ملكوت الجن

تلفت لعندها كيشوف فيها بنضرات خبيثة قبل ما ينطق باندفاع:’ لايقة لي غراضنا ، عليها اللغيط بزاف كون ما زربنا ودرنا ليلتنا كلما حسن وسهال يتقعد وساد بنتك ‘.

كان كيقصد بكلامه آمــنة لي كان قادر يستشعر نقاوة دمها والهبة لي عندها بشوفة ، اغلب سحرة ومشعوذين كان كيقدرو يعرفو انسان النوراني او بآحرى الزوهري بنضرة وحدة كافية يحس بطاقته وهالته لي كتكون قوية وكتجذب ..

آمــنة بمجرد ما خرجت من الرياض شدت الطريق نيشان للفيلا ديال سلـيـمان .. الطريق كلها ودماغها كيفكر في حاجة وحدة هو آمــان وحقيقة ما وقع ليها معاه اذا مجرد حلم او واقع ..

فــي الفـيلا ، كان مسموع صوت سليـمان لي كان واقف كيحاول يهدن في مو لي كان متمكن منها الخرف ولكن هدشي ما كانش مانعها تنسى آمـــنة لي بقات صباح كله كتسول عليه ..

قرب شادها من كتافها محاول يهدنها وهو ناطق بكل تفهم :’حاضر يمه غادي نجيبها لك ، غير رتاحي وتهدني ‘.

يزة دفعت ليه يديه من عليها ناهضة فيه :’ هي دابا ، جيب ليا آمــنة ديك البنت امانة فرقبتي مخاصهاش تضيع منا ..تابعينها بغاو يرزيوني فيها شفتها كتحرق .. غادي يحرقوها  ( شدت فيدين سليمان) متخليهاش اولدي متخليهاششش ..ديك البنت راه ديالنا ومن دمنا  ..من دمك ‘.

كانت كتدخل وتخرج فالهدرة مخلية سليـمان كيشوف فيها بعد ايستعاب ما شبقش له شاف مو متعلقة لهاد الدرجة بآمــانًة عاد كلامها اخيرة خلاه في حيرة كبيرة ..

كان نفس الكلام لي سمعو من عند ديك الشيطانية وهاهو مرة اخرى كيسمعو ، عقد حواجبو نازل بقامته لعندها متشبت بيديها قبل ما ينطق بتساؤل..

سليـمان:’ كيفاش ايمه انها ديالنا ومن دمنا ؟، شنو كتجينا ..واش ختي من ابوي؟’.

ايزة شافت فيه بعيون مفتوحة على مصرعها فبل ما ترمش محركة راسها برفض :’ لا لا ماهياش ختك ، أمـنة راه راها بنت نادية ونادية طلبتني ندير حفيـ..( سكتت ) فين ناديـة ، ناديـة والحرامية دخلتي  لداري بكرش حرام ديالك ‘.

نهات كلامها نايضة من تما كتمشي بخطاوت ثقال وهي كتنادي على نادية لي مكانها تحت التراب ، خرفها كان كفيل يخلي ذكريات ماضيها تخالط مع حاضرها ..

سليـمان بقا بارك مركز بنضره على الفراغ وهو كيحاول يستنتج جواب من هدشي لي وقع ، سؤال واحد كان مكتسح عقله وهو شنو علاقة آمــنة بعائلته ..

كان عارف ان الجواب عند شخص وحيد لي يقدر يعطيه صحة ما وقع في زمان لي فات ..

كان خرج كيقلب عليها فالجردة تا كيوقف ملي شافها واقفة كتضحك مع آمـــنة لي كان باين انها عاد دخلت ، غير جاو عينيه عليها تناسى كلشي ..

تا الموضوع لي كان باغي يسول عليه خديـجة مشا مع مهب الريح بشوفتها ، زاد لعندها كيتأمل شكلها تا وقف عليها ناطق بهدوء ..

سليـمان :’ سلام عليكم ، آمــنة لاباس عليك شوية ؟’.

آمــنة هزت عينيها فيه ناطقة ببرود :’ ويليي علاش كلكم كتسولوني واش مزيان ، انا بخيرر وما فيا والو، واه  ‘.

قالت كلامها بتضايق وزادت مخلياهم متبعين لها العين ، سليـمان شاف فخديجة ناطق بتساؤل:’ مالها ‘.

خديجـة:’ معرفتش اولدي غير بقيت كنسول فيها من بعد داكشي لي وقع  واقيلة هي ما عاقلة على والو ، زيد هي دغيا كتنيرفا ‘.

همهم لها بتفهم قبل ما يحنحن محاول يلاقي الكلام داخله لي يقدر يعبر بهم ..داعب انفه برؤوس اصابعه قبل ما ينطق بنبرة هادئة ..

سليـمان:’ رخفي عليها تتولي مزيان ، كنت باغي نسولك الالة خديجة’.

تقادت معاه فالوقفة وهي كلها ترقب مجاوبة بهدوء:’ ايه سول اولدي سليـمان ، مالك ‘.

سليـمان حنحن باستعداد ناطق بنبرة هادئة:’ شوفي انا ما عارفش شنو وقع موريا ملي مشيت لسعودية وانا صغير ، ولكن يمه قالت ليا شي هدرة خربقتيني وبغيت نعرف واش عندك بها شي علم او حتى الا عارفة شي حاجة صارحيني بها ‘.

خديجـة عقدت حواجبها بعدم فهم ناطقة باستغراب:’ اش كاين اولدي ، سول ولا كنت عارفة راه نقولك ، ما نخبيش عليك وربي شاهد عليا ‘.

سليـمان بتسم لها محرك راسو بتفهم :’ عارف لي كاين لالة خديجـة، غير هو نتي كنتي قريبة من مرحومة نادية واش كان عندك شي خبار انها على علاقة بالواليد ديالي؟ واش كاين شي احتمال تكون امـــنة ختي ؟’.

خديجـة وسعت عينيها فيه بصدمة ناطقة بغير استعاب :’ اويلي اولدي اش كتقول نعل الشيطان الحاج باك عمرو هز فينا تا راس لا انا نادية ، وكما قلت انا كنت قريبة لها ومعمرني شفت عليها شي حاجة ، زيد على هاكا انا فاش جيت لهاد الدار كنت لقيت نادية كاينة ونتا ديك الساعة باقي كاين والحاج كان عاد جا باش يديك يعني ما كان تعامل بيناتهم ، وتا مشيتو نتا وباباك عاد بدا كيبان حمل عليها وكانت لالة يزة كتقول ليها واش جيتي به ولا هزيتيه من داري كتقول ليها لا جيت به ومن راجلي ..عليها ولدي هدشي ما منو والو ..وامــنة ما كتقربش لك كاع ‘.

كان كيسمع لها بكل تأني فالداخل دياله كان كيطلب ما يكون جامع بينهم تا حاجة باش يقدر يتخد له زوجة ، تنهد بارتياح مبتسم فوجه خديجـة ناطق بكل امتنان ..

سليـمان:’ الحمدلله ، ريحتني الله يريحك الالة خديجة .. هاد ايام راسي كان مخربق بسبب هاد الموضوع’.

خديجـة بتسمت له :’ الله يزيد فراحتك اولدي غير نعس على جنب راحة هدشي ما كاين منو والو ‘ .

طرفت برموشها وهي كتفكر كيفاش تقولها حتى كترجع تنطق :’ ما ديرهاش مني قلة الصواب غير هو علاش سولتي على هدشي اولدي ‘.

سليـمان بتسم لها :’ ما نكذبش عليك الالة ، ولكن انا ناوي ديك بنت للحلال ، وغرني شيطان ووسوس ليا وبديت كنشك لا تكون محرمة عليا ‘.

خديجـة وسعت عينيها بفرحة ناطقة بحماس :’ ربي ربي اولدي ، يربي يكمل عليك بالخير ويجمعكم غادي تجيو مع بعضياتكم ، بلاتي نضرب ليكم شي تزغريتة .’ .

مع باعدت بين شفايفها باش تزغرت وهو يستوقفها ناطق برفض :’ ماشي دابا الالة خديجة هنتي هدري معاها وشوفيها واش تقبل بيا باش نشوف امتى نخطبها ‘.

خديجـة حركت راسها بحماس :’ ايه ايه اولدي نعلمها وغادي تقبل علاش ما تقبل غادي تدي زين العزارة، غنمشي دابا تعلمها دابا  ‘.

قالت كلامها وهي زايدة داخلة كتدوي مع راسها وكتضحك مخلياه متبع ليها العين تال اللحظة لي غادي يتسلل فيها لمسامعه نعيق الغراب ولي سرعان ما لمحه كان واقف فوق واحد الشجرة حداهم ..

عقد حواجبه باستغراب كان عارف ان الغراب حيوان غير مستحب وقبل ما يحاول يجري عليها كان طار من تلقاء نفسه ..

خديجـة ما كانت شاداها فرحة كان وقع ما بغات من نهار عرفت انه غادي يرجع تمنات له آمـــنة ، دخلت كتجري كتقلب عليها وقفت كتسول فالبنات تا كتقفز مغوتة ملي تقاست من الخلف على غفلة ..

آمـــنة:’ هاوو  اخديدج ‘.

تلفت لها كتشوف فيها وهي كتضحك فالعادة موالفة كتوبخها وليكن سر الخبار لي في جعبتها تناست ما دارت وجرتها من يديها موراها وهي كتنطق بحماس ..

خديجـة:’ جابك الله ابنتي ، تعالي بغيت عندي ليك واحد الخبار كتفرح .’ 

آمـــنة  مشات معاها وهي شادة فيها ناطقة بنبرة هادئة :’ تأنا عندي ما نقول ليك اخديدج ‘.

زادو للكوزينة ما دخلو نطقت آمـــنة بحماس  :’ معمرني تخايلت غنكول هدشي ولكن يمكن اخديدج راني مزعوطة ‘.

خديجة وسعت عينيها فيها ظن انها معجبة بسليـمان ، بتسمت شادة لها فيديها وهي كتنطق بلهفة :’ ربي ربي ، شفتي راك قلت لك غادي يعجبك مع الوقت راه غزالل شهوة منه ودرويش ‘.

آمـــنة عقدت حواجبها مبتسمة :’ اويلي تي فين كتعرفيش تا كتقولي عليه درويش ؟ واش عارفاني علامن كنهدر ‘.

خديجـة ضحكت :’ معلوم عارفة ،  شكون من غيرو،  سليـمان ‘.

جمعت ضحكتها مخيبة سيفتها :’ يع ويلي لالا ماشي هو ، وعلاش غادي يعجبني اصلا هذاك ، لا اخديجة لا .. ركزي معايا ‘.

خديجـة ماتت ضحكة فوجهها قبل ما تعوضها الجدية :’ وعلاش ما يعجبكش ، اش ناقصو ؟ كامل مكمول وللكمال لله’.

آمـــنة هزت كتافها :’ معرفتش يقدر يكون كامل ولكن انا مكنشوفش هدشي ، ما كنجاذبش له كاع ، ومكنتخيلش راسي كاع معاه ‘.

خديجـة هزت حاجبها فيها ناطقة بتعقيب :’ ومعامن كتخايلي راسك بسلامة فين غادي تلقاي حسن منو وشكون هذا لي قلتي مزعوطة فيه وفين شفتيه؟ دوي ‘.

آمـــنة تنهدت :’ دابا انا مخربقة معرفتش واش اصلا داكشي وقع ولالا ولكن راه كنحس به وسط دماغي وغير كنفكر فيه قلبي كيبدا يضرب وذاتي كتبورش ، يمكن هذا هو البغو ، ياك ‘.

نهات كلامها شادة فيدين خديجة لي كانت كتسمع ليها بملامح متعضة ، ضربت ليها يديها ناطقة بجفاء..

خديجـة:’ ماشي البغو هذا ، هذي دودة ..دوي خلاص فين عرفتيه ‘.

آمـــنة عضت على شفايفها:’ تا دودة مزيانة ، هنتي تلاقيت معاه فالبحر ..عرفتي معمرني تخايلي غادي يعجبني شي راجل ولكن هو فشكل .. كلشي فيه فشكل شكلو تعاملو ..تخايلي كيهدر بشوية ومهدن ومافيهش الفريع بحال الرجال وزيد فوق هاكا عندو كاريزما ..وسميتو آمــان قريبة لسميتي ماتشي ماتشيييي’.

نهات كلامها وهي كتحرك بيديها بحماس في حين خديجـة كتشوف فيها بدون ملامح وسرعان ما نطقت ببرود ..

خديجـة:’ هاد انواع غير كتفلاو ، غيضحك عليك ويخليك مكتأبة ويزيد ، شوفي فالمعقول ، راه سليـمان دوا معايا وبغا يخطبك ‘.

آمـــنة وسعت عينيها بصدمة قبل ما تغوبش ناطقة برفض :’ قولي ليه مبغاتش ، لا يمكن ..ما عاجبنيش وزايدون انا باغا نشوف امــان بعدا ونعطيه فرصة وديك الساعة غيبان واش كيتفلى ولالا ..’

خديجة هزت حاجبها فيها :’ وعلاش هدشي ، عطيه تاهوا فرصة مالو  مايستاهلش، دابا هادا لي عاد شفتيه باغا تعطيه فرصة وسليـمان لا ، اش غادي تخسري ..جربي معاه بركو وهدرو لربما تكون عندك نضرة خاطئة.. عرفتي راه الف وحدة تمناه ..’

آمـــنة قلبت عينيها بعدم ردة  عاطياه بالظهر غادة خارجة وهي كتنطق :’ ايه الف وحدة تمنى متافقة معاك  ( تلفتت شافت فيها ) ولكن انا ماشي وحدة من دوك الف وحدة  ..ما كنتمناهش كاع وعمرني غادي نتمنى واحد بحاله عليها غير قوليه يخوي راسو مني ‘.

نهات كلامها راجعة دايرة باش تخرج من تما تا كيحبسو خطاويها ملي لقاتو فوجهها نيشان بحال كل مرة .. تبادلو النضرات وللسبب ما حست انه سمع كلامها ..

شاحت بنضرها متخطياه مخلياه كيشوف فخديجة قبل ما يدور تابعها، آمـــنة كانت غادة للصالون عند يزة باش تعونها تصلي وعلى غفلة تجرت من ذراعها بعنف ..

تأوهات بالم بفعل الخبطة لي تخباطتها مع الحيط ، هزت عينيها كتشوف فـسليـمان لي كان كيرمقها بنضرات حازمة ، آمــنة كان خاصها ثواني قبل تستوعب وما وقع وتخرج نيابها ..

تنرت من بين يديها ناهضة فيه :’ اش كتدير تسطيتي ، باشمن حق تقيسني صافي مشا الدين والايمان ‘.

تجاهل كلامها كليا كل ما كان هامو فتلك اللحظة هو رفضها له ، رجع شدها من ذراعها جارها لعندو خابطها فصدرو وهو كينطق ببرود ..

سليـمان :’ علاش نتي ماشي وحدة من دوك الف ، شنو غيخص باش تكوني منهم ؟’.

غوبشت فيه وهي كتناتر معاه صارخة فيه :’ ماسوقكش انا ماباغاش نكون منهم واش بزز ، مبغيتكش ولا يمكن شي نهار نكون معاك ..غير نيس هدشي ما كيكونش بزز ‘.

سليـمان ما كانش مركز مع كلامها قد ما كان كيتأمل ملامحها لي كانت شبيهة بها ونسخة مكررة ، طرف برموشه ملي بدا كيستوعب ما كيدار ما كانش فاهم انجذابه له ..

هو ما سبقش له كان هاكا مع تا وحدة ومعمر انجذب لشي امراة بالعكس كان اغلب كينجذبو له ولكن هو ما كانش مهتم ، يمكن الرفض لي تلقاه اول مرة هو لي خرجو على طوعه ..

طلق من يديها مبعد عليها وهو كينطق بهدوء:’ مقصدتش ، فكري فهدشي غادي نتسنى جوابك ‘.

قال كلامه وعطاها بالظهر مبعد عليها تا كيسمعها  نطقت بصراخ :’ ما كاينش لاش تسنى مبغيتكش ، هدشي لي بقا ليا ناخد شارف بحالك ..شحال عندك خمسين عام؟! ..راك تولد قدي وتفوتني قالت زواج ‘.

سليـمان تلفت فيها هاز حاجبو فيها :’ باقي ما وصلت ليها ، باغا تشرفيني حيث ما لقيتي تا سبب مقنع ، انا فاواخر تلاتينات ‘ .

غوبشت فيه دايرة يديها على خصرها :’ وانا عاد فالعشرين ، بيني وبينك قرن ..وراه تقدر تولدني ، ثلاتين زعما باقي صغير قدك راه ولادهم  طول منهم ‘.

لاحت كلامها فوجهه ودارت داخلة هازة حوايجها وخرجت من تما طافجة مخلية سليـمان غير كيشوف فيها ، تا بغا يمنعها وهو يتراجع شاف راسو فات الحدود كثر من القياس ..

كانت كتمشى وهي كتنغر غير مبالية بالناس كيشوفو فيها كتهدر مع وراسها ..

آمـــنة :’ ويلاه الفقيه لي كنتسناو براكتو دخل الجامع ببلغتو .. تفو هو لي بقا ليا قالك نتزوج به يع’.

كملت طريقها لي كلها وهي كتدمر من داكشي لي وقع تا وصلت لعند الرياض مع بغات تدخل وهو يستوقفها صوت رجولي من خلفها ..:’ آمـٰـنة  بنتي ، لاباس ‘.

تلفت بالعرض البطيء وهي عاقدة حواجبها من هاد الغريب لي كان واقف عليها كان رجل كبير ومن اسمه كان بادي انه كيعرفها ، فثواني تحول من غريب لشخص سبق لها شافتو ..

كان نفس الراجل لي شافتو فالصباح مع طـام ، طلعت فيه ونزلت قبل ما تنطق بجفاء..

آمـــنة :’ شنو بغيتي ‘.

بتسم لها بطريقة شرانية بالرغم من كبر عمره الا كان بادي عليه الشر والخبث خصوصا عينيه لي كان مكحلهم ..بتسم ببرود كاشف عن اسنانه الصفراء  ناطق بنبرة خبيث ..

الشريـف :’ بغيتك نتي ، غادي نديك معايا ‘.

آمـــنة غوبشت فيه وقبل ما تمكن من انها تنطق استوقفها ملي رفع يدو فوجهها قايس ذقنها بصباعه وهو كينطق بنبرة آمرة ..

الشريف :’ تبعيني الزوينة ‘.

وبدون مجهود ان حتى مقاومة تبعاتو كأنه مسلوبة له ، كان مارس عليه احد خدع السحرة لي كيسلطو نوع من جن كيخليوه يتلبس انسان ويقيده اتباعا لاوامرهم ..

واغلب هاد الخدعة طريقتها بعد الطلاسم لي كتنفد باللمس كيكون هو البواب لي كيدخل منها الجن لبدن انسان ..

زاد بها وسط الدروب كان سابقاه وهي متبعة خطاويها بدون حول ولا قوة لها كانت فقط مسيرة ..غادة للهلاكها ..

داز الوقت وظلام الحال … دخلو الحمام وخرجو الحناش ، كان معترف عند السحرة والمشعوذين ان الوقت مثالي لبدأ طقوسهم هو بعد صلاة العشاء كأنهم كيكونو  متأكدين ان الخير افرغ الساحة للشر  ..

كانت واقفة وسط خربة معزولة في منطقة خالية ، كانت لازالت تحت استحواذ الشريف ..كل ما كان كيتحرك فيها هوما عينيها كانت اقرب ان تتحول لصنم ..

في حين هي كانت مرفوع عليها القلم والعقل كان قدامها طـام لي التحقت بهم من بعد ما عرفت ان خطتهم سرات كما خططو لها ..كانت كتحط. فالشمع على شكل دائرة ..

اما الشريف كان شاد عتروس اسود وسطل الماء ويحاول يخليه يتوضئ ، ممكن يصعب فهم ما كيحاول يدير ولكن عند سحرة والمشعوذين كان  كيتعتبر عندهم عتروس انه حيوان نجس عكس للخروف لي نزلو الله من الجنة ..

الشي لي كيخليوهم يوضؤه بالماء كيف ما كيتوضأ انسان المسلم ، كان هناك تناقض كبير في عللم  السحرة كيخالطو بين الدين والشرك لخلق مزيج فاسد ..

كان  كيشركو  بتقديم القرابين لغير الله وفي نفس الوقت كيحرصو على قرابنهم بكون نظيف كأنه سيقدم للخالق في حين هو كيكون من اجل الشياطين. ..

فـي بلاصة بعيدة كل البعد على ديك الخربة لي كانت فيها امـــنة ، في غابة شجارها كثار وعاليين كانت متكية ناعسة فوق الربيع مغمضة عينيها ويديها كداعب خصل شعرها تا كيتسلل لمسامعها صوت تزمجير وحشي وشيئ يتقل جسدها كأن احدهم فوقها ..

بمجرد ماحلت عيونها كحلية لمحت قدامها دوك أسنان الحادة لي بمثابة خنجر ، وعيون حمراء وفرو كثير ، كان واقف فوقها ذئب اسود ضخم البنية ..

كان قادر يسحقها تحته بكل سهولة ، منظر كان غيكون مرعب لاي انسان عادي يلمح ذئب فوقه كيحاول يفترسه ولكن نـوريـة كانت غير مكثرة ..

بتسمت بخفة وهي مادة يديها لفم الذئب كتداعب فيه بكل رقة وهي كتنطق بنبرة ساخرة :’ مـهراز تقدر تبقى تخايل ان يقدر يجي شي نهار تقت لني ، حيث ما عمرو غادي يكون .. برد على روحك بتخيييل ‘.

نهات كلامها دافعاه من عليها لايحاه على ظهره في الارض وثواني تا كان تصاعد منه دخان اسود وبان من وسطه بشكله البشري ووجه شبيه بالهيكل..

تقعدت باركة كتشوف فيه قبل ما ترفع حاجبها فيه ناطقة بجفاء:’ خاصلك عراضة باش تنطق ؟ اش كاين ؟’.

وقبل ما يتمكن من انه ينطق سبقه صوت رجول خشن مصحوب بخطوات كتقرب لعندهم مخليهم يحول انظارهم تجاه داك الشخص الضخم لي كان كيقرب لعندهم ..

دهــار :’ الفقيه طلب يد الفحلة لزواج ، وطام كسرت بالعهد لي بينكم غادي تعطيها قربان لمول الماء لتكعاد وساد بنتها، آمــان مغاديش يعجبو هدشيي ، طـام كتحسب من جهتك الـعريفـة ..’ 

نهى كلامه وهو زايد جهة مهـراز دافعه من طريقه وواقف قدام نـوريـة  محظور لعندها ماد ليها يديها ..

نـوريـة بتسمت عاضة على شفايفها وهي كتشوف فيه قبل ما تمد يديها لوجهه كتقيس فيه :’ كتعجبني هاد السيفة خليك فيها ديما ‘.

نهات كلامها حاطة يدها فديالو مخلياه مبتسم نازل كيبوس على ظهرها وهو كينطق بخضوع ..

دهـار :’ جاتك الالة .’

قالها وهو رافع نضره فيه كتأملها تا اللحظة لي كيدفع بسبب مـهراز لي رجع له دفعة لي دار له من قليل ، طلق من من يد نـوريـة وتلفت له مخنزر فيها ..

خنزر في بعضياتهم موجدين لمعركة دامية ، دهـار ما كان موالف يزاد خادم اخور معاه لنـوريـة الشي ل خلق بينه وبين مهـراز نوع من الغيرة ، حرفيا كان كيكرهو بعضياتهم كره شديد ..

وقبل ما يشتد الصراع بين مـهراز و دهـار كانت نـوريـة زادت مبعدة من تما وهي كتنطق بتهديد ..

نـوريـة :’ غنلاقي ليكم الريوس بجوج ، عندنا ما يدار وشلا كيسدات خاصهم يتحرقو .’

بمجرد ما نطقت بها بعدو على بعضياتهم تابعينها ، وقفو موراها وهي كتلوح سلهامها على راسها قبل ما تهز صباعها محركهاهم فالهواء وهي كتمتم بطلسم التنقل ..

ثواني تغيرت من ارض لارض لي كانت فيها ديك الخربة ، وقفو قدامها كيشوف فيها تا كتنطق مشيرة لدهـار ومهـراز ..

نـوريـة :’ رصدو كل شبر ، تا حد ما يخرج من هاد الارض لا جن لا انس ولا حتى شياطين ‘.

دهـار ومهـراز ديك الساعة تحركو نصاعو لأوامرها ملتفين حول ديك الخربة كيعزمو عليها مانعين عمارها من انها يقدرو يتفاوتو عليها ، لانه بمجرد ما غادي تقيم الحرب ويبدا الحرق غادي يحاولو يفلثو بجلدهم الشي لي خلاهم يمنعو هدشي يوقع ..

فداخل ديك الخربة كان طام والشريف بداو في تحضير داك الجن لي تسبب في آذى لمنـانـة كان جاهلين تمام انه آمــنة بالفعل قربان ديالو فتحضيره بغية تقديمها له مرة اخرى تعتبر تلاعب به ..

كانت طايحة مغيبة في الارض ومحاطة بشمع على شكل دائرة ، كانو معصميها مجروحين وكينزفو بالدم لي كان كيسيل في الارض ..

اما طام والشريف كانو واقفو كيتسعدو يبداو طقوس تحذير، تسمع اصواتهم لي اختلطت بعضها وهوما كيقراو بعض طلاسم وبين يديها وعاء بالماء وحركو صباعو وسطهم ..

كلامهم كان مخلط بين كلمات غريبة وبعض ايات القرآنية المقلوبة ووحدة منهم كانت :

‘السبعة أحرف حرفان وثلث فأنذرت للإنسان عملا فخد بااسم امه والدم بعروقه قربان لجنود السرب موتا معيب ، اتي به من اجواف الارض ومن بين امواج البحور ، ملكا من ملوك عهده ‘.

بدات كتحرك الارض من تحتهم وامتلئ المكان بحولهم بالمردة والشياطين ، في عالم تحضير وتسخير الجن كان من احد القواعد ان كل ما صاغ ان احد كيحضر ملك او شخص قوي كتجمع الشياطين والجن باكملهم لحضور في حظرة داك الملك كأنها مناسبة خاصة ..

وهذا ما كان وقع طـام والشريف في سبيل تحضير آمــان قدرو يجلبو الالف من الجن والشياطين لي غادي يتسفك دمهم باطلا في طريقهم ..

تخالط الجو برياح سخونة بفعل داك الكم الهائل من خلق النار ، ولي كلهن التفو حول آمــنة كيلعقو دمها لي فالارض بنهم ، دم الزوهري من ديما كان نبيذ خالص لخلق النار كان كيزيد في قوتهم وشبابهم ..

طام والشريف كانو في  مراحيل اخيرة لطقوس ولي فيها غادي يتذكر اسم الجن المطلوب وله موهوب القربان بمجرد ما الشريف نطق بسمية امـــان ..

طـام خرجت من خشوعها مطيحة داك اناء من بين يديها مخليا يتخشخ ، فتلك الاحظة عرفتي ما طاحت فيه داك اسمان كان كيرجع لنفس الملك لي نـوريـة تعطات له قربان وهاكا جراو في هلاكهم برجليهم ..

كسر طام لانائها كان بمثابة كسر الطقوس ، الشريف تلفت لها بنضرات غاضبة ناوي يوبخها انها خسرت كل شي ولكن مساعفوش الوقت ملي تحل عليهم الباب بقوة خارقة وبانت من خلف نـوريـة بلباسها اسود ..

سقطت قلوبهم في الارض ظهور نـوريـة كان مرعب للجن ولطام والشريف لانها كانت بمثابة قباط الرواح في عالمهم ..

الشريف بمجرد ما شاف نـوريـة طاح على ركابه راكع لها محاول يطلب العفو ، ما كانش عارف بتاتا ان لها دخل فهدشي كله لان لو كان على علم لما جازف بحياته ..

ما كانش الوحيد لي ركع انما حتى طـام وكاع الجن والشياطين ركعو لها طالبين منها العفو ، زادت بخطاويها متفاخرة وهي كتدور عينيها تا كتلمح آمـــنة لي فالارض ودمها لي تباح من طرف الشياطين والجن ..

همهمت بخفة وهي كتحرك من وسطهم اللحظة  لي حاولت طام تهدر رفعت صبعها متسكتها ، نـوريـة تلفت ملي سمعت صوت خطاوي خلفها كان مهـراز ودهـار ..

شارت لهم بحواجبها عاطية لهم الامر قبل ما ترجع للخلف وهي مخاطبة بقية الجن والشياطين ..

نـوريـة :’ جيتو لهلاكم برجليكم ، وباسمي انا العريـفة وملوك الجن السبع كنحكم عليهم بالحرق بدون ما يتهدر دمكم عندي او نتبع من طرف اتباعكم .. ولي دار الذنب يستاهل العقوبة ‘.

تعالى صراخ مزعج من طرف والجن والشياطين لي كانو معترضين ، في هاد اثناء كان دهـار وقف قدام طام اما مهـراز  كان قدام الشريف وبدون سابق انذار وبحركة خاطفة طارو ريوسهم من كسدتهم  ..

نحرهم بقوة كانت كافية تقذف برؤسهم وتخليهم يدحجرو في الارض ، لي سرعان ما تبعهم كسداتم لي طاحو غارقين في دمهم ، نـوريـة كانت واقفة تا كتبستم ملي بان لها راس طٰام مدحرج لعندها ..

رفعت رجلها ظاغطة عليه مخلياه يوقف متناولها ، تحذرت هازاه بين يديها كتشوف  في عيونها لي جحضو بفعل حر الموت ، عوجت راسها فيه قبل ما تنطق بنبرة ساخرة ..

نـوريـة:’ شارفة مسطية ، عندك بالك تقدري تلعبي مورا ظهري ، ( تنهدت ) علاش مكتديروش بالكلام لي كيتقال مرة اولى’.

همهمت لايحة راسها من يدها قبل ما ترفع صباعها كتحركو فالهواء مخلية العافية تشعل في المكان بدون ما يتقرب جهة آمــنة ، تعالى صراخ الجن والشياطين لي كانو كيتحرقو ..

صوتهم كان مزعج وكيمخر فالمسامع ولكن بالنسبة لنـوريـة كان بمثابة طرب مستمتعة به ، بدات كتدور حول راسها كأنها كتشطح مخلية شعرها يتراقص على تحرك كسدتها ..

دهـار كان واقف كيشوف فيها وابتسامة اعجاب مزينة تغره ، حرفيا كان مؤخوذ بها ولكن سرعان ما خدشي تبخر ملي لمح نضرات مهـراز لهّ وإبتسامته الساخرة ..

الشي لي خلاه يخنزر فيه شايح بنضره محولهم لدوك شياطين لي كتحرقو امام ناظرهم ، العافية كلات كلشيي من غير آمــنة لي بالرغم انها كانت وسطهم الا انها ما تقاستش بتاتا ..

وفهاد اثناء وبلحظة خاطفة تحركت بهم الارض قبل ما يطيح احد حيوط رايب كليا  مخلي عجاج التراب يعبق بالجو ، تما عرفت نـوريـة لي وقفت على الرقص ان اخر مدعوين وصل ..

من وسط داك الركام بانت كسدته الضخمة وهو داخل عندهم ، ما كانش حضر بسبب طقوس لي دارو انما بسبب الخبار لي وصلاتو ان دم قربان تباح للشياطين والجن ..

آمــان ما شافش حوله نهائيا نضره كان على نـوريـة قاصدها ، ومن نضرته كان بادي انها غادي يأذيها الشي لي خلا دهـار مهـراز يتعرضو ليه محاولين يمنعوه يقرب لها ..

ولكن في حرجة خاطفة ضربهم مطيرهم مخليهم يتقذفو خارج ديك الخربة ، نـوريـة وقفت كتشوف فيه بحاجب مرفوع وهي كتشوف جاي قاصدها ..

وبمجرد ما وقف قدامه ومد يده يخنقها وقفاته ملي نطقت بتهديد :’ تمس طرف مني غادي ندي لك روحها ‘.

نهات كلامها مشيرة لناحية آمـٰنة لي كان فوق راسها مارد مستعد يقتـ لها ، آمــان همهم لها منزل يدو قبل ما يبتسم فوجهها وهو كينطق ..:’ جربي باش ، نلوح لك راسه ونكسر لك كل ما كتحاولي تبنيه ، باغا تعودي ما دارت مك ابنت ابليس ‘.

بمجرد ما نطق بها خلاها ملفتة حولها كتحاول تقلب على ما قصد بكلامه تا كيبان لها سـليـمان داخل بوجه ممسوح وعيون محمر وخلفه عفريت ضخم طابق على عنقه بمخالبه ..

احتقن الدم في وجهها وقبل ما تستوعب كان آمــان نطق بتهديد :’ العين بالعين والسن بالسن ، وما تبذر بدمها غادي يعوضو دمو ‘.

بمجرد ما قالها تا تعالى صراخها ملي شافت داك العفريت نحر سلـيمان مخليه طايح جثة هامدة غارقة فدمو ..

فما كان لدهــار غير انه ينصاع ليها مرجع لها نضرها وناض مبعد من عليها غادي جهة سليـمان هو مهـزار هازينو اختفاو من تما ، نـوريـة بقات باركة ونضرها على دم سليـمان لي معلم في الارض ..

متناسية وجود آمــان لي سرعان ما تحرك خرج بها فوق كتفو من وسط العافية لي كلات كلشي من حولهم، كل خطوة خطاها كانت كتعلم بدمها لي كيقطر من يديها .. 

وقف كيشوف فيها بنضرات غاضبة قبل ما ينطق  بنبرة كترعب ..

آمــان:’ ترجع تقاس شعرة منها غادي نردمك تحت الارض تا ابليس براسه مغاديش يقدر يخرجك ‘.

هزت راسها فيه كترمقو بنضرات غاضبة لي سوعان ما تبخرت وعوض مكانها الخبث والسخرية ، قهقهت على كلامه نايضة واقفة كتسوس فحوايجها ..

خللت صباعها كتلعب بخصل شعرها قبل ما تعطيه بالظهر خارجة من تما وهي كتنطق بسخرية ..

‘ طاح اللبان فالقنديل وبخوره سلب ملك اللجان لانسية ،نار الهوى رداته مارد بالطوع لها مسلوب  ، قلتها لك امول الماء هنتا غادي تحرق فقنديلها ، ودم مملوكي لي سال هنا غاد تجيبك ليا السويفة ونحرقك به امول ..وديرها فالعريفة وترجاها  ‘.

زادت بخطاويها تا غبرت من تما مخلية آمـــان مامهتمش بكلامها قد ما كان قلق على آمــنة شبه ميتة فوق كتفه ، فتح بوابته باش يقدر يخرج بها من تما ويديها يداويها ..

ونفس الشي للنـوريـة لي مجرد ما خرجت من ديك خربة لي خلاتها موراها كتاكل النيران تبعت طريق مهـراز ودهــار لي كان داو سليـمان لمكانهم ..

وكيف العادة كانت بلاصة خلوية وسط احدى غابات ، دخلت من بين الشجر  شاقة طريقها وهي كتمتم مع نفسها بكلمات غير مفهومة ولكن كان بادي عليها الغضب ..

ما وقع اليوم كان شيء لا يمكن سكوت عنه ، كلشي تهربق وداخل مع بعضه ما كانت باغا شيً حد من عالم اخر علاقتها بسلـيمان او حتى رغبتها به لان هاكا غادي يمسى نقطة ضعف لها ..

والكثير من اعدائها غادي يحاولو يوصلو لها من خلاله الشي لي خلاها تبدا تفكر كيفاش تسرع فتخطيط ما يمكنها توصل لمبتغاها ..

حبسو خطواتهر وصلت جهة واحد الكوخ صغير كان جاي مدفون بين الشجر كأنه متخفي ، بمجرد ما وقفت الباب تا كان تحل وبانو من موراه مهـراز ودهـار لي ما شافتش فيهم نهائيا حدها دخلت من وسطههم وسدت الباب خلفها فوجههم ..

دهــار تنهد بضيق وهو زايد بخطاويه كان عارف ان ما وقع غادي يخليها تدخل في سبات طويل ، وقف كضرب برجلها جدا شجرة تا كيحس بوجود مهـراز جنبه لي سرعان ما نطق بتساؤل ..

مهـراز :’ قبيلة ، مخفتيش تقتـلك  ، كيف كتدير تقدر تيق بها .. من زمان كنت كنسمع انها غدارة ، وكتغدر بخدامها كيف غدرت بباها’.

دهــار تلفت مغوبش فسه بغضب قبل ما ينطق بسخط :’ تخربيق ، هي عمرها غدرت بشي حد ، وانا راه سنين وانا معاه لوكان هدشي بصح مكنتش غادي نكون قدام ..وزايدون ماشي هي لي غدرت بباها .’

مهـراز وسع عينيه فيها :’ كيفاش ، ولكن كلشي كيقول هي لي غدرات بالفقيه و نحراتو  مقيتة صلاة الفجر ‘.

دهـار بتسم بسخرية :’  نتوما الجن مكلخين وكتيقو اي حاجة، ساهل الواحد يكذب عليكم ‘.

مهـراز هز حاجبو فيه :’ نتا مخرج راسك من وسطنا ، ولا العيشة خادم مع انسية خلاتك تصحب راسك انسي ‘.

شعلت الجمرة فعيونها وملي لمحت سلـيمـان طاح كينزف مغرق الارض تحته ما كانتش عرفة اش وصلو لهنا ، بدات كتزفر النفس بغضب رافعة يديها فوجهه آمـان محاولة تشن الحرب عليه..

وقبل ما تمكن ترجع له الدقة لي عطاها فمحبوبها ، كانت حست بشي حد عنقها من الخلف شاد لها فيها يديها كأنه كيحاول يمنعها من انها تدير ما يرجع ليها بالندامة ..

تنترت وسط قبضة داك الجسد الضخم وهي كتحاول تفك راسها صرخت بسخط …

نــوريــة :’ طلق مني ، طلق نوريه عرفي شحال مرير’.

نهات كلامها وهي كتقاوم تال اللحظة لي سكنت عن الحركة وهي كتنفس باضطراب ملي بيضت عينيها كليا وتبخر داك اللون اسود كأنها عميت ..

كززت على سنانها ناطقة بتهديد :’ رجع ليا شوفي ولا غادي نكلع راسك على كسدتك ادهــار ‘.

دهــار زير عليها فحضنه وهو كيهمس لها فوذنها :’ غنرجعو لك ، ولكن متديريش لي يخسرك كلشي  ، مغاديش نخليك تمشي فموتك برجليك ‘.

زمجرت بخشونة قبل ما تحرك يديها بتعويذة مخلية دهــار لي حاضنها يرفع راسه للفوق وهو كيصرخ ، كان خدامها فيسهل عليها تحركو باصابعها كيف بغات ..

تكسر عظامه او تكلع رأسه او حتى تذيقه الالم والعذاب ، بالرغم من الالم لي انفجر داخله الا انه مقدرش يفك قيدها من بين قبضته ، ما كانش باغي لها آذى بأي شكل من اشكال الشي لي خلاه انه يصبر للالم ..ومايتسلمش ..

تعالى صوت دهــار متألم الشي لي خلا مهـراز لي كان طار عند سليـمان ملفت ليه كيشوفو كيفاش معانق نـوريـة مانعها تدخل في صراع مع آمــان ..

لي بدوره تا هو ما تسوقش بتاتا لما جاري حدو زاد لعند آمـــنة كيفك قيدها رافعها بيديه فوق كتفو وهي لازالت مغيبة ..  

نــوريـة كانت مكملة فتعذيب دهــار لي كان لازال مصر يقيدها ، كززت سنانها بلي بدات كتحس به نازل بها لارض كان كينهار ولكن مع ذالك مقبلش يطلقها ..

مـهـراز ناض غادي جيتهم يحاول يصلح ما واقع مستخدم الورقة لي كان عارفة انها رابحة ولي تقدر  تخلي نـوريـة تحبس على ما كتدير ..

وقف قدامهم كيشوف فيهم كيفاش بركو للارض ملاصقين ، تحذر بجزئه السفلي جهة نـوريـة وهو كيهمس لها ..

مهـزاز :’ باقي حي جرحه جنابي ، الا باغا تعتقيه خاصنا نمشيو من هنا ..والا روحه غادي تغادر كسدته ‘.

اللحظة لي نطق بها كانت نفسها فين دهـار سكت عن صراخ ملي تبرخ الالم بسبب نـوريـة لي فكت قيده ، زفر النفس وهو باقي حاظنها حاط راسه على كتفها تا كيحس بها نغزاتو بكوع يديها ناطقة بآمر ..

نـوريـة :’ رجع ليا شوفي ونوض هزوه لمكانا ، يلاه ‘.

صرخت بكلمتها أخيرة عاطية أمر لي مراقش لدهـار خوفا منها تحاول تخوض حرب مع آمــان ولكن بمجرد ما رفع راسه فمهـراز شير له بعينيه انه ينصاع لها ..

دهــار قلب عينيه بتفاخر ناطق بثقة :’ لا ولكن على اقل تعلمت منها شوية ذكاء والفهامة ، ماشي بحالكم ..’.

مـهراز غوبش فيه تا بغا ينهض فيه وهو يتراجع ناطق بهدوء :’ خلينا من هدشي ، قول الا ماشي هي لي قتلت  الفقيه شكون قتلو  ؟!.’

دهـار بقا كيشوف فيه شحال كأنه كيفكر واش يقول له او يسكت ، كان عارفة حساسية واهمية الموضوع لنـوريـة الي اذا تجذبت قدامها الهدرة على هاد الموضوع بالغلط غادي تفقد صوابها وتصفيها لهم بجوج .

سهى بتفكيرو تا كيحس بمهـراز دفعه مخرجو من سهو وهو كينطق :’ وطلقنا خلاص ، عام باش تنطق ‘.

دهـار تلافت حوله قبل ما يقرب جهته وهو كينطق بهمس :’ ماشي هي لي قتلاتو  ، مها .. ( خفض صوته كثر ) زيـتونـة ‘.

مهـراز وسع عينيه فيه بصدمة :’ زيـتونـة ؟! واش زيـتونـة لي كنعرفوها كاملين ؟ هي مها ؟؟’.

دهـار حرك له راسه بموافقة قبل ما ينطق مرة اخرى :’ هي هذيك ، وعلاش كتظن انها تسمات بنت ابليس ‘.

مهـراز:’ كنت عارف وكلشي كان عارف انها من نسله ولكن ما كانش معروف شكون مها ، كنت كنظن تكون بنت لاقـيس وما جاتنيش على بال تكون بنت زيـتونـة’.

دهــار قهقه باستمتاع :’ قلت لك راكم مكلخين ، لاقـيس راها كتعشق النسا كيفاش غادي تولد من انسي ، الفهيم ‘.

وبالفعل كان عند دهـار الصح لان ‘ لاقـيس’ كانت احدى بنات إبليس التي علّمت نساء قوم لوط السحاق بعد أن اشتغل الرجال بالرجال منهم، وما زالت وظيفتها إلى الآن إضلالهن بالسحاق…

آما ‘ زيـتونـة ‘ كانت كذالك بنت إبليس وهي كائن شيطاني، تعرف بأنها ملكة أليفة مع الأشخاص الذين ينفذون لها أوامرها، ولكن ما أن يرفض احد طلباتها حتى تتحول إلى شخصية أخرى، فيظهر بطشها وجبروتها، وذلك لكونها تلك الملكة القوية التي لا يرفض لها طلب.

كان لإبليس العديد من اطفال اناث وذكور وكل واحد فيهم لديه وظيفة معينة لوسوست البشر واخراجهم عن دينهم كما واعد ابليس خالقه بقوله في سورة ( ص )..

              ‘ قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82) ‘.

بالفعل سخر حياته لاغوائي الانس وتحدي خالقه ، كما ان العديد يجهلو ان لإبليس ذرية الا ان الله عز وجل ذكر في سورة ( الكهف ) عند قوله تعالى..

‘  أفتتخذونه وذريته أولياء من دوني وهم لكم عدو بئس للظالمين بدلا ‘ .

ولكن هل كان ذلك عن طريق زوجة أو عن طريق البيض، كل قيل به وليس فيه نص صريح، وقد احتج من قال أنه يبيض بقول رسول الله صلى الله عليه وسلم..

‘لاتكن أول من يدخل السوق ولا آخر من يخرج منها ، فيها باض الشيطان وفرخ ‘.

كما ان اختلف العلماء فمنهم من قال إن الله تعالى خلق له في فخده اليمنى ذكرا، وفي اليسرى فرجا ، فهو ينكح هذا بهذا فيخرج له كل يوم عشر بيضات، يخرج من كل بيضة سبعون شيطانا وشيطانة ..والله اعلم .

في حين مهـراز كان كيحاول يستوعب ان نـوريـة حفيدة عزازيل ( إبليس ) من ابنته ، كانت هي داخل الكوخ راكعة على ركابها ناحية سلـيمان لي كان غائب عن الوعي ..

كانت كتحاول تخيط جرحه باكثر طرق تقليدية وهي باستعمال  حشرة النمل الضخم ، وهاد طريقة كانت شائعة في قرون اولى في الطب والعلاج ..

كانو يخيطون الجروح بالنمل الكبير بجعله يعض مكان الجرح ثم يفصلون راس النمل عن الجسد ليبقى الرأس ماسكا الجرح ويلتئم بسرعة ويشفى ..

وهذا ما كانت كتدير نـوريـة وكانت كل ما حطت نملة كانت كتمتم بكلام غير مفهوم الا ان كملت جرحه بالكامل ، بقات باركة عند راسه كتشوف فيه بعيون حزينة ..

ما كانتش عارفة سبب حزنها وش سبب رؤيته بهاد الحالة او فكرة انها كانت غادي تضيع اخر فرصة لها للوصول لانتقامها ..

بقات على وضعها جنبو الا ان التصقت جفونها ببعضها البعض وتخللهم النوم ولكن سرعان ما فتحتهم ملي حست بالحركة حولها وبمجرد ما فتحتهم ولمحت داك الجسد الواقفة امامها وسعت عينيها بفجعة والرعب ..

بلعت ريقها قبل ما تحرك شفايفها ناطقة بنبرة مهزوزة :’ مـا ..مـ ..( بلعت ريقها ) زيـتونـة ؟’.

سرات الرجفة في كامل بدنها ملي لمحتها راجعة واقفة قدمها بعد هاد السنين كلها ، ارتجف حلقها وهي كتبلع الريق محركة نضرها على كامل ملامحها ..

كانت باقا بنفس السيفة لي كتسم بالشر والخبث ، ولكن هدشي ما كانش كافي انها تنفي كمية الجمال لي كانت فيها ..كانت امراة جميلة او بأحرى السيفة لي كتسف بيها ..

شعر اسود كحيل شبيه بشعرها ، وعيون وسيعة وتقاسيم وجه حادة ،كان بادي عليها القوة والجبروت من وقفتها .. نـوريـة ما كانتش متيقة واش هي بالفعل قدامها او خدعة من احد شياطين ..

ما كانش مفهوم علاش ظهرت امامها بهاد السهولة في حين هي عمرها كله وهي كتحاول تستحضرها وكانت كتفشل فشل ذريع ..

تمالكت نفسها جامعة شتات نفسها وهي نايضة واقفة مواجهها ناطقة بجفاء ..

نـوريـة :’ اش جابك لمكاني ازيتـونـة ‘.

ازيتـونـة بتسمت بخفة وهي كتزيد بخطاويها مقربة وهي كتنطق بنبرة صوت خافتة :’ جيت نشوف بنتي خليفتي وما كتفعل فالارض ، مكاينش ترحيب بمك ؟ ( كشرت ) ولا خرجتي بحال بوك ما تعرفي لصواب طريق ‘.

نـوريـة مجرد ما سمعو سيرة باها شعلة جمرة فعيونها ولكن مع ذالك ردت على كلام مها بابتسامة باردة ناطقة ببرود ..:’ راك قلتيها خليفتك ، عليها كنعرفو كيما كتعرفيه نتي ، ( غوبشت ) خرجي من روندتك وقولي اش بغيتي ‘.

 ما عطاتها جواب حداها زادت زايدة من حداها ضاربة كتفها بديال نـوريـة وهي دايرة جهة سليـمان لي كان ناعس فالارض ..وقفت عند راسه كتشوف فيه قبل ما تحول نضرها لنـوريـة وهي كتنطق بنبرة تهديد ..

زيتـونـة :’ عندك بالك الا راه هزيتي كرش من انسي تائب ، غادي تقدري توصلي لمقامي وتاخدي بثأر باك العبد الضعيف ؟.’

نهات كلامها مقهقة بصخب مخلية صوتها يمخر بالمسامع كرصاص ساخن ، نـوريـة ما دارت تا حركة بقات كتشوف فيه بملامح ممسوحة ولكن سرعان ما زينت تغرها ابتسامة متحدية وهي كتنطق بثقة ..

نـوريـة :’ اه غادي نقدر ، ونتي عارفة ما غادي يتزادني الا ولدت منه  ، ما تزادك نتي ملي ولدتي من با ..عليها نتي هنا حيث خايفة نوصل لمقامك ونجبدً قلبك بيدي كيف ما درتي له  .’

زيتـونـة تنهدت بضيق قبل ما تقرب جهة نـوريـة شادة لها فيدها وهي كتنطق بنبرة مصطنعة :’ مقتلتوش حيث بغيت ، كنت كنبغيه ..ولكن كنت كنبغي عالمي واهلي كثر ..وهو كان باغي ياخدك سلا ح ضدي .. شنو كنت نقدر ندير وانا كنشوفو كيخرجك على ملتي ويدخلك ملة دينو واسلامو ..كنتي الموس لي بدا يمضي فيه باش ينحر ني ‘.

نـوريـة غوبشت فيها ضاغطة على يدها لي متمسكة فيها وهي كتنطق بسخط :’ هو عمره ما كان ناوي يغدرك ، نتي لي غدرتيه وكنتي باغا تغدريني تانا كون ما وسم لي وسمني كون قتـ لتني معاه ‘.

زيتـونـة قلبت عينيها بسخرية وهي كتنطق باامتعاض :’ تا حد ما قال ليه يخوي بالطوع ويتوب على ما كان كيدير ، كان ضروي ناخد حقي منه ، واه كنت غادي نقتـ لك حيث كنت عارفاك عوجة مغاديش تخرجي ليا ..كون كنتي بحالي كون واهلي كوراك وصلتي فين انا دابا  ، ياك على ود هدشي وليتي عريفة ‘.

نـوريـة غوبشت فيها مكرزة سنانها ناطقة بغيض :’ معنديش غراض بالعرف وبهدشي ديالك قد ما عندي غراض بدمي مهدور عندك ابنت ابليس ‘.

قالت كلامها وهي مدورة يديها ثانية خلف ظهرها جابدة من حزامها خنجر صفر اللون بدون ما ترد لها زيـتونـة البال ..ولي سرعان ما جرتها محاول تطعنها بخنجر النحاس لي في قبضتها ..

ولكن زيـتونـة كانت مدركة لما كيوقع الشي لي خلاها تشد ليها يديها لي فيها الخنجر مانعاه يوصلها قبل ما تقلبو  جهة نـوريـة طعناها به مخلية شهقاتها تهرب من وسط جوفها ..

جحضو عيونها لي كتساهم الدم ، كانت كتسنى الالم ينفجر داخلها ودمها يسيل ولكن ما كانت كتحس بتا حاجة من غير الجسد الصخر لي كان قدامها ..

رفعت عينيها كيشوف فدوك الكتاف العراض وداك الشخص لي كان لها ذرع حامي ، ثواني قليل تا استوعبت انه دهـار لي رمى نفسه بينها وبين زيتـونـة واخدة الطعن في مكانها ..

وسعت عينيها مادة يديها لظهره كتحرك فيه وسرعان ما نهار بين يديه طايح هو وياه لارض والخنجر النحاس مغروس فقلبه ، زيتـونـة رجعت بخطاويها للخلف وهي كتشوف فداك المارد لي خدا الطعن في بلاصتها ..

كانت عارفة ان مبقاش فصالحها تزيد تبقى تما ، الشي لي خلاه تهز يديها ناطقة بتهديد ..

زيتـونـة :’ في طريقك غير الموت ابنت موسى ، وانا نزلت لك لعنة الخلوة ما تلمي على انسي ولا على جني ولا قاسك طرفك واحد منهم يسرا السم فعروقك وتسحب روحه نفس بنفس .’

نهات كلامه ضاربة بجلال لباسها مغطية به قبل ما تبخر فالهواء مخلية نـوريـة بـقلب جريح وعيون تنزف ،  حركت نضرها كتقلب عليها تاخد بآثر خدامها ولكن لقات غير الريح ..

نزلت عينيها لدهـار ملي حست بملمس يدو على خدها ناطق بصعوبة وهو كيلفض انفاسه ..

دهــار :’ تعيش الالة ، متخليهاش تلوي ذراعك نتي قوا منها قوا منهم كاملين ، كنت سعيد بالخدمة تحت يدك الالة ، موتي بين يدك حياة الالة ‘.

نزلو دموعها قاطرين فوق وجهه وهي كتحرك راسها برفض وييديها على لحيته ناطقة ببكاء ..

نـوريـة :’ واخا كنتي كتفقصني ولسانك طويل ولكن عشرتك كانت زوينة ادهـار زوينة بزافف ‘.

نهات كلامها وهي كتشهق بعنف ملي شافتو لفظ انفاسه اخيرة مغمض عينيه وابتسامة مزينة تغره كأنه راضي على نهايته دار بقسمو وطوعه ناحيتها لي ما تفك الا بموته وهو كيحميها ..

بدات كسدته كتفتت بين يديه نـوريـة وكيتطاير منها فتات كأنها ورقة تحترق الى ان تبخرت كليا كأنه لم يمكن يوما بين يديها ، مخلي موراه داك الخنجر ديال نحاس لي كان بالمفترض يكون فقلبها هي  ..

نحاس كان مادة تهلك الجن والشيطان وهي نفسها الذي كان يستخدم النبي ‘ سليـمان ‘ رضي الله عنه في تقيد الجن والشياطين واهلاكهم ..

اما بخصوص ان دهـار الجن ولكنه قتل  كأنه انسان والسبب كيرجع ان الجن اذا تسيفو على شكل حيوان او انسان فضربة قوية ممكن تقتلهم  كأنهم بالفعل بشر او حيوان ..

خنقتها العبرة والالم لي كان كيمخر في قلبها وهي كتشوف داك الخنجر المتبقي بين يديها قبل ما تدوي بصرخة كانت كافية تهز الارض من تحتها وتعصف بالجو فوقها ..

عصف ريح قوي محرك خصل شعرها والعيون الدموية لي كانت كتبين حمم قلبها وهي كتصرخ بديك الطريقة يديها مزيرين على داك الخنجز لي حفر كف يدها مسيل دمها ..

صرخاتها كانت كتدوي وسط الغابة بمثال ناقوس الخطر ، مهـراز كان واقف فالباب كيشوف فيها ما كانش قادر ينكر انه تألم لفقدان دهـار لي برغم ما كانش على وفاق معاه ولكن ما كانش باغي ليه نهاية هاكا ..

فـي حيـن نـوريـة تمكن منها قهر الفقدان ، في جهة آخرى كان آمــان متمكن منه سم العشق ..

كان واقف على راسك ديك الانسية عجوز لي كانت كتداوي يدين آمــنة لي باقا غائبة عن الوعي ، لاوات ليها شي عشوب حول معصميها وربطاتهم بالشاش وهي كتنطق موجهة هدرتها لآمــان ..

دمـليجـة:’ تقدر ترجع لمكانك امولاي ، انا غادي نبقى مع هاد العزبة هنا تا وكان تفيق وتولي مزيان ‘.

آمــان همهم لها بموافقة قبل ما ينطق بنبرة متسلطة :’ غنبقى تا تفيق ، خاصني نشوف كيراها ويهنى البال عاد نقدر نرجع بحالي ‘.

دمـليجـة  ما عودتتش دوات ديك الساعة حملت راسها نايضة باش تخرج من تما وهي كتنطق بهدوء:’ لي تشوفه امولاي ..انا غنكون خلوتي ..ملي تخرج جر معاك الباب ‘.

قالت كلمتها وهي خارجة من الباب واللحظة لي غادي تفاوت رجلها من العتبة تلفتت كتشوف فيه كيفاش قرب بارك عند راسها كيدوز صباعه بنت خصلها وعيونه البحرية كتلمع ..

ما سبقش لها شافتو ملهم بشي انسية هاكا ، وهو لي كان معروف عليه ااساس الصحيح ما تهز ما يطيح ، اش وقع تا تربط بها العزبة ..واش هو دمها ولا شي حاجة كبر ..

ما كانتش قادرة تغاظى على ما وقع الشي لي خلاه تنطق بنبرة خافتة :’ ماشي عوايدك هادو امولاي ، تطلع من قاعك على غير بيني جنسك ، اش لك عند هاد العزبة ؟’.

آمــان هز راسه فيه كيشوف فيها بملامح ممسوحة قبل ما ينطق بنبرة متعضة:’ اش غادي يكون ليا عند انسية ا دمـليجـة ، ( تلفت لآمــنة ) اش غادي يكون ليا عندها ‘.

قال كلمته اخبر كأنه مسول نفسه هاد السؤال  وهو داير بنضره لعندها كيتأمل ملامحها نائمة كانت كتشده لها كأنها تعويذة ما خاصة بالمحبة كتربطو فيها قسرا ، سهى فالنظر لها تا كيغوبش ملي سمع كلام دمـليجـة لي رجعت نطقت من جديد وهي كتقرب ناحيته ..

دمـليجـة :’ معرفتش امولاي ، حالك جاني غريب ..بحالا نسيتي مقامك واهل بيتك وشعبك ولالة مرجـانـة لي مغاديش يعجبها هدشي لا ساقت خبارو ‘.

بمجرد ما جبدت داك اسم كان آمــان لفت لها كيمرمقها بنضرات قاسية وهو ناطق بتهديد ..

آمــان :’ لا ساقت خبارو حسبي راسك طار من بلاصتو ‘.

دمـليجـة بتسمت له بهدوء وهي كتنطق بخضوع :’ حاشا امولاي ، بقطيع لساني لا خرج من فمي كلمة ورا ظهرك ، انا غير خديمتك وواجبي نفكرك اسيدي ‘.

نهات كلامي حاضر راسها مخليا كيشوف فيها تا كيلمحها مدة يديها لكف آمــنة هازاه بين يديها كتدوز صبعها على داك الخط وحيد لي قاسم كفيها نصفين ..

دمـليجـة :’ هاد العزبة امولاي ، طريقها عامر شوك ..ودما ما معروف ..ونسل مخلط ..عاد محال تكمل ..نهايتها مكتوب من مهدها ..ولا تربطتي بها غادي تجرك معاه للجرف ..خود منها ما بغيتي وطلق سراحها .’ 

آمــان كان كيسمع لكلامه وعينيه على آمــنة كان كيسول راسه واش تستاهل يخوض الحرب على ودها ، كل ما طرح هاد سؤال كان كيدوز قدام نضره دوك اللقطات ديال اول لقاء ..

لقاء لي كان خفيف ولكن تأثيره كبير ، تما فين تدقت له الشوكة وتغير كل شيء .. ما كانش خاصو بزاف تا يزيد يغرق فيها ، شوفة وحدة كانت كافية ووافية ..

من بعد داك الكلام لي سمع من دمـليجـة تغير حاله ، وذاقت به الدنيا ما عرف يزيد بخطاويه ولا يترجع ..

تحسس كف يدها قبل ما يدور على معصمها فوق داك ضماد  كورميط مدلي منها حبات لؤلؤ كتلمع من بياضها الناصح ..اللؤلؤ لي قطف بيده لها من أرضو  ..

بقا كيشوف كيفاش لائم جلدها قبل ما ينوض خارج من تما مخليها موراها ، فات باب ديك الدار لي كان قدام البحر كأنه تعمد يخليها قريبة ليه ..

يشوفها ليل ونهار وفي اي ثانية ، وتا وهو في مكانه وتحت الماء غيقدر يشم ريحتها كأنها معاه بجنبو ، شق طريقة وسط الرمال مخلي عقلو عند ديك انسية فكف يديها ..

لولهة بدا كيفكر الا ديك العريفة جابت له هاد القربان تهلكة ليه قربان مسموم قادر يهدم ساسو ويريب جبالو ، دخل بين المواج قبل ما يغطس متخفي تحت الماء راجع لمكانو ..

فديك اللحظة بالضبط كانت آمــنة فطريقها لاستيقاظ ، تحركت فوق داك الفراش وهي كتطرف بعينيها رافع جسدها وهي كتأوه بالم .. طلعت يديها كتمسد فجبهتها حتى كتوسع عينيها ملي لمحت دوك الضمادات لي على معصميها ..

بدات كتقلب فيهم وهي مخلوعة كتهدر مع راسها :’ ويلي شنو هدشي ، اش وقع ليا وفين أنا ‘.

قالت كلمتها اخيرة نايضة كتدور فداك الشونبر البسيط ، مشات لجرشم كتطل فين هي تا كتلمح البحر ومواجو لي كانو كتراضخو لسبب ما شعرت ان آمــان لي جابها هنا ..

الشي لي خلاه تناسى ما واقع ليها وتخرج من تما منادية عليه بصوت مرتافع ..

آمـــنـة :’ آمـــان فينك .. فين نتا .. آمـــان ‘.

وقفت فقلب الدار كتدور راسها يمين وشمال تا اللحظة لي كتقفز شاهقة ملي سمعت صوت نسوى على غفلة ..

دمـليجـة :’ قصري صوتك المكان ليه ماليه ‘.

آمــنة تلافت حولها كتقلب على مصدر الصوت تا كتلمح مرا كبير فالعمر مبشوشة الملامح ولكن هدشي ما شفعش لها عند آمــنة لي عقدت حواجبها فيها وهي كتنطق بصوت مرتافع ضد فيها ..

آمــنة :’ شكون نتي لي تقولي ليا نقصر صوتي ، ندوي كيف بغيت .. فين آمــان .. سيري كلميه ‘.

دمـليجـة شافت فيه بطرف عينيها قبل ما تزيد وتخطاها بدون ما تعطيها ود دخلت لحد بيوت شادة عليها الباب مخلية آمــنة كتخنزو فيها ..

آمــنة :’ هاد الشارفة هادي تفو ، معرت لاش خلاني هنا .. كون غير بقا تا شفتو ..’.

لاوات شفايفها بامتعاض وهي محركة يديها بتدمر تا كتسمع تخرشيش وشيء ما كيرن قريب منها كأنها صوت اسوارة .. هزت يديها كتشوف فيهم وهوما يلمعو عيونها ملي شافت ما مزين معصمها ..

شهقت بتفاجئ وهي كتقلب فيها ناطقة بعدم تصديق :’ هو لي جابها ليا هو ‘.

ما حساتش براسها تا خرجت من تما كتجري مخاولة تقلب عليه .. ما وقفت تال قدام البحر زفرت النفس بخشونة من فعل الجري وبرودة الجو ..

آمــنة ( بصراخ ) :’ آمــان .. آمــان ‘.

ما كانتش متأكدة اذا غادي تلقاه ولالا ولكن كل ما كان فبالها مدام لقائهم لول كان هنا اذا ممكن يكون مرة اخرى ..

تحركو خصل شعرها بفعل الريح الكثير ، تنهدت بضيق ملي ملقاتش اشارة او حتى بصيص امل ..البحر كان هادئ وما فيه تا حركة ، تنهدت بخيبة آمل دايرة باش ترجع لديك الدار تا كتوقف في ارضها ملي سمعت صوت رجولي خلفها لي كنت كتعرفه مزيان ..

آمـــان :’ غادي تمشي بلما تشوفيني ؟ ‘.

تلفتت له بملامح منفرجة كتشوفو كيفاش واقف عريان من الفوق وكله  كيقطر بالماء ، ضحكت بصخب قبل ما تمشي واقفة قدامه كتشوف فيه في حين هو كل ما دار جرها من خصرها لعندو حاط جبهته على ديالها زافر النفس سخونة ضد بشرتها وثواني تا تهبط بها دافعها تنعس فوق الرملة طالع فوقها محاوطها بضخامته ..

سرات الرجفة في ذاتها من قربه لها ، طرفت بعويناتها الكبار وهي خاشية راسها وسط وكتافها ناطقة بنبرة خافتة ..

آمــنة :’ اش باغي تدير ؟!’.

لاحت السؤال فوجهه مترقبة جواب لي غادي يتبث لها اذا ما دماغه هو لي غادي يوقع او العكس تماما ، آمــان كان صافن فيها وفي ملامحها المرسومة ولكن اللحظة لي نطقت فيها تحولت انضاره على شفايفها ..

تخشع فيهم للثواني من الرمان لي دازت ثقيلة خلات آمــنة تسمع دقات فقلبها فوذنيها من حساسية الموقف، ظنت انه مغاديش يجاوبها على سؤال ولكن سرعان ما خالف توقعها ملي نطق بنبرة هادئة ..

آمــان :’ والو ، ما غندير والو غير كنشوف فيك .. نتي زوينة بزاف ‘.

بالرغم ان كلامه كان لطيف نوعا ما الا انه اغضب آمــنة نوعا ما لي نطقت باندفاع وهي مغوبشة فيه ..

آمــنة :’ خاصها تكون دماغ وتستغل هاد الموقف كيف كاع الرجال كيديرو ‘.

آمــان عوج راسه فيه كيطرف برموشه وهي كينطق بتساؤل:’ وشنو كيديرو الرجال فهاد الموقف ‘.

دورت عينيها فراسها مصطنعة عندم المعرفة هازة كتافها بحيرة وهي كتنطق بخفوت :’ وما نعرف ، ما سبقش ليا كنت راجل ، راك نتا لي خاصك تعرف حيث راجل ‘.

آمــان دور مقليتيه بتفكير وهو كيحاول يفهم كلامها ولكن في اخير قرر يتجاهل كل شيء ويرجع يركز فشفايفها لي بدا كيقرب براسو ناحيتهم وقبل ما يتمكن يلامسهم قفزتتو آمـــنة ملي نطقت على غفلة ..

آمـــنة:’ عرفتي دابا شنو كيدار ‘.

حرك لها راسه برفض قبل ما ينطق بهدوء:’ غندير غير داكشي لي كنعرف انا وهو هذا ‘.

طرفت برموشها بحركة ثقيلة ملي لمحاتو كيقرب بوجهه انه يبوسها ، غمضت عيونها مستسلمة ليه ومدورة يديها على خصره منتظرة ملمس شفايفه على ديالها ..

حست بالحرارة قرب وجهها لي سرعان ما تحولت لبرودة ولي كانت موراها حست بملمس شفايفه وهو ما كيداعبو ديالها ، احساس كان كافي يخلي قلبها ينبض بجنون ولكن شبيه بالحلم احساسها ما كانش كلي كأن هناك شيء غريب ..

ترفعت تحت استحواذه وغاب عقلها تأثيره عليها كان قوي ولكن بإرادته ، آمــان كان كل ما كيدخل معاها في علاقة كيلقى عليها تعويذة تخليها مستسلمة لها ونوعا غائبة عن الوعي ..

وسبب كيرجع انه  باش يقدر يقيسها وتحس به خاصو يستخدم قوته ولي ممكن في لحظة يفقد السيطرة عليها ويظهر شكله الحقيقي لي اكيد مغاديش يروق لها بتاتا وغادي يفزعها .

ما كانتش عارفة شحال ديال الوقت داز وهوما فديك الوضعية ، ولكن سرعان ما شهقت موسعة عينيها راجعة للواقع  ملي حست براسها وسط البحر بين يدين آمــان ..

الماء كان بارد لدرجة مكانتش كتحس بأطرافها ، رتاعشو شفايفها وهي كتدور نضرها حاولها ناطقة ..

آمــنة:’ اش جابنا لهنا ياك كنا ، برا ‘.

آمــان جرها لعندها مخليها تحس بدفئه :’ بغيتك معايا هنا ‘.

طرفت برموشها لي كانو متعلقين فيهم قطرات الماء قبل ما تبتسم بهجل وهي كتنطق بهدوء ..

آمـــنة:’ باين عزيز عليك الماء بزاف بالاخص البحر ، ديما كتكون فيه’.

حرك لها راسو بموافقة وهو كيرد بنفس نبرتها هادئة :’ فيه كنحس بقوتي ..وكنكون على طبيعتي ‘.

شافت فيه بعدم فهم من شنو بغا يقصد قبل ما تبتسم لها ناطقة بمزح :’ بقوتك ؟ هي لا خرجتي منو كتضعاف ..يمكن راك حوتة ‘.

آمــان شاف فيها محرك راسو بموافقة مخلي ضحكتها توساع كثر وهي كتنطق :’ اه علياش .. على كتضعاف ولا على انك حوثة ..ويلي دابا انا مزعوطة فحوتة ‘.

قالت كلامتها بدون ما تحس براسها كيفاش نطقت بها ما استوعبت اش قالت تا نطق آمــان بتساؤل ..

آمــان :’ مزعوطة؟! كنعجبك ؟! ‘.

سكتت كتشوف فيه بملامح ممسوحة قبل ما تدفع من عليها ودارت كتعومة داخل للبحر كثر وهي كتولول..

آمــنة:’ يعطيني اللقوة يربي غنغرق ونموت ولا وهاد الفرطة لي فيا ، اويلي غادي يحس براسو ويدفع عليا كبير اويلييي فين غنعطي وجهي’. 

كانت كتذمر وهي كتعوم بيديها محاولة تبعد من عليها وفجأة كتقفز ملي سمعت صوتو جنبها ملي نطق ..

آمــان:’ مغاديش ندفع كبير عليك ، ولا نحس براسي ..نتي كتبقاي اكبر مني قدرا ‘.

هي كانت كتعني بكلامها شيئا وهو كان كيعني برده شيء اخور ولي ان انس او بأحرى بني آدم عند خالق حيث قال تعالى في سورة ( الإسراء )..

‘  {ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا}’.

يخبر سبحانه في هذه الآية أنه اختار الإنسان على سائر المخلوقات، وكرمه عليها، وفضله تفضيلا دوقد ذكر سبحانه مظاهر هذا التكريم في كتابه.. فكان مما كرمه انه  خلقه بيده، ونفخ فيه من روحه، وأسجد له ملائكته، في احتفال تعظيم، وموكب تكريم.. ليس عبادة له، ولكنه تكريم وتبجيل وبيان لميزة هذا المخلوق الكريم.

أكرمه بالعلم، وزينه بالفهم والحلم، وخصه بالإرادة والعلم و النطق و البيان. ووهبه أعظم ميزة ميزه بها على سائر من دونه، وهي العقل: أساس التكليف، ومحور التشريف، يكتسب به المعارف والعلوم، وبه يكون الاختراع والإبداع، يستكشف به الكون ويحل أسراره ويستخرج كنوزه.

وأسكنه فسيح جناته، قبل أن يخرق هذا التكريم بالأكل من الشجرة، فكانت أول عقوبة بالنزول إلى الأرض.

فلما أنزله إلى الأرض جعله خليفة فيها والخليفة يستمد شرفه وقدره من منزلة مستخلفه وحمله الأمانة، أمانة التكليف وهو من أعظم مظاهر التكريم والرفعة و التشريف، بعد أن أبت السموات والأرض والجبال واشفقن منها.

فهذا ما قصد به آمــان لآمـــنة انها اكبر منه قدرت حيث انها حيث مخلوق مكرم من عند خالقه ، شافت فيه بخجل قبل ما تنطق بتعتاب …

آمــنة :’ لاش تابعني ياك خليتيك لهيه ‘.

طرف برموشه ماد يدو ناحيتها جارها لعندو وهو كينطق بتباث وهدوء…

آمــان :’ منقدرش نخليك او حتى نبعد عليك ، هاذا وانا باقي كعما قستك ولا عاشرتك ..معرفتش كيفاش غنولي معاك لا درتها ‘.

طرفت بعيونها كتحاول تستوعب كلامه قبل ما تنطق باستفسار :’ كيفاش تعاشرني ، زعما زيد تعرف عليا ..عادي غادي توالف ..و ..’ 

سكتت موسعة عينيها ملي فهمت شنو قصد بكلامو ولاش اشار ، شهقت دايرة يديها على فمها وهي كتحرك راسها برفض ..

آمــنة :’ شوف انا راه بنت ناس ، واخا ما كاينش شي بنت الناس كتبقى فنصاصات ليل مع عزارة ولكنني تائبة واخا باقين شوية اعراض ..ولايني انا ماشي ديال الحرام ..ما كاين قيسان بلا زواج غير هاكا منقدرش ‘.

آمــان بقا كيشوف فيها شحال قبل ما ينطق بهدوء :’ انا منقدرش نتزوج بك ‘.

ذبلو بملامحها من جوابه ولكن سرعان ما غوبشت فيه :’ كعلى تزوج ، تا حد ما ضربك على يدك ، شكون قالك انا اصلا باغاك ..بعد مني ‘.

نهضت فيه فلحظة تغير تعاملها معاه، دفعاتو من عليه عايمة باش تخرج تا كتحس به جرها بقوة كبيرة لعندو خابطها فيه ، وهو كيزمجر فيها..

آمــان :’ وانا باغيك ‘.

اضطربو انفاسها رعبا خصوصا ملي لحمت عيونه لي برزو باللون الاحمر ، لولهة حست بالخطر ..بدا كتبلع بريقها وهي كتحاول تبت راسها وتفك يديها منه ناطقة برفض ..

آمــنة:’ واخا تبغيني ، مغاديش نخليك تلعب بيا كتفهم ..طلق مني خليني نطلع بحالي مبقيتش باغا نشوفك ‘.

عمرو عينيها بالدموع لي جاهدت تكبحهم ، آمــان بقا كيشوف فيها وملامح كيتغير من الغضب الى هدوء ملي وعى انه ضرها وبدات كتبكي ..

رخف يدو عليها طالقها تمشي كيف طلبت ، متردداتش شافت فيه بعيون باجة وعطاتو بالظهر خارجة من تما وقبل ما توشك تبعد عليه تلفت حوله ملي حس بشي طاقة أخور كأن كأحد من جنسه كاين تما ..

تلافت حوله بترقب قبل ما يشوف فآمـــنة لي باقا كتعوم باش تخرج وفجأة تا كتشهق غاطسة تحت الماء بطريقة كتين ان شي قوة كبيرة سحبتها للاسفل ..

وسع عينيه بقلق عليها كان خايفها تخرق استعد باش يغطس يجيبها ويشوف شكون تجرأ على ملكوته تا كيحس بشي حركة موراه مع تلفت لقى خدامه هـودج  هاز آمــنة بين يديه مغيبة ..

تبادلو النضرات بينهم قبل ما هـودج يحرك راسه برفض ، آمـان فديك اللحظة فهم كل شي وعرف شكون سبب هدشي واش كيتسناه ، حرك راسه بتفهم قبل ما ينطق بآمر ..

آمــان:’ طلع بها لعند دمليـجة ‘.

هـودج حرك راسه بطاعة وقبل ما يحاول هـودج يتحرك من بلاصته تسمع صوت البحر وهي كيتفرق على جوج وبانت من وسطه امراة شابة بشعر اشقر وبشرة الماسية لي ازداد لمعانها بفعل اشعة الشمس كانت في طريقها للشروق ..

كانت لابسة كلشي فالزرق ، ما كانتش بوحدها كان معها بعض رجال لي كانت اشكلهم شبيه بـهـودج ولي باين انهم خدام لها ، تبادلت النضرات مع آمـــان لي رمقاتو بكره قبل ما تحول نضرها لآمــنة لي بين يديه هـودج ، هزت يديها مشيرة لها  كآنها كتعطي آمر لهم يتخلصو منها ..

آمــان زمجر فيها ناطق بنبرة ساخطة :’ مرجـانـة ‘.

رفعت حاجبها فيه مبتسمة بتهكم قبل تنطق بنبرة ساخرة :’ انعام اراجلي تاج راسيي .. يالي انسية مخلياه يعواج على طريقو ..كنتي كتظن مغاديش نعرف ..ونجيب خبارك ؟.. مداير لحساب ان راسك يقدر يطير بسباب هاد انسية ، ( رفعت صوتها ) مافكرتيش فشعبك وفولادك وفيا ؟!.’

آمــان ما نبسش بكلمة من بعد كلام مرجـانة لي كان معقول وفي محله ولكن ما كانش وقتو بتاتا خصوصا مع وجود آمــنة معاهم ، رفع يدو لهـودج مشير له ينصاع لما طلب منه وهو انه يطلع بآمــنة لعند دمـليـجة ..

هـودج تحكم بكسدتها بين يديه قبل ما يرفع راسه للسماء وهي كيتمتم بطلاسم انتقال ، وقبل ما يختفي من وسطهم قربو خدام مـرجانـة لي اشارت لهم بنفس الطريقة باش يتصرفو ويسدو الطريق على هـودج ويتخلصو من ديك إنسية ..

ولكن بمجرد ما زادو بخطوة تسمع صوت آمــان لي نطق بنبرة ساخطة كتيبن غضبه ..

آمــان :’ غيمسها عبد منكم غادي نحرقو هو وسيادو ‘.

نـهـى كلامه وهو كيشوف فمـرجـانـة مبين لها بشكون قصد بكلامه ، رجعو خدامها للخلف انصياعا لآمــان لي كان رغم كل شي ملكهم وسيد فوق راسهم ..

هـودج ستغل ديك اللحظة مختفي من تما طالع بآمــنة لموضعها كيف طلب سيدو لي خلاه خلفو داخل في حرب مع امرأته ..

مـرجـانـة زادت بخطاويها وسط المواج مقرب لعند آمــان ناطقة بنبرة هادئة :’ هذي هي العشرة ابن مالك ، تحرق المراة لي قرون فجنبك ومغرقاك فعشقها على ود انسية ضعيفة ..هذا ما كتسال ملكتك وام اولادك ‘.

قالت كلامها وهي كتحط يديها على صدره قبل ما تحوله لوجهه محاول تحسس فكه الملتحي ولكنها ما وصلتش له بسبب صد وجهه عنها قبل ما ينطق بنبرة باردة ..

آمــان :’ متنسايش راسك قدامن واقفة ومعامن كتهدري ، كنبقى سيدك وكما ملكتك نقدر نملك الالاف منك ومن اقرانك ، ما كاين لي يمنعني ‘.

اتعضو ملامحها من كلامه لي لم يرق لها ناطقة بنبرة غاضبة :’ تقدر اسيدي ، ولكن تقدر تملكهم من بني جنسك ماشي من بني جنس آدم .. ما تفوتش حدود قومك ..نتا راك ملك وماشي عفريت ولا مارد باش يتربط بانسية ..باغي تحرق في طريقها ؟!’.

آمــان رفع راسه بغرور:’ ما وجد لي يحرقني فآرضي ولا يكسر فكلمتي ، وما كاين شرع يحرم ربطي بها ولي عارضني غنديرو حطب يدفيها واخا يكون من اهلي ‘.

مـرجـانـة وسعت عينيها فيه قبل ما تضيقهم مخنزرة فيه وهي كتعطيه بالضهر :’ عوم فخرابك بوحدك ، لا شعلو فيك العافية انا لي غزيد لها الحطب ..لي باعنا على ود انسية برمادً كسدتو نتبخرو ، وحسابي غيكون عسير مع العـريـفة بنت الشر لي دست لنا سم فالعروق ‘.

نهات كلامها رافعة يديها فالهواء عاطية إشارة لي كانت كافية تفرق البحر على جوج فاتحة البوابة لي ترجعها لمكانها ، وقبل ما ترجع لأرضها تلفت لعند آمــان كتشوف فيه بنضرات معاتبة ..

مـرجــانــة :’ وبحق العشرة والطوع لي بينا ولي راه تكسر فهاد اللحظة  الا نآذيها وندق فيها البلا لي واخا يتجمع عليها الجن الازرق من بلاد الهند والجن أخضر من الصين ما يلقاو لها دوا ..نخليها بين يديك عظام تسد بهم جوعك “.

قالت كلمتها أخيرة بحقد قبل ما تخطي داخل تلك البوابة مختفية وسط المواج هي وخدامها مخلية خلفها آمــان واقف جامد في بلاصته وهو كيشهد على حكم الموت لي تطبق على محبوبته..

كان عارف ان اللعنة لي القاتها مـرجـانـة عليها سرعان ما غادي تشق طريقها نحو آمــنة ساحبة روحها الشي لي لا يمكن يسمح به و لو على سببل روحه ..

في حين آمــان كان حاير وهاز الهم لمحبوبه في جهة آخرى فين كان نـوريـة باقا كتحرقها عافية الفقد ..

مـهـراز كان واقف بكسدته البشرية عاطي بظهره للواد مستمع لنحيب نـوريـة وتهليلها لي كان مختلط بين البكاء والغناء، كانت وسط الماء كتغسل فكسدتها وشعرها وحزنها لي عتم بقلبها ..

نـوريـة :’ سالو واش ضرها قالو الموت الغدارة ابا وشفاية عديانها لجراحها وفرحهم لعزاها ابا ‘.

كانت كتهلل بطريقة خافتة مبينة الالم متخلل نبرة صوتها وهي وكتنطق بكل كلمة فديك التهليلة لي كانت من ثرات ناس الغرب كيلتجئو لها كتعبير عن حزنهم بديك الطريقة الشاعرية من خلال كلمات كتصف الالمهم وقهرهم ..

موت دهـار كان صعيب عليها خصوصا بعد السنوات لي لازمها ،كان خديمها الحر لي طيب وحدتها وكسر حزنها وكبر معها ما كانش ساهل تفقدو بها الطريقة ..

خللت صباعها وسط شعرها طويل مخلية الماء كيدخل بين خصلاته قبل ما تهبط بكسدتها كلها تحت الماء غاطسة مخلية خلفها  غير الصمت لي تكسر بخرير المياه ..

مـهـراز غير ما بقاش سمع حسها وهو يتلافت كيقلب عليها ما كانش عارف فين مشات ولا منين زادت ، كان باقي جديد معها ما عرف تاويلها ولا ذاق حلاوة عشرتها ..

طرف بجفونه مذهول ملي تشق سطح الماء وبانت من تحته نـوريـة بكسدتها لامعة كقطعة حجر كريم يتلألأ بريقه مع اشعة الشمس ، ما كانش قادر يرمش ولا يزيح نضره من عليها ..

في حين هي كانت جامدة ملامحه كتشوف فيه بكل برود وهي طالعة من الماء ناحيته ، وقفت قدامه كتشوف فيه برموش محملة بقطرات الماء قبل ما تنطق ببرود  ..

نـوريـة :’ بقيت غير انا ونتا ، ريحيني بطاعتك ، نبغيك خفيف العقل وقصير اللسان ‘.

حرك لها راسو بموافقة وهو لازال مبحلق عيونه فيها في حين هي بتسمت جنب وهي مشيرة بعيونها للارض في لول ما فهمش لشنو كتشير تاللحظة لي نطقت بحزم ..

نـوريـة :’ غتسترني ولا غادي تخليني للريح يخاوي جنابي ؟.’

بمجرد ما قالتها مـهـراز قفز من بلاصتو محذور هاز ملحفها وقرب جيهتها لاويه عليها وهو شايح نضره من عليها ..

تلوات وسط الملحف الاسود لي بسواد شعرها ساترة مفاتنها قبل ما تزيد على صباع رجليها الحافية فوق الربيع وحشيش النباتات مخلية خلفها مـهـراز كيحك فشعره وهو كينطق بخفوت مكلم نفسه ..

مـهـراز :’ من حقل المردة كيتربطو فالانسيات لزينهم ‘.

كان مبهوذ من ديك كمية الجمال لي كانت فيها لان كما سبق وذكر ليس للجن معاير الجمال ولا حسن الخلق مثل البشر الذي ابدع فيه الخالق ..

نـوريـة تمشات بالحفا وسط ذيك الغابة و كل شجرة كتدوز عليها كتحط يدها فوقها وهي كتمتم بكلام خافت .. كانت كتعزم على مكانها ومحيطها مانعة وطأة كل قدم غريبة سوا كانت هازة لها الشر او الخير ..

وقفت قدام واحد عشبة خضرة نابتة فجناب واحد شجرة ولي كانت تعرف بإسم ” الخياطة  ” والتي كان لها فوائد كثير للجسم واهمهم هو خياطة الجروح ومساعدتها على التئام ..

كملت خطاويها وهي كتلقط بعد اعشاب اخرى ومنهم النعناع قبل ما تعود دراجها جهة كوخها ، بمجرد ما فاتو رجليها الباب جا نضرها على سـليـمان لي كان كتحرك من بلاصته بطريقة كتبين انه كيمر فكابوسس..

حطت دوك العشوب من يديها فوق الطبلة قبل ما تهز الخياطة وقربت تجاهه نازلة على ركابيها جنبه كتشوف فيه كيفاش كيتصبب عرقا كان بادي عليه انه كيتهتهت وداخل في نوبة الحرارة  ..

مدت يديها كتقيس فعنقه متحسس حرارته لي كانت طالعة مخلياه طايب ، بقات كتشوف فيه لثواني قبل ما تنزل نضرها لوراق العشبة لي بين يديها غادة بهم لفمها مضغتهم ورجعت بصقتهم في كف يديها حاطهم فوق جرح رقبته ..

ناضت واقفة من جديد غادة جهة الواحد البلاكار كتدوز صباعها على الزاج ديالو وهي كتشوف فدوك القراعي لي كان مكتوب عليهم اسماء اعشاب غريبة ..

مررت صباعها بانتقاء تا مركزتهم على واحد القرعة سوداء اللون ، مدت يديها هازها ودارت راجعة لعند سـليـمان باركة عند راسه لي سرعان ما هزاتو حاطاه فوق ركابيها وهي كتحل فديك القرعة  حاطاها على شفايفه مشرباه السائلة لي داخلها وهي كتنطق بهمس ..

نـوريـة :” هذا غيخليك تفيق خلاص “.

بعدت القرعة من شفايفه مادة صباعها في جوفها مبللة صبعها من بشوية من داك سائل قبل ما تحطه عند نفه ماسحة عليه به عاد رجعو راسو لارض وناضت مبعدة من عليه ..

ختارت لها ركن فالغرفة وبركت مربعة رجليها قبل ما تنزل لحافها على وجهها مغطياه ومدت يديها لارض كترسم بصبعها وهي كتمتم بكلام غير مفهوم وبالكاد يفهم ..

                       _ طـلســم حـقيــقـي ⚠️

نـوريـة :’ فإنفلو الآ الا ، وبالحق انزلناه وبالحق نزل ولا حول ولا قوة لعبد النار ، كل مارد وذل كل ذي بطش معاند وثلاتين مكايد ،وللجن اقمنا قرابين فجعل لكل فجوة سد ، وجعلنا لنا في الارض ****، وقم من تحتها ****..وقينا خونة عرشها ‘.

كل كلمة خرجت من جوفها كان لها تأثير كبير في اللحظة لي بدات كتقرا في تلك الطلاسم وهي كترسم على الارض ، العافية سرات ورا خطوات اصبعها راسمة دائرة وداخلها نجمة سداسية الخاصة باليهو د..

شبت النار تحت يديها قبل ما تنطفأ على غلفة مخلية خلفها غير الدخان ، ما كانش دلالة على نجاح التعزيم لي كانت كتحاول تصنع حول بيتها انما العكس ..

العزيمة تكسرت بسبب دخول احدهم غريب لارضها ، رفعت الحجاب على وجهها كاشفة عن عيونها لي كانو متخللهم لهيب احمر شيبه بالنار لي سرعان ما نطفأ وهي نايضة من بلاصتها كتهمهم بسخط ..

نـوريـة :’ شكون ما  كان جاي طالب لضيافتي ، ممرحبش بيه’.

قالت كلامها غادة نيشان للباب وقبل ما تمكن انها تفتحو قفزت مغمضة عينيها ودايرة يديها على ودنيها لي مخر فيه صوت صراخخ عالي كيدمي المسامع ..

قـبــل دقــايــق ..

مهـراز كانت بارك قدام الكوخ حارسو كيف عادتوه ، كان ساهي فديك العافية لي كانت شابة قدامه كيشوف الخشب كتحرق ويتفرتت باللهيب تا اللحظة لي تسلل مسامعه صوت الخطوات ..

ناض واقف متلافتحولها قبل ما يمد يدو للعافية مخليها تشد فيديه وزاد بخطاوي تقال بين الشجر مضوي بديك العافية وهو كيتأكد من دوك اصوات لي سمع ..

بالرغم من انه ما قدر يلقى والو في دورة تفتيشية ديالو ولكن كان قادر يحس بهالة الجن حوله ، بني على جنسه كانو كيحاول يتلاعبو به ..

حرك يدو لي شاعلة فيها العافية مخلي الريح يطفيها قبل ما يتحول في رمشة عين لنسر ضخم بريش اسود ، طار فالجو شاق طريقو للسماء باش يقدر يلمح المنطقة كلها دقة وحدة ..

ضرب بجناحو فالهوا قبل ما يحدد الهدف ديالو غادي صوبه لي كان كيتحرك فالواد ، خرج مخالب رجله وهو كيقرب من سطح الماء محاول يسحب داك المخلوق ..

وبمجرد ما تمكن منه غارس مخالبو فكتافو هازو من وسط الماء اضطرب طيرانه بسبب داك الصوت المزعج لي تطلق من داك المخلوق و لي خلاه ينجرف طايح هو وياه في الارض ..

مهـراز كان كتلوى بألالم بسبب داك الصوت لي كان كيدمي مسامعه ونفس الشي لنـورية لي كانت خلف بابها محضورة على نفسها مغطية وذنيها ولكن بمجرد ما تحاملت على نفسها رافعة يديها فالهواء وهي كتنطق بنبرة متألمة آمرة ..

نـوريـة :’ قطعو حسهم ‘.

فديك اللحظة تقطع داك الصوت عن المسامع ، تقادت فوقفتها وهي تزفر النفس بارتياح قبل ما تحل الباب وتخرج تشوف مـهراز شنو صطاد لها ..

زادت بخطاوي سريعة ملي لمحت مـهراز في الارض كحاول ينوض بكسدته البشرية وهو كيتأوه وخلف مباشرة لمحت مخلوق بحري اشبه بحورية البحر ..

نصفها العلوي كان بشري اما الجزء السفلي كان عبارة عن ذيل سمكة واشواك مخيفة ، كان نازل شعرها على الحمر ناري حاجب وجهها الشي لي خلاه نـوريـة تقرب لعندها محضورة لمستواها كتشوف فجلدها لي كان شبيه بالسمك كيلمع وعندو انعكاسات للالوان ..

همهمت باعجاب قبل ما تمد يديها جارها من شعرها بعنف وهي كتنطق بسخط ..

نـوريـة :’ لاش لاحك البحر عندي ، سيفطوك ليا نشويك ؟.”

ما لقاتش رد من عند داك مخلوق لي كان تاهو مجرد جن من الجن البحري لي كيتخد هاد اشكال الغريبة والمحيرة ، لطالما سمعتا خرفات واشاعات عن وجود مخلوقات بحرية تسمى اما بالغرانيق او حوريات البحر ..

ولكن في الحقيقة او بأحرى في ديننا لم يذكر بخصوصهم شيء وعلى العكس ذكر ان الجن بحري يستطيع تشكل بمخلوقات غريبة وعجيبة كنصف انس ونص حيوان ..

ولكن الله خلف مخلوقتت بهاد الشكل لا دليل صحيح على وجودهم ، وهاد اخيرة لي كانت بين يدين نـوريـة وحدة من الجن البحري ..

صدى صوت تزميجر في ارجاء كرد على فعل نـوريـة وسرعان ما رفعت ديك اخيرة وجهها مقابلها النضر بعيون شبيه بالسمك كبيرة مقلة وبلون اخضر غريب ..

كشرت على انيابها المذبذبة قبل ما تنطق بسخط :’ شريتي العداوة ابنت الشر مع لالة البحورة بـمـرجانـة بن مـوسـى ، كتقول ليك بشريب السم والحنضل غادي تفك العار بناتكم ‘.

نـوريـة همهمت بتفهم قبل تنطق بسـخريـة :’ بلغها الاذى من انسية عليها ، كنت باغا نسيفط لها جواب ولايني ما مسلياش لها .’

نهـات كلامها نايضة جارة ديك المخلوقة من شعرها كتجررها في الارض مخلي صراخها يكسر الدنيا ، مـهراز كان وقف شاد فراسو وهو كيشوف ما واقع تا كيطيحو عينيه على ديك حمراء الشعر وهو يتصمر فبلاصته ناطق بعدم تصديق ..

مـهراز :’ لاقـيـس ‘.

ندائه لها خلاها لا هي لا نـوريـة يشوفو جيهته اما ديك الحمراء غير شافتو عرفها مدت يديها ليه ناطقة بترجي ..

لاقـيـس :’ مـهـراز عتقني ، قتـ لها ومتخليهاش تآذيني .’

نـوريـة شافت فمـهراز بحاجب مرفوع قبل ما تبدا تقهقه بسخرية :” اوه تجمعو عندي غا العشاق ، مـهراز شكون غادي تختاري لالة ولا خليلتك ‘.

بلع ريقو كيحرك نضره بينهم وهو كيرجع يدو خلف ظهره كأنه كيحاول يجبد شيء وقبل ما يعطي جوابه ثار انتباهم خـروج سـليـمان من الباب وهو كيمسد فراسو ناطقة بنبرة متسائلة ..

سـليـمان :’شنو واقع ..و فين انا’.

انفرجت اسارير نـوريـة وقبل ما تمكن تنطق وسعت عينيها ملي مـهراز جبد الخنـجر وشير بيه جهة سـليمان غارسة في قلبه ..

سرعة الموقف ما خلاتش لها فرصة فين تستوعب او تا فين تحزن لان بمجرد ما تغرس خنجر مـهراز فصدر سـليمـان او بأحرى داك الجن متمثل فسيفته حتى اندثر وكأنه تراب متبخر في الهواء..

رجعو لها انفاسها ملي تدركت انه ما كان سوى جن متشكل ، حولت نضرها لمـهراز كتشوف فيه قبل ما تدفع لاقـيس عند رجليه وهي تنطق ..

نـوريـة :’ ملكها بالطوع او حرقها ، غير هو ما تطلقش سراحها والا غادي نحرقك نتا وياها ‘.

نهات كلامها دايرة داخلة للدار ديالها مخلية مـهراز كيشوف في لاقيـس قبل ما ينطق بنبرة ساخطة ..

مـهراز:’ واش خرج لك العقل ؟ اش جابك لهنا ‘.

لاقـيس قلبت عينيها بانزعاج وهي كتدفع خصل شعرها من على وجهها ناطقة بزعاف :’ كتهدر بحالا انا لي ختاريت هدشي ، سيفطوني لهنا حيث عارفينك مغاديش تقدر تآذيني ، ( بتسمت ) ولايني مكانش صحاب ليا غادي تقدر تفكني من يدين العريـفة ‘. 

مـهراز غوبش فيه محذور لمستواها وهو كينطق بهدوء:’ ما فكيتكش، هي لي بغات تفكك ، خاصك تكوني شاكرة لها هي ‘.

عوجت فمها بانزعاج قبل ما تنطق بتعقيب :’تنتا امـهراز ؟ اش كتدير لكم هاد العـريفـة حتى لي خدمها كيتملك فيها ، ما كذبوش فاش فقالو عليها لعينة ‘.

مـهراز بقا كيشوف فيه قبل ما ينوض جارها من يديها هازها فوق كتافه غادي بها لمكانه تحت تساؤلاتها ..

لاقـيـس :’ غادي تطلق سراحي ؟ ولا غادي تخليني معاك ، تشوقتي ليا  ولا لا ..انا تشوقت لك بزاف دنيا خوات عليا ملي خويتي’.

كانت كتنهال عليه بأسئلة بدون ما تنتظر منه رد لي في اصل محاول تا يعطيه لها ..

داخـل الـدار ، وبالضبط عند نـوريـة لي كانت باقا واقفة مصمرة عند الباب ملي دخلت ولقات بالفعل سـليـمان واقف من بعد ما فاق من غيبوبته ..

تبادلو النضرات بينهم كل واحد كان كيشوف في اخري بتفحص ، في حين هي كانت مركزة مع شكله محاولة تشوف صحته واش مزيان ولا بادي عليه شي اعراض جانبية ..

آما هو كان مكوانسي كيشوف فيها كأنه كيحاول يجزم بوضعه اذا كان ما واقع حقيقي وليس من وحي الخيال ، طرف برموشه ملافت حولها كتفحص المكان من حوله قبل ما يرجع بنضره لعندها كيشوف فيها وهو ناطق بنبرة بالكاد تسمع ..

سليـمان :’ فين ، أنا ؟.’

صوته خرج مشحرج والسبب كيرجع لإصابته، بمجرد ما سمع بعثرة كلامه هز يديه لعنقه كيتحسس جرحه بصباعه وهو مصدوم من كل هادشي ..

نـوريـة غير شافتو كيقيس فجرحه وهي تقرب لعندو بخطاوي ثقيلة واقفة قدامه مادة يديها لديالو كتبعدها من جرحه وهي كتنطق بهدوء..

نـوريـة :’ باقي ما برا ، مبتقاش تقيسه تا يشد فراسه ‘.

رفعت نضرها فيه ملي دفع ليها يديها بقساوة وهو مخنزر فيها ناطق بسخط :’ اش باغا ، عندي ..واش هدشي كله لي طرا ‘.

رمقاته ببرود متجاهلة كلامه ناطقة من جديد :’ غيكون قهرك الجوع ، نوجد لك شي حاجة تاكلها ‘.

قالت كلامها وهي مخطياه حتى كتأوه ملي جرها من ذراعها خابطها فيه بقسوة مخليها تحط عينيها فديالو متأملها وهو كينطق بغضب ..

سلـيمان :’ جاوبي ‘.

طرفت برموشها الطوال كتشوف فتقاسيم وجهه الحادة واللحية لي مزينة سيفته ، ترخات بكسدتها عليه مخلياه يحس بمفاتنها فوق كسدته الشي لي وثره ..

تنهدت بغنج وهي كتنطق بتبرير:’ هاكا تعامل الولية لي سهرت باش تعتقك وترجعك لدنيا ، ما صدقتيش اسي الفقيه ‘.

هزت يديها حطاهم على صدره متحسسة عضلاتو مخلياه يزير عقدة حواجبه كثر قبل ما يدفعها من عليه مخليها ترجع بخطاويها للخلف ،  رمقها بحقد قبل ما يتخطاها غادي للباب باش يخله باش يخرجه ..

ولكن بمجرد ما حل يدو على البواني تا جرها بالخف من حاس بالنار كتلسعو في كف يديه ، كرز على قبضته بغضب وقبل ما ينبس بكلمة سمع صوتها من خلفه ..

نـوريـة :’ فين باغي تمشي ازماني  وتخلي مرتك ، برك تا نوجد لك ما تاكل ، عندنا بزاف فاش نهدرو ونذاكرو ، ما حييتكش غا هكاك’.

قالت كلامها وهي كتدور في ديك الدار لي كانت بطابع بلدي اشبه بخربة قديمة ، حتى كتوقف ملي سمعاتو نطق بنبرة جافة ..

سلـيمان :’ ما تحد ما كيحييي ويميت غير الله سبحانه ، وهدشي لي درتي كان غا سبب ما تحسبيش روحك درتي فيا شي خير ‘.

قهقت على كلامه قبل ما تلفت كيتشوف فيه بخبث وهي ناطقة :’ الا هاكا حسب تأنا سلطني عليك الله ، فختار حمدو عليا ولا نغر عليه وشكي له ‘.

هزت حاجبها فيه ملي غوبش فيه وهو كيهمم لاعنها في نفسه الشي لي خلاها تنطق بنبرة ساخرة ..

نـوريـة :’ ملعونة من كاع الخلق ، لعنك ليا مغادي يزيد ولا ينقص اسي الفقيه ‘.

شاح بوجهه من عليها راجع للبلاصة لي حل فيها عينيه بارك مربع رجليه حاضر نضره في الارض وهو كيفكر في هاد الموصيبة لي طاح فيها وماعارف يخرج منها ..

غمض عينيه كيحاول يتفكر شنو وقع واخر حاجة وقعت له ، تا كيجي بالو ديك الليلة لي كان كيدور فالدار تا كيحس بشي حد ضربه من الخلف وتما فين طاح وما بقى عاقل على والو تاللحظة لي حل عينيه فيها فهاد المطرح الغريب ومع هاد المخلوقة العجيبة ..

ما كانش عارف اش غيدير تا يتسل من حجر هاد الملعونة ، رفع راسه ملي حس بها وقفت قدامه هاز قصرية الطين بين يديها قبلها ما تحطها قدامه وهي كتنطق بآمر ..

نـوريـة :’ كول ، عمر كرشك ‘.

سـليمـان شاف فيها شحال قبل ما يقلب نضره لداك الطبق الغريب لي حطت له ، شكله كان غريب كليا على اكل المغربي او حتى السعودي لي كان موالفه ..

شاح بوجهه دافع ديك القصرية من قدامه بلطف احتراما للنعمة ، في حين نـوريـة هزت حاجبها فيه قبل تنزل باركة بنفس وضعيته مادة يديها اليسرى هازة بها لقمة وداتها لفمها واكلها وهي كتنطق بفم ممتلئ..

نـوريـة :’ لو كنت باغا نسممك مغاديش نحييك ، كول ‘.

شاف فيه بحواجب معقودة قبل ما ينطق ببرود:’ مـا بغيتش، اي حاجة من يديك ما باغيهاش، وشنو هدشي مطيبة ‘.

نـوريـة طرفت برموشها كتشوف فالماكلة وهي كتنطق بتبرير:’ ما سبقش لك كليتي السخينة؟، ذوق راه غادي تعجبك ‘.

نهات كلامه هاز لقمة مادها لفمه ، سلـيمان نقل بصره بين وجهها ويدها لي ممدودة ناحيته تا كيجيو عينيه على داك الوشم اسود لي كان محفرو عند معصمها ..

مد يدو لديالها مقربها كيشوف فديك النجمة السداسية قبل ما ينطق بتساؤل:’ نتي يهو دية ؟’.

نـوريـة شاف فوشمها قبل ما ترفع نضرها له كترمق ببرود قبل ما تنتر يده ناطقة بنبرة هادئة:’ انا غا بنادم، ما يهو دية ما مسيحية ما مسلمة ، وهاد النجمة غا وسم تعاطني من يهو دي ‘.

الوشم لي كان على معصمها ولي هو نجمة السداسية إلى يهوه الذي يعتبر من أقدم أسماء الخالق الأعظم في اليهودية والذي يكتب بالعبرية הוה ويمكن تشكيل نجمة سداسية من الحرف الأول والأخير..

رمز لتحرير اليهودية من العبودية بعد أربعمائة سنة قضوها في مصر، فالشكل المثلث للهرم يدل علي التصوير الشامل للسلطة، أما الهرم الآخر المقلوب فيعني الخروج عن هذه السلطة.

سلـيمان شاف فيها بشك قبل ما يشير لماكلة وهو كينطق بتساؤل :’ هاد اكلة ، يهو دية؟’.

حركت له راسها بموافقة وهي كتاكل ديك اللقمة لي من المفترض كانت له ..

نـوريـة :’ سميتها السخينة ، كتدفي وكتقعد القلب ، ومافيها تا حاجة حرام لك كمسلم …يعني تقدر تاكلها ‘.

سلـيمان ضيق عينيه فيها ناطق بشك:’ شنو فيها ‘.

نـوريـة تجاهلت كلامه مكملة ماكلتها مخلياه يضن انها عنرها مغادي تجاوبه تا كتخالف توقعه ملي نطقت ببرود ..

نـوريـة :’ فيها الحمص ، والقمح  والعدس والروز عاد البطاطة والبيض .. وكيكون فيها تالحم ولكن مدرتوش على ودك لانه مغادش تكون البهيمة مذبوحة كما كيخصها تكون عندكم نتوما مسلمين .’ 

قالت كلامها مكملة ماكلتها مخلية سلـيمان نايض واقف كيدور في الدار وكأنه كيقلب على شيء ما ، نـوريـة كانت حاضياه بطرف عينيها تا متلنحه مشا للگلة لي فيها الماء كيغسل فيدو يمنية ..

بمجرد ما سالا رجع برك قدامها ماد يدو للقصرية وهو كينطق بصوت عالي ..

سلـيمان :’ بسم الله .’ 

ضحكت على حركته وهي مكملة ماكلتها قبل ما تنطق بنبرة ساخرة :’ اول مرة ناكل مع واحد بحالك ( وساعت ابتسامتها ) وَجَعَلْنَٰكُمْ شُعُوبًا وَقَبَآئِلَ لِتَعَارَفُوٓاْ ۚ ‘.

سليـمان رفع عينيه فيها كيرمقها باامتعاض قبل ما ينطق بنبرة حازمة :’ وقال حتى  أعوذ بالله العظيم..

﴿ وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ ﴾

نـوريـة بتسمت جنب على كلامه مكملة ماكلتها في صمت لي سرعان ما كسرو سلـيمان ملي نطق بتساؤل ..:’ قلتي نتي غا بنادم ،وما متبعة تا دين ، منين كيصحاب لك راسك جيتي ؟ نبتي في أرض ‘.

رفعت عينيها يديها غادة بصباعها لفمها كتلعق فيه بطريقة شهوانية مخلية اللقمة توقف في حلق سليـمان وهي كتنطق ..

نـوريـة :’ قلت ما متبعة تا دين ماشي ناكرة وجود الخالق ، فدينكم كيقولو ان انسان الإنسان مسير وميسر ومخير، فهو مسير وميسر بحسب ما مضى من قدر الله، و ان الله قدر الأقدار وقضى ما يكون في العالم قبل ما يخلق السماء والأرض بخمسين ألف سنة، قدر كل شيء ، وسبق علمه بكل شيء، كما قال في سورة القمر : إِنَّا كُلَّ شَيْءٍ خَلَقْنَاهُ بِقَدَرٍ  ،  ومن هدشي كله انا باغا نكون مخيرة وخترت ما نتبع تا دين من اديان.’

سـليـمان عقد حواجبو فيها من جوابها قبل ما ينطق بنبرة مستاءة:’ هو خلق باش تسيري له كيبقى خالقك ‘.

هزت اه كتافها وهي كتنطق ببرود:’ وانا ما بغيتش ، هدشي بيني وبينه ، ماسوقكش ، الباب غيتحل باش لا بغيتي تغسل خرج للواد ..’.

سـليـمان ما تسناش بزاف ديك الساعة ناض خارج من تما بخطاوي تقال كيتفحص المكان لي كانو فيه ، وسط الغابة دايرين به غير شجر والربيع ..

تسلل صوت خرير الماء لمسامعه الشي لي خلاه يمشي جهة الواد ، ما وقف قدامه مع بدا كينصل في الفوقية ديالو متبعها حوايجو التحتانيين ولكن بقا بسرواله القندريسي ساتر به عورته ..

زاد بخطاويه نازل للماء لي كان بارد كينعش ، وقف وسطه مخلي الماء يضرب عند كرشه قبل ما يمد يده كيهز منه وكيسرد كتافه ووجه وشعره ..

في حين هو كيغسل ومنشغيل بتنضيف جسده ،كانت نـوريـة واقفة خلفه ساندة ظهرها على الشجرة وهي كتأمل في كتافه العراض وعضلات ظهره وخصره مرسوم ..

قضمت شفايفها بشهوة قبل ما تزيد لعندو واقفة فين حط حوايجه ناطقة بنبرة مرتفعة مخلياه يواليها النظر ..

نـوريـة :’ تبغي نعاونك فشي حاجة اسي الفقيه ‘.

سليـمان غير سمع صوتها وهو يتلافت كيشوف فيه بعيون مغطاة بخصل شعره الفازكة قبل ما يهز يدو مشير لها بطريقة دونية انها تبعد وعطاها بالظهر ..

مخليها هازة حاجبها فيه من طريقه وكأنه هو السيد وهي العبد ، رفعت يديها باش تمارس سحرها وتخليه يتشوط وسط داك الماء ولمن في اخر اللحظة تراجعت وفضلت تحرقه بطريقة اخرى ..

فكت الملحف عن جسدها معرية كلها وزادت هابطة لعندو مع وقفت حطات يديها على كتافه كتحسسهم وكتدوز ضفارها على جلده ..

سلـيمان زمجر باستياء قبل ما يتلفت لها ينهرها ويبعدها عليه ولكن بمجرد ما جاو عينيه عليها ولمح مفاتنها وجلدها لي كان كيلمع وكأنه قطعة نيزك …

جمد في ارضه مخلي نضره يجول فوقها كان فيها شيء كيجذب العين ولو تحاول تشيح بنظرك من عليها ما كتقدرش وكأن لعنة ربطت عيونك فيها ..

استغلت انشغاله بتأملها وقربت بكسدتها ملاصقة مع ديالو مادة يديها لحجرو كتدافع فيه من فوق السروال وهي كتنطق بنبرة خفيفة تلف المسامع بالشهوة ..

نـوريـة:’ مغاديش نلقاو بلاصة احسن من هدي نديروها فيها اش قلتي ‘.

نهات كلامه مخرجة طرف لسانها كتلعق في شفايفـها قبل ما تخشي يديها داخل سرواله شاقة الطريق لحجره لي كان قام وانتصب طوعا لحركتها ..

ولكن قبل ما تمكن انها تشده هو كان سرع منها منعها توصل مبتغاها  راجع للخلف مبعد عليها قبل ما يتخطاها خارج من تما ، مخليها ملفتة كتشوف فيه كيتمشى والماء كيقطر منو..

وديك اللحظة كانت اخر مرة يتلقاو فيها لان ديك الساعة هو فضل يبقى برا الدار وهي دخلت  سادة عليها تا ظلام الحال وطاح الليل ..

كان  ناعس على ظهره فوق الربيع تا كيحس بشي حركة حداها ، تقعد بارك كيدور فراسه كيقلب على مصدر الصوت تا كيلمح رجل طويل وعريض بلباس اسود وملامح قاسية وشعر قصير شكله كان شبيه بالمحاربين القدامى ..

سلـيمان عقد حواجبه فيه وهو متبع له العين غادي للباب تاع الدار نـوريـة ومع حط يدو على بواني باش يدخل وقفه ملي نطق نبرة حازمة ..

سلـيمان:’ هيي نتا ، فين غادي ‘.

مـهراز وقف في ارضه قبل ما يتلفت له كيشوف فيه بنضرات باردة وبدون ما يدير ردة فعل رجع حال الباب داخل وهو كينطق بسخرية ..

مـهراز :’ عند مك ‘.

قال كلمته ودخل ساد الباب موراه فوجه سلـيمان لي غوبش بغضب وقبل ما يفكر تا شنو غيدير تسمعو ضحكات نـوريـة بصخب من داخل الدار ..

كانت كتضحك بطريقة كتمخر المسامع، خيب سيفته من دوك افكار لي جاوه خصوصا ملي شاف محاولتها تجره للفراش وكأنها تايق الشي لي خلاه يفكر لربما كان تارت تديرها مع غيره ..

ربع يديه عندو بغضب وهو كيحاول ما يفكرش في الموضوع لي زعجو نوعا ما ولسبب غير مفهوم ..

فـي مكان اخرى وبالضبط في ديك الدار عند البحر ، كانت دمـليـجة واقفة كتهدر مع احد بصوت خائف في حين في الخلفية كيتسمع صوت صراخ انثوي جامح مرفق بصوت خبيط والكسر ..

دمـليـجة :’ سيري علميه بلي محتاجينو ، راه ما عرفتش اشنو واقع ليها ، كانت صحة سلام ‘.

هزت يدها كتشيرر لداك الشي او الشخص غير مرئي بانه ينصرف ودارت غادة لعندها فين كاينة من بعد ما سمعت حسها تقطع ..

مشات بخطوات خفيفة حال باب ديك الحجرة ودخلت كتقلب عليها تا كتلمحها واقفة عند الشرجم كتطل في حين البيت مله مقلوب ومهرس والدم كان ملطخ الارض والحيوط ..

دمـليـجة قربت لعندها بتحذر قبل ما تنطق بنبرة خافتة :’ آمـــنة بنتي ، كتسمعيني  ‘.

ما لقاتش رد تال اللحظة لي تلفتت فيها آمــنة جيهتها مخلياها تشهق من شكلها ، الدم كان كيخرج من فمها ونيفها وعينيها ، تا من مقلتيها تغير بياضهم لحمار الدم ..

دمـليـجة ما كانتش فاهمة شنو هاد اعراض لي جاوها على غفلة وهي عاد البارح كانت مزيانة وتا الوقت لي كان جابها خادم آمــان وحطها كانت ناعسة بطريقة عاديـة ولكن بمجرد ما فاقت ناضت وحدة أخرى متوحشة وكأن شي متلبسها ..

آمــنة قربت لها وهي كتنفر بخشونة وكأنها كتحاول تنقد عليها تفترسها ، دمـليـجة رفعت يديها كتمتم ببعض طلاسيم باش تقدر تحكم فيها وتملك لها طوعها ولكن تا حاجة ما كانت كتفلح مع آمــنة ..

اوبأحرى مع داكشي لي داخلها ، دمـليـجة شهقت ملي حطت لها يدها على عنقها خانقاها وكأنها كتحاول تسحب روحها ، القوة لي كانت فيها كانت كافياها تقدر تهزّ دمـليـجة من الارض مخلياه تفركل فالهواء ..

ولكن سرعان ما طلقت سراحها لايحها في الارض ملي تحل الباب وبان من موراه آمـان ..

وكأن بمجرد دخوله للغرفة غادرت ديك الروح الشريرة من جسد آمــنة لي غير شفتو وهي تقلب عينيها ناطق بسميتو قبل ما تطيح في الارض ..

آمــنة ( بتعب ):’ آمــان ‘.

طار لعندها بسرعة البرق شادها فحضنه مانعها ترتطم في الارض ، كان عارف ان هدشي لي واقع له كله بسبب لعنة مـرجـانـة لي بدات كتصرف فيها ..

حطها فوق الفراش في حين دمـليـجة كانت باركة هازة قطعة توب وبانيو فيه الماء كتمسح لها فداك الدم وكتنقي لها فذاتها  ، في حيـن آمــان غير واقف كيشـوف فيها كيفاش بسرعة بان على آذى ..

وجهها سفار وذبل الكدمات منتشرين على طول ذاتها ، كان كيحس بلي غادي يفقدها ما كانش خاصها بزاف باش تهلك ..

خرجو من سهوه صوت دملـيـجة ملي نطقت بتساؤل:’ دابا شنو غادي نديرو امولاي ، ما عندناش بزاف .. لا قاومت ربعيام وغادي تعقدهم وتموت’.

آمـــان تنهد بضيق :’ ما عرفتش ادمـليـجة ، باش نقلع منها هاد السم خاص سم ما قوى ‘.

دمـليـجة هزت راسها كتشوف فيه قبل ما تنطق باندفاع :’ نتا امولاي ما كاين قوا من سمك ، ملكها وعاشرها وسمها بوسامك هاكا غادي تزيل عليها اللعنة وتعتقها وتا حد ما غيقدر يقرب لها مزال’.

آمـــان :’ اش كتخربقي انا باغي نعتقها من اللعنة باش نقت لها بلعنتي انا ، مغاديش تقدر ..غادي تمشي ليا من يدي ‘.

دمـليـجة:’ جرب امولاي البنت راه قوية غادي تقد عليك ، سمع مني ..ولا قبلتي انا الليلة الماجية نقاد لك خلوتك معاها ‘.