أصرخي بإسمي فقط

گاع لي تما شهقو ملي سمعوه كي عاير، من غير روح لي غير شافتو ناضت شدات فالكوستيم ديالو بصبعها و كاتبكي،رحمة من ربي نزلات عليها ملي جا… 

هدى(تزنگات بإحراج): احم سمح ليا موسيو 

ليل(بصراخ): ا ما كاين لا سمح ليا لا ز بي، تهزو قاو  دو عليا من الشركة 

هدى و وجدان حسو بقلبهم قرب يسكت، الخدمة لي اي وحدة و واحد يحلمو بيها ها هي ضاعت من بين يديهم،ناضو كي طلبو بيهم و يتباكاو و ليل رافض اعتذارهم رفض تام… 

ليل(شاف فالمحاسب): عطيهم خلاصهم و ما نبقاش نعاود نشوفهم(هز على البقية صبعو بتهديد)نعاود نشوف شي واحد فيكم دوا معاها سوا بالخايب سوا بالزوين غادي يشوف وجه اخر ما نبغيش نبينو(شاف فروح لي كاتنخسس و شدها من يديها) تحركي نتي قدامي 

جرها غادي بيها للمكتب ديالو مخلي وراه هدى و وجدان دايرين جنازة تما، ولاو كي تمناو كون رجع بيهم الوقت و يسدو فمهم ما يهدروش معاها… 

فالبيرو ليل واقف و روح قدامو عيونها حمرين، تعصب ما بغاش يشوفها كاتبكي و خاصة على قبل سبب بحال هذا،و بصوت مرتفع قفزها، نهض فيها و قال.. 

ليل: مالك ا ز بي كاتبكي؟ لاش ما نضتيش ريشتي الزا**ل بوهم؟ 

روح(كاتشهق):حيت عندهم الصح، انا السبب 

ليل(زاد تعصب كثر و غوت فوجهها): علاش ا ز بي نتي السبب؟ نتي لي قلتي ليه اجي غتا   صبني؟راه ا ز بي الزوا**ل و المراض فكـ  رهم الحيوانات و الدراري الصغار و حـ  واوهم 

روح(شافت فيه كاتمسح فدموعها):يعني ماشي الذنب ذنبي؟ 

ليل(حرك راسو بلا): ماشي ذنبك، هما بوحدهم لي كاترجع ليهم اللومة 

روح: و لكن هادشي غادي يبقا تابعني حياتي كاملة 

ليل(زفر بسخط عصباتو): روح ما تعصبيش عدو ربي،مالك گاع اش وقع؟ جلدة كانت عندك و دابا ما بقاتش… 

روح(خنزرات فيه): و نتوما تمو تو فديك الجلدة، على دابا شكون يقبل بيا؟ 

ليل(خنزر فيها): و نتي لاش بغيتيهم يقبلو بيك؟ انا شنو هنا؟ كي كانبان ليك؟ مونيكة!؟ 

روح(تجاهلات كلامو كاتبلع فريقها): فيا العطش 

ليل تنهد و مشا لواحد الثلاجة صغيرة عندو فالبيرو هزه منها قرعة الما حلها هو الاول عاد عطاها ليها، روح خداتها من عندو و بدات كاترشف منها… 

ليل(بعتاب): ا ما بغيتيش تفهمي ليا انا نتي، مزال ما بغيتي تنساي ديك الليلة…اصلا كون ما غتا   صبكش داك ز  بي كنت نغتا   صبك انا 

روح گاع داك الما لي جمعاتو ففمها خواتو عليه مصدومة من كلامو: اويلي واش حماقيتي؟ 

ليل( كي مسح وجهو من الما): لي بغيت نوصل ليك هو… 

روح(هزات عليه يدو بمعنى سكت): صافي سكت ها لعار، نتا راه ماشي طبيعي 

ليل(جرها لعندو):دابا من اللخر، نساي عليا كلشي، محي ديك الليلة من بالك، تفاهمنا؟ 

روح(بتاسمات ليه):واخا 

ليل(بادلها الابتسامة): يالاه نمشيو نتغداو، شنو مشهية؟ 

روح(عضات شفايفها كاتفكر): اممم بيتزا 

ليل(حط يديه على كتفها): جاتك 

وصلات العشية،و عند تاج لي كانت عاد خارجة من الدوش دازت لبست عليها و خلات شعرها فازك مكانش عندها دماغ ليه ،داوود  من مورا ديك الليلة مبقاتش شافته، البارح كله مجاش وجهه فوجهها، سمعاته كاين فالدار لكن مجاش ناحيتها گاع، و نفس الشي فالصباح و فالغدا ما بانش ،سمعت مصارنها كيغوتو بجوج قالت تهبط تاكل شي حاجة خفيفة ،مع هابطة فالدروج بان ليها طالع و هو ساهي… 

داز من حداها و ماردش ليها البال وقفات كتشوف فيه ما فهمات والو، تبعات ليه العين حتى غبر من قدامها و هزت كتافها بعدم فهم، كملات طريقها للكوزينة لقات الخدامة لي جاب جديدة كتوجد فالماكلة، ما دواتهاش مشات هزات ليها قرعة الما و ما خداتش والو كانت باغا حتى تعشى فخطرا،مشات للصالون بركات شادة تليفونها مكونكطية كتحاول تلف الوقت متفكرش فلي واقع  . 

داز الوقت و الخدامة بدات كتحط فالطابلة ديال العشا،تاج كان كيصحاب ليها مغاديش يهبط مشات بركات وبدات كتاكل حتى كيبان لي هابط وجاي باش يبرك يتعشى ،تزيرات كانت باغا تنوض وهو يوقفها بكلامه… 

داوود(ببرود):جلسي كملي ماكلتك 

ما عاودتهاش معاه كان فيها الجوع بزاف ،قررت تبرك حتى تكمل ماكلتها و تنساحب بهدوء ،سيطر الصمت على الجو كانو كيتسمعو غير اصوات المعالق باش كياكلو… 

داوود( بدون ما يهز راسه فيها نطق ببرود): خديت لنا رونديفو مع الطبيبة 

هزات راسها فيه بعدم فهم فنفس اللحظة حتى هو شافيها و قال بثقة: طبيبة نفسانية ،باش نقدرو نزيدو للقدام مع بعضياتنا بلا خسائر. 

تاج(لاحت المعلقة من يديها و قالت بغضب): غتزيد للقدام غير بوحدك ..اه و لا نسيت غتزيد نتا و هاجر انا غير خرجني من بروغرام الحياة المثالية لي راسم فراسك. 

بتاسم ليها و هو غادي بالكاس لفمه(بسخرية):نتي هي البروغرام كله…مكايناش نتي مكاينش انا مكايناش حياة لا ليك لا ليا ،(هاز حاجبه فيها) ختاري تدخلي للبروغرام ولا نخرجو منه بجوج كاع؟ 

غرسات صباعها فشعرها بغضب، كي قـ تلها بهاد الفعايل دياله كي زيد على ما بيها،كي خليها تزيد تحس بالذنب،كانت خايفة من هدرته مكانش عندها شك ولو بنسبة واحد فالمية ما يديرهاش، كانت عارفاه مغاديش يتفرق عليها حتى تعطيه سبب  يكرهو فيها… 

تاج(حاولت تمالك راسها):شوف سمعني انا منقدرش نكون طبيعية ونكون كيف بغيتي وندير داكشي لي باغي ،نتا باغي شي حوايج ما يمكنش نعطيهم ليك داكشي علاش سير شوف حياتك بعيد عليا ياك غير بارح مكنتيش باغيني شنو لي تبدل دابا؟ 

داوود (بسخرية):همم سؤال زوين هذا !قولي ليا شنو تبدل فيك حتى كنتي باغياني و بين ليلة ونهار بدلتي رأيك ونقول ليك حتنا شنو تبدل فيا، بسيطة ..و ديك الساعة نطلقو سراح بعضياتنا(هز حاجبو) اش بان ليك؟ 

توترات،رجليها بداو كيتساقلو بالخلعة، ما قدراتش تخبي توترها قدامو خاصة هو كي رمقها بدوك النظرات… 

تاج(بلعات ريقها و قالت): ما طرا والو و مكاين والو اصلا علاش مابغيتيش تفهم؟ 

دوز لسانه على سنانه مستمتع بخوفها، لاح ليها طعم وهي كلاته(بشر):انا مسولتش واش طرات شي حاجة سولت شنو تبدل ..و هدشي كيأكد بلي بصح طرات شي  حاجة لي نتي  كتحاولي تنفيها  …شتي كون مكنتش كنعرفك تقدري تدوزيها عليا(هز كاس ديال الما قدام وجهه) انا شاربك بحال هاكا ( دا الكاس لفمه كيشرب وعينيه فعينيها) نتي مكتديري هاكا الا فاش كتزبليها كيسيطر عليك الخوف كتكلخي كيكون عندك باش تخرجي راسك و لكن مكتستغليش الفرصة ،كان فامكانك تقولي  مبقيتش باغاك حيث غتزوج عليا غتجيب ليا ضرة  وانا منرضاش ، مع ان تاج ديالي مكانتش غتستسلم هاكا لوحدة خرا  (حك حاجبه) معلينا نرجعو لموضوعنا  اشنو طرا قولي بخاطرك قبل مانعرف راسي(بحدة) حيث ديك الساعة ما نضمنش ليك شنو غيوقع. 

عينيها عمرو بالدموع ما كانت عارفة ما تقول حيث فكلتا الحالات الى قالت ليه براسها و لا عرف لراسه،النهاية غتكون نفسها. 

لحظات قبل ما تخرج عينيها مرعوبة ملي شافت تيلفونها كيصوني بنمرة “اكس ” بان ليها صغر فيها عينيه و كيشوف فداك الاسم و فيها،حسات بقلبها طاح بين رجليها حتى اليدين باش تهز التيلفون فشلو عليها،ما تو عليها، تخشبت فبلاصتها بقاو غير عينيها لي كيدورو فبلاصتهم… 

تقطعات الأبيل و حدرات عينيها مهرباهم من عنده سردات و نشفات مقدرتش تتحكم حتى فدموعها ،حتى قالت تفكات و هو يبدا يصوني ثاني بنفس النمرة، رطع عذابها مع الخوف مرة اخرى لكن هاد المرة تشجعات و مدات يديها باش تهزه لكن هو كان سرع منها،هز التليفون كيشوف فداك الاسم جاه غريب،ماشي بزاف حتى فتح المكالمة ودار سبيكر 

داوود(بإنفعال): الو؟ 

تاج هنا ما تت ومشات عند الله بالخلعة صافي عرفات هادي اللخرة ليها،بدات كاتشهق و كتطلب فخاطرها تقطع الأبيل و توقع اي حاجة المهم تتفك، لدرجة ما كرهاتش تريب عليهم الڤيلا دابا من فوق ريوسهم.. 

تسمع صوت رجولي ديال الطرف ثاني :الو… 

كان نفس الصوت لي جاوبها فاش صونات، غير هزات راسها فداوود لي كان كيشوف فيها بنظرات فارغين من الحياة، رعبوها لدرجة فزكت حوايجها من الخلعة . 

كان نفس الصوت لي جاوبها فاش صونات، غير هزات راسها فداوود لي كان كيشوف فيها بنظرات فارغين من الحياة، رعبوها لدرجة فزكت حوايجها من الخلعة . 

داوود(عينيه على تاج لي كانت كترعد، نطق بغضب):شكون معايا؟ شكون نتا؟ 

لا رد،تسمعات “طيط” دليل على أن المكالمة تقطعات،لاح التليفون فوق الطبلة و ناض قلبها بماعنها بكلشي ليها،بحال شي ثور هايج ،تاج دارت يديها على وذنيها ساداهم بالخلعة و مغمضة عينيه، حوايجها فازكين و الما هابط من تحتها،رعب يفوق الخيال كاتحس بيه حاليا،ما كرهاتش كون تهز موس من الطبلة و تذ  بح بيه راسها،الموت فهاد اللحظة أرحم ليعا بكثير من هاد العذاب النفسي لي ولات كاتعيش… 

أما داوود واخا شاف حالتها هكاك ما رحمهاش،شـ نق عليها من حوايجها موقفها قدامه و هو كينفر بالعصبية… 

داوود:شكون هذا ابنت القحـ بـة؟؟ علاش مسمياه الاكس؟كنتي كتعرفيه قبل مني و لا شنو؟ دوييي؟ (نها جملته بالغوات) 

تاج(دموعها هبطو على خدودها كانت هازا يديها على وجهها مطاكية بيهم،كتدخل وتخرج فالهدرة): لا لا هو ..منكعرفوش و الله..غير…انا… 

داوود(عصباتو و شدها من دراعها كي دي فيها و يجيب بين يديه نخضها و نطق بصراخ):كيفاش مكتعرفيهش ونمرته مقيدة عندك؟ هو علاش مبقتيش بغاني؟هو لي بدلك ياك؟(حمر فيها بعيونه و عروق وجهو برزو من فرط الغضب) نقـ  تلك و نشرب من د مك ا تاج لا لعبتي معايا، نجبد ليك قلبك لي دياليييي(ضر ب صدرو بالجهد) انا بوحدي و ناكلو طراف طراف، نحر  ق الكسدة ديالك نرجعها رمااااد(شدها من فمها زير عليها حتى خرجو شفايفها) ماشي انا لي يتضحك عليا(بالغوات) شكون داك ز  بــــي؟؟؟ 

لحظات صعبة عاشتهم تاج و هي كاتسمع لمصيرها بوذنيها،حسات بنهايتها وشيكة،قلبها قرب يسكت و دموعها هابطين شلال ما بغاوش يتحبسو، كلها كاترعد بخوف و فكها كاتحس بيه غادي يطيرو داوود من بلاصتو، ما رحمها حتى طلق منها و رجعات باللور كان غادي تطيح… 

شافت فيه و عيونها حمرين كيف الجمرة،كانو شفايفها كي رجفو و راسها كاتحركو بلا باغا غير تنطق لكن مع كل حرف كانت كاتشهق… 

تاج: لا..لا ا داوود لا و الله ما هو ..مكنعرفوش كنقسم ليك بالله ما كنعرفو . 

دار هز الكرسي حتى للفوق و خطبو مع الارض حتى تفرتت  لشقوفة صغار ،بدا كيهرس فلي بان ليه و هي كترعد وجهها زراق بالخلعة،كاتحس بيه غادي يشر عليها بشي حاجة يخليها كاتفركل و هي كاتنفض انفاسها الأخيرة… 

تحدرات مقردة حاضنة راسها و غير كتبكي و كاتدعي بينها و بين لي خلقها باش يسالي هاد الكابوس دغيا،للحظة ما بقاتش سمعات حسو، هزات فيه عينيها ببطئ و هو يبان ليها واقف كي شوفيها كلو عرقان و صدرو كي تهز و يتحط… 

دوك الشوفات ما كانوش عاديين، بحال لا شيطان تسيف على هيئة انسان و جاي يقبط روحها،البكا ما بقاش نافع معاها، لقات حل واحد و هو تدير راسها سخفانة ربنا يحن فيها، و من فرط الخوف ما حارتش فلحمها طاحت هاكداك على وقفتها و تجبدات فالارض غير مبالية بالألم لي كاتحس بيه، بالها غير مع داوود واش غادي يطلق سراحها و لا لا… 

هاد الأخير لي كان واقف كي شوفيها و نظراتو ليها فجأة تبدلو، كانو عيونو فالاول كي حيط بيهم لهيب الحقد، داك الحقد لي كان جامعو مدة طويلة فقلبو بسبب فعايلها، و دابا شوفاتو ولاو فارغين من الحياة،جامدين، مستحيل شي حد يقدر يقراهم… 

تاج ما سمعات منو حتى كلمة قالت صافي تهنات منو،ما هي الا ثواني حتى كاتشهق ملي رما عليها كاس ديال الما بارد كان فوق الطلبة،خلاها تحل عينيها و تتگعد من بلاصتها كاتكحب مخنوقة… 

شدات راسها بين يديها و بقات كاتبكي بتعب شديد،صافي عيات ما بقاتش قادرة تزيد تصبر، كانت كاتبكي بحر قة مؤلمة و لو عدوها شافها فهاد اللحظة يحن عليها…. 

تاج:آاااه يا ربي انا ما عندي فين نزيد مازال 

داوود (بتاسم بسخرية على كلامها):نتي لي ما بقا عندك فين تزيدي؟شنو نقول انا لي زطمت على قلبي و قلت نعطيها و ليا فرصة و نرجعو حياتنا طبيعية،گاع لي درتي فيا و ما قدرتش نخليك(بصراخ) باش فاللهر تقولي ليا ما بقيتش بغيتك(تاج ساكتة و غير صوت باكئها لي كي تسمع) لاش كتبكي علاش؟ انا درت ليك شي حاجة باش تبكي؟ علاش كتبكي ا ز بـي جاوبيني؟ 

تاج(دارت يديها على وجهها كتنخسس و كاتنطق بتلعثم):راك كاتخلعني ا داوود…خلعتيني خفت منك…ما بقيتش كانعرفك، ماشي نتا هو داوود لي تزوجت بيه 

زفر بالجهد و هز راسو للفوق كي مسح على وجهو بيديه،كي حاول يتهدن باش يزيدش يأذيها كثر،رجع شافيها و قال بحر قة… 

داوود:انا وليت كنحس براسي مكنعرفكش ماشي نتي المرا لي بغيتها المرة اللولة(بعتاب و تساؤل) مالك وليتي هاكا مالك؟ شنو طرا ليك…من امتى وليتي هاكا؟ 

ما جاوباتوش بقات عاطياها غير للبكا ،كان معصب منها ومن حالتها و من ضعفها لي ولات كاتبينو قدامو،من امتى و هي هشيشة هاكا و كتخاف لهاد الدرجة؟ كانت كتديرها قد راسها و كتوقف فوجهه من الفوق، تخرج فعينيها و تدافع على غلطها .. 

قرب لعندها و هزها حتى وقفات خلاها تقفز عند بالها غادي يضـ ربها،لكن كان حاصرها مع الحيط بيديه،و سكت كي شوفيها و صوت انفاسه كي اسمعو بصوت مرتفع،تاج هزات فيه عيونها لي كانو طايبين بالبكا ظاهر عليهم الإرهاق…. 

داوود رخا ملامحو بحال لا عمرو كان معصب،تاج حسات بالآمان فملامحه ملي شافته كيشوف فيها فبديك الطريقة،حيات راسها على صدره وبقات كتبكي و تنخسس. 

داوود(برود):شكون هذاك ؟ وفين كتعرفيه .؟ولاش مقيدة نمرتو؟ 

لارد، غير كتبكي حتى قفزها ملي غوت .. 

داوود: جاوبيييي 

تاج(بلعات ريقها باش تقدر تدوي و نطقات بصوت غالب عليه البكا):مكنعرفوش والله ما كنعرفو شكون كنقسم ليك فمي بالله .. 

لتامس الصدق فكلامها و نبرتها، و فالأصل هي مكذباتش،حيت بصح مكانت عارفاه شكون… 

داوود (بهدوء):كملي .. 

تاج (كتمسح نيفها و دموعها، حسات بلي كاين امل تخرج راسها ملي شافته ثيقها،نطقات برجفة): كانت صونات ليا ديك النمرة شحال من مرة وكنقول الو و كيقطع كيف دار ليك دابا ..وقيدتها باش يطلع ليا شكون …ودابا عاود صونا قدامك . 

داوود (بعدم تصديق ):بالاكس ؟؟ 

تاج (حركات راسها و قالت بثقة) :بمعنى مجهول زعما هذا مكان .. 

داوود (بشك):ولاش هاد الخوف وهاد الحالة؟ 

تاج بداو كيهبطو دموعها حسات بالاحراج عمرها كانت هاكا قدامه، مرضاتش: نتا السباب نتا لي ركبتي فيا هاد الرعب ..انا مرضت بسبابك نتا سبب كلشي (شهقت) بارح جاي كتقول ليا غنصلح كلشي غنتبدل غنولي واحد اخور(شيرت ليه للطبلة لي مقلوبة و الكراسة لي مهرسين ) هدا هو الاصلاح لي كنتي كتقصد هذي هي الحياة لي كنت داوي عليها… 

كانت محتاجة تفرغ و تحط اللومة عليه و مكانتش باغاه يحس بلي كاينة شي حاجة ،مدواش حدو هز يديه كيمسح ليها فدموعها بصباعه، تبورشات ملي حسات ببرودته كان بارد عكسها لي كانت سخونة،العافية خارجة منها.. 

داوود(رد ليها شعرها مورا وذنيها و عينيه فعينيها و نطق بصوت حنون): نتي لي وليتي هشيشة بزاف..مكنتيش هاكا. 

هزت كتافها ليه بقلة حيلة ،بدات كتدور فعينيها ملي حسات بجسمه ملاصق على ديالها وجهه كيقرب لوجهها..حط نيفه كيحكه على نيفها و هو مغمض عينيه، كان موحشاها بزاف فهاد اليومين لي بعدت عليه،دازو عليه بحال العام، زائد كان باقي مرواش عطشو منها فاش غبر عليها . 

غمضات عينيها ملي حط شفايفه على شفايفها مكانتش قل منه كانت باغاه وموحشاه باغا تغرق فحضنه تحس بالآمان ،تنسا لي واقع دابا و ترجع معاه للوقت لي كانت علاقتهم زوينة، كان لي كي شوفهم يتمنى حياة بحال حياتهم… 

غريب يكون الشخص لي كتمو ت منه هو نفس الشخص لي كتخبى وراه من العالم، و كتحس معاه بالراحة و الامان ،تاج قررت تطفي دماغها و تعيش معاه اللحظة، تاخد جرعتها لي تخليها توقف على رجليها مرة أخرى.. 

تاج(تمتمات فخاطرها بدون مايسمعها): عيشيي دابا وبكي و ندبي من بعد نتي محتاجة لهدشيي. 

دورات يديه على عنقه جاراه لعندها غارقة معاه فقبلة  جامحة عنـ يفة، كانو متحكمين فيها بجوج كأنهم كي أنبو بعضياتهم من خلالهم، خلل صباعه فشعرها وجرها كثر لعنده مخلي لسانه كيلعب فجوفها. 

تاج وعات على راسها ملي بان لي بدا كيتعمق معاها كان خاشي وجهه فعنقها كيطبع ملكيته عليه، عضها بشوية ملي حس بيها كتدفع فيه . 

تاج( بصوت مبحوح مع البكا،حنحنات): داوود خاصني نطلع نبدل .. 

غرقات بها الارض ملي كتفكر راسها بالت فسروالها قدامه، عاتبات راسها من الداخل بزاف ،بعد عليها كيشوف فيها كيفاش حمارت وحشمانة،بان ليها غادي يهزها وهي تبعد مباغاهش يقيسها و هي فهاد ابحالة،ساعة محارش فيها هزها بين يديه وتم طالع بيها للشومببر ديالهم .. 

داوود(دفع الباب برجليه و قال بدون ما يشوف فيها):هدشي راه عادي راه مع المشكيل لي وقع ما يبقاش عندك كونطرول راك مريضة داكشي علاش . 

تاج (بتساؤل):بصح باش عرفتيها؟ 

داوود :قالتها ليا الطبيبة غير نسيت ما علمتكش ..(سكت شحال) ومعودتيش درتي الدوا من نهار درتو ليك ياك؟ 

مجوباتوش بدات غير كتدور فعينيها وحتى هو محاسبهاش دخل بيها للدوش حطها  و مشا كيعمر ليها البانيو بالما دافي … 

عطاته بالظهر وبدات كتشوف دوك العلامات من ديك الليلة واش مشاو ولا باقيين ،تنهدت براحة لقاتهم خفافو حتى مبقاوش كيبانو بزاف،  بدات كتنسل حوايجها بقات عريانة و دخلات بركات فالبانيو،غير حست بالما دافيي تكت مغمضة عينيها حسات بابراحة و حتى تحتها كان كي وزوز غير قاصه ما دافي مشا داك الحريق … كان واقف حاضيها كيفاش مغمضة عينيها و الراحة كتبان على ملامحها . 

سد الما وهز باندوش كيخويه ليها فالبانيو  ، خشا يده كيحركها فالما باش يرغوي،برك حداها فالارض حاضيها كيفاش غفات وسط الما ..مد يديه كيهز الما ويخوي على عنقها وكتافها لي مكانش واصلهم الما،حركته خلاتها تحل عينيها لي كان تعسلو بالبكا،بتاسمات ليه بالابتسامة لي كان هاد الايام كيمو ت غير باش يشوفها،الابتسامة لي كتخليه ينسى گاع لي داز خايب… 

بقا كيدوز يديه على عنقها وكتافها وصدرها وعينيه عليها كيروي عطشه منها …عاد حس بروحه رجعات ليه. 

ملي بانت ليه بدات كتغرق فالنعاس نوضها و بدا كيدوش ليها بحال شي بنت صغيرة، غسل ليها شعرها ولحمها، غير سالا لوى ليها فوطة و خرج هازها، ما كانش باغيها تدير حتى حاجة حتى الحوايج هو لي مشا جبدهم و لبسهم ليها،حطها فوق الناموسية، دار ليها الدوا لتحتها و غطاها، عاد دخل كيدوش مخليها ساهية كتفكر . 

خرج لاوي عليه فوطة دور عينيه مبانتش ليه صحاب ليه تقلبات و خلاته و مشات للبيت لاخور، يلاه غيخرج يقلب عليها وهي تبان ليه داخلة مبتاسمة هازا قرعة الما فيديها . 

تاج شافته و علامات التساؤل على وجهه(بلطف):ملقيتش الما باش نشرب الدوا و هبطت شربت و  قلت نطلعها معايا لا بغيتي تشرب حتى نتا . 

بتاسم مقرب ليها، طبع بوسة خفيفة على شفايفها وخدا القرعة من يديها كيشرب منها و هي غير حاضياه،مشات طلعات فوق الناموسية و عينيها عليه كيمسح فلحمه ..كانت ساهية فيه،و لكن عقلها كانن غارق بزاف،ما وعات على راسها حتى تلاح حداه لابس غير البوكسر .. 

حل ليها يديه باش تخشى فحضنه، ديك الساعة لبات ليه الطلب و تلاحت عليهه معنقة خصره، دور يديه عليها و صباعو كيلعبو فشعرها . 

طفاو الضو وبقاو معانقين تلاحمو كأنهم جسد واحد  كل واحد فيهم كان  كي غذي روحه من الآخر،كانو محتاجين  لبعضياتهم بنفس النيفو ،هاد المشكل لي طرا نفعهم و لكن واش غادي يكمل هاكا؟ 

عند هناء وامجد لي كانو فنفس الوضعية كيستعدو للنعاس لكن هاد المرة قررو ينعسو حدا بعضياتهم كيف الأول،و خطوة كانت جات من عند هناء لي شافتو يستاهل تعطيه فرصة و لراسها حتى هي،كانت ناعسة على صدره ويديها علي كرشو كتحسس عضلات بطنه،كتهبط بها لتحت بوطه و كتطلع لصدره،و هو غير كي تنهد حيت كتشعله بحراكتها و هي ما جايبة خبار،هزات راسها فيه ملي شد ليها يديها وزير عليها . 

امجد (بشهوة):نتي قد هدشي لي كتنوضي؟ 

هناء(شافت فيه بعدم فهم و قالت ببراءة): شنو هو هدشي لي كنوض؟ 

شد ليها يدها و حطو ليها فوق حجره،  فاللول متسوعباتش بقات كتحرك يديها حتى كتحس بداكشي قاصح و واقف،غير هبطات وجهها كتشوف شنو داكشيي وهي تخرج عينيها جارا يديها عندها ،امجد ضحك على ردة فعلها كأنها قرساتها لفعة، اللوان تبدلو فوجهها. 

امجد عاود جرها عنده معنقها: وبرديني كما بردتك انا…رجعي ليا تكـ فيتي. 

هناء(ضرباته لصدره و نطقات بعتاب): غتبقى تفكرني بيها؟ ندمتيني گاع 

امجد (مبتاسم):ومالي غنساها هديك راه اول تكفـ يتة ليك راه خاصني ندير ليك حفلة عليها(غمزها) كانت حلوة بحالك 

جرها كيبوس حنكها بحب ،حتى دفعاته من عليها،و نطقات بتساؤل: باش عرفتيها كانت حلوة؟ 

امجد (قرص حنكها): حسيت بيها،شفت الرضا على ملامحك ونتي كتجيبيه تما عرفتها حلوة. 

هناء (دارت على كرشها مغطية وجهها بحرج): وامجد باركة حشومة عليك… 

أمجد(عنقها من اللور خاشي وجهه فشعرها بحنان):السخونة ديالي كتحشم(بدا كيضحك ملي ضر باته بكوعها لكرشه) 

الفجر كيأذن معلن على بداية نهار جديد،مقدراتش تنعس الليل كله و هي فايقة حاضياه ناعس،كتهدر بوحدها، مرة كتضحك مرات كتبكي، عنقاته كاتبوس فيه مخشية فحضنه، عاودت ليه گاع لي مقدرتش تقولو ليه و هو فايق قالته و هو ناعس… 

قالت ليه علاش دارت هاكا و شنو السبب ، عاودت ليه على خطيئتها وطلبات السماحة منه،عاودات ليه على كاع ما دارت ولي باقي غتدير  ،هو كان  من النوع لي نعاسه خفيف و لكن فديك اللحظة كان غارق ما جايب للدنيا خبار،بسبب النقاطي ديال دوا نعاس لي دارت ليه فالما ملي هبطت تجيبه، كانت محتاجة لشي حاجة تشتت بيها انتباهه باش تقدر تدير لي فبالها. 

تحدرات كتبوس فشفايفه و هو ناعس دست راسها بين حضنه معنقاه و كتبكي، مكانتش ساخية بيه لكن فاللخر ناضت من حداه و جبدات باليزة بدات كتجمع فحوايجها و راقها و هي كتبكي قربات تحماق،  غير كتجي عينيها فيه كيفاش ناعس كتنهار و لكن كتقوي راسها فالخر ملي كاتفكر بلي ما كاينش أمل.. 

ملي سالات جميع حوايجها، نسلات خاتم زواجها و حطاتو ليه فوق الناموسية فين كانت ناعسة،عنقاته لآخر مرة  قبل ما تخرج من الشومبر،  دارت كتشوف فيه كتشبع عيونها من شوفته لآخر مرة، فالتالي خرجات كتمسح فدموعها… 

مع غتحل الباب الكبير لقات الخدامة الجديدة جاية باش تبدا خدمتها، وصاتها اش تقول ليه و خرجات  هبطات للكاف دارت الباليز فطومبيلتها و خرجات من تما شادا الطريق بدون وجهة.. 

فبلاصة خرا  كان هابط باش يمشي يجري كان هاذا هو الروتين دياله كل صباح، مع الفجر كيمشي يجري كانت هادي هي الرياضة لي كيفرغ بيها طاقته السلبية،مدة ما بقاش مارسها بحكم الاصابة لي كان تعرض ليها، حس بجهده نقص داكشي علاش رجع كي مارسها، واخا جرحه باقي مبراش مية فالمية… 

داز من حدا الشومبر ديالها بان ليه الضو شاعل،حل الباب بلا ما يدق و دخل كيقلب عليها، ملقاهاش فراشها سمع صوت فالدوش عرفها داخلة ليه، ماشي بزاف حتى تحل الباب وبانت ليه خارجة من الدوش وجهها صفرر و كاتبان عاد فايقة ،قرب ليها كيقيس فوجهها صحاب ليه مريضة. 

روح( تصدمت فاش شافته مكانتش متوقعة غتلقاه فوجها، نطقات بتساؤل): ليل اش كتدير هنا؟ 

ما جاوبهاش قاس ليها وجها و عنقها،لقا بلي حرارتها كانت عادية… 

ليل (بقلق):مالكي مريضة نجيب ليك الطبيب؟ 

روح (شدات فيده لي كانت فعنقها و قالت بتعب ):لالا مامريضاش غير حلمت حلم خايب و هو لي فيقني و مقدرتش نرجع نعس(تنهدات)واخا فيا المو  ت ديال النعاس …(سكتات كتشوف فحوايجه) ونتا فين كنتي غادي فهاد الوقت؟ 

ليل (و هو كي نصل فسبرديله):مبقيتش غادي ..(شد ليها بيديها غادي بيها للناموسية) اجي تنيني… 

روح(بعدم فهم): اش كتدير؟ 

ليل :ياك باغا تنعسيي و اجي نعسك 

روح(خرجات فيه عينيها و دفعاته):كيفاش تنعسني ياك ما تغالطت ليك مع بنتك؟ 

ليل(جرها من يديها لايحها فوق الناموسية  وطلع حداها):ومالكً كبرتي عليها راك كتجيني قدك قدها 

روح (كانت خايفة و لكن حاولت متبينش  ليه،نطقات برجفة):ليل ميحتاجش و الله مبقاش فيا النعاس.. 

ليل(متسوقش ليها حده جرها من كتافها مخليها تنعس على ضهرها و قال بهدوء):متخافيش غير ترخاي و تيقي فيا 

حركات ليه راسها وغمضات عينيها كاتحاول ترخى،حسات بيه كيلعب فشعرها دارت على جنبها مقابلة معاه،غير كتجي عينيها فعينيه كتهربهم،كانت متوترة وكتحس بقلبها كيخفق مع كل لمسة منو،محساتش براسها حتى داتها عينيها ناعسة بين يديه،بتاسم و هو كي شوفيها فكراته غير فبنته هاكا كيدير معاها ملي ما كتقدش تنعس كان مع كيبدا يحك ليها فشعرها ديك الساعة كتغيب غارقة فالنعاس . 

بانت ليه غفات و هاكداك ناعسة مرتاحة جابت ليه النعاس حتى هو،داكشي علاش قرر يتكا حداها شوية مستغل الفرصة، دور يديه عليها جارها لحضنه غمض عينيه غارق معاها . 

عند تاج كانت حاطة راسها على الفولون قدام دار ختها،كتنسى الشمس تشرق مكانتش باغا تفيقهم فداك الوقت و تخلعهم، بغاتهم حتي يفيقو على خاطرهم  ، شافت فتليفونها كانت يلاه الستة ديال الصباح رجعات الكوسان للور  و تكات مغمضة عليها بما وصل الوقت . 

عند داوود لي قرن حواجبه ملي جا شعا ديال الشمس على عينيه، ناض بارك كيمسد فراسه حس بلي نعس بزاف ما موالفاش ليه،دور راسه لبلاصة تاج ملقاهاش كان كيصحاب ليه بلي راها فالدوش و لا هبطات لتحت،جا عينيه فالخاتم ديالها لي كان محطوط فوق مخدتها، مد صباعه هزو كيقلب فيه .. 

داوود(رجع راسه للكادر و نطق بقهر):لا  اتاج لا متديرش فيا هاكا 

مكانش متيق رغم ان فالداخل دياله كان عارفها مشا،لكن مع ذلك ناض كيقلب عليها فالدوش و فالبيوت لاخرين ما لقاهاش و هبط لتحت مكمل التقلاب عليها،الخدامة كتوجد فالفطور غير شافت حالته عرفاته كيقلب عليها . 

الخدامة(قربات لعنده و قالا بإحترام):سي داوود مدام تاج علماتني نوصل ليك واحد الميساج . 

غير سمع سميتها دار عندها ملهوف باغي يعرف شنو قالت ليها ،الخدامة توترت ملي شافت دوك النظرات لي رمقها بيهم، حنحات بإحراج ما عرفاتش كيف تدير تقولها ليه 

الخدامة (حدرات عينيها فالارض و نطقات): قالت ليك بلا ما تقلب عليها  و الى بنتي قدامها غتمشي و عمرك تحلم تشوفها مرة خرا،وبلي باغا وقت تقاد فيه افكارها وتعرف شنو باغا ونفس الشي لك حتى نتا ،قالت ليك من الاحسن تبعدو على بعضياتكم على الأقل غير هاد الفترة. 

بلعات ريقها ملي شافت شوفاته لها و لي كي دلو على ان كلامها معجبوش، هي ماليها والو رغم ذلك تخلعات و فضلات تنساحب من حداه مخلياه كيتشوى غير بوحده ،رجع طالع لبيته هز تليفونه كيصوني ليها، والو تليفونها طافي ..لبس عليه بالخف وخرج هاز طوموبيلته، كان عارف فين غيلقها،ديمارا ديك الساعة مكسيري ضا رب بهدرتها و وصيتها عرض الحائط. 

فبلاصة خرا،كانت ناعسة، غير سمعت الباب تحل و هناء داخلة ناضت باركة… 

هناء(بصوت حنون): غير خليك مرتاحة ،جيت نقول تبغي تهبطي تفطري معانا انا و امجد ولا نطلعه ليك لهنا؟ لي بغيتي 

تاج (بتعب):لا مبغيتش مافياش لي  ياكل باغا غير نعس 

هناء( شافت حالة ختها كيفاش طافية و وجها صفر  ،مسحت على شعرها وجرتها عنقاتها بلطف):متديريش فبالك دابا كلشي يتقاد غير فترة وتدوز و هدشي راه عادي يطرا بين جوج مزوجين عاد نتي راك حالة خاصة داوود راه كيمو ت على تراب رجليك شوية غتلقايه جاي يقلب عليك و يطلب منك السماحة. 

تاج معلقاتش على كلام ختها، حدها بادلتها العناق كانت محتاجة ليه،كانت كتشوف فيها ماماها ،هي لي كبراتها و تعذبت على قبلها، عمرها عقلات عليها دارت شي حاجة لراسها كانت كتخدم وكتضـ رب التمارة غير على قبلها، دارتها بنتها ماشي ختها.. 

تاج (شافت فهناء بعينين عامرين دموع): الى جا قولو ليه باغا تبقى بوحدها شوية، محتاجة نبعد عليه شوية عارفة مغاديش يبغي و لكن انا مقدراش نرجع ليه دابا . 

هناء(بحزن): صافي متبكيش لي بغيتيها هي لي تكون بقاي عندي حتى تشوفي راسك  قادة ترجعي..وديك الساعة انا مغاديش نحبسك. 

تاج( كتمسح فدموعها): سمحيلي اختي مكنتش باغا نجيب ليك المشاكل مي راه معندي حتى حد من غيرك. 

هناء ضر باتها على كتفها بشوية(بزعل):باقا تقولي هاكا غنجمعها معاك، البعلوكة يصحاب ليك راسك كبرتي ،نتي راك بنتي انا لي كبرتك ورجعتك هاكا مرأة على مزينتها. 

تاج بدات كتضحك وسط دموعها رجعو عنقو بعضياتهم و بقاو كيهدرو مجمعين،هناء كانت كتحاول تخفف على ختها،مكانتش عارفة شنو المشكل و لكن حتارمت الخصوصية ديالها هي و راجلها، رغم ذلك كانت مستعدة توقف معها فأي حاجة. 

فالتحت، كان امجد كيفطر حتى كيسمع الخبيط على الجهد فالباب ،ناض مخنز  كان عارف شكون مولاه اصلا ملي شافها جات عندهم عرف انهم غيخربقو ليهم صفوة جوهم بمشاكلهم . 

امجد غير حل الباب ساط فيه داوود دافعه و كيغوت بسميتها ،امجد محملش البلان،حس بيه ماحتارموش و هو يوقف حابس عليه الطريق. 

امجد (بصرامة): فين غادي الشريف؟ 

داوود عينيه فديك اللحظة مغمضين متسرطاتش ليه بلي دارتها بيه من بعد ديك الليلة كلها،كاتعطيه أمل و تخليه يتعلق بيه من بعد كاتنزعو منو بقسوة،بالنسبة ليه هي انانية بهاد الفعايل لي كاتدير و غادي تبقا طول حياتها أنانية… 

داوود دفع أمجد من قدامه غير مبالي بهدرتو و تم غادي للداخل كيقلب عليها و هو يجره امجد ثاني، داوود تعصب كيف ما امجد معصب و هما يتشانقو . 

امجد (بغضب): سير بحالك حسن ليك خليني محتارمك 

داوود دافع ليه يديه من عليه (بإنفعال): لهلى تحتارم عدو ربي اش غتدير كاع ها؟ مغنمشي حتى ندي مرتي . 

امجد (مخنزر فيه):معندناش  شي حاجة ديالك هنا  ..كسر شيطان وغيريها. 

داوود (كان باغي غير معامن،حط راسه فراس امجد بحال الى غيتناطح معاه و نطق كيكزز فسنانه): قلت ليك مغنمشيش حتى نديها ولي فجهدك ديرو الرويجل ،فكرني بصيفتك اش حابسني منشوفهاش؟ملي تكون باها ولا خوها اجي وقف فوجهي بهاد الوقفة(دفعو و غوت فوجهو) باها و خوها و ما عندهمش الحق(ضر ب صدرو) مرتي انا هاديك 

داوود تخطى امجد وتم داخل و لكن غير زاد جوج خطوات وقف ملي بانت ليه واقفة قدامه.. 

هناء(بصرامة): يقدر هو معندوش حق و لكن انا عندي الحق نمنعك تشوفها ، انا عند من جيتي نهار اللول باش تاخدها ..انا لي عطيتها ليك  امانة و وصيتك عليها و كن نتا مدرتيش بوعودك وخليتيها جاية هربانة منك ، لي غنقول ليك دابا سير بدل ساعة بخرا خليها تاخد وقتها وهي فاش غتبغي ترجع لك حتى واحد ما غادي يحبسها…( هزت يديها فوجه) سير الله يعرضك السلامة(شافت فراجلها) امجد وصلو الباب. 

امجد كان مصدوم منها كيفاش كانت كتهدر بصرامة و ثقة، ما عمرو شاف منها هاد الجانب الصارم، اخر وحدة يتوقع منها انها تصرف هاكا ديما كان كيشوفها خوافة وكتحشم وبريئة. 

داوود بدا كيتنتر ملي شده امجد من اللور باش يخرجه،بداو كيتناترو مع بعضياتهم حتى هز امجد يديه و عطاها لداوود كروشية للوجه وسط الغوات ديال هناء  و هي كتحاول تفارق بينهم ،داوود صعر ديال بصح مبقا بان ليه قدامه والو، يلاه شنق على امجد باش يعطيه وهو يسمع صوتها.. 

تاج(كانت واقفة كتشوف فيه كيفاش مرون الدنيا،نطقات بتعب):صافي حبس براكة، غنمشيي معاك غير باراك 

دفع امجد من عليه ومشا جارها من يديها مخرجها تحت انظار هناء لي كانت شداتها من يديها الثانية حابساها  تمشي معاه ،تاج هزات راسها فختها طمناتها بعينيها و حيدات يديها من عليها و تبعت داوود لي كان كيسوط. 

هاهي رجعات ثاني لهاد الدار الكئيبة،كانت عارفة انه مغاديش يخليها تبعد عليه ولو دقيقة ، صافي قررت تستلم لواقعها و تشوف هادشي فين يوصلها،جربات كلشي و گاع خططها كي فشلو،بان ليها داخل قاصدها جرها بركها فوق الفوطاي وهي قدامه، فالطريق ما دواش معاها كان غير كي سوط معصب، حتى هي ما قدراتش تطكق بشي كلمة ديك الساعة… 

داوود (منرفز):نقدر نعرف شنو هدشي درتي؟تنعسيني و تمشي تغضبي عندك ختك اش هاد القلا وي كتديري؟شنو كاين؟ عندنا مشكل نحلوه بيناتنا، مكاين لاش كاع القحـ اب يسيقو ليا الخبار،باغا تغضبي غضبي عندي فدارك بقاي بعزك متمشي ترسي عند واحد براني. 

تاج (بعتب):أمجد ولد عمي و هناء ختي،و  نتا لي مبغيتيش تفوتني كنقول باغا وقت مع راسي  باغا نبقى بوحدي ..حيث تخنقت معاك كنحس براسي بغا نهرب غير باش نرتاح. 

داوود هاز حاجبه فيها ، قرب و حط ليها صبعه على جبهتها): هدشي غير تخيلات فراسك مكاين والو و مافيك والو  غير هرموناتك مخربقين .. غير شوية وغتولي مزيان ونرجعو لحياتنا.. 

دارت يديها على وجهها مخبية دموعها ،فقصها بكلامه حيت حسات بيه إستهان بحالتها،فلحظة جات فراسها فكرة تلوح ليه كلشي فوجه و تخليه يشوف التخايلات  ديال بصح… 

داوود(حيد ليها يديها من وجهها شادهم بين يديه و نطق بهدوء):خلينا نبداو من جديد نعطيو فرصة لبعضايتنا  باركة من هاد الحرب ،تخطينا بزاف منجيوش تال هنا وندمرو كلشي. 

تاج (بجفاف): وزواجك وهاجر؟ 

داوود (بتاسم):تيقتي؟  كنت كافـ ر عليك و بغيت غير نذوقك من للكاس لي شربتيني منو حتى طاب قلبي .واش عند بالك هاد عبد المذنب (شير لراسه)  غيقدر يديرها ويشوف فغيرك ولا حتى يبعد عليك ، ديما كنقولها ليك انا منبعدك نتي بقات ليا غير المو ت .. 

تنهدات بتعب و جرات يديها من عنده:غنطلع نعس عييت 

حرك ليها راسه بأه وخلاها تنوض، بقا حاضيها حتى غبرات من قدامه،و تنهد كيمسح على راسه كان مستعد يعطي عمره غير باش يرجع ديك العلاقة لي كانت فالاول، كان  عارف راسه غلط و هدشي لي واقع كله بسبابه و لكن كان  مواعد راسه غادي يصلح كلشي . 

داز داك النهار بخير،تاج بقات غير ناعسة كتنوض تاكل  وترجع تنعس ،اما داوود كان خرج لخدمته من بعد ما خلاها ترتاح. 

فالليل، كانت كاتدير اللمسات الأخيرة على شكلها، كانت كتوجد باش تخرج تعشى معاه بحكم عرض عليها،فالأول رفضات و لكن فاش حكر عليها تخرج تبدل الجو وتنسى الهموم وافقات،كان قال ليها بلي ابشركاء دياله دايرين شي عراضة بين بعضياتهم و غيدوزو يسلمو عليهم عاد غادي ياخدو طبلة بعيدة عليهم، يبركو فيها غير بجوج. 

كانت ختارت كسوة مغطية ومحترمة مكانتش باغا تطيح به بين صحابه، كانت في غنى عن المشاكل حيت ما عندها ليهم جهد،دارت ملي شافته  واقف كيتسنا فيها حتى هو كان متأنق لابس كوستيم فالكحل لي بينه مهيبب و عاطي للعين ،جرها عنده كيدورها بين يده عجباته بزاف و كان راضي على شكلها و هي مستورة،أخيرا فهمات من راسها و ما حتاجش يدوي معاها،كي تمنى لو تبقا ديما هاكدا، تحنى كيبوس فحنكها و جرها خارجين . 

عند روح لي كانت باركة حدا ليل كيضحكو وكينممو فلي خدامين معاهم، كانو دايرين عراضة سنوية كيديروها مرة كل عام،روح فجأة اختفت ابتسامتها و تزيرات ملي شافتهم داخلين جايين عندهم، كان شاد ليها فيديها مفتخر بها كأنها هي المرأة الوحيدة لي كاينة… 

جات عينيها فعينين فتاج لي رمقتها بنظرة الاحتقار  هزت حاجبها فيها كأنها كتفكرها بأش دارت ليها ،روح هربات عينيها و هي كتحس بالخنقة حتى حسات بليل حط يده على فخذها كيطمنها بلي هو معاها معندها مناش تخاف،وصلو لعندهم تاج بعدت بقات كتسنا فيه يسالي معاهم مكلفتش راسها حتى تسلم عليهم… 

داز الوقت و تاج و داوود كانو بركو فطابلتهم بوحدهم،كان كيحاول يهدر معاها يضحكها حتى تطلقات معاه شوية و بدات كتضحكدك، جابو ليهم الماكلة لي طلبو و بداو كياكلو،شوية هزات راسها فيه لقاته حاضيها و هو مبتسام . 

تاج (مبتسمة):مالك كتشوف فيا هاكا؟ 

بادلها الابتسامة وخشا يديه فجيبه جبد ليها بواطة حلها و هو يبان ليها خاتم ديال المارياج كلها حجر كيبري حسن و كبر من لي كان عندها. 

داوود(شد يديها ركبو ليها و نطق بحب):باغي نبداو من جديد  فكلشي الى باغا حتى عرس جديد  نديروه ،نبدلو الدار اما حتى شهر عسل هداك اكيد غادي نعاودوه اي حاجة مهم غير تكوني مرتاحة(باس ليها يدها) 

تاج(فهاد اللحظة نسات خطيئتها و بتاسمات بفرح):شكرا.. 

سكتات فاش سمعات شي حد كيعيط على داوود و هي تعقد حواجبها بإستغراب،تلفتات و هو يبان ليها واحد الرجل جاي كان سمر ، طويل و سيم باين انه من لي  خدامين عنده ، داوود وقف كيتسنا فيه يوصل و مع غادي يوقف تيلفونه صونا، كان شاده فيديه سلم على داوود سلام رجولي و شاف فتاج حقق فيها الشوفة مطولا، كانو نظراتو فشكل خلاوها تبلع ريقها،ثواتي و هو كي شوفيها فالتالي حرك راسه ليها راسو بإحترام و خدا الاذن من داوود باش يجاوب على المكالمة و بعد شوية مخلي تاج كاتشوفيه… 

الرجل (بصوت باح): الوو ..وي؟ خمسة الدقايق و غنكون عندك نسالي مع شي معارف و انا معاك.. 

تاج كانت رجعات كتكمل فماكلتها و  غير سمعات ديك “الو”  و هي تطيح ليها المعلقة من يديها، مكانتش مثيقة فالاول مستوعبتهاش ،لكن ما هي الا لحظات حتى لقات راسها كتقارن الصوت فراسها مع ااصوت لي باقي فبالها مرسوم، كان مستحيل تنسى ليها ديك بحة الصوت  و ديك” الو ” فاش صونات لديك النمرة. 

داوود حس بيها تغيرت ،حط يده على يديها مخرجها من سهوتها (بهدوء): تاج مالكي ( هزت عينيها فيه)بخير؟ 

حركت راسها بأه و هزات صاكها (بثلعتم): غنمشي للطواليط بما ساليتي مع صاحبك . 

حرك ليها راسو و ديك الساعة ناضت هاربة من تما،بعدات عليهم  حتى مبقاوش كييشوفوها و لكن هي كانو باقين كيبانو ليها،حلاتت صاكها و هي كترعد كانت باغا تتأكد من داكشي لي فبالها،جبدات تليفونها و دوزت النمرة لكن فاللخر تراجعات و دارت لانكوني، حطات تليفون على وذنيها وعينيها عليهم ، بان ليها باقي كي يدوي مع داوود و كيضحك فلحظة ظنات انها غالطة و لكن غير بان ليها هز التيلفون وجاوب و تسمع صوته عندها بنفس ديك “الو”..بنفس البحة تما جمد ليها الد م فعروقها و مشهد مو تها بان ليها قدام عيونها،كان ﻤشهد إعدا مها من طرف داوود لي مستحيل يرحمها. 

كان خارجة من الطواليط من بعد ما نهارت و بكات،لكن فاللخر جمعت شتات نفسها و رجعت عنده لقاته كيتسنا فيها، بركت كتحاول تمالك راسها و لكن كان باين على وجهها الاضطراب،ما توقعاتش نهائيا يكون شريكها فالخطيئة هو فالاصل احد معارف راجلها،عذابها دابا ولا مضاعف اضعاف المرات… 

داوود (بقلق): مالكي ؟ واش بخير؟ 

تاج (حطات يديها على راسها و نطقات بتعب):كنحس براسي عيانة بغيت نرجع للدار 

بقا ساكت مدة كي شوفيها بتمعن،عارف راسو قسى عليها بزاف لكن بغا يشوف التغيير بعينيه و يشوفو حتى فأفعالها،لي ظار فيهغ و لي مازال كي دير فيها كي ضرو هو قبل ما يضرها… 

تنهد و شد ليها فيديها موقفها،لاح ليها لافسيت دياله فوق كتافها و دازو خلص هو الاول عاد خرجو من تما راجعين بحالهم. 

فالمطعم و فطابلة  بعيدة جاية معزولة، كان بارك ليل لي بدات كتدخل معاه السكرة،كان شاد فروح و هي كتضحك كان عاجبها الحال معاه.. 

كانت غالطة فيه كان كيبان ليها مريض معقد و لكن خالف توقعها كليا،كان انسان مرح وفيما كيكون  طاقته كتطغى على المكان. 

كان داير يده علي فخدها من تحت الطبلة كيتحسسو بوقاحة كأنه كي ملكو،بدا كي تمرد أكثر ملي طلع يديه غادي بين فخادها، روح تزيرت حسات بإحساس فشكل،ما كانتش خايفة منه بالعكس كانت خايفة من راسها لا تنجارف معاه، حنحنات ملي وعات على راسها و ضر بات ليه يديه و هو يحيدها . 

ليل( متبسم بخبث): تي خليني نتيستيك واش باقا خدامة راني شاك فيك بردتي . 

..: ليل؟ 

كان مبتسم غير دار كيشوف شكون عيط ليه، ما تت الضحكة فوجهه ملي بانت ليه واقفة قدامه مرة  خرا من ورا كل هاد السنين،مكانش متيق عينيه،روح ما فهمات والو كانت كتدور عينيها بين ليل و المرأة لي وقفات عليهم،كان باين انهم كيعرفو بعضياتهم و لكن كان واضح على ليل أنه غير مسر بشوفتها. 

روح بقات كتشوف فيها ،كانت امرأة انيقة و زوينة  عندها ملامح حادة و هادئة فنفس الوقت،جمالها كان فتان،جاتها كتشبه لشي حد لكن ما قدراتش تحدد شكون ،كان واضح عليها معالم الثراء من طريقة لبسها وحتى حركاتها. 

آسية(بتسمات ليهم بلطف و نطقات بتوتر): كنت كنتعشى و شفتك فالأول مظنيتش غتكون نتا و لكن من بعد تأكدت  قلت نجي نسلم عليك . 

ليل (عقد حواجبه بإنزعاج و جاوبها بوقاحة):سلمتي؟ وا غيريها 

دور وجهه عن روح لي غير كتشوف (بهدوء): نمشيو؟ 

روح يلاه بغات تهدر و هي تقاطعها آسية، موجهة هدرتها لليل(بهدوء): نقدر نهدر معاك ( شافت فروح) على انفراد(بترجي)عفاك ا ليل مغاديش ناخد من وقتك بزاف. 

ليل(لا رد منه بقا غير كينخزر فيها ، دار عن روح و قال بصرامة): بقاي هنا متحركيش حتى نرجع 

روح حركت ليه راسها بواخا ،وحضاتهم كيفاش زاد وجر معاه آسية من يديها بعـ نف،خرجو برا  المطعم و لكن بقاو كيبانو ليها بوضوح،معرفتهمش علاش كيهدرو و لكن كان واضح الإنزعاج على ملامح ليل،باين بلي ما عاجبوش داكشي لي كيسمع، ماشي بزاف حتى بدا كيغوت وكيهز فيديه عليها  .. 

خلاها برا و الدموع فعينيها و دخل قاصد روح، شد ليها فيديها و هز تجاكيته و خرج من تما دازين من قدامها،روح بقات كتشوف فيها ملي بانت ليها كتبكي . 

آسية و هي كتدمع ( بالغوات): هديك كتبقى بنتي ا ليل،متقدرش تحرمني منها 

روح خرجات عيونها بصدمة من ملي سمعاته،عاد عرفات لمن جاتها كتشبه ،طلعها ليل للطوموبيل و بقات حاضياها من الزاج . 

ليل (قبل مايطلع شاف فمامات بنته و نطق بسخرية):ست سنين عاد  تفكرتي بلي عندك بنت ،الأمومة فاقت عندك معطلة . 

طلع ديمارا مخلي قلبها محر وق على بنتها، كانت عارفة بلي ما يمكنش يخليها تشوفها بهاد السهولة خصوصا من بعد داكشي لي طرا بينهم . 

روح ما قدرات تقول والو مع انها كان عندها الفضول تسول بزاف الاسئلة و لكن فضلت تسكت ملي شافته معصب و كيسوق بالجهالة ،مضارب غير مع راسه  مكانش داير بحساب هاد النهار غادي يجي. 

كانت باركة فوق الفراش كتدهن فلحمها من بعد ما خرجت من الدوش،حاوللت تدير اي حاجة تشغل راسها بها المهم مكتفكرش .. 

هزات عينيها فيه ملي بان ليها داخل لعندها لابس غير بوكسر و كيتعنقر قدامها كيحرك فكتافه و فعنقه واخد راحته، تبتات نظرها على دوك العروق لي طالعين مزيرين من حجره، بلعات ريقها مهربة عينيها من عليه من ديما كانو كيثيروها، بتاسم بشر ملي شاف شوفاتها ليه عرفها فاش كتفكر. 

داوود(برك قدامها عطيها بالظهر و قال ببرود):ديري شوية من داكشي (شير ليها كريم لبين يديها ) وماصي… 

ناضت على ركابيها مورا ظهره دارت شوية كريم فيديها وبدات كتماصي ليه فكتافه وكتطلع مع عنقه و كتهبط لظهره،حس براسه ترخى بين يديها واخا اي حاجة من طرفها كتجيه سمن على عسل  .. 

داوود (بأمر): براكا تم و اجي ماصي ليا هنا 

هبطت قدامه كان كيصحاب ليها باغيها تماصي ليه رجليه ولا فخده ،بركت على ركبيها قدامه وهو فرق 

تاج (بتساؤل ):فين باغي نمسد ليك؟ 

شير ليها بعينيه لفوق حجره ،هبط البوكسر دياله حتى بانو عروقه كثر،شافت فيه و بالضبط فين نعت ليها،بلعات ريقها و خدات شوية الكريم و بدات كتدلك ليه،عينيها فعينيه كان كيشوف فيها بديك النظرة لي عرفت اش جاي موراها. 

مد يده لوجهها كيتحسس بشرتها ماشي بزاف حتى دوزهم لشفايفها، دفع صباعه وسط فمها كيقيس فلسانها،حس بيها وقفات المساج. 

داوود(بشهوة): ماصي 

هزت عينيها فيه وصباعه ففمها ،بتسم مغمض عينيه بشهوة ملي حس بيدها فوق حجره كتمسد ليه فيه،خرج صباعه من فمها وهبط لعنقه قاجها منوضها عنده،غفلها وجرها لايحة فوق الناموسية  طالع فوق منها .. 

سلمات ليه راسها و فرمشة عين كانت مجردة من حوايجها،خلاها عريانة كي متع عيونه بمفاتنها ودوك الانحناءات لي عندها، هبط ضاغط جسمها بديالو قبل ما يغرق معاها فقبلة شر سة كانو كيجاوبو بعضياتهم بيها. 

مكانش قادر يتسنى حتى يداعبها، فرق ليها بين رجليها بقلة صبر باش يبدا بالايلاج، كان باغي يحس براسه وسطها،سيطرته عليها كانت كترضي غروره كرجل . 

شهقت مغمضة عينيها ملي حسات به وسطها،تحذر عندها كيعض ففكها و هو كينهج بفعل المتعة لي كان كيحس بيها . 

داوود (بشهوة): مقادرش نتكايس عليك ، غنوعـ تكك غادي نضـ رك و نقدر حتى نهـ رس ليك شي ضلعة ولا جوج..غنحو يك حتى غيخرج عقلك من فمك. 

ضحكات عاضة على شفايفها محركة ليه راسها بواخا دليل على موافقتها على ما غيدير فيها،رتجفات ملي تحرك وسطها  و غمضات عينيها عايشة معاه،كتأوه تعبيرا بالشهوة المطلقة لي كانت كتحس بيها. 

غرس صباعه فضلوعها وهو كيدفعو وسطها(بمتعة):حليي عينيك وشوفي فيا… 

سمعاتها بصوت باح مبدل على صوته ،هاد الجملة كانت كفيلة باش تقـ تل كل احساس حساته معاه، كانت صفعة ليها سحباتها للظلام خلاتها تسد عينيها و تحلهم وهي كتشوفه فوق منها كان منظر مرعب بالنسبة لها، تسيف ليها فبلاصة داوود ،توهمات انها ناعسة معاه، دوك اللقطات من ديك الليلة هاجموها كان كتشوف وجهه ونضرته الخبيتة و نفس الابتسامة ،كان كيعاشرها بزز حاولت تقاومه و لكن كان قوى منها،بدات كاتنتر ليه  و كتغوت ربي لي خلقها… 

شي لي خلا داوود يبعد عليها و لكن مع ذلك بقات كتقاوم كأنها داخلة فكابوس،ماشي بزاف حتى تحولات مقاومتها و ولات كتضـ رب فراسها ،داوود  طلع فوقها شاد ليها يديها مانعها من انها تآذي راسها. 

ثبتها وبدا كيضـ رب ليها فوجهها(بقلق): تاج حلي عينيك تاج شوفي فيا مكاين والو ، تاج هدا انا ،تاج شوفي فيا.. 

والو مغمضة عينيها وكاتخبط كأها وسط البحر و كتصارع المـ وت، نفاصلات عن واقعها و كتعيش ما يخيل لها العقل… 

داوزد بحال لا حس بشنو واقع معاها،زفر بندم شديد كاره نفسو فهاد اللحظة،ليدار فيها ما كي دارش،كان همو يطفي غضبه ما حارش فيها و فالعذاب لي غادي تعيشو 

عند هناء لي كانت جالسة فبيتها كاتسنا فأمجد لي ما بقاش دوا معاها من بعد لي وقع مع تاج و داوود،تنهدات و ناضت هزات بينوارها الحريري لبساتو فوق الدو بياس، خرجات من البيت و مشات كاتقلب عليه ما لقاتوش،توجهات للجردة ربما تلقاه جالس تما لكن والو لا أثر له… 

تفكرات غير داك البيت لي كان كي بات فيه من بعد اخر خصام وقع بيناتهم، كشرات ملامحها و مشات ليه بخطوات سراع، غير وصلات دخلات بلا ما تدق لقاتو متكي بظهرو على الكادر ديال الناموسية، حاط على حجرو بيسي خدام عليه، ما لابس والو من غير شورط… 

هناء غير شافتو عقدات غوباشتها ما حملاتش هادشي لي دار، في حين هو شافيها شوفة وحدة و رجع ركز مع خدمتو،زاد عصبها ملي تجاهلها و مشات قربات ليه معصبة…. 

هناء(بإنفعال):غادي تبقا قالب عليا وجهك؟ اش وقع گاع حتى تجي تنعس هنا؟ 

أمجد(بلا ما يشوف فيها):سيري تنعسي 

هناء(بعصبية):لا ما ناعساش حتى تقوليا مالك 

أمجد(تنهد):ما كاين ما يتقال، سيري بدلي ساعة بأخرى 

هناء(زادت تعصبات كثر ،ما حسات براسها حتى هزات يديها و عطاتها ليه لصدرو)علاش هجرتي فراشك؟؟شنو درت ليك انا بالسلامة؟ 

أمجد بهدوء هز داك البيسي و حطو فوق الكوافوز،ناض مقابل معاها و شافيها بشوفات خلاوها تبلع ريقها، يالاه حلات فمها بغات تهدر و هو يشد ليها اليد باش ضرباتو زير عليها… 

أمجد(بنبرة قاسية):هاد اليد تحط عليا مرة اخرى نحيدها ليك من بلاصتها 

هناء(بخوف):صافي طلق مني 

امجد(طلق من يديها و قرب ليها كي حقق فيها الشوفة):قلتي هجرت فراشي؟نرجع ليه؟ راه اصلا هجرتو لمدة طويلة بزاف(دورها حتى عطاتو بالظهر)صبرت حتى ما بقيتش قادر(عنقها من اللور و خشا وجهو فعنقها بورش ليها لحمها) و دابا جيتي عندي برجليك،مزيان منها نربيك و منها(همس فوذنها)نحو  يك… 

هناء(وسعات عيونها): اويلي واش…. 

ما خلاهاش تكمل كلامها و جرها بالخف لاحها فوق الناموسية على كرشها،هز ليها البينوار و الشوميز حتى بانت مؤخرتها،جمع ليها يديها بجوج ورا ظهرها بيد وحدة و جمع معاها بتصرفيقة خلا أثار صباعو عليها…. 

هناء(كاتطرطا): ايييي…امجد اويلي ياك قلتي تعالجتي؟ 

أمجد: انا لي تعالجت ماشي ز بـي(عاود عطاها لمؤخرتها) مازال تمدي عليا يديك؟ 

هناء: لا لا و الله ما نعاود غير تعصبت 

أمجد: لي وقع الصباح مازال يتعاود؟ 

هناء(بلعات ريقها): اه حيت ختي هاديك… اييي (كان امجد لي عاود جمع معاها) 

أمجد: هي ختك و داك ز بي لاش جاي ها جم ليا على داري؟ 

هناء(كاتحنحن باغا غير تفك منو):صافي غادي ندوي معاها 

أمجد: و ز بي لي محنتيه؟ شنو بلانو؟ 

هناء(كتحاول تنتر يديها):واخا غير طلق مني بعدا،كي غادي ندير نعرف بلانو و نتا شادني؟ 

جرها لعندو حتى وقفات و لصق ظهرها مع صدرو، شد ليها يديها و هبطها لرجولتو،كي حركها ببطئ و هي مغمضة عيونها حشمانة… 

أمجد:حني فيه خلاص و حني فيا حتى انا،صبرت حتى ضبرني الصبر، ما سيمانة ما جوج ما ثلاثة راه شهووور 

هناء عارفة بلي خلاتو يصبر عليها بزاف، حرماتو لمدة اشهر من حقو الطبيعي،ما طالبش منها شي حاجة لي خارقة للعادة و لا شي حاجة لي تضرها و تآذيها، فالأصل صعيب الراجل يصبر فهاد الأمور، و خاصة لا كان هاد الشخص بحال أمجد لي حاول ما امكن يضبط نفسو و ما يبززش عليها،حتى أنه صارحها قبل زواجهم و هي لي قبلات بيه و تزوجاتو،اذا لازمها تتحمل مسؤولية قرارها. 

أمجد(قرب لعنقها طبع عليه قبلة خفيفة):شبان ليك نلعبو؟(دورها لعندو كي شوفيها بشوفات لتاسمات منهم رقبتك الشديدة فأنه يذوق جسدها و يروي عطشو بيها)دوي ا هناء، ما بغيتش نبزز عليك، قولي اه، ما تندميش 

بقات شحال كتشوف فيه و كاتدور هدرتو فعقلها،كاتبغيه و عارفاه كي بغيها ما تبغيش تخسرو بسبب حاجة بسيطة بحال هادي،طفات دماغها و قررات تعيش التجربة و تحارب خوفها، حركت راسها بأه و ديك الساعة هزها بين يديه ما عطلهاش،خرج من داك البيت و تم طالع بيها للشومبر ديالهم بغا ليلتهم تدوز فبيتهم… 

أمجد(حطها واقفة وسط بيتهم كي تحسس حنكها بحنان):الى كنتي خايفة و باقا ممتسعداش غير قوليها  دابا محدنا باقي ما بدينا،ما تخلينيش حتى نبدا، موحال نحبس ديك الساعة.. 

هناء بقات ساكتة شحال فلخر نطقات بجدية :انا باغاك أ أمجد.. 

تحذيــر سفالـــة🔞 

هاد الكلمة كانت كفيلة تهدم جدار اي رجل خصوصا الى كانت من الانثى دياله، بعد عليها هز يديه جر تريكوه من عنقه نسلو و بقا عريان من الفوق ،بلعت ريقها وكتشوف فصدره مطارسي كأنها اول مرة تشوفو،لوا داك التيشرت بين يديه و قربه لوجهها… 

أمجد: متخافيش غنغطيهم ليك باش ميخلعك والو متافقين؟ 

حركات راسها بأه و غمضت عينيها كتستعد، حسات بالتيشرت فوق عينيها حاجب عليها الرؤية هنا بلعات ريقها بخوف ملي مبقات حسات بيه حداها، قلبها بدا كيضرب بالجهد و فلحظة كانت غاتقول ليه حبس مبقيت باغا والو،ولكن شجعات راسها و قررات بلي لا مجال للعودة دابا.. 

هناء(حنحنات باش تحيد الخلعة من صوتها): امجد نتا هنا؟ 

أمجد(سمعات صوته قريب ليها قاسها بيديه فعنقها كانت لمسة خاطـ  فة خلاها تتبورش): انا هنا 

حسات به موراها كيهبط ليها فالبيوار خلاه يطيح بين رجليها،بقات واقفة قدامه غير بالشوميز دو نوي لي كانت عبارة على دو بياس، مد صباعه كيحل ليها فسوتيامات حتى جردها من اي حاجة كانت ساتراها،كانت واقفة قدامه زبطة… 

كلاها بعينيه ريقو نشف و هو كي شوف فمرتو لي من ديما كان كي حلم بهاد اللحظة معاها، و الغريب انها ما توتراتش واخا واقفة قدامه عريانة و السبب راجع انها مغمضة عينيها كيخليها تحس بلي حتى هو مغمض  عيونه معاها و كانت هذي حركته باش يخليها ترخا ومتبقاش مركزة معاه . 

حسات بنفسه قريبة ليها ونيفه كيتحك مع نيفها عند بالها غيبوسها باعدات بين شفايفها سامحة ليه يتجول فثغرها حسات بيه كيخوي ليها شي حاجة سائلة من فمه لفمها كان الما بارد بمذاق امجد ..بقا كيشرب ويشربها من فمه حتى تزوات 

قفزت ملي حست بشي حاجة قاصتها باردة فشفايفها باشي بزاف باش عرفاتها ثلجة حسات بيها كتدوز من عنقها هابطة دايزة من بين صدرها  ..بدات كترعد ملي حسات بالثلجة غادا وكتقرب لمنطقتها الحساسة كانت كتحس بنفسه مع الثلجة، هنا فهمات بلي شادها بين سنانه وكيدوزها عليها . 

امجد شدها ففخدها بيد و الثانية على خصرها،شهقات ملي حسات  بديك الثلجة ففر جها ماشي بزاف حتى دابا الثلج وحسات بشفايفه كيلعبو ليها على اوثارها، غطس وجه بين فخادها وهو كيزيد يتعمق فيها هز ليها رجل فوق كتفه باش يقدر يقيس ليها كاع الأماكن لي كي ثيرو شهوة الانثى… 

  و نجح في ذلك، حسات بشهوة كتسري فد  مها،توازنها اختل و هو كيعـ  ذبها بديك الحلاوة لي كانت كتحس بها،شدات ليه فشعره ملي حسات براسها غتطيح، و بدات كتأوه تعبيرا على ما كان كيدير فيها، ما طلقها حتى جابتو كثر من مرة ففمه…. 

ناض واقف على رجليه وجرها من خصرها ملاسق جسمه مع جسمها كان باغي يحس بملمس بشرتها فوق لحمه، بدا دافعها و هي كترجع باللور خطوة بخطوة حتى لاحها فوق الناموسية و دخل من بين رجليها شاد يديها فوق راسها باش متحركهمش .. 

دفع صباعه ففمها باش تبللهم و لبات ليه الطلب ملي دوزت لسانها على صباعه، فهاد اللحظة هبط راسه لصدرها كيبوس وكيعض فريوسهم وكيجبدهم ليها حتى كتنين ويطلقهم، كل وحدة عطاها حقها لي تستاهل … 

عاد خرج صباعه من فمها وهبطهم حطهم على فر جها، كيحركهم فالفوق ماشي بزاف حتى غفلها خاشيهم وسطها ..قفزات وبدات كترجع و هو يهبط عندها خلاها تدور يديها عليه باش تحس بالآمان،بدا كيحرك صباعه وسطها و فلحظة تحول داك الألم لمتعة بدات كتدفع بجسمها ناحيته باغا ما كثر،ميل راسو ملي حس بيها واجدة للإيلاج،بتاسم برضى و جبد قضـ   يبه ثبته فبلاصته… 

وتحني لعندها واخد شفايفها فقبلة همـ  جية حتى  قفزت ملي حسات بيه ختارقها و شي حاجة وسطها طرطقات،  تنهدت براحة مبتسمة ملي عرفت الموضوع سالا بسهولة، كانت غالطة و ضخمات الامر… 

بدا كيتحرك وسطها وهي كتنين بألم لي كاتحس بيه،جرحها كان باقي جديد،ألم عادي ضروري منو،شبك يديه مع يديها و هو خدام فعملية الايلاج،كاتحس بيه كيحفر فيها، كانت كتوعت لكن الالم كان نوع ما مقبول  و عجبها الحال، كان لاذع… 

كانت باغاه يوقف ومايوقفش عاشت معاه اللحظه بتفاصيلها،كان كيقلبها بين يديها بحال شي دمية متملكها ..شافها بدات كتنهج و العيا بادي عليها قرر ينهي هاد الليلة باش ميفورصيش عليها… 

بدا كيحرك بشوية وسطها باش يجيبو و جبدو كيتخوا فوق فخدها بد مها مخلط مع المني دياله… 

تحنى كيبوس ليها فراسها و حيد ليها داك التيشرت من فوق عينيها مسح ليها بيه نصها و جرها معنقها عنده،جر عليه ليزار وهو مغمض عينيه كيتسرجع فأنفاسه وهو فرحان طرق هاد المسمار،في حين هي ديك الساعة داتها عينيها بين يديه. 

كانت متكية على كرشها كتفكر،النعاس هجر جفونها بقات غير كاتخمم و كتساؤل بينها و بين راسها،واش كيبغيها ؟أكيد كان كيبيغيها راه عنده معاها بنت و ماشي بعيد يكونو فايت مزوجين، كانت كتسول و تجاوب راسها براسها. 

غطسات راسها فالوسادة وهي ناتفة شعرها كتأنب فراسها على الفضول لي عطاها الله،زفرات و نطقات بعصبية: وانا مالي ماسوقيش اصلا …اوف… 

تقلبات على جنبها كتحاول تنعس و متبقاش تفكر فهادشي ،للحظة دوزات يديها على فخدها فين كان حاط يديه سرحات بخيالها ثاني، حتى جاتها لحظة ادراك و هي تضـ رب راسها بيديها… 

روح (بعتاب): لا لا اروح واش تسطيتي؟اويلي 

بقات شحال كتخمم و كتحاول تغفى ماشي بزاف حتى غرقت فالنعاس، في حين هو ملي وصل مشا النيشان عند روح الصغيرة لقاها ناعسة،تخشا حداها و عنقها فحضنه، كي حماق عليها مستحيل يتخيل نهارو بلا بيها، بقا هاكداك حتى زار النوم جفونه.. 

عند تاج كانت باقا كتخبط و تغوت غير بوحدها،و داوود غير كيشوف فيها،فلحظة بانت ليه تخنقات كتنفس بصعوبة، مبقاش قادر يتفرج فيها طلع فوقها وصرفقها على الجهد الشي لي خلاها ترجع لأرض واقع ،شهقات بعمق و حلات عينيها فيه مفجوعة نظرة الرعب كانت بادية على ملامحها.. 

بدات كتدفع فيه بالجهالة كأنه غريب عليها،لاحتو من فوقها و طاحت من فوق الناموسية باغا تهرب، كانت عريانة طاحت على ركابيها كتغوت وكتضـ رب فوجهها،صورته فعينيها وهو كيعا شرها مبغاتش تمشي ليها، كأنها عاودت عاشت ديك الليلة لي كانت غامضة ليها . 

قرب لعندها معنقها شاد ليها يديها و هي كتركل بين يديه،كاتغوت و كتنطق بكلمات غير مفهومة… 

داوود(وهو مزير عليها قرب من وذنها و نطق بقهر):غير انا اتاج  غير داوود ديالك …. 

غمض عينيه براحة ملي بانت ليه تهدنات  بين يديه،حط راه راسه على راسها كيراري بيها بحال شي بيبي، قطعات ليه فقلبه عمره شافها فهاد الحالة، عارف نفسيتها عيانة بزاف ولا تزادها شي مشكل آخر، حالتها عاد غتزيد تسوء. 

كان عند باله غفات بين يده جر الليزار من فوق الناموسية مغطيها ،هزات عينيها  فيه لي طايبين بالبكا، كانت مكسورة مهرسة من الداخل تأنيب الضمير كان قا تلها 

تاج بصوت مبحوح (بتعب): انا مبقيتش صالحة ليك اداوود مبقيتش ديالك، مبقيتش تاج تاعك انا تخسرت اداوود كنت موسخة وزدت توسخت. 

نفاجرت بالبكا وهي متعلقة فيه خايفاه يهرب ويخليها ،معلقش على كلامها حدو جرها لعنده كثر دافنها فحضنه كيمسح على راسها بتعابير جامدة ميـ تة . 

عاونها تنوض من فوق الناموسية لبسها حوايجها وخلاها تكا ترتاح ،كانت غير ساهية برك قدامها شاد ليها فيديها .. 

داوود(بهدوء): انا عارف سبب حالتك شنو هو و عارف شنو طرا لك ديك الليلة. 

خرجت عينيها فيه برعب بدات كتحرك فراسها بلا و كتقرب منه شادة وجهه بين يديها ، ميمكنش يعرف شنو دارت، ما كانتش باغا تضره هاكا، كانت عارفة ان هاد حقيقة غتدمرو كثر منها . 

طلعت فحضنه شادة وجهه(ببكاء كي قطع فالقلب):والله ما لخاطري معرفتش شنو وقع ا داوود انا منقدرش نكون مع غيرك بالخاطر انا نفضل ننـ حر  راسي على نغدرك نتا كتعرفني مزيان ميمكنش نديرها ،قابلة  تدير فيا  مبغيتي غير متأذيش راسك انا نستاهل و لكن نتا ما ليك والو … مبغيتكش تضيع راسك على وحدة مكتسواش بحالي 

سد ليها فمها بيديه مبقاش قادر يسمعها، حتى فعز ضعفها كانت هازة ليه الهم  كثر منها،لأول مرة يحس بتاج ماشي أنانية، حس براسو حقير يستاهل المو ت حيث خبا عليها. 

رتجفات تفاحة آدم فحلقه، كان صعيب عليه يصارحها من بعد ما شاف حالتها هاد الأيام و لكن ماشي لخاطره كان باغي يستغل الموقف لصالحه .. 

بلع ريقه و حط عينيه فعينيها،نطق بندم:كنت انا (سكت فاش شافها خرجات عينيها فيه بعدم تصديق)أنا لي عاشـ رتك ديك الليلة يعني ما خنتينيش اتاج ، كنت غير انا . 

سكت كيشوف فيها كتبكي بلا مشاعر بلا تعابير دموعها كيطيحو كيف الحجر على خدودها شاف الكسر لي كسرها من خلال عيونها،عرف راسه فتح عليه بيبان جهنم . 

تاج فالأول ما قدراتش تفهم كلامه،لكن من بعد ثواني قليلة عقلها بدا كي ستوعب الصدمة،فجأة تحولو شوفاتها لنظرات عامرين بالخذلان،كانو شوفات كي توعدو ليه بعذاب الجحيم… 

بعد يده من على فمها ،بدا كيمسح ليها فدموعها لي كيطيحو كيف الحجر  .. 

داوود(شد وجهها بين يديه و قال بقهر):عارف راسي غلطت ملي خبيت عليك وخليتك كتشواي و لكن هدشي كان غيطرا بصح  كون متعبتكش ديك الليلة ،(عقد حوايجو و نطق بإنفعال) انا كراجل  كنشوف مرتي..شرفي باركة تما بحال القحا ب و الزوا*ل ريوگهم طايحين عليها ،و واحد كيتزلل عليها شاعل ليها الكارو  و باغي يقصر معاها(سكت كيحاول يتمالك نفسه) ملي مبغيتيش شفتو بعيني وصا الگارسون يلوح ليك الدروغ فكاسك باش يديك بزز ، انا كرجل غنشوف هدشي قدام عيني شنو كان خاصني ندير؟(مسح على راسه حس بدمه كيفور مجرد ما تفكر دوك اللقطات) ابسط حاجة كنت غنجي نقتـ ل عدو ربك نتي و وياه(بالغوات)…هو معطلتوش و لكن نتي مقدرتش نأذيك 

داوود(رخا ملامحه و هو كي تحسس فحنكها و قال بنبرة هادئة عكس سابقا): كنت باغي نذوقك من الكاس لي شربتيني منه ديك الليلة وانا كنتخايل شنو كان غيوقع كون مكنتش … كرهت راسي وكرهتك وكرهت عدو ربها هاد الحياة (ضرب صدره) وهاد القلب لي مقادرش يزيد خطوة بلا بيك. 

سكت حاضيها كيتسناها تقول شي حاجة،و لا تدير شي حركة لكن والو ، دموعها كيهبطو بلا حتى تعابير كأنها جـ ثة بلا مشاعر و بلا أحاسيس،كأنه بإعترافه بلي دار فيها سرق منها روحها… 

داوود (حط يديه على حنكها و قال بتعب): قولي شي حاجة عايريني حاربيني هدديني اي حاجة غير متبقايش هاكا … 

ارتجفت اوصالها، كانت كتحس بالبرد، ما كانش عندها الطاقة تستوعب هدشي كله،كانت باغا تطفى و ترتاح فخطرة حتى الجهد باش تدوي و تعاتبه مكانش ،فضلت تسكت  ومتفكرش، فضلات تقنع عقلها بلي كلامو غير كذبة ناوي يعذبها بيه… 

بعدات يديه من عليها دفعاته بلطف، حتى بعد عليها  و تكات مغمضة عينيها غارقة  فالنعاس، خلاته غير كيشوف بحيرة، توقع كلشي الا هاد ردة الفعل ديالها عرف راسه قتـ لها بفعلته و عمرها غترجع تاج لي كيعرف . 

بقا بارك حداها شاد راسه الليل كامل دوزه  غير حاضيها كيفاش ناعسة،فكل ثانية الندم كان كي ياكل فيه،أصعب إحساس هو الندم لي ما عندو حتى فائدة،حيت إحساسه بالندم ما غادي يغير والو… 

صبح الحال كان ناعس و هو بارك عند رجليها،ناض كيحرك فعنقه معنز،دور عينيه مكانتش فالفراش قز واقف كيقلب عليها ،تم هابط للتحت من بعد ما قلب و ملقهاش فالشومبر… 

حتى كي وقف ملي شافها واقفة فالكوزينة عاطياه بالظهر،كانت كتوجد فالفطور و هي كتدندن و كتحرك  كلها حيوية بحال شي فراشة كأنها ماشي نفس الشخص لي كان البارح كيحتضر بين يديه . 

ملي جات عينيها فعينيه مدارت حتى ردة فعل هزات فطورها وتخطاته غادا للصالون كأنه مكاينش،الشي لي خلاه يزفر بغيظ كان عارفاها مقصح

يتبع…