سوط الصبابة

….سيضل عشقي يلاحقك الا ان نصاب بالجنون معا….
صوت عزف بيانو هادئ…
نغماات موسيقية رقيقة برقة العازفة …
كتعزف ولبسمة على شفايفها ..
وقفات للحظة مرجعا خصلات شعرها الاشقر لور.
شافت فلبنت لي حداها مبتاسمة..
كالسا قدام لموقد مغطيا داتها بلحاف اسود قاتم .وشعرها لكرلي نازل .بين يدها كاس دلقهوة سخون..
هزات راسها فصاحبتها منين عيطات لها:” هيييهوووو نوضي تعزفييي
شافت فيها بعيونها سود وملامح وجها مطموسين:” مكنعرفش
ضحكات بثقالة:” كذابة جايبا لبيانو تا لاخر دنيا وتتقولي متتعرفيش..
شافت فيها بعصبية :” صافي غطييه غطيه ودوزي تكلسي..
عنكشات وجها:” صافي وخا بلا متعصبي.
غطاتو وزادت كالسا حداها:” قوليلي ازينب نتي تقدي تخدمي بلاصة حسن لاش مزالك هنا؟
ابتسمات:” نقدرو نقولو كيعجبني هنا…ناس دجبل وجبل.. كولشي هنا زوين…
تكات حداها تتشوف فسقف:” انا لااا مكرهتش كن قدرت نولي ممرضة فجهة خرا..ولكن معليا غير نصبر تا يجي اميري على حصانو لبيض ..
شافت فيهاا:” اميرك.
حركات راسها باه:” اميري
حطات يدها على خدها:” اميري لي بغيتوو يكووون طويل وزوييين احح وريحت رجولة تشميها من بعيد…بغيتوو يكوون مغيااار ياختييي دمووو سخون ودغياا كيشعللل..يضربني وميخلي لي يقيسني
زيرات على كاس القهوة :” يغير عليك من لهواء لي تنفسي…يغير عليييك من لباس لي كتلبسي يغييير على سميتك لنطق بيها شي حد اخرر…يضربككك ويضررربك وميخلي لي يضربك…
خايف عليك منهم ونتي خايفا غاا منووو هوا
ضرباتها فكتفها:” هواا هذاك ..ولكن حيدي لجملة لخرا مكاين لاش اختي نخاف من حبي
شافت فيها :” نتي اعبير مجربتيش تعيشي مع شخص هكدا
شافت فيها مطولة كتشوف فعيونهااا وملامح وجها…ضحكات بجهد:”لي يشوف وجهك يقول نتي عشتيي …غنووض نجيب لي كاس دلقهوة نعسي نعسي غدا راك مبكرا .
تمات نايضا خارجا فحين زينب بقات كالسا…
عيونها جاو على لبيااانوو
صورة اخر مرة عزفات عليه بين عينيها ..اخر مرة كانت كتعزف وهوا ملطخ بدم .
شدات على راسهاااا…افكار كتيرة كتصارع معاهاا…ماضيهاااا لي باقا خايفا منو خايفاا ليرجع وخا عارفا مستحيل…
تكات لارض…لعرق نازل من جبهتها …جاات هضرت عبير بين ودنها” “لي يشوف وجهك يقول نتي عشتيي”
هزات عيونها فسقف ومغرغرين بدموع سداتهم بجهدد” اه عشتتت”
صوت الموسيقى ….الحان هادئة كلاسيكية..
اجساد كثيرة كتمايل معاها..لكن كل لعيون كانت عليهم هما..لعريس ولعروسية
كانوو متوسطين الراقصين…كيرقصو اخر رقصة فليلة عرسهم
كتشووف فيه ولفرحة باينا فعينيها…عمر ضنات انها غتكون مرتو…كانت تتشوفو غير فتلفازة ولا تسمعو فراديو وهاهي بين يدو دابا .
حطات راسها على صدروو حسات بيديه على خصرها قرب من ودنها ونطق بخفوت:” اشنوو واش جاك نعاس ليلتنا باقا طويلة”
ابتسمات بخجل…بعدات عليه منين سالات لموسيقى وتوجهو لداخل لڤيلا كانت ماماها كتعاينها لداخل ودموعها نازلين ..غير شافتها زادت عندها معنقاها..
ممتيقاش انها غتفارقها هي لي كانت بالنسبة لها الاب والام وكولشيي بعد ما باباهم طلقها وسمح فيهم رباتها هي وخوها وخلات منهم جوج دناس ناجحين لولد مكمل قرايتو برا لمغرب ولبنت بعد تعب كبير ولات طالبة فكلية الطب
عناقهم كان حار …ولفراق كان صعيب.. جراتها ماماين لعريس كضحك:” مالك الحمقة كتبكي هي راه دات ولدي نُصير اي بنت تتمناه تيقيني غتعيش اميرة وكاع داكشي لي تحرمات منو غتلقاه.
حركات راسها باه كتشوف فيها..لحظات قليلة وكانو خارجين برا لڤيلا بمجرد مخطا خطوة برا تكب عليه كم هائل من الصحافة…
جرها هي للوطو فحين هوا رجع واقف بجسمو الطويل والعريض لابس كوستار فلاسود وقميجا فلابيض …قاد لكرافاط بيدووو ورجع شعرو البني لور رسم ابتسامة على ثغرووو عيونوو حاضياهم وحد وحد .وكييسمع لاسئلتهم لكثيرة…لي تكبات عليه
هززز يدووو موقفهم :” واحد بواحد غنجاوب كولشب.. ولكن قبل لي صور مرتي يمسح تصويرتهت
شافو فبعض بعدم فهم واستغراب
دور صبعو على وجهو:” كمارة مرتي متكونش فشقفة ديالكم..نشرحها بشي لغة خرا؟؟؟
تقدمات وحدة من صحافة:” مصورناهاش اسي نصير قلنا علاش قررتي دير عرسك صغير وبلا اعلان مسبق مع لعلم انك نتاا ابن برلماني كبير …ومذيغ ومقدم برامج ناجح تقدر دير عرس اسطوري”
طلع عيونو فيها:” كنضن تا حد مكيعلن على شي حاجة كتخص حياتو شخصية ؟…وانا مصدوم انكم كلكم هنااا فلوقت لي انا داير غير حفلة صغيرة ومعارض تا حد من صحافة؟(كمش شفايفو) مم كنضن نتوما من ناس لي كيجيو بلا عراضة.
ضحكات بخفة:” عندنا غا نُصير واحد فهاد لبلاد وميمكنش يدير شي حاجة بلا متوصل لنا ونحضروو
نُصير: دوماااج
نطق صحفي اخر:” سمعنا بلي تزوجتيها بعيدة عل حياتك العملية وعلى حياة باباك زوجة عادية من عائلة عادية
هزز عينوو فيه:” علاش اش غندير بهااا وهي خدامة فمجال بابا؟؟تبقاا تحلف لي كل نهار بلييي غتزيد لي شي بيت فدار ؟؟
بداو يضحكوو بصوت عالي..
ابتسم جنب:” مزيان كلكم عارفين بلي لبيت مغيتزادش
شاف فصحافي بصرامة:” و بالنسبة ليك عادية بالنسبة لييي أكثر بنت اسستناىية فهاد لعالم
_سي نصير نتااا شخص ديما كتعارض لبرلمانيين رغم ان باباك منهم هادشي عطاك شهرة ولكن واش مكضنش غيأثر على زواج
حرك راسو بلا: مراتي مكتبعش داكشي اصلا
ابتسمات ليه:” اوا اسي نصير متقولناش كفاش تعرفتي عليها؟
ابتسم جنب:” طاحت عليا من سما
داخل لسبيطار داير كاسكيط وفوقها لقب دلقبية مع نظاظر كوحل شاد فيدو لي كتسيح بدم
دور عينووو فيه كيصفرر خاوي
زاد فلكولوار.
وقف لدقايق كيشوف فلارجاء تجهيزات سبيطار لا اطباء ولا اجهزة
تنهد بجهد:” داخل باش تاخد دوا
انصدق واخد لمرض غدا خصني نصور هاد لبعر”
يلاه بغا يخرج يرجع بحالووو…وقف للحظة منين سمع صوتها الانثوي : رااه عييت ندفععع والوو واش تدخل بسيف.
ميل وجهووو:” على داكشي دايرين لكم هنا سبيطارات..
جبد تيلي…باش يصور لحدث لكارثة كيف جا فبالو..
زاد غادي لبيت لي جاي منو صوت مظلم غير دخل شعل ضوء..
جمعات يدها كتصفق :” خدماات..
غوتات بجهد منين تحرك بيها سلوم …
هز راسوو مجا فين يفهم اش واقع…تا جا لارض وهي فوقوو…
طاايحااا عليه..راسها ضرب نظاظر تا فرع…
سرط ريقوو. سعا فيها منين هزات راسها وبانو ملامح وجها ..الطفوليين.
لبسمة مرسومة على شفايفهااا…رجعات شعرها الكرلي لور…
وقفات منين وقفها لحارس لي كان كيعاونها تركب لبولا
مدات يدها ليه:” سمح لي مشفتكش كنت تنركب لبولا كيف شفتي عمي لعربي كبير مغيقدرش على سلوم .
شدد فيدهاا..:” لپولا
تم نايض .فحين هي شافت فلحارس:” انا غنمشي عمي لعربي لكانت مرات منعم غتولد فيقني وخا
كانو عيونو عليهاا شعرها الكرلي كفاش كيحركوو ريح …عيونها السودا ولمعتهم…شفايفها الوردين ولبسمة لي مرسومة عليهن
جسمها المتناسق والفاتن
سهى فهاد البنت العفوية الصغيرة لي قدامو مفاق من سهوتو تا حس بيها واقفا عليه تتهضر معاه
نطق بلا شعور:” وردة وسط شوك”
ميلات وجها بعدم فهم:” سيدي يدك كتنزف:”
ابتسم جنب بهمس'”: كن تشوفي قلبي”
شاف فيدووو :” وقفي النزيف ادكتورة:
ابتسمات ليه :” تفضل معايا
زاد تا بعها كلس على لبياص ودوزات ريدو ..لبسات صباعياتها وبدات تتشوف جرحو
ابتسمات”: جرح معميقش بزاف مغتحتاجش تغرز ولكن كفاش وقع لك؟
قرن حاجبو:” غير كنت كنشوف لبلايص وطحت ويدي جات فزاج يمكن شي حد كان كيسكر ورما لقراعي
هزات عينيها فيه:” ناس لي هنا مكيشربوش
ابتسم جنب:” ولكن ناس لي جاو معايا كيشربو
ضحكات بخفة:” يعني كيف توقعت نتا ماشي من هنا؟ منين جيتي ؟
شاف فراديو لي خدام على اعادة برنامجو.ابتسم جنب
نتر لكاسكيط ونظاظر:” من بلاظ بعيدا
وسعات عيونها ولمعة فيهم: نووووصاايررر
ضحكت بخفة:” كتشبه لنصير
ضحك بثقالة:” كولشي كيقولها لي ولكن دوماج انا هوا ماشي غير كنشبه ليه..
حطات يدها على فمها:” واش بصاااااح.
نصير: اشنووو نبدا نتفلسف عليك باش تيقي؟
حركات راسها بلا: تقت وانا معجبة كبيرة بييك
:” ساليت على سلامتك اسي نصير
سمعاتهم كيعيطو لها:” يلاه نخليك
تمات غادة وقفها شادها من يدها :” واش هكدا كتستقبلي شي حد معجبة بيه؟ مطلبتي توقيع مخديتي صورة
جمعات يدها بشوية:” بصارحة مكرهتش ناخد صورة معاك ولكن تيلي ديالي فلمكتب ولمشيت وجبتو غنتعطل ومحدهم عيطو الا وكاين مريض
ناض عندها واقف حداها جبد تيلي ديالووو :” قولي تشيييز
ابتسمات وخدا صورة ليهم بجوج:” عطيني واتساب ديالك غنسيفطها لك
عطاتوو ليييه…وتمات غادة عند لمريضة لي خلاتهم يصيفطوها لبلاصة خرا باش تولد طبيب مكاينش وهي غير طالبة طب كتجي فلعطلة تعوض شوية لخصاص…مسالات تا داز وقت طويل كلسات فمكتبها متكياا
شافت فتيلي ديالها
ابتسمات باستهزاء:” حيت عارفا واحد بحالو مستحيل يتفكرها
هزاتو فيدها كتفحصوو حسات بقلبها وقف منين طلع لها مصيفط تصويرة وتحتها مساج”؛ ليوم داويتي يدي نتمنا شي نهار تقدي داوي قلبي لي مرضتي امولات سباكيتي
عنكشات وجها :” سباكيتي..
شدات خصلات شعرها بين يدها..
صباح جديد ونهار جديد حلات عينيها كتكسل شافت حداها مبانش لها
تمات نايضا عريانة توجهات لدوش…خدات دوش بلخف ولبسات جوب قصيرة مع سوفيطمة فوق كرشها فلبيض دارت كلاكيط فرجلها ..
وتمات خارجا
خرجات كدور فعينيها فلارجاء مبانش ليها حطات يدها على كرشها
زينب:فياا جوووع
تمات نازلاا وقفات اعلى درجة منين شافتوو طالع شاد تيلي فيدو قطعع منين لمحهاا
ابتسمات ليه: صباح لخير حبيبي
جمعات ابتسامتها منين شافت ملامح وجهوو مبدلين…
طلع عندها بزربا شدد فيدهاا مجهددد وتم جارها لبيت مع دخلا دفعها طايحا لارض
كيشوف فيها بعيون حوومر لعروق بارزين فجبهتوو :” أشش تتخوري ؟ أااا؟ أششش تديري فحياتك نتيي ؟؟؟
مفهمات والو دمعة حاصلا فعينيها ولحرقة فحلقها خرجات صوتها بتمتمة:” اششش درت؟
جرها موقفاا:” اششش هاااد لباااس .؟ اشش هاد شرويييطة؟؟؟؟؟
زينب:” كفاش اش هاد لباس؟؟ راااه كان فيا جوع قلت نزل ناكل وو اصلا انا غير فدار لبس اش بغيت
ضحك بجهدد:” تلبسي اش بغيتيي؟؟
جرر لييها جوبا تا تقطعات مبياا لحمها شاف فيه بصدمة :” ششدرتي
نصير:” يللااااه الالة لبسي اش بغيتي يلاااه خرجيييي هكداك.. خلييي لخدامة يتفرجووو فييييك يلااااه الالة انااا مرتييي سلعة فسوووق ليي جااا يشوفهاا
دار كيسمع دقان فلباب:” سي نصير وجدنا طومبيل
شار لباب:” يلااااه اششش بان لكك نحل لييه لباب يشوووف أا؟؟؟
بلغوات:” واااش باغييب تشوووف طرف ادوييي
شيفور مور لباب” طرف؟؟ اه …لا اسيدي انا ماشي من طرفاية شييفور تاني لي من تن
غوت تاهزها:” اششش بان لككك؟؟ نحل ليييه؟؟
بدات تبكيي…وتشهق بجهد:” انا انا مصحابنيش كاينين رجال ..
معنقا داتها كتبيي وتشهققق شاف فيها مطول كيشوف فجسدها لي كيتحرك مع شهقتها سرط ريقو:” تحررررك نتااا من مووور لباب
الشيفور من مور لباب:” وخا اسي نوصير
زينب:” زدتي فيه واش خايفو يشوفني وهوا مور لباب؟
زاد عندها شاد فيدها:” مكنتيقش فلبيبان ازينب…
قلبات وجها ودموعها نازلين
جرها عندو معنقها” متبكيش دموووعك كتحرق قلبيي ولتحرق غيرضك رماد معاه امرتي.
هزات راسها فيه مفهماش هضرتو..
نصير”: اشنوو واش مفيكش جوووع؟؟؟
نهبطوو ناكلو؟
هزاات عينيها فيه…
نزل راسوو كيبوس فخدودها وشفايفها ويدو كتلمس جسدها:” سمحيلي عارف تعصبت
دفعاتو بشوية :” غنغسل وجهييي
هز يدو :” وخااا غنعاينك لتحت.
دخلات لدوش كتغسل وجهااا…شافت فيدها واثر صباعو باقي مرسوم
تنهدات بجهد:” غلطتي ازينب اي راجل ميبغيش مرتو تخرج هكداك قدام رجال.. ولكن تا هوا زاد فيه ..ولكن راه طلب سماحة
مسحات دموعها وتمات خارجاا
لبسات بيجامة طويلة ونزلات تفطر معاه..كلسوو كيفطرووو ضاحكين ناشطين بحالا تا حاجة موقعات
شاف فيها :” اشنو امولات سباكيتي فين بغا ندوزو شهر لعسل؟؟شنو بالك نمشيو لروسيا تما لبرد بحرا تلبسي لي لمغطي
ضحكات بلخف:” ومتزيدش فيه
هزات كتافها:فين مبغيتي
نصير:” لا نتي ختاري وانا نديك دبي روما؟ لندن نيويورك؟
ابتسمات ليه،:” لجبل فين تعرفنا
قرن حواجبو” جبل .
حركات راسها باه وعيونها كيترجاوه
هز كتافو:” وخا جاتك
داز اسبوع بزربة وهي معاه فقمة الجبل…كانت احسن سيمانة عاشت معاه…هادئا وبعيدا على غيرتو …بحكم اصلا ضبر على دار بعيدة شوية على فين مجموعين سكان…فكانت غير هي وهوا .ولحب لي بينهم..
واقفا كطل لجووو بارد وثلج كسى دنيااا…ولكن مباينش مع ظلام .ابتسمات بثقالة وهي كتشوف فلارجاء فاش يلاه جات تعاون ناس لي هنا كانت متخوفا ولكن سرعان ملقات راسها مع عائلة ماشي ناس عاديين..
دااز شخص جار حمارو شار ليها بلبيل مضوي بيه”: ختي طبيبة
ابتسمات ليه:” خويا منعم اش خبار لمدام؟
منعم'” بخير الله ومالك الحمد
ابتسمات ليه”: الحمد الله
دارت بزربا منين سمعات صوتو موراها:” معامن كتهضري؟
زينب” منعم مم
قرب عندها كارز على يدها:” منعم شكووون هدا؟؟؟
طل مبان ليه حد ورجع شاد فيدها مزير عليهااا :” شكووون هذاااا؟؟؟لااااش كتهضري معاه؟؟ وفنص ليييل دويييي شكون هذااا باش تهضري معاه أاا؟؟ يكمااا جايباني لهاد جبل حيت عندك شيي حد أاا ؟؟؟؟ شووفيي فياا أاا ..
هزز لها وجها بارك على فكها:” بربيي تا ندفنك نتيي وياااه.
شافت فيه بصدمة :” نتا اشش تتقول؟ وااش حماقييي ولا؟مبيني وبيني والووو .
دفعاتوو:” بعد منييي راك فرعيتيي
رخا منها …خشاا يدوو فجيبووو .
زير على عينو وحلهم:” وخاا.. مبينك وبينو والو… ولكن من حقي نعرف شكون هذاك؟ منين تتعرفييه؟؟ شحااال من مرة شفتييه؟ واااش شي شرويطة من شراوطك لمغطيين بزاف ونتيي معاه؟
شافت فيه بصدمة..ضحكات بجهد ودمعة فطرف عينيها:” مبغيتيش تعرررف شحال من مرة كيخراا فنهااار اسيي نصير؟؟؟
ميل وجهوو:” علاش واااش حسبتي لييه..؟
غوت تاهزها:جاوبيي بلا داك ضحك لخاوي شكووون هداااك؟
زينب:” مرتو مريضتي اول نهار تلاقينا عقلتي عليها كانت ولدات وسولتو باش نعرف كي بقات
ضحك بجهد :” بصح يعني جاا بزاف دلمراات لسبيطار وشافك بزااف دلمرات؟شنوو كونتي لابسا فكل مرة؟ وااش شاف فيك شي شوفة مهيااش؟ قلل عليك لحيا شي مرة؟؟؟
حركات راسها باه:” مزوجني انا تانية مخباركش ..زدتيي فيه
قرب عندها خاشي يدوو فشعرهاا جرها لعندوو وعينو حمرين بلعصب:” لااا مزدتش فيه؟؟محد محاوبتيش على اسئلتي عاد غنزيد فيه مزيان
زينب:” منين غنعرف واش انا عاقلا شحال من مرة شفتو؟ وشنو كونت لابسا؟
حرك راسو بشويا:” غتفكرييي ازينب غتبقاااي هناااا تا تفكري
شافت فيه بعدم فهمم..دخل لبيت وسد لباب مخليها فلباركون..
كدق بجهد:” نصيير حل باركا من تبرهيش واش حماقيتي راااه قلت لك راجل مريضتي باركا من لغيرة زايدا نووووصير حللل….فيا لبردد حل بغيت نعس.
زاادت كطل بزربا منين سمعات لوطو كتكسيري…شافت طومبيلتووو مكسيرياا…
زينب:” فيين غادي ومخلينيي نووووصااااير نوووووصااااايررر
داز لوقت كانت كالسا ضامة راسها كترجففف لبرددد غيقلتها..داتها كلها كترعد….
دموع نازلين مع خدها…هزات عينيها منين حسات بثلجج ناازل …
حطات يدها على قلبهااا ونزلات دمعة حارا مع خدهاا ..
شمس صباح بدات طلع وهوا مزال مجا..تهزات منين سمعات لوطو..
خرجات اسمو وسنانها كيقرقبوو وطاحت على طولتها قبل متعرف واش هوا..
دخل لدار بجراا …حل لباب وهوا كولو خوف عليها نزل على ركابيه عندها”:, زييينب حلي عينيك زيينببببب “
ضربب يدووو فلارض بجهدددد..
داز لوقت حلات عينيها وهي فسرير وغطا دافع..دورات عينيها فلارجاء عرفات راسها رجعات لڤيلا..
شافتو جنب ناعس وهوا كالس ويدو شادين يدها . ..وضماضة دايرا على يدو
نترات يدها.مع حس بيها حل عينو
بخوف نطق:” زييينبب نتيي بيخير ؟؟؟
زينب:”علاه كنهمك واش بيخير ميتا ولا عايشا؟؟
نصير” لمهميتيني نتي شكون غيهمني
زينب:” بصاح ؟ على داكشي خليتيني تم وسديتي عليا؟
زير على عينووو”: سمحيلي
زينب’: سمحيلي مكتقالش منين كتكون غتسبب فموت شخص اسي نوصير غيرتك وعدم تيقتك ..كانت غتموتني
نُصير: كنتييق فيك ازينب ولكن مكنتيقش فلي دايرين بيك اي واحد غيطمع فيك وانا منقدرش منقدرش نتخيل شي حد يطمع فمرتييي..
قلبات وجها لجهة لخرا:” دايرين بيا ..علاه شكون داير بيا؟
نُصير: ناس…كاع ناس..مكنتيق فحد …
زينب:” فين قراوك اسي نوصير ان ناس ماشي دتيقة؟؟
نصير:” قراتنيي دنياا ..لمدرسة لي كولشي كيخرج منها ساقط ..
قلبات وجها:” بغا نعس
باس يدها وتم نايض ..
غبر عليها لدقايق وتم داخل وفيدووو بزاف دلميكات كلس حداها كيجبد منهم كساوييي قصار…
نصير:” تقدي تلبسي لي عجبك حيت مبقا تا راجل خدام هنا
دارت تتشوف فيه:” واش جريتي عليهم؟
حرك راسو بلا”: خدمتهم فجهة خرا
رجعات متكياا..كتشوف جنب ..
تم خارج مخليها..دارت فبلاصتها..تا عيات هزات تيلي داخلا كدور فلفايس..طلع لها ڤيديو تراند..قدات وقفتها..منين بان لها هوا فيه..
شاد تيلي كيصور طريق”: هذااا هوااا لاصلاح لي وعدوناا بييه؟ طريييق مزانيتها خرجات عام هادييي..وجااا ثلج سدهاا ..لكان شخص مريض وخصووو سبيطار لكبير اشش غيدير يموووت…؟ لمرا لشدها لوجع طلب من ولدها يأجل لخرجا..؟؟ ودراري يقطعوو لمدرسة تاااا ترشق لكم نتوماا تقادو طريق . ولدك كيقرااا فافخم لمدارس فاوروبا وولاد جبل مكيهمووش ياك؟؟؟ انااا داباا باغي غير ندووز نمشي عند مرتيي وطريق مسدودة..تيقوووني لوقعاات لهااا شيي حاجة ..غنحرقكمم كلكممم من لحمااار لكبير تا لبغيل.
حطات تيلي وهي فاهما انه لبارح مجاش حيت طريق تسدات عليه…
تمات نايضا…خارجا بان لها كالس ..شاد كتاب فيدو .وكارو فيدو تانيا…
زينب:” علاش مقولتيش لي طريق لبارح تسدات عليك؟
نصير:” انا عمر بررت شي حاجة كتعلق بحياتي…خاصة اغلاطي عمر حطيت لهم أعذار..وانا غلطت منين سديت عليك لباب…وغلطت منين خرجت وخليتك…
هز راسو فيها:” وباقي غنزيد نغلط حيت هذا هوا انا ازييينب بنااادم..كحل ..مكاين لاش نافقك بلوان.
لكل شخص وثر حساس..وغيرته وثر حارق..
شافت فيه هازة صبعها :” لا اسي نصير راك غالط .خصك تبرر..وتبرر لييي ..مراكش عايش بوحدك باااش دير لي بغيتي حياتنا مشاركينها دابا .اي حاجة اتمسني وضرني خصك تبررها لي لعلا وعسااا…قلبي يزيد يصبر عليك..
عطاتو بضهرها وطلعات لبيت.فحين هوا بقا بلاصتو وعينو تابعينها:” نبرر .
ليام كدوز وهي معاه..بقاا معرفاش تقراه..
داك شخص لجدي ولواضح فخدمتو..تحط ليها تا فواقعها…واضح معاها وضوح شمس لعجباتو لحاجة عجباتو لا لا..اذن خصها تبدلها بلا زيادة ولا نقصان..
شي لي كيخليها تشعر انها كتفقد نفسهاا ..بين ارتطامات نفسيتو..
لكن كتحاول تحافض على زواجها..حيت عارفا لطلقات اش غيعاينها..مبغاش دوز من طريق ماماها.
كالساا قدام تلفازة وعينيها على تيلي ليوم راها بوحدها..بحكم انو عندو حفل عملي..كدوز تصاور وڤيديوهات لحفل لي دارت لقناة فاش خدام..
تفكرات زمان كانت تتشوفو فتلفازة كيجيها شخص بهيبة وشخصية ..شي لي محساش بيه دابا يمكن حيت عشاراتو..او يمكن حيت تسلط لي دار عل لبرلمانيين دارو عليها دابا
حطات يدها على قلبها كتساءل
نفضات افكارها:” نتا غتبقا احسن شخص فحياتي لمرة لولى لي تعصبتي عليا كان غلطي اني لبست هكداك وهنا رجال ولمرة تانية كان غلط طريق…مكاين لاش لومك فحاجة معندك فيها دنب وداكشي داز وبدينا حياة زوينة كيف حلمتها معاك..
ابتسمات تتقنع راسها بهضرها..
تكات كتفرج كتشوف فتصاور .جات عينيها على صورة ليه وحداه وحدها بفستات كاشف .حاطة يدها على كتفو فحين هوا جامع يدو عندو
زيرات على يدها مكمشا وجهااا..
لاحت تيلي ونعسات
مفاقت غير وهي بين يدو
شافت فيه بصوت ناعس :” جيتي؟
حرك راسو باه:” جيت
حطها على سرير:” هنا بلاصتك
ابتسمات:” عيت وداني نعاس
نترت تيشورتو ولاح جسمو عليها شادو بيديها ..
بعداتو بيدها:” قلت لك عييت بغيت نعس
كيبوس فيها ممهتمش بهضرتها عيات تبعدوو ومداهاش فيها فمكان قدامها غير تخليه ونفسها مقبوضة عليها
جا صباح جديد فاقت بسيف زادت لدوش جارا رجلها…دخلات تحت رشاشة ولماء نازل عليها…
سمعات دقان:” انا فجردة..
تم غادي وقف للحظة منين تفكرها نهار طلبات يبرر اغلاطو..رجع واقف حدا لباب:” ليلة لبارح انا بززت عليك حيت كي شفتي لحفلة كانت عامرا بالبن..
حرك راسو جنب ساكت:” نساي
تم خارج.
نزلات راسها. لا هوا قادر يبرر ولا هي فيها لي يسمع.تمات خارجا من دوش ملويا عليها فوطة .. شافت فلمراية مطولا حاسة براسها باهتا ومفيها روح..
تساءلت للحظة شكون هادي؟
لبسات كسيوة فلحمر لاصقا على جسمها تحت ركبا مع كعب عالي فلكحل…طلقات شعرها دارت مكياج على حقو وطريقووو مركزا على شفايفها لي عكراتهم بلحمر باين..
لبسات كعب عالي فلكحل وتمات نازلا..تلاقات مع لخدمة متوجها لكوزينة
زينبب:” صباح لخير
ابتسمات ليه:” صباح نور منورا الالة
زينب:” شكراا
زادت لجردة كتعيط على نصير…وقفات مصدومة منين وصلات فين كيفطروو…
شافت فيه وشافت فرجال لي معاه..
حطات يدها كتهبط كسوتها لون وجها مخطوف وقلبها قرب يسكت منين لمحات نظرات الحلقة الاخيرة لي كيدير فيها
حاسا بقلبها عند فمهااا…هبطات لكسوة بشويا ويدها كترجف..
كيشوف فيهاا .عيونووو حووومر جغمة دد.. م…شاف فدراري لي حداه كيطلعوها ويهبطو ..
تم نايض . قلب بيد وحدة ديييك طبلة
تهزوو واقفين مفاهمين والو:” مالك اصاحبيي؟
شاف فيه وشاف فمرتو:” خلعتي لبنت نتي بيخير اختي؟
شدوو من راسوو مهبط لييه راسو لارض:” اش كتشوووف أاا دوييي؟! عييينك لتهزووو فيهاا غنحيدهممم لككك غنحيدهممم بيخير ولا مبيخيرش سوووق مككككك
لولد تاني كيجرووو باش يبعدد :” طلق منووو نووصير دير عقلك طلق.
شاف فيه :” تانتا شفتييي فيييه
نزل عليييه ببونيا لوجه جابو طايح لارض …
رجع عند تانيي كيضرب فيه:” تاااحدددد معندووو لحقق يشوووف فيييه ..تاااحد معندووو لحققققق ياكلهاا بعينووووو…
زادت لعندو كتجرو: نوصيير عفاااك طلق منووو عفاااك
خنزر فيها نظرة وحدة كانت كافيااا تخليها جامدة بلاصتها
غوت تا هزها:” اشش كتعاينييييي قو….لبيييتكككك
زادت بجرااااا ..
فحين لولد لي كان طايح ناض دفعو وجار صاحبو :” جيناا عندك على لخدمة صدقات لخدمة معاك حرام
نصير:” ميعاااود يجييي عنديي تا كل ب لهاد داررر وديك لقناة لشفتك كمارتكم فيهااا غنحر. ق جدهااا
كالسا فوق سرير ..داتها كلها تترجفف .
تهزات واقفا منين تحلات لباب
زينب:” مكوونتش عارفا راهم تماا تيقنيييي انا..
سكتات منين نزل عليها بتصرفيقة جابها طايحا لارض
شادة على خدها لي نازل بدم ..
واقف على راسها كينهش”: عاجبينك فخااادككك تبينيهم أاا؟
هزات راسها فيه:” نتاا لي عاجبك تشوف فخاد لبنات لبارح هاديك لي كانت مصورا تتشطح معاك مخليها وانا لاا
ضحكك بجهددد:” هاديك واااش بغااا تولي بحال هاديك؟؟ أااا هاديييك ق … ديال كولشيي اماا نتييي دياليي بوحديي نهار تزوجنا اش قلت لكك أاا؟؟ أشش قلت
جرها من شعرها معلي وجها عندو:” قلت لك حياتككك ولات ديالييي بوحدي نتيييي تنفسيي فاش انا نبغي تاكلي وتشربي فاش انا نبغي وتلبسي اش انا باغيي بوحدي لي غنشووف فييك بوووحديييي
شاف فدراها ورجليها:” عاجبكك تبينيهم مم؟؟؟ عاااجبك؟
تم واقف محيد سنطة دسروال…
راجعا بلور:” واش حماقيتي ياكما ناويي ضرربنيييي؟
نزل عليها بجهد تا غوتات لربيي لي خلقهاا عيات تقاوم فيه بلا فايدة مبعد منها تا خلا
لحمهاا كولوو حمررر بضرابي
وقف كيشوف فيها ..شعروو نازل على وجهوو صدرو كيطلع ويهبط:” يلااه بينيي فخاادك دابااا .بييينيييهم
ناعسا فلارض …دموعها نازلين من خدها…داتها كترجف…
أصبح احساس هوا تكون ضعيف…ومتقدر دير والو متقدرش دافع على راسك…تغوت وتغوت وتاحد مكيسمعك…تاحد.
هزات عينيها بشوية وهي كتسمع لصوت تيلي. على سرير…زادت تتحبو..مقداش توقف على رجلها بلحريق تنملو عليها .
هزات تيلي..
مسحات دموعها…حاطاه على ودنها
زينب:” ألو ماما.
بحنية:” زينب بنتي واش نتي بيخير قلبيي واكلني عليك؟
حركات راسها باه:” بيخير اماما..واش شربتي دواك؟
تنهدات:” دواياا هوا تكوني بيخير…فرحتي كبيرة منين كنشوفك فرحانة مع راجلك…على الاقل وحدة فينا قدرات تنجح زواجها..وحدة فيناا ربي عطاها راجل كيف الالماسة…ولدي نصير كيتهلا فيك ياك ابنتي؟
دموعها نازلين على طرف عينيها:” كيتهلا اماما…كيبغيني بزاف لدرجة ميقدرش يخلي لبرد يضرني..
براحة نطقات:” الحمد الله ربي عطاك ولد ناس …وتانتي تهلاي فيه..قريب ان شاء الله غنجي عندك مروان غيجي سبت من فرنسا وغنجييو نزوروك وخاعارفا نتي وخوك متتحملوش
زينب:” مرحبا اماما.
قطعات عليها منين ودعاتها…
طيحات تيلي جنب..كتشوف فسقف…
زينب:” اناا مغنقدرشش اماما …اناا غنمشي من هاد دار ليوم قبل غدااا …
ناضت ..وهي كتوجع…زادت كتجمع حوايجهااا…هزات حاجة قليلة وصاكها وتمات خارجااا…
جارا لڤالييز…وقفات بغا تنزلها مع دروج بان لها طالع…واقق فنص دروج…
شاف فيها وشاااف فلڤاليز .
نصير:” يااكمااا ناويا تمشيي؟
حركات راسها:” لعيشة معاك حرامت .غيرتك حرقاتنييي…صافي سالينااا ورقتي توصلني ..
جراتها نازلا…واقف فدروج عاطيها بظهر نطق بهدوء”؛ سدي لباب موراك..
شافت فيه:” كن هاني .
شاف فيها ميل وجهو جنب:” مكنهضرش معاك
هز عينو فلخدامة لي خارجاا:” نتيييي سديي لباب مووووراااك
شاافت فيه :” واش متتفهمش ..ساليناااا..
جرات ڤاليزتها..خرجا..قبل متوصل تسدات عليها لباب…
كدق بجهد باش يحلووو..ووالووو…
هزات راسها فيه:” واش باغيي تحبسني هنا أا؟
زاد عندها بثقالة حط يدو على كتفها منزلها على يدها:” كيف بقات جروحك…واش درتي لهم دواء؟
ابتسمات باستهزاء نترات يدو بزعاف:” ضماضة لفاصمة دوااء منافعاش هاد جروح اسي نصير…
بلل شفايفو:” واش ينفعك تبعدي عليا؟ وتخليني؟؟؟
حط راسوو فعنقهاا:” نتي عارفا غنموت بلا بيك…انا غلطت اه غلطت منين ضربتك..ولكن مقادرش نخيلي شي حد اخر كيشوف فيييك مقااادرش ..
زينب:” نتاا مريض خصكك طبيب نفسيي
بعد عليهاا مخنززر فييهااا:” طبيب نفسي؟؟ حمق انا ازينببب ياااك حمققق…
زير على كتفها:” مكدبتييش أنااا حمققق..ولخروج من هاد دار غيكووون على جنا زتيي فهمتييي…
غوت تا هزها:” واااش فهمتييي؟؟؟
دفعاتوو بجهدد:” مفهمتشش انااا بغاا طلاقييي..
هزز يدوو نزل عليها بتصرفيقة:” اخرر مرة تجبديي طلاققق علىىى فمكككككك فهمتيييي
زينب: غنجبدووووو طلقنيييييي
بغااا حريتييي لمو. ت خير ليي من لعيشة معااك
نصير:” عندك لحق لمووو. ت..بوحدها لي غتبعدك عليا..
غبر عليها لثواني رجع ولمو. س فيدوو…حااطوو..جهة قلبوو.
نصير:” بغيتي تمشيي د فنيني.. ..
شافت فيه بصدمة وشافت فلمو س:” نتاا
غوت تا هزها:” يااا دفنيني وتخرجييي داباااا يااااا تبقاي هنا معاايااا ختااارييييييي…
ياا اناا ياا بوحدككك ..
شافت فيييه ..وشافت فلمووو س …:” مغترضنيش مجر مة ..
نصير:” متخافيش مكاين لي يلومك كولشي غيفرح بمووو تي ازينب
زينب:” نتااا حمق حمقققققق..اناا غنمشييي بحالييي ودابااا..
تمات غادة…وقفات منين جرها دافعها بجهد..تا ضربات مع لبيانووو…
نصير:” يا معايا يااا بوحدك
حط لها لمو س فوق لبيانو:” ودابااا يا غتهزيه وتغرسيه فقلبييي…ياااا غطلعي وتنعسي فبيتك…
دموعها نازلين وعينيها على لمو س نطقات بتمتة:” غنطلع..
حرك راسوو باه:” مزيان
عطاها بضهرر..دار عندها منين عيطات ليه باسمو” نصير”
مع دورة غتغرس فيه لموو س..
زينب:” غنطلع برا هاد دار..
جرها عندوو معنقهاا عروق راسو بارزين ولون وجهو مخطوف:” عنقينييي..وزيدي غرسيه.. ماشي عدل نتي تفرحي وانا لا…
نترات يدها تتشهق بجهد ولمو س مغروس فداتو
عنقها عندو كتر لمو. س داخل كتر:” انا نفرح بحضنك ونتي فرحي بمو. تي هذا هوا لعدل …