموبيلات كي كلاكصونيو عليه. 

إستجمع گاع القوة لي بقات ليه و هو يدور الفولون لجنب حتى خرج من الطريق لكن دخل فواحد الشجرة كانت تما. 

أنور حاط راسو على الفولون و هابط الد*م من راسو كي جري حتى عمر وجهو بالد*مايات و هو غايب عن الوعي. 

مريم جالسة مقابلة مع فؤاد كاتاكل فالپلا ديالها بهدوء و بالها سارح مع أنور لي خلاتو تما واقف شاد فقلبو،فؤاد كي شوفيها و كي شوف كيفاش ساهية، بلل حلقو و تقاد فالجلسة باش يدخل دغيا فالموضوع. 

فؤاد: مريم 

مريم(شافت فيه): ها؟ نعام 

فؤاد: بغيت ندوي معاك على داكشي لي جبتك على قبلو لهنا 

مريم(تنهدات و حطات الفورشيط): واخا 

فؤاد: كيف ما قلت ليك ول بارح نتي هي البنت لي كاتعجبني، من نهار شفتك كانت فيك شي حاجة مميزة خلاتني نميل ليك، من بعد فاش خدمنا بجوج و زدنا تقربنا لقيت بلي فعلا كاتعجبيني، و أنا ماشي من النوع لي غادي يبغي يضحك على بنات الناس، ما قلت ليك بلي كاتعجبيني إلا و باغي تكون بيناتنا علاقة رسمية و فاش كانقول علاقة رسمية ماكانعنيش بها هي التصاحيب،فهمتي؟ 

مريم كانت ساكتة و كاتسمع لگاع لكلام لي قال، ها هو راجل قدامها ماخصو حتى خير،عندو منصب مهم و مكانتو عالية زائد انه وسيم، لكن والو هدرتو ما حركات فيها والو. 

مريم(تنهدات من الاعماق و قالت): ملي الموضوع فيه الزواج فخاصني نزيد نفكر كثر، حيت راه زواج هادا ماشي لعب 

فؤاد(بتاسم): حتى انا ما قلتش ليك جاوبيني دابا،خودي راحتك و فاش تلقاي الجواب غادي تلقايني مستعد نسمعو 

مريم (بتاسمات ليه): شكرا 

فؤاد: العفو…(حنحن و وقف قرب لعندها، تحنا شوية و مد يديه) شنو بان ليك فشي رقصة 

مريم بقات شحال ساكتة كاتشوفيه فالتالي بتاسمات و مدات ليه يديها، شدها و وقفها، مشاو للوسط و حاوط يديه على خصرها، قربها ليه كثر و بداو كي شطحو بهدوء. 

مريم كاتشطح معاه و بالها مع لاخر، ماشي حيت بغات ترجع ليه و تولي معاه و إنما بقا فيها الحال على هادشي لي وقع، عرفاتو غادي يكون فهم غلط ملي هزات عليه الفردي،عند بالو حامات على فؤاد فقط و فالحقيقة كانت خايفة عليه هو كثر، حيت واخا تقصح قلبها حتى تعيا راه كي بقا الشخص لي بغاتو زائد أنه كان صديقها فواحد الوقت و ديك الفترة لي دوزات معاه كانت أحسن فترة. 

مدة و هما كي شطحو حتى سالات الموسيقى و رجعو جلسو، جابو ليهم تحلية عبارة عن شيز كيك من إختيار مريم،  كانت كاتاكل فيه و ساهية شوية كاتقفز ملي سمعات التيلي ديال فؤاد كي صوني، شافت فيه بان ليها هزو شاف شكون و رجع حطو بلا ما يجاوب. 

مريم: شكون؟ 

فؤاد:غير الخدمة 

مريم: أه 

رجعو ثاني كي ياكلو شوية رجع التيلي صونا و ثاني فؤاد ما بغاش يجاوب 

مريم: جاوب 

فؤاد: لا بلاش 

مريم: غير جاوب ما تعرف شي حاجة مهمة قلبي ما مهنينيش 

فؤاد: أش غادي يكون گاع؟ 

مريم ترجاتو بعينيها 

فؤاد(تنهد): واخا واخا(هز التيلي و جاوب) ألو..لا..(بلع ريقو) كيفاش؟…احم واخا دابا نجي. 

قطع معاه و شاف فمريم لي كانت باغا تعرف اش واقع 

مريم: شنو كاين؟ 

فؤاد: احم والو غير خدمة 

مريم(عقدات حواجبها): ما تكذبش عليا أ فؤاد شفتك كيفاش وليتي صفر 

فؤاد(تنهد): أنور… 

مريم(سمعات إسمو و هي توسع عينيها،بلعات ريقها و قالت): مالو؟ 

فؤاد: احم دار كسيدة 

مريم بحال الى خويتي عليها سطل ديال الما مثلج،بقات غير كاتشوفيه و كاتبلع ريقها بخوف، بغات غير تدوي ما قدراتش لسانها تعقد. 

فؤاد:كانظن دار كسيدة و هو تابعنا(شاف فمريم لي حالة عينيها و كاترمش فيهم) ماتحسيش بتأنيب الضمير داكشي مكتاب أ مريم  

مريم ناري زاد كمل عليها بهاد الهدرة و خاصة فاش قاليها دار كسيدة و هو تابعنا، كيفاش بغاها ما تحسش بتأنيب الضمير؟ و هي دابا الحاجة الوحيدة لي كاتدور ليها فعقلها، هي كون ما خرجاتش هاد النهار گاع ما كان غادي يوقع هادشي كامل، سدات عينيها و خدات نفس طويل، شافت فيه وقالت.

مريم(شفايفها كي ترعدو): ما..ت؟

قلبها كي ضرب على الجهد و هي كاتسنا الجواب،كاتحس بالوقت وقف و بلي هاد الثواني لي غادي ياخد فؤاد باش يجاوب هما اطول ثواني دازو فحياتها. 

فؤاد: لا حالتو ماشي خطيرة 

مريم تنفست الصعداء و غمضات عينيها، شوية رجعات حلاتهم دغيا ملي بالها ما هناهاش، خاصها تشوفو و تهدر معاه باش تهنى. 

مريم(وقفات): انا خاصني تمشي لعندو 

فؤاد(خرج فيها عينيه و شدها من يديها قبل ما تمشي):فين غادة؟ واش حماقيتي؟ 

مريم: طلق مني أ فؤاد يغيت نمشي لعندو 

فؤاد( كشر ملامحو و وقف تقابل معاها): علاش هادشي كامل؟ لاش باغا تمشي لعندو؟ 

مريم(عقدات حواجبها): كيفاش علاش باغا نمشي لعندو؟ السيد داير كسيدة بسبابنا و بغيتيني نبقا جالسة 

فؤاد: قلت ليك ما تحسيش بتأنيب الضمير الكسيدة ربي مكتبها عليه ماشي بسبابنا 

مريم: واخا هاكداك ا فؤاد راه كي بقا الشاف ديالي 

فؤاد: واش عند بالك غادي يبغي يشوفك؟ بغيتي تمشي لعندو و يصدق مجري عليك؟ 

مريم: ما كي همش المهم نشوفو بخير 

فؤاد(جرها و قال بإنفعال): كي هم و بزاف راك شفتيه فاش كي تعصب يقدر يآذيك من غير هادشي ما غاديش يبغيك تجي لعندو 

مريم سكتات و بقات كاتشوفيه و كاتفكر 

فؤاد(تنهد): غير تهناي لي كانت غادي نقولها ليك 

مريم ماجاوباتوش و ماكاتشوفش فيه أصلا 

فؤاد(بانت ليه داخلة فصدمة و هو يشدها من يديها):يالاه نمشيو خاصك ترتاحي 

هز صاكها و جرها وراه، و هي غير تابعاه بحال شي جـ..ثة بلا روح، خرجو من تما و مشاو للطوموبيل، حل ليها الباب و ركبات، عاد مشا لبلاصتو، ديمارا و زاد متوجه لدار مريم. 

الطريق كاملة و هما ساكتين حتى وصلو، خرج فؤاد و مشا عندها حل ليها الباب. 

فؤاد: دخلي لداركم و رتاحي ما تفكري فوالو 

مريم( خرجات و شافت فيه): أي حاجة وقعات علمني بيها عافاك 

فؤاد(بزز): واخا 

مريم مشات بخطوات بطيئة حتى لحدا الباب حلاتو و دخلات و هو بقا حاضيها و مزير على يديه ما حاملش يشوف خوفها و اهتمامها بأنور. 

رجع ركب فطوموبيلتو و مشا، في حين هي دخلات و بقات كاتقلب على فراس ما لقاتوش، هزات التيلي ديالها ديك الساعة عيطات ليه. 

فراس: ألو 

مريم: فينك 

فراس: خدام راه عندي دورية بالليل 

مريم: أه احم… 

فراس: فخبارك لي وقع؟ 

مريم: أه 

فراس: ما مشيتيش عندو؟ 

مريم: لا و نتا؟ 

فراس: لا شوية و نمشي 

مريم: واخا الى كانت شي حاجة قولها ليا 

فراس: علاش نتي ماغاديش تمشي؟ 

مريم: من الاحسن لا 

فراس(بإستفهام): و علاش؟ 

مريم: هاكداك المهم نخليك دابا 

قطعات معاه دغيا و طلعات لبيتها، دخلات و مشات النيشان تلاحت فوق الناموسية، كاتفكر فيه و فحالتو كي غادي تكون، باغا و بشدة تمشي عندو لكن كلام فؤاد كان مقنع بزاف. 

حيت من بعد داكشي لي وقع أنور ماغاديش يبغي يشوفها،و حتى هي غادي تدير داكشي لي بغا و ماتمشيش لعندو يكفي يوصلوها خبار مفرحة عليه. 

فوسط الكيلينيك و فالجناح ديال أنور، كان متكي و مدورين على جبهتو بفاصمة و يديه مفدوعة و فيها الگبس، قمر جالسة حداه و سيف واقف مربع يديه كي شوف فيهم. 

قمر(كاتمسح على جبهتو بحنان): قلبي كلن غادي يسكت فاش سمعت الخبار. 

أنور: الواليدة أنا بخير واش نبقا نعاودها ليك 

قمر: سكت اشمن بخير و ديك الجرحة قداش فجبهتك شناهيا؟

أنور( تنهد و شاف فباه): الواليد مالك؟

سيف: كيفاش حتى درتي كسيدة؟ 

أنور: كنت غادي بسرعة 

سيف(صغر فيه عينيه): ما مولفاش ليك 

أنور: كنت زربان 

سيف: فين كنتي غادي حتى خرقتي القوانين و صگتي بسرعة 

أنور بقا غير ساكت ما بغاش يقول أش وقع أصلا، ما عتقاتو غير مو لي تدخلات. 

قمر: واش كاتشوف الدري مفلعص و مازال زايدو بالتحقيق؟ واش عند بالك كاين فالكوميسارية 

سيف: سكتي نتي 

قمر: سكت نتا و بعد ليا من ولدي 

سيف: راه واقيلا ولدي حتى انا 

قمر(وقفات و تقابلات معاه): على شكون هزو فكرشو 9 شهور 

سيف: و شكون كلى التصرفيق فاش كنتي حاملة بيه؟ 

قمر: احم هاداك راه الوحم 

سيف: كاين شي وحم بالتصرفيق؟ 

قمر: صافي سكت وااه خلينا نشوفو الدري لي مريض 

سيف: سيري تجلسي سيري 

رجعات جلسات ثاني حدا أنور لي كان راسو اصلا كي ضرو و زادو كملو عليه هاد الجوج لي مالقاو فين يتناگرو غير حداه، و خصوصا صوت قمر مع فيه التجعويق كي دخل ليه مع وذنيه مازال سيف راه كي دوي بهدوء. 

ما هي إلا لحظات حتى تفرع الباب و دخلات منو شمس كاتجري، غير شافتو عينيها دمعو و مشات تلاحت عليه. 

شمس: خويا 

أنور(مكشر ملامحو بألم): شمس 

شمس(بعدات عليه و شافت فيه): خويا نتا بخير 

أنور (حرك ليها راسو بأه): البكا لاش؟ 

شمس: تخلعت عليك(مسحات دموعها) فين كي ضرك؟ 

أنور: حتى بلاصة أنا بخير 

شمس: برا دغيا باش نقاد ليك الكيكة لي كاتعجبك 

أنور بتاسم ليها و يالاه بغا يدوي حتى كي بانو ليه كلهم جاو من غير يانيس و يازيد،دخلو و مشاو لعندو كي طمأنو عليه.

أنور: كي دارو خلاوكم دخلو كاملين؟ 

يونس: واقيلا معاك العميد يونس 

مصعب: و ولدو المحقق مصعب 

منى: و الضابطة منى 

أنور بتاسم و حرك ليهم راسو 

يعقوب(كان معطل و يالاه دخل مع الباب و مشا لعندو النيشان): على سلامتك 

أنور: الله يسلمك 

يعقوب: الله يجعلها مغفرة الذنوب

أنور: آمين 

يعقوب(شاف فغزلان): نمشيو؟ 

غزلان: واخا 

قمر: صافي غادي تمشيو 

يعقوب: نخليوه يرتاح

سلمى: شفتي الناس لي كي فهمو يالاه نمشيو حتى حنا ولد خويا خاصو الراحة 

إكرام: أه يالاه نمشيو حتى لغدا و نرجعو 

مشاو و خرجو معاهم حتى قمر و سيف باش يوصلوهوم لتحت، و فالغرفة بقات غير ميساء لي كانت واقفة كاتشوفيه و كاتحنحن. 

أنور بقا كي شوفيها و هي كل مرة كاتهز فيه عينيها كاتحدرهم ملي كاتلقاه كي شوفيها. 

أنور(تنهد): ميساء 

ميساء(هزات عينيها فيه): نعام 

أنور: عندك شي حاجة بغيتي تقوليها 

ميساء قربات ليه حشمانة، وقفات و بقات كاتفرك فصباعها بتوتر. 

ميساء: بغيت غير نقوليك على سلامتك 

أنور(بإبتسامة جاوبها): الله يسلمك 

ميساء: احم و شكرا بزاف 

أنور: ما كاين لاش تشكريني 

ميساء(بإبتسامة): نخليك دابا

أنور حرك ليها راسو بواخا و مشات في حين هو غمض عينيه و حط راسو على كادر الناموسية،بقا شحال هاكداك حتى قرب النعاس يديه، شوية كي حل عينيه بالزربة ملي سمع الباب تحل بالجهد،شاف شكون لقاه داخل و وجهو صفر بالخلعة. 

يانيس مع دخل عينيه مشاو النيشلن لعندو، غير شافو و هو يتنهد براحة. 

أنور: مال وجهك صفر؟ 

يانيس (قرب لعندو): عينيك لي صفرين و كي شوفو كلشي صفر 

أنور(صغر فيه عينيه): امم كنتي مخلوع  ياك 

يانيس: علاش غادي نتخلع؟ عارفك عندك سبعة الرواح 

أنور: أه الله يجعلني نثيق 

يانيس: احم نتا بخير؟ 

أنور: الحمدلله 

يانيس(بقا شحال كي شوفيه فالتالي قال): إوا نوض دغيا المرض ماجاش معاك

أنور(بتاسم): واخا واخا 

يانيس(بادلو الابتسامة و ضربو لكتفو بشوية): نخليك رتاح 

أنور حرك ليه راسو و يانيس يالاه بغا يمشي حتى كي وقفو صوت أنور. 

انور: يانيس 

يانيس: شنو 

أنور: تهلا فيها 

يانيس(من بعد مدة من الصمت قال): معلوم 

أنور: يالاه تلاح فحالك 

يانيس بتاسم ليه و مشا. 

منى و ثائر و سمر يالاه دخلو للدار، كل واحد مشا لبيتو من غير منى لي مشات لعند يازيد حيت من نهار تضرب بالموس و هو معاهم فالدار، دخلات لبيتو لقاتو جالس فالبالكون و هاز التيلي مركز فشي حاجة، قربات غير بشوية باش ما يسمعش حسها حتى وقفات وراه، طلات على داكشي لي كي شوفيه و هي تبتاسم ملي بانت ليها صورة شمس. 

منى: ملي كاتبغيها لاش دايرين هاد الدراما كاملة 

يازيد(قفز و شافيها): الواليدة ديري الحس 

منى: بلعاني مادرتوش باش نحصلك 

يازيد تنهد و طفا التيلي حطو فوق الطبلة 

منى(جلسات): كيف غادي مع القطعة 

يازيد: صعيبة بزاف 

منى: صبر على قبلك و على قبل مرتك و ولدك و على قبلنا كاملين 

يازيد(تنهد): هاني كانحاول 

منى: ما غاديش تمشي تشوف خوك و تسول عليه 

يازيد: ماكاين لاش ماغاديش يبغي يشوفني 

منى: إوا جرب و منها حلو المشاكل 

يازيد: لا ماشي دابا المهم كيف بقا؟ 

منى: الحمدلله بخير ماكايناش شي إصابة خطيرة 

يازيد(تنهد براحة): مزيان 

منى(وقفات): يالاه تصبح على خير 

يازيد: تصبحي على خير 

صبح الحال و أنور فاق مكشر ملامحو من دوك الاصوات لي كي سمع، حل عينيه شاف قدامو و هو يتصدم. 

لقا سيف جالس و جالسة فوقو قمر و كي تباوسو، انور مسكين تنزگ و هو يسوط بعصبية. 

أنور: وا الواليد 

سيف( فصل القبلة مع قمر، مسح فمو بصبعو و شافيه):فقتي ا ولدي 

أنور: ممكن تخرجو برا و تكملو شغلكم؟ 

قمر(وقفات و مشات لعندو): كيف صبحتي أ حبيبي 

أنور(تنهد): بخير 

سيف(مشا لعندو): راسك باقي كي ضرك؟ 

أنور: شوية 

سيف يالاه بغا يهدر و هما يسمعو الدقان، مشا سيف حل الباب و هو يبان ليه فؤاد واقف. 

فؤاد: الشاف 

سيف: فؤاد دخل 

فؤاد حنحن و دخل، سيف دار لقمر حركة براسو بمعنى يالاه و مشات تبعاتو. 

أنور هز راسو فيه و هو يعقدهم رجع شاف قدامو بلا ما يهدر في حين فؤاد تنهد و مشا جر كرسي و جلس مقابل معاه. 

فراد: الحمدلله على سلامتك 

أنور كتفى يحرك ليه راسو 

فؤاد: داكشي لي وقع البارح ما كانش خصو يوقع اصلا،نتا اللول بديتي و ردة الفعل ديالي كانت عادية 

أنور غير ساكت و ما كيشوفش فيه 

فؤاد:المهم ندخل فالموضوع النيشان باش نحلو هاد المشكل،مريم كون فعلا بغاتك ما كانتش دارت ديك ردة الفعل البارح و كون ما قبلاتش اصلا تخرج معايا، و انا ماغاديش نسا الصحبة لي بيناتنا و الوقت لي دوزنا فاش كنا متدربين، لكن بنفس المرتبة لي كانقدر بيها الصداقة فالحب كذلك، و انا مريم كانبغيها و ناوي معاها الحلال و بما أنها باقي لحد الان مارفضاتش و بالعكس كاتبين بلي مهتمة فمناويش نتخلى عليها و إلى كنتي فعلا كاتبغيها غادي تبغي ليها الخير ماشي تبزز عليها راسك و هي ماباغاكش 

أنور(ساط بعصبية و شافيه): و هاد الخير هو نتا؟ 

فؤاد: أه 

أنور بقا شحال ساكت كي شوفيه فالتالي بتاسم بسخرية 

فؤاد(وقف): نخليك دابا و الله يجيب الشفا 

مشا و خلى أنور كي شوف قدامو بهدوء مخبي الاعصاب ديالو لداخل، شداتو الدوخة و هو يرجع راسو للور و غمض عينيها. 

داز شوية الوقت و هي تم داخلة مريم لي حاولات تقنع راسها باش ما تمشيش لعندو لكن والو ما قدراتش، و لي كاتسولو عليه كي قوليها بخير بلا ما يعطيها التفاصيل و كي جيب ليها الله غير كي كذبو عليها. 

سولات على رقم الغرفة ديالو و طلعات للطابق لي فيه هو، بقات غادة فالكولوار و يالا جات تدور للكولوار الثاني لي ليه الغرفة ديالو و هي توقف ملي بانو ليها سيف و قمر واقفين مع الطبيب. 

قمر: ديك الضربة لي خدا فالراس ماغاديش تأثر عليه 

الطبيب: لا الاصابة كانت سطحية واخا فقد فيها الد..م بزاف لكن عوضناه ليه 

سيف: ما كاين حتى شي مشكل آخر 

الطبيب: لا من غير الاعصاب لي فيه و لي غادي يأثرو ليه على صحتو و الى بقا كي تعصب بزاف شي نهار يطيح كومة، حاولو معاه يبعد على أي حاجة كاتعصبو و انا غادي نوصف ليه شي أدوية غادي يساعدوه 

سيف: واخا شكرا 

مشا الطبيب و قمر شافت فسيف بإستغراب 

قمر: كيفاش انور كي تعصب؟ قليل فين كي تعصب 

سيف: واقيلا مع الخدمة المهم حتى لمن بعد و نهدرو معاه 

قمر: أنا خايفة عليه بزاف 

سيف(عنقها بيد وحدة): ما تخافي والو غادي يولي بخير 

قمر:إن شاء الله 

سيف: يالاه نمشيو خلينا شمس بوحدها حتى لشوية و نرجعو 

قمر: أه يالاه 

مشاو هما و خلاو هاديك لي كاتسمع لكلشي و قلبها كي ضرها من لداخل، كاتلوم راسها حيت فعلا البارح كان معصب بزاف و لاحظتها بسرعة، تنهدات و مشات للغرفة ديالو، بقات واقفة مترددة فالتالي تشجعات و دخلات. 

أنور كان ساد عينيه و كي تسنط لعظامو و غير سمع الباب تحل و هو يحل عينيه و شافيها، بانت ليه كاتشوفيه و عاضة على شفايفها بتوتر،هو تصدم لكن ما بينش 

أنور: أجي 

مريم(حنحنات و قربات لعندو): احم كي بقيتي؟ 

أنور: الحمدلله جلسي 

مريم جلسات فالكرسي و بقات كاتشوفيه و كاتعوج ففمها بتوتر ما عارفة ما تقوليه، حيت لسانها معقود حاليا و باراكا عليها غير ملي شافتو بخير. 

مريم: نتا بخير ياك؟ 

أنور: أنا بخير 

مريم: البارح… 

أنور(تنهد و شد يديها كي لعب بصباعها): نساي البارح و جاوبيني على شي أسئلة محتاج نسمع الاجوبة عليهم 

مريم: واخا سول 

أنور: ديك الهدرة لي قلتي ليا داك النهار واش بصح؟ 

مريم: أشمن هدرة 

انور: فاش خليتك فالتاكسي و رجعتي لعندي 

مريم(بقات ساكتة شحال قبل ما تقول): كانت بصح دابا لا 

أنور(طول فيها الشوفة): متأكدة؟ 

مريم حيدات عينيها من عليه و حركات ليه راسها بأه 

أنور(باقي كي لعب بصباعها):و غادي تكوني مرتاحة الى عطيتك بالتيساع؟ 

مريم حركات ليه راسها بأه و هي مهبطاه 

أنور(تنهد): و فؤاد فرحانة معاه؟ 

مريم تغرغرو بالدموع و هي كاتحرك راسها بأه 

أنور(طلق من صباعها): مزيان داكشي لي بغيت حتى أنا

مريم(شافت فيه و الدموع فعينيها): أنا وياك الى بقينا بجوج غادي غير نزيدو نآذيو بعضياتنا 

أنور(هز فيها حاجبو): نآذيو بعضياتنا؟(حركات ليه راسها بأه) المشكل ماشي هنا أ مريم،ملي ما متأكداش من راسك لاش داك نهار كاتقولي ليا كانبغيك؟ عند بالك هادشي فيه الضحك؟ 

مريم(هبطو دموعها و كشرات ملامحها بغضب): أنا ماكذبتش عليك داك النهار نتا لي مشيتي عندها و خليتيني من تما درت فبالي نساك 

أنور(بقا شحال كي شوفيها قبل ما يبتاسم بإستهزاء):لي كي بغي ما كي نساش دغيا أمريم 

مريم: أنا ما… 

أنور(قاطعها): كانتمنى ليك التوفيق مع داك فؤاد لي غادي يخليك فرحانة كيف قلتي و يمكن ليك دابا تمشي،(بتاسم بسخرية) تخافي يشوفك هنا أكيد ماغاديش يعجبو الحال 

مريم بقات كاتشوفيه حابسة غصتها فالتالي مسحات ديك الدمعة لي هبطات و وقفات باغة تمشي، لكن حبسات ملي بان ليها الباب تفرع على الجهد و دخلات منو فتاة في قمة الجمال، شعرها أسد طويل، بيضاء و عينيها لونهم بني فاتح و لابسة كسوة صيفية فالابيض،المهم الاناقة و الجمال و جميع الصفات الزوينة مجموعين فيها. 

…: أنووووور 

أنور(غير شافها عينيه خرجو من الصدمة): ياسمين؟(تحية لياسمين) 

ياسمين(مشات كاتجري تلاحت عليه): ويلي شكون هاد الحمار لي كان سبابك فهاد الحالة (بعدات و شدات ليه فحناكو) غير قوليا شكون و انا نفرجك فيه و لا فيها 

أنور(بإبتسامة): إمتى جيتي للمغرب 

ياسمين: غير سمعت الخبر جيت فالبلاصة 

ياسمين(عاد ردات البال لمريم لي كانت واقفة كاتشوفيهم و مزيرة على يديها): اوبس ماشفتكش شكون نتي أ حبيبة؟ 

مريم(خنزرات فيها): اوبس نتي لي شكون أ حبيبة؟ 

يسمينة(ضحكات و شافت فأنور): شكون هادي لي كاتسولني شكون أنا؟ 

أنور(شاف فمريم و رجع شاف فيسمينة): مريم متدربة فأكاديمية الشرطة 

مريم خنزرات فيه حيت عرفها على أساس غير متدربة،ما عرفت شنو كانت كاتسناه يقول مثلا 

يسمينة(شافت فيها): امم ما علينا أنا يسمينة بنت العميد يمكن ليك تعيطي ليا بياسمين و لا ياسو 

مريم: ما غادي نعيط ليك لا بياسمين لا بياسمينة و لا بياسو 

ياسمين: ههه اووه متوحشة 

مريم(بتاسمات ليها بزز): إوا خافي على راسك 

ياسمين(شافت فأنور): أويلي هادي مالها ههه 

أنور(شاف فمريم و تنهد): كنتي باغا تمشي ياك؟ 

مريم فهاد اللحظة ماكرهاتش تنشق الارض و تبلعها و لا هاد الموقف لي تحطات فيه، لكن تحكمات فراسها و ما بيناتش بلي راه ما عجبهاش الحال. 

مريم(شافت فأنور): امم تماما كنت غادة لكن الطريقة باش دخلات الانسة شوية كانت جاهلة داكشي علاش… 

أنور: مريم 

مريم: شنو؟ 

أنور دار ليها براسو حركة بمعنى سيري، مازادتش معاه الهدرة ديك الساعة مشات، لكن غير وصلات لحدا الباب و هي توقف ملي سمعات داكشي لي قالت ياسمين. 

ياسو: عافاك أحبيبة سدي معاك الباب فاش تخرجي أنور خاصو الراحة 

مريم غمضات عينيها بعصبية و رجعات حلاتهم، ما دارتش عندهم، خرجات ديك الساعة و رضخات الباب حتى تهزات الغرفة كاملها. 

ياسو(شافت فأنور و جلسات حداه): مالها؟ 

أنور: نساي و قولي ليا واش جيتي من فرنسا حتى لهنا باش تشوفيني 

ياسو: اوف كورس واش انوري دار كسيدة و ما نجيش نطل عليه 

أنور (بتاسم): كيف جاتك القراية تما! 

ياسو(تنهدات): شوية شوية 

أنور(صغر فيها عينيه): ياك مقابلة غير قرايتك؟ 

ياسو: أكيد من الجامعة للدار 

أنور(بتشكيك): امم 

ياسو: و الله أصلا بابا كل مرة مصيفط ليا الرجال باش يراقبوني عند بالو مكلخة 

أنور: و دابا إمتى غادي ترجعي 

ياسو: ها؟ احم لا دابا عطاونا عطلة لمدة شهر و غادي ندوزها هنا بما انني جيت 

أنور: عطلة فيها شهر؟ 

ياسو: أه الى بغيتي نوريك l’annonce لي دارو على قبل العطلة 

أتور(تنهد): ثيقتك يالاه سيري فحالك بغيت نعس 

غمض عينيه ياش ينعس، ساعة رجع حلهم ملي ما سمعش حسها، شافيها لقاها حالة فمها بصدمة و كاتشوفيه. 

أنور: مالك؟ 

ياسو(فاقت من صدمتها): جيت من فرنسا حتى لمغرب على قبلك و كاتجري عليا 

أنور(شاد فيها): جيتي الله يكثر خيرك و لكن الزيارة فيها غير خمسة الدقايق 

ياسو: واخا اسيدي هاني غادة 

ودعاتو و مشات في حين هو بقا مقابلها حتى خرجات و بتاسم، ياسمينة هي بنت العميد عندها 20 سنة و كانت ديما كاتجي معاه للكوميسارية ملي كانت صغيرة و ماكاينش لي ما كي عرفهاش تما،كانت مقربة أكثر من أنور و كان عزيز عليها بزاف حيت كان كي شد ليها الخاطر و فين ما مشا كاتبعو. 

أنور سد عينيه كي حاول ينعس، لكن جات فبالو ثاني،و شكون من غيرها مريم، لي ضطر يتخلى عليها باش تبقى مرتاحة، حيت كيف ما قالت هي مامرتاحاش معاه و فرحانة مع فؤاد إذا لاش غادي ينكد عليها فرحتها و يبقى لاصق فيها و هي ماباغاهش؟ 

بجوجهم دابا ولاو متأكدين بلي علاقتهم تدهورات بزاف و خسرات و يمكن عمرها ترجع كيف كانت، و بلي فاش كي كونو مع بعضياتهم غير كي آذيوهم بعضهم و صافي، كيف ما وقع البارح و مريم أكيد ملي عرفات بلي هي السباب باش تعصب و دار كسيدة فراه ماغاديش تبقى تدور بساحتو نهائيا. 

🖤قلِــــي شيئا أنا علــــى                    

                    وشــك التخلــــي عنـــــكِ🖤