spicy كاملة فقط على
قصة تحت عنوان:
شــيفرة جـنوني
#شادو #الظل
بقلم :حنان فارس
لست قاسيا يــا عزيزتي..إنني شيفرة عقد لا تحاولي فك رموزها كي لا تغرقـي في شبر من جنونـــي
..غنعاودها لكم كيف لخرافة. كنت كالسا مابيا معليا تراجع لامتحاني..تااا طااحت علياا فكرة هااد لقصة..كلاتني يدي ونضت كتبتها .معرفت وااش نخليها مولودتي رقم 13 ؟ولا منحسبهاش
وباختصااار…من ديمااا تتقراو لقصص..وحدة تتبغي واحد كيجي شرير لي كيفرقهم ولي تتشبعوه دعاوي…
وطبعا حيت انا المساند الرسمي للاشرار فهاد لمرة غنشوفو لقصة من جانبهم..
سماااء صافية…وشمس سااطعة…الجوو هااادئ…والهواء نقيي.
شيي باقي ناعس…شييي خدام..وشيي كيقراا..
فباب وحدة.من المدارس الخاصة..
كانت واقفااا…أنثى فأواخر لعشرينيات…
لابسااا..لباس..كلاسيكي نوعا ما…كسيوة فلكحل.. صباط بكعب عالي فلحمر..وبيرية فنفس لون الصباط.
.مخليا شعرها القصير مطلوق…
كدور عيونها الزتيين..فلارجاء..وترجع خصلات شعرها لقهوي مور ودنها…
عضات شفايفها..الحومر..مخليا سنانها لبويض يتطبعوو بعكارها..
وابتسمات بلخف..منين لمحات لوطو ديالو جايا ..
زادت عندوو..تتمايل..على انغام كعبها…
وقف لوطو جنب…نزل شخص .فثلاتينات من عمروو..طويل وجسموو متناسق مع طولتو
لابس سروال جينز زرق..مع طريكو فلكحل وصبرديل فنفس لون .
رجع شعرو لكحل لور..كيشووف بعيونو القهويين المغلوقين مبتاسم…دوز يدو على دقنوو..
مكانش مكبر لحيتو بحكم خدمتو..
وقفات حداه…كتشوف فييه…وبدورو كيشوف فهاد كومة لانوثة لي قداموو..
مشيتها وقفتها..لباسها..صوتهاا…كولشي فيهااا …انثوي..
نطق وابتسامة مرسومة على ثغرو”تيليلا”
تقدمات معنقااه..
تيليلا:إبراهيم توحشتكك..
حوطها بيدوو…كيدوز يدو على خصلات شعرها
إبراهيم:توحشتيني..ممم!
حركات راسها باه..وبعداتو بصباعها
تيليلا:تلاميذ ايخرجو..ايشوفونا
إبراهيم:ومالي اش داير..جاي غا عند مرتي على سنة الله ورسوله .
عنكشات وجها:مرتك هي لدرنا لعرس وجمعنا ناس وشي لاخر
إبراهيم:وراك عارفاا ..غير لخدمة..ويلاه كيف شديت عطلة جيت لعندك..
ابتسمات:آه عارفا اسي lieutnant”ملازم أول”
إبراهيم:وهاد لعرس الالة نديروه فهااد لعطلة….
وسعات عينيها :بصااااح..
إبراهيم:ايااه بصاااح..هضرت مع لواليدة .غتدوي مع مك..ويختارو لقاعة..ويتكلفو..
نقزات علييه معنقاااه:واخيراا غنتجمعوو فدار وحدة ..
ابتسم طانز:بعدي بعدي راه تلاميد خارجين
بعدات عليه تضحك..بصوت مسموع .
إبراهيم:يلاه ركبي نوصلك
تيليلا:لااا..كنت غا كنعاينك باش نعنقك..اما انا عندي (جبدات لكونطاكط)لوطوو ديالي يعني انا لي غنوصلك..
ابراهيم:اهاااه حلفتي تا خديتيهاا..اوا ركبي الالة..
تيليلا:لفلوس لي خليتي لي اخر مرة زدت عليهم وخديتها
ابراهيم:(جرها من حناكها)بصحتكك العمر
زاد معاها لطونبيلتها …صوت ضحكتهم مسموع…صوت ليي خلاا نار تشعل…فقلب مول لعيون لي حضياهم.
دوزات معااه…نهار ..تغداو براا..وخرجوو دارو وتقداو حوايج لدارهم…
وغير ظلام لحال…رجعاات لدار…وهوا تابعها بطونبيلتو لي جاب من قدام لمدرسة.
وقفات لوطو قدام باب دار..نزلات …
وبدورو وقف ..جنب..نزل ..
تكات عليها…تتشوف فيه..تاوقف قدامها..
تيليلا:تصبحح على خير…بغيت نكولك دخل..ولكن عارفاك عيان..وهما غيشدوك بلهضرا
إبراهيم:مراا خراا ..
ابتسمات ليه:يلاه نخليك..
زادت داخلا..جرها…من يدها..تا ضربات مع صدرو..حطات يدها على صدروو تتشوف فيه مصغرا عينيها.
إبراهيم:فين الباي ديالي؟
هزات كتافها:وقلت لك تصباح على خير..وباي باي
إبراهيم:(على حواجبو)و مسمعتهاش.
ابتسمات …تهزات بلخف على صباعها..وطبعات بوسة جنب فموو..سلتات منووو…وزادت بجراا…وهي كدير ليه باي باي..
شدد على قلبوو:(خرج تنهيدة طويلة)اه منكك آه…تصبحي على خير العمر..
ركب فلوطوو منين…وصلات لباب…وكسيرا…
وقفااات…بغا تحل لباب..طاح لهاا ساروت…نزلات تهزززو…عنكشات وجهاا..منين حسات بشخص واقف موراها…سرطات ريقهاا .منين شافت ضلوو باين فلباب…يلاه بغات دور..تحلات لباب..
شافت فخوهاا..واقف
تيليلا:باقيين فايقين
خنزر فيها:عارفانا كنسهرو…لواليد كان كيعاينك دخلي
تنهدات:ياك لباس..
دخل خلاها داخلا….
زادت سلمات عليهم…نطق باباها وعينو عليها
الأب:وعلى سلامة داخلا فنص ليل
الأم:ورااها مع راجلها اناري…
الاب:راجلها وياك عاقد عليها ويديها لدارو..متبقاش هنا وتعطل لياا..
الأم:وهاد سيمانة انعشيو نااس وتمشي…حشومة يديها بلا اشهار لزواجهم..
تيليلا:قريب انمشي غا رتاح
الام:تعشيتي ولا نحط لك
تيليلا:لا تعشيت..غندخل نعس تصبحو على خير
نغزز خوها باه :وكووول لهاا
الاب:سمعت شريتي طومبيل
حركات راسها باه:اه شريتها تسهل عليا طريق لخدمة
الأب:ونتيي بنت…وراك تزوجتي وراجلك بحديدتوو..اش غديري بيها..عطيهااا لخوووك..لي مسكين..ملاقي خدمة ولا ردمة..عطيها لييه يبقاا يوصل بييها ناااس..
تيليلا:كفففاش عطيهاا لووو؟باش يبان على لبرهوشات ديالو؟سيد نهار ومطار ناعس ليي لا خدمة لا ردمة..انعطييه انااا…جهد عرق كتافيي..
الاب:متعليييش صووتك عليااا…هوا لي ولد معندوووش..ونتيي بنتك تكون عندك..عطيها لو ولا نهرس مهاا..
تيليلا:صفووااان بلحيتووو كن ناض يخدم ويديرها راسوو حاجتي منعطيهاا لحدد..
صفوان:مالكي يكول اتعطيني سوارت جنة غا حديدة نخدموو بيهااا..فاش نتي شفتي راسك مزوجا لي لعسكري رتبتوو كراد غيخدم عليك ويخرجك من خدمتك وحنا هنا لوليد مخدامش وانا مخداامشش . نموتو بجوع
خنزرات فيه:ابراهيم مغيخرجتيش من خدمتيي كن بغا يخرجني كن خرجنيي نهار عقدناا…غنخدمم عليكم تا نموت غا رتاح
صفوان:وحنا مرضااوش راجلك يعرفك نتي لي خدامة علينا
تيليلا:(بلغوات)عاااارف عااارف بلي فهاااد دااار غير باردين لكتاااف على داكشي مرتوو خصها تخدم. ووو م..
سكتات منين نزل عليها باباها بتصرفيقة…شدات على حنكها ودموها نازلين…
شافت فمهاا لي شادة على راسها..
الام:بغيتووو تقتلووونيي عاد ترتاحو
تيليلا:ماما ..واش طونسيوو؟؟
زادت بجرا جابت لهاا دوااء…شرباتو لها …خشات يدها..فجيبها جبدات لكونطاكط..ولاحتو على طبلة…
وزادت بجرا لبيتها…تتبكي…
خرجات لبالكون بيتها..ودموعها نازلين. وهي شادة على حنكها..مبغاتش تزيد تزايد معاهم..ماشيي خوفاا منهم .غير خوفا على ماماها..
ميلات راسها وهي تتشوف لظل..جاي من لباركون ددار لي قبالتهم.. تساءلات واش جيران لي كيطلو ويبرككو خاصة ان صوتهم كان عالي..ووصل لاخر شارع..
سرطات ريقها…قلبها ضرب بجهد…بخوف منين تفكرات ان هاد دار مساكن فيها حد.
دخلات بجرا..لبيتها سدات لباب..وترمات فسريرها
صبااح جديد ونهار جديد…
فاقت..بثقالة..وقفات قدام .لمراية..ساطت بجهدد..
بقا بلكسوة دلبارح..ولمكيااج لي كولو ساااح ..شافت لساعة قريبا 8 دصباح…
ناضت بدلات عليها ..لبسات سروال كحل واسع مع لاڤيست ديالو…
وخرجات متوجها لدوش..غسلات وجهاا..وهزات لمكياج..تتقاد فيه..وعينيها على ساعة ليد..
طيحاات لبودر من يدها منين سمعات غوات ماماها..قلبهاا مشااا وجاا…
زاادت بجرااا…خارجاا …
شاافت ماماها ..طايحاا فلباب….كتغوت وضرب فصدرها…
وبوليسي واقف قدام لباب ..زادت بجرا عند ماماها
تيليلا:ماما …اش واقع ماما. .(هزات راسها فلبوليسي) اش واقع؟
البوليسي:تيليلا معمر؟
حركات راسها باه
البوليسي:طومبيل لي مقيدة على سميتك…طاحت من لحافة لبحر
كان فيهاا ..شخص لقينا معاه هوية باسم صفوان معمر …
وسعات عينيها لي محجرين بدمووع..شدات فلحيط على وشك تفقد توازنها..ونطقات بتمتة
تيليلا:وااااش عاااايش؟
البوليسي(حرك راسو بأسف)خصك تجي باش تعرفيي على الجثة
كان غادي فشارع..متوجه لحانوت يجيب لباكييط لفطور….
مع بغاا يقطع…داز موتور…بزربا…لاح على يدووو..لاسيد…..خلااااه يغوووت لربييي ليي خلقووو…ويطيح على ركابيه شاااد فيدووو..كيغوتتتت….ودموعو نازلين من لحريييق
.
دااازت ليااام…ودااار عندهمم..عامراا بناس شيي داخل وشي خارج كولشي كيعزي..ويتحصر..على الولد لي ترزا فشبابووو….
كاالسا فلباركون…وجهاا جامد…صفر..ولوجع ولحسرة باينا…عليه…داير زيف على شعرهاا…نازل مبين خصلاتها…
حنات راسها منين حسات بيدين على كتافها
تيليلا:واااش غتمشي؟
تنهد محرك راسو باه
إبراهيم:آه ..مكرهتش نزيد نكلس معاك.. و
“قاطعاتو”
تيليلا:مكاين لاش..سير لخدمتك..عطلتك سلات…كناا ناويين نعرسوو وربي كتب حاجة خرا
إبراهيم:ربيي بغاااه
تيليلا:كنت عارفا باغي لوطو غا باش يبان على صحابوو..كن غير معطيتهاش ليه..كاع مكان يمشي يسهر حدا جرف ويسكر .ويوقع لي وقع..(نزلو دموعها)انا سباب
جرها معنقها:نتيي معليك والو احبيبتي…هدا لمكتاب…ربييي بغاااه..
تيليلا:خوياا مات..ويد بابا تحرقاات…وعرسنا مدرناه…اش هاد نحس كولوو…اشش
شد وجها بين يدو:لعرس دابا نديروه…وربيي يصبرك على فراق خوووك…كولشي غيدووزز..غير صبري..
عنقاتوو تتبكي بحرقة:كولشي غيدووز وخويا عمر ايرجع..بصح مكوناش نتفاهموو بزاف ولكن .راه كان خوياا لي مستحيل يفوووتنيي..ولا نفوتو
بعدات عليه تتمسح دموعها:سير لخدمتك..ورتاح من جيهتي…غنولي شويا ورجع لخدمتيي..تيقني انولي لاباس نتا عارفني وحدة قوية وديما كنتغلب على ماصعاب
عنقهاا عندو..بعد عليها..طبع بوساا فراسها:لوقعات شي حاجة عيطي..
تم غادي وقلبو خلاه عندها.
داازت ليياااام ..وشهووور…جرح بدااا يولف عليييه لقلب..دار لعزوو خوااات…وناس بدات ترجع لحياتهاا…لعادية …
واقفاا قدام لمراية..تتمشط..شعرها…لي طوال مع لوقت…دارت مكياج خفيف…
لبسات جوپ ولاڤيست ديالها فلكحل…هزات صاك فنفس لون وصباط بكعب عالي..
وتمات..خارجاا …كلسات على طبلة دلفطور…شافت غير باباها لي تم..
تيليلا:فين ماما؟
الاب:خرجات مع عكوزتك على صباح
تيليلا:اه خليها…تبدل لجوو..
سكتات تاتاكل..شافت فطبلة…شحال زوينة ليام لي كانو فيها بربعاا…
حولات نظرها لباباها..لي بصعوبة كياكل بيدوو…
هزات لقماا ومداتها..لو..شاف فيها مطول…وكلاهاا…
ناضت خارجاا مور موكلاتووو…
خدات طاكسي وتوجهات لمدرسة….
سلمات على ناس لي تلاقات فطريقها بزربا..توجهات لمكتب لمديرة…
حلات لباب داخلا…تكوانسا بلاصتها ..منين شافتو…
باان ليهاا شخص على لمكتب..عاطيها بضهر .باينين غاا كتافووو لعراااض….وشعر راسو لكحل…سرطات ريقها…عند بالها غتلقا مديرة …سعا لاقيا راجل..
فكرات ان غير لمديرة لي تبدلات..
تهزات منين نطق بصوت رجولي خشن “معندكومش دقان فبلادكم”
تيليلا:.(بتمتمة) أاا ..انااا..غاا سمح لي صحابني..المديرة لي هنا..(بتوتر) واااش نتااا مدير جديد؟؟ هوا انااا
وسعات عينيها…منين سمعات صوتو منين جديد..
“نتيي تيليلاا ..فعمرك 28 عام و3 شهوور و 36 دقيقة…و42 ثانية …”
ميلات وجها مستغربا..سرطات ريقها بتوتر ..
دور لكرسي…وضرب بلملف على لڤيرو…شاد ف جبهتو بيدوو..حاني راسو “أناا كنعرف كولشي عليك..كنعرف… كولشي على كااع نااس لي خدامين هنا”
ابتسمات..بتوتر:اه اكيد كولشي عندك مسجل فلملف لي حطيتي …(ابتسمات بتوتر)
سكتات منين هز راسوو فيهاا…عيونهاا جااو فعينوووو القهويين..المايلين لكحل..
سرطات ريقها..ساكتا..نظرتو ليها …وتراتها..
كتشوف فيه…كان شاب فثلاتينات من عمرو…لابس كوستار فلكحل…شعرووو كحل..ورطب مرجعو لور…لحية مطراسيا …مطلع حاجب مهبط اخر…واحد من حواجبوو…مضروب ماشي بزيزوار..انما اثر ضربة .
جمع يدو كيشوف فيها مصغر عينو وهي تتساءل على شكون هوا بعنيها
قرن حواجبو: معتصمم..معتصم بالله..المدير جديد…تقدي ترجعي لخدمتك..
تيليلا:وااش مخصنيش نبرر غيابي؟
معتصم:ماشي مهم تبررري غيابك..اللمهم متعاوديش تغبري او تعطليي…(جبد كونطاكط ومدو لها)هد لوطو لييك…باش تجي فلوقت لخدمة حيت نتي ساكنا بعيدة .
تيليلا:هوا عرفت انك عرفتي عنواني من لملف..ولكن..طونبيل؟ منقد..
قاطعها:ماشي غير ليك اي واحد ساكن بعيد…كنعطيه طونبيل يستغلها محدو خدام هنااا…حييت لعاود تعطل مغرحموووش(خنزر فيها)
حركات راسها باه:بحال شاركات. زعمع..وخا…
شدات…من عندو لكونطاكط…مخليا صباع يدهاا…يلمسووو يدوو..يلاه بغات تنتر يدها..شدها.
معتصم:عندك لبيرمي بعدا؟
شافت فيدوو..لي عروقها بارزين..سرطات ريقها..وحركات راسها باه…طلقهاا..وتمات خارجا…
شاف هوا فلملف ليي خاويي…ابتسم جنب ..ودوز نيفوو على يدوو كانو كيستنشق …نوع من انواع لمخدرات..
دوزات محاضراتها..وتمات خارجا…ورا لها لعساس لوطو ديالها وتوجها لعندهاا ..
وقفات مكوانسيا..منين شافتها فطوكوبي دلوطو لقديمة..ليي ما. ت بسبابها خوها
واقفااا قداام لووطووو….مزيرا على لكونطاكط بيدها…
رجعات بخطوات لوور…وزادت بزربااا..لمكتب المدير…
دقات وحلات لباب….كان واقف كيطل من سرجم عاطيهاا بضهر…
حطات لكونطاكط دلوطو على لبيرو…وبصوت مخنوق نطقات”سمحلييي مغنقدرش ناخدها وكنواعدك غنبقا نجي فلوقت”
زاادت خارجاا…بزرباا..فحين هوا بقااا وااقف فبلاصتووو….دار بثقالة..زاد هاز لكونطاك بين يدو..شاف فيهم مطول .ورماهم على لمكتب .بلا ميتسوق
خرجات من المدرسة…وتوجهاات لقدام لباب..واقفا تتعاين ..شي طاكسي يدوز…عيات متعاين ووالو وكملات على رجلها..
توجهات لدار…لقات ماماهاا…كالساا فوسط دار مع عكوزتها…سلمات عليهم…وكلسات معاهم
العكوزة:عارفاك عيتي..ولكن نوضي ابنتي قلبي هاد لحوايج لي خدينا لكك..
ابتسمات:اشش جبتوو ليي
الام:ونووضيي وتشووفيي
هزات لميكات…ودخلات لبيتها..تتبدل وتخرج…دير ليهم عرض ازياااء…
رجعات لبيتهاا ..هزات شوميز دونوي فلغوز بارد…لبسااتووو…
توجهات على رااس صباعهااا…حلات بابا لبالكون منين حسات بصهدد…فلبيت…
حلاتوو واقفا لثواني…كتشوف لدار..لي قبالتهم…ميلات وجهاا كتشوف..لباب لبالكون محلولة…وخوامي .كحلا كيحركها رييح…كتحرك وتضرب مع جسم شخص …
فلوقت لي لخوامي البيضة…دباركون بيتها..تتضرب فيها..ودوز قدامها تحجب عليها شوفة .
دارت بزربا منين عيطو ليها…وقفوو موراها كيشوفو فيها
الام:فيين تعطلتييي؟؟
العكوزة:جيتييي تتحمقييي ماشاء الله
شارت بيدها لبالكون دار لوخرى
تيليلا:ديما كنحس بشيي حد حاضيني من لهيه
شافو فيها وشافو فلبالكون ددار لخرا لي مسدود
الام:ابسم الله عليك شكون ايحضيك من لهيه..ودار مهجورة لسنين..
رجعات شافت..وسعات عينيها بصدمة..منين بان لها مسدود
تيليلا:تيقوونييي…كان محلول…ديماا حاسا شي حد حاضيني من تم..وماشي غا تم…فين مامشيت..بحال شيي ظل لاصق فيا
العكوزة:بسم الله الرحمان رحيم..العين ابنتي حق..ونتي ربييي عطاااك زين..وراجل..زين…رااه عادي ناس يحسدووك..ويضربوك بلعين
تيليلا:شكون غيحسدي اخالتي ناس غارقين غا فهمهم سلاو لي انا..
الام:خالتك عندها لحق..نتي قاريا وعارفا هادشي كاين…تبقاااي ترقييي راسك..ومتنعسي غير ونتي موضيا..
حركات راسها بوخاا…سمعات دقات على..لباب
تيليلا:شكون جاي؟ اويلي ياكما بابا وانا لابسا هكدا؟
العكوزة:لا راه غا وردة..كانت قالت لي غتبعني
تيليلا:ونمشييي نحل ليهاا توحشتها
زادت بجراا…حلات ليهاا .لباب…خرجات عينيها منين شافتوو معرفاات تهرب لبيتها..ولا تنقز عليه تعنقو.
كيطلعها ويهبطهاا..بعينوو شوميز…مبين مفاتينها…وجاي مع لون بشرتها..سرط ريقو…وشاف فوجها لي ولا حمر.
عضات على شفايفها تتشوف فيه .
رضات لباب وجهو..وهربات لبيتها
العكوزة:شكون تم
تيليلا:ولدككك رااه سديت عليه لباب..
الام:اويلي صكعة سدات على راجلها
العكوزة:حشماات..درنا لحفاد بكري
زادت ضاحكا حلات ليه..لباب…
شافتو واقف جاار ابتسامتو
إبراهيم:شفتي الوليدة كيفااش كتستقبل رااجلها
ضحكات ليه:ونعم لاستقبال..دخل دخل..
دخل سلم على ماماي تيليلا…وكلس..
إبراهيم:وااش شريتو اش خاص؟
حركو راسهم باه:كولشيي واجد خاص غير لعرس
جمع يدوو كيشوف فلارض:انديرو غا شي عشاا خفيف…شهورة قلال باش صفوان(تنهد) نديرو غير صدقة لجيران
واقفا حدا لباب..ببجامتها ..تتشوف فيه مبتاسما
تيليلا:انا معاك..غديرو غا صدقة
الام:بلاا متحرميي راسك ابنتييي..
تيليلا:اشمن حرمان اماما؟صفواان خويااا…واحسن بديا ليا انا ورجالي تكون بحاجة خفيفة
هزات راسها منين سمعاتوو نطق:بنتييي اتخرج من هناا عروسة وبزفة
الام:امتا جيتي؟
الأب:يلاه وصلت وسمعت كلامكم..لي كنتو مخطيطين ليه فلول ديروه..كتب لمكتاب منفرحش بولدي ونشوفو عريس..خليوني نفرح ببنتي…
ابتسماات بلخف ودموع محجرين فعيونها:لي بان ليك ابابا..
إبراهيم:نهار لاربع نديرو عرسناا
تيليلا:شحال دلعطلة عندك هاد لمرة
إبراهيم:(ابتسم جنب)متخافيش تا يسالي دجاج لعرس.
ضحكوو وبدورهاا ابتسمات ليه…
دوزوو ليااام…فتوجاد..وهي رجل فلمدرسة…ورجل فتوجاد لعرسها…
كانت خارجا من لقسم..بعد مسالات..غاديا هي ومعلمة معاها..بخطوات تقال..
تيليلا:حشمتتت…نمشييي…نطلب منووو..عطلة وانا يلاه رجعت
شافت فيها مخنزرا:ومالكي اختي متزوجيش نتي..من حقكك تزوجتيي..والا حشمتي نتي نمشي نعلموو اناا.. احح اقلبيي(شدات على قلبها)نشم غا ريحتوو..والله تا نسمح فلعريس وما يجي منوو
ضرباتها بيدها لراسها:كاع متتحبي نهار تحبييي غيبان لك غاا راجلك وتاحد ميعمر ليك لعين من غيروو..يلاه انمشيي نعلموو..وعنداك متجيش لحنة..
ضحكات ليها:منيتك..سيري سيري واش نتي حمقة نفلت عرسك..
توجهات لمكتب لمدير…دقات..فلباب..وحلاتها…ملقاات ..حد ..شافت على مكتبووو..لملف ..لي كان هاز منين قال عمرها..تقدمات بثقالة…يلاه بغات تهزوو..وهي تهززز…منين سمعات صوتووو .
معتصم:أششش تديري؟
تيليلا:انااا …غاا…غيي
سرطات ريقهاا…تتشوف فعيوني لي كيخنزروو فيهاا…نظرة ليي خربقاتها..
حنات راسها: كنت تنقلب عليــك
ميل راسو :علااش؟
تيليلا:بعد غدا عرسي..وخصني ناخد عطلة..
هزات راسها فيه..شافتو كيحرك راسو ببرودة…شاف فيه مبتاسم جنب…لابتسامة لي ضهشراتها حيت مولفاااه قليل ضحكة.
معتصم:مبروووك .خوديهاا
ابتسمات…تنهدات وعاد ارتاحت فلهضرا..نطقات بلا وعي
تيليلا:تا نتااا مرحبا بييك…
معتصم:(دوز يدو على لحيتو)مغنقدرش نجيي
تيليلا:وعلااش؟
معتصم:حييت تا انا نهار لاربع عرسي..كنت انعرضك ولكن نتي عروسة ولعروسة متتعرضش
حركات راسها بشويا مبتاسمة:ألف مبروك..سي معتصم بالله..
معتصم: ولعروسة متتباركش
تيليلا:(ابتسمات) لالا تتبارك..وخا منحضرش كادووك غتبقاا تسالو ليي…غاا طلب اش بغيتي
ميل وجهو: اش بان لك تسمعيني شويا من الخواطر والاشعار لي تتكتبي؟
دورات عينيها :منين عارفني تنكتب ؟
معتصم:حيت نتي أستاذة دلعربية و مجازة فيها.. (عنكش وجهو..منين شافها تتبحلق فعينيها)فلملف كاتبين هوايتك المطالعة والشعر..
ابتسمات ليه:وخااا..غنحاول..نكتب ليك شي حاجة .
إستأدنات وخرجات..
تيليلا:طلع ضريف معرفتش لاش كان كيخوفني(ساطت بجهد) ابراهيم وعمر كتبت ليه الشعر كفاش انكتب لهذا؟
خرجات من لمدرسة..لقات..ابراهيم كيعاينها بلوطو..ركبات معاه..وكيف لعادة…توجهووو دايرين…خداو اش خصهم لحنة ..مور متعشاو برا وصلها لدار…
نزلات واقفا وهوا حداها متكيين على لوطو…شافت فسماء..مبتاسمة..
تيليلا:وحد لوقت كنت كنعاين غير امتا نمشي معاك لدار..ونهرب من صداع بابا..وخوياا.. ولكن دابا…انا حاسة بلي انخلي قلبي موراياا..بابا مبقاش كيف كان…هوا ضرر من موت خويا…
(حنات راسها)فوق ما كنت تنتخايل عرسي كنت تنتاخيل صفوان فرحان كيشطح فيه..
جرهاا لعندو معنقهااا..
إبراهيم:غيكوون فرحان لييك…وولديك..انا مغنحرمكش منهم..نهار نكون خدام اجي كلسي معاهم..عارف صعيب فراق ولدهم..ومكملين غا بصبر..
مبعدات عليه مبتاسمة:يلاه نخليك…
إبراهيم:ضحكي لك شويا عروسة ..ومغوبشة مجاتش..
ابتسمات ليه..هزات راسهاا…فدار لي كانت تتشوف بالكونها محلول..ودابا مسدود
ابراهيم:اش تتشوفي تم
تيليلا:ديماا..كنشوف بحالا شي حد حاضيني من ديك دار..( ابتسمات)مديرش فبالك
إبراهيم:هاديك دار واغلب ديور ليي هنا ماليهم ساكنين برا لمغرب كاين لي كيجي مرة فلعام..وكاين لي مكيجيش
تيليلا:وياه لحومة كولها فيها غا حنا وخالتي فاتيحة لي فدورة..كن غا درنا لخيمة .هناا فوسط درب وعرسنااا
إبراهيم:اهاه .. علاش لا؟..ونعرضووو مالين لحال لي حاضيينك يشاركونا؟
ضحكات :ومالهم معليهمش الله
إبراهيم:يخليلي ضحيكة العمر
شد وجها بين يدو ..طبع بوسة فراسها
زادت لداار..فحين هواا ركب مكسيري..
زادت داخلا…ضربات على راسها منين تفكرات بليي نسات مخدات حبوب منع لحمل..لي علماتها طبيب باش تاخدهم مدة قبل لعرس.
زادت لفرمسيان لقريبة..وهي كطلب تكون عندها لمناوبة ليلية وتلقاها حالا..
خرجات من دربهم….لقات لفرمسيان حالة..خدات اشش خصها .وتمات راجعاا لدار..
داخلا فدربهم…ظلام..وسكات..لكيسميو الدرب سكوتي راه عندهم لحق…شافت فسماا..ونجوومها..كتعشق ليل..وتمشاا فليل..خاصة انها حومتها مأمنا وعمر تعرض لها شي حد..
نزلات راسها منين حسات بخطوات موراها…صوت صباط..كيترطم بلارض..وصوت تصفاار…خاارج بنغمة”تييك تااك تييك تااك”
زيرات على صاكهاا وزربات خطواتهاا…وقفات كتشووف..فلارض…ظل..شخص..لي موراها..باين..فجهة لي مضوية لپولا دزنقة…
قلبهاا…قرب يسكت…ولعرق نازل من جبهتها…عرفاتو مباغيش يكريسي كن بغا يسرق كن استغل وقفتها..وخدا اش بغاا..
جمعات قوتها ونطقات..
تيليلا:نتاا…ننن.نتاا لي حاضييني.نتااا…لييي فديك دار..وفين ممشيت ظلك تابعني؟؟.شش..ششكون نتااا ..؟
ارسم ابتسمامة على ثغرو ..ونطق..بصوت شبه مهموس
تقدي تعيطي لي “شاااادووو” خرج انفاسووو فاخرر حرف…مخلي شعر لحمها يتشوك.
جمعات شجاعتها..وتمات دايرا..
لعرق نزل من جبهتها…حاسة بقلبهاا…غيخرج من صدرها…سرطات ريقها…وداتها كلها تترجف..منين دارت وملقات حد موراها.
دورات عينيها فلارجاء مكاينش اثر بنادم..حضرات هضرت مها وعكوزتها..
تيليلا(حطات يدها على قلبها ) ب ب ببسم الله ..
زادت بجرا لدارها .غير وصلات بدات..تدق بجهد فلباب..
غير حلات ليها ..
دخلات تتجري لبيتها…
تبعاتها ماماها.. لي تتشوف لبنت..وجها صفرررر…وكلها تترعد
الأم: أششش واااقع لك …واااش كريساك شي حد؟؟ودويييي تيي اششش واااقع
حركات راسها بلا:ووو ..وووو قف علييااا…
يتبع…
(عودات ليها وهي تتمتم..)
الام:بسم الله الرحمان رحيم…مكيكون غا لجن لعاشق ابنتيي خصني نديك لفقيه يرقيك
تيليلا:واش جن عندو ظل اماما؟
الأم: وياك ضرتي ومشفتي والو…نوضي توضاي صلييي وقراي شويا دلقران.
حركات راسها بوخاا…
ناضت توضات وصلاة ..وبقات تقرا لقرآن تا داتها عينيهااا…
صبااح جديد ونهار جديد…ليوم نهار كبير عندها بحكم ان ليوم ليلة لحنة…
ناضت تتفطر…وهيي..تتخطط لاش تابعها فليل…
هزات عينيها منين وقفات عليها ماماها بجلبيتها
تيليلا: اشش واااقع؟
الام: نوضي تكعدي معايا؟
تيليلا: فين غنوض على صباح؟لقيتي يلاه بغا نعيط لوردة ..تعاوني فتخمال دار..وزيد هي تتعرف لكواف..
قاطعتها .
الام: اشمن كوافورة ولا تخمال تهزي نمشيو عند لفقيييه..
تيليلا: اشمن فقيه تي نعلي شيطان
الام: ياااك نتييي قارياا…وعارفااا بليي لعين حق…وبلي جنون كايني..ونوضيي
تيليلا: ميي رقيت راسي كافي ووافي
الام: اوااا لمنضتيي متعاوديش تبكي وتشكي عليا..بنات ليوم كيف دايرين حناا فيامكم كان لفقيه عندنا فمقام لوزير.
ساطت بجهد: صافي وخا غنوض نلبس ..
دخلات لبيتها..لبسات سروال كحل ثوب واسع مع قميجة بيضة…داخلا فيه ..حطات عليها مونطو..قدات شعرها ومكياجها .دارت طربوش.وخرجات عند ماماها…
توجهوو بجوج لفقييه…غادياا فطريق وهيي تتناكر مع ماماها ..محملاش تمشييي غير دايرا لخاطر …
وصلووو لباب…وقفات تتأفأف
تيليلا: كن جبنا بابا
الام: انا كافياا ووافيا…دخلي راه قالو عليه ببراكتو
دخلات عندوو…كان كالس فلارض..وحداه مجمر دخاخن خارجين منو
الام: سلام اسي لفقيه…جبت بنتييي..(جراتها)تيليلا دخلييي
نطق لفقيييه..وهوا ساد عينو:تيليلاااااا هوا اسمككك وجن كيعشقكك
الام(مبهوضة) وشفتيي عرف سميتك بلا منقولهاا تسلييم
تيليلا: يلاه قولتي لي دخلي اتيليلا
كلسات تحلف ومهاا تحلف .
تهزوو منين لباب تسد..
الفقيه:جنك بغااا يهرب سياد لمكان صالحين سدو عليه لباب..
تيليلا: ( تحت سنانها) يدوز من تحت لباب..
جراتها مها ..مكلساها ..بدا يسوط عليه .ودفالو خارجيين….وكيقرا ويتمتم…
هزز لعصااا..ضر بهاا فكتفها تا تهزات
الفقيه: اخرج يا عدوو الله
تيليلا: اويلي امي كيضر بنيي
الام : تيي صبريي لبغيتي لعسل
حاصرهاا لفقيه..كيضرب يمين وشمال وهوا كيردد ” اخرج يا عد وو الله”
عضامهاا ضروها..غوتات بجهد دفعاتوو ..ناضت واقفا..ومها واقفا
الام: اويلي نتا بديتي تشحط فدرية بصح
سد عينو كيحرك يدووو..وداتو كلها تتحرك…غير حبس تحلات لباب…حل عينو
الفقيه: جن خررج…على سلامتك
عنقاتها ماماهاا..وعطاتو لفلوس فحين هي خرجات مخنزراا..ولبكية جاتهاا..بشحطات لي خدات..كان مجهد عليها..مدفعاتوو تاكلاتها..
تبعاتها مها بجراا..فحين لفقيه شد لفلوس كيحسب وهوا كيضحكك…تحل لباب..
نطق وعينو على لفلوس: اتبارك الله عليك حليتي وسديتي لباب فلوقت ..امعلمم.
هزز عينوو…سكت مضهشر منين شاافوو وشاف تخنزيرتو
الفقيه: شش ششكون نتا؟
ميل وجهو كيشوف فيه:عد وو الله
صووت لغوااات مسمووع…..
وصوت ضرب تاا هوا مسموووع…
كااان كيشحطوووو بنفسس لعصا لي شحطها بييهاااا…..
مخليييه يغوت لربيي لي خلقووو…عياا ميغوت ويعيط لشخص لي مكلف بحلان وسدان لباب..ومعارفش بليي هوا كان اول طعم لظل…وجنون لي بقاو جاا يبردهم فلفقيه
رسم ابتسامة على ثغرووو…وهوا كيشووف فلفقيه طايح…ودمووعوو نازلين
نطق بنبرة خافتا: ضربتييهاا أاا؟ بغيتيي تخرج عدووو الله( قهقه بجهد) صدقتي مدخلو عندك
جمع ضحكتوو وشحطوو بجهدد..لمؤخرتوو…مخلي البولا تنزل لييه
الفقيييه: واااااامييييييي انااااا هوااا عدووو الله اناااا
“داز لوقت”
دوزاات نهارها..فرحانة كيف اي عروسة …نسااات اش وقع لها فصبااح..منين شافت لبنات…وصحابات..
خلقاتهاا..معاهم فليل.ضحكوو ونشطوو حناو وشطحوو فرحووو.بلعرووسة..ولعريس..
سلاو حفلتهم..شي رجع لدار وشي طاح ناعس فدار لعروسة..طلعات لبيتها.. سدات كولشيي و.طاحت ناعسااا…وحداهاا..وردة خت عريسهاا…
داز لوقت…وليل فات نصوو
حلات عينيها منين ضرهاا لبرد…
نااضت..تتشوف ..لخوامي دلبالكون تيحركهم ريح…ولباب محلولة.. ضوء لكمرة داخل..مضوي لها لمكان..
تنهدات..ساطت بجهد
تيليلا:كنت سديتوو..اوف
تكعدات من مكانها .زادت تتسد فلباب..وهي تتحاول..متقيسش حنتها وضيعها..شعلات وردة ضوء تتشوف فيها
وردة:ا(بعيون ناعسا)اش واقع؟
تيليلا:تحل لباب بغيت نسدو وخفت نضيع لحنة
وردة:انا انسدوو
نااضت..سادااه..وتيليلا هازة يدها…
وردة:(شافت فجزء من حنتها خضرة بتعجب!) مزال منشفات؟
شافت فلحنة مبتاسمة: نشفاات..
خرجات عينيها..منين شاافت بحنة باقا خضرة مكتوب”شادو”
كانت فدوووش تتغسل يدهااا…كيف شييي حمقة..تتفركهم…باش تحيد لحنة
هزات يدها..عيات تحك..ولكن سميتوو تطبعات…وخاا باهتااا…ولكن مطبوعة ..
حلات لباب شافت وردة واقفاا .. قدام لباب
وردة:(بصوت مسموع)اش واقع خلعتيني؟
تيليلا:شش بشويا بلا متفيقيهم..موقع والو بلا متخافي..غا سيري تنعسي غدا راك قاريا
وردة:كفااش قاريا وغدا عرس خويا؟
تيليلا:اه..عندك لباك..خص..(تنهدات ساكتا عارفا راسها غا تتخربق) غنمشي نعس مديش عليا..
توجهات لبيت..ناعسا ووردة تابعاها…
دوزات ليل..تتقلب ففراشها..كفاااش لحنة تكتبات على يدها…؟واش بنادم ولا جن.؟.لبنادم منين جا..؟ .كفااش طلع من لبالكون؟…دار سلوم ولا تشبط فداليا ..لي عروشها واصلين لبالكون..؟
بقات تتصارع مع افكارها …واسئلة كثيرة تطيح عليها بلا جواب ..تا داها نعاس…
داز ليل ..وجا صباح جديد ونهار جديد..دار عامر شي داخل وشي خارج..لعائلة ولحباب كلهم .تجمعوو…وكيت صفوان لي مكاينش..فقلبهم خاصة ختو ووالديه…
دغيااا داااز نهااار…وجااا ليييل…وليلة لعمررر…
كاانت فلبيييت ..مقادة …مكايجهاا…ومشيطة لشعرهاا…لابساا..تكشييطة…فلحم محجراااا….
ناااضت مخرجينها… بصلاااة وسلالام…وصوووت زغاريييد….
دايينها عند عريسها لي واقف كيتسنااها…باااش يطلعوو بجوج لقاعة لي فسطح..
ماشيي بعيد على دااار….فطريق السريع ..
كااانت طومبيل كحلة مكسيريااا بجهد ….
تحولات جنبببب منين…خرج كلب فطريقهااا….
مع دورة اتضرب فلبوطو ديال ضوء…
دخااان خاارج منهااا…طومبيلات حبسوو جنب..ونزلو بجراا يشوفو واش فيه ميتعتق
وقفوو حداهاا..شافوه كيدفع لوطو برجلوو…نازل ..وهوا شاد على صدروو..فين خدا ضربة وتفرع..زاد كيجرر رجلووو…فاقد توازنو .
حط عليه شخص يد: خصكك طبيب..دم سخون فيك ..على داكشي نضتي..ولكن راه غترجع ليك ضربة بلخايب..
وقف كيلهت..وهوا مكيشوف والو غا ضباب..”خص ..خصني نمشييي لعرسي”
الشخص: معندك مدير صحتك لولى
بصوت عيان نطق”لكان كولشيي ضدي .(ابتسم جنب) غنحيي كولشي ونديك أ تليلاوو
طاح على طولتوو مغمض عينو و..مخليي جسموو لعريض يترضخ لارض ..
دااز العرس…بلهناا..ضحكو ونشطوو..وبكاو منين ركبات لعروسة…مع راجلها وتوجهات لدارهاا…
حلو لباب داخلين …كيف حطو حوايجهم..دخلوو..ينعسوو…طااحووو بجوج..على سرير…مهلووكين..لعرس طول ومسالا تا لمور لفجر …بقاا عندهم جهد تا باش يحلو عينيهم
محلاتهم ..تا جا ضوء صباح..شافت لساعة..لقاتها لعشرا ونص..
تهزات من بلاصتها…ناعسا بقفطانها البيض..ولمكياج..ولمشطا لي جامعا شعرها..شافت فابراهيم بدورو غارق فنعاسو…
ناضت..تتفك شعرهاا…وتمسح مكياجها..دخلات لدوش..دوشات بلخف..خرجات لاويا عليها فوطة..حلات ڤاليزتها…
جبدات پيجامتها ..
تيليلا: براهييم فييق..رااه غيجيبو لنا لفطور ويلقاوك مزال ناعس..
حل عينو بثقالة كيتكسل:مغيجيوش…
تيليلا:كفااش مغيجيوش؟
إبراهيم:صوناو فصباح وقلت لهم متجيوش..مشبعتش من مرتي فليل انشبع منها فصباح
تيليلا:اويليي منيتاك..؟
رماا لفرااش..
إبراهيم: من ريتييي..
نااض جارهاا..عندوو…مطيحهاا عليه…رضها بزربا تحتوو..بقاا ينشر اثرو على جسمها وصوت ضحكتها مسموع..وهوا كيلوح ليها لكلام لمعسل..
مبعد عليها تاسمع صونيط دلباب..
غطات راسها تتشوف فيه..
تيليلا:يمكن جاو؟
إبراهيم: وقلت لهم ميجيوش..
ناض لابس تيشورت بزعااف..
فحين هيي..رجعات لابساا بيجامتها…
حل لباب..بان ليه شخص شاد پيتزا..لابس تجاكيط دلكوير سروال جينز وبروطكال..كلهم فلكحل..وداير لكاسك دلموتور..
إبراهيم: شنو؟
هوا:البيتزا لي طلبتو؟
إبراهيم :مطلبت بوو بيتزاا(عنكش شعرو..بصوت عالي) تيليييلااا واااش طلبتييي بيتزاااا…؟
تيليلا من لفوقي :لاااااااا
إبراهيم: مطلبات والوو..
دار شاف فيه..مع دور..ايترش فوجهووو…حل عينوو وسدهم…وهوا مكيشوف والو..ثواني تا طاح على طولتو
نزلات بثقالة…
تيليلا: حبيبي فين تعطلتي راه قلت لك مطلبتش بيتز..
سكات منين شافتوو طايح…غوتات بجهد بسميوو وزادت بجراا عندووو…
شافتو مزال كيتنفس..ولكن سخفان…….عيات ضرب فيه يفيق بلا جدوى..
وسعات عينيها لي ولاو حومر ومحجرين بدمووع ..منين سمعات نفس تصفار على نغمة ” تيييك تاااك تيييك تاااك “
نطقات وشفايفها كيرجفو وقلبها قريب يوقف:ششششش شششاااادوو
رسم ابتسامة على ثغرو….وهوا واقف موراها..نطق بصوتو المهموس
شادو: اه شااادوووو
قرب ليهاا…حدا ودنها..ونطق بنفس لهمس…قبل ميحط يدو على نيفها ويخدرها
“شااادووو الإنس لي كيعشقك”
حلات عينيها بثقالة…كتشوف فسقف. . لبيت مظلاام..وضوء خافت لي فيه بقات تتشوف لثواني..بلا مترمش ..تفكرات اش..وقع..تهزات من بلاصتها..مخلوعة….
تيليلا: (بخوف)براااااااهيييم.. إبراااااهييييم
مع لهزة اتضرب فجسموو لعريض…كتشووف فييه..نفسهاا كطلع وتنزل…
قرب منهااا…وجهوو لي كان حاجبو ماسك كحل…
حط يدوو على شفايفها..ونطق بهمس”ششششش”
هبط يدوو..مهبط شفايفها..ومخلي عكارها يتجلخ.
رجعات بلور…ويدها مزيرين على غطاء..سرير..دموعها نزلوو
تيليلا: شش شش شكون نتااا..شششكون..؟
ضحك بجهد…قرب منها مرجع خصلات شعرها مور ودنها..
وبصووتو الخافت المهموس ..
نطق
شادو:أنا نتييي…اناا كاين حيت نتيي كايناا…
(حط صبعو على خدها متبعا حركتو بعينيها .وكمل هضرتو)
رووح لي فيك روحي
ونفس لي تتنفسي نفسيي
لخطوة لي تتخطيها تنخطيها معاك
ولحاجة لي تتلمسيهااا…كتولي ديالييي
لحاجة لي تبكيك كنحيهااا
ولي ضحكك كنخليهاا
(قرب من ودنها وبنفس لهمس نطق)
أناا ظلك…(خلا شفايفووو يقيسو ودنها )اناا شادوووو..
مخرج نفسو الحارة مع اخر حرف…مخلييي قلبهاا على وشك يوووقف..ولحمهاا يتبورش.
دورات راسها فلارجاء بتلفة..معرفاا باش تبلات ولا اش خصها دير ..نطقات بصوت عالي…
تيليلا: براهييييييم إبرااااااااهييم…
دفعااتوو…وناضت…شافت راسها فبيت …بلا سراجم..فيه غير لباب…بدا تضرب فيهاا.وهي تتعيط باسم برااااااهييم..
جرهااا من كتفها ..مزير عليها..كيشوووف فييهاا..
وبنفس نبرة صوتو الخافت نطق
شادو:.هنا غير انا .ونتي ..فغاابة بعيدة ..تاحد مغيسمعك…تاحدد..
.
(قرب نيفوو كيشم شعرها)
بغيييتيه يعيييش نسااايه…حييت نتييي مرتتييي بوحديي
صوت نفسهاا مسمووع….صدرها كيطلع ويهبط…
تيليلا: شنووو بغيتي منيي؟ علااش جبتيني لهناا..
ضحك بجهد: مبغيييت منك والووو… (بهمس)وااالوووو
اناا باغيييك نتييي كلك..
زاد بخطوات تقال…شعل ضوء…
دورات راسهاا..تتشوف فلحييط…لي عامر بروسومات
“سنو وايت”
شادو:نتييي كتعحبك بياض ثلج ياااك…هدا من ليوم بيتكك؟
تيليلا: منين عارف تتعجبني؟(بانفاعل)وسيررر بعد منيي اشش باغييي عندي
شادو:(ابتسم جنب) لبعدت غتولي سواد الثلج اسنو وايت؟ عمر شفتي سواد ثلج؟
قرب منهاا…راجعا بلور..نطقات بلغوات “لااا”
ابتسم تحت الماسك ابتسامتو باينا ..من تجاعيد عيونو لمكمشين…
تيليلا( سرطات ريقها) عمر شفت سواد ثلج
شادو: اذن عمرك اتشوفي شادو مبعد.
رجع بلور…هز من على لكرسي..كسيوة بيضة..من لحرير…دلعريسات..وحطها على سرير
شادو: لبسيها ليوم عرسنا
تيليلا: وااش نتا حمق اناا راه مزوجا.
هز كتافو: يعاودها لك** غنديك وبسيف على مووو
خرج ساد لباب…فحين هي شدات لكسوة وكلسات…
معرفااا اش ديير…وكفااش تعامل .كولشيي تخلط عليييهااا….
بكااات تاا عيات وسكتات..بالهاا مع راجلها..معرفاه عايش ولا ميت…
شااافت فلكسوة …مسحات دمووعهااا…وناضت تلبسهااا..
تيليلا: لسمعت ليه وخرجت برا هاد لبيت غلقا طريقة باش نهرب…
لبساتهااا…وزادت بثقالة..كتشوف فلمراية دلكوافوز…مسحات لعكار لي جلخ لهاا…ولكحل لي سيحات دموعها..قدات وجها من لمكياج لي حاط لها تم…
وناضت غادة جايا فلبييت…كتعاين غير يحل لباب..وتخرج من لبييت..وديك ساعة تقلب على طريقة بااش تخرج..
تهزااات منين تحل لباب…
وقفات تتشوف فيه…لابس كوستاار فلكحل…لاصق على جسمو لعريض…ريحتوو معبياا ارجاء لبيت..
استنشقاتها وحيت كتحاول تفكر فين ديجا شاماها…ضحكات فنفسها على سؤالها..مهوا ظلها نوغمال تكون شاماها
هزات راسها فيه…باقيي بلماسك ليي مبين غاا عينووو…
نطقات برجفة” لبست…فف..فين انمشيو”؟
جرر طبلة …صغيرة قداموو..مدخلها..وسد لباب…
شادوو( بخفوت) لعريس ولعروسة بلاصتهم فدارهم..
حط تيلفوون…جنب…طاالق فيها اغنية ” هاااهيي جااات لالة لعروسة…”
زااد عندهاا جارها..موقفها وهي غير مخرجا عينيها مصدومة..
تم غادي بخطوات تقال شاد فيهاا…غادي على نغمات لموسيقى ..وهوا كيشير بيدوو..كانو كيحيي لحضور دلعرس
كتشووف جنبهاا…”شش شكون تم”
ضحكك بجهددد”متخافيش انا ماشي جن..كنسلم على ميسيوو لكوافووز …مدام لاموسية..(دور عينو)واااش مدام ولا ميسيو؟ أا؟ لقلت سرير مذكر ولا قلت لاموسية مؤنت
تتشوف فيه ودمعة محجرا فعينيها معرفات باشمن حمق تبلات
ابتسم:ناموسية ولا لاموسية(ابتسم جنب)لوبياا
جرهاا مكلسهااا….وكلسس حداها..
هززز زلاافة..دلحلييب…عطاها تشرب..وحطها …وهز تمرة موكلها
شادو:شربيينيي
شاافت فييه..مزيرا على فكها:لماسكك
حرك راسو باه:شربييي حقييي
شربهاااا…مخليي نص يتزلع عليها..
نااضت..تتنهج..وتمسح فراسها
شادو: اناا غنجيب لك كاغييط بلا متقلقي اعروستي
خرج ساد لباب ..مع لخرجا نترات لكسوة…ولبسات بلخف بيجامتها..
دارت جنب منين شافت لباب تحل…عاطياه بضهر تترض صدايف
شاادو:(بخفوت)لااش حيدتيها يلاااه بداا لعرس؟
مجوباتوشش…
ضحك بجهد تا هزها..شافت فيه مخلوعة..ضحكتوو تتخلعها عارفا موراها شي مصيبة .
زااد لماريوو حالوو جبد ليها شوميز دونويي فلغوز بارد ولاحو لهاا…
هزاتو تتشوف فيه..كيشبه لشوميز لي يلاه قيسات هاد ليام.
قرب منها حاط يدو على خدها..نزل لودنها وبصوتو المهموس نطق
شادو:عندك لحق لعرس سالا لبسييه
خرج مخليهاا…
معرفاش فين مشا ولكن عارفا ايرجع.
شافت فشوميز…مغززا.. على سنانها
بدااات تجررر فيهااا..تا تقطعات …ودموعها نازلين…
دقايق تا حل لباب ..جايب معاه لماكلا..باقي بنفس لماسك على وجهوو..
خلا لماكلا جنب ..وشااف فيهاا…
شادوو: علاااش مبدلتيش..؟
شاف فشوميز لي مقطع فلارض..ابتسم..
شادو: مقدرتييش تبدليي بوحدكك أاا؟
حرك راسوو بشوياا..
ناض لماريو..حلو كيجبد لكساوي ويلوحهم لارض ..ستيلهم كلاسيك نفس ستيل لي تتعشق..
شادو: هاديي..ولا هاديي ..
كيرمييي…فيهم جنب..وهي غير حاضياااه…بخوف..
هزز كسيوة فصفرر…سميطات…
شادو: هاديي
تيليلا:مغلبسهااااش(كرزات على سنانها)
شادو:أناا غلبسهاا لك
نااض عندهاا…كلاها بجسموو..كيحيد لييها بيجامتها وهي تتبكيي وضارب ..معاااه…حيد ليهاا صدايف شي لي خلا شقة صدرها ولحمها يبان..
مكاليها مع سرير…جسموو لعريض..ممخليش لجسمها سبيل لحركة…كيشوف فيهاا..ودموعها نازلين
شادو:كتبكييي أااا..؟.اناا كنقرب منك تتبكيي؟…وهواا فااش كيقرب منك تضحكيي…كن مدرتش كسيدة ليلة عرسكك..كن جيييت عندك ديك ليلة عرسكك ومخليتوووش يقرب منكككك…
حط يدووو.على خدهاا..نزل وجهوو غاطسو فعنقهاا…
شادوو: اناا تحرقت منين قاسكك تحرقت…(حط صباعو على شفايفها)شكووون يطفي ناري ..أناريي؟
مخرجا عينيهات..تتشوف فحركاتوو..جسموو قوى منها..مقداش تبعدووو…
متبعة حركةصبعوو..وصوت همسووو…
شادو:شكووون (بلغوااات) شكووووووووون
قلبهاا تهز منين غووت..مولف يهضر بخفوت وهمس…وصوتووو بلغوات ركب فيها لخوووف كتر ماهوا راكب.
جمع لييهاا..خدهاا مزير عليه ..بجهدد
شادو: لاااش خليتيه يقييسكك لاش لااش ..؟؟؟نتيي ديالي ديالي دياليييي..
كتشوف فيه .دموعها نازلين..دفعاتو بجهدد..
راجع بلور شاد جهة صدرو فين دفعاتو
تيليلا:مممقا سنييش..موقع والووو خليني عفاااك مقاسنييش..
تهز عليها..كيشوف فيها بهدوء
شادو:وااش بصااح؟
حركات راسها باه:مشينا لدار معطلين من لعرس ونعسنا كنا عيانين..مقاسنيش تيقنييي
شاف فيهاا ميل راسوو..شد وجها بين يدوو ..كيمسح على شعرهاا..
شادو: ششش لاش تتبكي..اناا
.كاع مغنضرك…انااا منقدرش نبكيييك…نووضي لبسي باش تعشاااي يلاااه..
تيليلا(حركات راسها بلا) لكسوة معريا منقدرش لبسها .غرجع لبس كسوة لعروسة
كيشوف فيها كفاش تترجف وتبكي
قرب وجهو منها: ششش متبكيش( مسح بصبعو دموعها) متخافيش لبسي شنوو مبغيتي انا مغنتعداش عليك..
( شاف فيها مزالا تتبكي)
شادو:والله ميطلع معاك ونتي تتبكي غا رتاحيي..
هزات عينيها فيه..مسحات دموعها
ابتسم جنب: دغيا مسحتيهم
وسعات عينيها تتشوف فيه
ضحك بجهد: .يلاه اتيليلاااو نووضييي حيدي هاد لبيجامة مبغيتش نشم فيييها رييحة داااك لي باغي يسرقك مني
ناض خارج..فحين هي بقات كالسا..كتنفس بجهد ..كترجع روحها..نطقات بهمس”تيليلاو” شكون كان كيقولي هكدا؟
(ضربات فراسها تتبكي)” ابراااهيييم عتقنييي منووو
فجهة خرا دار كانت مقلوبة بلبوليس…
غادي جاي شاد على راسوو.. نطق لكوميسير وعينو عليه
الكومسير:رتاح مرتك غلقاها هاد لقاضية غنشدهاا راسي
شاف فيه مخنزر:كفاااش غرتااح؟؟ اصااحبيي كفااااش غرتااح؟ معرفت شكووون هدااك ولا وفين داهاا..كن مغفلنيش..كن خويت لموو قرطاسة وحدة فراس وهنيتها منووو..
الكومسير:واااش مرتك عندها عداوة مع شي حد؟
إبراهيم:اشمن عداوة…مرتييي معندها مشاكل مع حد
الكومسير:غيكونو خطفوها على ود لفلوس..دابا يعيطوو يطلبو فيدية..وحنا غنقلبو عليها وفنفس لوقت غنعاينوو اتصالهم
رجع شعرووو لووور .وهوا كيسووط بجهد…
“بعد أسبووع “
دازت كتر من سيمانة..مخلا فيين قلب عليها زنقة بزنقة..شارع بشارع..ووماليها..اثرر…ومعيطوش يطلبو لفدية..
كالس فكرسي.. دوحدة من جرادي لي قراب من مدرستها..شااد على رااسووو…ولكاروو فيدووو
كلس حداه…هز راسو فيه مستغرب..منين نطق “واش لقيتوها”؟
إبراهيم: شكوون نتاا؟ ومنين تتعرفها.
مد يدو مبتاسم .وبتمتة نطق
…: انااا انا استاااذ كنق كنقري معاهاا..ووكنعررفك..
حرك راسو بشويا: مزال
….: ن ن تاا عنددك صحاب..انت ملازم اول خصك تلقاها
إبراهيم: دراري دايرين جهدهم مغرتاح تا لقاها
ابتسم ليه..قاد نضراتوو: إن شاء الله ربي..خصني نن مشي لمدرسة
ابراهيم: وانا غنمشي نقلب عليها
تم نايض غاديي…ابتسم وهوا حاضيه .كيبعد .نتر نظارات زطم عليهم وزاد ..
“داز لوقت”
كانت فلبيت…غادة جايا..سيمانة كلها.وهي محبوسة .مخلاها تحتاج لوالو..لماكلا شريب..لباس لمكياج..كولشي بين يدها..الا انها تخرج..حدها يخرجا لطواليط ودوش..يحضيها..ويرجعها…فهاد سيمانة..عرفات بلي كذب عليها..دار مراهاش فلغابة..راها فبلاصة عامرا..حيت منين كتكون فطواليط كتسمع لصوت طومبيلات..ولكن فلبيت متتسمع لوالو
زادت تدق فلباب وتغوت:شادووو حللل بغيت نبووول حللل..
عيات دق لاجواب..عرفاتوو ايكون خارج..
شافت لجهة دلمكياج بان ليها مقبط دلباتشا..
هزاتوو وزادت لقفل دلباب تتحاول تحلو..دقايق وهي معاه تاتحل..
وسعات عينيها..قلبها غيخرج بلفرحة منين تحل..
زادت بجراا خارجا…بان ليها دروج نزلات عليه..بجرا تا وصلات لباب..من زهرها مكانش مسورتها…حلاتها وتمات خارجاا…
وقفات فشارع..دنيا ظلام. شاارع خاوي كيصفر…صدمة بانت على وجهاا منين شافت لبلاصة لي هي فيهاا..
كانت فدار لي قبالت دارهم…وخطوات قليلة وهاهي حدا دارهم…
زادت بجراا…لدارهم..وبدات تضرب فلباب وتغوت…باش يحلو..
لكن لا مجيب..دارت..منين سمعات صوت مغريبش عليها غير هاد لمرة كان بنبرة غليظة..لكن متسوقاتش ..سيمانة كلها وهي تتسمع غير لصوت شادووالخافت ومهمووس فانها تسمع صوت غليض داباا عادي انه يجيها غريب.
…: مكاينينش راه مشاو لكوميسارية ..كيقلبو على بنتهم..
شافت فيه…ملمحاتش ملامحو بظلام..زادت بزرباا عندوو سرعان مزربا تحولات ل بجرا
تيليلا: انا اناا بنتهم عفاا..
سكتات تتشوف فيه..
تيليلا: مم معتصم
ميل راسو : تيليلاا..؟
تيليلا: ممعتصم عفااك عاوني..واحد خطفنيي..ووحبسنيي ..وو.
معتصم: تنفسيي ..تنفسي..انا غنعاونك…
عنقاتوو تتبكييي: الحمد الله حيت لقيتك..كن مجيتيش معر..(سكتات لثواني)علاش جيتي لهنا؟
معتصم:كيف شفتي انا كنت فشهر لعسل..غير رجعت قلت ندوز نجيب كادو لدار لعروسة معارفش دارك..قلت نخليه فدار باك..وجارتكم لي فدورة قالت لي راه مشاو لكوميسارية
حركات راسها باه:معتصم بالله دينيي عفااك دينيي لبابا …
معتصم:متخاافيش غندييك..
تخشات فيه معنقاه من جديد..لخوف خلاها تعنقوو بحالا مكاين غير هوا فهاد دنيا..بوحدوو طوق نجاتها …
دوز يدوو على شعرها…
بهمس نطق” شش غنديك لدار راجلك”
قلبهاا تهززز…وشعر لحمها وقف منين سمعاتوو كيصفر بنغمة”تيييك تاااك تييك تاااك “وسمعات صوتو المهموس لي مولفا تسمع
قبل متحاول تغوت..تهرب..او ضرب..حط يدوو على نيفها..وبعد مقاومة بسيطة منهت طاحت على طولتها…
“داز لوقت”
حلات..عينيهاا…صوت لكرسي غادي جاي كيتسمع فلارجاء…
ضوء خافت مضروب فوجها…
تهزات تتشوف فيه..كيتحرك بلكرسي
هاد لمرة كان بلاا ماسك…كان هوا نفسو ..المعتصم بالله …مدير مدرستها جديد .ولكن شنوو لفرق ؟سوا كان بلماسك سوا كان بوجها لحقيقي. معرفاهش شكون ومنين تسلط عليها…
.سرطات ريقها وهي تتشوف فيه..قلبها كيضرب بجهدد..
هزز عينو فيهاا…
معتصم:شفت بحالاا مستغربا.؟؟.حيت انااا.(ابتسم جنب).هوا ظلك…شادوو…
سرعان مجمع ابتسامتو….وغوت تاتهزاااات من خوفها
معتصم:بغااااااااا تهربييي منيي؟ معندددك فييين تهربييي بلاصتك هنااا معايااا وااش تتتفهمييي معاااايااا
(شد وجها بين يدو مزير على فكها) سمعينيي (ميل وجهو معلي حاجبو)
لمبغيتش نساليه مغيتسلاااش..لمبغيتش انااا معندك فيين تمشييي…واااش فهمتييي..معندك فيين تمشييي وخااا دخلي تحت لارض غنلقااك ونجبددد وخااا طلعيي لسااابع سماااء برب لعزة تا نتبعككك..هااد لعااالم كوولو(دور صبعو)كيسواا عندي نتي
كتشوووف فيييه ودموع محجرين فعينيهاا..
كر هاات رااسهاا..مكرهاتش تعرف لحاجة لي كيعشق فيهاا وتحيدهااا ..مكرهاتش تهنااا منوو وترجع لحياتها…
.دفعاتو نايضااا بجرا منين تفكرات موقع دار..زادت لحيط لي ضنات انو فجهة دارهم وبدات تضرب وتغوت
تيليلا:إبرااااهيييم..ابرااااهييييم..مامااااا بابااااااا..انا هنااااااا خرجونييي انا هنا.. انااااا هنااااا عتقووووونيييي
ضحك بجهد..بدا يقهقه بصوت عالي
بقات تغوت وتضرب…دارت تتشوف فيه..وهوا كيضحاااك..ضحكتوو.العجيبة لي استفزاتها.وخلات روحها بغى تخرج
سكت تيشوف فيهاا…
زاد عندها بخطوات تقال
معتصم:غوتيييي تا تعياي…هاد لبييت..كيحجب صوت اتيليلاو..(غووت بجهد)تيلييييلاااا معاااايااااا وليي فيييكممم رااااجل يجيييي يديييهااااا (خنزر فيها) لمرجعتووو لتقبت موو
رجعات شعرها لور..تتلهت..هزات راسها فيه.
تيليلا:صافيي وخاا..نتاا خاطفني وغتبقاا حابسني يااك(حركات راسها بوخا) شحااال قدك تحبسنيي بسلامة؟شحااال قدك تحبسني مزاال؟؟ شحااال قدككك..؟؟.اشش بغيتي منييي اششش…؟ قوووليي تش باغييي منيي وخليني نمشي بحالييي
معتصم:بغيييتك نتيييي
تيليلا: عمر انكوون لك
عنكشش شعرووو..بغضب..
قرب منها.بخطوة…قاجها بيدوو دافعها مع لحيط تا تمخضات
معتصم:ياااا تكوني لياا يا تكونيي لربيييي ….برب العالي منخلييه يديييك(طلع حاجبو مغزز على سنانو)
نتيي معرفااش اشش درت على قبلكك معرفااا والوووووو
بدات تضرب فيه باش يطلق نفس تقطع فيهاا…
طلق منهاا. شاد على راسو..كيلهت
.شدات على عنقها كتنفس جهدد..ودموعها نازلين
تيليلا:لي عارفا انك واحد قسى من لحجر..
حرك راسو بلا..خفض نبرة صوتو..
معتصم:انااا مقاسييش..نتيي لي كتعصبينيي..نتييي(دوز يدوو على شعرها كيشوف فيها بعيونو لحومر)انا كنحميك منهم كلهم…اي واحد كيضربك ويضرك..انا كنحميق منوو..ولكن..(جمع لها شفايفهااا )بلاا متعصبينيييي..حيييت مقااادرش نحمييك مني
سيمانة لي دازت كلها عمر خلعها كيف ليوم..كان كالم معاهاا يجيب ليها تاكل تشرب …ميهز صوتو ميهز يدو..
تا ليوم .نهار هربات .كانت اول مرة يخنقها ويخلي روووح تقرب تخرج لها…..شي لي ركب فيها لخوف…وعرفات ان هاد بنادم مريض فعقلو ويقدر يدير لها حوايج كفاس من هكداا مع لوقت…نضراتوو وهوا معصب بلا رحمة..
ليوم حولات تفكر بعقلانية…وتحضر عقلها لي كان غايب هاد لمدة..
وهي محبوسة فهاد لبيت متقدر دير..والوو…ولكن مور باب هاد لبيت…كاينا حريتها..فاش كتكون فطواليط..كتسمع لصوت..ناس ولا طومبيلات…يعنيي…وسط دار وطواليط..وباقي لبيوت كيوصلو صوت…خصهااا…تخرج وتلقا لبيت لي كيطل على بيتها…وطلب يعتقوها..وباش تخرج خص تكون عاقلا..معاه ومتستفزووش.وتمشي قد عقلوو…
هكداا فكرات وهكدا قررات تنفد..
سدات عينيها هربانة من افكارها…فاقت صباح قبل ميدخل…ناضت بثقالة…لبسات …كسيوة…فصفر ليي كان باغيها تلبس..
قدات مكياح خفيف .وهزات لمشطة تمشط شعرها…
فنفس لحظة تحل..لباب…تم داخل عندها وبلاطو لفطور فيدو..
سد لباب ..برجلوو..
شافت فيه..شادة فلمشطة…شافتو لابس قاميجة كحلا…مخلي صدايفها محلولين..من جهة صدرو…مع سروال جينز وصباط فنفس لون …
قرب عندها بخطوات وهي تتشوف فيه بنفس لهدوء…
استنشقات عطروو…لي كان مخلط مع ريحت جيل دوش..
طلعها وهبطهاا..بنص عين…
نطق وعينو عليها:فقتيي بكري ليووم..
تيليلا:اه اشادوو انا..(ابتسمات بزز)مولفا نفيق بكري
حرك راسو بمزيان…حط لفطور جنب
معتصم:نوضي تفطري
تيليلا:نمشط شعري ونوض..
شافت فلمراية تتمشطوو..محسات غير بيدوو..نترو لها لمشطاا…بدا يمشط لها ..ويدوز يدوو على خصلات شعرها..
جمعات صباعها مزيرا عليهم..مخلياااه ..وقلبها ربي لي عالم بيه
معتصم:شعرك
نطقات بزربا:مالووو؟
معتصم:بحر من الظلمة وانا غارق فيه
وسعات عينيها غا تترمش…
عنكش شعرو مبتاسم جنب:زوين وهوا طويل حسن من القصير ..
نزل نيفووو كيشم شعرها..طلع راسو وبهمس حدا ودنها نطق
معتصم:مفيهش ريحت تراااب
عقدات غوباشتها مستغربا من هضرتووو…رجعات شعرها مور ودنها..وناضت هزات بلاطو لفطور…
كلسات على سرير..وهوا حاضيهاا..
تم خارج…نطقات وعينيها على لبلاطو
تليلا:كلس تفطر معايا
شار لراسو :انااا
حركات راسها باه:عييت منفطر بوحدي..
ابتسم..جنب..وزاد كالس حداهاا…كيااكل…وعينو عليها…
بدات تكحب منين حصلات لهاا
مد ليها لماء
معتصم:نتي هي نتي..تاتتاكلي ديما بزربا…
شدات لماء تتشرب وعينيها فعيونو..حطات لكاس ..ونطقات
تيليلا:واااش تتعرفني؟واش كنا تنتعارفو قبل..نتا عارف عليا شي حوايج اقرب شخص ليا مكيعرفهمش
ابتسم جنب:واااش كضني كنتي كتعرفيني؟ (طلع حاجب مهبط اخر)وااش فنضرك كن كنتي تتعرفيني غتنسايني
(قرب وجهوو منها)..اناا بنادم لي مكيتنساش بسهولة…
شاف جنب. وعاود شاف فيها..فحين هيا حركات راسها باه..وهي ساهيا..وسعات عينيها منين حسات بانفاسو تتضرب فوجها…قبل متحرك تحطوو شفايفو على خدها
دفعاااتووو نايضاا..ويدها على خدهااا…
تيليلا:عندك لحققق اناا مكنعرفكش عمرر شفتك ولا عرفتككك…ومعرفتش نتااا منين تتعرفنيي..
شاااف فييها مطول…زير على لكمة يدو محرك راسوو بشويا
معتصم: ومغتعرفييش
نااض خارج…مخليهاا واقفا..تتمسح فخدهااا…
كان قبلتو نجساتها
” بعد أكثر من أسبوع”
دازت كتر من سيمانة
..وهي..معاه..بخطتها جديدة ..
كتهضر معااه..بادب…وتعاملو مزيان..وتوريه..بلي هي مناوياش تهرب من هناا..ومغتشكلش خطر لخرجها من لبيت…
فكل مرة…فكل كلمة .كتحس بيييه..قريب.منهاا..كتحس بييه كيعرف عليهاا كولشيي..كتر من اش تتعرف على راسهاا…
بمجرد مكتسولوو.. مكيعطيهاش راس لخيييط…حاسة بييه كيف شي شيفرة..لي مستحيل تلقا لها كلمة مرور ….
فنفس لوقت مبقااتش خايفاا كيف كانت فلول…كتشوف انه شخص لي ميقدرش يضرهااا…شخص لي هادئ منين متتعصبوش كيكون عسل..وفهاد لمدة مدارت تاحاجة تعصبو
ناضت من سرير شادة..فكرشهاا..تتوجع..شافت لسرير لقات لغطاا توسخ باثر د. م..
ناضت مزيرا..عليها…دقات فلباب..ثواني تا حل…
شافت فيه..تتوجع..ودمعة فطرف عينيها …
تيليلا: هواا اناا ..
قاطعها:سيري لدوش اتلقاي اش خصك تمم..
زادت جارا رجلهاا…حلات لباب..ودخلات…
شافت فلمجورة دلمراية..ليكوشات ددراري صغار مستفين..حجمهم..كبير…استغربات كفاش عرفهاا…بلي هي تدير…ليكوووش ..
تيليلا: علاش انا مستغربا..نتا تتعرفني كتر منيي…
خرجات منين نقات حالتها…زادت جاراا..رجلها…شافتوو واقف حدا باب بيتها…
دخلات .ابتسمات بلا شعور منين..لقاتو مبدل غطا سرير…
سد..لباب ….غاب عليها مدة..
دخل عندها هااز كاس زعتر فيدووو ..حطوو جنبها وقاد لهاا لغطاء وخرج
بقات غير تتشوف بلا متنطق …ناضت مبدلا..لبسات بيجامة سخونة شوية .وهزات لكاس شرباتو وتكات ناعسا.
داز لوقت وهي ناعسا فلبيت .مفاقت تا حل لباب…
معتصم: صباح لخير…
هزات عينيها فيه تتشوفو واقف بجسمو طويل ولعريض قدامها .
تيليلا: كتقصد ليل الخير
ابتسم جنب:اشش بان لككك…نتعشاو ليوم برا؟
تهزات من بلاصتها تتشوف فيه
تيليلا: برا برااا؟
معتصم: برا هاد لبيت..
حركات راسها بوخا..شار ليها تبعوو…دخلوو لبيت اخرر…دورات عينيها..بان لهاا سرير….وفجهة لتحت..فطوي .وقبالتهم تلفازة..وطبلة عليها لعشاا…وشيبس وشكلاط..
شافت لخامية لكحلا لي تتحرك..مبينا لباب لمسورتا..عرفات بلي من هنا كان يطل عليها فبيتها..
تيليلا: واش هدا بيتك؟
حرك راسوو..باه..شار لها تكلس…كلسات تتاكل…
هزات عينيها…ففيلم دسنو وايت..ابتسمات .هزات شكلات تتاكل ..كلس جنب مغطي عليه..لزار..حط يدو على خدوو كيشوف فيهاا وهي كتشوف فتلفازة مبتاسمة..جرات ليه لغطاء وحطاتوو على كرشها..
نطقات وعينيها على تلفازة:واش من لملف عرفتيي ان شكلاط هوا لي كيحسن مزاجي وانا غيكليي؟
ابتسم جنب:اه..
هزاات شيبس تتاكل….وضحك ..منغامسة مع لفيلم..زادت جرات ليزار تا تخشات فيه..
انتبهات بلي حيداتو عليه…
تيليلا:اه هوا سمحلي حيدتو لك
قربات منوو..تتقادو ليه…محسات غير وهوا محاوطها بيديه…هزات راسهاا فيه…تتشوف فعيونوو…لحيتووو…بشرتووو…ككتفرق نظراتها على وجهوو..
بلا متحس هزات يدها حطاها على لحيتووو..
لحظة صمت ونظراتوو بينهم…قراب من بعض وعيونهم فعيون بعض…
زاد قرب منهااا.كتر .. تا حاط شفايفو على شفايفهاا…
يتبع…
هاد لمرة كاع مقوماتوو غمضات عينيها تتبادل معاه القبلة
دفعاتوو مبعداا عليه…زاادت بجراا لبيتها…دخلات وترمات على سريرها..وهي شادة فراسها …
حطات يدها على شفايفها وداتها تترجف
تيليلا: انا بستوو…انا اكيد وليت كنعاني من متلازمة ستوكهولم
لالا .انا مستحيل نتعاطف معاه.واكيد ماشي بسباب لهرمونات..انا وحدة مزوجا ومستحيل نخون راجلي.(كتنفس بجهد)اي حاجة كنديرهاا باش ناخد حريتيي…سميتي تيليلا يعني الحرية..وانا قادة رجعها…كيف مكان ثمن غنتحرر منووو
ترمات على سريرها تتبكي…نطقات بغصة..
تيليلا:ابراهيم سمح لييي..سمح لييي احبيبييي
كان فداااروو…كالس.يد.كيطفي لامڤا لي حداه ويشعلها. ويد شاد بيها كارو..بالوو معاهاا…معرفها فينها واكلا شاربا…
كتر من نص شهر ..وهي مزال مبانت..روحوووو تتقطع فغيبتهاا..مبقاا يقدر ياكل..ولا ينعس ولا يخدم بلا بيها..كيقلب عليهاا كيف شيي حمق…ولكن بلا فايدة يقول لارض سرطاتها
شاف لساعة فتيلي ديالوو..ابتسم منين شاف تصويرتها..رجع بيه زمان لور.تفكر اول لقاء كان بينهم..لسنين قبل…قبل ميديرووو عقلهم ويقررو يتزوجو
وقف …لكااار ديال لعسكرر…جنب…
نزل بثقالة ..زااد لحانوت. لي مولف يمشي عندو..
داخل بلبستوو.العسكرية..هاز راسوو…ويدو مرجعهم مور ضهروو..
كيعاين…لبنت لي قدامو تساليي باش يطلب اش بغااا..
واقفا تتسوط على خصلات شعرها.. تتغاوت مع مول لحانوت
تيليلا: قولت لك عطيني كبير”
مول لحانوت: واابنتي قلتي لولد فعمررو عماين اوا هداا لكوش دعماين
ساطت بجهد: واااش نتا تعرف طرمتوو حسن منيي..عطيني شي حد دولد عشر سنين
حس بيها تتطنز عليه..شاف فيه..وهوا كيكحب ..
مول لحانوت: سي lieutnant ( ملازم اول) واش بحاال ديما؟ولا بغيتي شي حاجة خرا؟
غوتات بجهد: وراني قبل منوو اشرييف..وخلينيي نساليي شغلي راني ماشي بنت هنا وغير شادة طريق..
كحب بصوتو الخشن ونطق:الا كنتي اختي شادة طريق ولولد معاك..جيبيه نعبرو ليه ليكوش لي بغيتي..
شافت فيه..سرطات ريقهاا وبلا شعور نطقات:بغيتوو ليا
مول لحانوت: ومن قبيلا كوليهاا
حط ليهاا لبكية ..جمعاتها..
تيليلا:شحاال؟
مول لحانوت(بزعاف) ثمنوو معروووف
طلعات عينيها فيه:غير حشمت نقولها وقلت ناخد ليكوش.مالك تتغوت..علياا
حطات ليه لفلوس.
مول لحانوت:حشمتييي…تقولي اولويز ليا بوحدي ومحشمتيش تفرجيي فييك لكاميوو دلعسكرر ..
دارت تتشوف فييهم..مخرجاا عينيهاا ..كلهم نزلو كيشوفوو ويضحكو عليها..
نطقات برجفة:الله ياخد لحق..قلت لك انا لي عارفا لعبار ونتا شوهتيني..وااش كاين ليي يعرف عبار(تحت سنانها) ترمتي حسن مني
زاد بجرا معنقا اولويزها…
تبعها .بعينو..نطق بلا ميحسن
إبراهيم:38
داارت تتشوف فيه..مخنزرا..طلعاتو وهبطاتو
تيليلا:” 5 سنتيم…
بداو يضحكوو…وهوا متبع لهاا..لعين…
إبراهيم: سكتوونااا
قادو وقفتهم وعطاوه تحية:حاااضرر شاااف
لكن سرعان متغلبوو بضحك وطلقووهاا من جديد..
شاف فيهم بعدم اهتمام…وحول عينوو ليها وهي تتلاشى من قدامو
سكتووو منين زاد عندهم شاف لكبير..وبلغوات نطق”تحركوووووو لكاااار”
عطاوه تحية …
وزادووو لكار منين غوت الشاف
خنزر فيهم وشاف فشاف:اناخد اش خاص ونكملو
حرك راسو بوخا:غير …هواا واش بصح عندك 5سنتيم
قرن حواجبو:تااا نتاااا جيب مسطرة واجي عبروو
ضحك بجهد وهوا غادي لكار:جيبها معاك ونتا جايب اش خاصنا
تنهدد …ابتسم جنبب منين تفكرهاا…منين نطق معطلاتوش وخلاتو فموقف برهوش مع دراري.
دازت ليااام…وتجمعووو مرة خراا…بعيد على لمدينة فين خدام…تجمعو فلمدينة فين ساكنا ماماه وختو ..
كان فريسطووو كيتغداا مع مو وختووو …
ناض يخلص…وقف حدا لاكيس كيعاينها دووز..
تيليلا:نتووما دايرين فدخلة تخفييض ودابا تتقولي لي نفس ثمن لقديم
ابتسمات لها:تخفيض كيهم لكوبل امدموزيل
تيليلا:علاش واش انا وصحبتي ماشي كوبل؟؟؟
ميلات راسها:نن مدموزيل كوبل بنت وولد
تيليلا:وانا وصاحبتي كوبل بنت وبنت
شافت فيها باستغراب:كفاااش؟
ابراهيم:لويناات حاشاك
حركات راسها باه:دزووليي حنااا كنعتارفووو غير بولد وبنت
تيليلا:(دارت مخنزرا فيه)طريكة نتفليكس كيشوفو كولشي بحالهم..
سكتات منين شافتووو.
ابتسم جنب:ايجي بيست امولات 38
تيليلا:مول سنتيم
ابراهيم:نقصتي ربعاا؟فين درتيهم ؟ممم؟
لاحت لفلوس…ودفعاتو غادة:قليل لادب
وقفات منين عيطات لييهاا…
مو
هي:بنت رقية
وردة:تيليلااا
زادوو كيتسالمووو…وقف كيشووف فييهمم
نطقات مووو وعينيها على تيليلا:هاادي اولدي ابراهيم بنت رقية…صحبتي لي درت فهاد لمدينة…الله يعمر ليهاا دار الادب ..ورزااتة ولاخلاق…لبيضة متهزها من بلاصة
ابراهيم(تحت سنانو)ويي متتهزهاش غا تتهرسها
خنزرات فيه…وشافت فيهم مبتاسمة
تيليلا:الله يكبر بيك اخالتييي..نخليكم غنمشي راه صاحبتي تتعايني…ومتنسايش دوووزيي علينا شي نهار تشربي شي كاس داتاي
عنقاتها عندها:ترحب بييك جنة ابنتيييي
شافت فوردة:يلاااه خلينا نسبقو خوك لطومبيل يخلص ويتبعناا
تموو غادين..فحين هي يلاه بغات تزيد..وقفها صوتو
إبراهيم:سبحان مبدل لاحوال
خنزرات فيه: بلا متصدم انا بحال لمراية ضحكتي لي انضحك لك تغوبشتي انتغوبش..بغيتي تهرسني غنجرحك
إبراهيم:بحالا بغيتي ترضيني انا لي مكنسواش بهاد لهضرة ديالك؟ متنسايش نتيي لي ضحكتي فياا دراري نهار تلاقيتك
تيليلا:اوووه ضحكت فييك دراري..وضربتك…فرو .جلتك ..اشنوو اتعداا عليا دابا ولا بلاتيي شوية؟؟
خنزر فيهاا بعدم فهم:اثروو عليييك لافلاام ا38
زااد عاطيهاا بضهر كيخلص..نطقات تحت سنانها..
تيليلا:روايات المكلخ..
تمات غادة….وهوا فلمدينة…تلاقاهاا شحال من مرة..صدف كانت ديما تتجمعهم…
ومرة كيدابزوو..مرة كيهضرو بلعقل…هما وكانتهم..
كانت فبيتها…نزلات عند ماماهاا لقات عندها صحبتها…سلمات عليهم وكلسات..
كتهضر وضحك معاهم..ضحكة لي مششااات منين عرفات ان لعطلة ديالو سللاات وغيرجع فهاد سيمانة لقشلة..
سكات ساهياا…قلبهااا ضرهااا…معرفاتش علاش ولكن مبغاهش يسافر…
نطقات موو وعينيها عليها:اوا تغوبيشة باانت..ونتي مزال موليتي مرتوو نهار تولي مرتو يعلم الله كفاش تصبري على غيبتو
هزات راسها فيها: كفااااش؟
رقية: ولدهااا راااه طالبك لزواااج اش قلتي؟
شارت لراسها: طالبنيي انااا؟ ( ضحكات بجهد) وااش تضحكوو علياا انا وهوا كي لمش ولفار؟
ابتسمات ليها مو: اوا يا لفارة راه لمش حط عليك لعين وبغاااك حلالووو اش قلتيي؟
رقية: عطيها لوقت تف.
قاطعاتها: مواافقة اخالتييي علاه لفارة اتلقا حسن من لمش
.
ضرباتها ماماها لرجلها: يااوديي ترزنييي الحمد الله جيتي غير فصحبتيي
ضحكات مو بصوت عالي:هادشي غي قالت مكيتحاملوش
فرحتو كانت كبيرة نهار وفقاات تزوج بييه حيت كان طاح فيهاا لحد الثمالة ..وكانت كبر نهار عقدوو. زواجهم.. وكبااار كاااع نهار عرسهم
حط تصويرتها على قلبووو…لفرحة مكملااات . ..وقلبوو مألم على فراقها..
جاا صباح جديد ونهار جديد…
فاقت فصباح…ناضت..من فراشها..توجهات باش تخرج لطواليط.. يلاه جات دق..استغربات منين شافت لباب محلولة .دورات عينيها…
تساءلات كفاش لباب محلولة؟ واش من لبارح منين رداتها وهي محلولة..ولا حلها هوا فصباح؟
زادت خارجاا…سمعات تقرقيب..من كوزينة..سرطات ريقها وتوجهات لطواليط…
دقايق..وزادت عندو لكوزينة..
تيليلا: نعاااونك؟
معتصم:لااا ساليت
تيليلا: انا عند بالي لماكلا تتشريها من براا…ماشي نتا ليي تتطيبها
معتصم: على هاد لحساب متتعرفينيش مزيان
قرب وجهوو..منها…طبع بوسة فخدها
معتصم: صبااح لخيير..بعدا..
تيليلا:صباحوو..انا انهز معاك طباسل .
زادت هزات معاااه…
شافتو حطهم فطبلة دوسط داار وحطاتهم…تاهي…كلسات تتاكل معاه..
تيليلا:وااش ممتمشيش لمدرسة؟
حرك راسو بلا:خليت لمديرة لقديمة تكلف
تيليلا:وعلاش؟
معتصم:نتي هنا اش ندير انا بلمدرسة..اش فهمني فيها؟
تيليلا:ونتا فاش خدام..؟(حطات يدها على راسها)غيير مديرهاش مني قلت صواب مجرد فضول
ابتسم ليها: سلااخ
تيليلا:كفاش زعما؟
معتصم:كنخ طف نااس ونصفيها لهم ونسلخهم وناخد اعضاء هم لبيع
تيليلا: شنووو اهواا؟؟كفااش؟
ميل راسو: بحالا تخلعتي؟
تيليلا:لا( هزات راسها بلا) كن كنتي تتبيع لاعضاء كاع منبقا باعضائي دابا..انا هنا حيت تتبغيني ماشي حيت نتا سلاخ
ضحكك بجهدد…شافت فيه ساكتة..الضحكة خارجا من قلبوو..هز عينو لي جنبهم مكمش بضحك فيها..
معتصم: نتيي طلبي عمري نعطيه لكك..وناخد عمر لي يقيس شعرة منك ماشي عضوو..
ابتسمات ليه
معتصم: خدمت بزااف دلحوايج..فااش كنت فلمغرب…كنت تنبييع ميكااا فسووق وشكلاااط كاوكاو فطوبيسااات. كنت تنضيباني راسي..شوياا بديت نتعلم لحلاقة ..ومنين مشيت لبراا…بديت نخدم بيهااا…جمعت لفلوس بيها باش نكمل قرايتيي…وقريت ادارة اعمال…
وبديت كنطور خدمتييي.ونقرا فنفس لوقت….قدرت نجمع لفلوس .وندير محل لحلاقة…وبشويا بشويااا لقيت راسيي عندي بزااف دلمحلااات…مقسمين على أوروبا كلها…ومنين خدمتي وقفات على رجليها..ووصلت لاش بغيت جييت لمغرب
حطات يدها على خدها تتسمع لييه:دابا من مقص.قدرتي تشري مدرسة؟
حكك دقنو كيشوف فيها مبتاسم:اه من مقص ..ولكن لامر متحققش فنهار ولا عاام راااه خدااا مني عمرر..لواحد غير خصوو يتيق فراسوو..ويتيق..فانه ايوصل لاش بغااا راه غيوصل…وحد لوقت كنت تنقول مغلقاكش مزال ..ولكن هانتيي قدامييي..
جمعات ابتسماتها: كفاش مغتلقانيش؟
معتصم:(ابتسم لها)والوو
نااض …متوجه لبيتوو…
معتصم:اناا غرتاح فبيتيي..دوك طباسل غا خليهم دابا نغسلهم
تيليلا:لا غا رتاح انا انغسلهم…وااش مشهي شي حاجة لغدا نديرها لك؟
معتصم:واش ناويا نتي طيبي؟
تيليلا:اه عفاك خليني شحال م.
قاطعها:خودي راحتك..ديري اش بيغيتي
تيليلا:انشوف اش كاين فلكوزينة..
زاادت لكوزينة وهوا..لبيتوو
غسلات حوايج لفطووور…وعيونهاا كيدورو فلارجاء مبتاسمة..اخيرااا قدرات تخرج من داك لبيت ..ودابا خصهاا غاا لفرصة..
زادت تتقاد فطاجين…هزات لموس تتقطع فلخضرة…ولحم
تهزات منين حسات بيديه عليها .وبلا شعور دارت بجهد ضر باتو بلمو. س.
شد على مرفق يدوو .قاميجتوو تقطعااات…ودم بداا ينقط قطرة قطرة…باين فزلييج الكوزينة البيض .
..طيحات لموس منين شافت دم..خرجات عينيها بصدمة…يدها وداتها تترجف
تيليلا: دممم دمم ..(حطات يدها فراسها)انااا اشش درت…انا
(شافت فيه مصدومة…)انااا مم
مبغيييتش نضربكك غييير نتااا غفلتينييي.. علاااش جيتييي مورااها واناا ساهياا
(قربات منوو كطل على جرحة)
تيليلا:اوووف اوووف لموس ماضيي شوووف قامجتك وقطعتها بقا لحمك
كيشوف فيها وهي تتهضر بخوف..ووتتجري هك..وهك..بغا تقلب باش توقف دموو..
كيشوف فيها راسم ابتسامة على ثغروو..
كان الجرح فجسم حد اخر مااشيي هواا..
جرح لييي ألموو مكان يسوى والو قدام فرحتو منين شاف الخوف فعينيها عليه..
وقفها شادها من يدها..وهي باقاا تتجارا…
شافت فيه :طلق خليني نقلب على لقطن
ابتسم ميل راسو بتسلءل:واااش نتي خايفاا عليا اتيليلاو؟؟
شافت فيه تتنفس بجهدد…
تيليلاو:اناااا كنت انقت(.ساطت بجهد) شوووف كيييف كنترعد واااش داباا وقت هااد لاسئلة
رااك بنادم اكيد مغنبغييش لك لموو ت
حط يدو على يدها..كيشوف فييهاا..
معتصم:ششش موقع والوو
قرب منها..حاط شفايفوو على راسهاا…
هزات عيونها فيه..عينيها جات غير فتفاحة ادم لي تطلع وتهبط..بحكم انها واصلا غا لعنقووو…نتيجة فرق طول لي بينهم
نزلات عينيها تتشوف لدم لي باقي كينقط على لارض..نطقات برجفة
تيليلا:د د مك
حاس بيها كترجف وهي بين يدوو..عارفها خايفااا…
مكيهموش واش خايفا عليه ..ولا خايفاا من انها تكون سباب نهايتو
ولكن مباغيش يشوف خوفها
معتصم:.(بخفوت)دمي كولو ليك.(بعد عليها مبتاسم).اندير ليه فاصمة ويحبس غا رتاحي
بعد عليهاا…توجه لبيتووو
نتر لقاميجة بقاا بصدرو عريااان…حل لمجر جابد..جابد دواء
..داار دواء لحمرر..يلاه بغا يدير لفاصما وهي تشدها من عندوو..
هز عينوو فيهاا..شافت فيه كترمش فعينيها
تيليلا: خليني نعاونك..
عضات شفايها منين شافت جرح غارق
تيليلا:خصصك تخيطوو راه غارق
معتصم:مكاين لاش
دارت ليه لفاصمة..هزات راسها فيه.
شافت فصدروو..واثر ضربة دلكسيدا باقا باينا مخليا لحمو زرق..
قلبها ضرهاا عليييه…
تيليلا:انا مكنستاهلش نتبغاا هكدا(حطات يدها على الضربة ودمعة فعيونها )انا مكنستاهلش
معتصم(حط يدو على يدها)انا مكنبغيكش حيت كتستاهلي كنبغييك حييت كنستاهلك
سحبات يدها…وهي مفهماش اش كيقول.نزلات عينيها باسف
تيليلا:سمح لييي..مكونتش قاصداا..
ابتسم لها:غيير قصديي معنديش مشكل .
“داااز لوقت”..
.وجااا ليل…خرجات من بيتهاا…شافت لجوو ساكت…وشحال مجاا عندها…
زادت بخطوات ثقال..وتوجهات لبيتوو..حلات لباب بشوياا…بان ليهاا ناعس…صدرووو عريان..مغطي لزار على نصو..قربات منووو…
شافت لعرق نازل من جبهتوو…حطات يدهاا..على راسوو..لقاتوو طاايب بسخاانة…
بعدات عليه شادة على قلبها..وتمات خارجا .وقفات منين سمعاتو كيهمس باسمها..تجنباتوو..زادت بجرا لبسات صندالتها..وتمات نازلاا…مقررة تهرب
حلات لباب…مكانش مسورتهاا يمكن كان تايق انها مغتهربش…ويمكن كااان تايق انو مغيحيدش عينو عليها
خرجات من دار. بجراا
..ككتشوف فشارع. دنياا مظلامة وكيف ديما شارعها كيصفرر…
حطات يدها على صدرها..كتنفس بجهدد…قلبها كيضرب 90 …
ممتيقاش انها واخييراا ولاا حرة..واخيراا ولات اسم على مسمى.
زااادت بجرا لدارهم…وقفات فنص طريق…وهي تتسمعو كيعيط ليها “تيليلاو”
وسعات عينيهاا…دارت بشوياا..
شافت فييه..ودمعة محجراا فعينيهاا…
كاان شاب ف18 لعام من عمروو…كيشير لييهاا بباي باي..
“موور منبيع هادشي اندوز عندك”
شاارت ليه باي باي..ونطقات بلغوات “عنداك تنساا متجيب لي شكلاط”
ضحك بجهد” هيي لاعبا عندك لوداد اتليلاااو “
غوبشات فوجهووو:ديها سوق رااسك امعتصماااه
داازت من حداها لبنت كيف شي خيال ..مدات يدهاا تلمسها لكن سرعان متلاشات..
دارت بزرباا منين سمعات صوتو مرة خرا موراها..
شااافت فيهم..ودموعها نازلين…
بان ليهاا..واقف عند راسها..كينفض لهاا حوايجهااا…وشعرها من تراب…قرب نيفو لشعرهاا
ابتسم ليها:شعرك فيه ريحت تراب..
شافت فيه شادة دموعها:صفواان لي طيحنيي..اوووف دابا خصني ندوش ولبرد هدات
معتصم:(غمزها) ندوش لك؟
ضرباتوو بيدها:شش كن تحشمم
كلس حداها:فااش غنتزوجو انبقا انا ندوش لك..(جر ابتسامو)
تيليلا:مم زعما اتزوج بيااا…نتااا غير اتمشي لاسبانيا اتنساني..
معتصم:بغيت نكول لك عنداك تنسايني ولكن انا ماشي واحد لي ينساوه ناس(دوز يدو على شعر راسوو بافتخار)
تيليلا:تيك تااك تييك تااك..ها زمان كيطير ودابا تشوف..انا بغاك وانا ف16 ونبغيك وانا فل50 غا رتاح (تنهدات)ولكن نتوما رجال مفيكم تيقة غدا اتلقا شي نصرانية زعرة وبييضا وتنساني
هز كتافو:انا ماشي .. راجل
شافت فيه موسعاا فمها:شنوو هوا
معتصم:وزعما ماشي بحالهم
بداات تضحك شادة فيه..وهوا منيتو كيشرح لهاا
..كتشوف فيهم..وصوت ضحكتهم كتلااشاااا..
ميلات وجها ..ودموعها كيتلاقاو عند اخر خدها..نطقات بتمتمة .
تيليلا:معتصماه..انا.. اناا نسيييتك
صباح جديد.
كان باقي ناعس فلبيت..لعرق نازل من جبهتوو …قطرة قطرة ..فلحظة حل عينووو ..موسعهم..كيشوف فسقف ..
دور عينو فلبيت ..
نطق بهمس”تيليلاو”
تهززز من سرير…ناااض…خااارج.بجراا
.كيغوت عليهااا..كيف شي ولد صغير…تالف وكيقلب على مو..
وقف كيتنفس بجهدد…سرط ريقو مخلي ثفاحة اد م طلع وتهبط…
روح رجعات ليه منين شافها واقفا فباب لكوزينة…
تيليلا: سخانتك هبطات..صايبت لك دشيشة لفطوور كلها وشرب دواء لقيت عندك هنا دوا د.سخ.
سكات منين جرهااا ضربها فصدروو…معنقهاا عندووو…بجهدد..حاسة بعضامهاا غيتهرسو بين يدو…
هزاات يدهاا..وهي متررددة…حطاتهم على ضهرو العريض…
دخلها فييه كثرر منين حس بيدهاااا…
بعدات عليه…مرجعا خصلات شعرها مور ودنها.
تيليلا:غنديه لبيتك غسل وجهك وتبعني تاكل..
كيحرك راسو بييه..وعينوو عليهاا..وباقي كيلهث كياخد انفاسو
دقايق دازو.
.تا كان كالس كيحرك..لمعلقة..وهوا ساهيي..
تيليلا:(نترات ليه لمعلقة) يدك خصك تمشي لطبيب عليها
بدات توكلووو…فجوو دسكات..
تهرس الصمت منين نطق
معتصم:علااش؟
تيليلا:(حنات راسها )حيت
معتصم:أش؟
تليلا: تفكرتك…(شافت فيه) منين كان فعمري16 كنا كنعرفو بعض..
معتصم:تفكرتينييي(سرط ريقوو) بصحح تفكرتيني؟
حركات راسها باه: تفكرتك ..خديت وقت باش نتفكرك…تقريبا 13 لعام على اخر لقاء لينا..يعني ماشي وقت قصير..على داكشي كان صعيب باش نتفكرك..
معتصم:(ابتسم جنب)وقت طوييل… أشش تفكرتي؟
تيليلا: تفكرت فاش كان صفوان يحكر عليا وكدافع علياا…وفاش كنتيي تتجيب لي شكلاط…فاش كناا كنخخطو ان مستقبلنا ايكون مع بعض
معتصم: واش تفكرتي أول لقاء لينا؟
تيليلا: يمكن فاش كنت خارجا من لمدرسة؟
حرك راسو بلا: كنتي جاياا من لحمام..هازة سطولا..وتبعوك لكلاب…بديتي تجري وتغوتيي
ضحكات بجهدد:اه عقلتت…فاااش جيتي تفكنيي ولقيتيهم بزااف..وولينا نجريو بجوج
ضحك جنب:غير بغيت نجري معاك اماا انا نقدر عليهم
تيليلا: اه اه تيقتكك
معتصم:(ضحك )اه فااش بغيتيي ضربيي كلب صدقتي ضربانيي
هزات يدها حاطاها على حاجبووو..مبتاسمة
تيليلا:باقي فييك اثر ضربة…
حولات نظرها..لعينوو لي كيشوفوو فيهاا…بطريقة خلاتها مبلوكيا..
نطق بخفووت..
معتصم: 12 لعام و3 شهور و25 يوم و15 لدقيقة و32 ثانية داز على لقاءنا
يتبع…
جمعات ضحكتها تتشوف فيه: نتاا عاقل عليه وعارف عمري بدقيقة وثانية..
معتصم: (ابتسم جنب)تيقني الا قلت لك عمري معرفش شحال بضبط يمكن 30 ولا قفلت 31 ..(هز كتافو)معرفتش
تيليلا:مديرش هكدا متخسرش راسك على قبلي
خشااا يدووو فشعرهاا…مقربها عندوو ..حاط نيفوو على نيفهاا
معتصم: نخسر راسيي..غير منخسركش
ميلات وجها جنب…ودموع فعينيها محجرين
تيليلا: شنووو معشنا…شنوو محلمناا…داكشي من لماضي…انا دابا مزوجا أمعتصم ..مزوجااا ..مرت راجل
معتصم: ومن بعدد؟؟؟تفااارقيي معااه…وفيي بوعدك…انا رجعت على قبلك..وفي بوعدك وتزوجي بيا انا..ممم؟
شافت فيه..كتحرك راسها بلا
تيليلا:معتصممم لوعد قطعتووو وانا صغيرة..شي حاجة لي نسيتها اصلاا..انا كنبغيي براهيم…وحناا مزوجين..صافي عفااك..نسااا اي حاجة عشناها..فلمراهقة ..خليني نمشيي بحالي..مغنقولهم والووو..خلينيي نمشييي ..عفاااك…الله يخلييك
حرك راسوو..بشويا..سرط..غصتها ونقط..بهمس”صافيي فهمت..صافيي وخاا”
ميلات راسها بمعنى اش؟
هز عينو فيهاا وبصوت مسموع نطق:سيييييري
تمات نايضاا…يلاه بغات تخرج…محسات بيه غير جارهاا بجهد تا ترضخات مع صدرووو هز يدو ساد ليهاا فمهاا …
معتصم:(كارز على سنانو) بغيتييي تمشييي عندووو أاا…سيريييي نهااار لي نمووو. ت سيريييي ….امااا دابااا ن. فنك ومنعطيييكش ليييه
هزهاا وهي كتفركل..وضر ب…
لاحها على سريرهاا.
هزات راسها فيه…دموعها نازلين..وشعرها تعنكش..
تيليلا: شحااال قدك.ااا؟ تحبسني شحاال قدك…واااش نتااا مريض.ممتتفهمشش..أاا؟؟ متتفهمششش..بليييي صافييي(بلغوات) انااااا مزوجاااااا..وشي كان بيناا غا مراهقة…انا نسيتها ونساها تا نتا صافي باركااا
ميل وجهوووو..ضحكككك بجهددد…صوت قهقتووو..علات…صوت لي كيركب فيها الخوف…شاف فيها .. زاد ميل راسو ..وهوا مبتاسم جنب.
معتصم: مراااهقة…( بالغوات) هاديييييك لييي عندكك نتييي مراهقة..انااا كانت عمري..
ضيعت كثر من 12 لعااام …12 لعااام..وانا كنحلم بييييك.(خرج عينوو كارز على كل حرف).ايي خدمة …خدمت…اي حاجة درت اي نفس تنفست اي ثانية دوزت دوزتهااا وانااا كنحلممم امتاااا رجعلككك..
.( ضرب فصدرو..بالغوات)
آه آه مررريييض مرييييض..انااا مرضت نهااار رجعتتتت عندك ولقيييتك مزوجاااا…نتييي غدرتينييي اتيليلاو…علاش أاا؟.
” قرب منها. وهي راجعا لور..هز يدو.كيماصي بصباعوو..على وجها”
علااااش …انااا غضبااان منككك..غضبااان حيييت نسيتينيي غضبااان حيييت نسيتيني مع اول واحد لقيتي وانااا
“
غوتات منين قجهاا ملصقها فسرير”
معتصم: نسيتينييي مع اول واااحد..وانااا قربات مني طويلة لقصيرة…زعراا زرقا لحمرا لخضراااا..ومديتهاا فتاوحدة..حيييت انااا بغيتكك غااا نتييييييي…ونتييييي اول واحد خطبك نسيتيني وديتيه(برك عليهاا..)علاااششش أاا علااااش
كتشوف فيه ودموعها نازلين..تتشوف فعيونو لي خارجين….مشعرين بلحمرر…كتشووف فعروق راسوو لبارزين…وسنانو لي مغزز عليهم..
كتشووف كومة دلغضب قدامها…يقدرر يدفنهاا بلا ميرمش..
حطات يدها على يدو تتبعدها..على عنقهاا..وهيي…مخنوقة..ونفس مبقات تطلعها
تهزات منين مرة خراا غوت
معتصم:علااااااااش ديمااا تتنساونيي أاااا علاااااااش؟؟بابا رمانييي لماما ونسانييي..وماما رماااتنيي لجدة ونسااتنييي (ميل راسو) نتيي عارفا هادشي أاا؟ عارفاااه ..كنتي تتكولي بلي عمرك اتخليني ..ولكن علاش تا نتييي نسيتيني مم علاش؟
كتكحب وتبعد يدووو..حاسة بروحها تتخرج مقداش تنفس مزال…كتشوف فعيونو لحمرا ليي محجراا بدمووع…
طلعها وهبطها…نتر يدو مهزوز عليها..حطات يدها على عنقها تتكح وتاخد نفس
عنكش شعروووو… خشاا يدوو فجيب سروالوو..وشاااف فيها
معتصم: برب لعزة متكوووون لييك…غتكوووني لياا هي غتكونيي لياا…يا اناا يا تاوااحدددد.
..وليتي تتبغيه؟…غترجعيي تبغيني…و بسيف عليك.
شافها تكمشات تتتبكي…شادة فعنقها…
حناا عندها…كيدوز يدو على شعرهاا
” ششش…ششش ..مكنبغيش نشوووف دموووعك…ششش متبكيييش شششش…”
“طبع بوسة فراسها” متبكييش صافيي مغنتعصبش متبكييش صافييي..
تيليلا:( كتشهق) عفااك خليني..
جرها عندو معنقهاا
معتصم: منقدرش .. ..غترجعيي تبغيني كي كنتيي…غنحققو اش كناا نتمناو…انا عمري كولوو وانا كنخطط لحياتي معاك..منقدررش نبدل كولشي ونولي نحلم بوحدة خرا..منقدررششش…ابسط حاجة حلمتها وانا معاك..غتوليي تبغينيي…غااا ترجعيي تكتبي لي الشعر..والخواطر بحال زماان..(برك على مخارج حروفو)غتولييي مرتييي اتليلاو كي كنا مخططين
خرج من عندهاا…توجه لكوزينة..حل ثلاجة…شاف مطول فصاحبوو لقديم..
لي ونسوو فوحدثووو…وقلل عليه وجعووو …
هزز لقرعة…وتوجه لبيتو سدد لبيييت…حل واحد من لمجورة ..جابد..تصاااور قدام..
كلهم ديالهاا…وفبعض تصاور كاين تا هوا معاها…
نزل على لقرعة..منين تفكرر…نهار رجع…ولقاها مرت غيروو…
تكاا فلارض….رماا تصاور …مخليهم يطيحوو عليه…
كيشوف فييهمم…بعيونو الحومر لي محجرين بدموع…
نفس لعييووون لي كانو كيلمعووو…بلفرحة…فااش يلاه وصل لمغرب…
سنين وهوا غايب على لبلاد…دوز سنين باش قاد وراقيه..وسنين خراا باش قدر يخدم ويدير علاياش يرجع…
خبارها تقطعات من نهار ماتت جدااه ..لي كانت تتوصل ليه رسائل منهااا…
جداه لي ما تت لكثر من 6 سنين …ودوز 6 سنين خرا بلا تاخبار عليهاا..
لوقت لي مشااا مكان عندها لاتلفوون لا والوو..وتا دوك رسائل..ميقدرش يسيفطهم..لدارها عارف باباها شحال قبييح…
راكب فلوطووو…وهوا كيطل من زاااج..ولبسمة على شفايفووو…
دوز يدوو على لحيتو..
معتصم: واااش غتفكرني؟لشافتني واش اتعرفتي؟ طواليييت وربيت لحية..(تنهد) اكيد غتعرفنييي ..وخاا يتبدل فياا كولشيي…مستحيل متعرفش شخص لي كتعشق ويعشقها..يكفي تشوف فعيني
نطق شيفور مبتاسم: قليل بحال هاد لحب فهاد زمان
معتصم: حنا ماشي دهاد زمان…(ساط بجهد) واااش قربنا نوصلو؟
شيفور: شي 5 دقايق..
معتصم: هيييي كيف غتكووون ولات…وااش باقيي لسانها ماضي كي كان..ولا دارت عقلها…؟؟ (خدا نفس طويل) امتاا نشوووف عيونهاا ولمعتهم..عيونها هما البحر لي كنغرق فيييه…بلا منقاوم
وشعرهااا بوحدو لي خلانييي نعشق ظلاام…وقتمتووو…
(عنكش شعرو منهد) وااااش باقي شعرهاا كحل…عنداك تكون صبغاتو؟
شاف فيه شيفور مبتااسم…وداار داخل لشاارع داارهمم..
قلبووو تهززز منين شاافهااا…واقفااا قدام باب دارهم..لابسااا طريكو فلكحل ولبيض مخطط..مع جوبا قصيرة فلكحل…مخليا شعرها القصير..مطلوق..لابسا معا بيرية..فلخضر..هازا كاميرا فيدها…
كضحك وخصلات شعرهاا…كيطيرهم ريح…
نطق وعينوو عليها: تيليلاااو
الشيفور: باااش عرفتيهاا هي ونتا سنين مشفتيها؟
معتصم: قلبييي لي عرفها…قلبي مكيضربش لبنت لمرة من غيرهاا…
حط يدوو يلاه بغاا يحل..لباب ..تكوانسا بلاصتوو منين شافها..جاراا شخص من…من باب .دار مخرجاااه…
شاف فيه شيفور وشاف فيها: هههه يمكن خوهاااا
ميل راسو بلا مينطق
زادت تتجر فابراهيم وضحكة على شفايفها
تيليلا: تحررك دغياا نمشييو..
ابراهيم: مالكي مزروبة
تيليلا:غيضلام لحال..ومغيجيوناش تصاور زوينين..
جراتووو…وقفوو حدا لوطو…
كتشوف فصفوان كيعيط لها
تيليلا: صفوااان اش باغييي
زااد عندها بجراا
صفوان: شدي ساااروت بلا مدقي فااش ترجعي لوليدة معروضة لعرس وانا غنسهر مع دراري
شداتو من عندو : صافي وخا
مشاا صفوان فحين شافت فابراهيم مبتاسمة: امتاا تا حناا نديرو عرسناا
ابراهيم: ليووم ضربنا الاكط اتيليلا..وقريييب ندير لك احسن عرس..
عنقاتو ضاحكة: يلاه خلينا نمشيو نتصوروو…ليوووم رااه درنا لاكط..خص نتصورووو تصاور لي يشهدو على فرحتنا…
زادت معاه…وزاااد معااهااا….
هببط…زاااجة دلوطووو ….بانووو عيونو..لي حوومر ومحجرين بدمووووع….
منين كتحط كاااع احلامك وآمالك فشخص وااحد
شخص لييي مضاربش لييك ادنى حسااب
منين كتنعس ونتا تتحلم .بحياتك..مع شخص واحد..
الشخص لي كيحلم بالحياة مع غيرك…
ومنين ومنين…ومنييين…كيكووون كولشييي غييير فعقلك بوووحدك….ومعندكش بلاصة فعقل شيي حد اخررر ..
منين كتوليي احلامك…لحوايج لي مخلياااك تعيييش…مجرد هلوسااات …وأمنياات ….ممكتابش ليها تحقق
هاادشيي كوولو كيهرسس….
هادشيي كولووو فكفة…
وان شخص حسبتيييه عمرك …هوا نسااك تا واش عايش..فكفة تااانيااا…
يديه كيرجفووو…مقادرش تا يسووك. ويحرك لوطوو…كيشوف فيه من لمرايا…سرط ريقو ونطق
شيفور:دابا تلقا غيرها…
كااان ساكت بلاا مينطق او…يهضررر …غير نطق شيفووور…طلق ضحكةة مجهدة….
قهقهة عااليااا…خلات شيفور معرف باش تبلا..قال ان شيد صافي حماق مفيهاااش…
ضححكككك…لكثرر من دقيقة بلاا ميسكت….كيضحكك وعيونو لحومر …كيغدروه ويلوحو دموعهم…
سكت…للحظة .وبهمس نطق”غيرها”
حرك راسوو بلاا” كاينا غير هي…مكاينش غيرها ..ضيعت عمر وانا كنحلم بيها..وغنضيع داكشي لي بقااا ..وانا كنحقق اش حلمت معاها”
(ابتسم جنب)هييي كتبغينييي..غتشوفنيي غتخليي كولشييي…غترجع ليااا…(بهمس)تليلاااو ديالي ديالييي…
كيضر ب فلوطوو بيدو..حاط راسو على زاج..”غتشووفنييي غتفرححح…كييف كنت مخطط…الاا هيي لاا لاا..هي منساتنييش هي وعداتنيي مقدرش تنسانييي …انا واحد لي مكيتنسااش …(ضر. ب راسوو مع زاج ودموعو نازلين) مكيتنساااش…
“داز لوقت”
كانت مكمشة فبيتها ناعسا…
حلات عينيها..منين سمعات صووت أنيين…حداهاا…صوت شخص كيبكيي..بنبرة خافتا…
حلاتها وهي تتشوف راسوو على كرشهاا..محاوطها بيدوو..ولايح ثقل جسمو العريض عليها..كأنو خايفهاا تهرب…
هزز راسوو..فيها..وهي مغمضا عينيهاا بزز
معتصم: تيليلاو مغتخلينييش ياااك ياااك…؟نتي كاع معارفاا..فصبح فاش فقت.وفكرت بلي اتكوني مشيتي..باش حسيت..
هز يدوو كيدوزها على وجها: مغنخليكش.(حرك راسو بلا).مغايخدوكش منيي…اناا منقدرش بلا بيك..مغنعاودش نتعصب عليك أتليلاو( تحجرو عيونو بدموع) عمر نعاود نضر بك ولا نغوت عليك غير بقاي معاياا.(بصوت خافت) أاا وااش تبقااي معايااا أاا؟؟
(عنكش شعرو بيدو..تنهد بجهد)أوووف مبغييتكش تمشييي أووووف ..كاع داكشي لي جاي خططتو معاك
(شد وجهاا..بين يدوو..مقرب وجهو من وجهاا…)نتيي مغتخلينييش يااك ياااك..
قرب نيفو حاطو على نيفها..ثواني تاحط شفايفووو على شفايفهااا..
روح غتخرج منهاا…حاسة بشفايفو فوق شفايفها..ونفسو مخلطا مع نفسهاا..
كتشم.ريحتو مخلطا مع ريحت شرااب ..خايفا لتحل عينيها..ويض ربها وهوا سكران..وخايفا تبقا ويتعدا عليها لنفس سبب…
حسات بريقووو…تخلط مع ريقهاا..مقداش تصبر مزال..دفعاتوو بجهدد..
مسحات فمها وهي تتنهج
تليلا: بعددد منييي ..متعاااودشش تقربب..
رجعات بلور…معنقا راسها: سييير بحااالك سييير وبعد مني.
معتصم:(هز كتافو.حرك راسو جنب) انا منقدرش نبعد..انا غرقت فيييك (قرب وجهو منها) كييف نتي غرقتييي فيا.
” هز يدو مدوزها على خدها”
ونطق ببحت صوتو..المنغم بسكرة..وبثقالة نطق
“كقطرة خمرٍ رأيتك فإذا بك بحر أغرق في هواه..
ومالي والهوى إلا معك
أيا معتصماه لاترحل
فقد أحببتك..لا بل تا لله أدمنتك
وعشقت إدماني فيك
هزات عيونها فيه..ودموعها نازلين..هزات يدها لي كيرجفوو..وحطاتهم على لحيتو تتمسح أثر دموعو
غاديا هي وياه..فطريق..
تيليلا:صافي وااش ققرتي تحرك
معتصم:اه ليلة غنمشيي…
تيليلا:وباش غنعرف انا وصلتي؟
معتصم: لوصلت غتوصلك لك جداتي لخبار..
ساطت بجهد:علاااش باغيي تمشييي..بقاااا جداك راها عايشا بيخير ونتاا تتضيبباني راسك وتعاونها
شاف فيها مبتاسم:جداتييي فعمرها 80 عام واااش عند بالك انمشي على قبلها…هي مكنضنش اتبقا عايشاا تاا نخدم ونوصل..ولكن على الاقل بغيتها تكون مرتاحة لجهتي
تيليلا:وعلاش باغي تمشي؟
معتصم:على قبلك نتييي..باااش نحققو كاع داكشي لي بغينا
تيليلا: انا مبغيتكش تلوح راسك لبحر
معتصم: معنديش مشكل نتلاح فلبحر نتلاح من سمااء نتلاح فاي بلاصة على قبلك…
شافت فيه مبتاسمة…عنكش لهاا شعرها..
معتصم:يلاه دخلي تقراي ..باش نمشي
زادت داخلا..وصلات لباب..وشافت فيه..شار ليها باش دخل…ابتسمات ..ودخلات حيت عارفاه…مغيتحركش لمدخلاتش..
تم غاديي….شااف لظل قداموو ..وشخص بخطوات تقال تابعوو .
دار بزربا ميل وجهو منين شافها
معتصم: لاش خرجتي واش مقريتيش؟
تيليلا:لا قاريا
معتصم: ومالكي تابعاني بحال ظلي
قربات عندوو..مخنزرا فيه
تيليلا: I’ll be your shadow forever
معتصم:شووف لك لعياقة تتعيقي عليا بلونكلي ديالك ..صبري نمشي لسبليون ونعيق عليك تا انا
ضحكات بجهد:قلت لك غنبقااا حياتي كلها ظلك..(قربات وجها تتشوف فعينو)انا شادو الخاص بيك
معتصم:يلاه اشادو الخاص بيا..تحركي قدامي ورجعيي تقراي ممعاناش سليت..منشووفكش تدوري هنا
جرها من شكارتها…
تيليلا:حباس بغيت نقولك واحد لحاجة..
معتصم:دوي ونتي غادة
سرطات ريقها ونطقات: وسمعنيي(كحات ونطقات)
كقطرة خمرٍ رأيتك
فإذا بك بحر أغرق في هواه
ومالي والهوى الا معك
أيا معتصاه..لا ترحل..
فقدأحببتك..لابل تا لله أدمنتك
وعشقت إدماني فييك.
وقف مكوانسي بلا ميتحرك..شافت فيه مصدومة
تيليلا: وااش خايبا(سااطت) صافي حسب مقولت..
سكتات منين جرهاا لعندو بجهد معنقها
كتشوف فيه…ودموعها..نازلين..ميلات وجهاا..
تيليلا: نتاا راجل مزيان..ومبغيتش نضرك..انااا صافيي مزوجا..عفااك..نساا ..كولشيي ..غتلقاا بنت ناس لي تقدركك خرجني من دمااغك..تستاهل حسن منيي تستاهل لي تقدر حبكك..اما انا صافي رانيي مزوجاا
ضحكك بجهدد…ناااض غادي جاي كيضرب فارسووو
رجع عندها..مخنزر فيها..
معتصم: انااا كنستاااهلككك نتييي كنستاااهلكك نتيي..غترجعييي تبغينييي…غترجعيي تقولي لي لخواطر وشعرر كي كنتييي…
(حط يدوو على خدهاا)نتيي عاقلاا قوليها لي مرة خراا..خليني نسمعها من صوتك… يلاه..كقطرة خمرٍ رأيتك…( ضرب يدوو فلخشبة دسرير بزعاف) قوليييييييي
حطات يدها على وجها بخوف
ونطقات بصوت باكيي..كيرجف
تيليلا: أياا معتصمااه ….إرحل..
فمالي والهوى بك…وماعرفته الا مع غيرك
(شهقات تتبكي)
أياا معتصمااه..فلترحم..
فقد أحببت غيرك..لا بل تا لله أدمنته..
وعشقت إدماني فــيـه.
سكت تيشوووف فييهاا..حيدات صباعها..على عينيها تتشوف فيه بخوف ..ونظرتو ليهاا ممفهوماش..
لحظة دصمت ..تكسرات..منين بدااا يضحككك بجهددد..
معتصم:تتبغيييه (كيقهقه بجهد)تتبغييه
نااض كيهرس اي حاجة كيف شي حمق وهوا كيردد “كتبغيه” مرة يضحك مرة يبكي..فحين هي حطاات..يدها على راسها وتكمشات جنب
معتصم: مكاملا تا 6 سنين منين كانت جدة توصل ليي هضرتكك فاش كنت نسولها عليه 6 سنين نسيتيني فيها
شافت فيه..حركات راسها بلا:جداك مشيت عندها مرة وحدة..مكانش بابا يخليني نمشي…تعرفت على بزاف دناس…وقريت فبلاصات خرين…(زيرات على عينيها ودموعها نازلين) تا نتا اكيد معاقلش على كاع ناس لي عرفتي فصغرك…اكيد يعني حنا متسمينا انسان غير وحنا كنساو…وبلاخص ففترة لمراهقة..يعني نتا عارف انها فترة ليي غير تتفوتها تتنسى لحماق لي فيها..
ساكت كيحرك راسو باه:جداتي مقداتش تقولي انك متتجيش تسولي عليااا…حيت هي عارفا (بالغوات), عااارفااا انيي قطعت لبحرر بااش تكونييي معاياا(ضرب فصدرو)نعست فزنقاا ليالي دجووع ولبرد بااش تكونيي معااياا..صبرت على ضرب ولقمعع وكووولشيي باااش تكووني معاياا جييت ضنيت غلقاااك مزالا نتي هي نتي ولقيتك تزوجتي…قلت…..مستحيل تكون نساتنييي هي كانت تموت علياا .ولقيتك نسيتيني سميتي لخراا معقلااش عليهاا..واناا نفسس ليي كنت نتنفس كاان بسميتكك نتي اه نتيي ..(ضحكك بجهدد) ههه اناا اه اناا هه وخا لقيتك مزوجاا درت جهدي تكوني ليااا شريييت دار قبالت داركممم…ووجدت هاد لبيت..شريت مدرسة …غا باش نكون حداك…حرقت يد باباك غيير حيت ضربك .
هزات راسها فييه بصدمة..دموع تحجروو فعينيها
تيليلا: اشش تتقول نتاا؟
معتصم:اه اهه..كنقولك وليت مجرم غير على قبلكك..منقدرش نخلي شي حد كيحكر عليك ولا يبكيك بيخير..حرقت لييه يدوو حيت ضربككك…ووخوك .
وقفات تتشوف فيه…بحقد…ميلا وجها كارزا على سنانها
تيليلا:وااش نتااا..لي قت..لتي صفوان خويا؟
حرك راسو بلاا: واااش كتششوفيني قتا.ل..انا ماشيي..قتاا.ل
حط يدو على خدووو…ضحك بجهد…شاف فيها وبهدوء نطق
معتصم:اناا مقتلووش…لحت ليه 5000 درهم فلبحر وتبعهاا..(ضحك بجهد)مقتلتووووش ما. ت بوحدو
فلماضي لقريب..
كان متكيي على طومبيل…هااز قرعة دشراب فيدووو….
هوا وصحابووو..وشي درياات…
كيضحكووو ويغوتوووو..ويشربوو..ويتقرقبوو
ضربات وحدة فيهم فلوطو..شافت فيه..غامزاه: حديدة ناضيا هادي منين جبتييهااا؟
صفوان(رجع شعرو لور )كادووو من عند لخوادرياا
حركات راسها : آهاااه اوا الله يعطينا تا حنا لي يعطينا كادووو..
زااد عند صاحبوو ليي كيتقرقب
صفوان: اشش هدااك؟
شاف فيها: هادشي كبير عليك..نتا غااا شرااب ومدوخك
صفوان:طلققق غاا نتنغموو تا حنا
“قاد وقفتو” هانيي بيخييير…واقف عطيناا غا ندوقوو.
شاف فدرية لي تتحرك راسو بلا:عنداك تعطيييه هداك راه لمعجوون ومكيقدرش عليه..
مد ليه حبة:راااه راجل خليه يدوووق…
خدااا لحبة ..بقاا واقف معااهم..كيضحككك ….
شافوو جنب منين وقف …بلمووتور…
طلعوه وهبطوو..حوايجوو فلكحل ونفس شي لكاسك..
شافو فبعضهم كيتساءلو على شكون هداك…
وقف عليهمم..نطق تحت لكاسك…
معتصم : صفواااان..
زاد دافع صدروو…كيتمايل
صفوان: هاااهواا اش بغيتيي.
طلعوو وهبطوو..بنص عيين
معتصم: بغييت نشريي ..منك دي طومبيل..
شاف فييه ضاحك..جنب: مكنبيييعش
حرك راسو باه: مكتبيع مكتشري…غااا كتسرق رزق ختك….ار..ويجل…بااش تجيي تبااان على هاد جوج وقيدات لي هنا( شار لبنات)
تقدمات وحدا فيهم عندو: اشووف ازييين غت
طلع على عينو لكاسك..مخنزر فيها
معتصم: غااا اششش؟؟؟؟
“سكتات تتشوف فيه”
معتصم: دووك حقوق المرقة معنديش معاهم قلبيي 6 9 قبل منوووض نقلبب زا** بوووك
رجعات بلووور…شافت فصحبتها
….: تحركي نمشيو من هنااا..مبقاش مرحب بيناا هناا
معتصم: مرحب بيك كتعرضي لياا 60 حزب هنا…ورووليي تق** لداركم..
شاف فيهم لولد: يلاه نوصلكم..( خنزر فصفوان) تهلاااا اولد ختوو
تموز غادين..فحين…معتصم حط يدوو على راسوو..حاس بيييه..غيطرطق..بلعصاااب..ليي فيه كملووه دوك لوقيدات…
صفوان: دابااا شكووون نتا باااش تجري لي على لقوقات..
هزز عينو..فيه…جرووو من كمووز بنفاد صبر
معتصم: ششوووف فياااا…انااا مكالمييي فبلا متعصب بوياااا..غتاخد لفلوس شري قزديرة لراسك..وخلييي عليك..ديال ختك…
دفعوو تا تردخ مع لوطو..
جبد من جيبو…جوا فييه 5000 درهم…
معتصم: هاااا نص مليوون ( جبد اخر) هاااا مليووون..
بقااا يجبد..وصفوان كيشوف فيه بعينين. ..مقلوبين..دنياا كدور بيييه..وحوايج غرااب كيشوووف..
حل باب لووطو..راكب…باغيي غا يهرب من لبلاصة لي تتحرك..بييه…
شاف فيه معتصم كيغزز سنانو..ضرب فلوطو بجهد: خررررججج ولا انهرسها على مككك..
كيشوف فيه بخوووف…دمارا لوطووو…
كمشش معتصممم…واحد من جوا لي عندوو..ورماااه فلبحرر…
خرج صفوان عيينوو…كيشوف فجنبووو..
نطق بهمس: لبحررر كيفييييض…لبحرر
شاف موراااه فلارض ليابساا..كيتخايل ..لبحرر هايج علييه…
ديمارا لوطو..بخووووف…وزاد لقدااام مليووح من الحافة طايح فلمااء…
كاان حاط يدو على راسو كيتكالماا..حيدهاا بزرباا فنفس لحظة..لي رمااا..فيييهاا راسووو…
حرك راسو بلاحول…جبد تيلي بزربا معيط لاسعااف ..معارفش كفاش غتكون حالتوو..منين ايجبدوو..
غير علمهم…ترمااا ..يجبدووو…
“دااز لوقت”
كان…عند راسووو…كيسعف فيييه….فنفس لحظة وصلوو لمسعفييين..
تقدموو عندوو كيديرو ليه لاسعافات..
رجع بلور كيلهث…شعرو فازك نازل على عينووو…
معتصم: قلبو كان سكت..ولكن ..رجعتوو..
شافوو فصفوان..لي كيخرج رغوة من فموو..كيقلب فعينووو
المسعف: وااااش وااكل شيي حاجة مهياش؟دري راه يمكن وااخد لمخدرات بزايد
تهز من بلاصتوو
معتصم: تهزووو ديوه دغيا لسبيطار
شاف فيه..لمسعف..وهوا كيعاون صاحبووو : منضنش..يووصل عايش..
فنفس لحظة ..وقف صفوان على لحركة .وتسمعات شهقة مو. توووو….
كان فبيتهاا…شااد صوورتهاا…
دنيا سدات لبيبان فوجهوو..مخلاا فين قلب مخلاا..تا بلاصة . .وملقاا ليهاا اثر…لبوليس مبقاوش عاطين لموضوع اهمية فقدو لامل فانهم يلقاوها…شي لي خلاه يهز لحمل..
نهار كولو كيدور ويسول ويقلب …وفليل لقا راسو فدار واليديها…حالتهم ولات صعيبة..ولد مات..وبنت تقطعات خبارها..
تكااا على سريرها..معنق صورتها
إبراهيم:فييينك اعمرييي..فييينك..رجعيي ورجعيي ليي عمري…ياربي مبغيت والو غير ترجع ليي مرتي…مبغيييت والوو
فبلاصة لي قريبا ليه كتر ميتصور..
كانت تتغوت وتضرب…فيييه كيييف شييي حمقة….رووح بغااات تخرج ليها منين عرفات..هوا لي قت.ل خوها يعني بسبابها ..
تيليلا:الله ياااخد فيييك لحقققق…الله ياااخد فييك الحق المجر.م …اش دار لكك خويااا أاا علااش حرمتييه من حياتووو لااااش….
كضرب فييه …ضربات فصدرووو…لبلاصة لي بقااا كضرو من لكسيدة لي دار…
تيليلاا: الله ياااخد فيييك لحقققق الله ياخد فييك لحق ..(كتشهق بجهد) اشش دار لك ..
رجع لهاا شعرها لور…كيشوف فعينيها…بعيونو لي حومر بسكرة…
معتصم: ربييي خدا فيا لحقق..نهار تزوجتييي
شافت فيه بغيض: احسن حاجة وقعات اني تزوجت بابراهيم..ومبقيتش عاقلا على كمااترتكك…مورااك عرفت بزاااف..ولكن براهيم بوحدو لي بغيييت..( نزلو دموعها) الق.تااال
قررب وجهووو ..منهاا…مخلي نفسو ونفسها يتخالطو.
معتصم:انا ماشي همااا….تيقي بيا غتبعييه..لفكرتي تخليني..
خرج ساد لباب مخليها طايحا…
فحين هوا زاد لبيتوو .حل باب لبالكون..كيشم لهواا…
ودخل كيجر فرجلوو.طاح على طولتو ناعس…غالباه سكرة ونعاس..
صباح جديد ونهار جديد….
حل عينو بثقالة…ناض كالس..حط صورتها…لبس كاسكيطو..وصبرديلتوو..
حل باب لبالكون.. يخليي ضوء والهواء نقي يدخل…
خرج كيشوووف..فسماااء…نهار اخر بلا بيهاا..غيبداا تقلاب من جديدد…وكيف لعادة .كيدعي الله كيف كل صباح يلقااها
إبراهيم:يااربييي مبقيتش قااادر نصبر ..ياربيي نتا بوحدك لي شااايف ضعفييي وقلت حيلتيي. وعمريي كنت ضعيف بحال هكدااا..نتاا عارف بلي وخا لموت تتكون دايرا بيا كنكون فرحان حيت غنمشي شهيد ولموت على لبلاد شهادة ..ولكن ليوم انا ضعييف اربي..حن فهاد العبد ضعيف ورجع ليه مرتوو
سدد عينووو مزير عليهم ..حلهم م.نزل راسو بشويا .
جاتو عينو فلخامية لكحلة..دلبالكون..لي قبالتوو تتحرك ..فهاد لحظة .جا فبالوو..هضرت.تيليلا..لي كانت ديما تقولو شي حد حاضيها من تم…وتيقولها دار مهجووورة…
نطق وصدمة باينا فوجهو:تيليلااا
حل عينوو…ويدوو فراسو لي عاطيه لحريق…
تفكرر لباارح…وأش وقع…تهززز من بلاصتوو…
زاد نشاان…عندها لبيت..لقاها مكمشااا..وشعرها نازل على وجها
معتصم:تيليلاا….اناا..لباارح..كنت شربان شويا( قوس حواجبو) هضرت وتصرفت بلا عقل..
تيليلا: نتااا ق..تلتي خويا
حرك راسو بلا: هوا مات بوحدوو…تيقيي بيااا…اناا مقتلتووش
هزات عينيهاا فيه لي عامرين بدموع…
حنااا عندها..شاد وجهاا..بين يدو..وصباعو كيمسحوو ليهاا دموعهاا .
معتصم: تيقيني انااا بصح حرقت يد باباك…وكن انا لييي حكرت عليك هكداك كن حرقت يدي..ولكن مقتلتش خووك..هواا كان مع دراري..وترما فلبحر ومنين جبدتوو..مات لي كانو تم قالوو كان واكل..شي عجب..
دوز يدو على شعرها..وهي غير تتشوف .فيه…هززات يدها لي كترجف .وحطاتها على خدووو..
قرب وجهوو منهاا..طبع قبلة على شفايفها .بلا اي حركة منها….
تيليلا: انا مستحيل ..نتيق مريض بحالك.
هزات يدها …وعلى غفلة..ضرباتوو لضهرو جهة كتفووو…بطرف دلمراية …مراية صغيرة لي كانت لاصقا فلايشادوو ديالها..
طاح كالس شااد..عليها…نتر لمراية بجهد..مخلي دمو يسيح..
فنفس لحظة ..كانت
.دفعاتوو..وخرجات بجراا…نزلات من على دروج..وهي نازلاا كتسمع لبراهيم مور لباب كيدق ويغوت باسمهاا..
إبراهيم:( كيغوت وهوا كيفرع لباب) تيليلااا…واااش نتييي هنااا تيليلاااا
تيليلا: إبراااااهيييم…أنااا هناا
وسع عينوو بلهفة: تيليلاا
قبل متنزل عندو..محسات غير وهي مهزوزة…كتغوت بجهد لابراهيم..سدد ليهاا..فمهاا…ملقاا فين يهربها .وهوا كيشوف لباب قربات تفرع.. تم مدخلهاا لدار…
جرهاا لبالكوون دبيتووو…
فرع لبااب…وزاااد بجراا…داخل تابع منين جاي صوتها…
دخل كيجريي…وقف جامد..منين شافوو..واقف..وهي قداموو..شاد ليها فمها…وحاط طرف دلمراية لي كينقط بدم على رقبتها..
وقف جامد بلاصتوو بلا حركة…
إبراهيم:نتااا…( تفكر لاستاذ لي كان كلس معاه فجردة .حرك راسو بشويا) كن شكون مبغيتي تكوون..غير بعد عليهاا
حرك راسو بلاا.
معتصم: منقدرش نبعدد منقدرش نخليهاا لككك
إبراهيم: غيير بعدد عليهاا.أاا..بعدد متخليهاش ليي غير بعدد..
بعدات يدوو من فمها وغوتات بجهد
تيليلا: مديهاااش فياا انا وقت.لووو هوااا لي ق.تل صفوان وحرق يد بابا …
يتبع…
شاف فيها ابراهيم مصدوووم..بلاا مينطق
ابراهيم:تهدني(كيهدنها بيدو)بعددد حط لمووس نتفاهموو..مم حطوو راجل لراجل..
معتصم: (قرب نيفو من شعرها) انااا عمررر كذبت عليك.. خووك بصح …مقت.لتووش.مات بوحدو..معتصم مكيكدبش ونتي اكثر وحدة عارفا هادشي..
سكات تتنفس .بجهد..ودموعها نازلين..نطقات بهمس
تيليلا: صفوااان وبابا نتاا
معتصم: باباك مندمتشش..(شاف فابراهيم) وكن ضربك هدا كن حرقتوو تاهوا (خشاا وجهوو فشعرها)انا كنحميك منهم كلهم
دموعها نازلين .حاسة بانفاسوو فشعرها..
تيليلا: ومن راسك..؟نتا اكتر واحد ضربتيني
زير على عينو وبحرقة نطق:قلتها لكك…انا منقدرش نحميييك منييي..منقدررششش
تيليلا:(ميلات راسها )خلينيي نمشيي عند راجلي عفااك
كيشوف فطرف لي حدا عنقها..نطق بترجي
ابراهيم:طلقهاا وخودني انا
معتصم:(بالغوات)اشش غندير بيك نتاااااا.؟؟؟؟انا كنبغيها هي.
ابراهيم:لي كيبغي مكيبززش حبوو..لحب ماشي بززز
معتصم:هييي مخلات لي تا حل…انا منقدرش نساا كولشيي ونعطيهاا لككك…(برك على مخارج حروفو)منقدرررش
إبراهيم:شوووف لبوليس شويا ايوصلوو..طلق مرتيي وهرب برووحك طلقهاااا…ونساو لموضوع أاا؟
معتصم:بحالك بحالهم..متتخلعونيش(نطق بصوت خافت حدا ودنها) انا مندمتش حيت خطفتك..كن مجربتش..كن.خليتك ليه بسهولة..كانت غتبقاا ديما حرقة فقلبيي…وكيف مكان الحال..انا باقي كنحلم بحياتي معاك..(بصوت مهموس)I’ll be your shadow forever
“غنبقا حياتي كلها ظلك”
ابتسم منين سمع صوت لبوليس..طلقها دافعها جهة ابراهيم..
ليي زاد بجراا معنقهاا..وهي بدورها معنقااه تتشهقق…
ابراهييم:ياااااعمرييي (كيتنفس بجهد) سمحيليي حيت تعطلت علييك سمحيليي..
بعدات علييه شافت فمعتصم.. منين نطق..
معتصم:(حط جوج صباعو على قلبو)شعلتيي نار هناا أنااري..منين عنقتيييه…
قلت لك انا لمقولتش سالا..مكاين لي يساليه..
خرجات عينيها..وهي تتشوفو طالق يدوو فدفوع لطرف لبالكون…حركات راسها بلا..مدات يدها
تيليلا: معتصممم لاااا..لااا لااا عفاااك لااا
بعدات من براهيم لي غا كيشووف…
مدات يدها لي كيرجفوو..
(دموعها كيتلقاو عند اخر خدها..نطقات بصوت كيرجف)
تيليلا: أناااا أناااا مفكراااك بصح مكونتش كنتصوور اتوليي هكدا فااش تكبر ومعرفتكش فاااش شفتكك..(هزات كتافها)ولكن اناا عاقلا عليييك عااقلاا على علاقتناا زوينية(ميلات وجهاا كتشوف وعيونها فازكين بدموع) أناااا اناا كنبغيييك امعتصمم ..بغيتك هادي 12 لعام وعاود بغيتك دابااا..
ابتسم ليهاا: مبغيتهاش هكدا…مكتعنيش ليا هكداا…بغيتها من قلبك..
(رجع بلووور مبتاسم)كقطرة خمرٍ رأيتك فإذا .بك بحر أغرق في هوااه
طلقق يدوو..ولاح راسوو …مخلي جسموو يترطم بلارض
“عييش نتاا هاني وانا يرشيني غرامك”
ترطم بلارض ..لبووليس حاوطووه…كيحاولو يسعفوو فييه ..
كيشوف لييهاا ..وهي كطل من لباركون .ابتسم جنب…ودمع نازل من طرف عينوو..حاااس بعضاموو تقال عليه…حااس بدم..باارد نازل من ودنوو…ودمع سخون نازل على خدووو..
تلاشات صورتهاا…وغزاا الضباب..دنيتوو..
غوتااات لربييي ليي خلقهاا… باسمووو..وطاحت سخفاانة على طولتها…
حلات عينيهااا…فدارها..وففراشهاا…تهزات من بلاصتهااا..كتغوت كييف شييي حمقة
تيليلا: معتتتتصييممممم… معتصصصمممم
بداات تغووت وضرب فرااسهااا كيف شي حمقة…دخل عندها كيجري…زاد عندها جارها معنقها
إبراهيم:شششش موقع والووو ششش صافيي كولشيي سالاا صافييي…سالااا
هزات راسها فيه..تتنفس بجهدد..ودموعها نازلين
تيليلا:واااش مات أاا ماات؟صافيي معتصم مااات؟
إبراهيم:هواا مزال عايش…حالتو صعيبة ولكن دار حادرة..ماشي شي دار لي عالية..مكنضنش يمووت..
“(تخشات فيه تتبكي”)
كان باغي يسولها شنو سبب خوفها على شخص لي خطفها..ولكن حالتهاا …مكانتش ديال هاد سؤال..
دااازت ليااام…وابراااهيمم..ديماا معاهاا مقابلهاا…عاودات لييه..بلي لي خطفها كان كيبغيها من لمراهقة ومتقبلش زواجها منوو..بدات تبع طبيب نفسي ..باش تحسن حالتها…
و ترجع لحياتهااا…
كانت فمكتب الطبيب…كتشوف فيه….
تيليلا: انااا كنعاني من متلازمة ستوكهولم..انا كنفكر غير فليي خطفنيي..كنغمض عينيي صورتووو بين عينو..وصووتو فودني…اناا وليت نحلم بيه بنهار وليل..
شاف فيها طبيب: نتي مكتعانيش منها .كن كنتي تتعاني منهاا ..مكونتيش..اطلبيي من راجلك يدفن لي خطفك..منين لقاك
تيليلا: ولكن انا كان صحابني هوا ق.تل خوياا .منين رجعت تاكدت من هضرتوو وبلي خويا كان متعاطيي ..
جمع يدو كيشوف فيها: نااس لي كيتعاطفو مع خاطفهم..يعني ناس لي كيعانيو من متلازمة ستوكهولم..مكيعرفوش هادشي .وخا يدير شنو مدار .مكيطلبووش شر لخاطفهم..
تيليلا: وااش كيعني هادشي؟
الطبيب: هادشي خصك تعرفيبه نتيي…كنضن شي حاجة كتجمعك مع الخاطف ..شيي حاجة كبر لي جامعاك مع راجلك
زيرر على لكمة يدووو..وهوا كيسمع لحوار لي داير بينها وبين طبيب مور لباب .
نطقات سكريتيرة؛ كنتي جاي تاخد لمدام واش نعيط لك عليها
ابراهيم: بلا متصدعيها..تفكرت حاجة مهمة..
توجه لوطوو…هز تيلي كيعيط لكوميسير..كيعلموو بلي باغي يسحب شكوى لي على معتصم..
“داز لوقت.”
كانت كالساا..كطيب فكوزينة…
تهزات منين حاوطها بيدوو
إبراهيم:لااش كتعدبي راسك رتااحيي
تيليلا: انا وليت بيخير..
دارت تتشوف فيه: عيطولي من لمدرسة لي دفعت ليهاا…وبغاا رجع نقري..نتا عارف منقدرش نبقا فنفس لمدرسة
إبراهيم: رتاااحيي ..لكك نساي عليا لخدمة..انا قاد بيك وبعائلتك..
“خشا راسوو بعنقهاا..كيبوس فيها”
ابراهيم: بقاا ف38 ولا زدتيي فطاي…
بدا يبوس فيها..وهي تتبعدو
تيليلا:عفاااك انا غيكلي..
بعد عليها كيحرك راسو: نتي مزالا عيانة وبغاا لوقت..وخا عارف لي داز عليك ماشي ساهل ..(طبع بوسة فراسهاا) حاوليي دوزيي وقتك مع لعاىلة امتا مبغيتي نديك نديك..شغلي راسك..ولكن نساي لخدمة..هوا فاي نهار يقدر يصح باقي خطر عليك..
بعد منها منين شاف تيلي كيصوني…
داز لوقت ..كانو كالسين على طبلة كياكلو.
تيليلا:اناا بغاا نخدم..باش نشغل راسي ..وتوحشت لولادد…ولمدرسة نقية وزوينة..ولمدير ديالها مأدب..يعني ماشي غير قضية لفلوس
إبراهيم؛صافيي وخا تقدري تخدمي
شافت فيه مستغربا:لعجب دغيا بدلتي رأيك(هزات لماء تتشرب)
إبراهيم:حيت صافي ..كولشي سالا..قبيلة عيطو..راجل لي كان خا. طفك ماا. ت
قطع على لكومسير…وتوجه لكلينيك…
لقااا لبوليس تحركو من حدا باب معتصم ..
زااد داخل عندو…شاافوو..نااعس…ولاجهزة دايرين بييه .
تفكر هضرة طبيب .لي ايام..قليلة هادي فاش قالو..انو خدا ضربة قبيحة على راسو..ولاجهزة لي معاونينو يتحسن…
زااد بثقالة كيشوف فيه..
ابراهيم: نتاااا…خط فتيي مراتييي…ويعلم الله اش درتي لهااا..واشمن مرارة دوقتيهاا..تاا خليتيها كي لحمقة.
(قرب عندو .حاني عندو)واااش صاحبك اندوزهاا لك؟؟ لنتا مريض بييها اناا رااه كثر منك…واااش عارف باش حسييت وهي معااك…لهواااء لخر مكونتش قادر نتنفسوو…وانا مستعد..نقبررر اي واااحدد…يجرب يحط يدوو على مرتييي…
شااف فقناع لاكسجين..لي مخليه عايش ويتنفس نترووو…
ابراهيم: انا ماشيي..مجر م ولكن على قبل مرتي معنديش مشكل نكون مجرم
( ابتسم جنب وتم خارج)
شاف فلكولوار ..خاوييي…تا لكاميرات مكاينين .سبيطار ماشي شي سبيطار لييي مقوي لحراسة .
خشاا يدو فجيبووو..ودفع صدرو .وتم غاديي..
خرج دايز من حدا لاستقبال..
شاف فيه طبيب لي واقف تم..ورجع شاف فلممرضة لي فلاستقبال.
الطبيب:لمريض لي فلغرفة19 نقلوه لغرفة لعادية .مبقاش محتاج لاجهزة ..
..
طيحات لكاس…وصدمة..بانت فوجها..دمعة تحجرات فعينيها..وبتمتمة نطقات”معع مععتتصم مااا. ت؟؟(حركات راسها بلا) كككضحككك معايااا ياااك كضحكك معايااا؟”
ابراهيم:المكتااب
نزلو دموعها: انا سباب..انا…
بداات تغوتت..وتبكييي كيف شي حمقة..وبراهيم معنقهااا..
دااز كتر من شهر..واخيرا جا نهار لي اتبدا لخدمة..بحكم انها كانت عطلة..فيالاه ليوم غتلتاحق…
لابسا كسيوة فلحمر..كعب عالي فلكحل..مقادة مكياجها..ومرجعا شعرها مور ودنها..شعرر لي قطعات منووو..حيت فوق متشوف طويل تفكرر هضرتوو على شعرها طويل وشحال كيعشقوو…
مقداتش تنساه..ولا تنسا اش عاشت..ولكن كتحاول تنااساا..باش متخسرش أش عندها…كتحاول تقوي راسها باش على الاقل منين يرجع براهيم من الخدمة ديالوو..تقد تكمل زواجها معاه..
دخلات لمدرسة..بثقالة..توجهات لمكتب لمدير..دقات ودخلات
شافت لمدير عاطيها بضهر..
تيليلا:سي الحاج..اناا جييت..
سكات منين سمعات تيلي كيصوني..استغربات منين شافت لمدير كيصوني..حطات تيلي على ودنها
المدير:الوو بنتيي ليووم درت معاك باش تجي لمدرسة..بغيت غا نعلمك..بلي انا كبرت ومبقيت قادر على شي مدرسة(كيضحك)..وراه بعتهاا وكثر من اش تستاهل.وهضرت مع لمدير جديد ي…
نزلات تيليي من على ودنها..عيونها وساعو بصدمة..
.وهي تتسمع تصفاااار..على نغمة”تيييك تاااك تييك تاااك”
نطق بصوتو الرجولي الخشن
“انا لمقولتش سالاا مكاين لي يسالييه”
دور لكورسي كيشوف فيهااا مبتاسم. وبصوتو لمهموس نطق
.”واناا مزال مقولتت ساالاا اتليلااو”
البطل ليس من يفووز بالبطلة..
البطل من يحار ب من اجلها لآخر رمق..
أنا ظلك…انا بطل حكاايتك..
النهاااية.