قتال العشاق

وقفت كتدور عينيها على احد رجال مايكل لي يمكنها تدخل لغرفة السوداء الخاصة بالشخصيات الكبار ، كانت كأنها لغز ماشي كلشي كيعرف فين مكانها او حتى شنو كيوقع فيها وكانو قوانين مشددة حولها لدرجة لم يسبق لاحد سرب ما يحصل داخلها ..

وقفت كتبحث عن مرادها حتى كتقفز في ارضها بفجعة ملي حست بيد تملكت خصرها بطريقة عنيفة خلات خطاويها تختل ، غوبشت ملفتة تشوف شكون مولاها حتى كطيحو عينيها على داك الرجل وسيم وحاد الملامح ..

ما كانتش خاصها بزاف حتى تبخر الصدمة وتعوضها باابتسامة كانت كفيلة تبين معرفتهم ببعض ، هزت يديها ضاربة على صدره ناطقة بحماس ..

– [الــحــوار بـالإنــجــلــزيـــة]

جـيـلان : مـيـكـائـيل ، هذا نتا 

عوج راسه كيشوف فيها بتمعن قبل ما يبتسم جنب وهو كينطق بنبرة صوت غليظة ..

مـيـكـائــيـل : بيبي غيرل ، اش هاد ازين .

قهقهت بصخب على اللقب لي والف يناديها بها ولي هو ” فتاتي الصغيرة ” رجعت ضربت على صدره وهي كتزيح يدو من على خصرها بلطف ناطقة بمزح ..

جـيـلان : انا ماشي بيبي غيرل ديالك ، عاد راه راني قدك ماشي حيث نتا ضخم وطويل وانا لا رديتيني صغيرة .

شاف فيها بسخرية قبل ما يرجع يجرها من خصرها خابطها فيه وهو كيطلع فيها وينزل ناطق بتعقيب ..

مـيـكـائـيـل : اش هاد الحالة ، فين هو داك رويجل ديالك لي مخليك هاكا ولا حادك غير يحضييني واش قستك ، قلت لك تفارقي معاه وتزوجي بيا ونعطيك الدنيا كادو زواجنا .

قلبت عينيها عليها دافعاه من عليه وهي كتنطق بسخرية : بديتي ثاني ، ولكن تقدر ترتاح انا وياه مبقيناش مع بعضياتنا ، يمكن دابا ولات عندك فرصة معايا ، نتا وزهرك اجوكر .

نهات كلامها غامزة له بخبث قبل ما تزيد بخطاويها سابقاه مخلياه حاضيها وهو مبتسم مدوز يدو على شفايفو بطريقة كانت كفيلة تبين افكاره حولها فراسو ..

زادت بخطاويه لعندها غادي معاه في نفس الخط حتى كيتلفت لها ملي سمعها نطقت بتسائل ..

جـيـلان : جيتي بوحدك مموالفاش لك ، فين باك ؟؟ .

بتسم لها ابتسامة غريبة قبل ما يدور وجهه قدامه وهو كينطق ببرود : قتـ لتو ، شفتو طول بزاف وانا نسيفطو .

قال كلامه وهو كتلافت حوله حتى كيلاحظ انها سكتت تلفت جهتها ولكن ملقاهش ، دار للخلف وهي تبان لي واقفة موراه مصدومة من كلامه ..

ضحك بصخب قبل ما يمد يدو جارها لعندو وهو كينطق بتبرير: الشارف جاتو سكتة قلبية ، كون ما هي كنت ديك ساعة غنضطر نقتـ لو حيث طلع ليا فكر ي.

زادت معاه وهي مركزة في كلامها حتى رخات ملامحها بحزن ناطقة بأسى : مسكين ، ونتا بخير.. كنتو قراب لبعضياتكم .

تلفت لعندها كيضحك ناطق بنبرة ساخرة : في احسن حالاتي ، كان داير ليا طيارة ودابا ديال راسي .

بزمت فمها فيه : معندكش القلب ، يلاه غادي نخليك ..تا نتشاوفو من بعد .

نهات كلامها دايرة باش تزيد وهو يمنعها جارها عاقد حواجبو فيها : فين غادا ، مغاديش تلعبيني شي طرح تحت دوك الليدين ديالك ابيبي غيرل .

بتسمت له بخبث جارة يديها ناطقة بثقة : ما بقيتش ديلر ، عندي غراض في البلاك روم (الغرفة السوداء) .

مـيـكـائـيـل رفع حواجبو مصفر بتفاجئ قبل ما ينطق بإعجاب : هربتي علينا ، اش درتي مصيتيه لمايكل تا طلعتي هاد الطلعة (ضيق عينيه ) طلعتي نيفو ستستي داك صعصع هممم وشنو بلانك ..(جرها ) زيدي تأنا تما فين غادي .

مشات معاه وهي كتشوف تعامل رجال مايكل له ، عرفت ان دابا ولات عندو حصانة كبيرة من بعد باه خصوصا انه هو الوريث لامبراطورية بوند مختصة في الفنادق والكازينوهات ..

وهاد الكازينو كان واحد من ديالهم بشراكة مع مايكل ، يعني هاد الماثل امامها هو مالك شرعي ومقامه من مقام مايكل او يمكن اعلى منه ، معرفتها بمـيـكٰائـيـل تقتقصر على الكازينو والقمار كان لعب تحت يدها شحال من مرة وكان عبر لها باعجابه وحتى انه حاول يشريها لفراشه بالفلوس ولكن هي كالعادة كانت كتصد الجميع عاد هو كان عرف بعلاقتها مع جبار لانه سبق وقع بناتهم شجار ومن تما كان عرف ان طريقه لها محبوسة فا فضل يبقاو معرفة او أصدقاء نوعا ما.

دخلو لاسانسور باش يتمكنو يهبطو لقاعة لي كانت تحت الارض ، لوهلة تمكن منها الرعب ..تلفت كتشوف فدوك ربعة رجال دياله وشافت فيه هو على جنبها ..

ما كانتش خايفة منه هو ولكن كان عندها احساس ان يمكن مايكل يكون عايق لانه مدامه متلقاش بها ونيشان دعاها لديك الغرفة خلات بعض شكوك تراودها ..

بلعت ريقها بصعوبة حتى ترفع راسها ملي سمعته نطق ببرود ..

مـيـكـائـيـل: مالك مخلوعة ، اش درتي .. قادر نسمع صوت قلبك من هنا وهو كيخبط.

طرفت بعينيها جيهتو قبل ما تزرف النفس بهدوء ناطقة برجو : مـيـكـي ، متخليش شي حاجة توقع ليا .

همهم بشك رافع حاجبو فيها ناطق بنبرة لعوبة : وشنو غادي تعطيني في مقابل ابيبي غيرل .

ركزت بنضرها قدامها قبل ما تنطق وجه خالي من تعابير : لي بغيتي .

يقال ان ان الطاهر في مدينة الخطايا هو المذنب الوحيد ، وجـيـلان كانت المذنبة الوحيدة وذنبها هو وجودها وسط داك المكان لي كان شديد غرابة عليها ..

من نهار لي حطت رجلها فهاد البلد معترف بالحريات ظنت انها شافت كاع اشياء غرابة ، ولكن اللحظة لي وطأت برجليها فتلك الغرفة السوداء كتشفت انها داكشي لي عرفت لا شيء ..

في اول لحظات ما كانت فاهمة علاش تعطى هاد اللقب للغرفة انها غرفة سوداء في حين ان اللون احمر كانت متفجر فيها بشكل لا يصدق .. كله اثات باللون احمر وأضواء ..

ظنت ان لو سميت بالغرفة حمراء لكان احسن ولكن اللحظة لي استوعبت دوك الاشياء لي كانو فيها سرعان ما عرفت سبب وراء انسابها للون اسود كل اعمال لي ترتكب فيها سوداوية ..

بزاف من البنات لي كانو كيسربيو فيها عاريات مع بعد اطواق حول اعناقهم كأنهم حيوانات ، كل شخص من دوك الرواد كان متخد له بنت او رجل كيخرج فيه كبته ..

مـيـكـائـيل مرر نضره في كل ارجاء الغرفة حتى كيحس بقبضة جـيـلان على ذراعه لي كانت كفيلة تبين رعبها مما كيشوفو عينيها ، تلفت لها كيشوف اصفرار وجهها قبل ما يطبب على ذراعها وهو كينطق .

مـيـكـائـيل: اول مرة ؟.

بلعت ريقها محركة راسها قبل ما تسحب يديها من عندو ملي جاو عينيها على مايكل لي كان كيشرب وبمجرد ما شافها شير لها بصباعو ، بالرغم من تردد لي كان فيها الا انها نصاعت لحركته ما كانتش باغا تبين له ..

وقفت قدامه كنشوف بنضرات هادئة وقبل ما تمكن من انها تنبس بحرف مشاو عينيها نيشان لـجـبـار لي كان بارك على جنبه حداه بنت سمراء ملاهي معاها فالهدرة وضحك بدون ما يرد لها البال ..

وسعت عينيها وقبل ما تستوعب كان مايكل ستغل سهوها جارها من خصرها تبرك فوق فخده ، تزدحت فوقه وهي كتنقل نضرها بينه وبين جـبـار لي حد ديك الساعة ما كانش راد لها البال بتاتا ..

طرفت برموشها ملي حست بلمسات مايكل على كتافها العريانين وهو كينطق بهدوء ..

مايكل : بخير ؟ ، كنت باغي نبقى معاك تا تفيقي ولكن كانت عندي الخدمة .

دورت وجهها لعندو كتشوف فيه بهدو قبل ما تبتسم بدلع مدورة يديها على كتافه متجاهلة العافية الغيرة لي شاعلة وسطها ناطقة بغنج..

جـيـلان: معليش واخا كنت باغا نفيق ونلقاك معايا خصوصا من بعد ديك الليلة .

بتسم لها ماد يدو لخدها ناطق بهدوء: كيف بقيتي بعدا ، شفت صباح الدم على الفراش .

قضمت شفايفها شايحة بنضره من عليه بخجل وهي كتنطق بخوفت : شوية واخا باقي كيحرق ولكن غادي نولف .

حرك لها راسه بموافقة وهو كيدفعها من خصرها تنوض من فوقه : مزيان .. اش بان ليك تلاعبينا شي طرح من تحت يديك ؟.

بتسمت له ناطقة بحماس : اكيد علاش لا ، نتا آمر وانا نفد .

جرها من يديه للطبلة الكبيرة لي كانت كتوسط داك الشونبر، تجمعو حولها كل رجال لي كل واحد فيهم من طبقة معينة ، كاين رجال دولة وخارجين عن القانون والقتلة والمهربين رغم اختلاف مجالاتهم الا انه كان كيجمعهم شيء واحد وهو ” النفود “.

وقفت خلف الطاولة كتحرك نضرها على كل واحد حتى كتجي عينيها في مـيـكـائـيـل لي غمز لها بخبث مخلي ابتسامة ترسم على وجهها ، حذرت راسها باش تبدا تخالط اوراق حتى جاو عينيه على جبار لي برك جنب مايكل باش يلعب ونفس الشي ما هزش عينيه فيها كأنها غير مرئية ..

تجاهلت دوك مشاعر وبدات كتفرق فالوراق على كاع لاعبين كانو كثار والشي لي ازعجها ومنعها تركز ديك البنت لي كانت فوق الطبلة كتمايل بجسدها الشبه العاري على الحان موسيقى غريبة كانت كتردد في ارجاء الغرفة ..

كانت كأنه معزوفة للشيطان ، كانت كتمخر بالمسامع ، كل شيء كان مثير للريبة ولكن مع ذالك حاولت تجاهل كل شي الا ان فقدت سيطرة وهي كتصرخ برعب ملي شافت واحد من دوك رجالي جر البنت لي كتشط لاحضانه كيداعب صدرها قبل ما يخرجو من تحت صدريتها كيقرص فيه بصباعو وسرعان ينتر لها بعنف داك الحلق لي كان مغروس في حلمة صدرها مخلي صراخها يعلى ودمها يترش حرفيا كان قطع لحمها بديك الطريقة ..

رجعت بخطاويها للور وهي موسعة عينيها برعب مترقبة احد يدير شي حركة ولكن لا شيء الكل كان ملاهي مع وراقيه ورهانات كأن ما حصل اكثر اشياء طبيعية في العالم ..

ديك البنت تعالا بكاها وهي دايرة يديها على صدرها لي كان كينزف بغزارة راجعة طالعة فوق طبلة مكملة تميلها وسط دموعها ودماء ، ما كانتش متيقة هدشي ..

بلعت ريقها ناطقة بخفوت : شي واحد يعاونها عفاكم .

ما وقع للبنت ما كانش يستاهل يثير انتباهم ولكن اللحظة لي نطقت هي كاع انظار تحولو عليها ، مايكل كان على جنبها مد يدو جارها بعنف قبل ما ينطق ببرود .

مايكل: عاونيها نتي ، تعراي وطلعي بلاصتها .

وسعت عينيها فيه بصدمة قبل ما يشير لها براسو تطبق كلامه ، لاحت الوراق من يديها راجعة بخطاويها حتى كتخبط في شيء قاصحة مع تلفتت وهوما يبانو لها رجال مايكل لي من وقوفهم خلفهم كان كفيل يبين انه تما باش يرغموها تنصاع لطلبه ..

خنقتها الغصة بدون شعور لقات راسها كتشوف فجـبـار كأنها كترجى مساعدته ولكن هو بسهولة شاح بنضره من عليها كأنها غريبة عليه ..

مايكل مد يدو جهتها ناطق بابتسامة خبيث : يلاه الشهبة ، طلعي .

عمرو عينيها بالدموع ملي شافت انا لا مجال له لهرب وخصوصا ملي شافت ترقب على وجوه جميع لاعبين ، وقبل ما تخد اي خطوة رفعت راسها ملي سمعت تزمجيزه وهو كينطق بخفوت ..

مـيـكـائـيـل : همممممم ، بيبي غيرل .

شار لها براسه وهو كيرمق مايكل بتحدي ، جـيـلان ما تسناتش بزاف ندائه لها كان مثابة تلبية استغاثة دارت بخطاوي مسرعة جهتو واقفة موراه محتمية فيه وهي كتشوف نضرات مايكل الغاضبة لي سرعان ما ..

ضرب يديه مع الطبلة صارخ فيها : قلت لك سيري ؟ اجي لهنا .

مـيـكـائـيـل هز حاجبو فيه رافع صباعو مطرطقهم قدام وجهه ناطق ببرود : هنا خليك معايا ، شتك بحالا تتغوت ، ايي طرح غادي يحماض .. (تلفت لجيلان) هدشي لي بغيتي ابيبي غيرل ، شنو دابا نقتـ لوه ؟.

بمجرد ما تسمعت كلمتو اخير حتى رجال مايكل لي موراه شهرو السلاح جيهتو هو وجـيـلان وجـبـار كان واحد منهم.

قبل ان تحرق السفن خلفك .. تأكد أولا أنك على شاطئ الصحيح ،هذا ما كانت كتفكر فيه جـيـلان وهي كتنقل نضرها بين ابتسامة مـيـكـائـيـل الساخرة ضد كمية دوك الفرادة لي مهزوزين تجاههم ..

مع ان المنظر كان مرعب وغير معتاد بالنسبة لها ولكن لسبب ما مكانتش حاسة بالخوف على راسها لانها متأكدة انها منتمية للجهة أقوى.

رفع حواجبه كيدوز عينيه على رجال مايكل لي كانو هازين الفرادة في وجهه قبل ما يتبتهم جهة جـبـار لي تاهو كان منهم الاختلاف الوحيد انه كان هاز الفردي دياله جهة جـيـلان الشي لي خلاه يضحك باستمتاع وهو كيتلفت لها حاط يدو على يديها لي فوق كتفه ناطق بسخرية ..

– [الــحــوار بـالإنــجــلــزيـــة]

مـيـكـائـيـل: اش درتي له الشهبة تا حقدتيه لدرجة انه يهز السلاح في وجهك باغي يقتـ لك .

جـيـلان شافت فيه بتفحص قبل ما ترفع نضرها جهة جـبـار لي كان كيشوف فيها بنضرات كان كافية تبين لها انها مبقاتش كتعني له شيء، عينيه كانو فارغين من اي احساس لدرجة قدرت تستشعر انه قادر يثير له بدون ما يرف له جفن ..

بلعت ريقها بصعوبة بفعل داك المرار لي انتفجر في جوفها قبل ما تشيح بنضرها من عليه راجعة بعينيها عند مـيـكـائـيـل ناطقة ببرود مصطنع ..

جـيـلان : ما بيني وبينو والو باش ندير له شي حاجة ، هو كيبقى غير كلب كيسمع لكلام مولاه ، لا قال له عض غادي يعض تا يدي لي سبق لها مسحت على راسو .

قالت كلامها بنبرة حاقدة وهي كتشوف فيه قبل ما تنقل بصرها جهة مايكل مبينة لها شكون عنات بكلامه ، جـبـار ما هتزت شعره منه او رف له جفن ولكنه قرر انه يرد على كلامها بحركة واحدة كانت كافية وواضحة انها تكون رده ..

فك زر الامان للفردي مجهزو للاطلاق في اي لحظة مبين لها قوة موقفها وقدرته على فتك بها كأنها ارنب ضعيف ، مـيـكـائـيـل همهم باعجاب من هاد المواجهة الساخنة قبل ما يرفع صباعو مطرطقهم في الهواء كاإشارة لي ما كانت مفهومة حتى شخص من الحضور..

ولكن سرعان وضح لمن كانت مقصودة لان بدون سابق انذار كاع رجال مايكل لي كان هازين السلاح فوجه مـيـكـائـيـل غيرو تجاه اسلحتهم منقلبين لجهته الشي لي خلاه يهزو السلاح فوجه مايكل لي ارتسمت عليه الصدمة من غدر رجاله له ..

جـيــلان شاركتو الصدمة ملي شافت استولاء مـيـكـائـيـل على كل شيء من غير جـبـار لي بقا واقف فظهر مايكل ، دوز عينيه على دوك كمية الرجال لي امسو ضده في حين هو وحده كان عارفها معادلة خاسرة ..

رجع بخطاويه للخلف جيهة مايكل وهو كيقاد السلاح في يدو بااستعداد لاي حركة حتى كيستوقفه صوت مـيـكـائـيـل ملي نطق ببرود وهو كيشد في يد جـيـلان لي على كتافه ..

مـيـكـائـيـل: تعلم من الشهبة ديالك كيفاش تختار الجهة لي تستاهل تكون معاها ، الجهة لي واقف فيها غادي تلقى فيها غير الموت ، لا باغي تعيش قتـ لو .

نهى كلامه مشير لمايكل لي كان بادي عليه الخوف والتردد فما كان ليه غير يقرب لظهر جـبـار هامس له بتوتر ..

مايكل : ما تسمعش له ، بقا معايا وغادي نعطيك ما باغا حتى لا بغيتي تمشي نتا وياها من هنا مغاديش نخلي شي حد يوقف فوجهك ، انا ضعيف وسط هاد الشونبر ولكن برا نتا عارف قوتي قداش .

جـبــار حرك مقلتيه وهو كيسمع لكلام مايكل قبل ما يدور عينيه لمـيـكـائـيـل لي كان منتظر رده على صفقة لي طرح عليه ، زفر النفس باستعداد قبل ما يرفع نضره لـجـيـلان لي كانت كتشوف فيه بنظرات كتحثه يختار جهتها ..

بتسم لها جنب قبل ما يحول سلاح جهة مـيـكـائـيـل ناطق بغيض: كما قالت الشهبة ، الكلب كيعض كل شيء الا مولاه .. الا كنا غادي نموتو هنا ..فغادي نتأكد نديك معايا .

مـيـكـائـيـل قهقه على كلامه بطريقة ساخرة قبل ما ينطق ببرود : راسك قاصح ،(تلفت لجـيـلان) كيبان ليا مبقاش عينو فيك .. نتأكدو ؟.

عقدت حواجبها فيه بعد فهم وقبل ما تستوعب كان شار لواحد من راجل لي سرعان ما جر جـيـلان من شعرها مخلي صراخها يعلى تحت انضار الكل ..

جــبـار غوبش كارز على سلاحه وهو كيشوف فداك رجل هبط جـيـلان على ركابيها قبل ما يحط السلاح فوق راسها ، تلاقاو عينيها بديالو شافو في بعضياتهم ، الندم والخوف من طرفها والغضب ونكران من طرفه ..

حول عينيه من عليها لجهة مـيـكـائـيـل ملي سمعو نطق بطريقة ساخرة ..

مـيـكـائـيـل : ودابا ، هاد عضمة تستاهل تخلي الكلب يعض مولاه ولالا ، قتـ لو ولا غادي نقتـ لها .

جـبـار ما كانش قادر يختار كان عارف ان تا حد من طرفين ما يستاهلو ثقته ، مـيـكـائـيـل كان اكبر متلاعب غدار ومايكل كان من نفس طينته ، زفر النفس بضيق وقبل ما يتمكن من انه ينطق سبقاتو جـيـلان ملي نطقت ..

– [ الـحـوار بـالـدارجـة ]

جــيـلان : ما تديرهاش ، راه مغاديش يقدر يقتـ لني .

بمجرد ما نطقت بها حتى تلفت لها مـيـكـائـيـل مبتسم في وجهها بطريقة غريبة كأنه فهم ما نطقت به قبل ما يحرك راسه لداك الرجل لي سرعان ما قاد الفردي في يدو متيري فيها مخليها ترفع راسها شاهقة بالم قبل ما تطيح لارض غارقة في دمها ..

مـيـكـائـيـل بمجرد ما شاف جـيـلان ضربت هز بيدو الطبلة جهة جـبـار محتمي بها لي كان عارفو غادي يفقد صوابه وغادي يثيري فيه..

جـبـار بمجرد ما شافها طاحت غارقة فدمها بدا كيثير جهة مـيـكـائـيـل ورجالها بهسترية مخلي الكل محتمي من رصاص ، كان كيصرخ فيهم بطريقة كتبين فقدانه لشعور ..كل ما كان كيلمح قدامه هي غارقة فدمها الشي لي خلاه يرغب بسيل دم كل من فديك القاعة ..

– الــعــودة لــلــواقــع

كانت واقفة كتضرب في المكتب جهة مايكل وهي كتصرخ فيه بشيطانية ..

إيـريــنا : كذاب ، نتا لي كنت شيطان فديك القاعة …نتا لي طلبتي من رجالك يتيرو فيها ملي مبغاش جـبـار يسمع لك ، غنـقـت لك .

نهات كلامها هازة الفردي فوجهه مخلية مايكل كيرمقها ببرود قبل ما ينطق بهدوء ..

مايكل : هذشي لي قالك ، ان انا الشيطان ديال القصة ..وهو الملاك .

كززت على سنانها ناطقة بسخط وهي كتحرك راسها برفض : هو ما كان عندو تا دور فهدشي ، هو ما كان لا شيطان لا ملاك ..نتا السبب فكل شيء..مغاديش تضحك عليا بهاد الفيلم .

مايكل همهم بتفهم قبل ما يبتسم ناطق بتعقيب : جـيـلان مغاديش يعجبها الحال تشوفك هاكا ، منيكة كيحركها شخص لي كان من مفترض تكوني واقفة قدامه باش تق تليه ، انا غنعطيك ما يثبت لك هدرتي.. 53788 حلي الكوفر لي موراك وغادي تلقاي القصة بخط يد مك .. كنت عارف غادي يجي نهار ويتقلب كلشي فوق ظهري الشي علاش خليت عندي الدليل .

إيـريـنا كانت غير كتسمع لكلامه وهي باقة على نفس وضعيتها رافعة الفردي فوجهه ولكن بمجرد ما سمعت كلامه اخير ، دارت تلفتت كتشوف فداك الكوفر لي موراها ، مكانت خاسرة والو ..تجرب تشوف كلامه صح او غلط ..

مع انها كانت متأكدة انه كاذب كيقول هاكا يبرأ راسه ويخلق له وقت لي يمكنه يفلت بجلده ، نزلت الفردي من جهته غادة للكوفر بمجرد ما وقفت فيه حطت صباعها على ارقام لي صرح بهم ثواني تا تسمع صوت القفل كيتحل ..

وقبل ما تحل الكوفر استوقفها صوت مايكل ملي نطق بهدوء: وديك 100 مليون لي خسرتي على اساس ترجعي ليا الفلوس لي خونت مك مني ، جوكر بنفسه رجعهم ليا باش يقدر يخلي الدين بينو وبينها ويخرجني انا من اللعبة ، هو ما كان همه تا حاجة فهدشي من غير جـيـلان كان كيموت ياخدها باي طريقة كانت بالخاطر او بالسيف .

تلفت كتشوف فيه وقبل ما تمكن من انها تنطق وسعت عينيها برعب ملي لمحت نقطة حمراء فوق جبهة مايكل الشي كان كيعني انه شخص ما غادي يغتالو ..

تلفت كتشوف فداك الجدار الزجاجي وقبل ما تمكن تدير اي حركة كان تشخشخ كليا بفعل الطلقة لي كانت جاية من برا ولي تغرزت فجبهة مايكل واخدة روحه ..

دارت بنضرها كتشوف فالدم كيسيل من جبهته وروحت خرجات ولكن اطلاق الرصاص ما وقفش ، داك القناص كان كيثيري بعشوائية كأنها كيحاول يصفها لها .

فديك اللحظة عرفت راسها انها مستهدفة واحدهم باغي يقتـ لها ، هبطت على ركابيها محتمية بالطاولة لي كانت موراها ، رفعت يدها كتحاول تحل الكوفر وتقلب على الدليل لي قال مايكل انه كيتبث صحة كلامه ..

حركت يديها وسط دوك الوراق والفلوس لي كانو وسط الكوفر حتي كيجي فكفها كتاب سميك خرجته هازاه قبل تنزله كتقلب فيه ، كانت مذكرة قديمة اصفرت اوراقها بفعل سنين ..

حلته كتحاول تقرا شنو فيه حتى كيوقفها صوت الباب ديال البيرو كيتخبط معلن على ان احد كيحاول يحله من برا ، ما كانتش عارفة شنو واقع ولكن من احساسها عرفت ان اوضاع سائت ..

وقفت متشبتة فديك المذكرة قبل ما تخرج راسها تشوف جهة الشرجم واش باقي غادي يتطلق النار، بمجرد ما لتمست الامان تسللت بخطاوي خفاف جهة البيرو فين كان مايكل ميت ..

تحامت بالمكتب جارة البيسي لعندها كتشوف في ما كتصور كاميرات المراقبة، عقدت حواجبها ملي شافت جيش من الرجال باللباس الكحل واسلحة كيدور فالكازينو لي سدو بيبانه وخداو زبائن وخدم لي كانو فيه رهائن ..

كانت عارفة انه هو سبب هدشي ، تا واحد ما يقدر يدير هاد الخطوة من غيره ، تلفتت جهة الباب ملي حست به على وشك انه يتفتح ..

وقفت هازة كسوتها حاطة الديك مذكرة فوق كرشها مهبط عليها كسوة متبتها مع ذاتها ، قادت السلاح فيديها وهي مقربة جهة الباب واقفة باستعداد انها تواجه الطرف الاخر ..

نقرت بصباعها فوق فخذها وهي كتزفر النفس باستعداد ، ثواني قليلة تا تفرع الباب وبانو موراه مجموعة من الرجال هازين السلاح باستعداد لابادة كل ما جا فوجههم ..

وقفو في مواجهة كلهم رافعين السلاح في وجهها في حين هي كانت دايرة نفس الشي هازة الفردي تجاههم كان خاصهم غير ثواني قبل ما يهبطو اسلحتهم ملي تعرفو عليها ..

تقدم واحد منهم كيشوف فيها بتفحص قبل ما ينطق ببرود : زيدي جـوكـر التحت كيتسناك .

من أعتاد العزف على آلة الخداع ، لن يتقن أبدا لحن الحقيقة ..

تحل السانسور وخرجت بخطاويها الواثقة وراه ازيد من سبعة رجال لي سرعان ما وقفو ملي لمحوها وقفت بخطاويها كتنصل فصباطها العالي لي كان من نوع لوبوتان ..

تلفت خلفها جهة دوك الرجال مشير لاحدهم بانها يهز صباطها بطريقة دونية وأمرة ، شافو في بعضياتهم قبل ما يتقدم احدهم محضور هازهم بعدم رضا..

من ديما كان كيبغضوها وكيبغضو افعالها ولكن لا احد كان كيقدر يوقف في وجهها او يرفض لها طلب والسبب كيرجع لما كانتها الخاصة لسيدهم ..

ولي ما مقدروش يفهمو نوع العلاقة لي بينهم بكثر ما كانت غريبة ، مرات كيكونو عبارة عن أب وطفلته ومرات زوج وزوجته ، بالرغم من انها تعرف بانها ابنته ولكن الكل كان عارف ما يقع بينهم خلف ابواب ..

إيـريـنا بتسمت برضا ملي نصاعو لطلبها ، مدت يديها معلية كسوتها على فخاذها من اجل الا تزعجها بالمشي اما اليد اخرى كانت حاملة سلاحها ..

كملت طريقها تحت انظارهم كتمختر بخطواتها الحافية وهي كتلافت حولها يمين ويسير كتشوف ما واقع في ارجاء الكازينو لي كان كيعمو صمت رهيب مناقض لحالته ملي دخلت له كان مبهج بالاصوات والحياة .

اما الان امسى مقبرة يعمها الاجساد الفارغة ، وصلت للقاعة الاساسية وهي تلمح الموضفين وكل الحراس باركين في الارض في حين رجال المسلحين مكلفين بمراقبتهم ..

نفس الشي لأقلية الرواد لي تأخرو في الكازينو وانتهى بهم أمر رهائن ، دورت عينيها وهي تلمح ستيف يد يمنى لمايكل الشي لخلاه يطيح فبالها مدورة عينيها كتقلب عليه فين هو ..

ما كانش له أثر فكرت لربما يكون خرج قبل ما يوقع هدشي او مخبي فشي قنت ، خرجت من تفكيرها ملي تسلل لمسامعها صوت شخصها المفضل او انسان لي كيعني لها الحياة كان له عدة مسميات واحدهم كان الـجـوكــر ..

مـيـكـائـيـل : ماي بيبي غيرل .

ترسمت على محياها ابتسامة آسرة ملي سمعت ندائه لها بلقبه لي اعتدات سماعه منه من وقت لي كانت في المهد ، وقفت كتشوف فيه كيفاش بارك بجسده الضخم كأنه ملك يملك العالم بأسره ..

تأملت ابتسامته الخفيفة لي كانت مزينة ملامحه الوسيمة لي كانت كتمتاز بالمكر شعره لي كتساه الشيب ، كان بادي عليه انه رجل خطير له عدة وجوه ولي ظنت انها سبق لها شافتهم كاملين ولكن تشويش لي وقع خلاه توسوس لربما الفيلم مغاير على ما تفرجت هي ..

لربما هي مجرد بيدق من بعد ما ظنت انه احد لاعبين اساسيين للعبة ، ما كانتش باغا تزرب وتفسد كل شيء لمجرد ان رجل وهو كيموت قال كلامه الي يقدر يعتقه .

طردت دوك افكار قبل ما تزيد لعنده وهي تمايل بخصرهر تجاهه مخلية عينيه يلمعو بشوفتها ، كانت فتاته الصغيرة وامرائته الماكرة نسخة انثوية منه ..

زربت بخطاويها غادة لعنده حتى وقفت قدامه كتشوف فيه بيرود قبل ما تنطق بتساؤل..

إيـريـنـا : علاش هدشي كله ، قلت لك راني قادة بهدشي بوحدي .

نهات كاملها عابسة فيه مخلية ابتسامته توساع وهو كيحرك راسه بموافقة قبل ما ينطق بهدوء..

مـيـكـائـيـل: عارف قادة بهدشي بوحدك ، وتا انا قلت لك لا تعطلتي ساعة وحدة غادي نقلب الدنيا على ودك .

كان اخر حاجة غادي يقولها قبل ما يجرها من يديها لعندو مختزل البعد لي كان بيناتهم ..

تأملها لثواني قبل ما يحول يده من يديها مطلعها لذقنها كيتحسسه بصباعه لي سرعان ما باغته مقرب حاط شفايفه على ديالها كيبوس فيها بنهم تحت انظار الجميع لي سرعان ما رجالو تحرك بخطاويهم عاطينهم بالظهر كانو معتادين على هاد الشيء..

سدت عينيها غارقة معاه فديك القبلة حتى حست به حط جبهته على ديالها وهو وكيهمس لها بنيرة ثقيلة ..

مـيـكـائـيـل : توحشتك الشهبة .

بتسمت هازة صباعها كتدوزهم على شفايفه ماسحة اثر عكرها من عليهم قبل ماتنطق بنبرة مشابهة لديالو ..

إيـريـنـا : حتنا اجوكر .

عندما لا يستطيع الشيطان أن يهزم الإنسان يجلب خائن إلى حياته ..

خدات حجره مقعد لها في حين هو دور يدو على خصرها متشبت فيها وهو كينطق بهدوء…

مـيـكـائـيـل : نقدرو نرجعو بحالنا الا ساليتي انتقامك .

قال كلامه وهو دافن وجهه في عنقها كيطبع قبل خفيفة على جلدها، همهم بلذة وهي كتحس بالخدر كينتشر فدمها .. حطت يديها على صدره ملفتة له وهي كتشوف فيه بملامح هادئة قبل ما تنطق برفض ..

إيــريـنـا : لا باقي ، رجالك خسرو عليا كلشي ، كنت باغا نقتـ لو بيدي ولكن قناص ديالك سبقني ، وان ليا كانت عينو تا فيا .. يكما كنتي باغي تقتـ لني معاه .

مـيـكـائـيـل رفع حاجبه فيه قبل ما يرخي ملامحه وهو كيقرب وجهه من ديالها ناطق بهدوء : عقود وانا كنتسنى ناخدك كتظني انني قادر نقتـ لك الشهبة ؟!.. دابا شنو خاصك ؟.

شافت فيه ببرود قبل ما تنطق : باقا ما بردتش ، بغيت ولدو ..قلبو عليه كان هنا .

مـيـكـائـيـل غير سمعها اش قالت وهو يعقد حواجبه داير عند راجله ناطق بآمر : قلبو ليها عليها ، وجيبوه لعند رجليها .

حضات رجاله تفرقو كيقلبو على غـابْريـِيـل لي ما كانش عينيها فيه انما دارتو حجة لي تمكنها تاخد وقتها تما تعرف حقيقة ما وقع ، دورت وجهها كتشوف في ستيف لي كان غير كيدور فعينيه وبعدي عليها التوتر من اللحظة لي تذكر فيها سيرة ” غـابْريـِيـل”.

رجعت بظهرها لصدر مـيـكـائـيـل كتنهد باارتياح مستولية على انتباهه، جرها لعندو معنقها وهو كينطق بهدوء ..

مـيـكـائـيـل: مال بيبي غيرل ديالي .

تلفت له كتبلت ليه بعينيها قبل ما تدور يديها على عنقه مقادة فالبركة فوقه كتشوف فيه ناطقة بغنج..

إيـريـنـا : سنين وانا كنتسنى هاد النهار نقتـ ل فيه انسان لي كان سبب فما وقع لماما وبابا ، واخا شفتو مات حاسة بلي ما بردتش كاانني في الجهة الغلط ، دادي واش متأكد ان مايكل هو سبب فهدشي ولا كاين شي واحد اخور مخبي .

رخى ملامحه كيشوف فيها بكل تفحص قبل ما يبتسم لها بخفة ماد يدو كيقيس فخدودها ناطق بهدوء وتباث ..

مـيـكـائـيـل: يقدر ، كل شي ممكن فهاد الدنيا ..ولكن لي نبغيك تعرفي ان هدشي مغاديش يسالي هنا ، غادي نقلب لك كثر قما وقع ولا بان شي حد عندو يد فما وقع لواليديك غنجيبو لك لعند رجليك ..عمرك بغيتي شي حاجة وما عطيتهاش لك .

حركت له راسها برفض قبل ما تقرب بايساه على شفايفه وهي كتهمس له ..

إيـريـنـا : كنتيق فيك ، وعارفة مغاديش تخلي حقي يضيع واخا يكون عندك .

حرك عينيه على ملامحه قبل ما يومئ بموافقة ، بعدت عليه نايضة كتمايل بخصرها تحت انظارها وهي كتلاعب بالسلاح بين صباعها كتدور في مكانها ناطقة بملل..

إيـريـنـا : بحالا رجالك تعطلو ، راجل مقدروش يلقاوه .

قالت كلامها وهي زايدة جهة ستيف قبل ما تحذر لعندو ضاغطة بالفردي فوق جهبته مخلياه كيرتجف تحته كفأر خائف ..

إيـريـنـا : فين هو سيدك ، شنو كانت سميتو ؟!.

ستيف بلع ريقه بخوف ناطق بثعلتم : غـابْريـِيـل الالة ، معرفتش فين هو ..اخر مرة شفتو كان فالبار كيشرب .

همهمت له بتفهم قبل ما توقف وقبل ما تمكن من انها تنبس بحركة تيقضت حواسها ملي حست حركة غريبة حولها ، شافت في مـيـكـائـيـل لي ناض واقف مشير لها تقرب لعندو ..

وبمجر ما خطات باول خطوة وقفت في بلاصتها ملي طفى الضوء عليهم وعمت الظلمة على المكان ، تعالا صراخ مـيـكـائـيـل وهو ينهض فرجاله لي باقين في انهم يتصرفو ..

تسمع صوت خطوات كثير كتعود لرجال مـيـكـائـيـل لي كان كيصرخ بسميتها بحثا عليها : إيـريـنـا فينك.

بالرغم من انها كانت واقفة بقربه الا وقادرة تسمعه الا ما كانتش قادة تهدر او تنبس بحرف بسبب ديك اليد لي تحطت على فمها مرافقة بالموس لي تمركز بارد فوق نحرها ..

كانت كتحس بتلاصق جسده بديالها ، كانت قادرة تعرف على ريحته لي سبق لها شمتها في وقت سابق ..ارتعش جسدها ملي حست بشفايفو كيداعبو اذنها قبل ما ينطق هامس لها..

غـابْريـِيـل : ها علاش مكنتيقش فالشهبات .

* المحارب الحقيقي ، لا يخشى السير وحيدا *

“ها علاش مكنتيقش فالشهبات .”

جملته كانت اخيرة حاجة سمعتها من قبل ما يعلى صراخ جوكـر وهو كيحث رجاله على انه يقلبو عليها كأنه علم ان شيء يطبخ في ظلام ..

ولكن من سوء حظها او حسنها انه رجاله كانو بطيئين بالحركة وقبل ما يتمكنو ينيرو المكان بهواتفهم كان هو سحبها خلفه منسحب من تما بكل سلاسة..

ترخات مخلياه يسحبها خلفه وهو كيتمشى بكل احترافية تحت الظلام كأنه على معتاد عليه ، كان عارف منين يدوز ومنين يدخل بدون ما يدير حتى مجهود ..

كانت كتحس بوقع اصابعه الباردة على جلد رقبتها ،تأوهت من لي ضغط بقوة جارها كيدفع فيها حاشرها في مكان ما لي بمجرد ما خطات فوقه عرفت انه سانسور الشي لي خلا عندها تسائل كيفاش غادي يخدمه والكهرباء مقطوعة ..

بمجرد ما فكرت فيها حتى لقات الجواب ملي حست به وقف قدامها وهو كيحرك شيء لي سرعان ما الضوء رجع مرة اخرى مكنها من الرؤية ..

طرفت برموشها كتحاو تذهب تغبيش رؤيتها قبل ما توسع عينيها ملي بان لها واقف هاز طابليط لي مسؤولة على نظام تحكم للكازينو ، حرفيا قادر يغلق ابواب وجميع الممرات وإغلاق الكهرباء وتشغيل جهاز انذار بضغطة واحدة ..

تلاصقت مع جدار السانسور ملي تغلقه ابوابه وشافته داير بجسده تجاهه الشي لي خلاه تلمح دوك النضرات السوداء لي كان لابس ، تما عرفت سبب احترافيته في تحرك تحت الظلام ..

طرفت برموشها كترمقه بتحذر ملي بدا كيقرب جهته هاز النضاضر فوق راسه راسم على محياه ابتسامة غريبة .. تأملها من فوق الى تحت قبل ما ينطق ..

– [ الـحـوار بإنـجـليـزيـة ]

غـابْريـِيـل : ها حنا تلاقينا مرة أخرى ..المرة لولة كنت باغي نحو يك وهاد المرة باغي نقت لك ..دابا عندي الفرصة نديروهم بجوج .

نهى كلامه خاشي ديك الطابليط بين حزام سرواله قبل ما يدور الموس بين صباعه وهو زايد مقرب لعندها مخليها تخنزر فيه محاولة تخليه يركز معاها باش تقدر تخشي يديها تجبد الفردي ديالها لي خباتو اللحظة لي شدها فيها ..

كشرت على أسنانها كأنها قطة وشق شرسة قبل ما تنطق بكل بحدة مكززة على رؤوس الحروف ..

إيـريـنـا : ما غادي تجي فين تديرهم ، حتى غادي يلقاوك وديك الساعة انا لي غادي نصفيها لك .

همهم ليها بتفهم داير بوجهه كيشوف فالطابق لي وصل له السانسور تا كيغفلها دافعها خابطها مع الجدار ضاغط بذراعه على عنقها ساحب روحها الشي لي خلاه تهز يديها محاولة تدافع بهم مخلية له فرصة فين يحرك يدو اخرى لي دسها بين فخادها ..

تنترت تحت يدو وهي كتزمجر محاولة تدفعه ملي حست بصابعو كيقيسو في انوثتها من فوق الكيلوط لي سرعان ما جره منزله جابد من تحته داك الفردي لي كانت متبتاه فيه ..

غمضت عينيها بخيبة أمل ملي رفع الفردي قدام وجهها وهو كيرمقها ببرود قبل ما يبعد عليها واقف دار الفردي ديالها ورا ظهره ، وقف كيشوف فيها شحال ..

تبادلو النضرات بيناتهم حتى كيكسرهما ماد يدو لوجهها كأنه كيحاول يقيسها الشي لي عطاه الرد سريع من عندها ملي دفعت له يدو وهي كتنطق بسخط ..

إيـريـنـا : ما تقيسنيش ، غنهرسها ليك .

بعد يدو بدون ما يدير ردة فعل ، تلفت لسانسور ملي سمعه كيتحل وبدون سابق انذار جرها من شعرها جارها موراه مخليه تزميجرها يعلى وهي كتضرب في يدو وكتفو ..

ولكن سرعان ما تبتت عن الحركة مذهولة من داك المنظر لي لمحته ملي دفع باب واحد الشونبر لي بمجرد ما تحل وكشف عن داك الكم الهائل ديال الرجال بلباسهم اسود لي كانو هازين السلاح ومن كلمة لي كانت محفورة في صدريتهم الحامية من الرصاص كانت كافية تبين من اي فئة هوما ..

صدمتها بوجود البوليس ما كانتش اكبر من اللحظة لي شافتهم كلهم وقفو باحترام لغـابْريـِيـل منادييه بلقب ” المحقق “.

حركت يديها في حضنها وهي كتأمل داك المينوط لي كان حول معصميها ، الموضوع كله بأكمله كان شبيه بخدعة ..غفلو عن شيء ممكن ان يكتب نهايتها ..

ما كانتش متخايلة ان ولد مايكل ممكن يكون عندو شي منصب في البوليس او سلك الامن بأكمله ، رفعت راسها كتشوف فيه كيفاش واقف قدام رجاله كيشرح ليهم في خريطة الكازينو والبلايص لي كانو فيها رجال جوكـر ورهائن حتى كينطق واحد من رجال الشرطة ..

الشرطي : شحال ممكن يكون عدد ديالهم .

غـابْريـِيـل شاف فيه وقبل ما يتمكن من انه يرد ، تلفت كاع رجالو للخلف ملي تسمع صوتها ناطقة ببرود ..

إيـريـنـا : 101 , شديتو وحدة بقا ليكم 100 ..( دورت عينيها عليهم ناطقة بسخرية ) وشحال نتوما 50 ولا 51 برئيس ديالكم .

نهات كلامها كتشوف في غـابْريـِيـل لي تا هوا بدوره كان كيشوف فيها ، تبادلو نضرات بينهم قبل ما يدور راسه جهة رجاله ناطق بهدوء ..

غـابْريـِيـل : سمعتوها ، يلاه تحركو وردو البال لراسكم مبغيتش شي واحد فيكم يتنقص ، مفهوم ؟ .

جاوبوه بصوت واحد : مفهوم .

مورا كلمتهم خرجو مصافين من تما في حين غـابْريـِيـل زاد لعندها وهو كيشوف فيها باركة في أرض مباعدة بين رجليها مخلية فخادها يبانو ، رمقها ببرود قبل ما يهز لاسلكي ديالو باش يطلب الدعم من رجال الشرطة ..

تحذر لعندها كيشوف فيها قبل ما يشبك يديه مع بعضياتهم وهو ناطق بنبرة جدية لا تشوبها شائبة ..

غـابْريـِيـل : غنسول ونتي غادي تجاوبي .

معطاتوش جواب حدها طرفت بعينيها لي الشي لي خلاه ينطق بكل وضوح ..

غـابْريـِيـل: شنو هدف ديالكم من هدشي ؟ الكازينو ..ولا مايكل

بتسم جنب على سؤاله قبل ما ترجع راسها للحائط ناطقة بعدم اكتراث وهي كتحرك المينوط من بين يديها : من حقي ما نقولش حرف حيث اي حاجة غادي نقولها غادي تقلب ضدي في محكمة وعندي الحق ناخد محامي .. ماشي هدشي لي كان خاصك تقولو ليا اسي البوليسي او خاصني نقول محقق …

عوج راسه فيه كيشوف فيها بتمعن قبل يرفع يدو حاك حاجبو وهو كينطق ببرود : غنلعبو هنا؟.

هزت ليه كتافها بعدم اكتراث ناطقة بنبرة باردة : نلعبو علاش منلعبوش ، صراحة خلصني نقولل ليك فاجئتني ، متخايلتش رجل بحال مايكل يكون ولده مع بوليس اخير حاجة توقعت تكون مدمن وعندو عصابة خدامين عندو على ود فلوس باه .

هز حاجبو فيها ناطق بتعقيب : راجل بحال مايكل ؟ كل كيشوف الناس بطبعوه ..و .

سكت ملي سمع انذار كيعطاوه من جهاز لاسلكي ديالو ، ناض واقف كيحاول يشوف رجاله شنو كيحاول يقولو تا كيتسمع صوت احد من رجاله لي نطق بنبرة كانت كافية تبين ما لقى ..

رجل : سيدي حنا فالبيرو ديال الواليد ديالك يمكن خاصك تطلع تشوف ما واقع .

غـابْريـِيـل بمجرد ما سمع ما قال رجله دار ديك الساعة خارج من تما ساد الباب موراه بطريقة الكترونية حابس إيـريـنـا داخله ، دورت عينيها حولها وهي متأكدة انها خاصها تخرج من تما لانه بمجرد ما غادي يرجع غادي يكون عارف ان باه مات واكيد غادي يشك فيها هي لي قت لاتو ..

تململت في بلاصتها نايضة واقفة كتدور في داك مكتب تقلب على فجوة تنسل منها ولكن ما لقات تا حاجة تعاونها الشي لي خلاه تستلم على اقل فهاد الوقت الحالي على ما لقات فرصة تفلت بجلدها ..

بركت فوق واحد الكرسي وهي كتعافر مطلع كسوتها باش تجبد ديك المذكرة لي خداتها من عند مايكل كتقلب في فيها قبل ما تحل اول صفحة لي كانت كافية تخلي عيونها تلمع وابتسامة تزين تغرها ..

دوزت صباعها على داك الخطة لي كان كيرجع لمها ، كانت عارفاه احق المعرفة الشي لي ذكرها في دوك الرسائل لي كانت كتكتب ليها في كل عيد ميلاد وهي صغيرة ..

عمرو عينيها بالدموع وهي كتقرا داك الكلام المقصود لها ، ضحكت وسط دموعها ملي قرات انها بدات كتحاول تكتب لها من الوقت لي عرفت انها حاملة ..

<< الـمكتــوب >>

جــيـلان: واش غادي تكون بنت ولا ولد ؟! ، ما عرفتش ولكن لي عارفة انني غنبغيك تكون عارف عليا انا وباباك كلشي ، من نهار تلاقينا الا اليوم اخير لي هو اكيد هاد النهار لي شاد فيه هاد الكتاب وكتقرا ..

كانت كتقرا كل كلمة بلهفة وهي كتحاول تخايل مها باركة قدامها كتحكي لها كل كلمة مكتوبة ، عرفت انهم ولاد الخالة وبغاو بعضهم من الصغر وكبرو وكبر حبهم معاهم ..

والطريقة كيفاش جاو للمريكان باش يبداو حياة جديدة ولكن كل شي تقلب ملي خدمو فالكازينو وبدا بينهم النزاع حول الخدمة ، وغيرتو عليها ..وانه كان معلم ديالها في كل ما ماهرة فيه من العاب القمار تال خفة يدها ..

ضحكت وبكات مع كل جملة كتبتها وحست باحاسيسها في كل موقف عاشتو كأنها معاها كتشوفها قدام عينيها ، عقدت حواجبها ملي وصلت للورقة لي كانت كتعاود فيها على تلك الليلة مشؤومة لي بسبابها هي وباها صبحو مجرد بيادق في لعبة مايكل وميكائيل..

ولي نتهت بالكثيرة من الدماء ولي كان ممكن تفقد حياتها فيها ولكن عمرها كان طويل وفي نفس الوقت اكتشفت اجمل شيء ممكن يوقع عليها وهي حملها من جبار ..

يتبع…