ُ حـــصــــريــــا ولـــــأول مــــــرة عـــــــــلى:𝑺.𝑾.𝑰 𝑺𝒑𝒊𝒄𝒚 477𝄗𝄗𝄗𝄗 𝄗𝄗𝄗𝄗
قصـــــــــــــة قــــصـــيـــرةبعــــــنوان : قـــــدرٌ أحـــمــــقُ ألــخُــــطـــى
بـقــــلـمــــي
ُ : 𝑲𝑯𝑨𝒀𝑴𝑨 𝑨𝑳-𝑨𝑹𝑾𝑨𝑯
ُ : 𝑲𝑯𝑨𝒀𝑴𝑨 𝑨𝑳-𝑨𝑹𝑾𝑨𝑯
أقــــدارٌ مـــكـتـُـوبــة والـقــلـــم بــدأ يــكــــتُــب قــصــــتــهـم✷ أحلل النشر بعد أخد إذني او إذن الادمينات والاحتفاض بنفس التقديم✷
نبـــــــــدة عن القصـــــــة هوا فهيم وهيا فهيمة ، وكيما قالو ناس لوالى : تلاقات لفهامة بالفهامة ما تعود غا بالندامة
هيا لفهيمة لي نهار جاو فيها لخطاب وباش منهم تتفك وتهنا رضات راسها هبيلة ولكن قدرات الأقدار…
هــوا : راجل بكلمتو يتقاس، ولد الحلال مايلعب على بنات الناس ، راجل بالهمة نارو على منقارو
هــيـا : فهيمة وبنت الاصول من لبنات غيرها متختار سوا فالزين ولا في الرزانة حارة
هـما ايقولو ليها تـقـول : حمـاتي لالاتي وبنتها مولاتي
وهـيا تــقول : حماتي وجه الدلو ،هيا حارة وولدها حلوا
وانــا نـقــول : قصة الكنة والحماية تألفو من وراها الفين رواية ولكن قصتنا غــير….
-كيفاش تا خلاتو مسحور بغرامها قبل ماتجي عينو فعينها….ولأكن راه ماجبتو بشطيح مجابتو برديح ، جابتو غير بالسعد لمليح …
– إهداء إلى كل مغربية تُبحر في عالم الكلمة الموزونة ، قصتي هي هدية الى كل من إشتاق إلى أيام الزمن القديم أتمنى أن تنال أناملي إعجابكم.
لــــتــفــتــح لــنـا الأبـــواب
ونـــرا كـيــف تــمـشــي الأقـــدار
هــل كــما يـخطـــر عــلـى الــبـال
“في قلب جبال الأطلس …. فين تتلاقى جمال الطبيعة الخلابة مع قوة الجبال الشاهقة ، كانت الريح تهمس بأسرار الجبال، والشمس ترسم لوحاتها الذهبية على قمامها وكيما تيقولو ناس زمان لخير مجود ولي حليتي عليها فمك تما تبان ….
تحت اشعة الشمس الدافية بالضبط فجنان وربيع من كل مكان ، جالسا و على بكيراتها عاسة شكون من غيرها هدي غير مريامة مولات الخالة ، الكحل فالعين والحواجب عراض ومقادين وفوق منهم خالة تمشي من سلالة لسلالة اما بياض لبشرة كقشدة البقرة والنيف مثبث وتادو
حاضيا بقيراتها وتغني غناية من راسها وفجنبها تحت شجيرات ارز ݣورو (المعروفة بوريقاتها لخوضر ومضهرها لخلاب وبحجمها صغير ) جالسا بنت نوارة فلوجه بصهد مزنݣة وعوناتها بلكحل مكحلين كي وريقات لحنة ملونين و فوق راسها مشبوح وعليه خيوط الروح مثبتاه مقابط وصبيعاتها متسلتين وبين خصلات شعرها النحاسي داخلين والمشبح ايرجع لور وهيا تجر وتتبت فيه …
ايديها نزلات وعلى ودنيها حطات من صوت مريامة زعفات وفكتابها تخشات وعينيها برقات ولهفتها ما تخبات وأخر صفحة قلبات وفيها تلهات
اما مريامة غير سمعات الهز وتهزات وودنيها خشعات وفشانطي عينها زݣات وركزات على لحديدة لي وقفات
بان ليها راجل ولدوار داخل و بعينيها تبعاتو تا مبقاش ايبان ولعينها غابر تنهدات وعلا قلبها ضربات وعند صحبتها تلفتات
مريامة : هنُّو قلبي
هنُّو تفزعات ولكتاب سدات وفصحبتها شدات ولما ليها جبدا ويديها رجفات وعلى صحيبتها تخلعات
هٓنُّــو : ءءء ، مالو مـ مالو قلبك
مريامة :(عويناتها دبلات وصوتها جيفات ) قلبي طاح ليه السروال
هنو لما من الجرة عليها خوات ولشربيلها تحنات ، مريامة وقفات ببلغتها لمزوقة رجليها لريح طلقات
بعدات شوية ضمنات متجيش فيها شي دقة وقالت
مريامة : اربي على زين لمدينة ياربي وعلى هما ، واش شفتيه ياك شفتييه ،ياربي تجبو ليا فرزقي وكتبو ليا فسعدي تنا بغيت نتزوج ونولد لولاد وندك تنا لوتاد
هنُّو : صافي بغا تعرسي وتولدي لولاد وليتي بغا زواج وتتربطي بقنبة كيـنعاج
مريامة :(كلسات ولشنفتها دلات ) وانا بغيت غير نخرج هاد لقنت لمقنطط وهاد لقبيلة لهبيلة تا عبوش بنت عطوش دݣات وتادها ومن لقبيلا خرجات وولادها حلفات تا خرفات
هنُو : نوضي نوضي يالمعتوكة العشيا تعشات بقاي حاضية عطوش وبنتها ، دبا ربي اسݣم ليك السعد وتعرسي وتا نتي تولدي لولاد
مريامة : من فمك لبيبان سما ، أجي ونتي متݣي وتاد متعرسي متولدي ولاد ؟
هنُو : هاهيا تاني بدات
مريامة :صافي صافي ، دعي دعي معيا ربي يـ حن فيا ويـكتب ليا مول لحديدة لخزية
هنُو :حديدة خزية ؟؟ ماعلينا (هزات كفوفها لسما ) سيري يا مريامة بغيت ربي يزوج ومن لقبيلة يغبرك
مريامة : أمين ياربي أمين
بقات مريامة تدعي أما هنو قالت كلامها ولسلتها مشات وكتابها لي بخيط حمر علمات هزات ، ولجام عودها حلات وللبحيرة لي كانت حدها قصدات ومنها عودها رودات….
وقفات سيارة ……
وقفات سيارة من نوع (بيجو ) قدام دار لي كبيرا كانها رياض نزل شيفور وحل لباب
حط رجلو بلغة صفرة منقوشة السي الطيب رجل فاواخر السبعينات ، نازل بجلابة بيضة والتسباح فيديه وجهو مكمش وشعرو مكتسيه البياض عليه ابتسامة مخليا جناب عينيه اتكمشو كثر ما زمان مكمشهم وتقدم داخل تابعنو ولادو….
لحسن لي كان فاواخد الارعينات والتاني إبراهيم لي كان فأولها
الطيب :(دق الباب ودخل ) السلام وعليكم ياهل الدار
حليمة :(خارجة من الكوزينة تتمسح ايديها فطابلية لي بيها كانت محزمة باست على يدو ) علا سلامتك أبا مشي مشي لتامصريت راه حطيت لكسكروط….
تقدم الطيب داخل لـ بيت طويل والزرابي والهياضر دالخرفان فيها مفرشين ولوسط ميدة دالعود فوقها طبسيل دالنحاس عامر بالفاكية مخلطة بلوز والكركاع وصينية دالنحاس بكيسان العنبة لكبار
وسرج دالخيل معا بـ.ـارودة فالحيوط معلقين وحداهم قنديل (حيت مرا مرا تيقـ.طع عندهم الضو ) وتلفازة على شكل صندوق وفوقها جوج مسيمرات بيهم تتشد الاشارة …
الطيب : بسم الله ، واحد مك فينراها مجلية..
قبل ميكملها تقدمات إمرآة في أواخر الستينات حانية على عكازها وشعرها الي بالحنة معمر خارج من زيفها ونطقات بصوتها المبحوح
هايْنة : تا شتك ساير فينما تدخل تحوس عليا ياكشيباس مكين
الطيب : وعلامن نحوس لماحوست عليك اعمارة داري
وقف كل من لحسن وإبراهيم بايسين راسها ويدها تبسمات ليهم وففمها غير (الله ارضي عليكم ) كلسات وحدا الصينية تربعات ومعا والدها لجموع شدات…
حط كاسو فوق الميدة ومرا مرا اينقب من الفاكية واللوز ففمو يلوح
الطيب : (بمزاح ) كبي كبي واحد كاس داتاي بالشيبة يالحبيبة
حليمة ليها وحلات وخوتها دارو راسهم مسامعين والو اصلان مولفينها وهدشي من عوايدو
هاينة : الليقل حياك النساب وتاحفايد ودرتيهم متحشم ماترمش ليعفو عليك
براهيم : (حنحن تا كولشي دار لعندو) على دكر النساب شفت قبيلا واحد الزايد داخل للقبيلة سولت عليه قالو ليا راه جاي يخطب بنت التاجر بوسلام
لحسن : وعلاه شحال من بنت باقية عند عمي بوسلام
هاينة : الى نفعني عقلي باقية عندو وحيدة
لحسن : واحد هنو فينراه مجليا تاني هاد لبنت
كانت حاطا ودنها جنب لباب ومكلامهم سمعات وعندهم دخلات
زهور “مرات الاب” : وبنتك فين عمرها كلسات معانا فشي طبلة كي ناس ديما مجلية
لحسن : بان ليا لبنت عصات وحكامي خطات
الطيب : خلي عليك البنت وفوت سوقها ولا ميعجبك حال
لحسن : راه بنتي ابا
الطيب : وحفيدتي هديك تانقوليك خرج سوقها
هاينة : وهاد لبنت مبغشاي تزوجوها (حليمة رجعات حمرة ) ،ݣراناتها تبارك الله دارو الترايك لي جا يخطب تردوه واش اسيدي بغات سلطان اخر الزمان
الطيب : (تينقر بيدو على الطابلة ) هيا متجوجاتش حيت اااانا مبغشااااي نزوجها راه حفيدتي هديك منعطيهاااااش لمن ولااا..
هاينة : (ميقات ولمطات فمها ) واخليها تما تبور
الطيب : تبووور حدايا وتبقا تحت جنااحي ولا نعطيها للي يتكرفـ.ـص ليا عليها (شافيهم واحد بواحد ) راهي ممتقلاشاي عليا ولي متقلة عليه ، راه لباب …
حليمة : (شافتو نايض ) أگلس ابا مكلتي شاي….
زاد مخنزر مهضرهاش ، خرج لناحية لإسطبل لي كان واسع ومغطي وقدامو مساحة واسعة بالسياج مدورة على طول الساحة عاد الاسطبل لي كان قرابة الدار ، شافو العساس وبزربة جا حل لباب
عابد : (شداه التقفقيفة غاوحدو) مسالخير اسي طيب اش حب الخاطر
الطيب : باقي مرجعات ؟
عابد : ءء راراها للداخل السي طيب ييلاه جات ممن الݣمر (الصيد)ددات خيلها كيف العادة …
وما ليه الطيب وزاد ……
داير ايديه ورا ظهرو ودخل للاسطبل فين كان مربعات متوسط الحجم لكل خيل وعلى ارضيتو كان القش وبرميل دلحديد لي كان متوسط الحجم فالقنة فيه الما وسياج من القدام كحل وبعض لخيول منو راسهم مخرجين …
تقدم معا داك لممر لي كان عامر بفتات القش وهيا تبان ليه وهازت قش تتلوحو للخيل وباقي ممحيدة ليه اللجام معا عاد دخلات ، سمعات صوتو وستدارت
الطيب : ماهوا مربوط بلاش لجامو
زاد قرب حدا العود وحيد ليه اللجام وهيا قربات بايسة يدو وهوا حاوط كتافها جارها عندو وقال
الطيب : عرفتي علاش سميتو حيزوم ؟
هنو : يمكن حيت اسم حيزوم جاي معا شخصيتو لي تتدل على القوة أو شجاع ومايتمكنش ايخون خيّٓالو ولي راعاه ورباه
الطيب : هادشي كولو لي گلتي صحيح ولكن اش معناه
هنو : علاه هوا مشي فقط اسم عادي
الطيب : التء حيزوم هو إسم فرس جبريل عليه السلام في غزوة بدر
هنو : “نداهشات” عليه السلام ، وعلاش الملائكة تيشاركو فالغزوات
الطيب : واه حيت اسم حيزوم جزء من التراث الاسلامي وتيشير بلي الملائكة تهيا عندها دور فالمـ.ـعارك
هنو : كاع مكانت فخباري
الطيب : هيي شتي لي كنت خايف منو ، اش سايرة تقراي لاماستفتيشاي وكانو في مخك هاد المعلومات ، مشيتي تݣمري ؟
هنو : ههه تبعت واحد البطة وواحد الدرّٓاج شهوا منهم ولكن شفت ولادهم تابعينهم مقدرتش نقـ.ـتلهم
قهقه الطيب وجرها مخرجها معاه وهوا ميت عليها بالضحك وقال وهوما مغادرين الاسطبل …
الطيب : غدا نمشي معاك ونݣمرو بزوج ، واخا يلالة بنتي كبدك هشيش خاصو يكون قاصح زمان مبغاشاس تكوني مرخية
اما فدار التاجر بوسلام على قصرية الطعام مجمعين وزلايف داللبن مضورين ، هاضرين مقشبين وماكلتهم مكملين ….
عائشة”مرتو” : مقلتيش ليا ابوسلام شكون لغريب لي كنتي واقف معاه
كانت داخلة مريامة هازة غسال دالفخار ولغسيل ايديهم عطاتهم…
بوسلام 
تيمسح ايديه بالخرقة) هداك الالة ولد لحاج حمادي جاي الالة قاصدني وباغي بنتنا لزمان
تيمسح ايديه بالخرقة) هداك الالة ولد لحاج حمادي جاي الالة قاصدني وباغي بنتنا لزمانعائشة : الحاج حمادي لي من قبيلة بوكيدان اش ساير تخرف ولادو كاملين مزوجين
بوسلام : هاه وتي راه ولد ولدو لي واقف معيا
عائشة : ايه وعلاش قصدك نتا
بوسلام: مالو بغتيه اقصدك نتي
عائشة : ولا زعما منين عرف عندك بنت
بوسلام : لي سول مايتوضر ( هز عينو فمريامة )أوزيدون فين غنلقاو نساب بحالهو همم
مريامة تزنݣات رجعات حمرا بحال الرمانة وضربات طم
بوسلام : أش باليك الالة مريامة
مريامة بكثرث الحشمة جرات للكوزينة وعلا لحيط سندات وبصعوبة نطقات
مريامة : لي باليك أباا
بوسلام :(فرح والفرحة من عينيه تبان وفمو مشرع تالواد ) الله ارضي عليييك المرضية ، نوضي يهاد لمرا نوضي غدا عندك فياق بكري الناس عطيتهم كلمة و غدا جاين …
°من دارهم خرجات ، هازة قنديلها لي مضوي بضوء خفيف ، ضربات ضورة لدار وباب من لبلانش قصدات قدامو ثلاثة دلوريدات حميمرات بيديها من طريقها حيدات
حلات لباب وبرجلها سداتو كان بيت واسع مبني بلحجر ومغطي بحطب العرعار والقش وتراب (الضالة عند ناس جبل تقريبا باقيا لحد الان تتدار )
علا لحيوط معلقين رُسمات ولوحات ديال لخيل وتبوريدا وحدا سرجم صغير طابلة طويلة عليها ريشة والسمخ وصف طويل دلكتوبة مقسومين وشمعة وسط كاس دالقهوى …
قربات للقنت لي فيه ناموسية وجوانبها ديال لحديد من داك نوع لي قديم ، بانت ليها بنيوتة صغيرة وحنكاتها فريز حمرين كثر من لقياس بشعرها الاسود ورموشها لكثاف ناعسة بكل برائة
تحنات وحناكها قبلات تا عنكشاتها فنعاسها ، وجرات عليها لغطا ومشات لسلتها …
وكتابها لي فالغابة مكملات هزات باقين فيها فقط اسطر معدودة
طلعات لمضربتها تكمشات والشمعة لي فكاس دالقهوا هزات ، وفكتابها تاني تخشعات وعن الحركة وقفات ومن الصدمة بصوت مرتافع نطقات
هنـو : تتحرك راسها بلا ودموعها نازلين وعلا خديداتها الناعمين مدرمين اما هوا ….
هنـو : تتحرك راسها بلا ودموعها نازلين وعلا خديداتها الناعمين مدرمين اما هوا فميق فيها وخرج
مخلي وراه مرأة بـنار لـعشـق التكوات وثمن فعايل غيرها دفعات
وهكا قصة حب روح و العرّاب فورقة تكتبات وفالنار الترمات وولات رماد ….
(هنو من الصدمة كتقلب واش كاينا صفحة اخرة نسات بلي كانت فاخر صفحة ، بعينها لوزات ومن فمها نفخات) أأف بصح انا متنحملش نهايات السعيدة ولكن هادي ما نهاية ماتا خرية (شافة ختها لي حدها نعسات ) ياك الالة زنوب ..
ساطت فالشمعة وحطاتها بعيد وعنقات ختها عندها ومعا عينها غمضات فالنعاس غرقـ.ـات
•صبح صباح فبلاصة جديدة ضو شميشة تسللات من سراجم لكبار بإضائة طبيعية مخلين جو فالبيرو مريح نوعاً ما
گالسة بكل هداوة قدامو ايدها على لبيرو سرحات وصبعانها من التقتقة ما عفات (بحلا تتعزف لبيانو) وعينيها منو ما زحزحات
هاد لأخر لي واخا متقدرش تفهمو ولا تقرا اش فعقلو ، ولكن مضهرو المميز كان طاغي وجداب فارض وجودة بهماويتو
تيراجع ملفاتو وتيعطي لأوامر للمساعدين ثلاثة لي واقفين وراسهم حانين
حينت هوا غيغيب ، شي أيام دالميكـ.ـروب كيما هوا قال وعلا ود شي حدث ممكـ.ـرب كثرمنو ل10 أيام !!! ، اما لي زادو وطلع دمو وخلاه حامي
هيا لي جالسة قدامو مطلعة شعرها لفوق بعكر حمر ماط ففمها ، تتناضرو بعيونها لي فيهم لمعة من الدفئ وفنفس الوقت قصوحية…
شي لي كل مرا تيخليه اسول راسو واش هاد سيدة تيبان ليها راجل فالتناين وثلاثين شوية ويقسم ليكم بلي تتشفو ولد ربع سنين الى مشي قل ….
ولكن شكون غيلومها بزاف ديال لأمهات بحال هكا ولكن هادي هاهاي هادي قالت ليهم وقفو وتخطاتهم كاملين ، طبعا ما غير ولدها لي بقا ليها فهاد لحياة من مورا فقدان راجلها …
ببحة مميزة ومن نبرة صوتها تعرفها گعات وبصوتها الرخيم نطقات
عِزة : شٓـهِـيد (فاركة جبهتها بصباعها ) واش غتمـ.ـوت الى خليتي الخدمة تترجع
كان مبرزط بالخدمة ولاكن ميقدرش اتجاهلها….هز فيها زرقاوياتو بـبؤبؤهم صغير وفبلاصة البياض كتساتهم لحمورية بسباب نعاس لي مشاف بشرة شاحبة نيف منݣاد وحجبان كثاف ولحية خفيفة ولكن كلما تتغوفل تزيدو هبة ووقار معا بدلة رسمية قال وببحة صباحية ممزوجة معا بحة قلة الكلام ….
شٓهيد : 10 دقايق وانا معاك
راسها هزات وعينها فالبيرو سارات دوراتهم علا كل لقنات كان مكتب باللوان لابيض والرمادي للون هادئ
وفالسقف شوفتها زݣات والدقائق فراسها حسبات وقبل ماتسالي المهلة بعشرة ثواني تبسمات
شٓهيد : (وقف ومد ليها ايدو لي عليها ساعة من نوع رولكس) مشينا ؟
بتسامتها وسعات ووقفتها جمعات وعندو تمشات وإيدو شدات واخا مو لكن ايدها وسط ايدو تودرات
خرج طبعا بعدما حل لها لباب ومنين ما داز عليه ايسلمو وليه إيودعو وعطلة سعيدة ليه يتـمناو
وسامتو وهيبتو ومشيتو وثيقتو وقصوحيتو وملامحو مخلية كولشي ايحتارمو ويهابو بدون إستئتناء إلاًّ قدام هاد القزومية الي تتلعب دو مو فهاد لحياة تتخلي كولشي يتبخر…
عِـزة : كولشي خايف منك بحلا راك غول
شهيد : نعام!! (نزل راسو فيها بإبتسامة ساخرة قال بثقالة ) ومفخبارهمش نتي لغول لحقيقي ألواليدة ؟
عـزة : (راسها فيه هزات وبمرفقها لجنبو عطات…
عـزة : ( وبمرفقها لجنبو عطات) يااااك اولد كرشي !!
شد ليها مرفقها بحنان ونطق بهداوة والتبسيمة فالتت ليه
شهيد : ياك انا غول (هزهزات براسها وتتشوف فيه من قنات عينيها ) وأي غول تيولدو غول اخر ، وهاد لغول هوا نتي
كتم ضحكتو غير بزز وهيا ربعات يديها ، حل ليها سيارتو ودار هوا راكب من جيه لوخرا مجرد مادخل السائق من وراه سد لباب وطلع بلاصتو وكسيرا
عزة :(بنفخة وراسها مهزوز لفوق بصوت خافت وتتناضرو من قناة عينيها ) من اينا تلك البقرة من تلك الشجرة هممم
داز لوقت وهيا على حالها تتخمم ،عرفها بلي تتخطط لشي حجا فداك دماغ….
ختاصر المسافة بيناتهم وحط راسو على كتفها ساد تلفونو لي كان شاغلو
شي لي خلاها تخوي ليه كتفها بحال شي طفلة معصبة وتتعگس
عِـزة : الى بغيتي علامن تحط الراس تزوج
شهيد : كنت عارف هاد سكوت مامنوراه سلام ، هاد لمضوع مشي وقتو دبا
عزة : علاش لي مشي وقتو تال اين غتجي وقتو تا نتا دير مرة وولاد
شهيد : ألوليدة الله اهديك راك عارفة هاد النقاش مغتفوزيش فيه صبري واحد ثلاث سنين وديك ساع نشوفو (بغا انسيها فالموضوع) واصلان واخا نتزوج الراحة على كثفك حسن
عـزة : (دارت عندو دورة كاملة ) وشنو لفرق بين دبا وبين ثلث سنين وغير تزوج وبغي وعيش تنتا
شهيد : نبغي؟؟!! نتي عارفة بلي هدشي ممنوش ، معندي تاوقت نحك راسي بقا غير نتباغا معا بنات الناس و زيدون أنا الى غنتزوج بيها غنجيبها من شي خلا عمر شي حد شافها ولا عينو تهزات فيها
عزة :(هزات كتافها بلا مبلات ) ادا ديرها دبا ،ياك حنا غادين لبلاد غادين وغنختار ليك لفنة بيناتهم
شهيد : بالتأكيد أوهوي عندي الاف لمشاريع حاليا ممساليش راسي عامر ، ودبا يانبع لحنان خليني نرتاح راني عياان
رجع راسو لكتفها وهيا تنهدات وشوية فكات غوباشتها ورخات ليه كثفها وسندات راسها على راسو خلاتو اتبسم ، ودقائق قليلا فنعاسو زاد غرقان
بحيت طول ليل مزار جفنو النعاس فملي سمعو بلي زواج فعائلتهم وضروري يحضرو ، تشغل بشكل كبير مبغاش ايخلي لخدمة من موراه حيت هوا فعقلو غيتبرزط وتربج من جيهة الخدمة ..
°اما بين جبال كيف كل صباح…. ريحت الخبز فالفران ديال لعواد وريحت أتاي بيقامتو وزبدة معا لعسل وزيت لعود وشوية املو وشوية سمن وبريق عامر قهوة بالحليب ، هدشي باش معروفين دواور وقبايل ناس زمان ناس لجود والكرم…..
عيلات الدار فقط لي جالسات ولطبلة دالعود مضورات اما رجال تاحد ميبقا فدار تا تشرق الشمس مورا صلاة الفجر كولشي لشغالو خارج….
كالسة تتشقلب اتاي ومكبطة ووجها فيه لوشام خضر بين الحجبان وشوية ديال لمشگ دليل على فياقها لمبگر
داخلة هنو هازة طبگ دخبز الفران لي كان مقرمل وكلسات مخاطبة جداتها بطريقتها المعروفة
هنو :كبي اهاينة واحد كاس بشيبة
حليمة : (ميقات) هاو مابقا حكام تي اش سايرا تخرجي من دقمك رجعتيها من گراناتك
زهور : هاويلي احليمة تي راه درية ماقالت عيب راهم مالفين مهكك
هاينة : (مداتها كاع فيهم ) قهوا بحليب ولا اتا بنعناع الالة گرانتي
هنو : بنعناع منشربوشاي
زهور : (هزات كاسها تتدق بيه فصينية ) بغاتو حر تاع شيبة
حليمة : وعطيها يالحبيبة (هازة جوج كسات وبدات فطرقهم على لميدة )
هنو : وامنين ايدوز
زهور : خاصاه فاكية ولوز….
قاطعاتهم هاينة : (الكاس هزات وفالصينية دقاات وحلوقها طلقات ) وجبوه ليا وجبوه لياا….
هنو :(قطعاتها بصدمة ) اش غيجبو ليك
هاينة :ارقاص ن سيدي ربي (ملك المـ.ـوت)
زهور : “لهنو” لبقشاي تديش عليها
داخلة بنت فعمر اربع سنوات تتجري وقالت وهيا مغوبشة وحناكها حومر بالشمش وشعرها لكحل مضفور ويديها على حزامها محطوطين
زينب : شاديم الطرح بلا بيا
زهور : هاويابنتي يا زينب وماتمشي للقنت تتجمعي ،، هااو واجي نبصمهاليك بيدي ورجلي اخرتك طلعي شيخة….
داز لوقت وكانت هاينة كالسة والمهراز بين ايديها وبانيو عامر بالحنا لي رجعاتها بحال الدقيق مخلطة فيه كاع لعشوب وتتطحنهم فالمهراز تا جات عندها هنو
هنو : عيطي ليا امينتي
هاينة : ايه ابنتي بغيتك تمشي لغابة لي قريبة للبحيرة لي خارجة على لقبيلة و تقلبي على شجرة العفصة كي شتي عمتك مصدعاني وبغاتني نقاد ليها شي عشوب وخصاتني ومتعطليشاي
خرجات هنو هازة نفس سلتها دالبارح وللاسطبل تمشات وخيلها حيزوم قصدات ومن عابد تخبات تا فلتات ، وعليه ركبات وسنيها بالضحكة بينات وقب السلهام على راسها حطات ….
•شمس الظهر الحارة فمساحات خاوين بالفارينة والقمح عامرين والورد مزهر فينما ضرتي ، ريحة من ربيع فايحة نقية تصفي لخواطر ، تتخلي روحك تنتاعش معها وتداوي النفوس..
شمس الظهر الحارة فمساحات خاوين بالفارينة والقمح عامرين والورد مزهر فينما ضرتي ، ريحة من ربيع فايحة نقية تصفي لخواطر ، تتخلي روحك تنتاعش معها وتداوي النفوس
نازل من سيارتو حاط ايديه فجيابو باقي مكمل تا نهار فهاد لبلاد السعيدة وحاس براسو معصب ومزير ….
ميل راسو يمين وشمال طقطق عنقو…..وتمشا وسط الغابة كان الصقيييل فقط صوت الطيور وتغاريدهم وصوت الحشرات وسط الربيع
هاز راسو لفوق ساد عينيه واشعة الشمس على وجهو ضـ.ـاربة قلش ودنيه حابس انفاسو بإصغاء تيسمع صوت خرير الماء لي كان خافت ….
قارن حجبانو وهوا تابع الصوت تا ولا مجهد غادي بدون وجهة وتقدم وهوا يوقف من دهولو على منظر الماء
كان واد بالما الصافي ، ماء لي نقي واشعة الشمس في ضـ.ـاربت مخلية اللمعة فلما تزيد تبان كناها لؤلؤ وسط منو …
تحنا وجمع ايديه بزوج معمرهم بالما راوي عطشو…..
بقى غادي شحال فنفس ماسرو عندو فضول يعرف هاد الما فين تيمشي
غراه جريان الما خصوصا ملي شاف لبلاصة غارقة …. بدون تفكير شد التريكو من جيهة كرشوا وطلعو كاشف على جسمو وكتافو لعراض محيدو راميه وحداه لكاط حاط
فالما ترما …. غاطس منشوي ببرودة الما لي مغطيه كولو مشي بزاف دلوقت وطلع راسو وياريت ماطلعو….
باقي حتى مخدا انفاسو محس غير بطبل راسو تفرع…….
باقي حتى مخدا انفاسو هز ايدو مطلع شعر لي علا عنيه نازل…محس غير بطبل راسو تفرع شي لي خلا عنيه اتحلو على وسعهم وتلقائيا حط ايدو على راسو طالق انين خافت مگرز على سنيه
حاس بد مو السخـ.ـون نازل من ورا ذانو مخليه اتفحص إيدو لي كان حاط على راسو ،شاف دم فإيده وهز راسو يلاه غيتلفت يقلب منين جات بانت ليه وحدا خرا وبسرعة ميل راسو متفاديها وجات فالواد مخليا لما عليه اترش
كرز على عينيه الصبر لي بقا عندو تسلا شد راسو وطلع معا واحد الصخرة خارج من الواد…..
خارج و قطرات الماء من جسمو لمبلل هابطين معا منحنيات ضهرو وكتافو ، ورجليه عامرين بالغيس …. دور راسو تيشوف هنا ولهيه كيقلب بعينيه بين الأشجار هاز راسو لفوق مزال دايخ بحر الضـ.ـربة كيحس بعقلو غيهرب ليه كرز على سنيه مغزف وقال …
شهيد : ينعـ.ـل طبـ.ـونمها بـلاد ، ولي جاي ليها
…. تحنا على ركابيه وشاد على راسو لي د م منو ولا سيل جرح غارس فراسو ود مو تينزف ببطء شديد … عينيه مكانوش زاكين فقط الشرارة لي خارجة منهم….
صوت حوافر الخيل فقط لي فيقو من سهوتو ووقف وهوا يلمح طيف ، كانو تيتراقص بين وريقات الصفصاف …صغر عينيه وهوا يسمع صهيل العود هز حاجبو وإبتسامتو كادت تخرج لولى سيطرتو عليها وتمشا قاصد مكان الصوت بقى مضيق زرقاوياتو من الشمس ، وميبان ليه غير سلهام فالارض محطوت
غادي ناحيتو و جلس على ركبتو هازو بين ايديه ، وقف وهوا قارن حجبانو ومقربو لنيفو مستنشق ريحتو
دور راسو وهوا يبقا مكوانسي فبلاستو الصدمة خلات شفايفو تتفرق معا بعضها لسانو تلجم…
°قبل دقائق كارفة قشابتها ولايحا سلهامها وفيدها هازا سلتها لي فيها جمعات حبات العفص لي قطفات والحجر فيدها هزات وعلى شجرة العفصة نيشات وشطب منها هرسات….
تحنات عليه وبقات تقطف منها الحبات حسات براسها جمعات بزاف ، ووقفتها جمعات وسلهام فالشجرة علقات ولبحيرة قصدات حيزوم منها رودات ولجام ليه حيدات وحريتو ليه عطات وهيا للبحيرة تمشات…
بحيرة لي ماها آزرق صافي تيعكس لون سماها والشجر لخضر بيها مضور والقصب فجنابها نابت وصوت جريان الما منها مسموع بحيت واد ليها غادي وواد منها خارج …
قدامها وقفات وصورتها فالما الصافي تعكسات ، كساتها هزات فالما رجليها حطات والتبوريشة معها طلعات وشوية على برودة الما تعودات وتبسيمة على تغرها ترسمات والمشبح من فوق راسها رمات وفالبحيرة دخلات والعومان فيها بدات بالاسترخاء حسات وجسمها للما سلمات وعينيها سدات….
الصدمة خلات شفايفو تتفرق مع بعضها لسانو تلجم كأنو تيشوف مشهد من شي رواية خلا بؤبؤ دعينو يزيد يوساع وينسى الغضب لي شاعل فعينيه، لبرهة نسا حتى الألم لي فراسو…
اشعة الشمس منعاكسة على الما مخليين منظر بعيد عن الواقع منظر سحري يخليك تحس براسك فحرب نتا معارفش كيفاش بدات وايمتا بدات و علاش دخلتيها من الاساس
كيبان فقط راسها خارج وشعرها ضاير بيها لي الشمس مخليا لونو يبان فتان مغمضة عينيها وخرير الما تيتعاود فأذنيها كتحس بيه كيقيس فجسمها وكينهش لحمها ويلعب بشعرها ، يقيسها بهاد الطريقة ومكتمنعوش عاطياه كل الحرية وكأنه عاشقها السري…
شافها غضور ضار قبل منها وهيا لي فرقات بين شفارها الفازݣين متوقعة تحلهم على المنظر لي مولفين ايشوفو ، لكن وقع العكس تحلو على منظر راجل قدامها توسعو عينيها وقلبها كينبض بالجهد لي عطاه الله جسمها لي كان بارد طلعات معاه الصهدة بحلا كالسة وسط العافـ.ـية ماشي وسط بحيرة
تسناها تنطق وتقول اي حجا ملي تشوفو ولكن… مهضراتش شك فراسو واش بصح شافها ولا تخيل بدا تيشك واش هي من الأنس ولا الجن…
ايكون تخيل !! ولا تكون جنية سمع اساطير كثيرة على الجنيات و لأول مرة دخلو شك واش تاهوا شاف جنـ.ـية
…. بغا ايضور ويأكد لعينو دكشي لي شاف …لكن سرعان مارجع كيما كان مني سمع غواتها
هـنو : وياااك تضوور
صوتها حرك شي حجا قوية ومشاعر عميقة لداخل …كان مميز اي راجل يتشها اسمعو ، سرعان ما ابتسامتو فلتات ، مورا ماعرفها نفسها لبنت لي ضر باتو وفلقات راسو لي باقي د مو منشف…
شهـيد : ضاق عليك حمامكم ابنت الناس وجاية للواد تتوسعي ..
لارد منها عض باطن تغرو وعاود نطق بصوت مجهد كانو مسمعاتوش لمرة لولة
شهيد : هـضرييي ولا غنضوور
هنـو : سير فحالك من هنا ،ماشي شغلك فيا وفداكشي لي كندير
شـهيد : شغلي ، ماحدك فأرضي فا شغلي وزايدون راك غير تتوسخي فالما لي منها ناس الدوار تيرودو بهايمهم
هنو : ارضك ! على شكون نتا بالسلامة(طلعاتو ونزلاتو) سمعو شكون تيهدر ،بحلا مشي نتا لي عاد كنتي خارج منو
السخرية لي قالتها بيها خلاتو اتبسم جاتو على گانتو كيوت …. كيعجبوه الناس لي على راسهم ادافعو كيفما كانو …
شهيد : راه غنضور عارف راسي مكيسواااش ، وقاادر يغتصـ.ـپ بنت بعينيه
وجهها حمار وعينيها وساعو ….بدنها رتاعش انفاسها تقال ضروها فصدرها….خدات نفس عميق وزفرات تتستجمع شجاعتها
هـنو : ايلا درتيها ترحم على روح الگيضار
شهيد : (عض باطن حنكو مانع ابتسامتو تزيد توساع ) الله ارحمك ياروح…..
هـنو : ايلا درتيها ترحم على روح الگيضار….
شهيد : الله ارحمك ياروح(علق سلهامها فالشجرة وزاد) كملي كملي ، هنا راجع بينما خرجي نتحاسبو على راسي لي فلقتيه
مداتهاش فهدرتو وتبعاتو بعينيه و مجرد ما غاب عن ناضريها نطقات
هـنـو : داير فيها عضلات عنطر ، بخخ كحل الراس وزيد بالتنفاخ من الفوق …!
راسها من الما خرجات دوراتو فكل القناة يكما يكون فشي وحدا فيهم عاد …
من الما خرجات الكسيوا البيضة عليها لسقات منحنياتها بينات وبياض لحمها مخبات وشعرها السارد غادي بقطيرات…
لسلهامها تمشات وفيه بالزربة تخشات وسباطها لبسات وسلتها هزات هزات كمشة دالما شربات والمشبح فوق راسها رجعات وعلى راسها القب حطات ولحيزوم لي معطلهاش صفرات….
• فالشمس كلسات تاسترجعات دفء جسمها بعدما من تما بعدات ولدوار قربات عاد كلسات وفسهوتها دخلات….
تا بدات تسمع صوت إيهتهت ليها ويناديها شكون من غيرها مريامة مولات الخالة والضحكة البهلالة
حداها وصلات وعلا ركبيها تحنات وللهيت عطات : و و ـواش تصمكتي ولا … من قبيلا وانا نبرح
هنو : نزلي نزلي لولواد عتقي روحك شوية وتموت وباقي تا زواج لي ميتة عليه باقي متزوجتيه
مريامة : ( وقفات وهنو لحضنها جرات وقالت ) هههه واتي واتي واهنو واتي باركي ليا ، واتي صحيبتك تخطبات وغتعرس وتولد لولاد وتاهيا تدگ لوتاد
هنو : صبري صبري تتهدري بصح ؟؟
مريامة هزهزات براسها وعينيها دمعو وهنو بالفرحا محسات براسها تا زغرتات
هنو : رورورورورويـ..”قاطعاتها مني حطات يدها على فمها “
مريامة :(مخرجة عينيها ) واش تبوهلتي ولا مالك بغا تشوهينا!!!
هنو : سريِّ والله تا سريي انا لي تندير ليك لفال ، ايوا علا سلامتي نتهنا منك غير متقوليش ليا مول لحديدة لخزية
مريامة : وحق بوعبيد و عايشة ملات المرجة ماشفتو ماريتو غير هوا سمعت بلي ولد لحاج حمادي من قبيلة بوكيدان (خيبات سيفتها ) كونغا كان ولد لمدينة …
هنو : ايوا الله ايستر ويعفو ،شوفي من جنب المزيان هانتي غالبارح تطلبي تزوجي وربي دارهاليك قد فمك
مريامة : وامن ديما طنطلب ولد لمدينة !!
هنو : زيدي زيدي يالهبيلة ولد القبيلة خير من ولد لمدينة
مريامة : تي اش سايرا ديري بعدا هنا
هنو : مينتي بغات حبات العفص من شجرة لعفصة لحقاش حليمة تينبت ليها شيب
مريامة : (ضحكات بجهد ) هههه تا بلارج با ايزيان ولا ، شكون غادي ايتزوج بوحدة هارفة مابقا فيها فير ضروس زيدي قلبي معيا على نوار الريحان …
بقاو غادين شحال تيقلبو وفنفس لوقت ….يتمشاو وينقيو فالطبيقة من شوك ياكلو ….(هدي واحد النبثة موجودة فبزاف دالمناطق جبلية ) ….غادين مجمعين بيناتهم ومريامة تتعاود لهنو بالتفاصيل اش قال بها….
طاح ليل وبانت ݣمرتو … فدار بوسلام لي تتشعل بالنقاوا مفرشينها بزرابي نساء الأطلس وريحة لبخور منها تفوح وعائلة مريامة داخلين خارجين
وقفو جوج طونوبيلات نزل راجل كبير بجلابة تقليدية وعكاز فيدو بلحية بيضاء شاد ايد شاب في اواخر الثلاثينات وتابعينوهم ثلاثة رجال بمشية هماوية…
اما بوسلام ونسيبو ايرحبو ويعاودو القلوبة من عينيه خرجو كون لقى ايجلس الناس فوق راسو ولا وسط عينيو كون جلسهم
مجرد ما دخلو خلاو دار تعطعط بريحتهم لي وصلات لجيوبها الانفية هيا لي لابسة بيجامة زهرية لي واخا شابعة فريك وباينة قديمة ولكن نقية والمشبح فوق سالفها الاسود لكحل فعينيها وسواك ففمها ومن فتحت لباب تطل متبعة ليهم لعين ولكن تلفات شكون فيهم جا يخطب قلبها من بلاصتو قرب ايخرج حناكها رجعو حمرين كيف الرمانة بالحشمة وسر عليها طاح …
مريامة : (ستنشقات الهوى ولي ممزوج بروايح رجولية ) اححح الله وريحة زماني واصلاني (صرفقات حناكها ) اويلي هدا كولو زهر عندي لا لا لا اكيد شيباني لي سابقهم هوا لي جاي بايخطبني مفيها شك …
رجعات تحنات تتشوف من فتحت الباب ومعا تحنات تحل لباب وجاتها أماااق لجبهتها تا سندات عالحيط وبدات نازلة معاه وهيا شادا جبهتها
مريامة : ميمتي ميمتي رزاتني بنت لحرام ميمتي فين ايبوسني
السعدية “ختها” : (ضـ.ـربات فخاضها بالخلعة ) اميمتي جليت ليها القبلة
مريامة : وتي جيبي الصلاية
السعدية : تي اش غديري بشي صلاية انجيب الثلج
مريامة : وانتي قلتي جليتي لقبلة جبي الصلاية باش ايتبت لاجر وحنى تنقلبو عليها….
اما فالمجمع عند الرجال بعد التحية والسؤال على الحال والاحوال والتعارف بيناتهم دخل الحاج حمادي فصلب الموضوع لي عيا مينغز فيه حفيدو واخيرا قالها
حمادي : ايوا اسيادنا اتاي وشربناه والطعام وشركناه واندخلو دبا فصلب الموضوع ، السي بوسلام راك تتعرفني وتتعرف اصلي وفصلي وعارف لاش قاصدينك
بوسلام :(حط ايدو علا صدوا وتيومي براسو )الله اودي عارف الي كاين مرحبا بيك
حمادي : ايوا اسيدي حنا جين طالبين راغبين ايد بنتكم لولدنا ونيس على سنة الله ورسوله الولد خدام بدراعو وبفلوسو
بسلام هز عينيه ف ونيس تيتفحصو بعنيه كان شاب في اول الثلاثينات وشعر كحل ولحية مغوفلة بكوستيم رمادي وساعة فيدو كان انيق وسنانو بانو مستفين معا ابتسامتو الجدابة
بوسلام : ايوا اسيادنا من جيهتي القلب صافي فين غنلقى نساب بحالكم غيرهوا ناخدو راي البنت ونرد عليكم
حمادي : ايه ماقلتي عيب…
مشا بوسلام ودار حمادي عند حفيدو : امالك نتا تنغز من الصباح
مربوح “اب ونيس”: وا راكى ابا شاد النقيب بلا فايدا ودخل فالمضوع لي جينا ليه
داخل بوسلام : سمحو ليا تعطلت عليكم
حمادي : خود وقتك السي بوسلام
بوسلام : ايوا اسيادنا البنت قالت من بعد راي مابقا راي ونقلو الله يجعل كولشي مبارك ومسعود
حمادي : ايوا نقراو الفاتحة
كان كالس بكاسكيطة وجاكيط كوير فالكحل فالقنت متبع كلامهم كولو تيحلل فيه ويفصل ويخيط بينو وبين راسو الكسدة راها تما والعقل الله اسهل فيه ، حس بونيس تيحرك فيه
شهيد : أمالنا ؟؟
ونيس :(تحنا عندو ) ادير كفوفك اخاي
دارو ايديهم كيقراو الفاتحة وبوسلام غير ربي لي عالم بفرحتو
حمادي : والحمد لله ارب العالمين ، ايوا اسيادنا العرس هاد سيمانة
بوسلام : والكمال على الله…
انتهات الزيارة ، وسلا لكلام وشوار و ، لي سلاو بالرضى والمحبة وتوطدات العلاقة… تعاونو سعدية وعايشة ومعاهم مريامة طبعا فغسيل لمواعن وتطراف الدار …
فسواد ليل والمشط نازل بين خصلات شعرها لي كيف السبيب حرير ، الجسد حاضر والروح شاردا والتبسيمة علا تغرها وهيا تقول
هنو : حالفة الطريق حتى تلاقي لعدو والصديق (سكتات لوهلة وكملات ) وحالفة تلاقي لغريب بالغريـب
نتافضات ملي على مسامعها صوت زينب سمعات لي برجلها لباب دفعات وعند هنو تمشات والخبيرا ليها وصلات
زينب : هنو وا هنو تخايلي يخرج لينا عفريت…ويقولينا شبيك لبيك لي طلبتوها بين يديكم…وامير فوق عودو يهرب بيك و فقصر عالي يسكنك ويلعب بيك ..
هنو :(وقفات ولـ السرير زينب جرّات) بسم الله عليك ، خرجو عليك حجايات هاينة
على السرير كلساتها والصباط من رجليها حيدات والدربال عليها ردات وزينب راسها منو خرجات وبصوتها الطفولي نطقات
زينب : انا بعدا مكرهتش يخرج لينا…شي جنيون ضريف راه حتى هما بحالنا
هنو :اتنعسي ولا نوض ،لسانك مضى من سنانك الصفريطة ليتبقي ستر
زينب : (تفرشخات بالضحك) ههههه هاهي اتنعس
حركات هنو راسها دهابا وايبا وشفتها عضات وفالقنت سهات وقالت
هنو : لقيتها
زينب :(براسها عليها طلات) اش لقتي شكون هيا
هنو :(دارت عندها محمرة فيها ) لقيت جنية لي غتديك عليا غتنعسي لا اوجه لبلا
زينب فالدربال تخشات وراسها منو مخرجات هنو على هبال ختها ضحكات وبين شفايفها تمتمات
هــنو : شوبيك لوبيك لغريب بين ايديك…
• تحت دالية كالس وظهرو على كرسي مسند والقب على راسو نازل ، كتاب بين ايديه هاز مكانش حالو كان ساهي فيه ، هاز كف ايدو وبدا فمشيط لحيتو بصباعو وزاد سارح بعقلو بتاسم معا تنهيدة قال بصوت الرخيم
شـهيد : جيت تال بلاد فليوا وبغيت ايجيني رواح
لاح لكتاب علا طابلة حاك جبهتو
، صوتها باقي عالق بين دانو مخلية ذكرى بسيطة وفنفس الوقت بساطتها مخلياه يزيد ينجادب
مشات بيه ذاكرتو لصباح ملي زاد راجع…
« كان لابس حوايج وراجع ملي شافها شادا اللجام ومطالقات بسرعتها بحال السهم
شهيد : هيييه فييين غااديا تسناااي
ضار راكل الشطب برجليه ووقف جامد وهوا تيشوف الشطب عاد فهم بلي كانت تتنيش على الشطب صدقات منيشة علا راسو
شهيد :نيشات فالشطب لحجر قصد الراس والنياش قصد القلب »
ما فاق من سهوتو غير على صوت كرسي تحرك حداه
عــزة : (عينيها على لكتاب ) زين جبال طير ليك النعاس ؟
بهداوة لكتاب من قدامها جر وكف ايدو عليه حاط
شهيد : ونقولو زين جبال طير ليا نعاس نتي (غمزها) شكون مطيرو ليك
عزة : نوض نوض تحط راسك مبقا حيا فهاد زمان …
• طق طق طق خطوات الخيل سمعات ومن نعاسها نتافضات و عينيها فالضلام وسعات
تحل لباب وتم داخل هاز بيل فيدو بانفاس متسارعة تمشا حدها ووقفها من دراعها حط ايدو على كتفها ، وهيا بدورها نوضتها جمعات وسلهامها لبسات وقب السلهام على راسها حطات وخرجات سادة لباب وراها….
طق طق طق حوافر الخيل سمعات وبسهيلو نتافضات وعينيها فالضلام وسعات…
تحل لباب وتم داخل هاز بيل فيدو بانفاس متسارعة تمشا حدها ووقفها من دراعها حط ايدو على كتفها وبحنان مدوزها وبصوت خافت عيط لها، وهيا بدورها نوضتها جمعات وسلهامها لبسات وقب السلهام على راسها حطات وخرجات والباب من ورها سدات….
نعس الليل وفاقت شمس العالي ضوات لمكان والقبيلة كلها تهدر على عرس مريامة لي كما قالت ليهم عايشة بلي كولشي جا على غفلة ولجراتها لقرابات عيطات ومن بيناتهم هاينة لي “بهر بر” تكلفات معروف عليها طيابو لي ديما تقنات ، وشي بغسيل الفارينا كلفات ، شي بالفرارج لبلدين لي علا قصاري تعامي غيكونو تاهوما كلفات ، اهم حاجة الشغل عليهم فرقات
°بين جبال في منطقة خالية ، غير الخلاء والقيفاار حس بنادم مقطوع و بالظبط فالخيمة لي حداها جوج خيول واحد كحل صحيح مگضر والتاني فالبني وشعرو دهبي ، وهازين صحة واشمنك ياخيول مݣضرين وورا لخيمة جوج طونوبيلات محطوطين وحداهم كاميو لي عليه لفراش ولخيمة هازين…
ف الشميسة كالسا ، رجل مسرحة ووحيدا عليها جالسا وللون شعرها بالشمس صار فتان وعويناتها فالشمس صغرات ووحناكها لحموريا فيهم طلعات قنانفها لي كيف للون النبگ لبلدي ملونات، بكساتها البيضة وتريكو دصوف من فوقها لبسات ، حداها صينية دالنحاس وبشعا الشمس لمعات…
كان مقرد وكاس داتاي مشحر فيدو لي مسرحها على جنبو ، ساكتين شحال غير تطنينات الشمس لي تسمعات ، والصمت كسرات و عندو تتلفت
هنو : بآسيدي عطني شوية من قوافي كلامك وزوايدو وتقصير لسانك على الراجل لحر
الطيب : اش بغا بزوايد فالكلام الالة بنتي انقول ليك راجل لحر فكلمة وحدا
هنو : كيقولو سيادنا لوالى الكلام بلا زوايد بحال البيد بلا وسايد ايوا وزن كلامك وقصر لسان وبدا
الطيب : (قهقه وقال ) لي حبات خاطر لالة بنتي آتدار
حنحن وقال بثقالة بكلامو لموزون وعينيه فالكاس زاگيين ومنها ما متحركين، وخا مرا مرا يسكت شحال عاد يكمل ….
الطيب : عرفي الالة بنتي شحال من واحد دبا راكب غا على حمار…. وصحاب راسو مسرج لعود وشحال من واحد نلقاوه لابس سلهام وعمامة ….. وفراسو قلت لفهامة ،وشحال منهم كادبين على ريوسهم وحاسبين نفوسهم شاان وحاجة وهوما…ميعرفوش تامنين تدبح دجاجة الراجل الالة بنتي هوا ولد دراعو ،لي يعري على كتافو ويخدم على ولادو والى لقتي الراجل كان باه وجدو غسلي عليه ايديك ، وهادشي الالة بنتي مزال تقرايه ف لكتوبة
هنو : (سهات شحال وقال معا تنهيدا من اعماقها ) ايــوا ابا سيدي خلاها مولاها عليها كلمة لي مقرا فكتوبة ،مـزال تعلمو ليام….
•المنحوسين ودنيهم على لخيمة حاطين وكلامهم من اولو لأخرو سامعين …
السالمي : غير من لسانها لي يقطر عسل نقول غزال اخليني بلا عقل
ميمون : على ماسمعت قالو زينها فتان يمكن هادشي علاش لينا متبان
السالمي : الى زينها فتان علاش ايرضو لعرسان لي دار قاصدينها لحلال زعما ايكون فيها شي عيـيبـ….
حسو تقطع ملي شافو من وراهم جوج رجال واقفين ووقفتهم بالزربا جامعين ومن قفاهم تجرو ممحنين …
شافو من وراهم جوج رجال واقفين وهما وقفتهم بالزربا جامعين ومن قفاهم تجرو ممحنين تال لبيجو واصلين وللكاميو لي حداها دفعوهم داخلين وعليهم مزيرين …وإيدين عابد والتهامي عليهم شانقين
التهامي : (صرفق ميمون خلا وجهو يدور ) اش ندير معاكم اش ، اخاي عابد اش نديرو معا هاد تريك لويـ.ـل كون شافهم سي الطيب يباتو مايصبحو لا حنا لا هوما
عابد : تاحنا ملي شفناهم غيباتو مايصبحو
السالمي :”شانق عليه عابد ” هالعار هالعار اسي عابد راغير كنا كالسين مقشبين
عابد : هيا كنا جايبينكم الحمير لنقيب والتقرقيب نوض على سلامتك ملي مشي سي الطيب لي شافكم
تهامي : واقيلا نساو اش دار معا لمهدي ولد لالة التايكة لي بات ماصبح لا هوا لا مو وهوا مدار تا فعل قد فعلتكم
عابد : وكون غير لقيناكم تتهدرو عليه هوا ايسامحكم ، نتوما مشيتو لعينو وتتقيسوها بالعود
ميمون : ندير لي حبات خاطركم ونوات نعطيكم لي نرزاق ونكساب غير لسي طيب متقولو ليه شاي
عابد : تهامي اش باليك نݣطعو لسانو
السامي : ميكونش قلبكم قاصح وتنساو لعشرة راني غاولية ،ببغيت لا راني غاعبد ضعيف لاتديوش عليا
تهامي : ترجل رجلة ونطح عجلة ، بان ليا نعلقك ومن رجليه نفلـ.ـقك
عابد : تا هادي مشي خسار ومتقصحش اتهامي راه مسكين غاولية …
°داز نهار و ليلو وتبعوها ليالي وايام °
في دار بوسلام تهزو لخيام وتدݣ وتادهم صوت الزغاريد والصلاة على النبي تتسمع من بعيد
واقفة مريامة قدام لمريا لي طويلة وعلا جنابها نقش قديم وقدامها السعدية ليها تحزم لقطيب “مشبح”
مريامة : شحال هدا كنت وردا لاوية
هنو : “تتقاد لكحل فعينها ” غا سمعتي تعراس ودݣان لوتاد وليتي قمرة داوية هههه ، غتلقاي دبا عريسك كي سبع كيتعنطر
سعدية : دبا نشوفو واش لعريس سبع ولا مشيش
هنو : تايحرت لقنات بعدا
مريامة : وكونو تحشمو خليوه بعدا يبدا حفير
شافت لعيلات داخلين وبالبنادر وصينية دالنحاس هازين معمرة بالورد والحنا والكحل بليدي وسولك ومراية والعكر الفاسي وشمع وقالب سكر منقوش بالحنة
شدو مريامة دخلوها لبيت مفرش بالزرابي والمساند ليه دايرين تكاية تحطات فقنت لبيت وعليها ايزار بيض مطرز بطرز خضر ومساندو مطروزين ،كلسو مريامة بقفطان بيض ومضمة تالنقرة عريضة ، وقطيب حمر وعليه خطوط فوق راسها، ولحبق لراسها مدورين ووجها مغنبرين وبيزار بيض راسها مغطين……
النقاشة على جوج وسايد جالسا ووحدا ايد مريامة عليها حطات وبنقش ليها بدات ولبنات الطرح مسـ.ـخنات ومنهم هنو لي الطعريجة ما حطات والطرح مسـ.خنات ، وفجنب مريامة ليمن جلسات ومن ليسر السعدية لقطيب ليها سݣمات ووجها مزيان غنبرات
( لعريس ماشوف عروستو تايضربو لبيض بالكحل ولا هيا تشوفو “حتى نتوما متشوفوه هه ” )
بداو ناس القبيلة اتجمعو الرجال فالخيمة لي دكو وتادها والعيالات لدار داخلات لي يسربي ولي يتسخر راه اتسخر وكلا تابع شغالو والناس ناشطين وفرحانين ولطبولة داقيـ.ـن
الطيب واقف على سربة دالخيل لي واجدين وبواردهم “مكاحل” هازين حاط عمامة فالراس والبرنوس على لكتاف ومحزم بحزام ويديه وراه وعدو بسلام تقدم وعليه سلم
بوسلام : مزيان ملي جيتي دادًّى خلعني لحسن ملي قاليا غتبقا سيمانة فالݣمرة
الطيب : غير سمعت خبار لعرس كون سريت ندير جناح كنت نوصل معا دبيحة ولاواه عرس بنت خويا وانا نخوي عليه
بسلام : (باس راسو ) لهلا اخطي علينا وخلاص
الطيب : يلاه يلاه تهلا فناسك والسربة متعتل ليها هم
°الحناء نشفات وعايشة دبليج دالنقرة فلحليب غطساط والحنا بيه قشرات والسعدية بخرقة بيضا يديها ݣنطات وعلا وسادا ايديها رجعات
السعدية : قربو لبنات مدو يديكم لحناء
واحد مريامة كالسا حشمانة الخلعة شاداها والتزنيݣا طالعاها وهنو تنطق من حداها
هنو : امالك أوو هداي هداي كولك تغزلي
مريامة : غنمـ.ـوت بالخلعة كنحس بالبولة غتخرج ليا فقفطاني
هنو : خلاها مولاها العروصة فوق الكرسي ومتعرف فين ترصي، تنفسي وكان وهداي راغير غتزوجي ماشي تولدي
مريامة : لي سمعك غيقول راك مرا خاترا وفالهضورات فاهما ديري ديري حنينة ربي يحن فينا
السعدية كيف لعجاج عندهم قربات وجناب طرفات وعند مريامة قربات وعودات الزيف لبيض فوق راسها سݣمات
سعدية : ماتخافي ما دهشي ها زمانك جا وديري لي وصيتك عليه
وقفو لبنات خارجات ومنهم هنو لي عند وذن مريامة قربات
هنو : ماتبيعيش كنزك بالخيص
مريامة فهمات وضحكات وهنو عند لبنات مشات …..
•واقف بوقفة هماوية جنب البحيرة لي فيها عقلو تسكن وقلبو تصاب ، ويديه ورا ضهرو ، بجبادور دالميبرا كحل مطروز بالدهبي .
واقف بوقفة هماوية جنب البحيرة لي فيها عقلو تسكن وقلبو تصاب ، ويديه ورا ضهرو ، بجبادور دالميبرا كحل مطروز بالدهبي
مكدبش لي قال البلدي غير ما زادو هيبة وشان
الظلام مخيم فالسما على ركبتو نازل وبيدو لما قاس ولات هاد لبحيرة عندو بحالها بحال شريب لما كل نهار ليها يجي باغي يروي عطش قلبو بشوف لي قلبو غيرها ما ختار …
خرج تنهيدة خاترا من قنانفو مزير على قبظة ايدو معاود تنهاد وهز راسو فسما لعاليا ، وضور راسو كيشوف منين دازت ومتبع العين لطريق لي منو مشات ، حاجة وحدا لي شاطنة ،شاغلة ،واخدة بالو وتفكيرو “هيا”
واش غيرجع اشوفها عطا وعد لراسو الى رجع شافها عمرو باقي يفلتها … قرار واحد وفكرة وحدا ، انها ديالو وليه طوال زمان ولا قصار وسوا رضات ولا غيرو بغات ليه ليه….
بقا ساكت شحال تيتسمع غير صوت الدياب والحشرات الصغار لي وسط الربيع وجريان لما وهوا ينطق بلاما يحس …
شهـيد : غير صوتها و وفين وصلني ، آش غيدير ليا وجها كامل نهار نشوفو
قال كلامو وهوا مغادر لمكان
• على خيل بيض راكب وجوج طنوبيلات تابعينو بالهدية ومربوح جار حولي (حولي محلحل غير ݣرونو فيهم ربعة كيلو )والعيلات بالزغاريت داخلين بالصلاة والسلام
الرجال تكلف بيهم لحسن وابراهيم للخيمة مدخلين
عايشة فوق راسها صينية بالحليب وتمر والحباق وسط الكاس وريحتو تفوح وهاينة هازت كصب طويل وفيه لقطيب وريحان تتشالي بيه والسعدية هازة مريشة تسلم عليهم و ترش ليهم …
قرب سيد العرسان بجلابة بيضة وفوق كتافو سلهام نازل من فوق العود ولالة عايشة من كاس لحليب جغمة مشرباه (لحليب لي تغطس فيه دبليج دالنقرة لي محيدين بيها لحناء لمريامة )
دخل لعريس تابعينو لعيلات بالصلات عالنبي وكالس جنب عروستو وقب السلهام علا راسو مباين من وجهو والو من غير لحيتو لكحلة لمغوفلة حاط ايدو علا ركبتو
لعيلات مدخلات صواني لي فيهم لهدية ها صواني لي فيهم الحنا وها لي فيهم الفاكية ام لعريس معا عايشة مجمعة اما لالة عِزة عند العرسان قصدات ، هزات ايدو وحطاتها علا ايد مريامة وهيا تقول
عِـزة : ايوا اسي لعريس جمع راسك ، متنعرفش عليك حشومي يما شديتي يدين …..
لعيلات مدخلات صواني لي فيهم لهدية ها صواني لي فيهم الحنا وها لي فيهم الفاكية هالي فيهم الدهب وقفاطن من توب لحرير ، كولشي يوشوش ويقول سيد لعرسان فعروستو تهلا والخير عليه بان
السعدية وهنو من لباب داخلات ولباسهم مبدلات هنو بكساتها باللون رمادي وعلا راسها لحاف وشعرها زغبا منو مبينات ونص وجهها خفات غير عوناتها لي خلات والسعدية كدالك بقفطان والقطيب لي حيدات هنو لبسات
الصينية بيها داخلات حطوها فوق طابلة دالعود لي فيها قالب السكر والكحل والسواك والعكر لفاسي ووريقات لحنا وشميعات والسعدية هزات منها الزليفات لي بالحليب معمرات وللعرسان قدمات
عزة قربات وليهم لخواتهم عطات ، شد ونيس يد عروستو وهيا كتغزل ترمات تبسيمة خفيفة على تغرو مخلية غمازو يبان من تحت قب السلهام زير على يدها لي كانت عرقانة ومسهطة ودخل ليها لخاتم بكل تقالة …
تبادلو لخواتم تحت غنيات لبنات والصلاوات على النبي ،هنو قربات و لمريامة تغنبيرا شوية علا وجها هزات ولاكن وجهها ما بينات …. اما السعدية لونيس زلافة عطات ، ومن تحت الغنبار شرب عروستو لحليب وهيا نفس شي وعطها تمرة وهيا عاضة التمرة قرب ليها هامس لمدة من الزمن مخلي عينيها اتشرعو من تحت اللتام والحموريا طالعاها كي الرمانة مزيناها….
وعلى راسها من فوق لقطيب قبلة دافية حاط وعند الرجال ناض وهدشي كامل وهوا باقي قب السلهام حاط
هنو قربات حدا مريامة وتحنات وتوشويش هيا وياها بدات
عزة بنت من لبنات الصغرات شدات وعلا لبنات ليها وحدا بوحدا شيرات هيا تسول والبنت الصغير تعطي الفصل والمفصل بالتفصيل والنسب ( تقول عندها حالتهم المدنية)
عزة : سبحان الله كولشي زين ولكن وحدا فيهم ممقنعاني ، ااوهدوك حدا لعروسة تا هوما عزبات
سعاد : لاء هدوك فيهم يما ويما مزوجة بآ ….اااا وحدا بنت عمي المعطي كانت تخطبات ورجعو فيها الناس وهديك هنو لي ختها صاحبتي وتيجيو فيها لخطاب ومبغاتش تزوج
عزة : “بقات تتشوف جيهتهم شحال ” وعلاش هديك لي ختها صاحبتك مغطية وجها
سعاد : “شقات” والهبيلة راها تتعريه غير ملي متيكونوش رجال غير قبيلا كانت لابسا داك لقفطان لي لبساتو ماما دبا
عزة : وعندك خوك
سعاد : الله انجيني بغتيه ايبقا يضـ.ـربني
عند لبنات لي هزو الطعريجات بداو بالغنايات وعزة عند زلايف دلحليب مشات ولي شربات منها لعروسة هزات فيد واللي شرب منها لعريس فيد ، وعند هنو والسعدية لي كانو محنين على مريامة قربات
عزة : ” نطقات بسرعة وبتصنع لهنو ” شدي شدي شدي
هنو بالزربة عندها تلفتات ومريامة تخلعات ،هنو زلافة من ايد عزة شدات ….وعزة ليها قربات واللتام من وجها حيدات شوفة فيها طلعات عاد الزلافة عند فمها دفعات ومنها هنو شربات
اما واحد السعدية لي زلافة دالعريس عليها تخوات …. عزة عند مريامة هبطات والصدمة على وجوه لوخرات خلات …
عـزة : قولي ليا باش كان سيد السلطان كيهمس ليك ….
الدنيا مقلوبة وعزة ماشيا عند مريامة طامعة فتبرگيݣة
عزة : قولي ليا الالة لعروسة باش همس ليك سيد السلطان
قبل متجاوبها جات عايشة وبهجة مت ونيس تيتجراو مخلوعات
بهجة : اويلي اعزة ، لحليب تكب هدا فال خايب
عايشة : شكيكو اختي بهجة الله انجي
عزة سمعاتهم حركات راسها بلا حول و خبطات ايدها معا راسها ووقفات ليهم
عزة : كيقلو الالياتي لفهيمات كبان حليب لعريس هوا حمالة بالذكر للي عليها تكب ولي شربات من حليب لعروسة عرسها ورا عرس لعروسة وهدشي قالتو ليا عگوزتي الله ارحمها
بهجة : اييه عندك الحق تنا سمعتها من عكوزتي ومن مي الله ارحمهم
عايشة : ايوا ملقيت منقول ، السعدية سيري ابنتي بدلي حوايجك باش نخرجو ختك للمراح راه الشيخ قرب ايوصل
السعدية : واخا امي ومتنساوش تغسلو ليها رجليها بالما لورد فطاس دالنقرة
عايشة : فكرتني ايفكرك الخير ، هنو جيبي ابنتي داك الطاس لي خليت عند زهور راه فيه الما والورد
خرجات هنو منزلة على وجها للحاف و عينيها حمرين ومشات جابت الطاس خاوي وجرة فيها الما صافي ونقي ووريقات لورد..
حطو رجيلات مريامة على الطاس وبداو لما الصافي لعامر بلورد عليها يخويو ….هدا تقليد باش يبقا ديما زواجها صافي بحال طاس النقرة والما الصافي كاين لي تيحط دبليج دالنقرا كافي اما ناس لقدام كانو احطو طاس نقرة صافية….
من بعد هزات بلغة خضرة مطرزة بالدهبي لبساتهالها ووقفوها بالزغاريت والصلات والسلام على رسول الله مخرجينها
وخرجوها للمراح لي فيه كان الشيخ والسي الطيب وبوسلام كالسين ومعاهم فقيه جامع والحاج حمادي ومربوح والباقي من رجال العائلة برا كلس فالخيمة
جلساتها ععايشة وبهجة على وسادة هاد لوخرات لي حاطي لحاف على ريوسهم وعزة خرجات وتلاقات معا شهيد فلباب وعليه طمنات ومعاه دخلات وهيا فكف ايدو شدات
جلس شهيد حدا ونيس عاد بدا عقد القران ديالهم والشيخ تيعقد زواجهم وعطاوهم بصمتهم ايحطو من السمخ، والشهود فقيه جامع والطيب وتم الزواج على خير
وهنا تسمع صوت البارودة حيت التبوريدا مبدات تا تم عقد القيران وتقراة الفاتحة
خرجو الرجال وعاد بدات لقصارة معا شطيح والرديح والماكلا على لخيام تفرقات
نص ليل وصل وعاد لعريس دا عروستو وقبل خروجها دخلات عتبت الباب سبعة دالمرات دخولها وخروجها من تحت ايد باها وعلا نزولها من العتبة عفسات علا بيضة بلدية وخرجات بالبكا ومعا راجلها لدارها مشات….
في بيت من طويل عريض وسقفو فيه ترية ولايني كان بيت زين فوق المضربة كالسا تدور راسها فالبيت والتبسيمة على شفاهها وعينيها تتساريهم فالبيت
سمعات لباب تحل وتسد ، يديها فاركة حاسة بالفشلة والخلعة بدا ايطلع معها القالب عاد عرفات اش متسنيها …تقدم عندها سيدي السلطان ..
في بيت من طويل عريض وسقفو فيه ترية ولايني كان بيت زين فوق المضربة كالسا تدور راسها فالبيت والتبسيمة على شفاهها وعينيها تتساريهم فالبيت
سمعات لباب تحل وتسد ، يديها فاركة حاسة بالفشلة والخلعة بدا ايطلع معها القالب عاد عرفات اش متسنيها
دخل ونيس ودخولو خلا قلبها بدا يضرب بالجهد وصلت الليلة الحمراء لي كتسنها كل بنت باش تولي إ مرأة … وقف ونيس لي تبسيمة ممفرقاش وجهو محيد السلهام ومعلقو فالعلاقة ورا لباب وعند عروستو تمشا جلس وحط ايدو تحت دقنها رافع راسها شافت فيه بعينيها لي الحشمة خلاتها دغيا تنزلهم ممكملاش فيه تا الشوفة …وهوا ناضر خدودها ل موردين بحال شي رمانة تنهد وقال
ونيس: تبارك الله على سارحة لبقيرات ولات حلالي ، من بعيد كنتي زوينة وملي قربتي وليتي زينت الزينات
تفكرات باش كان هامس ليها وتبسمات
« مبروك علينا ازينة لبنات واخا معرضتيش علا لبقيرات »
مريامة غير تفكرات و تبسمات عينيها حنات وهوا مقرب لخدها طابع بوسة طويلة وطلع لجبهتها شاد راسها بجوج ايدين … كيحس بالسخونية فراسها كيتصبب من جبينها…تبسم قرب لعندها ورجع قال
ونيس : متخافيش انا راجلك ولباسك ترخاي راهم برا وعلى ليلتنا عاسين
مريامة : (نطقات بشوية حشمانة منو) وخا
هادشي غير مزاد حشمها كثر وخلاها تحمار وقربات تسرط باطن خدها لي عاضة …
هز ايديها عندو مقربها ليه وبدا يقرب منها حاس بنفسها كطلع وتنزل قرب من شفايفها واخدهم فقبلة دافية كانت سطحية وزاد تعمق فيها وهوا واخد شفتها وسط شفاهو ونزل معا عنقها مفرق قبلات ظافيا وهيالي
ترخات بين يديه وهيا مزيرة على يدو وهكا بدات ليلتهم لولى لي كلها كانت حروف انجداب وبداو حياة جديدة
المكان اصبح يصرخ بحروف الانجداب …مابين الألف والحاء
العيون تعسلات والاجسام قابلة للاشتعال
اصبحو جسم لي جسم كما خلقو وحتى رعشات اجسامهم زاد النار وقود…
داز لوقت وهكدا الغرض تقضى تحل لباب لي كان واقفة قدامو السعدية وبهجة لي مد ليها ونيس السروال وهيا حانية راسها حشمات تشوفيه والسعدية لفتات وجها لهيه ودخل ونيس ساد لباب بهجة والسعدية شافو سروال وطلقوها بالزغاريت محبساتها بهجة تا تبح صوتها والسعدية خبات السوال فسلتها وخرجات من تما ….. فجمعاتو السعدية ، كاين واحد التقليد
كتاخد السروال لمها لي غتخبيه عندها ويبقا بلا غسيل كيقولو بلي يطول العشرة والمحبة الى بقا بلا غسيل….
دخل سيد السلطان عند مراتو لالة مريامة لي ولات شريكتو فحياتو وفمالو وجاهو ولات شريكتو فحلو الحياة وفمرها ولات نصف التاني
دخل عندها وتشرح حدها زاد قرب لها جارها لحضنو مضور عليها ايديه، هي غير ساكتة فرحانة ونفس الوقت حشمانة قرب راسو لراسها باسها وهيا مغمضة عينيها وراسمة التبسيمة على شفايفها …
مشا الضلام وبانت شمس الصباح … علا العرس تهدر وعلى العريس لي مخلا ماجاب لعروستو شي حاسد وشي فرحان ….
خارجة السعدية وهنو ومعاهم الطيب وعزيز وبوسلام لي …. يحل ليهم يديو فطور لعروسة لحقاش تيقول واحد التقليد بلي خاص خوها وبوها ولكن معندهاش خوها ومشات ختها وكيما تيقولو ماين العروسة متمشي لدار بنتها تاليوم تالت…..
ركبو هنو والسعدية على بيجو دالطيب وسيارة من لور تبعاهم فيها بوسلام وعزيز
نص ساعة وكانو فيها قدام الداري لي باينا عامرة بالناس دار ولا نقول فيرما حيت فيها جميع انواع الداوجن اهل لعريس مرحبين بالناس لي جايبين لفطور
دخلات سعدية وشي خلات مريامة وهنو لصالون عند النسا والرجال لصالون اخر بلدي ديال رجال
جات بهجة بيهم ترحب هيا وعيلات الدار لي راهم بزاف
بهجة : بنتي السعدية علا سلامت ختك و ان شاء الله منكونوش محناكم لبارح
السعدية : الله اسلمك ولواه متقوليش هكاك بالعكس كون لقينا نكلسوكم في قلوبنا
بهجة : ايوا يلاه نزلو ختك بعدا نشوفوها كي صبحات لقتني عاد غنمشي عندها
ناضت السعدية وهيا جارا معها هنو لي ولات صاحبتها كثر من مريامة هوما طالعات وشهيد نازل وبالضبط عينو مشات للحاف هنو لي كان راجع اللور…
وقفات السعدية جارة معها هنو طالعات وشهيد كان نازل بالضبط عينو مشات للحاف هنو لي كان راجع لور وهيا تجرو على الزرة لي كانت ديال النقرة على راسها
هزات عوناتها فيه فقط طلعاتهم تال صدرو مكملاتش تطلاعهم عكسو هوا لي سكناها
تفاوتو لثواني كانت جنبو هوا لي مال على جنب باش ايدوزو ، بقا متبع ليها لعين وتبسم وكمل النزول عند الرجال ….
لبنات طلعو قربو من بيت مريامة وهوما يسمعو صوت عزة هازا تعريجة تتغني مخليا مريامة تغرق فكساتها
عزة : الصباح صباح مالية والملحة والسر عليه هاهوا فوق راسي ماتقولو ما فراسي
السعدية : (هزات ايديها تتصفق ) هاهوا باقي خضر هاهوا تاع لفجر
عزة &بهجة :هانتوما يصحابو خوكم راه صابو
عزة : تبارك الله على خونا طرطق البشونة
بهجة كتندب والسعدية تضحك وتصفق
السعدية : عفاها عفاها حمرات وجه بها
عزة : هاهوا يا لعزارة لا تقولو هجالة
بهجة :هاهوا فوق الثلاجة لا تقلو دم دجاجة
السعدية : هاهوا ياولاد عمرر لا تقولو دوا حمر
عزة :(هزات كغصون بين صباعها) هاهوا السليب سلالة من لعمة للخالة….
تفرشخو بالضحك من غير هنو ومريامة لي معنقات تيتبكاو ستغربو منهم وهيا تقول
السعدية : متديوش على دوك لمعتوكيات من الصغر معا بعضياتهم مريامة واخا ختي تخبي عليا كولشي وماتخبي علا هنو شي حاجة
عزة : آيي قلبي وهرستوه (تمشات عندهم تهيا معنقاهم تتسكت فيهم تبدات تبكي وهوما دارو عندها صدماتهم وقلباتها ضحك ) تنبكي باش تنا لالة لعروسة تعاود ليا واش لقات ولدنا مشيش. لا كلب
بهجة : اويلي علا كلب
عزة :بغيت نقول سبع بع بع (حاطا صباعنها على المدمعة تحبس الدموع) ايه الراجل فينما تبانلو لحيمة يجري ليها كي لكلب
بهجة : كون اختي متنعرفك اش تسواي كنت انتقلق
عزة : وتقلقي نيت ، هنا اصلان انمشي معا ولدي
بهجة : (صدماتها ) اويلييي والله متمشي وتخليني انا فلعرس وروينة ونتي لي مسيرة كولشي ، باقي يوماين زيديهم هالعار
عزة : مغادين فين كون سريت نشدو بيديا ورجليا ، منهار جا مبقا عندو خاطر
السعدية : ايوا اختي ولاد لمدينة صعاب متيكونش عندهم لخاطر للبلاد
هما مجمعات وهنو ومريامة مخشين فبعضياتهم
هنو : مالك معجبتنيش ،واش مقصحة بزاف
مريامة :(تنهيدة من اعماقها وحاطة الراس على كتف هنو ) رماني حماض اهنو…
مريامة : (تنهيدة من اعماقها وحاطة الراس على كتف هنو ) رماني حماض اهنو
هنو : (هزات ليها راسها من كتفها وشدات وجها بين ايديها )الملح ابنن الطعام والصح ايبين لكلام ، اش عند عاودي ليا
مريامة رجعات بداكرتها لاول ما حلات عينها
« حلات شفران عينيها وترسمات ابتسامة علا شفيفها ملي تفكرات ليلتهم وكفاش دوزوها واخا كانت حشمانة منو بزاف ، دوزات عينيها لمدة من الزمن مركزا معا ملامحو وكفاش غاطس فنوم عميق
حسات بجنبها عرقان وفنفس لوقت بردان نزلات ايديها تتقيص لقفطان لي كان خفيف ناعسة بيه وهيا حاسة بالبرد ولعرق هدشي لي خلاها تستغرب
هزات ايزار لي كانو مغطين بيه بغات تطل وهيا طلع معها الريحة خلات لون وجها يتبدل…
طرطقات عينيها على وسعهم وهيا مبهوضة ومصدومة وهزات ايدها حطاتها بين رجليها خايفة وكتقول
مريامة : ياربي نكون انا ياربي نكون انا
قلبات بين جريها لقاتو مفيه والو غير جنبها لي كانت ناعسة عليه جنب ونيس وهنا عرفات زهرها مغلوب ممنو هروب وبلا متحس جمعات نعستها وكلسات مربعا رجليها فوق لمضربة وعينيها رجعو حمرين كي جغيمة الدم
مريامة : ونوضي امريامة زهرك منحوس وتهرس وسط الفانوس »
هنو : (بدون وعي وبصدمة) متقوليش ليا هوا لي با..
قبل متكملها زيرات مريامة على فمها ودارو بجات لقاو عزة تتشوف فيهم
هنو :(بهمس) مبغيتش نزيدك ولكين حمم كولشي غيفوتك منغير الزهر
مريامة : (كملاتها) منغير الزهر لمعوج تيتبعك تاتموت وشوف تشوف
جات عندهم السعدية : نوضي الالة لعروسة تفطري
عزة هزات تعريجة لي كانت تطبل فيها عطاتها لهنو
عزة : تعرفي طبلي
هنو ومات براسها بلاما تهدر وهزات تعريجة وبدات تطبل وجاو شي بنات معاونينها منزلين لعروسا على غناية
” مريامة يا المرضية وهكا اكونو بنات الناس لمحضية “
•اما عند الرجال لي نص رجال لعائلة رجع لخدمتو ولحياتو ليومية وبعض اخر باقي
شهيد : اش قلتي اسي طيب
الطيب : والكمال على الله غير هوا نتشاور معا حفيدتي ونرض عليك
حمادي : ولاواه اسي طيب نتا مول لعقل والشوار والكلمة راها كلمتك زعما …..
حمادي : ولاواه اسي طيب نتا مول لعقل والشوار والكلمة راها كلمتك زعما
الطيب :واخا شوار شواري ولكلام كلامي ولكين خاص نتشاور معها حفيدتي راسمالي
شهيد : الله اسخر لي بانت ليك علا الراس ولعين
•اما فالمجمع عند لعيلات لي مدوزين فطورهم بالغنيات …. فطابلة كالسين فيها مريامة وهنو ومعاهم عزة والسعدية وشي ضيفات اما بهجة فراه تتسخر علا ضيافها يكما نقصاهم شي حاجة ، مدوزين فطوهم سمن على عسل تا نطقات وحدا من الضيفات
ضيفة : محسدت انا لالة لعروسة غير فراجلها حيت داخل سوق راسو ومعندوش معا لعيلات
عزة : وحيت راجلك اختي زهواني محݣلگ تحسديها
هنـو : (حطات كاس دأتاي لي كانت هازا ودارت عند الضيفة ) كتعرفي اختي بلي الراجل الزهواني مفيهش ثيقة حيت يقدر إيخونك ويمشي عند وحدا غيرك
عـزة : هالي قلت يرضي عليك … (شافت فيها هنو مقاطعاها)
هنـو : وتا الراجل لي داخل سوق ومعندوش معا لعيلات تاهوا مفيهش ثيقة، حيت غانية مسيكين واي وحدا تقدر تقلبو عليك
عـزة : ايوا مكين ماحسن من الراجل لي كيعرف بينو وبين الله وكيخاف مولاه
الضيفة : هههه والله الى عندك لحق
هنو : هداك الى درتي فيه الثيقة غيدير عليك تعدد اختي هههه
ضحكات ضحكة حلوة مخليا كولشي اضحك معها ، وهيا تطبل عزة على الطابلة تا شافو فيها وهزات جوج صبعانها مدوزهم على فمها
عزة : مخليتي ليا منقول كل رجال لقتي ليهم عيوب دكشي علاش الحياة قصيرة والرجال غير هم زايد
.داز الفطور وكولا وفين زاد لشغالو.
•على خيل اسود اللون وشعرو الاسود منسادل علا عنقو وبين ودنيه نازلة ضفرة طويلة وهيا عليه راكبا…
بلتامها على وجها ولحاف على راسها او عصية فيدها شادا لجام بيدها وتتراري لعصى على جناب عنق لخيل
مجرد مادارت الحركة الخيل قعد رجليه القدامين وعاد رجليه لورانين وكلس
بيدها لي كانت جارا لجام دوزاتها على عنقو تتراري بيه وهيا تنزلها وتهبطها وشويا عاودات حكمات لجام وهزات لعصى موقفها وهكا الخيل وقف بيها وحركات لجامو لباب المساحة لي كانت قدام الاسطبل لي كانت فيها تتلعب….
وعلا جنب الاسطبل واقف الطيب وشهيد كيتحدو لي شاهدو العرض من اولو لاخرو
شهيد : (متبع عينيه ليها ) اش قلتي السي طيب انا معنديش موشكيل لي طلبتيه على راسي وعيني
الطيب : مبقاتش فطليب اولدي ، منقدرش نبيعو ليك ختار من لخيول لي عجبك من غير دوك زوج لي وريتك
شهيد :(نزل الترازا على جبهتو ) غير شوف ليا معها داك لخيل بغيتو
الطيب : عرفتي اش اجيك حسن تبعني نتا نيت وطلبها ….
دخلات وجنب التمريحة لي فيها سقاية منها الماء ينفݣ والطير يروي عطشو تما كلسات ويدها فلما خشاات ، وداكرتها لحدث البحيرة مشات وبلا هوها ضحكات ولحاف من راسها حيدات تا شعيراتها على دهرها شتتات لتام تما خلات
ومن لباب لي جنب السقاية خرجات وحدها كان شرجم طول وحداه كلسات ، كانت تحت السرجم حجرة طويل بحال ميدة مربعة وقدامو مربع طويل ديال القش وعليه كلسات ومن جنب الحجرا والحيط كتاب جبدات ووسط منو سمخ والريشة فيه غمسات وعاد لكتاب حلات وفكتيب الاسطر بدات….
داخل الطيب واقف جنب الساقية وهوا ايدور عند شهيد
الطيب : الدار دارك العزيز خود فيها راحتك نعيط لحفيدتي ونجي
شهيد : الله إكبر بيك
خرج طيب وشهيد كلس جنب الساقية وهوا اشوف لحافها فالارض محطوت هزو وكانو تيتعاود نفس المشهد قدامو
تبسم بسخرية وهوا مدور راسو يمين ويسار وحط لحاف من ايدو وخشها فجيبو وهز راسو لي عليه كانت ترازا بحال ديال روعات البقر …
زاد معا الخرجة دالباب وهوا يوقف ترسمات ابتسامة على شفاهو ودغيا جمعها دوز ايدو علا وجهو سد عنيه وحلهم ممتيقش دور وجهو تيستعود بالله متمتم
شهيد : نعل شيطان اشهيد وحضر الايمان ولات تجري ليك فالد ـم
عض باطن خدو وزير علا عينيه وقبضة ايدو وزاد ناطق بهمس وهوا كيتمنا ايوقع عكس كلامو
شهيد : غنضور وجهي غنلقها مكيناش انا عارف
دور وجهو لقها كيما خلاها كالسا بكل هداوا شعرها الفتان منسادل على كتيفاتها لي كيتحركو مرا مرا بحيت تتكتب
هز ايدو مدوزها على لحيتو محس براسو ايمتا رجع ايدو لكمة ودخلها بين سنانو عاضها وحابس بيها غوتة حماسية كان غيغوتها ممتيقش حس براسو شاب في سن المراهقة
تحمس لدرجة جا فبالو يمشي يضمهااا عندو بكل قوة ، هدء راسو فاخر لحضة وهوا قايل بنفس لهمس كانو طفل صغير تيدير شنيـ ـعة وخايف يماه تلقاه
شهـيد : تبث ،تبث وخلي زرع بعدا ينبث
زاد خارج بسرعة خيالية شافو الطيب وعيط عليه موقفو وزاد لعندو تهوا بنفس سرعتو
الطيب : ياك لباس اولدي علاش زربان مبقتيش باغي لخيل
شهيد :(الفرحة فعينيه بانفاس متسارعة ) باغيه الحاج باغي لخيل ومولاه ، وجدو راسكم حنا ليلة جاين نخطبو من عندكم علا سنة الله ورسولو
قال كلامو وركب فسيارتو مكسيري فالارض لي كانت مغبرا مبقاتش هاماه
قال كلامو وركب فسيارتو مكسيري فالارض لي كانت مغبرا مبقاتش هاماه واخا كان متيحملش ايمشي فيها بسرعة ويوسخ سيارتو لكن هد المرا غير …
بقا الطيب واقف معرف يتصدم ولا يضحك ….هز ايدو رافع الطاقية فوق راسو وحاك فوق جبهتو ورد الطاقية ورجع ايديه وراه تيحرك راسو دهبا وايبا
الطيب : تء لاحول ولا قوة ايلا بالله العلي العضيم (سكت شوية وقال) الى بغاتو الله ايسر
هوا فباطن عقلو ممتقبلش الفكرا لاكن قال هدشي وكأنو كيطمن قلبو بلي مغتقبلش ….
•وقف بسيارتو قدام الفيرما نزل وسد لباب وسند عليه ملي شاف ونيس جاي عندو وسند حداه على السيارة ، دار ايديه فجيبو وعينيه فقط لي مبسمين …
ونيس : مشرتيش لخيل
شهيد : (هز ابهامو مدوزو علا شفتو ) شريتو
ونيس : باقي معول تمشي غدا
شهيد :(دور وجهو شاف فيه وقال ) تء مزربانين فين …. نتا غادي
ونيس : (دار تهوا عندو معا ابتسامة شاقة تغرو ) لا مغاديش ،غادين
شهيد هز حاجبو وتبسم وكمل ونيس قايل
ونيس : ملي شفت لي بغها لقلب…
(قاطعو شهيد )
شهيد :(دور وجهو وهز سبابتو مدوزها على حاجبو) مشي شرط كاع لي تبغي تشوف(تمتم بهمس)انا تنعشق بنادم لحد الأن مشفتو….
ونيس : نعام!!!
شهيد :(قاد وقفتو ) الكادو تا نرجعو ونعطيه ليك (معا غمزة) بيلا جات عليك النوبة
ضربو علا كتفو وزاد داخل معا الدخلة عزة فيه شدات وفكتفو تعلقات ولبيتها جراتو ، بلا سلام بلا كلام وهوا تابعها حتى وصلو لبيت وكلساتو علا لمضربة ولباب سدات وبدات تمشي وتجي قدامو …
كلس مفرق رجليه وجامع ايديه بيناتهم محني دهرو تيتسنا تهضر ،ودكشي لي وقع.
عزة : (مزال كتمشي وتجي ) علاش كتسناني انا نهضر هضر نتا اش واقع
شهيد : انا لي جريتك ودخلتك للبيت وسديت لباب ؟؟
عزة وقفات وفمها لمطات حداه كلسات وفيديه بزوج شدات، لحركة لي خلاتو ادور عندهاوهيا تنطقها بزربة…
عزة : لبارح فالعرس شفت بنت زوينة ومغطية وراه تنتا اتعجبك لبنت مسترورة عمر راجل مرا شافها… الى مبغتيش تزوج وندي عروستي معنا راه تنا غنبقا هنا وسير نتا وحدك
شنيفها دلات ولحضات هكاك بقات ، هزات عينيها فيه لقاتو مبتاسم وهاز حاجب وبزربة ايديها ربعات وبضهرها ليه عطات ….
شهـيد :(وقف خارج) وجدي راسك عشية غنمشيو نخطبو لولدك
شهـيد :(وقف خارج) وجدي راسك عشية غنمشيو نخطبو لولدك
عينيها فالحيط لمحجر خرجات وبالزربة و راسها دورات من الصدمة فمها حلات ، وبشوية وقفات ويديها علا فمها حطات وتمتمات
عزة : سدي فمك اعزة لموت تدوور ونتي بغا تولي جدا ،اعودو بالله مالي شرفت ايقولو ليا ماما
عاد تفكرا وبجرا تبعاتو
عزة : اويلي والضياف اشهيد لي غيجيو ليوم
شهيد هز فيها حجابو وهيا تقول
عزة : نسبق ولدي صافي غير سير انا انوجد راسي من دابا
وما ليها وزات وكلما من فمو وخرجات عزة بيدها فالهوا شلات والتبسيما وجها مفرقات وولدها على خيل بيض تخيلات
(صباح لخير اخالتي عزة شراه كحل)
للباترينا مشات جلابة بيضة فالساك حطات وبلغة من تحت الباترينا جبدات لبساتها وعاد ولدها تبعات….
•لعشيا تعشات فالكشينة واقفة بعدما سلات لعشا بريريد اتاي معمرا وهزا كاس تتخلف”تتشقلب” فيه فالكاس سهات وفتفكيرها علقات وصحيبتها مريامة فيها بقات تنهيدة من اعماقها خرجات وغير صوت الطيب خلا التنهيدة فيها حبسات
الطيب : (من تمريحة) لالة بنتي لعشا وجد
هنـو : واجد ابا سيدي
الطيب : وخرجي داك بريريد اتاي لتمصريت وجي عندي
الصينية هزات ولتمصريت مشات وجنب الميدا حطات لي عليها طباس فاكية واللوز والكركاع حطات والمساند طرفات وعند جدها مشات
الطيب : (جرها من ايدها جنبو كلسات) يكما تمرتي فالشقا وحدك ابنتي
هنو : لا ابا سيدي ياك عاونتيني
الطيب :(قهقه) انا قطعت غير البصلة
هنو :(ضحكات معاه) خفتيها تبكيني ولا
الطيب : الله ادومها ضحك الالة بنتي (دوز ظهر ايدو على خدها لي عليه ابتسامة بشوشة ) يوقع لي وقع عرفي جدك ديما فظهرك وسندي عليه ، وياك شي نهار تخافي تسندي ولا تخافي طيحي راه نطيح انا روح ومنخليكش طيحي
(عينيها دغيا رجعو حمرات وبلا هوها دمعتها نزلات هز ايدو مدوزها بحنان على شعرها وجرها لحضنو حاط قبلة دافية وحنينة على راسها …..سمعو صوت الطنوبيل وقفات وهنو راسها من حضنو هزات )
هنو : ضيوفك وصلو ابا سدي انا نمشي نعس ياك عابد غيحط ليكم لعشا كيف العادا
الطيب : ضياف ضيافنا انا وياك ، سيري دروك الالة بنتي لبسي لحافك انا غنمشي ندخل معاهم
خرج الطيب وهنو للكشينة رجعات لحافها لمعلق بيه لحفات وغير عويناتها لي كيف وريقات الحناء خلات وحدا الساقية وقفات وصوت الطيب تيرحب بالناس سمعات وعابد والتهامي لكراطن لي فيهم السكر وطبق فيه الفاكية وساك بيض ورمادي مدخلين ….
هنو : (بصوت خافت)التهامي والتهاامي
شيرات ليه وهوا بزربة جا لعندها حاط ايديه وراه
التهامي : مت لخيل لباس عليك
هنو : تاو بربي ومتتسالي من التبيديق ،(حنحنات لطفات صوتها) شكون جا وعلاش جابو هدشي
التهامي : (قرب حدها بزربة هامس ) الخطاب تاني ، علا سلامتنا وقيلا نتهناو منك فهاد جبيلة ومن المشاكيل … وهاد لمرا الى ماقبلتيهمش غنجيب يما نديك ليهم
هنو : (هزات يدها وصلاها لبين كتافو) جيبها باش جدي اغبركم كيما غبر التايكة ومهيدي …
هنو : (ايدها هزات وبين كتافو صلات) جيبها باش جدي اغبركم كيما غبر التايكة ومهيدي
التهامي : اااام (شد فضهرو) هدوك ايدين ولا بالات ، واش كين شي واحد مخصو تا خير يرضى ازوج ولدو بوحدا هبيلة (عينيها فيه خرجات) ااا بغيت نقول دايرا راسها هبيلة
هنو : معا تبارك الله نتا مخصك تا خير …وهبيلة نيت لي دايرا راسي فيك ايوا غبرتي كمارتك عليا
التهامي ظهرو حنا وقب جلابة علا جنبو دلا جبد ميكة وفيد هنو حطها مشا خارج منزل راسو….
عينين هنو برقات وبوسة فالهوا لالتهامي تبعات وحدا السقاية كسات والميكا فحجرها خوات ومن تحت اللحاف الشكلاط دخلات وبرايبي بدات وجهها نصو جلخات حاجة وحدا لي طرفات هيا لي كلات قشورتها فالميكا رجعات …..
• طنوبيلتو جنب الدار وقفات …. و عزة منها نزلات عينيها وسعات وعند شهيد تلفتات ….
عزة : متأكد هادي الدار ، هنا كينا لبنت ؟؟
اماء شهيد براسو …. جا الطيب تيرحب بيهم هاد الاخر لي غير شاف عزة ابتسامتو وسعات وهيا بدورها عندو مشات …. راسو قبلات وعلا يدو حنات وعلا حالو وأحوالو سولات وهوا كدالك ومثال وشهيد بيناتهم كيف الأطرش فالزفة وبقا واقف هاز حاجبو ….
عزة : وربي الي عالم السي الطيب والله كنت معولا غدا نجي انا و(اشارت لشهيد)ولدي نزروكم سعا ربي مكتب لينا نتلقاو ليوم
الطيب : مرحبا بيك ابنتي هيا هاد سيد لعزارا ولدك وانا تنقول فمن شبهتو من غير المرحوم راجلك سيدي عبد الغفور
عـزة : هههه الله ارحمو وخالتي كديرا وفنهيا
الطيب : وخالتك ابنتي راه باقيا فالعرس لقتني كينا غير انا وحفيدتي
عزة : هاه وشفت نيت زهور لبارح وسولتها علا هنو واش تزوجات ساعاتي كتب الله نجي وناخدها لولدي
الطيب : ايوا دخلو دخلو مرحبا بيكم
زاد الطيب داخل ووقف تيهدر معا عابد ويوريه علا جريدة لي حدا الاسطبل…..
وعزة تبعاه شوية وقفات ومن يدها تجرات وعند شهيد تلفتات وحاجبها فوجهو علات
شهيد : كتعرفي هد الناس وشكون تاني هاد هنو دالـ…(دوز ايدو علا فمو هاز راسو لفوق ) راه والله لاديت شي وحدا منغير لبنت لي شفت
عزة : هههه بلاتي بلاتي نتا متتعرف تا سميتها وجاي تخطبها
شهيد هز ايديه بزوج مدوزهم علا وجنتيه بعنف اكثر انسانة تتعرف تستفزو وتغددو
عزة : غرقتي هههه غرقتي تال الدروس اولد كرشي فينهيا جملتك المشهورة (غلضات صوتها تتقلدو) مغنتزوجش تاندير35 لاء راسي عامر اهوي مبغيتش نتزوج ههههه صافي لحب سلاهم ليك ولا عوينات وريقة الحنا سلبوك..
شهيد : ماسلبوني ماسلبتهم فين بعدا عمري شفتهم ….
شهيد : (جرها تابع الطيب) زيدي وكان زيدي
زادو داخلين والطيب لاحقين …. هنو راسها هزات وعند جدها لي شافت داخل مشات وعلى ايدو تحنات تا قبلات
هنو : والله ابا سيدي هدشي تابنين الله اكثر خيرك اممم
قالت كلامها متلددة وهزات راسها شافت عزة وشهيد هزهزات كتافها وحدا الساقية رجعات وكلسات تشرب الرايب من تحت اللحاف
الطيب بلا ميحس ضحك وزاد داخل لتمصريت ، عزة ضحكتها كتمات وعند شهيد راسها دورات ولسانها ليه خرجات والطيب تبعات
شهيد ابتسامتو بلا ميحس بيها زادت وسعات عينو لصبيعاتها رقاقات مشات لي بالشكلاط والرايب عمرات وقال متمتم ….
شهيد : خيل وݣلساتو وانا تنخمم ايمتا قلبي غواتو وفاللخر طلعتي قد الصبع تء الببوشة
هز صبعو السبابة مدوزو علا حاجبو وزاد داخل جامع ابتسامتو ….
هنو دخل وعينها فيه هزات والسقاطة فميكتها رجعات ولجردة خرجات وعلى عابد براسها حوسات …
هنو : جاي يخطب الى بغتي تزوج ها حليمة غدا تجي وتزوجها جاي لوحدا قد بنتك الشارف بحال هاد النوع اكون شبعان بنات لخميس
شافت عابد تينصب لخيمة وليه شيرات هاد لاخر لي معطلهاش وجا عندها طاير ونزل راسو تيهدر معها
عابد : نعام الالة مت الخيل
هنو : الدرسة ضراني سير نتا حط ليهم لعشا ولا سولو عليا راك عارف اش تقول
عابد : ولاكن الالة مت الخيـ….
هنو : كلامي راك سمعتيه
لبيتها لي قدامو ثلاثة لوريدات مشات ولباب برجلها سدات والمبة لي فوق راسها شعلات وزاد الشميعات فكل لقنات ، ولحافها فالارض حطات وفالركنة دلبيت كلسات ورجليها عندها جمعات ؤل النّحيط عطات
تبكي وتقول ما بكات عاد باب بيتها حلات والضاية لي تحت السرجم مشات ووجهها منو غسلات عاد للبيت رجعات ومشطها هزات شعرها رجعاتو ݣرينات وهيا متمتمة
هنـو : وجه الشارفة ما يخفى واخا تحكو بالحلفة بغيت ليك العقروشة لحليب لي شربتني تشربي فيه الگضران
•فتمصريت هضرين مقشبين وأتاي شاربين والطيب عمدا الموضوع خلاهم متجنبين ولكن معا عزة هاهاي
عزة : ايوا السي طيب …
الطيب : (تفع ليها الطبسيل) مكلتي والو ابنتي اعزة كولي
عزة : الله اكبر بيك الخير قدامنا
الطيب : والخير فديوركم ابنتي قالو ناسنا الوالى لي لقا شي حاجة بحلا زادها
حنحن شهيد ملي شاف القضية غادية وتتبسال وهو ايقول
شهيد : السي الطيب انا الى كتاب الله وطوال لعمر بغيت نكمل ديني وجيت قاصدك فيما يرضي الله وباغي حفيدتك على سنة الله ورسوله
عزة : السي الطيب انا ياما كنت تنعرف لمرحومة زينة وشحال ضحكة وبكية معها ونتا براسك عارف معزتها عندي ، منبغيش نغضب صحبتي ويجي نهار ونبكي بنتها
الطيب :(بقا ساكت شحال) لجمتي ليا فمي ابنتي أعزة ملقيت مانقول الى بغات البنت منزيدكم غير الخير
عابد : السي طيب ننحط لععششا !!
الطيب : اش كدير هنـو
عابد : مششاات السسي طيب ضرررااتها الضرسة وننعسات
شهيد قرن حجبانو والطيب ناض بغا امشي عندها وهوا يوقفو عابد
عابد : رراره ييلااه ششربات كاكس ززهوورات وننعسست ووصاتنني نحطط للعشا……
صبح الصباح وبان ضو العالي ….والشمس باقي مشرقات
ريحة القهوة فايحة وريحة لمسمن لي وحدا على وحدا فالطبسيل بحل رزمات لفلوس
ريحة البيض مسلوق لي حطاتو فالبلاطو دالنحاس والبريق دالقهو فالطبلة والزبدة والزيت واملو والزيتون معا طبسيل دالفاكية والخير فديوركم…..
دخل عابد صبح عليها وهز الصينية وهيا تبعاتو لبلاطو حطاتو قدام لباب لوراني ورجعات الكوزينة هزات مسمنة كلاتها ولبيتها مشات والباب سدات….
اما عابد فمشا لجريدة لي كانت حدا الاسطبل وورا الدار بالضبط تحت شجرة كبيرة عاطيا ضلها والربيع مندي ….. على حصيرة طويلة والزرابي فيها مفرشين والمساند فيها مستفين كالس الطيب مجمع معا شهيد لي عينيه حومر بالنعاس لي مزاروش تيخمم فمولات السالف النحاسي لي زهرها تالف حط عابد الصينيو ورجع ايهز لبلاطو
ومشي بعيد عليهم بزاف واقفة عزة هاضرة فالتلفون
عزة : هيا هد الصباح مشا سيد السلطان ؟؟
عزة : هيا هد الصباح مشا سيد السلطان ؟؟
بهجة : ويه مشا هوا وعروستو ، ايه وسمعي ليك شي خبار تفرح القلب
عزة : الله اسمعنا خير
بهجة : عبد لمجيد “لوسهم بجوجات”
عزة : الله إحضر سلامة مالو داك الشارف
بهجة : وتي نعلي الشيطان عارفاك متحمليه متقبليه ولكي غير سمعي ، قاليك الالة شاف وحدا لبارح وعجباتو
عزة : ومن بعد
بهجة : نقبني نقبني نتي حسن ، المهيم مطلع هديك لي عجباتو غير حليمة بنت خالتك غير هوا قاليا نمشيو هاد السمانة نطلبوها ليه خايف اسبقو شي حد ليها هههه
عزة :(بقات مسمرة شحال تتخمم) الى كانو مزوجين فسما كيعطي ربي للخطابين لعمى…..(قطعات)
•قدام لباب وقفات البيجو ديال السي طيب نزل التهامي تابعينو مالين الدار من غير حليمة لي دخلو مباشرتا كل وحدا لبيتها ايبدلو لحفاتهم من بعدما عرفو بلي الضياف فالدار ومشاو لشغلاتهم
من بينهم زينب لي تتجري دخلات والتمريحة علا هنو قلبات ولجريدة مشات وجدها تما لقات وعندو قربات وبوسة لا جبينو حطات وهوا لي فحضنو دخلات
زينب : با سيدي فين هنو
الطيب : غتكون غير لداخل ابنتي
زينب :(ببرائة)لا مكيناش زعما ايكون جنيون الضريف دار ليها شوبيك لوبيك وخفها
قهقه الطيب وشهيد لي جرها عندو
شهيد : اش سميتك ؟
زينب : سميتي زينب
سمعاتها عزة وهاينة لي تسالمو وجاو عندهم نطقات عزا مخليا شهيد اقوس حجبانو
عزة : سميتوها على لمرحومة زينة ؟
هاينة : ايوا كي شتي لحسين مــ.ـيت ويسميها على زينة
الطيب : نوضي ياهاد لمرا نوضي شوفي هنو كي بقات
عزة :(ستغلات الفرصة وقفزات) وسوليها معاك واش قابلة
هاينة : علاياش
عزة : ايوا اخالتي جيت نطلب ايدها منكم (سافت فالطيب) والسي الطيب قال الى قبلات منزيدكم غير الخير ياك السي طيب
هاينة زغرتات ودغيا وقفات والطيب بحلا تكب عليه سطل ما وهوا اينطق
الطيب : غير كلسي اتكوني عيتي من شقا لعرس انا نمشي ونسولها
عزة : (باطن حنكها عاضة والضحكة حبسات) لا اسي الطيب حشومة لبنت غتحشم منك خلي خالتي هيا تسولها..
عزة : ولواه السي طيب حشومة لبنت غتحشم منك خلي خالتي تسولها
هاينة : مكدبتيش يبنتي يا عزة
ناضت هاينة متوجهة لبيت هنو اما الطيب كاس دالقهوى مبقاش بغا انزل ليه …. عزة راسها فشهيد هزات وليه غمزات…..
• روايتها هزات وفيها تلهات والسمخ مرا مرا بيه تكتب ملاحضات تا بالباب تحل حسات وراسها هزات وهاينة دخلات وعند هنو فوق لمضربة جلسات هاد الاخرة لي كتابها حطات….
هاينة : لالة بنتي قاليا عابد مرضتي
هنو :لا (فمها عضات ) لا لا زعما وليت شوية
هاينة : (ايدين هنو بين ايديها شدات ) ايوا الالة بنتي كل بنت كبرات تتزوج هدي سنة الحياة تا بنت متتبقى فدار بوها
هنو :(عرفات علياش تتمهد وردات راسها تكلخات) اهاه
هاينة : ايوا الالة بنتي لبارح جاو شي ناس راك شفتيهم هديك بنت ختي وجات هيا وولدها وبغيا تديك عروسة وتانتي تزوجي ودگي وتادك وتولدي ولادك
هنو فحضنها تخشات والعينان لدموعها عطات وهاينة ايدها على راسها دوزات
هنو : انا امينتي معينيش فالزاواج معنيش فيه ومبغيتش نتزوج
هاينة : ولكن ابنتي راه هدي سنة الحياة (سكتات شوية وكملات) كون كانت مك ابنتي باقي عايشة كانت غتقيل تخمم ايمتا تشوفك عروسة واش ابنتي مبغياش تفرحي مك الالة بنتي ؟
هنو : (راسها فيها هزات وايديها على عينيها حطات وبصوت مغنغن نطقات) بصح ؟ واش دبا يما غتفرح الى انا تزوجت (هاينة براسها ومات وهنو كملات) واخا انا مكنتش فرحانة يما غتفرح ؟؟
هاينة : علاش ابنتي مغتفرحيش ايوا الدري بدارو وخدام بدراعو وفلمدينة ايوا غتكوني قريبة لمريامة وراجلك غيخرجك اش بغتي كثر وتا نتي غيجي النهار وتولدي وتحسي تانتي بإحساس الامومة هداك غيولي راجلك
هنو : (بدات تبكي ) ولكن انا مبغيتش نتزوج
هاينة : وعلاش ابنتي مبغتيش تزوجي مناش خايفة
هنو : مبغيتش نتزوج وشكون غيجيب ليا سقاطة وبعاملني بحال با سيدي
هانية :(ضحكات تا سنيها الدهبية بالشعا برقات) هههه راجلك ابنتي غيعاملك كثر من معاملة جدك ليك هوا غيخرجك ويساريك ويسافر بيك الطيارة الطيارة لي عمرك شفتيها من غير الى دازت فالسما غيركبك عليها
هنو : (بصدمة) بصح عندو طيارة خاصة بحال ابطال الروايات
هاينة : طيارة خاصة شنهيا هادي !! ودبا ابنتي قولي ليا واش قابلة تزوجي بيه ولا لا
هنو : الى عندو طيارة خاصة وقصر وسط الغابة ولامبرݣيني انا قابلة
هنو : الى عندو طيارة خاصة وقصر وسط الغابة ولامبرݣيني انا قابلة
هاينة بتزغريتة طويلة طلقات تاحلوقها تبحات ونوضتها جمعات وغير لباب سدات هنو للباترينة تمشات وزيف حياتي منها جبدات وفوق لمضربات سرحات وعاد ايديها على خصرها حطات ونطقات
هنو : ايوا دبا كيما قالها التهامي واش كين شي حد مخصو تا خير يرضى ازوج ولدو لوحدا هبيلة هههه سير التهامي الى تفكيت من هاد تزوجية كيما فكتيني الله افكك أأ نتفك بعدا انا …
•هاينة عندهم خرجات ولخبار ليهم وصلات وعزة تاهيا بتزغريتة
طلقات
عزة : ايوا السي طيب ايمتا لعرس
الطيب عرف راسو عطا لكلمة ومخصوش ايرجع فيها غير الشمايت لي تيرجعو فالكلمة
الطيب : انا فايت قلت الى لبنت قبلات منزيدكم غير الخير شوفو لوقت لي يناسبكم ومرحبا
شهيد : الي يناسبك يناسبنا السي الطيب غي هوا انا بعد غدا خاصني نرجع لخدمتي
عزة : اويلي اولدي نديرو بعدا الشوفة الشرعية والخطوبة وداك الساع الكمال على الله
لحسين : ايوا الى لولد بعد غدا عندو لخدمة غدا نديرو كولشي وبعد غدا ادي مرتو
زهور : ولا غدا جيبو شيخ يكتب ليكم ونيرو شي عشيوة للبنت وتمشي لدار راجلها
الطيب بحلا صرفقتيه صدموه يلاه بغا ايهدر شدات هاينة فدراعو ضار عندها محمر فيها وتهيا حمرات فيه (والبقاء للأقوى هههه)
شهيد : (بصوت رزين ) ايوا هدا هوا اسيادنا ، لوليدة
هاينة : وبقاو اوليدي غير تا تغداو
عزة : لا لا اختي يلاه نمشيو باش نبداو فتوجاد للعرس ونخليكم تا نتوما توجدو
هاينة : ايه ابنتي مقلتي عيب مشبهتي غير المرحومة ختي فالقوال
تمشاو معاهم تال باب الفيرمة حل باب سيارتو ومعا جا يركب وهوما اسمعو صوت هنو تهتهت
هنـو : (هازا فوق كتافها زيف حياتي مكرساه بالحوايج ولحاف على وجهها لحطا ونص شعرها علا عينيها طايح وبسنانها لحاف شدات) وتا واهيوا واراجلي تا فين ساير غادي بلا بيا با سيدي وقفو وقف راجلي راه غيمشي ويخليني …..
هنو : وتا واهيوا واراجلي تا فين ساير غادي بلا بيا وابا سيدي وقفو وقف راجلي راه غيمشي ويخليني
زهور تول ول وهاينة مطرطقة عينيها على حدهم والطيب بزز باش حبس الضحكة و قرن حجبانو
سد الباب بثقالة وخشا ايديه فجيابو هاز حاجبو ومتبع ليها لعين …. متأملين تفاصيلها كانت هادي اول مرا اشوفها تمنى الزمن يوقف فهاد الحضة مناضر سنيناتها لي فالحاف شادات ابتسامتو بلا هواه تسرحات…. اما هيا لي جاية تتجري وشعرها منسادل على نص وجها وخارج من اللحاف لي ما ربطات
موقفات تا عندو وصلات وعينيها ل التقويسة لي فحجبانو مشات وبلا هواها على دراعو زيرات وببراءة مصطنعة نطقات وخا متوترة من ايدها لي عليه تحطات
هـنـو : فين غدي بلا بيا أ ااراجلي
عض باطن خدو للمرة الالف سارط ريقو حاس بملمس ايدها الدافئ على دراعو ومترقب شفيفاتها كي لهدرا مخرجات وكيفاش فمها حركات اطال النضر فعينيها ….
اما عزة الي كانت فالطنوبيل ركبات من الدهشة محسات براسها ايمتا نزلات وعينيها لطيب مشات عاد لبلان فهمات ويديها ربعات والفرصة لمناسبة تسنات….
شهيد مقدرش ولو لثانية عينه احيدهم منها ، ايدو فوق ايدها تحطات معا جا يهدر هاينة ليه من جنب خرجات
هاد لاخرة لي ايد هنو من دراعو حيدات وبضحيكة مصطنعة على خدها رسمات
هاينة : اجي ابنتي خلي الراجل اشوف شغالو
هنو :(ايدها منها تجر والدموع من عينيها تهطل) وطلقمني طلقني امينتي ياك نتي قلتي ولا راجلي وهوا بغا يمشي ويخلني
هاينة : وراه غيمشي ويرجع باش تزوجو عاد ايديك معاه
هنو :(راسها فشهيد هزات وعوناتها فيه رمشات) بصح غترجع
فمو تلجم هاد لمرة بصح مقدرش اينطق وحرك راسو فقط وهوا سارط ريقو مكرهش يبقا يتأملها اكثر….
هاينة من ايدها جراتها ولداخل دخلاتها …. بقا متبع ليها لعين تا دخلات ومن سهوتو غير عزة لي فيقات وبراسها لطنوبيل شيرات ومشات ركبات
شد فصدرو متنهد من اعماقو هضرتها غتحمقو شاف تا عيا فلبنات لاكن بحال هادي سلاتهم ليه عمر بنت لمرا خلاتو احس هكا
كلمى يتفكر كيفاش تصرفات ستوطنات تفكيرو وهوا ممقاومهاش او بلأحرا عاجبو لحال انها كتجرو لعندها بحال المغناطيس ركب وزاد مخلي عقلو وقلبو وراه …..
الشمس غربات والݣمرة فالسما ضوات والضلمة لخيام فسماها بنات ….
وسط الاسطبل واقفة وعلى حزوم خيلها صباعها مدوزة ودمعة يتيمة من عينها نازلة ، راسها على راس خيلها حاطا …
هنو : اش ندير احيزوم اش جدي عطا لكلمة وانا منرجعشاي فيها ونطيح بقيمتو ، وقلت علاش لي منخليهم هما ايرجعو فكلمتهم حرث وملقيت فين نصدي ونعطي الراس ،امم نتا حاس بيا ياك حاس
صدر صهيلو وكانو تيهدنها وتيقول انا حاس بيك … شافت حركتو وتبسمات من فوق خاطرها شوية عينيها وسعات ومن حيزوم طلقات وسبابتها ليه وجهات
هنو : ههههه لقيتها والله الى القاصح حسن من لكداب ، والطاوس مزينينو اللوان ولحمو مايتكال
عندو تمشات ومن عنقو عنقات …صوت الغاشي والماشي سمعات وورا حيزوم دخلات تخبات بان ليها عابد تيتفقد المكان ودار راجع عاد تنفسات وحيزوم عنقات عاد من تما نقزات وبيتها قصدات ……
صبح الصباح وشمس العالي ضوات لمكان تزقزيق الطيور تسمع فلأرجاء وتقعقيع الدجاج
تحل لباب وزهور منو دخلات والدربال على هنو هزات
زهور : نوضي يالمعمشة ستحليتي سخونية الدرابل
هنو : (لوسادة على راسها حطات) انا بالله وبشرع معاكم فين عمرك فيقتني اكون ليوم خوه
زهور : (جمعاتها معها بقرسا تا قفزات ) ودبا تبعيني لحمام راه سخنتو
هنو وقفات وقفزات مجننة عاد ضحكات ملي لبلان لي فراسها تفكرات وزهور تبعات وللحمام دخلات وعضامها فيه كسلات …
على اذان الظهر وقفات سيارة شهيد خارج منها بكل همة وتبعاه عزة وبهجة وحمادي طبعا داخلين
لبيجو لي فيها الشيخ ولحسين وقفات بالصلات والسلام بيهم هاينة رحبات والحليب لشهيد شربات عاد لتمصريت العيلات دخلات والطيب لتحت الدالة على لحصيرة لي وسط الربيع الرجال دا
وعاد لالة لعروسة المتعوسة من لحمام خرجات ولبيتها مشات ولحاف على راسها قادات وهد لمرا نيتها فتفرتيك جقلة نوات وعولات …
لعيلات كالسات والحديث شادات ومنهم عزة لي ضحكتها للواد تشرعات
قدام لباب وقف التهامي وراسو منزل وعندو هاينة خرجات
هاينة : اش كاين اتهامي
تهامي : والو الالة غير السي طيب قاليك جيبي مت لخيل راه الشيخ زربان تابعينو جوج عرايض خرين …..
هاينة : واخا سايني انا نجيبها
هاينة مشات وبيت هنو قصدات وغير لباب حلات بلا هواها ففخاضها ضربات لتولويل عطات
هاينة مشات وبيت هنو قصدات وغير لباب حلات بلا هواها ففخاضها ضربات لتولويل عطات
هاينة : ويلي ويلي علا ليهو دية لابسا ليا لكحل وشند هك ولا هك
هنو : مالو واش جاني خيب
هاينة :(لطفات صوتها) حيدي حيدي هادشي لبيض ابنتي لبسي لبيض الالة بنتي
داز لوقت عاد هاينة هنو خرجات هاد الاخرة لي فين داتها كاعما فهمات وغير لجنب سقاية وصلات عزة تما لقات هاد الاخرة لي من يدها التانية شدات وزغراتات لجو بيه عمرات
عزة : بسم الله مشاء الله ،مبروك عليك الالة لعروسة الله اتبت الغرس
زادو بيها مخرجينها وحدا الشيخ من جنب ليمن مكلسينها
الشيخ : بسم الله وعلى بركة الله ، اسماك الله ابنتي
هنو : هـنـو مقدادي
شيخ : عندك شي شرط ابنتي
سكاتها دام والشيخ عاود التسوال وعينيها فشهيد هزات لقات زرقاوياتو عليها تحطات هوا اصلان ملي دخلات عينيه منها متزحزحات شي لي خلا الطيب مطمن نوعا ما ، ولطيب عينها مشات لقاتو عينيه على شهيد وبلا متحس نطقات …
هـنـو : معنديش
الشيخ : لا ابنتي الشرط قبل الحرث حطي شروطك هنا
هـنـو : (حولات تستاغل اخر ورقة ليها ) بغيت داري بوحدي
الشيخ عينو لشهيد مشات) اش قلتي اولدي قابل
عينو لشهيد مشات) اش قلتي اولدي قابلشهيد : (بثقالة) من حقها
الشيخ : وصداقها
الطيب : حط ليها فقط رقم رمزي، حنا مكنبيعوهاش
الشيخ : السي شهيد أغمان واش قابلة بالسيدة هنو مقدادي زوجة ليك وتكملو حياتكم معا بعض فالسراء والدراء
شهيد : قابل
اعاد السؤال ثلاثة مرات وكان جوابو قابل ودار عند هنو
الشيخ : السيدة هنو المقدادي واش قابلة بالسي شهيد أغمان على سنة الله ورسولو راجل لسيادتك
هنو (معا راسها) بلاتي بلاتي واش غنلوح راسي فالحافة ؟؟ صافي هنا ثلات بيا واخا زوين والعيون زرقين علاش لي ميكونوش معسلين واخا بشرتو سمرة ولكن واش صافي انا غنتزوج والى مقبلتش راس با سيدي غنطيح من قيمتو قدام الشيخ هدا زواج مشي لعب اللهما نرفض دبا ولا تا تكرفص حياتي …
هـنـو :(عينيها فجدها هزات…..
هـنـو :(عينيها فجدها هزات هاد الاخر لي بعينية طمنها )قابلة
مجرد ما قالتها زغرتات زهور وشهيد هاز عثلة فقلبو وتحيدات ….
نوضو هنو كلسوها فتمصريت معاهم وطبلو وليها نقشو وعابد وتهامي مسخرين علا الرجال
كلاو الناس وشربو ما قسم الله وجا وقت توديع لعروسة لي سمات راسها متعوسة الطيب اثارو مبقا بان ومن توديع حفيدتو هربان
سد شهيد كوفر طنوبيلتو وزاد حال لباب لهاينة لي خرجات هنو هيا وزهور وعزة بالطبول والتزغريت عنقوها وودعوها و فالطنوبيل ركبوها
هاينة :(عندها تحنات) تهلاي ابنتي فراجلك ووياك تعصي كلمتو راجلك دبا ولا هوا لباسك ودنية حياتك
هنو : ( والكحل فعينيها ساح) فين با سيدي مماجاش ايودعني عفاك امينتي قولي ليه يتهلا فراسو وفخيولي ووقولي ليه تنبغيه بزاف وعمرني نخلي راسو ينزل لارض
هاينة : (باست ايدها) الله ارضي عليك ابنتي
عزة : (هاينة جرات وعند هنو تحنات) عروستي مبروك عليك عوتاني ايوا متحشمنيش (غمزاتها )فل يدخل لامعا ول يخرج احمراً برعي ليا ولدي ههههه
سدات لباب وشهيد.من جنب التاني ركب وبوسا ليه صيفطات وعاد زاد … من ورها زهور لما كبات والاتراك قلدات
عزة : خليت ليك الراحة اخالتي
هاينة : حتى نتي غديا ابنتي
عزة : لا انا باقي غير فلبلاد اخالتي وغنرجعو هاد سيمانة نيت ان شاء الله نخطبو حليمة
بهجة : فمك تياكلك اختي
عزة : وبغتني نسكت ههههه
•فالطنوبيل هنو علا الزاج راسها سندات وعينيها من الدموع منشفات شي لي شهيد لاحضو وقف سيارتو حال الزاج و هز قرعة الما مادها ليها شداتها بلا هدرة بلا كلام شربات منها جغمة وحطات وغير شربات بالتقيى حسات وايدها على فمها حطات
وباب الطنوبيل حلات والخلا ولقيفار لي قدامها نزلات ضهرها حنات ولحافها رمات وبالتقيا بدات
غير وقفات وانفاسها سترجعات حسات باماء من فوق عنقها تكفحات وبشعر من فوق عنقها تهز …
شهيد : شوية ؟؟
هنو : ممم
كب ليها لما بين ايدها غسلات وجها و هز لحافها من الارض وزاد وهيا قدامو تتشالي بيدها ركبات وشعرها فوق راسها لوات
شهيد :(عينيه لعنقها مشات) نشوف شي اوطيل قريب ونباتو فيه ليلة ؟
هـنـو : لي باليك
زاد مكسيري مخلي زاج محلول داز لوقت وقف قدام اقرب اوطيل لقاوه
طلع الزاج وعندها دار ولحافها فوق حجرها حط
شهيد : لبسي لحافك نزلو
عينها فيه مطلعات اصلان طريق كلها مهدرات وفتفكيرها غير جدها لحفها قادات وللوطيل معا شهيد دخلات
شهيد : (الباب سد ) دخلي راه الدوش ننزل نجيب باش نتعشاو و ليك شي حجا تلبسيها
امائة براسها ولدوش دخلات محيدات حوايجها تا لباب سمعات بلي تسد
على خاطرها دوشات وشعرها سفنجة جمعات عاد ببنوار بيض للحمام خرجات وجنب السرير حدا السرج جلسات فلبيت عينيها طلعات والترية الس علا لي فوق لكوافوزة هزات تبسمات عاد حطات
صوت لباب شمعات راسها عند شهيد دورات لقاتو كولشي فوق طبلة من زاج حط وقال وهوا محاول ميشوفش فيها
شهيد : تعشاي وها حوايجك لي تلبسي
قال كلامو ودخل لدوش مجرد مسد لباب تبسم وحط سبابتو علا حاجبو عاد تحت الدوش دخل بقا دقايق معدودة وخرج لقها كلات وحوايجها بدلات وعندها قرب وتحنا
شهيد :(معا ابنتسامة) شنو رايك ليوم دمك ايفيض
عينيها شرعات وبالخوف حسات ولا وعيا منها الترية لي فوق لكوافوزة علا راسو فلقات….
شهيد : اش باليك ليوم نخلي د مك ايفيض ….
عينيها شرعات وبالخوف حسات ولا وعيا منها الترية لي فوق لكوافوزة هزات وعلى راسو بيها شيرات ….
جاتو الضربة على غفلة منو هوا اصلان مكانش ناوي دبا ايتقرب منها كان باغي يسايس تا تولفو لاكن مجرد كلمة بالضحك غلات دمو ايسيل
كان مقوس حجبانو فيها بطريقة ممفهوماش هاد الاخرة لي ترية طلقات ومن الدهشة فوق السرير وقفات ويديها علا فمها حطات وبصوت خافت نطقات
هنو : مغيبتيش ؟؟؟
هز فيها عينيه وسدهم ويدو على راسو حاط ستفزاتو معرف يضحك ولا يتصدم وبلا هواه ضحك وبصوت رخين
شهيد : تزوجت هبيلة سعداتي
هنو هزات لفوطة لي بيها شعرها نشفات وليه مدات
هنو : وننتا لي خلعتني
شهيد : انا بوعو ونتي مومو ياك
هنو : ومالك مقندش نتا قلتي غتفيض دمي وانا خفت اصحاب ليا بصح
شهيد : وراه بصح
عينيها فيه شرعات هوا لي تخطاها ومشا هز تلفون ارضي مصوني منو على خدمة الغرف … تسمع دقان ومعا مشا يحل دار عندها
شهيد : تبتي لأرض
فبلاصتها تجمدات وقشعررة فدمها تسارات وفجنب سرير كسات وبين شفايفها تمتمات
هنو : مكشكش عليا تقولو غاجن وتسيف ليا
صوت لباب تسد سمعات بعدما شد علبة اسعافات وثلج حطو علا راسو ومسح دم جرحو منضفو هز عينو فيها وماتجي عينو غير علا سيقانها وزاد مطلع عينو معاهم تال الركبة وبصوت رخيم قال
شهيد : حيدي عدو ربهم داك الدربال
شهيد : حيدي عدو ربهم داك الدربال …
قبل ما يكملها عينيها فيه هزات وبصدمة فمها حلات وايديها معا بعضياتهم زيرات تا ضفارها فلحمها تطرسات
شهيد :(كمل جملتو بتعلتم) وبدليه بلي جبت
قال كلامو ودار راسو راجع منغامس فخدمتو واخا عينو كانت عليها … ناضت وقفات على اطراف اقدامها وزادت هزات ساشية ودخلات وباب دوش عليها سدات
هز انضارو موجههم لباب ملي سمع صوتو تحل وهيا خاجرة بعباية مفضفضة وطويلة عليها وقف فرش صلايتو وقال
شهيد :موضية ؟
امائة براسها ووقفات من وراه وبصوت اداب القلب جود ايات القرءان مخليها تنغامس معاه و صلاو جوج ركعات ودعاو ….
شهيد : اول مرا فيها هضرنا انا وياك قلت غيرك مغتكونش مت ولادي وغير مغندخلها داري وتنعس ففراشي
هنو :(بإستغراب) وحنى فين عمرنا هدرنا
شهيد : (مد ايدو شاد يدها) واحد النها كنت خارج فلغابة ونزلد للواد غطسة وانا معا طلعت حسيت بطبل راسي طاح
هنو شهقات وعينيها لراسو مشات وهوا كمل
شهيد : خرجت من لما تنقلب شكون شوية بان ليا طيف متراقص بين الشجرة ملمحت فيه والو من غير للون شعرو بخفوت كان مضبب ، بقيت محني علا ركابيا تنسترجع طاقتي وتركيزي وانا نسمع صوت صهيل
هنو : هدشي فليل؟؟؟ خرجوليك جنون ولا شنو
شهيد :(ضحك مكمل كلامو) تبعت صهيلو وتما لقيت سلهام فالارض مليوح انا تحنيت ليه عيني مشات للبحيرة لي فيها لي سرقات قلبي كانت هدرت معها ثواني ولا نفول دقائق معدودة فيهم بلا منحس دخلتها قلبي وسكنتها فيه بغيت نحاسبها حيت فرقات لحم راسي وقلف ليها تتسناني نرجع نتحاسب معها عرفتي داك الساع اش كنت ناوي ندير
هنو : كنتي ناوي ترض ليها الضـ ـربت ولكن لقتيها طارت باح ياك
شهيد : (مد ايدو لزيفها تيحلو) تء تء كنت ناوي غير نشوفها ونشبع عيني منها ونهضر معها سعاتي قبل منرجع لقيتها راكبا علا خيلها وزادت
هنو : وشنو باقي درتي ملقتيهاش
حيد زيفها وبنضتها مخلي شعرها اتفتت بين كتافها هز خصلاتها داهم لنفو وبهيام ناطق
شهيد : لقيتها وهاهيا قدامي دبا
هنو : ولكن انا عمرني ضربتك ولا تلقيتك
شهيد : نوضي شوفي تحت لمسند ليمن
امائة براسها ومشات ولوسادا بيديداتها هزات وعينيها شرعات وعندو راسها دورات
هنو : منين جبتي كتابي
عينيها للكتاب بالغلاف الاحمر دورات وهزاتو فصدرها زيرات وحتى افتحوا ماتخيلات معا جات ضور حسات بيدو فوق كرشها تحطات وانفاسو فعنقها ضربات
شهيد : حليتو قريت صفحة وجوج (زاد غاطس راسو فبحر عنقها وهوا حاس بقشعريرة جسمها) مكملتوش متنحملش قراءة الكتب
دورها عندو بثقالة ومد ايديه لكتابها وحيدو ليها ولاحو علا جنب وزاد مقرب ليها وعينيه هايمين فيها محاوطها بيديه عندو وبصوت خافت نطق وهوا هايم فيها….
شهيد : واجدا نكونو واحد ونبداو حياة جديدة واجدة تكوني مراتي وشريكتي فحياتي وشرفي ولباسي ….
عينيه كانو بحال المغناطيس فقدوها تركيزها بلا وعي منها حركات راسها بالايجاب وعينيها غارقة فبحر وزرقاوية عينيه ….
زاد قربو ليها وزاد لاحم شفهو معا شفاهها بحنان قبلة بقدر ما كانت مليئة بالحنية وشوق وتفيض بالمشاعر مخلين ريقهم ينساجم ويتخلط معا بعضو
ايدو فوق ضهرها تحطات مدوزها بحنان وعينيه مترقبين ملامحها هيا لي عينيها سادة وليه مستسلمة بعثر مشاعرها بلمساتو وشوفاتو
بحركة دائرية على ضهرها مخليها تطلعها الصهطة ، مزال منغامس معها فالقبلة مفارقهم غير لعباية لي هزها ليها محيدها ورجع مدور ايدو من ورا راسها وزاد تعمق فتغرها
ايدو على منحنيات جسمها تسرات مكانش جسم انثوي بإمتياز لاكن لكل فتاة ثمرات تخلي اي رجل يسكر وينغامس فحبرها …
بأقل من مهلو دفعها عا سرير وزاد متكيء جنبها واخد حرية في تقبيل عنقها وأكل كل إنش من ثمراتها ومن عدوبيتها مخليها مسترخية وواصلة لقمة النشوة وعينيها سادة وعلى ايزار يدها مكمشة
جردها من لباسها وهوا كدالك مخليب غير شورط ساتر عورتو … رسم عل كل منحنا من جسمها قبلة وطبع ملكيتو مخلي بقع قريبة لزروقية فجسمها وبعضها حمرا
ماد ايدو لأنوثتهالي كانت دافيا وبالما سايلة مستحلي ملمسها ، رجع مدخلها فقبلة مخليها منغامسة وايديه للشورط مشات ولمݣضر ايديه جبدات وغير على انوثتها حطو والسخونيتو معها طلعات هيا بغوتة منها قفزاتو وصدماتو …..
هنو :(عينها حومر نايمات ) أأأ لا لا مبغيتش اويلي لا
شهيد :(حط ايدو علا فمها مخرج عينيه وجرها مرجعها بلاصتها) ششت متخافيش كولشي غيدوز مزيان غيـ …..
قبل ميكملها من فوق سرير قفزات وغوتا فالارجاء طلقات وورا لفطوي وقفات ،وهوا وقف مخلي المعلم ايتمرجح بين رجليه
هنو :(غوتات وايدها على عينيها حطات) وغطييي غطييييي قشيوشاتك والله مكتحشم وبغيت نرجع عند بااااا سيدي
هنو : غطي غطييي قشيوشاتك واش مكتحششششمش وبغيت نرررجع عند بااااا سيدي
وهوا غير ما زايد تيقرب منها بشوية و كلما ينزل عينيه لجسمها لعاري تيصبر راسو وحاس بعضو لي رافع العلام تحتو قرب اتفر گع عض شفتو وزاد ناطق
شهيد : دبا حنى مزوجين وليتي مراتي وحلالي والفاتحة قريناها وفات الفوت وانا باغي حقي
هنو : (شافتو تيقرب نطقات مجننة ومزيرا على عينيها) وبعــدددد مني لنصدق قااااارية عليك قبراااا
شافتو زاد قرب ومشات جيهة سرير قافزة عليه ومعا قفزات من كرشها تشدات ، ولحمها على لحمو تحطات وبين رجليها بالمعلم سخـ.ـون حسات وعينيها فالهزا شرعات ودقان قلبها سمعات
هنا شهيد مبقاش قادر استحمل لملمس الرطب للحمها ومعا كانت محنية بوضعية مگـ ـوزة …..وهوا محني عليها زيرها معاه وتيقاد لمعلم علا انوثتها كيبغي ايتفعو و هيا تحميها للغوات لاكن هيهات الصبر هنا تسالا لشهيد وبحركة سريعة منو غرس عضو فأنوثتها مخلي كاع الناس الي فالاوطيل اشهدو على غوتتها …. واخا مكانش مدخلو كامل نزل راسو لقها تتبكي وعضو مداخلش كامل وانوتتها مزيرة عليه زاد تنهيدة من اعماقو عارف راسو مقصحها ….
تحنى مقبلها من جنب ودنها وبهمس ناطق والعرق من جبينو متصبب
شهيد : معليك غير تعضي فالصبر ألأنشوبتي
وزاد دافع فيها هاد لمرا مغوتاتش لاكن انت بصوت مبحوح … خرج عضو وعليه دماء عذريتها قبلها من عنقها وهزها مسرحها علا سرير وتكمشات بحال دودة وهوا لجيب سروالو مشا وخرقة بيضة منو جبد ومسح بيها عضو وفرق رجيلاتها شوية ماسح بين فخيضاتها وبحنان ايدو علا شعرها دوز …. وزاد مخليها داخل لدوش دقائق وخرج وفوطة على راسو حاط طلع لغطا عليها ودخل حداها جارها عندو ….
مدخلها بين احضانو وكون لقا ازيد ادخلها كون لقا فهاد الساعة ادخلها معا عضامو راه يدخلها …..
بقى شحال عينيه حال تبسم وجنب ودنها بخفوت قرب و قال
شهيد : تركت النوم ليلاً ، وعشقـكي قد غَزانِي فِي منامي
بقات ساكتة شحال خدات نفس عميق ويديها لي تحت راسها رجعاتهم بين فخيضاتها
هـنـو : لأنك نمت عصرا فدعنا من التلاعب بالكلام ….
قهقه برجولية قهقها وقلبها عندو وهيا معكسا ليه لاكن عاطيها لخاطر جارها عندو…..
• وسط كوزينة فخمة بالرخام وزليج مزلجة ولماعن فيها غالي تشهات نفوس النسا
وسط كوزينة فخمة بالرخام وزليج مزلجة ولماعن فيها غالي تشهات نفوس النسا واقفة والحزام فخصرها محزمة ببيجامة بيتية رمادية وقصيرة مخليا تفاصيلها تبان هازا فرماج وزبدة قرباتهم لنيفها شماهم ونطقات
مريامة : هاد الصابون مافيه تا ريحة زونة
لاحتهم فالبانيو واي حجا لقاتها فالكوزينة على لمانطا لي فالبانيو تلوحها ولطواليط لي كانت مصممة بتصميم خاص وراقي غير لناس لبورجواز
حلات لما فالبانيو سمعات لباب تحل و شنيفها عاضة ولحناك ضاربة ونيتها تطلعهم الحمورية وتزنيݣة عليها تبان … الترعة فـفمها واسعها تبانو سنيها وعندو خرجات
قرب حداها وبسا فحنكها خدا وهيا راسها بالحشمة منزلة
مريامة : علا سلامتك ،اش قاليك الطبيب
ونيس :(من خصرها جرها وفصدرو ملصقها) الله اسلمك ليا ابقيرة قلبي (هز الساشية موريها ليها) عطاني شي دوا ناخدو (بتساؤل) مخليا روبني محلول ؟
مريامة :(منو بعدات ولطواليط جرات) ويلي ويلي خليت روبني محلول
ونيس : ابشوية لطيحي
تبسم ببلاها وزاد تابعها وهوا يقف مصدوم ومدهول من دكشي لي قدامو فلبانيو والمانطة ونطق وايديه بزوج ورا قرفادتو
ونيس : اش كديري ؟؟
مريامة : ءءء والو غير قلت نصبن لمانطة هادي
بقا ساكت وهوا تيشوف لكنور وزبدة تيعمو فالبانيو ملقا ميقول دخل ايدو فلمانطا وهوا يقلقى فرماج حمر وشحال من حجا فالبانيو غارقا … بقا تيضحك بهستيريا تيدور ايشوف فيها ويعاود يضحك وتمشا عندها معنقها من كتافها وجرها للبيت ….
«03:37 صباحاً»
كانت ناعسة تا فاقت قافزا ومصدومة حلا عينيهم علا وسعهم مقلشا ودنيها شوية تسمع طررررر كانو مطور دايز من جنبها
مريامة :(حطا ايدها على نيفها عينيها بالريحة مدمعين) اللهما حزايقي ولا بوال …
واقفا بكرشها لي واصلة عند فمها خارجة من الدوش وفوطة بين يديها تتنشف شعرها رجيلاتها منفوخين وبالحنا مصݣطين
صوت عزة سمعات وبلا هواها تبسمات وفالمريات عينيها زݣات ونطقات
هـنو : قصة لكنة والحماية تألفو من ورها2000رواية لكن قصتنا غير ،عيشتي انا ويها بحال عشق الطير ل الطير كتفيق الصباح و تعيط ليا وتقول
عـزة : تي فينك اعصيفيرتي يلاه بغينا نشربو القهوى قبل متبرد
هنو :(ضحكات ضحيكة حلوة )سمعتوها ههه، اما الى مشيت للشي بلاصة تقول …
عزة : هادي بنتي لي مخلفتهاش ، ومحبتها من قلبي متزولش
هنـو : اما الى طلبت منها شي حاجة
عزة : وتي أمري أمر وغيوصل قبل ادان الظهر
هنو : اما الى سمعات شهيد مغوت عليا
عزة : (كدق الباب وتقول) هديك بنت ناس مجبتهاشاي باش تنداس ، والى معجباتكش لهدرا خرج برا وخلي عليك لمرا
هنو : وتعنقني وتشمني وتقول
عزة : متقلقيش اعصيفيرتي ومتخليش بالي عليك مشطون ،هداك ولدي قليل الترابي
هنو : ههه وهدي هيا اخوتي حماتي هههه اييي
شدات فكرشها وبدات تنين حسات بمغص فكرشها شوية رجليها مبقاوش هزوها ، عزة انينها سمعات والباب عليها حلات وبالزربة تلفون شدات ولشهيد دوزات هاد الاخير لي بزربا عندهم وصل كيف البرق ….. نزلو معاهم وحدا بوطو لي فالشارع سندات
شهيد ركب هوا وعزة وبالتلفة نطالقو بلا ميتلفتو وراهم وهنو شرعات عينيها ….
هنو : اويلي خلاوني ومشاو …….